<a href="https://kyzylorda-news.kz/">Kyzylorda-news.kz</a>. Қызылорда қаласының &nbsp;аумағында жасөспірімдер арасында қылмыстың алдын-алу және қоғамға жат іс-әрекеттер жасауға бейім, қадағалаусыз және қараусыз қалған, түнгі уақытта заңды өкілдерінің еріп жүруінсіз ойын-сауық мекемелерінде және тұрғын үй-жайлардан тыс болуы деректерін анықтау мақсатында жергілікті іс-шара өткізілді.&nbsp;&nbsp;&nbsp;
Жергілікті уақытпен сағат 20:00-ден сағат 01:30-ге дейін жұмыс атқару барысында, ҚПБ ЖПҚб ювеналды полиция бөлімшесінің 31 қызметкері жұмылдырылды.
Барлығы 20 жасөспірім жеткізіліп, оның 16-на әкімшілік хаттама рәсімделді. Кәмелетке толмағандарды бейімдеу орталығына 1 кәмелетке толмаған орналастырылды.
ҚР ӘҚБтК 442-бабы 2-бөлігіне (Кәмелетке толмағандардың заңды өкілдерінің еріп жүруінсіз тұрғынжайдан тыс жерде сағат 23-тен таңғы 6-ға дейін болуы) сәйкес– 16 жасөспірім анықталып олардың заңды өкілдеріне тиісті әкімшілік шара көрілді.
ҚР ӘҚБтК 127-бабы 1-бөлігіне сәйкес (Кәмелетке толмаған адамды тәрбиелеу және (немесе) оған білім беру, оның құқықтары мен мүдделерін қорғау жөніндегі міндеттерді орындамау) – 1;
Сонымен қатар, ағымдағы жылдың 12-14 мамыр аралығында өтіп жатқан «Абайлаңыз–балалар!» жедел-профилактикалық іс-шарасы барысында қалалық демалыс паркі ішінде орналасқан ойын алаңдарының иелерімен және жасөспірімдердің ата-аналарымен профилактикалық жұмыстар жүргізілді.

Қызылордада қараусыз жүрген балалар жауапқа тартылды

<a href="https://kyzylorda-news.kz/">Kyzylorda-news.kz</a>. Қазақстанда өткен тәулікте 2704 адам коронавирус індетінен емделіп шықты.
Аймақтар бойынша:
Нұр-Сұлтан қаласы – 343, 
Алматы қаласы – 786, 
Шымкент қаласы – 9, 
Ақмола облысы – 175, 
Ақтөбе облысы – 87, 
Алматы облысы – 388, 
Атырау облысы – 98, 
Шығыс Қазақстан облысы – 80, 
Жамбыл облысы – 56, 
Батыс Қазақстан облысы – 31, 
Қарағанды облысы – 369, 
Қостанай облысы – 17, 
Қызылорда облысы – 85, 
Маңғыстау облысы – 43, 
Павлодар облысы – 66, 
Солтүстік Қазақстан облысы – 10, 
Түркістан облысы – 61.
Қазақстан бойынша жазылғандар саны – 310 168.

Өткен тәулікте 85 қызылордалық коронавирустан жазылып шықты

<a href="https://kyzylorda-news.kz/">Kyzylorda-news.kz</a>. Қазақстанда өткен тәулікте 2549 адамда коронавирус індеті ПТР арқылы расталды.
Аймақтар бойынша:
Нұр-Сұлтан қаласы – 452, 
Алматы қаласы – 557, 
Шымкент қаласы – 125, 
Ақмола облысы – 130, 
Ақтөбе облысы – 102, 
Алматы облысы – 222, 
Атырау облысы – 75, 
Шығыс Қазақстан облысы – 102, 
Жамбыл облысы – 34, 
Батыс Қазақстан облысы – 123, 
Қарағанды облысы – 348, 
Қостанай облысы – 27, 
Қызылорда облысы – 31, 
Маңғыстау облысы – 46, 
Павлодар облысы – 102, 
Солтүстік Қазақстан облысы – 25, 
Түркістан облысы – 48.
Жалпы ел бойынша ауырғандар саны – 353 140.

Қызылордада 31 адамнан коронавирус анықталды

<a href="https://kyzylorda-news.kz/">Kyzylorda-news.kz</a>. «Қазгидромет» РМК-сы 14-і күнгі ауа райы болжамын жариялады.
Кәсіпорын таратқан мәліметтерге қарағанда, 14-ші мамыр күні солтүстік-батыс антициклоны әсерінен Қазақстан территориясының басым бөлігінде күн жауын-шашынсыз болады.
Тек республиканың солтүстік, шығыс және оңтүстік-шығысында атмосфералық фронталды бөліктердің өтуімен кей жерлерде жаңбыр жауып, найзағай ойнайды. Республиканың кей жерлерінде жел күшейіп, оңтүстікте шаңды дауыл тұрады, солтүстікте – тұман түседі, шығыста бұршақ жаууы ықтимал.
Қызылорда облысының кей жерлерінде түнде, күндіз басым бөлігінде желдің жылдамдығы секундына 15-20 метрге жетеді. Кей жерлерде шаңды дауыл тұрады.

14 мамырға арналған ауа райы болжамы

<a href="https://kyzylorda-news.kz/">Kyzylorda-news.kz</a>. Биыл «Соңғы қоңырау» кешіне тек мектеп бітіруші 11 және 9 сынып оқушылары мен ата-аналары қатысады. Бұл туралы Өңірлік коммуникациялар қызметінде өткен брифингте облыстық білім басқармасының басшысы Ақзира Қасымова мәлімдеді.
«Соңғы қоңырау» салтанатты шарасын өткізудің арнайы ережесі бекітілді. Әр сынып оқушыларының шарасы бөлек жүргізіледі. Егер мектепте 2-3 сынып немесе оданда көп болған жағдайда кезекпен өткізіледі.
<blockquote>
 «Соңғы қоңырау шарасы мектеп ауласында, қарапайым түрде өтеді. Шараны өткізу барысында әлеуметтік ара-қашықтық 1,5-2 метр аралығы сақталады. Оған қоса оқушылардың барлығы медициналық маскамен келуі тиіс», – деді Ақзира Бақтыбайқызы.
</blockquote>
Ал, мектеп бітіруші түлектерге аттестат тапсыру шарасы «Тәуелсіздік ұландары» тақырыбымен жылдағыдай 12 маусым күні өтеді. Шараға түлектердің мектеп формасымен қатысуы талап етіледі. Айта кетейік, оқушылардың мектеп бітіру кешін үйде, жалдамалы үйде, кафе-ресторанда өткізуіне және кортежге шығуына рұқсат етілмейді. Сондай-ақ, педагогтарға сыйлық алуға оқушылар мен ата-аналардан қаржы жинауға қатаң тыйым салынады.

Соңғы қоңырауға тек 11 және 9 сынып оқушылары қатысады

<a href="https://kyzylorda-news.kz/">Kyzylorda-news.kz</a>. Қазақстан Республикасының Президентінің “Байқоңыр” кешеніндегі арнаулы өкілінің қызметін қамтамасыз ету басқармасы” мемлекеттік мекемесінің тапсырысына сәйкес, «Қызылорда облысының жастар Одақтары» қоғамдық бірлестігінің ұйымдастыруымен Байқоңыр қаласында, Төретам және Ақай елді мекендерінде үкіметтік емес ұйымдарды дамытудың ақпараттық-ресурстық орталығы ашылды.
Орталықтың негізгі қызметі:
• ҮЕҰ үшін оқыту семинар-тренингтерін өткізу;
• консультациялық және заң қызметтерін көрсету;
• ҮЕҰ оргтехниканы жән еинтернетті пайдалануға беру;
• ҮЕҰ қызметіне қатысты түрлі мәселелер мен проблемаларды талқылау үшін іс-шаралар мен кездесулер, тақырыптық семинарлар өткізу;
• кездесу алаңын ұсыну;
• мәдени-бұқаралық іс-шаралар, қайырымдылық акцияларын өткізу;
Ақпараттық-ресурстық орталыққа байланысты сұрақтарыңыз және ұсыныстарыңыз болған жағдайда, көрсетілген мекен-жай бойынша ақпарат алуларыңызға болады.
&nbsp;«ҮЕҰ-ды дамытудың ақпараттық-ресурстық орталығының» мекен-жайы: Байқоңыр қаласы, Абай даңғылы №16, 143 кабинет.
Байланыс нөмірі: 8 (771) 201 49 78,
Жауапты маман: Төребек Дайрабаев
Жұмыс уақыты: 09:00-19:00
<img src="https://kyzylorda-news.kz/wp-content/uploads/2021/05/c062e17a-60e7-46bb-816e-589a0a9f6f64.jpg" alt="" />
<img src="https://kyzylorda-news.kz/wp-content/uploads/2021/05/22b39836-8b3d-466d-8e61-18ebe15fa374.jpg" alt="" />

Байқоңыр қаласында ақпараттық-ресурстық орталығы ашылды

<a href="https://kyzylorda-news.kz/">Kyzylorda-news.kz</a>.&nbsp; Бүгін облыс әкімінің орынбасары Серік Сүлейменов Арал ауданында болып, бірқатар құрлыс жұмыстарының жай-күйімен танысты.
Облыс әкімінің орынбасары алдымен Арал қаласындағы жаңадан салынып жатқан № 71 мектеп-интернатының құрылыс жұмыстарымен танысты. Бас мердігер «SCS Инжиниринг» ЖШС 100 орынға арналған интернаты бар 200 орынды №71 мектептің құрылыс жұмыстарын сәуір айында бастаған болатын. Құрылыстың мерзімі 12 айға белгіленген. Қазіргі таңда нысанның «А» және «В» блоктарының және спорт залының іргетасы толықтай құйылып, мектеп асханасының нөлдік жұмыстары жасалуда. Құрылыс жұмыстарының қарқынына куә болған облыс әкімінің орынбасары мердігер мекемеге мектеп-интернат құрылысын уақытында әрі сапалы аяқтауды тапсырды.
Одан әрі Арал қаласында өткен жылы салынған 1 қабатты 4 пәтерлі 10 тұрғын үйге аялдаған С.Сүлейменов жаңа тұрғын үйлерді аралап көрді. Атап өту қажет, мердігер мекемелер «Арал-су-құрлысы» ЖШС мен «Наурыз құрылыс» ЖШС үйлердің құрылысын өткен жылдың мамыр айында бастап, сол жылдың қыркүйек айында толық аяқтаған. Атқарылып жатқан жұмыстардың қарқынын кеңінен баяндап өткен аудан әкімі М.Оразбаев бүгінде жаңа тұрғын үйлерді аудан азаматтарына беру бағытында мәселелер қарастырылып жатқандығын жеткізді.
Мұнан соң аудан орталығындағы қайта жаңғыртудан өткізіліп жатқан Тәжі Палуан көшесіндегі жұмыстарға куә болды. Жақын күндері бастау алған 1,2 шақырымды құрайтын Т.Палуан қайта жаңғырту жұмыстары жергілікті «Арал жолдары» ЖШС арқылы жүзеге асырылуда. Қайта жаңғырту жұмыстары аясында көшенің автожолы асфальтталып, жаяу жүргіншілер жолы мен түнгі жарық шамдары орнатылатын болады. Бас мердігер аталған жобаны биылғы жылдың қараша айына дейін аяқтауды жоспарлап отыр.
Жол салу жұмыстарының басында болған облыс әкімінің орынбасары жауапты мердігер мекемеге жолдың сапалы салынуына баса назар аударуды қатаң тапсырды.
С.Сүлейменовтың ауданға жасаған жұмыс сапары одан әрі аудан әкімдігінің мәжіліс залында сала басшыларының басын қосқан қорытынды жиынға ұласты.
<img src="https://kyzylorda-news.kz/wp-content/uploads/2021/05/186289892_2978489982479368_4370671776987295734_n.jpg" alt="" />
<img src="https://kyzylorda-news.kz/wp-content/uploads/2021/05/185393510_2978489822479384_8923201008337171529_n.jpg" alt="" />
<img src="https://kyzylorda-news.kz/wp-content/uploads/2021/05/186287776_2978489602479406_134167844467289369_n.jpg" alt="" />

Аралда 200 орындық мектеп-интернат салынып жатыр

<a href="https://kyzylorda-news.kz/">Kyzylorda-news.kz</a>. Қызылорда гарнизонының әскери бөлімінде техникалар мен қару жарақтарды жазғы пайдалану кезеңіне ауыстыру бойынша жұмыстар жалғасып жатыр.
Қызылорда гарнизонында 2021 жылдыңоқужоспарына сәйкес техникалар мен қару-жарақты жазғы пайдалану кезеңіне ауыстыру жұмыстарысанитарлық-эпидемиологиялық талаптар мен нормалардың сақталуымен және жеке құрамға қауіпсіздік шараларының ережелері, қызмет көрсетудің тәртібі мен жазғы кезеңде техникаларды пайдаланудың ерекшеліктерін түсіндірумен басталған болатын. Жоспар бойынша әскери қызметшілермен техникалық жұмыстар басталар алдындаәдістемелік-нұсқаулық сабақтар өткізілді.
Аталған ауысым жұмыстарының мақсаты – жазғы оқу кезеңінде жауынгерлік дайындық сабақтарынтоқтатпай орындау үшін қару-жарақ пен әскери техникаларды дайындау болып табылады.
<blockquote>
 «Біз, әскерилер, кез келген ауа-райына дайын болуымыз керек. Қарулы Күштеріміздегі жоспарға сай өтетін кезеңге ауыстыру жұмыстарының маңызы өте зор дер едім. Себебі, жұмыс барысында техникалар толықтай тексеріліп, анықталған ақаулары қалпына келтіріледі. Әскери техникаларды жақсы жағдайда ұстау әрбір әскери қызметшінің міндеті деп білемін»,-дейді әскери бөлім командирінің материалдық-техникалық қамтамасыз ету жөніндегі орынбасары, подполковник Рахымжан Әнуаров.
</blockquote>
Ауа мен отын сүзгілерін, техникалық бұйымдарды, жанар-жағар майлардың қысқы сорттарын жазғы түріне ауыстыру шаралары кезінде негізгі жүктеме механик-жүргізушілер мен механиктердің, осы жұмысқа қатысты барлық командирлердің және техникалық қамтамасыз ету жөніндегі орынбасарлардың иығына түседі.
«Оңтүстік» өңірлік қолбасшылығы әскерлері қолбасшысының басқармасы техникалық қамтамасыз ету басқармасының офицерлері ауысым жұмыстарының нәтижесін тексеру барысында бөлім жеке құрамының осы уақыт аралығында атқарылған техникалар мен қару-жарақты жазғы пайдалану кезеңіне ауыстыру жұмыстарының жоғары әрі сапалы дәрежеде атқарылғанын айта келе,оң бағаларын берді.
<img src="https://kyzylorda-news.kz/wp-content/uploads/2021/05/1-1-scaled.jpg" alt="" />

Рахымжан Әнуаров: Әскери техникалар жазғы кезеңге сақадай сай

<a href="https://kyzylorda-news.kz/">Kyzylorda-news.kz</a>. Сәуір айында ауа райы құбылуының бірнеше рекорды жаңарып, синоптиктердің таңданысын тудырды, деп хабарлайды Қазгидромет.
Бұл айда жоғары температурадағы ауа райы оңтүстік өңірде байқалса, күннің күрт суытуы солтүстік пен орталық және шығыс Қазақстан өңірлерінде қалыптасқан.
<blockquote>
 “Айдың екінші онкүндігінде Қазақстанның батысында күндізгі ауа температурасы +27, +32°С белгісіне жетті. Мысалы, Аққұдық метеостанциясында (Батыс Қазақстан облысы) 10 сәуірде +32,2°С шамасында рекордтық ауа температурасы тіркелді”, – дейді синоптиктер.
</blockquote>
Сондай-ақ, тағы бір жылу толқыны сәуір айының соңына қарай, республиканың оңтүстігі мен орталығында және шығысында ауа температурасы +31, +38°С-қа дейін көтерілген. Қызылорда қаласында 28 сәуірде +38,1°С болды, бұл осы күн үшін рекордтық көрсеткіш ретінде тіркелген.
Қазақстанның солтүстігінде, орталығында және шығысында үшінші онкүндіктің басында тіркелген ең төменгі ауа температурасының рекорды жаңартылды.
<blockquote>
 “Рузаевка метеостанциясында (Солтүстік Қазақстан облысы) 20 сәуірде ауа температурасы -9,9°С болды. Осылайша, алдыңғы рекорды жаңарды”, – делінген ақпаратта.
</blockquote>
Синоптиктердің айтуынша, үшінші онкүндіктің бірінші жартысында апатты гидрометеорологиялық құбылыстар да байқалған. Мысалы, Қазақстанның оңтүстігінде және оңтүстік-шығысында суық антициклонның әсерімен, топырақ бетіндегі температура 1-5 градусқа дейін, ал Алматы облысында 8-15 градусқа төмендеген.
Бір ай ішінде республиканың басым бөлігінде жауын-шашын тапшылығы байқалған.
Солай десек те, 4 сәуірде оңтүстік циклонның ықпалымен Ащысай метеостанциясында (Түркістан облысы) қатты жаңбыр жауып, 8 сағаттан астам уақытта 33,6 мм мөлшерінде жауын-шашын түскен. Ал 21 сәуірде Алматы облысының кей жерлерінде атмосфералық фронттардың әсерінен 20 мм-ге дейін қар жауды.

Сәуірде ауа райының рекорды жаңарды

<a href="https://kyzylorda-news.kz/">Kyzylorda-news.kz</a>. Қызылорда облысының әкімі Гүлшара Әбдіқалықова қызылордалықтарды Ораза айт мерекесімен құттықтады.
«Сіздерді барша мұсылман қауымы үшін ұлық мейрам – Ораза айт мерекесімен шын жүректен құттықтаймын. 
Адамзат баласын адамгершілікке, мейірім мен ізгілікке үндейтін қасиетті Рамазан айының аяқталуын білдіретін Ораза айты – күллі мұсылман үмбеті үшін маңызды мереке. 
Отыз күн ұстаған оразаларыңыз, тілеген дұға-тілектеріңіз қабыл болсын! 
Ораза айт күні мұқтаж жандарға қайырымдылық жасап, қол ұшын созу, жақын-жуығын қуанышқа бөлеу – ең сауапты іс. Бұл игі істер өзара түсіністік пен келісімге бастайды, адамдарды ортақ мақсат-мүддеге жетелейді. 
Әр шаңыраққа амандық, құт-береке тілеймін! 
Еліміз тыныш, халқымыз бейбіт болсын! 
Ораза айт құтты болсын!», – делінген аймақ басшысының әлеуметтік желідегі жазбасында.

Гүлшара Әбдіқалықова: Ораза айты – күллі мұсылман үмбеті үшін маңызды мереке

<a href="https://kyzylorda-news.kz/">Kyzylorda-news.kz</a>. Биыл ұлттық халық санағы өтеді. Қазір «Қазақстанда әркім маңызды!» атты девизі мен логотипі бекітілді. Санақ екі кезең бойынша өткізеледі. Бірінші кезең 1-30 маусым аралығында тұрғын жайлар нақтыланады. Аралау нәтижесі бойынша санақ учаскелеріне бөлінеді. Екінші кезең яғни 1 қыркүйектен – 30 қазан аралығында санақ жұмыстары жүргізіледі.
Облыста санақты өткізу жөніндегі іс-шаралар жоспары бекітілді. Бүгінгі күні санақты жүргізуге қажетті қала, аудан орталықтарының схемалық картографиялық материалдары 4 данадан, ауылдық оқругтерінің карталары 3 данадан қағаз түрінде шығарылып, дайындалды. Санақ жұмыстарына жалпы 1258 адам уақытша жұмысқа тартылады. Оның 159 нұсқаушы-бақылаушылар, 974 сұқбаттаушылар.
<blockquote>
 «Санақтың 1 кезеңін өткізетін 20 нұсқаушы-бақылаушы, 133 сұқбатшыларды алу бойынша департаменттің сайттына хабарландырулар берілді. Өздеріңізге белгілі, биылғы өтетін халық санағы электронды форматта өтуімен ерекшеленеді. Сондықтан да бұл жұмыстарға планшетпен жұмыс жасай алатын адамдар тартылатын болады. Цифрлық технологиялар басқармасының берген мәліметіне сүйенсек, облыс бойынша ЕТС VPN-ге 146 елді мекен қосылған. ЕТС VPN-ге қосылған елді мекендердің арналық өткізу қабілеті, жылдамдығы әлде де пысықталуда. Облыс бойынша орналасқан шетел кәссіпорындардың және тұруға арналған вахталық кенттердің тізімдері де нақтыланды», – деді облыстық статистика департаментінің басшысы Мариям Баекеева.
</blockquote>
Халық санағының қорытындылары жалпы ел бойынша, қалалық және ауылдық жерде және өңірлік бөліністе жынысы мен жасы, неке жағдайы, ұлттық құрамы, азаматтығы, ұстанатын діні, білім деңгейі, тілдерді меңгеруі, үй шаруашылықтарының (және отбасылардың) саны мен көлемі, тұрғын үй жағдайлары және басқа да сапалық және сандық белгілері бойынша халық санының құрылымындағы өзгерістер сияқты халықтың демографиялық және әлеуметтік-экономикалық дамуында өткен 10 жыл ішінде Қазақстан Республикасында болған экономикалық, демографиялық және әлеуметтік өзгерістерді көрсетеді.

Қызылорда: Халық санағында 1258 адам уақытша жұмысқа тартылады

<a href="https://kyzylorda-news.kz/">Kyzylorda-news.kz</a>. Елімізде коронавирустық инфекциямен күресте алдыңғы қатарлы цифрлық шешімдерді қолдану бойынша тиісті шаралар қабылдануда. Карантиндік шектеулер кезеңінде бизнестің жұмысын қамтамасыз ету, сондай-ақ, ауру қаупін азайту мақсатында «Ashyq» қосымшасы әзірленген болатын. Тұрғындар арасында аталған жоба бойынша көптеген сұрақтар туындап жатыр. Жоба бойынша жиі қойылатын сұрақтарға Қызылорда облысы кәсіпкерлер палатасының мамандары жауап берді.
1. Статусты нысанға кірмей қашықтан тексеруге мүмкіндік қарастырылған ба?
Иә, статусты үйден шықпай-ақ <a href="http://ashyq.kz/">сайтынан</a> қашықтан тексеруге болады. Статусты тексеру үшін қосымшаны жүктеп алу қажет. Осы ретте сайтта орналасқан QR бейтарап болады, яғни код ешқандай бизнес нысанына жатпайды. Республика көлемінде орта есеппен тәулігіне 3 мыңнан астам азамат осы сервисті пайдалануда. Күніне қашықтан 80-130 азаматтан «қызыл» статус анықталып жатыр.
2. Қосымшада вакцина алған адамдар қалай анықталады?
Ағымдағы жағдайда вакцина алған адамдар туралы деректер қосымшада көрінбейді. Қазіргі кезде «Ashyq» жобасын вакциналау паспортымен біріктіру бойынша жұмыстар жүргізіліп жатыр. Жүйелерді интеграциялаудан кейін вакцина алған азаматтарға қосымшада «жасыл» статус белгіленеді. Сонымен қатар COVID-19-ке ПТР-тестілеуі (72 сағат) теріс шыққан адамдарда «жасыл» статус болады. «Көк» статус ПТР тестілеуі жоқ және науқас адамдармен байланыста болмаған адамдарға беріледі. Қосымшаның қалған әдістемесі өзгеріссіз қалды.
3. Нысандарға «Ashyq» қосымшасы арқылы ғана кіру азаматтардың еркін қозғалуға қатысты конституциялық құқығын бұзбай ма?
Азаматтардың конституциялық құқығы бұзылмайды, өйткені «Ashyq» жобасын бизнес субъектілері ерікті түрде қосып жатыр. «Ashyq» жобасына қатысушы бизнес иесі келушілер статусын тексеру жауапкершілігін өзіне алады. Бүгінде нысанға кірерде республика бойынша «қызыл» статусты 1236 адам және «сары» статусы бар 541 адам анықталған.
Келушілердің статусын тексеру келушілердің өзіне артықшылық береді, өйткені «Ashyq» жобасын іске қосқан нысанға барған адам айтарлықтай қауіпсіздікте болады. Сондай-ақ, вирусты жұқтырған азаматтарды анықтауға мүмкіндік беретін қосымшаның қосымша функциясы арқылы жобаға қатысушы кәсіпкерлер басқа кәсіпкерлік субъектілерімен салыстырғанда жұмыс кестесін ұзарту тұрғысынан жеңілдіктер ала алады.
4. «Көк» статус деген не, ПТР-тестілеуді мүлде тапсырмаған адамдар қоғамдық орындарға баруға жол ашатын «көк» статустың берілуі қоғам үшін қауіпсіз бе?
«Көк» статус бейтарап белгі, демек мұндай статусы бар адамдар ҚР ДСМ базасында ПТР-тестілеуі оң науқастар қатарында жоқ және науқас адаммен байланыста болмаған. Келуші статусының өзгеруі ҚР ДСМ деректер базасындағы ақпаратқа байланысты.
5. Егер ковидпен бұрын ауырған адамның статусы «жасыл» емес «көк» болып шықса?
«Жасыл» статус келушінің деректер базасында ПТР тестілеуі теріс шыққан азамат ретінде тіркелгенін білдіреді. «Жасыл» статус 72-сағатқа ғана сақталады да, ары қарай «көк» статусқа өзгереді.
6. Азаматтардың жеке деректерінің қауіпсіздігі қалай сақталады (байланыс нөмірлері, ЖСН)?
Қазіргі таңда «Ashyq» жобасы «Электронды үкіметтің» ақпараттық-коммуникациялық инрфақұрылымы операторы болып табылатын &nbsp;«Ұлттық ақпараттық технологиялар» АҚ серверінде қорғалған контурда орналасқан.
7. «Ashyq» жобасын AppStore арқылы жүктеуде техникалық олқылықтардың шығуына қатысты пікір білдірсеңіздер?
AppStore есептік саясатының өзгеруіне байланысты қосымшаны ағымдағы жылдың 5 мамырынан бастап жүктеп алу уақытша тоқтатылды. Өз кезегінде осы күнге дейін мобильді қосымшаны AppStore арқылы жүктеп алған азаматтар қосымшаны қолдана береді, ал жаңа қолданушылар нысандарға бизнес субъектісінде орнатылған «күзетші режимі» арқылы кірген. 5 мамыр күні AppStore-дан қосымша бұғаттан шығып, жүктеуге қолжетімді болды.
8. Қосымшада азаматтардың жүріп-тұруын бақылау мүмкіндігі бар ма?
«Ashyq» мобильді қосымшасы азаматтардың орналасқан жерін бақылауға қатысты функциясы жоқ. Телефон баптауларында әр адам қосымшаның неге рұқсат сұрап жатқанын көре алады.
9. Сынақ режимі деген не? Сынақ режимінде жобаға қатысып жатқандарға жеңілдіктер қарастырылған ба? Қатысушылар мен сынақ-қатысушылар арасында қандай айырмашылық бар? Сынақ кезеңінің ұзақтығы қандай?
Бизнес субъектілері QR-кодын алғаннан бастап алғашқы 7 күн сынақ режимінде жұмыс істеуге құқылы, яғни процестерді реттеп, қызметкерлерді оқытады. Сынақ режимінде жұмыс істеп жатқан ұйымдарға «Ashyq» жобасы аясында қарастырлған барлық жеңілдіктер беріледі.
Тестілеу кезеңінде бақылау топтары қатысушыларға қатыссты ескерту жасай алады, бірақ оларды жобадан шығармайды. Сынақ мерзімі аяқталғаннан кейін, егер мониторинг тобы жобаға қатысу талаптарының бұзылғанын анықтаса, кәсіпкерлік субъектісі 2 аптаға жобадан шығарылуы мүмкін.
10. «Ashyq» жобасын қатысатын және қатыспайтын ШОБ нысандарының жұмыс кестесінде қандай айырмашылық бар?
Қосымшаның індетке шалдыққан адамдарды анықтауға мүмкіндік беретін қосымша функциясы арқылы жобаға қатысушылар басқа бизнес субъектілеріне қарағанда жұмыс кестесі бойынша бірқатар жеңілдікке ие. Мысалға «қызыл» аймақта бильярд, компьютер клубтары, боулинг, караоке, көрмелер жұмысына тыйым салынған. Бірақ, осы салаларда Ashyq жобасымен жұмыс істеп жатқан кәсіпкерлер жекелеген шектеулермен жұмыс істеуге рұқсат алады. &nbsp;Шектеулер және жеңілдіктер тізімі Бас мемлекеттік санитар дәрігердің 2021 жылғы 30 сәуірдегі №18 қаулысымен анықталған.
11. Мемлекеттік органдар Ashyq жобасы арқылы жұмыс істей ме? Оларға қосымшада жұмыс істеу алгоритмдері бизнестен бөлек пе?
Қазіргі кезде мемлекеттік органдардың Ashyq қосымшасымен жұмыс істеуі ерікті ретінде мүмкін, жеңілдктер берілмейді.
12. Мониторинг топтары заңсыз әрекет жасаса, қайда хабарласуға болады?
ҚР Бас прокуратурасында 115 нөмірі бойынша байланыс орталығы жұмыс істейді (қоңырау шалу тегін), осы нөмірге кәсіпкерлер карантиндік шектеулер бойынша тексерулер кезінде мониторинг топтарының заңсыз әрекеттері туралы шағым түсіре алады. Сонымен қатар, бизнесті қорғаудың өңірлік мобильді топтары тәулік бойы жұмыс істейді.
13. «Ashyq» жобасының ерікті қатысушылары кім?
Жобаға ерікті қатысушылар ретінде қызметіне жұмыс істеу рұқсат етілген (Бас санитар дәрігердің №18 қаулысына сәйкес) және карантиндік кезеңге арналған іс-шараларды жүргізудің бекітілген алгоритмдері бар нысандар қосыла алады.
&nbsp;«Ashyq» жобасына ерікті қатысушыларға қатысты жеңілдіктер қарастырылмаған. Жобаға ерікті қатысушылар туралы ақпарат әкімдіктер сайттарына жариялау жоспарланған.
14. Шетелдік азаматтарды қалай белгілеуге болады?
Қазіргі кезде бейрезиденттерді нысанда төлқұжат нөмірін қолмен теру арқылы тіркеуге болады. Шетелдіктер ПТР тапсыруында төлқұжат деректері терілетіндіктен Денсаулық сақтау министрлігінің деректер базасымен салыстыру іске асырылып, келушіге сәйкес статус беріледі.
15. Желі немесе қосымшаның өзінде техникалық ақау орын алса не істеу керек?
Интернет, wi-fi-ға байланысты техникалық ақаулар шыққанда бизнес субъетісі жұмыс істеуін тоқтатпайды. Техникалық кедергілер туындаған кезде нысанға «күзетші режимін» қосып, келушінің деректерін қолмен теруге кеңес береміз.
«Ashyq» – қоғамдық орындарда келушілерді тіркеу қосымшасы. Қоғамдық орынға кіреберісте пайдаланушы арнайы qr-кодты сканерлеп, оны әкімшіге көрсетеді. Код келушінің статусын анықтайды. Келушілерге статус ПТР-зерттеулерінің бірыңғай интеграциялық порталы және ҚР Денсаулық сақтау министрлігі жанындағы covid-19-ті бақылау орталығы ақпараттық жүйелерін салыстыру негізінде тағайындалады.
<blockquote>
 «Қызыл» түс егер адам ПТР-тестін тапсырып, оң нәтиже шықса беріледі. Осы статустың иесіне үйде оқшаулану режимін қатаң ұстану керек.
 «Сары» түс науқас адаммен байланыста болған адамдарға беріледі.&nbsp; Оларға азық-түлік немесе үй жанындағы дәріханаға баруға рұқсат етіледі, бірақ басқа нысандарға баруға тыйым салынады.
 «Көк» түс ПТР-тестілеу тапсыру міндетті орындардан (мысалы, әуежай) басқа барлық жерге бару рұқсат.
 «Жасыл» түс – жүріп-тұруға толығымен рұқсат беріледі.
 Qr-код бизнес субъектілеріне ғана беріледі. Ол субъект атауы, оның орналасқан жері және басқа да сәйкестендіру деректерін көрсетумен электронды идентификаторды білдіреді. 1 нысанға кіреберісте және шыға берісте ең кемі 2 qr-код беріледі. Егер нысанда бірнеше кіріп-шығу жолы болса, онда әр кіреберіске жеке&nbsp;&nbsp; qr-код беріледі.
</blockquote>

Қазақстан және Қызылорда облысының жаңалықтары