<a href="https://kyzylorda-news.kz/">Kyzylorda-news.kz.</a>Парацетамолдан басқа ыстықты басатын 44 дәрі Қазақстан ұлттық сараптама орталығы мемлекеттік реестрге тіркелген, ыстықты басатын дәрілер тізімін жариялады. Бұл дәрілердің құрамында парацетамол бар, сондықтан оларды қазір дәріханаларда тапшы парацетамолдың орнына ішуге болады.
Тізімде 44 дәрі бар: 
• “Колдрекс актив” – ішуге арналған ұнтақ; 
• “Фасторик” – ішуге арналған түйіршіктелген ұнтақ; 
• “Ценипар экстра” – таблетка; 
• “ТераФлю Макстаб” – таблетка; 
• “Цефекон” – тік ішектік суппозиторий; 
• “Парамолан” – тік ішектік суппозиторий; 
• “Детский панадол” – балаларға ішуге арналған суспензия; 
• “Панадол экстра” – таблетка; 
• “Антифлу” – таблетка; 
• “Антифлу Кидс” – таңқурай дәмі бар ұнтақ; 
• “Колдрекс Юниор Хот Дринк” – ішуге арналған ұнтақ; 
• “Ин-грипп” – ішуге арналған ұнтақ; 
• “День и ночь” – таблетка; 
• “Гриппостад С Стик” – ішуге арналған гранула; 
• “Агриппин” – таблетка; 
• “Тайлол 6 Плюс” – суспензия; 
• “Эффералган” – ішуге арналған ерітінді, көпіршікті таблетка, тік ішектік суппозиторий; 
• “Флюкол-С” – таблетка; 
• “Комбигрип” – таблетка; 
• “МаксиГриппин” – ішуге арналған арналған ұнтақ; 
• “МаксиГриппин для детей” – балаларға арналған көпіршікті таблетка; 
• “Цитрамон П” – таблетка; 
• “Фервекс” – ішуге арналған ұнтақ; 
• “Ректол-125”, “Ректол-250” – тік ішектік суппозиторий; 
• “Аскофен” – таблетка; 
• “Нолгрипп” – таблетка; 
• “Суыктимицин” – капсула; 
• “КМ-парацетофит” – суппозиторий; 
• “Парацетамол Роутек” – инфузияға арналған ерітінді; 
• “ОРВИколд” – ішуге арналған ұнтақ; 
• “БоксГрипал” – ішуге арналған ұнтақ; 
• “ГриппоФлю” – ішуге арналған ұнтақ; 
• “Танфлекс” – ішуге арналған ұнтақ; 
• “Грипго” – таблетка; 
• “Парацетамол Вива Фам” – тік ішектік суппозиторий; 
• “Терафлю” – ішуге арналған ұнтақ; 
• “Колдфри” – таблетка; 
• “Парацетамол Б. Браун” – инфузияға арналған ерітінді; 
• “Ринза” – таблетка; 
• “Гриппостад” – капсула; 
• “Тайлолфен хот” – ішуге арналған ұнтақ; 
• “Стопгрипан – лимон” – ішуге арналған ұнтақ; 
• “Цитрик” – ішуге арналған ұнтақ; 
• “Солпадеин Актив” – таблетка.
<a href="https://massaget.kz/layfstayl/Zdorove/62610/">massaget.kz</a>

Парацетамолдан басқа ыстықты басатын 44 дәрі

<a href="https://kyzylorda-news.kz/">Kyzylorda-news.kz.</a> Қазір ел ішінде белең алған індет – ковидтық пневмония. Ал елімізде бұған дейін тіркеліп жүрген пневмония – қазан мен наурыз айларының аралығында өршиді. Бұл иммунолог дәрігер Рафаил Розенсон айтты.
Маман пневмония мен коронавирустық инфекцияның ара-жігін ажыратып, бірнеше айырмашылықты атады. Мәселен, әдеттегі пневмония кезінде тыныс алу жолдарында вирустың жалғыз ошағы пайда болатын көрінеді. Ал коронавирустық инфекция жұқтырған адамда дөңгелек пішінді бірнеше ошақ тіркеледі екен. Әрі оларды рентген арқылы анықтау оңай емес. Екеуінің емдеу тәсілдерінде де айырмашылық бар дейді маман.
“Коронавирус – респираторлы белгілері бар, тыныс алу жолдарына әсер ететін инфекция. Жәй пневмонияны емдеуге болады. Бұл процесс бізде жолға қойылған әрі бізде антибиотиктер өте көп. Оларды қолдану арқылы нәтижені бірден сеземіз. Ал коронавирустық инфекция кезінде дәрі-дәрмектің күші айтарлықтай әсер етпейді. Әсер еткен күннің өзінде оны ұзақ күтуге тура келеді. Ковидтік пневмония иммунитетті айтарлықтай төмендетеді. Оған қарсы күресуі тиіс лимфоциттерге кері әсер етеді. Бастысы, адамның өкпесі қабынып, тыныс алуы қиындай түседі”,- дейді иммунолог Рафаил Розенсон.
<a href="https://24.kz/kz/zha-aly-tar/bylu-manyzdy/item/406622-d-riger-koronavirus-pen-pnevmoniyany-ajyrmashyly-yn-salystyrdy">“Хабар 24”</a>

Дәрігер коронавирус пен пневмонияның айырмашылығын салыстырды

<a href="https://kyzylorda-news.kz/">Kyzylorda-news.kz.</a> Бүгін Қызылорда облысы әкімі Гүлшара Әбдіқалықованың өңір жұртшылығына коронавирусқа қарсы күрес шаралары тақырыбында үндеуі жарияланды.
Өңір басшысы вирустың аймақ экономикасына әсер етіп, денсаулық сақтау саласының қалыпты жүйесін өзгерткенін айтты.
<blockquote>
 «Инфекциялық аурулардың ағымын алдын-ала дәл болжап білу мүмкін емес. Дегенмен, алғашқы күндерден вирусқа қарсы арнайы шаралар қабылданды. Қатаң бірлескен тәртіптің арқасында індеттің алғашқы легін тежей алдық. Алайда, экономикалық-әлеуметтік қажеттіліктен қатаң шектеулерді жеңілдеттік. Соның негізінде тұрғындар арасында санитарлық талаптарды ескермеу белең алды. Вирустың барына сенбеушілік көбейіп, оқшауланудан шығып, көпшілік бас қосулар жиіледі. Індетті жұқтырғандардың саны бүгінгі күні 1379 жетті. Оның ішінде 897 адам дерттен айықты. Короновирус инфекциясы анықталған азаматтармен қарым-қатынаста болған 7929 адам біздің бақылауымызда болды. 56 277 сынама тест алынды. Өкінішке қарай, денсаулық сақтау министрлігі жанындағы арнайы комиссияның шешімімен екі науқастың короновирустан қайтыс болғаны анықталды.Сондықтан барлық мүмкіндіктер жұмылдырылып індеттің одан әрі тарауын шектеу жұмыстары атқарылуда», – деді облыс әкімі Гүлшара Әбдіқалықова.
</blockquote>
Өңірімізде инфекциялық стационарда – 515, провизорлық стационарда – 1670 төсек орын дайындалған. Сондай-ақ, инфекциялық стационарда – 200, 
провизорда – 1257 науқастар емделуде.
&nbsp;Облыста барлығы 76 жасанды өкпені желдету аппараты бар. Маусым айында қосымша 20 портативті өкпені желдету аппараты алынып, дәл осындай құрылғының 63-не Қазақстан Республикасы Денсаулық сақтау министрлігіне сатып алу туралыөтінім жолданған. Сондай-ақ, бүгінгі күні облыстық медициналық мекемелерде 5 компьютерлік томография жұмыс істейді. Қажеттілікке байланысты тағыда осындай 2 аппарат алу жоспарлануда.
Өңірде маусым айында пневмония дертінің асқынуына байланысты үйде ем алушыларға қосымша көмек беру мақсатында дәрігерлік мобильдік топтар құрылып, әкімдіктің қызметтік автокөліктері берілген.
Облыс әкімі Гүлшара Әбдіқалықова мемлекеттік Бас санитарлық дәрігердің қаулысына сәйкес өңірде жаңа шектеулер енгізілетінін айтты.
<blockquote>
 «Тиісті шаралар бұқаралық ақпарат құралдары, әлеуметтік желілер арқылы сіздерге хабарланады.Бұл профилактикалық шаралар короновирустың кең таралуын барынша азайтуға, тұрғындардың өмірі мен денсаулығын сақтауға мүмкіндік береді. Өңірімізде енгізілетін шектеулерге түсіністікпен қарап, қолдауға шақырамын. Біз «бір жеңнен қол, бір жағадан бас шығарып» сақтық шараларын қолдансақ қана бұл жұмыстар нәтижелі болады. Әрқайсымыз жақындарымызға жанашыр болып, ынтымақ пен бірліктің арқасында індеттің бетін қайтарамыз», – деді облыс әкімі.
</blockquote>

Гүлшара Әбдіқалықова облыс тұрғындарына үндеу жолдады

<a href="https://kyzylorda-news.kz/">Kyzylorda-news.kz.</a> ҚР Ішкі істер министрі Ерлан Тұрғымбаев елімізде енгізілетін қатаң карантин шараларына байланысты қазақстандықтарға мәлімдеме жасады, деп хабарлайды Polisia.kz.
<blockquote>
 «Құрметті отандастар! Коронавирус инфекциясының таралуына байланысты Мемлекеттік комиссия 5 шілдеден бастап екі апталық ішінара шектеу енгізу туралы шешім қабылдады. Бұл шектеулер арқылы жекелеген шағын және орта бизнес санаттарының қызметін тоқтату, қоғамдық көліктердің жұмысын және адамдар көп баратын жерлерде азаматтардың жиналуын шектеу, сондай-ақ бұқаралық іс-шаралар өткізуге тыйым салу қарастырылған. Мұның бәрі инфекцияның таралуына жол бермеу үшін жасалады. Кәсіпорындар, азық-түлік дүкендері, дәріханалар, банктер және қысқартылған кесте бойынша ХҚО-лар жұмыс істейтін болады. Біздің азаматтарымыз қазақстандықтардың өмірі мен денсаулығын сақтауға бағытталған санитарлық және алдын алу шараларын қатаң сақтайтынына сенімдімін. Осы кезеңде ішкі істер органдары қызмет өткерудің ерекше режиміне көшірілетін болады. Осыған байланысты, Ішкі істер министрлігі азаматтарды әлеуметтік қашықтық пен маска режимін сақтауға, көп адам шақырылатын іс-шаралар өткізбеуге және өздерінің байланыстарын азайтуға шақырады», – деді министр.
</blockquote>
Сондай-ақ Е.Тұрғымбаев полицейлер денсаулық сақтау органдары мен санитарлық-эпидемиологиялық қызметтерге коронавирустың таралу ошақтарын оқшаулау, шектеу шараларын қамтамасыз ету бағытында жан-жақты көмек көрсетуді жалғастырады.
<blockquote>
 «Сонымен қатар, тек қана ресми ақпарат көздеріне ғана сену маңызды. Көрінеу жалған мәліметтердің авторлары мен таратушылары анықталып, жауапкершілікке тартылатын болады. Енгізілетін шектеулердің тиімділігі әрқайсымыздың жеке жауапкершілігімізге байланысты. Тек бірлескен күш-жігер, шыдамдылық пен түсіністік көрсете отырып, қызмет атқарып жүрген медицина қызметкерлері мен полицейлерге қолдау көрсете аламыз. Біз бұл қатерге бірлесе қарсы тұрғанда ғана азаматтарымыздың қауіпсіздігін қамтамасыз етіп, денсаулықтарын сақтап қаламыз!», – деді ведомство басшысы.
</blockquote>

ҚР ІІМ басшысы қатаң карантинге байланысты мәлімдеме жасады

<a href="https://kyzylorda-news.kz/">Kyzylorda-news.kz.</a> Денсаулық сақтау министрлігі емханалар жанынан құрылатын мобильді бригадалардың қызметі халыққа тегін болатынын мәлімдеді, деп хабарлайды министрліктің баспасөз қызметі.
<blockquote>
 «Бұл (мобильді топтар) – халыққа тегін көрсетілетін жедел жәрдемнің жаңа қызметі. Мемлекет әр шақырту бойынша МӘМС (Міндетті әлеуметтік-медициналық сақтандыру) қоры арқылы төлейтін болады. Олар науқастармен байланыста болғандардан және симптомы барлардан COVID-19-ға ПТР-тест алады», – деді министрліктен.
</blockquote>
Мәлім етілгендей, мобильді бригадалар емханалар жанынан құрылған. Қызметі – коронавирус симптомы бар және пневмониямен ауырғандарды, сондай-ақ стационарда емделіп шыққан науқастарды бақылау.
<blockquote>
 «Сонымен бірге мобильді топтар созылмалы ауруы бар адамдарды, жүкті әйелдер мен балаларды үйінде бақылайтын болады. Мобильді бригадалардың қызмет төлемін Міндетті әлеуметтік-медициналық сақтандыру қоры жүргізеді. Әр шақырту үшін емханаларға 5400 теңге аударылады. Мобильді топтардың қызметкерлері жеке қорғаныс құралдарымен, пульсоксиметрлермен және басқа да керек-жарақпен қамтамасыз етіледі», – делінген хабарламада.
</blockquote>

5400 теңге тұратын мобильді топ қызметі халыққа тегін болады –министрлік жауабы

<a href="https://kyzylorda-news.kz/">Kyzylorda-news.kz.</a> ҚР Бас мемлекеттік санитарлық дәрігерінің 5 шілдеден бастап Қазақстан аумағында қатаң карантин шараларын енгізу туралы қаулысы жарияланды.
Қазақстан Республикасының халқы арасында COVID-19 коронавирустық инфекциясының таралуының алдын алу мақсатында «Пайда болу және таралу қаупі төнген кезде шектеу іс-шаралары, оның ішінде карантин енгізілетін инфекциялық аурулар тізбесін бекіту туралы» Қазақстан Республикасы Ұлттық экономика министрінің 2015 жылғы 25 ақпандағы № 130 бұйрығына және «Қазақстан Республикасының аумағында шектеу іс-шараларын, оның ішінде карантинді жүзеге асыру қағидаларын бекіту туралы» Қазақстан Республикасы Ұлттық экономика министрінің 2015 жылғы 20 наурыздағы № 239 бұйрығына сәйкес ҚАУЛЫ ЕТЕМІН:
<ol>
<li>Қазақстан Республикасы Индустрия және инфрақұрылымдық даму министрлігі авиарейстердің бағыттары мен жиілігін көбейтпей, өңірлер арасындағы авиақатынастарды сақтауды қамтамасыз етсін.</li>
<li>Қазақстан Республикасы Индустрия және инфрақұрылымдық даму министрлігі, «Қазақстан темір жолы» ұлттық компаниясы» акционерлік қоғамы: 
1) жолаушылардың темір жол тасымалы көлемін қысқартуды қамтамасыз етсін; 
2) қала маңындағы жолаушылар поездарының (электричка, жұмыс поездарын қоспағанда) қозғалысын тоқтата тұрсын; 
3) жолаушылар поездарының құрамында жалпы вагондарды құруды болдырмасын.</li>
<li>Облыстардың, Алматы, Нұр-Сұлтан, Шымкент қалаларының әкімдері, Орталық мемлекеттік органдар, құқық қорғау және арнайы органдар : 
1) қалааралық автобус тасымалдарын тоқтата тұруды; 
2) ойын-сауық, спорттық іс-шараларды, көрмелер, форумдар, конференциялар, сондай-ақ отбасылық, естелік іс-шараларын (банкеттер, үйлену тойлары, мерейтойлар, ас беру), оның ішінде үйде және адамдар көп жиналатын өзге де іс-шараларды өткізуге тыйым салуды; 
3) азық-түлік супермаркеттері мен олардағы дәріханаларды қоспағанда, сауда-ойын-сауық орталықтарының, сауда үйлерінің, сауда желілерінің қызметіне тыйым салуды; 
4) ойын-сауық мекемелерінің (караоке, бильярд, компьютер клубтары, түнгі клубтар, боулинг орталықтары, аттракциондар, балалардың ойын алаңдары, батуттар және басқалары), кинотеатрлардың қызметіне тыйым салуды; 
5) барлық мәдениет объектілерінің (театрлар, концерт ззалдары, мұражайлар, көрмелер және т.б.) қызметіне тыйым салуды; 
6) діни объектілердін (мешіттер, шіркеулер, соборлар, синагога және т.б.) қызметін тоқтата тұруды; 
7) балаларды сауықтыру лагерьлерінің, мектепке дейінгі балалар мекемелерінің, балалардың түзету кабинеттерінің, білім беру орталықтарының, балаларды дамыту орталықтарының, үйірмелердің, балалар мен ересектерге арналған курстардың қызметіне тыйым салуды; 
8) фудкорттар, банкет залдарының қызметіне тыйым салуды; 
9) СПА-орталықтардың, жаттығу залдарының, фитнес-орталықтардың, спорттық-сауықтыру орталықтарының, бассейндердің, қалалық, қоғамдық жағажайлардың, ашық аквапарктердің, қоғамдық моншалардың, сауналардың, сұлулық салондарының, шаштараздардың, косметикалық және косметологиялық қызмет көрсететін орталықтар мен салондардың қызметіне, маникюр мен педикюр көрсетілетін қызметтеріне тыйым салуды; 
10) жабық азық-түлік және азық-түлік емес базарларының қызметіне тыйым салуды; 
11) 500 м2 артық азық-түлік емес дүкендердің тек жеткізу қызметін; 
12) 65 жастан асқан тұрғындардың және 3 адамнан артық топтардың жүріп-тұруын шектеуді; 
13) қоғамдық көліктің қозғалысын шектеуді; 
14) өңірлер арасында жеке автокөліктің жүріп-тұруына рұқсат беруді; 
15) әлеуметтік қашықтықты және күшейтілген санитариялық-дезинфекциялық режимді сақтай отырып, мемлекеттік органдардың (ұйымдардың, кәсіпорындардың), квазимемлекеттік сектор органдарының, ұлттық компаниялардың, өзге де ұйымдардың, сондай-ақ кәсіпкерлік субъектілерінің қызметіне рұқсат беруді қамтамасыз етсін. Бұл ретте қызметкерлердің кемінде 80%-ы қашықтықтан жұмыс нысанында қалады (штат кестесінде 30-дан астам қызметкер болғанда); 
16) аймаққа бөлу және күшейтілген санитариялық-дезинфекциялық режим талаптарын сақтай отырып, медициналық орталықтардың (жазылу бойынша) қызметіне рұқсат беруді; 
17) күшейтілген санитариялық-дезинфекциялық режимді сақтай отырып және 50 % -нан асырмай толтыра отырып, халықтың тұруы бойынша қызмет көрсету саласындағы туризм объектілері мен ұйымдарының (қонақүйлер, отельдер, демалыс үйлері, туристік базалар және т.б.) қызметіне рұқсат беруді; 
18) күшейтілген санитариялық-дезинфекциялық режимді сақтай отырып дәріханалардың, азық-түлік дүкендерінің (шағын маркеттер, супермаркеттер, гипермаркеттер), азық-түлік және азық-түлік емес базарлардың (ғимараттан тыс) қызметіне рұқсат беруді; 
19) күшейтілген санитариялық-дезинфекциялық режимді сақтай отырып, ұжымдық іс-шараларды өткізбей, ашық ауадағы және үй-жайда 30-дан аспайтын отыратын орын орната отырып, қоғамдық тамақтану объектілерінің қызметіне рұқсат беруді; 
20) күшейтілген санитариялық-дезинфекциялық режимді сақтай отырып, үздіксіз өндірістік циклі бар өнеркәсіптік кәсіпорындардың; ашық ауадағы құрылыс жұмыстарының, ауыл және балық шаруашылығының, мал шаруашылығының қызметіне рұқсат беруді; 
21) күшейтілген санитариялық-дезинфекциялық режимді сақтай отырып, уақыт бойынша шектеу арқылы халыққа байланыссыз қызмет көрсету объектілерінің (автомобиль жуу, автомобильдерді, тұрмыстық техниканы жөндеу және басқалары) қызметіне рұқсат беруді; 
22) уақыт бойынша шектеу арқылы және күшейтілген санитариялық-дезинфекциялық режимді сақтай отырып, бизнес-орталықтардың (адвокат, нотариус, бухгалтер және консалтинг көрсетілетін қызметтері, жылжымайтын мүлік жөніндегі агенттіктер, жарнама агенттіктері, сот орындаушылары және т.б.), букмекер кеңселерінің қызметіне рұқсат беруді; 
23) күшейтілген санитариялық-дезинфекциялық режимді сақтай отырып, уақыт бойынша шектеу және қызметті барынша онлайн форматта көрсету арқылы ХҚКО-ның жұмысын ұйымдастыруды; 
24) күшейтілген санитариялық-дезинфекциялық режимді сақтай отырып, уақыт бойынша шектеу және қызметті барынша онлайн форматта көрсету арқылы «Қазпочта» АҚ-ның жұмысын ұйымдастыруды; 
25) әлеуметтік қашықтықты сақтай отырып, 3 адамнан аспайтын топтармен немесе бір отбасы мүшелерімен ойын-сауық объектілері жоқ саябақтарға, алаңдар мен скверлерге, жағалауларға және халықтың басқа да демалыс орындарына баруға рұқсат беруді; 
26) ашық ауадағы жеке жаттығуларға рұқсат беруді; 
27) қоғамдық көлікке, таксиге, өнеркәсіптік аумақтарға, әуежайларға, аулалық балалар алаңдарына, азық-түлік және азық-түлік емес базарларға және басқа да қоғамдық орындрға санитариялық және дезинфекциялық өңдеу жүргізуді; 
28) Қазақстан Республикасы Ұлттық Банкінің және Қазақстан Республикасы Қаржы нарығын реттеу және дамыту агенттігінің актісіне сәйкес уақыты және саны бойынша шектей отырып, қаржы нарығы субъектілерінің қызметіне рұқсат беруді қамтамасыз етсін.</li>
<li>Облыстардың, Алматы, Нұр-Сұлтан, Шымкент қалаларының әкімдері, облыстардың, Алматы, Нұр-Сұлтан, Шымкент қалаларының тауарлар мен көрсетілетін қызметтердің сапасы мен қауіпсіздігін бақылау департаменттері, облыстардың, Алматы, Нұр-Сұлтан, Шымкент қалаларының полиция департаменттері қызметіне рұқсат берілген объектілерде карантиндік шаралардың, санитариялық-дезинфекциялық режимнің сақталуын бақылауды қамтамасыз етсін. Бұзушылықтар анықталған жағдайда Әкімшілік құқық бұзушылық туралы кодекске сәйкес тиісті әкімшілік шаралар қолдансын.</li>
<li>Тиісті аумақтағы, көліктегі бас мемлекеттік санитариялық дәрігерлер, Қазақстан Республикасы Қорғаныс министрлігінің, ұлттық қауіпсіздік және ішкі істер органдарының, Қазақстан Республикасы Президентінің Іс Басқармасы ведомствосының халықтың санитариялық-эпидемиологиялық саламаттылығы саласындағы қызметті жүзеге асыратын құрылымдық бөлімшелерінің басшылары қалыптасқан эпидемиологиялық жағдайға байланысты карантиндік шараларды қатаңдату туралы шешім қабылдауға құқылы.</li>
<li>Осы қаулының орындалуын бақылауды өзіме қалдырамын.</li>
<li>Осы қаулы 2020 жылғы 5 шілдеде 00 сағат 00 минуттан бастап күшіне енеді.</li>
</ol>

Ел аумағына қатаң карантин режимін енгізу бойынша Бас санитар дәрігердің қаулысы

Кейінгі уақытта менің достарымның, жақындарымның және туыстарымның көбісі коронавируспен ауырып жатыр. Олардың көбінде инфекция жеңіл түрде өтуде. Араларында ауыр жағдайда жан сақтау бөлімінде болғандары да бар. Ауру дендеп, күн санап науқастар саны көбейіп жатыр. Ақыр соңында көптеген адам коронавирустың ойдан шығарылмағанын, шындық екенін түсінгендей.
Алмаз Шарман, медицина ғылымының профессоры
Әрине, кейбіреулер маған дәрігер ретінде кеңес алу үшін жүгінеді. Мен оларға міндетті түрде маска тағуды, әрдайым қолды жуып, арақашықтықты сақтауды айтамын. Ең дұрысы, үйде отырып, барлық қарым-қатынасты шектеген жөн.
Инфекция жұқтырған жағдайда ең алдымен отбасы мүшелерінен және басқа адамдардан оқшауланған абзал. Сондай-ақ, инфекция жұқтырғандарға мүмкіндігінше лимон қосылған жылы суды көп ішіп, ауыз және мұрын қуысын жиі жуып-шайып тұруды ұсынамын. Бұл вирустың ағзадағы концентрациясын төмендету үшін қажет, ол неғұрлым жоғары болса, айналадағыларға вирусты жұқтыру және асқынулар соғұрлым жоғары болады.
Коронавирус инфекциясының симптомдары пайда болған кезде асқынудың алдын алу үшін дәрігерлердің нұсқауын қатаң сақтау керек. Егер жоғары температура, әлсіздік, тұмау мен жөтел сияқты симптомдар сақталса, онда оқшаулануды тоқтатпау керек.
Коронавирустың көптеген дене мүшелеріне әсер етіп, қабынуды, қанның ұюын, жүрек, неврологиялық және басқа жүйелік бұзылыстарды тудыратыны белгілі. Коронавирустың негізгі көрінісі – өкпенің қатерлі қабынуына әкеп соғатын вирусты пневмония. Әдетте оны көкірек қуысына компьютерлік томография жасау арқылы анықтайды. Менің әріптесім, біраз жыл ЖИТС-пен қарсы күрестің жаһандық бағдарламасын басқарған әйгілі бельгиялық профессор Питер Пиот коронавирус инфекциясының ауыр түрімен ауырды. Оның айтуынша, бұл аздап әлсіздік пен құрғақ жөтелден басталып, арты ауыр пневмонияға ұласқан көрінеді. Бақытына орай, дәрігерлер оның өмірін құтқарып қалды.
Айта кететін жайт, ауру өкпенің толық зақымдануына әкеліп, көбіне өліммен аяқталады. Жақында Чикагодағы америкалық дәрігерлер коронавирус инфекциясы бар жас пациенттің қос өкпесін трансплантациялады. Науқастың аурудан зардап шеккені сонша, оның өмірін сақтап қалудың жалғыз жолы осы болатын. Он сағаттық күрделі операциядан соң, науқас өзін жақсы сезіне бастаған.
Коронавирус пандемиясы туралы айтқанда, басты назарды вирусты жұқтырғандарға және инфекциядан қайтыс болған адамдардың санына аударады. Ал аурудан айыққандар жайлы сирек айтылады. Қазіргі кезде әлемде коронавирустан миллионнан астам адам жазылып шықты. Қазақстанда 10 мыңнан асты.
Олар коронавирустан толығымен айыға ала ма? Алдында науқастар сауығып кеткеннен кейін де, біраз уақытқа дейін олардан коронавирус анықталатыны жайлы ақпарат болған еді. Жақында Оңтүстік Кореяда жасалған зерттеу нәтижесінде, бұл фрагменттер өлі вирустың бөлшектері екенін көрсетті. Яғни, иммун жүйесі ағзадағы коронавирусты тазартуға қабілетті.
Әйтсе де адамдар бұл індеттен айығып шыққанмен, коронавирустың салдары орасан зор. Кейбір адамда өкпенің, жүректің, бүйректің және де басқа мүшелердің бұзылыстары сақталады, ал бұл ұзақ мерзімді емдеуді қажет етеді. Аурудан айыққандар әлі де әлсіздікке, ентігуге, ес сақтау қабілетінің жоқтығына, иістерді ажыратудың нашарлығына шағымданады екен.
Алаңдайтын ең негізгі нәрсе – өкпе фиброзы. Қарапайым тілмен айтқанда, бұл өкпедегі тыртықтар. Мұндай тыртықтар өкпенің толық тыныс алу мүмкіндігін шектейді.
Келесі жазбаларымда мен дұрыс тыныс алудың аурудан айықаннан соң қалпымызға келуге, өкпе, жүрек, жүйке және басқа да дене мүшелерінің ауруларының алдын алу үшін маңызы туралы айтамын. Біздің тыныс алуымыз күйзелісті жеңуді, өмір сапасы мен ұзақ өмір сүруді қамтамасыз ету үшін шешуші рөл атқарады.
<a href="https://massaget.kz/layfstayl/Zdorove/62609/">Massaget.kz</a>

Алмаз Шарман: Коронавирус инфекциясының зардабы қандай?

1932 жылы қазақ зиялылары – Ғ.Мүсірепов, М. Ғатаулин, Е. Алтынбеков, М. Дәулетқалиев, Қ. Қуанышев БК (б) П Қазақ өлкелік комитетінің бірінші хатшысы Ф. Голощкинге хат (бесеудің хаты) жолдады. Бастапқыда хат И. Сталинге арнап жазылған болатын.
1969 жылы Жамбыл облысының Мойынқұм ауданында кездейсоқ жағдайда «Ақбақай» алтын кен орны ашылды. Танымал қазақстандық геолог, Мойынқұм тумасы Дүйсенәлиев туған жерінде жүріп, сарышұнақтың інінен сары түсті тасты байқап қалды.
1992 жылы Қазақстан Республикасы Халықаралық валюта қорына, Халықаралық қайта құру және даму банкіне, Халықаралық қаржы корпорациясына, Халықаралық даму қауымдастығына, Инвестициялар кепілдігінің көпжақты агенттігіне және Инвестициялық дауларды реттеу жөніндегі халықаралық орталыққа мүшелікке өтті.
1996 жылы Қытай Халық Республикасының бұрынғы Төрағасы Цзян Цзэминь тұңғыш ресми сапармен Қазақстанға келіп, Елбасы Нұрсұлтан Назарбаевпен кездесті. Кездесу барысында екі ел арасындағы бірлескен декларацияға қол қойылды.
1999 жылы Байқоңыр ғарыш айлағында зымыранның жоғары сатысы «Бриз-М» жүрдек блогы бар «Протон» ауыр зымыранының бірінші ұшырылуы өтті.
2011 жылы елдің Ұлттық банкі құны 10 000 теңгелік естелік банкнотын айналымға шығарды.
2014 жылы Алматыда физика-математика бағытындағы бірінші Назарбаев зияткерлік мектебі ашылды.
2015 жылы Түркиядағы Қазақстан елшілігінде «Экоевразия» түрік экономикалық қоғамдастығының қауымдастығы Елбасы Нұрсұлтан Назарбаевқа өңірлік интеграция және халықтар достастығының дамуына қосқан үлесі үшін «Еуразияның жыл адамы» марапаты берілетіндігін хабарлады.

4 шілде: Атаулы күндер мен оқиғалар

<a href="https://kyzylorda-news.kz/">Kyzylorda-news.kz</a> ақпараттық агенттігінің 4 шілдеге арналған жұлдыз-жорамалы.
Тоқты
Сабырлы және тиянақты болсаңыз, күніңіз сәтті өтеді. Болмашыға жүйкеңізді жұқартпаңыз. Сондай-ақ жұмыс барысында жалқаулық танытып, шаруалардың барлығын ертеңге қалдырмаңыз. Әріптестеріңізбен немесе серіктестермен келіспеушіліктер орын алуы мүмкін.
Торпақ
Өзіңізді көп шаршатпаңыз. Жұмыс көп, барлығын дер кезінде орындап тастағыңыз келеді, кейінге қалдырғыңыз жоқ. Дегенмен күш-қуатыңызды сарп етпегеніңіз жөн. Маңызды мәселелерді түстен кейінгі уақытқа қалдырыңыз.
Егіздер
Бүгінгі күн қиын тапсырмаларды орындауға және жаңа жұмысты қолға алуға өте қолайлы күн. Дәл қазіргі сәтте жұмысты неден бастау қажет екенін және мақсатқа қалай тез жетуге болатынын білесіз. Көп жұмыс істеуіңізге тура келеді.
Шаян
Маңызды шаруаларға ғана ой бөліңіз. Болмашыға бола жүйкеңізді жұқартпаңыз. Сонда ғана сіз күніңізді сәтті өткізіп, табысты боласыз. Уайым, алаңдаушылық жұмысыңыз түгіл күнделікті шаруаның өзін атқаруға кедергісін келтіреді. &nbsp;
Арыстан
Бірлесіп жасаған шаруа қызықты, әрі пайдалы болмақ. Осы жұмыс арқылы болашағыңыз жарқын болатынына сеніңіз. Маңызды ақпараттарға қол жеткізіп, тәжірибелі адамдардан ақыл-кеңес аласыз.
Бикеш
Бүгін ұстамдылық және салқынқандылық танытуыңыз қажет. Эмоцияға берілмеңіз, сонда ғана қателіктердің алдын аласыз. Кешке қарай арқаны кеңге салып, достармен басқосуға болады. Романтикалық кеш ұйымдастыруға да әбден болады.
Таразы
Өз қалауыңыз бойынша жүресіз. Еркіндікті қалайсыз. Сондықтан өз бетіңізше әрекет етіп, өз күшіңізбен қаражат тапқанды жөн санайсыз. Ешкімнің көмегіне жүнгінгіңіз келмейді, сондай-ақ ешкімнен қаржылық қолдау да күтпейсіз.
Сарышаян
Жақындарыңызбен әңгіме-дүкен құруға таңертеңгілік уақыт тиімді болмақ. Бұл мағынасыз, жөнсіз әңгіме болуы мүмкін. Алайда ол сіздің көңіл-күйіңізді көтеретін болады. Сондықтан әңгімені соңына дейін тыңдап, барынша көмек көрсетуге тырысыңыз.
Мерген
Бүгін қызықты танысулар орын алады. Сіз өзіңізге және достарыңызға ұқсамайтын жанмен таныс боласыз. Онымен тез тіл табысу мүмкін болмайды. Дегенмен оның өміріңізде орын алуы кездейсоқтық емес екенін ұғасыз. Бүгін сәттілік серігіңізге айналады.
Тауешкі
Маңызды сауалдарға жауап табуыңыз қажет. Бұл сізге оңайға соқпайды. Бірінші сәтсіздіктен кейін салыңыз суға кетпесін. Мәселені шешуге талпыныңыз. Соңында бұл оң нәтиже берері анық. Сіз өз дегеніңізге жетесіз. Өз күшіңізге сеніңіз.
Суқұйғыш
Жағымды жаңалыққа толы күн. Жұмыста сәттілік серігіңіз болып, жұмысыңыз іш пыстырмайды. Көптен бері көрмеген таныстарыңызбен жолығып, әңгіме-дүкен құрасыз. Қаржыға қатысты шаруада сақ болғаныңыз жөн. Несие алуға асықпаңыз.
Балықтар
Сауда-саттық жасауға қолайлы күн. Сіз ақшаны қайда жарату керек екенін, қай кезде үнемдеуді жақсы білесіз. Жұмысқа қатысты аздаған мәселелер туындауы мүмкін. Алдағы күндерге жасаған жоспарыңызды өзгертуге тура келеді.

Жұлдыздар не дейді?

<a href="https://kyzylorda-news.kz/">Kyzylorda-news.kz.</a> ҚР Президенті Қасым-Жомарт Тоқаев мемлекеттік қызмет мәселелері бойынша заңнамаға өзгерістер мен толықтырулар енгізетін Заңға қол қойды, деп хабарлайды Ақорданың баспасөз қызметі.
<blockquote>
 «Мемлекет басшысы «Қазақстан Республикасының кейбір заңнамалық актілеріне мемлекеттік қызмет мәселелері бойынша өзгерістер мен толықтырулар енгізу туралы» Қазақстан Республикасының Заңына қол қойды. Заңның мәтіні баспасөзде жарияланады», – делінген Ақорда сайтында.
</blockquote>

Мемлекеттік қызмет мәселелері бойынша заңнамаға өзгерістер мен толықтырулар енгізілді

<a href="https://kyzylorda-news.kz/">Kyzylorda-news.kz.</a>Бүгін Халықаралық Түркі академиясының ұйымдастыруымен Ұлттық домбыра күніне арналған «Домбыра мәдениеті: дәстүр сабақтастығы және білім берудегі мәселелер» атты онлайн-конференция өтті, деп хабарлайды <a href="https://www.inform.kz/kz/mektep-okushylaryna-arnalgan-dombyra-kitaby-tanystyryldy_a3668964">ҚазАқпарат.</a>
Конференцияға Қазақ ұлттық өнер университетінің проректоры, өнертану ғылымдарының докторы Тойжан Егінбаева, Қазақстанның еңбек сіңірген қайраткері, танымал күйші Жанғали Жүзбаев, Құрманғазы атындағы қазақ ұлттық консерваториясы, «Дәстүрлі музыка» факультетінің деканы, Өнертану ғылымдары Phd докторы Ержан Жәмеңкеев, Нұр-Сұлтан қалалық мемлекеттік академиялық филармониясының бас директоры Ерлан Дәкенов, Қазақстанның еңбек сіңірген қайраткері, композитор, өнертану ғылымдарының магистрі Әлқуат Қазақбай, Нұр-Сұлтан қаласындағы Оқушылар сарайының бас директоры Ербол Іргебай, Тәттімбет атындағы өнер колледжінің директоры Сержан Мұсайынов, «Қазақконцерт» Мемлекеттік концерттік бірлестігінің «Халық қазынасы» ұжымының жетекшісі Ерлан Рысқали, белгілі ғалымдар, бірқатар салалық, оқу орындары мен өнер саласындағы ұйымдардың басшылары мен өкілдері қатысты. Алқалы жиын аясында Халықаралық Түркі академиясы Мемлекет басшысының тікелей тапсырмасы бойынша дайындап шығарған «Домбыра» оқу құралының тұсаукесер рәсімі өтті. Өскелең ұрпаққа арналған оқулықтың авторы белгілі күйші, Қазақ ұлттық өнер университетінің профессоры – Жанғали Жүзбаев. 
«Айта кету керек, Қазақстан Республикасының Президенті Қасым-Жомарт Кемелұлы Тоқаевтың 2019 жылдың 7 маусымында «Ұлттық домбыра күні» мерекесінде «Домбыраны арнайы пән ретінде мектептерге енгізу керектігі жөніндегі пікірі жарияланған болатын. Осыған орай жалпы білім беретін мектептерде қасиетті аспабымызды оқыту жұмыстары қарқын алып, «Домбыра» пәніне арналған оқу құралына қажеттілік туындады. Аталған оқу құралын өткен жылдың қараша айында Халықаралық Түркі академиясының басшысы Дархан Қыдырәлі ҚР Президенті Қасым-Жомарт Тоқаевтың қабылдауында «Домбыра» оқу құралының жобасын таныстырған еді», – делінген Халықаралық Түркі академиясының баспасөз хабарламасында.
<img src="https://kyzylorda-news.kz/wp-content/uploads/2020/07/img-20200703-wa0022-1.jpg" alt="" />

Мектеп оқушыларына арналған «Домбыра» кітабы таныстырылды

<a href="https://kyzylorda-news.kz/">Kyzylorda-news.kz.</a>Қызылорда облысында «Жұмыспен қамту жол картасы» бағдарламасы аясында жылу жүйелерін жаңғырту бойынша қаржы бөлініп, 11 жобаның жұмысы басталды. Оның ішінде, қазандықтар мен газотурбиналық қондырғылар және жылу жүйелері жөнделетін болады. Бұл туралы Өңірлік коммуникациялар қызметінің ақпарат алаңында өткен брифингте Қызылордаоблысының энергетика және тұрғын үй-коммуналдық шаруашылық басқармасы басшысының міндетін атқарушы Ерлан Жоламанов мәлімдеді.
«Қызылорда қаласында біршама құбырлар жаңартылып, жылумен қамтылатын болады. Жөндеу жұмыстарына 6 мердігер компания тартылды. Қазіргі таңда,жұмыстың 15-20 пайызы істелді. Сондай-ақ, Қарағанды қаласынан изоляцияланған құбырлар әкелінді. Шаһарда бірнеше жылу құбырларының желісі жаңғыртылады.Атап айтқанда: 
1.Яссауи көшесінен бастап Жеңіс көшесіне дейін Бөкейхан көшесінің бойының құбыры ауыстырылады.Транзитты құбыр южный аймағын жылумен қамтиды.
<ol start="2">
<li>Желтоқсан көшесінен бастап Байтұрсынов көшесіне дейін Тоқмағанбетов көшесінің бойындағы құбыры ауыстырылады.</li>
<li>Яссауи көшесінен бастап Шоқай көшесіне дейін Панфилов көшесінің бойының құбыры ауыстырылады.</li>
</ol>
4.Белкөл кентіндегі құбыр ауыстырылады.Көпқабатты тұрғын үй, мектеп, балабақша, клуб, әкімшілік ғимараты жылумен қамтылады.
<ol start="5">
<li>Бөкейхан көшесінен бастап Шоқай көшесінің бойымен Шұғыла мкр үйлерге дейінгі құбыры ауыстырылады.</li>
</ol>
6.Сүлейменов көшесінен бастап Әуезов көшесінің бойымен Тәжібаев көшесіне дейінгі құбыр ауыстырылады.
<ol start="7">
<li>Қазантаев көшесінен бастап Әуезов көшесінің бойымен Әйтеке би,Тоқмағанбетов,Қазыбек би көшесіндегі үйлердің құбыры ауыстырылады. 19 көпқабатты тұрғын үйлер мен бірнеше мекемелердің жылумен қамтылады»,-деді Ерлан Ералыұлы.</li>
</ol>
Мұнан өзге, ауыз су және кәріз желілері, 11 КНС, 7 су өндіру кешенінің құрылысы жүргізілуде.
Сондай-ақ, «Жұмыспен қамту жол картасы» бағдарламасы аясында Сырдария ауданы Жетікөл ауылы, Қараөзек станциясы және «Ауыл ел бесігі» арнайы жобасымен Жаңақорған кентінде, Қазалы ауданы Бекарыстан би елді мекендерінде де сервистік су жүйелерін салу жұмыстары жүруде.

Қазақстан және Қызылорда облысының жаңалықтары