<a href="https://kyzylorda-news.kz/?doing_wp_cron=1608783104.5910580158233642578125">Kyzylorda-news.kz.</a> Елордада 10-шы рет ұйымдастырылған «Халық сүйіктісі» сыйлығының жеңімпаздары марапатталды, деп хабарлайды ҚазАқпарат.
Сыйлық идеясының авторы, «Республика-Аймақ-Даму» қоғамдық қорының президенті Ғалым Байтоқтың айтуынша, әділқазы алқасы құрамында спортшы Бақтияр Артаев, ҚР Денсаулық сақтау вице-министрі Ажар Ғиният, Экологиялық ұйымдар қауымдастығының төрағасы Айгүл Соловьева, қоғам қайраткері Ирак Елекеев болған.
«Бірден айтайын, мерейтойлық оныншы марапат кешін анағұрлым кеңірек атап өту жоспарланып еді. Бірақ, пандемия жағдайында бірқатар шектеулер болды. Барлық уақытта біздің негізгі қағидаларымыз – адалдық, ашықтық және әділдік болып қала береді. Биылғы іріктеу де әдеттегідей қазылардың өте қатал сынынан өтті», – деді Ғалым Байтоқ «Rixos Astana» қонақүйінде өткен марапаттау рәсімінде.
Сонымен бірге, Ғалым Байтоқ кейбір аталымдарда бірдей дауыс жинаған екі жеңімпаздың да қатар марапатталғанын жеткізді. Ең алдымен марапат кешінде COVID-19 вирусына қарсы күрескен медицина мамандары мен еріктілерге жүлде табысталды.
Осылайша,&nbsp;«Жылдың үздік дәрігері»&nbsp;аталымында Қызылорда облыстық инфекциялық аурулар ауруханасының жансақтау бөлімінің меңгерушісі Болат Асанбаевқа берілді.
«Жылдың үздік медбикесі»&nbsp;жүлдесі Маңғыстау облыстық ауруханасының аға медбикесі Айнұр Батырбековаға,&nbsp;«Санитарлық-эпидемиологиялық қызметтің үздік қызметкері»&nbsp;жүлдесі – Ақмола облысы Бурабай аудандық басқармасының басшысы Сералы Жолдасбаевқа табысталды.
«Үздік медициналық стационар»&nbsp;жүлдесін Қарағанды облысындағы профессор Х. Мақажанов атындағы көпбейінді аурухана ұжымы жеңіп алды. Марапатты аурухана директоры Еркін-Дәуір Құрманғалиев алды.
Пандемия кезінде халыққа көмек көрсеткен ерікті, «Я Алматинец» тобының мүшесі Саида Тәуекеловаға&nbsp;«Жылдың үздік еріктісі»&nbsp;жүлдесі берілді. Саида Тәуекелова пандемия кезінде қауіп-қатерге қарамастан, халыққа көмектескен әрбір волонтерге алғыс айтты.
Сондай-ақ, пандемия кезеңінде қоғамдық жұмысқа үлес қосқан Ержан Жанатаров пен Рафаэль Гасановқа&nbsp;«Халық сүйіктісі»&nbsp;мүсіншелері берілді.
Ал&nbsp;«Экологиялық мәселелерді шешкені үшін»&nbsp;– қалдықтарды өңдеумен айналысатын «РОП операторы» ЖШС марапатталды.
«Үздік парламентарий»&nbsp;жүлдесі ҚР Парламенті Мәжілісінің төрағасы Нұрлан Нығматулинге берілді.
«Жылдың үздік мәдениет қайраткері»&nbsp;сыйлығын Қазақстанның өнер қайраткері әлемге танымал әнші Димаш Құдайберген алды.
Әділқазылардың бірауыздан берген шешімімен&nbsp;«Алтын дәуір»&nbsp;Құрметті номинациясына музыкалық педагог, профессор, Қазақ КСР Халық әртісі Кесоглу Лаки Константинович ие болды. Сонымен бірге, «Алтын дәуір» сыйлығы қоғам қайраткері Бірғаным Әйтімова мен Мәжіліс депутаты Серік Сейдумановқа берілді.
«Жылдың үздік қоғам қайраткері»&nbsp;аталымында белгілі волонтер Гүлмира Әбдіраш озық атанды.
«Жылдың үздік мұғалімі»&nbsp;жүлдесі шамалас дауыс жинаған екі мұғалімге берілді. Олар – Нұр-Сұлтан қаласының №17 мектеп-гимназиясының география пәнінің мұғалімі Төлеген Әбдірайысов және флейта оқытушысы, Қазақ ұлттық өнер университетінің үрмелі және ұрмалы аспаптар кафедрасының доценті Нина Григорьева.
«Блогсфера көшбасшысы»&nbsp;жүлдесін де бірдей дауыс жинаған Насима Қорғанбекова мен Қазбек Майгелдинов алды.
«Жылдың үздік публицисі»&nbsp;аталымында журналист, публицист Михаил Козачков жеңіске жетті, ал Azattyq Rýhy –&nbsp;«Жылдың үздік интернет басылымы»&nbsp;атанды.
«Жылдың үздік бизнесі»&nbsp;– Нұр-Сұлтан қаласында санитарлық қызмет, дезинфекция қызметін көрсететін «ORKIN» ЖШС Талғат Дүйсековке берілді.
«Жыл меценаты»&nbsp;жүлдесі де қызылордалық «Жан-Арай» ЖШС директоры Бақдәулет Мақашов пен ақтөбелік «Кайр БД» ЖШС директоры Бауыржан Дінтаевқа табысталды.
UFC-дегі қазақстандық файтер Шафкат Рахмонов&nbsp;«Жылдың үздік спортшысы»&nbsp;аталымында халықтың сүйіктісі атанды.
Сонымен бірге, «Тиолайн» ЖШС қауіпсіздік қызметкері Жанболат Дондағұлов кәсіпорынды басқыншылардан қорғағаны үшін&nbsp;«Батыл жүрек»&nbsp;сыйлығымен марапатталды. Сот істеріне байланысты жүлдені Жанболаттың орнына адвокаты алды.
«Жылдың үздік фермері»&nbsp;жүлдесі де екі жеңімпазға берілді, олар – Солтүстік Қазақстан облысындағы «Прометей-Агро» ЖШС директоры Юрий Шоль және Қызылорда облысындағы «Абай-Дәулет» ЖШС директоры Мұрат Сәрсенбаев.
Соңғы&nbsp;«Халықтық трактор»&nbsp;аталымында – «Агромашхолдинг.кз» АҚ «Кировец» тракторы үздік деп танылды.

«Халық сүйіктісі-2020»: «Жылдың үздік дәрігері» аталымы қызылордалық дәрігерге берілді

<a href="https://kyzylorda-news.kz/?doing_wp_cron=1608783104.5910580158233642578125">Kyzylorda-news.kz.</a> Бүгін мүмкіндігі шектеулі азаматтарды қабылдаған шаһар басшысы Нұрлыбек Нәлібаев алдағы жылдан бастап қаладағы қамқорлықты қажет ететін жандардың жеке көмекшілеріне төлем 8 сағаттық көлемде, 365 күнге жүргізілетінін айтты. Көмекшілерге төленетін кепілдендірілген қаражат есебінен зейнетақы қорына аударымдар жасау мәселесін де шешу үшін құзырлы органдарға тиісті құжаттар жолданғандығын атап өтті.
<blockquote>
 Кездесу барысында тұрмыстық қажеттілікке байланысты шаштараз, сауда дүкендері сынды тағы да басқа әлеуметтік нысандарға бару үшін инватакси қызметін қолжетімді етуді сұраған мүмкіндігі шектеулі жандарға «Сіздердің талап-тілектеріңіз орындалады. 2021 жылдан бастап аталған мақсатта инватакси қызметін пайдалануға еңбекті қорғау заңнамаларына сай мүмкіндік жасаймыз» – деген, шаһар басшысы бұған дейін қалада 11 автокөлік инватакси қызметін атқарса, енді олардың саны 13-ке жеткендігін жеткізді.
</blockquote>
Қабылдаудағы көп тілегінің тағы бірі 2 топ мүгедектігі бар азаматтардың қоғамдық көлікте тегін жүруі. Бұл мәселеге қатысты қала әкімі сала басшыларына қажетті субсидия көлемін есептеп, тез арада ұсыныс беруді жүктеді.
Сонымен қатар қабылдауға келген азаматтар 2019 жылдың наурыз-сәуір айларында жеке көмекшілерге қызмет ақысы төленбей қалғанын айтып, оны өндіруге заң аясында көмек беруді сұрады. Өз кезегінде қала басшысы ол төлемдерді жүргізуге бюджет мүмкіндігі толық жететіндігіне тоқталып, көмекшілердің еңбекақысын төлеу жұмыстары жыл басында заң жүзінде жүзеге асатындығын айтты.
Ал, ипотекалық пәтер алған мүмкіндігі шектеулі азаматтардың төлем жүктемесін азайту немесе субсиядалау мәселесін көтерген азаматтарға қала әкімі бұл сауалдың мәжіліске жолданып, зерделеуден өтіп жатқандығын жеткізді.
<blockquote>
 Кездесу барысында «Облыстық мылқаулар қоғамының» төрайымы Алтынкүл Аяпова мүмкіндігі шектеулі жандардың мәселесін кезек күттірмей шешіп, ұдайы қолдау білдіріп келе жатқан қала әкіміне алғысын білдіріп, ағымдағы жылы мылқаулар клубының шаһар басшысының тапсырмасымен демеушілік есебінен күрделі жөндеуден өткенін ерекше қуанышпен атап өтіп, «Бұл бізге жасалған көп қамқорлықтың бірі ғана» – деді.
</blockquote>
Кездесу соңында қала әкімі мүмкіндігі шектеулі азаматтардың құқығын қорғап, оларды әлеуметтік қолдау күн тәртібіндегі негізгі мәселелердің бірі екендігін баса айтып, қамқорлықты қажет ететін жандарға қолайлы орта қалыптастыру бағытындағы жұмыстар жоғары деңгейде жалғасатындығын жеткізді.
<img src="https://kyzylorda-news.kz/wp-content/uploads/2020/12/132747935_2739726196294121_1143943839790512412_o.jpg" alt="" />

Нұрлыбек Нәлібаев мүмкіндігі шектеулі жандарды қабылдады

<a href="https://kyzylorda-news.kz/?doing_wp_cron=1608783104.5910580158233642578125">Kyzylorda-news.kz.</a> Бүгін Қазалы ауданаралық ауруханасында заманауи құрал-жабдықтармен жабдықталған оттегі станциясы ашылды.
Аудандар арасында алғашқы болып ашылған станцияға аудан әкімі Мұрат Ергешбаев пен облыстық денсаулық сақтау басқармасының басшысы Сәбитбек Пазылов арнайы келіп, медицина саласы қызметкерлерінің қуанышымен бөлісті.
<blockquote>
 “Бүгін біздің аудан үшін ерекше есте қалатын тарихи күн деп айтсақ болады. Себебі аудандардың арасында алғашқы рет ауруханадан оттегі станциясы ашылып отыр. Енді біздің дәрігерлеріміз оттегі тапшылығын сезінбейді. Бұл станция біздің ауданнан бөлек, көршілес Арал мен Қармақшы ауданы және Байқоңыр қаласына оттегі жіберуге мүмкіндігі бар. Станцияның ашылуына «ПетроҚазақстан Құмкөл Ресорсиз» АҚ демеушілік жасап, қамқорлық жасады”, – деді Мұрат Нәлқожаұлы.
</blockquote>
Өз кезегінде облыстық денсаулық сақтау басқармасының басшысы Сәбитбек Пазылов дәрігерлер қолдау көрсеткен аудан басшысына алғысын айтып, ризашылығын білдірді.
Мұнан соң аудан әкімі Мұрат Ергешбаев оттегі станциясының жұмысымен танысып, заманауи құрылғылардың мүмкіндіктерін көрді.Мамандардың айтуынша, бұл келіп жатқан жабдық техника қауіпсіздігі толық ескеріліп, автоматтандырылған заманауи құрылғы. Оттегі станциясы сағатына 40 текше метр оттегі шығарады. Шамамен сағатына 6 баллон, тәулігіне 120 баллон өндіреді. Оттегінің тазалығы 99.5%, яғни медициналық талапқа сай.
<img src="https://kyzylorda-news.kz/wp-content/uploads/2020/12/132796478_1197786253950218_1445089367872322072_o.jpg" alt="" />
<img src="https://kyzylorda-news.kz/wp-content/uploads/2020/12/133187256_1197786283950215_7112609484802839746_o.jpg" alt="" />

Қазалы ауданында оттегі станциясы ашылды

Нұр-Сұлтан қаласының бас санитарлық дәрігері Жанна Пірәлиева тұрғындарға Аяз ата мен Ақшақарды үйге шақырмауға кеңес берді, деп хабарлайды&nbsp;<a href="https://sputnik.kz/">Sputnik Қазақстан</a>.&nbsp;
<blockquote>
 “Өздеріңіз білесіздер, Аяз ата мен Ақшақар Жаңа жыл кезінде көп үйді аралайды. Бір күнде бірнеше пәтерге барады. Симптомсыз ауыратын науқастардың үйінде де болуы мүмкін. Сол себепті оларды үйге шақырмауға кеңес береміз”, – деді Пірәлиева әкімдікте өткен онлайн баспасөз мәслихатында.&nbsp;
</blockquote>
Сондай-ақ, бас санитарлық дәрігер Жаңа жыл түні отшашуды отбасының ортасында атуға кеңес берді.
Жаңа қаулыға сәйкес, астанада сауда ойын-сауық орталықтары мен сауда үйлері жұмыс күндері 10.00-ден 23.00-ге дейін, ал сенбі және мереке күндері 10.00-ден 20.00-ге дейін істейді.
Олардың қызметі жексенбі күні ғана тоқтайды, бірақ ғимараттың ішіндегі дәріхана, минимаркет, гипермаркет, супермаркеттер ашық болады.&nbsp;
Қалада автобустар жұмыс, демалыс және мереке күндері сағат 06.00-ден 23.00-ге дейін жүреді.
Еске салсақ, қазақстандықтар қаңтардың басында төрт күн демалады. Жаңа жылға байланысты 1-2 қаңтарда жұмыс болмайды. Ал 2 қаңтар сенбіге түсіп тұрғандықтан, демалыс күні дүйсенбі, 4 қаңтарға ауысады.

Аяз ата мен Ақшақарды үйге шақыруға бола ма – санитар дәрігер жауабы

<a href="https://kyzylorda-news.kz/?doing_wp_cron=1608783104.5910580158233642578125">Kyzylorda-news.kz.</a> Облыста «Пиротехника» жедел профилактикалық іс-шарасы аясында 15 рейд ұйымдастырылды. Үш құқық бұзушылық фактісі анықталып, 201 пиротехникалық бұйым тәркіленді. Бұл туралы Өңірлік коммуникациялар қызметінің ақпараттық алаңында облыстық полиция департаменті Әкімшілік полиция басқармасының бастығы Нұрмахан Пазылов баяндады.
<blockquote>
 “Бүгінде, кәсіпкерлермен пиротехникалық заттарды сату және сақтау тәртібіне бақылау жүргізу мақсатында полиция қызметкерлерімен бірлесіп, заңсыз пиротехникалық заттарды сататын ірі сауда орындарына, базарларға рейд ұйымдастырып жатырмыз. 3 құқық бұзушылық фактісі анықталып, әр қайсысына 25 айлық есептік көрсеткіш көлемінде айыппұл салынды. 201 дана пиротехникалық бұйым тәркіленді”, – деді облыстық төтенше жағдайлар департаменті баскарма бастығының орынбасары Асхат Оразбеков.
</blockquote>
Басты мақсат тұрғындардың қауіпсіздігін сақтау, заңсыздыққа жол бермеу. Сондай-ақ, мереке қарсаңында балалардың жарақат алмауы үшін мектеп инспекторлары «ZOOM» қосымшасы арқылы оқушыларға және ата-аналарға қауіпсіздік шараларын түсіндіруде.

Қызылордада 201 пиротехникалық бұйым тәркіленді

<a href="https://kyzylorda-news.kz/?doing_wp_cron=1608783104.5910580158233642578125">Kyzylorda-news.kz.</a> Өңірде жұмыртқа тапшылығын болдырмау мақсатында қосымша екі миллион дана жұмыртқа келеді. Сонымен Жаңа жыл мерекесіне дейін барлығы 5 миллион дана жұмыртқа жеткізіледі. Сондай-ақ, осы аптада үш өнімнің бағасы төмендеді. Оның ішінде , сәбіз, пияз, қырыққабат. Бұл туралы Өңірлік коммуникациялар қызметінің ақпарат алаңында өткен брифингте облыстық ауыл шаруашылығы басқармасының басшысы Шахмардан Қойшыбаев мәлімдеді.
<blockquote>
 “Аймақта жұмыртқаның тапшылығын болдырмау мақсатында біршама жұмыстар атқарылуда. Апта басында үш миллион жұмыртқа әкелу жоспарланып, бүгінде екі миллион данасы келді. Алдағы демалыс күндері де жеткізіледі. Қосымша екі миллион дана жұмыртқа тағы алынады. Яғни, мерекеге дейін барлығы бес миллион дана жұмыртқа әкелінеді. Өңірде жұмыртқаға тапшылық болмайды. Әлеуметтік маңызы бар азық-түлік бағасы тұрақты. Мереке қарсаңында бағаның өсуін болдырмау мақсатында үстіміздегі жылдың 27 желтоқсанында ауыл шаруашылығы өнімдерінің жәрмеңкесі өтеді. Жеті аудан өз өнімдерін ұсынатын болады. Барлығы 140 жүк көлігі келеді”, – деді Шахмардан Сұлтанбекұлы.
</blockquote>

Қызылордада көкөністердің бағасы төмендеді

<a href="https://kyzylorda-news.kz/?doing_wp_cron=1608783104.5910580158233642578125">Kyzylorda-news.kz.</a> Атырау, Шымкент және Алматы тұрғындары өзге қалалармен салыстырғанда, жылу үшін ең көп төлем жасайды.
Биыл қараша айында ел бойынша қалалық жылу беру тарифі бір гигакалорийіне 3,5 мың теңге болды. Бұл өткен жылдағыдан 0,2%-ке артық.
Атыраулықтар 5,5 мың, Шымкентте 5,1 мың және Алматыда 5 мың төлейді. Астаналықтар (2,4 мың теңге), павлодарлықтар (2,3 мың теңге) және Көкшетау тұрғындары (1,8 мың теңге) ең аз төлем жасайды.
Қаңтар-қараша айларында ел 72 миллион гигакалорий жылу энергиясымен қамтылды, өткен жылмен салыстырғанда 1,4%-ке аз.
Павлодар, Қарағанды облыстары мен Алматы қаласы ең көп жылу энергиясын өндірді. Түркістан, Қызылорда облыстары мен Шымкентте, керісінше, ең төмен көрсеткіш.
<a href="https://sputnik.kz/regions/20201225/15849635/qala-jylu-aqsha.html">Sputnik Қазақстан</a>

Қай қала тұрғындары жылу үшін ең көп ақша төлейді?

<a href="https://kyzylorda-news.kz/?doing_wp_cron=1608783104.5910580158233642578125">Kyzylorda-news.kz.</a> Қазақстан коронавирустың таралуы бойынша “сары” аймаққа өтті. Бұл туралы Қазақстан өңірлеріндегі эпидемиологиялық жағдайды бағалау матрицасының деректері куәландырады,&nbsp;деп хабарлайды&nbsp;<a href="https://stan.kz/">Stan.kz</a>.
25 желтоқсандағы жағдай бойынша Атырау облысы “қызыл” аймақта орналасқан. “Сары” аймақта – Алматы, Нұр-Cұлтан, Қостанай, Ақмола, Солтүстік Қазақстан және Павлодар облыстары бар. Коронавирустың таралу қарқыны бойынша елдің басқа өңірлері “жасыл” аймақта орналасқан.
Айта кетейік, бүгінгі күнге дейін Қазақстан “жасыл” аймақта болды.
Қазақстанда өткен тәулікте 736 адамда коронавирус анықталды. Жалпы елде 150 198 жағдай расталды.

Қазақстан коронавирус бойынша &#8220;сары&#8221; аймаққа өтті

<a href="https://kyzylorda-news.kz/?doing_wp_cron=1608783104.5910580158233642578125">Kyzylorda-news.kz.</a> Қызылорда қалалық Полиция басқармасының қызметкерлері бағыт аралау барысында Панфилов көшесі бойында “Мерседес Бенс” маркалы автокөлігін тоқтатты.
Жүргізушінің құжаттарын тексеру барысында 41-жастағы жүргізушінің&nbsp; автокөлікті алкогольдік масаң күйде басқарғаны анықталды. Жүргізуші жасаған әкімшілік құқық бұзушылығы үшін Қазақстан Республикасының ӘҚБтК-нің 608 бабының 1 бөлігімен (жүргізушінің көлік құралын алкогольдік, есірткілік және (немесе) уытқұмарлық масаң күйде басқаруы) әкімшілік жауапқа тартылып, хаттама рәсімделіп, сотқа жолданған.
Қызылорда қаласы мамандандырылған әкімшілік сотында жоғарыда аталған жүргізушіге қатысты әкімшілік іс қаралып, сот шешімімен құқық бұзушы 15 тәулікке әкімшілік қамаққа алынып, 7 жылға көлік жүргізу құқығынан айырылды.

Қызылордалық тұрғын көлік жүргізу құқығынан айырылды

<a href="https://kyzylorda-news.kz/?doing_wp_cron=1608783104.5910580158233642578125">Kyzylorda-news.kz.</a>&nbsp;Синоптиктер 26-28 желтоқсанға арналған ауа райы болжамын жариялады.
Арктикалық суық ауа массаларымен Солтүстік антициклон Қазақстанның солтүстік және шығыс бөлігіндегі ауа температурасының күрт төмендеуін тудырады. Термометр бағандары 35-42 градус аязға жетеді. Аяз күшейіп, елдің басым бөлігінде күннің салқындауына әкеледі.
Тек республиканың батыс өңірлеріне 27 желтоқсаннан бастап жылу мен ылғалдың үлкен қорымен Атлантикалық циклон ауыса бастайды. Ол жауын-шашын, кей жерлерде қатты (көбінесе қар), желдің күшеюі мен жаяу бұрқасын және ауа температурасының күндізгі уақытта 0-5 градус аязға дейін, кей жерлерде 0-5 жылыға дейін қысқа мерзімді көтерілуін әкеледі. Сондай-ақ республика бойынша кей жерлерде тұман, батыста және оңтүстікте көктайғақ күтіледі.

Алдағы үш күнде ауа райы қандай болады?

<a href="https://kyzylorda-news.kz/?doing_wp_cron=1608783104.5910580158233642578125">Kyzylorda-news.kz.</a>&nbsp;Бүгін Нартай Бекежанов атындағы қазақ академиялық музыкалық драма театрында облыс әкімі Гүлшара Әбдіқалықованың қатысуымен «Алтын домбыраны» табыстау рәсімі болып өтті.
Шараға ҚР Мәдениет және спорт вице-министрі Нұрғиса Дәуешов, ақын, Қазақстанның еңбек сіңірген қайраткері Жүрсін Ерман, әнші, композитор Қазақстанның Халық әртісі Алтынбек Қоразбаев, халықаралық «Алаш» сыйлығының иегері, Қазақстан Жазушылар Одағы басқармасы төрағасының бірінші орынбасары Ғалым Жайлыбай және т.б. зиялы қауым өкілдері қатысты.
Шарада мәртебелі меймандар «Алтын домбыраны» айтыстың Ақтаңгері, үш мәрте «Алтын домбыра» иегері Мұхтар Ниязовқа табыстап, Сыр елінің өнері мен мәдениетіне құрмет білдірді. Ал, Мұхтар Ниязов өзіне тән жыр шумағымен «Алтын домбыраны» облыс әкіміне табыстады.
Аймақ басшысы Гүлшара Әбдіқалықова «Алтын домбыраның» Сыр жұрты үшін ерекше мақтаныш екенін айтып, айтыс Ақтаңгері Мұхтар Ниязовқа автокөлік кілтін тарту етті.
Айта кетейік, Сыр жеріне арнайы жеткен «Алтын домбыра» облыстық тарихи-өлкетану музейінің «Мәдениет және өнер» залына қойылатын болады.
<img src="https://kyzylorda-news.kz/wp-content/uploads/2020/12/132888901_898406637656502_7881923783495622262_o-1.jpg" alt="" />
<img src="https://kyzylorda-news.kz/wp-content/uploads/2020/12/132688985_898407080989791_7857761747942741142_o.jpg" alt="" />
<img src="https://kyzylorda-news.kz/wp-content/uploads/2020/12/133137278_898406670989832_7191725141525717173_o.jpg" alt="" />
<img src="https://kyzylorda-news.kz/wp-content/uploads/2020/12/132715506_898406707656495_4045038113315439511_o.jpg" alt="" />

Сыр еліне «Алтын домбыра» жетті

<a href="https://kyzylorda-news.kz/?doing_wp_cron=1608783104.5910580158233642578125">Kyzylorda-news.kz.</a>&nbsp;Қызылордалық полицейлер «Құқық&nbsp; тәртібі» жедел профилактикалық іс-шарасының 2 күнінде 13 қылмыс ашты.&nbsp; Облыс&nbsp; орталығында бұрын жасалған 3 қылмыстың беті ашылды. Профилактикалық есепте тұрған 499 тұлға тексерілді.
Облыс бойынша барлығы 524 әкімшілік құқық бұзушылық анықталды.
Мәселен, алкоголь өнімдерін сату тәртібін бұзудың 4 дерегі тіркелсе, түнгі тыныштықты бұзудың – 22, қоғамдық орында алкогольдік мас күйде болудың &nbsp;– 47 дерегі анықталды.
Жол қауіпсіздігіне келер болсақ, жылдамдықты асырған 98 жүргізуші, жаяу жүргіншіге жол бермеген 10 және көлікті мас күйде басқарған 9 жүргізуші заңға сәйкес жауапкершілікке тартылды.&nbsp;
Айта кетерлігі, Жаңа жыл мерекесі қарсаңында облыс көлемінде «Құқық тәртібі» жедел шарасы өткізіліп, полиция қызметкерлері күшейтілген режимде қызмет атқаратын болады.
<img src="https://kyzylorda-news.kz/wp-content/uploads/2020/12/whatsapp-image-2020-11-30-at-09.37.38.jpeg" alt="" />
<img src="https://kyzylorda-news.kz/wp-content/uploads/2020/12/whatsapp-image-2020-11-30-at-09.37.44.jpeg" alt="" />
<img src="https://kyzylorda-news.kz/wp-content/uploads/2020/12/whatsapp-image-2020-11-30-at-09.37.41.jpeg" alt="" />

Қазақстан және Қызылорда облысының жаңалықтары

«Халық сүйіктісі-2020»: «Жылдың үздік дәрігері» аталымы қызылордалық дәрігерге берілді

Нұрлыбек Нәлібаев мүмкіндігі шектеулі жандарды қабылдады

Қазалы ауданында оттегі станциясы ашылды

Аяз ата мен Ақшақарды үйге шақыруға бола ма – санитар дәрігер жауабы

Қызылордада 201 пиротехникалық бұйым тәркіленді

Қызылордада көкөністердің бағасы төмендеді

Қай қала тұрғындары жылу үшін ең көп ақша төлейді?

Қазақстан коронавирус бойынша “сары” аймаққа өтті

Қызылордалық тұрғын көлік жүргізу құқығынан айырылды

Алдағы үш күнде ауа райы қандай болады?

Сыр еліне «Алтын домбыра» жетті

Қызылордада екі күнде 13 қылмыстың беті ашылды

Қазақстан және Қызылорда облысының жаңалықтары

«Халық сүйіктісі-2020»: «Жылдың үздік дәрігері» аталымы қызылордалық дәрігерге берілді

Нұрлыбек Нәлібаев мүмкіндігі шектеулі жандарды қабылдады

Қазалы ауданында оттегі станциясы ашылды

Аяз ата мен Ақшақарды үйге шақыруға бола ма – санитар дәрігер жауабы

Қызылордада 201 пиротехникалық бұйым тәркіленді

Қызылордада көкөністердің бағасы төмендеді

Қай қала тұрғындары жылу үшін ең көп ақша төлейді?

Қазақстан коронавирус бойынша &#8220;сары&#8221; аймаққа өтті

Қызылордалық тұрғын көлік жүргізу құқығынан айырылды

Алдағы үш күнде ауа райы қандай болады?

Сыр еліне «Алтын домбыра» жетті

Қызылордада екі күнде 13 қылмыстың беті ашылды

Қазақстан коронавирус бойынша “сары” аймаққа өтті