Kyzylorda-news.kz. Қызылорда қаласының әкімдігінде аймақ басшысы Гүлшара Әбдіқалықованың қатысуымен актив отырысы өтті.
Жиынға облыс әкімімен қатар мемлекет және қоғам қайраткерлері, облыстық, қалалық мәслихат депуттартары мен дербес бөлім басшылары, ауылдық округ әкімдері, мекеме басшылары қатысты.
Активте 8 жылдан астам уақыт Қызылорда қаласының әкімі қызметін атқарып, 1 сәуірден бастап Премьер-Министрдің өкімімен жаңа лауазымға тағайындалған Нұрлыбек Нәлібаевқа құрмет көрсетіліп, Қызылорда қаласының “Құрметті азаматы” атағы табысталды.
Басқосуда Гүлшара Наушақызы шаһар басшысының сегіз жылда атқарған ауқымды жұмыстарына тоқталып, Қызылорда қаласының әлеуметтік-экономикалық, инфрақұрылымдық дамуы жолындағы жемісті жұмысын ерекше атап өтті.
Сонымен бірге өңір басшысы Нұрлыбек Машбекұлының алдағы уақытта жаңа қызметінде қолға алар ел мүддесі жолындағы әрбір бастамасына Сыр халқы қашан да тілекші екендігін жеткізіп, беделді биіктерді бағындыруын тіледі.
Қаланың соңғы жылдардағы даму қарқыны Нұрлыбек Машбекұлының ерекше ұйымдастырушылық және көшбасшылық қабілетінің жемісі деген медицина саласының білгірі, сала ардагері Тұрғанбай Маханов тазарған, жаңарған, жанданған шаһарымыздың қол жеткізген көп жетістігін де қала әкімінің еңбегімен байланыстырды.
Сонымен қатар актив отырысында мемлекет және қоғам қайраткері Айтбай Көшербаев, облыстық мәслихат депутаты Шакизада Әбдікәрімов пен қалалық мәслихат хатшысы Ибадулла Құттықожаев Нұрлыбек Мәшбекұлының еңбек жолына, ел қызметіндегі еселі еңбегіне ерекше тоқталды. Өз кезегінде Нұрлыбек Нәлібаев сөз алып, алғысын білдірді.
<blockquote>
 «Қала әкімі қызметін атқаруға мүмкіндік жасаған Елбасы мен Мемлекет басшысына, аймақ басшыларына, жақсылығымызды асырып, кемшілігімізді кешірген Сыр халқына алғаусыз алғыс айтып, мені қолдаған барша әріптестеріме шексіз ризашылығымды білдіргім келеді. Қызылордаға әкім болып, қала тізгінін қолға ұстағалы бері атқарған жұмысымызды жұртшылық жақсы біледі деп ойлаймын. Қаланы дамыту жолында ауқымды тірлікті жалғыз өзім істедім деуден аулақпын. Бірге қызмет атқарған әріптестерім, тіпті тұрғындарға дейін жұдырықтай жұмыла білді. Қызылорданың келешегіне бей-жай қарамайтын әрбір азаматтың пікірімен санастық. «Сын түзелмей, мін түзелмейді» деп жатады. Біз айтылған әрбір сыннан, пікірден, кеңестен нәтиже шығару үшін жұмыс жасадық. Бірлесе артқарған жұмыс көп. Әрине, бәрін керемет қылып тастадық деуден аулақпыз. Сыр елінің, жыр елінің жүрегі, орталығы болып отырған Қызылорданың мен үшін орны қашан да ерек болып қала береді. Қайда жүрсек те, қандай қызметте болсақ та туған жер үшін еңбек етуді жалғастырамыз. Мен Сыр жұртын, оның ішінде Қызылорданы ерекше қатты жақсы көремін» – деді Нұрлыбек Нәлібаев.
</blockquote>
<img src="https://kyzylorda-news.kz/wp-content/uploads/2021/04/fb_img_1617441470679.jpg" alt="" />
<img src="https://kyzylorda-news.kz/wp-content/uploads/2021/04/fb_img_1617441474608.jpg" alt="" />

Нұрлыбек Нәлібаев: Барлығын керемет еттік деуден аулақпыз

Kyzylorda-news.kz. Бүгін Қызылорда қаласында ауылшаруашылық өнімдерінің жәрмеңкесі болды.
Жеті аудан мен қаладағы шаруалар 250 тонна өнім әкеліп, нарық бағасынан арзан бағада сатты.
<blockquote>
 “Көктем басталғалы ауылшаруашылық өнімдерінің жәрмеңкесін екінші рет өткізіп отырмыз. Бастысы, табиғи таза өнім. Сондықтан сұраныс жоғары. Шаруалар өз өнімдерін еш делдалсыз саудалады. Көкөніс, жеміс-жидек, күріш, ет, балық және сүт өнімдерінің барлық түрлері әкелінді. Жәрмеңкеге кәсіпкерлер де үлес қосты. Өнімдерін өз бағаларында халыққа ұсынды”, – деді облыстық ауыл шаруашылығы басқармасының басшысы Шахмардан Қойшыбаев.
</blockquote>
Жәрмеңке Қызылорда қаласының Астана даңғылының бойы, Көшербаев көшесі мен Амангелді көшесінің аралығында өтті. Барлық ауданға арнайы орын белгіленіп берілген. Жалпы 100-ге жуық көлікке тиелген 250 тоннадан астам өнім саудаланды. 60 тоннадан астам күріш, 8 тонна шамасында ет, 60 тоннадай картоп, 70 тоннадан астам көкөніс пен жеміс-жидек өнімдері, 5 тоннадан астам сүт өнімдері, 15 тоннадай балық өнімдері және 10 тоннаға жуық мал азықтық жем-шөп сатылды.
<img src="https://kyzylorda-news.kz/wp-content/uploads/2021/04/fb_img_1617439788996.jpg" alt="" />
<img src="https://kyzylorda-news.kz/wp-content/uploads/2021/04/fb_img_1617439792989.jpg" alt="" />
<img src="https://kyzylorda-news.kz/wp-content/uploads/2021/04/fb_img_1617439800099.jpg" alt="" />

Қызылордада ауылшаруашылығы жәрмеңкесі өтті

Kyzylorda-news.kz. Әйелі сыбайлас жемқорлыққа қатысы болуы мүмкін деген күдікпен Талғар азаматы өз әйелінің әрекеті туралы Сыбайлас жемқорлыққа қарсы іс-қимыл агенттігіне айтып берді, деп хабарлайды <a href="https://stan.kz/ayelin-zhemkorlik-zhasadi-dep-kudiktengen-talgar-azamat-345188/">Stan.kz</a>.
Талғар тұрғыны әйелінің заңды түрде жазаға тартылғанын талап етті. Ол өз әйелін Алматы мектептерінде бірінде заңсыз ақшаны қолма қол айналдыруға көмектесті деп күдіктенеді. Әйелінің былығын байқаған ер адам ол туралы Сыбайлас жемқорлыққа қарсы іс-қимыл агентігіне жүгінді.
Ер адам өз әрекетін “орын алған қылмыстық фактіні жасыра алмаймын” деп түсіндірді. Тимур Балыкчин осыдан 4 жыл бұрын әке атанды. Әйелі бала күтімі демалысына шығып жұмыс істемесе де оның шотына ақша түсе бастаған.
<blockquote>
 “Менің әйелім өзінің әріптестерімен, атап айтқанда мектеп директоры және бухгалтерімен оның шотына ақша түсіп отыруы тиіс деп келісімге келген. Яғни ол заңды демалысына қарамастан жұмыс істеп, тиісінше ақша түсіп тұрды деген секілді. Сөйтіп өз картасын әріптестеріне берген”, – деді Талғар қаласының тұрғыны Тимур Балыкчин.
</blockquote>
Оның айтуынша, әйелі арқылы мектеп директоры мен бухгалтері оның әйелі арқылы ақшаны заңсыз түрде қолма-қолға айналдырған. Басында ол әйелін заңсыз ақша түсуден бас тартуын сұрап, кейін полицияға барып мойындауын сұраған. Әйелінен заңсыз түрде табыс табу туралы естіген ер адам, алдымен өзінің ар-абыройы бұзылатыны туралы ойлаған.
<blockquote>
 “Иә, әйелім өз әрекетін уақытылы қойды. Бірақ, одан осы уақыт аралығында түскен зейнетақы төлемін жоюын сұраған. Яғни тексеру жүретінін айтқан. Оған қоса ҚР ҚК-тің 65 бабына сәйкес өз айыбын мойындаудан бас тартты. Мен оған кезінде ескерткенімді айттым. Болмаса бәрін өзім айтамын”, – дейді әйелінен күдіктенген ол.
</blockquote>
Ер адам әйелінің теріс әрекеттері туралы құқық қорғау органдарымен қатар Сыбайлас жемқорлыққа қарсы іс-қимыл агенттігіне де арыз жазған. Оның арызын мемлекеттік ішкі аудит департаментіне жөнелткен.
<blockquote>
 “Заң бұзушылық анықталған жағдайда арызданушының шағымы негізінде сот алды тергеу жұмыстары жүргізіледі. Оның нәтижесі туралы Алматы қалалық Сыбайлас жемқорлыққа қарсы іс-қимыл қызметі қосымша хабарлайды”, – деді ҚР Сыбайлас жемқорлыққа қарсы іс-қимыл агенттігінің басқарма төрағасы Алик Шпекбаев.
</blockquote>
Сыбайлас жемқорлыққа қарсы іс-қимыл департаменті расымен заң бұзушылық болған, болмағаны туралы айтпады. Сот алды тергеуде тіркелмеген. Өз кезегінде Тимур Балыкчин қазіргі таңдағы әйелімен қарым-қатынасы туралы айтқысы келмейді. Бір белгілісі олар қазір бөлек тұрады. Сондай-ақ, ер адам отбасын сақтағысы келетінін айтты.

Әйелін жемқорлық жасады деп күдіктенген азамат жемқорлық агенттігіне хабарласты

Kyzylorda-news.kz. Математикадан ештеңе ұқпасаңыз да, мектепте бұл сабақты ұнатпаған болсаңыз да, өзіңізді таза гуманитар санасаңыз да… Жалпы қандай жағдай болмасын – бұл деректер сізге ұнайтыны анық.
1. Ағылшын математигі Абрахам де Муавр қартайған шағында ұйқысының ұзақтығы күніне 15 минутқа артып отыратынын байқаған. Арифметикалық прогрессия арқылы 27 қараша 1754 жылы оның ұйқысы 24 сағатқа ұласатынын анықтаған. Дәл сол күні ол қайтыс болған.
2. Діншіл еврейлер христиандық символикалардан және жалпы крестке ұқсас белгілерден аулақ болғанды жөн санайды. Мысалы, израильдік кейбір мектептерде оқушылар «қосу» белгісінің орнына төңкерілген «т» әрпіне ұқсас белгіні пайдаланады.
3. Еуро купюрасының шынайылығын оның әріптік сериялық нөмірі мен он бір саны арқылы тексеруге болады. Әріпті оның алфавиттегі реттік санына ауыстырып, бұл санды қалған он бір санға қосу керек. Кейін сандарды бүтін сан шыққанша қоса беру керек. Егер бұл сан 8-ге тең болса, онда купюра жалған болғаны.
Тексерудің тағы бір тәсілі сандарды қосуға негізделеді, бірақ әріптің қажеті жоқ. Бір әріп пен саннан құралған нәтиже нақты бір елге тиесілі екенін білдіреді. Еуроны түрлі елдерде басып шығатынын біз жақсы білеміз. Мысалы, Х2 деген нәтиже шықса, демек бұл ақша Алманияда басылып шығарылған.
4. Альфред Нобель өз жүлдесінің қатарына математиканы қоспауының себебі, әйелінің математикпен көзіне шөп салғандығында деген сыбыс бар. Негізінде Нобель ешқашан үйленбеген.
Нобель математиканы нақты не үшін елемегендігі әзірге белгісіз, бірақ бірнеше болжам бар. Мысалы, сол кезеңде швед королінің математикадағы жетістіктер үшін берілетін жүлдесі болған. Тағы бір себеп – математиктер адамзатқа маңызы бар өнертабыс жасамайды, бұл ғылым таза теориялық маңызға ие.
5. Рело үшбұрышы – бірдей үш шеңбердің қиылысу аумағымен шектелген жазықтық фигура. Рело үшбұрышының негізінде жасалған бұрғы шаршы саңылауларды бұрғылауға мүмкіндік береді (2% дәлсіздікпен).
6. Орыс математикалық әдебиетінде ноль бүтін сан болып саналмайды, ал батыста, керісінше, бүтін сандар жиынына жатады.
7. Америкалық математик Джордж Данциг, университеттің аспиранты болып жүргенде сабаққа кешігіп келіп, тақтада жазылған теңеулерді үй жұмысы деп жазып алады. Бұл оған әдеттегі теңеулерден қиын көрінеді, дегенмен ол оны шығарды. Нәтижесінде, ол көптеген ғалымдар шығара алмай келген екі есептің жауабын тапқан.
8. Ойынханадағы рулетканың барлық сандарының қосындысы «шайтанның саны» – 666-ға тең.
9. Софья Ковалевская математикамен балалық шағында танысады. Оның бөлмесіне түсқағаз жетіспегендіктен, қабырғалары Остроградскийдің дифференциалдық және интегралдық есептеулері жазылған лекция беттерімен жабыстырылған болатын.
10. Индиана штатында 1897 жылы Пи саны нақты 3,2-ге тең деген заң жүзінде қабылданатын билль шығарылған. Бірақ университет профессорының уақытында араласуымен бұл билль заң ретінде қабылданбай қалды.
<a href="https://bilim-all.kz/article/2691-Matematika-zhaily-qyzyqty-10-derek">Bilim-all.kz</a>

Математика жайлы қызықты 10 дерек

Kyzylorda-news.kz. Әдетте, ересектер мен үлкен кісілер шашы ағара бастаса, “ой, мен қартая бастадым” немесе қиын бір жағдайға тап болса “шашым ағаратын болды ғой” деп жатады. Расында да, шаштың ағаруы қартаю мен стреске байланысты ма әлде бұл жай миф не стереотип пе? Бұл жағын ойланып көрген жан бар ма екен… Біздіңше, кез келген адам бір рет болсын ойланары хақ.
Солардың бірі, трихолог маман, Америка дәрігері Джо Чинкотта бұл сұрақтың жауабын таппақ болып, мыңға жуық адам жинап, зерттеу жүргізген екен.
Зерттеу тобы сынаққа келген адамдардың тамақ рационын, өмір сүру салты мен күйзеліс деңгейі, жүйкесі, терісі мен шашы сынды гендік ерекшеліктері басты назарға алынып, сол туралы деректерін алып салыстырады.
Ғалымдар жиналған мәліметтерді саралай келіп, біраз нәрсеге таңқалған екен.
Біріншіден, шаштың ағаруына күйзеліс пен стресс аса әсер етпейтін көрінеді. Зерттеуге келгендердің арасында тағдыры ауыр, қиындық пен құлауды көп көргендер болғанымен, күйзелістің кесірінен шашы ағарғандар аз болған. Соған қарағанда “бір күнде шашым ағарып кетті” деген сөз жаңсақ тәрізді. Адам табиғатында асырып айтатын қылық барын ескерсек, кейде метафора қолданамыз, тілді дәл жеткіземін деп “артық кетіп” қалатын сәттер болады.
Екіншіден, шаштың өсуіне көмектесетін ағзадағы меланин горманы жас ұлғая келе аз бөлініп, шаштың ағаруы содан болады екен. Алайда меланиннің неге азайып кететінін ешкім білмейді. Әркімде әртүрлі. Жасқа да, өмір сүріп жатқан аймағына да, тамақ рационына да, физикалық белсенділікке де, ағзаның жалпы жағдайына да байланысы жоқ.
Кейде 20 жастағы жігіттің өзі шашы ағарып кетуі мүмкін. Ал кейбірінде тіпті 40-50 жасқа дейін шашы ағармайды. Созылмалы ауруға шалдыққан кей науқастың өзі егде жасқа дейін шашы ағармай жүре береді.
Үшіншіден, дәрумен, биологиялық қоспа ішіп, ақ шашты азайтамын деген – бос әуре екені белгілі болды. Тамаққа қоспа қосып ішсе не жесе, ағзада меланин бөлінісі көбейеді деген бірде-бір зерттеу не дәлел жоқ.
Төртіншіден, қартаю да не уақыт өте келе ағзада болатын өзгерістер де шаштың ағаруына қатысы жоғы анықталды. Соған қарағанда “бетке әжім түссе, шаш ағарады” деген бос сөзге ұқсайды. Дене мүшеміз ауырса, зат айналымы нашарласа, шаш ағарады деген де шындыққа жанаспайды.
Бесіншіден, шашты бояу, шаш күтімін жасау сынды дерматологиялық іс-шаралар ағаруға әсер етпейді. Шаштың пигментін нашарлатуға қауқарсыз көрінеді.
Сонда шаштың ағаруына не себеп? Себеп бар. Ол – генетикалық фактор. Яғни ата-анаңыздың шашы ерте ағарса, онда сіздікі де ерте ағарады деген сөз. Ал, керісінше, шашқа ақ кеш түссе, онда сізде де кешірек, егде жасқа таяу болмақ.
<a href="https://massaget.kz/arnayyi_jobalar/zdorove/64789/">Massaget.kz</a>

Адамның шашы неге тез ағарады?

Kyzylorda-news.kz. Қазақстанда 1259 адам коронавирус инфекциясынан жазылып шықты.
Аймақтар бойынша:
Нұр-Сұлтан қаласында – 448,
Алматы қаласында – 412,
Шымкент қаласында – 3,
Ақтөбе облысында – 19,
Алматы облысында – 144,
Атырау облысында – 18,
Шығыс Қазақстан облысында – 28,
Батыс Қазақстан облысында – 63,
Қарағанды облысында – 71,
Қостанай облысында – 6,
Қызылорда облысында – 6,
Маңғыстау облысында – 15,
Павлодар облысында – 15,
Солтүстік Қазақстан облысында – 10,
Түркістан облысында – 1.
Елімізде барлығы 222 606 адам COVID-19-дан емделіп, сауығып шықты.

Қызылордада коронавирустан жазылғандар бар

Kyzylorda-news.kz. Қазақстанда өткен тәулікте 2122 адамнана коронавирус індеті табылды, деп хабарлайды coronavirus2020.kz.
Аймақтар бойынша:
Нұр-Сұлтан қаласы – 647,
Алматы қаласы – 438,
Шымкент қаласы – 66,
Ақмола облысы – 48,
Ақтөбе облысы – 137,
Алматы облысы – 258,
Атырау облысы – 110,
Шығыс Қазақстан облысы – 42,
Жамбыл облысы – 23,
Батыс Қазақстан облысы – 112,
Қарағанды облысы – 85,
Қостанай облысы – 35,
Қызылорда облысы – 32,
Маңғыстау облысы – 25,
Павлодар облысы – 31,
Солтүстік Қазақстан облысы – 17,
Түркістан облысы – 16.

Қызылордада 32 адам коронавирус жұқтырды

Kyzylorda-news.kz. Қазақстан территориясының басым бөлігі әлі де антициклонның әсерінде болғандықтан жауын-шашынсыз ауа райы сақталады, деп хабарлайды Қазгидромет.
Тек еліміздің солтүстігінде және батысында атмосфералық фронталды бөліктердің өтуіне байланысты кей жерлерінде жауын-шашын (жаңбыр, қар) түседі.
Республиканың кей жерлерінде тұман, көктайғақ, желдің күшеюі, оңтүстік-батыста шаңды дауыл, оңтүстікте найзағай күтіледі.
Жамбыл, Қостанай, Солтүстік Қазақстан, Ақмола, Қарағанды, Маңғыстау облыстарының кей жерлерінде тұман, жел 15-20 м/с, Жамбыл облысында екпіні 23-28 м/с, Маңғыстау облысының кей жерлерінде шаңды дауыл күтіледі.
Алматы, Батыс Қазақстан, түнде және таңертең Шығыс Қазақстан облыстарының кей жерлерінде тұман, Алматы облысының кей жерлерінде көктайғақ күтіледі.
Павлодар, Атырау облыстарының түнде кей жерлерінде жел 15-20 м/с дейін күшейеді.
Түркістан, Ақтөбе, Қызылорда облыстарының кей жерлерінде жел 15-20 м/с, Ақтөбе облысының кей жерлерінде көктайғақ, Қызылорда облысының күндіз кей жерлерінде найзағай күтіледі.

Сенбіге арналған ауа райы болжамы

<a href="https://kyzylorda-news.kz/">Kyzylorda-news.kz.</a> Қызылордада вакциналау науқанына зейнеткерлер белсенді қатысып жатыр.
Тіркелген мекен-жайы бойынша емханаға өз еріктерімен келген зейнет жасындағы жандар алдымен дәрігерлердің кеңесіне жүгінеді. Медициналық тексеруден кейін ғана екпе алады. Вакцина салдырғандардың арасында 64 жастағы Михаил Караченцев те бар. Оның айтуынша, өзіне дейін жұбайы екпе алған. Қазір жағдайы жақсы. Бұдан соң, зейнеткер өзіне екпе салдыртуды ұйғарыпты. Бүгін ол екпенің алғашқы компонентін алып шықты.
<blockquote>
 «Өзімді қалыпты сезінемін. Жалпы, вакцина салдырғандардың арасында жағдайы нашарлағанын естіген емеспін. Сондықтан қорқудың қажеті жоқ. Статистикаға қарап отырсақ, қауіпті індеттің үшінші толқыны басталғандай. Ауырмаудың жолы-екпе алу», – дейді зейнеткер Михаил Караченцев.
</blockquote>

Қызылордалық зейнеткерлер вакциналау науқанында белсенділік танытуда

<a href="https://kyzylorda-news.kz/">Kyzylorda-news.kz.</a> Биылғы жылы облыс аумағында жалпы көлемі 100 – гектар аумаққа тұқымбақ салынады. Оның 8 гектар сеппе бөлімі, 8 гектар екпе бөлімі, 84 гектар аумаққа сексеуіл тұқымбағын құру жоспарлануда.
Шөлді аймаққа жататын өңіріміз үшін сексеуілдің пайдасы құмды шөлді бекітіп ұстап тұрады. 1 түп сексеуіл 4 тонна құмды ұстай алады.
Тұқымбақта өсірілетін екпе(терек, жиде, сыр талы) мен сеппе (үйеңкі, шаған, саялы ағаштар) көшеттері көктем және күз айларында сатып алушылардың сұранысын қамтамасыз етеді. Мұнда орманды ұлғайтып, орман қорына отырғызылатын көшеттер санын арттырып, қаланы жасыл-желекке айналдыру мақсатында көшеттер өсіріледі.
Қала, ауылды елді мекен тұрғындарына осы ағаш түрлерін отырғызып, тұрғылықты жерлерін көгалдандыруға болады.

Қызылордада 84 гектар аумаққа сексеуіл тұқымбағын құру жоспарлануда

<a href="https://kyzylorda-news.kz/">Kyzylorda-news.kz.</a>&nbsp; Бүгін велоспорттан ҚР еңбек сіңірген жаттықтырушысы, ҚР спорт шебері Жетес Сүлейменовтің жүлдесіне арналған республикалық көпкүндік жарыстың салтанатты ашылуы өтті.
Жарысты облыстық дене шынықтыру және спорт басқармасы басшысының орынбасары Жағыпар Тажмаханов ашып, жарысқа қатысушыларға сәттілік тіледі.
Сондай-ақ, салтанатты шарада велоспорттан Қазақтан шыққан тұңғыш Әлем чемпионы, КСРО-ға еңбегі сіңген спорт шебері Марат Сатыбалдиев, дзюдодан ҚР еңбек сіңірген жаттықтырушысы, “Құрмет”, “Парасат” ордендерінің иегері Садық Мұстафаев, велоспорттан ҚР еңбек сіңірген жаттықтырушысы, спорт шебері Жетес Сүлейменов спорт сүйер қауымға өздерінің жылы лебіздерін білдірді.
Биылғы жылы алғашқы мәрте ұйымдастырылған жарысқа Нұр-Сұлтан, Алматы, Шымкент қалаларынан және еліміздің он облысынан 15-16 жас аралығында 130 велошабандоз қатысуда. 
Республикалық жарыстың алғашқы күнінде велошабандоздар 15 шақырымдық жарысқа түсті.
Дүбірлі бәсеке 5 сәуір күні аяқталады.
<img src="https://kyzylorda-news.kz/wp-content/uploads/2021/04/167271370_5993793290646841_2644261872001723278_n.jpg" alt="" />

Қызылордада республикалық турнирдің салтанатты ашылуы өтті

<a href="https://kyzylorda-news.kz/">Kyzylorda-news.kz.</a> Арал&nbsp; ауданы полиция бөлімінің қызметкерлері заңсыз құс атып алған тұрғындарды ұстады. Олардың көлігінен 13 дана құс, 2 заңсыз аңшы мылтығы&nbsp; және 25 &nbsp;дана оқ табылған.
Оқиға орнында жұмыссыз жүрген аудан тұрғындары құрықталды. &nbsp;
<blockquote>
 &nbsp;«Қазіргі таңда құқық бұзушыларға катысты Қазақстан Республикасының Әкімшілік құқық бұзушылық туралы Кодексінің 482-бабының 1-бөлігімен (Жеке және заңды тұлғалардың қаруды заңсыз иеленіп алуы, беруі, өткізуі, сақтауы, алып жүруi, тасымалдауы ) хаттама толтырылып, тиісті сараптамалар тағайындалды», – делінген полиция департаментінің хабарламасында.&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;
</blockquote>
<img src="https://kyzylorda-news.kz/wp-content/uploads/2021/04/167530669_214344660466114_7040162214371863393_n.jpg" alt="" />

Қазақстан және Қызылорда облысының жаңалықтары