<a href="https://kyzylorda-news.kz/">Kyzylorda-news.kz.</a> 19-20 қыркүйек күндері Нұр-Сұлтан қаласында Қызылорда облысының ауыл шаруашылығы өнімдерінің жәрмеңкесі өтеді. Аталған шара «Хан Шатыр» сауда орталығының жанында, яғни Тұран даңғылы мен Қонаев көшесінің қиылысында болады. Жәрмеңке ашық алаңда карантиндік ережелерді сақтай отырып ұйымдастырылмақ.
Елордадағы атаулы шараға Сыр елінің өнімдері тиелген 25 жүк көлігі барады. Атап айтсақ: балық&nbsp;және балық өнімдер – 25 тонна, күріш – 146 тонна, қауын, қарбыз – 96 тонна, асқабақ – 28 тонна, көкөніс, жемістер – 18 тонна, сүт өнідері, шұбат, бал, тары, талқан – 10 тонна. Сондай-ақ Қызылорданың брендіне баланған балықты Арал мен Қазалы ауданындағы арнайы сервистік- дайындау орталықтары жеткізетін болады. Ал сүт өнімдерін, басқа да тез бұзылатын тауарларды апаруға рефрижератор автокөліктер даярланған.

Елордаға Қызылордадан 300 тонна өнім жөнелтіледі

<a href="https://kyzylorda-news.kz/">Kyzylorda-news.kz.</a> Қызылорда облысының әкімі Гүлшара Әбдіқалықова облыс тұрғындарын Отбасы күнімен құттықтады.
Қадірлі жерлестер!
Халқымыз үшін отбасы – қашан да қасиетті де қастерлі ұғым. 
Отбасы құндылығы қай кезеңде де, қай мемлекетте де саясаттың ең маңызды бөлігі болғаны белгілі. Елбасымыз Нұрсұлтан Әбішұлы Назарбаевтың «Отанға деген сүйіспеншілік отбасынан басталады. Туған шаңырақтан алған тәрбие – бұл барша халқымыздың бақуатты да табысты болашағының кепілі», – деген сөзі бар.
Отанды сүюге тәрбиелейтін бірден-бір орта ол – отбасы. 
Отбасын құрайтын үштаған – әке, ана, бала. Үштағанның үйлесімді дамуы мемлекет іргетасының берік болуына, тәуелсіздігіміздің сақталуына қызмет етеді.
Сондықтан, отбасындағы тәрбиенің маңызы аса зор. 
Осы мақсатта 2013 жылы Президент Жарлығымен қыркүйек айының екінші жексенбісі «Отбасы күні» деп жарияланды. Отбасы күнін арнайы бекітіп, Қазақстан Республикасындағы кәсіптік және өзге де мерекелер тізіміне енгізу – қоғамның назарын отбасы құндылықтарын нығайтуға аудару еді.
Ана мен баланы қорғауға арналған қаржы, көпбалалы отбасыларына берілетін мемлекеттік жәрдемақылар көлемі жыл сайын көбеюде. 
Аймағымызда 141 мың отбасы болса, оның 23 432-сі көпбалалы отбасы. Жыл басынан бері 9 888 отбасыға 6 030,2 млн.теңге көлемінде әлеуметтік көмек көрсетілді. Тұрғын үй көмегін көрсетуге 418,8 млн.теңге қаралып, 4 029 отбасына 122,7 млн.теңге төленді. 
Сонымен қатар, жыл басынан бастап Қазақстанда көпбалалы отбасыларға арналған жеке жәрдемақы енгізілді. Бұл жәрдемақы төрт және одан да көп кәмелетке толмаған немесе 23 жасқа дейінгі күндізгі бөлімде оқитын студент балалары бар отбасыларға арналған. Мемлекеттен берілетін көмектің мөлшері бала санына байланысты. Төрт және жеті баласы бар отбасы 44 448 теңгеден 77 784 теңгеге дейін ала алады. Алайда, қолданыстағы ережелер жәрдемақы алушылардың белгілі бір санатының мүдделеріне нұқсан келтірді. Себебі, 16 баласы бар отбасы да 7 баласы бар отбасына арналған жәрдемақы мөлшерін алатын. Осындай олқылықты жою үшін Мемлекет басшысы ағымдағы жылдың 13 мамырында 8 және одан да көп баласы бар отбасыларға арнайы жәрдемақы мөлшерін белгілеген заңға қол қойды. Сонымен, 8 балалы отбасы үшін жәрдемақы – 88 896 теңге, 9 балаға – 100 008 теңге, 10 балаға – 111 120 теңге, 11 балаға – 122 232 теңге, 12 балаға – 133 344 теңге, 13 балаға – 144 456 теңге, 14 балаға – 155 568 теңге, 15 балаға – 166 680 теңге, 16 балаға – 177 792 теңге мөлшерінде белгіленген. Бұл жәрдемақы өңірімізде 23 мыңнан астам отбасына төленуде.
«Нұрлы жер» мемлекеттік бағдарламасы аясында жыл соңына дейін 698 отбасы, оның ішінде 431 көпбалалы отбасы сатып алу құқығынсыз жалға берілетін тұрғын үймен қамтамасыз етіледі. 
Сондай-ақ, 115 отбасына кредиттік тұрғын үй берілсе, жеке құрылыс салушылар есебінен 156 пәтерлі 4 тұрғын үй пайдалануға берілетін болады.
Мемлекет басшысы Қасым-Жомарт Кемелұлы Тоқаевтың тапсырмасына сәйкес өңірімізде отбасы институтын дамыту жұмыстары жүргізіле береді.
Құрметті қызылордалықтар!
Әр отбасының керегесі кең, шаңырағы биік болсын, береке-бірлік арылмасын деп тілеймін 
Еліміз тыныш, Тәуелсіздігіміз баянды болсын!

Гүлшара Әбдіқалықова Отбасы күнімен құттықтады

<a href="https://kyzylorda-news.kz/">Kyzylorda-news.kz.</a> 2013 жылы Елбасы Нұрсұлтан Назарбаев «Қазақстан Республикасындағы кәсіптік және өзге де мерекелер» туралы Жарлыққа өзгеріс енгізіп, қыркүйектің екінші жексенбісін Отбасы күні деп белгілеген болатын.
Отбасы-адамзат баласының дүниеге шыр етіп келгенде, есігін айқара ашып енетін үйі, өсіп ержететін, тәрбие алатын аса қажетті, әрі қасиетті алтын бесігі. Қай заманда, қай елде болмаса да отбасының адамзат ұрпағына ықпал мен әсерін өмірдегі басқа еш нәрсені еш нәрсенің күшімен салыстыруға болмайды.&nbsp;&nbsp;
Отбасының ең маңызды қызметтерінің бірі – тәрбиелеушілік міндеті, оны қоғамдық тәрбиенің ең тиімді деген жүйесі де алмастыра алмайды. Оның негізгісі – баланы өмірге келтіру ғана емес, сонымен бірге оған әлеуметтік-мәдени ортаның құндылығын қабылдаттыру, үлкен ұрпақтың тәрбиесін жас ұрпаққа жеткізу, бойына сіңірту, яғни балаларын өздерін қоршаған ортаға және қоғамға пайдалы азамат етіп өсіру әке-шешенің ең маңызды міндеті.&nbsp;
&nbsp;Ата-ананың, басқа да отбасы мүшелерінің өмір сүру тәжірибесі, жүріс-тұрысы, өз міндеттерін таза атқару, бір-бірін құрметтеп сыйлауы – бәрі де үлкен мектеп, тәрбиелік мәселе. Отбасынан тыс та тәрбие бар. Қазақ «Ұлың өссе, ұлы жақсымен, қызың өссе, қызы жақсымен ауылдас, көршілес бол»,- дейді.&nbsp;
Ата-ананың жүріс-тұрасы, сөйлегені, іс-әрекеттерінің барлығы барлығы бала үшін үлгі. Осы негізде бала алдында ата-ана өте байсалды, сабырлы болып, жақсы тәрбие көрсетуі керек. Мәселен Абай Құнанбаевтың он тоғызыншы қара сөзінде: «Адам ата-анадан туғанда есті болмайды: естіп, көріп, ұстап, татып ескерсе, дүниедегі жақсы, жаманды таниды дағы, сондайдан білгені, көргені көп болған адам білімді болады. Естілердің айтқан сөздерін ескеріп жүрген кісі өзі де есті болады. Әрбір естілік жеке өзі іске жарамайды. Сол естілерден естіп, білген жақсы нәрселерді ескерсе, жаман дегеннен сақтанса, сонда іске жарайды, сонда адам десе болады. Мұндай сөзді есіткенде шайқақтап, шалықтанып не салбырап, салғырттанып есітсе, не есіткен жерде қайта қайырып сұрап ұғайын деп тұшынбаса, не сол жерде сөздің расына көзі жетсе де, шыға беріп қайта қалпына кетсе, естіп-есітпей не керек? Осындай сөз танымайтұғын елге сөз айтқанша, өзіңді танитұғын шошқаны баққан жақсы деп бір хакім айтқан екен, сол секілді сөз болады»-деп атап өтеді.&nbsp;&nbsp;
Заманға сай отбасында бала тәрбиелеу аса үлкен жауапкершілік пен білімді талап етеді. Қазақ үшін отбасынан киелі ештеңе жоқ. Өмірге келген нәрестеге ана махаббаты мен кіршіксіз таза көңілі ауадай қажет.Отбасы –сыйластық, жарастық орнаған орта. Отбасы- бала тәрбиесінің ең алғашқы ұжымы.&nbsp;М.Жұмабаев&nbsp;былай деген екен:&nbsp;«Ата-аналар баланы тәрбиелегенде дәл өзіндей етіп тәрбиелеуге тырыспау керек,олар баланы өзінен күшті етіп тәрбиелеуі тиіс. Өйткені олардың заманы ата-аналарының өмір сүріп отырған заманына қарағанда анағұрлым күрделі талабы жоғары болатынын ұмытпаған жөн”&nbsp;&nbsp;Баланың тәрбиелі болып өсуіне берекелі отбасының әсері мол. Отбасының ең маңызды қызметтерінің бірі – тәрбие беру. Тәрбие тал бесіктен басталады.&nbsp;&nbsp;&nbsp;
Қасым Аманжолов өзінің жарына арнаған бір өлеңінде: ”Отбасы – шағын мемлекет, Мен – президент, сен – премьер” дегені бар. Шынында, отбасы – ол да бір шағын мемлекет. Әр мемлекеттік өз басқару жүйесі әртүрлі болады. Осы сияқты әр отбасының өз тактикасы, басқару жүйесі болады. Ұрпақтың&nbsp;ер жетіп өсуі, бойындағы алғашқы адамгершілік белгілері отбасында қалыптасатыны белгілі. Жанұя – табиғат сыйлаған кереметтердің бірі. Жеке адамның бойындағы ар – ұятын, ақыл-ойын, адамгершілігін, мәдениеттілігін тәрбиелеуге отбасы – алғашқы қадам. Жанұя – өте қажетті, басқадай еш нәрсемен өзгертуге болмайтын баспалдақ. Отбасының басты қызығы, алтын тіреу діңгегі – бала. Баланың тәрбиелі болып өсуіне берекелі отбасының әсері мол. Жанұяның әрбір мүшесі өзара сөйлесіп, не болмаса ата-ананың, баланың, міндетін атқару ғана емес, береке&nbsp;– бірлік, сүйіспеншілікпен араласса, босағасы берік, шаңырағы биік отбасына айналары сөзсіз. Ата мен ана – бала тәрбиесінің қамқоршысы, өнегесі. Ата – асқар тау, Ана – бауырдағы бұлақ, Бала – жағасындағы құрақ, – деп ата – ана мен баланы табиғаттың тамаша құбылыстарына теңеген халық мақалына қайран қаларсың. Адалдық пен мейірімділік, жауапкершілік пен кешірімділік те отбасында шын ықылас пейілменен баланың көкірегінде орын тебеді. Қазақ отбасында әуелі әке, содан кейін ана, бұлар – жанұя мектебінің ұстаздары болады. Әке мен ананың баласына қоятын ең біріші басты талап – тілектері – баланың «әдепті» болып өсуі. Қазақ халқы отбасындағы тәрбиені ең бірінші орынға қойған. Ата – ана балаларына қандай тәрбие берсе, ертең ол бала өскенде сол тәрбие арқылы өмірдің жаңа баспалдақтарынан өтеді. «Ұяда не көрсең, ұшқанда соны ілерсің» деп қазақ халқы бекер айтпаған.&nbsp;&nbsp;
Әкенің «батырым», шешенің «құлыным» деген сөзін естіген балада жақсы сезім туатыны белгілі. Ғ.Мустафинның&nbsp;«Ата- ананың міндеті- тәрбиелеу және жақсылықты үйрету» деген сөзінде көп тәрбие жатыр.&nbsp;Бала тәрбиесі ол дүниеге келген алғашқы күннен басталады. Өнеглі ұрпақ тәрбиелеу әр ата-ананың арманы және борышы екені даусыз.&nbsp;Әрқашан отбасымыз аман, босағамыз берік болғай.

Бүгін &#8211; Отбасы күні

<a href="https://kyzylorda-news.kz/">Kyzylorda-news.kz.</a> 13 қыркүйек күні атмосфералық фронталды бөліктердің өтуіне байланысты Қазақстанның солтүстігінде, солтүстік-батысында және оңтүстігінде найзағай ойнап, жаңбыр жауады.
Екпінді жел соғады. Елдің қалған аумағында жауын-шашынсыз ауа райы күтіледі. Республиканың батысы мен шығысында кей жерлерде тұман болжанады.
Күндіз Қызылорда облысының кей жерлерінде найзағай, желдің 15-20 м/с күшеюі күтіледі.

13 қыркүйекке арналған ауа райы болжамы

<a href="https://kyzylorda-news.kz/">Kyzylorda-news.kz.</a> Бүгін облыс әкімі Гүлшара Әбдіқалықованың тапсырмасына сәйкес орынбасары Серік Ахмет жұмыс сапарымен Қазалы ауданына барды.
Алдымен облыс әкімінің орынбасары Жанқожа батыр кесенесінде болып, баба рухына тағзым етті.
Одан кейін жаңадан салынып жатқан 600 орындық Мәдениет үйінің жұмысмен танысты.
Мәдениет үйінің құрылыс жұмыстары 2018 жылдың шілде айында басталып, ағымдағы жылдың соңында аяқталады деп жоспарлануда. Құрылыс жұмыстарын жүргізу барысында 80 адам жұмыспен қамтылған. Бас мердігер «Қаз Құрылыс Сервис» ЖШС-ның директоры Ештай Шадияр атқарылған жұмыстар туралы баяндады. Серік Ахмет құрылыс жұмыстарын сапалы жүргізіп, мерзімінде аяқтауды тапсырды.
Сонымен қатар Серік Ахмет ескі Жанкент қалашығының жұмысымен танысып, Сырдария өзенінің Абай ауылы тұсындағы қалқымалы көпірге барды.
Жанкент қалашығы республикалық санаттағы археологиялық ескерткiштердiң бiрi. 2018 жылы жалпыхалықтық маңызы бар киелі орын санатына енгізілді. Жалпы аумағы 45 гектар жерді құрайды. Жанкент қалашығына зерттеу жұмыстары 2005 жылы басталған. Археологиялық қазба жұмыстары 2014 жылы қайта жаңартылып, әлі күнге дейін жүргізілуде. 2019 жылы қорғанның оңтүстік-шығыс қабырғаларына қайта жаңғырту жұмыстары жүргізілген.
Абай ауылы тұсындағы көпірдің ұзындығы 45 метрді құрайды. 2020 жылы қалқымалы көпірді күтіп ұстауға жергілікті бюджеттен қаржы бөлініп, мемлекеттік сатып алу конкурсы нәтижесінде «EL QYZMET» ЖШС жеңімпаз болып танылған. Жеңімпаз мекеме көпірдің техникалық жағдайын қадағалап, қайықтарға ағымдағы жөндеу, сырлау жұмыстарын атқаруда. Қалқымалы көпірдің 25 қайығы бар. Сонымен қатар өзен деңгейіне байланысты көліктердің қауіпсіз өтуін қамтамасыз ету, қыс айларында өзеннен сең жүруіне орай қайықтарды жағаға шығарып, тасымалдау мердігер мекеме тарапынан жүзеге асырылады.
<img src="https://kyzylorda-news.kz/wp-content/uploads/2020/09/whatsapp-image-2020-09-12-at-16.51.01.jpeg" alt="" />
<img src="https://kyzylorda-news.kz/wp-content/uploads/2020/09/whatsapp-image-2020-09-12-at-16.51.04-1.jpeg" alt="" />
<img src="https://kyzylorda-news.kz/wp-content/uploads/2020/09/whatsapp-image-2020-09-12-at-16.51.02-1.jpeg" alt="" />
<img src="https://kyzylorda-news.kz/wp-content/uploads/2020/09/whatsapp-image-2020-09-12-at-16.51.02.jpeg" alt="" />
<img src="https://kyzylorda-news.kz/wp-content/uploads/2020/09/whatsapp-image-2020-09-12-at-16.51.03-1.jpeg" alt="" />
<img src="https://kyzylorda-news.kz/wp-content/uploads/2020/09/whatsapp-image-2020-09-12-at-16.51.01-1.jpeg" alt="" />

Серік Ахмет жұмыс сапарымен Қазалы ауданына барды (ФОТО)

<a href="https://kyzylorda-news.kz/">Kyzylorda-news.kz.</a> Елімізде 30 жасқа толмаған жастар мен жасөспірімдер арасында суицид жасаушылар көбейген.
2003 жылдан бері 10 қыркүйекте әлемнің барлық елдерінде өз-өзіне қол жұмсаудың алдын алу мен оны болдырмауға бағытталған шаралар өтеді. ДДСҰ есебіне сәйкес, суицидке көбіне жастар барады.
Бұл мәселе біздің елімізде де өзекті. Бас прокуратураның Құқықтық статистика және арнайы есепке алу жөніндегі комитетінің мәліметі бойынша, былтыр 3 805 отандасымыз өз өмірін қиған болса, олардың&nbsp;887-сі 15 пен 29 жас аралығында. Жастар өздеріне қол жұмсауға неге әуес және оларды суицидтен қалай сақтауға болады?
Қажетсіздік сезімі қол жұмсауға итермелейді
“Қазақстанның тең құқық пен тең мүмкіндік институты” қоғамдық қоры&nbsp;“Қазақстандық жастардың өзіне-өзі қол жұмсау мінез-құлқы: әлеуметтік және психологиялық триггерлер”&nbsp;әлеуметтік зерттеуін жасады. Зерттеуге еліміздегі суицид көрсеткіші ең жоғары деп саналатын келесі өңірлерден 14-29 жас аралығындағы 2 мың адам қатысты:
Алматы;
Алматы облысы;
Шығыс қазақстан облысы;
Қарағанды облысы;
Түркістан облысы.
Респонденттердің 17 пайызы өз-өзіне қол салу туралы шын мәнінде ойлағанын жеткізіпті. Алайда, олардың басым бөлігі бұл пиғылы туралы ешкімге тіс жармай, күйзеліп жүре берген.
“Наурыз-тамыз аралығында қазақстандық жастардың суицидтік мінез-құлқының негізгі әлеуметтік-психологиялық себептерін анықтау мақсатында жастар арасында әлеуметтік сауалнама жүргіздік. Нәтижесінде қыздардың суицид туралы көп ойланатыны белгілі болды. Сауалнамаға қатысқандар&nbsp;“жастар қандай өмірлік қиындықтарға тап болады?”&nbsp;деген сұраққа көбінесе қаржылық мәселелерге, жеке өмірдегі және оқудағы проблемаларға тап болатынын жеткізген. Кейбірі денсаулығына байланысты күйзеліске ұшырайтынын айтса, респонденттердің отбасында, ата-аналарымен және достарымен арада кикілжіңдер бар екенін көрсетті. Осыған қарап жастарды суицидке не итермелейтінін аңғаруға болады”, – деді “Қазақстанның тең құқық пен тең мүмкіндік институты” ҚҚ әлеуметтанушысы&nbsp;Татьяна Резвушкина.
Сауалнамаға қатысқандардың пікірінше, қазақстандық жастардың арасында өзіне-өзі қол жұмсаудың ең көп тараған себептері:
психикалық күйзеліс, депрессия;
қаржылық проблемалар;
жалғыздық, қажетсіздік сезімі;
ата-анамен екі арадағы жанжалдар.
Ал мамандар көбінесе өмірімен ерте қоштасуға:
қыздар;
жұмыс істемейтін қала тұрғындары;
жоғары білімі жоқтар;
дінге сенбеушілер асығады деп санайды.
Карантин кезінде суицид азайған
ДДСҰ мәліметі бойынша, Қазақстан өзіне-өзі қол жұмсау саны бойынша әлемде&nbsp;үшінші орынды&nbsp;иеленіп отырса, Орталық Азия елдерінің арасында алдыңғы қатарда тұр. Дегенмен, “Республикалық психикалық денсаулық ғылыми-практикалық орталығының” бас директоры Николай Негайдың айтуынша, елімізде суицид деректері 2016 жылмен салыстырғанда былтыр&nbsp;30 пайызға азайған. Бұған 2012 жылдан бері жасөспірімдердің психикалық денсаулық мәселелеріне қатысты сауатын арттыру, психикалық ауытқуды тез анықтау бойынша әзірленген бағдарламалар оң әсер еткен. Ал биыл карантиндік шектеу кезінде қорқынышты статистика тіпті күрт төмендеген.
Құқықтық статистика және арнайы есепке алу жөніндегі комитеттің ақпараты бойынша, 2020 жылы барлық жас санаты бойынша суицид статистикасы азайып жатыр. Егер өткен жылдың және биылғы жылдың жеті айының қорытындысын салыстырып айтсақ, суицид:
бүкіл халық бойынша – 3,9%-ға;
кәмелетке толмағандар бойынша – 27,7%-ға;
15-29 жас аралығындағылар бойынша – 20,3%-ға азайған.
“Біз күні кеше 12 елдің мамандарымен конференцияда сөйлестік, олар да қатаң локдаун болған елдерде суицид деректері айтарлықтай азайғанын айтты. Бұл немен байланысты екенін әзірге нақты айту қиын. Өйткені, арнайы зерттеу жасалғанжоқ, сондықтан тек түрлі болжам жасауымызға болады”, – деді Николай Негай.
Мамандар карантин кезінде суицидтің азаюын сол кезеңде отбасы мүшелерінің бір-бірімен жақын араласып, қамқорлық танытуымен байланыстырып отыр. Ата-анасы көңіл бөлмеген балалар көбінесе жалғызсырап, өздерін ешкімге қажетсіз сезінеді. Қажетсіздік сезімінен күйзеліске ұшырап, өмірлерін ойран етеді. Карантин мұндай сезімнен арылтып, балаларды күйзелістен шығарған болуы мүмкін.
Қазақстандағы суицидтің себептері қандай?
Психолог мамандардың айтуынша, суицидтің себептері әртүрлі. Дегемнен, елімізде көбінесе суицидке итермелейтін негізгі себеп – жалғыздық болып табылады. Бұл&nbsp;–&nbsp;депрессия ауруының белгісі.
“Адамның өз-өзіне қол жұмсаған орнына қарап, оның қандай себептен өмірімен қоштасқанын аңғаруға болады. Мысалы, бала үйінде суицид жасаса, отбасында кикілжің болуы мүмкін. Ал, өлім орны мектеп болса, демек сыныптастарымен келіспеушілік болған немесе оқу үлгерімінде қиындықтарға ұшыраған болуы мүмкін”, – деді “Қазақстанның тең құқық пен тең мүмкіндік институты” ҚҚ президенті Маргарита Өскембаева.
Мамандардың айтуынша, Қазақстандағы суицид статистикасына сенуге болмайды. Себебі, біздің қоғамда өз-өзіне қол салғандарды немесе соған әрекеттенгендерді айыптап, сыртынан ғайбаттау көп. Осыны ескергендіктен марқұмның жақындары өлім себебін суицидпен байланыстырмауға тырысады. Демек, кей деректер арнайы статистикаға ілінбей қалады.
Жастар арасындағы суицидті қалай азайтуға болады?
Психолог мамандар жастар арасында суицидтің алдын алудың бірыңғай ұлттық бағдарламасын құруды ұсынды. Бағдарлама аясында балалар мен жастарды қорғау мәселелерімен айналысатын ұйымдардың жұмыстарына салыстырмалы талдау жүргізілуі тиіс. Әрі мектеп пен колледждердегі психолог мамандардың біліктілігін арттырып, оларды өзге жұмыстармен жүктемей нақты жасөспірімдердің мәселесімен айналысуға мүмкіндік беру керек.
Осыған орай, психолог Алексей Ли арнайы&nbsp;оқу-әдістемелік құрал әзірлегендерін жеткізді. Оқулық:
суицидтік белгілерді ерте анықтауды;
қол салуға итермелейтін ойлар мен сезімдерді ерте тануды;
баланың проблемасына ерте араласуды не маман көмегіне қалай жүгінуді;
ықтимал суицидтің ерте алдын алып, көмек көрсетуге үйретеді.
“Қазақстанның тең құқық пен тең мүмкіндік институты” қоғамдық қоры суицид мәселесін шешу үшін төмендегідей ұсыныстарын жеткізді:
Жастардың суицидтік мінез-құлқына бағытталған арнайы емдеу хаттамасын әзірлеуге және суицидтердің алдын алудың бірыңғай хаттамасын әзірлеуге бастамашылық ету қажет.
Суицид проблемасына тартылған барлық мамандар үшін күш біріктіруге және қайталанатын суицидтердің санын азайтуға көмектесетін бірыңғай іс-қимыл алгоритмін әзірлеу керек.
Жастар арасында суицидтік мінез-құлықтың алдын алу мақсатында жасөспірімдерге психолог мамандардың, сенім телефонының көмегімен тегін кеңес алу мүмкіндігі бар екенін кеңінен хабардар ету қажет.
Жалғыздық, қажетсіздік пен немқұрайлылық сезімдерінен арылту үшін жастарды ұжымдық қызметке тарту керек.
“Суицид&nbsp;–&nbsp;био-психо-әлеуметтік проблема. Онымен кешенді айналысу керек. Егер бала оқуда қиналып, сыныптастарынан қорлық көріп жатса, бірақ отбасынан мықты қолдау болса ол бұл күйзелісті жеңеді. Балаларды суицидтен сақтау үшін барлық мамандар бірлесіп жұмыс істеуі керек. Бұл мәселеде мектеп психологының да жұмысы маңызды. Олардың жүктемесі өте көп және оларға оқытатын балаларының санын азайту керек. Сонда ғана жұмыс нәтижелі болады”, – деді психолог&nbsp;Светлана Богатырева.

Жалғыздық және депрессия. Қазақстанда жастардың өз-өзіне қол жұмсауына не түрткі?

Абайдың тұлғалық айналасы және дәуір сабақтастығы

<a href="https://kyzylorda-news.kz/">Kyzylorda-news.kz.</a> Карантин кезінде жасөспірімдердің суицидке бару жағдайы жиіледі.
«Қазақстанда карантин уақытында жасөспірімдердің суицидке бару әрекеті екі есеге көбейді» – билік өкілдерінің ресми мәлімдемесі осындай. Жан түршіктірерлік шындық. Әсіресе, 18 жасқа толмаған ұл-қызы бар ата-анаға ауыр. Алдын алмаса, бұл қақпанға өз перзенті түсіп қалуы мүмкін екенін әркімнің есте ұстағаны жөн. Коронавирус карантині мен суицидтің артуы арасында қандай байланыс бар? Логикаға салып көрейік.
Біріншіден, жан-жақтан келіп жатқан жағымсыз жаңалықтар. Ересек адамның өзінің есін шығаруда. Ал әлі бұғанасы бекіп, психикасы пісе қоймаған жасөспірімнің санасын тіптен шайқап жібереді.
Екіншіден, қалыпты тіршілік ағысының арнадан ауытқуы. «Енді не болады?», «Болашағымыз жоқ-ау», «Осымен жер бетіндегі адамзат түгел жойылады» – осы сынды ел арасында желдей жүйткіген жорамалдар жеткіншектің де құлағына жетеді. Келер күнге сенімсіздік, ертеңінен қорқу, белгісіздік – мұның бәрі үмітті үзуге, өмірдің мәнін жоғалтуға итермелейді.
Үшіншіден, араласатын ортаның азайып, сырлас доспен сұхбаттың болмауы. Жас жеткіншек үшін негізгі орта – достары мен сыныптастары. Ой бөлісетін де, көңіл сергітетін де солар. Осындай ортамен тығыз қарым-қатынастың үзілуі де стресске түсуге бір себеп. Алдағы жаңа оқу жылы тағы да онлайн оқумен басталғалы тұр. Мұны ойлау да бала психикасына үлкен салмақ.
Төртіншіден, карантин кезінде ата-ана мен бала күні бойы бірге. Мұндайда баланың бәріне бірдей тиісінше қарым-қатынас жасала бермейді. Көңіл бөлудің шектен шығатыны тағы бар. Үлкендер тарапынан ұрсу, ескерту, ақыл айту, бақылау сияқты жасөспірімге жақпайтын әрекеттер қатары жиілейді. Бауырлар арасында да бір-бірін түртпектеу, төбелесу, араздасу басталмай тұрмайды. Өкінішке орай, отбасы мүшелері де осындай елеусіз әрекеттерімен жеткіншектің психикасына кері әсер етіп жатады.
Бесіншіден, карантин кезінде баланың бос уақыты өте көп. Оны ғаламтор мен әлеуметтік желіге, компьютерлік ойындар мен бейнежазбалар көруге сарп етуде. Ал, мұндай уақыт өткізудің зияны жайлы айтпаса да түсінікті. Әр отбасы мен әр жасөспірімнің өмір салтына сай бұл айтылғандардан да бөлек себептер болуы мүмкін.
&nbsp;Бұл себептердің бала санасына кері әсер тигізуіне ата-ана тосқауыл бола алады. «Қалай?» деген сұрақ туса, келесі қадамдармен танысыңыз.
1. Жиі әңгімелесу
Бұл күндері балалар қатарластарымен, өзін түсінетін адамдармен құрған әңгіме-дүкенге зәру. Әлеуметтік желіде хат-хабар алмасу күнделікті бетпе-бет отырып айтылған сырлардың орнын баса алмайды. Осының орнын толтыру үшін балаңызды жиі сөзге тартыңыз. Түрлі тақырыпта сұхбат бастаңыз. Өзі туралы, достары туралы сұраңыз. Сондай-ақ, өзіңіз жайлы да айтуды ұмытпаңыз. Блаңыздан көмек сұраңыз. Мәселен, жаңа гаджеттерге байланысты бір нәрсені жасауды көрсетуін, үйретуін өтінуге болады. Осылайша досы, сыыптасы рөліне еніп тұрыңыз.
2. Уақытты дұрыс жоспарлау
Карантин кезінде баланың бос уақыты көп. Бірге отырып, тиімді пайдалану жолында жоспар жасаңыздар. Жоспарға тек өзіңіз қажет деп тапқан істерді ғана енгізбеңіз. Баланың қызығушылығын, қалауын назарға алу міндетті. Мәселен, компьютерлік ойын ойнағысы келді дейік. Үзілді-кесілді тыйым салмай, оны да бір пункт етіп алыңыздар. Тек уақытты азырақ бөлсеңіз болғаны.
3. Пайдалы әдеттер қалыптастырыңыз
Бұл қадам жоспарлаумен тығыз байланысты. Жоспарлау барысында баланың қалауын қаперге іле отырып, пайдалы дағды қалыптастыратын істерді де шеберлікпен енгізе біліңіз. Айталық, бір мезгіл үй шаруасын жасау немесе жаңа өнер түрін игеру сияқты пункт те болсын. Тек, аса көп уақыт бөліп, бала қызығушылығын жойып алмау жағын да ойлау керек. Бұл жерде жасөспіріммен ересек адамдар секілді келісімшартқа отыра білу шеберлігі керек. қандай да бір пайдалы іспен айналысқаны үшін сыйлық болатынын айтыңыз. Егер оған келіскісі келмесе, сыйлық орнына қандай да бір жаза ұсынасыз. Әрине, сый да, жаза да әркімнің шама-шарқына қарай ойластырылуға тиіс.
4. Сабақты мәжбүрлі түрде оқытпаңыз
Жоғары сынып оқушысы бастауыштағы бала сияқты жетекке жүре қоймайды. Оны өзіңіз де білерсіз. Оларға бір нәрсені мәжбүрлеп жасату қиын. Сондықтан, сабақ оқуда да қысым жасамай-ақ қойған абзал. Қызығушылығы бар бала өзі-ақ оқиды. Ал, арманы, мақсаты басқа болса, босқа мәжбүрлемеген абзал. Кей балалар баға не абырой, болашағы үшін өзі талпынады. Енді біреулері ертеңім үшін керек деп кей пәндерді ғана теріп оқуы мүмкін. Сондай-ақ, келешегін ешбір пәнмен байланыстыра алмайтын, мүлдем басқа жолды таңдайтындар да табылады. Сіздің балаңыз осылардың қайсысына жатады, білесіз бе? Қай топқа жатса да, өз қауқарынан асып түсуді талап етіп қинамаңыз.
&nbsp;5. Теріс қылықтарына түсіністікпен қараңыз
&nbsp;Карантин басталғалы отбасы мүшелері бір-бірін жақын танып жатыр. Әзіл түрінде айтылса да, астарында шындық жоқ емес. «Қызым – үйде, қылығы – түзде» деген сөз бекер айтылмаған. Түзге шыға алмай, үйге тығылған балаңыздың бұрын білмеген кей әдеттері мен әрекеттерін енді байқауыңыз қалыпты жағдай. Оның ішінде жаныңызға жақпайтыны болса, бірден дүрсе қоя жөнелмеңіз. Түсіністік танытуға, өзіне де, өзгеге де зияны тимейтін болса, қабылдауға тырысыңыз. Ал, зиянды, тым ерсі, әдеп пен мәдениет ауылынан алыс әдеттері болса, олармен сақтықпен күресіңіз. Балаға жай сөзбен, үлгімен ұғындырыңыз.
Әр қадамыңыз осындай түсіністік пен мейірімге, дұрыс қарым-қатынасқа сай болсын. Сонда ғана балаңыздың санасының сау, психикасын мықты күйінде сақтай аласыз. Бүкіл адамзат үшін қиын кезең болған карантиннен бірге болу арқылы аман өтейік.
** 
<a href="http://ernur.kz/tarbiye/koronakrizis-zhoghary-synyp-okityn-balagha-komeginiz-kerek">ERNUR.KZ</a>**

&#8220;Коронакризис&#8221;: Жоғары сынып оқитын балаға көмегіңіз керек

Қымыз – қырық ауруға ем

<a href="https://kyzylorda-news.kz/">Kyzylorda-news.kz.</a> “Отбасы күні” мерекесінің маңызы зор. Себебі, адамзат баласы үшін ең қастерлі, ең аяулы құндылық-өзінің отбасы.
Осы айтулы мерекеге орай, облыстық “Рухани жаңғыру” орталығының ұжымы қаламыздағы Сейітбаевтар отбасына құттықтап барды.
Бұл шаңырақ өздерінің мұқалмас жігер, қажымас қуатымен көпке үлгі. Тағдырдың қатал сынына мойымай күресіп келеді. Отағасы Бақытбек аға такси болса, отанасы Күләш апай тігін тігеді. Шебер қолдарынан шыққан бұйымдары сұранысқа ие болғасын қарап отыра алмайтынын тілге тиек етті.
Масылдық пен мүсіркеуге жандары қас. Еңбекпен тапқан нанның қадірін біледі. Қыздарын да үлгілі тәрбиемен жоғарғы оқу орынында оқытып отыр.
Орталық директоры Уәлихан Серікұлы мерекемен құттықтап, ұжым атынан мерекелік тарту ұсынды.
Шаңырақтағы жып-жылы қарым-қатынас, көздеріндегі сүйіспеншілік пен мейірім бізді тәнті етті. Қанағаты қаптың түбінде жүрер талай дені сауға үлгі екен деп тарастық.
<img src="https://kyzylorda-news.kz/wp-content/uploads/2020/09/whatsapp-image-2020-09-12-at-12.51.10.jpeg" alt="" />

Ұлағатты отбасы – ұлт құндылығы

<a href="https://kyzylorda-news.kz/">Kyzylorda-news.kz.</a> Таңқаларлық жайт, бұл пайдалы көкөністің де өз мерекесі бар екен. Оны қыркүйектің басында атап өтеді.
Әрине, пияздың түрлері де, пайдалы қасиеттері де көп.&nbsp;&nbsp;
– Пиязшықтардың құрамында органикалық қышқылдар, суық тиюден қорғайтын фитонцидтермен эфир майлары, кемпферол, амин қышқылдары, глюкоза, микроэлементтер, B1, B2, B6, PP, E дәрумендері, С дәрумені көп, микро және макроэлементтер бар: бор, кобальт, марганец, молибден, мыс, никель, рубидий, фтор, хром, фосфор, кремний, натрий, калий, кальций, магний, темір, хлор, күкірт (ол өткір иіске жауап береді), флавоноидтар және өсімдік гормоны глюкинин (қандағы қант деңгейін төмендетуге арналған табиғи өнім), – деп сарапшы осы хош иісті өнімнің пайдалы заттарын тізімдейді. – Пияз хош иісті шөптесін өсімдіктерге жатады.&nbsp;
Пияз тұқымдастарының сыртқы түрі ғана емес, дәмімен де ерекшеленетін бірнеше түрлері бар:
Ақ пияздың&nbsp;ақ қабығы, жұмсақ, сәл тәтті дәмі бар.
Тәтті пияз әдеттегіден сәл үлкенірек және жұқа қабығы бар, мұндай пияз көктемде жиналып, маусымдық өнім болып табылады.
Қызыл пияз&nbsp;хош иістендіргіш және қарапайым пияз сияқты өткір емес.
Шалот пиязы&nbsp;– пияздың барлық түрлерінің ішіндегі ең дәмдісі, бірақ термоөңдеуден кейін дәмі өте нәзік, сәл тәтті болады.
Порей пиязының&nbsp;өзгелерінен айырмашылығы пиязшығы жоқ, ақ түсті қалың сабақ болып табылады және жасыл жалпақ жапырақтарымен ерекшеленеді. Пияздың өзіндік жағымды дәмі болады.
Ағзаны сауықтыратын қоректік заттардың жеткілікті мөлшерін алу үшін пияздың әр түрін қолдану керек, өйткені олардың әрқайсысының өзіндік ерекшелігі бар.
Пияз шырыны – бұл суық тиюден қорғайтын табиғи антибиотик. Фитонцидтер ангина вирусымен күресіп, жоғарғы тыныс жолдарын нығайта түседі. Олар стрептококктар, дизентерия, дифтерия және туберкулез таяқшаларын қосқанда көптеген микробтарды өлтіреді. Суық тию мен тұмаудың алдын алу үшін күніне бірнеше рет кесілген пияз кесектерін жеген дұрыс. Витамин жетіспеушілігінде пияз өте пайдалы, ол адам ағзасының С дәруменіне деген қажеттілігін қанағаттандыра алады, сонымен қатар бұл дәрумен иммунитетті арттыруға көмектеседі.
Жаңа сығылған пияз шырыны сперматозоидтардың дамып, жетілуіне ықпалын тигізеді және жыныстық қабілетті жоғарылатады.&nbsp;
Сонымен қатар, пияз метаболизмді белсендіреді, қан түзілуі мен тазартылуына ықпал етеді, ас қорыту процестерін ынталандырады, ағзадан артық сұйықтықты кетіреді. Пияздың құрамындағы кверцитин қатерлі ісікпен күресетіні анықталды, сол себепті онкологияда кеңінен қолданылады. Егер сіздің басыңыз ауырса, дәрілерді қабылдағанның орнына шикі пиязды иіскеп көріңіз.
&nbsp;Пияздың жасыл жапырақтары каротинге бай, ол біздің терімізге пайдалы. Пияз халықтық медицинада және косметикалық мақсаттарда – бетті безеулерден тазарту үшін қолданылады. Секпілден арылу үшін күнде пияздың жарты бөлігімен бетіңізді сүрткен дұрыс.
Порей пиязының өткір иісі мен дәмі жоқ, бірақ бұл оның емдік қасиеттеріне мүлдем әсер етпейді. Ол кальций, фосфор, темір, натрий және магнийге бай, бұл пиязды өте қоректік және пайдалы етеді. Сіз оны тамаққа пайдаланатын қалыңдатылған ақ аяғы және кең жалпақ жапырақтарынан тани аласыз. Бұл пияз қанды тазартумен ерекшеленеді, сондықтан оны атеросклероздың алдын-алу үшін қолданған жөн.&nbsp;1:1 қатынасында пияз шырыны мен балдың қоспасын тамақтанар алдында бір сағат бұрын бір ас қасықтан күніне 3 рет бір ай бойы қабылдаңыз.
Шалот пиязы бірнеше ұсақ пиязшықтардан тұрады. Шалот пиязы ақ пиязға қарағанда шырынды, жұмсақ әрі хош иісті. Ол өзіне тән, ерекше, хош иіспен сипатталады. Шалот пиязын қабынуға қарсы өнім ретінде медицинада қолданады. Ғалымдар шалот пиязында қатерлі ісік ауруының алдын алатын флавонолдардың көп болатынын және бұл ауыр аурудың алдын-алу үшін тағам ретінде тұтыну пайдалы екенін анықтады.
Батун пиязының&nbsp;садақталған жапырақтары бар. Ол нақты пиязшықты қалыптастырмайды, сондықтан тек жапырақтарын тұтынуға болады. Батун пиязы ақ пияздың барлық қасиеттеріне ие. Оның құрамында ақ пиязға қарағанда С дәрумені көп. Батун жақсы дезинфекциялық қасиеттерімен танымал.
Ғалымдардың айтуы бойынша күніне 150 грамм пияз (шамамен бір үлкен пияз немесе батун байламын) жеп отырсақ, біз А және С дәрумендерінің күнделікті мөлшерінің жартысын және жүрек жұмысын жақсартып, ағзаның қаңқа жүйесі үшін құрылыс материалы болып табылатын калий мен кальций мөлшерінің бестен бір бөлігін алады екенбіз.
Тағы бірнеше фактілер:
Пияздың құрамында алма мен алмұртқа қарағанда қант көбірек. Бірақ сіз жиі диета ұстасаңыз да, бұл көкөністі рационыңыздан алып тастауға асықпағаныңыз жөн. Пияз сонымен қатар артық майды керемет кетіргіш болып табылады. Тіпті пияз қолданылатын арнайы диета да бар, оның барысында күн сайын пияз сорпасын жеуге кеңес беріледі.
Ара шақса, пиязды пайдаланыңыз. Себебі пияз ара уының уытын басады. Ол үшін сіз ара шаққан жерге пияз шырынын тез арада басыңыз. Құлақ қабынуы кезінде де ауырсынуды жеңілдету үшін пиязды қолдануға болады екен: майдалап туралған, буға қыздырылған, дәкеге оралған пияздан күніне 3 рет жарты сағатқа құлаққа компресс қою керек. Мұндай компресс абсцесске, қабынуға және ұзақ емделетін жараларға да қолданылады. Жаңа сығылған пияз шырыны – бұл ревматикалық ауырсыну, ісіну, шаштың түсуі, теміреткі, қайызғаққа қарсы тамаша ем. Ол үшін қажет аймақты пияз шырынымен ысқылау керек.
Дәрігерлер пиязды жақсы адаптоген деп санайды, себебі сағат белдеуінің ауысуына бейімделуге көмектеседі. Бұл туралы, ең алдымен, ұшқыштар мен бортсеріктер үшін білген пайдалы. Әрине, талғампаз, жымиған бортсеріктен пияздың иісі шығып тұратындығын елестету мүмкін емес. Бірақ рейс аяқталып, демалуға уақыт бар болса, неге мұндай қарапайым және тиімді әдісті қолданбасқа?
БІРАҚ!
Қарсы көрсеткіштер де бар: панкреатит, асқазан және ішек жарасы, жүйке жүйесінің қозғыштығы бар адамдарға пиязды көп мөлшерде жеуге болмайды. Бүйрек және бауыр, жүрек аурулары бар адамдар ауруын ушықтырып алмас үшін пиязды абайлап жеу керек.
Пияз туралы бірнеше қызықты деректер:
Пияз 6 мың жылдан астам уақыттан бері белгілі. Оның отаны – Оңтүстік-Батыс Азия деп саналады. Пияз ол жақтан Египетке, Грецияға, Римге тараған.
Бүгінгі таңда пияздың 400-ге жуық түрі белгілі, олардың жартысынан көбі біздің елімізде өседі.
Ежелгі шумерлер мен мысырлықтар пиязды құдайлардың өсімдігі деп атап, бүкіл жер беті көп қабатты пияз үлгісіне сәйкес құрылған деп сеніпті. Ежелгі Египетте пияз қуат көзі мен ұзақ өмір сүруінің кепілі болған, сондықтан оны көп мөлшерде жеген екен. Тұзды суда пісірілген пияз Орта және Кіші Азия, Жерорта теңізі елдерінің ең кедей топтарының, сондай-ақ жаңа дәуірден үш мың жыл бұрын өмір сүрген Египет пирамидаларын салушылар үшін тамақтанудың негізін құрады. Хеопс пирамидаларын тұрғызған құлдар өздерінің төзімділігін, денсаулығын, күш-қуатын және жұмыс қабілеттерін сақтап қалу үшін күн сайын пиязбен тамақтанған.
Ежелгі гректер пиязды дәрі ретінде бағалайтын, бірақ өткір иісі үшін қарапайым халықтың тамағы деп санап, оны тамаққа сирек қосатын. Рим легионерлері жауынгерді батыл етеді деп сеніп, пиязды көптеп қолданған. Гладиаторлар бұлшықеттерін нығайту үшін пияз майымен уқалайтын. Олимпиадалық спортшылар жаттығу кезінде пияз жеген екен.
Атақты дәрігер Ибн Сина (Авиценна) өзінің «Дәрігерлік медицина каноны» трактатының алғашқы бөлімін пиязға арнағаны кездейсоқ емес. Пияз Киев пен Мәскеу Русінің барлық жерінде өсірілген. Нан мен кваспен қоса пияз шаруалар мен қолөнершілер үшін негізгі тағам түрі болған. Ежелден бері Русь жерінде (және басқа да көптеген халықтар арасында) пияз бен сарымсақ «жабысқақ аурулар мен індеттерге» («ауа арқылы» таралатын ауруларға) қарсы ең жақсы өнім болып саналып келген.
Гиннестің рекордтар кітабына сәйкес бұрын-соңды өсірілмеген ірі пияздың салмағы 6 келі болған және ол Англияда өсіріліпті.
<a href="https://stan.kz/piyazdin-7-paydali-kasietteri-336934/">Stan.kz</a>

Пияздың 7 пайдалы қасиеті

<a href="https://kyzylorda-news.kz/">Kyzylorda-news.kz.</a> Нұр-Сұлтан қалалық білім басқармасының басшысы Шолпан Қадырова Zoom-мен сабақ өткізу кезінде жұмыс сілтемесін бөтен адамдарға таратпау керектігін ескертті.
<blockquote>
 «Өкінішке қарай, 3 қыркүйекте Zoom платформасында өткізілген сабақ кезінде бөтен адамдар араласып, әдепсіз слайдтар көрсетіп, оқыту процесіне кедергі жасаған. Мұғалім сабаққа бөтен адамдардың араласқанын байқап, жедел түрде онлайн сабақты аяқтады. Осыдан кейін мектеп әкімшілігі балалармен және ата-аналармен онлайн кеңес өткізді. Оқушыларға чаттар мен платформаларда жұмыс істеу кезінде этиканы сақтау, жұмыс сілтемесін бөтен адамдарға таратпау қажеттігі туралы тәрбие жұмысын жүргізді. Өз кезегінде біз күн сайын мұғалімдермен жұмыс істеп, ІТ-құзыреттіліктерін дамытудамыз», – деді ол елорда әкімдігінде өткен баспасөз мәслихатында.
</blockquote>
Сонымен қатар басқарма басшысы барлық мектептердің штаттық режимге көшуі туралы шешімді ҚР Денсаулық сақтау министрлігі, Бас мемлекеттік санитария дәрігері шығарғандығын жеткізді.
<blockquote>
 «Әрине, шешім, ең алдымен, елдегі эпидемиологиялық жағдайға байланысты болады. Біз өз кезегінде балалардың үздіксіз білім алуына барлық жағдайды жасаймыз», – деді ол.
</blockquote>
Шолпан Қадырова Білім басқармасының call-орталығы 1445, 55-68-73, 55-68-83 нөмірі бойынша жұмыс істейтігін айтты.
<blockquote>
 «1 қыркүйектен бастап колл орталығына 1000-ға жуық, ал күніне 100-ге жуық қоңырау келіп түсті. Мұнда ата-аналар оқу процесінің барлық мәселелері бойынша толық ақпарат ала алады», – деді басқарма басшысы.
</blockquote>
<a href="https://www.inform.kz/kz/zoom-men-sabak-otkizu-kezinde-zhumys-siltemesin-botenderge-taratpau-kerek-sholpan-kadyrova_a3693510">KazInform</a>

Қазақстан және Қызылорда облысының жаңалықтары

Елордаға Қызылордадан 300 тонна өнім жөнелтіледі

Гүлшара Әбдіқалықова Отбасы күнімен құттықтады

Бүгін – Отбасы күні

13 қыркүйекке арналған ауа райы болжамы

Серік Ахмет жұмыс сапарымен Қазалы ауданына барды (ФОТО)

Жалғыздық және депрессия. Қазақстанда жастардың өз-өзіне қол жұмсауына не түрткі?

Абайдың тұлғалық айналасы және дәуір сабақтастығы

“Коронакризис”: Жоғары сынып оқитын балаға көмегіңіз керек

Қымыз – қырық ауруға ем

Ұлағатты отбасы – ұлт құндылығы

Пияздың 7 пайдалы қасиеті

Zoom-мен сабақ өткізу кезінде жұмыс сілтемесін бөтендерге таратпау керек

Қазақстан және Қызылорда облысының жаңалықтары

Елордаға Қызылордадан 300 тонна өнім жөнелтіледі

Гүлшара Әбдіқалықова Отбасы күнімен құттықтады

Бүгін &#8211; Отбасы күні

13 қыркүйекке арналған ауа райы болжамы

Серік Ахмет жұмыс сапарымен Қазалы ауданына барды (ФОТО)

Жалғыздық және депрессия. Қазақстанда жастардың өз-өзіне қол жұмсауына не түрткі?

Абайдың тұлғалық айналасы және дәуір сабақтастығы

&#8220;Коронакризис&#8221;: Жоғары сынып оқитын балаға көмегіңіз керек

Қымыз – қырық ауруға ем

Ұлағатты отбасы – ұлт құндылығы

Пияздың 7 пайдалы қасиеті

Zoom-мен сабақ өткізу кезінде жұмыс сілтемесін бөтендерге таратпау керек

Бүгін – Отбасы күні

“Коронакризис”: Жоғары сынып оқитын балаға көмегіңіз керек