<a href="https://kyzylorda-news.kz/">Kyzylorda-news.kz</a>. Кетогендік диета кезінде ұннан жасалған тағамдар мен тәттіден бас тарту қажет. Көмірсуды аз қолдану ағзадағы “жаман” холестерин процентін азайтады, деп хабарлайды&nbsp;<a href="https://sputnik.kz/society/20201214/15729478/koronavirus-tamaq.html">SputnikҚазақстан.</a>
Мамандар тамақтанудың мұндай тәсілі қандағы қант деңгейін тұрақтандыратынын айтады. Зерттеу нәтижесінде диета плазмадағы кетон денелері деңгейін арттыратынын көрсетті.
<blockquote>
 “Тамақтанудың бұл тәсілі бейімді иммундық жасушалар қызметін жақсартып, коронавирус жұқтыру қаупін азайтады”, – делінген зерттеуде.&nbsp;
</blockquote>
Ғалымдар катогендік диета Т-лимфоцит рецепторымен байланысты жасушалар таралуына септесетінін анықтады. Сондай-ақ, қабынуға қарсы әсері бар.
Бұл диетада калориялардың 60-70%-і майлардан, 20-30%-і ақуыздан және 10 проценті көмірсулардан болуы керек. Майды өсімдік майы, ет, балық, ірімшік, қаймақ, тәтті емес йогурт, жұмыртқа, авокадо және жаңғақтардан алуға болады. Бұл өнімдердің дені ақуызға бай. Ал көмірсулар көкөніс, тәтті емес жеміс-жидектен алынады.&nbsp;&nbsp;
Бірақ гарнирге ботқа, макарон, картоп жемеген жөн. Тәтті мен алкогольдік ішімдікке тыйым салынады.&nbsp;
Алайда кез келген диета сынды, мұны да барлығы бірдей ұстана алмайды, Бүйрек, бауыр, сүйек сырқаты барлар мен командалық спорт түрімен айналысатындарға арналмаған.

Коронавирустан қорғану үшін қалай тамақтану керек

Kyzylorda-news.kz. Лондонда өткен «Супер әлемдік талант-2020» онлайн байқауында қызылордалық «Айшуақ» би тобы бірінші орынға ие болды.
Жас өнерпаздар халықаралық байқауда І дәрежелі дипломмен марапатталды. Би тобына Динара Оразова жетекшілік етеді.
Айта кетейік, «Айшуақ» би тобы Бұдабай Қабылұлы атындағы Шиелі аудандық мәдени-шығармашылық орталығы жанынан құрылған. Орталықта 10-13 жастағы өрендер тәлім алады.

Лондонда өткен байқауда қызылордалық бишілер жеңіске жетті

Kyzylorda-news.kz. «Менің туым, Менің Отаным!» бұқаралық челленджі аясында Қызылорда облысында барлығы 40 нысанға жүздеген Мемлекеттік ту орналастырылды. Сондай-ақ, барлық ауданда авто, вело, аттылы шеру өткізілді.
Ұлық мерекеде Сырдария ауданында аттылар шеруі ұйымдастырылды. Оған 30 шабандоз қатысып, Туды көкте самғатқан шабандоздар аудан орталығындағы көшелерімен жүріп өтті.
<blockquote>
 “Патриоттық шара жастарға қажет. Көше бойымен көк байрағымызды алып жүру арқылы біз ел бірлігі мығым, татулығымыз тұрақты екенін дәріптейміз. Жалпы, осындай бейбіт күнде өмір сүруіміз – Тәуелсіздігіміздің арқасы. Мереке құтты болсын”, – дейді атты шеруге қатысушы Хамзат Кеңесбаев.
</blockquote>
Бұған қоса, авто, вело шерулер барлық ауданда ұйымдастырылды. Жастар еліміздің Көк байрағын орталық көшелерімен алып өтіп, ұлықтауда. Көк Туымен тұғырлы болған Қазақ елі мәңгіліктің даңғылына түскен керуен көшінің өн бойында жаңа заманның жылы лебі еседі. Шұғылалы күннің астында қалықтап ұшқан қыран да қазақтың алар биігі асқақ екенінен сыр шертетіндей. Рухымызды аспандатар көк байрағымызды жоғары көтерген шерушілердің басты мақсаты – Тәуелсіздіктің қадірін ұлықтау, өскелең ұрпақтың бойына патриоттық сезім ұялату.
Мереке күндері бұл шаралар лайықты жалғасын табады.
<img src="https://kyzylorda-news.kz/wp-content/uploads/2020/12/fb_img_1608107641777.jpg" alt="" />
<img src="https://kyzylorda-news.kz/wp-content/uploads/2020/12/fb_img_1608107649157.jpg" alt="" />
<img src="https://kyzylorda-news.kz/wp-content/uploads/2020/12/fb_img_1608107646888.jpg" alt="" />

Қызылордада авто, вело, аттылар шеруі өтті

Kyzylorda-news.kz. Құрметті жерлестер! Қадірлі қызылордалықтар! Баршаңызды ата-бабаларымыздың асқақ арманы орындалып, елдік пен еркіндіктің, егемендіктің, бақытымыздың бастауы болған ұлы мереке – Қазақстан Республикасының Тәуелсіздік күнімен шын жүректен құттықтаймын!
Тәуелсіздік – шекарамызды шегендеп, ел еңсесінің биіктеуіне, егемендігімізге қолымыз жетіп, туымыз тұғырына нық орнауына негіз болды. Қазақ мемлекетін ұлы болашаққа бастап, тіліміз бен дініміз, дәстүр-салтымыз мен әдет-ғұрпымыздың қайта жаңғырып, халқымыздың теңдігі мен тұрақтылығына жол ашты.
Қазақстан өз тәуелсіздігін алған 30 жылға жуық уақыт ішінде тарихын түгендеп, барын бағамдап, асылын ардақтаған, елдігін талайға мойындатып, ұлтымыздың ұлылығын дәлелдеген халқы біртұтас, бірлігі бекем қуатты да кемел елге айналды.
Халқының береке-бірлігі артып, бір шаңырақ астында сан түрлі «Рухы бір – қандас, жүрегі бір – жандас» ұлт пен ұлыстың тыныштығы мен тұрақтылығын сақтап, Ұлы достықтың ордасы, бейбітшілік пен татулықтың мекені болды. Елімізді бұл толайым табыстарға, мол жетістіктерге жеткізген Елбасымыз Нұрсұлтан Әбішұлы Назарбаевтың сарабдал саясаты екені сөзсіз.
Елбасының бастамасымен өмірге келген жаңа бағдарламалар мен Мемлекет басшысының тың идеяларының ықпалымен Сыр елінің орталығы – Қызылорда қаласы да өрелі өзгерістердің алдыңғы шебінен көрініп, жарқын жетістіктерімен, жаңашылдықтарға жетіп, көш түзеп келеді.
Тұтас халықтың татулығы мен ауызбіршілігін арттырып, ел іргесін бекемдеп, Отанымыздың айбынын асқақтатып, тұрақты дамуы мен кемелденуінің негізі болған, күллі Қазақстан азаматтары үшін қадір тұтар басты байлығымыз – Тәуелсіздігіміз мәңгі болып, мәңгілік елге бағыт алған сапарымыз сәтті, ел еңсесі биік, болашағы жарқын, еліміз тыныш, Елбасымыз аман болғай!

Нұрлыбек Нәлібаев: Бірлігі бекем, қауатты да кемел елге айналды

Kyzylorda-news.kz. Өткен тәулікте Қазақстанда коронавирус инфекциясын жұқтырудың 749 жағдайы тіркелді, деп хаьарлайды coronavirus2020.kz.
Өңірлер бойынша:
Шығыс Қазақстан облысында – 17954 (+64),
Нұр-Сұлтан қаласында -17267(+86),
Алматы қаласында – 17201(+77),
Атырау облысында – 12206(+60),
Қарағанды облысында – 11541(+31),
Батыс Қазақстан облысында – 8645(+38),
Павлодар облысында – 7885(+80),
Солтүстік Қазақстан облысында – 7644(+65),
Қостанай облысында – 6539(+70),
Алматы облысында – 6313(+49),
Ақмола облысында – 6340(+65),
Шымкент қаласында -5443(+4),
Жамбыл облысында – 4762(+32),
Ақтөбе облысында -3588(+3),
Түркістан облысында – 3554(+7),
Маңғыстау облысында – 3519(+9),
Қызылорда облысында -3334(+9).
Пандемия басталғалы елімізде коронавирус инфекциясын жұқтырғандар саны 143 735 жетті.

COVID-19: Қызылордада өткен тәулікте 9 адам тіркелді

Kyzylorda-news.kz. Қымбатты жерлестер! Сіздерді еліміздің ең басты ұлық мерекесі – Қазақстан Республикасының Тәуелсіздік күнімен шын жүректен құттықтаймын!
​Тәуелсіздік – бұл бізге Тәңірдің берген Ұлы сыйы! ​Біз биыл Тәуелсіздіктің отызыншы жылына қадам бастық!​Тарихи тұрғыдан алғанда бұл аз мерзім болғанымен, ғасырға татырлық істер атқарылды.​
Тұңғыш Президентіміз – Елбасы Нұрсұлтан Әбішұлы Назарбаевтың бастауымен қарқынды дамып, өз жолымызды айқындадық. Сан ғасыр бабалар армандаған, сол жолда талайы құрбан болған азаттықтың арайлы таңының ұрпағына бұйыруы – басымызға қонған бақ қана емес, үлкен жауапкершілік!
​Жер бетіндегі қай халық үшін де бостандықтан биік, одан асқан ұлы мұрат жоқ. Сондықтан, Тәуелсіздігімізді болаттай берік ұстап, оны мәңгілендіру – халқымыздың ауызбіршілігі мен ынтымағында.
​Сыр елінің бүгінге дейін жеткен жетістігі мен алған биігінде әрбір сырбойылық азаматтың үлесі бар. Әр ісіміздің берекелі де нәтижелі болуы Сіз бен біздің бекем бірлігіміз бен тату тірлігімізде жатыр.
Сіздерді ең негізгі Ұлттық мерекемізбен құттықтай отырып, отбастарыңызға амандық, бақ-береке, толайым табыстар тілеймін!
Сүйікті Отанымыз – Тәуелсіз Қазақстанның мерейі үстем, мәртебесі биік болсын! Ешкім де жерімізге көз алартпасын, достығымызға сына қақпасын!
Еліміз еңселі, Тәуелсіздігіміз тұғырлы, ғұмыры баянды болсын! Тәуелсіздік күні құтты болсын!

Гүлшара Әбдіқалықова қызылордалықтарды Тәуелсіздік күнімен құттықтады

Kyzylorda-news.kz. Қазақстан Республикасының өз тәуелсіздігін жариялап, дербес мемлекет атанғанына бүгін 29 жыл толып отыр.
Бір кезде дүние жүзінің ауқымды бөлігін алып жатқан Кеңес одағының ыдырау кезеңі 1980 жылдардың екінші жартысында басталған еді. Қайта құру кезеңінде одақтас республикалар орталықтан дербес мемлекеттік және экономикалық тәуелсіздікке ұмтыла бастады. Алдымен Балтық елдері бөлініп шыққаннан кейін, 1991 жылдың 8 желтоқсанында Беларусь, Ресей және Украина елдері одақты біржолата ыдыратқан Беловеж келісіміне қол қойды. Осылайша, Кеңес одағы ыдырап, оның құрамындағы елдер дербестікке жетіп, әлемдегі мемлекеттердің қатарына тағы 15 мемлекет қосылды.
Одақтан бөлініп шыққан 15 мемлекеттің ішіндегі Қазақстан 1991 жылы 16 желтоқсанда «Тәуелсіздік пен мемлекеттің егемендігі туралы» заңды қабылдады. Айта кетерлігі, Қазақстан одақ құрамындағы елдердің арасында ең соңғысы болып Тәуелсіздігі туралы заңды қабылдаған мемлекет.
<blockquote>
 «Тәуелсіздіктің біздің бәрімізге артар міндеті мол. Енді еңселі ел болудың жолына шындап түсуіміз керек. Әулетіміздің асуы да, дәулетіміздің тасуы да өз қолымызда. Кең-байтақ жеріміздің байлығы осы даланың түпкілікті халқына да, тағдыр қосып бірге өмір сүріп жатқан өзге ұлт өкілдеріне де молынан жетеді. Не істесек те ақылмен істейік, арзан ұранға ермейік, ұшпа сезімге ерік бермейік дегім келеді», – деді Елбасы Нұрсұлтан Назарбаев 17 желтоқсанда Алматыдағы Орталық алаңда Қазақстан Республикасының мемлекеттік тәуелсіздігі жариялануына орай өткізілген жиында.
</blockquote>
Қазақстанның Тәуелсіздігін ресми түрде ең алғаш болып Америка Құрама Штаттары мойындаған еді. Одан кейін Қытай, Ұлыбритания, Моңғолия, Франция, Жапония, Оңтүстік Корея және Иран Ислам мемлекеті Қазақстанды тәуелсіз мемлекет ретінде мойындап, таныды. Түркия алғаш болып Қазақстанда өз елшілігін ашты.
Егемендікке қол жеткізгеннен кейін Қазақстан өзінің іргесін бекітіп, шекарасын шегендеп, мемлекеттігін нығайта түсті. 1992 жылдың 27 тамызы күні Ұлттық банк теңге купюрасының үлгілерін бекітті. Теңге Ұлыбританияда басылып шықты. 1993 жылдың 12 қарашасы күні Елбасы Нұрсұлтан Назарбаев «Қазақстан Республикасында ұлттық валюта енгізу туралы» Жарлыққа қол қойды. 1993 жылдың 15 қарашасында Тәуелсіз Қазақстан Республикасының төл валютасы айналымға енді.
1994 жылы Қазақстан Республикасы Жоғарғы Кеңесінде Нұрсұлтан Назарбаев Қазақстанның астанасын Алматыдан Ақмолаға көшіру туралы ұсыныс жасады. 1997 жылы қазанның 20-сында астананы ауыстыру туралы Жарлыққа қол қойды. 1998 жылы 6 мамырда Ақмола қаласының атауы Астана болып өзгерді. 1998 жылы маусымның 10-ында жаңа елорданың халықаралық тұсаукесер рәсімі өтті.
Қазақстан тәуелсіздік алғалы бері халық ынтымақтасып, жалпыұлттық, ұлтаралық бірлікті нығайтуға, рухани-мәдени жаңғыруға бет бұрды. Қысқа мерзімде Тәуелсіз Республикамыз совет империясынан мұра болып қалған көптеген өткір де өзекті мәселелердің шешімін тауып, саяси, экономикалық және әлеуметтік-мәдени салаларға да реформалар жүргізілді. Бүгін де Қазақстан экономикасы дамыған, бірнеше халықаралық ұйымдардың мүшесі, әлемдік сахнада өзіндік ықпалы бар мемлекетке айналып отыр.
<a href="https://www.inform.kz/kz/bugin-tauelsizdik-kuni_a3730767">ҚазАқпарат</a>

Бүгін &#8211; Тәуелсіздік күні

Kyzylorda-news.kz. Бүгін республиканың бірқатар өңірінде тұман түседі, деп хабарлайды Қазгидромет.
Синоптиктердің мәліметінше, Ақмола, Жамбыл, Түркістан және Қарағанды облыстарында тұман түседі. Ал Маңғыстауда көктайғақ сақталады. Сондай-ақ аталған аймақтарда желдің екпіні 15-20 метр секунд шамасында болады.

16 желтоқсанға арналған ауа райы болжамы

<a href="https://kyzylorda-news.kz/">Kyzylorda-news.kz</a>. Елімізде алғаш рет Ақтөбе қаласының аумағында мемлекет меншігіндегі жер учаскесін беру және оны сауда-саттық аукционы бойынша саудалау немесе жалға беру құқығы қызметтері аясында жер учаскесі сатылды.
Сынақ ретінде іске қосылған жоба аясында электронды үкімет порталы мен Бірыңғай мемлекеттік жылжымайтын мүлік кадастры, жергілікті атқарушы органның геопорталы және электронды сауда алаңының ақпараттық базалары өзара ықпалдастырылған болатын.
Алғашқы онлайн сауда барысында Ақтөбе қаласында мемлекет меншігіндегі екі сауда учаскесі сатылған. Оның бірі – Балабақша құрылысына арналған коммерциялық жер учаскесі. Ондағы аукцион аясында 5 өтініш түсіп, 1 га аумақ жер 7,8 млн теңгеге сатылды. Екінші жер учаскесі коммерциялық ғимаратқа арналған, мемлекет меншігіндегі 0,1 га аумақ жер аукционына 11 қатысушы өтініш беріп, жеңімпаз аталған жерді 10,3 млн теңгеге сатып алған.&nbsp;
Жер қатынастары және сәулет саласындағы жүргізілетін жұмыстарды цифрландыру аясында аталған пилоттық жоба Нұр-Сұлтан, Алматы, Атырау қалаларында да жүргізілетін болады.
Айта кетейік, Азаматтарға арналған үкімет «Цифрлық Қазақстан» мемлекеттік бағдарламасы аясында ақпараттық жүйелерді шоғырландыру жолымен жылжымайтын мүліктің бірыңғай мемлекеттік кадастрының ақпараттық жүйесін құру және енгізу жұмыстарын бастаған болатын.

Мемлекет меншігіндегі жер учаскесі алғаш рет онлайн сатылды

<a href="https://kyzylorda-news.kz/">Kyzylorda-news.kz</a>.Бүгін өңірлік коммуникациялар қызметінде облыс әкімі Серік Ахмет қасқырлардың бас бапкерін таныстырды. Енді қызылордалық «Қайсар» футболшыларын жаңа маусымда жергілікті маман Сұлтан Әбілдаев жаттықтырады.
Сұлтан Әбілдаев 1970 жылы 21 наурызда Қызылорда қаласында дүниеге келген. Кәсіби футболшы. Алаңда жартылай қорғаушы қызметін атқарған. Мансабының басым бөлігін «Қайсар» футбол кубында өткізген. Тек 2002 жылы бір маусым «Атырау» командасында ойнаған. Сұлтан Әбілдаев «Қайсар» футбол клубының тарихында ең көп ойын өткізген футболшы. Қазақстан Ұлттық Құрамасының намысын қорғаған. 2005 жылы мансабын аяқтаған соң, бапкерлік қызметке ден қояды. Алдымен футбол орталығында шәкірт тәрбиелеумен айналысса, 2009 жылы «Қайсар» командасын жаттықтырады. 2010 жылы бас бапкердің көмекшісі қызметін абыроймен атқарды. 2016 жылға дейін клубта түрлі бағытта қызмет атқарып, 2016 жылы «Қайсар» футбол клубына бас бапкер қызметіне тағайындалып, команданы Бірінші лигадан Премьер-лигаға шығарады. Сол жылы Бірінші лига арасында ең үздік бапкер атағына ие болды. Бүгінде жергілікті жаттықтырушы өңір футболының дамуына үлес қосып келеді. Сонымен қатар үстіміздегі жылдан бастап осы уақытқа дейін «Байқоңыр» футбол клубының бас бапкердің кеңесшісі қызметін атқарып келді. 
Айта кетейік, Сұлтан Әбілдаевқа жергілікті жаттықтырушылар Қанат Шерімбетов пен Ерлан Шойтымов көмек көрсетеді.

«Қайсар» футбол командасына жаңа бапкер тағайындалды

<a href="https://kyzylorda-news.kz/">Kyzylorda-news.kz</a>. Мемлекет басшысы Қасым-Жомарт Тоқаев 2021 жылды “Тәуелсіздіктің 30 жылдығы” деп жариялады. Бұл туралы Президент Тәуелсіздік күні қарсаңында өткен Мемлекеттік наградалар тапсыру рәсімінде айтты.
“Егемендік – әр халыққа бұйыра бермейтін баға жетпес бақыт. Тәуелсіздік шежіресі Тұңғыш Президентіміз – Елбасының тарихи тұлғасымен тығыз байланысты.&nbsp;Нұрсұлтан Әбішұлы Назарбаев – жаңа дәуірдегі Қазақстанның негізін қалаған ұлы қайраткер. Оның есімі жасампаздық жылнамасына Қазақ мемлекетінің авторы ретінде жазылды. Міне, егемен еліміздің өміріндегі тағы бір мерейлі белес жақындап келеді. Біз қастерлі Тәуелсіздіктің 30 жылдығына қадам басамыз.&nbsp;Бұл – баршамызға ортақ өнегелі өлшем, тағылымды кезең. Жаңа мемлекет құруға атсалысқан бүкіл халқымыздың ерен еңбегінің тарихи шежіресі. Сондықтан, мен келесі жылды «Тәуелсіздіктің 30 жылдығы» деп жарияладым”, – деді Қасым-Жомарт Тоқаев.

Қасым-Жомарт Тоқаев: Келесі жылды &#8220;Тәуелсіздіктің 30 жылдығы&#8221; деп жарияладым

<a href="https://kyzylorda-news.kz/">Kyzylorda-news.kz</a>. Мутация нәтижесінде пайда болып, Ұлыбританияда тараған коронавирустың SARS-CoV-2 жаңа штамы бұрынғыға қарағанда тез таралады, бірақ аурудың қауіптілік деңгейін өзгертпейді. Бұл туралы Дүниежүзілік денсаулық сақтау ұйымының COVID-19-ға қарсы жаһандық күрес жөніндегі арнайы өкілі Дэвид Набарро айтты.
«Ол өте жұқпалы, бірақ аса қауіпті емес», – деді.
Набарро жаңа штамға байланысты эпидемиямен күресудің тәсілдеріне өзгерістер енгізілмейтінін атап өтті.
Еске салсақ, бұған дейін&nbsp;Ұлыбританияда коронавирустың тез таралатын түрі шыққанын хабарлаған болатынбыз.
<a href="https://24.kz/kz/zha-aly-tar/lemde/item/442728-dds-koronavirusty-zha-a-mutatsiyasy-turaly-ajtty">Хабар 24</a>

Қазақстан және Қызылорда облысының жаңалықтары

Коронавирустан қорғану үшін қалай тамақтану керек

Лондонда өткен байқауда қызылордалық бишілер жеңіске жетті

Қызылордада авто, вело, аттылар шеруі өтті

Нұрлыбек Нәлібаев: Бірлігі бекем, қауатты да кемел елге айналды

COVID-19: Қызылордада өткен тәулікте 9 адам тіркелді

Гүлшара Әбдіқалықова қызылордалықтарды Тәуелсіздік күнімен құттықтады

Бүгін – Тәуелсіздік күні

16 желтоқсанға арналған ауа райы болжамы

Мемлекет меншігіндегі жер учаскесі алғаш рет онлайн сатылды

«Қайсар» футбол командасына жаңа бапкер тағайындалды

Қасым-Жомарт Тоқаев: Келесі жылды “Тәуелсіздіктің 30 жылдығы” деп жарияладым

ДДСҰ коронавирустың жаңа мутациясы туралы айтты

Қазақстан және Қызылорда облысының жаңалықтары

Коронавирустан қорғану үшін қалай тамақтану керек

Лондонда өткен байқауда қызылордалық бишілер жеңіске жетті

Қызылордада авто, вело, аттылар шеруі өтті

Нұрлыбек Нәлібаев: Бірлігі бекем, қауатты да кемел елге айналды

COVID-19: Қызылордада өткен тәулікте 9 адам тіркелді

Гүлшара Әбдіқалықова қызылордалықтарды Тәуелсіздік күнімен құттықтады

Бүгін &#8211; Тәуелсіздік күні

16 желтоқсанға арналған ауа райы болжамы

Мемлекет меншігіндегі жер учаскесі алғаш рет онлайн сатылды

«Қайсар» футбол командасына жаңа бапкер тағайындалды

Қасым-Жомарт Тоқаев: Келесі жылды &#8220;Тәуелсіздіктің 30 жылдығы&#8221; деп жарияладым

ДДСҰ коронавирустың жаңа мутациясы туралы айтты

Бүгін – Тәуелсіздік күні

Қасым-Жомарт Тоқаев: Келесі жылды “Тәуелсіздіктің 30 жылдығы” деп жарияладым