Kyzylorda-news.kz. Жұмыс күніңіз кешкі сағат 6-да бітеді, ал ұйқыға сағат түнгі 12-де жатасыз. Осы 6 сағатты қалай өткізесіз? Ойланып көрдіңіз бе?&nbsp;
Есіңізде болсын! Сіздің кешкі 6 мен түнгі 12 арасында істеген істеріңіз аса маңызды!&nbsp;
Көп адамдар негізгі күш-қуатын күндізгі 8 сағат жұмыс уақытына жұмсайды. Яғни, басты мақсаты қызметінде деген пікірде. Сондықтан болашағын тек бастығы мен жұмыс орнымен байланыстырады. Бірақ, көп адамдардың қызметіндегі жетістіктер тек олардың өздеріне ғана байланысты. Кәсіби біліктілікке адамның өзіне ғана жете алады. Сондықтан өмірде алға жылжи алмай жатсаңыз, оған жұмысыңызды немесе бастығыңызды кінәлаудың қажеті жоқ.&nbsp;
Төмендегі 5 қарапайым ереже сізді алға жетелеуге көмектеседі. Бұл ережені ұсынған жігіттің есімі Алибаба Джек Ма, ол – әлемдегі ең бай қытай жігіті. Джек ма өзінің жетістікке жету жолындағы басты қағидаларымен бөлісті.&nbsp;
<ol>
<li>Күн сайын кешке немен айналысасыз? Бұл өте маңызды.</li>
</ol>
Мен колледжден «Маркетинг» мамандығын алып шықтым. Бірақ арманым дизайнер болу еді. Өз арманыма қол жеткізу үшін, мен күн-түн демей, жобалау ісіндегі қабілетімді дамыту үшін, қосымша жұмыс алып отырдым. Бұған, әрине, өте көп уақытым кетті. Бірақ кейін бастық болған соң, дизайнмен айналысуды қойып, қайтадан маркетинг саласына келдім.&nbsp;
Күнде кешке балаларым ұйықтаған кезде, мен білім алуға ден қойдым. Бұл менің көп уақытымды алғанымен, қазір соның жемісін көріп отырмын. Егер мен тек жұмыс уақытында ғана өзімді дамытсам, менен керемет директор мен өнім жөніндегі менеджер шықпас еді деп ойлаймын. Сондай-ақ қазіргі сияқты MBA студенттеріне маркетингтен сабақ та бермес едім.&nbsp;
Әрине, кешке ойын ойнап, фильм көрген жақсы. Бірақ мүлдем бас тартатын да істер бар. Мысалы, телехикаяларға телміріп, теледидар алдында бірнеше сағат уақытты өлтіру. Сондай-ақ әлеуметтік желілер мен телефонның өзі де – адам уақытының жаулары.&nbsp;
<ol start="2">
<li>Көбірек кітап оқи бастаңыз! Көресіз, жақында өзіңіздің өзгере бастағаныңызды байқайсыз!&nbsp;</li>
</ol>
Менің колледждегі ұстазым Алабама штатында африкандық кедей отбасында дүниеге келген. Ол Вест-Пойнттағы Әскери академияға қабылданып, өз отбасында колледжге түскен алғашқа адам болған. Гарвардта МВА алғанға дейін керемет офицер болған. Менімен кездескен кезде ол Колорадо-Спрингс қаласында табысты еңбек етіп жүрді. Мен одан басты жетістігі не екенін сұрадым. Ол кітап оқудан қол үзбеген өзі үшін ең басты жетістігі екенін айтты. Ол: «Білім – өмірдегі барлық жетістіктің кілті», – деді.&nbsp;
Оқу-ізденіс сізді жетілдіріп, қатарластарыңыздың алды етеді. Көп оқитын адамдар кез келген сала туралы хабардар болады. Сізбен әңгімелесу де қызықты болады. Осыған байланысты Энтони Роббинс былай деген екен: «Егер сіз күніне 1 сағат бір тақырыпқа қатысты білім алсаңыз, онда бір жылдан кейін сіз бұл туралы әлемнің 99,999% тұрғынынан көп білесіз».&nbsp;
Егер сіз күнде кешке кітап оқуға 30 минут қана бөлгеннің өзінде, бір аптада бір кітапты оңай бітіре аласыз. Содан кейін әріптестеріңізге қарағанда көбірек біліп қана қоймай, өз салаңызда сарапшы болып кетуіңіз де әбден мүмкін.&nbsp;
<ol start="3">
<li>Әртүрлі жобаларға қатысыңыз.&nbsp;</li>
</ol>
Егер өз жұмыс орныңызда бар біліміңізді қолдануға мүмкіндік болмай жатса, онда ол мүмкіндікті өзіңізге өзіңіз тудырыңыз.&nbsp;
Басқа жобаларға қатыса отырып, тәжірибе жинайсыз. Ал кез келген тәжірибенің құны ақшадан қымбат екені сөзсіз.&nbsp;
<ol start="4">
<li>Байланыс орната біліңіз.&nbsp;</li>
</ol>
Адамдармен қарым-қатынас қызметтің жоғарылауына ықпал етеді. Егер сіздің таныстарыңыз аз болса, сізге оларды табуға біраз уақыт бөлу артық етпейді.&nbsp;
Байланыс беретін мүмкіндіктер:&nbsp;
ақылды адамдармен араласып, олардың пікірін білу.&nbsp;
қажетті ақпарат пен керекті білімді алу.&nbsp;
компанияға тікелей серіктестер мен табыс табуға көмектесу.&nbsp;
Апта сайын сіз жаңа таныстарыңызбен тамақтануға немесе кофе ішуге бару керек. Олардың жетістіктерінің құпиясын біліп, көп нәрсені үйреніп алуға тырысқан жөн. Мүмкін олардың біреуі сізді жақсы қызметке де шақырып қалуы ғажап емес. Сондықтан жаңа таныстық пен достық қарым-қатынас орнатудың артықшылықтары көп.&nbsp;
Сіздің байланыстарыңыз – жұмысыңызға салған ең күшті инвестиция.&nbsp;
Теледидар көруге уақыт тапқан сияқты, қажет адамдармен көйлесуге де уақыт тапқаныңыз абзал!&nbsp;
<ol start="5">
<li>Өмірдегі өзгерістерді бүгіннен бастау керек!&nbsp;</li>
</ol>
Кешкі сағат 6-дан түнгі 12-ге дейін! Өзіңіз де, миыңыз да шаршап тұрғанына қарамастап, сіз өз қалаған ісіңізбен айналыса аласыз. Сондықтан сіздің қалауыңыз – өмірді өзгертугедеген талпыныс.&nbsp;
Осы істерді бұлжытпай орындап жүрсеңіз, сіздің қызметіңіз де, өміріңіз де басқа арнаға түсетініне кәміл сенемін!&nbsp;
Ал сіз кешкі уақытыңызды қалай өткізесіз? Бізге айтып бере аласыз ба?&nbsp;
Дереккөз: Anabol.kz.

Сізді алға жетелейтін қарапайым 5 ереже

Дана Абайдың тіл байлығы

Kyzylorda-news.kz. Қазгидромет 26 шілдеге арналған ауа райы болжамын жариялады.
<blockquote>
 “26 шілдеде күндіз Қызылорда облысында 40-41 градус қатты ыстық, өте жоғары өрт қаупі сақталады”, делінген хабарламада.
</blockquote>

Жексенбіге арналған ауа райы болжамы

1920 жылы&nbsp;Кеңестер съезінде Сәкен Сейфуллин Ақмола атқару комитеті мүшелігіне қабылданды және комитет төрағасының орынбасары болып тағайындалды.
1968&nbsp;жылы&nbsp;6000 сөз бен түсінік енген «Абай тілі сөздігі» жарық көрді.
1989 жылы&nbsp;Қазақ ССР Компартиясы ОК жанындағы комиссия қазақтың көрнекті жазушысы, қоғам қайраткері, қазақ прозасындағы ең алғашқы роман «Бақытсыз Жамалдың» авторы Міржақып Дулатовтың шығармаларына дұрыс бағасын беріп, оларды жариялау туралы, әділеттілікті қалыптастыру туралы қорытынды шығарды.
1999 жылы&nbsp;Қазақстан Республикасының «Барыс» ордені белгіленді. Бұл орден Қазақстан Республикасының мемлекеттігі мен егемендігін нығайту iciнe; бейбітшілікті, қоғамның топтасуы мен Қазақстан халкының бірлігін қамтамасыз етуге; мемлекеттік, өндірістік, ғылыми, әлеуметтік-мәдени және қоғамдық қызметте; халықтар арасындағы ынтымақтастықты нығайтуға; ұлттық мәдениеттерді жақындастыру мен өзара байытуға; мемлекеттер арасындағы достық қатынастарды дамытуға ciңipгeн ерекше еңбегі үшін табысталады. «Барыс» орденінің үш дәрежесі бар.

26 шілде: Ел тарихында орын алған оқиғалар

<a href="https://kyzylorda-news.kz/">Kyzylorda-news.kz</a> ақпараттық агенттігінің 26 шілдеге арналған жұлдыз-жорамалы.
Тоқты
Өзіңізді кәсіби маман ретінде таныту қиын. Кейбір достарыңызбен сөзіңіз жараспай қиналасыз. Есесіне жақсы адамдармен танысасыз.
Торпақ
«Сабыр түбі – сары алтын» демекші, сабыр сақтай білсеңіз, барлығы оңынан болмақ. Аз уақытқа жалғыз қалғаныңыз өзіңізге жақсы.
Егіздер
Денсаулығыңыз оңалады. Сонымен қатар достарыңызбен қарым-қатынасыңызда жақсарып, өміріңізге жаңа өзгерістер енгізуге құштарлығыңыз артады.
Шаян
Өзіңізге осыған дейін қолдау көрсетіп жүрген туысқандарыңызға толықтай сенім артуыңызға болады. Ол көмек көрсетуге әзір.
Арыстан
Көпшіліктің көзіне түспеуге тырысыңыз. Сіздің қолыңыздан барлығы келеді. Сондықтан өзіңізге сеніңіз.
Бикеш
Жақындарыңызбен сөзіңіз жараспайды. Олар сіздің қолдауыңыздан бас тартады. Сондықтан жеке қалып, шығармашылықпен белсенді түрде айналысыңыз.
Таразы
Қоғамдағы беделіңіз артады. Сондай-ақ бүгін беделді тұлғалармен танысасыз. Ата-анаңыздың қолдауына ие болып, қаржылай қиындықтардан құтыласыз.
Сарышаян
Сіздің мейірімділігіңіз өзгелерге күн нұрындай шашылады. Өзіңіз де жаныңызға жылу сыйлайтын жанмен жолығасыз.
Мерген
Жақындарыңыздың ақылын тыңдаңыз. Сіздің ақшаңызға бола дос болып жүргендерді орнына қойыңыз.
Тауешкі
Жұлдыздар сақ болуға кеңес береді. Себебі, қаржылай қиындыққа тап болуыңыз мүмкін. Алайда таңғажайып романтикалық оқиғаны бастан өткізесіз.
Суқұйғыш
Бүгін нағыз достар табуға қолайлы күн. Егер сіз отбасылы болсаңыз, жолдасыңыздың мінезі өзгергенін байқайсыз.
Балықтар
Бүгін барлық мәселені ақылға салып шешіңіз. Дәл қазіргі сәт кемелдене түсуге ұмтылатын уақыт. Берілген тапсырмаларды мұқият орындайсыз.

Жұлдыздар не дейді?

<a href="https://kyzylorda-news.kz/">Kyzylorda-news.kz.</a> Бүгін Қызылорда облысының әкімі Гүлшара Әбдіқалықованың төрағалығымен 2020-2021 жылдардағы жылу беру маусымына дайындық барысы жөнінде және коммуналдық тарифтердің қазіргі жағдайы туралы жиын өтті.
Басқосуда аймақ басшысына Қызылорда қаласының әкімі Нұрлыбек Нәлібаев, Энергетика және тұрғын үй-коммуналдық шаруашылығы басқармасы басшысының міндетін атқарушы Қыдыркүл Құдабекова, Табиғи монополияларды реттеу департаментінің басшысы Гүлмира Өтегенова, «Қызылорда электртарату тораптары компаниясы» АҚ басқарма төрағасы Мұхитжан Кәрімбаев, «Қызылорда жылу электр орталығы» МКК директоры Руслан Нұрмағанбетов, «Қызылорда су жүйесі» МКК директоры Марат Жамиев және «Энергосервис» ЕЖШС директоры Еркебұлан Есенбаев есеп берді.
<img src="https://kyzylorda-news.kz/wp-content/uploads/2020/07/fb_img_1595680582124-1.jpg" alt="" />
Табиғи монополияларды реттеу департаментінің басшысы Гүлмира Өтегенованың айтуынша, жыл басынан бері коммуналдық төлемдерге деген тариф өспеген. Керісінше кей бағыттарда тарифтердің төмендегені байқалады. Мысалы, сумен жабдықтау қызметтеріне тарифтер қосымша құн салығымен бірге метр куб үшін 45,61 теңге. Бұл республиканың өзге аймақтарымен салыстырғанда ең төменгі көрсеткіш. Сондай-ақ су тарту тарифі республикадағы орта көрсеткіштен төмен – 48,8%. Дәл осындай көрсеткіш халыққа берілетін жылу тарифінде де байқалады. Көрсеткіш – 48,38% құрайды. 
Жиында алдағы қысқы жылу беру маусымына дайындық барысы да пысықталды. Жұмыстар бекітілген кестеге сәйкес жүргізілуде. Тұтынушыларды электр және жылу энергиясымен, газбен және сумен қамтамасыз ететін коммуналдық кәсіпорындардың жөндеу жұмыстары жоспармен жүзеге асырылып келеді.
<img src="https://kyzylorda-news.kz/wp-content/uploads/2020/07/fb_img_1595680589411-1.jpg" alt="" />
Орталықтандырылған жылу жүйесіне қосылған көп қабатты тұрғын үйлердің дайындығы жоспардағыдай. Облыс әкімі жиынға қатысқан құзырлы органдарға мәселені жіті назарда ұстау керектігін тапсырды. Сондай-ақ аймақ басшысы халыққа қолайсыздық тудырмай қаладағы жылу құбыр магистралінің жөндеу жұмыстарын қысқа мерзімде аяқтауды тапсырды.
<img src="https://kyzylorda-news.kz/wp-content/uploads/2020/07/fb_img_1595680586270-1.jpg" alt="" />
Облыс бойынша 1185 әлеуметтік сала нысандарының алдағы жылу беру маусымына қажетті қатты отын қоры 39,5 мың тонна және сұйық отын 26 мың тонна. Бүгінгі таңда облыстың білім беру, денсаулық сақтау, мәдениет, спорт нысандары мен автономды қазандықтардың жөндеу жұмыстары жүйелі түрде атқарылуда.
Сондай-ақ жергілікті тұрғындарға 163,6 мың тонна көмір отыны қажет. Бүгінгі күні қала және аудан тұрғындары үшін көмір бағасының өсуіне жол бермеу мақсатында көмір өндіретін кәсіпорындармен тікелей келісім-шарт жасау бойынша жұмыстар атқарылуда.
Сонымен қатар, «Нұрлы жер» және «Жұмыспен қамту жол картасы» мемлекеттік бағдарламаларымен инженерлік желілерге қайта жаңғырту және көпқабатты тұрғын үйлерге күрделі жөндеу жұмыстары жүргізілуде.
Жиын соңында облыс әкімі Гүлшара Әбдіқалықова Қызылорда қаласының әкіміне, салалық басқармалар мен мекеме басшыларына жылу беру маусымына дайындық жұмыстарын бекітілген іс-шаралар жоспарына сәйкес жүргізілуін қатаң бақылауға алуын тапсырды.
Сонымен қатар Табиғи монополияларды реттеу Қызылорда облысы бойынша департаментіне тарифтердің негізсіз өсуіне жол бермеу және реттелетін коммуналдық қызметтерге тариф белгілеудің ашықтығын қамтамасыз ету тапсырылды.

Аймақ басшысы жылу маусымына дайындық барысын пысықтады

<a href="https://kyzylorda-news.kz/">Kyzylorda-news.kz.</a> Шиелі ауданының әкімі Қамбарбек Мүбараков “Жұмыспен қамтудың жол картасы” бағдарламасы аясында жүзеге асырылып жатқан жобалардың жұмыс сапасын бақылады.
Биыл Шиелі ауданы бойынша “Жұмыспен қамту 2020-2021 жылдарға арналған Жол картасы”бағдарламасы аясында 21 жоба әлеуметтік-мәдени обьектілері, тұрғын үй коммуналдық шаруашылық обьектілері және инженерлік көлік инфрақұрылымдық жөндеу жұмыстары жүргізіледі.
<img src="https://kyzylorda-news.kz/wp-content/uploads/2020/07/fb_img_1595653482580-2.jpg" alt="" />
Жол картасы аясында 751 жұмыс орны ашылып, оның 50%- ы яғни 378-і жұмыспен қамту орталығы арқылы жүргізіледі.
Аудан басшысы жобаларды аралау барысында Төңкеріс ауылындағы №158 орта мектебінің ағымдағы жөндеу жұмыстарының сапасын көрді. Мектептің жөндеу жұмыстарын мердігер мекеме “Астана Сервис LTD” ЖШС жүргізуде.
<img src="https://kyzylorda-news.kz/wp-content/uploads/2020/07/fb_img_1595653491103-1.jpg" alt="" />

Шиелі ауданының әкімі жұмыс сапасын тексерді

<a href="https://kyzylorda-news.kz/">Kyzylorda-news.kz.</a> Жалағашта қараусыз жайылған мал иесіне айыппұл салынды, деп хабарлайды аудан әкімдігінің баспасөз қызметі.
Тұрып жатқан өлкенің тазалығы алдымен өзімізге байланысты. Сондықтан оған баршамыз жауапкершілікпен қарағанымыз жөн.
Жалағаш кентінде көркейту-көгалдандыру жұмыстары жүйелі жүргізіліп келеді. Десе де кейбір тұрғындар тарапынан тазалыққа немқұрайлық танытып жүргендері де бар. Қазіргі таңда кентте қараусыз жайылған малдарға күнделікті рейд жүргізіліп, мал иелері анықталуда.
Жүргізілген бақылау жұмыстары барысында Жалағаш кентіндегі М.Шәменов көшесі №93 үйдің тұрғыны Әділжан Зиядиновке Жалағаш кенті әкімі аппараты арқылы хаттама толтырылып, 10 АЕК көлемінде айыппұл салынды. Егер бұл жағдай тағы қайталанса айыппұл көлемі екі есеге өсетін болады. Аудан әкімдігі кент тұрғындарына малдың қараусыз жайылуына жол бермеуге, тазалықты сақтауға шақырады.

Жалағашта мал иесіне айыппұл салынды

<a href="https://kyzylorda-news.kz/">Kyzylorda-news.kz.</a> Екі ғасырдан астам уақыт ішінде Ақ үй ел басшыларының резиденциясы ретінде ғана емес, АҚШ күш-қуатының нышаны ретінде де қызмет етіп келеді.&nbsp;
♦ АҚШ президенттерінің ресми резиденциясы – бүкіл әлемге танымал “Ақ үй” деп аталатын ғимараттың іргетасы 1792 жылы қаланды.
♦&nbsp;Құрылыс нысанының орнын елдің тұңғыш президенті Джордж Вашингтон таңдаған.
♦&nbsp;“Бұл Потомак өзенінің бойында, 10 шаршы мильден аспайтын жер болуы керек” деген Вашингтон.
<img src="https://kyzylorda-news.kz/wp-content/uploads/2020/07/1595497084_l-1.jpg" alt="" />
Джордж Вашингтон
♦&nbsp;Осылайша, Ақ үйдің құрылысы қазіргі орналасқан жерде (“1600, Пенсильвания даңғылы, Вашингтон, DC 20500, АҚШ”) &nbsp;басталады.
♦&nbsp;Ғимараттың дизайнына жариялаған конкурста Джеймс Хобан есімді сәулетші жеңімпаз атанды. Хобанмен қатар Вашингтонның өзі де жобаның авторы ретінде бірлесіп жұмыс істейді.
<img src="https://kyzylorda-news.kz/wp-content/uploads/2020/07/1595494884_l-1.png" alt="" />
Ақ үйдің алғашқы көрінісі
♦Джеймс Хобан ғимаратты жобалаған кезде Дублиндегі Лейнстер үйінің (қазіргі Ирландия парламенті) сәулетімен шабыттанғанын айтқан.
♦Жоба бойынша ғимарат классикалық грек сәулетінің принциптеріне, нақты симметрияны ұстана отырып салынуы керек еді.
♦&nbsp;Ақ үйдің алғашқы құрылысына 2,5 миллион доллар бөлінген.
♦&nbsp;1800 жылдың жазына қарай ғимараттың негізгі бөлігіндегі құрылыс аяқталды.
♦&nbsp;1800 жылдың 4 маусымы – Ақ үйдің ресми пайдалануға берілген күні.
♦&nbsp;8 жылдық құрылыс аяқталғаннан кейін өзі басқарып, салдырған ғимаратта тұру Вашингтонға нәсіп етпеді.
♦Осы уақытта оның мерзімі аяқталып, екінші президент Джон Адамс үкімет басына келеді. Ол жұбайы Эбигайлмен бірге Ақ үйге көшкен алғашқы президент ретінде тарихта қалды.
<img src="https://kyzylorda-news.kz/wp-content/uploads/2020/07/1595495590_l-1.jpg" alt="" />
Неге Ақ үй?
Ғимарат неге мұндай атпен аталғаны туралы нақты дерек болмаса да бірнеше нұсқалар бар.
♦&nbsp;Бірінші нұсқа: ғимарат қызыл гранитпен салынған басқа үйлердің қасында ерекше аппақ боп көрінгені үшін осы атты алған.
♦&nbsp;Екінші нұсқа бойынша бұл атау ғимаратқа 1811 жылы берілген.
♦&nbsp;Тағы бірінде 1814 жылы берілгені айтылған.
Енді осы соңғы нұсқа тарихына тоқталатын болсақ, АҚШ бастапқыда Ұлыбритания отары еді. Ұлыбритания отарынан арылу әрекеті 1812-15 жылдардағы екі ел арасындағы соғыс өртінің тұтануына себепкер болды.
♦&nbsp;1814 жылы британдықтар Вашингтонға от қойып, өрт кезінде Ақ үйге айтарлықтай зиян келді. Дәл осы уақытта ғимараттағы өрттің зардабын жасыру үшін ол ақ түске боялған деген ақпарат бар.
<img src="https://kyzylorda-news.kz/wp-content/uploads/2020/07/1595495071_l-1.jpg" alt="" />
Ұлыбритания – АҚШ астанасына шабуыл жасаған жалғыз ел
♦&nbsp;Жоғарыда аталған нұсқалардың қайсысы ең қолайлы болғанына қарамастан, президент резиденциясы ресми түрде 1901 жылы – Теодор Рузвельттің билігі кезінде “Ақ үй” атауына ие болды.
<img src="https://kyzylorda-news.kz/wp-content/uploads/2020/07/1595495631_l-1.jpg" alt="" />
Ақ үйдің 1814-17 жылы қайта салыну кезі
Қайта құру
Ақ үйдің қазіргі көрінісі алғаш салынған кезінен өзгеше. Соңғы ІІІ ғасырда оның құрылымына бірнеше толықтырулар енгізілді.
♦&nbsp;Жоғарыда айтылғандай, Ақ үй 1814 жылы британдықтардың шабуылынан кейін қайта құрылды және 1817 жылы пайдалануға берілді. Қайта өңдеу кезінде ғимаратқа 2 қабат жерасты бөлмелері қосылды.
♦&nbsp;ХХ ғасырдың басында Теодор Рузвельттің президенттігі кезінде батыс және шығыс қанаттарына тағы да ғимараттар салынды.
♦Батыс қанатында – Oval Office, президенттің негізгі кеңсесі, ал шығыс қанатында қабылдау бөлмесі орналасқан.
♦&nbsp;1927 жылы резиденцияның шатыры қайта салынып, адам тұруға бейімделді.
<img src="https://kyzylorda-news.kz/wp-content/uploads/2020/07/1595495870_l-1.jpg" alt="" />
♦&nbsp;1949-1952 жылдары президент Гарри Трумэннің басшылығымен Ақ үй күрделі жөндеуден өтті. Ғимараттың ағаш қаңқасы болатпен алмастырылып, интерьері де өзгерді.
Ғимараттың құрылымы
♦&nbsp;Жалпы ауданы 5000 шаршы метрлік Ақ үй – 6 қабаттан (2 қабат жер асты), 132 бөлмеден, үш жеделсаты және 8 баспалдақтан тұрады. Ғимаратта 32 жуынатын бөлме және 28 камин пеші бар.
♦&nbsp;Ғимаратта салтанатты қабылдауға арналған көк бөлме, бейресми қабылдаулар үшін жасыл бөлме, отбасылық түскі ас ішетін қызыл бөлме, үлкен зал, президент кеңсесі және басқа да бөлмелер бар.
♦&nbsp;Ақ үйге келген әрбір президент негізгі кеңсесінің дизайнын өз талғамына қарай өзгерте алады.
<img src="https://kyzylorda-news.kz/wp-content/uploads/2020/07/1595496245_l-1.jpg" alt="" />
АҚШ-тың қазіргі бірінші ханымы Ақ үй бақшасында
♦&nbsp;Ақ үйдің айналасында президент бағы орналасқан. 
♦&nbsp;Ғимараттың батыс жағында Вудро Уильсонның әйелі салған Қызғылт бақ, ал шығыс қанатында Джон Ф. Кеннедидің әйелі Жаклин Кеннедидің бастамасымен салынған бақ бар.
Ақ үйдің ішкі көрінісі 
♦&nbsp;Ақ үйге көшкен жаңа президент пен оның отбасы ғимаратты өз қалауымен жиһаздай алады. Олардың әрқайсысы президент үйіне жаңалық әкелуге тырысқанымен, ғимаратта ХVIII-ХІХ ғасыр аурасы сақталып қалған. Ғимараттың безендірілуі, интерьердің өзгеруі Ақ үй басқару комитетімен келісіліп жасалады.
<img src="https://kyzylorda-news.kz/wp-content/uploads/2020/07/1595496299_l-1.jpg" alt="" />
Қызыл бөлме
♦&nbsp;Резиденцияда бұрынғы президенттердің отбасыларына тиесілі заттар, сондай-ақ басқа елдердің жоғары лауазымды шенеуніктері берген сыйлықтар бар. Қазіргі президенттің отбасы оларды бөлмелерді безендіруге қолдана алады.
Ақ үйге саяхаттау 
♦&nbsp;Ақ үй Томас Джефферсонның тұсында тұңғыш рет көпшілік үшін ашылды. АҚШ-тың үшінші президенті 1805 жылғы ұлықтау рәсіміне қатысқандарды Ақ үйге келуге шақырады. Көп өтпей президент резиденциясы оны көргісі келетіндер үшін ресми түрде ашылды.
♦&nbsp;Джефферсон сонымен қатар Жаңа жылды және 4 шілде – Тәуелсіздік күнін Ақ үйде тойлау дәстүрін енгізді.
♦&nbsp;Бүгінде сейсенбіден жұмаға дейін туристер үшін Ақ үйге саяхат ұйымдастырылады (қазір пандемияға байланысты тоқтатылған).
♦&nbsp;Ресми және жеке кездесулер өткізілетін көгілдір, жасыл, шығыс және қызыл бөлмелерге туристер саяхаттай алады. Ғимараттың басқа бөлмелері президент пен оның отбасына арналған.
♦&nbsp;Ақ үйге виртуалды түрде <a href="https://artsandculture.google.com/partner/the-white-house?hl=ru">мына сілтеме</a> бойынша саяхаттай аласыз.
<a href="https://massaget.kz/layfstayl/alemtanu/62793/">Massaget.kz</a>

220 жылда 44 президент тұрған Ақ үй туралы қызықты деректер (ФОТО)

<a href="https://kyzylorda-news.kz/">Kyzylorda-news.kz.</a> Су балдыры санатына жататын гепарин, көптеген арнайы вирусқа қарсы препараттарға қарағанда, COVID-19-ны анағұрлым тиімді блоктауға қабілетті. Тіпті оның әсері АҚШ-та қолданылатын коронавирустың негізгі препараты Ремдесивирден де жоғары екені белгілі болды. Бұл туралы халықаралық ғалымдар тобы мәлімдеді, деп хабарлайды <a href="https://stan.kz/koronaviruska-karsi-tyratin-tabigi-onim-belgili-boldi-334731/.kz.">Stan.kz.</a>
Ғылыми жұмыстың нысаны теңіз балдырларынан алынған органикалық заттар болған.&nbsp;Гепариннің үш нұсқасы және фукоиданның екі түрі зертелді.&nbsp;Зертханалық зерттеулер in vitro түрінде жүргізілді.
Гепарин молекулалары вирусқа жіберіліп, оны бұғаттайды, осылайша COVID-19 табиғи жолмен жойылады.
Зерттеушілер ретроспективті клиникалық зерттеудің мәліметтеріне назар аударды, соған сәйкес антикоагулянттарды, мысалы гепаринді енгізу, COVID-19 вирусын жұқырғандар қатарына жатқызылған науқастарға, соның ішінде интубацияланған науқастардың өлімінің күрт төмендеуіне, жақсы нәтиже бере алады.
<blockquote>
 “Бұл гепаринмен антикоагулянттық терапияның нәтижесі ме, әлде белгілі бір дәрежеде оның SARS-CoV-2-ге қарсы белсенділігінің нәтижесі ме белгісіз”, – дейді мамандар.
</blockquote>
Олар гепариннің қосымша артықшылықтары бар, мысалы өкпе коагулопатиясын және жүйелі қан кетусіз қабынуды азайту. Осыған байланысты зерттеушілер гепарин немесе фукоидандармен мұрынға арналған спрейді коронавирусты ертерек емдеуде және тіпті алдын-алу үшін қолдануға болады деп санайды.
<blockquote>
 “Біз вирустық инфекцияны оқшаулауды үйреніп жатырмыз. Егер біз пандемияға тез қарсы тұрғымыз келсе, бізге бұл қажет. Шындығында&nbsp;бізде вирусқа қарсы препараттар жоқ. Өзімізді болашақ пандемиядан қорғау үшін бізге пайда болатын вирустарға тез бейімделуге болатын арсенал қажет”, – деді зерттеу жетекшісі, Ренссельер политехникалық институтының профессоры Джонатан Дордик.
</blockquote>

Коронавирусқа қарсы тұратын табиғи өнім белгілі болды

<a href="https://kyzylorda-news.kz/">Kyzylorda-news.kz.</a> Пандемия кезінде сұраныс жоғары тауарлар – бір реттік маскалар мен медицииналық қолғаптар экологиялық апатқа әкеп соқтыруы мүмкін.
Жапонияның «Киодо» ақпараттық агенттігі осылай деп отыр. Өйткені Түркия мен Еуропа елдерінде су түбінде табылған медициналық қалдықтар көбейген. Франция экологтарының пайымдауынша, жуық арада теңізде медузадан гөрі маска көп болуы мүмкін. Себебі таяуда мұнда 2 миллиардтан аса бетпердеге тапсырыс берілген.
Мамандардың айтуынша, бір ғана маска жүздеген жылдар бойы ыдырайды екен. Қазірдің өзінде оның қалдықтары балықтар мен тұзда табылып жатыр. Мамандар «тұрғындардың көбі медициналық қорғаныс құралдарын қалай кәдеге жаратарын білмейді» дейді. Көп елде тіпті ол үшін қолайлы жағдай да жасалмаған көрінеді. Осы ретте экологтар көп реттік маскаларды қолдануға кеңес беріп отыр.
<blockquote>
 “Адамдар маска тағып, өздерін қауіпсіз сезінгісі келеді. Алайда ол үшін пластик қолдану міндетті емес. Басқа материалдар толып жатыр”,- дейді A Plastic Planet ұйымының негізін қалаушы Шан Сазерленд.
</blockquote>
<a href="https://24.kz/kz/zha-aly-tar/lemde/item/411440-maskalar-men-ol-aptar-planetany-ekologiyaly-apat-a-shyratady">Хабар 24</a>

Маскалар мен қолғаптар планетаны экологиялық апатқа ұшыратады

<a href="https://kyzylorda-news.kz/">Kyzylorda-news.kz.</a> Әлемде қызғылт түске боялатын көлдер көп емес. Түсінің ерекшелігімен туристердің қызығушылығын тудырып, демалыс орнына айналған.&nbsp;
Австралияда мұндай бірнеше көл бар, сонымен қатар Оңтүстік Америка, Батыс Африка, Шығыс Еуропа, Мексика және Қазақстаннан да кездестіруге болады.
Хиллер көлі, Аустралия
<img src="https://kyzylorda-news.kz/wp-content/uploads/2020/07/1595585858_l-2.jpg" alt="" />
Батыс Аустралиядағы&nbsp;Решерш&nbsp;архипелагын құрайтын аралдардың ең үлкеніне орналасқан Хиллер көлінің түсі жыл он екі ай өзгермейді. Ашық қызғылт түсті суды бөтелкеге құйып алғанның өзінде түсін сақтап қалады екен. Көлдің ұзындығы 600 метрді құрайды. Ал оны мұхиттан бар болғаны 2-3 метр жер бөліп тұр.&nbsp;
Хиллер көлі&nbsp;Мидл Айлендпен бірге 1812 жылы табылған. Көлдің жан-жағы ақ тұз бен қалың орманмен қоршалған. Сол себепті қызғылт көлге жету үшін туристер ұзақ жаяу жүруге дайын.
Ретба көлі, Сенегал
<img src="https://kyzylorda-news.kz/wp-content/uploads/2020/07/1595586230_l-1.jpg" alt="" />
Ретба көлі – Сенегал астанасы Дакардан шығыс жағындағы Жасыл мүйіс түбегінде орналасқан. Көлдің түсі Dunaliella salina балдырының арқасында қызғылтқа боялады екен.&nbsp;Ретба көлінің түсі&nbsp;қуаңшылық маусымында жақсы көрінеді.
Жергілікті тұрғындар көлден тұз жинаумен күн көреді. Көлдің құрамының 40% тұз болғандықтан жұмысшылар ши ағашының майын денесіне жағып, жұмыс істейді.&nbsp;
Көлдегі алқызыл түс көп мөлшердегі цианобактериялардың әсерінен пайда болған. Қара теңіз секілді бұл көлдің де тығыздығы аса жоғары. Бір қызығы, көлдің тұздылығына қарамастан, онда балықтар өмір сүреді екен.
Торревьеха көлі, Испания
<img src="https://kyzylorda-news.kz/wp-content/uploads/2020/07/1595586245_l-1.jpg" alt="" />
Дүниежүзілік денсаулық сақтау ұйымы&nbsp;Торревьеха және Ла Мата көлдерін Еуропадағы ең жақсы сақталған деп баға берген.&nbsp;Торревьеха көлінде тұз мөлшерінің көп болғаны соншалық Өлі теңіздегідей судың бетінде қалқып жүресіз. Туристер бұл маңға тері және өкпе ауруларын емдеу үшін келеді екен.&nbsp;
Лагуна Хатт көлі, Аустралия
<img src="https://kyzylorda-news.kz/wp-content/uploads/2020/07/1595586137_l-1.jpeg" alt="" />
Үнді көлінің жанында орналасқан Лагуна Хат Аустралиядағы қызғылт көлдің екіншісі. Көлдің ұзындығы 14 шақырымды, ені 2 шақырымды құрайды. Бұл жерде кішкентай балдырларды өсіретін әлемдегі ең үлкен орналасқан.&nbsp;
Шаңды раушан көлі, Канада
<img src="https://kyzylorda-news.kz/wp-content/uploads/2020/07/1595586349_l-1.jpg" alt="" />
Канададағы жалғыз қызғылт түсті көл аса танымал емес. Құрамында тұз болмаса да, балдырлар өспесе де көл қызғылт түске боялған. Оған осы аймақтың табиғатының ерекшелігі себеп. Жақын маңдағы мұздықтағы тас шаңының әсерінен көлдің түсі қызғылтқа боялады екен.&nbsp;
Қызғылт көл, Аустралия
<img src="https://kyzylorda-news.kz/wp-content/uploads/2020/07/1595586558_l-1.jpg" alt="" />
Батыс Аустралияда орналасқан тағы бір қызғылт түсті көл.&nbsp;Dunaliella salina балдыры мен тұзды&nbsp;асшаянның арқасында көл анда-санда қызғыл түске боялады. Ғалымдар әлі күнге көл
Масазир көлі, Әзірбайжан
<img src="https://kyzylorda-news.kz/wp-content/uploads/2020/07/1595586164_l-1.jpg" alt="" />
Ауданы 10 шаршы шақырым болатын&nbsp;Масазир көлі Бакуге жақын маңда орналасқан. Көлдің құрамында хлорид пен сульфат көп мөлшерде болғандықтан оның түсі қызғылтқа боялған. Ал 2010 жылы ел билігі тұз өндіретін “Azeri” зауытын ашты.&nbsp;
Квайрадинг қызғылт көлі, Аустралия
<img src="https://kyzylorda-news.kz/wp-content/uploads/2020/07/1595586541_l-1.jpg" alt="" />
Бұл көл кейбір маусымда түсін өзгертеді. Көлдің бір беті&nbsp;қара қызғылт түске боялса, екінші жағы ашық қызғылт түс болады екен.&nbsp;
Қызғылт көл, Қазақстан
<img src="https://kyzylorda-news.kz/wp-content/uploads/2020/07/img-20200725-wa0004.jpg" alt="" />
Көл Ақмола облысы Ерейментау ауданының Өлеңті ауылдық округінің аумағында орналасқан. Теңіз деңгейінен 253 метр биіктікте. Көлдің ауданы – 690 га, тереңдігі – 1,5 метр.
Көбейтұз жылына бірнеше рет қызғылт түске боялады. Судың қызғылт реңге боялуына негізінен тұзды теңіздерді мекендейтін біржасушалы дуналиелла сортаңды су балдыры әсер етеді деп саналады. Демек көлдің тұзды болуының арқасында бұл балдырлар пайда болған.
Мұнымен қызғылт түсті көлдер тізімін аяқталған жоқ. Олардың қатарына Қырымдағы Кояш, Мексикадағы Лас-Колорадас, Танзаниядағы Натрон, Боливиядағы&nbsp;Лагун Колорадо, АҚШ-тағы&nbsp;Үлкен тұзды көл, Ресейдегі Меклетин мен Тунистегі&nbsp;Шотт-эль-Джерид көлін қосуға болады.
<a href="https://massaget.kz/layfstayl/alemtanu/syrly-alem/62801/">Massaget.kz</a>

Қазақстан және Қызылорда облысының жаңалықтары