<a href="https://kyzylorda-news.kz/date/2020/10/15/?doing_wp_cron=1602745337.4086410999298095703125">Kyzylorda-news.kz.</a> Әкімдік жанынан құрылған мониторингтік топ қаладағы тойханалардың бірінде болып жатқан думанды кештің үстінен түсті, деп хабарлайды <a href="https://24.kz/kz/zha-aly-tar/o-am/item/429701-yzylordada-150-adam-karantin-kezinde-jlenu-tojyna-bar-an">«Хабар 24»</a>.
Бейнеде көргендеріңіздей, той тойлаған жұртты індет жұқтыру туралы ой мазаламайтын секілді. Бетпердені сыпырып, әлеуметтік ара қашықтық ұмытқан меймандар алаңсыз билеп жүр. Шектеу шараларына пысқырмаған мейрамхана мен той иелері әкімшілік жауапкершілікке тартылды. Жалпы наурыз айынан бері 10 мыңдай нысанға рейд жүргізіліп, санитарлық талап сақтамаған 244 кәсіпкерлік құрылымға айыппұл салынды. Карантин тәртібін бұзған 133 адамға хаттама толтырылды. &nbsp;
<blockquote>
 “Әкімшілік құқық бұзушылық туралы» Кодексінің 462-бабы, 3-тармағымен 3 тұлғаға және осы кодекстің 425 бабы, 1-тармағымен 130 тұлғаға әкімшілік шара көрілді. Оның ішінде қазір тыйылмай отырған той иелеріне 36 анықтама толтырылып, тиісті құзырлы органдарға жолданды. Өз кезегінде бекітілген қаулы талаптарын мониторингтік топ тарапынан күнделікті қадағаланып, бұл жұмыстар жүйелі түрде жалғасуда”, – қалалық кәсіпкерлік, өнеркәсіп, және туризм бөлімінің басшысы Бағлан Амангелдиев.
</blockquote>

Қызылордада 150 адам карантин кезінде үйлену тойына барған

<a href="https://kyzylorda-news.kz/">Kyzylorda-news.kz</a>. Қазақстан президенті Қасым-Жомарт Тоқаев Семейде абайтанушы ғалымдармен кездесті. Мемлекет басшысы республикада Абай мектептерін ашуды ұсынды, деп хабарлайды&nbsp;<a href="https://www.akorda.kz/kz">Ақорда.</a>
Кездесу барысында президент гуманитарлық саланы дамыту қажеттігін, оның ішінде қазақ тілі мен әдебиетін оқытуға және сапалы оқулық дайындауға баса мән беруі керектігіне тоқталды.
Тоқаев ана тілі мен төл әдебиетттің қадір-қасиетін балаларға мектеп жасынан бастап сіңіру керек деп санайды. Бұл бағытта бірыңғай ұстаным қажет.
<blockquote>
 “Осыған орай Алматыдағы Абай атындағы мектеп-интернаттың мүмкіндіктерін толық пайдаланған жөн. Қазақ тілі мен әдебиетін тереңдете оқытатын бұл мектептің оқу үдерісі басқа мектептерге үлгі болады деп ойлаймын. Оны заманауи талапқа сай жан-жақты жетілдіріп, “Абай мектебі” деп аталатын ең үздік білім ордасына айналдыру қажет. Жалпы біз келешекте Абай мектептерін ашу туралы ойлануымыз керек”, – деді Тоқаев.
</blockquote>
Мемлекет басшысы биылғы мерейтой кезінде елге ой салатын, тағылымы мол нақты шаралар атқарылғанын, бұл үрдіс Абай жылынан кейін де жалғаса беретінін атап өтті.
Сондай-ақ, ұлы Абайдың тұлғасын шетел жұртшылығына кең ауқымда таныту жобасы бойынша ақынның шығармалары ағылшын, испан, араб, түрік, қытай, неміс, итальян, француз және жапон тілдеріне аударылды. Президент аудармалардың көркемдік сапасы өте жоғары деп санайтынын жеткізді.
<blockquote>
 “Абай шығармаларын әлемде кең тараған тілдерге аударып, басу – бірегей халықаралық жоба. Бұл жаһанға қазақ мәдениетінің жаңа қырын танытып, әлемдегі барша оқырмандарға Абай шығармашылығымен, терең философиясымен және теңдессіз лирикасымен танысуға мүмкіндік береді”, – деді президент.
</blockquote>
Кездесу барысында Тоқаев зиялы қауым өкілдерінің қоғамдағы рөлі мен орнына тоқталып, олардың қашанда ұлттық құндылықтарды бәрінен биік қоятынын, әрдайым мәртебелі миссия атқарып келе жатқанын баса айтты.
Кездесуде Мекемтас Мырзахметұлы, Тұрсын Жұртбай, Ғарифолла Есім, Борис Щербаков, Арап Еспенбетов секілді ғалымдар мен абайтанушылар сөз сөйледі.
Кездесу соңында Тоқаев абайтануға айтулы еңбек сіңірген, отандық ғылымның дамуына өлшеусіз үлес қосқан бірқатар азаматты мемлекеттік наградалармен марапаттады.

Мемлекет басшысы Қазақстанда Абай мектептерін ашуды ұсынды

<a href="https://kyzylorda-news.kz/">Kyzylorda-news.kz.</a> Өңірде 700 мекеме өз бюджетін интерактивті картаға енгізді. Қаражаттың көлемі 737,6 млрд. теңге. Бюджет қаражатына қоғамдық бақылау жүргізу үшін картаға енгізілген ақпараттардың шынайы да жедел болуы аса маңызды.
Бұл туралы Өңірлік коммуникациялар қызметінің ақпарат алаңында өткен брифингте облысы бойынша сыбайлас жемқорлыққа қарсы іс-қимыл департамент басшысының бірінші орынбасары Бақытжан Ниязов мәлімдеді.
<blockquote>
 “Бүгінгі күнге сыбайлас жемқорлыққа қарсы қызметпен енгізілген ұсыныстар нәтижесінде облыста 223,0 млн. теңгеден астам қаражаттың тиімді қайта жоспарлануына қол жеткізілді. Бұл бағыттағы жұмыстар жалғасуда, әсіресе пандемиямен карантиндік шараларды ескере отырып конференция мен семинарлар, басқада көпшілік шаралар, көлік пен жиһаз сияқты тауарларды сатып алуға қатысты шығыстарға бақылау күшейтілді”, – деді Бақытжан Ниязов.
</blockquote>
<img src="https://kyzylorda-news.kz/wp-content/uploads/2020/10/121577935_1140619276333583_8966225134399643571_o.jpg" alt="" />
Департаменттің өндірісімен аяқталған қылмыстықтық істер бойынша 50 ұсыну енгізілді, 47 ұсыну қаралып, 3 ұсыну қаралу үстінде. 233 лауазымды тұлға тәртіптік жауапкершілікке тартылды.

Қызылордада ашық бюджеттің интерактивті картасы енгізілді

<a href="http://Kyzylorda-news.kz.">Kyzylorda-news.kz</a>. Бүгін Достық үйінде «Бойтұмар-Ханым» қоғамдық қоры, облыстық Қазақстан халқы Ассамблеясы жанындағы Аналар кеңесі және облыстық іскер әйелдер қауымдастығының ұйымдастыруымен «Ақ орамал – ізеттіліктің, инабаттылықтың белгісі» акциясы болып өтті.
<img src="https://kyzylorda-news.kz/wp-content/uploads/2020/10/121616024_2759096327742863_3437476613054775042_o.jpg" alt="" />
Акцияға «Бастаңғы» әжелер ансамблі, этномәдени бірлестіктің мүшелері, облыстық ҚХА жанындағы Аналар кеңесінің белсенділері қатысты.
Тағылымы мол акция Достық үйінің фойесінде Тасбөгет кентінің Сабира Майқанова атындағы мәдениет үйінің «Бастаңғы» әжелер ансамблінің ән-шашуымен бастау алды. «Жаңғыру жолы» жастар қозғалысының белсенді мүшесі Константин Луца «Ана» туралы жырын ақ жаулықты аналарға арнады.
<img src="https://kyzylorda-news.kz/wp-content/uploads/2020/10/121671318_2759096204409542_6773147094399148396_o.jpg" alt="" />
Облыстық ҚХА жанындағы Аналар кеңесі 2014 жылы құрылған. Құрылған күннен бастап кеңес мүшелері отбасы мәртебесін көтеруге, отбасы құндылықтарын дәріптеуге, ұрпақ тәрбиесіне байланысты көптеген іс-шаралар ұйымдастырып келеді. Облыс бойынша 118 аналар кеңесі жұмыс жасайды.
Қатысушылар Аналар кеңесінің атқарған жұмыстарымен танысып, суреттер көрмесін тамашалады.
«Бойтұмар-Ханым» қоғамдық қорының төрайымы, Аналар кеңесінің мүшесі Рахима Ахметова қатысушыларға алғысын білдіре отырып, ананың қоғамдағы рөлі, «Ақ орамал» жобасының маңыздылығына тоқталып өтті. Сондай-ақ, қатысушыларға ақ тілегін жаудырған, алтын алқа иегері, батыр ана Қуаныш Ахметқызының иығына ақ орамал жапты.
<img src="https://kyzylorda-news.kz/wp-content/uploads/2020/10/121546078_2759096797742816_4531450021129196725_o.jpg" alt="" />
Акция аясында «Бауырсақ party» ұйымдастырылып, қатысушылар ыстық бауырсақтан дәм татты. Мұнан соң қатысушылар облыстық балалар ауруханасының ауласына 300-ге жуық сыр талын екті. Акция соңында спорттық ойындардан сайыс ұйымдастырылды.
<img src="https://kyzylorda-news.kz/wp-content/uploads/2020/10/121775534_2759097001076129_1596188005449159623_o.jpg" alt="" />
<img src="https://kyzylorda-news.kz/wp-content/uploads/2020/10/121736683_2759097291076100_7042258482918659566_o.jpg" alt="" />
<img src="https://kyzylorda-news.kz/wp-content/uploads/2020/10/121643006_2759097427742753_1798559874673898486_o.jpg" alt="" />

Қызылордада аналар акциясы өтті

<a href="https://kyzylorda-news.kz/date/2020/10/15/?doing_wp_cron=1602745337.4086410999298095703125">Kyzylorda-news.kz.</a> Қызылорда облысында биыл 1 әйел тұрмыстық зорлық-зомбылықтың салдарынан көз жұмды. Мыңға жуық әйел зардап шеккен. Ал үрей мен қорқыныш құшағына енген қыз-келіншектер қаншама? Барар жері, болмай тауы шағылған жандарға кім қолдау көрсетеді? Сұрақтарымызға жауапты Қызылорда облысы Полиция департаменті Жергілікті полиция қызметі басқармасының бастығы полиция полковнигі Бауыржан Ибраевтан алуға тырыстық.
&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp; – Бауыржан Әшімұлы, әйелге қол көтеру ерлік пе?
Отбасындағы зорлық-зомбылық мәселесі күн тәртібінен түскен емес. Құқық қорғау мамандары тұрмыстағы кикілжіңдерден әйелдер мен балалардың жиі зардап шегетінін айтады. Ал білектінің алдында әйел-әлсіз, бала-қорғансыз болып тұр. Әлісізге қол көтеру ерлеріміздің азаматтығына үлкен сын.
-Әйелдер арыздануды ар санайды. Осыған не айтасыз?
Үй болған соң ыдыс-аяқ сылдырламай тұрмайтыны анық. Ал келіспеушіліктің басым бөлігі әлеуметтік жағдайдан туындайды. Келіспеушілік жанжалға ұласып, отағасы жұбайына қол жұмсайды. Алайда қазақ әйелдері соққыға жығылса да сабырлыққа салады. Отбасындағы оқиғаны жарияға жар салғанды ар көреді. Сондықтан құқық қорғау органдары зорлық-зомбылық көрген нәзік жандылардың нақты санын айта алмайды.
– Заң не дейді?
Өткен жылы елімізде тұрмыстық зорлық-зомбылық туралы заң актілеріне түзету енгізілді. Бұл түзетулер отбасы шырқын бұзатын адамдарға қатысты жазаны күшейту мақсатында жасалып&nbsp; отыр. Енді жаңа заңның жазасы жеңіл емес. Зорлық-зомбылық көрсеткендер қатаң жазаланады.
Тұрмыстық зорлық-зомбылыққа жол бермейік. Қоғамда болып жатқан заңсыздыққа көз жұма қарамай, өзіңіздің үлесіңізді қосыңыз деп тұрғындардан сұраймыз!
– Осы мәселе бойынша полиция қандай жұмыстар атқаруда?
Тұрмыста құқық бұзушылық жасауға бейім адамдарды анықтап, жалпы отбасы-тұрмыстық қатынастардағы көпке созылған кикілжің жағдайлар әйелдерге қатысты құқыққа қарсы әрекеттің жасалуына негіз болатынын, отбасы-тұрмыстық жанжалға қатысушыларға ықпал ету арқылы учаскелік полиция инпекторларымен, әйелдерді зорлық-зомбылықтан қорғау тобының қызметкерлерімен алдын алу жұмыстары ұйымдастырылуда.
Жұмыс барысын жандандыру мақсатында облыс бойынша халық көп жиналатын демалыс орындарында, аялдамаларға, сауда үйлер, оқу орындары &nbsp;мен мекемелерге барлығы 6000 ақпараттық материалдар таратылды, оның ішінде қалалық жерлерде 3&nbsp;000, &nbsp;ауылдық жерлерде 3 000 ақпараттық материалдар таратылды.
Аталған бағыттағы жұмыстар барысын жандандыру мақсатында – ІІО-ның қызметкерлері, үкіметтік емес ұйымның мамандары, волонтерлармен бірлесіп, халықтар көп жиналатын демалыс орындарында, аялдамаларға, оқу орындары мен мекемелерге 1&nbsp;000 дана плакаттар ілініп, лифлеттер таратылды. Іс-шара барысы БАҚ өкілдерімен бірлесе атқарылып, әлеуметтік желілері арқылы жарияланды.
Сонымен қатар, облыс көлемінде ауқымды «Тұрмыс», «Квадрат», «Көрші бақылауы», «Учаске», «Балалар түнгі қалада», «СТОП трафик» жедел профилактикалық шаралары өткізіліп, шараға&nbsp; полиция қызметкерлерімен бірлесіп үкіметтік емес ұйымдар, волонтерлар және қоғамдық қор&nbsp; мүшелері&nbsp; жұмылдырылды.
Ішкі істер органдарының бөліністерінде 9 сенім телефондары бар. Әйелдерге қатысты проблемалық мәселелер бойынша сенім телефондарына барлығы 110 қоңырау түскен.&nbsp; Зорлық-зомбылықтан зардап шеккен әйелдерге құқықтық, психологиялық көмектер көрсетіліп, қауіпсіздігін қамтамасыз ету мақсатында дағдарыс орталықтарына&nbsp; 51 (былтыр -48) &nbsp;әйел орналастырылды.
Қазіргі таңда Қызылорда облысында әйелдердің құқығы мен мүдделерін қорғаумен айналысатын мемлекеттік емес 4 пана үйлер бар.
Олар: «Жан», «Ана Үйі», «Қамқорлық» дағдарыс орталықтары және «Арал балалары» әлеуметтік қонақ үйі бар.
Жоғарыда аталған орталықтарға полиция қызметкерлері тарапынан зорлық-зомбылыққа ұшыраған және зорлық-зомбылықтың салдарынан кейінгі әйелдерді бейімдеу мақсатында «Жан» дағдарыс орталығына 33 әйел жолданса, «Ана Үйі» орталығына 2 азаматша орналастырылды, ал «Қамқорлық» дағдарыс орталығына жыл басынан 10 отбасы, яғни 24 әйел орналастырылған.&nbsp;
&nbsp;Сонымен қатар, жоғары және орта оқу орындарында -256, кәсіпорындар мен мекемелерде, ұйымдарда -131, «Жасөспірімдердің құқықтары, міндеттері, жауапкершілігі», «Зорлық-зомбылыққа жол Жоқ» «Зорлық-зомбылықсыз қоғам», «Бақытты-отбасы, бақытты -ел», «Адам саудасының құрбаны болма» т.б тақырыбында әңгімелер, дөңгелек үстелдер, тренингтер, брифингтер өткізілді.
Сұхбат соңында қыз-келіншектерге айтатыным, тұрмыстық зорлық-зомбылық бұл қылмыс, бір басталса ол өздігімен доғарылмайды. Зорлық-зомбылыққа жол бермеңіз, үй ішіндегі зорлық-зомбылық туралы ашық айтыңыздар! Зорлық-зомбылық қайталануы мүмкін екенін есіңізден шығармаңыз. Үнсіз қалмаңыз, бұл жайында айтыңыз! 102 нөміріне қоңырау шалыңыз демекпін.
<img src="https://kyzylorda-news.kz/wp-content/uploads/2020/10/120996031_1134697640259080_6123209203820098893_o.jpg" alt="" />

Бауыржан Ибраев: Отбасында зорлық көрсеңіз жасырмаңыз

<a href="https://kyzylorda-news.kz/">Kyzylorda-news.kz.</a> Кез келген азамат еліміздегі колледждердің ТОП-100 студентін анықтауға атсалыса алады. Бұл туралы ҚР Білім және ғылым министрлігінің баспасөз қызметі хабарлады.
Республикалық байқауға 338 адам қатысып жатыр. Жоба жеңімпаздары өз мамандықтары бойынша кәсіпорын басшыларынан жұмысқа орналасуға шақыру алады.
«Қазақстан Республикасы колледждерінің ТОП-100 студенті» байқауының республикалық кезеңі басталды. Жоба талантты жастарды қолдауға және жұмысшы мамандықтарын дәріптеуге бағытталған. Республикалық кезеңге іріктеу арқылы үлгерімі жақсы жастар, студенттік өзін-өзі басқару және еріктілер қозғалысының көшбасшылары, «World Skills» халықаралық чемпионаттарының, олимпиадалардың, спорттық жарыстардың, инновациялық идеялар конкурстары мен стартап-жобалардың қатысушылары мен жеңімпаздары өтті.
<blockquote>
 “Бұл жай ғана әлеуметтік жоба емес. Байқау қатысушылары арқылы біз оқушылар мен олардың ата-аналарына колледжде оқудың артықшылықтары туралы ақпарат беріп жатырмыз. Тіпті дауыс беру кезінде жетістіктерге жеткен студенттердің өмірінен қызықты мәліметтерді біліп, кадрларды даярлау бағыттарымен танысуға болады. Жалпы байқау колледж деңгейіндегі, аймақтық және республикалық, яғни осы үш кезеңнен тұрады. Үздік студенттер 20 қазанға дейін жалғасатын онлайн-дауыс беру арқылы анықталады. Ол үшін жоба <a href="http://kasipkor.kz/prod/top100/index.php?lang=ru">сайтына</a> кіріп&nbsp;дауыс беру қажет. Интернет-ресурста қатысушылар туралы барлық ақпарат жарияланған. Жоба барысы болашақ жұмыс берушілердің бақылауында, олар жеңімпаздарға «Job offer» жіберіп, студенттердің оқуы аяқталған соң жұмысқа алады»,&nbsp;– деді ҚР БҒМ Техникалық және кәсіптік білім департаментінің директоры Насымжан Оспанова.
</blockquote>
Байқау қатысушыларының басым бөлігі “Мехатроника”, “Робототехника және кірістірілетін жүйелер”, “Web-дизайнер”, “Дәнекерлеуші”, “Техник-электроншы”, “Супервайзер”, “Құтқарушы”, “Электр жабдықтарын монтаждаушы” және басқа да мамандықтар бойынша білім алып жатыр.
<blockquote>
 “Жұмыс берушілер болашақ мамандарды өндірістік тәжірибеге шақыруға, өндіріс барысымен таныстыруға дайын. Жалпы колледждерде 500 мыңға жуық студент білім алып жатыр, жыл сайын шамамен 140 мың азамат оқуын аяқтайды. Қазақстандық колледж түлектерінің жұмысқа орналасу көрсеткіштері өте жақсы. Мәселен, түлектердің шамамен 70%-ы диплом алғаннан кейін бірден жұмысқа орналасса, қалғандары көбінесе жоғары оқу орындарында оқуын жалғастырып жатыр“, – деді Насымжан Оспанова.
</blockquote>

ТОП-100 студенті анықталады

<a href="https://kyzylorda-news.kz/">Kyzylorda-news.kz.</a> Нұр-Сұлтан қаласы Білім басқармасының басшысы Шолпан Қадырова&nbsp;қашықтан оқыту кезінде оқушыларға қандай пәндерден баға қойылмайтынын айтты.
<blockquote>
 “Қашықтан оқыту кезіндегі маңызды мәселелердің бірі – оқушылардың оқу жетістіктерін бағалау. Бағалау білімдегі олқылықтарды анықтап, оқушылардың оқуға деген ынтасын арттырады. Сондай-ақ, мұғалім мен оқушы сабақтағы жетістіктерін жақсарту үшін қосымша іс-шаралар жоспарын бірігіп жасай алады. Биылғы оқу жылындағы бағалаудың ерекшелігі 2-11- сынып оқушыларының оқу жетістіктері қалыптастырушы бағалау арқылы анықталып, балл қойылады. Ал 1-сыныптағы бағалау жүргізілмейді”, – деді ол.&nbsp;
</blockquote>
Оның айтуынша, I тоқсандағы оқушылардың жиынтық бағалауы 5 қазанда басталды.&nbsp;
<blockquote>
 “Ал тоқсан үшін бағалау 28 қазаннан басталады. Әрбір бағалау бір бөлім және бір тоқсан бойынша жүргізіледі. Жиынтық бағалау өзін-өзі тану, көркем еңбек, музыка, дене шынықтыру, кәсіпкерлік және бизнес негіздері, графика және жобалау, қоғам және дін, алғашқы әскери және технологиялық дайындық, бастауыш сыныптарға арналған информатика пәндері бойынша қойылмайды. Жиынтық бағалаудың қорытындылары оқушылар мен ата-аналарға қағаз немесе электронды форматта беріледі. Қалыптастырушы бағалау 10 баллдан аспайды”, – деді ол.&nbsp;
</blockquote>
Қадырова ата-аналарды балалардың оқуына үлкен жауапкершілікпен қарауға шақырды.&nbsp;
<blockquote>
 “Балалардың алған бағаларын, тапсырмалары мен олардың орындалу барысмын бақылауда ұстау қажет. Оқушылар жақсы нәтижемен оқуды аяқтайды деп сенеміз. Мектептер санитарлық жабдықтармен қамтамасыз етілді. Әлеуметтік арақашықтық сақталған”, – деді ол.
</blockquote>

Қашықтан оқыту: Оқушыларға қандай пәндерден баға қойылмайды?

<a href="https://kyzylorda-news.kz/date/2020/10/15/">Kyzylorda-news.kz.</a> Қызылордалық кәсіпкер қауыннан чипсы жасап шығаруда. Ерекше бастаманы ауыл шаруашылық ғылымының кандидаты, Қорқыт ата атындағы Қызылорда университетінің ғалымы Самалбек Қосанов қолға алған. Бұл туралы қала әкімінің баспасөз қызметі хабарлады.
Өз кәсібін ашқан ғалым жаңа өнімді кептірілген бақша дақылынан дайындайды. Тәжірибе жүзінде чипсиды екі түрлі формада көпшілікке ұсынуда. Қауын чипсиларын дайындау үш кезеңнен тұрады. Алдымен піскен қауын мұқият тазаланып, жұқа тілімдерге кесіліп, үшінші кезеңінде дайын бөліктері 12 сағаттан аса уақыт кептіріледі. Бастысы өнім экологиялық тұрғыдан таза. Кәсіпкердің айтуынша ерекше дәмнен ауыз тиген жандар бұл өнімнің тұрақты тұтынушысына айналады.
Бұған дейін де бақша дақылдарына түрлі тәжірибе жасап жүрген ғалым нарықта кездеспейтін өнім шығару мен әртүрлі сорттарын егуді де қатар алып келеді. Ауыл шаруашылық саласымен кәсібін сабақтастырған кәсіпкер енді өз кәсібінің көкжиегін кеңейтуге басымдық беріп отыр. “Бизнестің жол картасы 2020-2025” мемлекеттік бағдарламасына құжат тапсырып, бастамасы қолдау тауып, 2 млн. 500 000 теңге қайтарымсыз қаражатқа да ие болып үлгерген.
Айта кетейік, қала әкімдігі “Нәтижелі жұмыспен қамту”, “Еңбек” , “Қарапайым заттар экономикасы” , “Бизнестің жол картасы 2020-2025” мемлекеттік бағдарламалары негізінде кәсіп бастауға ниетті азаматтарға ерекше қолдау білдіріп келеді.
<img src="https://kyzylorda-news.kz/wp-content/uploads/2020/10/121539850_2682825945317480_1442596438739467389_n.jpg" alt="" />

Қызылорда: Қауыннан дайындалған чипсы

<a href="https://kyzylorda-news.kz/">Kyzylorda-news.kz.</a> Ұлы&nbsp; даламызда&nbsp; исламнан&nbsp; бұрын&nbsp; христиан, буддизм, шаманизм, зороастризм, мәнихейлік діндері таралды. Ел тұрмысында белгілі уақытта өзіндік іздерін қалдырып, қазақтың салт-санасына енгенін жоққа шығара алмаймыз. Десек те бұл наным-сенімдер ислам дінінің келуімен өз құндылығын жоя бастады. &nbsp;
Қазақ халқы ислам дінінің құндылықтарын толық сезініп, оны өзінің діні ретінде жүрек қалауымен таңдады. Өйткені, ол ұлтымыздың жан дүниесімен, рухани құндылықтарымен, табиғи сенімдерімен барынша үйлесіп біте қайнасып жатты. Ғасырлар бойы санамызға сіңіп, бірегей мәдениетімізді құрады. Осылайша мемлекеттігімізді қалыптастырушы дәстүрлі дінімізге айналды.
Халқымыз дін қағидаларын, құндылықтарын өзінің мақал-мәтеліне, аңыз әңгімесіне, жыр дастанына, шешендік сөзіне, ертегісіне, даналық нақыл сөзіне енгізіп, &nbsp;рухани және имани құндылықтарына айналдырған.
Бұл жерде ұлттың ағартушы ұстаздары мен дін ғұламаларының еңбегі ерен. Олар елдің мұсылмандық танымын қалыптастырып, исламның негізгі қағидасын халықтың жүрегіне жақын, санасына қонымды тілмен жеткізе білген. Сол тұғырлы тұлғалардың ізденімпаздығының нәтижесінде халқымыз исламның рухын сезініп, жанымен қабылдады.
Қазақ халқының ел болып қалыптасуында басынан көптеген тауқыметті өткізгенін білеміз. Кешегі кеңестік идеология дін мәселесінде, оның ішінде діни танымға деген көзқарасы атеистік идеологияға негізделіп дінге тиым салынды.
1920-1940 жылдарда ислам дініне қарсы саясат жүргізілді. Соның салдарынан дін мәселесі, мәдениет, тіл және діл де орасан зор зардап шекті. Атеизмнің насихаты салдарынан қазақтын зиялы қауымын құрбан ету, мешіт-медреселердің жаппай жабылуы, имам-ишандарды қудалау кең етек алды. Дегенмен кеңестік саясат, қазақ қоғамын ұлт дүниетанымымен терең тамырласқан рухани құндылықтарынан алыстата алмады.
Тәуелсіздік жылдарында дәстүрлі дініміз ортамызға оралды. Десе де, сырттан келген діни жат ағым идеологиясы, едәуір сызат түсірді. Ата-баба дінін бұқара халыққа үркітіп, ұғымымызға шошытып жеткізді. Нәтижесінде, дәстүрлі діни танымы енді қалыптаса бастаған жастардың жат ағымдардың арбауына ілігіп, келер буын мен аға буынның арасында ұлттық құндылықтар мен салт-дәстүрге байланысты қарама-қайшылықтар пайда болды.
Осындай тұста ұлтымыздың бойындағы жоғалмаған рухани әлеуетті пайдалана білудің маңызын айтып шыр-пыр болып жүрген профессор Досай Кенжетай бұл жайында ой-пікірін былайша жеткізеді. Оның айтуынша «Кеңестік жүйе кезінде «ұлтсыздандыру идеологиясы» деген үлкен саяси жоба болған. Ал псевдосәләфизмнің ұстанымы одан да асып түскелі тұр. Себебі, мұнда екі мәселе қойылады: адамның болмысын жою және мінезін жою. Мінез – ұлттық ерекшеліктер болса, болмыс – сол ұлттық мәдениеттің барлық қабаттары. Соның барлығына қарсы тұратын «изм»-нің атын «псевдосәләфизм» деп атайды.
Расында, ұлттық болмысымызға үлкен қауіп төніп тұр. Енді бірі жат ағымдар десек, бірі батыс мәдениеті. Біреудің қаңсығын таңсық ретінде қабылдап, құнсыз құндылықтарды пір тұтып, үш қайнаса сорпасы қосылмайтын мәдениеттердің топтап келуі, одан қалды телеарналар мен әлеуметтік желілелерде үздіксіз таралуы, бүгінгі қазақты өзінің менінен айырмаса игі еді.
Мың жылдан астам ата-бабамыз ұстанған дәстүрлі дінімізді, ұлттық құндылығымызды, дінімізбен біртұтас болған мәдениетімізді барынша насихаттауымыз тиіс. Сол арқылы сырттан келген дін атын жамылған саяси күштерге тосқауыл қоя аламыз. Бүгінгі қазақ мәдениетін, дінін, тілін, рухани құндылықтарымызды сақтайтын бірден бір құрал ол біздің қазақы мұсылмандығымыз екендігін ұмытпағанымыз абзал.
<img src="https://kyzylorda-news.kz/wp-content/uploads/2020/10/nurn2169.jpg" alt="" />
Ержас ТҰРСЫНБАЕВ,
Қызылорда облыстық ішкі саясат басқармасының
Дін мәселелерін зерттеу орталығының маманы

Қазақстандағы дін мен мәдениеттің біртұтастығы

<a href="https://kyzylorda-news.kz/">Kyzylorda-news.kz</a>. Халықтың әлеуметтік қорғалмаған топтары мемлекеттен медициналық сақтандыру жарналарының арқасында МӘМС шеңберінде медициналық көмек ала алады. Уақытша сақтандырылу мәртебесін (жеке тұлғалар санаттары бойынша сақтандырылмағандығы анықталған жағдайда) Qoldau 24/7 қосымшасының көмегімен үйден шықпай-ақ алуға болады.
Оқырмандар назарына Qoldau – 24/7 қосымшасының көмегімен сақтандырылудың уақытша мәртебесін қалай алуға болатыны туралы толық нұсқаулықты ұсынамыз.
<ul>
<li>Ұялы телефонда Qoldau – 24/7 мобильді қосымшасын AppStore-дан немесе Әлеуметтік медициналық сақтандыру қорының ресми сайтында <a href="https://fms.kz/kk">https://fms.kz/kk</a> сілтеме бойынша жүктеп алыңыз және орнатыңыз («Халықтық бақылау» қойындысын таңдаңыз, содан кейін «Call Center»)</li>
<li>Жүйеде тіркеліңіз: электрондық мекенжайды, тегін, атын және байланыс телефонын енгізіңіз;</li>
<li>Тіркелгеннен және кіргеннен кейін төменгі оң жақ бұрыштағы «бізге жазыңыз» түймесін пайдаланыңыз;</li>
<li>«Өтінішті құру» нысанында «консультация» санатын таңдаңыз;</li>
<li>Әрі қарай, тұратын аймақты таңдаңыз;</li>
<li>«Өтініш мәтіні» жолында міндетті түрде жеңілдік санатын және өз ЖСН көрсетіңіз;</li>
<li>Сканерленген құжатты немесе растайтын құжаттың суретін тіркеңіз. «Файлды тіркеу» түймесін басып, галереядан құжатты таңдаңыз немесе суретке түсіріңіз;</li>
<li>«Өтінішті жіберу» батырмасын басыңыз;</li>
</ul>
Сәтті толтырылған жағдайда «Өтініш сәтті жасалды! Терезені жабу үшін» батырмасы шығады. Барлық талаптарға сәйкес болған жағдайда МӘМС жүйесіндегі сіздің мәртебеңіз 40-50 минут ішінде жаңартылады.
Сондай-ақ, Qoldau-24/7 қосымшасында сіз кеңес алуға, шағым жолдауға, алғыс білдіруге, ұсыныс қалдыруға және сақтандыру мәртебесін тексереуге мүмкіндік бар. Сонымен қатар МӘМС жүйесінде сақтанушының уақытша мәртебесін ала аласыз.

МӘМС жүйесінде қалай уақытша сақтандыруға болады?

<a href="https://kyzylorda-news.kz/date/2020/10/15/?doing_wp_cron=1602740088.5396668910980224609375">Kyzylorda-news.kz</a>. Қызылорда облысының әкімі Гүлшара Әбдіқалықова орман шаруашылығы қызметкерлерін кәсіби мерекемен құттықтады.
Құрметті Сыр елінің орман шаруашылығы қызметкерлері!
Сіздерді кәсіби мерекелеріңіз – орман шаруашылығы қызметкерлері күнімен шын жүректен құттықтаймын!
Орман – еліміздің баға жетпес байлығы, халықтың дәулеті, теңдесі жоқ экономикалық және экологиялық қорымыз.
Қазақстанның шөлді аймағында орналасқан Қызылорда облысы үшін орман шаруашылығының өз орны бар.
Тыныс-тіршілігіміз үшін маңызы зор саланы нығайтуда сіздер білікті де білімді, іскер де қабілетті маман ретінде өзгелерге үлгі-өнеге болып, облысымыздың әлеуметтік-экономикалық және орман шаруашылығы салаларының дамуына өлшеусіз үлес қосып келесіздер.
«Атадан мал қалғанша, тал қалсын» дейді даналарымыз.Олай болса, Сыр елінің табиғатын сауықтыру, орманды сақтау, қорғау мен молықтыруға әрі қарай да аянбай еңбек ете беретіндеріңізге сенім білдіріп, қиындығы мен қызығы қатар жүрген еңбектеріңізге толайым табыс, шаңырақтарыңызға шаттық, құт-береке тілеймін!Төл мерекелеріңіз тағы да құтты болсын!
Еліміз еңселі, Тәуелсіздігіміз тұғырлы, қоршаған ортамыз таза болсын!

Гүлшара Әбдіқалықова орман шаруашылығы қызметкерлерін кәсіби мерекемен құттықтады

Kyzylorda-news.kz. COVID-19 таралуына байланысты жарты жылдай жабық болған түрмелерде қазір індеттің келесі толқынына дайындық жүріп жатыр.
Жазасын өтеушілерге медициналық көмек көрсету үшін 11 млн теңгеден астам қаржы бөлінді. Қылмыстық атқару жүйесі департаментіне қарасты нысандарда 4 млн теңгенің дәрі-дәрмегі алынып қойған. Жарты жылға жететін медициналық препараттармен қатар қорғаныш құралдары және обаға қарсы жинақ, хирургиялық жейделер қоры жасақталған. Сотталғандардың денсаулығына дәрігерлік бақылау жүргізу үшін рентген, жүрек соғысы жиілігі мен қандағы оттегі қорын бақылау аппараттары күнделікті жұмыс істеп тұр. Ұзақ және қысқа мерзімді кездесулер ПТР анықтамасын көрсету арқылы жүзеге асырылады.&nbsp;
<blockquote>
 “Қызылорда облысы бойынша ҚАЖ түзеу мекемелерінде жалпы саны орташа есеппен мыңға жуық адам жазасын өтеуде. Бақылау-өткізу бекеттерінде алыстан дене қызуын өлшеу құрылғыларымен қамтамасыз етіліп, мекемеге кіретін аумаққа барлығы бетперде және залалсыздандыру антисептик қолдану арқылы ішке енгізу шаралары ұйымдастырылған”, – дейді Қызылорда облысы бойынша ҚАЖД бастығының орынбасары Жүніс Әбдіқайыров.
</blockquote>
<a href="https://24.kz/kz/zha-aly-tar/o-am/item/429593-yzylorda-oblysyny-t-zeu-mekemelerinde-sa-ty-sharalary-k-shejtildi">24 kz</a>

Қазақстан және Қызылорда облысының жаңалықтары