<a href="https://kyzylorda-news.kz/">Kyzylorda-news.kz.</a> Қызылорда облысында коронавирус инфекциясымен тіркелген симптомды науқастар саны – 484, ал сипмтомсыз-73 азамат. Бұл туралы Өңірлік коммуникациялар қызметінің ақпараттық алаңында облыстық денсаулық сақтау басқармасының басшысы Жақсылық Абдусаметов мәлімдеді.
<blockquote>
 «Соңғы тәулікте 19 дерек тіркелді. Симптомды жаңа жағдайдың 3-еуі қарым-қатынас арқылы, 10-ы емхана мен аурухана скринингінен, ал симптомсыз 6 жағдайдың 2-еуі ақылы тест сынамасынан, 4-еуі скринингтен анықталды»,- деді бас дәрігер.
</blockquote>
Сондай-ақ, вирус жұқтырғандармен байланыста болған- 5445 азамат анықталды. Оның ішінде, 3271-і тікелей қарым-қатынаста, 2174-і жанама байланыста болған.
Мұнан өзге, індеттен айығып шыққандар саны 309-ға жетті. Соңғы тәулікте 5 науқас емделіп шықты.
Құрметті облыс тұрғындары, сақтық шараларын қатаң сақтап және бетперде киюді жалғастыра беруге шақырамыз.

COVID-19: Симптомды 13, симптомсыз 6 жағдай анықталды

<a href="https://kyzylorda-news.kz/">Kyzylorda-news.kz.</a> Қызылорда қаласында жол қауіпсіздігін қамтамасыз ету бойынша орнатылған стационарлы жылдамдық өлшегіш құрылғылары 11 маусым сағат 20:00 бастап 5 жерде жұмыс жасайтын болады.
Атап айтар болсақ:
Н.Назарбаев даңғылы (Заводская тұсы) 
Тәуелсіздік даңғылы (Ғ.Мұратбаев көпір асты) 
Тәуелсіздік даңғылы (Арай №2 үй тұсына) 
Яссауи көшесі (Ғ.Мүсірепов көшесі тұсы) 
Бейбарыс көшесі (№9 көп қабатты үй жанына).
Барлық құрылғылардың алдына ескерту белгілері орнатылды. Осыған байланысты жүргізушілер жол жүру ережелерін бұзбай, жылдамдық режимін сақтауды және ескерту белгілеріне назар аударуы қажет.
Қалған 8 жердегі құрылғылар кезең-кезеңмен іске қосылады.
<img src="https://kyzylorda-news.kz/wp-content/uploads/2020/06/dp1-1.jpg" alt="" />

Қызылордада бүгіннен бастап жылдамдық өлшегіш құрылғылары жұмыс істейді

<a href="https://kyzylorda-news.kz/">Kyzylorda-news.kz.</a> Қызылорда облысында “Нұр-строй” ЛТД” серіктестiгі жылына 60 мың текше метр темiр-бетон бұйымдарын шығарады.
Серіктестік директорының орынбасары Асан Исаевтың айтуынша, кәсіпорын заманауи құрылғылармен жабдықталған. Бұған қоса бүгінде өндіріс қуаты артып, құрылыс материалдарының 280-ге жуық түрін шығаратын деңгейге жетті.
<blockquote>
 «Бұл өндіріс кеңес одағы тұсынан бар. 90 жылдары зауыт жұмысы тоқтады. 2005 жылы “КСМиК” серіктестігінің базасында қайта құрылып, жұмысын бастады. Қазіргі таңда кәсіпорында бірнеше цех жұмыс істейді. Оларда бетон құйылады, темір бұйымдары дайындалады, сондай-ақ механикалық, электp жөндеy, шикiзат цеxтары бар. Күнiне 100, жылына 60 мын текше метр түрлi темiр-бетон өнімдерiн шығарамыз. Өнімдерімізді өнеркәсіп, ауыл шаруашылығы құрылыстарына пайдаланады. Жеке тұрғын салатын болса да бізден келіп алады. Біз кұрылысқа қажет 280-ге жуық өнімді шығарамыз. Электp бағандары және электр тасымалдаy құрылымдарына қажет темiр-бетон бұйымдар да бізде дайындалады. Біздің зауыт көпқабатты тұрғын үйлерге арналған 9 метрлік плиталарды шығаруды да алғаш болып қолға алды», – дейді Асан Исаев.
</blockquote>
“Нұр–строй” ЛТД” серіктестiгінің цехтарында дайындалған құрылыс материалдарына сұраныс жоғары. Бүгiнде облыстағы 30-дан астам iрі мекеме осы серiктестіктің өнімдерiне тұрақты тапсырыс бередi. Алайда, елімiзде төтенше жағдай жарияланып, карантиндiк режим енгізiлгенде кәсіпорын жұмысы уақытша тоқтаған едi. Қазiр жұмыс қайта жанданды. Зауыттың өндiрiстік-техникалық бөлiм басшысы Бақытбек Сержановтың айтуынша, өндірiсте 150 адам жұмыс iстейді. Мұнда ерлермен қатар әйелдер де еңбек етедi. Кранды басқаратындар да, технологтар да солар. Істерiне жауапкершілікпен қарайды.
<blockquote>
 «Бізде біраз адам зейнет жасына жетсе де жұмыс істеп жатыр. Өйткені, кадр тапшылығы бар. Электр дәнекерлеушi, электрик, краншылар керек. Жақында Қорқыт ата атындағы Қызылорда мемлекеттiк университетiнің студенттерiн онлайн-конференция арқылы жұмысқа келуге үндедік», – дей бөлім басшысы.
</blockquote>
Сонымен қатар, Бақытбек Сержанов зауытта жұмысшыларды тасымалдайтын көлiк бөлiнгенін және оларға тегiн түскi ас, жұмыс киiм берілетiнін айтты. Тiпті, зауытқа жақын тұратын жұмысшыларға қырыққа жуық велосипед сатып әперген.
<a href="https://baq.kz/news/othernews/qyzylordadagy-tsekh/?fbclid=IwAR03mtOV5s4xvVJ0tMLfdT5okz53LLSuv-_rt_M53LrSG4J_1lz1r8S782Y">Baq.kz</a>
<img src="https://kyzylorda-news.kz/wp-content/uploads/2020/06/ceh1-1.jpg" alt="" />

Қызылордадағы цех жылына 60 мың текше метр темір-бетон бұйымдарын шығарады

<a href="https://kyzylorda-news.kz/">Kyzylorda-news.kz.</a> Қызылорда облысында коронавирус инфекциясының ауру белгісімен 14 адам тіркелді, деп хабарлайды <a href="https://www.coronavirus2020.kz/kz">coronavirus2020.kz</a> сайты.
Өткен тәулікте Қызылорда қаласында12 адам, Жаңақорған ауданында 1 адам және Жалағаш ауданында 1 адам коронавирус инфекциясымен тіркелді. Науқастардың арасында ең үлкені 1940 жылғы ер адам болса, ең кішісі 1997 жылы туған қыз бала.
<blockquote>
 «ПТР анализдері 4 адамнан бұған дейін ауырған науқастармен қарым-қатынаста болуына байланысты, 4 адамнан шұғыл госпитализациялау алдындағы эпидбақылау мақсатында, қалған 6 науқастан эпидемиологиялық көрсеткіштер (ЖРВИ) бойынша алынған. Зерттеу қорытындылары науқастардың ағзасынан коронавирус инфекциясын анықтады. Қазір пациенттер ауруханаға оқшауландырылып, хаттамаға сәйкес ем қабылдап жатыр», – делінген хабарламада.
</blockquote>
Мамандар індетке қарсы іс-шаралар ұйымдастырып, науқастармен қарым-қатынаста болғандарды анықтауда.

Қызылордада 80 жастағы қария коронавирус жұқтырды

<a href="https://kyzylorda-news.kz/">Kyzylorda-news.kz.</a> «Nur Otan» партиясы Қазалы аудандық филиалының «Quttymeken» ұлттық жоба аясында құрылған мониторингтік топтың мүшелері Әйтеке би кентіндегі Б.Мергенбаев атындағы №226 гимназияда жүргізіліп жатқан күрделі жөндеу жұмыстарымен танысты.
Мектептің ғимараты 1967 жылы пансионат болып салынған, 1996 жылы мектеп ретінде бейімделген.
Пайдалануға берілген уақыттан бері ғимаратқа жөндеу жұмыстары жүргізілмеген. 2012 жылы мектепке күрделі жөндеу жұмыстарын жүргізу үшін жоба-сметалық құжаттары дайындалып, мемлекетттік сараптамадан өткізілген. Алайда, жөндеу жұмыстарына қажетті қаржы бөлінбеген.
Мектеп-гимназия ғимаратына күрделі жөндеу жұмыстарын жүргізу үшін қайтадан 2019 жылы жалпы құны 249639,5 мың теңге болатын жоба-сметалық құжат дайындалған.
Биылғы жылы «Жұмыспен қамтудың Жол картасы аясында» 228535,0 мың теңге бөлініп, мемлекеттік сатып алудың арнайы тәртібімен өткізілген конкурста «Энергомера» ЖШС жеңімпаз болып танылған. Жоба-сметалық құжат бойынша ғимараттың есігі мен терезесі, шатыры, жылу жүйесі мен электр желісі толығымен ауыстырылып, ішкі және сыртқы қабырғалары сыланатын болады. Сондай-ақ, асхана ғимаратының төбесіне де жөндеу жүргізілу жоспарлануда.
Аталған, бағдарлама бойынша 57 жұмыс орны ашылып, оның ішінде уақытша 29 адам жұмыспен қамту орталығының жолдамасымен жұмыспен қамтылып отыр.
Мониторингтік топ құрамында аудандық филиал төрағасының бірінші орынбасары Қасқырбек Мәмбетжан, аудандық филиалдың партиялық бақылау комиссиясының төрағасы Бекқали Бекбаулов, Қаныш Сәтбаев атындағы БПҰ төрайымы, топ мүшесі Зинегүл Жүсіпова және топ мүшелері «Jas Otan» ЖҚ аудандық бөлімше басшысы Гүлдәрі Иманалиева, аудандық филиалдың сарапшысы Алтынай Кенжалиева қатысты.
Күрделі жөндеу жұмыстарында болып жатқан ғимараттағы жұмысшылардың қауіпсіздік ережелерінің толық сақталмауы және жасалып жатқан жұмыстардың кейбір тұстарына ескерту жасалды.
<img src="https://kyzylorda-news.kz/wp-content/uploads/2020/06/kazaly1-2.jpg" alt="" />
<img src="https://kyzylorda-news.kz/wp-content/uploads/2020/06/kazaly2-1.jpg" alt="" />
<img src="https://kyzylorda-news.kz/wp-content/uploads/2020/06/kazaly3-1.jpg" alt="" />

Қазалыда 20 жылдан астам уақыттан бері жөндеу көрмеген мектеп бар

<a href="https://kyzylorda-news.kz/">Kyzylorda-news.kz.</a> Шиелі ауданының әкімі Қамбарбек Мүбараков Сұлутөбе ауылдық округіндегі «Көксу» каналын қазу мәселесіне қатысты ауыл тұрғындарымен кездесу өткізді.
Кездесуге Қызылорда облысының табиғи ресурстар және табиғат пайдалануды реттеу басқармасы басшысының орынбасары Бауыржан Оспанов қатысты.
Осыған дейін де Сұлутөбе ауылдық округінде аудан әкімі мен ауыл тұрғындары арасында «Көксу» каналын қазу туралы кеңінен талқыланып, арнайы өткізілген жиында ауыл ақсақалдары бірауыздан келісім берген болатын. Оған себеп, соңғы жылдарда Сырдария өзеніндегі су мөлшерінің азаюына байланысты және сағаның ұрма жерден салынуына байланысты «Көксу» каналының сағасындағы тоспаның алды қайырланып қалатындығы.
«Көксу» каналын қазуға байланысты бұл жолғы кездесуде арнайы мамандар жүргізген зерттеу нәтижесінде «Көксу» каналының сағасын жоғарыдан алып, сол сағаның ұрма жері Айдарлы жақтан келсе, «Көксу» жақ беті қайырланбайтыны белгілі болғандығы туралы тиісті түсіндірме жұмыстары жүргізілді.
Қазіргі жобалық-сметасы бойынша «Көксу» каналы 20 шақырым қазылу жоспарланған, «Жұмыспен қамтудың жол картасы» бағдарламасы аясында Қызылорда облыстық табиғи ресурстар және табиғат пайдалануды реттеу басқармасы арқылы Сұлутөбе ауылдық округіндегі «Көксу» каналын механикаландырылған тазартуға 92,3 млн теңге қаржы қарастырылды.
<img src="https://kyzylorda-news.kz/wp-content/uploads/2020/06/shieli2-2.jpg" alt="" />

Сұлутөбе ауылындағы «Көксу» каналын қазу мәселесі шешімін тапты

<a href="https://kyzylorda-news.kz/">Kyzylorda-news.kz.</a> Қызылорда облысының әкімі Гүлшара&nbsp; Әбдіқалықова “Тау-Кен Самұрық “ҰТК” АҚ Басқарма төрағасы Қанат Құдайбергенмен кездесті. Басқарма төрағасы тау-кен байыту фабрикасының құрылысы мен компанияның ағымдағы жұмыстарына тоқталды. Сонымен қатар, жергілікті оқу орындарында тау-кен саласына қатысты мамандарды даярлау мәселесін көтерді.
2016 жылғы мамырдан бастап тау-кен байыту комбинатын салу үшін “Шалқия” кен орнында дайындық жұмыстары басталды. Жоба республикалық Индустрияландыру картасына енгізілген. 2016-2019 жылдары 39,7 миллиард теңге инвестиция игерілген. Ал, 2020 жылға 8 миллиард теңге жоспарланған. Сонымен қатар, ПС-220 қосалқы станциясының құрылысы, техникалық сумен қамтамасыз ету суағары бойынша жұмыстар аяқталуға жақын. Бүгінгі күні кен орнында 625 адам жұмыс істейді. Толық іске қосылған уақытта 2500- дей жаңа жұмыс орындары ашылады деп күтілуде.
2018 жылы бастау жоспарланған ТБК құрылысы бас мердігер “Инжиниринг Доберсек” неміс компаниясының бас мердігерімен келісім-шарттың бұзылуына байланысты жаңа мердігер әлі анықталмаған.
“Қазіргі уақытта жыл соңына дейін кешенді жұмысты аяқтау жоспарлануда. Сонымен қатар, тау-кен бөлігі мен жер беті кешенінің жобасына түзету жұмыстары басталды”,- деді “Тау-Кен Самұрық “ҰТК” АҚ Басқарма төрағасы.
Облыс әкімі жобаны уақытылы жүзеге асыру үшін мердігер ұйымды анықтап, 2020 жылдың ІІ жартысында шахтада тау-кен жұмыстарын бастауды тапсырды.
Анықтама: “Тау-Кен Самұрық “ҰТК” АҚ Басқармаcына қарасты “Шалқия” кен орны 1959 жылы ашылған. 1994 жылы кен орны күрделі экономикалық жағдайға байланысты жабылып, 2004 жылы кен өндіру қайта басталған. Қаржы және технологиялық себептерге байланысты 2008 жылы кеніш қайта консервацияланған. 2014 жылы “Шалқия Цинк ЛТД” АҚ 100% акцияларын “Самұрық-Қазына” АҚ сатып алып, “Тау-Кен Самұрық “ҰТК”АҚ берілген.
<img src="https://kyzylorda-news.kz/wp-content/uploads/2020/06/taw-ken2-1.jpg" alt="" />

Аймақ басшысы &#8220;Тау-Кен Самұрық &#8220;ҰТК&#8221; АҚ Басқарма төрағасын қабылдады

1918 жылы «Алаш» қазақ ұлттық қозғалысы кеңес үкіметінің Қазақстан аумағындағы барлық декреттерін заңсыз деп жариялады.
1991 жылы&nbsp;Қазақстан Республикасының Жаңа экономикалық құрылымдарды қолдау және монополиялық қызметті шектеу мемлекеттік комитеті құрылды. Қазақстан Республикасы Тұңғыш Президентінің 1993 жылғы 11 қаңтардағы Жарлығымен аталған комитет Қазақстан Республикасының Монополияға қарсы саясат жөніндегі мемлекеттік комитеті болып қайта құрылды.
1992 жылы&nbsp;ҚР Тұңғыш Президенті – Елбасы Нұрсұлтан Назарбаевтың «Қазақстан Республикасының әскери соты және әскери прокуратура органдары туралы» қаулысы қабылданды.
1999 жылы&nbsp;Қазақстан Республикасының «Білім туралы» Заңы жарияланды.
2014 жылы&nbsp;Парижде «Астана ЭКСПО – 2017» құжаттамасын мақұлдау процедурасы өтті. «Астана ЭКСПО-2017» – Қазақстан үшін ел экономикасын одан әрі әртараптандыру және жаңғыртуға, Қазақстанның «жасыл экономикаға» өтуіне қуатты күш беретін жалпыұлттық жоба.
2015 жылы Қазақстан Дүниежүзілік сауда ұйымына кіру туралы 20 жылға созылған келіссөздерді аяқтады.
2017 жылы&nbsp;Нұр-Сұлтанда Тұрақты дамуға арналған энергетика VIII Халықаралық форумы мен Министрлер конференциясы өтті. Онда тұрақты даму саласындағы қордаланған мәселелерді шешу жолдары талқыланды. Конференция қорытындылары бойынша, Министрлер декларациясы қабылданып, онда Қазақстанның ЭКСПО базасында «Жасыл» технологияларды дамыту жөніндегі халықаралық орталық құру және «Болашақ энергиясы» инвестициялық жобаларын іске асыру бастамалары белгіленді.
2018 жылы&nbsp;Қызылордада «Мерейлі отбасы – 2018» байқауының жеңімпазы анықталды. Байқаудың бас жүлдесі мен республикалық кезеңге жолдаманы Сырдария ауданының тұрғындары – Бәйменовтер отбасы жеңіп алды.

11 маусым: Атаулы күндер мен оқиғалар

<a href="https://kyzylorda-news.kz/">Kyzylorda-news.kz</a> ақпараттық агенттігінің 11 маусымға арналған жұлдыз-жорамалы.
Тоқты
Күн сәтті басталмайды. Аздаған қиындықтар туындап, түсінбестік орын алуы мүмкін. Оқиға желісін өзгертуге талпынасыз, алайда барлығы сіз ойлағандай болмайды. Сондықтан жаныңыздағы адамдарға ашуланасыз.
Торпақ
Жан-жағыңызды байқап, бақылап жүріңіз. Ойланбастан шешім шығармаңыз. Егер барлығын сақтықпен жасайтын болсаңыз, барлық ісіңіз сәтті болмақ. Кейде өзіңізге-өзіңіз мәселе тудырып аласыз.
Егіздер
Күніңіз сәтті өтеді. Бірақ сіз бұған қанағаттанбайсыз. Көп үміт артқан адамыңыз сеніміңізді ақтамайды. Әлбетте, бұл сізге ұнамайды. Өзіңізге деген сеніміңіз де жоғалып, іс-әрекетіңізге сырт көзбен қарайсыз. Өзіңізді көп шаршатпаңыз.
Шаян
Күніңіз қызықты оқиғаларға толы болмақ. Бірақ оларды қабылдау сізге аздаған қиындық туғызады. Мәселенің анық-қанығына жеткеннен кейін барлығы өз орнына келеді. Жақын тұтатын адамыңызбен ашық әңгімелесіңіз.
Арыстан
Түске дейінгі уақытыңызды тиімді пайдалануға тырысыңыз. Дәл осы уақытта тапсырмаларды орындауға мүмкіндік көп. Сондай-ақ өзекті мәселелерді шешуге де болады. Жұмысқа қатысты түскен ұсыныстарға көп ойланбаңыз.
Бикеш
Өте жақсы күн. Жалқау адамдардың өзі бүгін біраз шаруаны тындырып, қиындықты еңсере алады. Сонымен қатар бүгін кез келген маңызды сұрақтарға жауап тауып, көптен алаңдатып жүрген мәселенің мән-жайын анықтауға болады. Жақындарыңызбен келіспеушіліктер артта қалады.
Таразы
Алаңдамаңыз. Сіз сабырлық сақтасаңыз, барлық мәселе оң шешімін табатын болады. Егер ашуға булықсаңыз, барлығы керісінше болатынына күмәніңіз болмасын. Барлық шаруаңызды назардын тыс қалдырмаңыз.
Сарышаян
Бүгінгі күніңіз жай күндердің бірі емес. Бұл күн жақсылығымен есте қалады немесе барлығы керісінше болуы мүмкін. Достарыңызбен немесе әріптестеріңізбен сөзге келіп қалуыңыз ғажап емес. Сіз өте сезімталсыз.
Мерген
Қандай істі қолға алсаңызда «жеңіс менікі» деуден аулақ болыңыз. Кез келген мақсатқа жету үшін көп тер төгу қажет. Бүгін көп уақытыңызды болмайтын істерге жұмсап, шаршап қалуыңыз мүмкін.
Тауешкі
Қарбалас күн. Бірден мақсатқа жетуге асығасыз. Бірақ барлық ұсақ-түйек тірліктің өзіне зор еңбек қажет екенін естен шығармаңыз. Сенгіш, аңғал адамдар өзгелердің құрған қақпанына тез түседі. Сондықтан әр қадамыңызға абай болыңыз.
Суқұйғыш
Асықпаңыз. Сіздің басыңыздағы оқиғалар сәтімен аяқталатын болады. Айналаңыздағы адамдарға жақсы қырыңызды таныта біліңіз. Жолыңызда бірінші кездескен кедергіге бола кері шегінбеңіз.
Балықтар
Жемісті күн. Барлық ісіңіз сәтімен басталады. Олардың нәтижелі аяқталатынына сеніміңіз мол. Сондықтан шаршау дегенді білмей, тынбай еңбек етесіз. Бастаған шаруалардың барлығын соңына дейін жеткізуге тырысасыз.

Жұлдыздар не дейді?

<a href="https://kyzylorda-news.kz/">Kyzylorda-news.kz.</a> Қызылорда облысында жыл басынан бері тіркелген шағын және орта кәсіпкерлік субъектілерінің саны 52 427 бірлікке жетті. Бүгінде оның 88,3 пайызы жұмыс жасауда. Бұл туралы Өңірлік коммуникациялар қызметінің ақпараттық алаңында өткен баспасөз конференциясында кәсіпкерлік және туризм басқармасының басшысы Фердоуси Қожабергенов мәлімдеді.
<blockquote>
 «Кәсіпкерлерді қолдау және оларды одан әрі дамыту үшін елімізде бірқатар бағдарламалар жүзеге асырылып, осы шаралар аясында өңіріміздегі шағын және орта кәсіпкерліктің негізгі көрсеткіштері оң серпінге ие болуда. Яғни, биыл «Еңбек» мемлекеттік бағдарламасы аясында ауылдық елді-мекендерде және Қызылорда қаласында шағын несиелер беру үшін қаржы бөлінді. Атап айтқанда, ауылдық елді-мекендерге бөлінген қаржы есебінен 127 жоба несиелендірілді. Сондай-ақ, бағдарлама аясында жаңашыл болып танылған жобаларды іске қосу үшін қайтарымсыз гранттар беру конкурсынада қаржы бөлінді», – деді Фердоуси Әбілқасымұлы.
</blockquote>
Мұнан өзге, өңдеуші өнеркәсіп саласын дамытуға бағытталған «Қарапайым заттардың экономикасы» үкіметтік бағдарламасы іске асырылуда.
Айта кетейік, кәсіпкерлерді қолдау мақсатында Қызылорда қаласында «Бір терезе» қағидасы негізінде 1 шілдеден бастап «Бизнеске арналған Үкімет» бірыңғай сервис орталығы іске қосылады.
<img src="https://kyzylorda-news.kz/wp-content/uploads/2020/06/brifing-ishine-3.jpg" alt="" />

Қызылордада «Бизнеске арналған Үкімет» бірыңғай сервис орталығы іске қосылады

<a href="https://kyzylorda-news.kz/">Kyzylorda-news.kz.</a> Бүгін облыс әкімі Гүлшара Әбдіқалықова Социалистік Еңбек Ері, еңбек ардагері Оразбай Әбішевтің 90 жасқа толуына орай құттықтап, құрмет көрсетті.
Өңір басшысы Оразбай Әбішұлының үлгілі еңбек жолына алғыс білдіріп, мерейтойына орай құттықтау лебізін жеткізді.
<blockquote>
 «Сыр елі өзіңіз секілді парасатты, ұлағатты азаматтарға бай. Аймағымыздың темір жол саласынын дамытуға зор үлес қостыңыз. Осы саланың ғылыми – техникалық жұмысына да белсене қатыстыңыз. 35 жыл бір салада еңбек етіп, көптеген тәжірибелі шәкірттер тәрбиелеп шығарғаныңызға алғыс білдіреміз. Карантиндік шектеулерге байланысты үлкен шаралар өткізуге мүмкіндік болмай отыр. Мерейтойыңыз құтты болсын. Сіздің еңбек жолыңыз жастар үшін әрқашан өнеге», – деді облыс әкімі Гүлшара Әбдіқалықова.
</blockquote>
Жиында аймақ басшысы мерейтой иесіне облыс әкімі мен облыстық мәслихат хатшысының Құрмет грамотасын табыстады және қазақи дәстүр бойынша шапан жапты.
Сонымен қатар, шараға облыстық ардагерлер кеңесінің төрағасы Серік&nbsp; Дүйсенбаев пен еңбек ардагері Қ.Рахметов қатысып, мерейтой иесін құттықтады.
Оразбай Әбішұлы – 1930 жылы 10 маусымда Қызылорда облысы, Сырдария ауданы, Бірқазан ауылдық округінде дүниеге келген. 1938 жылы мектепке барып, 1942 жылы еңбекке араласып кеткен.
1949-1951 жылдары Қызылорда теміржол училищесінде оқып, еңбек жолын 1951 жылы паровоз жөндеу депосында слесарь қызметінен бастаған.
Өткен ғасырдың 50 жылдарының ортасында Қызылорда локомотив депосы теміржол жүйесіндегілердің алғашқысы болып тепловозға көшіп, 35 жылға жуық жұмыс атқарды. Оның еңбек кітапшасында бар болғаны бірнеше ғана жазу бар және бәрі де бір депоның ішінде.
Оразбай Әбішев 1981 жылы «Социалистік Еңбек Ері» атағы, 2 мәрте Ленин ордені, «Октябрь Революциясының ордені», «Қазақстан Республикасының тәуелсіздігіне 10 жыл» мерекелік медалі, салалық награда «Құрметті теміржолшы» төсбелгісімен марапатталған.
Бүгінде Оразбай Әбішұлы Қызылорда қаласының Құрметті азаматы, Қазақ ССР-ның еңбек сіңірген жастар тәлімгері. «Қазақстан темір жолы»ҰК» АҚ-ның Консультативтік кеңесінің мүшесі. Оның есімі Қазақ ССР-ның «Алтын кітабына» енгізілген.
<img src="https://kyzylorda-news.kz/wp-content/uploads/2020/06/akimat-1-scaled.jpg" alt="" />
<img src="https://kyzylorda-news.kz/wp-content/uploads/2020/06/akimat-3-scaled.jpg" alt="" />

Гүлшара Әбдіқалықова еңбек ардагері Оразбай Әбішевті құттықтады

<a href="https://kyzylorda-news.kz/">Kyzylorda-news.kz.</a> Мемлекет басшысы «Қазақстан Республикасының Азаматтық процестік кодексіне соттар жұмысының заманауи форматтарын ендіру, артық сот рәсімдері мен шығындарын қысқарту мәселелері бойынша өзгерістер мен толықтырулар енгізу туралы» Қазақстан Республикасының Заңына қол қойды, деп хабарлайды Ақорданың баспасөз қызметі.
Заңның мәтіні баспасөзде жарияланады.

Қазақстан және Қызылорда облысының жаңалықтары

COVID-19: Симптомды 13, симптомсыз 6 жағдай анықталды

Қызылордада бүгіннен бастап жылдамдық өлшегіш құрылғылары жұмыс істейді

Қызылордадағы цех жылына 60 мың текше метр темір-бетон бұйымдарын шығарады

Қызылордада 80 жастағы қария коронавирус жұқтырды

Қазалыда 20 жылдан астам уақыттан бері жөндеу көрмеген мектеп бар

Сұлутөбе ауылындағы «Көксу» каналын қазу мәселесі шешімін тапты

Аймақ басшысы “Тау-Кен Самұрық “ҰТК” АҚ Басқарма төрағасын қабылдады

11 маусым: Атаулы күндер мен оқиғалар

Жұлдыздар не дейді?

Қызылордада «Бизнеске арналған Үкімет» бірыңғай сервис орталығы іске қосылады

Гүлшара Әбдіқалықова еңбек ардагері Оразбай Әбішевті құттықтады

Елімізде артық сот рәсімдері мен шығындар қысқарады

Қазақстан және Қызылорда облысының жаңалықтары

COVID-19: Симптомды 13, симптомсыз 6 жағдай анықталды

Қызылордада бүгіннен бастап жылдамдық өлшегіш құрылғылары жұмыс істейді

Қызылордадағы цех жылына 60 мың текше метр темір-бетон бұйымдарын шығарады

Қызылордада 80 жастағы қария коронавирус жұқтырды

Қазалыда 20 жылдан астам уақыттан бері жөндеу көрмеген мектеп бар

Сұлутөбе ауылындағы «Көксу» каналын қазу мәселесі шешімін тапты

Аймақ басшысы &#8220;Тау-Кен Самұрық &#8220;ҰТК&#8221; АҚ Басқарма төрағасын қабылдады

11 маусым: Атаулы күндер мен оқиғалар

Жұлдыздар не дейді?

Қызылордада «Бизнеске арналған Үкімет» бірыңғай сервис орталығы іске қосылады

Гүлшара Әбдіқалықова еңбек ардагері Оразбай Әбішевті құттықтады

Елімізде артық сот рәсімдері мен шығындар қысқарады

Аймақ басшысы “Тау-Кен Самұрық “ҰТК” АҚ Басқарма төрағасын қабылдады