<a href="https://kyzylorda-news.kz/">Kyzylorda-news.kz</a>.&nbsp; Денсаулық сақтау вице-министрі – бас мемлекеттік санитар дәрігер Ерлан Қиясов карантинді толығымен қай кезде алып тастау мүмкін болатынын айтты, деп хабарлайды&nbsp;<a href="https://sputnik.kz/archive/">Sputnik Қазақстан</a>.
<blockquote>
 “Егер біз халықтың вирусқа қарсы иммунитетін 50 процентке дейін жеткізсек, онда біз бұрынғы өмірімізге қайта ораламыз. Сонда шектеу шаралары да, карантин де, локдаун да болмайды. Меніңше, бұл вакциналауды ең ұтымды тұсы болады”, – деді Қиясов журналистерге берген сұқбатында.
 “Иә, бастапқыда адамдар вакцина салуға асықпайды. Дегенмен, екпе алатындардың саны көбейген сайын халық вакцинада ешқандай қауіп жоқ екенін түсінеді. Сондықтан сұраныс артады “,- деп атап көрсетті Қиясов.
</blockquote>
Айта кетейік, бұған дейін бірінші вице-министр Марат Шорановтың ұжымдық иммунитетті қалыптастыру үшін халықтың 70-80 проценті екпе алуы керек деген. Алдын ала болжам бойынша ондай көрсеткішке тамыз-қыркүйек айында жетуге болады. Ал санитарлық-эпидемиологиялық бақылау комитетінің төрағасы Айжан Есмағамбетованың сөзіне қарағанда, ұжымдық иммунитетті 50-60 процентке жеткізу үшін 10 миллион адамға вакцина салу қажет.
<h3 id="">Жаппай вакцинация басталды</h3>
Қазақстанда 1 ақпанда коронавирусқа қарсы жаппай вакцинациялау басталды. Бүгін бас мемлекеттік санитар дәрігер Ерлан Қиясов пен вице-министр Ажар Ғиният алғашқы болып ресейлік “Спутник V” вакцинасы салғызды. Енді, вакцина инфекцияны жұқтыру және тарату қаупі жоғары халықтың осал топтарына кезең-кезеңмен салынады.&nbsp;Олардың ішінде медицина қызметкерлері, педагогтар, құтқарушылар, полицейлер, әскерилер, созылмалы ауруы бар адамдар бар. Екпе тегін және ерікті түрде егіледі.
15 ақпаннан бастап Қарағанды ​​зауытында шығарылған “Спутник V” препараты вакцинация үшін пайдаланыла бастайды. Ал сәуір айынан бастап COVID-19-ға қарсы QazCovid-in қазақстандық вакцинасын егу жоспарланып отыр.&nbsp;
Жалпы, жыл соңына дейін 6 миллион қазақстандыққа вакцина салу көзделген.

Карантинді толығымен қай кезде алып тастайды &#8211; бас санитар дәрігер жауап берді

<a href="https://kyzylorda-news.kz/">Kyzylorda-news.kz</a>.&nbsp; Елордадағы №6 қалалық емханада ҚР Денсаулық сақтау вице-министрі – Бас мемлекеттік санитар дәрігер Ерлан Қиясов пен Денсаулық сақтау вице-министрі Ажар Ғиният коронавирусқа қарсы вакцина салдырды, деп хабарлайды <a href="https://lenta.inform.kz/kz/densaulyk-saktau-vice-ministrleri-koronaviruska-karsy-vakcina-saldyrdy_a3747583">ҚазАқпарат</a>.
Вице-министрлерге ресейлік Sputnik V вакцинасы егілді. Егуден бұрын олар тексеруден өтті және вакцинаға қарсы көрсетілім жоқ екені анықталды. Алдымен вакцинаны Ерлан Қиясов, одан кейін Ажар Ғиният алды.
Сонымен бірге дәрігерлер вакциналаудан кейін қандай сақтық шараларын ұстану керегін түсіндірді және егуден кейін вице-министрлер емханада жарты сағат дәрігерлер бақылауында болды.
<blockquote>
 «Мен үнемі вакцина аламын. Бұл – ең тиімді қорғаныс құралы, сондықтан вакцинаға қол жеткізген алғашқы елдердің бірі болғанымызға қуануымыз керек. Жеке өзім вакцина арқылы медицина мамандарын, тұтас халықты қорғай алатынымызға қуандым. Ресейлік, қазақстандық вакциналарға келсек, барлық вакцинаның қорытындысы бір – ағзада коронавирус инфекциясына қарсы иммунитет/антиденелер пайда болады. Вакцина саларда да еш уайымдаған жоқпын. Өйткені мен дәрігермін және вакциналық препараттардың артықшылықтары мен кері әсерлерінен хабардармын», – деді Ажар Ғиният тілшілерге берген сұхбатында.
</blockquote>

Денсаулық сақтау вице-министрлері коронавирусқа қарсы вакцина салдырды

<a href="https://kyzylorda-news.kz/">Kyzylorda-news.kz</a>.&nbsp; Қазақстанда өткен тәулікте 1259 адамда коронавирус індеті ПТР арқылы расталып ауырғаны белгілі болды. Бұл туралы &nbsp;<a href="https://www.coronavirus2020.kz/kz">coronavirus2020.kz</a> хабарлайды.
Аймақтар бойынша:
Нұр-Сұлтан қаласы – 61,
Алматы қаласы – 116,
Шымкент қаласы – 9,
Ақмола облысы – 197,
Ақтөбе облысы – 5,
Алматы облысы – 62,
Атырау облысы – 78,
Шығыс Қазақстан облысы – 81,
Жамбыл облысы – 14,
Батыс Қазақстан облысы – 87,
Қарағанды облысы – 86,
Қостанай облысы – 88,
Қызылорда облысы – 9,
Маңғыстау облысы – 10,
Павлодар облысы – 246,
Солтүстік Қазақстан облысы – 85,
Түркістан облысы – 25.
Жалпы ел бойынша ауырғандар саны 187970.

COVID-19: Қызылордада 9 адам тіркелді

<a href="https://kyzylorda-news.kz/">Kyzylorda-news.kz</a>.&nbsp; «Қазгидромет» мамандары 1 ақпан күні ел аумағында ауа райы қандай болатынын жариялады.
Фронттардың әсерінен Қазақстанның оңтүстік және оңтүстік-шығысының кей жерлерінде жауын-шашын жауады, жел күшейіп, көктайғақ болады.
Республиканың қалған аймақтарына әлі де антициклон ықпал етеді, сондықтан көбіне жауын-шашын жаумайды, күн ашық.
Республика бойынша кей жерлерде тұман түседі.

1 ақпанға арналған ауа райы

<a href="https://kyzylorda-news.kz/">Kyzylorda-news.kz</a>.&nbsp; Бүгін Қазақстанда коронавирус инфекциясын жұқтыру және тарату тәуекелі жоғары санаттарды коронавирусқа қарсы вакциналау басталды, деп хабарлайды <a href="https://lenta.inform.kz/kz/kazakstanda-koronaviruska-karsy-vakcinaciya-bastaldy_a3747546">ҚазАқпарат</a>.
Мамандардың айтуынша, коронавирусты тоқтатып, пандемиядан шығудың бірден-бір жолы – вакциналау болып отыр.
Қазақстанда вакцина&nbsp;ерікті түрде&nbsp;салынады.
«Халық денсаулығы және денсаулық сақтау жүйесі туралы» ҚР Кодексінің 77-бабына сәйкес, кез келген медициналық ем-шара, оның ішінде вакцинация егілетін адамның келісімімен ғана жүргізіледі.
Қазақстанда вакцинациядан бас тартқаны үшін әкімшілік немесе қылмыстық жауапкершілік көзделмеген, кез келген қысым көрсету заңсыз болып табылады.
1 ақпаннан бастап Қазақстанда Ресейде шығарылған «Спутник V» вакцинасын пайдалана отырып, КВИ-ға қарсы вакцинация басталады.
Одан кейін 15 ақпаннан бастап, вакциналау процесіне Қарағанды фармацевтикалық кешенінің базасында өндірілген Гам-КОВИД-Вак вакцинасы қосылады.
Ал 2021 жылдың 2 тоқсанынан бастап вакциналау процесіне отандық – QazCovid-In препаратын қосу жоспарланып отыр.
Бұл вакцина қазіргі уақытта клиникалық сынақтың 3-кезеңінен өтуде.
31 қаңтарда Қарағанды фармацевтикалық кешені елге «Спутник V» вакциналарының алғашқы партиясын жеткізді.
Ақпан айында Қарағанды фармацевтикалық кешені вакцинаның&nbsp;112 мың дозасын, наурызда –&nbsp;150 мың&nbsp;доза, сәуірден маусымға дейін – ай сайын&nbsp;600 мың дозадан&nbsp;жеткізетін болады.
Сондай-ақ сәуір айынан бастап 75 мың доза көлемінде QazCovid-in отандық вакцинасын егу және оны ай сайын 500 мың дозаға дейін ұлғайту жоспарланып отыр.
Вакцинация препараттың келіп түсуіне байланысты кезең-кезеңмен жүзеге асырылады.
Бірінші кезеңде&nbsp;жұқпалы аурулар ауруханаларының, жедел медициналық көмек, реанимация, МСАК, қабылдау бөлмелерінің медицина қызметкерлері, санэпидқызмет мамандары егіледі.
Екінші кезеңде&nbsp;жалпы білім беретін мектептердің, жоғары оқу орындарының педагогтары, бірінші кезеңге кірмеген медициналық қызмет мамандары вакцинацияланады.
Үшінші кезеңде&nbsp;мектеп-интернаттардың, мектепке дейінгі мекемелердің педагогтары, студенттер мен созылмалы аурулары бар адамдар қамтылады.
Бұдан басқа, халықтың қосымша осал топтары: ТЖМ, ІІМ, Қорғаныс министрлігі, ҰҚК, Мемлекеттік күзет қызметінің қызметкерлерін және басқаларды қоса отырып, контингентті кеңейту жоспарлануда.
Коронавирусқа қарсы вакцинаны&nbsp;21 күндік аралықпен екі кезеңмен&nbsp;енгізу керек.
Бірінші доза антиденелердің аз мөлшерін өндіруге байланысты қысқа қорғаныс әсерін береді.
Екінші доза біріншісінің әсерін күшейтеді және нығайтады, адам организміндегі антиденелер саны артады.
Вакцинация жүргізер алдында дене температурасы өлшенеді, эпидемиологиялық анамнезді жинау, сатурацияны, жүрек жиырылуының жиілігін, артериялық қысымды өлшеу, тыныс алу және жүрек-қантамыр жүйесін аускультациялау және жұтқыншақты тексеру шаралары жасалады.
Егер температура 37°C-тан асса, вакцинация кейінге қалдырылады.
Ресейлік Спутник V вакцинасы бойынша&nbsp;қарсы көрсетілімдер: анамнездегі ауыр аллергиялық реакциялар, жүктілік және бала емізу кезеңдері, 18 жасқа дейінгі балалар және 65 жастан асқан қарттар.
Бауыр мен бүйректің созылмалы ауруы барларға, қант диабеті сынды эндокриндік жүйенің айқын бұзылысы байқалғандарға&nbsp;сақтықпен қолдану қажет.
Қан түзілу жүйесінің ауыр сырқаттарында, эпилепсия, инсульт және орталық жүйке жүйесінің басқа ауруларында, жүрек-қантамыр жүйесі дерттерінде, бастапқы және қайталама иммун тапшылығы мен аутоиммунды, сондай-ақ, демікпе және созылмалы обструктивті өкпе ауруларында сақтық таныту қажет.
Диабетпен және метаболикалық синдром, атопия мен экзема аллергиялық реакциялары, сондай-ақ қатерлі ісік, қатерлі қан аурулары бар науқастарға вакцина саларда ағза жағдайын жекелей қарастыру керек.
Яғни, бұл жағдайлар абсолютті қарсы көрсетілімдерге жатпайды және вакциналау кезінде әр науқастың жағдайына қарай байланысты дербес тағайындалуы тиіс.
Тегін медициналық көмектің кепілдік берілген көлемі аясында қазақстандықтарға коронавирусқа қарсы егу&nbsp;<a href="https://www.inform.kz/kz/elimizde-koronaviruska-karsy-vakcina-halykka-tegin-salynady_a3746076">тегін жүргізіледі</a>.
Үкімет резервінен тиісті қаражат бөлінеді.
Денсаулық сақтау министрлігінің ұсынымдарына сәйкес, COVID-пен ауырып сауыққаннан кейін вакцинация&nbsp;6 айдан ерте&nbsp;жүргізілмеуі қажет.
Коронавируспен ауырған адамның антиденелер титрі жоғары болса және ұзақ уақыт сақталса, вакцина салудың қажеті жоқ.
Ал егер антидене титрі уақыт өте келе төмендесе немесе төртінші, алтыншы айда нөлге дейін түссе, онда&nbsp;<a href="https://www.inform.kz/kz/agzadagy-antideneler-titri-zhogary-bolsa-vakcina-saludyn-kazheti-zhok-sarapshy_a3747097">иммундау мәселесі</a>&nbsp;туындауы мүмкін.
ҚР Денсаулық сақтау министрлігінің басшылығы да вакцинаны алғашқылардың қатарында салдырады.
Бүгін елордадағы №6 қалалық емханада ҚР Денсаулық сақтау вице-министрі – Бас мемлекеттік санитар дәрігер Ерлан Қиясов пен Денсаулық сақтау вице-министрі Ажар Ғиният Sputnik V вакцинасын салдырады.
Ал Денсаулық сақтау министрі Алексей Цой қазақстандық QazCovid-in вакцинасын салдыруды&nbsp;<a href="https://www.inform.kz/kz/densaulyk-saktau-ministri-vakcina-saldyra-ma_a3746103">жоспарлап отыр</a>.
26 қаңтарда Үкіметтің кеңейтілген отырысында Мемлекет басшысы Қасым-Жомарт Тоқаев та коронавирусқа қарсы қазақстандық вакцинаны&nbsp;<a href="https://www.inform.kz/kz/kazakstandyk-vakcinany-saldyramyn-kasym-zhomart-tokaev_a3745417">салдыратынын</a>&nbsp;мәлімдеген еді.
Вакциналау туралы толық ақпаратты ҚазАқпарат агенттігінің&nbsp;<a href="https://www.inform.kz/kz/vakcina_t10978">арнайы айдарынан</a>&nbsp;оқуға болады.

Қазақстанда коронавирусқа қарсы вакцинация басталды

Жаңа вакциналар туралы 8 факт

<a href="https://kyzylorda-news.kz/">Kyzylorda-news.kz.</a>&nbsp; “Мына қорапты ала кетіңізші, сізді күтіп алады”… мұндай өтінішті жолаушылар ұшаққа отырар алдында әуежайда естуі мүмкін. Алайда мұның салдары қандай болатынын көбі ойлана бермейді. Сондықтан Air Astana компаниясы мен Алматы халықаралық әуежайы жолаушылар арқылы сәлемдеме беріп жіберу дерегі жиілегенін мәлімдеп, жолаушыларды бұл мәселеге жауапкершілікпен қарауға шақырады.
Бейтаныс адамнан ұшаққа отырар алдында зат алудың жазасы қандай?
Ұшаққа отырғалы жатқан жолаушылардан құжат немесе түрлі зат беріп жіберу – заңсыз әрекет. Әкімшілік құқық бұзушылық туралы кодекстің 463-бабына сәйкес, тиiстi тiркеусiз хабарлама жіберу арқылы кәсіпкерлік немесе өзге де қызметпен айналысуға тыйым салынған.
Мұндайда жеке тұлғаларға – он бес, түрлі кәсiп субъектiлерiне жиырма бестен жүз елу айлық есептiк көрсеткiшке дейінгі мөлшерде айыппұл салынады.
Бұдан бөлек “Қазақстан Республикасының әуе кеңістігін пайдалану және авиация қызметі туралы” заңының 105-бабына сәйкес, әуе кемесінің бортына немесе әуежайға қылмыстық мақсаттарға арналған қаруды, қауіпті құрылғыларды немесе материалды кіргізуге тыйым салынған.
Сондықтан бейтаныс адам берген сәлемдеме ішінде заңсыз заттар болуы мүмкін.
Затты заңды түрде басқа қалаларға қалай жіберуге болады?
Air Astana әуе компаниясы зат тасымалдауға арналған MyMAIL экспресс-пошта қызметін ұсынады. Ең жылдам әрі қауіпсіз саналатын бұл сервиспен Қазақстан, Қырғызстан, Ресей қалаларына зат жіберуге болады. Жеткізу мерзімі 5 сағаттан басталады.
MyMAIL арқылы құжат, дәрі-дәрмек, киім-кешек, салмағы 5 килограммға дейінгі заттар мен автобөлшектерді жіберуге болады.
Қызмет құны – Қазақстан қалалары бойынша тариф түріне байланысты 2 мың мен 10 мың теңге аралығында, ал Қырғызстан мен Ресей бойынша 4000 мың мен 20 мың теңге аралығында.
My MAIL экспресс-поштасы туралы толық ақпаратты Air Astana компаниясының сайтынан білуге болады.
<a href="https://massaget.kz/layfstayl/zhadnama/64393/">Massaget.kz</a>

Ұшаққа отырарда біреуден зат алудың қаупі қандай?

<a href="https://kyzylorda-news.kz/">Kyzylorda-news.kz.</a> Өткен замандарда бір медреседе оқитын жетім бала болыпты. Өте білікті ұстаздардан дәріс алса да, қанша талпынса да, сабақты түсінуде қиналып, өзімен қатар оқып жүрген балалардан кері қалып жүреді. Бұл жағдайға өзі қатты қынжылатын. Озат балалар кейде оны «дәлду» деп те келеке ететін.
Бір күні шыдамы таусылып: «Демек, сабақ оқу менің қолымнан келмейді. Мен одан да ауылға барып, егіншілікпен айналысайын» деп ойлап, таңертеңгісін ерте жолға шығады. Ұзақ жол жүреді. Шаршағандықтан жүруге әлі қалмайды. Күннің ысығынан қорғана тынығатын тым болмаса ағаш та шықпайды. Осылай келе жатып үңгірге кезігеді. Жылан немесе жыртқыш аң бар шығар деп кіруге бата алмай кідіргенімен, әлсіздік алға сүйреп қалай кіріп кеткенін аңғармай қалады. Қорқатындай ештеңе жоқтығына көз жеткізген соң, көңілі жай тауып, созылып жата кетеді. Жатқаны сол еді, төбеден тамшылап тұрған суға көзі түседі. Қанша жылдан бері тамшылап тұрғанын кім білсін, әйтсе де тамған жері ойылып қалғанын қарап таңырқап жатады. Бірден миына найзағай ұрғандай болып, осы құбылылыстан өмірлік серпіліс алады.
Қап-қатты тасты, жұмсақ судың тесіп жібергені сияқты, сабыр қылып, тұрақты оқып талпынатын болса, миына бірер нәрсе кірері сөзсіз еді.
«Менің басым, мына тастан да қатты емес қой»,- деді өзіне. Маңыздысы осы су сияқты табандылық таныту еді. Дереу орнынан тұрып медресеге қайтады. Табандылық етуі арқылы достарына жетіп алады. Тіпті бәрін басып озғаны соншалық, кітаптары әлі күнге дейін оқылатын ғалым болады.
Осы «су мен тастан» алған сабағына байланысты бұл ғалым «тастың ұлы» деген мағынадағы «Ибн Хажар» деп аталып кетеді.

Тасты тескен су: Табандылықтың жемісі

<a href="https://kyzylorda-news.kz/">Kyzylorda-news.kz.</a> Өмірде ақшаны қажет ететін жағдайлар дүркін-дүркін туындап отырады. Бірақ олар үнемі әмиянда бола бермейді, егер бар болса да, жеткіліксіз болатын жайлар кездеседі. Сондықтан көптеген адамдар қаржылық мәселелерді несие арқылы шешеді.
Әрбір адам банкке өзінің нақты сұранысымен жүгінеді, бірақ қаржы мекемесі барлығын өзінің стандартты қағидалары бойынша бағалайды. Көбінесе, таңқаларлық көрініс пайда болады — бір қарағанда сенімді клиенттен бас тартады, ал күмәнді қарыз алушы қалаған сомасын алады. Бірақ оның өзінше қарапайым түсінігі бар — жүз пайыздық кепілдігі бар банк оған және оның қауіпсіздігіне зиян келтіретін шешім қабылдамайды. Осы жарияланымда Сіз түпкілікті нәтижеге не әсер ететінін білгіңіз келе ме? Егер Сіз жұмыс істесеңіз, оны уақытында төлеуге дайын болсаңыз, неге несие берілмеді?
<h2 id="">Скоринг дегеніміз не</h2>
Сіз мейлі сенерсіз, сенбессіз, бірақ несие беру туралы түпкілікті шешімді тірі адамдар емес, арнайы бағдарламалар қабылдайды. Олар “скоринг” деп аталады. Скоринг дегеніміз — әлеуетті қарыз алушылардың төлем қабілеттілігін бағалайтын жүйе. Бағалау баллдармен есептеледі. Балл неғұрлым төмен болса, бас тарту ықтималдығы соғұрлым жоғары болады. Басқаша айтқанда, компьютерлік бағдарлама қарыз алушыларды әртүрлі санаттар бойынша жіктейді және оларды банкті қызықтыратын сипаттамаларға сәйкес әртүрлі топтарға бөледі. Кредит берушіге жүгінген РФ әрбір азаматы осындай бағалаудан өтеді.
<h2 id="-1">Банктер кредит беру туралы шешімді қалай қабылдайды?</h2>
Сіз, бәлкім, барлық әлеуетті клиенттер сауалнамаларды стандартты сұрақтар тізімімен толтыратынын білетін шығарсыз. Осыдан кейін банк қызметкері барлық көрсетілген ақпаратты деректер базасына енгізеді және бағдарлама скоринг жүргізеді. Жүйе жиналған баллдар саны бойынша кредит қаражатын беру немесе одан бас тарту туралы қорытынды жасайды. Келесі параметрлер бағаланады:
●&nbsp;&nbsp; &nbsp;клиенттің экономикалық жағдайы; 
●&nbsp;&nbsp; &nbsp;әлеуметтік мәртебесі, лауазымы, еңбек өтілі; 
●&nbsp;&nbsp; &nbsp;отбасылық жағдайы, балаларының болуы; 
●&nbsp;&nbsp; &nbsp;жасы; 
●&nbsp;&nbsp; &nbsp;білім деңгейі; 
●&nbsp;&nbsp; &nbsp;жынысы; 
●&nbsp;&nbsp; &nbsp;құнды мүліктің болуы; 
●&nbsp;&nbsp; &nbsp;адамның беделін бағалау; 
●&nbsp;&nbsp; &nbsp;тіркелген және нақты тұратын аймағы; 
●&nbsp;&nbsp; &nbsp;несиелік ұсыныстың мерзімі мен мөлшері.
Әрбір кредит беруші балл санын есептеу үшін өлшемшарттар тізбесін және олардың сандық көрінісін дербес айқындайды.
Скоринг статистика негізінде жұмыс істейді. Бағдарлама жүздеген мың клиенттердің несиелерін жабу туралы ақпаратты көрсетеді. Оны талдауда адам факторы толығымен алынып тасталады. Осы себепті жеткілікті, төлем қабілеттілігі жоғары азаматтарға қарыз беруден жиі бас тартылады және клиент банктің неге бас тартқанын түсінбейді
<h2 id="-2">Кредитті мақұлдау ықтималдығын қалай арттыруға болады?</h2>
Скорингті талдау кезінде ұпай санын азайтуға немесе көбейтуге ықпал ететін факторлар бар. Өте жас немесе ересек қарыз алушы деректерді тексеру кезінде аз ұпай алады. Ресми түрде жұмыс істейтін адам ресми емес адамға қарағанда жоғары бағаланады. Клиенттің несие тарихы да есепке алынады. Егер ол бүлінген болса, онда сіз қаржылық көмекке сенбегеніңіз жөн. Төменде скоринг-бағалауды қалай арттыруға болатынын және несие беру үшін не істеу керектігін талдаймыз.
1. Өз несие тарихыңыздың есептілігіне тапсырыс беріңіз. Бұл қолда бар ақпараттың нақты фактілермен сәйкессіздігін тексеру үшін қажет. Кейде несие ұйымдары қарызды жабу туралы ақпаратты КТБ (кредит тарихы бюросына) іс жүзінде болғаннан кейін кеш жібереді. Қарыз жабылған, бірақ бұл жүйеде көрсетілмейді
2. қарыздық міндеттемелерді: МҚҰ несиелерін, кредиттік карталарды, техникаға және басқа тауарларды бөліп төлеу қарыздарын жабыңыз. Тіпті шағын берешектердің өзі несие тарихын бұзады. Сондықтан қарыз міндеттемелері бойынша төлемдерді уақытында жасау қажет.
3. Өзіңіздің кредиттік тарихыңызды жасаңыз. Егер Сіз бұрын кредит өнімдерін пайдаланбаған болсаңыз ғана. Кредиттік беделді құру үшін кредит картасын ресімдеуге, пластикті пайдалануға болады және берешектерге жол бермеу қажет. Сізде кредиттік қызмет көрсетудің оң тәжірибесі пайда болады және скоринг мейлінше жоғары балл береді.
4. Жұмыс табыңыз. Егер Сізде тұрақты табыс көзі болмаса, оны табу керек. Жұмысқа орналасқан клиенттерге кредит алу оңайырақ. Жұмыстың болуын банк өз қаражатын қайтарудың кепілі ретінде қабылдайды.
Кез келген жағдайда өз қарыздарыңызды уақытында жабуға тырысу керек. Себебі бұл болашақта кредит алуға үлкен ықпалын тигізеді. Ал егер банк бас тартса, ал ақша шұғыл қажет болса не істеу керек?
Бұл жағдайда сіз МҚҰ жүгіне аласыз. Олардың клиенттерге жас өлшемдері, кредиттік тарихы және басқа да көрсеткіштер бойынша неғұрлым адал көзқарасы бар. Нақты Үйден шықпай-ақ, бас тартусыз онлайн қарыздар ресімдеңіз. Мұны Smartzaim.kz. сайтының қаржылық порталында жасауға болады.
<a href="https://bilim-all.kz/article/13694-Nelikten-nesie-berilmedi-zhane-maquldau-mumkindikterin-qalai-arttyruga-bolady">Bilim-all.kz</a>

Неліктен несие берілмеді және мақұлдау мүмкіндіктерін қалай арттыруға болады?

<h5 id="kyzylordanewskzhttpskyzylordanewskznbspfactcheck10"><a href="https://kyzylorda-news.kz/">Kyzylorda-news.kz.</a>&nbsp;Factcheck редакциясы биыл ең көп тараған 10 фейк ақпаратты тізіп шықты.</h5>
<a href="https://factcheck.kz/kaz/basty-bet1/2020-zhyly-kop-taragan-10-fejk-pen-kastandyk-teoriyasy/">Factcheck.kz</a>&nbsp;тілшісі Төлепберген Маликов биыл Қазақстан мен Орталық Азияда кеңінен тараған фейк ақпараттардың рейтингін жасады.
Дисклеймер:&nbsp;Бұл рейтингке аймақтық, саяси және АҚШ-тағы сайлау жайлы фейктерді қоспадық. Сонымен қатар, Қазақстан мен Қырғызстанда жиі жарияланған фейктер Ресейде де тараған.
<h2 id="10">10.Коронавирус және Синтия бактериялары</h2>
Ойға қонымсыз фейк ақпарат ғылым докторы ретінде таныстырылған әлдебір&nbsp;Ирина Ермакованың&nbsp;сөзіне негізделіп, вирус “Синтия бактериясы” арқылы қолдан жасалды деген. Біз Ирина Ермакованың 10 жыл бойы ешбір ғылыми мекемеде жұмыс жасамағанын анықтадық. Ал “Синтия” деп аталатын бактерия расымен бар. Алайда мәлімдеме авторы тақырыпқа сай емес сапасыз зерттеулерді негізге алған. Пікірдің өзінде ешқандай негіз жоқ.
Фейк элементі:&nbsp;Аздап ғылыми терминология (рекомбинантты РНК) айтылған. Жаман ойды арттыратын аргументтер (Синтия бактериясы лабораториялық жағдайда жасалған)
<h2 id="9">9. Майк Тайсон және “иттер мен мұсылмандар кіруге болмайтын” кафе</h2>
Лос-Анджелестегі кафе қожайыны туралы видео әлеуметтік желіде жиі таралған еді. Видео мәтінінде кафе иесінің есік алдына “мұсылмандар мен иттерді кіргізбейтінін” жазғаны айтылған. Бұл туралы естіген бокстан экс-чемпион Майк Тайсон, екі батыл боксшы достарымен осы дүкенге келіпті-міс. 
https://www.youtube.com/embed/SGoRK1tkfvg
Бұл видеода Баду Джек пен Майк Тайсонның артында бейнеленген логотип Tyson Ranch дегенді білдіреді.&nbsp;Бұл компанияның негізгі иесі — Майк Тайсон. Яғни, Майк Тайсон видеодағы кафенің иесі. Желідегі оқиға толығымен ойдан шығарылған.
Фейк элементі:&nbsp;Эмоция тудыратын әділетсіз жағдай, танымал адамның моральді тұрғыда батылдығы, әділдіктің жеңуі.
<h2 id="8">8.Қастандық теориясы: вирус шашатын ұшақтар мен тікұшақтар</h2>
Facebook желісінде “міне, қазақты қынадай қырудың ең оңтайлы жолы – ұшақпен вирус шашу”, Instagram-да химиялық жолдар және тікұшақ пен ұшақтан вирустардың (атап айтқанда жаңа коронавирустың) таралып жатқаны туралы хабарламалар тараған. Сонымен қатар, желідегі видеоларда химтрейл аэрозоль түріндегі химиялық із екені айтылған. Бұл адамдардың физика және оптика заңдарын білмеуіне негізделген қастандық теориясы ғана. Атмосферадағы конденсациялық (немесе инверсиялық) із биіктік пен ауа-райына байланысты әртүрлі жағдайда өзгере береді, ал әртүрлі ұшақтардың іздері жерден 10 км-ге дейін кең дәлізде орналасады, ал химтрейл теориясының жақтастары бұны еш елемейді.
Фейк элементі:&nbsp;Пандемия кезіндегі қорқыныш.
<h2 id="7">7.”Бас фармацевт” Кристина Сомова және “Артериале” препараты</h2>
Өз денсаулығын алаңдаған адамдардан ақша жасауға тырысқан алаяқтар аз болмады. Әлеуметтік желіде Кристина Сомова атты адамның жазғаны халықты дүрліктіріп, ал оның мәлімдемесінің скриншоты жан-жаққа тараған еді. Мәтінде жүрек-тамыр жүйесінің барлық ауруларына көмектесетін қымбат дәрі-дәрмектің тегін берілетіні туралы айтылған. Бұл тек алаяқтардың айласы ғана еді. Кейін қорғалмаған сайттарда биологиялық белсенді қоспа да емес, ресми тіркелмеген “дәрі” де емес заттың ақылы сатылуға шақырған еді.
<img src="https://informburo.kz/storage/photos/84/5fe9a15624cf0.jpg" alt="" />
Кристина Сомова – ойдан шығарылған адам, ал сөз болып отырған препарат – фейк, жалған. Бұл халық арасында дүрбелең туғыза отырып, ақша табудың кезекті алаяқтық схемасы.&nbsp;Қазақстанда “Қазақстанның бас фармацевті” деген де, оның орынбасары деген де лауазым жоқ.
Фейк элементі:&nbsp;Лауазымның атын жамылып, ақша табудың алаяқтық тәсілі. 
<h2 id="6amongus">6.Among Us қауіпті ме?</h2>
Әлеуметтік желі мессенджерінде әйел адам (болжам бойынша мұғалім) ата-аналарды танымал Among Us онлайн-ойынының қауіпті екенін ескертіп, оны даулы “Синий кит” ойынымен салыстырып, видео тараған. Тіпті, бұл ойынды ҚР Ақпарат және қоғамдық даму министрлігі де тексерген болатын. Қорытындылай келе ойында суицидке әкелетін контенттің жоқ екенін хабарлады. Бұл ойынды журналисіміз материал үшін арнайы жүктеп,&nbsp;тексерген де болатын.
Фейк элементі:&nbsp;“Синий кит” ойының тәжірибесіне сену, ата-ана инстинктіне қысым болуы.
<h2 id="5">5.Коронавирусты сарымсақ суымен емдейді</h2>
Әлеуметтік желіде коронавирусты сарымсақ суын пайдалану арқылы емдеуге әлдебір медицина ғылымдарының докторы Шухрат Халилов шақырды. Коронавирус кезінде сарымсақ суының пайдасы жоқ. Автор пікірінің ешқандай ғылыми негіздемесі жоқ және COVID-19-дың адам ағзасына қалай әсер ететіні туралы қате түсініктен қалыптасқан жалған болжамға негізделген. Шухрат Халилов түрлі конспирологиялық тақырыптарды қозғап жүр.&nbsp;Бұл фейк ақпарат&nbsp;бәлкім Өзбекстанға жақын болғасын Оңтүстік Қазақстанда кеңінен тараған. 
<img src="https://informburo.kz/storage/photos/84/5fe9a1f08f910.png" alt="" />
Фейк элементі:&nbsp;Адамдардың сеніміне кіру үшін кейбір ғылыми терминологияны қолдану.
<h2 id="4covid19">4.Амбулаториялық жағдайда Covid-19 табылған науқастарды емдеу хаттамасы</h2>
Осыдан жарты жылдай бұрын “Амбулаториялық кезеңде COVID-19 табылған науқастарды емдеу жайлы хаттамасы” тарала бастады. Бұл протоколды Мәскеу маңындағы дәрігерлер қабылдады деп, алайда дереккөз көрсетілмеген. Фактчекерлер мұның Ресейдің Денсаулық сақтау министрлігі сайтында жарияланбағанын тез анықтады.
<img src="https://informburo.kz/storage/photos/84/5fe9a24333e07.jpeg" alt="" />
Бұл туралы толығырақ&nbsp;<a href="https://factcheck.kz/kaz/densaulyk/fejk-ambulatoriyalyk-zhagdajda-covid-19-tabylgan-naukastardy-emdeu-turaly-xattama/">мына сілтеме арқылы</a>&nbsp;оқи аласыз.
Фейк элементі:&nbsp;адамның медицинаға сенімін қолдану, жасырын айтылған ақпарат
<h2 id="3">3.Коронавирусты содамен “емдеу”: профессор Юдин таратқан фейк</h2>
“Медицина ғылымдарының докторы, трансплантология профессоры, КСРО-ның еңбек сіңірген өнертапқышы” Геннадий Юдин “Коронавирусты бастапқы кезінде, жоғары температура арқылы (+ 60 °, + 80 °, + 90 °) мұрын қуысында жоятынын” ойлап тапқанын мәлімдеді. Сонымен бірге, сода вирустың липидтік қабығын ерітеді, ал қайнаған бу жалаң вирусты ыстық сілекей мен шырышқа “қайнатады” деп айтқан еді. Алайда сарапшылардың зерттеуінде сода COVID-19-ды өлтіруі мүмкін деген теорияны жоққа шығарады. Бұдан бөлек израильдік дәрігер Йозеф Восктың лимон шырынын ішіп, коронавируспен қалай күресуге болатыны жайлы фейк Ресей, Украина және Канадада кеңінен&nbsp;<a href="https://factcheck.kz/kaz/glavnoe-en/covid-vs-limon-shyryny/">тараған еді</a>.
Фейк элементі:&nbsp;ғылыми терминдерді қолданып, адамның медицинаға сенімін қолдану (“Медицина ғылымдарының докторына”)
<h2 id="2">2.Коронавирус пен аспирин жайлы фейк</h2>
Биыл көктемде Италияда коронавирусқа қарсы вакцина табылғаны туралы ақпарат тарап, хабарламада коронавирустың пневмонияға емес, тромбозға себеп болатыны айтылған. Сонымен бірге, оны антибиотик пен аспирин арқылы емделетіні жазылған. Бұдан бөлек ДДСҰ бұл ақпаратпен бөліспегені де жазылған.
<img src="https://informburo.kz/storage/photos/84/5fe9a3fa454f7.png" alt="" />
Вирустың геном құрамы
Бірнеше елде жүргізілген зерттеу қорытындысы бойынша SARS-Cov-2 бактерия емес, вирус. Сонымен қатар вирустың геном құрамы да белгілі. Бұл хабарламаны оқығанда әуелі осыны естен шығармаңыз. Ал тромбозды ауыр халдегі адамдардға жиі қолданғасын, оқырмандар&nbsp;тез сеніп қалады.
Фейк элементі:&nbsp;адамдардың батыс медицинасына сенімін қолдану, шынайы және жалған ақпаратты араластыру.
<h2 id="1">1.Коронавирус, адренохром, педофил-сатанистер жайлы фейк</h2>
Бірінші орында “педофилдердің голливудтық сектасы” жайлы фейк. Теорияның қысқаша мазмұны: Трамп карантинді пайдалана отырып, Голливудтағы, демократиялық партияның басшылығындағы, сондай-ақ Ватикандағы педофилдердің көзін жоюға кіріскен. Олардың барлығы адренохромды пайдаланады. Ал ол әлем элитасындағы қанішер-сатанистер құрбандыққа шалатын балалардың қанынан алынады-мыс. Олар адренохромсыз тез қартаяды және есірткісіз денелері “сына” бастайды. Қастандық теориясы 2017 жылы пайда болды және басқа конспирологиялық теориялардың үлкен қосындысы. Сол уақыттан бері оны қолдаушылар саны артып келеді. Теорияның барлық бөлігі манипуляция, ойдан шығарылған немесе тіпті өтірік ақпараттан құрастырылған (мысал ретінде Билл Гейтске қатысты оқиғаны айтуға болады).
Фейк элементі:&nbsp;ата-ана инстинктіне қысым болуы, манипуляцияға жол беру.
Қорытындылай келе, бірқатар теория бұрыннан бар, бірақ биыл пандемия мен инфодемияның аясында күшейіп, коронавирус сипатына ауысты. Сіздерге қазақстандықтардың осы тақырыптартар бойынша 5 жылда қаншалықты көп іздегенін көрсуге кеңес береміз.
<img src="https://informburo.kz/storage/photos/84/5fe9a499b9aa7.png" alt="" />
<a href="https://informburo.kz/kaz/2020-zyly-kop-taragan-10-feik-pen-qastandyq-teoriyasy">informburo.kz</a>

2020 жылы көп тараған 10 фейк пен қастандық теориясы

Kyzylorda-news.kz. Қазақстанда бір тәулікте 867 адам коронавирус індетінен емделіп шықты, деп хабарлайды coronavirus2020.kz.
Аймақтар бойынша
Нұр-Сұлтан қаласы – 107, Алматы қаласы – 112, Ақмола облысы – 93, Ақтөбе облысы – 2, Атырау облысы – 93, Шығыс Қазақстан облысы – 17, Батыс Қазақстан облысы – 13, Қарағанды облысы – 70, Қостанай облысы – 8, Қызылорда облысы – 2, Маңғыстау облысы – 7, Павлодар облысы – 240, Солтүстік Қазақстан облысы – 91, Түркістан облысы – 12.
Қазақстан бойынша жазылғандар саны – 167 914.

Қызылорда: Өткен тәулікте 2 адам коронавирустан жазылды

Kyzylorda-news.kz. Қазақстанда 1 342 адам коронавирус жұқтырды, деп хабарлайды coronavirus2020.kz-ке.
30 қаңтар 23:59-дағы эпидемиологиялық жағдай бойынша Қазақстанда ПТР арқылы 1 342 адамда коронавирус індеті расталды.
Аймақтар бойынша:
Нұр-Сұлтан қаласы – 112, Алматы қаласы – 115, Шымкент қаласы – 15, Ақмола облысы – 201, Ақтөбе облысы – 18, Алматы облысы – 70, Атырау облысы – 47, Шығыс Қазақстан облысы – 79, Жамбыл облысы – 24, Батыс Қазақстан облысы – 98, Қарағанды облысы – 82, Қостанай облысы – 102, Қызылорда облысы – 6, Маңғыстау облысы – 13, Павлодар облысы – 252, Солтүстік Қазақстан облысы – 96, Түркістан облысы – 12.
Жалпы ел бойынша ауырғандар саны 186 711.

Қазақстан және Қызылорда облысының жаңалықтары

Карантинді толығымен қай кезде алып тастайды – бас санитар дәрігер жауап берді

Денсаулық сақтау вице-министрлері коронавирусқа қарсы вакцина салдырды

COVID-19: Қызылордада 9 адам тіркелді

1 ақпанға арналған ауа райы

Қазақстанда коронавирусқа қарсы вакцинация басталды

Жаңа вакциналар туралы 8 факт

Ұшаққа отырарда біреуден зат алудың қаупі қандай?

Тасты тескен су: Табандылықтың жемісі

Неліктен несие берілмеді және мақұлдау мүмкіндіктерін қалай арттыруға болады?

2020 жылы көп тараған 10 фейк пен қастандық теориясы

Қызылорда: Өткен тәулікте 2 адам коронавирустан жазылды

Қызылордада 6 адамнан коронавирус анықталды

Қазақстан және Қызылорда облысының жаңалықтары

Карантинді толығымен қай кезде алып тастайды &#8211; бас санитар дәрігер жауап берді

Денсаулық сақтау вице-министрлері коронавирусқа қарсы вакцина салдырды

COVID-19: Қызылордада 9 адам тіркелді

1 ақпанға арналған ауа райы

Қазақстанда коронавирусқа қарсы вакцинация басталды

Жаңа вакциналар туралы 8 факт

Ұшаққа отырарда біреуден зат алудың қаупі қандай?

Тасты тескен су: Табандылықтың жемісі

Неліктен несие берілмеді және мақұлдау мүмкіндіктерін қалай арттыруға болады?

2020 жылы көп тараған 10 фейк пен қастандық теориясы

Қызылорда: Өткен тәулікте 2 адам коронавирустан жазылды

Қызылордада 6 адамнан коронавирус анықталды

Карантинді толығымен қай кезде алып тастайды – бас санитар дәрігер жауап берді