Kyzylorda-news.kz. Қазақстанда өткен тәулікте 72 адамда коронавирус індеті ПТР арқылы расталды, деп хабарлайды coronavirus2020.kz.
Аймақтар бойынша:
Нұр-Сұлтан қаласы – 9
Алматы қаласы – 4
Ақмола облысы – 3
Ақтөбе облысы – 1
Алматы облысы – 2
Атырау облысы – 7
Шығыс Қазақстан облысы – 20
Жамбыл облысы – 1
Батыс Қазақстан облысы – 4
Қарағанды облысы – 6
Қостанай облысы – 2
Қызылорда облысы – 2
Павлодар облысы – 5
Солтүстік Қазақстан облысы – 5
Түркістан облысы – 1
Жалпы ел бойынша ауырғандар саны 107056.

Қызылордада коронавирус жұқтырған 2 адам тіркелді

<a href="https://kyzylorda-news.kz/date/2020/09/16/">Kyzylorda-news.kz.</a> «Карантиндік шектеу шаралары және оларды кезең-кезеңімен жеңілдету туралы» ҚР Бас мемлекеттік санитариялық дәрігерінің&nbsp;<a href="https://beta.egov.kz/memleket/entities/kkkbtu/press/news/details/postanovlenie-glavnogo-gosudarstvennogo-sanitarnogo-vracha-respubliki-kazahstan-53-ot-16092020-goda-o-vnesenii-izmeneniy-i-dopolneniy-v-postanovlenie-glavnogo-gosudarstvennogo-sanitarnogo-vracha-respubliki-kazahstan-48-ot-15-avgusta-2020-goda?lang=kk">қаулысына</a>&nbsp;өзгерістер мен толықтырулар енгізілді, деп хабарлайды <a href="https://www.inform.kz/kz/bas-sanitariyalyk-darigerdin-karantindik-shekteu-sharalary-turaly-kausyna-ozgerister-engizildi_a3695531?fbclid=IwAR3JXjc6LOcjnEjx5uo1JDKpwzUAp-mKgO0iuR3d07uLKfWCxlWZchi_2UI">ҚазАқпарат</a>.
Өзгеріс енгізілген қаулыға сәйкес, елімізде ойын-сауық орындары, атас айтсақ караоке, бильярд, компьютерлік клубтар, түнгі клубтар, боулинг орталықтары, жабық үй-жайлардағы балалардың ойын алаңдары мен аттракциондар, батуттар және басқалары және кинотеатрлардың, букмекерлік кеңселердің қызметіне тыйым салынды. Тек маска режимін, әлеуметтік қашықтықты сақтай отырып, ашық ауадағы кинотеатрлардың қызметіне рұқсат берілген.
Сонымен қатар, демалыс және мереке күндері азық-түлік супермаркеттері мен дәріханаларды қоспағанда сауда үйлері, сауда-ойын-сауық орталықтарының жұмысын тоқтайды.
Қаулының толық мәтінін&nbsp;<a href="https://beta.egov.kz/memleket/entities/kkkbtu/press/news/details/postanovlenie-glavnogo-gosudarstvennogo-sanitarnogo-vracha-respubliki-kazahstan-53-ot-16092020-goda-o-vnesenii-izmeneniy-i-dopolneniy-v-postanovlenie-glavnogo-gosudarstvennogo-sanitarnogo-vracha-respubliki-kazahstan-48-ot-15-avgusta-2020-goda?lang=kk">мына</a>&nbsp;жерден оқуға болады.
Еске салсақ, Қазақстанның бас санитарлық дәрігері шектеу шараларына қатысты қаулысына 28 тамызда өзгерістер&nbsp;<a href="https://www.inform.kz/kz/kazakstannyn-bas-sanitarlyk-darigeri-shekteu-sharalaryna-katysty-kaulyga-ozgeris-engizdi_a3688801">енгізілген болатын.</a>

Карантиндік шектеу шаралары туралы қаулыға өзгерістер енгізілді

Kyzylorda-news.kz. Қазгидромет 17 қыркүйекке арналған ауа райы болжамын ұсынады.
Қазақстанның басым бөлігіндегі ауа райына Карск теңіздін аймағынан келетін циклон әсер етеді. Нәтижесінде елдің басым бөлігінде найзағай ойнап, жаңбыр болады, бұршақ жаууы ықтимал.
Тек Республиканың батысында жауын-шашынсыз ауа райы сақталып, желдің күшеюі 15-20, кей жерлерде екпіні 23-28 м/с, оңтүстік-шығыста кей жерлерінде 30 м/с жетеді. Оңтүстікте шаңды дауылмен. Кей жерлерде дауыл, тұман күтіледі.

17 қыркүйекке арналған ауа райы болжамы

<a href="https://kyzylorda-news.kz/date/2020/09/16/">Kyzylorda-news.kz.</a> Елордадағы жәрмеңкеге Қызылорда және Ақтөбе облыстары 540 тонна азық-түлік әкеледі, деп хабарлады әкімдіктің&nbsp;<a href="http://astana.kz/kz/news/news/24490">ресми сайты</a>.
19 және 20 қыркүйекте “Хан-Шатыр” СОО жанындағы алаңда (Қонаев көшесі мен Тұран даңғылының қиылысы) Қызылорда және Ақтөбе облыстары шаруаларының жәрмеңкесі өтеді. Олар нарықтан 10-15% төмен бағамен 80-нен астам тауар түрін ұсынады.
Барлығы 540 тонна өнімді, оның ішінде: 146 тонна күріш, 129 тонна картоп пен көкөніс, 62 тонна ет, 30 тонна балық өнімдері, 13 мың дана тауық жұмыртқасы, 7 тонна шұжық өнімдері, 5 тонна ұн және макарон і, 5 тонна алкогольсіз сусындар және тағы басқа өнімдерді сату жоспарланып отыр.
Жәрмеңкеге 90 отандық өндіруші қатысады (“Айс” ЖШС, “Агрофирма Тау” ЖШС, “Ново-Альджанский мелькомбинат” ЖШС, “Рамазан” ЖШС, “Ақтөбе-нан” ЖШС, “Айбек” ӘКК шұжықтары мен ет деликатестері, “Степное” ЖШС, “Рокос” ЖШС, “Изет ГринХаус” ЖШС және “Гринхаус Қазақстан” ЖШС жылыжай көкөністері, “Мир круп” тұзы, “Жаңажол” күріш, “Сырмаржаны”, “Байқоңыр” Агрохолдингі”, “Наймир”, “Байқоңыр” ӘКК).
Келушілер маска тағып, антисептик қолданып, қатаң санитарлық-гигиеналық нормаларды сақтауы тиіс.

Елордада Қызылорда облысы шаруаларының жәрмеңкесі өтеді

&nbsp;<a href="https://kyzylorda-news.kz/date/2020/09/16/">Kyzylorda-news.kz</a>. COVID-19-бен күресте қандай дәрі-дәрмек тиімділігін көрсетіп отыр? Коронавируспен ауырған жағдайда ілеспе патологиясы бар пациенттерді қараудың ерекшеліктері бар ма? Осы сауалдарға С.Асфендияров атындағы Қазақ ұлттық медицина университеті ішкі аурулар кафедрасының меңгерушісі, медицина ғылымдарының кандидаты, Еуропалық кардиологтар қоғамы тромбозам және инсульт пен жүрек жөніндегі жұмыс тобының мүшесі Ахметжан Сүгірәлиев жауап берді, деп хабарлайды <a href="https://lenta.inform.kz/kz/covid-19-ben-kureste-kanday-dari-darmek-tiimdiligin-korsetip-otyr_a3695373">ҚазАқпарат</a>.
Оның атап өтуінше, әлемдегі бүгінгі ахуалға шолу өзінің тиімділігін көрсеткен емдеу әдістеріне негізделіп отыр. Ең алдымен бұл – қан ұюға қарсы терапияны қолдану. Француз дәрігерлерінің мәліметтеріне сәйкес, амбуторлық амбулаторлық жағдайда қан ұюға қарсы терапияны қолдану науқасты ауруханаға жатқызу тәуекелін төмендетеді. Ал ауруханада алдын алу дозасын қолданған жағдайда аталған науқастардың қарқынды терапия бөлімшесіне ауыстырылу тәуекелін азайтып, тромбоэмболиялық асқынудың күрделі формасынан өлім-жітімді төмендетеді. Бұған қоса америкалық дәрігерлердің ауыр халдегі науқастарға қан ұюға қарсы терапияны қолдану өлім-жітімнің 18 пайызға жуық төмендеуіне сеп болған.
<blockquote>
 «Дәрі-дәрмектің екінші тобы – стероидтық терапияны қолдану. Әрине, бұл – дексаметазон мен өзге де дәрі-дәрмектер. Оттекке тәуелді пациенттерге осы препараттарды қолдану өлім-жітімді төмендететіндігін көрсетіп отыр. Пациентке көмек бере алатын препараттардың үшінші тобы – антибиотиктер қолдану. Олар қайталама бактериялық инфекцияның болу белгілері зертханалық жағдайда анықталып, ауруханаға жатқызылған пациенттерге тағайындалады», – деп түсіндіреді медицина ғылымдарының кандидаты.
</blockquote>
Сонымен қатар ол жанама аурулары бар COVID-19 жұқтырған науқастар жүрегінің зақымдануының алдын алу үшін колхицин препаратын қолдану мүмкіндігіне қатысты да айтып берді. Жалпы халықаралық сарапшылардың пайымынша, коронавирус кезінде жүрегі ауыратын немесе жүрегі зақымданған пациенттерге бұл препаратты қолдауға болады.
<blockquote>
 «Грекияда колхицинмен емдеу тәуір нәтиже көрсетіп отыр. Бірақ, зерттеу әлі аяқталған жоқ», – деді Ахметжан Сүгірәлиев.
</blockquote>
Оның сөзіне қарағанда, салмағы шамадан тыс науқастар, қант диабетімен, артериалды гипертониямен, жүрек, өкпе ауруларымен ауыратын адамдар коронавирусты тез жұқтырып алуы мүмкін. Сонымен қатар олардың арасында өлім-жітім де жиі кездеседі.
<blockquote>
 «Коронавирустан өлген пациенттерді сою бойынша алғашқы үлкен зерттеуді Гамбургте немістер жүргізді. Зерттеу барысында олар өлгендердің басым бөлігі созылмалы аурулары бар адамдар екендігін анықтады. Ерлер арасында да ауру ауыр формада өтетіндігі белгілі болды. Сонымен қатар жанама аурулары бар адамдарда да дерт өте ауыр өтеді. Егер адам ауру болса, онда кей жағдайда емдеу әдістерін өзгертуге тура келеді. Жүрегі ауыратын адам бұрын басқа дәріне қабылдап келсе, онда ол коронавирус жұқтырғаннан кейін өзге дәрілік препаратқа көшуі тиіс. Мұндай науқастарды COVID-19-ға шалдыққан кезде қарау ерекшеліктері бар», – деді кафедра меңгерушісі.
</blockquote>
Оның түсіндіруінше, коронавируспен аурғандар өлімінің негізгі себептерінің бірі қан ұюының дамуы болуы отыр. Дегенмен қазіргі уақытта аталған қан ұюының алдын алудың және емдеудің халықаралық хаттамасы да бар.
<blockquote>
 «Санитарлық-эпидемиологиялық шаралардың жүргізуге қатысты айтар болсақ, барлығы да эпидемиологиялық ахуалға байланысты. Тіпті 6 адамнан артық жиналуға жол бермейтін Ұлыбритания сынды елдер де бар. Барлығы да аурудың таралуына байланысты болып отыр. Әзірше, жақсы зерттелген вакцина жоқ. Сондықтан алдын алу ерекшеліктері жайлы айту мүмкін емес. Сондықтан үлкен топ болып жиналмау керек. Маска тағып, далаға шығып келгеннен кейін қолды жақсылап жуу қажет», – деді Ахметжан Сүгірәлиев.
</blockquote>

COVID-19-бен күресте қандай дәрі-дәрмек тиімділігін көрсетіп отыр?

<a href="https://kyzylorda-news.kz/date/2020/09/16/">Kyzylorda-news.kz.</a> Пандемияға байланысты Токио Олимпиадасы 2021 жылға ауыстырылғаны белгілі. Байрақты бәсекеде ел намысын Сырдың екі спортшысы қорғайды. ҚР еңбек сіңірген спорт шеберлері, боксшы Қамшыбек Қоңқабаев пен балуан Дәулет Ниязбеков.
<blockquote>
 «Өздеріңізге белгілі ешқандай спорттық жарыстар өтіп жатқан жоқ. Елімізде енді ғана карантин талаптары жеңілдетіліп, спортшылар жаттығуларына кірісті. Боксшы Қамшыбек Қоңқабаев шеберлігін шыңдау үшін ұлттық құраманың бапкерімен келісіп, кәсіпқой боксқа ауысты. Яғни, мықты қарсыластармен бокстасу арқылы тәжірибесін толыстырады. Бұл Олимпиадаға қатыспайды деген сөз емес. Дәулет Ниязбековтың да дайындығы бақылауымызда. Екі спортшымыздан көп үміт күтеміз, – деді облыстық дене шынықтыру және спорт басқармасының басшысы Жақсылық Оспанов журналистерге арналған баспасөз мәслихатында.
</blockquote>
Дүниежүзілік дода жолдамасы әлі де үлестіріледі. Сыр өңірінен каратэ-додан Әлем чемпионы Мөлдір Жаңбырбай, стенд атудан Әлем кубогының жүлдегері Максим Коломоец, байдарка және каноэде есуден Азия чемпионы Гүлжайна Тыныбековалар алдағы уақытта лицензиялық жарыстарға қатысатын болады.

Токио Олимпиадасында ел намысын Сырдың екі спортшысы қорғайды

Kyzylorda-news.kz. Азаматтық қоғамның белсенділігін арттыру мақсатында «Әлеуметтік жобалар жәрмеңкесі» өткізіледі. Бұл туралы Өңірлік коммуникациялық қызметінің ақпараттық алаңында облыс әкімінің орынбасары Серік Ахмет мәлімдеді.
<blockquote>
 «Мемлекет басшысының халыққа арнаған Жолдауында «Халық үніне құлақ асатын мемлекет – бұл, шын мәнісінде, «Әділетті мемлекет» құру тұжырымдамасы» – деген болатын. Сол арқылы, кез келген мәселені азаматтық қоғаммен бірлесіп шешуді тапсырды. Осы бағытта аймақтағы үкіметтік емес ұйымдардың басын қосып, оларға әдістемелік көмектер көрсетіледі. Жәрмеңке өткізу арқылы жаңа әлеуметтік жобалар артады, – деді Серік Әбжәліұлы.
</blockquote>
Айта кетейік, облыстық «Азаматтық Альянс» қайта құрылып, Ізден Анар Жарылқасынқызы осы ұйымның төрайымы болып сайланды.

Қызылордада «Әлеуметтік жобалар жәрмеңкесі» өтеді

Kyzylorda-news.kz. 2020 жылғы 1 маусым – 30 қазан аралығында «Қарасора-2020» кең ауқымды арнайы жедел-профилактикалық іс-шарасы Қызылорда облысы аумағында да өткізілуде.
Осыған орай, егілетін қарасораның егістерін анықтаудың және жоюдың іс-әрекеттерін іске асыру үшін, жергілікті құқық қорғау, атқарушы органдардың өкілдерімен жұмыс кездесуі ұйымдастырылып, арнайы жоспарлар бекітілді.
Атқарылған ауқымды іс-шаралар нәтижесінде барлығы 77 есірткі қылмысы тіркелді. Оның ішінде есірткі өсірудің 64 дерегі, есірткіні аса ірі мөлшерде сақтаудың 7 дерегі және есірткі сатудың 6 дерегі анықталды. 
Есірткі өсіргені үшін барлығы 63 тұлға ұсталса, оның 27-ы қамаққа алынды. 
Қазіргі уақытта далалық аймақтардан ірі көлемдегі есірткі алқабын анықтау мақсатында топтар құрылып, шолу жұмыстары жүргізілуде.

«Қарасора-2020»: Қызылордада 1 тонна есірткі жойылды

Kyzylorda-news.kz. Қызылорда облысында «Syr jastary-2025» жол картасының жобасы әзірленуде. Ол 5 бағыт, 29 индикатордан тұрады. Бұл туралы облыс әкімінің орынбасары Серік Ахмет өңірлік коммуникациялар қызметінде өткен баспасөз мәслихатында мәлімдеді.
Жоба шеңберінде 6 мыңға жуық сырбойылық жас «Жасыл ел» және «Жас құрылысшылар» еңбек жасақтарының қатарында еңбек ететін болады. Сонымен қатар Қызылордада дәстүрлі облыстық еңбек лагерін ұйымдастыру жоспарланып жатыр.
<blockquote>
 «Облыс жастарының 8,4 % NEET санатындағы жастар құрайды. Жастардың кәсіпкерлік бастамаларына мемлекеттік гранттар мен инвестициялар тартылып, өңірде NEET санатындағы жастардың үлесін төмендету көзделуде», – дейді Серік Ахмет.
</blockquote>

Қызылордада дәстүрлі еңбек лагері ұйымдастырылмақ

Kyzylorda-news.kz. Балаларын жан-жақты дамытып, өз орталарында білімді де өнерлі болып өскенін қаламайтын ата-ана кем де кем. Сондықтан мектептен тыс уақытта оқушылардың бос уақытын тиімді пайдалануға тырысады. Әрбір бала өз қабілетіне қарай түрлі үйірмелерде шығармашылықтарын шыңдай алады. Кешегі Жолдауда да Мемлекет басшысы «Балалар үйірмесі» қызметін қайта қалыпқа келтірудің маңызын атап өткен. Бұл бағытта Қызылорда облысында қолға алынған шараларды облыс әкімінің орынбасары Серік Ахмет өңірлік коммуникациялар қызметінде өткен баспасөз мәслихатында баяндады.
Ол аймақтағы 173 мәдениет үйінде 854 үйірме барын жеткізді. Жолдау аясында үйірме санын 1000-ға, қатысушылардың санын 11 500-ге жеткізу жоспарда барын айтты.
<blockquote>
 «Президент Жолдауында спорт және дене тәрбиесін дамытуға басымдық бере отырып, әр облыста, ірі қалалар мен аудан орталықтарында спорт үйірмелерін ашу керектігін атап өтті. Қазірде Қызылорда облысында 21 балалар мен жасөспірімдер спорт мектебі жұмыс істейді. Онда 20 147 оқушы спортпен тегін айналысады. Соңғы екі жылда аймақта 16 спорт кешені пайдалануға берілді. Ал, биыл мемлекеттік-жекеменшік әріптестік аясында жоспарланған 12 жобаның бесеуі іске қосылды», – дейді облыс әкімінің орынбасары.
</blockquote>

Қызылорда облысында балаларға арналған 854 үйірме жұмыс істейді

<a href="https://kyzylorda-news.kz/date/2020/09/16/">Kyzylorda-news.kz.</a> Бұрын мұндай болған емес! Halyk Bank 2020 жылдың соңына дейін үш пәтерді ұтысқа қосып, қазақстандықтарға Алматының беделді, экологиялық таза ауданынан пәтер ұтып алудың тамаша мүмкіндігін <a href="https://halykbank.kz/kz/credit/apartment?utm_source=pr-region-kaz&utm_medium=pr-region-kaz&utm_campaign=3apartments">ұсынды</a>.
Тау бөктерінде орналасқан «Хан-Тәңірі» тұрғын үй кешеніндегі жаңа пәтердің иесі болып,бақытқа кенелу үшін сізге бар болғаны кредит ресімдеп, Homebank қосымшасында қызметтер үшін төлем жасағаныңыз жеткілікті, деп хабарлайды банктің баспасөз қызметі.
Halyk Bank-тенпәтерлер ұтыс ойынына қалай қатысуға болады?
Ұтыс ойынына әр адам қатыса алады және ол үшін 2020 жылғы 7 қыркүйектен бастап 20 желтоқсанға дейінгі аралықта келесі шарттарды орындау қажет:
№1 шарты. Келесі кредиттердің бірін ресімдеу қажет:
Homebank қосымшасында сомасы 200&nbsp;000 теңгеден асатын онлайн-кредитті ресімдеу. Филиалға бармай-ақ кредитті алу үшін сіз үйден шықпай Homebank қосымшасына тіркеліп, тегін жеткізілетін Halyk Bonus картасына тапсырыс бере аласыз. Halyk Bank картасымен сізге аптасына 7 күн, 5 минут ішінде онлайн-кредит қолжетімді;
Homebank қосымшасы арқылы Sulpak, Technodom және Alser дүкендерінде сомасы 200 000 теңгеден асатын онлайн-бөліп төлеумен тауар сатып алу қажет. Қазіргі уақытта біздің серіктестеріміздің желісінде баршаға танымал «0-0-24» бағдарламасы жұмыс істейді, бұл арқылы сіз өзіңізге қажетті тауарды 24 ай ішінде пайызсыз және артық төлемсіз бөліп төлеумен сатып ала аласыз;
Halyk Bank-тің кез келген бөлімшесінде сомасы 500&nbsp;000 теңгеден асатын кепілсіз кредит;
Жылжымайтын мүлікті кепілге қою арқылы кезек күттірмейтін мұқтаждықтарға сомасы 1&nbsp;000&nbsp;000 теңгеден асатын кредит, соның ішінде «7-20-25 ипотекасы», «Баспана-ХИТ ипотекасы» мемлекеттік бағдарламалар бойынша ипотекалық кредит.
№2 шарты. Homebank–те қызметтерді төлеу:
Ұтыс ойынына қатысу үшін Homebank қосымшасында 2020 жылдың қыркүйек айынан желтоқсан айына дейін, әр айдың 20-сы күніне дейін, 1000 теңгеден кем емес кез келген қызметті: коммуналдық төлемдер, ұялы байланыс, Интернет, салықтар, айыппұлдар және тағы басқа қызметтердің төлемін жүргізу керек. Төлемдерді жасау комиссиясыз. Естеріңізге сала кетейік, аталған қызметтерді төлей отырып, Банк клиенттері төлем сомасынан кепілдендірілген 1% бонус алады.
<blockquote>
 «Акцияның барлық шарттарын орындау арқылы сіз автоматты түрде «Хан-Тәңірі»тұрғын үй кешеніндегі пәтердің ай сайынғы ұтыс ойынына қатысу мүмкіндігіне ие боласыз. Бір рет кредит алып, Homebank-тегі қызметтер үшін ай сайынғы төлемдерді төлей отырып, сіз ай сайын пәтердің ұтыс ойынына қатысасыз», – деді Halyk Bank басқарма төрағасының орынбасары Жұмабек Мамутов.
</blockquote>
Ұтыс ойыны әр айдың соңында өткізіледі. Жеңімпаздар Halyk Bank-тің әлеуметтік желідегі ресми парақшасында, кездейсоқ сандарды таңдау әдісіменанықталады.
Бірегей мүмкіндікті пайдалануға асығыңыз! Кредитті неғұрлым ерте алсаңыз, Алматыда пәтер ұтып алу мүмкіндігіңіз соғұрлым көбірек болады.
Акция, ұтыс ойындары және жеңімпаздар туралы соңғы жаңалық Halyk Bank-тің <a href="https://instagram.com/halykbank.kz?igshid=1sfzg6v4sfggp">Instagram</a> және <a href="https://m.facebook.com/halykbank/?tsid=0.7999718964277825&source=result">Facebook</a> аккаунттарында жарияланады.
Акция туралы толық ақпарат Halyk Bank-тің ресми <a href="https://halykbank.kz/kz/credit/apartment?utm_source=pr-region-kaz&utm_medium=pr-region-kaz&utm_campaign=3apartments">сайтында</a>.

Halyk Bank-тен пәтерлер ұтыс ойыны

<a href="https://kyzylorda-news.kz/date/2020/09/16/">Kyzylorda-news.kz.</a> Жалағаш аудандық «Жалағаш жаршысы» газетінің бас редакторы лауазымына Қайрақбаев Кенжетай Балғабайұлы тағайындалды.
Қайрақбаев Кенжетай Балғабайұлы 1991 жылғы 10 қарашада Жалағаш ауданы, Есет батыр ауылында дүниеге келген.
Қорқыт ата атындағы Қызылорда мемлекеттік университетін филология мамандығы бойынша бітірген.
Еңбек жолын 2015 жылы Қызылорда қалалық «Ақмешіт апталығы» газетінде тілші болып бастаған. 2016-2017 жылдары облыстық «Сыр бойы» газетінде жауапты хатшының көмекшісі, тілші болып еңбек етті. 2017 жылдың шілдесінен осы уақытқа дейін Жалағаш аудандық «Жалағаш жаршысы» газеті бас редакторының орынбасары қызметін атқарып келді.
Кенжетай Балғабайұлы – Қазақстан Республикасының Журналистер одағының мүшесі. Аудандық, облыстық, республикалық жыр мүшәйраларының жүлдегері. Жалағаш ауданы әкімінің «Жалын жастар» сыйлығымен және облыс әкімінің үздік журналистерге берілетін «Ұшқыр қалам» аталымдарымен марапатталған.
<img src="https://kyzylorda-news.kz/wp-content/uploads/2020/09/1561801730_cfqn.jpg" alt="" />

Қазақстан және Қызылорда облысының жаңалықтары