<a href="https://kyzylorda-news.kz/">Kyzylorda-news.kz</a><a href="https://kyzylorda-news.kz/">.</a>&nbsp;Бүгін Қызылорда облысы бойынша ҚАЖ департаментіне қарасты ЗК-169/5&nbsp;мекемесінің жеке құрам қызметкерлері ел Тәуелсіздігінің 30 жылдығына орай «30 игі іс » атты акция аясында өз еріктерімен донор ретінде қан тапсырды.
Дәрігерлер қызметкерлерді медициналық тексерістен өткізді. Толық тексерістен өткеннен кейін ғана донор болуға дәрігер рұқсат береді. Қызметкерлердің қатарында бірнеше рет донор атанған азаматтар да бар.
<blockquote>
 «Бір тамшы қан – өмірге араша»&nbsp; демекші, өмірі бір тамшы қанға тәуелді қаншама жандар бар. Қан тапсыру арқылы қаншама адамның денсаулығының жақсаруына қол ұшымызды береміз. Жеке құрам қызметкерлерімен ерікті түрде қан бергеніміз&nbsp; азаматтық борышымыз, мұқтаж жандарға көмегіміз», – деді мекеме бастығының орынбасары әділет подполковнигі Е.Маханов.
</blockquote>

Қызылордада ҚАЖ қызметкерлері қан тапсырды

<a href="https://kyzylorda-news.kz/">Kyzylorda-news.kz</a><a href="https://kyzylorda-news.kz/">.</a>&nbsp;Мамыр айында қазақстандықтар неше күн демалатыны белгілі болды. Мерекеге толы бұл айдың екі аптасы демалыспен өтеді екен. Бұл туралы Egov.kz сайтында көрсетілген.
Осылайша көктемнің соңғы айында демалыс пен мереке күндерін қоса есептегенде қазақстандықтар 13 күн демалады.
Қазақстан халқының бірлігі күніне орай мамырдың 1-3-і аралығында демалыс болады. Содан кейін 7-сі мен 10-ы аралығында тағы төрт күн демалыс бар.

Қазақстандықтар мамырда неше күн демалады?

<a href="https://kyzylorda-news.kz/">Kyzylorda-news.kz</a><a href="https://kyzylorda-news.kz/">.</a> Қызылорда облысының кәсіпкерлер палатасы «Бизнестің жол картасы 2025» мемлекеттік бағдарламасының «Кәсіпкерлікті қолдаудың қаржылай емес шаралары» төртінші бағыты бойынша қызмет көрсетуге Қазақстан Республикасы азаматтарынан іріктеуге өтініш қабылдау басталғандығын хабарлайды.
Сервистік қызмет көрсету бойынша:
<ol>
<li>Қызылорда қаласының Кәсіпкерлерге қызмет көрсету орталығына Заң сұрақтары бойынша менеджер-кеңесші – 1 адам;</li>
<li>Қызылорда қаласының Кәсіпкерлерге қызмет көрсету орталығына мемлекеттік сатып алу сұрақтары бойынша менеджер-кеңесші – 1 адам.</li>
</ol>
Кәсіпкерлер мен кәсіпкерлік бастамалары бар тұрғындарды бизнесті қолдаудың мемлекеттік бағдарламалары туралы ақпараттандыру бойынша:
<ol>
<li>Жаңақорған ауданындағы Кәсіпкерлерге қызмет көрсету орталығына&nbsp; Кәсіпкерлік субъектілері мен кәсіпкерлік бастамалары бар тұрғындарды ақпаратпен қамтамасыз ететін менеджер-кеңесші – 1адам;</li>
<li>Байқоңыр қаласындағы Кәсіпкерлерге қызмет көрсету орталығына&nbsp; Кәсіпкерлік субъектілері мен кәсіпкерлік бастамалары бар тұрғындарды ақпаратпен қамтамасыз ететін менеджер-кеңесші – 1адам;</li>
</ol>
Менеджер-консультанттарға жалпы қойылатын талаптар:
&nbsp;-ҚР азаматтығы;
– жоғары білімінің болуы;
– қазақ және орыс тілдерін білуі;
– соттылығының болмауы;
– компьютерліксауатыныңболуы;
– соңғы жұмысорнынанұсынымхат;
– мынадай құзыреттердің болуы: стресске төзімділік, бастамашылдық, жауапкершілік, тұтынушығабағдарлану және оны ақпараттандыру, әдептілік, өзгерістердібасқаружәнет.б.;
Қызметтер бөлінісінде қосымша талаптар:
Сервистік қызмет бойынша
– сервистік қызмет түрлері бойынша кеңес беруде 1 (бір) жылдан кем емес тәжірибесінің немесе осы салада кемінде 2 (екі) жыл жұмыс тәжірибесінің болуы .
Ақпараттық қаматамсыз ету бойынша
– Кәсіпкерлікті қолдау және/немесе консультациялық қызметтер көрсету саласында 2 (екі) жылдан кем емес не мемлекеттік бағдарламаларды жүзеге асыру аясында 1 (бір) жылдан кем емес жұмыс тәжірибесінің болуы.
Ескерту: барлық менеджер-кеңесшілер шағын және орта кәсіпкерлікті қолдауға бағытталған барлық мемлекеттік бағдарламалар (Бизнестің жол картасы Мемлекеттік бағдарламасы – 2025, «Еңбек» Нәтижелі жұмыспен қамту және жаппай кәсіпкерлікті дамыту Бағдарламасы, «Қарапайым заттар экономикасы», ҚР Ұлттық кәсіпкерлер палатасы туралы заңы т.б.) бойынша кеңес беруге&nbsp; білікті болуы тиіс.
Үміткерлердің кандидатурасы Қазақстан Республикасының Ұлттық экономика Министрлігімен келісіледі.
Өтініштер 2021 жылдың 15 сәуірі сағат 18.00 дейін қабылданады.
Өтінішке қосымша:
<ol>
<li>Менеджер-кеңесші ретінде іріктеуге қатысу туралы өтініш</li>
<li>Жеке куәлік көшірмесі;</li>
<li>БЖК-2025 Бағдарламасы аясында менеджер-кеңесшілерді іріктеу тәртібінің Қосымшасына сәйкес нысандағы Анкета;</li>
<li>Жұмыс өтілін растайтын құжат көшірмесі (еңбек кітапшасы/еңбек келісім-шартыжәне/немесеақылы келісім-шарт көрсету туралы келісім-шарт);&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;</li>
<li>Жоғары білімі туралы дипломның нотариалды куәландырылған көшірмесі;</li>
<li>Құжаттар ұсынылған күнге дейін бір айдан аспайтын мерзімде алынған наркологиялық диспансерден анықтама;</li>
<li>Құжаттар ұсынылған күнге дейін бір айдан аспайтын мерзімде алынған психоневрологиялық диспансерден анықтама;</li>
<li>Құжаттар ұсынылған күнге дейін бір айдан аспайтын мерзімде берілген соттылығының болмауы немесе болуы туралы анықтама;</li>
<li>Соңғы жұмыс орнынан ұсыным хат.</li>
</ol>
Іріктеуге қатысуға өтініш үлгісі мен шарттарын Қызылорда облысының кәсіпкерлер палатасы кеңсесінен алуға болады: Қызылорда қ., Қорқыт Ата көшесі,123 немесе n-finsupport.kzo@atameken.kzэлектрондық поштасы арқылы алуға болады.
Байланыс: Қызылорда облысының Кәсіпкерлер палатасының бөлім басшысы- Елеусінова Гауһар. Тел. 8/7242/400874

Қызылорда облысының кәсіпкерлер палатасы жұмысқа шақырады

<a href="https://kyzylorda-news.kz/">Kyzylorda-news.kz</a><a href="https://kyzylorda-news.kz/">.</a> Бүгін Қызылорда қаласындағы «Тағзым» алаңында бұдан 26 жыл бұрын Тәжік-ауған шекарасында ерлікпен қаза тапқан жауынгерлерді құрметпен еске алу шарасы өтті.
7 сәуір 1995 жыл халқымыздың тарихында ерекше атаулы күндерінің бірі. Бұл күні қазақстандық Ішкі әскердің жауынгерлері Тәжік-Ауған шекарасында айбынды ерлік пен қайтпас қайсарлықтың ерен үлгісін көрсеткен болатын.
<blockquote>
 «Кеудесін оққа тосып, өздерін жасындай өмірін тәуекелге тіккен жауынгерлердің ерен ерліктері қанша уақыт өткеніне қарамастан ел есінде, ұрпақ жадында сақталады»,- деді қала әкімінің орынбасары Асқарбек Есжанов.
</blockquote>
Шара барысында Тәжік-ауған шекарасында қаза болған жауынгерлерді бір минут үнсіздікпен еске алып, гүл шоқтары қойылды. Ерлікпен қаза тапқан жерлестердің рухына құран бағышталды.
<img src="https://kyzylorda-news.kz/wp-content/uploads/2021/04/168544393_2808909292709144_3060606467239803175_n.jpg" alt="" />

Тәжік-ауған шекарасында қаза тапқан жауынгерлерді еске алу шарасы өтті

<a href="https://kyzylorda-news.kz/">Kyzylorda-news.kz</a><a href="https://kyzylorda-news.kz/">.</a> Бүгін Қызылорда қала әкімінің орынбасары Асқарбек Есжанов Ауған соғысының ардагерлерімен кездесіп, мерейтоймен құттықтады.
Бүгінде Отан алдындағы борышын өтеу жолында асқан ерлік көрсеткен ардагерлердің бірі Рашид Сәбитұлы жетпіс жасқа және Нұржан Ғаниұлы алпысқа толған мейрейтойларын атап өтуде.
Елдің ертеңі үшін қалтықсыз қызмет жасаған, өз Отанына деген шынайы жанашыр аға буын өкілдерін ұлықтау, құрмет көрсету назардан тыс қалған емес. Осы орайда, Асқарбек Темірбекұлы от пен оқтың ортасынан елге аман-есен оралып, өскелең ұрпаққа патриоттық тәрбие беруде өз үлестерін қосып жүрген Ауған соғысының ардагерлеріне шынайы алғысын жеткізе отырып, құрметпен шапан жапты.
Ауған соғысының ардагері Әлібек Жаров ардагерлерге көрсетілген құрмет үшін алғысын жеткізіп, еліміздің өркендеу жолындағы еңбекке табыс, өскелең ұрпаққа бейбіт өмір тіледі.
<img src="https://kyzylorda-news.kz/wp-content/uploads/2021/04/169856075_2808903779376362_4956405072276275635_n.jpg" alt="" />
<img src="https://kyzylorda-news.kz/wp-content/uploads/2021/04/170535404_2808903566043050_2377397296463544237_n.jpg" alt="" />

Қызылордада Ауған соғысының ардагерлеріне құрмет көрсетілді

<a href="https://kyzylorda-news.kz/">Kyzylorda-news.kz</a><a href="https://kyzylorda-news.kz/">.</a> Алексей Цой әзірге екпе салдырмайды. Отандық вакцинаны күтеді. Елордадағы емхана жұмысын тексеруге келген министр осылай деді.
Айтуынша, «QazVac» қазір соңғы сатысынан өтіп жатыр. Осы айдың соңына қарай қолданысқа еніп қалуы мүмкін.
Осы ретте ведомство басшысы «Қарағандыдағы фармацевтикалық зауытта өндіріліп жатқан ресейлік «Спутник V» вакцинасын отандық өнім» деп, айды аспанға бірақ шығарды. Сөзіне сенсек, басқа ел ойлап тапқан өНімді өзімізде өндіру де өте күрделі технология. Сондықтан әлгі вакцинаны Қазақстанда шығарылған деп толық сеніммен айтсақ болады деді.
<blockquote>
 «Спутник Ви» де қазақстандық вакцина. Ол біздің елде өндірілген. Субстанциясы Ресейге тиесілі шығар. Бірақ вакцина Қазақстанда өндірілді. Сондықтан оны отандық өнім деп айтуға болады. Сыртқы қаптамасында да Қазақстанда шығарылған деп жазылады», – дейді ҚР Денсаулық сақтау министрі Алексей Цой.
</blockquote>
<a href="https://24.kz/kz/zha-aly-tar/o-am/item/465994-aleksej-tsoj-zirge-vaktsina-saldyrmajdy">Хабар 24</a>

Алексей Цой әзірге вакцина салдырмайды

<a href="https://kyzylorda-news.kz/">Kyzylorda-news.kz</a><a href="https://kyzylorda-news.kz/">.</a>&nbsp; Cаясаттағы әйелдердің үлесі бойынша елдер рейтингінде Қазақстан 193 елдің ішінде 104-орынды иеленді.
Қазақстандағы саяси тепе-теңдікті бағалау 22 балды құрады. Мемлекетке берілуі мүмкін ең төменгі баға — 0, ең жоғарғысы — 100 (бұл елдегі саяси маңызды лауазымдардың 50%-ы әйелдерде дегенді білдіреді).
Саяси тепе-теңдікті бағалау әйелдердің билікте болу фактісін, яғни әйелдердің ықпалы мен саяси қалауын емес, сандық қатысуын ғана ескереді.
Барлық қатысушы елдер арасында ағымдағы жылдың басында 21 ғана 50 және одан да көп балл жинады. Сондай-ақ жыл басында қарастырылып отырған 22 елдің ішінде мемлекет немесе парламент басшысы әйел болған. Анықтама үшін: 1946 жылдан бергі кезеңде әйелдер рейтингке қатысушы барлық елдердің тек 68-інде ғана мемлекет немесе үкімет басында болды.
Рейтингті Коста-Рика, Руанда, Исландия, Швеция және Финляндия бастап тұр. ЕАЭО елдері арасында Қазақстан Беларуське ғана жол берді (әлемде 49-орын, бағалау – 38), сонымен қатар елдің позициясы Армения, Қырғызстан және Ресейге қарағанда жоғары болды.
Елімізде өңірлердің 17 әкімі арасында тек Қызылорда облысын ғана әйел басқарады. 17 министрліктің ішінде әйелдер тек мәдениет және спорт министрлігі мен Ақпарат және қоғамдық даму министрлігінің басында тұр.
Соңғы деректер бойынша (2019 жылы) ел бойынша басшылық лауазымдардағы әйелдердің үлесі орта есеппен 43%-ды құрады, бұл бір жыл бұрынғы 41,2%-ға қарағанда көбірек. Еліміздің 17 өңірінің ішінде басшы әйелдердің үлесі елордада ғана 50%-дан асты. ТОП-3 өңірге Алматы мен Павлодар облысы да кірді. Басшылық лауазымдардағы әйелдердің ең азы Ақтөбе облысында жұмыспен қамтылды (барлығы 27,3%).
<a href="https://lenta.inform.kz/kz/cayasattagy-ayelderdin-ulesi-boyynsha-alemdik-reytingte-kazakstan-104-orynda_a3773216">ҚазАқпарат</a>

Cаясаттағы әйелдердің үлесі бойынша әлемдік рейтингте Қазақстан нешінші орында?

<a href="https://kyzylorda-news.kz/">Kyzylorda-news.kz</a><a href="https://kyzylorda-news.kz/">.</a>&nbsp; Қызылорда қалалық Полиция басқармасының кезекші бөліміне қала тұрғыны арызданды.
Жәбірленушінің айтуынша түскі уақыт 15:40 шамасында ұры үй иелерінің жоқтығын пайдаланып, үйінің кіре-беріс темір есігін бұзып кіріп, шкаф ішінен 7-дана алтын алқа, 2-дана алтын білезік, 9 дана алтын сырға, 3-дана алтын сақина, күміс бұйымдарын және де әмиянынан ақша ұрлаған. Осылайша жәбірленушіге келтірілген материалдық шығын 2&nbsp;700&nbsp;000 теңгені құрады.
Қызылорда қаласы Полиция басқармасы қызметкерлері бұл мақсатта жедел-іздестіру шараларын жүргізді. Нәтижесінде «ізін суытпай» 30 жастағы бұрын сотты болған, қала тұрғыны күдікті азамат ретінде тәртіп сақшыларының қолына түсті. Жәбірленушіге ұрланған заттары толықтай қайтарылды.
Күдікті Қызылорда қалалық ПБ-ның УҰИ-на қамауға алынды.
Қазіргі уақытта, Қазақстан Республикасының &nbsp;Қылмыстық кодексінің 188-бабының 3-бөлігінің 3 тармағы (Ұрлық, тұрғын, қызметтiк немесе өндiрiстiк үй-жайға, қоймаға не көлік құралына заңсыз кiрумен жасалған ұрлық) бойынша сотқа дейінгі тергеп-тексеру амалдары жүргізілуде. Күдіктінің өзге де қылмыстарға қатыстылығы анықталуда.
<img src="https://kyzylorda-news.kz/wp-content/uploads/2021/04/01.jpg" alt="" />

Қызылордада 2 млн 700 мың теңгенің затын ұрлаған ұры ұсталды

<a href="https://kyzylorda-news.kz/">Kyzylorda-news.kz</a><a href="https://kyzylorda-news.kz/">.</a> Қызылорда оқыс жағдай орын алды. Өз ауласындағы кәріз құдығына, үй иесі абайсызда түсіп кеткен. Бірақ оны құтқару мүмкін болмапты. Тұрғын оқиға орнында қайтыс болды.
Бұл жағдай қала іргесіндегі «Ягодка» саяжайында тіркеліп отыр. 1966 жылы туылған азамат тереңдігі шамамен 1 метр болатын кәріз құдығына құлап кеткен. Бірнеше күн жатып қалыпты. Өйткені үй ішінде ешкім болмаған дейді төтенше жағдай мамандары.
<blockquote>
 «Қазіргі таңда ол мәйіт ІІМ-не өткізілді. Себебі анықталуда қазіргі таңда. Түсіп кеткен уақыты 4-5 күннің шамасын құрайды. Оны экспертизалар анықтайды», – деді Өрт сөндіру және авариялық құтқару жұмыстары қызметі мекемесінің бастығы Нұрсұлтан Ибрагимов.
</blockquote>
<a href="https://astanatv.kz/kz/news/60444/">Astanatv.kz</a>

Қызылорда тұрғыны құдыққа құлап көз жұмды

<a href="https://kyzylorda-news.kz/">Kyzylorda-news.kz</a><a href="https://kyzylorda-news.kz/">.</a> Сауд Арабиясы Рамазан айында кіші қажылыққа барғысы келетіндер үшін үш шарттың бірін орындауды міндеттеді. Мұндай шешім COVID-19 инфекциясының одан әрі таралуына жол бермеу мақсатында қабылданып отыр.
Коронавирус инфекциясына қатысты әлемдегі жағдай Сауд Арабиясына Рамазан айында кіші қажылық жасағысы келетіндер үшін бірқатар шектеуді алып тастауға мүмкіндік бермейді.
Биыл Сауд Арабиясындағы діни жерлерге тек үш міндетті шарттың бірін орындағандар ғана бара алады: коронавирусқа қарсы екі рет вакцина салдыру, умраға барардан 14 күн бұрын вакцинаның алғашқы дозасын салдыру немесе сапарға дейін ауырып жазылғандар.
<blockquote>
 “Рамазан айында Мекке мен Мәдинадағы екі қасиетті мешітке умра жасауға және баруға коронавирусқа қарсы вакцинаның екі дозасын алған адамдар, қажылықтан екі апта бұрын вакцина салынған адамдар немесе аурудан жазылған адамдар бара алады”, – деді Сауд Арабиясының SPA жаңалықтар агенттігіне қажылық және умра министрлігінің өкілі.
</blockquote>
Араб елдерінде Ораза айы 13 сәуірде басталады. Бұл уақытты діни сенімдегі адамдар ораза ұстап, дұға жасайды. Сондықтан көп адам Рамазан айында кіші қажылыққа – умраға барады. Оның негізгі қажылықтан айырмашылығы жылдың кез келген уақытында баруға болады.
Биыл үлкен қажылық шілденің екінші жартысында өтеді. Өткен жылы коронавирус пандемиясына байланысты қажылыққа тек патшалықта тұратындар қатысты, он мың адам ғана қажылыққа шақырылды.
<a href="https://sputnik.kz/society/20210406/16718592/Ramazan-ayy-Mekke.html">Sputnik</a>

Рамазан айында кіші қажылыққа барғысы келетіндер үш шарттың бірін орындауы міндетті

<a href="https://kyzylorda-news.kz/">Kyzylorda-news.kz</a><a href="https://kyzylorda-news.kz/">.</a> Қазақстанда өткен тәулікте 1711 адам коронавирус індетінен емделіп шықты. Бұл туралы <a href="http://www.coronavirus2020.kz/">www.coronavirus2020.kz</a>&nbsp;хабарлайды.
Аймақтар бойынша:
Нұр-Сұлтан қаласы – 392, 
Алматы қаласы – 565, 
Шымкент қаласы – 28, 
Ақмола облысы – 78, 
Ақтөбе облысы – 46, 
Алматы облысы – 89, 
Атырау облысы – 159, 
Шығыс Қазақстан облысы – 27, 
Жамбыл облысы – 14, 
Батыс Қазақстан облысы – 124, 
Қарағанды облысы – 89, 
Қостанай облысы – 30, 
Қызылорда облысы – 9, 
Маңғыстау облысы – 1, 
Павлодар облысы – 40, 
Солтүстік Қазақстан облысы – 16, 
Түркістан облысы – 4.
Қазақстан бойынша жазылғандар саны – 228089.

Коронавирустан 9 адам емделіп шықты

<a href="https://kyzylorda-news.kz/">Kyzylorda-news.kz</a><a href="https://kyzylorda-news.kz/">.</a> Қызылорда облысының әкімі Гүлшара Әбдіқалықова сырбойылықтарға өз денсаулығының қожасы өзі екенін ұмытпай, қауіпті індет кезеңінде сақтанып жүруін өтінді. Бұл туралы аймақ басшысы “Facebook” парақшасында жариялады.
Қадірлі жерлестер!
Бүгін – Дүниежүзілік денсаулық күні. Дүниежүзілік денсаулық сақтау ұйымы 1948 жылы құрылған, ал, 1950 жылдан бері құрылған күні атаулы күн ретінде белгіленген. Осы уақыттан бері әлемнің екі жүзге жуық мемлекеті Дүниежүзілік денсаулық сақтау ұйымына мүше болып отыр.
Атаулы күні адамдар өз өмірінде денсаулықтың мәні қаншалықты зор екенін түсініп, бүкіл әлем болып денсаулықты жақсартуға шешім қабылдауы үшін өткізіледі.
Дүниежүзілік денсаулық сақтау ұйымы әр жылды медицинадағы аса көкейкесті мәселелердің біріне арнап отырады.Өткен жылдан бері әлемді жайлаған пандемия індеті адамзат баласының денсаулығына зор зиян келтіргені рас.
Көрінбейтін жауымызға айналған коронавирус індеті тағы қандай түрге еніп, қалай шыға келетіні белгісіз. Сондықтан, біз кез келген уақытта вирусқа қарсы тұра алатындай әзірлікті үзбеуіміз қажет. Сол үшінде қазіргі уақытта халықты ерікті түрде вакцинациялау жүріп жатыр. Оның тиімді екені әлемде дәлелденуде.
Қарап отырсаңыз, адамдардың тығыз жиналған жерінде вирус тез тарайды. Сондықтан да, әрбір адам өзіне ғана емес, отбасына, туған-туысына, айналасындағы адамдарға зиянын тигізбеуі керек. Ол үшін қарапайым қағидатты ескерсе болды: маска, антисептик және арақашықтықты сақтау. Адамзат баласы жаралғалы бері талай қатерлі індетті бастан кешірді емес пе? Олардың әрбірі адам өміріне қайғы-қасірет әкелді.
Денсаулық – баға жетпес асыл дүние. Оны қайтадан орнына әкелу оңайға соқпайды. Сол себепті, жерлестерімнің өз денсаулығының қожасы өзі екенін ұмытпай, қауіпті індет кезеңінде сақтанып жүргенін қалар едім. Саулық – сақтықта!

Қазақстан және Қызылорда облысының жаңалықтары