<a href="https://kyzylorda-news.kz/">Kyzylorda-news.kz.</a> <a href="https://kyzylorda-news.kz/"></a>Кешелі бері ел ішінде желдей ескен әңгіменің шын-өтірігін ажырату қиындау болғаны рас. Бірақ ресми ақпарат көздері арқылы ауыл тұрғындары арасында ұрыс-керіс шығып, төбелеске ұласқан. Полицияның дерегі бойынша елді мекендегі қазіргі жағдай тұрақты. Күдіктілер ұсталды. Тергеу жүруде. Дегенмен бұл оқиғаға саяси өң беріп, ұлтаралық араздық тудырғысы келетін арам пиғылдылар да табылып жатқанға ұқсайды. Осы ретте күллі әлем онсызда елең-алаң күй кешіп отқан сәтті, екеуара ұшқынды алаулатып, жалаулатып әкетудің соңы жақсылыққа апармайтыны анық. Сондықтан ата бабамыз мұрат еткен бейбіт күндердің әр сәтін бағалап, береке мен бірлігімізді уысымыздан шығарып алмайық дегім келеді. “Бірлігі бекем ел болайық.” Ата-баба жолымен сөзге тоқтаған ел екендігімізді, тектілігімізді танытайық! Тентегін тезге салып, тәрбиеге тал бесіктен көңіл бөлген елдің тыныштығының болмашы нәрсенің салдарынан бұзылғанын қаламаймын. Індет дендеген уақытты естен шығармай, сын сағаттардан аман есен өтейік. Заманымыз бейбіт, өміріміз тыныш болсын.
Н.Оспанов, 
Қызылорда облысы Қазақстан халқы Ассамблеясының 
Арал ауданы бойынша қоғамдық келісім кеңесінің төрағасы

Шағын ауыл Шорнақта шу шықты

<a href="https://kyzylorda-news.kz/">Kyzylorda-news.kz.</a> 2014 жылдан бастап облыста «Қызылорда» Өңірлік инвестициялық орталығы» микроқаржы ұйымы ауыл кәсіпкерлері үшін сенімді серіктеске айналды. Бүгінде орталықтың қызметі облыс әкімінің тікелей атсалысуымен оң шешіліп, 2025 жылдың 31 желтоқсанына дейін ұзартылды.
Яғни, облыс кәсіпкерлерінің, оның ішінде ауыл кәсіпкерлерінің бұрынғыдай тиімді шарттарда жобаларын несиелендіріп, іске асыру мүмкіндігі бар. 
Айта кету керек, бизнеске жәрдем беру үшін Орталыққа 5 жыл ішінде әртүрлі көздерден шамамен 7 млрд. теңгеге жуық қаржы тартылып, микро және шағын кәсіпкерлердің 1700-ден аса жобасына несиелер берілді. 
Сондай-ақ, орталықпен көрсетілген қаржылай қолдау шарасы 2 мыңнан аса жұмыссыз азаматтардың тұрақты жұмыспен қамтылуына септігін тигізді. 
Орталық арқылы несиелендірілген жобалардың жартысынан астамы Нәтижелі жұмыспен қамту және жаппай кәсіпкерлікті дамытудың 2017-2021 жылдарға арналған «Еңбек» мемлекеттік бағдарламасына тиесілі. Яғни, орталық бұл бағдарламаның несиелендіру саясатын жүргізетін белсенді қатысушалырының бірі болып табылады. 
Қазіргі таңда «Қызылорда» Өңірлік инвестициялық орталығы» микроқаржы ұйымына бизнесті несиелендіру саясатын жалғастыру үшін әртүрлі көздерден, оның ішінде бюджеттен қаржы тарту мүмкіндіктері қарастырылуда. 
«Қызылорда» Өңірлік инвестициялық орталығы» МҚҰ» ЖШС орналасқан мекенжайы – Қызылорда қаласы, Қорқыт Ата көшесі №123 ғимарат, 3-қабат.

Қызылордада ауыл кәсіпкерлерін несиелендіру жалғасын табады

<a href="https://kyzylorda-news.kz/">Kyzylorda-news.kz.</a> Шорнақтағы жағдайға ел елеңдеп отқаны рас. Түрлі жалған ақпараттар да тарады. Ең бастысы ауылдағы жағдау анау айтқандай күрделі емес деп түсіндік. Дегенмен үлкен оқиғалардың осындай болмашы кейкілжің, төбелестерден де туындап кетуі ғажап емес. Сондықтан ауылдағы тұрақтылық пен бірлікке сызат түсірмеу тұрғысындағы шараларға қолдау білдірген маңызды. Ең бастысы, сабыр сақтап, қандай дау болмасын кеңесіп, келісіп шешілгені дұрыс. Бүгінгі Шорнақтағы жағдайдан да осыны ұғынып отырмыз. Қазір әлем тыныш емес. Індет те дендеп тұр. Бұл кезеңде бейберекетсіздіктерге жол беруге болмайды. Бірлігіміз ажырамай, қиындықтарды бірге еңсеруіміз маңызды. Бабаларымыздың байырқалы жолы да осы болатын. Еліміз аман, жұртымыз тыныш, төңірек түгел болғай!
Бақытжан Камалов, 
Облыстық Қоғамдық келісім кеңесінің мүшесі.

Бақытжан Камалов:  Бірлігімізге бекем болайық

<a href="https://kyzylorda-news.kz/">Kyzylorda-news.kz.</a> Қызылорда облысында коронавирус инфекциясын жұқтырған 2541 адам тіркелді. Оның 1663-і емделіп шықты. Бұл туралы Өңірлік коммуникациялар қызметінің ақпарат алаңында өткен брифингте облыстық денсаулық сақтау басқармасының басшысы Сабит Пазилов баяндады.
<blockquote>
 “Өңірде вирус өршіген кезде жедел жәрдем қызметіндегі бір бригадаға 38-36-ға дейін шақыртулар түссе, қазір 16-18-ге азайды. Ал науқастардың көбейген кезінде қалалық аруханаларда оттегі баллондарын пайдаланушылар саны 170-ке жетсе, қазір 70 баллонға кеміді. Мемлекеттік бюджеттен және жеке кәсіпкерлердің есебінен 112 оттегі концентраторы алынды. Оған қоса көрші мемлекеттерден де гуманитарлық көмектер келді. Оның ішінде дәрілік заттар мен медициналық жабдықтар және қорғаныш құралдары бар”,- деді басқарма басшысы.
</blockquote>
Бүгінде Қазақстан Республикасы Денсаулық сақтау министрлігімен “Коронавирусты инфекциясына байланысты эпидемияға қарсы шаралар жоспары” бекітілді. Аймақ бойынша жоспарда көрсетілген шараларды бағалайтын 18 индикатордың 12-не қол жеткізілген. Ал қалған 4 индикатор төсек санын көбейтуге және ПТР анализдеріне, реанимациялық төсек орындарының, жасанды өкпе желдеткіш аппаратына байланысты болып отыр.
<blockquote>
 “Қазіргі таңда, бұл мәселеге байланысты конкурс жүргізілуде. Мұнан өзге, жұмыс істеп тұрған жасанды өкпе желдеткіш аппараттарының саны 64 болса, қазір 99- ға жетті»,- деді бас дәрігер.
</blockquote>
<img src="https://kyzylorda-news.kz/wp-content/uploads/2020/07/fb_img_1595557372540-1.jpg" alt="" />

Қызылордада коронавирустан 1663 адам емделіп шықты

<a href="https://kyzylorda-news.kz/">Kyzylorda-news.kz.</a> Биыл «Еңбек» мемлекеттік бағдарламасы аясында қала және ауылдық елді-мекендердегі кәсіппен айналысатын азаматтарға шағын несие беру үшін 3,5 млрд теңге бөлінді. Бұл туралы Өңірлік коммуникациялар қызметінің ақпарат алаңында облыстық кәсіпкерлік және туризм басқармасының басшысы Фердоуси Қожабергенов мәлімдеді.
<blockquote>
 «Бағдарлама аясында шағын несие кәсіпкерлерге 6 пайызбен 18 057 000 теңге көлемінде беріледі. Аталған сыйақы мөлшерлемесі көп балалы және аз қамтылған отбасылар үшін жылына 4 пайызға дейін төмендеді. Сондай-ақ, аймақта «Еңбек» бағдарламасы аясында кәсіпкерлік субъектілердің 291 жобасы жүзеге асты», – деді Фердоуси Әбілқасымұлы.
</blockquote>
Сонымен қатар, облысқа қосымша инвестициялар тарту арқылы экономикалық жағдайды жандандыру мақсатында «Қызылорда облысының экономикалық даму жоспарын іске асыру бойынша жол картасы» әзірленді. Аталған шара аясында инвестициялар тарту арқылы жаңа жобаларды іске қосу және жұмыс жасап тұрған кәсіпкерлік нысандардың қызметін ұлғайту бойынша 265 азаматқа қолдау көрсету көзделді.
Бұған қоса,кәсіпкерлерді қолдау мақсатында «Бизнеске арналған Үкімет» бірыңғай сервистік орталығы іске қосылды.
<blockquote>
 «Кәсіпкерлер палатасы мамандары кәсіпкерлерге, кәсіпкер боламын деген азаматтарға онлайн да офлайн да қызмет көрсетуде. Мысалы, « Бизнес-мектеп» компоненті бойынша 125 қызылордалық біліктілігін жетілдерді. Олардың 47-сі оқуды онлайн форматта аяқтады», – деді облыстық кәсіпкерлер палатасы директорының орынбасары Пірмұхаммед Сыздықов.
</blockquote>
<img src="https://kyzylorda-news.kz/wp-content/uploads/2020/07/fb_img_1595557365962-2.jpg" alt="" />

Қызылордада кәсіпкерлерге қолдау көрсетілуде

**<a href="https://kyzylorda-news.kz/">Kyzylorda-news.kz.</a> Ел бірлігінің қайнар көзі – тұрғындардың татулық тірлігінде жатқанын әрбір еліміздің азаматтары білуі керек деп ойлаймын. 
**
Елдегі орын алған қиын жағдайдан шығудың жолын ойластырып жатқан кезімізде, ұлтаралық қатынастарда жіберілген олқылықтарды тез уақыт аралығында шешу де оңай жұмыс емес. Әлеуметтік желіде гуілдеп жатқан Түркістан облысының Шорнақ ауылындағы жағдай қатты ойландырып тастады. Бізге тыныштық керек, ел азаматтарының ауызбіршілігі, ынтымағы керек, қай ұлт болса да, үлкен мен кішіге де қатысты пікірім. 
Тағы да айтам, Қазақстан Республикасындағы Заң барлық адамдарға бірдей қызмет жасауы тиіс, ешкімге де жеңілдік жасалмауы керек. Демократия ұғымын желеу етіп, өзім не істесемде болады деген кейбіреулердің сөзі емес, ал оған еркіндік беріліп, қолдау көрсетілсе, онда елде анархияға жол берілді дей беріңіз. 
Мемлекеттігіміздің ірге тасының шайқалуы қас-қағым сәтте болуы ғажап емес. Бауыржан атамыздың «Тәртіпке бас иген құл болмайды, тәртіпсіз ел болмайды» деген ұлы сөзін ұмытпайық. Туысқан екі халықтың ортасына май шашып, от тастамайық, ағайын!
Сайлаубай Әбішев, 
Қызылорда қаласы ардагерлер 
және Қоғамдық келісім кеңесінің төрағасы

Сайлаубай Әбішев:  Туысқандық, бірлік – біздің басты ұранымыз

<a href="https://kyzylorda-news.kz/">Kyzylorda-news.kz.</a> Тасбөгет кентінде жоғары жылдамдықпен жүрген автокөлік 4 адамды қағып, оқиға орнында 2 адам көз жұмды. Бұл туралы Қызылорда облыстық Полиция департаменті хабарлады.
Оқиға 23 шілде күні түнгі сағат 22:50 шамасында орын алған. Ресей Федерациясында тіркелген “ВАЗ – 2114” маркалы автокөлігі жоғары жылдамдықпен келіп, “Мерседес – Бенц” маркалы көлігіне жанама соғу арқылы 4 адамды қаққандығы жөнінде полицияға хабарлама түсті.
Жол көлік оқиғасы салдарынан жол жиегінде келе жатқан 28 жастағы азаматша мен оның нәрестесі оқиға орнында көз жұмды, 2 азамат түрлі дене жарақаттарымен медициналық мекемеге жеткізілді.
Аталған дерек бойынша Қазақстан Республикасы Қылмыстық кодекстің 345-бабының 4-бөлігімен (Абайсызда екі адамның немесе одан да көп адамның өліміне әкеп соққан жол жүрісі қағидаларын бұзу) сотқа дейінгі тергеп-тексеру амалдары жүргізілуде.
<blockquote>
 “Тиісті сараптамалар тағайындалды. Оқиғаның мән-жайлары анықталуда. Кінәлі жүргізушінің жансақтау бөліміне жеткізілуіне байланысты оған қатысты қамаққа алу түріндегі бұлтартпау шарасын қолдану мәселесі шешілуде”,- делінген хабарламада.
</blockquote>

Қызылордада жол көлік оқиғасы салдарынан 2 адам көз жұмды

<a href="https://kyzylorda-news.kz/">Kyzylorda-news.kz</a>. Қызылорда облысының әкімі Гүлшара Әбдіқалықованың төрағалығымен Шиелі ауданында індеттің алдын-алу және таралуын болдырмау мақсатында атқарылып жатқан жұмыстар бойынша селектор өтті. 
Жиында Шиелі ауданының әкімі Қамбарбек Мүбараков аймақтағы ахуал жөнінде баяндама жасады. 
Аудан бойынша коронавирус инфекциясымен 217 жағдай тіркеліп, 134 адам емделіп шықты. Пневмониядан 555 адам ауырып, 189 жазылып шықты.
Қазіргі уақытта 40 инфекциялық, 100 провизорлық төсек орны бар. Ахуал күрделенген жағдайда пайдалану үшін ескі аурухана ғимаратынан 50 төсек орын дайындалған. Сонымен қатар, «Шиелі аудандық аграрлық колледжі» мен «Гежуба Шиелі Цемент» зауытының жатақханаларынан 200 төсек орын ашуға тиісті жұмыстар жүргізілуде.
Ауданда 12 өкпені жасанды желдету аппараты, 3 оттегі концентраторы, 159 оттегі баллоны бар. Күшейтілген карантин жарияланған кезеңнен бастап аудан бойынша демеушілер мен еріктілер тарапынан аудандық аурухана мен елді мекендерге 4 млн 100 мың теңгеге көмек көрсетілді. 
Одан бөлек, аудан әкімдігінің 5 қызметтік автокөліктері күнделікті жанар-жағар майымен қамтамасыз етіліп, аудандық ауруханаға көмек ретінде пайдалануға берілді.
Шиелі ауданы бойынша 22 дәріхана жұмыс жасайды. Барлық дәріханаларға күнделікті мониторинг жүргізілуде. 
Коронавирустың таралуын шектеу мақсатында әр елді мекеннен 1 мобильдік, кент орталығынан 5 мобильдік топ құрылып жұмыс жасауда. Сонымен қатар аудандағы мониторингтік топтар күнделікті кәсіпкерлік нысандарын және арнайы белгіленген аймақтарын аралап, санитариялық талаптардың сақталуына бақылау жасауда. Тұрғындар арасында отбасылық жиындардан бас тарту туралы түсіндірме жұмыстары үздіксіз жүргізіп келеді. 
Өңір басшысы дәрі-дәрмек қорын уақытылы толықтырып, қажет болған жағдайда пайдаланатын стационар орындарында емделуге жақсы жағдай жасауды тапсырды.
<blockquote>
 «Инфекциялық, провизорлық орындарда емделушілерге дұрыс жағдай жасалу керек. Қосымша рентген, өкпені жасанды желдету аппараттарын алуға жұмыс жасаңыздар. Оттегі концентраторын да көбейту керек. Дәрілік заттардың қоры жеткілікті болсын. Тұрғындар көпшілік орындарда жиналмау керек», – деді облыс әкімі Гүлшара Әбдіқалықова.
</blockquote>
<img src="https://kyzylorda-news.kz/wp-content/uploads/2020/07/fb_img_1595557094536.jpg" alt="" />

Коронавирус: Шиелі ауданындағы жағдай қандай?

<a href="https://kyzylorda-news.kz/">Kyzylorda-news.kz.</a> Бүгін Қазақстан аумағының басым бөлігінде ауа райы құбылмалы болады, деп хабарлайды Қазгидромет. 
Республиканың бірқатар аймағында жауын жауып, солтүстік-батыста, күндіз солтүстікте және орталықта найзағай ойнап, жел күшейеді. Кей жерлерде тіпті бұршақ жаууы да ықтимал. Сондай-ақ республиканың бірқатар бөлігінде шаңды дауыл көтерілуі мүмкін. 
Солтүстік Қазақстан, Қарағанды облыстарында түнде жел күшейіп, жылдамдығы секундына 15-20 метрге, күндіз елдің басым бөлігінде секундына 15-20 метрге, екпіні 23-28 метрге жетеді. Бұршақ жаууы да ықтимал. 
Ақмола, Қостанай, Шығыс Қазақстан облыстарының кей бөлігінде жел секундына 15-23 метр жылдамдықпен ұйтқиды. Бұршақ жаууы ықтимал. 
Павлодар, күндіз Ақтөбе, Алматы облыстарында жел секундына 15-25 метр жылдамдықпен соғып, Павлодар облысында бұршақ жаууы ықтимал. 
Жамбыл, Түркістан, Қызылорда облыстарының кей жерлерінде жел күшейіп, жылдамдығы секундына 15-20 метрге жетеді. Қызылорда облысында шаңды дауыл көтерілуі мүмкін. 
Күндіз, Алматы, Атырау, Маңғыстау, Қызылорда, Батыс Қазақстан, Қарағанды, Шығыс Қазақстан облыстарының оңтүстігінде аптап ыстық болады. 
Қызылорда, Атырау облыстарының басым бөлігінде Ақтөбе, Жамбыл, Батыс Қазақстан, Түркістан, Алматы, Қарағанды облыстарының кей жерлерінде өрт қауіпі сақталады.

24 шілдеге арналған ауа райы болжамы

1824 жылы&nbsp;Орал қаласында Жәңгір Бөкейұлы хан болып жарияланды.
1944 жылы&nbsp;Қазақ ССР Халық комиссарлары кеңесі «1944 жылы қазанның 1-де Алматы мемлекеттік өнер институтын ашу туралы» қаулы қабылдады. Аталмыш мекеме Алматының музыкалық-хореографиялық комбинаты негізінде құрылды. Сондықтан комбинат директоры И.Круглихин алғашқы ректоры міндетін атқарды. 1945 жылы консерваторияға Құрманғазы есімі беріліп, басшылыққа Ахмет Жұбанов келді.
2001 жылы&nbsp;Қырғыз Республикасының астанасы Бішкек қаласындағы «Еменді бақта» жазушы Мұхтар Омарханұлы Әуезов ескерткішінің ашылу салтанаты өтті.
2003 жылы Қызылорда қаласында “Үміт” медициналық орталығы ашылды.
2009 жылы&nbsp;Атырауда Хиуаз Доспанова атындағы жаңа заманауи Мұз айдыны сарайы пайдалануға берілді.
Жаңа спорт кешенінің көлемі 1800 шаршы метрден астам аумақты алып жатыр, онда жаттығулармен қатар командалық жарыстар өткізіледі.
Хиуаз Қайырқызы Доспанова (1922-2008) – қазақтың тұңғыш ұшқыш қызы. Атырау облысында дүниеге келген. Ұлы Отан соғысында әскери ұшақпен аспан төрінде ерлігімен танылған, ал соғыстан кейінгі бейбіт өмірде қайраткерлігімен дараланған қазақтың қаһарман қызы. Өжеттілігі мен ерлігі үшін Қызыл Жұлдыз, ІІ дәрежелі Отан соғысы, Қызыл Ту ордендерімен және көптеген медальдармен марапатталған. Ұлы Жеңістің 60 жылдық мерейтойы қарсаңында соғыс ардагері, ұшқыш қыз Хиуаз Доспановаға Қазақстан Республикасы Президентінің Жарлығымен «Халық қаһарманы» атағы берілді. Атырау қаласында ескерткіш орнатылып, оның есімі бір көшеге берілген.
2016 жылы&nbsp;Қазақстан Республикасының Ұлттық олимпиада комитеті мен «Қазпошта» АҚ Рио-де-Жанейродағы Олимпиада ойындарына арналған «Спорт» сериясындағы пошта маркаларын шығару туралы келісімге қол қойды.

24 шілде: Ел тарихында орын алған оқиғалар

<a href="https://kyzylorda-news.kz/">Kyzylorda-news.kz</a> ақпараттық агенттігінің 24 шілдеге арналған жұлдыз-жорамалы.
Тоқты
Түске дейін ешкімнің көңіліне қарап, жағдайын жасамаңыз. Салқынқандылық танытқаныңыз жөн. Бұл ісіңіз көп көмегін тигізеді.
Торпақ
Әр қадамыңызды аңдап басыңыз. Асығыстық танытудың қажеті жоқ. Әсіресе шығармашылықпен айналысатын жандар байқампаз болыңыз.
Егіздер
Бүгінгі жұмыстарды ертеңге қалдырмаңыз. Ішкі түйсігіңізге сеніңіз, сонда ғана барлық жұмысты дұрыс істейтін боласыз.
Шаян
Маңызды шаруалар күтіп тұр. Көздеген мақсатқа жете аласыз. Маңызды мәселерді асықпай отырып шешетін боласыз.
Арыстан
Бүгін орын алған оқиғалар өміріңізді жаңадан бастауға, өз қалауыңыздағыдай өрбітуге мүмкіндік береді. Жақындарыңызбен бірге болыңыз.
Бикеш
Өте сәтті күн. Адамдармен жақсы қарым-қатынаста болыңыз. Қызықты ұсыныстар түседі. Сөзі өтімді жандармен серіктес боласыз.
Таразы
Қаржылық жағынан жолыңыз болады. Есеп-шотыңызға қомақты қаражат түседі. Ақшаны ақылмен жұмсайсыз. Бірақ қажетті дүниеге еш аянбайсыз.
Сарышаян
Адамдармен тіл табыса аласыз. Олардың жағдайын түсінуге тырысасыз. Ешкімнің көңілін қалдырғыңыз жоқ. Кикілжіңдерден бойды аулақ ұстайсыз.
Мерген
Қиындықтармен күресе аласыз. Бірақ оған біраз уақыт қажет. Эмоцияңызды сыртқа білдірмеуге тырысасыз. Соның арқасында дұрыс шешім қабылдайсыз.
Тауешкі
Керемет күн. Күтпеген тосынсыйлар болып, жағымды жаңалық естисіз. Соңғы уақытта мазаңызды алған сауалдарға жауап табасыз.
Суқұйғыш
Бүгін достармен бас қосып, алдағы күндерге жоспар құруға қолайлы күн. Жеке өміріңізге қатысты біршама мәселелерді шешетін боласыз.
Балықтар
Маңызды шаруаға қатысты шешім шығарасыз. Дәл қазіргі сәтте барлық жағдайды дұрыс бағамдай аласыз. Сондықтан дұрыс шешім шығарасыз.

Жұлдыздар не дейді?

<a href="https://kyzylorda-news.kz/">Kyzylorda-news.kz.</a> Қызылордада 184 739 гектар жерге ауылшаруашылығы дақылдары егілді. Бұл туралы Өңірлік коммуникациялар қызметінің ақпараттық алаңында өткен брифингте облыстық ауыл шаруашылығы басқармасының басшысы Сейілбек Нұрымбетов мәлімдеді.
<blockquote>
 «Дәнді дақылдар өткен жылы 97,5 мың га, мал азықтық дақылдар 60,2 мың га, картоп, көкөнiс, бақша 17,4 мың гектарға егілсе, ал биыл дәнді дақыл 1736 гектарға, мал азықтық дақылдар 2 094 гектарға, картоп, көкөніс және бақша дақылдары 79 гектарға артты. Бұған қоса, облыста алғаш рет егістікті әртараптандыру бағытында перспективалы дақылдар қант құмайы 80 гектарға, соя 170 гектарға, жүгері дақылы 1 507 гектарға дейін жеткізілді. Сондай-ақ, ылғал сақтағыш аквагельдерді пайдалану арқылы 80 гектар аграрлы жерге күздік бидай дақылы егілді», -деді Сейілбек Серғазыұлы.
</blockquote>
Қазіргі таңда, облыста 5 түрлі ауылшаруашылығы өнімі эскпортталуда. Бұл өнімдер әлемнің 12 мемлекетіне экспортталып келеді. Сонымен қатар, Ресей еліне де қарбыз, қауын, көкөніс өнімдері жіберілуде.

Қазақстан және Қызылорда облысының жаңалықтары