<a href="https://kyzylorda-news.kz/date/2020/08/13/">Kyzylorda-news.kz.</a> «Ұлттық аударма бюросы» қоғамдық қорының атқарушы директоры Рауан Кенжеханұлы «Рухани жаңғыру» бағдарламасы аясында қазақ тіліне аударылған 30 кітапты таныстырды, деп хабарлайды <a href="https://lenta.inform.kz/kz/ruhani-zhangyru-kazak-tiline-audarylgan-30-zhana-okulyk-tanystyryldy_a3683031">ҚазАқпарат</a>.
Кітаптар «Рухани жаңғыру» бағдарламасының «Жаңа гуманитарлық білім. Қазақ тіліндегі 100 жаңа оқулық» жобасы шеңберінде жарық көрді.
<blockquote>
 «2017 жылдан бері жалпы саны 77 оқулық аударылып, оқу орындарына таратылды. Оқулықтардың әрқайсысы 10 мың данамен басылып, Қазақстандағы 132 жоғары оқу орнының кітапхана қорларына жеткізілді. ЖОО кітап қорларында жалпы ереже бойынша екі студентке бір оқулық болуы тиіс деген талап бар. Соны толық орындау үшін қазіргі басылып отырған таралым 25 есе көбеюі керек. Бірақ, қазіргі бар технологияларды қолдана отырып, электронды нұсқаларына да рұқсат алдық. Сондықтан бұл кітаптардың қағазға басылған нұсқаларынан бөлек, электронды нұсқалары да Қазақстанның ашық университеті порталына тегін орналастырылған. Қазіргі таңда осы 77 оқулықтың барлығының электронды нұсқалары және осы кітаптардың негізінде құрастырылған онлайн-курстар, видеодәрістер барлық қазақстандық қолданушыларға тегін», – деді Рауан Кенжеханұлы Орталық коммуникациялар қызметіндегі баспасөз мәслихаты барысында.
</blockquote>
Осы ретте, ол биыл қазақ тілінде жарық көрген 30 жаңа оқулық кинотану, театртану, өнер, этика, эстетика, медиа, тарих, микро және макроэкономика мен бизнес, жеке қаражат, саясаттану, сондай-ақ азаматтық іс-жүргізу құқығы мен интеллектуалдық меншік құқығы, педагогика және статистика секілді салаларды қамтитындығын айтты.
Атап айтсақ, француз философы Жил Делөздің «Кино 1. Қозғалыс-бейне» және «Кино 2. Уақыт-бейне» атты екі томдық, киноны философиялық шығарма тұрғысынан таныстыратын классикалық туындысы тұңғыш рет қазақ тілінде жарық көрді. Сондай-ақ, жаңадан аударылған оқулықтардың ішінде кино мен телевизия мамандары үшін аса құнды болар «Киносценарий. Сценарий жазу негіздері» деп аталатын оқу құралы бар. Классикалық негіздегі бұл оқу құралы концептіден дайын сценарий шығаруға дейінгі сатылы нұсқаулық ұсынады. Оқулық 30 рет қайта басылып, әлемнің 20-дан аса тіліне аударылған. Ал кино өнерінің белгілі теоретигі Семен Фрейлихтің «Кино теориясы: Эйзенштейннен Тарковскийге дейін» еңбегінің зерттеу аясы аса ауқымды. Ол классикалық кинодан бастап, заманауи кино теориясына дейінгі негізгі ұғымдарды толық қамтып, сала туралы жан-жақты түсінік қалыптастырады. Тағы бір ерекше атап өту керек оқулықтардың бірі – Д.Бордуэлл бастаған авторлардың қырық жылдық ізденісінен туған «Кино өнеріне кіріспе» туындысы. Сондай-ақ, Томас Эльзессер мен Мальте Хагенердің «Кино теориясы. Сезім тұрғысынан кіріспе» деп аталатын еңбегі кино табиғатын көрермен мен экран арасындағы байланыстың түрлі ерекшеліктері арқылы зерттейді.
Музыкатану бағытында Кембридж университетінің баспасы дайындаған «Музыка тарихы» деп аталатын екі томдық жинақ қайта өрлеу кезеңінен постмодернге дейінгі музыка тарихын жан-жақты қарастырып, түрлі халықтардың музыка тарихынан хабар береді. Ал кейінгі жылдары жеке гуманитарлық пәнге айналған Кристофер Балмның «Театртану» оқулығы театр өнерін түрлі мәдени және тарихи астар арқылы түсіндіруге арналады. Театрдың аса күрделі табиғаты мен оны түрлі көзқараста зерттеу мүмкіндігін көрсетуге ден қойылған.
Белгілі ғалым, жазушы, ұзақ жылдар Ресей ғылым академиясы Әлем әдебиеті институтының теория бөлімін меңгерген Юрий Боревтің «Эстетика» еңбегі заманауи эстетиканың негізгі мәселелерін жан-жақты талдайды.
Медиаға арналған мәтін жазу қағидаларымен таныстыратын «Телевизия, радио және жаңа медиаға мәтін жазу» оқулығы да алғаш рет қазақ тіліне аударылды. Бұл еңбек оқырманға телевизия, радиомен қоса, онлайн медиаға мәтін жазудың өзіндік тәртібі мен ережелерін қарапайым әрі жүйелі түрде түсіндіреді.
Тарихи білім саласы бойынша бірқатар үздік еңбектер қамтылды. Тарихи білімнің кәсібилену процесін кешенді түрде зерттеген «Тарих білімінің тарихы», тарихи-антропологиялық бағыттағы ізденістерді топтастырған «Тарихи антропология», әлемнің этностық бет-бейнесімен таныстыратын «Тарихи этнология» оқулықтары жарық көрді.
Заң және құқықтану салаларын қамтитын бірқатар маңызды оқу құралдары да бар. Танымал ағылшын заңгері, құқықтанушы Нил Эндрюстің 2 томнан тұратын «Азаматтық іс-жүргізу: Сот өндірісі», «Азаматтық іс-жүргізу: Медиация және арбитраж» оқу құралдары, ағылшын келісімшарт құқығы тақырыбына арналған «Келісімшарт ережелері» атты оқулығы азаматтық іс жүргізу, медиация, арбитраж, ағылшын келісімшарт құқығы туралы жан-жақты ақпарат береді. Оксфорд университеті баспасынан шыққан 3 томдық «Интеллектуалдық меншік құқығы» оқу құралы авторлық құқық, патент, тауар белгісі тақырыптарына шолу жасайды. Бұл – зияткерлік меншікті қорғау тәртібі мен қазіргі халықаралық тәжірибеге арналған қазақ тіліндегі тұңғыш кешенді оқу құралы.
Этика саласы бойынша курс оқып жүрген студенттерге, сондай-ақ, жаһандық мәселелердің этикалық негізін танып-білуге қызыққан оқырманға арналған «Этика теориясы мен қазіргі мәселелері» оқулығының 9-басылымы, танымал философ ғалым Джонатан Уолфтың «Саясат философиясына кіріспе», Оксфорд баспасынан шыққан «Әлемдік саясаттың жаһандануы: халықаралық қатынастарға кіріспе» туындыларын студенттер жаңа оқу жылынан бастап қазақ тіліне оқиды.
Аударылған еңбектердің ішінде өте жылдам өзгеріп жатқан білім саласының соңғы жаңалықтарымен таныстыратын «Білім берудегі зерттеулер», бұған дейін қазақ тіліне аударыла қоймаған «Статистика негіздері», «Зерттеу жобасын жүргізу» оқулықтары да бар.
Экономика және жеке қаражат бағытында білім беруге қажетті оқулықтар қатарына Майкл Паркиннің «Макроэкономика», «Микроэкономика» еңбектері қосылды. Сондай-ақ, Е.Томас Гарман мен Рэймонд Е.Форгтың әрбір адамға жеке бюджетін жоспарлап, оны тиімді басқаруды үйрететін «Жеке қаражат» оқулығының 13-басылымын ерекше атап өту керек. Бұл еңбек Қазақстан жағдайына арнайы бейімделіп, біздің заңдар, қазақстандық қаржы және несие жүйесі, зейнетақы, сақтандыру, инвестициялар тәжірибесіне сәйкес қайта құрастырылды.

Рухани жаңғыру: Қазақ тіліне аударылған 30 жаңа оқулық таныстырылды

<a href="https://kyzylorda-news.kz/date/2020/08/13/">Kyzylorda-news.kz</a>. Тютерев Артем Олегович 1998 жылы 29 мамырда Алматы облысы, Алакөл ауданы, Ақши ауылында дүниеге келген. Ол қарапайым орта шаруа&nbsp; отбасында тәрбиеленген. Бала кезінен нысанды киім киіп, мемлекет игілігіне үлес қосуды армандады. &nbsp;Мектеп бітірер алдында оларға Алматы облысы ТЖ департаментінің қызметкерлері келіп, Көкшетау техникалық институтына түсу бойынша үгіт-насихат жұмыстарын жүргізді.
«Қазақстан &nbsp;Республикасындағы &nbsp;тiл &nbsp;туралы» 1997 жылғы 11 шiлдедегі Қазақстан Республикасы Заңының 4-бабынла &nbsp;көрсетілгендей ҚР Мемлекеттік тілі – қазақ тілі. Сондықтан мемлекеттік қызметке келген әрбір азамат оны білуге міндетті. Мемлекеттік тіліміз барлық &nbsp;ұлт өкілдерін бір шаңырақ астына біріктіретін, ынтымақ дарытатын тіл. Қазақ тілінің тағдырына отанын сүйетін әрбір қазақстандық жауапты. Тілді үйренуге ең басты қажет дүние – тілдік орта. Ол тілдік ортаны алдымен балабақша мен мектепте жасау керек. Сондықтан да ең алдымен Қазақстандағы &nbsp;балабақшаларды тіліне бөлмей барлығын да мемлекеттік тілде тәрбие беруге қолайлы жағдай туғызу керек.
<blockquote>
 «Мен он бір жыл білімді туып-өскен Ақши ауылымдағы Сәкен Сейфуллин атындағы қазақ орта мектебінен алдым. Кейін жоғарғы оқу орнын орыс тілінде оқыдым. Бірақ қазақ тілін ұмытқаным жоқ, қайта дамытуға тырысып, мемлекеттік тілде кітап оқуды әдеткен айналдырдым. Содан кейін менің таңдаған мамандығым төтенше жағдайларды жою мен алдын-алуға байланысты болады деп шештім. 2016 жылы медициналық комиссиядан өтіп, ұлттық бірыңғай тестілеуді тапсырғаннан кейін мен осы жоғары оқу орнына түскеніме қуаныштымын, онда мен “Азаматтық қорғаныстың командалық тактикалық күші” мамандығы бойынша 4 жыл оқыдым. 2020 жылы осы жоғары оқу орнын бітірдім. Алғашқы офицерлік “лейтенант” атағын алған соң, маған Қызылорда облысы Төтенше жағдайлар департаментінде Азаматтық қорғаныс бөлімінің офицері лауазымында жұмыс істеу сәті түсті. Қазіргі уақытта менің басты мақсатым – алған білімімді және спорттық дайындығымды осы қызметте көрсету. Құтқарушы мамандығын иелену – &nbsp;қиын сәтте адамдарға көмектесу және өз елінің игілігі үшін абыроймен қызмет ету бағытымен тартады. Сондай-ақ &nbsp;мен мектеп түлектері мен жастарды азаматтық қорғау қызметкері мамандығын таңдауға шақырамын»,- дейді Артем Олегович.
</blockquote>
<img src="https://kyzylorda-news.kz/wp-content/uploads/2020/08/img-20200208-wa0025.jpg" alt="" />

Артем Тютерев: Мемлекеттік қызметте қазақ тілін білу бірінші орында тұруы керек

Kyzylorda-news-kz. Халықаралық жастар күніне орай Қызылорда облыстық «Жастар ресурстық орталығында» жаңа SYRJASTARY.COM сайтының тұсаукесері өтті. Мұнда өңір жастарына қатысты күнделікті ақпараттар жарияланады. Сайтта көшбасшылар жайлы тың мәліметтер, қажетті кітап қорларының электронды нұсқасы да қамтылады.
Атаулы күнге орай орталықтағы ІТ парк базасында да ерекше шара ұйымдастырылды. Тұрғындар істен шыққан компьютерлерін ІТ паркке әкеліп, мамандар оның ішіндегі қажетті бөлшектерді пайдалана отырып, жаңа компьютер жасақтайды. Олар жаңа оқу жылына орай мұқтаж отбасы балаларына табысталатын болады.
Бұдан бөлек, орталықтағы IT кітапхана оқу орталығына айналды. Мұнда тұрмысы төмен, мүмкіндігі шектеулі балалар білімін жетілдіре алады. Оған қосымша арнайы волонтерлер, ерікті мұғалімдер тартылады. IT кітапханада бар жағдай қарастырылған, интернет желісі қолжетімді.

Қызылордада жастар сайты іске қосылды

<a href="https://kyzylorda-news.kz/date/2020/08/13/">Kyzylorda-news-kz.</a> Бүгінге дейін коронавирус инфекциясымен Қызылорда облысында тіркелген науқас саны – 3199. Оның ішінде Қызылорда қаласынан –1920, Арал ауданынан – 114, Қазалы ауданы– 101, Қармақшы ауданы – 137, Жалағаш ауданы – 111, Сырдария ауданы – 180, Шиелі ауданы – 283, Жаңақорған ауданынан – 353 дерек тіркелген.
Қызылорда облысында өткен тәулікте коронавирус инфекциясын жұқтырған 4 адам анықталды. Оның 3-уі Қызылорда қаласынан болса, 1 науқас Шиелі ауданынан тіркелді. Төртеуі де скринингтік тексеруден анықталған.
Кеше емделіп шыққан науқастар саны – 195. Оның 144-і Қызылорда қаласынан, Жалағаш ауданынан – 18 және Шиелі ауданынан – 33 науқас жазылып шықты. 
Жалпы емделіп шыққан науқастар саны – 2556. Ол облыс бойынша індетті жеңген науқастардың 80%-ын құрайды.
Бүгінгі күнге коронавирус инфекциясы анықталған азаматтармен байланыста болғандар саны – 14210, тікелей қарым-қатынаста – 11477, ықтимал қарым-қатынаста – 2733.
Қазіргі таңда коронавирус инфекциясымен – 47 науқас ем алып жатса, провизорлық стационарда – 192 пациент бақылауда.
Өткен тәулікте зертханаға тапсырылған сынамалар саны – 689, тексерілгені – 689. Қалдық тест саны – 2833. 
Жалпы эпид. маусым басталғалы бері барлығы 73979 сынама алынды.

COVID-2019: Қызылордада науқастардың 80 пайызы індеттен айығып шықты

<a href="https://kyzylorda-news.kz/date/2020/08/13/">Kyzylorda-news.kz.</a> Қазіргі уақытта банк картасымен төлем жасау үйреншікті жағдайға айналды. Алайда интернет арқылы сатып алынатын заттардың ақшасын картамен төлеу әлі де қауіпті. Өйткені интернет алаяқтар түрлі тәсілдерді қолданады.&nbsp;&nbsp;
<blockquote>
 “Қазіргі уақытта жалған сайттар көп. Тауарға төлем жасап, алаяқтардың торына түсіп қалу қаупі бар. Мұндай сайттардың көбінесе шынайы сайттардан еш ерекшелігі болмайды”, – дейді қауіпсіздік жүйелері орталығының бөлім басшысы Алексей Сизов.
</blockquote>
Алаяқтарға алданып қалмау үшін бірқатар ережені сақтау керек. Біріншіден, тек онлайн сатып алуға арналған жеке есепшоты бар арнайы карта керек. Оның ішіне сатып алынатын тауар құнынан артық ақша салмаған жөн.
<blockquote>
 “Екіншіден, тексерілмеген сайттардан қомақты сомаға тауар сатып алмау керек. Үшіншіден, өзіңіздің жеке ақпаратыңызды ешкімге айтпаңыз. Банк немесе дүкен қызметкері хабарласса да, жеке ақпаратты бөлісуге болмайды”, – Сизов.
</blockquote>
<a href="https://sputniknews.kz/economy/20200813/14698506/karta-tolem-qauip.html">Sputniknews</a>

Маман банк картасымен қай жерде төлем жасау қауіпті екенін айтты

<a href="https://kyzylorda-news.kz/date/2020/08/13/">Kyzylorda-news.kz.</a> Өңірде жыл басынан бері жол қозғалысы ережелерін бұзудың 64 797 дерегі тіркеліп, тиісті шаралар қолданылды. Оның ішінде, 174-і қарсы бағытқа шығу, 946-ы автокөлікті мас күйінде және 5 441-і автокөлікті құжатсыз басқару. Бұл туралы Өңірлік коммуникациялар қызметінің ақпарат алаңында өткен брифингте облыстық полиция департаменті бастығының міндетін атқарушы Шамшидин Амитов мәлімдеді.
<blockquote>
 «Автокөлікті мас күйде басқарған 946 жүргізуші&nbsp;ұсталып, оның 413-і әкімшілік қамауға алынды. Сондай-ақ, жыл басынан 221 жол-көлік оқиғасы тіркелсе, оның 18-і мас жүргізушінің кінәсінан болып, нәтижесінде 7 адам қайтыс болды, 23 адам жарақат алды. Жол қауіпсіздігін қамтамасыз етіп, апаттардың алдын алу мақсатында жүйелі түрде профилактикалық шаралар жүргізілуде»,-деді Шамшидин Егенбердіұлы.
</blockquote>
<img src="https://kyzylorda-news.kz/wp-content/uploads/2020/08/117817366_1088024991593012_4460224786125086065_o.jpg" alt="" />
Сондай-ақ, үстіміздегі жылдың 5-8 тамыз аралығында облыста « Мотоцикл» шарасы өткізілді. Нәтижесінде 224 әкімшілік құқық бұзушылық анықталса, оның ішінде мас күйде мотоцикл басқарудың 6 дерегі тіркеліп, 51 мотоцикл айып тұрағына қойылды.

Қызылордада 64 797 жол ережесі бұзылған

<a href="https://kyzylorda-news.kz/">Kyzylorda-news-kz.</a> Бүгін облыс әкімі Гүлшара Әбдіқалықова «Бәйтерек» тұрғын ауданындағы 600 орындық мектептің құрылыс жұмыстарын көріп, жаңа мектептің кірпішін қалау жұмыстарына атсалысты. Шараға ҚР Парламенті Мәжілісінің депутаттары Балайым Кесебаева мен Наталья Жұмаділдаева қатысты.
Облыс әкімі мектеп құрылысының жұмысын бақылап, білім ошағының заманауи түрде іске асып, оқушылардың игілігіне бағытталуы қажеттігін атап өтті.
<img src="https://kyzylorda-news.kz/wp-content/uploads/2020/08/117717506_2637406619695724_903193541533171920_n.jpg" alt="" />
4 жыл бұрын Қызылорда-Жезқазған трассасының бойынан 6600 отбасына арналған «Бәйтерек» шағын мөлтек ауданы ашылған. Бүгінде мөлтек ауданында 70 отбасы қоныстанса, аталған отбасылардың мектеп жасындағы оқушылары қала орталығындағы мектептерге қатынап білім алуда. Осыған орай 600 орындық мектептің құрылысын салуда жобалық-сметалық құжаттарға сәйкес жұмыстар басталып кетті.
Мектеп 2020-2021 жылдарға арналған Жұмыспен қамтудың жол картасы аясында іске асуда. Білім ошағын салуға 1,2 млрд.теңге қаржы бөлінген. Жаңа мектеп жыл аяғына дейін пайдалануға берілмек.
<img src="https://kyzylorda-news.kz/wp-content/uploads/2020/08/117774331_2637407026362350_3305709825162256592_n.jpg" alt="" />
Алдағы 3 жылдың жоспарына сәйкес «Бәйтерек» шағын мөлтек ауданында мектеп жасындағы оқушылар саны 1500-ге жуық болады деп жоспарлануда. Жаңа мектеп орын тапшылығы мәселесін шешеді. 
Шарада білім саласының ардагері Мылтықбай Баймбетов «жаңа білім ұясы елге белгілі азаматтардың түлеп ұшатын озық оқу ордасына айналады» деп бата берді.
Айта кетейік, қазіргі таңда облыста 8 мектептің құрылысы жүргізілуде. Оқу жылына Қызылорда қаласынан және Жалағаш ауданынан 2 мектеп құрылысы пайдалануға беріледі деп жоспарлануда. Сонымен қатар, 4 мектептің құрылысы жүргізілуде. Оның ішінде Арал ауданы, Сексеуіл кентіндегі 300 орындық мектеп жыл соңында аяқталмақ.
<img src="https://kyzylorda-news.kz/wp-content/uploads/2020/08/117767776_2637406909695695_1830964114646853739_n.jpg" alt="" />

Қызылордада 600 орындық мектептің кірпіші қаланды

Kyzylorda-news.kz. Қазақстандық оқушылар қашықтықтан оқу үшін тегін компьютерлерді қалай ала алатыны туралы білім және ғылым министрлігі айтып берді. Бұл туралы білім және ғылым министрлігі Балалардың құқықтарын қорғау комитетінің төрағасы Иманғалиев Есенғазы Нұртөлеуұлы айтып берді.
Ол жаңа акция аясында оқушыларға техникалық құрылғылар уақытша берілетін болады.
<blockquote>
 “Оқушыны қолда” акциясы басталды. Акция демеушілердің, меценаттар мен еріктілердің көмегі арқылы жүзеге асырылатын болады. Акция аясында қолдау мен көмекке аса мұқтаж білім алушыларға уақытша берілетін техникалық құралдар, компьютерлер, планшеттер мен телефондар сатып алынады. Акция аясында жоғарғы жылдамдықтағы интернетті қамтамасыз етуге бағытталған”, – дейді ол.
</blockquote>
Сонымен қатар, министрлік қалай өтініш беру керек екенін түсіндіріп берді.
<blockquote>
 “Министрлік мектептерге мониторинг жүргізіп, оқушылардың техника алу кезегін реттеу барысында көмек көрсетілетін оқушы топтарын анықтады. Көмек ереше қажеттіліктері бар балалар мен жетім балаларға көрсетіледі. Компьютерлік техниканы алуға өтінім беру үшін арнайы сайт іске қосылды. Келесі отбасынан шыққан балаларға көмек көрсетіледі. Атаулы әлеуметтік көмек алуға құқығы бар отбасылардан шыққан балаларға, мемлекеттік әлеуметтік көмек алмайтын, жан басына шаққандағы балаларға, мүгедек ата-аналары бар балаларға, көп балалы отбасынан шыққан ата-анасының біреуі жоқ балаларға көмек көрсетілетін болады”, – дейді Есенғазы Иманғалиев.
</blockquote>

Оқушылар қашықтықтан оқу үшін тегін компьютерлерді қалай ала алады?

Kyzylorda-news.kz. Қазақстан халықаралық рейстерді 17 тамыздан бастап ашады.
<blockquote>
 “Ел аумағында коронавирустық инфекцияның пайда болуы мен таралуына жол бермеу жөніндегі ведомствоаралық комиссияның шешіміне сәйкес, ҚР Денсаулық сақтау министрлігінің ұсынымдарын, эпидемиологиялық жағдайдың деңгейін ескере отырып, Дүниежүзілік денсаулық сақтау ұйымының картасына сәйкес 2020 жылғы 17 тамыздан бастап Біріккен Араб Әмірліктеріне, Беларусь Республикасына, Германияға, Нидерландыға, Египетке, Украинаға және Ресей Федерациясына халықаралық рейстер кезең-кезеңмен жаңартылады”, – делінген хабарламада.
</blockquote>

Қазақстан халықаралық рейстерді ашады

Kyzylorda-news.kz. Еліміздегі эпидемиялық жағдай белең алғалы бері, коронавирустық инфекцияның жұқтырмаудың алдын алу мақсатында ЗК-169/1 мекемесі бойынша орасан зор жұмыстар атқарылды. Соның ең бастысы, мекеме аумағында жатқан құқық бұзушылардың денсаулығына қауіп келтірмеу мақсатында жасалған онлайн жүздесулерді ерекше айтуға болады.
Карантин режимі енгізгелі жазасын өтеушілерді психологиялық және моральдік тұрғыда қолдау мақсатында мекеменің кезекші ғимаратынан арнайы 2 бөлме бөлініп, Skype желісі арқылы сотталғандар туыстарымен хабардар болып отырады. Мұндай онлайн жүздесулердің артықшылығы бұрынғы бетпе-бет кездесуде тек ең жақынымен ғана кездессе, Skype желісі арқылы бала-шағасын, ағайындарын да көріп, жүздесіп жатады.
Осы мекемеде 2 жылдан бері жазасын өтеп жатқан Амангелді Орал қаласының тумасы. Амангелдінің отбасы, ағайын-туыс бауырлары Орал қаласында тұрады.
<blockquote>
 “Жердің шалғайлығынан бөлек, мынандай жағдайда туыстарының келмесі де анық. Бірақ, онлайн жүздесулер арқылы анам мен бала-шағамның амандығын біліп,бейне бір үйінде болып келгендей, көңілім жайланып қалады, әрі олар да, менің денім сау екенін көріп, көңілдеріне медет тұтады”, – дейді Аманкелді.
</blockquote>
Қазіргі таңда мекемеде күніне 25 онлайн кездесу өтеді. Мұндай жүздесулердің сотталғандар үшін оңтайлы жағдай екені анық.
<img src="https://kyzylorda-news.kz/wp-content/uploads/2020/08/whatsapp-image-2020-08-12-at-11.48.00.jpeg" alt="" />

Онлайн кездесу &#8211; көңілге медеу

Kyzylorda-news.kz. Испаниядағы Сарагоса университетінің ғалымдары неліктен коронавирус бүкіл ағзаны емес, адамның белгілі бір мүшелерін, соның ішінде өкпені, бауырды, бүйректі, жүрек пен жүйке жүйесін зақымдайтынын анықтады. Бұ жаңалық полиорганды жеткіліксіздік пен пациенттердің өліміне жол бермейтін препараттарды әзірлеуге мүмкіндік береді. SARS-CoV-2-нің ерекше қасиеті Chaos журналында жарияланған мақалада жазылған, деп хабарлайды <a href="https://stan.kz/koronavirustin-tankalarlik-ereksheligi-aniktaldi-335599/">Stan.kz</a>.
Адамның жасушаларына ену үшін коронавирус ангиотензин-түрлендіретін фермент 2 (ACE2) деп аталатын белгілі бір ақуызбен әрекеттеседі. Бұл рецепторда дененің көптеген жасушалары бар, бірақ патоген ағзаларға селективті әсер етеді. Ол тіндердің инфекциясының әлі белгісіз механизмінің болуын көрсетеді.
Зерттеушілер өкпедегі ақуыздар бір-бірімен және басқа мүшелердегі ақуыздармен қалай әрекеттесетінін қарастырды. Бір-бірімен байланыс жасау үшін молекулалар жасуша цитоплазмасында субдиффузия әдісімен қозғалуы керек – бөлшектердің түбірлік-орташа квадраттық ығысуы мен уақыт сызықтық қатынас құрмайтын (ортаның біркелкі емес тығыздығына байланысты) диффузия түрі. Процесс ақуыздардың әртүрлі кедергілерді жеңуі керек екендігімен қиындайды, сонымен қатар кейбір жасушаларда ақуыздардың бірдей жиынтығы бар, ал басқаларында жоқ.
Ғалымдар адамның басқа мүшелеріне әсер ететін негізгі активаторлар ретінде әрекет ететін 59 ақуызды анықтауға мүмкіндік беретін математикалық модель жасады. Өзара әрекеттесу тізбегі өкпеден тыс ақуыздардағы өзгерістерді тудырады, бұл органдардың коронавирусқа осалдығына әсер етеді. Осы тізбектерге бағытталған дәрі-дәрмектер көптеген жағдайларда пациенттердің өліміне әкелетін Сovid-19 полиоргандық жетіспеушілігін болдырмауға көмектеседі.

Коронавирустың таңқаларлық ерекшелігі анықталды

Kyzylorda-news.kz. Бүгін облыс әкімі Гүлшара Әбдіқалықова күзгі егін жинау жұмыстарына дайындық мәселесі бойынша ауыл шаруашылығы басқармасының басшысы Сейілбек Нұрымбетовты қабылдады.
Қабылдауда сала басшысы қазіргі уақытта облыстағы күзгі егін жинау жұмыстарының барысы мен атқарылып жатқан шаралар туралы баяндады.
Кездесу барысында Сейілбек Нұрымбетов биылғы жылы облыс бойынша нақты егілген егіс көлемі мен жағдайы, әртараптандыру бағытында атқарылған жұмыстар мен ерте егілген ауыл шаруашылығы дақылдарын жинау бойынша жұмыстарға тоқталып, егін жинауға қатысатын ауыл шаруашылығы техникаларының дайындығы мен жанар-жағар маймен қамтамасыз етілуі туралы айтып өтті.
Егін шаруашылығын әртараптандыру бағытында өңірде алғаш рет перспективалы дақылдар қант құмайы 70 гектарға, соя 240 гектарға, жүгері дақылы 1 667 гектарға дейін жеткізіліп, ылғал сақтағыш аквагельдерді пайдалану арқылы богарлы жерлерге 80 гектар күздік бидай дақылы егілді. Сонымен бірге, 60 гектар жерге азық-түлік маңызы бар жеміс- жидектер мен жүзімдіктер егілді. Егіншілік саласын мемлекеттік қолдауға биылғы жылы барлығы 4,6 млрд. теңге қаржы бөлінді. Ал, ауыл шаруашылығы тауарын өндірушілеріне 2,3 млрд. теңге субсидия төленіп отыр.
Облыс әкімі Гүлшара Әбдіқалықова сала басшысына егін жинау жұмыстарына қатысатын техникалардың толыққанды болуын және күрішке алғашқы орақ салуды тамыз айының 25-нен бастауды және егін жинау науқанын 15 қазанға дейін толық аяқтауды тапсырды. Қабылдау соңында Сейілбек Нұрымбетов Сыр дихандарының болжамына сәйкес, биылғы жылы егілген ақ күріштің әр гектарынан 50-55 центнерден өнім алу жоспарланып отырғандығын баяндады.
<img src="https://kyzylorda-news.kz/wp-content/uploads/2020/08/fb_img_1597294736464.jpg" alt="" />

Қазақстан және Қызылорда облысының жаңалықтары

Рухани жаңғыру: Қазақ тіліне аударылған 30 жаңа оқулық таныстырылды

Артем Тютерев: Мемлекеттік қызметте қазақ тілін білу бірінші орында тұруы керек

Қызылордада жастар сайты іске қосылды

COVID-2019: Қызылордада науқастардың 80 пайызы індеттен айығып шықты

Маман банк картасымен қай жерде төлем жасау қауіпті екенін айтты

Қызылордада 64 797 жол ережесі бұзылған

Қызылордада 600 орындық мектептің кірпіші қаланды

Оқушылар қашықтықтан оқу үшін тегін компьютерлерді қалай ала алады?

Қазақстан халықаралық рейстерді ашады

Онлайн кездесу – көңілге медеу

Коронавирустың таңқаларлық ерекшелігі анықталды

Қызылордада күзгі егін жинау науқанына дайындық барысы пысықталды

Қазақстан және Қызылорда облысының жаңалықтары

Рухани жаңғыру: Қазақ тіліне аударылған 30 жаңа оқулық таныстырылды

Артем Тютерев: Мемлекеттік қызметте қазақ тілін білу бірінші орында тұруы керек

Қызылордада жастар сайты іске қосылды

COVID-2019: Қызылордада науқастардың 80 пайызы індеттен айығып шықты

Маман банк картасымен қай жерде төлем жасау қауіпті екенін айтты

Қызылордада 64 797 жол ережесі бұзылған

Қызылордада 600 орындық мектептің кірпіші қаланды

Оқушылар қашықтықтан оқу үшін тегін компьютерлерді қалай ала алады?

Қазақстан халықаралық рейстерді ашады

Онлайн кездесу &#8211; көңілге медеу

Коронавирустың таңқаларлық ерекшелігі анықталды

Қызылордада күзгі егін жинау науқанына дайындық барысы пысықталды

Онлайн кездесу – көңілге медеу