<a href="https://kyzylorda-news.kz/">Kyzylorda-news.kz</a> ақпараттық агенттігінің 23 маусымға арналған жұлдыз-жорамалы.
Тоқты
Ішкі түйсігіңізге мән беріңіз. Ол сізге пайдалы, әрі, нақты жауап беретін болады. Материалдық жағдайыңыз жақсара түсіп, қалтаңыз қалыңдай түседі. Жаңа жұмыстарды қолға алатын сәт келді.
Торпақ
Айтарлықтай ауыр күн. Аздаған түсініспеушіліктер орын алады. Сонымен қатар бастаған ісіңізді соңына дейін жеткізу қиындай түседі. Өз жоспарларыңыздан бас тартып, басқа іспен айналысуды жөн санайсыз.
Егіздер
Жұлдыздар сіздің жақта. Барлығы сіз ойлағандай болып, табысқа бір табан жақындай түсесіз. Шешім қабылдар алдында көп ойланар болсаңыз, қателікке бой алдырмайсыз. Жақындарыңызбен ақылдасыңыз.
Шаян
Қиындықтар жоқ емес. Бүгінгі күн сол қиындықтарды жоюға, өзекті мәселелердің шешімін табуға қолайлы күн. Ұсақ-түйек жұмыстарды назардан тыс қалдырмайсыз, сондықтан қателікке ұрынбайсыз.
Арыстан
Айналаңыздағы адамдармен тіл табысу, олармен ортақ ымыраға келу қиын. Сіз оларға өте ашушаң болып көрінесіз. Бірақ уақыт дер кезінде сіздің іс-әрекетіңіздің дұрыс екендігін көрсететін болады.
Бикеш
Ескі мәселелер қайта айналып келеді. Оған қоса, жаңадан орын алған проблемалар да жүйкеңізге тиетін болады. Оларды шешу, мәселені біржақты ету қиындай түсері анық.
Таразы
Өте керемет күн. Көпшілік сізге жақсы көзқарас танытып, сізді мақтайтын болады. Бұл күні сіз өзіңіз үшін маңызды болған сауалдарға жауап табасыз. Сондай-ақ бұрын ара қатынасыңыз суыған жандармен қайта тіл табысатын боласыз.
Сарышаян
Өзіңіздің ашылмаған қырларыңызбен, талантыңызбен жұртшылықты таң қалдыратын боласыз. Айналаңыздағы адамдар сіздің идеяларыңызды мақтап-мадақтайтын болады. Қаражатқа қатысты мәселелер шешімін табады.
Мерген
Бүгінгі күн сіз үшін өте ауыр болмақ. Ешқайда асығудың қажеті жоқ. Сонымен қатар ойланбай әрекет етпеңіз. Оның соңы жақсылықпен аяқталмайтынын білсеңіз де, кейде тәуекелшіл болып аласыз. Бұл жолы нар тәуекел етпегеніңіз жөн. &nbsp;
Тауешкі
Егер асығыстық танытпасаңыз, барлығы жақсы болады. Сабырлық пен табандылықтың арқасында олжалы боласыз. Бұған дейін де сізге көмегін аямаған жан ақыл айтса, оны тыңдап, кеңесіне жүгінген жөн.
Суқұйғыш
Түске дейінгі уақытта абай болыңыз. Қандай жоспар құрсаңыз да, оның дұрыстығына көз жеткізіп алыңыз. «Асыққан шайтанның ісі» демекші, қай істе болмасын асығыстық танытпағаныңыз жөн.
Балықтар
Еңбектенуге тура келеді. Айналаңыздағы адамдармен тіл табысу қиындай түседі. Олар сізді қызықтыру үшін түрлі амалдар ойлап табады. Сабырлы болыңыз. Ұрыс-керістен бойыңызды аулақ ұстаңыз.

Жұлдыздар не дейді?

<a href="https://kyzylorda-news.kz/">Kyzylorda-news.kz.</a> Мемлекеттік қызметшілер қазіргі заман қарқынынан қалыспауы тиіс. Халқымызда «билігі мықты елдің – тірлігі құтты болар» – деген қанатты сөз бар. Мемлекеттік қызметшінің басты міндеті – туған Отаны мен мемлекетіне адал қызмет етуімен бағаланады. Сондықтан ұлт мәртебесін көтеретін, ел абыройын асқақтатын мемлекеттік қызметкер болу мәртебелі міндет. Өйткені мемлекеттік қызметші биліктің биік бейнесін, іскерлік қабілетін көрсетеді.
Қазақстан Республикасының Президенті Қасым-Жомарт Кемелұлы Тоқаев Жолдауында азаматтардың барлық сындарлы өтініш-тілектерін жедел әрі тиімді қарастыратын тұжырымдамасын іске асыру міндетін жүктелгені баршамызға белгілі. Осы ретте, әрбір тұрғынның өтініш тілектерін орындауда мемлекеттік қызметшілер маңызды рөл атқарады.
Кәсіби мемлекеттік аппарат мемлекеттік қызметшінің жоғары біліктілігіне негізделсе, халық үнін тыңдай білу лауазымды адамдардың өзі ісіне деген үлкен жауапкершілікті сезінуіне байланысты.
Моральдық-әдептілік құндылықтарды жоғарылатудың тағы бір құралы болып Әдеп жөніңдегі уәкіл институты табылады.
Әдеп жөніндегі уәкілдердің алдында тұрған ең маңызды міндеттердің бірі – ол ақпараттық-түсіндіру жұмыстарын жүргізу болып табылады.
Осы мақсатта жүйелі түрде ауданымызда түсіндіру жұмыстары жүргізіліп келеді. Осы ретте мемлекеттік қызметкерлер арасында сауалнама өткізіп, сондай-ақ, азаматтарды қабылдау өткізілуде.
Өздеріңіз білесіздер, әдеп жөніндегі уәкілдер институтын нығайту халықтың мемлекеттік органдарға деген сенімінің артуына, мемлекеттік қызметшілердің мәдениетінің қалыптасуына, сондай-ақ сыбайлас жемқорлыққа қарсы іс-қимыл заңнамасы мен қызметтік әдеп нормаларының бұзылуының алдын алуға мүмкіндік береді.
Қармақшы ауданы бойынша әдеп жөніндегі уәкіл жұмысының жағымды аспектілердің бірі ағымдағы жылдың бірінші жартыжылдығында қашықтықтан семинар, онлайн лекция және БАҚ арқылы 20 рет түсіндірме шаралары өткізілді. Өткен жылдың сәйкес кезеңімен салыстырғанда бұл жұмыстар 2 (екі) есеге артып отыр.
Мұнымен қоса, аудан әкімдігінде бюджет, мемлекеттік сатып алу, мемлекеттік қызмет, сыбайлас жемқорлыққа қарсы іс қимыл заңнамалары талаптарын түсіндіру мақсатында, мемлекеттік қызметшілерге арналған құқықтық оқытулар өткізілді.
Сондай-ақ, аудан тұрғындарын жергілікті атқарушы және құқық қорғау органдарының «Сенім» телефондары және жеке, заңды тұлғаларды қабылдау кестелерімен хабардар ету мақсатында, аудандық «Қармақшы таңы» газетіне аталған ақпараттар тоқсан сайын беріліп келеді.
Сонымен қатар, жыл басынан бүгінгі күнге дейін 15 адам консультациялық көмек алды. (2019 жылдың қорытындысымен 10 адам консультациялық көмекке жүгінген).
Бұл ретте, мемлекеттік қызметшілер және аудан тұрғындары арасында әдеп жөніндегі уәкілдің беделінің артып келе жатқандығын аңғаруға болады. 
Мұнан басқа, тұрақты түрде ұжымда қолайлы моральдық-психологиялық ахуалды анықтау мақсатында 300 мемлекеттік қызметшілер мен аудан әкімдігіне қарасты мекеме қызметкерлеріне анонимді сауалнамалар жүргізіліп, қорытындысымен тиісті ұсынымдар енгізілді.
Айта кететін болсам, жүргізілген сауалнаманың нәтижесінде ауданымыздағы балабақша қызметкерлерінің айлық жалақыларын есептеу мәселелеріне байланысты түсінбеушіліктер туындаған болатын.
Алайда, дер кезінде тиісті шаралар қабылдап (бухгалтерлер ай сайын ұжымға есеп беріп тұру және заңдылықты қатаң сақтау жөнінде тапсырмалар берілді), енгізілген ұсымдардың орындалуы бақылауға алынды.
Сонымен қатар, ауданда сыбайлас жемқорлық фактілерін болдырмау, алдын алу, заңдылықты қатаң сақтау жөнінде, сондай-ақ, республика көлемінде орын алған сыбайлас жемқорлық сипатындағы құқық бұзушылықтар туралы ақпараттар мен тапсырмалар жазбаша түрде ескертпе хат ретінде аудан әкімдігіне қарасты барлық жергілікті атқарушы мекемелерге жүйелі түрде жолдап отыру тәжірибеге енгізілген.
Бұдан бөлек, аудандағы барлық ауылдық округтердің орталықтарында сыбайлас жемқорлық көріністерін болдырмауды насихаттайтын көрнекі ақпараттық бильбордтардың 300 данасы ілініп, сыбайлас жемқорлыққа қарсы мәдениетті қалыптастыру тақырыптарында жергілікті баспасөз бетінде (аудандық «Қармақшы таңы» газеті) 50 мақала жарияланды.
Мемлекеттік қызметтерді көрсету тәртібі туралы түсіндіру жұмыстарын жүргізу мақсатында арнайы бекітілген іс-шаралар жоспарына сәйкес жұмыстар жүргізіліп келеді.
Мемлекеттік сатып алу аясында қолданыстағы заңнамаларды таныстыруға, оның ішінде мемлекеттік сатып алу заңдылықтарының талаптарын, сатып алуды ұйымдастыру мен өткізу, мемлекеттік сатып алу веб-порталымен жұмыс жасауға және т.б. мәселелерге қатысты тәжірибелі сарапшы мамандарының (халықаралық деңгейде сертификатталған) қатысуымен аудан әкімдігіне қарасты барлық дербес бөлім, қала, кент, ауылдық округ әкімі аппараттарының жауапты мамандары мен есепшілері оқытылды.
Бұл өз кезегінде, мемлекеттік сатып алу саласында құқық бұзушылықтарды болдырмауда, сондай-ақ бюджет қаржысын тиімді игеруде оң әсерін тигізді. 
Сондай-ақ, Өздеріңіз жақсы білесіздер, әдеп жөніндегі уәкіл өз функциялары шегінде мемлекеттік қызметшілер мен азаматтарға консультация беретін мемлекеттік қызметші және бұл жұмыстар төңірегінде де бір қатар шаралар атқарылды.
Мемлекеттік органның оң имиджін және ұжымда жағымды ахуал қалыптастыру мен мемлекеттік қызметшілерді одан әрі ынталандыру мақсатында әдеп жөніндегі уәкілдің мемлекеттік қызметшілермен еркін форматта ашық кездесуі өткізіліп тұрады.
Кездесу барысында тікелей интернет байланысы арқылы аудан бойынша барлық мемлекеттік қызметшілер құттықталып, түрлі салаларда қызмет жасап жүрген мемлекеттік қызметшілер марапатталып келеді.
Әдеп жөніндегі уәкіл ретінде алдағы жоспарлар барысында Мемлекет басшысы Қасым-Жомарт Кемелұлы Тоқаев¬тың “жергілікті атқарушы органдар халықпен тығыз байланыс орнатудың жаңа форматына көшуі керек” – деген тапсырмасына бағытталады.
Яғни, мемлекеттік органдардың ашық қызметін қамтамасыз етуге және бюрократиялық кедергілерді жоюға бағытталған «Open space» (Оупен спейс – Ашық кеңістік) қағидасы негізінде жұмыс жасау тәжірибесін кеңінен енгізу.
Қазіргі таңда, аудандық жұмыспен қамту орталығының ғимаратында “Ашық кеңістік” форматына көшіру мақсатында жұмыстар атқарылуда.
Қорытындылай келе Әдеп жөніндегі уәкілдің қызметін мұнан әрі жандандыруға жұмыстар жүргізіле беретін болады.
Елге қызмет ету қашан да мерейлі мәртебе екенін ойласақ, қазіргі жаһанданудың өрелі биігіне қол созған тәуелсіз елімізді өркендету жолында еселі еңбек етіп жатқан мемлекеттік қызметшілерге шынайы ризашылығымызды білдіреміз.
Әділ ҚОШАЛАҚОВ,
Қармақшы ауданы әкімінің орынбасары,
Әдеп жөніндегі уәкіл
<img src="https://kyzylorda-news.kz/wp-content/uploads/2020/06/adep-1.jpg" alt="" />

Әділ Қошалақов: Әдеп жөніндегі уәкіл институты өзінің қажеттілігін дәлелдеді

<a href="https://kyzylorda-news.kz/">Kyzylorda-news.kz.</a> Қазақстан Республикасы Сыбайлас жемқорлыққа қарсы іс-қимыл агенттігінің (Сыбайлас жемқорлыққа қарсы қызмет) Қызылорда облысы бойынша департаментінің ұйымдастыруымен Қызылорда облысының білім саласында сапаны қамтамасыз ету департаментінің басшысы Ғалия Даулетова, Қызылорда облыстық білім басқармасының басшысы Ақзира Қасымова және департамент басшысының бірінші орынбасары Бақытжан Ниязов «ҰБТ кезеңінде сыбайлас жемқорлықтың алдын алу» бойынша ANTIKOR.LIVE жобасы аясында «Facebook» әлеуметтік желісінде тікелей эфир арқылы облыс тұрғындарымен кездесу өткізді.
Кездесу барысында тестілеудің ашықтығы мен объективтілігін қамтамасыз ету үшін Білім және ғылым министрлігінің бұйрығымен еліміздің барлық аймақтарында жұмыс тобы құрылды. Оның құрамына арнайы мониторинг топ, «Адалдық алаңы» жобалық кеңсесінің өкілдері және Агенттік қызметкерлері кіретіндігі атап өтілді.
Бұл топтың негізгі мақсаты тестілеудің «тазалығын» бақылау болып табылады. Қандай да бір сәйкессіздіктер немесе тестілеуді адалсыз тапсыру жағдайлары анықталғанда, олар бұл туралы жауапты тұлғаларға хабарлауға міндетті.
Қазір Агенттік әлеуметтік желілерде, WhatApp мессенджерлеріндегі ата-аналар топтарына мониторинг ұйымдастыруда. Оның нәтижесімен Ұлттық бірынғай тестілеуден оң нәтижеге қол жеткізуге жәрдем көрсету бойынша белгісіз азаматтар анықталуда.
Осыған байланысты Агенттік оқушыларды тек өз білімдеріне ғана сүйене отырып, тест тапсыруға шақырады, ал ата-аналарды тестілеу қорытындысы бойынша оң баға алу мақсатында пара бергені үшін қылмыстық жауапкершілік және бас бостандығынан айыру көзделгенін ескертеді.
Егер азаматтар осындай жағдайға тап болса, сыбайлас жемқорлыққа қарсы 1424 Call-орталыққа&nbsp; қоңырау шалу қажет.
Жалпы, Агенттік Білім және ғылым министрлігімен бірлесіп парасаттылық пен академиялық адалдық идеологиясын ілгерілету бойынша белсенді жұмыс жүргізуде.
<img src="https://kyzylorda-news.kz/wp-content/uploads/2020/06/bilim-1-1.jpg" alt="" />

Қызылордада білім саласының басшылары облыс тұрғындарымен онлайн кездесті

<a href="https://kyzylorda-news.kz/">Kyzylorda-news.kz.</a> Азаматтық авиация комитеті және Қазақстанның авиациялық әкімшілігі ұшу қауіпсіздігін қамтамасыз ету аясында бірқатар жұмыстар жүргізді, деп хабарлайды <a href="https://www.inform.kz/kz/bek-eyr-aue-kompaniyasynyn-sertifikaty-kaytaryp-alyndy-eki-kompaniyanyki-toktatyldy_a3664633">ҚазАқпарат.</a>
Атап айтқанда, заң бұзушылықтарды жою туралы нұсқаулықты орындамаған «Бек Эйр» әуе компаниясының пайдаланушы сертификаты кері қайтарылды.
Сонымен қатар Қазақстан Республикасы және ИКАО Халықаралық азаматтық авиация ұйымы заңнамасының талаптарын орындамауына байланысты «Azee Air» ЖШС және «Sigma Airlines» ЖШС әуекомпанияларының пайдаланушы сертификаттары уақытша тоқтатылды.
«Тиімсіз іске асырылған құқық нормаларын анықтау және оларды жетілдіру бойынша ұсыныс қалыптастыру арқылы заңнаманың тиімділігін бағалау және болжау бойынша жұмыс жүргізіліп жатыр. Осы мақсатта жүк тасымалдауға арналған әуе кемелерін тіркеуге және оларды кейін бақылауға арналған қосымша шарттар анықталды, олар «Қазақстан Республикасының кейбір заңнамалық актілеріне экономикалық өсуді қалпына келтіру мәселелері бойынша өзгерістер мен толықтырулар енгізу туралы» Қазақстан Республикасы Заңы жобасының тұжырымдамасына енгізілген» делінген хабарламада.
ИКАО-ға мүше мемлекеттерде ұшу қауіпсіздігін бақылау деңгейі ИКАО аудитінің нәтижелері бойынша анықталады.
Алдын ала ақпарат бойынша, Қазақстанда ИКАО аудиті 2022 жылдың бірінші жартыжылдығында болады деп күтілуде.
Қазақстанда ұшу қауіпсіздігі саласында Халықаралық азаматтық авиация ұйымының (ИКАО) стандарттары мен ұсынылатын практикасын тиімді енгізу деңгейін арттыру үшін «Қазақстан Республикасының кейбір заңнамалық актілеріне көлік мәселелері бойынша өзгерістер мен толықтырулар енгізу туралы» Қазақстан Республикасы Заңы жобасының тұжырымдамасы әзірленді.

«Бек Эйр» әуе компаниясының сертификаты қайтарып алынды, екі компанияныкі тоқтатылды

<a href="https://kyzylorda-news.kz/">Kyzylorda-news.kz.</a> Ертең – халықаралық олимпиада күні. Елімізде айтулы мереке осымен 27-ші рет өткізіледі.
Сыр елін халықаралық аренада еліміздің Əнұранын шырқатып, көк туын көкте желбіретіп жүрген спортшылары көп.
2008 жылы Пекин Олимпиадасына гандболдан 10 спортшы Қазақстан құрамасында өнер көрсетті. Атап айтар болсақ, Гүлзира Искакова, Екатерина Тяпкова, Ольга Травникова, Наталья Кубрина, Юлия Моркович, Ольга Аджидерская, Елена Илюхина, Ксения Никандрова, Татьяна Парфенова, Ольга Егунова.
<ul>
<li>2008 жылы Пекин жəне 2012 жылы Лондон Олимпиадаларында ауыр атлетикадан Илья Ильин 2 дүркін чемпион атанды.</li>
<li>2012 жылы Лондон Олимпиадасында бокстан Марина Вольнова қола жүлдені иеленсе, еркін күрес балуаны Дəулет Ниязбеков, ауыр атлеттер Алмас Өтешов пен Александр Зайчиков, жеңіл атлет Виктор Лептиковтер қатысып, тəжірибе алмасты.</li>
<li>Лондон Паралимпиадасына облыстан 3 спортшы бақ сынады. Олар: пауэрлифтингшілер Кабира Асқарова мен Айбек Əбжан, жеңіл атлет Ислам Салимов.</li>
<li>2016 жылы Рио Олимпиадасына облыстан 3 спортшы қатысып, ауыр атлетикадан Александр Зайчиков қола жүлдені еншіледі. Еркін күрес балуаны Ғалымжан Өсербаев пен таеквондошы Айнұр Есбергенова шеберліктерін шыңдады.</li>
<li>Жасөспірімдер Олимпиада ойындарында 4 спортшы қатысып, 2 алтын, 2 қола медаль иеленді. 2010 жылы (Қытай) ауыр атлетикадан Рүстем Сыбай мен 2016 жылы (Норвегия) мəнерлеп сырғанаудан Элизабет Тұрсынбаева қола жүлделерге ие болса, 2014 жылы (Қытай) дзюдодан Бауыржан Жауынтаев пен 2018 жылы (Индонезия) байдарка жəне каноэде есудан Диас Бахраддин чемпион атанды.</li>
</ul>
<img src="https://kyzylorda-news.kz/wp-content/uploads/2020/06/olimp-ishine-1.jpg" alt="" />

23 маусым – Халықаралық олимпиада күні. Қызылордалықтардың үлесі қандай?

<a href="https://kyzylorda-news.kz/">Kyzylorda-news.kz.</a> Өздеріңізге белгілі, бүгінде әлем елдері үшін ортақ індетке айналған COVID-19 пандемиясын жұқтырғындар саны өкінішке орай, біздің өңірімізде де күннен күнге артуда. Тұрғындардың қауіпсіздігі мен індеттің алдын алу үшін маңызды шешімдер қабылданып, тиісті шаралар дер кезінде атқарылуда. Осыған сәйкес, қаламызда пандемияның белең алуына орай карантиндік жүйе күшейтілді.&nbsp;
Ардақты жерлестер, өздеріңіздің қауіпсіздіктеріңізді қамтамасыз ету үшін бірқатар шектеулер мен шараларды қабылдауға мәжбүрміз. Өйткені, халықтың саулығы – Мемлекет байлығы. Әрбір қала тұрғынының амандығы үшін сақтық шаралар қолданысқа енді.
Қаламызда короновирус инфекциясының нақтыланған жағдайларының 7 пайызға өсуіне байланысты инфекцияны шоғырландыру және таралуына жол бермеу мақсатында шектеу шаралары эпидемиологиялық жағдай тұрақтанғанға дейін жалғасады.
Дүйім жұртты дүрліктірген дерттің алдын алуға қатысты қатаң ережелерді мақұлдап, шұғыл шараларды жүзеге асыру – баршамызға ортақ міндет.
Дегенмен, тұрғындар тарапынан әлі де бейқамдық байқалады. Жеке бастың қауіпсіздігін сақтап, жақындарыңызға жанашырлық танытудың маңызды екенін ұғынсаңыздар деймін. Қала тұрғындары бірінші байлықтың құндылығын сезінгенгенін қалаймын. Жарқын болашақ пен берекеге толы күндердің куәгері болу үшін де адамға алдымен денсаулық керек. Ол үшін өздеріңіздің қауіпсіздіктеріңізге бүгіннен жауапкершілікпен қарап, айтылған заңдылықтарға бағынуларыңызды сұраймын.
Егер, денсаулықтарыңыздан қандай да бір кінәарат байқасаңыздар дер кезінде медицина қызметкерлерінің көмегіне жүгінгендеріңіз жөн.
Қоғамдық орындар мен көпшілік орталарда жиі төбе көрсетуді азайтып, індеттің таралу ошағы мен қауіпті аймақтарға мүлде жоламау керектігін ұсынамын. Мамандардың кеңесіне құлақ асып, қойылған талаптарды қатаң сақтау да аса маңызды. Санитария нормаларын сақтамау салдырының нәтижесінде карантин режимінің қатаң әдісіне куә болуымыз мүмкін.
Құрметті қызылордалықтар, жақындарыңыздың жанында, жылы ұяңызда болу арқылы сіздер аталмыш індеттің алдын аласыздар. Бірлігіміз бен ынтымағымыздың арқасында қоғам үшін маңызды бұл кезеңді де бірлесіп жеңеміз деген сенімдемін!

Қызылорда қаласының әкімі	қала тұрғындарына Үндеу жолдады

<a href="https://kyzylorda-news.kz/">Kyzylorda-news.kz.</a> Коронавирус инфекциясын жұқтырған азаматтар санының күрт артуына байланысты Қазақстанның кей өңірлерінде карантиндік шаралар қайта күшейтілуде. Азық-түлік және басқа да базарлар, жәрмеңкелер, қоғамдық тамақтану объектілерімен қатар ХҚО-лардың да жұмыс уақыты қысқарды.
Сонымен, бас санитарлық дәрігерлердің шешімі бойынша еліміздің 13 аймағында – Қызылорда, Ақмола, Атырау, Ақтөбе, Алматы, Қарағанды, Қостанай, Түркістан, Солтүстік Қазақстан, Батыс Қазақстан, Жамбыл облыстары мен Алматы және Шымкент қалаларындағы ХҚО-лардың жұмыс кестесі қысқартылды. Ал, Шығыс Қазақстан облысында ХҚО-ның жұмыс уақытына өзгеріс тек Семей қаласы бойынша енгізілді.
Қазіргі таңда «Азаматтарға арналған үкімет» мемлекеттік корпорациясының фронт-офис қызметкерлері банк операторлары, дәрігерлер мен полицейлер секілді азаматтармен тікелей байланыста жұмыс жасап жатыр. Бөлімдерде санитарлық-эпидемиологиялық, әлеуметтік қашықтық және бетперде режимдері қатаң сақталған. Алайда, қызмет алушылар өздерін жайсыз сезініп немесе сырқат белгілерін байқаса ХҚО-ға барудан бас тартуға кеңес береміз.
Коронавирустық инфекцияның таралуына жол бермеу мақсатында автокөлік иелерін мамандандырылған ХҚО-ға бармай-ақ, мемлекеттік қызметтерді онлайн алуға шақырамыз. Бүгінде автокөлікті тіркеу және жүргізуші куәлігін ауыстыру онлайн режимде қолжетімді.
Естеріңізге сала кетейік, ХҚО мамыр айында жұмысын қайта бастаған болатын. Пандемия жағдайында Азаматтарға арналған үкімет жұмыстың жаңа форматына көшуге мәжбүр болды.
Атап айтқанда, қазір ХҚО-лар электронды порталда қолжетімсіз «қағаз» &nbsp;түріндегі қызметтерді ғана көрсетеді.&nbsp; Қызмет алушыларды ХҚО-ға келуін алдын-ала egov.kz порталындағы арнайы сервис және и eGovKzBot2.0 телеграм-боты арқылы брондауы қажет.
<img src="https://kyzylorda-news.kz/wp-content/uploads/2020/06/1-6-scaled.jpg" alt="" />

Қызылордада ХҚО-ның жұмыс кестесі қайта қысқарады

<a href="https://kyzylorda-news.kz/">Kyzylorda-news.kz.</a> Қызылордада ауа райына байланысты ескерту жарияланды. «Қазгидромет» РМК Қызылорда облысы бойынша филиалының хабарлауынша, 23 маусымда Қызылорда облысында солтүстік-батыстан, солтүстіктен жел соғады, күші кей жерлерде 15-20 м/с күтіледі. 
Дабылды ескертудің ықтималдылығы 90-100%.

Қызылордада ауа райына байланысты ескерту жарияланды

<a href="https://kyzylorda-news.kz/">Kyzylorda-news.kz.</a> Мемлекет басшысы Премьер-Министр мен әкімдердің есебін тыңдады, деп хабарлайды Ақорданың баспасөз қызметі.
Президент Қасым-Жомарт Тоқаев Премьер-Министр Асқар Маминнің, сондай-ақ, Нұр-Сұлтан, Алматы қалалары мен Ақмола, Ақтөбе, Жамбыл, Қарағанды, Қызылорда, Павлодар облыстары әкімдерінің коронавирустың таралуына қатысты қалыптасқан ахуал, өңірлердің әлеуметтік-экономикалық даму барысы жайындағы есептерін тыңдады.
Мемлекет басшысы Үкіметке және облыс басшыларына пандемияның таралуын тез арада шектеуге қатысты шұғыл әрі тиімді шаралар қабылдауға, коронавирусқа шалдыққан адамдарға нақты көмек көрсетуге, азаматтардан тест сынамасын алудың ауқымын кеңейтуге, дәрігерлерді арнайы қорғаныс құралдарымен, дәрі-дәрмектермен, өкпеге жасанды жолмен дем беретін аппараттармен және өзге де қажетті құрал-жабдықтармен қамтасыз етуді тапсырды.
Президенттің пікірінше, азаматтардың денсаулығын қорғау ісінде алғы шепте жүрген медицина қызметкерлеріне материалдық және моральдік тұрғыдан қолдау көрсетудің мәні зор. Үкімет пен әкімдер халық арасында карантин режимін сақтаудың аса маңызды екенін түсіндіріп, бұл бағыттағы жұмыстарды белсенді жүргізуге тиіс.
Сонымен қатар, Қасым-Жомарт Тоқаев орталық және жергілікті атқарушы билік органдарына экономиканың құлдырауына жол бермеу, өнеркәсіптік және ауыл шаруашылығы өндірісін арттыру, азаматтардың әлеуметтік қажеттіліктерін толық қамтамасыз ету бойынша нақты шаралар қабылдауды тапсырды.

Қасым-Жомарт Тоқаев Үкімет басшысы мен әкімдердің есебін тыңдады

<a href="https://kyzylorda-news.kz/">Kyzylorda-news.kz.</a> Қазіргі таңда Арал балықшылары жылына жеті мың тоннадай балық ауласа, оның екі мың тоннасын экспорттайды. Осы мақсаттаауданда жылдық қуаттылығы 19 мың тонна балық өңдеуге қауқарлы 8 балық өңдеу зауыты жұмыс істеп тұр. Міне, сол зауыттардың жұмысы нәтижесінде теңізді өлкенің балығының дәмін тату бақыты тек Қытай мен ТМД елдерінің ғана емес, Еуропа халқына да бұйырып отыр.
Ауданның кәсіпкерлік бағытындағы жұмысына қарқын беріп&nbsp;келе жатқан ата кәсіптің мүмкіндігін молайту мақсатында тағы бір жоба басталды. «Арал теңізі» балықшылар қоғамдық бірлестігінің бастамасымен балық қорын көбейту мақсатында жазылған жоба жемісін беріп, «Ғаламдық экологиялық қордың» қаржылай қолдауымен Ақшатау ауылында көлемі 16х30 метр болатын балық шығаратын инкубациялық цех салынды. Бұл цехқа Ресейден УЗВ аппараттары алынып қондырылды. Жобаның жалпы құны – 21 млн теңгені құрап отыр. «Арал теңізі» балықшылар қоғамдық бірлестігінің төрайымы Айнагүл Баймаханова жобаны жүзеге асыру бағытында 11 млн қайтарымсыз грант ұтты.
Аталған цехтың ашылу салтанатына арнайы қатысқан аудан әкімі Мұхтар Оразбаев аудандағы балық шаруашылығының дамуы жайында айта келе цех жұмысына сәттілік тіледі.
Сондай-ақ, ауданнан шыққан алғашқы балық шаруашылығы министрі, мемлекет және қоғам қайраткері Қ.Саржанов игі тілегін арнады.
Жоба серіктестері «Жамбыл» өндірістік кооперативі, дара кәсіпкер Игіліков Төребек бірлесе атқарылатын жұмысты орындаушы «Қазалы Уазис» қоғамдық бірлестігі болмақ. Алынған дернәсілдер теңіздің Арал және Қазалы аумағындағы айдындарына жіберілетін болады. Биылғы жылы іске қосуды жоспарлап отырған бастама аясында 12-15 млн дана личинкалар өсіп шығады деп күтілуде.
Айта кетейік, «Арал теңізі» балықшылар қоғамдық бірлестігінің төрайымы А.Баймаханованың бастамасымен ұсынылған 5 жоба да қолдауға ие болса, соның 3-еуі балық шаруашылығына қатысты. Өткен жылы шарбақтап балық өсіру жобасы негізінде Қаратерең ауылдық округінде Батырхан Прекеев өз кәсібін кеңейтсе, одан бөлек 200 қыз-келіншек балық өңдеу мамандығы бойынша кәсіби білім берілуде.
<img src="https://kyzylorda-news.kz/wp-content/uploads/2020/06/inkwbacijalyk-ceh1-1.jpg" alt="" />
<img src="https://kyzylorda-news.kz/wp-content/uploads/2020/06/inkwbacijalyk-ceh2-1.jpg" alt="" />
<img src="https://kyzylorda-news.kz/wp-content/uploads/2020/06/inkwbacijalyk-ceh3-1.jpg" alt="" />
<img src="https://kyzylorda-news.kz/wp-content/uploads/2020/06/inkwbacijalyk-ceh4-1.jpg" alt="" />
<img src="https://kyzylorda-news.kz/wp-content/uploads/2020/06/inkwbacijalyk-ceh5-1.jpg" alt="" />
<img src="https://kyzylorda-news.kz/wp-content/uploads/2020/06/inkwbacijalyk-ceh6-1.jpg" alt="" />

Аралда балық өсіретін инкубациялық цех іске қосылды

<a href="https://kyzylorda-news.kz/">Kyzylorda-news.kz.</a> Қызылорда облысы Арал ауданында жұмыссыздықпен күрес қарқыны тоқтамайды. Осы жылы «Жұмыспен қамтудың жол картасы» бағдарламасының аясында теңізді өлкеде 604 жаңа жұмыс орнын ашу жоспарлануда. Бұл жұмыс көздері аталған бағдарлама бойынша бекітілген 16 жоба бойынша іске аспақ.
Жобаны ұтқан мердігерлермен арадағы келісімшартқа сәйкес, жұмысшылардың кемінде 50% жұмыспен қамту орталығы арқылы жіберілу қарастырылған.
Биыл Арал қаласында 33 көше жөнделеді. Барлығы 22 шақырымнан асатын көшелердің құрылысына республикалық бюджеттен 660 млн теңгеден астам қаржы бөлінген. Үлкен жобаға «Арал құрылысы» ЖШС мердігер болып танылған. Қазіргі таңда мердігер мекеме аудандық халықты жұмыспен қамту орталығы арқылы аталған жол жөндеу жұмыстарына 43 адамды жұмысқа қабылдап үлгерген.
<blockquote>
 «Бүгінгі күні 5 көшенің астыңғы қабаты тегістеліп жатыр. Құрылыс материалдары дайын. Алдағы аптада асфальт жабындысын төсей бастаймыз. Барлық жұмыстар кезең-кезеңімен әрі уақытында бітеді», – дейді аудандық тұрғын үй-коммуналдық шаруашылық, жолаушылар көлігі және автомобиль жолдары бөлімінің басшысы Амантай Тасқынбаев.
</blockquote>
Бұдан өзге аудандық маңызы бар «Ескіұра елді мекеніне кіреберіс» автожолының құрылысына 99 млн 452 мың теңге қаржы бөлініп, жұмыс басталады.
Тағы қуанатын жаңалық, аудан орталығындағы Абай көшесін абаттандыру жұмысына республикалық бюджеттен 110 млн теңгеден астам қомақты қаржы бөлінген. Бас мердігер – «Наурыз құрылыс» ЖШС. Аталған мердігер аудандық халықты жұмыспен қамту орталығы арқылы 14 адамды жұмысқа қабылдап, абаттандыру ісін бастап кеткен.
Мамыр айында аудан әкімі Мұхтар Оразбаевтың өзі барып іргетасын қалаған қаладағы №2 мөлтек аудан аумағындағы 10 тұрғын үйдің құрылысы қарқынды жүріп жатыр. Мұндағы әр үй 4 пәтерден, бір қабаттан тұрады. Яғни салынатын он үйде 40 пәтер болса, соның жартысы – екі бөлмелі, ал қалғаны – үш бөлмелі пәтерлер.
Үй тұрғызудағы басты мақсат – өз баспанасына қол жеткізгісі келетін аудан тұрғындарының мәселесін шешу. Яғни, аталған жобаның қаржысы «Тұрғын үй құрылыс жинақ банкімен» келісімшарт негізінде облыстық бюджет есебінен бөлінген. Жаңа баспанаға аталған банк арқылы кезекте тұрған салымшылар ғана қол жеткізе алады.
Айта кету керек, жаңа үйлерді салатын бас мердігерлер – жергілікті «Наурыз құрылыс» және «Арал су құрылысы» ЖШС. Қос мердігер кіріскен құрылыс жұмысына аудандық халықты жұмыспен қамту бөлімі арқылы 50-ге жуық тұрғынды тартқан.
Тұрғын үйлер күзге дейін бітіп, 40 отбасы жаңа пәтерде қоныс тойын тойламақ.
<img src="https://kyzylorda-news.kz/wp-content/uploads/2020/06/aral1-12.jpg" alt="" />

Аралда 604 жаңа жұмыс орны ашылады

<a href="https://kyzylorda-news.kz/">Kyzylorda-news.kz.</a> Сыбайлас жемқорлыққа қарсы іс-қимыл агенттігімен бірлесіп, «Адалдық алаңы» жобасы шеңберінде «Сапалы жол – Адалдық алаңы» жобалық кеңсесі құрылды.
Жобалық кеңсенің мақсаты – халықаралық сыбайлас жемқорлыққа қарсы менеджмент жүйелеріне сәйкес келетін орталық қызметінде парасаттылық қағидаттарын және комплаенс саясатын енгізу болып табылады.
Жобалық кеңсенің негізгі тұжырымдамасы автомобиль жолдарын салу, қайта жаңарту және жөндеу кезінде жұмыстар мен материалдардың сапасын сараптау кезеңінде азаматтық қоғаммен тығыз өзара байланыста ашық бақылауды қамтамасыз етуге бағытталған.
Жобалық кеңсенің қызметінің бағыттары:
1) қоғамдық бақылауды қамтамасыз ету;
2) қазіргі заманғы сандық технологиялар мен сыбайлас жемқорлықтың алдын алу құралдарын енгізу;
3) парасаттылық, адалдық және сыбайлас жемқорлыққа төзбеушілік қағидаттарын енгізу;
4) бизнес-процестерді жетілдіру және оңтайландыру.
Сондай-ақ, Ел басының тапсырмасымен жергілікті жолдар желісін ұлғайту және одан әрі дамыту мақсатында “Нұрлы жол” инфрақұрылымды дамытудың 2020 – 2025 жылдарға арналған мемлекеттік бағдарламасы әзірленген. Онда 2025 жылға қарай облыстық және аудандық маңызы бар автомобиль жолдарының жақсы және қанағаттанарлық жағдайын барынша көтеру.
2020 жылы аталған бағдарлама бойынша жол желісін дамытуға республикалық бюджеттен – 11 794,0 млн. теңге облыстық бюджеттен 9 551,0 млн теңге барлығы&nbsp; 21 346,0 млн теңге бөлініп,&nbsp; ұзындығы 488 км автомобиль жолдары мен көшелер және көпір өткелдерін жөндеуден өткізу жоспарланған.
Сонымен қатар, «Сапалы жол – Адалдық алаңы» жобасы аясында Департаменттің, «Ұлттық жол активтері сапасы орталығы» РМК Қызылорда облысы бойынша филиалының қызметкерлері, «Ақмешіт-адалдық алаңы» жобалық кеңсесінің, облыс бойынша арнайы мониторингтік топтың мүшелері және БАҚ өкілдерімен бірлесіп жергілікті маңызы бар автомобиль жолдарының проблемалық учаскелеріне, жолдың қыс мезгіліндегі жай-күйіне, автомобиль жолдарын салу, реконструкциялау, жөндеу және күтіп-ұстауыжылжымалы зертханамен зерделенуде.
Жылжымалы зертханамен шығу барысында жалпы 21 ақаулар анықталып, берілген ұсыныстар нәтижесінде 17 жойылды, 4 ақаулар бойынша жұмыстар жүргізілуде.
Сондай-ақ, ағымдағы жылдың 17 маусымында облыс әкімдігінің ғимаратында «Сапалы жол» жобасының жұмысын жандандыру, оның ішінде автомобиль жолдары, материалдары мен жұмыстарының сапасына сараптама жүргізуді қамтамасыз ету тақырыбында мәжіліс ұйымдастырылды.
Мәжілісте жол саласына жауапты облыс әкімінің орынбасары Серік Сүлейменов, Департамент басшысының бірінші орынбасары Бақытжан&nbsp; Ниязов, Қызылорда облысының жолаушылар көлігі және автомобиль жолдары басқармасының басшысы Мұрат Тілеумбетов, «Ұлттық жол активтері» сапасы орталығы РМК Қызылорда облысы бойынша филиалының директоры Ж.Керімқұлов тақырыпқа сәйкес баяндама жасады және бейнеконференцбайланыс арқылы қала, барлық аудан әкімдері мен жол саласына жауапты әкім орынбасарлары қатысты.
Сондай-ақ, мәжіліс қорытындысымен, «Сапалы жол – Адалдық алаңы» жобасы&nbsp; аясында жұмысты одан әрі жандандыру,&nbsp; автомобиль жолдарын салу, реконструкциялау, жөндеу және күтіп-ұстау кезінде жұмыстар мен материалдардың сапасына сараптама жүргізу мақсатында жергілікті атқарушы органдарға Орталықтың филиалдарымен шарттарға қол қоюды жеделдетуге байланысты ұсынымдар қабылданды.

Қазақстан және Қызылорда облысының жаңалықтары