&nbsp; 
<a href="https://kyzylorda-news.kz/">Kyzylorda-news.kz.</a> Ғылыми әдебиеттердің басым бөлігінде тәуелсіздік қуаттылық пен өз бетінше өмір сүруге қабілеттілік деп түсіндіріледі. Бұл өзгелердің бақылауынан, ықпалынан, қолдауынан еркіндікті білдіреді. Ұлттық тәуелсіздік болса, бұл халықтың өзінің басқару түрін сыртқы ықпалсыз анықтау құқығы мен ұлттық бірегейлігінтанытады. Сондықтан тәуелсіздікке қол жеткізу ұлттық тұтастық пен ел дамуы үшін аса маңызды.
Тәуелсіздік – бір ұлттың, мемлекеттің, діннің екінші бір ұлтқа мемлекетке, империяға, дінге бағынышты емес, дербес территориялық, экономикалық, саяси, діни дербестігін алған жаңа құрылған мемлекетке қолданылатын саяси түсінік. Ол дербес әлеуметтік-саяси, экономикалық қимыл жүргізетін,&nbsp; егеменділіктің белгісі болып табылады. Саяси тұрғыдан қарағанда тәуелсіздік конституциялық құқыққа негізделген мынадай түрлі принциптер мен институттардың сипаттамалық көрсеткіші саналады: егемендік, билік бөлінісі, тұлғаның құқықтық мәртебесі, соттар мәртебесі және т.б.
Отыз жылдық тарихы бар еліміз үшін тәуелсіздік маңызды құндылық болып табылады. Тәуелсіздік ел тұтастығын сақтаудың маңызды тәсілі деп ойлаймыз. Тәуелсіздікті бағалау арқылы адам ең алдымен өзін-өзі анықтап, қоғамдағы рөліне мән береді. Таңдау құқығы, икемділік қабілеті мен күш-жігері арқылы жеке тұлғасын қалыптастырады. Жеке тәуелсіздік дербес және толыққанды тұлға болу қабілетін дамытып, қоршаған орта үшін қажетті мүмкіндіктер жасауға ықпал жасайды.
Халық үшін тәуелсіздік берген еркіндіктің маңыздылығы теңдік және әділеттілікпен тығыз байланысты.Қазіргі таңда халыққа әділ және тең мүмкіндіктер беру арқылы жетістікке жете аламыз. Теңдік пен әділеттіліктітек саяси тұрғыдан ғана емес, әлеуметтік және экономикалық тұрғыдан қамтамасыз ету арқылы елдің дамуы жалғасады.Тәуелсіздік алғаннан кейін қабылданғанеліміздің Конституциясы барлық азаматтар үшін тең құқықты қамтамасыз етудің негізін қалады.
Қазақ ақыны Асан қайғы өз шығармалары арқылы адамгершілік ілімдерді негізге ала отырып, әлеуметтік әділеттілік түсініктерін, «әділетті хан» идеясын, адам туралы көзқарастарын, этикалық және эстетикалық құндылықтардың ара-қатынасын айқындайды. Оның пікірінше, әділдіктің белгісі – бірқалыптылықта; ақылдының белгісі – өткен істі қумауында; надандықтың белгісі – білгеннің тілін алмауда екен. Ол әділеттілікті хан саясатынан іздеп, бірақ оны таба алмай, ханға көптеген өлеңдерін арнап, «әділетті хан» идеясын ұсынады. Асан қайғының саяси-әлеуметтік идеясы оның қоғамдық өмірге терең үңілуінен тарайды.
Тәуелсіздіктің құндылық өлшемдері мәдениетаралық құбылмалылықты көрсететіндіктен, осы өлшемдерге берілген құндылық әлеумет тарапынанықпал жасайды және ұрпақтан-ұрпаққа өзгеріп отырады. Демек, бұл құндылықты келер ұрпаққа жеткізе білу маңызды.Бұл құндылықтарды ұрпақтан-ұрпаққа жеткізу әлеуметтену мен мәдени сабақтастықтыңнегізгі тетіктері болып табылады.Жасыратыны жоқ, социализмнен либералды капитализмге көшу өз жағдайын жақсарту, құзыреттілікбағытында жеке өзін-өзі дамытуға бағыттауға көшірді. Әлеуметтік және мәдени өзгерістер жастармен аға буын өкілдері менталитетінің арасындағы алшақтықтың артуына әкелді. Сондықтан осы алшақтық әлеуметтік өзгерістер туындатпауы үшін үнемі тәуелсіздіктің құндылықтарын есте сақтауымыз қажет.
Мұрат НАСИМОВ,
«Болашақ» Ғылыми-зерттеу институтының директоры

Тәуелсіздік &#8211; маңызды құндылық

<a href="https://kyzylorda-news.kz/">Kyzylorda-news.kz.</a> Бүгін ҚР Президенті Қасым-Жомарт Тоқаев Қарағанды фармацевтика зауыты шығарған «Спутник-V» вакцинасын салдырды. Бұл туралы Мемлекет басшысының баспасөз хатшысы Берік Уәли «Facebook» парақшасында хабарлады.
Президенттің вакцина салдырғаннан кейінгі хал-жағдайы жақсы. Ешқандай жанама әсерлер жоқ.
<blockquote>
 «Мемлекет басшысы вакцина салдырып, ұжымдық иммунитет қалыптастыру арқылы ғана Қазақстан азаматтары коронавирусты жеңе алатынына, барлық шектеулердің алынатынына, халықтың қалыпты тұрмыс-тіршілігіне қайта оралатынына сенімді» делінген хабарламада.
</blockquote>
Сондай-ақ, жазбада Қасым-Жомарт Тоқаев барша халықты мейлінше тезірек вакцина салдыруға шақырғаны, бұл – өзіңді және жақыныңды қорғаудың жалғыз жолы екені айтылды. Бұған дейін Президент Үкіметке және жергілікті атқарушы органдарға шетелден вакцина жеткізуді қамтамасыз етуді және отандық вакцина өндіруді жолға қоюды, сондай-ақ, екпе салу үдерісін ұйымдастыруды тапсырған болатын.

ҚР Президенті «Спутник-V» вакцинасын салдырды

<a href="https://kyzylorda-news.kz/">Kyzylorda-news.kz.</a> Вирус жұқтырудың қарқыны артып келеді. Өткен тәуліктің өзінде Қызылорда облысында 39 жағдай тіркелді. Басым бөлігі COVID-19 инфекциясын жұқтырғандармен жақын қарым-қатынаста болғандар арасынан анықталған. Яғни, ұжымдарда вирус жұқтыру дерегі көбейген.
Облыстың Бас мемлекеттік санитариялық дәрігері Динара Жаңабергенова жұмыс орындарындағы санитариялық-эпидемиологиялық, дезинфекциялық талаптардың орындалуына жіті мән беруді сұрап, үндеу жариялады.
<blockquote>
 «Соңғы тәулікте Қазалы ауданындағы «Өрімтал» балабақшасында 9 дерек тіркелді. Қазіргі таңда ауру ошағында эпидемияға қарсы барлық іс-шаралар жүргізілді, қарым-қатынаста болғандар анықталып, медициналық бақылауға алынды. Эпидемиологиялық зерттеу жұмыстары жалғасуда, қажет болған жағдайда балабақша толығымен карантинге жабылуы мүмкін. Дегенмен де бүгінгі күні ата-аналар тарапынан балаларды балабақшаға жіберу тоқтатылған. Коронавирустық инфекция «Сибу-Қызылорда» мекемесінің вахталық жұмысшылары арасында да тіркелді. COVID-19 жұқтырған 1 адаммен байланыста болған 34 жұмысшы оқшауланып, ПТР анализдері алынды. Нәтижесінде 10 адамнан вирус анықталды. Қазіргі таңда ауру ошағы болған вахталық қалашық карантинге жабылды. Қарым-қатынаста болғандардың барлығы медициналық бақылауға алынды», – деді Динара Жаңабергенова.
</blockquote>
Бүгінгі күні облыс бойынша коронавирустық инфекция жұқтырғандар саны 4198-ге жетті. Оның 3 % сырттан тасымалданған болса, 56 % скринингтік тексеру нәтижесінде анықталған, 41 % қарым-қатынас арқылы жұқтырған жағдайлар. Карантин талаптары кезең-кезеңімен жеңілдетілгенімен бірқатар шектеулер әлі де сақталуда. Бірақ той жасау, салтанатты шаралар өткізу тыйылмай тұр. Арнайы мониторингтік топ жыл басынан бері 28 отбасылық той-жиындар өткізген деректі анықтады. Еске салайық, қазір тек шектеулі адамдар санымен тек ас беруге рұқсат етілген.
<blockquote>
 «Әрбір тұрғынның вирустың таралуын тоқтатуға мүмкіндігі бар. Ол бетперде киюге, жеке гигиена ережелерін, қоғамдық орындарда арақашықтық сақтауға, дене қызуы көтеріліп, жөтел және тыныс алу қиындаған жағдайда медициналық көмекке жүгінуге шақырамын. Адамдар көп шоғырланатын орындарға баруды, шектен тыс қонақ шақырып, отбасылық мерекелерді тойлауды кейінге қалдыруды сұраймын. Әрбір тұрғын мамандар кеңесіне құлақ асып, карантин талаптарын орындаса инфекцияның да таралуын таратпауға мүмкіндік болады. Жауапкершілік ортақ – қауіпсіздік те ортақ», – деді Динара Жаңабергенова.
</blockquote>

Қызылорда облысының бас мемлекеттік санитариялық дәрігері үндеу жариялады

7 сәуір – Дүниежүзілік денсаулық күні. Осыдан 70 жыл бұрын бұл күні Дүниежүзілік денсаулық сақтау ұйымы құрылды және оның жарғысы қабылданды. Соңғы оқиғаларға байланысты денсаулықты сақтау және оның алдын-алу бүгін өте өзекті болып табылады.
Жылдың тақырыбы – «Әділетті, дені сау әлем құрайық». Мақсаты – барлық адамдар жасына, әлеуметтік мәртебесіне қарамастан қажетті медициналық қызметтерді алу. Әлеуметтік медициналық сақтандыру қорының міндеті де ұқсас – барлық азаматтарды медициналық көмекке,тегін&nbsp; медициналық көмектің кепілдік берілген көлемі, міндетті әлеуметтік медициналық сақтандыру шеңберінде медициналық қызметтерге тең қолжетімділігін қамтамасыз ету.
<blockquote>
 «Биыл Әлеуметтік медициналық сақтандыру қорының Қызылорда облысы бойынша филиалы жалпы сомасы 65,82 млрд теңгеге шарттар жасалды, оның ішінде 42,81 млрд теңге (65,04%) ТМКК берілген көлемі шеңберінде, 23,01 млрд теңге (34,96%) МӘМС қаржысы құрайды. Медициналық қызметтерді 59 денсаулық сақтау субъектісі көрсетеді, оның 29– ы – мемлекеттік, 30-ы- жеке меншік», – деді ӘМСҚ облыстық филиалының директоры Бақыт Исмаханбетов.
</blockquote>
2021 жыл мейірбике және акушерлік қызметтері жылы деп жарияланды. Қор филиалының ұжымы барлық дәрігерлерге маңызды және үздіксіз жұмысы үшін алғысын білдіреді.

Дүниежүзілік денсаулық күні

<a href="https://kyzylorda-news.kz/">Kyzylorda-news.kz.</a> Қызылордалық азық-түлік дүкені республикалық байқауда үшінші орынға ие болды. Бұл туралы Қызылорда облысы кәсіпкерлер палатасының сарапшысы Гүлдана Таңатова айтты.
ҚР Сауда және интеграция министрлігі, «Атамекен» ҰКП-ның қолдауымен Қазақстанның сауда кәсіпорындары Қауымдастығы ұйымдастырған республикалық «Адал ниетпен – 2021» байқауында оңтүстік өңірлердің арасында Қызылорда қаласындағы кәсіпкер Нұршат Асқарқызының «Billion Market» дүкені жүлделі ІІІ орынмен марапатталды.
Байқаудың мақсаты – темекі өнімдерін сататын сауда кәсіпорындары немесе тұрмыстық дүкен иелерінің, сатушылардың жауапкершілігін арттыру, 21 жасқа толмаған жастар мен жасөспірімдерге сатуға болмайтындығын насихаттау, адал кәсіпкерлердің тәжірибесін өзге де өңірлердегі әріптестеріне тарату және т.б.
Оңтүстік өңірлер арасында байқауға қатысқан 22 сауда орындары арасында екі қызылордалық дүкен бар. Олардың бірі – «Billion Market» дүкені жүлдегер атанса, екіншісі «Көктем» дүкені алғыс хатпен марапатталды.
Ұйымдастырушылар қызылордалық кәсіпкерлерді байқауға қатысуда сүйемелдеу жасап, әдістемелік көмек көрсеткен Қызылорда облысы кәсіпкерлер палатасының сарапшысы Гүлдана Таңатова да алғысын білдіріп, Құрмет грамотасымен марапаттады.

Қызылордалық дүкен республикалық байқауда жүлдеге ие болды

<a href="https://kyzylorda-news.kz/">Kyzylorda-news.kz.</a>&nbsp;Алматы қаласы қоғамдық денсаулық сақтау басқармасының өкілі Лаура Мырзағали коронавирусқа қарсы вакцинаның екінші компонентін салдырудың маңыздылығын түсіндірді, деп хабарлайды&nbsp;<a href="https://sputnik.kz/">Sputnik Қазақстан</a>.
<blockquote>
 «Вакцинаның екінші компонентін салдырмаса, адамда иммунитет қалыптаспайды. Өйткені екеуінің құрамы екі түрлі. Сондықтан бір-бірінсіз адамның бойында иммунитет қалыптаспайды. Екінші компонентін міндетті түрде салдыру керек», – деді Мырзағали.
</blockquote>
Маманның айтуынша, вакцинаның екінші компонентін 21 күннен кейін де салдыруға болады.
Сонымен қатар Лаура Мырзағали жүктілікті жоспарлап жүрген қыз-келіншектерге вакцина салдырар кезде дәрігерімен кеңесуді ұсынды.
<blockquote>
 «Адам вакцина салдырған соң бір айдай уақыт өз жағдайын бақылайды. Дәрігерлер де бақылайды. Содан кейін жүктілікті жоспарласа болады. Індет, вакцинаның өзі бізге жаңадан келіп жатыр. Сондықтан біз әлі мұның арты қалай болатынын білмейміз», – деді маман.
</blockquote>
Лаура Мырзағали созылмалы ауруы бар науқастарға, жүкті әйелдерге, балаларға, онкологиялық ауруы бар науқастарға вакцина салдыруға болмайтынын айтты. Ал қалған азаматтар ешқандай тексеруден өтпей, вакцина салдыра алады.
<blockquote>
 «Вакцина салатын кезде дәрігер адамның қан қысымын, дене қызуын өлшеп, визуалды тексереді. Содан кейін вакцина алуға жібереді. «Спутник V» вакцинасының аллергия туғызатын қасиеті жоқ», – деді Лаура Мырзағали.
</blockquote>

Коронавирусқа қарсы вакцинаның екінші компонентін салдырмаса не болады?

<a href="https://kyzylorda-news.kz/">Kyzylorda-news.kz.</a> Жалағаш кентіндегі орталық алаңда тегін WI-FI іске қосылды.
Бұл жоба ақпараттық ресурстарға және мемлекеттік көрсетілетін электронды қызметтерге қолжетімділікті қамтамасыз ету үшін тегін WI-FI интернет желісін пайдалануға мүмкіндік береді. Сонымен қатар орталық алаңда тұрғындарға көтеріңкі көңіл-күй сыйлау үшін «Qazaq» радиосы қосылып, қазақы нақыштағы ән-күйлер шырқалуда.

Жалағаштың орталық алаңында тегін WI-FI желісі іске қосылды

<a href="https://kyzylorda-news.kz/">Kyzylorda-news.kz.</a> Биыл Қызылорда облысындағы бірқатар ауыл көгілдір отынға қол жеткізеді, деп хабарлайды <a href="https://24.kz/kz/zha-aly-tar/o-am/item/465820-biyl-yzylorda-oblysynda-y-auyldar-gazdandyrylady">«Хабар 24»</a>.
Оның ішінде Жаңақорған ауданының Бірлік және Қыраш елді мекендері де бар. Бұл мақсатқа былтыр 20 миллион теңге қаржы бөлініп, құрылыс жобасы әзірленген. Оның ішінде жоғары қысымды газ құбырын салу және ауылішілік газ жүйесінің құрылысы қамтылған. Алдын ала есептеулер бойынша жалпы құны 700 миллион теңге. Сондай-ақ алдағы 2 жылда ауданның солтүстік беткейіндегі 8 ауылды да газға қосу көзделген. Ал Жаңақорған кентін газдандыру көрсеткіші бүгінде 40% шамасында. Яғни 5 мыңнан астам тұрғын үй мен 150-ге жуық әлеуметтік нысан ілеспе газдың игілігін көріп отыр.
«Көмірді аласың, тазалайсың, саласың, ауа райы суық болса, суып кетеді. Газ бірқалыпты, ешқандай суымайды, керегін қоясыз, жоғары-төмен. Көмірге қарағанда айырмашылық көп. Жақсы жанады. Үйге жылу жақсы береді», – дейді Жаңақорған кентінің тұрғыны Қайрат Арынов.
«Сонымен қатар біздің ауданның солтүстік беткейінде орналасқан 8 елді мекен бар. Ол елді мекендерге газ құбыры көршілес Шиелі ауданында салынған газ тарату стансасынан алынады. Соған байланысты біз облыстық бюджеттен бүгінгі күні осы жобаға смета жасауға, жобаның техникалық негіздемесіне қаражат алдық. 3 мың отбасы, 17 мың халық газбен қамтамасыз етіледі», – дейді Жаңақорған аудандық ТҮКШ және автомобиль жолдары бөлімінің басшысы Қайрат Сапарбаев.

Биыл Қызылорда облысындағы ауылдар газдандырылады

<a href="https://kyzylorda-news.kz/">Kyzylorda-news.kz.</a> Қызылордада 7-11 сәуір аралығында велоспорттан жастар арасында Қазақстан Республикасының чемпионаты басталады.
Қызылорда қаласында қатарынан төртінші мәрте ұйымдастырылғалы отырған жарысқа еліміздің облыстарынан және Нұр-Сұлтан, Алматы, Шымкент қалаларынан 110-ге жуық велошабандоз қатысады.
Додада 25 шақырымдық жекелей жарыс, 80-100 шақырымдық айналым, 70-80, 90-100 және 120-130 шақырым қашықтықта топтық жарыстардың жүлделері сарапқа салынады.
Жарыстың мақсаты – еліміздің құрама командасын жасақтау үшін мықты спортшыларды айқындау, велоспортты насихаттау және бұқаралық спортты дамыту.
Қазақстан чемпионаты ҚР Мәдениет және спорт министрлігі дене шынықтыру және спорт істері комитеті, Қызылорда облысының дене шынықтыру және спорт басқармасы, Қазақстанның велосипед спорты федерациясының ұйымдастыруымен өтеді.
Бағдарлама бойынша жарыс күн сайын сағат 10.30-да басталады. Жарысқа қатысушылар Қызылорда-Шымкент, Қызылорда-Самара, Шымкент-Самара-Наурыз-Президент саябағы-Әуежай, Жезқазған тас жолы бойымен өтеді.<a href="https://www.facebook.com/photo/?fbid=1263773647351478&set=a.135180260210828&__cft__[0]=AZU9iBgE0hRXKD23fIhoH4EGThlrEpSQd9MRM1VfNRHHJdbcV72Gh82MiVUEtdMZwhGrO8vnJoiMB7nfNLEAowz8dxeZUttZsOyeboUtePVYVYQbHhrfqvUtWBqoa0nlaK0&__tn__=EH-R"></a>

Қызылордада велоспорттан Қазақстан чемпионаты басталады

<a href="https://kyzylorda-news.kz/">Kyzylorda-news.kz.</a> «Бес әлеуметтік бастама» жобасы аясында Қызылорда облысында 1500 орындық жатақхана салу жоспарланған болатын. Бүгінде студенттерге арналған үш жатақхана пайдалануға берілді.
Бұл туралы Өңірлік коммуникациялар қызметінің ақпарат алаңында өткен брифингте «Қаржы орталығы» АҚ Жобаларды ілгерілету департаментінің директоры Алпамыс Сатыбалдин мәлімдеді.
Қаржы орталығы өңірлердегі студенттерге қажетті жатақхана орнын зерттейді. Ұсыныстарды жинақтайды. Бағдарлама үш жыл бұрын басталды. Ел бойынша 75 мың орындық жатақхана салу қажеттігін анықтады. Ал облыс студенттеріне нақты 1320 орындық жатақхана керек екен.
<blockquote>
 «Қазіргі кезде облыс кәсіпкерлерінің көмегімен бұл мәселенің жартысынан көбі шешілді. Соның ішінде, жеке кәсіпкер «Сүйеніш» ЖК 414 орындық, «ДиЛМАШ » ЖШС-і 330 орындық, «Болашақ» университеті 372 орындық жатақхана салды. Сонымен бірге, бала санының артуынан мектептерге деген сұраныс артуда. Сол себепті де жатақхана немесе жеке мектеп салуға ниетті кәсіпкерлерге мемлекет қолдау көрсетуге дайын», -деді Алпамыс Айдарұлы. 
 Бүгінде өңірде 7 жеке білім ошағы жұмыс жасауда. Бұған қоса, жаңадан үш мектеп пайдалануға берілді.
</blockquote>

Қызылордада үш жатақхана салынды

<a href="https://kyzylorda-news.kz/">Kyzylorda-news.kz.</a>&nbsp; Қазақстан премьер-министрі Асқар Мамин, үкімет мүшелері және SES пен OneWeb шетелдік ғарыш компанияларының топ-менеджерлері Байқоңырдан зымыран ұшыруға қатысады, деп хабарлады&nbsp;<a href="https://sputnik.kz/space/20210406/16711638/Baykonyr-zymyran-milliarder.html?fbclid=IwAR03zi0vbAhxNnLgfjc3o_xNh5ti3YLb5zsyBJvraWimUZsDRUOvRMeh_Nc">Sputnik.</a>
“Союз МС-18” ғарыш кемесі 9 сәуірде Нұр-Сұлтан уақыты бойынша сағат 13:42-де ұшырылады. Байқоңырдан Халықаралық ғарыш станциясына ұзақ экспедицияның кезекті экипажы жіберіледі. Бұл ұшу алғашқы ғарышкер Юрий Гагариннің ғарышқа ұшуына 60 жыл толуына орайластырылып отыр.
Қазақстан премьер-министрімен бірге бұл шараға мемлекеттік хатшы Қырымбек Көшербаев, СІМ басшысы Мұхтар Тілеуберді, цифрлық даму, индустрия және инфрақұрылымдық даму, мәдениет және спорт министрлері, ғарышкерлер Тоқтар Әубәкіров, Талғат Мұсабаев, Айдын Айымбетов, Қазақстан аэроғарыш комитетінің басшылығы қатысады.
Сонымен қатар Maxar, Planet Labs, SES және OneWeb спутник операторларының топ-менеджменті де келеді деп жоспарланып отыр. OneWeb компаниясының атынан үндістандық миллиардер Сунил Бухарти Миттал қатысады. Ол OneWeb банкротқа ұшырағаннан кейін өткен жылы британдық үкіметпен бірге оны сатып алған болатын.
Жалпы 100-ге жуық лауазымды тұлға қатысады деп көзделуде.

Байқоңырдан ғарыш кемесін ұшыруға үндістандық миллиардер қатысады

<a href="https://kyzylorda-news.kz/">Kyzylorda-news.kz.</a>&nbsp; Қызылорда облысы кәсіпкерлер палатасының алаңында аймақ кәсіпкерлеріне мемлекеттік қолдау аясында жеке мектеп пен жатақхана салу жолдары түсіндірілді.
Білім және ғылым министрлігіне қарасты «Қаржы орталығы» АҚ мамандарының қатысуымен өткен бұл шарада қызылордалық кәсіпкерлер аса белсенді болды. Себебі бүгінгі күнге дейін Қызылорда облысында мемлекеттік тапсырысты орналастыру тетігі шеңберінде 3 жаңа жеке жатақхана салынып, іске қосылды. Бұдан бөлек аудандарда жатақхана салуға ниетті басқа да кәсіпкерлер бар. Сонымен қатар, 7 жеке білім ошағы жұмыс жасауда. Жеке мектеп ашуға кәсіпкерлердің қызығушылығы басым.
<blockquote>
 «Бүгінгі шараны өткізіп отырғандағы мақсатымыз Қызылорда облысындағы кәсіпкерлерді білім саласындағы қолданыстағы инвестициялық бағдарламалармен таныстыру. Бұл бағдарлама 2018 жылы басталған болатын. «5 әлеуметтік бастама» аясында республика көлемінде кем дегенде 75 000 орындық жатақхана, оның ішінде Қызылордада 1500 орындық жатақхана салу жоспарланған болатын. Қазіргі кезде облыс кәсіпкерлерінің көмегімен бұл мәселенің жартысынан көбі шешілді. Соның ішінде жеке кәсіпкер «Сүйеніш» 414 орындық, «Дильмаш» ЖШС-і 330 орындық, «Болашақ» университеті 400 орындық жатақхана салды. Сонымен бірге бала санының артуынан мектептерге де деген сұраныс та артуда. Ол үшін жеке мектептер салушыларға мемлекет қолдау білдіруге әзір. Осы орайда, жатақхана немесе жеке мектеп салуға ниетті кәсіпкерлерге бүгін түсіндіру үшін арнайы келіп отырмыз», – деді «Қаржы орталығы» АҚ Жобаларды ілгерілету департаментінің директоры Алпамыс Сатыбалдин.
</blockquote>
Мұнан әрі «Қаржы орталығы» АҚ өкілдері қолдау тетіктерімен таныстырып өтті.
Мемлекеттің қолдауымен жекеменшік мектеп салғысы келген кәсіпкер:
– «Қаржы орталығы» АҚ-мен алдын-ала шарт жасасады;
– өз қаражаты есебінен мектеп салады немесе ғимаратты мектеп етіп реконструкциялайды;
– 20 жылға ғимараттың нысаналы мақсатын өзгертпеуге құқықтық ауыртпалық тіркейді;
– білім беру қызметімен айналысуға лицензия алады;
– оқушыларды жинайды;
– мемлекеттік тапсырысты орналастыруға өтініш береді;
– мемлекеттік тапсырыстың қаражатына дербес иелік етеді.
Ал мемлекет, бұл жерде бағдарлама операторы «Қаржы орталығы» АҚ:
– әрбір оқушы орны үшін 8 жыл бойы амортизациялық компонентті өтейді, оның ішінде құрылыс салу жолымен енгізілген жағдайда 96 АЕК, реконструкция жасалған жағдайда 47 АЕК мөлшерінде;
– мектепті пайдаланудың барлық кезеңінде әрбір оқушыға операциялық шығындарды өтейді.
Әрі қарай жекеменшік мектептерде мемлекеттік тапсырысты орналастыру алгоритмі төмендегідей:
&nbsp; 1) «Қаржы орталығы» АҚ мемлекеттік тапсырысты орналастыру үшін өтініштердің қабылдануы туралы жариялайды;
&nbsp;&nbsp; 2) жекеменшік мектеп өтініш пен мынадай құжаттар пакетін ұсынады:
– білім беру қызметімен айналысуға лицензияның көшірмесі;
– заңды тұлғаны мемлекеттік тіркеу (қайта тіркеу) туралы анықтама;
– Қазақстан Республикасының екінші деңгейлі банкінде шотының болуы туралы анықтама.
3) «Қаржы орталығы» АҚ өтініштерді қарау нәтижелері бойынша мемлекеттік тапсырысты орналастыру үшін жеке мектептер тізбесін қалыптастырады;
4) жекеменшік мектеп және «Қаржы орталығы» АҚ шарт жасасады;
5) жекеменшік мектеп білім беру процесін жүзеге асырады;
6) «Қаржы орталығы» АҚ орындалған жұмыстардың актілеріне сәйкес төлемдерді жүзеге асырады.
Кездесуде Қызылорда облысы кәсіпкерлер палатасының директоры Ғалымбек Жақсылықов салада жұмыс жасап жатқан кәсіпкерлердің проблемалары ретінде құрылыс салуға қатысты екінші деңгейлі банкке өтініш берген бизнес өкілдерінің құжаттары ұзақ қаралатындығын, бұл өз кезегінде жобаны мерзімінде орындауға кедергі келтіріп отырғандығын ерекше атап өтті. Орталық мамандары мұндай жағдайда банктерге кепіл хат беруге әзір екендіктерін жеткізді. &nbsp;
Мұнан өзге, кездесуге келген кәсіпкерлер бағдарламаға қатысты сауалдарын қойып, мамандар тарапынан тұщымды жауаптарын алды. &nbsp;&nbsp;&nbsp;&nbsp;
Кездесу барысында «Қаржы орталығы» АҚ-ның мамандары білім беру саласындағы мұнан өзге де мемлекеттік қолдау тетіктерімен таныстырып шықты. Толығырақ <a href="http://www.fincenter.kz">сайттарынан</a> <a href="http://www.invest.fincenter.kz">танысуға</a> болады.

Қазақстан және Қызылорда облысының жаңалықтары

Тәуелсіздік – маңызды құндылық

ҚР Президенті «Спутник-V» вакцинасын салдырды

Қызылорда облысының бас мемлекеттік санитариялық дәрігері үндеу жариялады

Дүниежүзілік денсаулық күні

Қызылордалық дүкен республикалық байқауда жүлдеге ие болды

Коронавирусқа қарсы вакцинаның екінші компонентін салдырмаса не болады?

Жалағаштың орталық алаңында тегін WI-FI желісі іске қосылды

Биыл Қызылорда облысындағы ауылдар газдандырылады

Қызылордада велоспорттан Қазақстан чемпионаты басталады

Қызылордада үш жатақхана салынды

Байқоңырдан ғарыш кемесін ұшыруға үндістандық миллиардер қатысады

Қызылордалық кәсіпкерлерге мемлекеттік қолдау аясында жеке мектеп пен жатақхана салу жолдары түсіндірілді

Қазақстан және Қызылорда облысының жаңалықтары

Тәуелсіздік &#8211; маңызды құндылық

ҚР Президенті «Спутник-V» вакцинасын салдырды

Қызылорда облысының бас мемлекеттік санитариялық дәрігері үндеу жариялады

Дүниежүзілік денсаулық күні

Қызылордалық дүкен республикалық байқауда жүлдеге ие болды

Коронавирусқа қарсы вакцинаның екінші компонентін салдырмаса не болады?

Жалағаштың орталық алаңында тегін WI-FI желісі іске қосылды

Биыл Қызылорда облысындағы ауылдар газдандырылады

Қызылордада велоспорттан Қазақстан чемпионаты басталады

Қызылордада үш жатақхана салынды

Байқоңырдан ғарыш кемесін ұшыруға үндістандық миллиардер қатысады

Қызылордалық кәсіпкерлерге мемлекеттік қолдау аясында жеке мектеп пен жатақхана салу жолдары түсіндірілді

Тәуелсіздік – маңызды құндылық