<a href="https://kyzylorda-news.kz/">Kyzylorda-news.kz.</a> Бүгін Қазақстан аумағының басым бөлігінде ауа райы құбылмалы болады, деп хабарлайды Қазгидромет. 
Республиканың бірқатар аймағында жауын жауып, солтүстік-батыста, күндіз солтүстікте және орталықта найзағай ойнап, жел күшейеді. Кей жерлерде тіпті бұршақ жаууы да ықтимал. Сондай-ақ республиканың бірқатар бөлігінде шаңды дауыл көтерілуі мүмкін. 
Солтүстік Қазақстан, Қарағанды облыстарында түнде жел күшейіп, жылдамдығы секундына 15-20 метрге, күндіз елдің басым бөлігінде секундына 15-20 метрге, екпіні 23-28 метрге жетеді. Бұршақ жаууы да ықтимал. 
Ақмола, Қостанай, Шығыс Қазақстан облыстарының кей бөлігінде жел секундына 15-23 метр жылдамдықпен ұйтқиды. Бұршақ жаууы ықтимал. 
Павлодар, күндіз Ақтөбе, Алматы облыстарында жел секундына 15-25 метр жылдамдықпен соғып, Павлодар облысында бұршақ жаууы ықтимал. 
Жамбыл, Түркістан, Қызылорда облыстарының кей жерлерінде жел күшейіп, жылдамдығы секундына 15-20 метрге жетеді. Қызылорда облысында шаңды дауыл көтерілуі мүмкін. 
Күндіз, Алматы, Атырау, Маңғыстау, Қызылорда, Батыс Қазақстан, Қарағанды, Шығыс Қазақстан облыстарының оңтүстігінде аптап ыстық болады. 
Қызылорда, Атырау облыстарының басым бөлігінде Ақтөбе, Жамбыл, Батыс Қазақстан, Түркістан, Алматы, Қарағанды облыстарының кей жерлерінде өрт қауіпі сақталады.

24 шілдеге арналған ауа райы болжамы

1824 жылы&nbsp;Орал қаласында Жәңгір Бөкейұлы хан болып жарияланды.
1944 жылы&nbsp;Қазақ ССР Халық комиссарлары кеңесі «1944 жылы қазанның 1-де Алматы мемлекеттік өнер институтын ашу туралы» қаулы қабылдады. Аталмыш мекеме Алматының музыкалық-хореографиялық комбинаты негізінде құрылды. Сондықтан комбинат директоры И.Круглихин алғашқы ректоры міндетін атқарды. 1945 жылы консерваторияға Құрманғазы есімі беріліп, басшылыққа Ахмет Жұбанов келді.
2001 жылы&nbsp;Қырғыз Республикасының астанасы Бішкек қаласындағы «Еменді бақта» жазушы Мұхтар Омарханұлы Әуезов ескерткішінің ашылу салтанаты өтті.
2003 жылы Қызылорда қаласында “Үміт” медициналық орталығы ашылды.
2009 жылы&nbsp;Атырауда Хиуаз Доспанова атындағы жаңа заманауи Мұз айдыны сарайы пайдалануға берілді.
Жаңа спорт кешенінің көлемі 1800 шаршы метрден астам аумақты алып жатыр, онда жаттығулармен қатар командалық жарыстар өткізіледі.
Хиуаз Қайырқызы Доспанова (1922-2008) – қазақтың тұңғыш ұшқыш қызы. Атырау облысында дүниеге келген. Ұлы Отан соғысында әскери ұшақпен аспан төрінде ерлігімен танылған, ал соғыстан кейінгі бейбіт өмірде қайраткерлігімен дараланған қазақтың қаһарман қызы. Өжеттілігі мен ерлігі үшін Қызыл Жұлдыз, ІІ дәрежелі Отан соғысы, Қызыл Ту ордендерімен және көптеген медальдармен марапатталған. Ұлы Жеңістің 60 жылдық мерейтойы қарсаңында соғыс ардагері, ұшқыш қыз Хиуаз Доспановаға Қазақстан Республикасы Президентінің Жарлығымен «Халық қаһарманы» атағы берілді. Атырау қаласында ескерткіш орнатылып, оның есімі бір көшеге берілген.
2016 жылы&nbsp;Қазақстан Республикасының Ұлттық олимпиада комитеті мен «Қазпошта» АҚ Рио-де-Жанейродағы Олимпиада ойындарына арналған «Спорт» сериясындағы пошта маркаларын шығару туралы келісімге қол қойды.

24 шілде: Ел тарихында орын алған оқиғалар

<a href="https://kyzylorda-news.kz/">Kyzylorda-news.kz</a> ақпараттық агенттігінің 24 шілдеге арналған жұлдыз-жорамалы.
Тоқты
Түске дейін ешкімнің көңіліне қарап, жағдайын жасамаңыз. Салқынқандылық танытқаныңыз жөн. Бұл ісіңіз көп көмегін тигізеді.
Торпақ
Әр қадамыңызды аңдап басыңыз. Асығыстық танытудың қажеті жоқ. Әсіресе шығармашылықпен айналысатын жандар байқампаз болыңыз.
Егіздер
Бүгінгі жұмыстарды ертеңге қалдырмаңыз. Ішкі түйсігіңізге сеніңіз, сонда ғана барлық жұмысты дұрыс істейтін боласыз.
Шаян
Маңызды шаруалар күтіп тұр. Көздеген мақсатқа жете аласыз. Маңызды мәселерді асықпай отырып шешетін боласыз.
Арыстан
Бүгін орын алған оқиғалар өміріңізді жаңадан бастауға, өз қалауыңыздағыдай өрбітуге мүмкіндік береді. Жақындарыңызбен бірге болыңыз.
Бикеш
Өте сәтті күн. Адамдармен жақсы қарым-қатынаста болыңыз. Қызықты ұсыныстар түседі. Сөзі өтімді жандармен серіктес боласыз.
Таразы
Қаржылық жағынан жолыңыз болады. Есеп-шотыңызға қомақты қаражат түседі. Ақшаны ақылмен жұмсайсыз. Бірақ қажетті дүниеге еш аянбайсыз.
Сарышаян
Адамдармен тіл табыса аласыз. Олардың жағдайын түсінуге тырысасыз. Ешкімнің көңілін қалдырғыңыз жоқ. Кикілжіңдерден бойды аулақ ұстайсыз.
Мерген
Қиындықтармен күресе аласыз. Бірақ оған біраз уақыт қажет. Эмоцияңызды сыртқа білдірмеуге тырысасыз. Соның арқасында дұрыс шешім қабылдайсыз.
Тауешкі
Керемет күн. Күтпеген тосынсыйлар болып, жағымды жаңалық естисіз. Соңғы уақытта мазаңызды алған сауалдарға жауап табасыз.
Суқұйғыш
Бүгін достармен бас қосып, алдағы күндерге жоспар құруға қолайлы күн. Жеке өміріңізге қатысты біршама мәселелерді шешетін боласыз.
Балықтар
Маңызды шаруаға қатысты шешім шығарасыз. Дәл қазіргі сәтте барлық жағдайды дұрыс бағамдай аласыз. Сондықтан дұрыс шешім шығарасыз.

Жұлдыздар не дейді?

<a href="https://kyzylorda-news.kz/">Kyzylorda-news.kz.</a> Қызылордада 184 739 гектар жерге ауылшаруашылығы дақылдары егілді. Бұл туралы Өңірлік коммуникациялар қызметінің ақпараттық алаңында өткен брифингте облыстық ауыл шаруашылығы басқармасының басшысы Сейілбек Нұрымбетов мәлімдеді.
<blockquote>
 «Дәнді дақылдар өткен жылы 97,5 мың га, мал азықтық дақылдар 60,2 мың га, картоп, көкөнiс, бақша 17,4 мың гектарға егілсе, ал биыл дәнді дақыл 1736 гектарға, мал азықтық дақылдар 2 094 гектарға, картоп, көкөніс және бақша дақылдары 79 гектарға артты. Бұған қоса, облыста алғаш рет егістікті әртараптандыру бағытында перспективалы дақылдар қант құмайы 80 гектарға, соя 170 гектарға, жүгері дақылы 1 507 гектарға дейін жеткізілді. Сондай-ақ, ылғал сақтағыш аквагельдерді пайдалану арқылы 80 гектар аграрлы жерге күздік бидай дақылы егілді», -деді Сейілбек Серғазыұлы.
</blockquote>
Қазіргі таңда, облыста 5 түрлі ауылшаруашылығы өнімі эскпортталуда. Бұл өнімдер әлемнің 12 мемлекетіне экспортталып келеді. Сонымен қатар, Ресей еліне де қарбыз, қауын, көкөніс өнімдері жіберілуде.

Қызылордада биыл 185 мыңға жуық гектарға ауылшаруашылығы дақылдары егілді

<a href="https://kyzylorda-news.kz/">Kyzylorda-news.kz.</a> 24 шілдеде түнде және таңертең Қызылорда облысының кей жерлерінде найзағай күтіледі. Бұл туралы «Қазгидромет» РМК Қызылорда облысы бойынша филиалы хабарлады.
Өңірдің кей жерлерінде шаңды дауыл күтіледі. Батыстан, солтүстік-батыстан жел соғады, күші кей жерлерде 15-20 м/с сақталады.
Күндіз оңтүстікте 40 градус қатты ыстық, басым бөлігінде өте жоғары өрт қауіпі сақталады. Дабылды ескертудің ықтималдылығы 90-100%.

Қызылордада ауа райына байланысты ескерту жарияланды

<a href="https://kyzylorda-news.kz/">Kyzylorda-news.kz.</a> Бұлақ жанында есірткі еккен Қызылорда облысының 2 тұрғыны ұсталды.
2020 жылы 19 шілде күні қызылордалық полицейлермен Жаңақорған ауданы, Қосүйеңкі ауылынан 40 шақырым жерде орналасқан «Бота соққан» деп аталатын жерде бұлақ жанында егілген 14 келі 383,28 грамды құрайтын 240 түп сора өсімдігі мен 653,42 грамм болатын 100 түп көкнар өсімдігі анықталды.
Жедел-іздестіру іс-шараларын жүргізу барысында Жаңақорған ауданының 2 тұрғыны ұсталды. Күдікті азаматтарды тексеру барысында полиэтилен пакетке оралған кептірілген шөп ұнтақтары айғақ зат ретінде алынды.
Сараптама қорытындысымен&nbsp;алынған ерекше иісі бар зат «кептірілген марихуана» екені анықталды.&nbsp;Күдіктілер уақытша ұстау абақтысына қамаққа алынды.
Қазіргі таңда бұл дерек бойынша ҚР Қылмыстық кодексінің 300-бабының 2-бөлігімен&nbsp;«Ірі мөлшерде өсiруге тыйым салынған өсiмдiктердi егу немесе өсiру немесе сораның, көкнәрдiң немесе құрамында есiрткi заттар бар басқа да өсiмдiктердiң сұрыптарын егіп-өсіру»&nbsp;сотқа дейінгі тергеп-тексеру амалдары жүргізілуде.

Қызылорда: Бұлақ түбіне есірткі еккендер ұсталды

<a href="https://kyzylorda-news.kz/">Kyzylorda-news.kz.</a> Елімізде жұқпалы індет кең етек жайған кезеңде Қазалы ауданының жастары көптеген игі істер атқаруды.
Жастардың тұрғындарға аурудың алдын алу, қауіпсіздік шараларын түсіндіру бағытындағы еңбектері ұшан-теңіз.
Апта басынан бері Қазалы аудандық жастар ресурстық орталығының жастары мен еріктілер «Бетперде тағып жүрейік» акциясы тегін медициналық маскалар таратты.
Сейсенбі күні аудан жастары халық көп шоғырланған жерлерге барып, 300 медициналық масканы үлестірді. Алдымен аудан орталығындағы халыққа қызмет көрсету орталығы, «Қазпочта» АҚ мен «Халық банк» АҚ Қазалы аудандық филиалдарының алдында кезекте тұрғындарға ұсынды.
Ал, бүгін 300 дана масканы қоғамдық көліктер мен аялдамаларда тұрған жолаушыларға, орталық базардағы және азық-түлік дүкендерінде тұрғындарға таратты.
Бұл бастама апта соңына дейін өз жалғасын табады.
<img src="https://kyzylorda-news.kz/wp-content/uploads/2020/07/kazaly-maska-1.jpg" alt="" />
<img src="https://kyzylorda-news.kz/wp-content/uploads/2020/07/kazaly-maska1.jpg" alt="" />
<img src="https://kyzylorda-news.kz/wp-content/uploads/2020/07/kazaly-maska2.jpg" alt="" />
<img src="https://kyzylorda-news.kz/wp-content/uploads/2020/07/kazaly-maska3.jpg" alt="" />
<img src="https://kyzylorda-news.kz/wp-content/uploads/2020/07/kazaly-maska4-1.jpg" alt="" />
<img src="https://kyzylorda-news.kz/wp-content/uploads/2020/07/kazaly-maska6-1.jpg" alt="" />
<img src="https://kyzylorda-news.kz/wp-content/uploads/2020/07/kazaly-maska7-1.jpg" alt="" />

Қазалы жастары күніне 300 тегін медициналық маска таратты

<a href="https://kyzylorda-news.kz/">Kyzylorda-news.kz.</a> Бүгін Қызылорда облысының әкімі Гүлшара Әбдіқалықованың төрағалығымен селекторлық режимде Сырдария ауданының эпидемиологиялық ахуалына қатысты мәжіліс өтті.
Жиында алдымен аудан әкімі Руслан Рүстемовтің індеттің алдын-алу және таралуын болдырмау мақсатында атқарылып жатқан жұмыстары туралы баяндамасы тыңдалды.
Бүгінгі күнге дейін ауданда COVID-19 инфекциясымен 156 науқас тіркеліп, 65 адам емделіп шықты. Қазіргі таңда инфекциялық стационарда 27, үй жағдайында 1 науқас ем алуда. Пневмониядан 155 адам ауырып, 98 жазылып шықты.
Ауданда 80 төсек орны бар. Ахуал күрделенген жағдайда Шаған ауылдық ауруханасынан инфекциялық стационарға резервтік 30 орын, Аманкелді ауылдық ауруханасынан 20 орын, сонымен қатар, «Жалын» тынығу лагерінен 100 провизорлық төсек орын ашуға тиісті жұмыстар ұйымдастырылуда. Жалпы 150 төсек орын дайындалады деп жоспарлануда.
Науқастарға ем алу үшін барлық жағдай жасалған. Ауданда 2 өкпені жасанды желдету (ИВЛ) аппараты, 4 оттегі концентраторы, 50 оттегі баллоны бар. Сонымен қатар, демеушілер есебінен қосымша 50 оттегі баллондарын алу жоспарланып отыр.
Жалпы карантин жарияланған кезеңнен бастап аудан бойынша демеушілер мен еріктілер тарапынан аудандық аурухана мен елді мекендерге медициналық құралдар, дәрі-дәрмектер, азық-түлік түрінде 13,4 млн теңгеге көмек көрсетілді.
Коронавирустың таралуын шектеу мақсатында 12 мобильдік және 3 мониторингтік топтар құрылып, күнделікті кәсіпкерлік нысандарын және арнайы белгіленген аймақтарын аралап, санитариялық талаптардың сақталуына бақылау жасауда және тұрғындар арасында отбасылық жиындардан бас тарту туралы түсіндірме жұмыстарын үздіксіз жүргізіп келеді.
Облыс әкімі инфекциялық орындарды көбейтуді және қажетті аппараттар, дәрілік заттармен қамтамасыз етуді тапсырды.
<blockquote>
 «Инфекциялық стационарларды көбейтіңіздер. Емдеу мекемелерін оттегі концентраты және оттегі болландармен қамтамасыз етіңіздер. Дәрі-дәрмек қоры бақылауда болсын. Тұрғындарға қажетті дәрілік заттар дәріханаларда қолжетімді бағада болу керек. Кәсіпкерлермен келісім жүргізіп, жеткізілу мәселесін қарастырыңыздар», – деді облыс әкімі Гүлшара Әбдіқалықова.
</blockquote>
<img src="https://kyzylorda-news.kz/wp-content/uploads/2020/07/syrdarija1-1.jpg" alt="" />

Карантин: Сырдария ауданының халқына 13,4 млн теңгеге көмек көрсетілді

<a href="https://kyzylorda-news.kz/">Kyzylorda-news.kz.</a> Бүгін жеке кәсіпкер, Қазалы ауданының тумасы Саламат Талқанбай Қазалы ауданаралық ауруханасына қажетті құрал-жабдықтарды тарту етті.
Атап айтар болсақ, Саламат Нұрманұлы қазіргі таңда «Covid-19» инфекциясы мен пневмонияны емдеуге қажетті оттегі концентраторы мен медициналық оттегі баллонын ауруханаға әкеліп тапсырды.
Туған жерге жанашырлық танытқан азаматтың оттегі жеткізуші аппараттарын аудандық аурухананың қызметкерлері қабыл алды. Қазалы ауданаралық ауруханасы бас дәрігерінің міндетін атқарушы Бақыткүл Әлішева жерлес кәсіпкерге алғысын айтып, ризашылығын білдірді. Сондай-ақ, медициналық оттегі баллонының тиімділігін атап өтті.
Айта кетейік, оттегі жеткізуші аппаратының құны 600 мың теңгені құраса, тиімділігі мол медициналық оттегі баллоны 350 мың теңге тұрады.
<img src="https://kyzylorda-news.kz/wp-content/uploads/2020/07/kazaly-1.jpg" alt="" />
<img src="https://kyzylorda-news.kz/wp-content/uploads/2020/07/kazaly1-1.jpg" alt="" />

Қызылордалық кәсіпкер Қазалы аудандық ауруханасына сый жасады

<a href="https://kyzylorda-news.kz/">Kyzylorda-news.kz.</a> Қазақстанда тамыз айында ауаның орташа айлық температурасы шілдеге қарағанда 2-2 жарым градусқа, ал оңтүстік облыстарда 1 градусқа төмен болады, деп хабарлайды Қазгидромет.
Оған себеп, тамыз айында күннің ұзақтығы солтүстік облыстарда 2 сағатқа, оңтүстік облыстарда 1 сағат 20 минутқа қысқарады. Сондықтан Қазақстанның солтүстігінде ауаның орташа айлық температурасы 16-20 градус, оңтүстікке қарай 27-29 градусқа жетеді.
Болжам бойынша жаздың соңғы айы климаттық норма шамасында болады.
Синоптиктердің мәліметінше, ауа массаларының жиі алмасуына байланысты жауын-шашынсыз ыстық күндер мен салқын жаңбырлы күндер қатар болады. Оған Скандинавия аймағынан суық ауа массаларының енуіне және Жерорта теңізі мен Ираннан шығатын оңтүстік циклондарсебепші болмақ.&nbsp;
Солтүстік Қазақстан облысында жауын шашынның мөлшері нормадан көп болады деп күтілуде.

Тамызда ауа райы қандай болады?

<a href="https://kyzylorda-news.kz/">Kyzylorda-news.kz.</a> Қызылорда облысы әкімінің орынбасары Наурызбай Байқадамов Талсуат ауылындағы Мүгедектерге арналған оңалту орталығында болды.
№ 1 Қызылорда арнаулы әлеуметтік қызметтер көрсету орталығындағы қызмет алушылар Мүгедектерге арналған оңалту орталығына уақытша көшірілген болатын. Осыған орай облыс әкімінің орынбасары орталықтың жұмысымен танысып және қызмет алушыларға көрсетіліп жатқан қызметтерді қадағалады. Орталық ішін аралау барысында Наурызбай Байқадамов мемлекет қамқорлығындағы егде жастағы азаматтар мен мүмкіндігі шектеулі жандарға қызметтер көрсетуде ерекше бақылау жасауды тапсырды.
Облыс әкімінің орынбарасы одан әрі елдімекендегі жүйке ауруымен ауыратын балалар мен 18 жастан асқан адамдарға арнаулы әлеуметтік қызметтер көрсету орталықтарында болып, карантин кезіндегі жүргізіліп жатқан санитарлық-дизенфекциялық алгоритмге сәйкес күнделікті жүргізіліп жатқан жұмыстарымен танысып, бірқатар тапсырмалар берді.
<img src="https://kyzylorda-news.kz/wp-content/uploads/2020/07/onaltw-ortalygy1-1.jpg" alt="" />

Қызылорда облысы әкімінің орынбасары мүгедектерге арналған оңалту орталығында болды

<a href="https://kyzylorda-news.kz/">Kyzylorda-news.kz.</a> Биыл 160 қызылордалық ұстаз «Кәсіпкерлік және бизнес негіздері» пәні бойынша оқу курсынан өтеде деп жоспарлануда. Бұл туралы Кәсіпкерлер палатасының бөлім бастығы Жанна Сқакова айтты.
Алғашқы лек 13-24 шілде аралығында екі апта бойы онлайн форматта өтуде. Оқу курсын біліктілігі жоғары, тәжірибелі бизнес-тренерлер өткізеді, сондай-ақ тыңдаушыларға «Атамекен» ҰКП жобалық тобы осы жылдың соңына дейін ақпараттық-әдістемелік қолдау көрсетеді.
Педагогтарға арналған оқу курсы аяқталған соң тыңдаушыларға оқу аяқталғаны туралы сертификаттар табысталады. Оқу курсына қатысушылар бағдарламада ұсынылған метериалдарды тәжірибеде қолданып, мектеп оқушыларына бизнес-пайымдау, бизнесті жүргізу дағдыларын үйретіп, кәсіпкерлік қызмет негіздерін геймификация арқылы бойыларына сіңіріп, сабақ барысын отандық және шетелдік кәсіпкерлердің бизнес-кейстеріне жағдаяттық талдау жасап, жобалық оқыту әдістерін іс жүзінде қолдана отырып жүргізе алады.
<img src="https://kyzylorda-news.kz/wp-content/uploads/2020/07/kasipkerlik-1-2.jpg" alt="" />
Қызылорда облысында ұстаздарға оқу курсын білікті бизнес-тренерлер Жанна Аманова, Жеңіс Сүйіндіков, Ержан Жұбанышев өткізуде. 24 шілдеде алғашқы лекті 63 мұғалім бітіреді. Екінші лектің оқуына 3-14 тамыз аралығында 60, үшінші лекке 17-28 тамыз аралығында 37 адам қатысады деп жоспарлануда.&nbsp;
Осыған дейін 15-26 маусымда аймақтағы колледждердің 19 оқытушысы да аталмыш пән бойынша біліктіліктерін арттырған болатын. Сертификаттарын алған оқытушылар қыркүйек айынан бастап сабақ беруге дайын.
Айта кету керек, жалпы білім беретін мектептердің мұғалімдеріне «Кәсіпкерлік және бизнес негіздері» пәні бойынша біліктілікті арттыру бойынша оқу курсы 13 шілдеде басталды.
&nbsp;«Атамекен» ҰКП ұйымдастыруымен өтетін «Кәсіпкерлік және бизнес негіздері» педагогикалық мамандарды қайта дайындау курсына 1784 педагог қатысады. Курс ұзақтығы 108 академиялық сағатты құрайды.
Оқу курсы 14 облыс орталығы, Нұр-Сұлтан, Алматы және Шымкент қалаларында 2-3 лек ауқымында өтеді.

Қазақстан және Қызылорда облысының жаңалықтары