Kyzylorda-news news.kz. Пандемиямен күресте сырбойылық ақ халаттылар аянбай еңбек етті.
Олар өз жанұяларының қауіпсіздігін, науқастардың денсаулығына айырбастады. Ең бірінші орынға науқас жандардың сауығуын қойды. Мәселен көпбейінді облыстық ауруханасының 6 және психикалық денсаулық орталығының 4 қызметкері жоғарғы марапат төрінен көрінді.
Пандемия кезінде көпбейінді облыстық аурухананың фильтр бөлімінде 180 төсек орын дайындалған. Оның ішінде, жаңсақтау палатасында 20 төсек орын және ота залы ашылып, жабдықталды. Сонымен қатар, фильтр және қабылдау бөлімдерінде 150 медицина қызметкері жұмыс істеді.
<blockquote>
 “Ауруханада 15373 науқас емделді. Бұған қоса, пандемия кезінде 30 төсек орынға арналған инфекциялық бөлім ашылып, 87 науқас ем алды. Қабылдау және фильтр бөлімдеріне 144 дана орталықтандырылған оттегі жүйесі орнатылды. Мұнан өзге, облыстық аурухананың материалдық-техникалық базасы жаңа заманауи медициналық құрал-жабдықтармен толықтырылды. Яғни, 326 оттегі розеткасы, цифрлық жылжымалы рентген, «С-дуга» рентген-аппараттары, 3 наркоз және жансақтау төсек орыны, 9 ИВЛ аппараты алынды”, – деді Көпбейінді облыстық аурухананың бас дәрігері Нұриддин Амитов.
 “Індет өршіген уақытта облыстық психикалық денсаулық орталығына қарасты «Сейхун» провизорлық стационары ашылып, 1 ай жұмыс істеді. Мыңға жуық науқасты қабылдап, медициналық көмек көрсеттік”, – деді облыстық психикалық денсаулық орталығы директорының орынбасары Гүлайым Сейілханова.
</blockquote>
<img src="https://kyzylorda-news.kz/wp-content/uploads/2021/01/fb_img_1611329805843.jpg" alt="" />

Нуридин Амитов: Ауруханада 15373 науқас емделді

Kyzylorda-news.kz. Биыл балалардың бос уақытын тиімді ұйымдастыру, қосымша білім беруді дамыту мақсатында 2021-2023 жылдарға арналған Жол картасы әзірленуде.
Бүгінде 550 орынға арналған үш қосымша білім беру ұйымының құрылысы жүргізілуде. Сонымен қатар, шаһарда студенттерге қажетті 600 орындық екі жатақхана салынуда.
<blockquote>
 “Өткен жылы инклюзивті білім беруді дамыту мақсатында 2020-2022 жылдарға арналған Жол картасы бекітілді. Нәтижесінде 48 балабақша мен 43 мектепте арнайы инклюзивтік кабинет ашылды. Ал биыл 49 мемлекеттік балабақша мен 27 мектептен инклюзивтік кабинет пайдалануға беру жоспарлануда. Бұған қоса, шаһардағы №268 мектептің 200 орындық қосымша құрылысы мен «Қызылжарма» ауылдық окуругінен 900 орынға арналған жаңа мектеп салынатын болады”, – деді облыстық білім басқармасы басшысының орынбасары Бағдат Бердаулетов.
</blockquote>
Сондай-ақ, Жаңақорғанда және Арал ауданы, Сексеуіл кентінде 300 орындық 2 мектеп іске қосылады.

Қызылордада 600 орындық екі жатақхана салынуда

<a href="https://kyzylorda-news.kz/">Kyzylorda-news.kz</a>. Бүгін облыс әкімі Гүлшара Әбдіқалықова өңірдің әлеуметтік-экономикалық дамуына арналған кеңейтілген мәжіліс өткізді. Отырысқа орынбасарлары, басқарма басшылары, онлайн режимінде қала, аудан әкімдері қатысты. Мәжілісте 6 мәселе қаралып, 2020 жылы түрлі салаларда атқарылған жұмыстарға талдау жүргізіліп, 2021 жылда іске асатын негізгі жұмыстар сараланды.
Жиында облыстық экономика және бюджеттік жоспарлау басқармасының басшысы Нұрғали Қордабай Қызылорда облысының 2020 жылғы әлеуметтік-экономикалық даму қорытындыларын баяндап, мемлекеттік бағдарламлардың орындалу барысын сөз етті. Сондай-ақ, салалардағы индикаторлық көрсеткіштерге тоқталды.
Отырыста Гүлшара Әбдіқалықова мемлекеттік бағдарламларды іске асыру барысында бірқатар мәселелерге мән беріп, Қызылорда қаласы және аудан әкімдері, тиісті бағдарлама әкімшілеріне мемлекеттік сатып алу рәсімдерін уақытылы жүзеге асыруды, қаржының сапалы, тиімді және толық игерілуін қатаң бақылауға алуды тапсырды.
Кеңейтілген жиында 2020 жылдың қорытындысы негізінде облыс бюджетінің игерілуі мәселесі қаралды. Облыстық қаржы басқармасының басшысы Елена Шаврова салалар бойынша талдау жасап, бюджет қаражатын игеру бағытында атқарылған жұмыстарды баян етті.
Айту керек, 2020 жылда облыс бюджетінің көлемі 377 млрд.теңгені құрап, бюджет қаражаты 98,1 пайызға игерілген. Қаржыны уақытылы игеру мәселесіне қатысты өңір басшысы биыл ай сайын қаржыландырудың жоспарына қарай бөлінген қаражатты толық игеруді қамтамасыз етуді және мемлекеттік сатып алу жоспарларына сәйкес тиісті конкурстарды мерзімінде ұйымдастыруды қатаң тапсырды.
Жиында қозғалған үшінші мәселе – жұмыссыздықты жою бағытында қаралды. Пандемия кезеңіндегі күрделі уақытта халықты жұмыспен қамтудың белсенді шараларын ұдайы жүргізу бағыты тоқтамауы керек. Бұл ретте облыстық жұмыспен қамтуды үйлестіру және әлеуметтік бағдарламалар басқармасының басшысы Гаухар Қалмақова жұмыссыздықтың өсуіне жол бермеу және халықты әлеуметтік қорғау бойынша атқарылған жұмыстарды баяндады. 
Отырыс барысында Гүлшара Әбдіқалықова «Жұмыспен қамтудың Жол картасы» бағдарламасы биыл да жалғасатынын айтып, жобалар бойынша тиісті жұмыстар мерзімінде жүргізілу қажеттігін және кемшіліктерге жол бермеуді қатаң ескертті.
<blockquote>
 «Еңбек» бағдарламасы бойынша биылғы жылы тұрақты жұмыспен қамтылғандар үлесін көтеру керек. Сондай-ақ, атаулы әлеуметтік көмек алушылардың қатарындағы еңбекке жарамды азаматтардың тұрақты жұмысқа орналасуын, мүгедектігі бар адамдардың қажетті тауарлар мен қызметтерді «Әлеуметтік қызметтер порталы» арқылы алынуын қамтамасыз ету қажет. Бұл – осы санаттағы отбасыларды «дағдарыс» жағдайынан шығарып, әл-ауқатын арттыруға мүмкіндік береді»,-деді облыс әкімі.
</blockquote>
Жиында индустрияландыру бағдарламасының орындалуы барысы сараланды. Өңір үшін өзекті өндіріс орындарын ашу, индустриялық аймақтарда жобалар бастау мәселесін индустриялық-инновациялық даму басқармасының басшысы Ринат Сұлтангереев мәлімдеді. 
2020 жылдың қорытындысымен іске қосылған жобалар арқылы 34,9 млрд.теңгенің өнімі өндірілген. Сондай-ақ, бағдарлама аясында облыста құны 561,9 млрд.теңгені құрайтын бәсекеге қабілетті, экспортқа бағытталған жаңа 37 жоба жүзеге асуда. Оның ішінде 20 жоба өңірлік кәсіпкерлікті қолдау картасына енген.
Биыл аймақта 19 жоба Индустрияландыру картасына енгізу жұмыстары басталады. Сонымен бірге құны 48,5 млрд.теңгены құрайтын жоба іске қосылса, құны 328,8 млрд.теңге болатын 3 жобаның құрылысы басталады. Мұнан бөлек, Шиелі ауданындағы тампонажды цемент зауыты және «Балауса» компаниясының өнімдерін шығару жалғасын табады.
Жиында барысында облысы әкімі бизнесті қолдаудың нақты шаралары бойынша атқарылған жұмыстардың есебін тыңдады. Облыстық кәсіпкерлік және туризм басқармасының басшысы Фердауси Қожабергенов пандемиядан кейінгі кезеңде шағын және орта бизнесті жедел дамыту жөніндегі міндеттер туралы баяндады.
Кәсіпкерлікті қолдау бағытында өңірде “Облысты 2023 жылға дейін экономикалық дамыту жоспары” іске асырылып, Жоспар аясында былтырғы жылы жалпы құны 7,1 млрд. теңгені құрайтын 89 жоба жүріп, нәтижесімен мыңнан аса жұмыс орны ашылды. Ал, ауылдық елді мекендердегі кәсіпкерлерді қаржыландыру бағытында өзінің тиімділігін дәлелдеген “Қызылорда” өңірлік инвестициялық орталығының қызметі 2025 жылға дейін ұзартылып, “Даму” қоры арқылы 1 млрд.теңге, “Аграрлық несие корпорациясы” арқылы 200 млн. және облыстық бюджеттен 488 млн. теңге қаржы тартылды. Нәтижесінде 251 жобаға қаржылай қолдау көрсетілді.
Мәселелерді саралаған облыс әкімі сала басшысына шағын және орта бизнестің облыстағы үлесін 2025 жылға қарай 25 пайызға дейін ұлғайтуды және өңірлік микроқаржы ұйымдары және банктермен бірлесіп, «Қарапайым заттардың экономикасы» бағдарламасы аясында несие портфелін ұлғайтуды тапсырды.
Жиында қаралған соңғы мәселе денсаулық сақтау саласын дамыту және коронавирус індетімен күрес жүргізу бағытында атқарылған жұмыстарға бағытталды. Облыстық денсаулық сақтау басқармасының басшысы Сәбит Пазылов облыстағы коронавируспен күрес бағытындағы кешенді шаралар барысын сөз етті.
Биыл медицина саласында мамандар тапшылығын жою мақсатында аса қежтті дипломнан кейінгі резидентура арқылы 20 маманды оқыту басталады. Ал, Сырдария өзенінің сол жағалауында 300 төсек орындық көпбейінді аурухана құрылысын басталады. Мұнан бөлек, Қазалы ауданы Айтеке би кентінде ауысымына 250 келушіге арналған емхана құрылысы» жобасы іске қосылмақ.
Жиын соңында облыс әкімі Денсаулық сақтау саласын дамытудың 2020-2025 жылдарға арналған мемлекеттік бағдарламасының нысаналы индикаторларына қол жеткізу үшін Өңірлік іс-шаралар жоспарын әзірлеуді, облыстық кеңес беру диагностикалық орталығын қалалық емхана ретінде қайта құру бойынша ұсыныс енгізуді тапсырды. Сонымен бірге, Сырдария өзенінің сол жағалауында 300 төсек-орынға арналған көпбейінді аурухана құрылысын бастау мәселесін пысықтау қажеттігін қаперге салды.
Ал, аудан әкімдіктерімен бірлесіп 14 дәрігерлік амбулатория және 9 медициналық бекеттер құрылысының жобалық-сметалық құжаттамасын әзірлеп, мемлекеттік сараптамадан өткізуді қамтамасыз етуді тапсырды.
Жиын қорытындысында облыс әкімі Гүлшара Әбдіқалықова межеленген жұмыстарды уақытылы аяқтауды және әрбір тоқсан сайын көрсеткіштердің сараланатынын назарға салды.

Гүлшара Әбдіқалықова: Тұрақты жұмыспен қамтылғандар үлесін көтеру керек

<a href="https://kyzylorda-news.kz/">Kyzylorda-news.kz</a>. Қазақстанда алты облыс аумағында ауа райына байланысты ескерту жарияланды, деп хабарлайды Қазгидромет.
23 қаңтарда&nbsp;Атырау&nbsp;облысының кей жерлерінде тұман түсіп, көктайғақ болады.
Ертең Атырау қаласында тұман түсіп, көктайғақ болуы мүмкін.
23-24 қаңтарда түнде&nbsp;Ақмола&nbsp;облысында ауа температурасы 30-35, кей жерлерде 38 градусқа дейін күрт төмендейді.
23-24 қаңтарда түнде Көкшетауда 32-34 градус аяз болуы мүмкін.
23 қаңтарда&nbsp;Қостанай&nbsp;облысының кей жерлерінде жаяу бұрқасын соғады, тұман түсуі мүмкін. Оңтүстік батыстан соққан жел, солтүстікке ауысады, түнде кей жерлерде жылдамдығы 15-20 м/с жетеді.
23 қаңтарда&nbsp;Қызылорда&nbsp;облысының кей жерлерінде тұман түсіп, жаяу бұрқасын соғуы мүмкін. Жел оңтүстік батыстан солтүстік батысқа ауысады, кей жерлерде 15-20 м/с күшейіп, күндіз екпіні 23 м/с жетеді.
Ертең күндіз Қызылорда қаласында жаяу бұрқасын соғуы ықтимал. Жел оңтүстік батыстан солтүстік батысқа ауысады, күндіз екпіні 15-20 м/с жетеді.
23-24 қаңтарда түнде&nbsp;Солтүстік Қазақстан&nbsp;облысында ауа температурасы минус 30-35-ке дейін төмендеуі мүмкін. 24 қаңтарда түнде кей жерлерде 40 градус қатты аяз болады.
23 қаңтарда түнде Петропавлда ауа температурасы минус 32-34 дейін төмендейдіі, 24 қаңтарда түнде 37-39 градус қатты аяз болуы ықтимал.
23 қаңтарда&nbsp;Қарағанды&nbsp;облысының кей жерлерінде боран соғады, тұман түсіп, көктайғақ болуы мүмкін. Жел оңтүстік батыстан соғады, 15-20 м/с дейін күшейеді.

Қызылордада ауа райына байланысты ескерту жарияланды

<a href="https://kyzylorda-news.kz/">Kyzylorda-news.kz</a>. Қызылорда облысында былтыр сыбайлас жемқорлыққа қатысты 61 қылмыс анықталған. Олардың басым бөлігін парақорлық фактісі құрайды. &nbsp;Бұл туралы «Antikor Ortalygy» сервистік орталығында өткен брифингте ҚР &nbsp;Сыбайлас жемқорлыққа қарсы іс-қимыл агенттігінің Қызылорда облысы бойынша департаментінің басшысы Ардақ Ерсейтов мәлімдеді.
Департамент басшысының дерегінше өндірісте 71 қылмыс анықталып, оның 36-сы сотқа жолданған.
<blockquote>
 «Аяқталған қылмыстық істер бойынша келтірілген залал сомасы 1 млрд теңгеден астам. Өндірілгені –1 млрд теңге. Өткен қорытындысымен сыбайлас жемқорлыққа қатысты қылмыс жасағаны үшін 11 адам сот үкімімен әртүрлі қылмыстық жауапкершілікке тартылды», – дейді департамент басшысы.
</blockquote>
Азаматтардың конституциялық құқықығын бұзуға, қылмыстық істерді қосымша тергеуге&nbsp; жол берілмеген.
Шара соңында Ардақ Жайдақұлы қылмыстық-процестік кодексінің 200 бабына сәйкес 61 ұсыныс енгізіліп, 236 тұлға тәртіптік жауапкершілікке тартылғанын баяндады.

Қызылордада былтыр сыбайлас жемқорлыққа қатысты 61 қылмыс анықталды

<a href="https://kyzylorda-news.kz/">Kyzylorda-news.kz</a>. «Отбасы банк» АҚ басқарма төрағасы Ләззат Ибрагимова тұтынушы несиесін жабу үшін зейнетақының бір бөлігін жұмсауға рұқсат берілмейтінін мәлім етті, деп хабарлайды <a href="https://www.inform.kz/kz/tutynu-nesiesin-zhabu-ushin-zeynetakynyn-bir-boligin-aluga-ruksat-berilmeydi-ibragimova_a3744214">ҚазАқпарат</a>.
Орталық коммуникациялар қызметінің алаңында өткен баспасөз мәслихатында тілшілер «Отбасы банк» АҚ басқарма төрағасына осы сұрақты қойған еді.
<blockquote>
 «Егер сіздің банкпен келісімшартыңызда қаражат «қауырт қажеттілікке байланысты беріліп отыр» деп жазылып тұрса да, біздің ережелерде мұндай қарыздарды жабу тәртібі қарастырылмаған. Тіпті үйдің өзі кепілдікте тұрса да зейнетақының бір бөлігін бұл мақсатта алуға рұқсат берілмейді. Яғни бастапқы келісімшарттың өзінде «баспананы немесе жер үйді сатып алу үшін» деген сөз болуы керек», – деді Ләззат Ибрагимова.
</blockquote>
Оның айтуынша зейнатақының бір бөлігін алу мүмкіндігіне ие болу үшін азаматтарға 45 күн беріледі.
<blockquote>
 «Алайда мәселен бір адам үйін сатамын дегенімен ойланып қалып, бұл сатып алушының уақытын алуы мүмкін. Әлбетте адами факторлар кездеседі. Осындай жағдайда мынадай жеңілдік қарастырылған: 45 күннен кейін бұл өтінім күшін жояды. Қаражатты азаматтың БЖЗҚ-дағы шотына қайтарамыз. Осыдан кейін әлгі азамат қайтадан өтінім бере алады», – деді ол.
</blockquote>
Ләззат Ибрагимова сонымен қатар кейбір азаматтар қаражатының бір бөлігін ипотекаға жабуға, екінші бөлігін бауырының шотына аударуға жұмсауына да болатынын атап өтті.
<blockquote>
 «Мұндайда БЖЗҚ-мен жасалған келісімнің шарттарына сәйкес, бизнес процес бойынша бастабында бір операцияны жүргіземіз. Оны аяқтағаннан кейін қалған соманы бауырыңызға бергіңіз келетіні жөнінде өтінім бересіз. Бұл операциялар тек бірінен кейін бірі жүргізіледі», – деді ол.
</blockquote>

Зейнетақының бір бөлігі несие жабуға беріле ме?

<a href="https://kyzylorda-news.kz/">Kyzylorda-news.kz</a>. “Қайсар” футбол командасының екінші оқу-жаттығу жиыны аяқталды.
Қызылордада өткен дайындық барысы физикалық жаттығуларға негізделді. Премьер лигаға дайындығын ерте бастаған “Қайсар” 28 қаңтарда үшінші оқу-жаттығу жиынын өткізуге Түркияға аттанады. Сұлтан Әбілдаевтан тәлім алатын команда қара теңіздің етегінде ақпан айының соңына дейін болады.
Анталиядағы жиынға бас бапкер бірнеше ойыншыны қаралымнан өткізеді. Жалпы биыл команданың негізгі бөлігі жергілікті футболшылардан жасақталған. Болгар маманы Стойчо Младеновтың тұсында қосалқы құрамда қалған Өркен Махан, Шоқан Абзалов, Елжас Алтынбеков, Нұрым Салайдын секілді футболшылардың жұлдызы жарқырай түспек. Бүгінде команда құрамында өткен маусымнан 4-5 ойыншы қалды. Атап айтсақ, Думан Нәрзілдаев, Ілияс Әмірсейітов және Марсель Исламқұлов бар. Футбол инсайдтарының хабарлауынша, грузиялық шабуылшы Элгуджа Лобжанидзе мен Элфин Фортес қасқырлардың Түркиядағы жаттығу жиынында қосылады деген сыбыс бар.

&#8220;Қайсар&#8221; Түркияға аттанады

<a href="https://kyzylorda-news.kz/">Kyzylorda-news.kz</a>. Өскемен қаласында жеңіл атлетикадан 2004-2005 жылы туған жастар арасында ҚР чемпионаты өтуде.
Жарыстың алғашқы күнінде жерлесіміз Асқар Оразханұлы ядро итеруден І орынды жеңіп алды. Ол ядроны 15,66 метрге итеріп, қарсыластарынан басым түсті.
Жас спортшы биылғы жылдың қазан айында өтетін Азия чемпионатына қатысу үшін ұпай жинау жарыстарына қатысуда. Ел чемпионаты 24-қаңтарға дейін жалғасады.
Асқар Оразханұлы 2004 жылы Қызылорда қаласында дүниеге келген. Ол 9 жасында 4ОРМБЖМ-нің жеңіл атлетика бөлімшесіне Руслан Омаровтың тобына қабылданған.
Жеңіл атлет 2019 жылы Қарағандыда өткен ел чемпионатында кіші жасөспірімдер арасында чемпион болған. Сондай-ақ халықаралық жарыстардың чемпионы және жүлдегері.

Қызылордалық жеңіл атлет Қазақстан чемпионы атанды

<a href="https://kyzylorda-news.kz/">Kyzylorda-news.kz</a>. Отбасы банктің басшысы Ляззат Ибрагимова зейнетақы жинағын пайдалануға қатысты өтінім берілетін сайттың мекенжайын жариялады, деп хабарлайды <a href="https://sputnik.kz/society/20210122/16102777/zeynetaqy-jinagy-portal.html">Sputnik Қазақстан</a>.
<blockquote>
 “Бүгін мен сайттың атауын алғаш рет айтамын. Ол – enpf-otbasy.kz. Бұл – біздің Бірыңғай жинақтаушы зейнетақы қорымен бірге жасаған жұмыс нәтижесі. 2020 жылда біраз жұмыс атқарылды. Сол себепті атауында екі органды көрсетуді жөн көрдік”, – деді Ибрагимова орталық коммуникациялар қызметінде өткен онлайн брифингте.
</blockquote>
Банк басшысы порталдың әзірше іске қосылмағанын жеткізді. Онда “Зейнетақы жинағын пайдалану платформасы 2021 жылдың 23 қаңтарда Нұр-Сұлтан қаласы уақытымен 9:00-де қолжетімді болады” деген жазу шығады.
<blockquote>
 “Негізі, сервистердің бәрі дайын. Бірақ ереже кеше ғана шықты. Біз барлық өтініш формаСын тексеріп, редакциялық өзгеріс енгіздік. Себебі зейнетақы жинағын пайдалану бойынша нақты шектеулер бар. Ал өтінішті бергенде пәтерді туған-туыстан сатып алу, үйді бес жыл бойы сатпау сияқты шектеулер автоматты түрде шығып тұрады. Осылайша, бүгін дайындық күні, ал ертең таңғы 9:00-де бастаймыз”, – деп атап көрсетті Ибрагимова.
 “Отбасы банк” – біржолғы зейнетақы төлемін тұрғын үй жағдайын жақсартуға немесе емделу ақысын төлеуге қолдану бойынша уәкілетті орган.
</blockquote>

Ертең зейнетақы жинағын алатын сайт іске қосылады

<a href="https://kyzylorda-news.kz/">Kyzylorda-news.kz</a>. Ағымдағы жылдың 20-22 қаңтар аралығында «Автобус» жедел-профилактикалық іс-шарасы өткізілуде.
Жол қозғалысы ережесін бұзудың барлығы 219 дерегі, оның ішінде: жолаушылар тасымалдау қағидаларын бұзудың 13 дерегі, ҚР-да автомобильмен тасымалдаудың рұқсат беру жүйесін халықаралық қатынаста қолдану қағидасын бұзудың 3 дерегі, заңсыз қайта жабдықтаудың 16 дерегі, рейс алдындағы қарап тексеруден өтпеген 9 жүргізуші анықталды.
Сонымен қатар, міндетті техникалық қарап-тексеруден өтпеген 34 жүргізуші, ұялы телефонмен сөйлескен 38 жүргізуші, белгіленген жылдамдық мөлшерін арттырған 4, маневр жасау ережесін бұзған 41, ҚР-ның міндетті сақтандыру заңнамасын бұзған 12 жүргізуші анықталып, тиісті әкімгершілік хаттамалар толтырылды.

Қызылордада автобусты мiндеттi техникалық тексеруден өткізбеген 34 жүргізуші анықталды

<a href="https://kyzylorda-news.kz/">Kyzylorda-news.kz</a>. Әлеуметтік медициналық сақтандыру қоры 2021 жылғы 25 қаңтарға дейін шағын және орта бизнес кәсіпкерлері жеңілдікті санаттарына жататын өз қызметкерлерінің деректерін, яғни жеке сәйкестендіру нөмірін (ЖСН) msb.fms.kz сілтемесі бойынша “Saqtandyry” ақпараттық жүйесіне енгізулері тиіс екенін еске салады.
Уақытылы енгізілмеген жағдайда, қызметкерлер сақтандыру мәртебесінің болмауына байланысты МӘМС жүйесінде медициналық көмекке жүгіне алмайды.
Соңғы деректер бойынша барлық ШОБ субъектілерінің 35%-ы – бұл 378 мыңның 132 мыңнан астамы – ақпараттық жүйеде өз деректерін әлі өзектендірмеген.
Бұл процедураны шағын және орта бизнес өкілдері тұрақты түрде есепті айдан кейінгі айдың 25-не дейін жүргізуі керек.
Естеріңізге сала кетейік, 2020 жылғы қарашада Қазақстан Республикасы Үкіметінің 2020 жылғы 30 қазандағы №721 Қаулысы шықты, құжатқа сәйкес жеке практикамен айналысатын адамдар, сондай-ақ микро, шағын немесе орта кәсіпкерлік субъектілері жалдамалы қызметкерлер үшін аударымдарды төлеуден 2021 жылғы 1 қаңтарға дейін босатылған болатын.
Пандемия кезінде “нөлдік мөлшерлемені” қолданған ШОБ тізіміне: сауда, көлік және техникалық қызмет көрсету, білім беру, медицина, туризм, мейрамхана-қонақ үй ісі, ойын-сауық саласы, бағдарламалық қамтамасыз ету, фитнес және т. б. субъектілер кірді.

ӘМСҚ: Кәсіпкерлер МӘМС мәртебесін алу үшін   қызметкерлер тізімін өзектендіру қажет

<a href="https://kyzylorda-news.kz/">Kyzylorda-news.kz</a>. Биыл зейнетақы, жәрдемақы, өзге де әлеуметтік төлемдердің мөлшері өзгерді. Яғни, жасына байланысты зейнетақы төлемдері жеті пайызға, ал жәрдемақының мөлшері 5 пайызға өсті.
Облыстағы 236,900 адамға зейнетақы және жәрдемақы тағайындалды. Оның ішінде, жасына байланысты зейнетке шыққаны 75, 515, ал мүгедектігіне байланысты 22,708 адам. Сондай-ақ, 9 мыңнан астам азамат арнаулы жәрдемақы алады. Бұған қоса, аймақтағы 28 мыңға жуық көпбалалы отбасыға жәрдемақы беріледі.
<blockquote>
 “Ағымдағы жылдың 1 қаңтарынан бастап жалақының ең төменгі мөлшері – 42 500 теңге, мемлекеттік базалық зейнетақы төлемінің ең төменгі мөлшері – 18 524 теңге, зейнетақының ең төменгі мөлшері – 43 272 теңге болды. Ал жәрдемақыларды және өзге де әлеуметтік төлемдерді есептеу ҚР заңнамасына сәйкес айыппұл санкцияларын, салықтарды және басқа да төлемдерді қолдану үшін айлық есептік көрсеткіш – 2917 теңге мөлшерінде белгіленді. Ал ең төмен күнкөріс деңгейінің шамасы – 34 302 теңге болып бекітілді”, – деді облыс бойынша еңбек, әлеуметтік қорғау және көші-қон департаменті басшысының орынбасары Лиман Боранбаева.
</blockquote>
<img src="https://kyzylorda-news.kz/wp-content/uploads/2021/01/liman.jpg" alt="" />

Қазақстан және Қызылорда облысының жаңалықтары

Нуридин Амитов: Ауруханада 15373 науқас емделді

Қызылордада 600 орындық екі жатақхана салынуда

Гүлшара Әбдіқалықова: Тұрақты жұмыспен қамтылғандар үлесін көтеру керек

Қызылордада ауа райына байланысты ескерту жарияланды

Қызылордада былтыр сыбайлас жемқорлыққа қатысты 61 қылмыс анықталды

Зейнетақының бір бөлігі несие жабуға беріле ме?

“Қайсар” Түркияға аттанады

Қызылордалық жеңіл атлет Қазақстан чемпионы атанды

Ертең зейнетақы жинағын алатын сайт іске қосылады

Қызылордада автобусты мiндеттi техникалық тексеруден өткізбеген 34 жүргізуші анықталды

ӘМСҚ: Кәсіпкерлер МӘМС мәртебесін алу үшін қызметкерлер тізімін өзектендіру қажет

Қызылордада 237 мыңға жуық адам зейнетақы және жәрдемақы алады

Қазақстан және Қызылорда облысының жаңалықтары

Нуридин Амитов: Ауруханада 15373 науқас емделді

Қызылордада 600 орындық екі жатақхана салынуда

Гүлшара Әбдіқалықова: Тұрақты жұмыспен қамтылғандар үлесін көтеру керек

Қызылордада ауа райына байланысты ескерту жарияланды

Қызылордада былтыр сыбайлас жемқорлыққа қатысты 61 қылмыс анықталды

Зейнетақының бір бөлігі несие жабуға беріле ме?

&#8220;Қайсар&#8221; Түркияға аттанады

Қызылордалық жеңіл атлет Қазақстан чемпионы атанды

Ертең зейнетақы жинағын алатын сайт іске қосылады

Қызылордада автобусты мiндеттi техникалық тексеруден өткізбеген 34 жүргізуші анықталды

ӘМСҚ: Кәсіпкерлер МӘМС мәртебесін алу үшін қызметкерлер тізімін өзектендіру қажет

Қызылордада 237 мыңға жуық адам зейнетақы және жәрдемақы алады

“Қайсар” Түркияға аттанады