Kyzylorda-news.kz. 10.05.2020ж. сағат 09:30 уақыты бойынша өңірімізде “Covid-19” вирусын жұқтырғандар қатары 229-ға жетті. Бұл туралы облыстық денсаулық сақтау басқармасы хабарлады.
Тіркелген 3 жағдай да Қызылорда қаласынан анықталды. 
Айта кетейік, аймағымызда бүгінгі күнге дейін коронавирус инфекциясының 229 дерегі тіркеліп отыр.(Қызылорда қаласында –92 жағдай, Жаңақорған ауданы – 31, Арал ауданы – 6, Сырдария ауданы – 26, Қармақшы ауданы – 5, Шиелі ауданы – 66, Қазалы ауданы – 3). Барлығының жағдайы бақылау барысында бірқалыпты.

Қызылорда облысындағы короновирус инфекциясын 229 адам жұқтырды

Kyzylorda-news.kz. Қызылорда облысы бойынша биыл 183,1 мың гектарға егiс егу межеленген.
Қазіргі таңда, облыста 30,0 мың гектарға жуық күріштен басқа ауыл шаруашылығы дақылдары егіліп, 42157 гектар ескі жоңышқа мен 4142 гектар күздік бидай күтімге алынды. 
Бүгінде қала және барлық аудандарда негізгі дақыл күріш себу жұмыстары жүргізілуде.
Қазіргі таңда, 37 835 гектарға дән себіліп, 27 738 гектары суға бастырылды. 
Айта кету қажет, өткен жылмен салыстырғанда биылғы жылы ауа райының қолайлы болуына байланысты шаруашылық құрылымдары күріш егу жұмыстарына ерте кірісті.
Нәтижесінде күріш егу өткен жылғы осы кезеңмен салыстырғанда 13,8 мың гектарға, суға бастыру 11,8 мың гектарға алда келеді. Осыған сәйкес, облыста күріш егу жұмыстарын 30 мамырдан кешіктірмей аяқтау жоспарлануда. 
Сонымен қатар, облыста егіс көлемдерін әртараптандыру бағытында биылғы жылы соя дақылын 290 гектарға, қант құмайын 200 гектарға, 60 гектарға жеміс-жидек, жүзім отырғызу және су үнемдеу технологиясын қолдану арқылы барлығы 200 гектарға ауыл шаруашылығы дақылдарын орналастыру межеленген. 
Бүгінгі таңда, 59 гектарға жеміс ағаштары және 1 гектарға жүзім отырғызылып меже толығымен орындалса, 80 гектар қант құмайы және су үнемдеу технологиясымен 101 гектарға ауыл шаруашылығы дақылдары егілді.
Облысқа 2020 жылдың көктемгі дала және егіс жұмыстарын жүргізуге бөлінген арзандатылған дизель отыны белгіленген операторлар арқылы облысқа жеткізіліп, шаруашылықтарға әр литрі 162 теңгеден таратылуда. 
Ауыл шаруашылығы техникалары толықтай дайындалып, егіс егу науқанына қатысуда.
Соңғы жылдары мемлекет тарапынан көрсетіліп жатқан қолдаулардың арқасында облыстың машина-трактор паркі тұрақты жаңарып келеді. 
Жалпы соңғы 5 жылда 25,5 млрд. теңгеге 1049 дана жаңадан ауыл шаруашылығы техникалары сатып алынып машина-трактор паркі 23,7%-ға жаңарды.
Биылғы жылы да облыстың шаруашылық құрылымдары «ҚазАгроҚаржы» АҚ-ның Қызылорда филиалы арқылы 5,0 млрд теңгеге ауыл шаруашылығы техникаларын сатып алуды жоспарлап, бүгінгі күнге 1,3 млрд теңгеге 20 дана ауыл шаруашылығы техникалары сатып алынды.

Қызылордада көктемгі дала жұмыстары қарқын алды

1994 жылы&nbsp;«Сабин металл корпорейшн» (АҚШ) корпорациясы зауытында республикадағы тұңғыш платина құймасы алынды. Тазалығы 99,95, жалпы салмағы 14 келі болатын алғашқы өнім Қазақстан Республикасының Мемлекеттік қоймасына өткізілді.
1998 жылы&nbsp;Алматыда Президент Н.Назарбаевтың қатысуымен Экономикалық ынтымақтастық ұйымының (ЭЫҰ) V саммиті өтті. Саммитте көлік және коммуникация, ауыл шаруашылығы, экология және қоршаған ортаны қорғау саласындағы ынтымақтастықты дамытудың басты бағыттары анықталған Экономикалық ынтымақтастық ұйымының Алматылық декларациясы қабылданды.
2007 жылы&nbsp;«Бурабай» ұлттық бағының орманды алқабында орналасқан, Қотыркөл көлінің жағасында «Қазақстан темір жолы» ҰК» АҚ-ның емдік-сауықтыру кешені ашылды. Қазіргі заманға сай жобамен салынған емдеу орталығында компанияның мыңдаған қызметкерлері мен зейнеткерлері өздерінің денсаулықтарын жақсарта алады. Шипажайда демалу, жүрек-қолқа және тірек-қимыл жүйелері аурулары бар адамдарға барлық мүмкіндіктер жасалған.
2013 жылы&nbsp;Қазақстан Президенті Нұрсұлтан Назарбаев пен Түрікменстан басшысы Гурбангулы Бердымухамедов Ақордадағы келіссөздер барысында Ақтауда Түрікменстан және Түрікменбашыда – Қазақстан консулдығын ашу туралы келісім жасасты.

10 мамыр: Атаулы күндер мен оқиғалар

<a href="https://kyzylorda-news.kz/">Kyzylorda-news.kz</a> ақпарат агенттігінің 10 мамырға арналған жұлдыз-жорамалы.
Тоқты
Бүгін жақындарыңыз қуана-қуана сіздің айтқандарыңызды істейді. Ең бастысы қандай мақсат көздеп отырғаныңызды білсеңіз болды. Шыдамдылық пен табандылықтың арқасында адамдардың сеніміне кіресіз. Енді келесі мақсатыңызды айқындап алыңыз.
Торпақ
Бүгін сізге ұсыныс тастағандардың идеялары сіздің көңіліңізден шыға бермейді. Бірақ оны бірден оларға айтудың қажеті жоқ. Сонымен қатар бүгін көзге көп түспегеніңіз жөн. Кпөшіліктің арасында жүргеніңіз өзіңізге жақсы. Қызбалыққа салынбай, көңіл-күйіңізді қадағалаңыз.
Егіздер
Бүгін жұмысыңыз сәтті аяқталсын десеңіз, достарыңыздың, таныстарыңыздың көмегіне жүгініңіз. Әсіресе бірлесе шешуді талап ететін істерде еш қысылмаңыз. Сонымен қатар бүгінгі күн сіз үшін өте қолайлы күн, бірақ біраз тер төгу керек болады.
Шаян
Сіз бұрын айтқан идеяны айналаңыздағылар қабылдамаса, уайымдамаңыз. Оларға жай ғана уақыт қажет. Алға қойған бағытыңыздан таймаңыз. Тек идеяңызды достарыңызға, әріптестеріңізге тағы бір қайталап түсіндіріп көріңіз. Сонда ғана ешкім сізді өз бетіңізше әрекет етті деп айыптамайды.
Арыстан
Сіз үшін өте сәтті күн. Бүгін жақсылық атаулының барлығы сіздің жаныңыздан табылады. Бәлкім, жақындарыңыз жобаларыңыздың бірін жүзеге асыру үшін көмегін ұсынады. Бастысы жақындарыңызға сол көмектері үшін рахмет айтуды ұмытпаңыздар.
Бикеш
Жұмыста да, жеке қарым-қатынаста да жаңа таныстар табасыз. Өзгерістерден қорықпаңыз, олар жаңа сезімдер әкеледі. Өміріңіздің жаңа парағын ашыңыз. Бір есікті ашу үшін екіншіні жабу керек. Сізді жақсы жаңалықтар күтіп тұр.
Таразы
Бүгін жұмыста туындаған қиындықтарды қаншалықты шешуге талпынсаңыз да, жұлдыздар олардың бәрін кейінге қалдыруға кеңес береді. Сонымен қатар сізге қатысы жоқ дауға араласпаңыз. Әйтпесе өзіңіз опық жеп қалуыңыз мүмкін.
Сарышаян
Бүгін сіз көп сөйлеп, елдің мазасын аласыз. Әңгіменің турасын айта алмайсыз. Сондықтан өзіңізді қолдайтын адам табу қиын болады. Соңғы кездері жақындарыңыздың көмегіне көп сенген боларсыз, бірақ бүгін бәрінің өз жоспарлары бар.
Мерген
Жетістікке жету мүмкіндігіңіз бар, сондықтан жолыңызда қиындықтар туындаса оларды шешуге тырысыңыз. Бүгінгі күннің басты қиындығы, айналадағы адамдармен болатын түсініспеушіліктер болып тұр. Кикілжіңдердің алдын алып отырғаныңыз дұрыс.
Тауешкі
Егер бүгін ұсынылған іс немесе ортақ жобаға қатысты қандай да бір күмәніңіз болса, бірден бас тартыңыз. Не болмаса біраз ойланып, шешімді ертең қабылдаңыз. Уақыт өте келе күмәніңіз сейілмесе, күшіңіз бен қаржыңызды жұмсайтын басқа іс таба аласыз.
Суқұйғыш
Бүгінгі күн тыныштықта өтеді. Қиындықтар мен жайсыздықтар болмайды. Істеген істеріңіздің барылығы өзіңіздің немесе өзгелердің пайдасына жарайды. Бүгін маңызды шешім қабылдайтын күн емес. Жұмыста да белсенділік танытпаған жөн.
Балықтар
Бүгінгі күн сізді кәсіпті немесе ортақ мүлікті басқаруға қатысты жақсы жаңалықтармен қуантады. Барлық іс өз ретімен шешіледі, сіз әуреге түспейсіз. Жұмысты аяқтау үшін қандай да бір әрекет жасау керек деп ойлап жүрсеңіз, жақындарыңыз көмектесетін болады.

Жұлдыздар не дейді?

<a href="https://kyzylorda-news.kz/">Kyzylorda-news.kz.</a> «Жасампаз жасақ»: Қызылордада ең көп дауыс жинаған бейнеролик иелері анықталды
Ұлы Жеңістің 75 жылдығын біз карантин жағдайында қарсы алдық. Алайда, бұл төтенше жағдай кезінде де бізге адамзат тарихындағы ең қорқынышты соғыста жеңіске жеткен әкелеріміз бен аталарымызды еске алуға кедергі келтірмеді.
Жеңіс күніне орай Қызылорда облысы әкімдігінің бастамасымен «Жасампаз жасақ» виртуалды акциясы бастау алды. Ұйымдастырушылар өңір тұрғындарын белсене қатысуға шақырды. Акцияның шарты бойынша фашизммен шайқасқан ардагер туыстары мен жақындары туралы бейнеролик түсіру қажет болатын.
Бірінші болып әкесі туралы естелікпен облыс әкімі Гүлшара Әбдіқалықова бөлісті. Өңір басшысының бастамасын қолдаушылар да өз атасы, әкесі, жақындары жайында бейнероликтерін ұсынды. Түсірілген бейнероликтердің барлығы әлеуметтік желіде жарияланды. Нәтижесінде екі апта ішінде облыс әкімдігінің сайтында орналастырылған майдангерлер туралы жүздеген тарих жиналды. Ұнаған бейнеролик үшін дауыс беру бүгін 9 мамыр күні сағат 9:00-ге дейін жалғасты.
Ең көп дауыс жинаған ардагерлер туралы естеліктер:
Қалқабай Әбенов – жауынгерлік жолын Курск доғасында бастаған. Ол Висла мен Одерден өтіп, Варшаваны босатуға, Берлинді жаулап алуға қатысқан жауынгер. Соғыстан кейін журналист болып, 18 жыл бойы облыстық «Ленин жолы» газетінің бас редакторы қызметін атқарған.
Маханбет Бержанов – соғыстың көзі тірі куәгері. Ол небәрі 18 жасында майданға аттанып, ерлігі үшін бірнеше рет ордендермен және медальдармен марапатталған.
Бекбай Ақмамбетов – Украина мен Балтық жағалауын азат етуге қатысқан. Соғыс уақытында екі рет жарақат алған. Елге оралғаннан кейін туған жері Сұлутөбе ауылында еңбек еткен.
Олардың әрқайсысына бір жарым мыңға жуық адам дауыс берген. Бұл майдангерлердің туыстарына облыс әкімдігінен естелік сыйлықтар табысталады. Көп дауыс жинаған роликтер бүгін «QYZYLORDA» телеарнасының кешкі жаңалықтар шығарылымында арнайы сюжет ретінде көрермендерге ұсынылатын болады.

«Жасампаз жасақ»: Қызылордада ең көп дауыс жинаған бейнеролик иелері анықталды

<a href="https://kyzylorda-news.kz/">Kyzylorda-news.kz.</a> Ұлы Жеңістің 75 жылдық мерейтойына орай Қызылордадағы Назарбаев Зияткерлік мектебінің оқушылары мен ата-аналары облыстағы ардагерлердің үйіне барып, мерекемен құттықтады.
Бүгінде Қызылорда облысында көзі тірі небәрі 16 Ұлы Отан соғысының ардагерлері қалды. Солардың бірі 96 жастағы Әбдірахман Байтіков. 1942 жылы майданға аттанған ол Курск шайқасында атқыштар дивизиясының құрамында ерліктің нағыз үлгісін көрсетті. Жеңіс батырына Зияткерлік мектептің «Алаш» Шаңырағы сый-құрмет көрсетіп, ақсақалдың ақ батасын алды.
Отты жылдарда Беларусь, Польша, Германия майдандарында болған тағы бір Жеңіс батыры – Бөрібай Құлманұлы биыл ғасырлық тойын атап өтеді. «Сұңқар» шаңырағы өкілдерімен өткен кездесуде Бөрібай ата майдан даласындағы естеліктерін айтып, өзіне көрсетілген құрметі үшін ризашылығын білдірді.
<blockquote>
 «Елімізде тыныштық болсын, халқымыз ауызбіршілікте өмір сүріп, жастарымыз еліміздің атын асқақтата берсін. Арнайы бас соғып жағдайымды сұрап келгендеріне үлкен рақметімді айтамын. Өрендеріміз білімді болып, еліне, жеріне қызмет ететін нағыз маман иелері болып өссін», – дейді ақсақал.
</blockquote>
Мәскеу маңында әуе шабуылына қарсы қорғаныс әскерінің сапында талай жауға соққы беруде жанын аямаған Кәлеп Бектұрғановқа да мектептің шынайы құрметі мен алғысын 12-сынып оқушысы Тамара Розметова жеткізді.
<blockquote>
 «Ер есімі – ел есінде» демекші, ешкім де, ештеңе де ұмытылмайды. Ардагерлердің ерен ерліктері, қажырлы еңбектері мен табандылықтары үшін бас иеміз. Біздің білім алуымызға және болашаққа мақсат құрып, армандардың орындалуына жол ашып, бейбіт күндерді сыйлаған ел ақсақалдарына алғысымды білдіремін, жадымызда мәңгілік сақталады», – деген құттықтауын жеткізді 12-сынып оқушысы Тамара Розметова.
</blockquote>
Осылайша отты жылдардың бел ортасында болып, соғысты басынан өткерген тарихи адамдармен жүздесу бақытына ие болған қызылордалық зияткерлер Жеңіс батырларының есімдері жастардың мәңгілік есінде сақталып, олардың жасаған ерліктері ұрпақтан ұрпаққа жетіп отыратынын көрсетті.
<img src="https://kyzylorda-news.kz/wp-content/uploads/2020/05/whatsapp-image-2020-05-03-at-17.14.09.jpeg" alt="" />
<img src="https://kyzylorda-news.kz/wp-content/uploads/2020/05/whatsapp-image-2020-05-07-at-12.43.32.jpeg" alt="" />
<ul>
<li><img src="https://kyzylorda-news.kz/wp-content/uploads/2020/05/whatsapp-image-2020-05-07-at-13.06.29.jpeg" alt="" /></li>
</ul>
<img src="https://kyzylorda-news.kz/wp-content/uploads/2020/05/whatsapp-image-2020-05-06-at-15.43.42.jpeg" alt="" />

Қызылордалық зияткерлер жеңіс батырларымен жүздесу сәтін ешқашан ұмытпайды (ФОТО)

<a href="https://kyzylorda-news.kz/">Kyzylorda-news.kz.</a> Қызылорда облысының тұрғындары Түркістан облысындағы су тасқынынан зардап шеккендерге көмек жинауды жалғастыруда.
Қызылордалықтар Мақтаарал ауданына тағы 24 тонна гуманитарлық көмек жіберді. Оны жинауға Шиелі, Жаңақорған және Қазалы аудандарының кәсіпкерлері, мешіт жамағаты, жүргізушілер мен бастамашыл халық өкілдері атсалысты.
Бүгін 7 автомашинадан құралған керуен жолға шықты. Аталмыш керуен зардап шеккендерге азық-түлік, киім-кешек, бірінші кезекте қажетті заттар мен жеке гигиена құралдарын жеткізеді.
Сонымен қатар, Шиелі ауданы тұрғындары Мақтаарал халқына 1 млн теңге қаражат жинап берген.
Гуманитарлық көмек көрсету жұмыстары жалғасуда.

Сыр елінен Түркістан облысына тағы 24 тонна гуманитарлық көмек жөнелтілді

<a href="https://kyzylorda-news.kz/">Kyzylorda-news.kz.</a> Ұлы Отан соғысының 75 жылдығын Қызылорда облысында 15 Ұлы Соғысының ардагері қарсы алды.
Облыс көлемінде Ұлы Отан соғысындағы Жеңістің 75 жылдығына орай 4335 Ұлы Отан соғысының ардагерлеріне және оларға теңестірілген азаматтарға біржолғы материалдық көмек көрсетуге облыстық және аудандық бюджеттен барлығы 454,8 млн.теңге бөлінді.
Оның ішінде:
– 16 ҰОС қатысушыларына бюджеттен біржолғы материалдық көмек 1 млн. 111,1 мың теңге төленуде;
– ҰОС жылдарындағы тылдағы қажырлы еңбегі мен мінсіз әскери қызметі үшін бұрынғы КСРО ордендерімен және медальдарымен марапатталған 36 адамға 183,3 мың теңгеден төленеді.
– ҰОС жылдарында тылда кемінде 6 ай жұмыс істеген, Ұлы Отан соғысы кезiнде майдандағы армия құрамына кiрген әскери бөлiмдерде, штабтарда, мекемелерде штаттық қызмет атқарған Совет Армиясының, Әскери-Теңiз Флотының, бұрынғы КСР Одағының iшкi iстер және мемлекеттiк қауiпсiздiк әскерлерi мен органдарының ерiктi жалдама құрамаларыннда болған 4234 азаматқа 100,0 мың теңгеден біржолғы әлеуметтік көмек беріледі.
– Қайтыс болған соғыс мүгедектерiнiң және соларға теңестiрiлген мүгедектердiң әйелдерiне (күйеулерiне) 1 адамға 100 мың теңге төленеді. Өңірде олардың жалпы саны– 49.

Қызылорда облысы Ұлы Жеңістің 75 жылдығын жоғары дайындықпен қарсы алды

<a href="https://kyzylorda-news.kz/">Kyzylorda-news.kz.</a> Қызылорда облысы Төтенше жағдайлар департаментінің қызметкерлері 100 жасқа келген соғыс ардагерін құттықтады.
Бүгін Бөрібай ақсақалды қызылордалық төтеншеліктердің атынан департамент бастығының орынбасары, полковник Саид Молдақараев бастаған қызметкерлер құттықтап, ақ батасын алып қайтты.
Жеңіс күні қарсаңында соғыс ардагері Бөрібай Құлманов ақсақал 100 жасқа келіп отыр.
Өзінің еңбек жолын ауылшаруашылығы саласынан бастаған ардагер 1941 жылы Ұлы Отан соғысына аттанып, Германия, Поляк және Белоруссия жерлерін жаудан азат етуге қатысқан.
Ұлы Отан соғысынан кейін де тағы 6 жыл Қытай мен Шығыс Түркістанда құпия миссияны орындаған майдангер еліне оралған соң өзінің еңбек жолын облыстық Ауыл шаруашылығы басқармасында жалғастырады.
Жеңіс күнінде өзіне құрмет көрсеткен департамент қызметкерлеріне ғасыр жасаған майдангер батасын беріп, еңбектеріне жеміс тіледі.
Сондай-ақ, департамент қызметкерлері Ұлы Отан соғысының және Ішкі істер органдарының ардагері Жұма Демеуұлының әйелі Раиса Батырханқызын арнайы құттықтап, сый-сыяпат көрсетті.
<img src="https://kyzylorda-news.kz/wp-content/uploads/2020/05/img_5312-23.jpg" alt="" />
<img src="https://kyzylorda-news.kz/wp-content/uploads/2020/05/fullsizerender-07-05-20-10-20-3.jpg" alt="" />
<img src="https://kyzylorda-news.kz/wp-content/uploads/2020/05/fullsizerender-07-05-20-10-20-7.jpg" alt="" />

Қызылордада төтеншеліктер 100 жастағы майдангерді құттықтады

<a href="https://kyzylorda-news.kz/">Kyzylorda-news.kz.</a> Қызылордада қылмыстық-атқару жүйесінің қызметкерлері Ұлы Отан соғысының ардагерлеріне құрмет көрсетті. Олар отан үшін кеуделерін от пен оққа тосқан майдангерлердің үйлеріне арнайы барып құттықтады.
Қызылорда облыстық ҚАЖ департаментіне қарасты ЗК-169/1 мекемесінің қызметкерлері тыл ардагері Ануза Елекеваны Жеңіс күнімен құттықтап, сый-сыяпаттарын табыстады.
Ануза апай аталған мекеме қызметкерлеріне осы бақытты өміріне тек адал еңбекпен жеткендігін айтып, сұрапыл соғыс жылдарындағы тартқан тауқыметі жайлы толғана сыр шертті.
Соғыс басталғанда не бәрі 17 жаста болған қара қыз тыл еңбегінің ауыр жүгін арқаласа да, ұрпағының бүгінгі бақытты сәті үшін көрген мехнатына еш өкінбейтіндігін айтты.
Сондай-ақ, ЗК-169/5 мекемесінің қызметкерлері Ұлы ОТан соғысының ардагері Әбдірахман Бәйтіков ақсақалдың шаңырағында болып, мерекесімен құттықтады.
Қарт жауынгер 1942 жылы Курск шайқасына қатысып, қан майданның сұмдық көріністеріне куә болады. 1943 жылы қолынан ауыр жараланып, елге оралған.
95 жасқа келген абыз ақсақалдың әсерлі әңгімелерін тыңдап, батасын алған мекеме қызметкерлері ардагерге тек бейбіт күннің куәгері болып жүре беруін тілеп қайтты.
<img src="https://kyzylorda-news.kz/wp-content/uploads/2020/05/whatsapp-image-2020-05-06-at-23.56.31.jpeg" alt="" />

Қызылордада ҚАЖ қызметкерлері ардагерлерге құрмет көрсетті

<a href="https://kyzylorda-news.kz/">Kyzylorda-news.kz.</a> Отан үшін от кешіп, кеудесін оққа тосқан ардагерлерге құрмет көрсету – кейінгі ұрпақ парызы. Теңдессіз ерліктің күшімен өскелең ұрпаққа бейбітшілік әкелген Ұлы Жеңіс күні қарсаңында Қызылорда облысы Полиция департаментінің бастығы, полиция полковнигі Бектөре Сұлтан бастаған қызметкерлер тобы Ұлы Отан соғысының ардагері Махамбет Бержанов ақсақалды Сырдария ауданына барып құттықтады.
Бүгінде Ұлы Отан Соғысының ардагері Махамбет Бержанов Сырдария ауданында тұрады. Соғыс кезінде Забайкал әскери округі 36-шы армиясының 293-ші атқыштар полкінде Чита облысында әскери борышын атқарған.
Ұлы Отан соғысы жылдарында «Жапонияны жеңгені үшін» I дәрежелі орденімен, «Ерен еңбегі үшін», «Кеңес милициясына – 50 жыл» медальдарымен наградталып, «Үздік қызметі үшін» төсбелгісімен марапатталған.
Отставкадағы милиция полковнигі Махамбет Бержанұлы 1925 жылы Жалағаш ауданының Еңбекші ауылында дүниеге келген.
1948 жылы майданнан оралғаннан кейін, осы жылдың маусым айынан бастап, 1953 жылдың наурыз айына дейін Жалағаш және Қармақшы аудандық милиция бөлімдерінде кіші жедел уәкілі қызметін атқарған.
Кейіннен 1954 жылдың маусым айына дейін КСРО ІІМ-нің Алматы қаласындағы мектебінің тыңдаушысы болған. Осы жылдың маусым-тамыз айлары Арал аудандық милиция бөлімінің №585 арнайы комендатурасының коменданты, 1963 жылдың ақпан айына дейін Арал және Жалағаш аудандық милиция бөлімінің аға жедел уәкілі, сонан соң Сырдария аудандық милиция бөлімінің аға жедел уәкілі және Сырдария аудандық милиция бөлімі бастығының орынбасары болып еңбек еткен.
1975 жылдың мамыр айынан бастап, Қармақшы АІІБ-нің бастығы лауазымында болып, 1983 жылдың мамыр айында шекті жасқа толуына байланысты ішкі істер органдарынан құрметті демалысқа шыққан.
Бүгінде өркен жайған алып бәйтеректей үлкен бір әулеттің ақылшы тірегі ардагер Махамбет ақсақал немере-шөберелерінің сүйікті атасына айналған қадірменді қария. 95 жастағы майдангер қазақ елінің болашағына зор сеніммен қарайды.
<blockquote>
 «Ұлы Отан соғысы кезінде майданға аттанған әкелеріміз бен аталарымыздың ерлігі өлшеусіз. Оларға лайықты құрмет көрсету біз үшін парыз. Болашақ ұрпаққа сыйлаған бейбіт заман, ашық аспан, теңдесі жоқ ерліктеріңіз үшін жеке құрам атынан алғысымды білдіре отырып, өмірлік күш-қуаттарыңыз ұзағынан болсын дегім келеді», – деді арнайылап құттықтап келген Бектөре Жеңісбайұлы.
</blockquote>
Айта кетейік, Қызылорда облысының Полиция департаментінде Ұлы Отан соғысының 2 ардагері, оларға теңестірілген 2 ардагер және 11 тыл еңбеккерлері қызмет атқарған.
<img src="https://kyzylorda-news.kz/wp-content/uploads/2020/05/img_1556-scaled.jpg" alt="" />

Қызылордалық полицейлер 95 жастағы майдангерді Сырдария ауданына арнайы барып құттықтады

<a href="https://kyzylorda-news.kz/">Kyzylorda-news.kz.</a> Бүгін Қызылорда қаласының әкімі Нұрлыбек Нәлібаев Ұлы Отан соғысының ардагері, 96 жастағы Әбдірахман Бәйтіковке Мемлекет басшысы Қасым-Жомарт Тоқаевтың құттықтау хатын тапсырды.
Шаһар басшысы қариямен әңгіме барысында қазіргі таңда еліміздегі жағдайға байланысты Қазақстанымыздың кез келген қиындықты мойымай, жеңіп шығатынын жеткізе отырып, Мемлекет басшысының және облыс әкімінің құттықтауын жеткізіп, арнайы дайындалған мерекелік медальді табыстап, сый-құрмет көрсетті.
Өз кезегінде ардагер замандастарының соғыста жасалған ерліктерін жеткізе отырып, жас ұрпаққа “Тәуелсіздігімізді мәңгіге сақтап, Қазақ елін одан әрі дамыта беріңдер!”, – деп ақ батасын берді.
Майдангер Әбдірахман Бәйтіков мектеп бітірісімен 1942 жылдың тамыз айында әскер қатарына алынды. 18 жасқа толған шағында жас сарбаз елін қорғауға аттанған.
Cарбаз алдымен офицерлер дайындайтын курстан өтеді. 1943 жылы майдан даласына барып, Курск шайқасына қатысқан. 1943 жылы Курск доғасында ауыр жарақат алған.
Елге 1944 жылы 2-топ соғыс мүгедегі болып оралып, колхоз қой фермасында 30 жыл есепші қызметін атқарған. Ардагер ұрыс даласында ерлігімен көзге түсіп, бірнеше орден-медальдармен марапатталған.
Әбдірахман аға жұбайы Кеңескүл екеуі 10 бала тәрбиелеп, оларға жоғарғы білім беріп өсірген. Олардан 31 немере, 38 шөбере сүйіп отырған өнегелі отбасы.
Жалпы биыл Ұлы Жеңістің 75 жылдығына орай қала бойынша ҰОС қатысушылары мен мүгедектерінің, тыл еңбеккерлеріне біржолғы әлеуметтік төлемдер берілді.
Нақты айтар болсақ, қазіргі таңда қалада 8 Ұлы Отан соғысына қатысушылар мен мүгедектері бар, облыстық бюджеттен 500,0 мың теңге, жергілікті бюджеттен 111,0 мың теңге, барлығы 611,0 мың теңгеден төленді және қалалық мәслихаттың шешімімен облыстық бюджеттен 500,0 мың теңгеден бөлініп, барлығы 1 млн 111 мың теңге берілді.
Ұлы Отан соғысы жылдарында тылдағы қажырлы еңбегі мен мінсіз әскери қызметі үшін марапатталған 16 тыл ардагеріне облыстық бюджеттен 100,0 мың теңге, жергілікті бюджеттен 83,3 мың теңге барлығы 183,3 мың теңге төленді.
Тылда алты ай еңбек еткен 1365 ардагерге облыстық бюджеттен 100 мың теңге төленді.
Сонымен қатар төтенше жағдайға байланысты «Біргеміз!» қоғамдық қоры арқылы 8 Ұлы Отан соғысы және 16 тыл ардагерлеріне 50 мың теңгеден біржолғы көмек көрсетілді.
<img src="https://kyzylorda-news.kz/wp-content/uploads/2020/05/whatsapp-image-2020-05-08-at-23.37.58-1.jpeg" alt="" />
<img src="https://kyzylorda-news.kz/wp-content/uploads/2020/05/whatsapp-image-2020-05-08-at-23.37.57.jpeg" alt="" />
<img src="https://kyzylorda-news.kz/wp-content/uploads/2020/05/whatsapp-image-2020-05-08-at-23.37.57-1.jpeg" alt="" />

Қазақстан және Қызылорда облысының жаңалықтары