<a href="https://kyzylorda-news.kz/">Kyzylorda-news.kz.</a> Биылғы жылы Жосалы, Жалағаш, Тереңөзек аудандары мен Арал ауданына қарасты Жақсықылыш кентінде газдандыру жұмыстары аяқталады.
Сонымен қатар Қазалы ауданына қарасты Ғ.Мұратбаев пен Шиелі ауданындағы Байсын елдімекендерінде газ жүргізу жұмыстары бастау алады.
Мұнымен қоса, министрліктермен Қызылорда қаласына қарасты Наурыз, Махамбетов ауылдарын 2021 жылы газға қосу мәселесі қарастырылуда. Келер жылы Қазалы қаласын, Арал ауданына қарасты Сексеуіл кентін және Шиелі ауданының Ш.Қодаманов, Н.Бекежанов, Алғабас және Ақмая елдімекендеріне де көгілдір отын жеткізу мәселесі көтерілуде.

Қызылорда қаласына қарасты Наурыз саяжайына 2021 жылы газ келе ме?

<a href="https://kyzylorda-news.kz/">Kyzylorda-news.kz.</a> Шиелі ауданында бір аптада екі адам суға кетті, деп хабарлайды Қызылорда облыстық Төтенше жағдайлар департаменті Өрт сөндіру және авариялық-құтқару жұмыстары қызметінің баспасөз қызметі.
14 маусымда Шиелі ауданына қарасты Бәйгеқұм ауылындағы Ханқожа көліне 28 жастағы азамат батып кетті. Оның денесін судан достары алып шыққан. Ол шомылуға арналмаған жерге түскен.
Сондай-ақ ауданға қарасты Ә.Тәжібаев ауылында 8-сынып оқушысы елдімекенге жақын жердегі Телікөл каналын атпен кешіп өтпек болып, суға кеткен. Оқушының мәйітін ауыл тұрғындары шығарған.
«Қызылорда облысында жыл басынан бері 15 адам суға кетіп, көз жұмды. Бір адам құтқарылды. Соңғы аптада үш адам суға кетті. Тұрғындардан барлық қауіпсіздік шараларын сақтауын сұраймыз», – делінген хабарламада.

Шиеліде 8-сынып оқушысы суға кетті

<a href="https://kyzylorda-news.kz/">Kyzylorda-news.kz.</a> Арал ауданының әкімі Мұхтар Оразбаев аудан орталығындағы бірқатар әлеуметтік нысандарды аралады.
Аудан әкімі «Жұмыспен қамтудың жол картасы» мемлекеттік бағдарламасына енгізілген жобалардың жүргізілу барысымен танысып өтті.
Соның ішінде №19 Арал ауданының олимпиадалық резервтің мамандандырылған балалар-жасөспірімдер мектебінің жылыту қазандығын сұйық отыннан көгілдір отынға ауыстыру жұмыстарын қолға алған мердігер компания өкілдерімен жүздесіп, жұмысты тиянақты әрі мерзімінде орындап шығуды тарсырды.
Сонымен қатар аудандық оқушылар үйінің құрылыс басында болып, қалаішілік жолдарды асфальттау, абаттандыру жұмыстарын бақылап өтті.
<img src="https://kyzylorda-news.kz/wp-content/uploads/2020/06/aral1-11.jpg" alt="" />

Аралда әлеуметтік нысандардың жұмысы басты назарда

<a href="https://kyzylorda-news.kz/">Kyzylorda-news.kz.</a> Қазақстанда жыл басынан бері көпбалалы аналар мемлекеттен 93,9 миллиард теңге жәрдемақы алды, деп хабарлайды&nbsp;ҚР Еңбек және халықты әлеуметтік қорғау министрлігінің баспасөз қызметі.
<blockquote>
 «Қаңтар-мамыр аралығында орта есеппен 387,2 мың көпбалалы отбасыға 93,9 миллиард теңге мемлекеттік жәрдемақы төленді. Мамыр айында 396,5 мың отбасы жалпы сомасы 20,4 миллиард теңге жәрдемақы алды», – делінген хабарламада.
</blockquote>
Биыл көпбалалы отбасыларға мемлекеттік жәрдемақы төлеуге республикалық бюджеттен 191,1 миллиард теңге қарастырылған.
Қазақстанда осы жылдың 1 қаңтарынан бастап көпбалалы отбасылар жаңа мемлекеттік жәрдемақы алады.
Бұл жәрдемақы табысына қарамастан кәмелетке толмаған 4 және одан көп бірге тұратын немесе күндізгі бөлімде оқитын 23 жасқа дейінгі студент балалары бар көпбалалы отбасыларға беріледі.
Төлем мөлшері 44 532 теңгеден (4 бала) 77 951 теңгеге дейін (7 бала) құрайды, 8 және одан да көп баласы бар отбасыларға әр бала үшін сараланған түрде 4 АЕК мөлшерінде төленеді.
8 баласы бар отбасыларға – 88 896 теңге, 9 балаға – 100 008 теңге, 10 балаға – 111 120 теңге, 11 балаға – 122 232 теңге, 12 балаға – 133 344 теңге, 13 балаға – 144 456 теңге, 14 балаға – 155 568 теңге, 15 балаға – 166 680 теңге, 16 балаға &nbsp;– 177 792 теңге.
Қазақстан президенті кәмелетке толмаған 8 және одан көп баласы бар отбасыларға жаңа жәрдемақы бекітетін заңға 13 мамырда қол қойған еді. Бұған дейін олардың жәрдемақысы жеті баламен, яғни 77 мың теңгемен шектеліп қалған болатын.
Заң 2020 жылдың 1 қаңтарынан күшіне енеді, осыған байланысты 8 және одан көп баласы бар жанұяларға берілетін жәрдемақы мөлшері төлем тағайындалған кезден бастап қайта есептеледі. Осылайша, төленбеген сома осы жылдың шілде айында аударылады.

Көпбалалы аналарға 93,9 млрд теңге жәрдемақы төленді

<a href="https://kyzylorda-news.kz/">Kyzylorda-news.kz.</a> Қазақстан дәріханаларында бір жылда ең көп қымбаттағаны – антисептиктер, бағасы 17 пайызға өскен. Сонымен бірге ыстық түсіретін дәрілер 8,5 пайызға қымбаттаған, деп хабарлайды [ҚазАқпарат.](http://Kyzylorda-news.kz. Қазақстан дәріханаларында бір жылда ең көп қымбаттағаны – антисептиктер, бағасы 17 пайызға өскен. Сонымен бірге ыстық түсіретін дәрілер 8,5 пайызға қымбаттаған, деп хабарлайды ҚазАқпарат. Жалпы фармацевтикалық препараттардың бағасы бір жылда 7 пайызға артқан. «2020 жылдың қаңтар-сәуір айларында Қазақстанның фармацевтикалық компаниялары 41,9 млрд теңгенің негізгі фармацевтикалық өнімдерін шығарды. Бұл – бір жыл бұрынғы ұқсас кезеңмен салыстырғанда 33,9 пайызға көп. Инфляцияны есепке алғанда шынайы өсім 24,2 пайызға теңескен. Сектордағы өндірістің төрттен үш бөлігі (75,7%) үш аймақта, атап айтқанда, Алматы облысы (11,6 млрд тг, бір жыл ішінде +3,1%), Шымкент қаласы (11,4 млрд тг, бір жыл ішінде +6,5%), Алматы қаласы (8,8 млрд тг, бір жыл ішінде +39,3%) шоғырланған», - делінген зерттеуде. Бұл өңірлерде «АбдиИбахим ГлобалФарм» ЖШС, «Kelun-KazPharm» ЖШС, «Dolce» ЖШС (Алматы облысы), «Химфарм» (Santo) АҚ, «Зерде-Фито» ЖШС, (Шымкент), «Нобел» Алматы фармацевтикалық фабрикасы, «Аврора» ЖШС, «Cheminnova Alimor Kazpharm» ЖШС, «Rapid-Alimor Pharm Industries» ЖШС, «Dosfarm» ЖШС (Алматы) секілді ірі компаниялар жұмыс істейді. Жалпы дәрі-дәрмек өндірісінің көлемі 37,9 млрд теңгеге жеткен. Шынайы өсім – өткен жылға қарағанда 50,4% көп. Өндірістің ауқымды бөлігі Шымкент қаласына (11,4 млрд тг) тиесілі. «2020 жылдың мамырында фармацевтикалық препараттар 6,9 пайызға (өткен жылдың мамырымен салыстырғанда) қымбаттады. Аймақтардың ішінде бағалардың өсуі Павлодар облысында (бір жылда 9,4%), Ақмола облысы (бір жылда 9,3%) мен Шымкент қаласында (бір жылда 9,2%) байқалады. Препараттардың ішінде айтарлықтай баға өсімі антисептиктер (16,9%), ыстық түсіретін дәрілер (8,5%), бүйректі жазуға арналған дәрілер (7,4%) мен антибиотиктер (7,3%) бойынша тіркелді», - делінген зерттеуде.)
Жалпы фармацевтикалық препараттардың бағасы бір жылда 7 пайызға артқан.
<blockquote>
 «2020 жылдың қаңтар-сәуір айларында Қазақстанның фармацевтикалық компаниялары 41,9 млрд теңгенің негізгі фармацевтикалық өнімдерін шығарды. Бұл – бір жыл бұрынғы ұқсас кезеңмен салыстырғанда 33,9 пайызға көп. Инфляцияны есепке алғанда шынайы өсім 24,2 пайызға теңескен. Сектордағы өндірістің төрттен үш бөлігі (75,7%) үш аймақта, атап айтқанда, Алматы облысы (11,6 млрд тг, бір жыл ішінде +3,1%), Шымкент қаласы (11,4 млрд тг, бір жыл ішінде +6,5%), Алматы қаласы (8,8 млрд тг, бір жыл ішінде +39,3%) шоғырланған», – делінген зерттеуде.
</blockquote>
Бұл өңірлерде «АбдиИбахим ГлобалФарм» ЖШС, «Kelun-KazPharm» ЖШС, «Dolce» ЖШС (Алматы облысы), «Химфарм» (Santo) АҚ, «Зерде-Фито» ЖШС, (Шымкент), «Нобел» Алматы фармацевтикалық фабрикасы, «Аврора» ЖШС, «Cheminnova Alimor Kazpharm» ЖШС, «Rapid-Alimor Pharm Industries» ЖШС, «Dosfarm» ЖШС (Алматы) секілді ірі компаниялар жұмыс істейді.
Жалпы дәрі-дәрмек өндірісінің көлемі 37,9 млрд теңгеге жеткен. Шынайы өсім – өткен жылға қарағанда 50,4% көп. Өндірістің ауқымды бөлігі Шымкент қаласына (11,4 млрд тг) тиесілі.
<blockquote>
 «2020 жылдың мамырында фармацевтикалық препараттар 6,9 пайызға (өткен жылдың мамырымен салыстырғанда) қымбаттады. Аймақтардың ішінде бағалардың өсуі Павлодар облысында (бір жылда 9,4%), Ақмола облысы (бір жылда 9,3%) мен Шымкент қаласында (бір жылда 9,2%) байқалады. Препараттардың ішінде айтарлықтай баға өсімі антисептиктер (16,9%), ыстық түсіретін дәрілер (8,5%), бүйректі жазуға арналған дәрілер (7,4%) мен антибиотиктер (7,3%) бойынша тіркелді», – делінген зерттеуде.
</blockquote>

Дәрі-дәрмек 7%-ке қымбаттады

<a href="https://kyzylorda-news.kz/">Kyzylorda-news.kz.</a> Бүгіннен бастап Қазақстанның екі өңірінде карантиндік шаралар күшейтіледі, деп хабарлайды <a href="https://www.inform.kz/kz/buginnen-bastap-kazakstannyn-2-onirinde-karantindik-sharalar-kusheytiledi_a3661683">ҚазАқпарат.</a>
15 маусымда кешкі сағат 20:00 бастап Көкшетау қаласындағы 7 блокпостың жұмысы қайта жанданып, қалада карантин шектеу шаралары күшейтіледі. Ақмола облысының бас санитарлық дәрігері Айнагүл Мусина қала тұрғындарына осындай шұғыл мәлімдеме жасады.
Сондай-ақ, Батыс Қазақстан облыстық бас мемлекеттік санитар дәрігерінің жаңа қаулысына сәйкес карантин 15 маусымнан бастап бірқатар шектеу шаралары енгізіледі.
Бұған дейін ҚР Үкіметі жанындағы Коронавирус инфекциясының таралуына жол бермеу жөніндегі ведомствоаралық комиссия отырысында әкімдерге өңірлердегі карантин шараларын күшейтуді қарастыру тапсырылған еді.
Қарағанды облысында карантиндік шаралар қайта күшейтілді. 13 маусымнан бастап өңірдегі сауда-ойын-сауық орталықтары, азық-түлік және азық-түлік емес базарларда шектеулі уақытпен жұмыс істей бастады. Ал 14 маусымнан бастап Жамбыл облысында да карантиндік шаралар күшейтілді.

Бүгіннен бастап Қазақстанның 2 өңірінде карантиндік шаралар күшейтіледі

<a href="https://kyzylorda-news.kz/">Kyzylorda-news.kz.</a> Қызылордада ЗК-169/4 қауіпсіздігі төмен&nbsp; мекемесінде жазасын өтеп жүрген&nbsp; 5 азамат аттестат алды.
Бұл азаматтар&nbsp; Шиелі аудандық білім басқармасына қарасты кешкі мектеп мұғалімдерінен білім алды.
Шараға кешкі білім беру ұйымының директоры Ерімбет Қалдыбек және сотталғандар арасында әлеуметтік-психологиялық тәрбие жұмысын жүргізу тобының бастығы, әділет капитаны Қанат Дайрабаев қатысты. Олар аттестат алған азаматтарды құттықтап, оқу барысында үлгілі тәртіптерімен үздік нәтижелер көрсеткен сотталғандарды мақтау қағаздарымен марапаттады.
«Жастық шақта аңғалдығымнан жаза басып, құқық бұзғандығым үшін жазамды өтеудемін. Осының салдарынан орта білімім де жоқ болатын. Мекеме қызметкерлерінің көмегімен кешкі мектепте білім алдым. Сол мектеп ұстаздарының табанды еңбегінің нәтижесінде орта білімімді растайтын аттестат алып отырмын. Осы үшін мекеме әкімшілігі мен кешкі мектеп ұстаздарына алғысымды білдіремін», – дейді жазасын өтеуші.
<img src="https://kyzylorda-news.kz/wp-content/uploads/2020/06/attestat-1.jpeg" alt="" />
<img src="https://kyzylorda-news.kz/wp-content/uploads/2020/06/attestat-2-1.jpeg" alt="" />

Қызылордада жазасын өтеушілер аттестат алды

<a href="https://kyzylorda-news.kz/">Kyzylorda-news.kz.</a> Қызылорда қаласында 45 жастағы азамат Сырдария өзеніне батып кетті. Ол дарияның шомылуға тыйым салынған тұсында суға түскен.&nbsp;
Оқыс оқиға кеше сағат 20.30 шамасында орын алды. Жергілікті 112 құтқару қызметіне «Арай» шағын ауданы тұсындағы дария аумағында 45 жастағы азаматтың суға батып кеткені жөнінде хабар келіп түскен.
<blockquote>
 «Өрт сөндіру қызметінің жедел-құтқару жасақ құтқарушылары оқиға орнына жедел жетті. Құтқарушылар суға батып кеткен азаматты су астынан іздестіру жұмыстарын жүргізді. Денені су астынан сағат 20.38-де жағаға шығарылды», – деп мәлім етті Қызылорда облыстық Төтенше жағдайлар департаменті өрт сөндіру және авариялық-құтқару жұмыстары қызметінің баспасөз қызметі. &nbsp;
</blockquote>
Айта кетейік, суға батып кеткен азамат мас болған.

Қызылордада 45 жастағы азамат суға батып кетті

<a href="https://kyzylorda-news.kz/">Kyzylorda-news.kz.</a> Дүйсенбіде елімізде жаңбыр жауып, жел күшейеді. Алайда кей өңірлерде күн ашық, әрі аптап ыстық болады, деп хабарлайды Қазгидромет.
15 маусымда Қазақстанның басым бөлігінде фронталды бөліктердің өтуіне байланысты құбылмалы ауа райы сақталады, кей жерлерде найзағай жарқылдап, жаңбыр жауады. Тек еліміздің оңтүстігінде, батысында және Солтүстік Қазақстан облысында күн райы ашық болады. Кей жерлерде жел күшейіп, оңтүстікте және оңтүстік-батыста шаңды дауыл соғады, орталықта бұршақ жаууы ықтимал.
Түнде Қызылорда облысының кей жерлерінде, күндіз басым бөлігінде жел 15-20 м/с күшейеді, күндіз кей жерлерінде шаңды дауыл соғады.
Қарағанды, Шығыс Қазақстан, Қостанай, күндіз Түркістан облыстарының кей жерлерінде найзағай, желдің күшейіп, жылдамдығы 15-20 м/с жетеді, Қарағанды облысында бұршақ жаууы ықтимал.
Ақмола, Жамбыл облыстарының күндіз кей жерлерінде жел 15-20 м/с күшейеді, Ақмола облысында найзағай жарқылдайды.
Маңғыстау, Атырау, Ақтөбе облыстарының кей жерлерінде жел 15-20 м/с күшейеді, Маңғыстау облысында шаңды дауыл соғуы мүмкін.
Алматы, Атырау облыстарында, Қызылорда, Маңғыстау, Батыс Қазақстан облыстарының оңтүстігінде, Шығыс Қазақстан облысының батысында қатты ыстық күтіледі.
Атырау, Қызылорда, Қарағанды облыстарында, Ақтөбе, Ақмола, Павлодар, Түркістан, Жамбыл облыстарының басым бөлігінде, Батыс Қазақстан, Қостанай облыстарының оңтүстігінде, Алматы облысының батысында өте жоғары өрт қауіпі сақталады.

Бүгін жел, жаңбыр, аптап ыстық болады

1993 жылы&nbsp;Елбасы Нұрсұлтан Назарбаевтың Жарлығымен Үндістан Республикасында Қазақстан Елшілігі ашылды.
1996 жылы&nbsp;Абай шығармаларының жинағы Иранда парсы тілінде басылып шықты. 
1996 жылы&nbsp;Қазақстан Республикасы Тұңғыш Президенті – Елбасы Н.Назарбаевтың Өкімімен Архив туралы Ереже бекітілді. ҚР Президентінің архиві – ҚР Президенті және оның Әкімшілігінің мұрағаттық қызметін қамтамасыз ету саласында республикалық мемлекеттік органы қызметін атқаратын мемлекеттік мекеме. Архивті ҚР Президенті Әкімшілігі басқарады.
2015 жылы&nbsp;ҚР Тұңғыш Президенті – Елбасы Нұрсұлтан Назарбаевтың Қазақстан Республикасы қабылдаған халықаралық міндеттемелерге сәйкес, ҚР ұлттық контингентінің бейбітшілік пен қауіпсіздікті қолдау жөніндегі операцияларға (миссияларға) қатысуына байланысты қоғамдық қатынастарды реттеуге бағытталған «Қазақстан Республикасының бітімгершілік қызметі туралы» Қазақстан Республикасының Заңына қол қойды.
2015 жылы&nbsp;Елбасы «Назарбаев Университетін» бітірген алғашқы студенттерге диплом табыстау салтанатты рәсіміне қатысты.
2016 жылы&nbsp;Қазақстанда «Имам» деп аталатын тегін такси қызметі іске қосылды. Оның ерекшелігі: қалалық мешіт имамдары такси жүргізушісі болып қызмет атқарып, Рамазан айындағы тарауық намазына қатысушыларды үйлеріне тегін жеткізеді.

15 маусым: Атаулы күндер мен оқиғалар

Kyzylorda-news.kz ақпараттық агенттігінің 15 маусымға арналған жұлдыз-жорамалы.
Тоқты
Бүгін өте сақ болыңыз. Отбасындағы жандармен қарым-қатынаста сабырлылық танытып, әрқайсысына ерекше көңіл бөлуіңіз қажет. Күйгелектік танытпаңыз. Әйтпесе, денсаулығыңызға зиян келтіресіз. &nbsp;
Торпақ
Сауда-саттықта жолыңыз болады. Дегенмен барлығына мұқият болғаныңыз жөн. Ақша мен затқа тиянақты болыңыз. Кешке қарай денсаулығыңызға күш түсірмеңіз және отырыстардан бас тартқаныңыз жөн.
Егіздер
Туыстарыңыз, достарыңыз, жақындарыңыздың барлығы сіздің жаныңыздан табылып, қаржылық жағынан көп көмегін тигізеді. Кездейсоқ қарым-қатынас пен күдік тудыратын таныстықтардан аулақ болыңыз.
Шаян
Жан-дүниеңіз рухани байи түседі. Жұмыста айтарлықтай жетістікке жетесіз. Романтикалық кездесулерден бас тартыңыз. Олар сізге қуаныш алып келмесі анық. Денсаулығыңызды күтіңіз.
Арыстан
Жемісті күн. Күш-қуатыңыздың тасығаны соншалық жұмысқа деген құлшынысыңыз артады. Бүгін жаңа жұмыс бастауға, келіссөздер жүргізуге қолайлы күн. Сіздер бүгін барлық жағынан оң шешім шығара аласыздар. Өзіңізге сеніңіз.
Бикеш
Бұл белгідегі ер адамдар бүгін жанжал тудырмағаны дұрыс. Барлығына сабырлылық танытыңыз. Сондай-ақ бүгін зат сатып алмаңыз. Ал нәзікжандар бірбеткейлік танытпаңыздар. Нәзік қалпыңызды сақтаңыз.
Таразы
Қарама-қайшылыққа толы күн. Сыртыңыз күліп тұрғанымен, жан-дүниеңіз алай-дүлей. Осының салдарынан қателіктерге бой алдырмас үшін бүгінгі күнді жалғыз өткізгеніңіз жөн. Барлығын ой елегінен өткізіңіз.
Сарышаян
Бүгінгі күн жолға шығуға, бейтаныс адамдармен байланыс орнатуға сәтті күн. Жұлдыздар жылдамдықты асырудан, өткір және электр тоғымен жұмыс жасайтын бұйымдарды қолданғанда сақ болуды ескертеді.
Мерген
Бүгін көңіл-күйіңіз керемет. Айналаңыздағы адамдармен қарым-қатынасыңыз жақсара түседі. Бірақ барлығына бірдей жұмсақ мінез танытпаңыз. Әйтпесе абыройыңызға кір келуі мүмкін. Өміріңізді өзгерту өз қолыңызда.
Тауешкі
Көңіл-күйіңіз көтеріңкі болады. Маңызды мәселелерді шешу барысында ішкі түйсігіңізге жүгініңіз. Ол сізге дұрыс бағыт береді. Алдағы күндерге жоспар құрыңыз. Мәселен, ақша жинауды жоспарлаңыз.
Суқұйғыш
Жұлдыздар отбасына көп көңіл бөлу қажет екендігін айтады. Әсіресе, балаларға көп назар аударыңыз. Үй шаруасындағы кейбір мәселелерді өзіңіз шешіңіз. Сонымен қатар бүгіннен бастап медициналық тексеруден өтуді бастаңыз.
Балықтар
Достарыңыз бен сүйікті адамыңыз қиын жағдайда көмек көрсететін болады. Сондай-ақ олар сіздің жаңа бастамаларыңызға да қолұшын созады. Осыған орай сізде олар үшін барлығына дайын болып, керек кезде көмек көрсетуіңіз керек.

Жұлдыздар не дейді?

<a href="http://kyzylorda-news.kz/">Kyzylorda-news.kz.</a> Қазақстандағы қазақша күрес бойынша үш дүркін әлем чемпионы, «Әлем Барысы»&nbsp;турнирінің жеңімпазы Айбек Нұғымаров коронавируспен ауруханаға түсті, деп хабарлайды&nbsp;<a href="https://stan.kz/kazaksha-kures-boyinsha-en-atakti-sportshi-koronavirus-332772/">Stan.kz.</a>
Танымал спортшы Семей көлік колледжінің директоры қызметін атқарады. Оның инфекциясы туралы қалалық әкімдікте хабарлады.
<blockquote>
 «Семейде COVID-19 диагнозымен Семей колледждерінің екі директоры аурухананың жұқпалы бөліміне жатқызылғаны белгілі болды – бұл электротехникалық колледждің директоры Азат Сарпеков және Семей көлік колледжінің директоры Айбек Нұғымаров, Қазақстанда қазақша күрес бойынша&nbsp;үш дүркін әлем чемпионы және екі дүркін «Әлем Барысы»&nbsp;турнирінің&nbsp;жеңімпазы», – деп хабарлады Семей әкімдігінде.
</blockquote>
Әкімдік қаладағы және елдегі эпидемиологиялық ахуалдың нашарлауы&nbsp;жалғасуда деп хабарлады.
<blockquote>
 «Бүгін тағы бір аймақ карантиннің күшейтілетінін жариялады. Бұл Солтүстік Қазақстан облысы. Бұған дейін осындай жоспарлар Жамбыл, Маңғыстау және Ақтөбе облыстарында талқыланған болатын. Қарағанды ​​облысында жол тосқауылдары қайтарылды. Нұр-Сұлтанда өзін-өзі оқшаулау шаралары күшейтіледі деп күтілуде. Қазақстан Республикасының президенті Қасым Жомарт Тоқаев твиттерде&nbsp;қазақстандықтардан коронавирустан сақ болуды сұрады», – деп жазды олар әкімдіктің Instagram-дағы ресми парақшасында.
</blockquote>
Нұғымаров коронавирус жұқтырған алғашқы қазақстандық спортшы болды. Ол – қазақ күресінің ең атақты өкілі.
<img src="https://kyzylorda-news.kz/wp-content/uploads/2020/06/sport-3.jpg" alt="" />

Қазақстан және Қызылорда облысының жаңалықтары