Kyzylorda-news.kz. Бүгін Қызылорда облысының әкімі Гүлшара Әбдіқалықова «Орман шаруашылығы қызметкерлері күні» кәсіби мерекесіне орай аймақтағы бірқатар сала ардагерлері мен қызметкерлерін құттықтады.
Аймақ басшысы облыстың экологиялық жағдайын жақсартуда орман шаруашылығының қызметі ерекше екіндігін атап өтті.
<blockquote>
 “Қазақстанның шөлді аймағында орналасқан біздің өңір үшін орман шаруашылығының өз орны бар. Тыныс-тіршілігіміз үшін маңызы зор саланы нығайтуда сіздер білікті де білімді, іскер де қабілетті маман ретінде өзгелерге үлгі-өнеге болып, облысымыздың әлеуметтік-экономикалық және орман шаруашылығы салаларының дамуына өлшеусіз үлес қосып келесіздер. «Атадан мал қалғанша, тал қалсын» дейді даналарымыз. Олай болса, Сыр елінің табиғатын сауықтыру, орманды сақтау, қорғау мен молықтыруға әрі қарай да аянбай еңбек ете беретіндеріңізге сенім білдіріп, қиындығы мен қызығы қатар жүрген еңбектеріңізге толағай табыс, шаңырақтарыңызға шаттық, құт-береке тілеймін, – деді аймақ басшысы Г.Әбдіқалықова.
</blockquote>
Кездесуде аймақтың экологиялық ахуалын жақсартып, орман алқаптарының артуына үлес қосқан сала ардагерлері Мұхидин Исмаилов, Сақтаған Ешмахановқа “Құрмет” грамотасы, ардагер Қадиша Әлімбетова және сала мамандары Сабит Садықов, Гаухар Жумабаева, Бахытжан Әлімжанов, Айболат Берекешов, Ерболсын Үсенбаев, Ержан Жүнісов, Темірбай Сарымбаев, Жәнібек Сарыбаевқа облыс әкімінің “Алғыс хаты” табысталды.
Шарада сөз алған сала ардагерлері Мұхидин Исмаилов, Сақтаған Ешмаханов және Қадиша Әлімбетова соңғы жылдары орман шаруашылығына мемлекеттен қолдаудың артқанын айтып өтті. Осының арқасында Сыр өңірінде ауқымды жұмыстар атқарылып, сексеуіл алқаптарының өскенін жеткізді. Кәсіби мерекеде орманшыларды құттықтап, құрмет көрсеткен облыс әкіміне ризашылығын білдірді.
Айта кетейік, облыс аумағындағы 24 млн. гектар жердің 6,5 млн. гектарын мемлекеттік орман қоры құрайды.
<img src="https://kyzylorda-news.kz/wp-content/uploads/2020/10/fb_img_1602859996850.jpg" alt="" />
<img src="https://kyzylorda-news.kz/wp-content/uploads/2020/10/fb_img_1602859994272.jpg" alt="" />
<img src="https://kyzylorda-news.kz/wp-content/uploads/2020/10/fb_img_1602859992490.jpg" alt="" />

Қызылорда облысының әкімі орман шаруашылығы қызметкерлерін марапаттады

<a href="https://kyzylorda-news.kz/date/2020/10/16/">Kyzylorda-news.kz</a>. Қызылордада орман шаруашылығы мекемелерінің материалды-техникалық базаларын жақсарту мақсатында 2021-2023 жылдарға арналған жол картасы әзірленді. Бұл туралы Өңірлік коммуникациялар қызметінің ақпараттық алаңында өткен брифингте облыстық табиғи ресурстар мен табиғат пайдалануды реттеу басқармасының басшысы Бауыржан Шәменов мәлімдеді.
<blockquote>
 “Өңірде орман өрттерінің алдын-алу және болдырмау мақсатында алқаптағы арнайы белгілер қалпына келтіріліп, қауіпті деген аймаққа 101 дана аншлаг мен панно орнатылды. Бүгінде орман шаруашылығы мекемесінде 54 өрт сөндіруші және 9 дана автокөлік бар”,-деді Бауыржан Серікұлы.
</blockquote>
Биыл 13 мың гектар жерге сексеуіл егілсе, оның зақымдалған 12 мың гектар сексеуіл алқабына химиялық залалсыздану жұмыстары жүргізілді. Бүгінде орман тұқымбақтарының көлемін жиырма екіден сексен гектарға ұлғайту үшін бірқатар жұмыстар жасалуда.

Қызылордада орман алқабын қорғау мақсатында жол картасы әзірленді

<a href="https://kyzylorda-news.kz/date/2020/10/16/?doing_wp_cron=1602850736.7341361045837402343750">Kyzylorda-news.kz.</a> Қызылорда қаласы Полиция басқармасының Тасбөгет полиция бөлімінің қызметкерлері&nbsp; пәтер ұрлығын жасаған күдіктіні құрықтады.
&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp; Белгісіз адам жеке үйдің&nbsp; пластикалық терезесін ашып кіріп, 300&nbsp;мың теңгеден астам ақшасын ұрлап, оқиға орнынан қашып кеткен.
<blockquote>
 &nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp; «Жедел іздестіру және тергеу амалдарын жүргізу барысында, 14 қазан 2020 жылы күдікті ретінде жәбірленушінің үйінде тұратын туысы екендігі анықталып, құрықталды.&nbsp; Қазіргі уақытта күдіктіге қатысты ешқайда кетпеу туралы қолхат&nbsp; түріндегі бұлтартпау шарасы қолданылды», – делінген полиция департаментінің хабарламасында.
</blockquote>
&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp; Осы дерекке қатысты Қазақстан Республикасы Қылмыстық кодексінің 188-бабы 1-бөлігіне (ұрлық) сәйкес сотқа дейінгі тергеп-тексеру жүргізілуде.

Қызылордада пәтер тонаған ұры ұсталды

<a href="https://kyzylorda-news.kz/">Kyzylorda-news.kz.</a> ҚР Ақпарат және қоғамдық даму вице-министрі Болат Тілепов «Халық үні» әлеуметтік жобасы туралы айтты, деп хабарлайды <a href="https://www.inform.kz/kz/halyk-uni-aleumettik-zhobasyn-zhuzege-asyru-bagyty-tusindirildi_a3707310">ҚазАқпарат</a>.
<blockquote>
 «Ақпарат және қоғамдық даму министрлігі еліміздегі азаматтық бастамаларды мемлекеттік тұрғыда қолдап келе жатқан басты үйлестіруші мемлекеттік органда. Бұл ретте барлық міндеттеріміз үкіметтік емес ұйымдармен тікелей қарым-қатынаста шешіп, қоғам белсенділерімен бірге атқарылады. Азаматтық қоғамды дамыту концепциясы қабылданғалы бері бұл бағытта орасан зор жұмыс іске асырылды. Десе де бүгінгі жағдайда жеңістерімізбен бірге жетпеген тұстарымызды да айта отыру керек. Мәселен, елімізде түрлі әлеуметтік мәселелермен айналысатын 22 мыңнан астам үкіметтік емес ұйым тіркелген. Бірақ нақты істердің басында белсенділік көрсетіп жүргендердің саны 5 мыңнан аспайды. Бұл дегеніміз, қаншама бастама мен әлеуметтік мәселе өз белсендісін таппай жүргенді білдіреді», – деді вице-министр Орталық коммуникациялар қызметінде.
</blockquote>
Осы орайда көптеген елде әлеуметтік мәселелер үкіметтік емес ұйымдардың, азаматтық белсенділердің еншісіне берілгенін еске салды.
<blockquote>
 «Сондықтан Ақпарат және қоғамдық даму министрлігінің тікелей қолдауымен, ҚР Президентінің жанындағы Ұлттық қоғамдық сенім кеңесінің мүшесі, құқық қорғаушы Айман Омарованың бастамасымен және «Altyn Qyran Foundation» қайырымдылық қорымен әріптестікте «Халық үні» әлеуметтік жобасы ұсынылып отыр. Бұл жоба үшжақты әріптестіктің бірігей көрінісі, ауылдардағы қарапайым адамдардың мәселелерін шешудің, осы арқылы Мемлекет басшысы жариялаған «Халық үніне құлақ асатын мемлекет» қағидасының іс барысында орындалуының бірден бір үлгісі болады деген үміттеміз», – деді Болат Тілепов.
</blockquote>
Оның пайымынша, осындай игі істерге кәсіпкерлердің араласып, әріптес болуының маңызы зор.
Өз кезегінде құқық қорғаушы Айман Омарова аталған жобаның қалай пайда болғанын түсіндірді.
<blockquote>
 «Қарапайым халықтың арасында жүріп, тыныс-тіршілігін таразылау барысында кейбір адамдардың құқықтық сауаты төмен екенін байқадым. Салдарынан құрғақ жерде сүрініп, болмашы дүниеден бүгіліп, тағдыр тауқыметін тартуда. Әсіресе, бюрократтық кедергі салдарынан мемлекеттік бағдарламаларға қатыса алмай қиналуда. Бұл тұрғыда мақсатым біреу – халықпен кедергісіз байналыс орнату әрі азаматтардың мемлекеттік органдардың қызметіне сенімін арттыру», – деді ол.
</blockquote>
А. Омарованың айтуынша, «Халық үні» жобасын әзірлеу барысында негізгі алты міндет қойылды. Осы орайда билік пен бұқара арасындағы ынтымақтастық байланысты нығайту, мемлекеттік қызметтер мен әлеуметтік төлемдерді алу тәртібін тұрғындарға кенінен түсіндіру, әлеуметтік әл-ауқатын арттыру мақсатында жүзеге асып жатқан мемлекеттік саясатты жан-жақты түсіндіру, шалғай аймақ тұрғындарының құқықтық ақпараттандыру жұмысын жетілдіру, халық арасындағы түрлі әлеуметтік мәселелерді талдап таразылап, мониторинг жасау, сондай-ақ мемлекеттік орган жұмысының ашықтығын қамтамасыз ету арқылы халықпен ұдайы кері байланыс орнату мақсаттары қамтылған.
<blockquote>
 «Сондықтан біз «Халық үні» жобасы негізінде тұрғындарға әлеуметтік желі арқылы және тікелей жақындау жолын іздейміз. Әлеуметтік желілерде кестеге сәйкес белгіленген уақытта тікелей эфирлер өткізу, тақырыптық бейне роликтер көрсету арқылы тұрғындардың құқықтық сауаттылығын көтеруді жөн деп санаймыз», – деді құқық қорғаушы.
</blockquote>

«Халық үні» әлеуметтік жобасын жүзеге асыру бағыты түсіндірілді

<a href="https://kyzylorda-news.kz/date/2020/10/16/?doing_wp_cron=1602850736.7341361045837402343750">Kyzylorda-news.kz.</a> ҚР қаржы нарығын реттеу және дамыту агенттігінде қаржы ұйымдарында микрокредит ресімдеудің тәртібін түсіндіріп берді. Бұл туралы&nbsp;<a href="https://stan.kz/">Stan.kz</a>&nbsp;ақпарат агенттігі хабарлайды.&nbsp;
Қарыз алу үшін тұтынушы мынадай құжаттар мен мәліметтер береді:&nbsp;
1. Микрокредитті пайдалану мақсаты туралы, өтініш берушінің микрокредитті өтеу және сыйақы төлеу жөніндегі міндеттемелерін орындауды қамтамасыз ету үшін берілетін, құны көрсетілген мүлік туралы не қамтамасыз етудің жоқ екені туралы мәліметтер көрсетілген өтініш.
2. Өтініш берушінің жеке басын куәландыратын құжат (тегі, аты, әкесінің аты, ЖСН, туылған күні, құжаттың нөмірі, құжатты берген орган, берілген күні және қолданыста болу мерзімі көрсетілген).
3. Өтініш беруші өкілінің микрокредит беру туралы шартқа қол қоюға өкілеттіктерін растайтын құжаттар (өтініш берушінің өкілі үшін).
4. Егер берілетін микрокредит кепіл мүлкімен қамтамасыз етілетін болса, онда кепіл туралы шарт, мүлікке меншік құқығын растайтын құжаттардың көшірмелері.
5. Қарыз алушының борыш жүктемесінің коэффициентін есептеу үшін қажетті құжаттар мен ақпарат.

Алаяқтар тек ЖСН-ді білу арқылы сіздің атыңызға несие рәсімдей алады ма?

<a href="https://kyzylorda-news.kz/">Kyzylorda-news.kz.</a> 2020 жылдың басынан бастап әлеуметтік медициналық сақтандыру қоры ҚР Денсаулық сақтау министрлігі комиссиясының шешімі бойынша шетелге емделуге 47 пациентті жіберді: 31 адам қажетті көмекті толық көлемде алды, 16 қазақстандық емделуді жалғастыруда.
Тағы бес пациент емделуге жолдама күтуде, себебі ауруханаға жатқызу күні кешірек белгіленген.
2020 жылдың 1 қазанындағы жағдай бойынша Әлеуметтік медициналық сақтандыру қоры шетелдік клиникалармен 787 млн теңге сомаға шарт жасасты.
Қаражат туыс емес донордан сүйек кемігін транспланттауды жүргізуге, ағзаларды транспланттауға, стереотаксикалық радиотерапияға/радиохирургиялық емдеуге, протондық терапияға бағытталған. Осылайша, шетелде емделетін негізгі аурулар трансплантация, онкогематология және жеке органдардың онкологиясы профильдеріне жатады.
<blockquote>
 «Қазақстандықтар 2012 жылдан бастап бюджет есебінен шетелге емделуге барады. Бұл бағдарлама біздің елімізде әлі дамымаған немесе өткізілмеген жоғары технологиялық қызмет түрлерін алу мүмкіндігін қамтамасыз ету үшін құрылған», – деп атап өтті Әлеуметтік медициналық сақтандыру қоры.
</blockquote>
Азаматтарды шетелге емделуге жіберу тегін медициналық көмектің кепілдік берілген көлемі шеңберінде жүзеге асырылады. Мемлекет сондай-ақ пациенттің және оның алып жүрушілерінің көлік шығындарын өтейді.
Бағдарлама пациенттер жеке қаражаты үшін шетелдік медициналық клиникаларға емделуге баратын жағдайларға қолданылмайды.
Шетелде емдеудің орындылығы туралы мәселені қарау үшін пациент республикалық денсаулық сақтау ұйымына (ҒЗИ, медициналық орталық) жүгінуі қажет, ол пациентті шетелге емделуге жіберу туралы қорытынды шығарады, құжаттар пакетін ӘМСҚ базасында жұмыс істейтін шетелде емдеуді ұйымдастыру жөніндегі комиссияның жұмыс органының қарауына ұсынады.
<a href="https://24.kz/kz/zha-aly-tar/o-am/item/429985-zhyl-basynan-beri-47-aza-standy-shetelge-emdeluge-ketti-ms">Хабар 24</a>

Жыл басынан бері 47 қазақстандық шетелге емделуге кетті – ӘМСҚ

<a href="https://kyzylorda-news.kz/">Kyzylorda-news.kz.</a> Қызылордада кәмелетке толмағандардың істері және олардың құқықтарын қорғау жөніндегі облыстық комиссияның кезекті отырысы өткізілді.
Комиссия отырысына Қызылорда облысы әкімінің орынбасары Наурызбай Байқадамов төрағалық етті. Комиссия отырысына комиссия мүшелері, прокуратура, полиция, көліктегі полиция және төтенше жағдайлар департаменттері, білім беру ұйымдарының басшылары, сондай-ақ, селекторлық байланыста аудан әкімдерінің орынбасарлары, сала бөлімдерінің басшылары қатысты.
Комиссия отырысының күн тәртібінде 4 мәселе, атап айтқанда, балалар мен жасөспірімдердің қауіпсіздігін арттыру және қауіпсіздік ережелерін сақтау шаралары, белсенді аймақтардан келген балаларды оңалту бағытындағы жұмыстар, кәмелетке толмағандарың құқықтарын қамтамасыз ету, кәмелетке толмағандардың істері және олардың құқықтарын қорғау жөніндегі аудандық комиссиялардың есебі жөніндегі мәселелер қаралды.
Мәжіліс барысында балалар қауіпсіздігі мен құқықтарының сақталуына байланысты облыстық прокуратура өкілімен бірқатар ұсыныстар жасалып, аудан, қала әкімдіктеріне, комиссия мүшелеріне, үкіметтік емес ұйымдар, құқық қорғау органдарына бірқатар тапсырмалар берілді.
<img src="https://kyzylorda-news.kz/wp-content/uploads/2020/10/121693226_776169279607811_7046068867486211887_o.jpg" alt="" />
<img src="https://kyzylorda-news.kz/wp-content/uploads/2020/10/121969123_776169362941136_4751853027047648190_o.jpg" alt="" />
<img src="https://kyzylorda-news.kz/wp-content/uploads/2020/10/121776753_776169416274464_910886559891542036_o.jpg" alt="" />
<img src="https://kyzylorda-news.kz/wp-content/uploads/2020/10/121999395_776169356274470_8329139154336952116_o.jpg" alt="" />

Қызылордада кәмелетке толмағандардың істері бойынша комиссия отырысы өтті

<a href="https://kyzylorda-news.kz/date/2020/10/16/">Kyzylorda-news.kz.</a> Өңірде күріш жинау науқаны аяқталды. Биыл диқандар 89,5 мың гектар жерге күріш егіп, 551 мың тонна өнім жинады. Астықтың шығымдылығы гектарына 61,8 центнерді құрады. Бұл туралы Өңірлік коммуникациялар қызметіні ақпарат алаңында өткен брифингте облыстық ауыл шаруашылығы басқармасы басшысы Шахмардан Қойшыбаев мәлімдеді.
<blockquote>
 “Диқандар ауыл шаруашылығы дақылдарын агротехникалық талаптарға сай егіп, күтіп – баптау жұмыстарын өз мерзімінде жүргізді. Қазіргі таңда егін жинау науқаны толығымен аяқталды. Дала еңбеккерлері су тапшылығына қарамастан егілген егістен жоғары өнім алды”,-деді Шахмардан Сұлтанбекұлы.
</blockquote>

Қызылордада күріш ору науқаны аяқталды

<a href="https://kyzylorda-news.kz/">Kyzylorda-news.kz.</a> Өңірде әлеуметтік дүкендердің желісін кеңейту мақсатында облыстық бюджеттен 5 әлеуметтік дүкеннің құрылысына қаражат бөлініп, жыл соңына дейін ашылатын болады.
Әлеуметтік маңызы бар азық-түлік өнімдерінің 10 мың тонна қоры бар. Оның ішінде, қала және аудандардағы ірі сауда орындарында жалпы 6,4 мың тонна өнім болса, тұрақтандыру қоймасында 3,3 мың тонна тауар тұр. Бұл туралы Өңірлік коммуникациялар қызметінің ақпарат алаңында өткен брифингте «Байқоңыр әлеуметтік-кәсіпкерлік корпорациясы» АҚ басқармасы төрағасының орынбасары Мұхтар Жансеитов мәлімдеді.
<blockquote>
 “Өнімдер облыс орталығында орналасқан 29 әлеуметтік дүкен, 2 әлеуметтік маркет, 5 ірі сауда үйлеріне жіберіледі. Сондай-ақ, 19 түрлі әлеуметтік маңызы бар азық-түліктің қоры жеткілікті және бағасы тұрақты”,-деді Мұхтар Пернеханұлы.
</blockquote>

Қызылордада 5 әлеуметтік дүкен ашылады

<a href="https://kyzylorda-news.kz/date/2020/10/16/">Kyzylorda-news.kz.</a> Халық өмірін жеңілдетуде цифрлық қызмет көрсетудің орны бөлек. Сервистік қызметтер мен сауда саттықты онлайн форматта алу тұрғындардың уақыт шығынын азайтуға жол ашады. Бұл ретте «Цифрлы Қазақстан» мемлекеттік бағдарламасы қабылданып, кешенді жобалар жүзеге асуда.
Қызылорда облыстық цифрлық технологиялар басқармасы мамандары жүргізген зерттеуге сәйкес, өңір тұрғындарының сауаттылық деңгейі 80,1%-ға жеткен. Халықтың цифрлық сауаттылығын арттыру 5 түрлі бағытта дамуда. Цифрлық дағдыларды дамыту үшін сала мамандары халықтың файлдар мен папкалармен жұмыс істеу дағдыларын оқыту, түрлі мессенджерлерді, әлеуметтік желілерді, электрондық поштаны пайдалану дағдыларына оқытуды қамтиды. Ал, «Ашық үкімет» порталымен жұмыс жүргізу арқылы тұрғындар «Ашық деректер», «Ашық нормативтік-құқықтық актілер», «Ашық бюджеттер», «Ашық диалог» компоненттерін пайдалану, яғни ашық деректер жинағын қарау, түсінік беру, нормативтік-құқықтық актілерді қарай алады.
Қызылорда облысында цифрлық сауаттылыққа оқыту курстары ақысыз негізде оқытылады. Өткен жылдары оқыту мектептер, колледждер және кітапханалар базасында жүргізілген. Сондай-ақ, ХҚКО мен Қазпошта қызметкерлері электрондық үкімет порталымен жұмыс істеу және электрондық сауда дағдылары бойынша оқыту курстарын өткізді. Өткен жылы, 26270 адам оқытудан өткізілсе, пандемия жағдайына сәйкес оқыту онлайн форматқа ауысқан. Карантин уақытынан бері digitalkz.kz сайты арқылы онлайн бағытта 15026 адам оқудан өтті.

Қызылордалықтардың сауаттылық деңгейі 80,1%

<a href="https://kyzylorda-news.kz/date/2020/10/16/">Kyzylorda-news.kz.</a> Ішкі істер органдары тойға полицейдің формасын киіп келген тамаданың жазаға тартылатынын мәлімдеді, деп хабарлады&nbsp;<a href="https://polisia.kz/qaraghandy-oblysyndaghy-tojlardyng-birinde-politsiyanyng-nysandy-kiimin-zangsyz-kigen-asaba-anyqtaldy/">Polisia.kz</a>.
Әлеуметтік желілер мен мессенджерлерде киіз үйдің ішінде өтіп жатқан тойдың видеосы кеңінен тарап жатыр. Полицейдің формасын киген тамада тексеріспен келген адам ұқсап кіріп келеді де, біршама уақыт халықтың зәресін алып тұрады. Той иелерін де шақырады. Бірақ артынан әзіл-қалжың екенін айтады.&nbsp;
Ішкі істер органдары тойдың өткен жерін және бейнежазбадағы асабаның кім екенін анықтады.
Полиция қызметкерлері әзіл мен пародияға және сындарлы сынға түсіністікпен қарайтынын атап өткен Қарағанды облыстық полициясының баспасөз хатшысы Жанатай Сембеков, мұндай бейнежазбалар ішкі істер органы қызметкерлері мен санитарлық дәрігерлердің коронавирус инфекциясының таралуына жол бермеу бағытында атқарып жатқан жұмыстарын жоққа шығарады деп санайтынын жеткізді.
<blockquote>
 “Сондықтан да нысанды киім киген асаба, той иелеріне заңдылықты бұзуға септігін тигізген осындай қылығымен барлық полиция қызметкерлерінің беделін түсірді”, – дейді ол.
</blockquote>
Қазіргі уақытта “жалған полицейді” Әкімшілік құқық бұзушылық туралы кодексінің 675-бабы “айырым белгілері мен нышаны бар әскери киім нысанын, сондай-ақ нысанды киім мен арнаулы киім-кешекті заңсыз киіп жүру (пайдалану)” бойынша әкімшілік жауапкершілікке тарту мәселесі қаралып жатыр.
<blockquote>
 “Ал той иесіне қатысты Әкімшілік құқық бұзушылық туралы кодексінің 425- бабына сәйкес жиналған материал шешім қабылдау үшін тауарлар мен көрсетілетін қызметтердің сапасы мен қауіпсіздігін бақылау басқармасына жіберілді”, – деп атап көрсетті Сембеков.
</blockquote>

Тойға полицей болып кіріп келген асаба жауапқа тартылады  (видео)

<a href="https://kyzylorda-news.kz/">Kyzylorda-news.kz.</a> Бүгін Қызылорда облысының әкімі Гүлшара Әбдіқалықова Азаматтық қорғау органдарының құрылғанына 25 жыл толуына орай және 19 қазан “Құтқарушылардың кәсіби күні” мерекесі қарсаңында аймақтағы құтқарушылар мен сала ардагерлерін құттықтады.
Өңір басшысы алдымен №1 мамандандырылған өрт сөндіру бөліміне келіп, заманауи құтқару жабдықтары мен техникалардың жағдайымен танысты. Одан соң салтанатты шараға қатысып, халықтың тыныс-тіршілігі мен аумақтың қауіпсіздігін қамтамасыз етуде құтқарушы мамандардың маңызы ерекше екендігін атап өтті.
<blockquote>
 “Бүгінгі күні азаматтарды табиғи құбылыстар мен техногендік сипаттағы апаттардан қорғау, зілзалалардың қауіп-қатерін азайту мәселесі мемлекеттің басты назарында. Құтқарушы мамандығының ең басты міндеті – адам өмірін құтқару, бұл жоғары және жауапты миссия. Апат айтып келмейтіні рас. Тосыннан болған апат кезінде азаматтарға бірінші болып көмекке келетін төтенше жағдай қызметінің құтқарушылары. Бұл іс кез келгеннің қолынан келе бермеуі мүмкін. Өйткені, оған мықты жүрек, машық және тәжірибе керек. Қиын да күрделі қызметтеріңізге табыс, дендеріңізге саулық, шаңырақтарыңызға құт-береке, амандық тілеймін! Сіздерді кәсіби мерекелеріңізбен және Азаматтық қорғау органдарының мерейлі күнімен құттықтаймын”, – деді облыс әкімі Гүлшара Әбдіқалықова.
</blockquote>
<img src="https://kyzylorda-news.kz/wp-content/uploads/2020/10/121679828_2821144031321981_1707079876398559824_o.jpg" alt="" />
<img src="https://kyzylorda-news.kz/wp-content/uploads/2020/10/121766572_2821144194655298_7747662565803424516_o.jpg" alt="" />
Мерекелік жиында Азаматтық қорғау органдарының ардагерлері Қорғанбек Қайруллаев, Мұрат Мұсаев, Сұлтан Шынтаев, «Волонтеры Кызылорды» қоғамдық қорының жетекшісі Ольга Чебакова, Азаматтық қорғау аға сержанты, Қазалы ауданы № 9 өрт сөндіру бөлімінің аға өрт сөндірушісі Оңталап Жолмаханов, Азаматтық қорғау старшинасы, Сырдария ауданы № 12 өрт сөндіру бөлімінің өрт сөндіру автокөліктерінің жүргізуші-қызметкері Мақсұт Мырзағалиев және Азаматтық қорғау прапорщигі, Жалағаш ауданы № 11 өрт сөндіру бөлімінің бөлімше командирі Шыңғыс Тайшаев облыс әкімінің “Алғыс хатымен” марапатталды. Сондай-ақ аймақ басшысы жергілікті бюджет есебінен алынған 2 өрт сөндіру автокөлігін қызметкерлерге табыс етті.
<img src="https://kyzylorda-news.kz/wp-content/uploads/2020/10/121773216_2821144391321945_4828824064737083960_o.jpg" alt="" />
Шарада сөз алған Азаматтық қорғау органдарының ардагері Қорғанбек Қайруллаев пен Төтенше жағдайлар департаментінің қызметкері Ақмарал Сермағамбетова мемлекеттің қолдауы арқасында құтқару саласының әлеуеті едәуір өскендігін айтты. Соның арқасында өңірде орын алған оқыс оқиғалар мен төтенше жағдайларды дер кезінде жою мүмкіндігі артты дейді. Құтқарушыларды кәсіби мерекесімен құттықтап, еңбекті елеген аймақ басшысына алғысын жеткізді.
<img src="https://kyzylorda-news.kz/wp-content/uploads/2020/10/121740395_2821144484655269_2109917179472982793_o.jpg" alt="" />
Соңғы үш жылдың өзінде өңірдің өртке қарсы қызмет бөлімшелері, жедел-құтқару жасағы мен апаттар медицинасы орталығының құтқарушылары 2 мыңнан аса апаттық-құтқару жұмыстарын жүргізіп, 200-ге жуық адам аман алып қалды. Сондай-ақ, мыңнан аса өрт сөндірілген.
Айта кетейік, мемлекет басшысы Қасым-Жомарт Тоқаевтың Жарлығымен еліміздегі төтенше жағдайлар мен оқыс оқиғалардың алдын алу мақсатында ағымдағы жылдың 9 қыркүйегінде Төтенше жағдайлар министрлігі қайта құрылды.
<img src="https://kyzylorda-news.kz/wp-content/uploads/2020/10/121775294_2821144424655275_1768688724858625662_o.jpg" alt="" />
<img src="https://kyzylorda-news.kz/wp-content/uploads/2020/10/121784743_2821144157988635_1478474511716922481_o.jpg" alt="" />
<img src="https://kyzylorda-news.kz/wp-content/uploads/2020/10/121987866_2821144404655277_4789714451337496033_o.jpg" alt="" />

Қазақстан және Қызылорда облысының жаңалықтары