<a href="https://kyzylorda-news.kz/">Kyzylorda-news.kz.</a> Бүгін түнгі 02 сағат 10 минут шамасында Дағдарыс жағдайындағы басқару басқармасына 2002 жылғы Бағдәулет Өтегенов есімді азаматтың мал іздеп шығып жоғалып кеткендігі жөнінде хабарлама келіп түсті.
Жоғалған азамат Жалағаш ауданы Қаракеткен елді мекенінде 6 қазан күні сағат 14-00 шамасында мал іздеп шығып, қайта оралмаған.
Хабарлама түскен уақытта Төтенше жағдайлар департаментінің Жедел құтқару жасағының құтқарушылары оқиға орнына шығып, Қаракеткен елді мекенінен 22 шақырым қашықтықта орналасқан «Құлжан» фазендасына жетті. Жан-жақты іздестіру барысында жас жігіт табылды.
Оқиға кезінде анықталғандай, ол мал іздеуге шығып, жолдан белгісіз бағытқа қарай кетіп, адасып қалған. Осы оқиғаға байланысты інісін дер кезінде іздеп, аман-есен тапқан құтқарушылар мен кинолог мамандарға Бағдәулеттің ағасы алғыс&nbsp; айтты.

Қызылордада мал іздеп шығып, адасқан жігіт табылды

<a href="https://kyzylorda-news.kz/">Kyzylorda-news.kz.</a> Бүгін ҚР Тұңғыш Президенті Н.Ә.Назарбаевтың «Абай аманаты» атты мақаласы жарық көрді.
Елбасы мақаласында Абайдың мәңгі жасайтын қағидасын мысалға келтіре отырып, тәуелсіздіктің елең-алаңында ел ішінде неше түрлі іріткі салғыш, ірге бөлгіш пиғылдар оянып, сын сағаты туған кезде ел тізгінін ұстай отырып, күрделі ахуалдан түсіністіктен татулыққа, ымырадан ынтымаққа қол жеткізіп, елдіктің шаңырағын шайқалтпай ұстау басты мақсат болды дейді. Ол әрине қазақтың кең қолтық, ақ жүрек мейірбандығының, Алтай мен Атырау арасын сол қазақпен араласа жайлаған түрлі этностардың Абай өнеге етіп қалдырған бауырластығының арқасында жүзеге асқандығын да айтады.
ҚР Тұңғыш Президенті Н.Назарбаевтың бастамасымен дүниеге келген Қазақстан халқы Ассамблеясы, елдегі татулық пен тұрақтылықтың ұйытқысына айналуының өзі ел бірлігінсіз еш ұлы мақсаттың орындалмайтынын жете түсінгендіктен жүзеге асты деп пайымдайды. Расымен, Абайдың шығармасындағы ел достығы, адамның адамға деген әділетті көзқарасы бүгінгі күні де өзекті. Абайдың әрбір сөзінің өлмейтін бір қасиеті бар. «Адамзаттың бәрін сүй бауырым деп..», деген сөзді айта алу үшін үлкен жүрек керек. Күллі адамзатты жүрегіне сыйғыза алатын кеңдік, парасат керек деп ойлаймын.
Елбасы Н.Әбішұлы қазақтың арманын, бары мен жоғын Абай арқылы ұғынуға үндейді. Себебі Абай – қазақ ұлтының ары. Тәуелсіздігіміздің тұғырлы болуы жолында Елбасы әрбір сөйлеген сөзінде ел бірлігі, ұлт татулығы мәселесін ұдайы еске салып жүреді.
Абайдың 150 жылдық мерейтойында Елбасы «Біз де бүгін ұлтішілік татуластыққа да, мәдениеттер арасындағы сабақтастыққа да Абайша қарап, Абайша қастерлеуге ерекше мән береміз» деген болатын. Бүгінгі күні осы қағидат, яғни жалпыұттық құндылықтар мен мейірім, адамгершілік пен талап, достық пен келісім Қазақстан қоғамы үшін ең керек қасиет деп білеміз.
Қазақстанның шыққан шыңы мен бағындырған биіктердің басты себебі – бірлік. Ел бірлігі – біздің барша табыстарымыздың кілті. Ұрпаққа аманаттар ең құнды байлығымыз ынтымақ мен бірлік деп білсек, Елбасымыз маңызы зор мақаласында атап өткендей, ұлы даланың перзенті нұсқаған жол – бәріміздің бағдарымыз болуы керек.
Жағыпар Тажмаханов,
Қызылорда облыстық Қазақстан халқы Ассамблеясы хатшылығының меңгерушісі

Жағыпар Тажмаханов: Абайдың әрбір сөзінің өлмейтін бір қасиеті бар

<a href="https://kyzylorda-news.kz/">Kyzylorda-news.kz.</a> Қызылордалықтарға кәсіппен айналысуға жеңілдетілген несие ұсынылады. Бұл туралы Кәсіпкерлер палатасының бөлім бастығы Гаухар Елеусінова айтты.
«Қазір облыста «Бизнестің жол картасы – 2025» бизнесті қолдау мен дамытудың мемлекеттік бағдарламасы аясында облыс аумағындағы кәсіпкерлерді шағын несиелендіру жұмыстары басталуда. Қаржыландыратын «Қызылорда» Өңірлік инвестициялық орталығы. Бағдарлама бойынша берілетін несиенің сомасы 5 млн.теңгеден 10 млн.теңгеге дейін. Мерзімі 5 жылға», – дейді Палата маманы.
Шағын несиенің пайыздық мөлшерлемесі 17,5%. Оның ішінде инвестициялық мақсатқа берілетін несие бойынша бастапқы 3 жылға, ал айналым қаражатына берілетін шағын несиенің бастапқы 2 жылға пайыздық мөлшерлемесін мемлекет тарапынан 11,5 %-ға субсидиялау қарастырылған. Яғни инвестициялық мақсатқа берілген несиелердің бастапқы үш жылында, ал&nbsp; айналым қаражатына берілетін несиенің &nbsp;бастапқы екі жылында кәсіпкер пайыздық мөлшерлемені 6 %-бен төлесе, мемлекет тарапынан 11,5 %-ы субсидияланады.
<blockquote>
 «Бағдарлама аясында несие алуға ниет білдірген азаматтар Кәсіпкерлер палатасының аудандық филиалы мен аудандардағы кәсіпкерлік, өнеркәсіп және туризм бөлімінен қажетті сауалдарына жауап бере алады. Қызылорда қаласында Кәсіпкерлер палатасы мен «Қызылорда» Өңірлік инвестициялық орталығы Қорқыт ата 123 мекен-жайында орналасқан», – дейді Гаухар Елеусінова.
</blockquote>
Айта кетейік, 5 қазаннан бастап Қызылорда облысының кәсіпкерлер палатасы енді Сіздерге Қызылорда қ-сы, Қорқыт ата 123 мекен-жайында (ғимарат сыртында “Азаматтарға арналған Үкімет” деп жазылып тұр) қызмет көрсетеді. Бірінші қабатта Палатаның Кəсіпкерлерге қызмет көрсету орталығы орналасқан, 3-қабатта:
– 303-кабинетте қабылдау бөлімі;
– 301-кабинетте Агроөнеркәсіптік кешен бөлімі;
– 302-кабинетте Адами капиталды дамыту бөлімі;
– 304-кабинетте Кәсіпкерлердің құқығын қорғау бөлімі;
– 310-кабинетте Мәжіліс залы;
– 315-кабинетте Әкімшілік бөлімі мен сертификацияның мамандары;
– 321-кабинетте Жобаларды сүйемелдеу бөлімі орналасқан.

Қызылордалықтарға жеңілдетілген несие ұсынылады

<a href="https://kyzylorda-news.kz/">Kyzylorda-news.kz.</a> Қазіргі танда балалардың отпен ойнауы, көптеген қайғылы жағдайларға алып келіп жатқанын білеміз. Мұндай оқиғалардың алдын алу үшін ата-ана балаға өрт қауіпсіздігі туралы жиі айтып, түсіндіріп отыруы қажет.
Сіріңкелерді, газ плиталарын, электр құралдарын дұрыс пайдалануды көрсеткеннен гөрі тыйым салған оңайырақ. Баланың 3 жастан бастап қоршаған әлемді танып білуге, әр нәрсенің қызметін, қалай жұмыс істейтінін білуге қызығушылық танытады. Алайда бала кішкентай ғана жалынның үлкен трагедияға алып келетінінен бала бейхабар. Сондықтан балаға кішкентай кезінен өртке қарсы тақырыптарда сөйлесіп, өрт болған жағдайда өзін қалай ұстау керектігін, қандай әрекеттер жасау керектігін айтып, үйрету қажет.
Қорыта айтқанда, үлкендердің міндеті жас жеткіншектерге өрттің тілсіз жау екендігін, сонымен қатар өрт қандай жағдайда пайда болатынын&nbsp;балаларға түсіндіру және балабақшалар мен мектептерде өрт қауіпсіздігі ережелері туралы бейнероликтер көрсетіліп, өрт оқиғасы туындағанда әрекет ету тәртібін үйрету керек.
Есте сақтаңыз:
<ul>
<li>Балаларды үйде қараусыз жалғыз қалдырмау;</li>
<li>Балаларға сіріңке (оттық) және т.б тұтатқыш заттармен ойнауына жол бермеу;</li>
<li>Тұрмыстық электр қондырғыларын пайдалануларына жол бермеу;</li>
<li>Алғашқы өрт сөндіру құралдарын пайдалануды үйрету;</li>
<li>Өрт болғанда 101 немесе 112 нөміріне қонырау шалуды үйрету.</li>
</ul>
О.Тұрсынбаев,
Қызылорда қаласы Төтенше жағдайлар басқармасының
аға инженері азаматтық қорғау аға лейтенанты

Балаларды өрт қауіпсіздігін сақтауға үйрету керек

<a href="https://kyzylorda-news.kz/">Kyzylorda-news.kz.</a>&nbsp;Бүгін Елбасы Нұрсұлтан Назарбаевтың «Абай аманаты» атты мақаласын оқып шықтым. Мағыналы мақаладан ұғарымыз мол.
Бұл мақалада &nbsp;ел Көшбасшысы «Адамзаттың бәрін сүй бауырым деп» қағидатын ұстана отырып, барша қазақстандықтарды Абай аңсаған бауырластыққа, бірлікке шақырады. Осы орайда Абай айтқандай ұлты мен нәсіліне қарамай, бар халықты бір тудың астына жинай алған Елбасының сындарлы саясаты көпке үлгі.
Түсінгенім, Абайды өзге ешкіммен салыстыруға болмайды. Ұлы даланың дана перзенті маған ерекше әсер етті. Оның философиялық ой тереңдігіне тәнті болдым. Елбасы айтқандай, дара тұлғаның шығармашылығында ерекше сәуле бар. Сол сәуле әр адамның жүрегін тербейді. Сондықтан Абайды оқу керек, Абайды білмеу – қазақты білмеу, қазақты танымау деген сөз.
Өкінішке орай хакім Абайдың дүбірлі мерейтойы қиын қыстау кезеңде аталып өтілуде. Дегенмен, ұлы ақынның бай мұрасын Елбасы айтқандай заман сұраныстарына сай қайта зерделеудің маңыздылығы зор, әсіресе жас ұрпаққа берері мол дер едім.
Лайла Пашаева,
Шешен этномәдени бірлестігі жетекшісінің орынбасары

Лайла Пашаева: Абай аманатын ардақтайық

<a href="https://kyzylorda-news.kz/">Kyzylorda-news.kz.</a> Алик Шпекбаевтің төрағалығымен Білім және ғылым Вице-министрі Мирас Дәуленовтің, Академиялық адалдық лигасы, «Саналы ұрпақ» жобалық кеңсесі өкілдерінің қатысуымен Сыбайлас жемқорлыққа қарсы іс-қимыл агенттігі жанындағы Ғылыми сарапшылар кеңесінің алғашқы отырысы өтті.
Тәуелсіз сараптама органы ұлттық деңгейдегі қолданбалы проблемаларды шешу үшін ғылымды тарту келешектегі міндеттердің бірі болып белгіленген Мемлекет басшысының ағымдағы жылғы 
1 қыркүйектегі Қазақстан халқына Жолдауын іске асыру тұрғысында құрылды.
Кеңес жұмысының негізгі бағыттары – сыбайлас жемқорлыққа қарсы күрес бойынша үздік әлемдік тәжірибелерді талдау, бейімдеу және енгізу мақсатында проактивті ғылыми-кәсіби қоғамдастықты қалыптастыру, сыбайлас жемқорлыққа қарсы бастамаларды кешенді ғылыми-сараптамалық бағалау, сыбайлас жемқорлыққа қарсы іс-қимыл бойынша жобалық ұсыныстарды әзірлеу.
Агенттіктің жаңа консультативтік-кеңесші алаңы Ұлыбританиядағы қазақстандық PhD қауымдастығының және әлемнің басқа да жетекші жоғары оқу орындарының жүзден астам жас ғалымдарының басын біріктірді.
Алик Шпекбаев өз сөзінде атап өткендей, біздің жас ғалымдар, шетелдің үздік университеттерінде білім алып, қызмет жасап жүрген ғылым докторлары еліміздің дамуына өз үлестерін қосуға дайын, бұл сөзсіз, қазақстандық жастардың патриотттық сезімін көрсетеді.
<blockquote>
 «Тек бюджет есебінен ғана «Болашақ» бағдарламасы бойынша шетелде бүгінде 150-ге жуық PhD доктор білім алған және қазіргі уақытта да осыншасы шыңдалуда. Google, Deloitte, Facebook және басқа да үздік компанияларда жұмыс істейтін, идеялар ұсынуға дайын кәсіпқойлардың арасында жас қазақстандықтар аз емес. Әлеует бар және оны елдің одан әрі дамуына, оның ішінде сыбайлас жемқорлыққа қарсы бағытқа бағдарлау керек», – деді Агенттік Төрағасы.
</blockquote>
Ол, бірлескен жұмыстың мақсаттары мен міндеттері ретінде дамыған мемлекеттердің сыбайлас жемқорлыққа қарсы халықаралық стандарттарын қолдану практикасын зерделеуде, оларды біздің республикамызда іске асыру тетіктерін әзірлеуде ғалымдардың жәрдемдесуі қажет екенін атап өтті.
Білім және ғылым вице-министрі Мирас Дауленов өз сөзінде мемлекеттік органдардың қызметінде қазақстандық ғалымдардың тәжірибесі мен білімін қолдану тәсілдерінің дұрыстығын белгілей отырып, Сыбайлас жемқорлыққа қарсы қызмет пен ғылыми қауымдастықтың ынтымақтастығын қолдады.
Өз кезегінде Ұлыбританиядағы қазақстандық PHD қауымдастығының президенті, Кеңес басшысы болып сайланған Әлия Сембаева қауымдастықтың табысты тәжірибесі негізінде, оның жұмысының пайымын таныстырды. Өз сөзінде ол ашық, бәсекеге қабілетті және достық тәжірибелер негізінде мемлекеттік саясатты қалыптастыруға ғылыми негізделген тәсілді енгізудің маңыздылығын атап өтті.
Отырыс барысында PhD докторлары мен докторанттары, оның ішінде Австралия, Ұлыбритания және басқа еуропалық елдердің 
іс-шараға онлайн қатысушылары жекелеген бағыттардағы сыбайлас жемқорлық тәуекелдерін жою бойынша өз ұсыныстарын ұсынды.
Мәселен, Satbayev University инновациялар жөніндегі басқарушы директоры Шыңғыс Черниязданов еліміздің жетекші техникалық жоғары оқу орнының атынан қатысушыларға Қазақстандағы ғылым мен өндірістің өзара іс-қимылы бойынша тәсілдерін жеткізді, сондай-ақ Президенттің ҒЗТКЖ-ға қатысты тапсырмаларын орындау бойынша ұсыныстарын ұсынды. Спикер елімізде талантты ғалымдар үшін және қазақстандық ақыл-ойды шетелден тарту үшін қолайлы жағдай жасаудың маңыздылығына назар аударды.
Кеңес сарапшылары жұмыс істей бастаған тағы бір жоба – жоғары білім беру саласындағы сыбайлас жемқорлық мәселесі. Отырыс барысында әлеуметтік зерттеулер негізінде, шешу жолдарын кеңестің сарапшылар тобы ұсынды (Арман Рахимов, Анар Мұхтарова. Гүлшат Түсіпова, Мөлдір Қабылова).
Өз тарапынан сыбайлас жемқорлықпен күресушілер әзірленген ұсыныстарды іс жүзінде жүзеге асыру бойынша шаралар қабылдайды.
Агенттік, ғылыми қоғамдастықпен сындарлы өзара іс-қимыл еліміздің сыбайлас жемқорлыққа қарсы саясатының тиімділігін айтарлықтай арттыруға мүмкіндік беретініне сенім білдірді.

Сыбайлас жемқорлыққа қарсы қызмет бүкіл әлемдегі отандас ғалымдардың басын біріктірді

Қасым-Жомарт Тоқаев: Бұл – коронавирус індеті қайта өршиді деген сөз

<a href="https://kyzylorda-news.kz/">Kyzylorda-news.kz.</a> Қызылорда облысы Полиция департаменті Табиғатты қорғау полициясымен жыл басынан бері экологиялық құқық бұзушылықтар мен қылмыстың алдын алу, ескерту, жолын кесу және анықтау бағытында ұйымдастырушылық-тәжірибелік шаралар жүргізілді.
Атқарылған жедел-профилактикалық жұмыстардың нәтижесінде, табиғат қорғау заңнамаларын бұзушылықтың барлығы – 390 дерегі тіркелді. Оның ішінде, 29 қылмыстық және 361 әкімшілік құқық бұзушылықтар.
Қазақстан Республикасы ӘҚБтК-нің 382-бабы (жануарлар дүниесiн пайдалану талаптарын және аң аулау қағидаларын бұзу) барлығы 207 құқық бұзушылық дерегі анықталды.
Балық аулау және балық ресурстары мен басқа да 
су жануарларын қорғау қағидаларын бұзудың ҚР ӘҚБтК-нің 383-бабы 1,2,3,4-бөліктерімен 121 дерегі тіркелді.
Сонымен қатар, осы жылдың басынан Қазақстан Республикасының Қылмыстық кодексі және Әкімшілік құқық бұзушылық туралы кодексіне толықтырулар мен өзгерістер еңгізілуіне байланысты, осы кодекстің 381-1 бабының 1-бөлігімен (Ағаштар мен бұталарды заңсыз кесу, жою немесе зақымдау қағидаларын бұзу) 10 құқық бұзушылық дерегі анықталып, заңды шешім қабылдау үшін сот органдарына жолданды.
ҚР ӘҚБтК-нің 389-бабы бойынша, құқық қорғау органдарынын құзырлығына жатпауына байланысты, кесуге тиым салынған «сексеуіл» ағаштарын тасымалдап келе жатқан 23 автокөлік ұсталып, барлығы Қызылорда облыстық орман шаруашылығы және жануарлар дүниесі аумақтық инспекциясына заңды шара көру үшін жолданды.
Жыл басынан бері облыс көлемінде табиғатты қорғау заңнамаларын бұзушылыққа қатысты барлығы 29 қылмыстық іс қозғалды.&nbsp;
Оның ішінде, балық аулау және балық ресурстары мен басқа да су жануарларын немесе өсімдіктерін зансыз алу дерегі бойынша Қазақстан Республикасы Қылмыстық кодексінің 335-бабымен 9, заңсыз аңшылық жасағандары үшін ҚР ҚК-нің 337-бабы бойынша 2020 жылы 8, ҚР ҚК-нің 339-бабы бойынша (Өсiмдiктердің немесе жануарлардың сирек кездесетiн және құрып кету қауіпi төнген, сондай-ақ пайдалануға тыйым салынған түрлерімен, олардың бөліктерімен немесе&nbsp; дериваттарымен заңсыз айналысу) 8, және ҚР ҚК-нің 340-бабымен (заңсыз ағаштарды кесу) 4 қылмыстық іс қозғалды.
Бұл бағытта жұмыстар жалғасын табуда.
<img src="https://kyzylorda-news.kz/wp-content/uploads/2020/10/whatsapp-image-2020-09-15-at-13.06.54.jpeg" alt="" />
<img src="https://kyzylorda-news.kz/wp-content/uploads/2020/10/whatsapp-image-2019-10-31-at-08.53.07.jpeg" alt="" />

Қызылордада табиғат қорғау заңнамаларын бұзудың 390 дерегі анықталды

<a href="https://kyzylorda-news.kz/">Kyzylorda-news.kz.</a> Бүгін Қызылорда облыстық партия филиалының төрағасы Гүлшара Әбдіқалықова партияішілік іріктеуге қатысушыларымен кездесіп, өткен праймериз нәтижелері, үгіт-насихат жұмысы барысында көтерілген өзекті мәселелер турасында сөз қозғап, саяси доданың қатысушыларына алғыс хат табыстады.
<blockquote>
 “Жария түрдегі партияішілік іріктеу еліміз үшін соны саяси жаңалық болды. Партия лидері Нұрсұлтан Назарбаевтың партия жұмысын «жүйелі жаңғырту» аясында ұйымдастырылған бұл бастама ел сұранысын қанағаттандырды десек болады. Праймериз бізге елдің қолдауы мен сеніміне ие болған үздіктерді іріктеумен қатар, партияластарымызды бір-бірімен тығыз байланыстырып, бірлігін бекемдеуге де септігін тигізді. Мұны праймериз барысында үміткерлердің бір-бірін қолдауынан көрдік. Праймеризде жеңген мен жеңілген болған жоқ. Алғаш рет өткізіліп отырған саяси шараға қатысушылардың барлығы үлкен батылдықтарын көрсетті. Әсіресе жастарымыз мол тәжірибе жинақтады. Көздеген мақсатына жетпеген үміткерлер партиялық кадрлық резервке енгізу арқылы түрлі кеңестер мен комиссиялар жұмыстарына қатыстырылады. Бұл өз кезегінде партия қатарына жаңадан келген әріптестеріміз бен жастарға келесі праймеризге дейін тәжірибе жинақтауға да септігін тигізетін болады деп есептеймін”,- деді үміткерлерге жылы лебізін білдіру барысында Гүлшара Әбдіқалықова.
</blockquote>
Сыр өңірі бойынша праймеризге 501 кандидат тіркелген. Дауыс беру кезеңіне 485 адам жетті. Үміткерлердің 32 пайызы әйелдер болса, 28 пайызы 35 жасқа дейінгі жастар. Кандидаттардың үгіт-насихат жұмысы кезінде 85 дебат ұйымдастырылған. 32 мыңнан астам партия мүшелерін қамытаған 2 мыңға жуық кездесулер өткізіліп, 1 мыңнан астам ұсыныстар жинақталған.
Облыста барлығы 43 742 партия мүшесінің дауыс беруі жоспарланды. Партия мүшелерінің 32 441 (88%) онлайн форматта, 6953-і (100%) бюллетень арқылы дауыс берді. Жалпы облыстағы дауыс беру көрсеткіші 90,1% (39 394) құрайды. 
Жиын барысында праймериз қатысушылары да сөз алып, өз пікірлерімен бөлісті.
<img src="https://kyzylorda-news.kz/wp-content/uploads/2020/10/e7cb7582-6a28-448d-92eb-5af3f8911720.jpg" alt="" />
<img src="https://kyzylorda-news.kz/wp-content/uploads/2020/10/bcdb340f-97b8-4d74-a3ff-1b5e3134fad1.jpg" alt="" />
<img src="https://kyzylorda-news.kz/wp-content/uploads/2020/10/87ca41e4-a566-4a48-9cf0-818d72a906e9.jpg" alt="" />
<img src="https://kyzylorda-news.kz/wp-content/uploads/2020/10/b57ae8fc-fb01-4858-a37b-4a4c5bfb5530.jpg" alt="" />

Гүлшара Әбдіқалықова праймериз қатысушыларымен кездесті

<a href="https://kyzylorda-news.kz/">Kyzylorda-news.kz.</a> Сыр елінің Жанкент қалашығындағы археологиялық жұмыстар қорытындыланып, бір бөлменің композициясы жасақталды. Бұл туралы Қазалы ауданының әкімі Мұрат Ергешбаев Өңірлік коммуникациялар қызметінің баспасөз алаңында өткен брифингте айтты.
Қалашықтың қорғаныс қабырғалары мен мұнаралары, 30-ға жуық тұрғын үй орындары аршылды. Биыл облыстық бюджет есебінен археологиялық қазба және республикалық бюджет қаражатынан қайта қалпына келтіру жұмыстары жүргізілді. Қалашықтағы консервацияланған бір бөлменің композициясы жасалып, Оғыз дәуірінің тұрмыс-салт дәстүрінен хабар беретін тарихи мүсіндер қойылды.
Сонымен қатар, қалашықтан 200-ге жуық бүтіндей экспонат табылып, музей қорына өткізілді. Қазіргі таңда, қалашықтың аумағы толық қоршалып, “JANKENT” стеласы бой көтерді. Нәтижесінде іске асырылған жұмыстар келешекте археологиялық парк қалыптастыруға және туристік орынға айналуға үлкен септігін тигізуде.

«JANKENT» стеласы бой көтерді

<a href="https://kyzylorda-news.kz/">Kyzylorda-news.kz.</a> Екі күн бұрын Қызылорда облысы Полиция департаменті Жаңақорған аудандық полиция кезекші бөліміне алаяқтық дерегі бойынша облыс орталығының 44 жастағы тұрғыны арызданған.
Былтырғы жылдың тамыз айында белгісіз әйел оның сеніміне кіріп, алдау жолымен 1&nbsp;миллион 200 мың теңге көлемінде ақшасын алғаны анықталды. Алаяқ әйел «Жалақысы жоғары қызметке орналасуға көмек беремін» деп өз уәдесін беріп, қашып жүрген.
Жедел-іздестіру шаралары барысында күдікті әйел ұсталды. Ол сол Жаңақорған ауданның 39 жастағы тұрғыны екені анықталды.
Қазіргі таңда күдіктіге қатысты ҚР ҚК 190-бабы 3-бөлігіне (ірі мөлшерде жасалған алаяқтық) сәйкес сотқа дейінгі тергеп-тексеру жұмыстары жүрігізілуде.

Қызылорда: Жұмысқа тұрғызу үшін 1 млн 200 теңге алған

<a href="https://kyzylorda-news.kz/">Kyzylorda-news.kz.</a> ҚР Президентінің Жолдауынан туындайтын міндеттер мен алдағы жоспарлар, ауданда атқарылып жатқан жұмыстар туралы тапсырмасына байланысты Қызылорда облысының аудан әкімдері есеп бере бастады. Алғашқылардың бірі болып Қазалы ауданының әкімі Мұрат Ергешбаев Өңірлік коммуникациялар қызметінің баспасөз алаңында өткен брифингте ауданда атқарылып жатқан жұмыстар жайында есеп берді.
<img src="https://kyzylorda-news.kz/wp-content/uploads/2020/10/120904077_1133177103744467_3706484681292034874_o.jpg" alt="" />
Әйтеке биде құрылыс қарқынды
Қазалы ауданы Әйтеке би кентінде 600 орындық мәдениет үйінің құрылысы салынуда. Нысанның ірге тасы қаланып, кірпіш қалау жұмыстары жүргізіліп, төбе шатыры жабылып, нысанның терезелері салынды. Ішкі әрлеу және кафель жабыстыру жұмыстары жүргізілді. Мәдениет үйі екі қабаттан тұрады. Ғимаратта 600 орындық көрермендер залы, стол ойындарына арналған бөлме, мерекелік және салт-дәстүрді насихаттау залы, хор бөлмесі, бейнелеу өнер, кітапхана және оқу бөлмелері қарастырылған. Мәдениет үйі биыл пайдалануға беріледі.
<img src="https://kyzylorda-news.kz/wp-content/uploads/2020/10/120959558_1133220733740104_7006562854747578558_o.jpg" alt="" />
Сонымен қатар кентте жаңа емхананың құрылысы басталды. Емхана ауысымына 250 келушіге қызмет көрсетпек. Нысан құрылысын бастау үшін республикалық бюджеттен қаржы бөлінді. Емхана құрылысы 2021 жылы аяқталып, халық игілігіне берілетін болады.
<img src="https://kyzylorda-news.kz/wp-content/uploads/2020/10/120734449_1133176577077853_2597350454115141808_o.jpg" alt="" />
Қазалы ауданы Әйтеке би кентінде 2017 жылы 18 пәтерлік 5 тұрғын үйдің құрылысы басталып, өткен жылы аяқталып, халық игілігіне берілді. Биыл қараша айында қалған 1 тұрғын үй пайдалануға беріліп, 18 отбасы баспанамен қамтамасыз етіледі. Яғни, 2019 жылы 5 арендалық тұрғын үй 31 көпбалалы отбасыға, оның ішінде 18-і ата-ана қамқорлығынан айырылған және жетім балаға, 31-і әлеуметтік осал топқа, 10-ы апаттық деп танылған тұрғын үйлері бар азаматқа, ал биыл 4-і көпбалалы отбасыға, 5-і ата-ана қамқорлығынан айырылған, жетім балаға, 4-і әлеуметтік осал топқа , 5-і бюджеттік сала қызметкеріне беріледі.
Қазалылықтар көгілдір отынға қол жеткізуде
Бүгінде Қазалы қаласын газдандыру бойынша облыстық және аудандық бюджеттен қаржы бөлініп, мемлекеттік сатып алу конкурсының жұмысы жүруде. Газдандыру жобасы облыстық энергетика және коммуналдық шаруашылық басқармасы тарапынан әзірленді. Жобада 9 дана газ реттегіш пункті, 58,9 шақырым, оның ішінде жоғары қысымды 9,663 шақырым, 48,783 шақырым төмен қысымды газ құбыры қаралған. Қаладағы барлық 1558 тұрғын үй көгілдір отынға қосылатын болады.
Оған қоса, Ғани Мұратбаев ауылына кварталішілік газ құбырларының құрылысы жүргізілуде. Құрылысқа облыстық бюджеттен қаржы бөлінген. Бүгінде жұмыстың 70 пайызы аяқталған. Жоспар бойынша барлық жұмыс қара айының 20-сында бітеді. Орта қысымды газ желісі Әйтеке би кентіндегі Үштаған жанынан бастау алады. Жобада 6,1 шақырым орта қысымды газ желісі, 12,2 шақырым төмен қысымды газ желісі, 2 газ реттегіш қаралған. Барлығы 293 абонент қамтылады.
Екі ауылға сервистік су желісі тартылды
Биыл Жанқожа батыр елді мекеніндегі тұрғын үйлерге сервистік су желілері жүргізіледі. Аталған нысанның құрылысын бастауға аудандық бюджеттен қаржы бөлініп, мемлекеттік сатып алу конкурсын жүргізуге жұмыстар жасалуда. Нәтижесінде 334 тұрғын ауыз су сервистік желісін пайдаланатын болады. Сондай-ақ, Майдакөл елді мекеніндегі тұрғын үйлерге сервистік су желілерін жүргізуге де аудандық бюджеттен қаржы бөлініп, жоба әзірленді. Жоба аясында 208 тұрғын ауыз су сервистік желісін пайдаланады.
Көпсалалы қызмет көрсету кешені бой көтерді
Қазалы ауданының аумағынан өтетін «Батыс Еуропа – Батыс Қытай» халықаралық автожолының бойынан тағы бір көп салалы қызмет көрсету кешенінің құрылысы жүргізілуде. Әйтеке би кентіне жақын жердегі «Қашқан су» көлінің жағасындағы 3 гектар аумақта қонақ үй, тамақтану орны, автотұрақ, автокөлік жуу орталығы және шағын маркет ашылып, жолаушылар мен тұрғындарға қызмет көрсететін болады.Сондай-ақ, ауданда «Батыс Еуропа – Батыс Қытай» автокөлік дәлізінің бойынан «Арзан Сити», «Мирас» кешендері, «Sinooil», «TS Қызылорда мұнай өнімдері» жанар-жағар май бекеттері пайдалануға беріледі.
Көпқабатты тұрғын үй қатары көбейеді
Биыл Әйтеке би кентінде 2 қабатты 12 жалдамалы тұрғын үй құрылысы салынады. Қазіргі таңда тұрғын үйдің жоба-сметалық құжаттары әзірленуде. Сонымен қатар, Қазалы қаласы және Әйтеке би кентінен 2 пәтерлі 10 арендалық тұрғын үй құрылысын салу жоспарлануда. Аталған тұрғын үйлерге аудандық бюджеттен қаржы бөлініп, мемлекеттік сатып алу конкурсы өткізілді.
Сондай-ақ кентте 1 қабатты 4 пәтерлі 10 жалдамалы тұрғын үй құрылысы жүргізілуде. Жалдамалы тұрғын үй құрылысына кредит есебінен республикалық, облыстық бюджеттен қаржы бөлінді. Жобада бір үйде 4 пәтер, 10 үй, барлығы 40 пәтер қаралған. Жалпы ауданы 2284,6 шаршы метр. Тұрғын үй жыл соңына дейін пайдалануға беріледі.<a href="https://www.facebook.com/photo/?fbid=1133194280409416&set=a.135180260210828&__cft__[0]=AZU1oL8Y6LJpgDRdjc-ha6O0KyoPeYNyJP-d2ju1_aR8nobqpADOhpmATqYSuCpk8VT7avDLNBo1rW5hQGmXI7C-2uB7_hQu3RsVMRgDuup0sUI7EeH2jdrbuf1sw21zKFc&__tn__=EH-R"></a>
42 жоба іске асырылуда
Қазалы ауданында «Жұмыспен қамтудың 2020-2021 жылдарға арналған жол картасы» мемлекеттік бағдарламасы аясында 42 жоба жүзеге асырылуда. 1084 адам жұмыспен қамтылып, әлеуметтік нысандар жаңғыртылудан өткізілуде. Яғни, бағдарлама шеңберінде Ғ.Мұратбаев ауылына табиғи газ тарту, Ақсуат ауылына 150 орындық клуб салу, ауданды абаттандыру, көшелер орташа жөнделіп, жарықтандырылды. Сондай-ақ, әлеуметтік нысандарды ағымдағы жөндеуден өткізу жұмыстары жалғасуда.
Жолдар жаңарды
Биыл Әйтеке би кентіндегі 26 көше жөнделді. Жартысынан астамына екі қабат асфальт төселді. Сондай-ақ, Абай Құнанбаев көшесін асфальттау үшін жұмыстар басталды. Мұнан өзге, біршама көшелерге орташа жол жөндеу жұмыстары жүргізіліп, қиыршық тас төселді.
<img src="https://kyzylorda-news.kz/wp-content/uploads/2020/10/120904078_1133170137078497_5499232903880619466_o.jpg" alt="" />
Сонымен қатар Майдакөл ауылдық округінің Алпысбай Нұрпейісов атындағы көшесіне жол салынды. Аталған көше талапқа сай кеңейтіліп, аяқ су құбырлары ауыстырылды. Электр бағаналары жол бойымен түзу орналастырылды. Айта кетейік, бұрын бұл жерде жол болмаған.
Кірпіш шығаратын цехтың жұмысы жандануда
Аудандағы күніне 12 мың кірпіш шығаратын шағын цехтың жұмысы жанданып келеді. және тұтынушының сұранысы бойынша тауарды уақытылы өндіреді. Қазіргі таңда, цехта 30-ға жуық адам еңбек етуде. Сондай-ақ, шығарылған кірпіштер әзірге Қарағанды мен Жезқазған қалаларына тапсырыспен жөнелтілуде. Жергілікті өнімнің бағасы да тұрғындар үшін қолжетімді. Бүгінде цехқа қажетті шикізатты Арал ауданының Ақбай ауылы маңынан әкелуде.
<img src="https://kyzylorda-news.kz/wp-content/uploads/2020/10/120902451_1133202383741939_7599451348953610531_o.jpg" alt="" />
Ауылдарға «BEELINE» ұялы байланысының желісі тартылды
Қазалы ауданы Шәкен ауылына «Вeeline» ұялы байланыс желісі орнатылып, мобильді интернетке (3G) қол жеткізілді. Аталған жоба «Цифрлық Қазақстан» мемлекеттік бағдарламасының шеңберінде жүзеге асты. Сондай-ақ, Қазалы ауданы бойынша бағдарлама аясында 2020 жылдың соңына дейін 4 елді мекенді Kcell және Beeline операторлары арқылы 3G/4G сымсыз технологияларымен және мобильді ұялы байланыс қызметімен қамтамасыз ету жоспарланған.

Қазақстан және Қызылорда облысының жаңалықтары