<a href="https://kyzylorda-news.kz/">Kyzylorda-news.kz</a>. Әскерилердің лауазымдық жалақысы 70 процентке көтеріледі. Бұл туралы қорғаныс министрі Нұрлан Ермекбаев мәлім етті, деп хабарлайды&nbsp;<a href="https://sputnik.kz/">Sputnik Қазақстан</a>.
<blockquote>
 “Әскери қызметшілерді әлеуметтік қолдау мәселесі ел басшылығының ұдайы назарында. Жоғарғы бас қолбасшы Қасым-Жомарт Кемелұлы Тоқаевтың шешімімен ағымдағы жылы 1 қаңтардан бастап әскери қызметшілердің лауазымдық айлығы 35 процентке артты. Алдағы үш жылда лауазымдық айлықты 70 процентке дейін көтеру жоспарлануда “, – деді Ермекбаев астанада өткен шарада.
</blockquote>
Министр әскери қызметшілерді вакциналау мәселесіне де тоқталды. Оның айтуынша, қазіргі кезде 9 әскери медициналық мекемеле екпе егу пункттері ашылды. Сондай-ақ, әскери қызметшілер тұрғылықты жері бойынша кез келген емханада вакцина салдыра алады. Осы уақытқа дейін жеке құрамның 35 проценті коронавирусқа қарсы екпе екті.

Әскери қызметшілердің жалақысы 70 процентке өседі

<a href="https://kyzylorda-news.kz/">Kyzylorda-news.kz</a>. Қазақстанда өткен тәулікте 2850 адам коронавирус індетінен емделіп шықты, деп хабарлайды&nbsp;<a href="https://www.coronavirus2020.kz/kz">coronavirus2020.kz</a>.
Өңірлер бойынша:
Нұр-Сұлтан қаласы – 413, 
Алматы қаласы – 931, 
Шымкент қаласы – 6, 
Ақмола облысы – 116, 
Ақтөбе облысы – 230, 
Алматы облысы – 329, 
Атырау облысы – 153, 
Шығыс Қазақстан облысы – 76, 
Батыс Қазақстан облысы – 166, 
Қарағанды облысы – 177, 
Қостанай облысы – 17, 
Қызылорда облысы – 70, 
Маңғыстау облысы – 24, 
Павлодар облысы – 92, 
Солтүстік Қазақстан облысы – 38, 
Түркістан облысы – 12.
Жалпы пандемия басталғалы ел бойынша коронавирус 316 965 анықталса, соның 271 289-і жазылды.

COVID-19: Қызылордада 70 науқас жазылып шықты

<a href="https://kyzylorda-news.kz/">Kyzylorda-news.kz.</a> Қазақстанда өткен тәулікте 2883 адамда коронавирус ПТР-сынама арқылы расталды, деп хабарлайды coronavirus2020.kz.
Өңірлер бойынша:
Алматы қаласында – 53144 (+695),
Нұр-Сұлтан қаласында – 44562 (+584),
Шығыс Қазақстан облысында – 24745 (+92),
Қарағанды облысында – 23100 (+258),
Атырау облысында – 21783 (+110),
Алматы облысында – 20944 (+185),
Павлодар облысында – 20527 (+112),
Батыс Қазақстан облысында – 19030 (+153),
Ақмола облысында – 18146 (+140),
Қостанай облысында – 14683 (+25),
Солтүстік Қазақстан облысында – 13939 (+27),
Шымкент қаласында – 9226 (+114),
Ақтөбе облысында – 8984 (+128),
Жамбыл облысында – 7737 (+79),
Маңғыстау облысында – 5618 (+62),
Түркістан облысында – 5370 (+42),
Қызылорда облысында – 5427 (+77).
Айта кетейік, 27 сәуір күнгі бір тәулікте Қазақстанда коронавирус – 2682 адам, 26 сәуірде 2276 адамда анықталған болатын.
Жалпы пандемия басталғалы ел бойынша ауырғандар саны – 316 965.

Қызылордада 77 адамнан коронавирус анықталды

<a href="https://kyzylorda-news.kz/">Kyzylorda-news.kz</a>. Казгидромет 29 сәуірге арналған ауа райы болжамын жариялады.
Кәсіпорынның ақпаратына сәйкес, 29 сәуірде Солтүстік Қазақстан облысының кей жерінде тұман түседі. Оңтүстік-батыстан, батыстан жел соғады. Желдің жылдамдығы кей жерде 15-20 м/с болады. Петропавл қаласында 29 сәуірде түнде және таңертең тұман түседі.
Ақмола облысында күндіз батыстан, солтүстік-батыстан жел соғады, желдің күші – 15-20 м/с.
Павлодар облысының кей жерінде найзағай ойнап, түнде тұман түседі. Шығыстан соққан жел солтүстік-батысқа ауысады.
Қызылорда облысының кей жерлерінде найзағай ойнайды. Солтүстіктен, солтүстік-шығыстан жел соғады, таңертең және күндіз күші кей жерде 15-20 м/с болады.
Қостанай облысы мен Қостанай қаласында кей жерде найзағай болып, тұман түседі. Батыстан, солтүстік-батыстан жел соғады, күші кей жерлерде 15-20 м/с болады деп болжанды.
29-30 сәуірде Қарағанды облысының кей жерінде найзағай болады, күндіз 30 сәуірде бұршақ жаууы мүмкін. Оңтүстік-батыстан соққан жел солтүстік-батысқа ауысады, секундына 15-20 метр жылдамдықпен жел соғады.
Сонымен қатар 29 сәуірде күндіз Түркістан облысының кей жерінде шаңды дауыл болады. Оңтүстік-батыстан соғатын жел солтүстік-батысқа ауысады, кей жерде секундына 15-20 метр жылдамдықпен жел соғады.

Қызылордада найзағай ойнап, күшті жел соғады

<a href="https://kyzylorda-news.kz/">Kyzylorda-news.kz</a>. Бүгін ҚР Тұңғыш Президенті – Елбасы, ҚХА Төрағасы Нұрсұлтан Назарбаевтың төрағалығымен, ҚР Президенті Қасым-Жомарт Тоқаевтың қатысуымен Қазақстан халқы Ассамблеясының XXIX сессиясы өтті. Сессияның күн тәртібіндегі мәселе: «Бірліктің, татулық пен келісімнің 30 жылы». Жиынға Сыр елінен онлайн режим арқылы облыс әкімі – облыстық ҚХА төрағасы Гүлшара Әбдіқалықова, облыс әкімінің орынбасары – облыстық ҚХА төрағасының орынбасары Серік Ахмет, облыстық Ассамблеяның мүшелері және өңірдегі бірқатар этномәдени бірлестіктің жетекшілері қатысты.
Сессияны ашқан Елбасы Ассамблеяның алдына қоғамдық келісім мен ұлттық бірлікті одан әрі нығайту бойынша нақты міндеттер қойды.
Ассамблея сессиясы барысында Үндеу қабылданды, онда «30 жыл бұрын Тәуелсіздікке алғаш қол жеткізгеннен бастап халқымыз, Қазақстанның Тұңғыш Президенті – Елбасы Нұрсұлтан Әбішұлы Назарбаевтың кемел басшылығымен, қоғамдық келісім мен жалпыұлттық бірлікті – ел дамуының басты ұстанымы ретінде таңдады. Бұл қағидат – табысты да ауқымды әлеуметтік-экономикалық реформалардың, саяси жүйені үздіксіз демократияландырудың, ұлттың әлеуметтік капиталын дамытудың мызғымас іргетасына айналды», – деп көрсетілген.
Сессия барысында Елбасы Нұрсұлтан Әбішұлы Назарбаев Қазақстан халқы Ассамблеясының төрағасы лауазымын еліміздің Президенті Қасым-Жомарт Кемелұлы Тоқаевқа тапсырды.
<blockquote>
 «Қазақстан Республикасының Тұңғыш Президенті – Елбасы туралы» Конституциялық заңға, Ассамблея туралы заңға сәйкес маған Қазақстан халқы Ассамблеясының төрағасы лауазымын өмір бойы атқару құқығы берілген. Жалпы, мен сіздермен барлық уақытта бірге боламын әрі одан бас та тартпаймын. Дегенмен, Ассамблеяны басқаруға қатысты бірқатар құзірет еліміздің Президентіне жүктелген. Қазақстан халқы Ассамблеясы тірек ретінде іс басындағы Президенттің жанында тұруы тиіс және екінші жағынан Мемлекет басшысы да Ассамблеяға арқа сүйейді. Сондықтан мен Ассамблеяны басқару құқығымды Президент Қасым-Жомарт Тоқаевқа беру туралы шешім қабылдадым,- деді Елбасы.
</blockquote>
Мемлекет басшысы Қасым-Жомарт Тоқаев Елбасы Нұрсұлтан Әбішұлы Назарбаевқа Ассамблеяның Құрметті Төрағасы болу туралы ұсынысын жеткізді.
Сессиясы біткеннен кейін аймақ басшысы – облыстық ҚХА төрағасы Гүлшара Әбдіқалықова облыстық ассамблея мүшелері мен өңірдегі этномәдени бірлестіктердің өкілдеріне алға қойған міндеттер бірлесіп орындалатынын айтты.
<blockquote>
 «Жаңа ғана өткен Қазақстан халқы Ассамблеясының ХХІХ сессиясында, Елбасы Нұрсұлтан Әбішұлы Назарбаев пен Мемлекет басшысы, Қазақстан халқы Ассамблеясының Төрағасы Қасым-Жомарт Кемелұлы Тоқаев алдымызға бірқатар жаңа міндеттер қойды. Алдағы уақытта сол міндеттерді жүзеге асыру мақсатында облыстық ассамблеяның XХІIІ сессиясын өткізуді жоспарлаймыз. Баршаңызды 1 мамыр – Қазақстан халқының бірлігі күні мерекесімен құттықтаймын! Тәуелсіздігіміз тұғырлы, еліміз еңселі болғай!», – деді Гүлшара Әбдіқалықова.
</blockquote>
<img src="https://kyzylorda-news.kz/wp-content/uploads/2021/04/179517530_3320644948038551_1662329775644334040_n.jpg" alt="" />
Айта кетейік, өңірде 11 этномәдени бірлестік жұмыс жасайды. Жалпы аймақта 35 этнос өкілдері тұрады.

Қазақстан халқы Ассамблеясының XXIX сессиясы өтті

<a href="https://kyzylorda-news.kz/">Kyzylorda-news.kz</a>. Бүгін облыс әкімі Гүлшара Әбдіқалықованың төрағалығымен кеңейтілген жиын өтті. Отырысқа әкім орынбасарлары, салалық басқарма басшылары мен онлайн селекторлық режимде қала, аудан әкімдері қатысты.
Кеңейтілген жиында екі мәселе қаралды. Алғашқысы жылу маусымын қорытындылау және алдағы міндеттерді айқындау бағытына арналды. Облыстық энергетика және тұрғын үй коммуналдық шаруашылық басқармасының басшысы Руслан Нұрмағанбетов аймақтағы жылу беру маусымы кезеңіндегі атқарылған негізгі жұмыстарды баяндады.
Жыл ішінде облыстағы 1185 әлеуметтік нысан мен орталық жылуға қосылған 784 қөпқабатты тұрғын үй жылумен қамтылды. Бұл ретте әлеуметтік нысандарға қажетті 40 мың тонна көмір, 26 мың тонна дизельдік отын қоры мерзімінде жасақталып, тұрғындарға қажетті 164 мың тонна көмір отыны толық жеткізілген.
Руслан Нұрмағанбетов электр энергияларынан болатын ақаулардың мәселелері, тұрғын үйлерге жылу, су, электр есептеуіш құрылғыларды орнату бойынша нақты жағдайды тізбектеді. Сондай-ақ, алдағы жылу беру кезеңінде іске асырылатын жұмыстарға тоқталды. Алдағы жылу маусымында 5 шақырым жылу, 1447 шақырым электр, 2 шақырым су және кәріз, 2307 шақырым газ желілері жөнделеді. Мұнан бөлек, Қызылорда жылу электр орталығы мен 13 қазандық жөндеуден өтпек.
Отырыста аймақ басшысы бірқатар жылу-энергия кәсіпорындары басшыларына негізгі проблемалық мәселелерді айқындап алуды, нақты механизмге сай жұмыс жасау қажеттігін қаперге салды.
Жылу, энергетика бағытындағы жұмыстарды саралаған облыс әкімі сала басшыларына бірқатар тапсырмалар берді. Атап айтқанда, 2020-2021 жылғы жылу беру маусымында жіберілген кемшіліктерге талдау жасап, алдағы жылу беру маусымына дайындық жұмыстарының кестесін әзірлеп, тиісті шараларды ағымдағы жылдың 1 қазанына дейін толық аяқтауды, әлеуметтік нысан қазандықтарын қолданыстағы нормаларға сәйкестендіру жұмыстарын жүргізуді тапсырды. Сондай-ақ, әлеуметтік нысандар бойынша қажетті отын қорын жасақтауды, коммуналдық төлемдерді жинақтау, мекемелер арасындағы берешек қарыздарды болдырмау мақсатында тиісті жұмыстардың жүргізілуін бақылауға алуды жүктеді. Тізбектелген тапсырмалардың орындалуын бақылауға алуды орынбасары Серік Сүлейменовке тапсырды.
Жиында қаралған екінші мәселе – мүгедектігі бар адамдардың құқықтарын қамтамасыз ету және өмір сүру сапасын жақсарту. Оның ішінде мүгедектігі бар адамдарға облыс аумағындағы нысандарды бейімдеу мәселесі қаралды. Бұл бағытта облыстық жұмыспен қамту және әлеуметтік бағдарламалар басқармасының басшысы Гаухар Қалмақова негізгі басымдықтарға тоқталды.
Жалпы облыста 30 мыңнан астам мүгедектігі бар адамдар бар. Биылдан бастап мүгедектігі бар адамдар техникалық оңалту құралдары мен қызметтерін толығымен Әлеуметтік қызметтер порталы арқылы алуда. Облыста жеке оңалту бағдарламасы әзірленген 11061 мүгедектігі бар адамдардың 9013-і электронды цифрлық қолтаңбамен қамтамасыз етілген. Нәтижесінде, әлеуметтік қызметтер порталына жіберілген жеке оңалту бағдарламаларының орындалуы 65%-ды құрап, республика бойынша өңір 3-ші орынға шықты.
Жиында облыс аумағындағы нысандарды бейімдеу жұмыстарының барысы талқыланды. Өңірде ерекше қажеттілігі бар адамдар үшін бейімдеу және әлеуметтік инфрақұрылым обьектілерін жақсарту жұмыстары жүргізілуде. Бұл бағытта 2021-2025 жылдарды көздейтін әкімдік пен Еңбек министрлігімен 1294 инфрақұрылым объектілерін бейімдеуден өткізу жоспары бекітілген. Оның ішінде биылғы жылға жоспарланған 258 объектінің 243-і мемлекеттік мекеме, қалғаны жеке сектордың үлесінде.
Нысандардың қолжетімділігі мониторинг жүргізу бойынша Қызылорда қаласы мен аудан әкімдіктері жанынан жұмысшы топтар құрылған. Нәтижесіне қарай бейімдеуге қажетті қаржы көлемі нақтыланатын болады. 
Кеңейтілген жиынды қорытындылаған облыс әкімі сала басшысына жұмысты үйлестіру бағытында бірқатар тапсырмалар берді.
<blockquote>
 «Облыс аумағындағы нысандарды бейімдеу жұмыстары бойынша Қазалы, Қармақшы, Жалағаш, Сырдария, Жаңақорған аудандары мен Қызылорда қаласы әкімдеріне жыл аяғына дейін жоспарланған объектілердің бейімделуіне қажетті қаржы көлемін нақтылап, тартылатын қаржы көздерін шешуді тапсырамын. Бұл жұмыстарды үйлестіруді орынбасарым Балжан Шәменоваға жүктеймін»,-деді Гүлшара Әбдіқалықова.
</blockquote>

Гүлшара Әбдіқалықова әлеуметтік бағыттағы мәселелер бойынша кеңейтілген жиын өткізді

<a href="https://kyzylorda-news.kz/">Kyzylorda-news.kz</a>. Полиция қызметкерлерінің міндеті – мызғымас тәртіпті орнықтырып, ел арасындағы тыныштықты ретке келтіру, бір сөзбен айтқанда қоғам игілігіне қызмет ету. Осы жауапкершілік жүгін арқалап, күн-түн демей еңбек етіп жүрген тәртіп сақшыларының қызметіне шынайы баға беріліп келеді. Сондай абырой биігінен көрінген қызметкердің бірі&nbsp; Жандос Жұмабаев.
Жандос Сандыбайұлы өзінің кәсіби біліктілігімен, іскерлігімен жергiлiктi тұрғындардың құрметiне бөленген қарапайым тәртіп сақшысы. Білімі мен тәжірибесі толысқан маман. Қызмет бабында көптеген қылмыстарды ашып, күдіктілерді құрықтаған. Міне, осы еңбекқорлығын ел жоғары бағалайды.
<blockquote>
 «Негізгі жұмысымыз қылмыспен күрес және қылмтың алдын алу. Осы мақсатта көптеген жұмыстарды атқарып келеміз. Атап айтар болсам, біраз уақыт бұрын Жаңақорған ауданы, Жайылма ауылындағы мал ұрлығын аштық. Ұрықойшы ауылынан 98 бас қойды қолды қылған. Жедел іздестіру іс-шараларының нәтижесінде күдікті анықталды. Одан бөлек, 2020 жылы бірнеше үйден 17 бас сиыр ұрлаған қылмыскерлерді де құрықтадық», – дейді ол.&nbsp;&nbsp;
</blockquote>
Полиция қызметкеріне шикі шешім қабылдап, асығыстыққа жол беруге болмайды. Себебі, шынайы қылмыскердің шым-шытырық шырғалаң іздері өте ұқыптылық пен тапқырлықты талап етеді. Сондай-ақ, полиция қызметкері болу қашанда жинақылықты, жедел қимылдауды және тәуліктің кез келген уақытында оқиға орнынан табылуды талап етеді. Олардың қырағы қимылдарының арқасында ғана қылмыс саны азайып, қылмыстардың ашылу көрсеткіші жоғарылайды.&nbsp;
Жандос та бұл қызметті бала күнінен армандаған. Полиция болып достарымен қылмыскерлерді ұстау ойындарын ойнап өскен. Уақыт өте келе арманы шындыққа айналды. 2002 жылы Шымкент қаласында жоғары білім алып, біліктілігін арттырды. Мамандықтың қыр-сырын жетік меңгерді. Ал еңбек жолын 2012 жылыҚызылорда облысы Шиелі ауданында учаскелік полиция инспекторыболып бастайды. Қазір Жаңақорған&nbsp; ауданында &nbsp;аға жедел уәкіл, полиция майоры.&nbsp;&nbsp;
<blockquote>
 «Жаңақорған – халық көп қоныстанған ауданның бірі. Шекаралық аймақ. Тоғыз жолдың торабы. Сондықтан мұнда қылмыс саны да, түрі де көп. Біз уақыт талғамай қызмет етеміз және бұл мен үшін үлкен абырой»&nbsp; – дейді майор.
</blockquote>
Қызмет бабындағы қырағылығымен танылып, абырой биігінен көрініп жүрген полиция майоры басшылық тарапынан көптеген “Алғыс хаттар” мен марапаттарға ие болған. Халықтың алғысына бөленген кездері де аз емес.
Жалпы Жандос бос уақытан спортқа арнайды. Спорт залға барып жастарды түрлі спорттық тәсілдерге бейімдейді. Адал қызметімен танылған абзал азамат отбасында да үлгілі әке.

Жандос Жұмабаев: Халықтың мүддесіне қызмет етеміз

<a href="https://kyzylorda-news.kz/">Kyzylorda-news.kz</a>. 2020 жылдың қорытындысы бойынша COVID-19 және вирустық пневмониямен күреспен айналысатын аймақтың 15 536 медицина қызметкеріне қаржылық қолдау көрсетілді. Өткен жылда бұл мақсаттарға &nbsp;&nbsp;&nbsp;&nbsp;&nbsp;&nbsp;3 млрд. теңгеден астам сомма бағытталды. Бұл туралы Әлеуметтік медициналық сақтандыру қорының Қызылорда облысы бойынша филиалының директоры Бақыт Исмаханбетов мәлімдеді.
&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp; 2020 жылдың наурыз айынан 2021 жылдың наурыз айына дейін ынталандыру төлемдері бөлінді:
&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp; наурызда – 476 медицина қызметкеріне 63 291,2 мың теңге сомасында;
&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp; сәуірде – 1 921 медицина қызметкері, 319&nbsp;305,9 мың теңге;
&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp; мамырда – 1 784 медицина қызметкері, 317&nbsp;273,2 мың теңге;
&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp; маусымда – 1 906 медицина қызметкері, 419&nbsp;430,9 мың теңге;
&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp; шілдеде – 3 452 медицина қызметкері, 947&nbsp;557,1 мың теңге;
&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp; тамызда – 2 453 медицина қызметкері, 407&nbsp;345,1 мың теңге;
&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp; қыркуйекте – 839 медицина қызметкері, 96&nbsp;410,1 мың теңге;
&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp; қазанда – 896 медицина қызметкері, 124 207,2 мың теңге;
&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp; қарашада – 825 медицина қызметкері, 138 734,5 мың теңге;
&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp; желтоқсанда – 984 медицина қызметкері, 169 430,7 мың теңге;
&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp; 2021 жылғы қаңтар айында – 1 062 медицина қызметкеріне 152 767,9 мың теңге;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;
&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp; ақпанда – 1 287 медицина қызметкеріне 169&nbsp;840,6 мың теңге сомасында;
&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp; наурыз айында – 1&nbsp;185 медицина қызметкеріне 201&nbsp;892,3 мың теңге сомасында:
Естеріңізге сала кетейік, көтермелеу сомасы еңбек жағдайларының қауіптілік дәрежесіне байланысты және сәйкесінше 20, 10 және 5 ЕТЖ құрайды.

Коронавируспен күрес: Қызылордалық медицина қызметкерлеріне үстемеақы төленді

<a href="https://kyzylorda-news.kz/">Kyzylorda-news.kz</a>. Қазақстан президенті Қасым-Жомарт Тоқаев елдегі тұрақтылық пен тыныштықты бұзуға үндейтін адамдар қатаң жауапкершілікке тартылатынын мәлімдеді, деп хабарлайды&nbsp;<a href="https://sputnik.kz/">Sputnik Қазақстан</a>.
<blockquote>
 “Біз елдегі тұрақтылықты мақтаныш етеміз. Шынымен де, тұрақсыздық бұл – қақтығыс, қантөгіс, жүздеген мың адамның қайғысы. Сол себепті біз елдегі тұрақтылық пен тәртіпті бұзуға шақыратын жауапсыз адамдарды, заңға және халықаралық міндеттемелерге сәйкес, қатаң жауапқа тартамыз”, – деп ескертті Тоқаев ҚХА-ның 29-шы сессиясында.
</blockquote>
Айта кетсек, бүгін астанада тұңғыш президент, ҚХА төрағасы Нұрсұлтан Назарбаевтың төрағалығымен Қазақстан халқы Ассамблеясының XXIX сессиясы өтті. Кезекті сессиясының күн тақырыбы “Бірліктің, татулық пен келісімнің 30 жылы” деп аталды.
Жиын барысында Нұрсұлтан Назарбаев Қазақстан халқы Ассамблеясының төрағасы қызметінен кететінін мәлімдеді. Елбасы ҚХА төрағалығын президент Қасым-Жомарт Тоқаевқа тапсырды.
Сессия соңында Тоқаев Назарбаевқа ҚХА-ның құрметті төрағасы болуды ұсынды.

Қасым-Жомарт Тоқаев: Ел тыныштығын бұзатындарды қатаң жауапқа тартамыз

**[Kyzylorda-news.kz](https://kyzylorda-news.kz/).** **Қазақстанда алдағы күндері күн суытып, жаңбыр жауады. “Қазгидромет” синоптиктері 29 сәуір мен 1 мамыр аралығына ауа райы болжамын ұсынды.** Болжамға сәйкес, атмосфералық фронтальды бөліктердің өтуімен республиканың кей бөлігінде жауын-шашын болады, жел күшейеді. Елдің орталығында, шығысында және оңтүстік-шығысында қатты жаңбыр, найзағай күтіледі, бұршақ жаууы мүмкін. &gt; “Сондай-ақ, Скандинавия аудандарынан антициклонның келуімен Қазақстан аумағында ауа температурасы төмендейді. Солтүстік жартысында түнде 3 градусқа дейін үсік жүреді, күндіз 10-15 градусқа дейін, оңтүстік жартысында түнде 7-15 градусқа дейін, күндіз 18-28 градусқа дейін жылы болады”, – делінген хабарламада.

Алдағы күндері ауа райы қандай болады?

<a href="https://kyzylorda-news.kz/">Kyzylorda-news.kz</a>.&nbsp; Бүгін Қазақстан халқы Ассамблеясының ХІХ сессиясында ҚР Тұңғыш Президенті – Елбасы Нұрсұлтан Назарбаев ҚХА төрағасы лауазымынан бас тартты, деп хабарлайды <a href="https://lenta.inform.kz/kz/nursultan-nazarbaev-kha-toragasy-lauazymyn-kasym-zhomart-tokaevka-tapsyrdy_a3782091">ҚазАқпарат</a>.
Сессияны қорытындылай келе Елбасы ҚХА төрағасы лауазымын елдің іс басындағы Президенті атқаруы тиістігін атап өтті.
<blockquote>
 «Қазақстан Республикасының Тұңғыш Президенті – Елбасы туралы» Конституциялық заңға, Ассамблея туралы заңға сәйкес маған Қазақстан халқы Ассамблеясының төрағасы лауазымын өмір бойы атқару құқығы берілген. Жалпы, мен сіздермен барлық уақытта бірге боламын әрі одан бас та тартпаймын. Дегенмен, Ассамблеяны басқаруға қатысты бірқатар құзірет еліміздің Президентіне жүктелген. Тіпті, бұл да маңызды емес. Қазақстан халқы Ассамблеясы тірек ретінде іс басындағы Президенттің жанында тұруы тиіс және екінші жағынан Мемлекет басшысы да Ассамблеяға арқа сүйейді. Сондықтан мен Ассамблеяны басқару құқығымды Президент Қасым-Жомарт Тоқаевқа беру туралы шешім қабылдадым», – деді Нұрсұлтан Назарбаев.
</blockquote>

Нұрсұлтан Назарбаев ҚХА Төрағасы лауазымын Қасым-Жомарт Тоқаевқа тапсырды

<a href="https://kyzylorda-news.kz/">Kyzylorda-news.kz</a>. 2021 жылдың 1 тоқсанында Қызылорда облысы бойынша медициналық ұйымдарына 30,64 млрд. теңге төленді. Бұл қаржыландыруды Әлеуметтік медициналық сақтандыру қоры мемлекеттік тапсырыс шеңберінде тегін медициналық қызметтер үшін және міндетті әлеуметтік медициналық сақтандыру пакеті шеңберінде жүзеге асырады. «Әлеуметтік медициналық сақтандыру қоры» КЕАҚ Қызылорда облысы бойынша филиалының директоры Бақыт Исмаханбетов мәлімдеді.
30,64 млрд теңгенің 18,95 млрд теңгесі тегін медициналық көмектің кепілдік көлеміне берілген, 11,69 млрд теңгесі МӘМС аясындағы қызметтерге бөлінген.
2021 жылға Әлеуметтік медициналық сақтандыру қорының филиалымен 59 медициналық қызмет көрсетушілермен келісім – шарт жасалды, оның ішінде – 29 мемлекеттік медициналық ұйым, 30 – жеке меншік.
Барлығы 65,82 млрд теңгеге шарттар жасалды, оның ішінде 42,81 млрд теңге (65,04%) тегін медициналық көмектің кепілдік берілген көлемі шеңберінде, 23,01 млрд теңге (34,96%) МӘМС қаржысы құрайды.

Қазақстан және Қызылорда облысының жаңалықтары