<a href="https://kyzylorda-news.kz/">Kyzylorda-news.kz</a>. Қызылорда қаласы КБИ мөлтек ауданындағы жеке тұрғын үйдің бірінің әжетханасынан нәрестенің мәйіті табылды.
Қазақстан Республикасы Қылмыстық кодексінің 100 – бабымен (Жаңа туған баланы анасының өлтiруi) сотқа дейінгі тергеп–тексеру амалдары басталды. Күдікті анықталды. Оқиғаның барлық мән-жайлары тексерілуде. Тиісті сот–медициналық сараптамалар тағайындалды. Бұл туралы Өңірлік коммуникациялар қызметінің ақпараттық алаңында өткен брифингте Қызылорда ОПД Тергеу басқармасының бастығы Әбдібек Жаназаров мәлімдеді.
<blockquote>
 “Бізге хабарлама ағымдағы жылдың 1-ші желтоқсан күні сағат 23:21 минут кеткенде полиция департаменті кезекшісінен түсті. Департаменттің жедел-құтқару жасағы бөлімінен 6 қызметкер мен 1 техника апардық. Барған кезде анықталғаны тұрғын үйдің ауласындағы әжетханада кішкене нәресте жатқандығы белгілі болды. Құтқарушылар нәрестені шығарып алып, тергеу тобының қызметкерлеріне табыстады. Нәресте өлі табылды. Оны босанған адам ауруханада. Жағдайы орташа”, – деді облыстық ТЖД бастығының міндетін атқарушы Руслан Қайрақбаев.
</blockquote>

Қызылордада әжетханадан табылған нәрестенің мәйітіне қатысты қылмыстық іс қозғалды

<a href="https://kyzylorda-news.kz/">Kyzylorda-news.kz</a>. Бүгін қала әкімінің орынбасары Асқарбек Есжанов пандемия кезіндегі қиын кезеңде қоғамның пайдасы үшін игі істер жасаған ұстаздарды қабылдап, шаһар басшысының алғысын жеткізді.
Шарада Асқарбек Темірбекұлы ел басына күн туған шақта қала аумағына кіріп-шығу жолдарына қойылған санитарлық бақылау бекеттерінде бір кісідей жұмылып, аяқтан тік тұрып қызмет еткен белсенді азаматтарға алғысын білдіріп, ризашылығын жеткізді. Ел амандығы үшін қызмет еткен жандардың алдағы уақытта да белсенді азаматтық ұстанымдарын қаланың дамуына жұмсап, қаладағы әрбір шараға бастамашыл болатынына сенім білдіріп, республика аумағында төтенше жағдай жарияланған кезеңде өз өмірлерін қауіпке тігіп, барлық сақтық шараларын сақтай отырып, халыққа тікелей қызмет көрсеткен мұғалімдерді қала әкімінің алғыс хатымен марапаттады.
Жиын соңында қала әкімінің орынбасары жас ұрпақты ғана емес, бүкіл болашақ қоғамды қалыптастыратын мәртебелі мамандық иелеріне шығармашылық ізденістер мен ғылыми жетістіктер тіледі.
<img src="https://kyzylorda-news.kz/wp-content/uploads/2020/12/129094681_2723358504597557_8828867389061020407_o-1.jpg" alt="" />

Қызылордада мұғалімдер марапатталды

<a href="https://kyzylorda-news.kz/">Kyzylorda-news.kz</a>. Бүгін Қызылорда облысының әкімі Гүлшара Әбдіқалықова халықаралық мүгедектер күніне орай Қызылорда қаласында кәсібін ашқан мүмкіндігі шектеулі азаматшаның цехына барып, ерекше жанға электронды арбаны тарту етті.
Аймақ басшысы І топ мүгедегі Тамара Ақмағанбетованың құс жастықтарды тазалап, қайта өндейтін «Мамық» цехының жұмысымен танысып, шағын өндірістің жұмыс процесін бақылады. Сондай-ақ, мүмкіндігі шектеулі азаматтарға кедергісіз орта қалыптастыру және оларды бизнеске бейімдеу мәселесінің ерекше назарда екенін жеткізіп, мерекемен құттықтады.
Тамара Ақмағанбетоваға 2012 жылы мойын омыртқасы мен басының арасында пайда болған ісік ауруының салдарынан І топ мүгегедектігі берілген. 2014 жылы Мүгедектерге арналған оңалту орталығында ем қабылдап жүрген сәттен «Даму» қоры арқылы кәсіп ашуға кеңес алып, «Бизнес кеңесші» жобасы арқылы мақтаны қайта өңдеп, көрпеше тігу ісін бастаған.
Ал, 2015 жылы «Бизнестің жол картасы – 2020» бағдарламасы аясында 1 млн теңге грантқа ие болып, құс жастықтарды тазалап, қайта жаңғыртуға мүмкіндік беретін «Мамық» салонын Шиелі ауданынан ашады. Кәсібіне деген сұраныстың артуына байланысты Тамара Асқарқызы 2019 жылы кәсібін Қызылорда қаласына ауыстырып, бизнес аясын кеңейткен. Бүгінде 3 азаматқа жұмыс көзін ұсынып отырған ерекше жан қыз жасауы, көрпе, көрпеше тігу ісін қолға алды. Келешекте тағы 3 маман алуды көздеп отыр. Облыс әкімі Гүлшара Әбдіқалықова мүмкіндігі шектеулі азаматша Тамара Ақмағанбетоваға шағын кәсіптік жандандырудағы қажырлы еңбегін ерекше атап өтті.
Айта кетейік, Қызылорда өңірінде 30 мыңнан астам мүгедектігі бар адам тіркелген. Оның 4372-сі әлеуметтік қызметпен, 194 мүгедек бала күндізгі жартылай стационар жағдайында үкіметтік емес ұйымдар арқылы қызметке алынған. Ал, жұмыспен қамту орталықтары арқылы 807 мүгедек жұмыспен қамтылды. Оның 190-ы тұрақты. 22 мүгедек әлеуметтік жұмыс орындарымен, 47 мүгедек жастар тәжірибесіне, 548 мүмкіндігі шектеулі азамат қоғамдық жұмыстарға тартылған.
Бүгінгі күні мүмкіндігі шектеулі азаматтардың өмірін жақсарту мен оларға кедергісіз орта құруға арналған Қызылорда облысының 2020-2025 жылдарға арналған Жол картасы қабылданды.
Еске салайық, жыл басынан бері облыс бойынша мүмкіндігі шектеулі азаматтарға 40 электронды арба берілді.
<img src="https://kyzylorda-news.kz/wp-content/uploads/2020/12/128702058_2942697352499981_8849166082593572791_n.jpg" alt="" />
<img src="https://kyzylorda-news.kz/wp-content/uploads/2020/12/129140160_2942697445833305_296101043592897471_n.jpg" alt="" />
<img src="https://kyzylorda-news.kz/wp-content/uploads/2020/12/129620578_2942697952499921_5352035975370148051_n.jpg" alt="" />
<img src="https://kyzylorda-news.kz/wp-content/uploads/2020/12/129481390_2942697782499938_6626154758199255947_n.jpg" alt="" />

Аймақ басшысы мүмкіндігі шектеулі жанға электронды арба тарту етті

<a href="https://kyzylorda-news.kz/">Kyzylorda-news.kz</a>. Жаңбыр жауып, жел тұрса, Қызылордада жарық жалп етіп сөнеді. Әсіресе, Байқоңыр қаласына іргелес орналасқан Төретам мен Ақай ауылының тұрғындары электр жарығының жиі өшетініне көп шағымданады, деп хабарлайды <a href="https://24.kz/kz/zha-aly-tar/o-am/item/439916-yzylorda-oblysynda-elektr-toraptary-zha-yrtylyp-zhatyr">«Хабар 24»</a>.
Мамандар оны қосалқы станциялар мен энергия таратушы желілердің тозығы жетуімен түсіндіреді. Осы ретте аймақ бойынша электр тораптарын қайта жаңғыртудың 3 жобасы жүріп жатыр. «Жосалы» қосалқы станциясы 50 мыңнан астам тұрғынды электр энергиясымен қамтамасыз етіп отырған маңызды нысан. Жарты ғасырдан бері жөндеу көрмеген торапқа «Өңірлерді дамыту» бағдарламасы аясында қуаттылығы жоғары трансформаторлар әкелінді. Ақай мен Төретамда да күрмеулі мәселе шешімін тапты. Өткен ғасырдың 60-70 жылдары салынып, Ресейдің меншігінде болып келген қуат таратушы станциялар облыс меншігіне алынды. 33 трансформатор орнатылып, 96 шақырым оқшауланған сым желісі тартылды. Сондай-ақ үйлерге жаңа есептегіш құралдары қойылып, байланыс және автоматты басқару жүйесі жаңартылды. Кезекші мамандар үшін жаңа ғимарат бой көтерді. Электр тораптарын жаңғыртып қана қоймай, қуаттылығын ұлғайту жобасының іске асуымен энергия тұтынудың сапасы мен қауіпсіздігі арта түспек. Мамандардың айтуынша, заманауи технологиялар есебінен электр тоғының ысырабын азайтуға да болады.
<blockquote>
 “4 мыңдық бір ғана трансформатор болса, қазір екі 6300-дік қойдық. Өйткені Төретам, Ақай елді мекені дамып келе жатыр. Қосалқы станцияның электр қондырғыларын автоматтандыру жұмыстары, қорғаныс құралдарының барлығы жаңа технология бойынша салынды. микропроцессорлық қорғаныс құралдары қойылды”, – электр тарату тораптары мекемесінің басқарма төрағасы Мұхитжан Кәрімбаев.
 “Ол жұмыстардың барлығы осы желтоқсанда аяқталады. Нәтижесінде Қармақшы ауданының Төретам, Ақай елді мекеніндегі электр энергиясының тұтынушылары сапалы, үздіксіз электр энергиясымен қамтамасыз етіледі. Келесі жылдары да Қызылорда облысы бойынша мемлекеттік бағдарламалардың аясында электр нысандарын жаңартуға жұмыс жасаймыз”, – облыстық энергетика және ТҮКШ басқармасының басшысы Руслан Нұрмағанбетов.
</blockquote>

Қызылордада электр тораптары жаңғыртылып жатыр

<a href="https://kyzylorda-news.kz/">Kyzylorda-news.kz</a>. Қазгидромет 3-5 желтоқсанға арналған ауа райы болжамын жариялады, деп хабарлайды Қазгидромет.
<blockquote>
 «Оңтүстік циклонмен байланысты республиканың басым бөлігіндегі қар жауып, жел күшейіп, боран соғады деп күтіледі. Тек батыста аздаған бұлтты және аязды ауа райы сақталады. Кей жерлерде тұман күтіледі», – делінген хабарламада.
</blockquote>

Алдағы 3 күнге арналған ауа райы болжамы

<a href="https://kyzylorda-news.kz/">Kyzylorda-news.kz</a>. Бүгін облыс әкімі Гүлшара Әбдіқалықова Америка Құрама Штаттарының Қазақстан Республикасындағы бас консулы Эрик Майермен кездесті.
<blockquote>
 «Біз екі ел арасындағы 29 жыл бойы дипломатиялық қатынастардың қарқынды дамып келе жатқанын мақтан тұтамыз. Осы жылдар ішінде екі мемлекет басшылары тиімді әріптестік және халықаралық қоғамдастықтың сенімді мүшелері қағидаттары негізінде кезең-кезеңімен жақсы қарым-қатынас құра алды. Осының арқасында бүгінде Қазақстан мен АҚШ әскери-саяси, сауда-экономикалық, энергетикалық және басқа да екіжақты ынтымақтастықтың көптеген салаларында ашық және сенімді стратегиялық әріптестер болып табылады. Әлемде қалыптасқан күрделі саяси және экономикалық жағдайда екі елдің өзара іс-қимылы аса маңызды», – деді облыс әкімі.
</blockquote>
Кездесуде өңірді дамыту және Арал теңізінің солтүстік бөлігін қалпына келтіру жобасының жүзеге асырылуы, инвестиция тарту, экономикалық ынтымақтастық, шағын және орта бизнеске қолдау көрсету, экологиялық мәселелер, денсаулық сақтау саласы мен гендірлік саясат сөз болды.
Америка Құрама Штаттары Сырдария өзенінің арнасын реттеу және Арал теңізінің солтүстік бөлігін сақтау жобасына қаржылық қолдау көрсеткен Дүниежүзілік Банктің ірі инвесторы болып табылады.
Іскерлік және сауда-экономикалық ынтымақтастықты дамыту бағытында ағымдағы жылдың қаңтар-қыркүйек айларында Қызылорда облысының ҚР мен АҚШ арасындағы тауар айналымындағы үлесі 660,7 мың АҚШ долларын құрады.Аймақ басшысы экономикалық тиімді бастамаларды қарастыруға дайын екенін айтты. Өз кезегінде Эрик Майер көрсетілген құрметке алғысын жеткізді.

Гүлшара Әбдіхалықова бас консулмен кездесті

<a href="https://kyzylorda-news.kz/">Kyzylorda-news.kz</a>. Парламент Мәжілісінің жалпы отырысында «Қазақстан Республикасының кейбір заңнамалық актілеріне жол жүрісі мәселелері бойынша өзгерістер мен толықтырулар енгізу туралы» заң жобасы бірінші оқылымда мақұлданды, деп хабарлайды <a href="https://www.inform.kz/kz/kazakstanda-zhurgizushi-kualigin-alyp-zhurmegeni-ushin-ayyppul-salynbaydy_a3725356">ҚазАқпарат</a>.
Аталған заң жобасын Парламент депутаттары әзірледі.
<blockquote>
 «Бұл құжат жол жүрісі саласындағы заңнаманы жетілдіруге бағытталған. Заң жобасында Қазақстанда берілген жүргізуші куәлігі және көлік құралын тіркеу туралы куәлікті жүргізушінің өзімен бірге алып жүруге міндеттейтін нормаларды алып тастау көзделеді. Аталған нормаларды сақтамағаны үшін әкімшілік жауаптылықты алып тастау ұсынылады», – деді Мәжіліс депутаты Қанат Мусин.
</blockquote>
Сонымен қатар, бұл түзетулер шетелдік жүргізушілер мен шетелдік көлік құралдарына қолданылмайды. Сонымен қатар, заң жобасында жол салушыларды жолға байланысты құрылыстарды алдын ала келісуге және оларға сараптама жүргізуге міндеттейтін нормалар ескерілді.
<blockquote>
 «Шығарылған уақыты 10 жылдан асқан автобустарды бастапқы мемлекеттік тіркеуге тыйым салу ұсыналады», – деді депутат.
</blockquote>

Қазақстанда жүргізуші куәлігін алып жүрмегені үшін айыппұл салынбайды

<a href="https://kyzylorda-news.kz/">Kyzylorda-news.kz</a>. Қызылорда қаласында полицейлер күннің суығында үйінен шығып кеткен 7 жасар баланы тауып, ата-анасына тапсырды.
1 желтоқсан күні сағат 19:30 шамасында Қызылорда қаласы Полиция басқармасына қала тұрғыны сағат 14:30 шамасында 2013 жылғы кәмелетке толмаған ұлы үйінен ойнауға шығып, кешке дейін қайта оралмағаны туралы хабарлама берді.
Аталған хабарлама бойынша Қызылорда қаласы ПБ-ның жеке құрамы құлақтандырылып, жедел іздестіру шарасын ұйымдастырды. Нәтижесінде, сағат 20:00 шамасында қала көшелерінің бірінде тұрғын үйдің ауласында ойнап жүрген жерінен жасөспірім патрульдік полиция қызметкерлерімен табылып, анасына тапсырылды.
Полиция басқармасының ювеналды полиция қызметкерлерімен анасымен түсіндірме жұмыстары жүргізілді.
Табылған баланың ата-анасы Қызылорда қалалық полиция басқармасының қызметкерлеріне жедел түрде атқарған жұмыстарына алғыстарын білдірді.

Қызылордалық полицейлер жоғалып кеткен 7 жасар баланы тапты

<a href="https://kyzylorda-news.kz/">Kyzylorda-news.kz</a>. Парламентке енгізілген заң жобасы аясында жер учаскесін беру тәртібі жеңілдетіледі. Бұл туралы үкіметтің бүгінгі отырысында премьер-министр Асқар Мамин айтты, деп хабарлайды&nbsp;<a href="https://sputnik.kz/">Sputnik Қазақстан</a>.&nbsp;&nbsp;
<blockquote>
 “Тағы бір маңызды мәселе – жер қатынастарын цифрландыру. Жылжымайтын мүліктің бірыңғай мемлекеттік кадастрын жасау бойынша ауқымды жұмыс жасалып жатыр. Ол жер учаскелері, құрылыстар мен ғимараттар жөніндегі деректерді қамтитын болады”, – деді Мамин.
</blockquote>
Үкімет парламентке жылжымайтын мүліктің бірыңғай мемлекеттік кадастры шеңберінде мемлекетте көрсетілетін қызметтерді цифрландыруға арналған заң жобасын енгізді. Құжат біраз қызметтерді электронды форматқа ауыстыруға, жер учаскелерін беру тәртібін оңайлатуға, жалпы, халыққа көрсетілетін қызметтердің сапасын жақсартуға мүмкіндік береді, деп отыр премьер.
Үкімет басшысы отандық агроөнеркәсіп кешенін толығымен цифрландыру басты міндет екенін ерекше атап өтті. Соның арқасында өнім өндіру шығындары азайып, сапаны жақсартуға мүмкіндік бар.
<blockquote>
 “Жалпы, ауыл шаруашылығы мақсатындағы 100 миллионнан астам гектар жер 5 жылдың ішінде цифрландырудан өткізіледі. Оған мемлекеттік-жекешелік әріптестік аясында 50 миллард теңге көлемінде инвестиция қажет болады. Қазірдің өзінде осы саланы цифрландырудың нәтижесінде тиімді тәжірибе жинақталды. Алдағы уақытта цифрландыру есебінен астық жинау жылына 25 миллион тоннаға дейін ұлғаяды”, – деп атап өтті Мамин.
</blockquote>
Бұдан бөлек, цифрландыру шараларының нәтижесінде өсімідік және мал шаруашылығы саласындағы өнім өндіру 20 процентке дейін артады. Ал фермерлердің шығыны 15 процентке азаяды.

&#8220;Жер учаскелерін беру тәртібі жеңілдейді&#8221;: заң жобасы әзірленді

<a href="https://kyzylorda-news.kz/">Kyzylorda-news.kz</a>. ҚР Тұңғыш Президенті – Елбасы Нұрсұлтан Назарбаев «Qazaqstan» телеарнасына берген сұхбатында «Ел астанасының Түркістанға көшуі мүмкін бе?» деген сұраққа жауап берді, деп хабарлайды <a href="https://lenta.inform.kz/kz/el-astanasy-turkistanga-koshui-mumkin-be-nazarbaevtyn-zhauaby_a3725173">ҚазАқпарат</a> .
<blockquote>
 «Ондай әңгімелердің негізі жоқ. Бірақ айтудың жөні бар ғой. Түркістан әсіресе сол жақта тұратын, Түркістанның жағдайын білетін адамдар солай деп ойлайтын шығар. Тарихы терең, әрине. Қожа Ахмет Яссауи осында келіп, мұсылмандықты уағыздаған. Бұл түркі дүниесінің мұсылман болуына ықпал етті. Сондықтан олар сыйлайды, жақсы көреді. Әсіресе Түркиядан барлығы келгісі келеді, көргісі келеді. Солай болғаннан кейін, ел астанасы болса деген ойлар бар шығар. Бірақ қазіргі астанамызды әрі қарай ұлғайтамыз. 200 мыңдай халқы бар бұрынғы Ақмола 1 млн 200 мың халқы бар шаһар болды. Нұр-Сұлтан деген ат болды. Мен өзім мұны ұсынғам жоқ, бірақ қарсы да болғаным жоқ. Себебі, астананың әрбір тасы менің нұсқауыммен, әрбір ғимарат менің қатысуыммен салынды. Сондықтан өзіміздің Нұр-Сұлтан қаласын дамытамыз», – деп жауап берді Елбасы.
</blockquote>

Ел астанасы Түркістанға көшуі мүмкін бе – Назарбаевтың жауабы

&nbsp;<a href="https://kyzylorda-news.kz/">Kyzylorda-news.kz</a>. Елімізде бір тәулікте коронавирус 770 адамнан анықталды, деп хабарлайды <a href="https://www.coronavirus2020.kz/kz">coronavirus2020.kz</a>&nbsp;.
1 желтоқсан, сағат 23:59-ға дейінгі эпидемиологиялық жағдайға сәйкес, Қазақстанда өткен тәулікте коронавирус 770 адамда ПТР-сынама арқылы расталды.
Өңірлер бойынша: 
Нұр-Сұлтан қаласында – 66 
Алматы қаласында – 42 
Шымкент қаласында – 9 
Ақмола облысында – 90 
Алматы облысында – 29 
Атырау облысында – 25 
Шығыс Қазақстан облысында – 141 
Жамбыл облысында – 15 
Батыс Қазақстан облысында – 29 
Қарағанды облысында – 20 
Қостанай облысында – 84 
Қызылорда облысында – 1 
Маңғыстау облысында – 1 
Павлодар облысында – 106 
Солтүстік Қазақстан облысында – 107 
Түркістан облысында – 5
Қазақстанда бүгінге дейін коронавирус індетін 133 118 адам жұқтырған.

Қызылорда облысында коронавирус тіркелді

<a href="https://kyzylorda-news.kz/">Kyzylorda-news.kz</a>. 2 желтоқсанда Қазақстан аумағында жел күшейіп, тұман тсүеді, кей жерлерде көктайғақ болуы ықтимал.
Сәрсенбіде фронталды бөліктердің ықпалымен еліміздің оңтүстігі, оңтүстік-батысы және оңтүстік-шығысының кей жерлерінде жауын-шашын (көбінесе қар), солтүстіктің кей жерлерінде – аздаған қар жауады. Қазақстанның қалған бөлігінде антициклонның әсерінен күн райы ашық болады. Еліміздің кей жерлерінде тұман түсіп, көктайғақ болады, жел күшейіп, оңтүстікте жаяу бұрқасын соғуы ықтимал.
Қызылорда ​​облысының кей жерлерінде жел 15-20 м/с күшейеді.

Қазақстан және Қызылорда облысының жаңалықтары

Қызылордада әжетханадан табылған нәрестенің мәйітіне қатысты қылмыстық іс қозғалды

Қызылордада мұғалімдер марапатталды

Аймақ басшысы мүмкіндігі шектеулі жанға электронды арба тарту етті

Қызылордада электр тораптары жаңғыртылып жатыр

Алдағы 3 күнге арналған ауа райы болжамы

Гүлшара Әбдіхалықова бас консулмен кездесті

Қазақстанда жүргізуші куәлігін алып жүрмегені үшін айыппұл салынбайды

Қызылордалық полицейлер жоғалып кеткен 7 жасар баланы тапты

“Жер учаскелерін беру тәртібі жеңілдейді”: заң жобасы әзірленді

Ел астанасы Түркістанға көшуі мүмкін бе – Назарбаевтың жауабы

Қызылорда облысында коронавирус тіркелді

2 желтоқсанға арналған ауа райы болжамы

Қазақстан және Қызылорда облысының жаңалықтары

Қызылордада әжетханадан табылған нәрестенің мәйітіне қатысты қылмыстық іс қозғалды

Қызылордада мұғалімдер марапатталды

Аймақ басшысы мүмкіндігі шектеулі жанға электронды арба тарту етті

Қызылордада электр тораптары жаңғыртылып жатыр

Алдағы 3 күнге арналған ауа райы болжамы

Гүлшара Әбдіхалықова бас консулмен кездесті

Қазақстанда жүргізуші куәлігін алып жүрмегені үшін айыппұл салынбайды

Қызылордалық полицейлер жоғалып кеткен 7 жасар баланы тапты

&#8220;Жер учаскелерін беру тәртібі жеңілдейді&#8221;: заң жобасы әзірленді

Ел астанасы Түркістанға көшуі мүмкін бе – Назарбаевтың жауабы

Қызылорда облысында коронавирус тіркелді

2 желтоқсанға арналған ауа райы болжамы

“Жер учаскелерін беру тәртібі жеңілдейді”: заң жобасы әзірленді