<a href="https://kyzylorda-news.kz/">Kyzylorda-news.kz</a>.&nbsp;Аймақта балық шаруашылығын дамытудың 2021-2030 жылдарға арналған өңірлік бағдарламасы әзірленді. Бағдарлама шеңберінде 2030 жылға дейін балық экспортын 2 есеге, тауарлы балық өндіру көлемін 111 есеге арттыру көзделуде. Нәтижесінде 500-ден астам жаңа жұмыс орны құралатын болады.
<blockquote>
 «Облыста 16 шарбақтық балық өсіру шаруашылығы, тауарлы балық өсіретін 12 тоған құрылып, 3 тұйық жүйелі сумен қамтамасыз ету құрылғысы іске қосылатын болса, көл-тауарлы су айдындарының саны 55-ке жеткізіледі. Өңірлік бағдарламаны іске асыру үшін жалпы көлемі 28,9 млрд. теңге қаржы есептелді. Осыған орай, балық шаруашылығын қолдау мақсатында, «Байқоңыр» әлеуметтік кәсіпкерлік корпорациясына облыстық бюджеттен 1 млрд. теңге қаржы бөлу қарастырылды. Балық шаруашылығын дамыту бағдарламасы әлеуметтік-экономикалық жағдайын және балық шаруашылығын одан әрі дамытуға оң әсерін тигізетін болады», – деді облыс әкімінің орынбасары Бахыт Жаханов.
</blockquote>
Айта кетейік, облыс аумағында Сырдария өзені, Кіші Арал теңізі және 207 көл бар. Оның ішінде, 95-і тауарлы балық өсіру шаруашылығына бағытталған.

Қызылордада балық шаруашылығын дамытуға басымдық беріледі

<a href="https://kyzylorda-news.kz/">Kyzylorda-news.kz</a>.&nbsp;Өңірде коронавирус инфекциясымен күресіп жүрген 18383 медицина қызметкеріне 3,3 млрд. теңге үстемақы төленді. Бұл туралы Өңірлік коммуникациялар қызметінің ақпарат алаңында өткен брифингте облыстық денсаулық сақтау басқармасының басшысы Сәбит Пазилов мәлімдеді.
<blockquote>
 «Індетпен күресіп жүрген аймақтағы медицина қызметкерлеріне үстемақы өткен жылдың наурыз айынан бастап төленіп келеді. Өздеріңіз білесіздер, елімізде шілде айында жағдай күрделенді. Дәл осы айда өңірдегі 3458 денсаулық сақтау саласының маманына бір миллиард теңгеге жуық үстемақы берілді. Бұл жұмыстар биылда жалғасын табуда», – деді Сәбит Бексейітұлы.
</blockquote>
Биыл қаңтар мен ақпан айында 2348 медицина қызметкеріне 322,5 млн. теңге үстемақы төленді. «COVID-19» коронавирусын жұқтырудың тәуекел топтары үшке бөлінеді. Біріншісі өте жоғары, екіншісі жоғары, үшіншісі орташа топ.

Қызылордада 18 мыңнан астам медицина қызметкеріне үстемақы төленді

<a href="https://kyzylorda-news.kz/">Kyzylorda-news.kz</a>.&nbsp;Сыр елінен алғаш рет Германия мен Нидерландыға 910,4 тонна қамыс және Өзбекстанға 136 тонна бидай ұны экспорталды.
Бүгінде аймақтан өндірілетін өнімдер әлемнің 18 мемлекетіне жөнелтілуде. Атап айтқанда, күріш, балық өнімдері, бидай қалдығы, бидай ұны, сабан, мақсары майы, қауын және қарбыз. Бұл туралы Өңірлік коммуникациялар қызметінің ақпарат алаңында өткен брифингте облыс әкімінің орынбасары Бахыт Жаханов мәлімдеді.
<blockquote>
 «2020 жылы өңделген өнім экспорты 96,7 пайызды құрайды. Сондай-ақ, су тапшылығына қарамастан 551,3 тоннадан астам күріш жиналып, жоғары көрсеткішке қол жеткіздік. Ал биыл 188,2 мың гектарға ауыл шаруашылығы дақылдарын егу межеленіп отыр. Алайда күріштің көлемі 5,1 мың гектарға азайтылады. Оның орнына әртараптандыру бағыты бойынша дәнді, майлы дақылдар егілетін болады. Алдағы уақытта 6 су қоймасын салу жоспарланып отыр. Бұл өз кезегінде тасқын суды жинауға және тұрақты сумен қамтамасыз ету мәселелерін толықтай шешуге мүмкіндік береді», – деді Бахыт Дүйсенұлы.
</blockquote>
Суармалы жерлерді қалпына келтіру және айналымға қосу бойынша 3 жоба әзірленді. Олар, пайдаланылмай тұрған 29 мың гектар суармалы жерді айналымға қосу және 158 мың гектар суармалы егістіктегі ирригация және дренаж жүйесін жетілдіру жобасы. Аталған жобалар жүзеге асырылған жағдайда, суармалы жерлердің 80 пайызы қалпына келетін болады.

Қызылорда облысы әлемнің 18 еліне өнім экспорттауда

<a href="https://kyzylorda-news.kz/">Kyzylorda-news.kz</a>. Бүгін Қызылорда облысы Қармақшы ауданы Жосалы кентіндегі тұрғын үйде газ баллоны жарылып, онда 4 адам қаза тапты. Оқыс оқиғаға орай Қызылорда облысының әкімі Гүлшара Әбдіқалықова зардап шеккен отбасының туыстарына көңіл айтты.
<blockquote>
 «Жерлестер! Бүгін Қармақшы ауданы, Жосалы кенті, Рүстембеков көшесі, 29, жеке тұрғын үйде түскі 13.30 кезінде 27 литрлік газ баллоны жарылып, 144 ш.м. жер өртке оранып, 4 адам қайтыс болды: С.Өміртаева (2001ж.), Р.Айтмаханова (1981ж.), Н.Айтмаханова (2000ж.), С. Мырхиев (1999ж.). Өрт сөндіру бөлімшесі келгенге дейін 1950 ж.туған С.Алмаханова хирургия бөлімшесіне жатқызылған. Өртті сөндіруге ТЖД (16 қызметкер және 4 бірлік техника), ӨКМ (20 қызметкер және 4 бірлік техника), ЖАО (10 қызметкер және 3 бірлік техника), прокуратура (3 қызметкер,1 бірлік техника), БСМК (8 қызметкер және 3 бірлік техника), КРЭК (3 қызметкер және 1 бірлік техника) жұмылдырылды. Қайтыс болған азаматтардың туған-туыстарына Сыр елі жұртшылығы атынан қайғыра көңіл айтамын. Бұл бәрімізге де жеңіл тимеді. Қазіргі таңда осыған байланысты мәселе менің тікелей бақылауымда тұр. Өрттен, судан, басқа да апаттан аман болайықшы, жерлестер!», – делінген облыс әкімінің «Facebook» парақшасында.
</blockquote>

Гүлшара Әбдіқалықова өрттен зардап шеккен отбасының туыстарына көңіл айтты

<a href="https://kyzylorda-news.kz/">Kyzylorda-news.kz</a>. Қызылорда облыстық білім басқармасының басшысы Ақзира Қасымованың төрағалығымен қала, аудандық білім бөлімдерінің басшыларымен алқа жиыны өтті.
Отырыста Нұр-Отан партиясының сайлауалды бағдарламасындағы Жол картаны іске асыру мәселелері, мектепке дейінгі ұйымдардың инфрақұрылымы, электронды форматтағы ұлттық бірыңғай тестілеуге балаларды дайындау, балалардың қауіпсіздігін сақтау, IV оқу тоқсанына дайындық мәселелері қаралды. Сондай-ақ, бюджет қаражатын игеру, вертикалды басқару жүйесіне өтудегі негізгі басымдықтар, кәмелетке толмағандардың құқықтарын қорғау, педагогтар арасындағы ұлттық біліктілік тестін өткізу қағидаттары талданды.
Жиында Ақзира Қасымова білім беру саласындағы индикаторлық көрсеткіштердің орындалуын саралап, күн тәртібінде талқыға түскен мәселелерді жеке-жеке талдады. Отырыста бөлім басшылары Ернат Алпысбаев, Берік Жәнібеков, Гүлзия Дүйсенбаева, Шолпан Жүнісова сала бағыттары бойынша бір жыл ішінде атқарылған жұмыстар шеңберінде баяндама жасап, алдағы міндеттерге қатысты есеп берді.
Басқарма басшысы Ұлттық бірыңғай тестілеуді ұйымдастыруда оқушылардың дайындығын күшейту, пәндік олимпиадада республикаға жолдама алған оқушыларды білім сынағын дайындау мәселесін пысықтауда тапсырды. Сондай-ақ, вертикалды жүйеге сәйкес бөлім басшыларының жұмысы бұдай-былай тоқсан сайын сараланатынын жеткізіп, көрсеткіштер бойынша есеп тыңдалатынын қаперге салды.

Алқа жиынында білім берудің негізгі мәселелері талқыланды

<a href="https://kyzylorda-news.kz/">Kyzylorda-news.kz</a>. Бүгін Қармақшы ауданы, Жосалы кенті, Рүстембеков көшесі 29 тұрғын үйде газ баллоны жарылып, 4 адам қаза тапты.
Оқыс оқиға сағат 13.30 шамасында орын алған. Тұрғын үйдегі 27 литрлік газ баллоны жарылып, 144 шаршы метр жер өртке оранған.
Хабарлама бойынша оқиға орнында осы отбасының келіні 1981 жылы туылған Айтмаханова Раушан Жетпісбайқызы, көршісі Рүстембеков көшесі № 24 үйдің тұрғыны 1999 жылы туылған Мырхиев Сүлеймен Рахманбекұлы, 2001 жылы туылған Өміртаева Сезім, Қайырбекұлы көшесі № 47 үй тұрғыны 2000 жылы туылған Айтмаханова Назерке Жетпісбайқызы қайтыс болған. Өрт сөндіру бөлімшесі келгенге дейін 1950 жылы туған С.Алмаханова хирургия бөлімшесіне жатқызылған. Дәрігерлер бақылауында қазіргі таңда сала мамандары жан-жақты психологиялық көмектер көрсетуде. Оқиға салдарынан баспананың қабырғасы құлап, төбесі опырылып түскен.
Оқыс оқиғаның себебін анықтау үшін арнайы комиссия құрылды. Тиісті құрылымдардан жедел жұмылдыру жұмыстары ұйымдастырылды.
Өртті сөндіруге Қызылорда облыстық Төтенше жағдай департаментінен 16 қызметкер, 4 бірлік техника және басқа да тиісті сала қызметкерлері мен техникалар жұмылдырылды.

Қармақшыда тұрғын үйде газ баллон жарылып, 4 адам қаза тапты (ВИДЕО)

<a href="https://kyzylorda-news.kz/">Kyzylorda-news.kz</a>. Еңбек және халықты әлеуметтік қорғау министрлігі әлеуметтік әмиянның артықшылықтары туралы айтты.
Қазір Ұлттық банк сауда және интеграция, цифрлық даму және еңбек министрліктерімен бірлесіп, Қазақстанда әлеуметтік әмиян енгізу мәселесін пысықтап жатыр.
Қазақстандықтар әлеуметтік әмиянды банк картасына балама ретінде пайдалана алады.
Әлеуметтік әмиянның артықшылығы – ол Ұлттық банк жүйесінде әрбір қазақстандыққа ЖСН бойынша ашылады. Яғни, адамдарға шот ашу немесе банк картасын жаңарту үшін (әрбір 3 жыл сайын) екінші деңгейлі банктерге барудың қажеті жоқ. Сондай-ақ, цифрлық әмиянға әлеуметтік төлемдер проактивті түрде аударылады.
<blockquote>
 “Азаматтар әлеуметтік төлемдер мен жәрдемақыларды қайда аудару керектігін өздері таңдай алады: электронды ақшамен әлеуметтік әмиянға ма, әлде әдеттегі тәсілмен банк картасына ма. Әлеуметтік әмияндағы ақшаны&nbsp; банк картасына аударуға және оны әдеттегідей пайдалануға немесе қолма-қол ақшаға айналдыруға болады”, – деп түсіндірді еңбек және халықты әлеуметтік қорғау вице-министрі Ербол Оспанов.
</blockquote>
Бұған қоса, әлеуметтік әмиянға аударылған қаражат “Төлемдер және төлем жүйелері туралы” заңға сәйкес банктер, коллекторлар және салық органдары тарапынан өндіріп алудан қорғалады.
Сонымен қатар, әмияннан онлайн режимде төлем жасауға (мысалы, коммуналдық қызметтерге, телефон және тағы басқа) мүмкіндік бар. Оны банк картасына бекітіп, картаны пайдалануға болады.
<blockquote>
 “Азамат әлеуметтік әмиянды пайдалану, оның ішінде қаражатты қолма-қол ақшаға айналдыру кезінде ешқандай кедергі сезінбейді”, – деп сендірді министрлік.
</blockquote>
Ведомство әлеуметтік әмиян банктік төлем құралы ретінде барлық қауіпсіздік талабына сәйкес келетінін атап өтті.
<a href="https://sputnik.kz/">Sputnik Қазақстан</a>

Әлеуметтік әмиянның қандай артықшылығы бар?

<a href="https://kyzylorda-news.kz/">Kyzylorda-news.kz</a>. Қызылордада балабақшалар ІТ бағытында білім беруге көшті. Өткен аптада «Алтын Ұя» бөбекжай бақшасы цифрлық білім беруге арналған алғашқы таныстырылым жиынын өткізді. Бұдан былай бөбекжай бақшасы жаңа ресурстармен білім беруді бастайды.
Таныстыру жиынына Қызылорда облысының білім басқармасының басшысы Ақзира Қасымова, Қызылорда қаласы әкімінің орынбасары Асқарбек Есжанов, Қызылорда қалалық білім бөлімінің басшысы Динара Баймұрзаева, балабақша меңгерушілері қатысты. Қонақтар қашықтан оқыту, бейнесабақтар қорын жасақтау, «Робототехника» және «Интеллектум» үйірмелері бойынша жасап жатқан жұмыстарымен танысты.
Бүгінде «Алтын Ұя» балабақшасы 2020 жылы цифрлық білім беру ресурстары бар 18 «Bilimbook» панельдерімен, STEAM-кабинетімен жабдықталды. Сондай-ақ, логопед-дефектолог кабинеті, педагог-писхолог кабинеті, сенсорлық кабинет орналасқан. Балабақша тәрбиешілері мен мамандары арнайы курстан өтті.
Алдағы уақытта ІТ-білім беру бағытына Қызылорда қаласындағы «Сыр шуағы» және «Бүлдіршін» балабақшаларына көшеді. Яғни бірқатар балабақшалар «Тірек білім беру ұйымдары» ретінде жұмыстарын үйлестірілетін болады.
<img src="https://kyzylorda-news.kz/wp-content/uploads/2021/03/160668621_1080188882484316_8144386879574725507_n.jpg" alt="" />
<img src="https://kyzylorda-news.kz/wp-content/uploads/2021/03/161054004_1080189132484291_3078045206396867958_n.jpg" alt="" />
<img src="https://kyzylorda-news.kz/wp-content/uploads/2021/03/161271721_1080189005817637_5296738484233509577_n.jpg" alt="" />

Қызылорда: «Алтын ұя» балабақшасы цифрлық білім беру бағытына көшті

<a href="https://kyzylorda-news.kz/">Kyzylorda-news.kz</a>. Қазгидромет 16-18 наурызға арналған ауа райы болжамын жариялады.
<blockquote>
 «Алдағы тәуліктерде Қазақстанның барлық аумағында ауа температурасының жоғарылауы күтіледі. Сондай – ақ еліміздің басым бөлігінде антициклон сілемімен ауа райы жауын-шашынсыз. Тек аптаның басында республиканың шығыс бөлігінде, содан кейін батысында кей жерлерде жауын-шашын (жаңбыр, қар), тұман, көктайғақ, желдің күшеюі болжанады», деп хабарлайды.
</blockquote>

Алдағы күндері Қазақстанның барлық аумағында күн жылынады

<a href="https://kyzylorda-news.kz/">Kyzylorda-news.kz</a>. Қызылордада қала ортасында орналасқан 64 пәтерлік жатақхананың баспалдағы опырылып, келіншек екі баласымен жертөреге құлап кеткен. Тұрғындардың айтуынша, салынғанына қырық жылдан асқан ғимарат ызадан күн өткен сайын мүжілуде. Іргетасы шөгіп, кесектері үгітіліп жатқан үйде «үреймен өмір сүріп жатырмыз» дейді олар.
Бұл кадрларды тұрғындар өздері түсіріп алған. Әсем кешкісін балаларын балабақшадан алып келе жатқан. Баспалдақтың қалай опырылып кеткенін,өзі де түсінбей қалыпты. «Қас-қағым сәтте жертөлеге құлап&nbsp; кеттім» дейді. Жанындағы 1 және 2 жастағы балаларын періштесі қақты деп отыр. Алайда, бойындағы үрейі әлі басылмаған. &nbsp;
<blockquote>
 «Бірінші өзім құладым, екі цемент үстіме құлады. Екі цементтен кейін үстімен екі бала келіп құлады. Екі баланың бірінің басы цементке тиді. Оны апарып тексерттім, миы шайқалған дейді. Өзімнің денсаулығым жарамайды. Аяғым ісіп, ішімнің бәрін тіліп кеткен», – дейді қала тұрғыны Әсем Мырзаханова.
</blockquote>
Тұрғындардың айтуынша, ғимараттың салынғанына қырық жылдан асқан. Қаланың қақ ортасында тұрып, табиғи газға қосылмаған. Тіпті қыс бойы жылуға жарымадық деп отыр. Ал жауын жауса төбеден су ағып, әбігерге салады екен. Күн өткен сайын қабылғалары қақырап, іргетасы үгітіліп келеді дейді. &nbsp;
<blockquote>
 «Екінші этажға дейін ыза, екінші этаждағылдардың өзі ызаның иісінен демала алмайды. Қысы жазы бізде маса. Түсіп қарадық подвалға, ешқандай тіреуіш жоқ. Бір күні болмаса бір күні ортасына түсуі мүмкін. Сондай қауіппен қаншама халық отырмыз», – дейді қала тұрғыны Жарқынай Кенжетаева.
</blockquote>
Жатақханадағы төтенше жағдай әкімдіктегілердің де құлағына жеткен. Ондағылар құлаған баспалдақты жедел жөндеп бердік дейді. Баспанадағы өзге мәселелерді шешуге қауқырсыз екендерін ашық айтты. Меншік иелерінің бірлестігін құруға кеңес беріп отыр.&nbsp; &nbsp;
<blockquote>
 «Тұрғын үй қатынастары заңындағы енгізілген өзгерістерге сәйкес меншік иелерінің бірлестігі немесе жәй серіктестік құру жөнінде толыққанды түсіндірме жұмыстары жүргізілетін болады. Әрі қарай тұрғындардың таңдауы бойынша басқару органын таңдаса, сервистік компания тарапынан тиісті жұмыстарын атқаруы қажет», – дейді Қызылорда қалалық тұрғын үй коммуналдық шаруашылығы және автомобиль жолдары бөлімінің басшысы Біржан Далабаев.
</blockquote>
Баспалдағы опырыл жатқан ғимарат ресми түрде апатты деп танылмаған. Ол үшін тұрғындар арнайы мамандар шақыртып, ортақ ақша шығарып, сараптама&nbsp; жасатулары шарт. Сонда ғана мұндағы тұрғындар тиісті санат бойынша пәтер кезегіне тұра алады, деді әкімдік өкілдері.
<a href="https://astanatv.kz/kz/news/60058/">Astanatv.kz</a>

Қызылордада жатақхана баспалдағы опырылып, келіншек балаларымен жертөлеге құлап кетті

<a href="https://kyzylorda-news.kz/">Kyzylorda-news.kz</a>. Қызылордада оңай жолмен ақша тапқысы келген күдіктілер оқиға орнында ұсталды. &nbsp;
12 наурыз күні сағат 03:30 шамасында Қызылорда облысы Жалағаш ауданының полиция бөліміне кенттегі дүкен ішінде белгісіз біреулердің жүргені туралы хабарлама түскен.
Оқиға орнына дереу жеткен жедел-тергеу тобы дүкеннің шатыры арқылы ішіне түсіп, «Каспи банк» терминалдарын болгаркамен кесіп бұзып жатқан жерлерінен екі ер азамат ұсталды. Олар 42 жастағы және 34 жастағы кент тұрғындары екені белгілі болды.
Күдіктілер уақытша ұстау изоляторына қамалды. Оқиға орнынан заттай дәлел ретінде қылмыс құралдары алынды: болгарка, дрель, монтировка, плоскогубцы.
Аталған дерек бойынша Қазақстан Республикасы Қылмыстық кодексінің 24 бабының 3 бөлігіне және 188-3 баптың 3 бөлігіне сәйкес (Ұрлыққа оқталу) сотқа дейінгі тергеп-тексеру амалдары жүргізілуде. Оқиғаның мән-жайы анықталуда.

Жалағашта ұрылар қылмыс үстінде ұсталды

<a href="https://kyzylorda-news.kz/">Kyzylorda-news.kz</a>. Жаңашылдыққа жаны құмар, танымдық білімдерін арттыруға ниетті жастарға арналған “Елбасы медалінің” қола жүлдегерлері анықталды. Үздіктердің қатарында көрінген 62 қызылордалық оқушы “Елбасы медалін” иеленді.
Салтанатты шарада білім басқармасының басшысы Ақзира Қасымова еңбегімен дараланып, жоба аясында белсенділік танытып, өз қабілетін таныта білген оқушыларды марапаттап, сәттілік тіледі.
<blockquote>
 «Тұңғыш Президент қорының бастамасымен қолға алынған “Елбасы медалі” жобасы жастарды кешенді деңгейде қолдауға арналған бірегей жоба екені анық. Біздің өңірімізді талантты, кітап оқуға ынталы, спортқа әуес, шығармашылыққа бейім, жаңа идеяларды іске асыруға епті жастарымыз бар. Міне, сол үздіктердің ішінен 62 оқушымыз қола жүлдегер атанып отыр. Оның алғашқысы 11-не медалді облыс әкімі өзі табыстап, құрметін жеткізген еді. Енді бүгін қаладағы 30 оқушы медаль иегері атанып отыр. Қалған 21 аудан оқушыларына аудан әкімдері табыстайтын болады»,-деді Ақзира Қасымова.
</blockquote>
Университет, колледж, мектеп оқушылары арасынан жобаға қатысып, талаптарды үздік орындаған оқушылар лайықты құрметке ие болды.
Айта кетейік, Елбасы медалі жобасына Қызылорда облысынан 430 оқушы қатысты. Оның 62-і қола медаль иегері атанды.
Мұнан бөлек, «Мың бала» Ұлттық зияткерлік олимпиадасында ауыл мектептерінен барлығы 18 мыңнан астам оқушы бақ сынады. Оның 75-і жеңімпаз атанды. Үздік жастардың 23-і дарынды балаларға арналған мектептерге конкурстан тыс қабылданып, Елбасы Академиясы жанындағы «Бірге оқу» онлайн мектебінде пәндік дайындықтан өтуде.
<img src="https://kyzylorda-news.kz/wp-content/uploads/2021/03/160997778_1080119225824615_2032961626320023909_n.jpg" alt="" />

Қазақстан және Қызылорда облысының жаңалықтары