<a href="https://kyzylorda-news.kz/">Kyzylorda-news.kz.</a> Биыл жоғары оқу орындарындағы профессорлардың жалақысы көбейді. Осындай қиын жағдайда оқытушыларды қолдау керек. Бұл туралы Орталық коммуникациялар қызметінде өткен онлайн брифингте БҒМ Жоғары және жоғары оқу орнынан кейінгі білім департаменті директорының орынбасары Бану Нарбекова айтты, деп хабарлайды <a href="https://www.inform.kz/kz/biyl-zhogary-oku-ornyndagy-professorlardyn-zhalakysy-kobeydi-banu-narbekova_a3727721">ҚазАқпарат.</a>
<blockquote>
 «Сессия қарашадан бастап желтоқсан айының соңына дейін жүргізіледі. Министрлік тарапынан жүргізілген пысықтау нәтижесі бойынша, біздің жоғары оқу орындары сессия өткізуге дайын. Сондай-ақ, біз антиплагиат жүйесін қолданып отырмыз. Еліміздегі барлық жоғары оқу орны осы жүйені пайдаланады», – дейді БҒМ Жоғары және жоғары оқу орнынан кейінгі білім департаменті директорының орынбасары Бану Нарбекова.
</blockquote>
Оның айтуынша, қашықтан оқытудың дәстүрлі білім беруден ешқандай айырмашылығы жоқ
<blockquote>
 «Біз бағалауға қатысты өзін-өзі бағалау технологиясын енгізіп отырмыз. Бір жағынан студенттердің өзіне сенеміз, екіншіден бұл олардың білім деңгейі, оқу үлгерімін бағалай білуге, оқуға деген құштарлық деңгейін анықтауға көмектеседі. Сондай-ақ, биыл жоғары оқу орындарындағы профессорлардың жалақысы көбейді. Осындай қиын жағдайда оқытушыларды қолдау керек»,- дейді ол.
</blockquote>

Бану Нарбекова: Биыл жоғары оқу орнындағы профессорлардың жалақысы көбейді

<a href="https://kyzylorda-news.kz/">Kyzylorda-news.kz.</a>&nbsp;&nbsp; «Жол активтерінің ұлттық сапа орталығы» РМК Қызылорда облыстық филиалына жаңа басшы тағайындалды. Бұл лауазымды қызметті енді Сыр өңірінің тумасы Ерболат Серікұлы Көштаев атқаратын болады.
Ерболат Серікұлы 1976 жылы 23 қазанда Жалағаш ауданында дүниеге келген. Жоғары білімді. Қызылордадағы «Сейхун» академиясын тәмамдап, Алматы қаласындағы Л.Б.Гончаров атындағы Қазақ автомобиль-жол институтында жол-инженері мамандығы бойынша білім алған. Жол саласындағы еңбек жолын 2005 жылы қатардағы маманнан бастап, қызмет баспалдағының барлық сатысынан өтті. Ал 2012-2014 жылдар аралығында Қызылордадағы Жол пайдалану учаскесінің басшысы болды. Кейін 2014-16 жылдары «Қазақавтожол» РМК-ның Қызылорда филиалында, 2016-19 ж.ж Ақмола облыстық филалында бас инженер болып еңбек етті. Ерболат Көштаев осы тағайындауға дейін «Жол активтерінің ұлттық сапа орталығы» РМК Ақмола облыстық филиалы директоры қызметін абыроймен атқарып келді. Отбасылы. Үш бала тәрбиелеп, өсіруде.
Алдағы уақытта аймақ жолдарының сапасын жақсарту бағытында Ерболат Серікұлына үлкен сенім артылып отыр. &nbsp;
<img src="https://kyzylorda-news.kz/wp-content/uploads/2020/12/a0ae5bdd-affd-4240-9163-934bfca6dad0.jpg" alt="" />

«Жол активтерінің ұлттық сапа орталығы» РМК Қызылорда облыстық филиалына жаңа басшы тағайындалды

*<a href="https://kyzylorda-news.kz/">Kyzylorda-news.kz.</a> Бүгін Мемлекет басшысы Қасым-Жомарт Тоқаевтың қатысуымен республикалық Волонтер жылының қорытынды жабылу рәсімі өтті.*
Онлайн форматтағы жиында Президент қиын кезеңде қайырымдылығын аямаған, бірліктің нағыз үлгісін көрсете білген барша азаматқа, азаматтық қоғам белсенділеріне, соның ішінде волонтерлерге ерекше алғысын білдірді. Шарада әр аймақтың белсенді жастары онлайн режимінде қатысып, еріктілік қызметіне арналған өз жобалары мен бастамаларының нәтижелерін баяндады.
Елордадағы фронт-кеңсе орталығына жиналған еріктілер пандемия кезеңінде қолға алған әлеуметтік-қоғамдық бағыттағы жобалары мен ұсыныстарын жеткізіп, волонтерлер жылында әр аймақтың атқарған жұмыстарын тілге тиек етті. Жиында әр облыстың еріктілері тікелей байланысқа шығып, жыл көлемінде атқарылған жұмыстары мен ерекше жобаларын атап өтті. Мемлекет басшысы қоғамдық өмірдің дамуына қажет игі бастамалар мен қайырымдылық жобаларды жалғастырудың маңыздылығын атап өтіп, еріктілік қызметін жетілдіруге арналған «Жол картасын» қабылдау қажеттігін атап, жиынды қорытындылады.
Шарадан кейін облыс әкімі Гүлшара Әбдіқалықова өңірде азаматтық белсенділік танытып, күрделі кезеңде қайырымдылық танытқан азаматтардың еңбегін атап өтті.
Бүгін міне өздеріңізбен бірге Президент Қасым-Жомарт Кемелұлы Тоқаевтың қатысуымен өткен Волонтер жылының ресми жабылу салтанатына куә болдық. Осы тұста игі бастамалардың басында жүрген 1000-ға жуық аймақ волонтерлеріне шынайы ризашылығымды білдіремін. Мұның барлығы – еткен еңбектің, төккен тердің жемісі. Баршаңызға алғыс білдіреміз,-деді облыс әкімі Гүлшара Әбдіқалықова.
Салтанатты жиында әлеуметтік және қоғамдық пайдалы міндеттерді шешуге үлес қосқан волонтерлер мен волонтерлер тобын, отандық және халықаралық волонтерлік ұйымдарды көтермелеуге бағытталған «Жыл волонтері» халықаралық сыйлығы табысталды. Әлемнің түкпір-түкпірінен мыңдаған үміткерлер арасынан Сыр елінің 3 волонтері сыйлық иегері атанды. Олардың қатарында «Жылы жүрек жастар» қоғамдық бірлестігінің жетекшісі, BIRGEMIZ:QAMQOR бағытының жетекшісі Сағатбек Сиюов, Қармақшы аудандық аурухана бөлімінің бас акушері, волонтер Әсем Мерекова мен К.Рүстембеков атындағы Жыраулар үйінің маманы, волонтер Айдынбек Скендиров бар.
Сонымен бірге облыс әкімі пандемия кезеңінде қоғамдық қызметтің бел ортасынан табылған 3 белсенді жасқа «Халық алғысы» төсбелгісін табыстады. Еңбегімен ерекшеленген «Жастар ресурстық орталығы» КММ-і директорының орынбасары Талғат Тлес, «Jas Otan» Жастар қанаты» облыстық филиалының кеңесшісі Асем Какарманова, «Өңірлік коммуникациялар орталығы» КММ-нің маманы Ержан Жамбыл құрметке бөленді.
Айта кетейік, Қызылорда облысы республика бойынша осы жылдың басында алғашқылардың бірі болып 700-ге жуық еріктіні біріктіретін “Сыр еріктілері штабын” құрды. Мемлекет басшысының қолдауымен мыңнан астам қайырымдылық шарасы ұйымдастырылды.Еріктілер мен кәсіпкерлер тарапынан аз қамтылған, көмекке мұқтаж жандарға 11 баспана салынды. “Birgemiz Qyzylorda” қоры арқылы 24 мыңнан астам отбасына көмек көрсетілді.
<img src="https://kyzylorda-news.kz/wp-content/uploads/2020/12/130776362_2957950554307994_687433726537228645_o.jpg" alt="" />
<img src="https://kyzylorda-news.kz/wp-content/uploads/2020/12/130606670_2957961704306879_3960285571106218040_o.jpg" alt="" />
<img src="https://kyzylorda-news.kz/wp-content/uploads/2020/12/130713687_2957951227641260_8203440348259454364_o.jpg" alt="" />
<img src="https://kyzylorda-news.kz/wp-content/uploads/2020/12/130870009_2957951050974611_3584557884850772751_o.jpg" alt="" />

Волонтер жылы қорытындыланып, үздіктер марапатталды

<a href="https://kyzylorda-news.kz/">Kyzylorda-news.kz.</a> Қызылорда облысында ұстаздардың кәсіби қызметі мен мәртебесін арттыру бағытында 10 үздік ұстазға ерекше төсбелгі, 10 ұстазға бір реттік қаржылай сыйақы 300 айлық есептік көрсеткіш мөлшерінде берілетін болады.
Төсбелгі білім беру саласына айрықша еңбегі сіңген, республикалық конкурстардың жеңімпазы атанып, озат шәкірттер тәрбиелеген, жетістікке жеткен ұстаз иемдене алады. Білім беру ұйымдарында кемінде 5 жыл педагогикалық өтілі болуы шарт.
<blockquote>
 “Конкурс ашық түрде ұйымдастырылады. Арнайы комиссия құрамы бекітіледі. Комиссия құрамына азаматтық қоғам өкілдері мен журналистер, арнайы мониторингтік топтың мүшелері қатысады. Байқау 3 кезеңнен тұрады. Бірінші – мектеп ішіндегі педагогикалық кеңестің шешімін алады. Екінші кезекте – аудандық немесе қалалық білім бөлімінің комиссиянан өтеді. Үшінші кезең – білім басқармасы арқылы іріктеуге алынады. Яғни қажетті құжаттарды ұсыну қажет. Ең үздік деп танылған ұстаз жыл қорытындысы негізінде облыс әкімінің арнайы қатысуымен өтетін жиында марапатталады”, – деді облыстық білім басқармасының басшысы Ақзира Қасымова.
</blockquote>
<img src="https://kyzylorda-news.kz/wp-content/uploads/2020/12/130739622_1185602358501941_5284958911877219983_o.jpg" alt="" />

Қызылордада 10 үздік ұстаз ерекше төсбелгімен марапатталады

<a href="https://kyzylorda-news.kz/">Kyzylorda-news.kz.</a>&nbsp; Жалағаш ауданына қарасты Еңбек ауылдық округіне қарасты “Еңбек Жер» ЖШС 2020 жылғы егін жинау маусымының қорытындысымен серіктестік механизаторлары Рашид Мұратбаев, Жолшора Шитмановқа, сушы Бегалы Құйрықбаевқа су жаңа автокөліктің кілтін табыстады.
Айта кетейік, 2020 жылы «Еңбек Жер» ЖШС 1500 гектарға Сыр маржаны – күрішті орналастырып, әр гектарынан орта есеппен 69 центнерден өнім алды.

Жалағашта озат еңбеккерлерге автокөлік кілті табысталды

<h5 id="kyzylordanewskzhttpskyzylordanewskz2021"><a href="https://kyzylorda-news.kz/">Kyzylorda-news.kz.</a> Астролог Юлия Кацман 2021 жылы – Сиыр жылы қазақстандықтарды не күтіп тұрғанын айтты.</h5>
Шығыс күнтізбесі бойынша Сиыр жылы 2021 жылғы 11 ақпанда туады.
Бұқа еңбек еткенді жақсы көреді және еңбекқор. Астрологтың айтуынша, оның еңбекқорлығы елеусіз қалмайды. Бұдан басқа жыл иесі шыдамды, адал және берген сөзіне тұратындығы тағы бар.
<h5 id="nbsp">«Сиыр жылы үлкен байлық әкелмейді. Алайда жыл иесінің тұрақтылықты жақсы көретінін ескерсек, қаражатын біртіндеп жинап жүргендер&nbsp; табысқа жетеді», — дейді Юлия Кацман.</h5>
Астрологтың айтуынша, бұқалар ұзақмерзімді жоспар құрғанды ұнатады, сондықтан 2021 жылы үйдің іргетасын қалап, отбасын құрып, кәсіп ашу керек.
Пандемияға келер болсақ, астрологтың болжауынша, бұл індет жақында жойылмайды.
<blockquote>
 «Пандемия тағы бір жыл болады, бұл Тышқан жылының әсері. Тышқан жылы – от жылы болғандықтан, әрдайым төңкеріс, эпидемия болмай тұрмайды.&nbsp; 2021 жылы бәрі металл ағынына қарай ауысады, сондықтан келе жатқан жыл тыныш болады», – дейді Юлия.
</blockquote>
<a href="https://aikyn.kz/93513/%d0%b0%d1%81%d1%82%d1%80%d0%be%d0%bb%d0%be%d0%b3-2021-%d0%b6%d1%8b%d0%bb%d1%8b-%d2%9b%d0%b0%d0%b7%d0%b0%d2%9b%d1%81%d1%82%d0%b0%d0%bd%d0%b4%d0%b0-%d0%b1%d0%be%d0%bb%d0%b0%d1%82%d1%8b%d0%bd-%d3%a9/?fbclid=IwAR1oESddUQHVIs8ygpuKJJnhFd5SHrUW5A0bLRG_zUOP--iOQbjvRZEJRPg">AIQYN</a>

Астролог 2021 жылы Қазақстанда болатын өзгерістерге болжам жасады

<a href="https://kyzylorda-news.kz/">Kyzylorda-news.kz.</a> Жыл басынан бері әлеуметтік медициналық сақтандыру қорына азаматтардан 646 мыңнан астам өтініш келіп түсті.
Биылғы жылдың 11 айында әртүрлі кері байланыс арналары арқылы Әлеуметтік медициналық сақтандыру қорына халықтан 646 мыңнан астам өтініш келіп түсті, ең белсенді Алматы, Нұр-Сұлтан және Шымкент қалаларының тұрғындары болды. Өтініш білдіру себептерінің арасында: МӘМС мәртебесін алу, дәрілік заттардың болмауы, консультациялық-диагностикалық қызметтерді ұзақ күту, емханалар мен стационарларда медициналық көмек көрсету сапасы, медициналық ұйымдар қызметкерлерінің дәрігерлік этика мен деонтологияны сақтамауы, емдеуге жатқызудан бас тарту және т. б.
Өтініштердің басым бөлігі немесе 618 мыңы консультациялық сипатқа ие, 7314 – шағым, 2816 – медициналық ұйымдар мен дәрігерлерге алғыс, 229 – жұмыс сапасын арттыру бойынша ұсыныстар.
Әлеуметтік медициналық сақтандыру қорының кері байланыс арналары арасында жасырын көшбасшы позициясын 1406 байланыс орталығы иеленді, ол жыл басынан бері 563 мыңнан астам қоңырау қабылдады. Операторларға ең үлкен жүктеме жазғы кезеңде болды. Сонымен қатар, абоненттердің сұрақтары эпидемиологиялық жағдайда медициналық көмек алуға ғана қатысты емес, өтініш берушілер азық-түлік сатып алуға қаражаттың жоқтығына, жеке өміріндегі мәселелерге шағымданған жағдайлар болды.
Бұдан әрі Qoldau 24/7 мобильді қосымшасы жыл басынан бері азаматтардан 72 мыңнан астам месседж тіркелген. @SaqtandyryBot телеграмм-бот арқылы 2489 өтініш келіп түсті.
Әлеуметтік медициналық сақтандыру қорының баспасөз қызметі жыл басынан бері ӘМСҚ келіп түскен халықтан ең өзекті мәселелерді жинады.
<img src="https://kyzylorda-news.kz/wp-content/uploads/2020/12/whatsapp-image-2020-12-08-at-13.22.34.jpeg" alt="" />

МӘМС: 646 мыңнан астам өтініш келіп түсті

<a href="https://kyzylorda-news.kz/">Kyzylorda-news.kz.</a> Қызылорда қалалық Полиция басқармасына қала тұрғыны алаяқтық дерегіне қатысты арыз түсірді.
Белгілі болғандай, ағымдағы жылдың қыркүйек айында жәбірленуші бір таныс әйел оған «ракушка» құрылыс кірпішін сатып алуға көмектесуге уәде берген. Жәбірленуші сеніп, бірден оған 1 млн теңге сомасын төледі. Көп ұзамай жәбірленуші ешқандай нәтиже болмағандықтан, ақшасын қайтаруды талап етеді. Алайда алаяқ ақшаны қайтармаған.
Қызылорда қалалық Полиция басқармасы қызметкерлерінің жүргізген&nbsp;жедел-іздестіру&nbsp; шараларының нәтижесінде 1987 жылы туған облыс орталығының тұрғыны ұсталды. Күдіктіге қатысты ешқайда кетпеу және өзін дұрыс ұстау туралы қолхат түрінде бұлтартпау шарасы қолданылды. Ол өзінің жасаған іс-әрекетін толығымен мойындады.
Қазіргі уақытта ҚР Қылмыстық кодексінің 190 бабының 1 бөлігі (алаяқтық, яғни бөтеннің мүлкін жымқыру)&nbsp;бойынша сотқа дейінгі тергеп-тексеру жүргізілуде.

Қызылордада 1 млн теңге жымқырған алаяқ әйел ұсталды

<a href="https://kyzylorda-news.kz/">Kyzylorda-news.kz.</a> 8 желтоқсанда Қызылорда облысының Бас мемлекеттік санитариялық дәрігері Д. Жаңабергенова жаңа, № 28 қаулыға қол қойды. Жаңа қаулыда 31 қазандағы № 25 қаулыға өзгерістер енгізілген. Қаулы 2020 жылдың 11 желтоқсанынан бастап күшіне енеді.
Өзгерістерге сай енді сауда үйлері жексенбі және мереке күндері жұмыс жасайтын болды. Бұл жөнінде қаулыда былай деп жазылған:
<blockquote>
 «Сауда-ойын-сауық орталықтарының, сауда үйлерінің, сауда желілері, азық-түлік емес және жабық азық-түлік базарларының, сауда орталықтарының жұмысын күшейтілген санитариялық-эпидемияға қарсы, санитариялық-профилактикалық іс-шараларды сақтай отырып, бір келушіге 4 м2 есебінен толтырылуын 30 %-тен асырмай, рекреация және демалыс аймақтарында сатып алушылардың болуына жол бермей және балалар ойын алаңдары, ойын орталықтарының және аттракциондарының жұмысына қатаң тыйым салумен, жұмыс және сенбі күндері сағат 10.00-ден 23.00-ге дейін және жексенбі мен мереке күндері сағат жұмыс уақыты сағат 10.00-ден 17.00-ге дейін белгіленсін. Күшейтілген санитариялық-дезинфекциялық, маска режимдерін қатаң сақтай отырып, фудкорттардың жұмысы тек тамақты жеткізу қағидасымен жүргізілсін».
</blockquote>
&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp; Сондай-ақ, осыған дейін қоғамдық тамақтану саласындағы кәсіпкерлердің көтерген мәселесі де Өңірлік кеңес төрағасы мен Палата басшылығының жергілікті атқарушы органмен бірлесе атқарған жұмысы негізінде шешімін тапты. Бұл саладағы нысандар енді кешкі сағат 23.00-ге дейін жұмыс жасайтын болды.
<blockquote>
 «Қоғамдық тамақтану объектілерінің жұмысын орналасқан жеріне қарамастан, ғимараттың ішін 50 %-ке дейін толтыруды, бірақ 50-ден аспайтын отыратын орынның толуы бойынша шарттарды сақтай отырып, көрші үстелдердің шеткі орындары арасында кемінде 2 метр әлеуметтік қашықтықты және бір үстелде 4-6 адамнан аспайтын отыруды сақтай отырып, караоке, би алаңдарының, бар жұмысына қатаң тыйым сала отырып, күшейтілген санитариялық-эпидемияға қарсы, санитариялық-профилактикалық іс-шараларды сақтаумен жұмыс кестесін сағат 09.00-ден 23.00-ге дейін белгіленсін. Осы тармақта белгіленген жұмыс уақыты аяқталғаннан кейін келушілердің тамақтану залында болуына тыйым салумен, авто-экспресстің және тамақты жеткізудің жұмысын штаттық ұйымдастыру».
</blockquote>
Сонымен бірге кинотеатрлар да жексенбі және мереке күндері жұмыс жасайтын болды.
<blockquote>
 «Кинотеатрлардың қызметіне рұқсат беруді (толтырылуын 30 %-дан асырмай, infokazakhstan.kz порталында тіркеле отырып, маска режимін, шахмат тәртібімен отырғызуды, әлеуметтік қашықтықты сақтай отырып) жұмыс және сенбі күндері сағат 10.00-ден 23.00-ге дейін және жексенбі мен мереке күндері жұмыс уақытын сағат 10.00-ден 17.00-ге дейін белгілеу», – делінген қаулыда.
</blockquote>

Қызылорда: Кинотеатр жексенбі және мереке күндері жұмыс істейтін болды

Облыс әкімінің қатысуымен интернет-конференция өтеді

<a href="https://kyzylorda-news.kz/">Kyzylorda-news.kz.</a> Білім және ғылым министрі Асхат Аймағамбетов барлық университеттердің ректорларына қашықтан оқыту кезінде студенттерге қойылатын талаптарды түсіндіруді тапсырды, деп хабарлайды <a href="https://lenta.inform.kz/kz/ministr-rektorlarga-kashyktan-okytuda-studentterge-koyylatyn-talaptardy-tusindirudi-tapsyrdy_a3727571">ҚазАқпарат</a>.
Айта кетейік, бүгін Білім және ғылым министрлігінің аппарат жиналысында Л.Н. Гумилев атындағы Еуразия ұлттық университетіндегі қысқы емтихандар сессиясына дайындық тақырыбы қаралды.
<blockquote>
 «Тек қана бір университеттің өзінде қашықтан оқыту форматына көшу үшін қомақты қаржат бөлінді. Яғни, қашықтан оқытуға көшу үшін біраз жұмысты атқару қажеттігі болды. Оның ішінде техникалық жұмыстар бар. Сондықтан тек Л.Н. Гумилев атындағы Еуразия ұлттық университетінде ғана емес, басқа да оқу орындарында да ауқымды жұмыстар қабылданды», – деді министр.
</blockquote>
Бұл тұрғыда ол білім беру сапасын төмендетіп алмау қажеттігін айтты.
<blockquote>
 «Дәстүрлі оқыту мен қашықтан оқыту форматындағы сапа бірдей деп айту қиын. Біздің алдымызда тұрған басты мақсат – ол бұл сапаны төмендетпеу үшін барлық қажетті жұмыстарды атқару», – деді ведомство басшысы.
</blockquote>
Сонымен қатар министр қысқы емтихандар сессиясына дайындық мәселесіне тоқталды. Осы орайда пайдаланылатын жүйені студенттерге егжей-тегжей түсіндіру тапсырылды.
<blockquote>
 «Академиялық адалдық қағидаларын сақтау маңыздылығы бар. «Қашықтан тапсырып жатырмын, ешкім көрмей тұр» деп көшіріп алу немесе басқа да мәселелер болса, одан кейін ол студенттердің нәтижелері бекітілмесе, сұрақтар туындайтыны белгілі. Сондықтан жүйелердің мүмкіндіктерін, онымен жұмыс істеу тәртібін, жауапкершілік жағын студенттер арасында түсіндіру жұмысын жүргізуді тапсырамын. Әр университеттің басшылығы студенттерге қатысты барлық түсіндіру жұмыстарын атқаруы керек», – деді А. Аймағамбетов.
</blockquote>

Білім министрі ректорларға қашықтан оқытуда студенттерге қойылатын талаптарды түсіндіруді тапсырды

<a href="https://kyzylorda-news.kz/">Kyzylorda-news.kz.</a> 2020 жылдың 11 қаңтарынан бастап мас күйде басқарғандарға жауапкершілік күшейтілген заң күшіне енседе оны сезінетін жүргізушілер аз. Жыл басынан бері патрульдік полиция қызметкерлерімен облыс бойынша 987 жүргізуші көлікті мас күйде басқарғаны анықталды. &nbsp;
Солардың бірі 1 желтоқсан күні Қызылорда облысы Полиция департаментінің патрульдік полиция қызметкерлерімен Қызылорда Аэропорт автожолы бойында Mitsubishi Outlander автокөлігі токтатылған. Тәртіп сақшыларымен құжаттарын тексеру барысында 39 жастағы жүргізушінің алкоголь ішіп, көлік басқарғаны анықталды. Медициналық сараптама қортындысы бойынша жүргізушінің мас күйде болғаны нақтыланды.
1981 жылғы жүргізушіге қатысты Қазақстан Республикасы Әкімшілік құқық бұзушылық туралы кодексінің 608 бабының 1 тармағымен әкімшілік іс қозғалып, сотқа жолданған.
Қызылорда қаласы мамандандырылған әкімшілік сотында жоғарыда аталған жүргізушіге қатысты әкімшілік іс қаралып, сот шешімімен құқық бұзушы 15 тәулікке әкімшілік қамаққа алынып, 7 жылға көлік жүргізу құқығынан айырылды.

Қазақстан және Қызылорда облысының жаңалықтары