<a href="https://kyzylorda-news.kz/">Kyzylorda-news.kz.</a> Қызылорда облысы орталығында полиция қызметкерлерімен «Заңсыз келуші» жедел-профилактикалық іс-шарасы өткізілді.
Шара аясында тәртіп сақшылары шетелдіктердің құқықтарын сақтай отырып, олардың қала аумағында болу заңдылығын тексерді. Жатақханалар, қонақ үйлер, базарлар, вокзал және салынып жатқан құрылыс нысандарын аралады.
Қала көлемінде көші-қон қызметі бөлімі мен Жергілікті полиция қызметкерлерімен жүргізілген жұмыс барысында 60&nbsp;шетел азаматы полиция органдарына жеке басын анықтауға жеткізілді. Оның ішінде 35 азаматтың заң бұзушылығы анықталып, әкімшілік хаттамалары толтырылды. Қазіргі таңда хаттамалар Қызылорда әкімшілік мамандандырылған сотына заңды шешім қабылдау үшін жолданды.
ҚР ӘҚБтК-нің 517-бабының 1,3-бөлігімен (Шетелдіктің немесе азаматтығы жоқ адамның тіркеу үшін ҚР-ның заңнамасында белгіленген күнтізбелік бес күн өткеннен кейін үш тәулікке дейінгі мерзімде ІІО-на тіркеуден өтпей ҚР-да болуынан көрінген, ҚР-ның халықтың көші-қоны саласындағы заңнамасын бұзуы) 20Өзбекстан Республикасының&nbsp; азаматына әкімшілік хаттамалар толтырылып, ескерту жасалды.&nbsp;
ҚР ӘҚБтК-нің 517-бабының 2-бөлігімен (Шетелдіктің немесе азаматтығы жоқ адамның көзделген мерзімдерден астам уақыт ІІО-да тіркеуден өтпей ҚР-да болуынан не тіркеу көрсетілген мекен-жайда тұрмауынан, ҚР-ның халықтың көші-қоны саласындағы заңнамасын бұзуы) Өзбекстан Республикасының 2 азаматына Қызылорда қалалық мамандандырылған әкімшілік сотының құзырымен әкімшілік шара көрілді.
ҚР ӘҚБтК-нің 517-бабының 4-бөлігімен (Шетелдіктің немесе азаматтығы жоқ адамның, ҚР-ның халықтың көші-қоны саласындағы заңнамасын бұзуы не визада тіркеу кезінде көші-қон карточкасында көрсетілген мерзім өткеннен кейін 3 тәуліктен асатын кезең ішінде кетуден жалтаруы) Өзбекстан Республикасының 8 азаматына әкімшілік шара көрілді және олардың арасындағы&nbsp; 1 шетел азаматы елден аластатылды.
ҚР ӘҚБтК-нің 517-бабының 5-бөлігімен (Шетелдіктің немесе азаматтығы жоқ адамның, келу мақсаты мен көші-қон карточкасындағы көрсетілген мақсаттарға сәйкес болмауынан, ҚР-ның халықтың көші-қоны саласындағы заңнамасын бұзуы, ҚР-да еңбек қызметін жүзеге асыруы) Өзбекстан Республикасының 5 азаматына әкімшілік шара көрілді және олардың арасындағы&nbsp;1 шетел азаматы елден аластатылды. 15 шетел азаматтары жеке басын анықтайтын құжатының болмауына байланысты&nbsp; Қызылорда ҚПБ-ның Қабылдау-тарату орнына жеткізілді.&nbsp;
<img src="https://kyzylorda-news.kz/wp-content/uploads/2020/10/whatsapp-image-2020-10-14-at-10.21.04.jpeg" alt="" />

Қызылордада &#8220;Заңсыз келуші» шарасы өтті

<a href="https://kyzylorda-news.kz/">Kyzylorda-news.kz.</a> Қазақстанда коронавирусты анықтайтын ПТР тестен өту ақысы арзандайды. Бұл туралы ОКҚ алаңында өткен баспасөз мәслихатында Денсаулық сақтау министрі Алексей Цой мәлім етті, деп хабарлайды ҚазАқпарат.
Министрдің айтуынша, мамандарды даярлау арқылы отандық зертханалардың қуатын тәулігіне 63 мың зерттеуге дейін жеткізу көзделген.
<blockquote>
 «Шығын материалдары бағасының нарықта арзандауына байланысты Денсаулық сақтау министрлігі ПТР-тест тарифін 22 пайызға дейін арзандату бойынша ұсыныс әзірледі. Сонымен қатар жеке қорғаныс құралдары мен тест-жүйе арзандады. Ұсыныс мақұлданса, осы айдың соңына дейін тариф бекітіледі», – деді Алексей Цой.
</blockquote>

Қазақстанда ПТР тестілеу ақысы арзандайды

<a href="https://kyzylorda-news.kz/">Kyzylorda-news.kz.</a> Әлеуметтік желілер мен мессенджерлерде ТЖ режиміне байланысты табысын жоғалтқандарға төленген 42 500 теңге мөлшеріндегі төлемдерді қайтару қажет деген қауесет тарауда.
<img src="https://kyzylorda-news.kz/wp-content/uploads/2020/10/1-4.jpg" alt="" />
Пайдаланушылар банктердің мобильдік қосымшаларындағы «Әлеуметтік көмекті қайтару» парақшаларының экраннан түсірілген суреттерін жіберуде.
Мемлекеттен алынған қаражатты қайтаруға болады. Бірақ, міндетті емес.
<blockquote>
 “Төтенше жағдай режимі кезінде кейбір азаматтар 42500 теңге мөлшерінде әлеуметтік төлемдерді заңсыз алған. Өйткені олар табысын жоғалтқан жоқ. Сондықтан екінші деңгейлі банктердің мобильді қосымшаларында азаматтарға заңсыз алған қаражатты қайтаруға мүмкіндік беретін функционал қарастырылған. Төлемдер төлене басталғалы шамамен 180 000 адам оны қайтарды. Бұл ерікті түрде жасалады және МӘСҚ бәрінен төленген ақшаны қайтаруды талап етеді деген сөз емес”, — деп түсіндірді ҚР Еңбек және халықты әлеуметтік қорғау министрлігінің баспасөз хатшысы Александр Кононец.
</blockquote>
Қателесіп алған әлеуметтік көмекті қайтару үшін Kaspi Bank мобильді қосымшасында тиісті функцияны іске қосылды. Бұл өте ыңғайлы. Ол сәуірден бастап жұмыс істеп келеді және Төтенше жағдай режимі кезінде 42 500 теңге алғандардың бәріне қолжетімді болды. Қазір оның қызметі тоқтатылды.
<blockquote>
 “_Карантин кезінде әлеуметтік төлем алған, бірақ табысын жоғалтпаған азаматтар үшін ақша қаражатын қайтару функциясы Kaspi.kz мобильдік қосымшасында іске қосылған. Бұл төлемдерді қайтару – әрбір ҚР азаматының ерікті және дербес шешімі“, – делінген ресми жауапта._
</blockquote>
<a href="https://stopfake.kz/kk/archives/1945">Stopfake.kz</a>

Қазақстандықтар 42500 теңгені қайтаруға міндетті ме?

<a href="https://kyzylorda-news.kz/">Kyzylorda-news.kz.</a> Нұр-Сұлтан әкімі Алтай Көлгінов Covid-19 індетін жұқтыру қаупі жоғарылап, науқастар санының артуына байланысты қалалық штаб отырысында бірқатар қосымша шектеу қабылданғанын мәлімдеді, деп хабарлайды&nbsp;<a href="https://sputnik.kz/">Sputnik Қазақстан</a>. &nbsp;
<blockquote>
 “Карантиндік шаралар 14 қазаннан бастап күшіне енеді”, – деп атап өтті қала басшысы.
</blockquote>
<h3 id="">Қызметкерлер қашықтан жұмыс істейді</h3>
Жергілікті атқарушы орган қызметкерлері мен олардың квазимемлекеттік секторының кемінде 60%-і қашықтан жұмыс істеу режиміне ауысады. Адам көп жиналатын жеке ұйымдар жұмысшыларды қашықтан жұмыс режиміне ауыстыруы тиіс.
<blockquote>
 “Індетті жұқтырудың негізгі ошақтары – ұжымдық (еңбек) ошақтар. Жұмыс орындарында санитарлық-эпидемиологиялық нормалардың қатаң сақталуын бақылау қажет”, – деп атап өтті Көлгінов.
</blockquote>
<h3 id="-1">Қоғамдық тамақтану нысандарының жұмыс уақыты қысқарады</h3>
Кафе, мейрамхана, бар, асхана және басқа да қоғамдық тамақтану нысандарының жұмыс уақыты 22 сағатқа дейін (9:00-ден 22:00-ге дейін) қысқартылады. Шектеу жұмыс күндеріне де, демалыс күндеріне де қатысты. Орын саны 30 аспауы тиіс.
Нотариустардың, адвокаттық кеңселердің, бухгалтерлердің, консалтингтің, жылжымайтын мүлік агенттіктерінің, жарнама агенттіктерінің, сот орындаушыларының, туроператорлардың және тағы басқа мекемелердің жұмыс кестесі сағат 18-ге дейін (9:00-ден 18:00-ге дейін) қысқарады. Жұмыс күндері де, демалыс күндері де.
Азық-түлік емес тауарлар мен заттарды сататын бутиктерге жұмыс күндері сағат 18-ге дейін ғана жұмыс істеуге рұқсат етіледі.
Монша, бассейнмен қамтылған сауналардың жұмыс кестесі: жұмыс күндері 8:00-ден 21:00-ге дейін, сенбі және жексенбі күндері 9:00-ден 19:00-ге дейін. Алдын ала жазылу міндетті.
<h3 id="-2">Жексенбіде автобус жүрмейді</h3>
Жексенбіде қоғамдық көліктің жұмысы тоқтатылады. Автобустар дезинфекцияланады.
Полиция департаменті санитарлық дәрігерлермен бірлесіп күнделікті рейдтер жүргізіп, санитария нормаларын бұзу фактілерін анықтау жұмысын күшейтуі қажет.
<blockquote>
 “Рейдтер көптеген нысанда санитарлық-эпидемиологиялық нормалар қатаң сақталмай жатқандығын көрсетіп отыр. Ұйымдар эпидемиялық талаптарды бірнеше рет бұзған фактілер болды. Мұндай “рецидивистердің” қызметі тоқтатылады”, – деп түйіндеді елорда әкімі.
</blockquote>

Бүгіннен бастап карантин күшейтіледі

<a href="https://kyzylorda-news.kz/">Kyzylorda-news.kz.</a> Қызылорда облысының әкімі Гүлшара Әбдіқалықова Қармақшы ауданына жұмыс сапарымен барып, бірқатар әлеуметтік нысандардың жұмысын көрді.
Алдымен аймақ басшысы Тұрмағамбет ауылдық округіндегі «Тұрмағамбет» ЖШС-нің қырманындағы күзгі егін жинау барысын қарап, жаңадан іске қосылған макарон цехының жұмысымен танысты.
<img src="https://kyzylorda-news.kz/wp-content/uploads/2020/10/fb_img_1602600991292.jpg" alt="" />
<img src="https://kyzylorda-news.kz/wp-content/uploads/2020/10/fb_img_1602600978845.jpg" alt="" />
Шаруашылық биыл 2375 гектар жерге күріш, 385 гектар жаңа жоңышқа, 896 гектер ескі жоңышқа, 15 гектар соя, 3 гектар картоп пен 2 гектар жерге егін еккен. Шаруалар күріштің әр гектарынан 60 центнер орташа өнім алып отыр.
<img src="https://kyzylorda-news.kz/wp-content/uploads/2020/10/fb_img_1602600982087-1.jpg" alt="" />
Биыл шаруашылық жанынан макаронның 5 түрін өндіретін жаңа цех іске қосылды. Цехта бір ауысымда 700 кг өнім өндіріледі. Өндірісте 5 адам тұрақты жұмыспен қамтылған. Сонымен бірге қыркүйек айында сым тор шығаратын тағы бір цех жұмысын бастаған.
Облыс әкімі Дауылкөл ауылдық округіндегі «Салима ана» балабақшасының жұмысымен де танысты. 2019 жылы салынған балабақшада 29 бала тәрбиеленуде. Бүгінде 88 орындық балабақшада 13 маман қызмет етеді.
<img src="https://kyzylorda-news.kz/wp-content/uploads/2020/10/fb_img_1602600973641.jpg" alt="" />
Өңір басшысы мұнан кейін Ақжар ауылдық округіне ат басын бұрып, ауылдық клуб үйіндегі ауыл өнімдерінің көрмесін көріп, тұрғындармен пікірлесіп, елдің әлеуметтік-экономикалық даму көрсеткіштерін саралады.
<img src="https://kyzylorda-news.kz/wp-content/uploads/2020/10/fb_img_1602600969298.jpg" alt="" />
<img src="https://kyzylorda-news.kz/wp-content/uploads/2020/10/fb_img_1602600971579.jpg" alt="" />
Бүгінде Ақжар ауылында «Жұмыспен қамтудың Жол картасы» аясында көшелер жөнделіп, жарық шамдар орнатылған. Ауылда шағын және орта бизнесті дамытуға ниетті азаматтар қатары артқан. Биыл 5 азамат мемлекеттік бағдарламалар арқылы грант алса, 10 тұрғын «Бастау» бизнес орталығы арқылы білімін жетілдірген.
Ауыл халқы қолөнер бұйымдарын өндіріп, шағын бизнес саласын дамытуға үлес қосып отыр. Облыс әкімі ауыл халқының қысқа дайындық барысын сұрап, отын қорымен қамту мәселесін реттеуді тапсырды.
Мұнан кейін өңір басшысы «Жұмыспен қамтудың Жол картасы» аясында №6 «Айсұлу» балабақшасының ғимаратына жүргізілген ағымдағы жөндеу жұмыстарын бақылады. 1975 жылы салынған 50 орындық балабақшада 50 бала тәлім алуда.
Сонымен бірге облыс әкімі аудандағы 1200 орындық №250 мектеп-лицейіне барды. Гүлшара Әбдіқалықова оқу ошағындағы карантин уақытындағы оқу процесін саралап, кезекші топтардағы оқушылардың білім алу жолына назар салды.
Жұмыс сапары соңында облыс әкімі Гүлшара Әбдіқалықова аудан әкімі Мұса Қалдарбековке карантин уақытынан кейін шағын және орта бизнесті әлі де дамытып, жергілікті азаматтардың кәсіп ашуына қолдау білдіруді жеткізді. Сондай-ақ, ауыл тұрғындарының өмірін жақсартуға бағытталған әлеуметтік даму картасы аясында жұмыс жүргізіп, жаңа жұмыс орындарын ашуды тапсырды. Сонымен бірге короновирус пандемиясы кезінде сақтық шараларын қатаң сақтау қажеттігін қаперге салды.
<img src="https://kyzylorda-news.kz/wp-content/uploads/2020/10/fb_img_1602600975925.jpg" alt="" />
<img src="https://kyzylorda-news.kz/wp-content/uploads/2020/10/fb_img_1602600986868.jpg" alt="" />
<img src="https://kyzylorda-news.kz/wp-content/uploads/2020/10/fb_img_1602600989120.jpg" alt="" />

Аймақ басшысы Қармақшы ауданына барды

<a href="https://www.kazhydromet.kz/weather/prognoz-vazhneyshih-meteorologicheskih-yavleniy">«Қазгидромет»</a>&nbsp;РМК-сы қазанның 14-і күнгі ауа райы болжамын жариялады.
Кәсіпорын таратқан мәліметтерге қарағана, Қазақстанның басым бөлігі әлі де антициклонның ықпалында. Сол себепті еліміздің басым бөлігінде күн жауын-шашынсыз болады. Тек Қазақстанның шығысында атмосфералық фронталды бөліктердің өтуіне байланысты кей жерлерде жауын (жаңбыр, қар) жауады.
Республиканың кей жерлерінде жел күшейіп, солтүстігінде және шығысында тұман түседі.

14 қазанға арналған ауа райы болжамы

<a href="https://kyzylorda-news.kz/date/2020/10/13/">Kyzylorda-news.kz.</a> Сырдария ауданында егістік алқабындағы жанжалдан кейін бірнеше қылмыстық іс қозғалды.
<a href="https://kyzylorda-news.kz/kogam/qyzylorda-qyrman-basyndaghy-qyrghyn-video-83002/">Бұған дейін хабарлағанымыздай</a>, 11 қазанда Сырдария ауданының Тоқмағамбетов ауылындағы күріш алқабында “Тоқмағамбетов жер” ЖШС-не тиесілі егістікті күзетуші мен ауыл тұрғындарының арасында жанжал шыққан.
Оқиға орын алған жерде күзетшілердің бірі қызметтік травматикалық қарумен (“МР-47”) аспанға бір мәрте ескерту оғын атқан. Одан кейін автокөлікпен кісі қаққан.
Қызылорда облысы полиция департаментінің хабарлауынша, осы дерек бойынша Сырдария аудандық полиция бөлімі Қылмыстық кодекстің 252-бабы (жекеше күзет қызметтері қызметшілерінің өкілеттіктерін асыра пайдалануы) бойынша қылмыстық іс қозғалып, тергеу амалдары жүргізіліп жатыр.
<blockquote>
 “Сырдария ауданының полиция бөлімінің қызметкерлері қандай да бір заңсыз іс-әрекеттер жасамаған және&nbsp; кәсіпкерлікке кедергі келтірмеген. Қызметкерлер заң шеңберінде өздеріне тиісті міндеттерін атқарды”, – деді Қызылорда облысы полиция департаментінің жергілікті полиция қызметi басқармасының бастығы Бауыржан Ибраев.
</blockquote>
Сонымен қатар жанжал кезінде “Тоқмағамбетов жер” ЖШС заңгерін ауыл тұрғындары ұрып, дене жарақатын салған. Соған байланысты Қылмыстық кодекстің 293-бабының 2-бөлігі 1-тармағы бойынша (адамдар тобының алдын ала сөз байласуы арқылы қоғамдық тәртіпті сақтамай бұзақылық қылмысын жасау) қылмыстық іс тергеліп жатыр.
Қазіргі таңда тиісті сараптамалар тағайындалды. Тергеу облыс прокуратурасы және полиция департаменті бастығының бақылауына алынған.

Қызылордада қырман басындағы жанжалдан кейін бірнеше қылмыстық іс қозғалды

*<a href="https://kyzylorda-news.kz/date/2020/10/13/">Kyzylorda-news.kz.</a> Қазалы ауданында жоғалып кеткен бала өзен жағасынан табылды.*
Аудан тұрғыны бұл жөнінде Қазалы аудандық полиция бөлімініе хабарласты. Онда үй ауласында ойнап отырған 7 жастағы ұлының жоғалғаны айтылған.
<blockquote>
 «Полиция бөлімінің жеке құрамы жоғалған баланы іздестіру шарасына дереу кірісті. Оған жергілікті ерікті азаматтар қосылды. Жақын маңдағы барлық аумақ, үй аулалары, ойын алаңы назарға алынды. Жоғалған бала Сырдария өзені жағасынан табылды. Ювеналды полиция қызметкерлері ата-аналармен және баламен профилактикалық бағыттағы түсіндірме жұмыстарын жүргізді», – деп мәлім етті Қызылорда облыстық полиция департаментінің баспасөз қызметі.
</blockquote>

Қазалыда жоғалып кеткен бала өзен жағасынан табылды

<a href="https://kyzylorda-news.kz/date/2020/10/13/">Kyzylorda-news.kz.</a> Дүниежүзілік денсаулық сақтау ұйымы коронавирустың екінші толқыны жоқ екенін мәлімдеді.
<blockquote>
 “Пандемия 2020: қауіп-қатерлер, шешімдер, салдары” тақырыбында өткен халықаралық конференцияда ұйымның төтенше жағдайлар жөніндегі аймақтық директоры Дорит Ницан сөз сөйледі.
 “Коронавирустың түрлері мен формалары пандемияның ешқандай екінші толқыны жоқ екенін көрсетіп отыр”, – деді Ницан.
</blockquote>
Оның айтуынша, қазіргі кезде кейбір елдерде коронавирусқа шалдыққандардың саны өссе, кей мемлекеттерде керісінше азайып жатыр.
<blockquote>
 “Біз осы мәселені апта сайын зерделейміз, коронавирустың деңгейі төмендеп жатқан елдердің жағдайын зерттеп отырамыз”, – деп атап өтті Ницан.
</blockquote>
Осы орайда ұйым өкілі маңызды бір мәселеге тоқталды. Көптеген адам коронавирустың өте қауіпті ауру екенін түсіне бермейді, өйткені әлемде халықтың 5% -і ғана індеттің ауыр түріне шалдыққан.
<blockquote>
 “Алайда жаңағы 5 процент қатты қиналады, олардың өміріне қауіп төніп тұр. Олардың жағдайы ауыр”, – деді Ницан.
</blockquote>
Айта кетейік, Дүниежүзілік денсаулық сақтау ұйымы 11 наурызда жаңа коронавирус инфекциясының таралуына байланысты COVID-19 пандемиясын жариялаған болатын. Ұйымның мәліметінше, әлем бойынша инфекция жұқтырғандардың саны 37 миллион адамнан асты. Осы уақытқа дейін 1 070 355 науқас қайтыс болды.
Пандемия басталғалы бері Қазақстанда 108 901 адам коронавирус инфекциясын жұқтырған. Науқастардың басым бөлігі жазылып шықты. 1 746 адам қайтыс болды. Бұдан бөлек, 1 тамыздан бастап елімізде тест сынамасы теріс нәтиже көрсеткен, бірақ коронавирустың белгілері бар пневмониямен 34 913 адам ауырды. 27 709 науқас жазылып шықса, 370 адам көз жұмды.
<a href="https://sputnik.kz/world/20201013/15188996/Koronavirustyn-ekinshi-tolqyny-zhoq.html">Sputnik Қазақстан</a>

&#8220;Коронавирустың екінші толқыны жоқ&#8221;: ДДҰ мәлімдеме жасады

<a href="https://kyzylorda-news.kz/date/2020/10/13/">Kyzylorda-news.kz.</a> Жалағаш ауданында 2337 кәсіпкерлік субьектісі бар. Шағын және орта кәсіпкерлікті бастау немесе дамыту бағытында ағымдағы жылы 3 млрд. 355,1 млн. теңгегені құрайтын 140 жоба қаржыландырылып, 192 адам жұмыспен қамтылған.
Аудан әкімі Асылбек Шаменовтің айтуынша «Бизнестің жол картасы 2025» бағдарламасы аясында екінші деңгейлі банктердің облыстық филиалдары арқылы 13 жобаға 1158,7 млн. теңге беріліп, пайыздық ставкасы субсидияланған. Аталған бағдарламаның мемлекеттік гранттар беру бағыты бойынша 6 жобаға 12 млн. теңгеге қаралып, құжаттары жинақталып жатыр.
<blockquote>
 “Нәтижелі жұмыспен қамтуды және жаппай кәсіпкерлікті дамытудың 2017-2020 жылдарға арналған «Еңбек» мемлекеттік бағдарламасы аясында жыл басынан 80 жобаға 358,9 млн. теңге берілді. «Қарапайым заттар экономикасы» бағдарламасы аясында 3 жоба, «Агробизнес» бағдарламасы аясында «Ауыл» несие серіктестігі арқылы 15 жоба, «Сырдария-1» несие серіктестігі арқылы 8 жоба қаржыландырылды”, – дейді аудан әкімі.
</blockquote>
«КазАгро Қаржы» АҚ-ы және «ТехноЛизинг» ЖШС-нен 15 шаруа қожалық 1 млрд. 194,3 млн. теңге алды. Қомақты қаржыны ауылшаруашылық техникасын алуға жұмсады. Мемлекеттік және өңірлік бағдарламаларға 30 жоба ұсынуға құжат жинақталуда.

Жалағашта 140 жоба қаржыландырылды

<a href="https://kyzylorda-news.kz/date/2020/10/13/">Kyzylorda-news.kz.</a> Кеше «Nur Otan» партиясының Төрағасы Нұрсұлтан Назарбаев республика бойынша тағы 100 мың әлеуметтік аз қамтылған отбасыға 50 мың теңге көлемінде біржолғы материалдық көмек беруді тапсырды.
Өздеріңізге белгілі «Birgemiz» қоры осы жылдың наурыз айында Тұңғыш Президент, «Nur Otan» партиясының Лидері Нұрсұлтан Назарбаевтың бастамасымен коронавируспен күрес жағдайында халықтың әлеуметтік осал топтарын қолдау үшін құрылған болатын.
Сол кезден бері Қызылорда облысы бойынша «Birgemiz» қоры есебінен 24030 азамат 50 мың теңге көлеміндегі біржолғы материалдық көмекпен қамтылған.
<blockquote>
 “Бұл жолы қор есебінен берілетін материалдық көмек нақты 4 санат бойынша бұған дейін қамтылмаған 5445 Қызылорда қаласының тұрғынына үйлестірілуде. Санаттар бойынша азаматтар тізімі қалалық жұмыспен қамту, әлеуметтік бағдарламалар және азаматтық хал актілерін тіркеу бөлімі арқылы мемлекеттік деректер қорынан алынды” – делінген партияның облыстық филиалы таратқан хабарламада.
</blockquote>
Тізімде бар жоғыңызды анықтау үшін 26-46-28; 27-62-53 байланыс нөмірлеріне хабарласа аласыздар.
Санаттар мен бөліністері төмендегі кестеде көрсетіген.
<img src="https://kyzylorda-news.kz/wp-content/uploads/2020/10/121400519_1013284559084054_6386363434546195933_o.jpg" alt="" />

Қызылорда: 50 мың теңге бұрын алмаған азаматтарға беріледі

<a href="https://kyzylorda-news.kz/date/2020/10/13/">Kyzylorda-news.kz.</a> Қазақстандағы жер қатынастарына байланысты тағы бес мемлекеттік қызмет онлайн режимге ауыстырылды.
Енді «Мемлекеттік жер кадастрынан ақпарат беру», «Жер учаскесінің кадастрлық (бағалау) құнын анықтау», «МЖК ААЖ графикалық дерегімен жобаланып отырған жер учаскесін келісу», «Жер учаскесіне актілер дайындау және беру», «Жер учаскесінің сапалық жағдайы туралы ақпарат беру» сияқты мемлекеттік қызметтер egov.kz электронды үкімет порталы арқылы қолжетімді болады.
Қазіргі таңда барлық қажетті нормативтік-құқықтық акті тиісті мемлекеттік органдармен келісіліп, қызметтер egov.kz порталында тестілеуден өтіп жатыр. Нормативті актілер күшіне енгеннен кейін кез келген азамат бұл қызметтерді онлайн түрде сұрата алады.
«Азаматтарға арналған үкімет» мемлекеттік корпорациясы басқарма төрайымының орынбасары Мәди Садановтың айтуынша, жер қатынастарына байланысты қызметтерді алу қашанда қиындықтарымен ерекшеленіп келген.
<blockquote>
 «Жер бойынша көрсетілетін қызметтердің көп бөлігі тек қағаз түрінде және қызмет алушының мемлекеттік корпорацияның фронт-офисіне тікелей баруымен ғана ұсынылды. Цифрлық технологиялар дәуірінде тұрғылықты жерге байланып, қызметтің нәтижесін бірнеше күн, тіпті бірнеше апта күту, әрине, орынсыз. Сондықтан біз жер қатынастары саласында ең көп сұранысқа ие қызметтердің көрсетілу мерзімін қайта қарастырып, барынша азайттық. Сонымен қатар egov.kz порталы арқылы алу мүмкіндігі оларды тұрғылықты жеріне қарамастан әлемнің кез келген жерінде отырып алуға жол ашады. Басты талап – электрондық цифрлық қолтаңбаның болуы», – деді Саданов.
</blockquote>
Мәселен, егер бұрын МЖК ААЖ графикалық мәліметтерімен жобаланатын жер учаскесін келісу мерзімі 15 күнтізбелік күн болса, қазір ол 7 жұмыс күніне дейін, ал жеке сәйкестендіру құжатын дайындау уақыты 6 жұмыс күнінен 4 күнге дейін қысқарды. Мемлекеттік жер кадастрынан ақпарат беру мерзімі 3 жұмыс күнінен 15 минутқа дейін қысқарды. Барлық бес қызмет бойынша да солай.
Айта кетейік, жаңа қызметтер egov.kz порталының «Жылжымайтын мүлік» бөліміндегі «Жер қатынастары» тармағында қолжетімді болады.
Естеріңізге сала кетейік, бұған дейін ҚР Президенті Қасым-Жомарт Тоқаев өз жолдауында бизнес-процестерді мүмкіндігінше цифрландыруды тапсырған болатын.

Қазақстан және Қызылорда облысының жаңалықтары

Қызылордада “Заңсыз келуші» шарасы өтті

Қазақстанда ПТР тестілеу ақысы арзандайды

Қазақстандықтар 42500 теңгені қайтаруға міндетті ме?

Бүгіннен бастап карантин күшейтіледі

Аймақ басшысы Қармақшы ауданына барды

14 қазанға арналған ауа райы болжамы

Қызылордада қырман басындағы жанжалдан кейін бірнеше қылмыстық іс қозғалды

Қазалыда жоғалып кеткен бала өзен жағасынан табылды

“Коронавирустың екінші толқыны жоқ”: ДДҰ мәлімдеме жасады

Жалағашта 140 жоба қаржыландырылды

Қызылорда: 50 мың теңге бұрын алмаған азаматтарға беріледі

Қазақстанда жер қатынастарына қатысты қызметтер цифрландырылады

Қазақстан және Қызылорда облысының жаңалықтары

Қызылордада &#8220;Заңсыз келуші» шарасы өтті

Қазақстанда ПТР тестілеу ақысы арзандайды

Қазақстандықтар 42500 теңгені қайтаруға міндетті ме?

Бүгіннен бастап карантин күшейтіледі

Аймақ басшысы Қармақшы ауданына барды

14 қазанға арналған ауа райы болжамы

Қызылордада қырман басындағы жанжалдан кейін бірнеше қылмыстық іс қозғалды

Қазалыда жоғалып кеткен бала өзен жағасынан табылды

&#8220;Коронавирустың екінші толқыны жоқ&#8221;: ДДҰ мәлімдеме жасады

Жалағашта 140 жоба қаржыландырылды

Қызылорда: 50 мың теңге бұрын алмаған азаматтарға беріледі

Қазақстанда жер қатынастарына қатысты қызметтер цифрландырылады

Қызылордада “Заңсыз келуші» шарасы өтті

“Коронавирустың екінші толқыны жоқ”: ДДҰ мәлімдеме жасады