**<a href="https://kyzylorda-news.kz/">Kyzylorda-news.kz.</a> Нұр-Сұлтан тұрғыны қызылордалық Хадия Шам есімді жеті жасар қыз үшін бионикалық протез алып берді. Протез құны – екі миллион теңге, деп хабарлайды <a href="https://stan.kz/">Stan.kz</a> ақпарат агенттігі. 
**
Жеті жасар әнші Хадиа Шама қолын алмастыратын бионикалық протезді армандады. Хадия қолсыз дүниеге келген. Оның ата-анасы баланың ерекше туылатынын білді, бірақ түсік жасатудан бас тартты. 
Ерте жастан бастап Хадия тәуелсіз және көңілді болып өсті, балабақшадағы барлық ертеңгіліктерге қатысты, ән айтты, би биледі және мәнерлеп өлең оқыды. Төрт жасынан бастап Хадия ауыр науқас балаларды емдеуге қаражат жинау үшін ұйымдастырылған қайырымдылық концерттерінде өнер көрсетеді. Бес жасында ол “Біз таланттарды іздейміз” жобасының көшбасшыларының үштігіне кірді. 
Хадия гитара мен фортепианода ойнауды үйренгісі келеді, ол үшін оған қол керек. Сондықтан ол қазақстандықтарға Cyberfund арқылы жүгінді. Белгісіз болып қалғысы келген адам есепшотқа 2 миллион теңге жіберіп, Хадия үшін протездің ақысын толық төледі. 
Осы жағымды жаңалықты білген қыз әуелі үнсіз қалды, содан кейін ол күліп, шапалақтап, секіре бастады. 
<blockquote>
 “Қымбатты достар, мені қолдағандарыңызға, суреттеріме лайк басып, маған пікір қалдыратындарңыз үшін көп рақмет. Мен сені қатты жақсы көремін. Барлығын болашақ концерттеріме шақырамын”, – деді Хадия.
</blockquote>

Қызылордалық әнші бүлдіршінге елордалық меценат протез алып берді

<a href="https://kyzylorda-news.kz/">Kyzylorda-news.kz.</a> Өздерін жоғары деңгейден көрсетіп, жетістікке ұмтылған әрбір саланың майталмандары өздерінің бағдарламаларымен таныстырып, өзекті деген мәселелерді алға тартты. Мәселен, бүгін Қызылорда қаласынан праймеризге қатысушы үміткерлер өңірдің экологиялық жағдайы, отандық өнімдер мен формация саласын дамытуға қатысты тың ұсыныстарымен бөлісті.
Жалпы атап өту керек облыс бойынша парймеризге ұсынылған 502 үміткер 14 қыркүйектен бастап жария пікір сайысқа қатысып жатыр. Жария пікір сайыс деп аты айтып тұрғандар барлық дебаттар әрбір аумақтық партия филиалдарының әлеуметтік желілердегі ресми парақшаларында тікелей эфирде көрсетілуде. Бұл жергілікті тұрғандырмен кері байланыс орнатуға жасалып отырған басты мүмкіндік десек болады. 
Негізінен үміткерлер 6 азаматтан тұратын топтық бөлініс бойынша сынға түсуде.

Қызылордада праймеризге қатысушы үміткерлер арасындағы пікір сайыс қалай өтіп жатыр?

<a href="https://kyzylorda-news.kz/">Kyzylorda-news.kz.</a> Цифрлық даму, инновациялар және аэроғарыш өнеркәсібі министрі Бағдат Мусин танымал адвокат Жохар Өтебековтың eGov-қа қатысты шағымына жауап берді, деп хабарлайды <a href="https://lenta.inform.kz/kz/bagdat-musin-aldagy-uakytta-memlekettik-kyzmetti-egov-tan-gana-emes-barlyk-zherden-aluga-bolady_a3696074">ҚазАқпарат.</a>
Айта кетсек, бұған дейін Жохар Өтебеков eGov.kz порталын сынға алған еді. Оның айтуынша «Электронды үкіметке» жүктеуге болатын файлдар беске, ал көлемі 10 МБ-ға дейін азайған. Адвокаттың клиенті полицияға салмақты файлдарға салынған арызын енгізе алмапты. Сонымен бірге Жохар Өтебеков ТЖ кезінде 42 500 теңге ала алмай әлек болған азаматтардың мәселесін көтеріп, неліктен сол тұста «Ұлттық ақпараттық технологиялар» компаниясының басшысын жұмыстан шығарылмағанын сұраған болатын.
Адвокаттың бұл шағымына Бағдат Мусин Facebook парақшасында жауап берді.
Оның хабарлауынша eGov.kz бұдан былай онлайн режимде мемлекеттік қызмет көрсететін монополиялық терезе болмайды. Яғни, мемлекеттік қызметті бұдан былай барлық жерде, тіпті Каспий банктің мобильді қосымшасынан да алуға болады. Жуық арада жұмыс толыққанды ретке келтіріліп, министрлік бұл өзгерістер туралы мәлімет таратпақ.
<blockquote>
 «Сондай-ақ eGovMobile-ға кіру биометрия бойынша жүргізіледі. Яғни, кез келген азамат мобильді қосымшаны жүктеп алып, телефонға жүзін көрсетсе болды, қолданушы болып шыға келеді. Тіпті бұл әдіс өз тарапынан ЭЦҚ-ны да алмастыруға қауқарлы. Өтініштермен жұмыс істеу әдісін WhatsApp-қа мәтін жазғандай жеңіл еткіміз келеді», – дейді ол.
</blockquote>
Министрдің айтуынша «Ұлттық ақпараттық технологиялар» компаниясына үлкен жауапкершілік жүктелген. Алайда бұл бағыттағы құзыреттердің біршамасы министрліктерге бөлінген.
<blockquote>
 «Жаңғыру керектігін білеміз. Сол бағытта жұмыс та жүргіземіз», – дейді ол.
</blockquote>

Бағдат Мусин: Алдағы уақытта мемлекеттік қызметті eGov-тан ғана емес, барлық жерден алуға болады

<a href="https://kyzylorda-news.kz/">Kyzylorda-news.kz.</a> Облыста «Жұмыспен қамту жол картасы» бағдарламасы аясында 276 жоба жүзеге асырылуда. Жұмысқа 8891 адам тартылған. Жобалар аяқталғаннан кейін 500-ге жуық тұрақты жұмыс орны ашылады. 
<blockquote>
 «Бағдарлама аясында жүргізіліп жатқан құрылысқа жергілікті халықты жұмыспен қамтуды міндеттедік. Жоба жүзеге асқанда тұрақты жұмыс орнын ашуды да шартқа енгіздік. Сондай-ақ, халықты жұмыспен қамтылуына тікелей бағытталған «Еңбек» бағдарламасы аясында 1515 адамға техникалық және кәсіптік білім беріледі. 1 мың адам қайта оқуға жолдануда», – деді облыстық жұмыспен қамтуды үйлестіру және әлеуметтік бағдарламалар басқармасы басшысының орынбасары Айгүл Ибраева. 
</blockquote>
Ал «Бастау Бизнес» жобасымен кәсіпкерлік негіздеріне оқытуға 2272 адам жолданды. Оның 1400-і оқуды аяқтап, сертификат алды. Кәсіпкерлік бастамаларды қолдау бойынша 549 адам шағын несие алды.

Қызылордада 500-ге жуық тұрақты жұмыс орны ашылады

<a href="https://kyzylorda-news.kz/">Kyzylorda-news.kz.</a> Қазгидромет 18 қыркүйекке арналған ауа райы болжамын жариялайды.
Қазақстанның басым бөліндегі ауа райына Кар теңізі аймағынан келетін циклон ықпал етеді. Кей жерлерде жаңбыр жауады, шығыс және оңтүстік-шығыста найзағай ойнап, солтүстікте бұршақ жаууы мүмкін. Еліміздің батысында жауын-шашынсыз ауа райы сақталады.
Республика бойынша кей жерлерде тұман сақталады, оңтүстік-батыста желдің күшеюі шаңды дауылмен күтіледі.

18 қыркүйекке арналған ауа райы болжамы

<a href="https://kyzylorda-news.kz/date/2020/09/17/">Kyzylorda-news.kz.</a> Қазалы ауданында «Ауылдық үкіметтік емес ұйымдарды қолдау: даму мен өркендеу мақсатындағы серіктестік» тақырыбында облыстық форум болып өтті.
Жиынға «Қызылорда облысының Үкіметтік емес ұйымдарының Альянсы Ассоциациясы» ЗТБ-нің төрайымы Анар Ізден, «Арал теңізі» ҚҚ директоры, «Қызылорда облысының Үкіметтік емес ұйымдарының Альянсы Ассоциациясы» ЗТБ-нің Арал ауданы бойынша өкілі Айнагүл Баймаханова, «Шапағат» қайта оңалту орталығы»&nbsp;ҚҚ президенті, «Қызылорда облысының Үкіметтік емес ұйымдарының Альянсы Ассоциациясы» ЗТБ-нің Қазалы ауданы бойынша өкілі Шынар Женсикбаева, аудандық Ардагерлер кеңесінің төрағасы Оразғали Бекпанов, аудандағы үкіметтік емес ұйымдардың жетекшілері, жастар ұйымдары, ішкі саясат бөлімі мен бұқаралық ақпарат құралдарының өкілдері қатысты.
Форум барысында Мемлекет Басшысы Қасым-Жомарт Тоқаевтың «Жаңа жағдайдағы Қазақстан: іс-қимыл кезеңі» Қазақстан халқына Жолдауындағы «Азаматтардың мемлекетті басқару ісіне қатысуы», яғни «Халық үніне құлақ асатын мемлекет» құруға белсенді қатысып, Жолдаудағы міндеттерді орындауға үкіметтік емес ұйымдарды белсенді қатысуға шақыру және ауылдық елді мекендердегі қоғамдық ұйымдардың белсенділігін арттыру туралы айтылды.
Форум бағдарламасына сәйкес, тақырыптық баяндамалар жасалды. «Жергілікті қауымдастық мәселелерін шешудегі үкіметтік емес ұйымдардың рөлі» тақырыбында ҮЕҰ өкілдері мен жастар ұйымдары арасында сұхбат алаңы ұйымдастырылды. Тақырыптық дебатқа қатысушы белсенді топтарға “Алғыс хаттар” мен бағалы сыйлықтар табысталды. 
Шараға қатысушылар тарапынан ұсыныс-пікірлер айтылып, күн тәртібіндегі мәселелер жан-жақты талқыланып, ортаға салынды.
Басқосу соңы форум қатысушылары мен аудандық ҮЕҰ өкілдерінің «Қызылорда облысының Үкіметтік емес ұйымдарының Альянсы Ассоциациясы» ЗТБ-нің төрайымы Ізден Анар Жарылқасынқызымен кездесумен жалғасты.
<img src="https://kyzylorda-news.kz/wp-content/uploads/2020/09/119735622_2857495447804717_4439873413298066403_o.jpg" alt="" />

Қазалыда үкіметтік емес ұйымдардың форумы өтті

<a href="https://kyzylorda-news.kz/">Kyzylorda-news.kz.</a> Бүгін облыс әкімінің орынбасары Бақыт Жаханов Жалағаш ауданына жұмыс сапарымен келіп, бірқатар егіс алқаптарын аралады.
Ең алдымен «Сәрке батыр» ЖШС-нің егін алқабымен танысты. Серіктестік 2003 жылы құрылған. Құрылым егін шаруашылығымен айналысады. Қазіргі таңда серіктестікте 130 адам тұрақты жұмыспен қамтылған. Биылғы жылы 1335 гектар күріш дақылдарын, 30 гектар бидай, 130 гектар мақсары, 249 гектар жаңа жоңышқа, 620 гектар ескі жоңышқа орналастырды. Өткен жылдың қорытындысымен серіктестік гектарына 63 центнерден өнім алған. Биыл да жоғары межеден көрінеміз деген сенімдері бар.
Бақыт Дүйсенұлы сондай-ақ, М.Шәменов ауылдық округіндегі «Мега-Агро» ЖШС-нің егін жинау жұмыстарымен де танысты. Биыл серіктестік 980 гектар жерге күріш дақылдарын, 51 гектар жерге мақсары, 87 гектар жаңа жоңышқа, 240 гектар ескі жоңышқа орналастырған. Жыл сайын техника паркі жаңаланып тұрады.
Облыс әкімінің орынбасары Бұқарбай батыр ауылындағы «Байтабын» ЖШС-нің, Таң ауылдық округіндегі «Таң ЛТД» ЖШС-нің егін жинау жұмыстарымен де танысты.
Құрылғанына 20 жылдан астам уақыт болған «Байтабын» ЖШС жыл сайын техника паркін жаңалап тұрады. Серіктестікте күріш тұқымын сақтайтын 2 қойма, 30 тонналық таразы, техника қоятын ангар, Петкус күріш тазарту құрылғысы салынған. Биылғы жылы 1409 гектар күріш, 50 гектар бидай, 253 гектар жаңа жоңышқа, 554 гектар ескі жоңышқа орналастырды.
Таң ауылдық округіндегі «Таң ЛТД» ЖШС былтырғы жылы тұқым шаруашылығы статусын алған. Жыл сайын техника жаңарту жұмыстарын жүрігзіп келеді. Құрылымда барлығы 50 ауылшаруашылығы техникалары бар. Биыл 1170 гектарға күріш дақылдары, 198 гектар мақсары, 188 гектар жаңа жоңышқа, 356 гектар ескі жоңышқа күтімге алынған.
Аталған шаруашылықтар күзгі жиым-терім жұмыстарын 10 қазанға дейін аяқтауды жоспарлап отыр. Облыс әкімінің орынбасары, аудан басшысы диқандарға мол өнім алуды, астықты ысырапсыз жинап алуға тілектестігін білдірді.
<img src="https://kyzylorda-news.kz/wp-content/uploads/2020/09/119672887_1046009902517754_5105260547030400673_o.jpg" alt="" />
<img src="https://kyzylorda-news.kz/wp-content/uploads/2020/09/119675593_1046009909184420_4423178219168680587_o.jpg" alt="" />

Бақыт Жаханов Жалағаш ауданындағы егін алқабының жай-күйімен танысты

<a href="https://kyzylorda-news.kz/">Kyzylorda-news.kz.</a> Дәл қазір қазақстандық «Қайсар» UEFA Еуропа лигасы екінші іріктеу сатысында Кипрдің АПОЭЛ клубымен кездесіп жатыр, деп хабарлайды <a href="https://lenta.inform.kz/kz/europa-ligasy-kaysar-karsylasynan-zhenilip-zhatyr_a3695896">ҚазАқпарат</a>.
Ойын Шымкент қаласындағы Қажымұқан Мұңайтпасов атындағы стадионда өткізілуде. Жеңімпаз бір ғана ойыннан анықталады.
Бірінші кезеңнен кейін «Қайсар» қарсыласынан 1:2 есебімен жеңілуде.
Алдымен 6-минутта «Қайсар» сапынан Элгуджа Лобжанидзе есеп ашқан болатын. Оған 15-минутта АПОЭЛ футболшысы Де Винсенти Томас бір голмен жауап қайырды. Ал 25-минутта кипрлік команда құрамынан Тухами Ануар өз командасын алға шығарды.
<a href="https://www.inform.kz/kz/europa-ligasy-kaysar-tazhiribeli-karsylasyn-zhene-ala-ma_a3695577">Кипрлік команда</a>&nbsp;жылма-жыл еурокубок ойындарында ойын көрсетіп келеді. Клуб 1926 жылы ел астанасы – Никосия қаласында құрылған. Содан бері 28 мәрте чемпиондық атаққа қол жеткізді.
Сондай-ақ, бүгін елордалық «Астана» Алматы қаласында Черногорияның «Будучность» командасын қабылдаса, «Қайрат» Израильде жергілікті «Маккаби» (Хайфа) клубымен шеберлік байқасады.

Еуропа лигасы: «Қайсар» қарсыласынан жеңіліп жатыр

<a href="https://kyzylorda-news.kz/date/2020/09/17/">Kyzylorda-news.kz.</a> Достық үйінде аймақта медиация институтын насихаттауға бағытталған «Үздік мақала» және «Үздік репортаж» байқаудың жеңімпаздары марапатталды.
ҚР Тұңғыш Президенті – Елбасы Нұрсұлтан Әбішұлы Назарбаевтың «Қазақстан-2050: Стратегиясы қалыптасқан мемлекеттің жаңа саяси бағыты» атты стратегиясында соттардың жұмысын жеңілдету мақсатында дауларды соттардан тыс реттеу институттарын дамыту арқылы ұсақ-түйек мәселелерді сотқа жеткізбей-ақ шешудің тәсілдерін қарастыру жөнінде нақты тапсырмалар берілген.
Одан бөлек, Қазақстан халқына Жолдауында Қасым-Жомарт Кемелұлы Тоқаев медиация институтын жетілдіру бойынша сөз қозғаған болатын. Расында, қабылданғанына 10 жылға жуық уақыт болған «Медиация туралы» Заң ақпараттандыруды қажет етеді.
&nbsp;«Аймақта медиация институтын ілгерілету» жобасы аясында медиация институтын насихаттауға арналған «Үздік мақала» және «Үздік репортаж» байқаулары үстіміздегі жылғы 10 маусымда жарияланды.
Жалпы алғанда 42 ақпараттық материал жарық көріп, ішінде ірі көлемді және мағыналы деген материалдар таңдалды.
Нәтижесінде «Үздік репортаж» байқауында І орынды «Медиация институты» ролигімен Қ.Мұхамеджанов атындағы №1 мектеп-гимназиясының 11 сынып оқушысы И. Серікбай иеленді. ІІ орынды &nbsp;«Медиация – азаматтық қоғам дамуының көрінісі» репортажымен «Хабар24» телеарнасының тілшісі Н. Жақыпбеков алса, ІІІ орынды «Медиация – мәміле алаңы» репортажымен Qyzylorda телеарнасының тілшісі, «Өңірлік коммуникациялар қызметі» КММ директоры Т. Әлжанов иеленді.
«Үздік мақала» байқауында І орынды әріптесіміз «Медиация – дауды шешудің ең тиімді тәсілі» мақаласымен «Kyzylorda-news.kz» ақпараттық агенттігінің тілшісі Д. Маханова алды. &nbsp;ІІ орынды «Татуласу» тетіктері туралы» мақаласымен Қызылорда облыстық сотының ақпараттық қамтамасыз ету бөлімінің жетекші маманы Н. Нұрбайқызы және үшінші орынды «Медиация саласына қатысты өзекті мәселелер талқыланды» мақаласымен «Сыр бойы» газетінің тілшісі М. Дауылбайқызы иеленді. Жеңімпаздарға Алғыс хаттар мен сертификаттар табысталды.
Қатысушылар өз кезегінде алдағы уақытта халық арасында дауды сотсыз шешу жолдарын насихаттау, медиация институтының қол жетімділігін арттыру бойынша бірлескен іс-шаралар жүргізуге дайын екендігін білдіріп, шара ұйымдастырушыларына алғыстарын жеткізді.

Қызылордада медиацияны  насихаттаған журналистер марапатталды

<a href="https://kyzylorda-news.kz/date/2020/09/17/">Kyzylorda-news.kz.</a> Соңғы екі жылда облыстағы ауыл шаруашылығы мақсатындағы 20533 гектар жер мемлекет меншігіне қайтарылды. Жерді жалға алып, мақсатты пайданбаған учаске иелерімен шарт біржақты бұзылды.
<blockquote>
 «Ағымдағы жылдың 8 айында жалпы 46,308 гектарды құрайтын жер учаскесіне бақылау шарасы жүргізілді. 52 құқық бұзушылық деректері анықталды. 21 дерек бойынша 4192,33 мың теңге көлемінде айыппұл салынып, 3 дерек бойынша ескерту түріндегі әкімшілік жаза қолданылды. Президент Жолдауда жеке қосалқы шаруашылықтардың әлеуетін тиімді пайдалану жолдарын ашып көрсетті. Ол үшін ауыл шаруашылығы жерлерін тиімді әрі мақсатты пайдалануымыз қажет», – деді облыстық жердің пайдалануы мен қорғалуын бақылау басқармасының басшысы Қайрат Тоғызбаев.
</blockquote>
Мақсатты қолданылмай тұрған жерлерді мемлекет меншігіне қайтару жұмыстары жалғасатын болады.

Қызылордада игерусіз жатқан жер телімдері мемлекетке қайтарылды

<a href="https://kyzylorda-news.kz/date/2020/09/17/">Kyzylorda-news.kz.</a> Қызылорда облысының медициналық мекемелері жаңа жедел жәрдем көліктерін пайдалануға алды. Бұған дейін облысқа ӨЖЖ аппараттары, пульсоксиметрлер және оттегі концентраторлары бар гуманитарлық жүк келген болатын.
Бұл көмек «Самұрық-Қазына» АҚ мен ҚР Денсаулық сақтау министрлігі арасындағы ынтымақтастық туралы Меморандум аясында көрсетілді. «Самұрық-Қазына» АҚ компаниялар тобы қайырымдылығының бірыңғай операторы – «Samruk-Kazyna Trust» Әлеуметтік жобаларды дамыту қоры қажетті жабдықтарды сатып алып, оларды өңірлерге жіберді.
Қызылорда облысына 20 оттегі концентраторы, 50 пульсоксиметр және бір өкпені жасанды желдету аппараты (ӨЖЖ) жеткізілді. Сондай-ақ, облысқа Shevrolet Damas маркалы 4 жедел жәрдем көлігі келді.
<blockquote>
 «Қармақшы аудандық ауруханасына жеткізілген медициналық көлік халық игілігі үшін жұмыс істейтін болады. Осының арқасында жедел жәрдем бөліміне келіп түскен шұғыл шақыруларға уақытылы қызмет көрсету мүмкіндігі артады. Дәрігерлердің жұмысына көмек көрсету – халықтың денсаулығын жақсартуда үлкен қолдау деп есептеймін», – деп атап өтті Қармақшы аудандық ауруханасының бас дәрігері Бақытжан Нысанбаев.
</blockquote>
Айта кетейік, мұндай жиынтықтарды әрбір облыс, сондай-ақ республикалық маңызы бар қалалар алады.
<blockquote>
 «Бұл шаралардың барлығы біздің медицинамыздың жұқпалы аурулармен, соның ішінде COVID-19 коронавирустық инфекциямен күресуге дайындық деңгейін арттыруға және ұлттық денсаулық сақтау жүйесін нығайтуға бағытталған», – дейді «Samruk-Kazyna Trust» Қорының ресми өкілі Мирас Іргебаев.
</blockquote>
Еске сала кетейік, Меморандум аясында республикамыздың Денсаулық сақтау жүйесін ұйымдастыруға 100 жедел жәрдем көлігі, 1 000 оттегі концентраторы, 50 ӨЖЖ аппараты, 1 000 пульсоксиметр жеткізілетін болады.
<img src="https://kyzylorda-news.kz/wp-content/uploads/2020/09/foto-001-scaled.jpg" alt="" />
<img src="https://kyzylorda-news.kz/wp-content/uploads/2020/09/foto-003-5-scaled.jpg" alt="" />
<img src="https://kyzylorda-news.kz/wp-content/uploads/2020/09/fb_img_1600341123314.jpg" alt="" />

COVID-19: Қызылордадағы ауруханаларға медициналық жабдықтар мен жедел жәрдем көліктері жеткізіліп жатыр

<a href="https://kyzylorda-news.kz/date/2020/09/17/">Kyzylorda-news.kz.</a> Қызылорда қаласына қарасты Ақсуат ауылдық округі «Ауыл – ел бесігі» республикалық бағдарламасы аясында қаржылай қолдау тапқан. Қаралған қаржыға ауылдағы 1982 жылы салынған №143 орта мектепке араға 38 жыл салып күрделі жөндеу жұмыстары жүргізілді. Бүгінде құрылыс толығымен аяқталып, 12 кезекші сыныпқа балалар қабылданған.
Сонымен бірге, ағымдағы жылы ауылда 16 көше орташа жөндеуден өтіп, оның 7 көшесіне асфальт салынса, қалған 9 көшеге қиыршық тас төселіп болады. Үнемделген қаржы есебінен тағы 5 көшеге жыл соңына дейін орташа жөндеу жұмыстары жүргізіледі деп жоспарлануда. Аталған жұмыстар негізінде ауылдың жұмыссыз жүрген 40 азаматы жұмыспен қамтылған.
Ақсуаттықтар үшін тиімді болған «Ауыл – ел бесігі» бағдарламасына сай ауыл орталағында орналасып, бұған дейін жөндеу көрмеген Ү.Тоқмағамбетова көшесіне де асфальт төселген. Асқарбек Темірбекұлы жолды қабылдау барысында сапасына мән беру керектігін баса айтты.
Қала әкімінің орынбасары Асқарбек Есжанов өткен жылы күрделі жөндеуден өткен «Асыл-Ай» бөбекжай – бақшасына аялдап, қажетті жабдықтарына облыстық бюджеттен қаржы бөлінген балабақшаның материалдық-техникалық базасын тексерді.
Ауылда қаладан шыққан пайдалануға жарамды бағдаршам, жарық бағаналары, жаяу жүргінші жолдарына қажетті құрылыс заттарын тиімді пайдаланып, ауылдың қажеттілігіне жаратуда жолға қойылған. Мәселен, Ж.Маханбетов ауылының орталық көшелерінің 1,6 шақырымына қалада пайдаланылған брусчаткалар мен бордюрлап пайдаланылып, тротуар салынған.
Ағымдағы жылы «Жұмыспен қамту жол картасы» мемлекеттік бағдарлама аясында қаржы қаралып, күрделі жөндеуден өтіп жатқан нысанның бірі Ақжарма ауылдық округіндегі «Облыстық наркология орталығына» қарасты медициналық бөлімше.1983 жылы іргетасы қаланған 100 орындық нысанды қайта қалпына келтіру жұмыстарына «Болашақ Интернэйшн Девелопмент» ЖШС жауапты. Қазір қайта жаңғырту 60 пайызға орындалған, мердігер желтоқсан айына дейін толығымен аяқтауды межелеп отыр. 
Асқарбек Темірбекұлы жауапты мекеменің жұмысы қадағалауда болатынын ескертіп, нысандағы жөндеу жұмыстарына қарқын қосуды тапсырды.
Ауылдық округке қарасты Талдыарал елді-мекенінде жол мәселесі толығымен шешілген. Биыл ауылда ауыз су мен кәріз құбырлары да толығымен жаңартылды. 900-ге тарта тұрғыны бар Талдыаралда жаңадан қоныстанушыларға жер беру қарқынды жүргізілуде.
Қазір 200 ден аса жер телімі ашылып, қиыршық тас төселіп, ауыз су құбыры тартылған. Ендігі кезекте жарық жүйесін жеткізу мәселесі тұр.
<img src="https://kyzylorda-news.kz/wp-content/uploads/2020/09/2-1-scaled.jpg" alt="" />
<img src="https://kyzylorda-news.kz/wp-content/uploads/2020/09/3-2-scaled.jpg" alt="" />
<img src="https://kyzylorda-news.kz/wp-content/uploads/2020/09/4-1-scaled.jpg" alt="" />
<img src="https://kyzylorda-news.kz/wp-content/uploads/2020/09/7-2-scaled.jpg" alt="" />

Қазақстан және Қызылорда облысының жаңалықтары

Қызылордалық әнші бүлдіршінге елордалық меценат протез алып берді

Қызылордада праймеризге қатысушы үміткерлер арасындағы пікір сайыс қалай өтіп жатыр?

Бағдат Мусин: Алдағы уақытта мемлекеттік қызметті eGov-тан ғана емес, барлық жерден алуға болады

Қызылордада 500-ге жуық тұрақты жұмыс орны ашылады

18 қыркүйекке арналған ауа райы болжамы

Қазалыда үкіметтік емес ұйымдардың форумы өтті

Бақыт Жаханов Жалағаш ауданындағы егін алқабының жай-күйімен танысты

Еуропа лигасы: «Қайсар» қарсыласынан жеңіліп жатыр

Қызылордада медиацияны насихаттаған журналистер марапатталды

Қызылордада игерусіз жатқан жер телімдері мемлекетке қайтарылды

COVID-19: Қызылордадағы ауруханаларға медициналық жабдықтар мен жедел жәрдем көліктері жеткізіліп жатыр

Қызылорда: “Ауыл – ел бесігі” бағдарламасы елді мекендерді көркейтуде

Қазақстан және Қызылорда облысының жаңалықтары

Қызылордалық әнші бүлдіршінге елордалық меценат протез алып берді

Қызылордада праймеризге қатысушы үміткерлер арасындағы пікір сайыс қалай өтіп жатыр?

Бағдат Мусин: Алдағы уақытта мемлекеттік қызметті eGov-тан ғана емес, барлық жерден алуға болады

Қызылордада 500-ге жуық тұрақты жұмыс орны ашылады

18 қыркүйекке арналған ауа райы болжамы

Қазалыда үкіметтік емес ұйымдардың форумы өтті

Бақыт Жаханов Жалағаш ауданындағы егін алқабының жай-күйімен танысты

Еуропа лигасы: «Қайсар» қарсыласынан жеңіліп жатыр

Қызылордада медиацияны насихаттаған журналистер марапатталды

Қызылордада игерусіз жатқан жер телімдері мемлекетке қайтарылды

COVID-19: Қызылордадағы ауруханаларға медициналық жабдықтар мен жедел жәрдем көліктері жеткізіліп жатыр

Қызылорда: &#8220;Ауыл &#8211; ел бесігі&#8221; бағдарламасы елді мекендерді көркейтуде

Қызылорда: “Ауыл – ел бесігі” бағдарламасы елді мекендерді көркейтуде