<a href="https://kyzylorda-news.kz/">Kyzylorda-news.kz</a>. Биыл облыстағы шаруалар 188,2 мың гектар жерге ауыл шаруашылығы дақылдарын егуде.
Бұл өткен жылмен салыстырғанда 4 мың гектарға артық. Бірақ күріштің көлемі 5 мың гектарға азайтылып, суды аз қажет етітін дақыл көлемі көбейтілді.
<blockquote>
 “Өңірде егіншіліктің негізгі бағыты күріш шаруашылығы болып есептеледі. Бұл ең алдымен облыстың табиғи-климаттық ерекшелігіне байланысты. Дегенмен, соңғы жылдардағы су тапшылығына байланысты күріштің көлемі 2020 жылмен салыстырғанда 5,1 мың гектарға азайды. Мақсат суды үнемдеу арқылы ауыл шаруашылығын әртараптандыру. Биыл 96,6 мың гектар жерге дәндi дақылдар, 66,4 мың гектарға мал азықтық дақылдар, 18,5 мың гектарға картоп, көкөнiс, бақша өнімдері, 6,7 мың гектар жерге майлы дақылдар орналастырылады”, – деді ауыл шаруашылығы басқармасының басшысы Шахмардан Қойшыбаев.
</blockquote>
Шардара су қоймасынан секундына 250 текше метр, Көксарайдан 300 текше метр төменге тасталуда. Облысқа барлығы шамамен секундына 500 текше метр су келуде. Жалпы облыс аумағында 7 су қоймасы бар. Сыйымдылығы 37,9 миллион текше метрді құрайды. Оларға дариядан су алынбайды. Көктем кезінде қардың, жауын-шашынның суы жиналып, егістікке пайдалынады.
<blockquote>
 “Суармалы жерлерді қалпына келтіру бойынша 3 жоба жүзеге асырылуда. Яғни, осы арқылы егістікке пайдаланатын судың көлемі қысқарады. Тайпақкөл, Қандыарал көлдер жүйесіне су жинап, деңгейін ұстап тұру жоспарланған. Ол экологиялық жағдайдың жақсаруына септігі тиеді. Көлдерге 200 миллион текше метр су жинап, 800 гектар суармалы жерлерді, 20 гектар көлдерді, 1 мың гектар шабындықтар мен жайылымдықтарды сумен қамтамасыз етуді жоспарлап отырмыз”, – деді облыстық табиғи ресурстар мен табиғат пайдалануды реттеу басқармасының басшысы Бауыржан Шаменов.
</blockquote>

Қызылордада суды аз қажет ететін дақылдарға басымдық берілуде

<a href="https://kyzylorda-news.kz/">Kyzylorda-news.kz</a>. Қызылорда облысы ҚАЖ департаментіне қарасты ЗК-169/5 мекемесінің теолог маманы М.Жәмиевтің ұйымдастыруымен мекемеде іс-шара өтті.
Шара барысында сотталған азаматтарға «Дін мәселелерін зерттеу орталығы» КММ-нің директоры, облыстық ақпараттық түсіндірме тобының мүшесі Б.Камалов исламтанушы, діни қайраткер Серікбай Ораздың «Ұлы дала төсіндегі Ислам» атты кітабынан дәріс оқыды.
Оған қоса, Қызылорда облысының Дін істері басқармасы тарапынан сотталған азаматтарға Рамазан айының құрметіне құрма, су және жейде сыйға таратылды.
Кездесу соңында Б.Камалов сотталған азаматтарға алдағы уақытта да осындай іс-шаралар жалғасын табатынын айта келе, «Менің Отаным – менің отбасым» тақырыбында шығарма сайысын өткізуді ұсынып, сотталғандарға шығарманың шарттарын түсіндіріп өтті.
Өз кезегінде бас бостандығынан айырылғандар шығарма сайысына қатысатынын айтып, ризашылықтарын білдірді. Сонымен қатар өздерін елеп-ескергені үшін мекеме басшылығына және Дін істері басқармасына алғыстарын айтты.
<img src="https://kyzylorda-news.kz/wp-content/uploads/2021/05/img-20210512-wa0026.jpg" alt="" />

Қызылордада сотталғандарға теолог мамандар дәріс оқыды

<a href="https://kyzylorda-news.kz/">Kyzylorda-news.kz.</a> Қазақстанда өткен тәулікте 2 791 адам коронавирус індетінен емделіп шықты, деп хабарлайды coronavirus2020.kz.
Аймақтар бойынша:
Нұр-Сұлтан қаласы – 388,
Алматы қаласы – 906,
Шымкент қаласы – 88,
Ақмола облысы – 62,
Ақтөбе облысы – 16,
Алматы облысы – 288,
Атырау облысы – 116,
Шығыс Қазақстан облысы – 76,
Жамбыл облысы – 61,
Батыс Қазақстан облысы – 102,
Қарағанды облысы – 380,
Қостанай облысы – 35,
Қызылорда облысы – 67,
Маңғыстау облысы – 62,
Павлодар облысы – 85,
Солтүстік Қазақстан облысы – 22,
Түркістан облысы – 37.
Қазақстан бойынша жазылғандар саны – 307 464.

Қызылордада 67 адам коронавирустан жазылды

<a href="https://kyzylorda-news.kz/">Kyzylorda-news.kz</a>. Қызылорда облысы Қазалы ауданындағы жалғыз жылыжай қолдауға зәру.
Әйтеке би кенті мен айналадағы ауылдарға және Байқоңыр қаласына қияр мен қызанақ жеткізіп жүрген жергілікті кәсіпкер былтырдан бері егіс алқабын ұлғайта алмай келеді. Көмірмен жылытылатын кешен жүйесін көгілдір отынға ауыстыру жағы да қиынға соғып тұр. Тұзды топырақты терең өңдеп, сапалы көкөніс өсіретін егінші мемлекеттік субсидиядан құр қалып отыр. Жалпы облыстағы 27 жылыжай шаруашылығы осындай мәселемен бетпе-бет келіп отыр.
Бұған дейін мал шаруашылығымен айналысқан Шалғымбек Наурызбаев шағын несие ұйымдарынан қарыз алып өткен жылы 8 сотық жерге қияр мен қызанақ егуді бастайды. Жылыжай технологиясын жетік меңгермегесін алғашқы егістен өнім шықпай, көкөніс алқабы түгелдей солып қалады. Содан Түркістан облысының бағбандарынан кеңес алып, көп ұзатпай қайта егеді. Жылыжай іші жайқалып, мол өнім жинап, егістік аумағын тағы 10 сотыққа ұлғайтты. Қазір 40 күндік қияр мен 60 күндік қызанақ пісіп тұр.
<blockquote>
 “Еккенімізге 2 ай болды, көшет кезінен алып, 5 буынға дейін өсірдік. Жалпылама негізі 12 буынға дейін өсу керек. Қысқа дайындау үшін 5 буыннан тоқтатып, өнімін алып, базарға таратып жатырмыз. Халыққа келісі 400 тг көтерме бағасымен. Көшет кезінен жылы ұстап, мол сумен қамтамасыз ету керек. Өсе келе төменгі көнерген жапырақтарын алып тастап, астынан таза ауа жіберіп тұру керек”, – дейді жылыжай жұмысшысы Ғалия Наурызбаева.
</blockquote>
Қазалылық кәсіпкер алдыңғы жылдары асыл тұқымды мал басын көбейткені үшін берілуі тиіс субсидияны әлі ала алмай жүр. Ал жылыжай кешені бойынша мемлекеттік қолдауға құжат тапсырса, тиісті мекеме мамандары егіс көлемі 1 гектарды құрау керек депті. Агронесиелеу құрылымдары өтінімдерді ұзақ қарайды. Сол себепті мөлшерлік үстемақысы көп болса да шағын қаржы ұйымдарына баруға мәжбүрміз дейді кәсіпкер.
<blockquote>
 “1 гектарға жеткізу үшін жылыжайға 100-200 миллион тг ақша кетеді. Ондай қаражат бізде жоқ біріншіден. Ондай қаражат табу қиын болып тұр. Қазір 18 сотықты 30-ға дейін ұлғайтсақ деп жатырмыз. Жәймендеп қосып 1 га дейін жететін шығарыз енді. Күшіміздің, қолымыздың жеткені осы. Өзіміздің ойымыз шамалы субсидия бөлініп, Үкімет тарапынан шамалы көмек болса деп ойлаймыз”, – дейді кәсіпкер Шалғымбек Наурызбаев.
 “Басым дақылдарға деген қолдау 2015 жылға қозғалып келсе, соңғы 4 жылдың ішінде инвест субсидия берілсін деп өндірген өнімге емес жіберген шығынға беру болып ауыл шаруашылығы министрлігінің арнайы қағидасымен бекітілген. Жалпы жіберілген шығынның 25%-і өтейді мемлекет. Ал енді мал азығы деген мәселе бар. Көптеген шаруашылықтардың наразылығы болды. Қазіргі уақытта министрлік сол қағидаға өзгерту жасап, өткен жылдың қарызын биыл өтеу деген мәселе күні бүгінге дейін созылып келе жатыр. Осы мамыр айының ішінде шешеміз деген хабарды естіп отырмыз”, – дейді облыстық ауыл шаруашылығы басқармасы басшысының орынбасары Қайратбек Сәрсенбаев.
</blockquote>
Бағбан енді құлпынай мен лимон өсіруді ойластырып жүр. Жергілікті әкімдік ұстата салар қаржымыз жоқ, бірақ егіс көлемін ұлғайтар жер бөлуге даярмыз депті. Қазір кәсіпкер топырақ өңдеп, тамшылатып суару жүйесін орнатып, жылыжай соғатын ақша іздеп шарқ ұрып жүр.
<a href="https://24.kz/kz/zha-aly-tar/o-am/item/473410-yzylorda-oblysy-zhal-yz-zhylyzhaj-oldau-a-z-ru">Хабар 24</a>

Қазалы ауданындағы жалғыз жылыжай қолдауға зәру

<a href="https://kyzylorda-news.kz/">Kyzylorda-news.kz</a>. Мемлекет басшысы «Қазақстан Республикасының кейбір заңнамалық актілеріне жер қатынастары мәселелері бойынша өзгерістер мен толықтырулар енгізу туралы» Қазақстан Республикасының Заңына қол қойды. Бұл туралы Ақорданың баспасөз қызметі хабарлады.
2016 жылғы 6 мамырда ҚР Президентінің Жарлығымен ауыл шаруашылығы жерлерін шетелдіктерге, азаматтығы жоқ адамдарға, шетелдік компанияларға, сондай-ақ шетелдік үлесі бар қазақстандық компанияларға жалға беруге, сондай-ақ Қазақстан Республикасының азаматтары мен заңды тұлғаларына жеке меншікке беруге мораторий енгізілді.
Мораторий мерзімі 2021 жылдың 31 желтоқсанында аяқталатынын ескере отырып, Қазақстан Республикасының Президенті Қасым-Жомарт Кемелұлы Тоқаев 25 ақпанда Ұлттық қоғамдық сенім кеңесінің бесінші отырысында шетелдіктерге және шетелдік заңды тұлғаларға ауыл шаруашылығы жерлерін сатуға, жалға беруге заңнама жүзінде біржола тыйым салуды тапсырды. Президент 12 наурызда осындай заң жобасын Парламентке жібергенін мәлімдеді.
7 сәуірде Мәжілістің жалпы отырысында «Қазақстан Республикасының кейбір заңнамалық актілеріне жер қатынастары мәселелері бойынша өзгерістер мен толықтыру енгізу туралы» заң жобасы бірінші оқылымда мақұлданды.
14 сәуірде жерді шетелдіктерге беруге біржола тыйым салуды көздейтін заң жобасын Мәжіліс Сенатқа жолдады.
29 сәуір күні Сенат «Қазақстан Республикасының кейбір заңнамалық актілеріне жер қатынастары мәселелері бойынша өзгерістер мен толықтырулар енгізу туралы» заң жобасын Мәжіліске қайтарған еді.
Мәжіліс жерді шетелдіктерге сатпау туралы құжатқа Сенат енгізген өзгерістермен келісті.
Аталған заң бойынша ауыл шаруашылығы жерлерін шетелдіктерге, азаматтығы жоқ адамдарға, шетелдік заңды тұлғаларға, шетелдік қатысуы бар Қазақстан Республикасының заңды тұлғаларына, халықаралық ұйымдарға, халықаралық қатысуы бар ғылыми орталықтарға, сондай-ақ, қандастарға жеке меншікке және жалға беруге тыйым салынады.
Осылайша ауыл шаруашылығы жерлерін пайдалану құқығы тек қана Қазақстан азаматтарына және шетелдік қатысуы жоқ заңды тұлғаларға беріледі.

ҚР Президенті жерді шетелдіктерге жеке меншікке және жалға беруге тыйым салатын заңға қол қойды

Kyzylorda-news.kz. Жалағаш ауданында биыл 36 750 гектарға егiс орналастыру жоспарланды.
Оның ішінде негізгі дақыл күріш 20400 га, күздік бидай 90 га, жаздық бидай 600 га, жүгері 72 га, жаздық арпа 30 га, мақсары 2098 га, жаңа жоңышқа 3960 га, ескі жоңышқа 6 800 га, картоп 500 га, көкөнiс 1000 га, бақша 1200 гектар.
Жоспарланған 600 га жаздық бидай, 2200 га мақсары, 3960 га жаңа жоңышқа дақылдары уақытылы агротехникалық талаптарға сәйкес орналастырылып, 90 га күздік бидай, 6800 га ескі жоңышқа күтімге алынды.
Сонымен қатар, бүгінгі күнге межелген 500 га картоптың 178 га (35,6%), 1000 га көкөністің 521 га (52,1%), 1200 га бақшаның 567 га (47,3%) орналастырылды.
Ауданда ағымдағы жылы тәжірибелік мақсатта 112 га жүгері, 30 га арпа дақылы орналастырылды. Бұл дақылдардан жоғары өнім алынған жағдайда алдағы уақытта көлемі арттырылатын болады. Әртараптандыру бағытында атқарылатын жұмыстар су тапшылығын алдын алуға өз септігін тигізеді.
Қазіргі таңда орналастырылатын 20 400 га күріш дақылының 10 469 гектарына (51,3%) тұқым себіліп, 8 852 гектары (43,4%) суға бастырылды.

Жалағашта 36 750 гектарға егiс орналастыру жоспарланды

<a href="https://kyzylorda-news.kz/">Kyzylorda-news.kz.</a> Мемлекет басшысы Қасым-Жомарт Тоқаев қазақстандықтарды Ораза айт мерекесімен құттықтады, деп хабарлайды Ақорданың баспасөз қызметі.
<blockquote>
 «Ардақты ағайын!
 Баршаңызды Ораза айт мерекесімен шын жүректен құттықтаймын!
 Рухани тазару мен жаңаруға жол ашатын осы қасиетті мейрам күллі мұсылман қауымы үшін айрықша маңызды.
 Рамазан айына жалғасқан бұл жарқын мереке қастерлі дініміздегі мейірім мен шапағат, жанашырлық пен қамқорлық сияқты асыл құндылықтарды дәріптейді.
 Ораза айт әр адамның жүрегіне иман нұрын сеуіп, ізгілікке үндейді, жұртты жақсылыққа жетелеп, қоғамды игі істерге жұмылдырады. Сол арқылы халқымыздың береке-бірлігін нығайтып, ырыс-ынтымағын арттырады.
 Баршамыз айттан айтқа аман-есен жете берейік!
 Сіздерге зор денсаулық, бақ-береке тілеймін! Әр шаңырақ шуаққа бөленіп, қуанышқа кенелсін! Ораза айт құтты болсын!», делінген құттықтауда.
</blockquote>

Қасым-Жомарт Тоқаев: Ораза айт әр адамның жүрегіне иман нұрын сеуіп, ізгілікке үндейді

<a href="https://kyzylorda-news.kz/">Kyzylorda-news.kz</a>. Жалағаштың тумасы Ерлан Сағымбаев өз жерлестеріне игі іс жасаған азамат.
Жалағаш ауданының құрметті азаматы, аудан орталығындағы Иманқұл мешітінің жаңа ғимаратын салушы Алматы қаласының тұрғыны Ерлан Сағымбаев қасиетті Рамазан айының соңғы күні аудандағы қайырымдалық шарасына қолдау көрсетті. Оо Жалағаш кентіндегі 30 отбасына азық-түлік қоржынын таратты.
Қайда жүрсе де туған топырағын бір сәтке естен шығармай жүрген жерлеске аудан халқы алғыс білдіреді.
<img src="https://kyzylorda-news.kz/wp-content/uploads/2021/05/fb_img_1620876036616.jpg" alt="" />
<img src="https://kyzylorda-news.kz/wp-content/uploads/2021/05/fb_img_1620876072186.jpg" alt="" />

Жалағаштық 30 отбасыға азық-түлік қоржыны таратылды

<a href="https://kyzylorda-news.kz/">Kyzylorda-news.kz.</a> Қазақстан Республикасының Тұңғыш Президенті – Елбасы Нұрсұлтан Назарбаевтың Ораза айт мерекесімен құттықтады, деп хабарлайды elbasy.kz.
«Құрметті отандастар!
Сіздерді Ораза айт мейрамымен шын жүректен құттықтаймын! Ұлық мереке әрбір шаңыраққа шаттық, жақсылық пен молшылық әкелсін.
Ораза айт – бейбітшілік пен бірлікке үндейтін исламның сан ғасырлық қастерлі дәстүрлерінің символы.
Мейірімділік, рухани тазару, ізгі істер жасау – барлық ұлт пен дін өкілдеріне тән қасиет. Қазақстан халқын осы құндылықтар ұйыстырады. Сондықтан да Ораза айт шын мәнісінде барша қазақстандықтарды біріктіретін мереке болып саналады.
Өзара сыйластық пен келісімге негізделген осы игі дәстүрлерді барынша нығайта беруге шақырамын. Ораза Айт мейрамында баршаңызға зор денсаулық пен бақ-береке тілеймін!
Айт қабыл болсын!», – деді Елбасы.

Нұрсұлтан Назарбаев қазақстандықтарды Ораза айт мерекесімен құттықтады

<a href="https://kyzylorda-news.kz/">Kyzylorda-news.kz.</a> Қазақстанда өткен тәулікте 2 283 адам коронавирус жұқтырғаны анықталды, деп хабарлайды coronavirus2020.kz.
Аймақтар бойынша:
Нұр-Сұлтан қаласы – 389,
Алматы қаласы – 597,
Шымкент қаласы – 82,
Ақмола облысы – 104,
Ақтөбе облысы – 87,
Алматы облысы – 216,
Атырау облысы – 75,
Шығыс Қазақстан облысы – 87,
Жамбыл облысы – 37,
Батыс Қазақстан облысы – 97,
Қарағанды облысы – 250,
Қостанай облысы – 26,
Қызылорда облысы – 30,
Маңғыстау облысы – 37,
Павлодар облысы – 109,
Солтүстік Қазақстан облысы – 35,
Түркістан облысы – 25.
Жалпы ел бойынша ауырғандар саны 350 591.

Covid-19: Қызылордада тағы 30 адам коронавирус жұқтырды

<a href="https://kyzylorda-news.kz/">Kyzylorda-news.kz.</a> 13 мамырда Қазақстанның батыс, шығыс және солтүстік-шығыс бөліктерінде құбылмалы ауа райы сақталады, жаңбыр жауып, найзағай болады, деп хабарлайды Қазгидромет.
Республиканың қалған аймақтары жоғары атмосфералық қысым алқабында болғандықтан ауа райы көбінесе жауын-шашынсыз болады. Республика бойынша кей жерлерде жел күшейеді, оңтүстік және солтүстікте – тұман, оңтүстік батыста – шаңды дауыл күтіледі, шығыста бұршақ жаууы ықтимал.
Түркістан, Маңғыстау облыстарының кей жерлерінде шаңды дауыл болып, жел 15-20 м/с, Түркістан облысында желдің екпіні 23 м/с күшеюі күтіледі.
Түнде және таңертең Солтүстік Қазақстан облысының кей жерлерінде тұман бақыланып, күндіз желдің күші 15-20, екпіні 23 м/с күшеюі күтіледі.
Жамбыл, Атырау, Павлодар, күндіз Ақмола, Қызылорда, Батыс Қазақстан, Қостанай, Қарағанды, Шығыс Қазақстан облыстарының кей жерлерінде жел 15-20 м/с күшейеді. Жамбыл облысында – тұман болып, күндіз Шығыс Қазақстан облысында бұршақ жаууы ықтимал, Қызылорда облысында шаңды дауыл күтіледі. Қызылорда облысының кей жерлерінде, Алматы облысының жекелеген ауданында өте жоғары өрт қаупі күтіледі.

Бейсенбіге арналған ауа райы болжамы

<a href="https://kyzylorda-news.kz/">Kyzylorda-news.kz</a>. Денсаулық сақтау саласындағы қызмет көрсетудің сапасы көбінесе мейірбикелердің жұмысына байланысты бағаланады. Себебі, емдеу барысында мейірбикелер емделушілермен тығыз байланыста болады. Пациентпен сенімді қарым-қатынас орнату, емделушінің пікірін сыйлау, әрі науқас жайлы жеке ақпараттың құпиялылығы қамтамасыз етілуі тиіс. Облыста осы орта буын медицина қызметкерлерін даярлайтын колледж бар. 9 мамандық бойынша білім береді. Қазір колледжде 334 студент білім алуда.
<blockquote>
 «Қолданбалы бакалавриат бағдарламаны енгізу Жоғары колледж статусын алған 6 колледждің бірі ретінде 2014 жылдың қыркүйегінен Пилоттық жоба түрінде басталды. Алғаш рет, 2014-2015 оқу жылында 3,6 жыл оқу бағдарламасымен 21 студент, 2016-2017 оқу жылынан бастап 1,6 жыл жеделдетілген тәртіптегі оқу бағдарламасымен практикалық денсаулық сақтау саласында 3 жылдан кем емес еңбек өтілі бар мейіргерлер қатарынан 50 студент қабылданды. Біз облыстағы медициналық мекемелерді орта буын мамандармен 40 пайыз қамтуды межелеп отырмыз», – деді Қызылорда медициналық жоғары колледжінің қолданбалы бакалавр бөлімінің жетекшісі Лаззат Байғабылова.
</blockquote>
Жанат Әбдіқұлова Қызылорда медициналық жоғары колледжінің түлегі. Еңбек жолын «Салауатты өмір салтын қалыптастыру орталығынан» бастады. Кейінгі жылдары Қызылорда заң колледжінде, облыстық қан орталығында мейірбике болып жұмыс жасады. Қазір облыстық жұқпалы аурулар ауруханасының бас мейірбикесі болып қызмет етеді. Індетпен күресте аянбай еңбек етіп жүр. Тіпті айлап үйіне қайтпай науқастарға ем-домын жасады.
<blockquote>
 «Жалпы, мейірбике – ол кез келген аурухананың, емдеу орталығының жүрегі десек болады. Науқастың дертінен жазылып кетуі медициналық қызметтің сапасына байланысты. Сол қызметті негізінен мейірбикелер жүзеге асырады. Дәрі-дәрмегінен бөлек, жылы сөзімен, жылы шырайымен емін жасайды. Біздің мамандық мейірімділікті және жүректілікті қажет етеді деп ойлаймын. Індет үдеген уақытта қиналдық. Енді ондай жағдай қайталанбас үшін сақтық шараларын мән берсеңіздер», – дейді облыстық жұқпалы аурулар ауруханасының бас мейірбикесі Жанат Әбдіқұлова.
 «Бала кезімнен мейірбике болып, халыққа қызмет көрсетуді мақсат еткен едім. Жалпы, мейірбикелерге жүктеліп отырған жауапкершілік жүгі өте салмақты. Дәрігердің берген нұсқаулығы мінсіз орындалғанда ғана науқас дертінен сауығып, денсаулығы жақсарады. Ем алушының ауруынан жазылуы 80 пайыз мейірбикенің біліктілігіне байланысты деп ойлаймын. Осыған орай, ұдайы білімді шыңдап, біліктілікті арттырып отыру негізгі рөл атқарады. Өткен жылы коронавирустық пандемияның ушыққан тұсында үй көрмей жұмыс жасадық. Абырой болғанда, көптеген азаматтардың сауығып кетуіне атсалыстық. Сындарлы сәтте мінсіз жұмыс жасаған әріптестеріме ризашылығымды білдіргім келеді. Ең үлкен марапатым «Шапағат» төс белгісі. Бұл төсбелгі ҚР Президентінің жарлығына сәйкес табысталды», – деді облыстық психикалық денсаулық орталығының мейірбикесі Құндызай Баянова.
</blockquote>
<img src="https://kyzylorda-news.kz/wp-content/uploads/2021/05/185930725_1287825808279595_4899114186745758394_n-1.jpg" alt="" />

Қазақстан және Қызылорда облысының жаңалықтары