<a href="https://kyzylorda-news.kz/">Kyzylorda-news.kz.</a>Аймақтық бас санитар дәрігердің шешіміне сәйкес, коронавирус инфекциясының таралуын болдырмау мақсатында облыстардағы халыққа қызмет көрсету орталықтары қысқартылған кесте бойынша жұмыс істейді. Сонымен қатар халыққа қызмет көрсету орталығына бару үшін кезек уақытын алдын ала брондау қажет. Осыған байланысты Азаматтарға арналған үкіметөзге мемлекеттік органдармен бірлесіп, «қағаз» жүзінде көрсетілетін кейбір қызметтер бойынша өтінішті ЕGov порталындағы «Электронды өтініш» сервисі арқылы қашықтан беру мүмкіндігін қарастырды.
Енді «Электронды өтініштер» сервисі арқылы электрондық форматта қолжетімсіз әлеуметтік қамсыздандыру саласындағы 24 қызметке өтініш беруге болады: жасына байланысты зейнетақы тағайындау, жүктілікке және босануға байланысты табысынан айырылу жағдайында әлеуметтік жәрдемақылар тағайындау, мемлекеттік арнайы жәрдемақылар тағайындау және т.б.Таяу арада бұл тізім тағы 6 қызметпен толықтырылады деп жоспарлануда, оның ішінде жерлеуге байланысты біржолғы төлем тағайындау, асыраушысынан айырылу жағдайында әлеуметтік төлем тағайындау және т.б.Өтініш беру үшін азамат электрондық цифрлық қолтаңба арқылы egov.kz сайтына кіруі керек. Одан кейін «Электрондық өтініштер» сервисін таңдап, қызметке онлайн тапсырыс беруі қажет. Содан кейін жеке ақпаратты, оның ішінде пошта мекенжайын, телефонды, қызмет атауын және т.б. толтыруы тиіс.
Сондай-ақ құжаттардың сканерленген көшірмелері (қажет тізімді 1414 байланыс орталығынан немесе gov4c.kz сайтының «Мемлекеттік қызмет стандарттары» бөлімінен нақтылауға болады), қызмет алушының еркін үлгіде жазылған және қолтаңбасы қойылған өтініші қоса жүктелуі қажет. «Қабылдаушы» деген жергеқызмет алушының тіркелген жері бойынша аймақтық мемлекеттік орган таңдалуы тиіс.
Мысалы, жүктілікке және босануға байланысты табысынан айырылу жағдайлары үшін әлеуметтік төлемдер қызмет үшін «Азаматтарға арналған үкіметтің» аймақтық филиалын, ал мемлекеттік атаулы әлеуметтік көмек тағайындау қызметі бойынша Әлеуметтік бағдарламалар мен жұмыспен қамтуды үйлестіру бойынша аумақтық бөлімшелері көрсетілуі тиіс.Өтінімнің соңында ЭЦҚ-мен қол қою керек.
Егер азаматтың жолдаған өтініші бойынша сұрақтар туындаса, мемлекеттік корпорацияның қызметкерлері қызмет алушыға өтінімді толтыру барысында көрсеткен ұялы телефонға хабарласады.
Мемлекеттік қызметтің көрсетілу нәтижесі туралы ақпарат қызмет алушының порталдағы жеке кабинетіне келіп түседі.
Egov.kz орталындағы «Электронды өтініш» арқылы өтініш қабылданатын қызметтер
<ol>
<li>Мүгедек баланы тәрбиелеп отырған анасына немесе әкесіне, асырап алушыға (ата-анасына), қамқоршысына (қамқоршысына) жәрдемақы тағайындау («Азматтарға арналған үкімет» мемлекеттік корпорациясы КЕАҚ филиалдары);</li>
<li>Бала кезінен бірінші топтағы мүгедектердің күтіміне берілетін жәрдемақыны тағайындау («Азматтарға арналған үкімет» мемлекеттік корпорациясы КЕАҚ филиалдары);</li>
<li>Жасына байланысты зейнетақы төлемдерін тағайындау («Азматтарға арналған үкімет» мемлекеттік корпорациясы КЕАҚ филиалдары);</li>
<li>Мемлекеттік базалық зейнетақы төлемін тағайындау («Азматтарға арналған үкімет» мемлекеттік корпорациясы КЕАҚ филиалдары);</li>
<li>Мемлекеттік арнайы жәрдемақылар тағайындау («Азматтарға арналған үкімет» мемлекеттік корпорациясы КЕАҚ филиалдары);</li>
<li>Арнайы мемлекеттік жәрдемақы тағайындау(«Азматтарға арналған үкімет» мемлекеттік корпорациясы КЕАҚ филиалдары);</li>
<li>Жүктілікке және босануға байланысты табысынан айырылған жағдайда әлеуметтік жәрдемақы тағайындау(«Азматтарға арналған үкімет» мемлекеттік корпорациясы КЕАҚ филиалдары);</li>
<li>Банкрот нәтижесінде жойылған заңды тұлғалардың қызметкерлердің өмірі мен денсаулығына келтірілген зиянды өтеу төлемдерін капиталдандыру мерзімі аяқталғаннан кейін Қазақстан Республикасының азаматтарына ай сайынғы төлемдер түрінде әлеуметтік көмек тағайындау(«Азматтарға арналған үкімет» мемлекеттік корпорациясы КЕАҚ филиалдары);</li>
<li>Көп балалы отбасыларға мемлекеттік жәрдемақы тағайындау(«Азматтарға арналған үкімет» мемлекеттік корпорациясы КЕАҚ филиалдары);</li>
<li>Оралман мәртебесін тағайындау немесе ұзарту («Азматтарға арналған үкімет» мемлекеттік корпорациясы КЕАҚ филиалдары);</li>
<li>Шетелдікке немесе азаматтығы жоқ адамға өз бетінше жұмысқа орналасу біліктілігі туралы анықтама беру немесе ұзарту («Азматтарға арналған үкімет» мемлекеттік корпорациясы КЕАҚ филиалдары);</li>
<li>Мүгедектікті және/немесе жұмыс істеу қабілетін жоғалту дәрежесін белгілеу және/немесе әлеуметтік қорғаудың қажетті шараларын айқындау (Жұмыспен қамтуды үйлестіру және әлеуметтік бағдарламалар аумақтық бөлімшелері);</li>
<li>Мүгедектерді протездік-ортопедиялық көмекпен қамтамасыз ету үшін құжаттарды рәсімдеу («Азматтарға арналған үкімет» мемлекеттік корпорациясы КЕАҚ филиалдары);</li>
<li>Мемлекеттік атаулы әлеуметтік көмек тағайындау (Жұмыспен қамтуды үйлестіру және әлеуметтік бағдарламалар аумақтық бөлімшелері);</li>
<li>Жергілікті өкілді органдардың шешімдері бойынша мұқтаж азаматтардың жекелеген санаттарына әлеуметтік көмек тағайындау (Жұмыспен қамтуды үйлестіру және әлеуметтік бағдарламалар аумақтық бөлімшелері);</li>
<li>Семей ядролық сынақ полигонында ядролық сынақтарға ұшыраған азаматтарды тіркеу, біржолғы мемлекеттік ақшалай өтемақы төлеу, куәліктер беру («Азматтарға арналған үкімет» мемлекеттік корпорациясы КЕАҚ филиалдары);</li>
<li>Ақталған адамға анықтама беру («Азматтарға арналған үкімет» мемлекеттік корпорациясы КЕАҚ филиалдары);</li>
<li>Мүгедектерді сурдо-тефлотехникалық және міндетті гигиена құралдарымен қамтамасыз ету («Азматтарға арналған үкімет» мемлекеттік корпорациясы КЕАҚ филиалдары); 
19.Бірінші топтағы мүгедектерге жеке көмекшінің және есту қабілеті бұзылған адамдар үшін ымдау тілі маманы қызметтерін ұсыну үшін құжаттарды рәсімдеу(«Азматтарға арналған үкімет» мемлекеттік корпорациясы КЕАҚ филиалдары);</li>
<li>Мүгедектерді арбалармен қамтамасыз ету («Азматтарға арналған үкімет» мемлекеттік корпорациясы КЕАҚ филиалдары);</li>
<li>Мүгедектерді курорттық емдеумен қамтамасыз ету («Азматтарға арналған үкімет» мемлекеттік корпорациясы КЕАҚ филиалдары);</li>
<li>Үйде күтім жасау жағдайында арнаулы әлеуметтік қызметтерді ұсыну бойынша құжаттарды рәсімдеу («Азматтарға арналған үкімет» мемлекеттік корпорациясы КЕАҚ филиалдары);</li>
<li>Медициналық және әлеуметтік мекемелерде (ұйымдарда) арнаулы әлеуметтік қызметтер көрсету бойынша құжаттарды рәсімдеу(«Азматтарға арналған үкімет» мемлекеттік корпорациясы КЕАҚ филиалдары);</li>
<li>Bastau Business жобасы бойынша кәсіпкерлік негіздеріне оқыту («Азматтарға арналған үкімет» мемлекеттік корпорациясы КЕАҚ филиалдары).</li>
</ol>

Қызылорда: ХҚО-ның қызметтеріне өтінішті қашықтан беруге болады

<a href="https://kyzylorda-news.kz/">Kyzylorda-news.kz.</a> Бүгінде эпид ахуалдың күрделенуіне байланысты қалада жедел-жәрдем қызметінен бөлек мобильдік топтар қызмет көрсетуде.
№ 6 қалалық емханадағы мобильдік топ қызметінің жұмысы жүргізілуде.
Бұл емхана 65 214 тұрғынға қызмет көрсетеді. Медициналық нысанға қарасты аумақ үлкен болуына байланысты аймақтарға бөлініп, наурыз айынан бастап 4 мобильді топ бекітілген. Ал емханада арнайы құрылған Call орталықта 4 оператор шақыртуларды қабылдап, жауапты мобильдік топ дәрігеріне науқастың мекен-жайы мен жағдайын хабарлайды. 
Дәл қазіргі уақытта Call орталыққа күніне 200-220 шақырту түсіп, әр дәрігер кем дегенде 50-ден астам пациентке көмек көрсетеді.
«Шақыртулардың 90 проценті салқын тию, дене қызуының көтерілуі, құрғақ жөтелге байланысты болып отыр. Дәрігерлер пациенттің үйіне барысымен дене қызуын өлшеп, тамағын қарап, өкпесін тыңдайды. Егер науқастың жағдайы ауыр халде болса, кезекші ауруханаға тасымалдайды. Арнайы мониторинг барысында пациенттердің 70 процентіне ЖРВИ, 20 процентіне пневмония диагнозы қойылатыны анықталды. Айта кету керек, пневмониямен ауырған сырқаттарға дәрі-дәрмек тегін берілуде және науқастар үй жағдайындағы күндізгі стационарда емделуде. Дәрі-дәрмек жеткілікті», – деді бас дәрігердің емдеу ісі жөніндегі орынбасары Нұргүл Жалғасбаева.
<img src="https://kyzylorda-news.kz/wp-content/uploads/2020/07/fb_img_1594271829485-1.jpg" alt="" />

Қызылордада мобильдік топ тегін қызмет көрсетуде

<a href="https://kyzylorda-news.kz/">Kyzylorda-news.kz.</a> Қазақстанда карантин мерзімі ұзартылуы мүмкін бе? Қазақстанның барша азаматын толғандырған бұл сауалға ҚР Денсаулық сақтау министрі Алексей Цой жауап берді, деп хабарлайды <a href="https://www.inform.kz/kz/kazakstanda-karantin-merzimi-uzartyluy-mumkin-be_a3670753">ҚазАқпарат.</a>
«Карантинді ұзартуға қатысты айтар болсам, бастапқыда ұсыныс енгізгенде азаматтардың тілектері ескерілді. Режимнің бизнес қоғамдастықтарға да барынша бейімді болуы көзделді. Дегенмен, осынау вирусқа шалдығудың күрт өршіп кетуін еңсеруге септігін тигізетін шектеу шаралары да қарастырылды», – деді министр бүгін Орталық коммуникациялар қызметіндегі брифингіде тілшілердің сауалына орай.
Сонымен қатар ол кез келген бағалау инкубациялық кезеңмен, яғни 14 күнмен байланысты болуы керектігін атап өтті.
<blockquote>
 «Қазір біз қандай да бір аралық нәтижелерді қарап отырмыз. Дегенмен, шынайы тиімділігін екінші аптаға қарай не болмаса біз бағалау жүргізгеннен соң бірден көретін боламыз. Карантин аяқталғаннан кейін оның ұзартылатыны немесе шаралардың қатаңдатылатыны түсінікті болады», – деді Алексей Цой.
</blockquote>

Қазақстанда карантин мерзімі ұзартылуы мүмкін бе?

<a href="https://kyzylorda-news.kz/">Kyzylorda-news.kz.</a> Қызылорада облысында денсаулық сақтау субъектілеріндегі дәрі-дәрмектің жетіспеушілігін болдырмау мақсатында облыстық тауарлар мен көрсетілетін қызметтердің сапасы мен қауіпсіздігін бақылау департаменті, денсаулық сақтау басқармасы, экономикалық тергеу департаменті мен кәсіпкерлік және туризм басқармасы, фармацевтикалық қызметті қолдау және дамыту ассоциациясы мен құқық қорғау және арнайы органдар қызметкерлері мен үкіметтік емес ұйымдар өкілдерінен құрылған мониторингтік топ жұмысын бастады. 
Мониторингтік топтың жұмысы дәріханалардың сөресінде тапшы дәрілердің тізбесін жасақтап, өңірге жылдам әкелу үшін тиісті шаралар қабылдау. 
Жұмыс жоспарына сәйкес топ мүшелері №6 қалалық емханасына, «Еврофарма» ЖШС, «Доктор Плюс», «Доктор Плюс Аман», «Доктор Плюс 2» және «Фармсервис» ЖШС мен №1, № 50 дәріханаларына барды. 
Нәтижесінде №6 Қалалық емхана тегін медициналық көмектің кепілдік берілген көлемі шеңберінде амбулаториялық тегін дәрі-дәрмек қорымен толық қамтамасыз етілгені белгілі болды. Ал, жоғарыда аталған дәріхалардың екеуінде біршама дәрілік заттардың жоқ екені анықталды. Аталмыш дәріханалар қоры апта соңына дейін толықтырылатын болады. Жалпы, бұйрықпен белгіленген шекті бөлшек сауда бағаларының асып кету фактілері анықталған жоқ.
<img src="https://kyzylorda-news.kz/wp-content/uploads/2020/07/fb_img_1594270885213-1.jpg" alt="" />

Қызылордада дәрілердің бағасы бақылауда

<a href="https://kyzylorda-news.kz/">Kyzylorda-news.kz.</a>Жедел жәрдем қызмет көрсетуден бас тартса азаматтар қайда жүгіне алады? Бұл сұраққа Денсаулық сақтау министрлігінен жауап берілді, деп хабарлайды <a href="https://www.inform.kz/kz/zhedel-zhardem-kyzmet-korsetuden-bas-tartsa-kayda-zhuginuge-bolady_a3670733">ҚазАқпарат.</a>
<blockquote>
 «Дәл қазір және дәл осы жерде» қағидаты бойынша мәселелерді жедел шешу үшін Міндетті әлеуметтік медициналық сақтандыру қорында 1406 байланыс орталығы құрылған. Осы нөмірге хабарласқан адам ем-дом бойынша кеңес немесе медициналық көмек ала алады. Шағымды да осы нөмірге қалдыруға болады», – деді министрліктен.
</blockquote>
1406 байланыс орталығы 24/7/365 режимінде жұмыс жасайды.
Сонымен бірге Міндетті әлеуметтік медициналық сақтандыру қоры «Qoldau 24/7» мобильдік қосымшасын іске қосқан. Еске сала кетсек, бұған дейін ҚР Денсаулық сақтау вице-министрі Ажар Ғиният жедел жәрдем қызметкерлері шақырту түскен жағдайда жағымсыз жағдайлармен жиі кездесіп жатқанын, жалпы ол қызметтегі мамандардың жұмысына түсіністікпен қарауға шақырған еді.

Жедел жәрдем қызмет көрсетуден бас тартса қайда жүгінуге болады

Kyzylorda-news.kz.Сырдария ауданының әкімі Руслан Рүстемов «Жылыжай» жобасы бойынша аудандағы инвесторлармен кездесті. Кездесуге облыстық мәслихат депутаты, «Углесбыт» ЖШС директоры Р.Есенов, «Мағжан және К» ЖШС төрағасы Д.Ералиев, «Мәді-Қажы» ЖШС төрағасы С.Сұлтанов, «Бесарық» ЖШС төрағасы М.Биболатов және тиісті бөлім басшылары қатысты.
Кездесуде аудан әкімі ауданда «Жылыжай» жобасын жүзеге асыруға мүмкіндік мол екенін атап өтті. 
“Кәсіпкерлікті дамыту – экономиканың драйвері. Қазіргі кезде тұрғындар кәсіпкерлікке бет бұрып, шаруасын дөңгелеткені жөн. Тың бастама, жаңашыл идея арқылы өз ісін бастауы керек. Осы ретте ауданда жылыжай салуға қатысты жобаны жүзеге асыруды қолға алдық. Қолдау тауып, жүзеге асқанда мұның тиімділігі мол”, – деді аудан әкімі.
Жиында «Жылыжай» жобасын аудандық ауыл шаруашылығы бөлімінің басшысы Н.Әзірбек түсіндіріп өтті. Жобаның құны 3 млн 500 мың теңгені құрайды. Егілетін қияр сорты – «Зена». Оның пісіп, жеміс беру уақыты 50 күнді қамтиды. 1 түптен 7 келі өнім алынады. Жалпы жылыжайға бір жылда кемінде 3 мәрте қияр егіп, мол өнім жинау мүмкіндігі бар. Сондай-ақ аталған жоба негізінде қызанақ өсіруге де болады.
Кездесуде серіктестік төрағалары жаңа жобаның тиімді екеніне тоқталып, ұсыныс-пікірлерін жеткізді.
Аудан әкімі аталған жоба жүзеге асқанда сырдариялықтар жұмыспен қамтылатынын айтты. Жаңа жобаға инвесторлар, шаруашылық төрағалары қолдау көрсететініне сенім білдірді.
<img src="https://kyzylorda-news.kz/wp-content/uploads/2020/07/fb_img_1594218639224-1.jpg" alt="" />

Сырдария ауданының әкімі инвесторлармен кездесті

<a href="https://kyzylorda-news.kz/">Kyzylorda-news.kz.</a> Биыл Қазалы ауданында «Жұмыспен қамтудың 2020-2021 жылдарға арналған жол картасы» мемлекеттік бағдарламасының аясында 42 жоба іске асырылып жатыр. Ол үшін бюджеттен 4 млрд 11 млн 89 мың теңге қаржы бөлінген. Қазіргі таңда әрбір нысан басында қызу жұмыстар жүргізіліп жатыр.
Аудан әкімі Мұрат Ергешбаев «Жол картасы» бағдарламасы аясында жүргізіліп жатқан құрылыс нысандарын аралады.
Аудан басшысы алдымен Бозкөл ауылындағы №96 мектепте жүргізіліп жатқан жұмыстармен танысты.
Мектеп ғимаратына ағымдағы жөндеу жұмыстарын «Мансури» және «Қазалы Тұлпары» ЖШС жүргізуде. Қазіргі таңда шатыры мен терезесі ауыстырылып, жылу жүйесі мен электр желісі жүргізіліп жатыр. Жөндеу жұмыстары жаңа оқу жылына дейін толығымен аяқталады. Құрылыс басында 48 адам жұмыс істесе, оның 24-і жергілікті тұрғындар.
Мұнан соң Мұрат Нәлхожаұлы Аранды мен Басықара ауылындағы клубтарға жүргізіліп жатқан жұмыстармен танысты. Сондай-ақ Қ.Пірімов ауылындағы спорт алаңында болды. Құрылыс жұмыстары аяқталған соң, бұл маң ауыл балаларының спортпен шұғылдануына, бос уақытын тиімді өткізуіне өз септігін тигізеді.
Айта кетейік, биыл мұндай спорт алаңы Кеңес одағының батыры Үрмәш Түктібаев атындағы ауылда да пайдалануға беріледі.
Сондай-ақ аудан әкімі «Қазалы – Қожабақы – Бозкөл – Кәукей» аудандық маңыздағы автомобиль жолының 16 мен 30 шақырым аралығына орташа жөндеу жүргізіп жатқан мердігер мекеме «МФК – Тұран» ЖШС-ның жұмысымен танысты.
Естеріңізге сала кетейік, аталған учаскеге жөндеу жұмыстары 2018 жылы басталған болатын. Сол жылы 3,7 км жол толықтай бұзылып, асфальт қабатын төсеу жұмыстары жүргізілді. Ал, 2019 жылы 10,3 км жол қайта тегістелді. Биыл қалған қаржы облыстық бюджеттен толықтай бөлінді. Алдағы уақытта «Қарлаң» қалқымалы көпірі мен Қожабақы ауылының арасындағы жол толықтай асфальттанатын болады.
Аудан әкімі Мұрат Ергешбаев әрбір нысан басында мердігер мекемелердің жауапты қызметкерлеріне жұмысты сапалы әрі уақытылы аяқтауды тапсырды. Ал, ауылдық округ әкімдеріне атқарылып жатқан жұмыстарға жанашырлықпен қарауға шақырды.
<img src="https://kyzylorda-news.kz/wp-content/uploads/2020/07/fb_img_1594218523082.jpg" alt="" />
<img src="https://kyzylorda-news.kz/wp-content/uploads/2020/07/fb_img_1594218525518-1.jpg" alt="" />
<img src="https://kyzylorda-news.kz/wp-content/uploads/2020/07/fb_img_1594218527772-1.jpg" alt="" />
<img src="https://kyzylorda-news.kz/wp-content/uploads/2020/07/fb_img_1594218530507-1.jpg" alt="" />
<img src="https://kyzylorda-news.kz/wp-content/uploads/2020/07/fb_img_1594218534288-1.jpg" alt="" />
<img src="https://kyzylorda-news.kz/wp-content/uploads/2020/07/fb_img_1594218537160-1.jpg" alt="" />

Қазалыда құрылыс қарқынды

<a href="https://kyzylorda-news.kz/">Kyzylorda-news.kz.</a> Қызылорда шенеуніктерінің қызметтік көліктері жедел жәрдемге берілді. Оның жанар-жағармайын да қала әкімшілігі өз мойнына алған. Осылайша 30-ға жуық қызметтік көлік тәулік бойы тұрғындардың шақыртуларына дәрігерлерді жеткізуде.⠀
Аймақтың ауданындағы шенеуніктер де жақын күндері өз көліктерін денсаулық сақтау мекемелерінің мұқтаждығына беруге дайын екендіктерін айтып отыр. Десе де, аймақта әлі де маман тапшы.⠀
<blockquote>
 «Облыста реаниматолог және аудандарда инфекционист мамандардың тапшылығы бар. Мәселені шешу үшін егер кеңес керек болатын болса, Нұр-Сұлтан қаласындағы және Алматы қаласындағы әріптестеріміз кеңесін уақытылы беріп отыр. Егер аса қажетті мамандар болып жатса осы аудандарға қаладағы мамандарды жіберу мәселесін шешіп отырмыз», — деді облыстық Денсаулық сақтау басқармасы басшысының орынбасары Олжас Ысқаков.
</blockquote>

Қызылорда шенеуніктерінің қызметтік көліктері жедел-жәрдемге берілді

**<a href="https://kyzylorda-news.kz/">Kyzylorda-news.kz.</a>Мемлекет басшысы Қасым-Жомарт Тоқаев республикалық телеарналар арқылы елімізде қалыптасқан ахуалға байланысты телевизиялық үндеу жасады. 
**
Президент кезекті үндеуінде пандемияға қарсы күрес барысында барша қазақстандықтарды мазалаған проблемаларды айтып өтті. 
Расымен бүгінгі таңда коронавирустың таралуы бәсеңдемей отыр.
<blockquote>
 «Себебі бұл – өте қауіпті, батпандап кіріп, мысқылдап шығатын дерт. Сондықтан алдағы екі апта біздің болашақ қадамдарымыз үшін шешуші кезең болмақ», – деді Мемлекет басшысы. 
</blockquote>
Осы орайда барша отандастарымызға сабыр тілеймін. Бүкіл күш жігерімізді жинап, бірлігімізді берік етіп, індетпен күресейік. Жалған ақпаратқа сенбей, нақты, дәрігерлердің нұсқауымен айтылған бірізді мәліметтерге ғана сенейік дегім келеді. 
Сонымен қатар мемлекет басшысы үндеу барысында 13 шілде – ұлттық аза тұту күні деп жариялады. Өте дұрыс, әрі халықтың ойымен санасқан шешім болды. Осы індеттің кесірінен қаншама адам ет-жақындарынан айырылды. Еліміз талантты тұлғаларын мәңгіліп сапарға шығарып салуда. Барлық отбасыға сабыр тілеймін.
Біріксек біз бұл індетті де жеңіп, бұрынғы жайма-шуақ күндерімізге қайта ораламыз. Әрбір адам өз денсаулығына жауапкершілікпен қарап, барынша сақтық шараларын ұстанғаны жөн.
Сайдселим Хазуев, 
Қызылорда облыстық шешен этномәдени бірлестігінің жетекшісі.

Сайдселим Хазуев: Барша отандасыма сабыр тілеймін

<a href="https://kyzylorda-news.kz/">Kyzylorda-news.kz.</a>Синоптиктер 9 шілде күні Қазақстанда ауа райы қандай болатынын айтты, деп хабарлайды Қазгидромет.
Ауа ағынының әсерінен 9 шілдеде Қазақстанның шығысында күн күркіреп, жаңбыр жауады, ал ел аумағының қалған бөлігінде – жауын-шашынсыз. Кей жерлерде жел күшейіп, оңтүстікте шаңды дауыл тұрады, солтүстікте түнде және таңертең тұман түсуі, оңтүсті -шығыста бұршақ жаууы ықтимал.
Түркістан, Қызылорда, Ақтөбе, Жамбыл, күндіз Атырау, Батыс Қазақстан, Қарағанды облыстарының кей жерлерінде жел 15-20 м/с күшейеді, Қызылорда облысында шаңды дауыл тұрып, Жамбыл облысында кей жерлерде бұршақ жаууы мүмкін.
Түнде Солтүстік Қазақстан, Павлодар облыстарының кей жерлерінде тұман күтіледі, Павлодар облысының кей жерлерінде жел 18 м/с күшейеді.
Атырау, Батыс Қазақстан облыстарының күндіз оңтүстігінде, Маңғыстау облысында, Ақтөбе, Қызылорда облыстарының оңтүстігінде күндіз аптап ыстық күтіледі.
Қызылорда, Атырау облысының басым бөлігінде, Түркістан, Жамбыл облыстарының кей жерлерінде Алматы, Қарағанды, облыстарының батысында, Ақтөбе облысының оңтүстігінде өте жоғары өрт қаупі сақталады.

9 шілдеде ел аумағының басым бөлігінде аптап ыстық болады

1948 жылы Қызылордада облыстық 7 жылдық балалар музыка мектебі ашылды.
1970 жылы Қазақ КСР Жоғарғы Кеңесі &nbsp;Президиумының жарлығымен Алматы облысы Іле ауданының Жаңа Іле кенті облыс қарамағындағы қалалардың қатарына еніп, оған Қапшағай қаласы атауы берілді.
1991 жылы Елбасы Нұрсұлтан Назарбаевтың Жарлығымен Мемлекеттік салық қызметі құрылды.
2001 жылы Қазақстан Республикасының «Ғылым туралы» Заңы жарық көрді.
2007 жылы Атырау мемлекеттік университеті жанындағы археологиялық-этнографиялық орталықтың кезекті экспедициясының мүшелері сармат дәуірінен жеткен алты обаны тапты.
2009 жылы Нұр-Сұлтанда ТМД-да автомобильдің тозған шиналарын өңдейтін алғашқы зауыт іске қосылды.
2009 жылы «Қазпошта» АҚ Қазақстан Республикасының аумағында «Ежелгі Қазақстанның қаруы және қару-жарағы» топтамасының көркемдік маркасын айналымға енгізді.
2013 жылы ҚР Тұңғыш Президенті – Елбасы Н.Назарбаев «Қазақстан Республикасының кейбір заңнамалық актілеріне жетім балалар мен ата-анасының қамқорлығынсыз қалған балалардың тұрғын үйге құқықтарын қамтамасыз ету мәселелері бойынша өзгерістер мен толықтырулар енгізу туралы» &nbsp;ҚР Заңына қол қойды. &nbsp;
2014 жылы ҚР Президенті Н. Назарбаев «Есірткі, психотроптық заттар мен олардың прекурсорларын Кеден одағының кеден аумағы арқылы өткізу тәртібі туралы келісімді ратификациялау туралы» ҚР Заңына қол қойды.

9 шілде: Атаулы күндер мен оқиғалар

Kyzylorda-news.kz&nbsp;ақпараттық агенттігінің 10 шілдеге арналған жұлдыз-жорамалы. 
Тоқты
Сізге көмектесемін деген жандар сөздерінен айнып қалуы мүмкін. Түске дейінгі уақытыңыз соны ойламен-ақ өтіп, тек түстен кейін істі өз қолыңызға аласыз.
Торпақ
Түске дейін маңызды шаруалармен айналыспағаныңыз жөн. Сондай-ақ кездесу ұйымдастырып әуреге түспеңіз. Себебі, барлығы сіз ойлағандай болмайды.
Егіздер
Жан-жағыңызға, жұмысқа өте сақ болыңыз. Таяз ойланып, іске салғырт қарайтын болсаңыз, кейін опық жеп қалуыңыз мүмкін. «Жет рет өлшеп, бір рет кес» дегенді ұмытпаңыз.
Шаян
Бүгінгі күнді тек демалысқа арнаңыз. Көптен бері кейінге қалып келе жатқан істі аяқтаймын деп әуреге түспеңіз. Сонымен қатар бүгін ешқандай жоспар құрмаңыз. &nbsp; 
Арыстан
Егер өз күшіңізге сенер болсаңыз, жетер жетістігіңіз аз болмайды. Өзгелердің ізімен жүріп, оларды үлгі тұтудың қажеті жоқ. Мақсатқа жетуде өз жолыңызды таңдаңыз. 
Бикеш
Сапарға шығуға қолайлы күн. Дәл қазіргі сәтте орын алып жатқан жағдайды өзгертуге тырысыңыз. Бір орында тоқтап қалуға болмайды. Сондықтан алысқа «көз тастап», жаңа істі қолға алудан қорықпаңыз. 
Таразы
Маңызды мәселелерді шешуге қолайлы күн. Сонымен қатар шығармашылығыңызды шыңдауға да мүмкіндік бар. Жетістікке тез қол жеткізіп, жақындарыңызды таң қалдырасыз. 
Сарышаян
Сабырлы болыңыз. Әйтпесе, қателіктерге жол беруіңіз мүмкін. Өзгелердің айтқанына ермегеніңіз жөн. Сондықтан өзіңіз шешім қабылдап үйреніңіз. 
Мерген
Түске дейінгі уақытыңыз қызықты, әрі, тосынсыйға толы болмақ. Бірақ бұл қызықты сәт көпке созылмасы анық. Яғни, түстен кейінгі уақытта өзіңізге ұнамайтын іспен айналысуға тура келеді. 
Тауешкі
Ашушаң болмаңыз. Әйтпесе, күніңіз сіз ойлағандай болмайды. Болмашыға жүйкеңізді жұқартып, ұсақ-түйекке көңіл бөлудің қажеті жоқ. Түстен кейін өзіңіз сағынып жүрген жандармен кездесесіз. 
Суқұйғыш
Бүгінгі күніңіз қарбаласқа толы болмақ. Бұл күннен қызықты оқиғалар күтіп, жеңіл жолмен жетістікке жеткісі келгендер, сіздердің ойларыңыз жүзеге аса қоймайды. Сондықтан барлығына дайын болыңыз. 
Балықтар
Қиындықтар туындайды, түсінбестік орын алады. Бірақ сіз бұған бас қатырмайсыз және өте дұрыс жасайсыз. Сондықтан да барлық қиындық тез ұмытылып, ісіңіз алға басатын болады.

Қазақстан және Қызылорда облысының жаңалықтары