<a href="https://kyzylorda-news.kz/">Kyzylorda-news.kz</a><a href="https://kyzylorda-news.kz/">.</a>&nbsp; Қазақстанда сыбайлас жемқорлыққа қарсы іс-қимыл бойынша шараларды жүйелі түрде іске асыру тиянақты орындалып келеді. Ұлттық тәжірибе мен сыбайлас жемқорлыққа қарсы халықаралық озық іс-тәжірибелерді тарту бойынша нақты істер қолға алынды. Қазіргі таңда парақорлықты жоюдың бірегей үлгісін қалыптастыру мақсатында сыбайлас жемқорлыққа қарсы комплаенс бойынша оқыту жүзеге асуда. Оқу семинарына мыңдаған мемлекеттік қызметкер қатысып, ел мүддесі үшін сыбайлас жемқорлыққа қарсы комплаенс қызметін жете түсінуге кірісті.
Сонымен, комплаенс деген не? Бұл батыс елдерінен келген ұғым. Ол – кез келген ұйымда сыбайлас жемқорлықты болдырмау үшін кешенді жұмыс жүргізетін, бірінші басшыға тікелей бағынатын құрылым.
Жуырда Қызылорда облысында алғаш рет квазимемлекеттік және жеке секторларда сыбайлас жемқорлыққа қарсы комплаенсті ілгерілету бойынша оқыту семинары өтті.
Сыбайлас жемқорлыққа қарсы іс-қимыл агенттігі ҚР Президентінің жанындағы Мемлекеттік басқару академиясымен және «Самұрық-Қазына» ұлттық әл-ауқат қоры» АҚ-мен бірлесіп ұйымдастырған оқыту семинарына мемлекеттік мекемелер мен квазимемлекеттік сектор субъектілерінің басшылары қатысты.
Айта кету керек, квазимемлекеттік компанияларда сыбайлас жемқорлыққа қарсы комплаенсті енгізу міндеті өткен жылдың соңынан бастап заңнамалық деңгейде енгізілді. Осы орайда Сыбайлас жемқорлыққа қарсы іс-қимыл туралы заңның 16-бабында «Казимемлекеттік сектор субъектілерінде негізгі міндеті тиісті ұйымның және оның жұмыскерлерінің Қазақстан Республикасының сыбайлас жемқорлыққа қарсы іс-қимыл туралы заңнамасын сақтауын қамтамасыз ету болып табылатын, сыбайлас жемқорлыққа қарсы комплаенс-қызметтердің функцияларын атқаратын құрылымдық бөлімшелер айқындалады» деп көрсетілген. Яғни, бұл парақорлыққа жол бермеу, сыбайлас жемқорлыққа қарсы мәдениетті қалыптастыру үшін жасалған қадам.
Сыбайлас жемқорлыққа қарсы күресте бизнесті парасатты жүргізу маңызды рөл атқарады. Тиянақты жүргізілген кәсіптің дамуына ештеңенің кедергі емес екенін естен шығармаған жөн.
Транспаренси Қазақстан социологиялық зерттеуінің нәтижесі бойынша, бизнес саласы өкілдерінің 8,2%-ы 2020 жылы сыбайлас жемқорлықсыз мәселе шешілмейтінін хабарлады. Кәсіпкерлердің 80%-дан астамы Қазақстанда пара бермей және тек құқықтық салада жұмыс істей отырып даму мүмкін деп санайды.
Сыбайлас жемқорлықты түбегейлі жою мақсатында квазимемлекеттік сектор компанияларының басшылығын комплаенс-қызметтерді құруды жеделдету қажет. Сонымен қатар оларды білікті кадрлармен жасақтау аса маңызды.
Қызылорда облысында өткен оқыту семинары барысында ҚР Президенті жанындағы мемлекеттік басқару Академиясының сыбайлас жемқорлыққа қарсы іс-қимыл мәселелерін зерттеу орталығының сарапшысы Айбек Қабылдин және &nbsp;жемқорлыққа қарсы комплаенс жүйесін құру процесінде ISO 37001 «Парақорлықпен күрес менеджменті жүйесі» халықаралық стандартын енгізу әлеуетін атап өтті.
Академия ректорының айтуынша, бүгінде мемлекеттік сектормен қатар академиямен парасатты бизнес қағидаттарын қалыптастыру бойынша кешенді жұмыс жүргізілуде. Ол үшін комплаенс-офицерлерді оқыту модульдері және сыбайлас жемқорлыққа қарсы комплаенс бойынша ұйымдарды сертификаттау процесі іске қосылды.
ISO 37001 стандартына түсініктеме берер болсақ, бұл – ұйым ішінде парақорлықпен күрес жүйесін құру, енгізу, қолдау және жетілдіру бойынша ұсыныстарды қамтиды және талаптарды анықтайды. Мұндағы әдістер сыбайлас жемқорлықтың кез-келген түрімен тиімді күресуге мүмкіндік береді. ISO 37001 стандарты қызмет ерекшелігіне, меншік нысанына және юрисдикцияға қарамастан кез келген ұйымда қолданылуы мүмкін.
Квазимемлекеттік және жеке секторларда сыбайлас жемқорлыққа қарсы комплаенсті ілгерілету бойынша оқыту семинар республиканың барлық өңірінде квазимемлекеттік сектор субъектілері үшін өңірлік оқыту семинарларын өткізу туралы шешім қабылданды. Аталған бағыт бойынша жүйелі жұмыстар жүргізілетін болады.
Ғалия Әлімқұлова,
Қазақстан Республикасының Сыбайлас жемқорлыққа қарсы&nbsp; іс-қимыл агенттігінің (Сыбайлас жемқорлыққа қарсы қызмет) Қызылорда облысы бойынша департаменті басшысының бірінші орынбасары

Сыбайлас жемқорлыққа қарсы комплаенс бойынша оқыту семинарлар сериясы іске қосылды

<a href="https://kyzylorda-news.kz/">Kyzylorda-news.kz</a><a href="https://kyzylorda-news.kz/">.</a> Бүгін қала әкімі Ғанибек Қазантаев қалалық мәслихат хатшысы Ибадулла Құттықожаевпен және мәслихат депутаттарымен бірге шаһар іргесіндегі Қосшыңырау, Қарауылтөбе, Қызылжарма ауылдық округтеріне барып, ауыл халқымен кездесті.
Басшылық қызметке келгеніне аптаның жүзі болған қала әкімі елді-мекендердің әл-ауқаты мен тұрмыс тіршілігін көзбен көріп, жалпы ахуалмен танысты. Жиында ауыл әкімдері елді-мекендердің экономикалық көрсеткіштері, кәсіпкерлік саласының дамуы, салық түсімі, қоғамдық саяси ахуалытуралы хабарлама жасап, жұмыс жоспарларын да ортаға салды.
Келелі жиынға келген ауылдықтардың айтар уәжімен талап-тілектерін, пікірлерінмұқият тыңдап, алда атқарылар бірқатар жұмыстарды талқылаған қала әкімібұған дейін ел басқарған азаматтардың жұмысын сәтті жалғап, ауылдардың әлеуметтік-экономикалық жағдайын жақсартып, дамыту бағытындатұрғындармен бірлесіп, ақылдасып, жүйелі жұмыстарды жүргізетіндігін жеткізді. Сонымен қатар ауылдардағы Қоғамдық кеңестің жұмысын тиімді ұйымдастыру керектігін ерекше атап өтіп, қала іргесіндегі көпшілікті кәсіпкерлікке көбірек көңіл бөлуге шақырды.
Өз кезегінде жаңа әкімді жылы қарсы алған ауыл халқы Ғанибек Қонысбекұлының алда атқарар жұмыстарына сәттілік тілеп, әлеуметтің әлеуетін арттырар ауқымды жобаларды қолға алатындығына сенім білдіретіндіктерін жеткізіп, ақ батасын берді.
Айта кетейік, шаһар басшысы қалаға қарасты кент пен басқа да ауылдық округтерге арнайы барып, халықтың көкейіндегі сауалын тыңдап, көпшілікпен жүздесетін болады.
<img src="https://kyzylorda-news.kz/wp-content/uploads/2021/04/03-1-scaled.jpg" alt="" />
<img src="https://kyzylorda-news.kz/wp-content/uploads/2021/04/06-scaled.jpg" alt="" />
<img src="https://kyzylorda-news.kz/wp-content/uploads/2021/04/04-1-scaled.jpg" alt="" />

Ғанибек Қазантаев ауыл халқымен кездесті

<a href="https://kyzylorda-news.kz/">Kyzylorda-news.kz</a><a href="https://kyzylorda-news.kz/">.</a>&nbsp; Алматыдағы Жамбыл атындағы қалалық жасөспірімдер кітапханасында ақын Шөмішбай Сариевтің туғанына 75 жыл толуына арналған флэшбук басталды, деп хабарлайды <a href="https://lenta.inform.kz/kz/almatyda-akyn-shomishbay-sarievtin-75-zhyldygyna-arnalgan-fleshbuk-bastaldy_a3776699">ҚазАқпарат</a>.
Ақынның өмiрi мен шығармашылығына арналған «Сезім ақыны» атты&nbsp;<a href="https://m.facebook.com/story.php?story_fbid=764969077718645&id=100026166788229&sfnsn=mo">флэшбукті</a>&nbsp;онлайн тамашалауға болады.
Шөмішбай Сариев 1946 жылы 15 сәуірде Қызылорда облысы, Арал ауданы, Шөміш стансасында дүниеге келген.
Еңбек жолын Қазалы аудандық «Ленин туы», Арал аудандық «Толқын» газеттерінен бастаған. Кейіннен «Қазақстан» баспасының редакторы, «Жұлдыз» журналы бөлімінің меңгерушісі, Қазақстан Республикасы Ұлттық ғылым академиясы Мұхтар Әуезов атындағы Әдебиет және өнер институтының ғылыми, аға ғылыми қызметкері болған.
1971 жылы ҚазМУ-дің журналистика факультетін бітірген.
Алғашқы жыр жинағы 1974 жылы «Балдәурен» деген атпен жарық көрген. Содан бергі аралықта қазақ, орыс тілдерінде он бес шақты кітабы шықты.
«Тарлан» сыйлығының иегері. Қазақстанның еңбек сіңірген қайраткері Шөмішбай Сариев биыл 15 ақпан күні 75 жасқа қараған шағында&nbsp;<a href="https://www.inform.kz/kz/akyn-shomishbay-sariev-dunieden-ozdy_a3753350">қайтыс болды</a>.

Ақын Шөмішбай Сариевтің 75 жылдығына арналған флэшбук басталды

<a href="https://kyzylorda-news.kz/">Kyzylorda-news.kz</a><a href="https://kyzylorda-news.kz/">.</a> Қазақстанда “қызыл” аймақта орналасқан өңірлерде жолаушыларды шығарып салушылар мен күтіп алушылар әуежай мен теміржол вокзалына кіргізілмейді.
Тиісті қаулыға көліктегі бас мемлекеттік санитарлық дәрігер Жанар Оразалина қол қойды.
Оған сәйкес, коронавирустың таралуы бойынша “қызыл” аймақта тұрған өңірлерде әуежай мен теміржол вокзалы ғимараттарында жолаушыларды күтіп алушылар мен шығарып салушыларды кіргізуге шектеу енгізіледі.
15 сәуірдегі жағдай бойынша&nbsp;“қызыл”&nbsp;аймақта Нұр-Сұлтан, Алматы, Шымкент қалалары және Атырау, Ақтөбе, Ақмола, Алматы, Батыс Қазақстан, Қарағанды облыстары орналасқан.
“Сары”&nbsp;аймақта: Шығыс Қазақстан, Жамбыл, Қызылорда, Павлодар, Солтүстік Қазақстан, Маңғыстау облыстары.
“Жасыл”&nbsp;аймақта: Қостанай және Түркістан облыстары.
<a href="https://sputnik.kz/society/20210415/16802126/auejaiaylar-vokzaldar.html">Sputnik</a>

Қазақстанда карантин күшейтілді – бүгіннен бастап жаңа қаулы күшіне енді

FitchRatings халықаралық рейтингтік агенттігі HalykBank рейтингін «BB+»-тен «BBB-»-ке дейін көтерді, болжам «Тұрақты». Halyk Bank-ке (BBB -) берген қаржылық тұрақтылық рейтингі (viability rating) – тәуелсіз Қазақстан тарихындағы шетелдік қатысуы жоқ жеке банктер арасындағы ең жоғары және банк қызметінің бүкіл тарихындағы ең үздік рейтинг.
<a href="https://kyzylorda-news.kz/">Kyzylorda-news.kz</a><a href="https://kyzylorda-news.kz/">.</a> FitchRatings халықаралық рейтингтік агенттігі (бұдан әрі – Fitch)Halyk Bank-тіңұзақ мерзімді эмитент дефолтының рейтингісін («ЭДР») «BB+» деңгейінен «BBB –» деңгейіне дейін көтерді, болжам «Тұрақты». Өсу нәтижесінде Банктің рейтингі алыпсатарлықтан инвестициялық рейтинг санатына өтті (BBB – ден жоғары). Еліміздің тарихында алғаш рет ҚР-дағы жеке коммерциялық банк Fitch-тен инвестициялық санаттағы рейтинг (investment grade) алды, бұрын мұндай деңгейдегі рейтинг тек квазимемлекеттік банктерге немесе шетелдік қатысуы бар банктерге берілген болатын.
«Банкке берілген рейтингтің деңгейі BBB деңгейіндегі тәуелсіз рейтингке қарағанда небәрі 1 саты төмен екенін атап өткім келеді. Қазақстанның аса ірі, жүйе құраушы Банкі – Halyk Bank рейтингін «инвестициялық» санатына дейін көтеру – бұл тарихи маңызды қадам және жеке алынған қаржы институты шеңберінде ғана емес, жалпы бүкіл ел, бүкіл ТМД нарығы шеңберінде маңызды оң белгі, – деп Halyk Bank басқармасының төрайымыҮміт Шаяхметова атап өтті, – Ол нарықтар қалпына келуге және өсуге дайын екенін білдіреді. «BBB» санатындағы рейтингтер бизнес пен инвесторларға эмитенттің жақсы кредиттік сапасын көрсетеді, қазіргі уақыттадефолт тәуекелін күту төмен, ал қаржылық міндеттемелер бойынша төлем қабілеттілігі барабар екенін көрсетеді, сәйкесінше инвестициялық тартымдылық пен инвесторлардың сенімі айтарлықтай өседі. Halyk Bank ТМД-ға шетелдік қатысуы жоқ, қаржылық тұрақтылықтың ең жоғары рейтингісі бар екі жеке банктің біріне айналғанын атап өту маңызды».
Fitch-тің осы рейтингтік әрекеті Halyk Bank-тің 2020 жылғы қаржылық нәтижелері бойынша мықты позицияларын және COVID-19 жаһандық пандемиясына байланысты операциялық ортаға жалғасып отырған қысым аясында Банктің активтер сапасын жақсарту жөніндегі ары қарай тиімді іс-шараларын көрсетеді. Осылайша, экономикалық құлдырауға қарамастан, 3-Сатыдағы проблемалық активтердің үлесі 2020 жылы 16% – дан 12,3% – ға дейін айтарлықтай төмендеді. Fitch пікірі бойынша, бұл Банктің кредиттік циклдің теріс кезеңінен табысты өткенін көрсетеді.
Бүгінгі таңда Halyk Bank рейтингтері оның үстем нарықтық үлесін, активтерінің сенімді құрылымын, жоғары табыстылығын және капитал мен өтімділіктің елеулі қорларын көрсетеді.
Fitch Halyk-ты «BB» операциялық ортасының бағасынан екі сатыға жоғары бағалайтыны да маңызды, өйткені Halyk-тың кредиттік шығындар бойынша шығыстарға дейінгі жоғары қаржылық көрсеткіштері және капитал/өтімділік бойынша қорлары Банкке операциялық ортаның тәуекелдерін елеулі дәрежеде митигациялау қабілетін береді.
Fitch сарапшылары Банк жылдан жылға көрсетіп келе жатқан тұрақты жоғары қаржылық нәтижелердің ұзақ мерзімді жағымды тарихын, сондай-ақ Halyk-тің экономикалық циклдің теріс кезеңі кезінде де табыс ала отырып, тиімді жұмыс істеу ұтқырлығы мен қабілетін атап өтеді.
Сондай-ақ Halyk рейтингінің мықты жақтары ретінде Fitch сарапшылары қорландыру мен өтімділікті атады: 2020 жылдың соңында Банктің қорландыру базасындағы депозиттердің үлесі 84%-ды құрады. Fitch Halyk депозиттерінің тұрақтылығын жергілікті ұқсас банктердің көпшілігіне қарағанда анағұрлым жоғары деп санайды, өйткені Halyk елдегі клиенттердің депозиттері бойынша нарықтағы ең жоғары үлеске ие.
***
HalykBank (ҚазақстанХалықБанкі) – бөлшек бизнес, ШОБ және корпоративтік банктік қызметтер, сақтандыру, лизинг, брокерлік қызметтер және активтерді басқаруды қоса, түрлі сегменттер дер жұмыс жасайтын Қазақстандағы жетекші қаржы тобы. Банк 1998 жылдан бастап Қазақстан Қор Биржасында, 2006 жылдан бастап Лондон Қор Биржасында және 2019 жылғы қазан айынан бастан Astana International Exchange-де листингісі бар.
Активтері 2020 жылғы 30 желтоқсандағы жағдай бойынша 10,387.8 млрд. теңгені құрап, Банк Қазақстандағы жетекші кредиттік ұйым болып табылады. Банктің ең ірі клиенттер базасы және филиалдар желісі бар – республика бойынша 611 филиал жәнебөлімше. Банк сондай-ақ операцияларын Грузияда, Қырғызстанда, Ресейде, Тәжікстанда және Өзбекстанда жүзеге асырады.
«Қазақстан Халық Банкі» АҚ PR-қызметі
тел. +7 727&nbsp;259 0301, +7&nbsp;727&nbsp;333 02820 | <a href="mailto:pr@halykbank.kz">pr@halykbank.kz</a> | <a href="http://www.halykbank.kz/">www.halykbank.kz</a>
ҚР Ұлттық банкінен 03.02.2020 ж. берілген №1.2.47/230/38/1 лицензиясы.

HalykBank ең үздік рейтингке көтерілді

<a href="https://kyzylorda-news.kz/">Kyzylorda-news.kz</a><a href="https://kyzylorda-news.kz/">.</a> Аймақта 895 жұмыс орнын қамтитын 96 жобаны іске асыру жоспарлануда. Жоба құны – 13,8 млрд. теңге. Қазірге дейін 173,6 млн. теңге құрайтын 15 жоба іске асырылды.
<blockquote>
 «Бүгінде өңір экономикасына инвестициялар тарту, жаңа жұмыс орындарын құру, салықтық базаны арттыру бағытындағы жұмыстар қарқынды жүруде. Мәселен, биыл 2023 жылға дейінгі облыстың экономикалық Даму жоспарына толықтырулар енгізіп, жобалар санын 265-тен 404-ке дейін арттырдық. Оның басым бөлігі ауыл шаруашылығы өнімдерін қайта өңдеуге, дайын азық түлік және құрылыс тауарларын шығаруға бағытталған жобалар», – деді облыстық экономика және бюджеттік жоспарлау басқармасының басшысы Нұрғали Қордабай.
</blockquote>
Сондай-ақ, биыл «Ауыл-Ел бесігі» арнайы жобасы шеңберінде Қазалы, Қармақшы, Жалағаш, Сырдария және Шиелі аудандарына қарасты ауылдық елді мекендерде 13 инвестициялық жобаны іске асыруға 1,9 млрд. теңге қаржы қаралмақ. Жобалар жүзеге асса, 117 жаңа жұмыс орны құрылатын болады.

Биыл Қызылорда облысында 96 жоба жүзеге асады

<a href="https://kyzylorda-news.kz/">Kyzylorda-news.kz.</a>&nbsp; Адамзат баласы ғасырлар бойы талай індетті басынан кешірген. Медицина дамымаған дәуірде сондай індеттерден миллиондаған адам құрбан болған. Өркениетке енген өмір көшінде жаппай таралатын жұқпалы кеселдердің жолын кесудің тиімді тәсілі табылды, ол – вакцинация. Төтенше дерттен құтылудың бірден бір жолы вакцинациялау екенін әлемдік тәжірибе дәлелдеді. Қазір Ресей, Америка, Қытай секілді алып елдер, бүкіл еуроодақ елдері вакцинациялау әрекетін жедел жүргізіп жатыр. Өйткені, мемлекеттің тірегі халықты аман сақтау ең басты міндет болып отыр.
Әртүрлі алыпқашпа сөзге сенетін жұршылық тарапынан бұл араша түсу әрекетіне қарсылық білдіріп жүргендер де бар. Көпшілік мұны ақиқат тұрғысынан түсінуі тиіс, ақиқатында, вакцина дерттің бетін қайтару, елдің денсаулығын, қала берді тұтастығын сақтау үшін жасалады. Ғалымдар халықтың шамамен 70 пайызы осы медициналық екпеден өткен жағдайда қоғамдық иммунитет көтеріліп, кеселдің беті біржола қайтады деген нақты есепке жүгінеді.
Қазір елордалықтардың вакцина салдыру үшін медициналық мекемелерде 500 адамға дейін өшірет күтіп тұрғанын біліп отырмыз. Бұл олардың вакцина мәселесін дұрыс түсінгендігін көрсетеді. Сондықтан қазір адамдарға үйінде отырып, телефон арқылы кезекке тұрып, екпе салдыру мүмкіндігі қарастырылды.
Мен өзім 5 сәуір күні вакцина салдырдым, ешқандай жайсыздықты сезінбедім, керісінше бойымда кеселді жеңеміз деген сенімділік пайда болды. Енді егудің екінші кезеңінен өтемін.
Халқымыз «бірлік бар жерде – тірлік бар», «бөлінгенді бөрі жейді» деген сияқты нақыл сөздерді бір күннің оқиғасынан шығарып айтпаған. Мұндай тәлімді сөздердің мыңжылдық мирас екені анық. Ендеше, жерлестерім, бірлігімізді сақтап, тірлігімізді түзейік, бөлініп «бөріге» жем болмайық дегім келеді.
Қылышбай БИСЕНОВ, 
“Nur Otan” партиясы “Тұран” филиалының мүшесі, академик.

Қылышбай Бисенов: Бірлігіміз бекем болса, тірлігіміз түзу

<a href="https://kyzylorda-news.kz/">Kyzylorda-news.kz.</a> 15 сәуір – Қозы Көрпеш – Баян сұлу ғашықтар күні ретінде мереке болып аталып келеді.
Бұл күнді атап өту туралы бастама 1999 жылы көтерілген. Аталған мереке ХIV-XV ғасырлардағы Қозы Көрпеш –Баян сұлу махаббатының символы ретінде аталып өтіледі.&nbsp;Айтулы күнге орай Қызылорда облыстық Н.Бекежанов атындағы қазақ музыкалық драма театрының көркемдік жетекшісі Әмір-Темір Хұсейн Жүсіпұлының пікірін оқырман назарына ұсынамыз.
<blockquote>
 «Махаббат – адам бойындағы нәзік қылдарды шертетін, жанын тербететін сезімдердің бірі. Қозы мен Баянның махаббатын айтып жеткізу мүмкін емес. Бүгінде өмірде болған оқиғаны халыққа қойылым арқылы көрсетудеміз. Ең алғаш 1968 жылы «Қозы Көрпеш-Баян Сұлу» спектаклін көрерменге ұсындық. Содан кейін 2018 жылы өмірде қосылмаған екі ғашықты қойылымда қосып, оқиғаны 55 минутқа шақтап, спектакльді «Ақбаян» деп атадық. Сондай-ақ, сол жылы Шотландияның Эдинбург қаласында өтіп жатқан «ФРИНДЖ» өнер фестивалінде сахналанды. Осындай үлкен шығарма арқылы өскелең ұрпақты тәрбиелеуіміз керек. Қазіргі таңда, махаббаттың символына айналған ғашықтардың хикаясын, ұлттық мәдениетімізді әлемге танытудамыз», – деді Әмір-Темір Хұсейн Жүсіпұлы.
</blockquote>

Әмір-Темір Хұсейн Жүсіпұлы: Үлкен шығарма арқылы жастарды тәрбиелеу керек

<a href="https://kyzylorda-news.kz/">Kyzylorda-news.kz.</a> 1 миллионнан астам қазақстандықтың несиелік&nbsp;тарихы қалпына келтірілді, деп хабарлайды <a href="https://www.youtube.com/watch?v=PYXmBs2yzQ4&list=PLn2OyECVOtB_oGU9Deb3d5IRE6G0mdFY8&index=4">Информбюро</a>.
Қарызға батқан халық&nbsp;«қара тізімнен»&nbsp;шығарылды. Енді олар қайта несие рәсімдей алады.
Бірінші несие бюросының мәліметінше, банктен қарыз алып, уақытында төлей алмаған 600 мың адамға «оңалтылды» деген бұл статус берілмепті. Өйткені, шарт бойынша, борышкер ең әуелі кредитін толық жабуы тиіс. Содан кейін 12 ай бойы өзге де проблемалы несиесі болмауы қажет.
«Оңалтылды» деген мәртебенің бар-жоғын азаматтар egov.kz порталынан, не болмаса бірінші кредиттік бюроның сайтынан білсе болады. Сондай-ақ, халыққа қызмет көрсету орталығы мен Қазпоштаның бөлімшелерінен де анықтай алады.

1 миллионнан астам қазақстандық несие алушы «қара тізімнен» шығарылды

<a href="https://kyzylorda-news.kz/">Kyzylorda-news.kz.</a>&nbsp;Асфендияров атындағы қазақ медицина университетінің профессоры, эпидемиолог Сәкен Әміреев кене коронавирус тасымалдамайтынын айтты, деп хабарлайды&nbsp;<a href="https://stan.kz/">Stan.kz</a>.
Эпидемиологтың айтуынша, коронавирустың қан соратын жәндіктер арқылы жұғу ықтималдығы өте төмен.
<blockquote>
 «Кене ақпан айының басында шыға бастады. Әдетте бұл жәндіктің белсенділгі&nbsp; сәуір-мамыр айларында арта түседі. Кененің шағуы өте қауіпті. Алайда күн жылына бастағанда&nbsp;тірілген маса&nbsp;мен кене&nbsp;сияқты жәндіктер коронавирустық инфекция қоздырғышының таралуына қатыса алмайды. Бұл ғылыми тұрғыда дәлелденбеген», – деді Сәкен Әміреев.
</blockquote>

Коронавирус кене арқылы жұға ма?

<a href="https://kyzylorda-news.kz/">Kyzylorda-news.kz.</a>&nbsp;Қазақстанның Еңбек сіңірген қайраткері Нурикамал Сейтжанова 72 жасында өмірден өтті, – деп хабарлайды&nbsp;<a href="https://716.kz/news/8047-skonchalas-zasluzhennyi-dejatel-rk-nurikamal-seitzhanova.html">716.kz</a>&nbsp;ақпараттық порталы.&nbsp;
Нурикамал Сейтжанова еңбек жолын совхоздың жұмысшы қызметінен бастады және мемлекеттік қызметшінің табысты мансаптық өсуінің барлық сатысынан өтті. Әр жылдары мұғалім, Торғай облыстық атқару комитетінің Жастар ісі жөніндегі комитетінің төрағасы, Торғай облыстық мәдениет басқармасының, Қазақстан халқы кіші ассамблеясының атқарушы хатшылығының, Ақмола облыстық Ақпарат және қоғамдық келісім басқармасының, Ақмола облысы мәдениет басқармасының басшысы болып жұмыс істеді.
Соңғы жылдары Мемлекет тарихы институтында қызмет еткен.&nbsp;
<blockquote>
 “Нурикамал” әні Нурикамал Сейітжановаға арналған. Әнге арқау болған бойжеткеннің есімі араб тілінен алынған: “Нури” – көрікті, “камал” кемеліне келген, толысқан сұлу дегенді білдіреді.&nbsp;
</blockquote>
Әннің сөзін жазған – Ханбибі Есенқарақызы, ән авторы – Тұрдықылыш Ізтаев. Олар ерлі-зайыпты жандар. Ән Тұрдықылыш Ізтаевтың Нурикамал есімді қызға ғашық болуынан туған екен. Ән 1988 жылы жарық көрген. Ол кезде отбасының үш баласы болған.

Танымал әнге арқау болған Нурикамал Сейтжанова өмірден өтті

<a href="https://kyzylorda-news.kz/">Kyzylorda-news.kz.</a>&nbsp; Қазақстан 18 жасқа дейінгі балаларға коронавирусқа қарсы вакцина салынуы мүмкін екенін жоққа шығармайды. Бұл туралы денсаулық сақтау бірінші вице-министрі Марат Шоранов мәлімдеді, деп хабарлайды&nbsp;<a href="https://sputnik.kz/">Sputnik Қазақстан</a>.
<blockquote>
 “Қазір көптеген өндіруші вакцинаның балаларға әсерін зерттеп, тестілеу жүргізуде. Зерттеу нәтижелеріне қарай біз қосымша талдау жасап, аталған санатты вакциналауға қосу мүмкіндігін бағалаймыз”, – деді Шоранов брифингте.
</blockquote>
Айта кетсек, қазір Қазақстанда 18 жасқа дейінгі балаларға коронавирусқа қарсы вакцина егілмейді.
Республикада вирусқа қарсы вакциналау науқаны биыл 1 ақпанда басталды. Вице-министр Шорановтың айтуынша, бүгінге дейін “Спутник V” вакцинасының бірінші компоненті 435 мың адамға егілген, екіншісі 107 мың қазақстандыққа салынды.
Сәуір айының соңына дейін өңірлерге “Спутник V” вакцинасының 910 мың дозасы жеткізіледі. Бұдан бөлек, басқа өндірушілерден 500 мың доза және отандық QazVac вакцинасының 25 мың дозасы түседі.
Министрлік осы жылдың қыркүйегіне дейін 10 миллион адамды вакциналауды көздеп отыр.

Қазақстан және Қызылорда облысының жаңалықтары