<a href="https://kyzylorda-news.kz/">Kyzylorda-news.kz</a>. Қызылорда облысында 2021 жылдың 1 қаңтарынан бастап судың тарифі төмендейді. Бұл туралы ҚР Ұлттық экономика министрлігінің Табиғи монополиялардың реттеу комитетінің баспасөз қызметі хабарлады.
Тарифтің қолданылу мерзімі өткен жағдайда, табиғи монополия субъектісі, бекітілген инвестициялық бағдарламаны іске асыруға тартылған қарыздар бойынша негізгі борышты өтеуге бағытталған қаражатты қоспағанда, бекітілген инвестициялық бағдарламаны іске асыруға бағытталған қаражатты (амортизациялық аударымдар мен пайданы) есепке алмастан, уәкілетті орган бекіткен тариф бойынша реттеліп көрсетілетін қызметтерді ұсынады («Табиғи монополиялар туралы» Қазақстан Республикасының Заңының 15-бабы 3-тармағы).
Заңның аталған нормасын басшылыққа ала отырып, Қазақстан Республикасы Ұлттық экономика министрлігі Табиғи монополияларды реттеу комитетінің Қызылорда облысы бойынша департаменті Қызылорда облысында қызмет көрсететін «Теміржолсу-Қызыл-Орда» ЖШС-і үшін суды таратушы желілер арқылы беру қызметіне қолданыстағы тарифті 8,2 пайызға немесе қосымша құн салығынсызз 1 текше метрге 282,44 теңгеден 259,35 теңгеге дейін төмендетіп тариф және тарифтік смета бекітті.
Тариф 2021 жылдың 1 қаңтарынан бастап қолданысқа енгізіледі.

Қызылордада келесі жылдан бастап су тарифі төмендейді

<a href="https://kyzylorda-news.kz/">Kyzylorda-news.kz</a>. Қызылорда облысында «Ашық бюджеттер интерактивті картасы» жобасы аясында 698 мекеменің бюджеті арнайы платформаға енгізілді. Бұл туралы Қызылорда облысы бойынша Сыбайлас жемқорлыққа қарсы іс-қимыл департамент басшысының бірінші орынбасары Бақытжан Ниязов мәлімдеді.
Кез келген адам тиісті салаға бөлінген қаржыны көре алады. Жоба іске қосылғаннан бастап денсаулық сақтау және құрылыс салаларына байланысты 3 өтініш және 2 ұсыныс түсті. Барлығына тиісті жауаптар берілді.
<blockquote>
 “Аймақта сыбайлас жемқорлық дерегі біршама азайды. Яғни, өткен жылы 103 қылмыс, ал биыл 63 жағдай тіркелді. Сондай-ақ, арнайы мониторинг топ және «Ақмешіт – адалдық алаңы» жобасы мүшелерінің қатыстырылуымен сыбайлас жемқорлыққа қарсы 14 мониторинг жүргізілді. Нәтижесінде 45 ұсыным берілді. Бұған қоса, «Protecting bussines and investments» аясында инвесторлардың жалпы құны 554,3 млрд теңгені құрайтын 21 инвестициялық жоба қаралды. Жоба аясында кәсіпкерлерден 61 өтініш келіп түсті, оның 33-і қанағаттандырылды, қалған 28-і бойынша тиісті түсініктемелер берілді. Сонымен қатар, салық органдарында тіркеу, мемлекеттік жылжымайтын мүлікті жалға беру бойынша тендерге қатысу және жер мәселелері бойынша 4 кәсіпкерге көмек көрсетілді”, – деді облыс бойынша Сыбайлас жемқорлыққа қарсы іс-қимыл департамент басшысының бірінші орынбасары Бақытжан Ниязов.
</blockquote>
<img src="https://kyzylorda-news.kz/wp-content/uploads/2020/12/130277177_1186202995108544_6262031168762071593_o.jpg" alt="" />

Қызылордада сыбайлас жемқорлық дерегі азайды

**<a href="https://kyzylorda-news.kz/">Kyzylorda-news.kz</a>. Қызылорда облысында автокөлікпен мұз астына түсіп кеткен 4 адамның денесі табылды. Бұл туралы ҚР Төтенше жағдайлар министрлігінің ресми өкілі Талғат Уәли хабарлады. 
**​ 
Кеше Арал ауданы&nbsp;Қамыстыбас ауылынан 35 шақырым жерде Қамбаш көлінде&nbsp;«УАЗ»&nbsp;маркалы автокөлік мұз астына түсіп&nbsp;кетті. Автокөлік салонында 7 адам болған. Оның 3-еуі көліктен өздері шығып үлгерген. Құтқарушылар суға батып кеткен 1985, 1981, 1994, 1973 жылы туған 4 адамды іздестірді. Бірақ түнгі уақытта іздестіру жұмыстары тоқтатылды.
Бүгін таңертең іздеу жұмыстары жалғастырылды. Нәтижесінде 7 метр тереңдікте (мұздың қалыңдығы 25 см) УАЗ автокөлігі табылды. Автокөліктің ішінде қайтыс болған адамдардың денелері бар. Сағат 10.05-те құтқарушылар қаза тапқан 4 адамның мәйітін полиция қызметкерлеріне тапсырды.
Іздестіру жұмыстарына Қызылорда облысы ТЖ департаментінің, Полиция департаментінің, жергілікті атқарушы органдардың күштері мен құралдары және туыстары (27 адам, 7 бірлік техника) жұмылдырылды.​

Қызылордада автокөлікпен мұз астына түсіп кеткен 4 адамның денесі табылды

<a href="https://kyzylorda-news.kz/">Kyzylorda-news.kz</a>. Қызылорда қаласының 23 жастағы тұрғыны қалалық Полиция басқармасына арызданып, онда 2018 жылдың қараша айында өзінің бұрынғы жеңгесі оның жеке куәлігі мен банк карточкасын пайдаланып, микрокредиттік ұйымдар арқылы оның атынан 2 несие ресімдегенін көрсеткен.
Аталған дерек бойынша Қазақстан Республикасының Қылмыстық кодексінің 190-бабының 2-бөлігінің 4-тармағымен (алаяқтық) сотқа дейінгі тергеп-тексеру басталған.
Тергеу барысында басқарманың тергеушісі полиция капитаны Толқын Мұхтарованың кәсіби біліктілігінің арқасында күдікті азаматшаның қылмыстық іс-әрекеті арнайы сот сараптама қорытындыларымен толығымен дәлелденді.
Бұдан бөлек, тергеу барысында күдіктінің аталған қылмыстан бөлек тағы бір алаяқтық қылмыс жасағаны анықталып, аталған қылмыстық істер бір өндіріске біріктірілген. Іс сотқа жолданып, сот процесінде ол өз кінәсін толығымен мойындады. Жәбірленушіге келтірілген шығын толық өндірілді.
Сот үкімімен сотталушы азаматша кінәлі деп танылып, оған 1 жыл 9 ай мерзімге бас бостандығынан шектеу жазасы тағайындалған.

Қызылордада жеңгесі қайын інісінің атынан несие алған

<a href="https://kyzylorda-news.kz/">Kyzylorda-news.kz</a>. Қызылорда облыстық дене шынықтыру жəне спорт басқармасының ұйымдастыруымен “ZOOM” бағдарламасы бойынша онлайн жүйеде футбол фристайлынан Қызылорда облысының жекелей жарысы өтті.
Үшінші мəрте ұйымдастырылған тартысты жарысқа Қызылорда қаласы мен аудандардан 14-15, 16-17 жəне 18 жастан жоғары 30 спортшы қатысты.
Жарыс нəтижесінде 18 жастан жоғары спортшылар арасында қызылордалық Мейіржан Əбішбеков осымен екінші рет жарыстың жеңімпазы болды.
Шиелі ауданынан Мағжан Ізбасар екінші, Жаңақорғаннан Төребек Бəкір үшінші орындарды иеленді. 16-17 жас аралығында шиелілік Бақдаулет Молдақараев 1-орынды, жаңақорғандық Диас Қалкөз 2-орынды, жалағаштық Азиз Махмуд 3-орынды еншіледі. 14-15 жас аралығында сырдариялық Шаттық Меңлібаев чемпион атанса, жаңақорғандық Азат Жанабил – күміс, жалағаштық Диас Сағымбай – қола жүлделерге қол жеткізді.
Жеңімпаздар мен жүлдегерлерге диплом, медальдар берілді.
<img src="https://kyzylorda-news.kz/wp-content/uploads/2020/12/130283573_5468349773191198_2330701857272909986_n-1.jpg" alt="" />
<img src="https://kyzylorda-news.kz/wp-content/uploads/2020/12/130298091_5468350006524508_5875158672693493440_n.jpg" alt="" />
<img src="https://kyzylorda-news.kz/wp-content/uploads/2020/12/130456316_5468350263191149_5272579329999852242_n.jpg" alt="" />
<img src="https://kyzylorda-news.kz/wp-content/uploads/2020/12/130480210_5468350569857785_5236246951229220668_n.jpg" alt="" />

Қызылорда: Футбол фристайлынан жекелей жарыс өтті

&nbsp;<a href="https://kyzylorda-news.kz/">Kyzylorda-news.kz</a>. Қазақстанда өткен тәулікте 729 адамда коронавирус індеті ПТР тесті арқылы расталды, деп хабарлайды coronavirus2020.kz.
Аймақтар бойынша:
Нұр-Сұлтан қаласы – 106
Алматы қаласы – 68
Шымкент қаласы – 4
Ақмола облысы – 60
Ақтөбе облысы – 8
Алматы облысы – 22
Атырау облысы – 34
Шығыс Қазақстан облысы – 95
Жамбыл облысы – 22
Батыс Қазақстан облысы – 34
Қарағанды облысы – 30
Қостанай облысы – 74
Қызылорда облысы – 1
Маңғыстау облысы – 3
Павлодар облысы – 98
Солтүстік Қазақстан облысы – 70
Жалпы ел бойынша ауырғандар саны 138382.

Қызылордада өткен тәулікте коронавирус инфекциясы тіркелді

<a href="https://kyzylorda-news.kz/">Kyzylorda-news.kz</a>. Қазақстан президенті Қасым-Жомарт Тоқаев қайырымдылық пен еріктілер ұйымдарына жеңілдікпен кредит беру мәселесін пысықтауды тапсырды, деп хабарлайды&nbsp;<a href="http://www.akorda.kz/ru/speeches/internal_political_affairs/in_speeches_and_addresses/vystuplenie-glavy-gosudarstva-kasym-zhomarta-tokaeva-na-ceremonii-zakrytiya-goda-volontera">Ақорда</a>.&nbsp;
Министрлер кабинеті қайырымдылық ұйымдарына алғашқы жылдары жеңілдікпен кредит беру жайын қарастырып шығуы тиіс. Соның арқасында жаңадан құрылған қайырымдылық ұйымдары аяққа тұрып, өз қызметін дамыта алады. Бұдан бөлек, мемлекет меншігіне кіретін нысандарды пайдалану жағынан да жеңілдік беру мәселесі пысықталады.
<blockquote>
 “Жеке және заңды тұлғалардың қайырымдылық пен волонтерлік жобаларға қатысуын жанама түрде ынталандыру, соның ішінде мемлекеттік қолдау кезінде басымдық құқығын беру сияқты тиімді тетіктерді енгізу маңызды”, – деп атап көрсетті Тоқаев.&nbsp;
</blockquote>
Президенттің айтуынша, үкімет мемлекет және бизнес тарапынан ондай ұйымдарға қаржылай және қаржылай емес көмекті барынша кеңейтуге қатысты нақты ұсыныстар әзірлеп шығуы тиіс.
Айта кетсек, Волонтер жылын қорытындылау рәсімінде президент “Қайырымдылық қызметі туралы” жаңа заң әзірленіп жатқанын мәлімдеген болатын. Ол осы саладағы олқылықтарды жоюға көмектеседі. Қайырымдылық пен еріктілер ұйымдарына заңды мәртебе беру қарастырылған.

Президент тапсырмасы: кімдерге жеңілдікпен кредит беріледі?

<a href="https://kyzylorda-news.kz/">Kyzylorda-news.kz</a>. Қызылорда облысында соңғы он күнде тағы үш оқушы коронавирус жұқтырған. Олардың арасында мектепке қатынап оқитын бала жоқ, деп хабарлайды <a href="https://lenta.inform.kz/kz/kyzylordada-songy-on-kunde-ush-okushy-koronavirus-zhuktyrgan_a3727820">ҚазАқпарат.</a>
Естеріңізге сала кетелік, қазірге дейін облыста коронавирус инфекциясын жұқтырудың 3 301 жағдайы тіркелген. Оның ішінде 194 баланың жасы 14-ке дейін болса, 15-19 жас аралығындағы 57 жасөспірім бар.
<blockquote>
 «Биылғы жылдың қыркүйек айынан бастап облыс бойынша 11 оқушы коронавиус инфекциясын жұқтырды. Атап айтқанда, 3 оқушыдан ауруханаға жатар алдындағы тексеру кезінде анықталса, 8 оқушы коронавирус инфекциясымен ауырған адамдардан жұқтырып алған. Оқушылардың барлығы қашықтан білім алады. Мектепке қатынап оқитын оқушылар арасында қатерлі дерт жұқтырғандар жоқ», – деді Қызылорда облысы санитарлық-эпидемиологиялық бақылау департаментінің баспасөз хатшысы Айман Жанахаева.
</blockquote>
Департамент мамандары ата-аналар балалардың ересектермен бірдей деңгейде сақтық шаралары мен әлеуметтік оқшаулау ережесін сақтауына баса назар аудару қажеттігін айтады.
Биылғы оқу жылының екінші тоқсанында облыстағы 121 мектепте 19 314 оқушы дәстүрлі форматта білім алса, 179 мектептің 117 190 оқушысы қашықтан&nbsp;<a href="https://www.inform.kz/kz/kyzylorda-oblysynda-8-okushy-koronavius-zhuktyrdy_a3723940">оқып жатыр</a>.

Қызылордада соңғы он күнде үш оқушы коронавирус жұқтырған

<a href="https://kyzylorda-news.kz/">Kyzylorda-news.kz</a>. Синоптиктер еліміздің бес облысында қолайсыз ауа райына байланысты ескерту жариялады, деп хабарлайды Қазгидромет.
9 желтоқсанда&nbsp;Ақмола&nbsp;облысының кей жерлерінде бұрқасын соғады. Оңтүстік-батыстан жел соғады, кей жерлерде күші 15-20 м/с жетуі мүмкін.
Ертең Нұр-Сұлтан қаласында бұрқасын соғуы ықтимал.
9-10 желтоқсанда&nbsp;Қарағанды&nbsp;облысының кей жерлерінде тұман түсіп, жаяу бұрқасын соғуы мүмкін.
9 желтоқсанда&nbsp;Шығыс Қазақстан&nbsp;облысының күндіз кей жерлеріне қалың қар жаууы мүмкін. Кей жерлерде тұман түсіп, боран соғады. Оңтүстік-батыстан жел тұрып, күші кей жерлерде 15-20 м/с жетеді.
9 желтоқсанда түнде&nbsp;Маңғыстау&nbsp;облысының солтүстігінде қатты аяз тұрады, минус 22°С дейін жетеді.
9-10 желтоқсанда&nbsp;Жамбыл&nbsp;облысында кей жерлерде тұман түсуі мүмкін.
9-10 желтоқсанда Таразда тұман түседі.

9 желтоқсанға арналған ауа райы болжамы

<a href="https://kyzylorda-news.kz/">Kyzylorda-news.kz</a>. М.Мәметова атындағы педагогикалық жоғары колледжінде Білім басқармасы мен ҚР Сыбайлас жемқорлыққа қарсы іс-қимыл агенттігінің Қызылорда облысы бойынша департаментінің бірлесуімен “Парасатты отбасы” байқауының жеңімпаздары марапатталды.
Жиынға облыс әкімінің орынбасары Наурызбай Байқадамов, департаментінің басшысы Ардақ Ерсейітов, білім басқармасының басшысы Ақзира Қасымова қатысып, отбасы құндылығының маңыздылығы туралы ой бөлісті.
Байқау отбасындағы парасаттылық құндылықтарын насихаттау, отбасы мүшелерінің арасындағы бауырмалдық, қайырымдылық, достық қарым-қатынасты қалыптастыру, қоғамдағы сыбайлас жемқорлықтың алдын-алуды өскелең ұрпақтың бойына бала кезден қалыптастыру мақсатын көздейді.
«Парасатты отбасы» байқауының ІІІ орын иегері Арал ауданынан Әбдіжалеловтер отбасы иеленсе, ІІ орын Шиелі ауданынан Абдурахмановтар отбасына бұйырды. Ал, І орын Қазалы ауданы, Асқаровтар отбасы лайық деп танылды. Сонымен бірге бірнеше отбасы арнайы номинациялармен марапатталды.
<img src="https://kyzylorda-news.kz/wp-content/uploads/2020/12/130708510_1019717621864776_6114893272882490606_n.jpg" alt="" />

Қызылордада «Парасатты отбасы» конкурсының жеңімпаздары анықталды

Kyzylorda-news.kz. Айтыстың ақтаңгері Мұхтар Ниязов бүгін үшінші мәрте «Алтын домбыра» иегері атанды.
Бүгін Қазақстан Республикасы Мəдениет жəне спорт министрлігінің ұйымдастыруымен Nomad City Hall залында «Абай тағылымы – Тәуелсіздіктің тірегі» атты республикалық ақындар айтысының ақтық мәресі өтті.
Дүбірлі доданың нәтижесінде Мəдениет жəне спорт министрі Ақтоты Райымқұлова «Алтын домбыра» мен республикалық ақындар айтысындағы бас жүлдені Мұхтар Ниязовқа табыстады. Ал 1-орынды Бекарыс Шойбеков, 2-орынды Еркебұлан Қайназар, 3-орынды Серік Қуан иеленді.
Тәуелсіздік мерекесі қарсаңында еліміздің мәдениет саласына, оның ішінде ұлтымыздың дәстүрлі айтыс өнерінің дамуына өлшеусіз үлес қосқан Дариға Мұштанова, Серік Ыдырысов, Ақмарал Леубаева, Әбілхайыр Сыздықов, Жібек Болтанова «Қазақстан Республикасы Мәдениет саласының үздігі» төсбелгісімен марапатталды.
Айта кету керек, бүгінде Мұхтар Ниязов Қызылорда қалалық мәдениет және тілдерді дамыту бөлімінің басшысы қызметін атқарады.
<img src="https://kyzylorda-news.kz/wp-content/uploads/2020/12/fb_img_1607435335219.jpg" alt="" />

Мұхтар Ниязов – үшінші мәрте «Алтын домбыра» иегері

<a href="https://kyzylorda-news.kz/">Kyzylorda-news.kz.</a> Мемлекет басшысы Қасым Жомарт Тоқаев Қазақстан халқына Жолдауында еліміздің зейнетақы жүйесін дамыту саласына да тоқталған болатын. Президент тапсырмасына сәйкес, Бірыңғай жинақтаушы зейнетақы қорының 700 мың салымшысы өз жинағын пайдалана алады немесе ұйымдарының басқаруына бере алады.
Жолдаудағы «Азаматтардың әлеуметтік әл-ауқаты – басты басымдық» бағытындағы зейнетақы жинағының бір бөлігін пайдалану мәселесі бойынша жиын өткізілді. «БЖЗҚ» АҚ-ның Қызылорда облыстық филиалында өткен кездесуде Президент тапсырмасының орындалу барысы талқыға түсті.
<blockquote>
 “Қазіргі кезде маңызды тақырыптың бірі ретінде зейнетақы жүйесін атап өтуге болады. Мемлекет басшысының негізгі тапсырмасына сәйкес, зейнетақы жүйесінің тиімділігін арттыру үшін нақты жұмыс жүргізілуде. Расында, бүгінде адамдар жинағын тек зейнетке шыққан соң ғана пайдаланады. Олардың арасында зейнетке шыққан уақытқа дейін қаражаттарын пайдаланғысы келетіндер бар. Енді алдағы уақытта жұмыс істейтін азаматтар өз жинағының бір бөлігін белгілі бір мақсатқа жұмсай алады”, – деді «БЖЗҚ» АҚ Қызылорда филиалының директоры Арнұр Құрманғали.
</blockquote>
Айта кетейік, аталған жиында «Nur Otan» партиясы Қызылорда облыстық филиалының мүшелері зейнетақы жинағының бір бөлігін пайдалану мәселелерінің тиімділігін атап өтсе, кездесуге қатысушылар тақырып аясындағы ой-пікірлерін жеткізді.
<img src="https://kyzylorda-news.kz/wp-content/uploads/2020/12/130734329_1310430849319469_8530084663289360712_o.jpg" alt="" />
<img src="https://kyzylorda-news.kz/wp-content/uploads/2020/12/130802482_1310430939319460_3620961805497982311_o.jpg" alt="" />

Қазақстан және Қызылорда облысының жаңалықтары