<a href="https://kyzylorda-news.kz/">Kyzylorda-news.kz.</a> Қызылорда облысында 2018 жылдан бері мемлекеттік қызметшілер мектебі жұмыс жасап келеді.
Биыл мемлекеттік қызмет мектебінің жұмысын жандандыру мақсатында қараша айында ҚР Мемлекеттік қызмет істері агенттігінің облыстық департаменті мен Қорқыт ата атындағы Қызылорда университеті арасында әріптестік меморандумына қол қойылды. Қазіргі таңда, меморандумда көзделген негізгі 3 бағытта жұмыстар жүргізілуде.
Аталған мектептің осы кезге дейін атауы мен эмблемасы бекітілмеген болатын. Осы ретте, меморандум аясында мектептің атауы мен эмблемасына Қорқыт ата атындағы университет студенттері арасында конкурс жарияланды. Конкурс барысында үздік деген 16 жоба таңдалып алынды. Жобалардың ішінен конкурстық комиссия шешімімен ГМУ-19-3 және СР-20-3 оқу топтарының жұмыстары үздіктер қатарына таңдалынып, Мемлекеттік қызмет мектебінің эмблемасы құрастырылды. Жеңімпаздар І дәрежелі диплом марапатталса, барлық қатысушыларға алғыс хаттар табысталды.
Конкурс нәтижесімен мемлекеттік қызметшілер мектебіне «Абырой» атауы таңдалды.
Айта кету керек, «Абырой» мемлекеттік қызметшілер мектебінің мақсаты – оқу бағдарламаларына оқытудың инновациялық әдістерін енгізе отырып, мемлекеттік қызметке кіруге ниет білдірген жастарды даярлау және мемлекеттік қызметке кадрларды дайындау сапасын көтеру болып табылады.

Мемлекеттік қызметшілер мектебіне «Абырой» атауы берілді

<a href="https://kyzylorda-news.kz/">Kyzylorda-news.kz.</a> Қала әкімі Нұрлыбек Нәлібаев тұрғындарды онлайн қабылдады. Кезекті қабылдауда тұрғындар жеке мәселелерін айтып, қала басшысына сауалдарын жолдады. Онлайн форматтағы кездесуге тұрғындар әлеуметтік көмек, жол, тұрғын үй, жер және т.б мәселелер бойынша қабылдауға жүгінді. Әр тұрғынның мәселесін жеке тыңдаған қала басшысы мәселенің жедел шешілуін назарға алды.
Мәселен жеке қабылдауға Белкөл кентіндегі жол және темір жолдан өтетін аспалы көпірдің жайын сұрай келген тұрғынға «Аспалы көпір мәселесін шешуге яғни көпірдің құрылыс жұмыстарын жүргізуге бюджеттік өтінім берілді. Сәтін салса құрылыс жұмыстары жылдың басында басталып, жыл аяғына дейін көпір көптің игілігіне берілетін болады» – деген шаһар басшысы жол жөндеу жұмыстарының да көп күттірмей шешілетінін айтты. Сондай-ақ, қала әкімі қабылдауда Гагарин қыстағындағы А.Ақаев көшесінің мұңын айтқан тұрғындарға көктемде көше жөнделіп, жарық мәселесі де жайластырылатындығын жеткізді.
Сонымен қатар &nbsp;қабылдау барысында қала әкімі тыңдалған әр мәселенің түйінін тарқатып, көтерілген мәселеге байланысты жауапты сала басшыларына тиісті шараларды&nbsp; дер кезінде қабылдауды тапсырды.
Айта кетейік жыл басынан бері қала әкімі 1500-ға жуық қызылордалықты жеке&nbsp; мәселесімен қабылдады. Әкімдікке мәселесін айтып, мұқтаждығы бойынша жүгінгісі келетін азаматтарды карантиндік талаптарды сақтай отырып онлайн қабылдау жүргізіп, тұрғындар тарапынан көтерілген әр мәселенің заң аясында шешілуін ұдайы назарда ұстап келеді.

Қызылорда: Қала әкімі тұрғындарды қабылдады

<a href="https://kyzylorda-news.kz/">Kyzylorda-news.kz.</a>&nbsp;Қазақстанда бір тәулікте 841 адам коронавирустан жазылды, деп хабарлайды &nbsp;<a href="https://www.coronavirus2020.kz/kz/kazakstanda-otken-taulikte-841-adam-koronavirus-indetinen-emdelip-shykty_a3735179">coronavirus2020.kz</a>&nbsp;.
Аймақтар бойынша
Нұр-Сұлтан қаласы – 88 
Алматы қаласы – 66 
Шымкент қаласы – 8 
Ақмола облысы – 59 
Ақтөбе облысы – 23 
Алматы облысы – 39 
Атырау облысы – 103 
Шығыс Қазақстан облысы – 206 
Батыс Қазақстан облысы – 13 
Қарағанды облысы – 39 
Қостанай облысы – 2 
Қызылорда облысы – 14 
Маңғыстау облысы – 2 
Павлодар облысы – 91 
Солтүстік Қазақстан облысы – 74 
Түркістан облысы – 14
Қазақстан бойынша жазылғандар саны – 140684.

Қызылордада бір тәулікте 14 адам коронавирустан жазылды

<a href="https://kyzylorda-news.kz/">Kyzylorda-news.kz.</a>&nbsp;Қазақстанда өткен тәулікте 739 адамнан коронавирус анықталды, деп хабарлайды&nbsp;<a href="https://www.coronavirus2020.kz/kz/kazakstandagy-koronavirus-boyynsha-28-zheltoksan-23-59-dagy-epidemiologiyalyk-zhagday_a3735177">coronavirus2020.kz</a>.
Аймақтар бойынша: 
Нұр-Сұлтан қаласы – 70 
Алматы қаласы – 80 
Шымкент қаласы – 2 
Ақмола облысы – 55 
Ақтөбе облысы – 2 
Алматы облысы – 66 
Атырау облысы – 124 
Шығыс Қазақстан облысы – 51 
Жамбыл облысы – 18 
Батыс Қазақстан облысы – 45 
Қарағанды облысы – 39 
Қостанай облысы – 61 
Қызылорда облысы – 1 
Маңғыстау облысы – 4 
Павлодар облысы – 58 
Солтүстік Қазақстан облысы – 60 
Түркістан облысы – 3
Жалпы ел бойынша ауырғандар саны 153199.

Қызылордада коронавирус анықталды

&nbsp;<a href="https://kyzylorda-news.kz/">Kyzylorda-news.kz.</a> Қазгидромет 29 желтоқсанға арналған ауа райы болжамын жариялайды.
Атлантикалық циклонның әсерінен республиканың солтүстік-батысында, солтүстігінде, орталығы мен шығысында қар жауады. Қалған аумағында антициклонның әсерінен жауын-шашынсыз ауа райы сақталады.
Республиканың кей жерлерінде тұман, желдің күшеюі және жаяу бұрқасын күтіледі.
&nbsp;Қызылорда облысының кей жерлерде тұман күтіледі.

Қызылорда облысының кей жерлерінде тұман түседі

<a href="https://kyzylorda-news.kz/">Kyzylorda-news.kz.</a> Қазақстандықтар зейнетақы жинағының бір бөлігін пәтерді жөндеуге пайдалана алмайды. Бұл туралы “Отбасы банк” АҚ басқарма төрайымы Ләззат Ибрагимова мәлімдеді, деп хабарлайды&nbsp;<a href="https://sputnik.kz/">Sputnik Қазақстан</a>.
<blockquote>
 “Мемлекеттік органдарға жолданған ережелер жобасында зейнетақы жинағының бір бөлігін пәтерді ағымдағы жөндеуге жұмсау мақсаты қарастырылмаған”, – деді Ибрагимова зейнетақы жинағын пайдалануға қатысты баспасөз мәслихатында.
</blockquote>
Яғни, оның айтуынша, баспанасы бар азамат тұрып жатқан пәтерін зейнетақы шотындағы ақшаға жөндей алмайды.
<blockquote>
 “Қазір көбі зейнетақы жинағын баспананың жөндеу жұмыстарына шешіп алуға рұқсат беруді сұрайды. Бірақ біздің позициямыз мынадай: мемлекет жиырма екі жыл бойы зейнетақы жинағының сақталуын қамтамасыз етіп келді, сол себепті ағымдағы жөндеу – қалай дегенмен де ағымдағы шығындар”, – деді басқарма басшысы.
</blockquote>
Ол зейнетақы жинағын қандай жағдайда жөндеуге пайдалануға болатынын да айтты.
<blockquote>
 “Егер банк қарызы туралы келісімшартта бастапқы нарықтағы пәтерді сатып алу және жөндеу көрсетілсе, онда рұқсат етіледі”, – деді Ибрагимова.
</blockquote>

Зейнетақы жинағын үйді жөндеуге жұмсауға рұқсат етілмейді

<a href="https://kyzylorda-news.kz/">Kyzylorda-news.kz.</a>&nbsp; Келесі жылы Байқоңыр ғарыш айлағынан зымыран тасығыштың ауыр класына жататын «Протон-М» үш рет ұшырылады деп жоспарланып отыр, деп хабарлайды <a href="https://baq.kz/news/othernews/baykonyrdan-proton-zymyrany-ush-ese-kop-ushyrylatyn-boldy/">BAQ.KZ</a>.
Бұл 2020 жылмен салыстырғанда 3 есе көп, деп хабарлады РИА Новости.
Зымырандардың қай уақытта ұшырылатыны туралы кесте әлі бекітілмеген.
<blockquote>
 2020 жылы Байқоңырдан «Экспресс-80» және «Экспресс-103» спутникті байланысы бар «Протон» бір рет қана ұшырылған. Келесі жылы «Протон-М» үш рет ұшырылады, – деп жазды агенттік.
</blockquote>

Байқоңырдан «Протон» зымыраны үш есе көп ұшырылатын болды

<a href="https://kyzylorda-news.kz/">Kyzylorda-news.kz.</a> Бұл туралы «Nur Otan» партиясы атынан облыстық мәслихат депутаттығына үміткер Расул Есенов Тереңөзек кентінде үгіт-насихат жұмыстарымен канвассинг кездесуде айтты. Үміткер партия ардагері, Сырдария ауданының Құрметті азаматы Алма Бақтиярованың үйіне барып, жағдайын сұрады.
Кездесуде денсулық, білім саласы сөз болды. Кәсіпкерлерге қолдау артатыны да айтылды. Аудан тұрғындарын жұмыспен қамтуда және әл-ауқатын арттыруда шағын және орта бизнес маңызды рөл атқарады. Партияның мақсаты кәсіпкерлікті дамыту үшін қолайлы жағдай жасау.
<blockquote>
 «Nur Otan» партиясы алдағы жылдары «Бизнестің жол картасы 2025» бағдарламасымен 15 кәсіпкерге пайыздық мөлшерлемесін субсидиялау шеңберінде несиелер және бизнесін жаңадан бастаушы азаматтарға гранттар ұсынуға, мемлекеттік бағдарламалар шеңберінде «Бастау-Бизнес», «Бизнес Кеңесші» жобаларымен жыл сайын 200-ден аса азаматтарды кәсіпкерлік негіздеріне оқытуды жоспарлап отыр. Сонымен қатар, «Қарапайым заттар экономикасы» бағдарламасымен жыл сайын кемінде 4 жаңа жобаларды несиелендіруге ықпал етеді. Бұл шаралар нәтижесінде 2025 жылы жұмыс істеп тұрған шағын және орта кәсіпкерлік субьектілерінің үлесін 96 пайызға жеткіземіз, – деді үміткер Расул Әбутәліпұлы.
</blockquote>
Алма Сайранқызы, ауылдарды газдандыру жобалары туралы сұрады.
<blockquote>
 «Газбен қамтамасыз етілген елді мекендер үлесін арттыру мақсатында «Nur Otan» партиясы 3 елді мекенді Қалжан-ахун, С.Сейфуллин, А.Тоқмағанбетов газбен жабдықтауға ықпал етеді. Нәтижесінде аудан халқын газбен жабдықтау барысында 1850 отбасының тұрғын үйлеріне көгілдір отын кіргізіледі», – деп жауап берді үміткер.
</blockquote>
Ардагердің ұсыныс-пікірлерін тыңдап, батасын алды. Үгіт парақшаларын таратып, «Nur Otan» партиясына дауыс беруге шақырды.
“Nur Otan” партиясы Қызылорда облысының 
Сайлау қорының қаражатынан төленді

Сырдария ауданы: Ауылдарға да газ барады

<a href="https://kyzylorda-news.kz/">Kyzylorda-news.kz.</a>&nbsp; Денсаулық сақтау бірінші вице-министрі Марат Шоранов коронавирустың екінші толқыны қай кезде басталатынын айтты, деп хабарлайды&nbsp;<a href="https://sputnik.kz/app/article/%D0%91%D2%B1%D2%93%D0%B0%D0%BD%20%D0%B4%D0%B5%D0%B9%D1%96%D0%BD%20%D0%B4%D0%B5%D0%BD%D1%81%D0%B0%D1%83%D0%BB%D1%8B%D2%9B%20%D1%81%D0%B0%D2%9B%D1%82%D0%B0%D1%83%20%D0%BC%D0%B8%D0%BD%D0%B8%D1%81%D1%82%D1%80%D1%96%20%D0%BA%D0%BE%D1%80%D0%BE%D0%BD%D0%B0%D0%B2%D0%B8%D1%80%D1%83%D1%81%D1%82%D1%8B%20%D0%B6%D2%B1%D2%9B%D1%82%D1%8B%D1%80%D1%83%D0%B4%D1%8B%D2%A3%20%D1%88%D0%B0%D1%80%D1%8B%D2%9B%D1%82%D0%B0%D1%83%20%D1%88%D0%B5%D0%B3%D1%96%20%D0%B6%D0%B5%D0%BB%D1%82%D0%BE%D2%9B%D1%81%D0%B0%D0%BD-%D2%9B%D0%B0%D2%A3%D1%82%D0%B0%D1%80%20%D0%B0%D0%B9%D0%BB%D0%B0%D1%80%D1%8B%D0%BD%D0%B4%D0%B0%20%D0%B1%D0%BE%D0%BB%D0%B0%D1%82%D1%8B%D0%BD%D1%8B%D0%BD%20%D0%B0%D0%B9%D1%82%D2%9B%D0%B0%D0%BD">Sputnik Қазақстан</a>.
<blockquote>
 “Біз болжам жасағанда ауруханалардағы бос орындарды ескереміз. Негізі, төсек-орындардың 70 проценті толатын болса, сонда коронавирустың екіншісі кезеңі басталды деп санаймыз”, – деді Шоранов орталық коммуникациялар қызметінде өткен онлайн брифингте.
</blockquote>
Бұған дейін денсаулық сақтау министрі коронавирусты жұқтырудың шарықтау шегі желтоқсан-қаңтар айында болатынын айтқан. Бұл – пессимистік болжам. Бірақ эпидемиологиялық жағдай жақсарған.
Ал 7 желтоқсанда өткен онлайн брифингте денсаулық сақтау вице-министрі – бас мемлекеттік санитар дәрігер Ерлан Қиясов пессимистік болжам бойынша коронавирусты жұқтырудың шарықтау шегі қаңтардың аяғына және ақпанның басына келеді деген.
Айта кетейік, соңғы бір тәуліктің ішінде Қазақстанда 733 адамда коронавирус ПТР-тест арқылы расталды. Атырау облысы, Алматы қаласы мен Павлодар өңірінде ең көп жағдай тіркелген.
Жалпы, пандемия басталғалы бері 152 460 адам COVID-19 жұқтырған. Басым бөлігі жазылып шықты. Осы індеттен 2 259 науқас қайтыс болды.
Ал ковидтік пневмониядан, яғни, ПТР-тесті теріс нәтиже көрсеткен, бірақ коронавирустың анық белгілері бар аурудан 490 адам көз жұмды.

Коронавирустың екінші толқыны қашан басталады – вице-министр нақты көрсеткішті атады

<a href="https://kyzylorda-news.kz/">Kyzylorda-news.kz.</a> «Nur Otan» партиясы атынан облыстық мәслихат депутаттығына үміткер Расул Есенов Тереңөзек кентінде үгіт-насихат жұмыстарымен «Есіктен есікке» акциясын өткізді. Акция аясында кент тұрғыны, І-топ мүгедегі Бақыт Жайсаңбаевтың үйіне барып, жағдайын сұрап, дидарласты.
Үміткер алда сайлау өтетінін, оған «Nur Otan» партиясы өз сайлауалды бағдарламасын ұсынып қатысып жатқанын айтты. Бағдарламадағы басым бағыттарды сөз етті. Бақыт Жайсаңбаев партияның жаңа жобалары туралы сұрады.
Мемлекет белсенді түрде әрбір отбасына жаңа тұрғын үй құрылысын қолжетімді болуын қолдайды. Партия алдағы жылдары Тереңөзек кентінде18 пәтерлі 4 тұрғын үй құрылысын салуды жоспарлап отыр. Әсіресе Айдарлы, Аманкелді, Бесарық, А.Тоқмағанбетов, Қалжан ахун, Қоғалыкөл, Н.Ілиясов, Шаған, Шіркейлі, С.Сейфуллин елді мекендерінде үш бөлмелі 3 тұрғын үй, Жетікөл елді мекенінде үш бөлмелі 2 тұрғын үй салынады. Жастарға және азаматтардың әлеуметтік осал топтарына, оның ішінде жеке инвестицияларды тарту есебінен қолжетімді тұрғын үй құрылысын салу да көзделген.
<blockquote>
 Тереңөзек кентіндегі 12 көп қабатты тұрғын үйлерге тұрғындардың келісімімен тұрғын үй-коммуналдық дамудың 2020-2025 жылдарға арналған «Нұрлы жер» мемлекеттік бағдарламасы арқылы күрделі жөңдеу жүргізіледі. Тереңөзек кентінде тұрмыстық қатты қалдықтардың жинау және өңдеу полигонын салуға, барлық 14 елді мекенде 100 сұрыптап қоқыс жинау контейнерлерін орнатуға ықпал етеді. Ал 2021 жылдан бастап мүгедектігі бар адамдарға онлайн режимде көмекші, орнын толтырушы құралдар мен әлеуметтік қызметтерді алуға мүмкіндік беретін әлеуметтік қызметтердің бірыңғай порталы енгізілмек. Әр ауылдық округте мүгедектерге материалдық көмек көрсету пункттерін ұйымдастыру арқылы қолдау көрсетуге ықпал етеді, – деді үміткер Расул Әбутәліпұлы.
</blockquote>
Сұрақтарға тұшымды жауап берген үміткер үгіт парақшаларын таратып, «Nur Otan» партиясына дауыс беруге үгіттеді.
“Nur Otan” партиясы Қызылорда облысының Сайлау қорының қаражатынан төленді

Тереңөзек кентінде 18 пәтерлі 4 тұрғын үй салынады

<a href="https://kyzylorda-news.kz/">Kyzylorda-news.kz.</a> Қызылорда облысының әкімі Гүлшара Әбдіқалықова жаңадан салынған 100 төсектік аудандық аурухананың ашылу рәсіміне қатысты.
Аймақ басшысы заманауи медициналық мекеме халық игілігі үшін қызмет етеріне сенім білдірді.
<blockquote>
 “Бүгін аудан тұрғындары үшін қуанышты жаңалық тұрғын үй мен аудандық аурухананың пайдалануға берілуі. Жаңа пәтер иелерін қоныс тойымен құттықтаймын! Ал, жаңа үлгіде салынған аурухана ел игілігіне қызмет етеді деп сенемін”, – деді облыс әкімі.
</blockquote>
Салтанатты шарада денсаулық саласының ардагері Тұрғанбай Маханов пен мемлекет және қоғам қайраткері Қожахмет Баймаханов сөз сөйлеп, тұрғындарды құттықтады.
Аудандық аурухананың құрылысы 2019 жылы басталды. Құрылысты мердігер мекеме «АБУ-СЕР» ЖШС жүргізді. Жоба құны 4 млрд теңгені құрайды. Нысанның жалпы аумағы – 3,6 гектар, ғимарат типтік жобада салынған.
100 төсектік аурухана үш қабаттан тұрады. Мұнда 1 терапия, 1 хирургия, 1 реанимация, 1 босану-гинекология, 1 балалар бөлімі, 1 асхана, 2 операциялық блоктар бар. Аталмыш ауруханада 94 дәрігер, 446 орта буын қызметкер жұмыс істейді.
<img src="https://kyzylorda-news.kz/wp-content/uploads/2020/12/zhalagash2.jpg" alt="" />
<img src="https://kyzylorda-news.kz/wp-content/uploads/2020/12/zhalagash1.jpg" alt="" />
<img src="https://kyzylorda-news.kz/wp-content/uploads/2020/12/zhalagash3.jpg" alt="" />

Жалағаш ауданында 100 орындық жаңа аурухана ашылды

<a href="https://kyzylorda-news.kz/">Kyzylorda-news.kz.</a>&nbsp; Облыстық қоғамдық кеңестің отырысында аймақтағы мемлекеттік көрсетілетін қызметтер сапасының жай-күйі талқыланды.
Департаменттің ұсынысы негізінде Кеңестің күн тәртібіне енгізілген мәселенің өңірдегі жай-күйі жайлы департамент басшысы Рафхат Бисенов хабарлама жасады. Хабарламада жыл көлемінде жүргізілген мемлекеттік көрсетілетін қызметтер сапасын бақылау нәтижелері мен электрондық мемлекеттік қызметтердің үлесін арттыру бағытында қолға алынған шаралар туралы баяндап өтті.
<blockquote>
 «Облыстық қоғамдық кеңестің әлеуетін ескере отырып, мемлекеттік қызметтердің сапасына қоғамдық мониторингті дербес әлеуметтік жоба ретінде қарастыру үшін жергілікті бюджет есебінен тиісті қаражат бөлу мәселесін Кеңес шешімімен облыс басшылығының атына жеткізуді ұсынамын», – деді Р.Бисенов.
</blockquote>
Кеңес мүшелері аталған ұсыныстың өзекті екендігін айтып, кеңес отырысының хаттамасына енгізуді қолдады.
Отырыс барысында кеңес мүшелері тарапынан баяндамашыға бірқатар сауалдар қойылды. Атап айтқанда, кеңес мүшесі Болат Нұрхожаев қоғамдық мониторингтің сапасына мән беруді, оның формальды өткізілмеуін бақылау қажеттігін жеткізсе, Абай Шайнуров «Дамумед» қосымшасының жұмысында орын алатын ақаулардың қызмет алушыларға көп кедергілер келтіретіндігін айтты.
Өз кезегінде Р.Бисенов аталған мәселелер департаменттің назарында екендігін жеткізіп, кеңес мүшелерін мемлекеттік көрсетілетін қызметтер сапасын арттыру бағытында бірлесіп жұмыс жасауға шақырды.
<img src="https://kyzylorda-news.kz/wp-content/uploads/2020/12/foto-2.jpeg" alt="" />

Қазақстан және Қызылорда облысының жаңалықтары