<a href="https://kyzylorda-news.kz/">Kyzylorda-news.kz</a>.&nbsp;Аккредиттеу және рейтинг тәуелсіз агенттігі (АРТА) 2021 жылы&nbsp;өткізген ЖОО-ның Ұлттық рейтингісі қорытындысында Қорқыт ата атындағы Қызылорда мемлекеттік университеті ҚР ЖОО Бас рейтингісінің ТОП-20 еніп, 85 жоғары оқу орындары қатысқан рейтингте 7 орынды иеленді. Бұл туралы өңірлік коммуникациялар қызметі орталығында өткен брифингте Қорқыт Ата атындағы Қызылорда университетінің басқарма төрағасы – ректоры Бейбіткүл Кәрімова айтты.
Университет ректоры 2020-2021 оқу жылындағы атқарылған жұмыстар, жеткен жетістігі мен алдағы жоспарлары жайында есеп берді.
Университет ректоры&nbsp; БАҚ өкілдеріне&nbsp; оқу орнының&nbsp; мен таныстырды. Қазақстан Республикасының 2050 жылға дейінгі Даму стратегиясында еліміздің әлемнің дамыған 30 елінің қатарына кіру мақсаты қойылған. Мұнда басты рөл білім мен ғылымға беріледі, себебі бәсекеге қабілетті адами капиталсыз және дамыған ғылыми инновациялық жүйесіз бұл мақсатқа қол жеткізу мүмкін емес. Аймақтағы іргелі білім ордасы – Қорқыт ата атындағы Қызылорда университеті осы бағытта нәтижелі іске бағдарланған стратегиялық жоспарға сәйкес ауқымды жұмыстар атқарып келеді. Тарихы терең университет келер жылы 85 жылдық мерейтойын атап өтетіндігін жеткізді.
Қорқыт Ата атындағы Қызылорда университетінің білім беру қызметі бакалавриат, магистратура, докторантура бағдарламалары бойынша жүзеге асырылады.
<blockquote>
 «Биылғы оқу жылын үлкен жетістікпен аяқтап отырмыз деп айтуға негіз бар. Аккредиттеу және рейтинг тәуелсіз агенттігі (АРТА) 2021 жылы&nbsp;өткізген ЖОО-ның Ұлттық рейтингісі қорытындысында университет ҚР ЖОО Бас рейтингісінің ТОП-20 еніп, 85 жоғары оқу орындары қатысқан рейтингте 7 орынды иеленді. Оның ішінде 12 бағдарламамыз бірінші үштікке еніп отыр. Бұл үлкен жетістік. Бұған дейін соңғы 2 жылда университет 9 орынды иеленіп келген», – дейді ректор.
</blockquote>
Білім беру қызметін 452 оқытушы-профессор құрамы жүзеге асырады. 19 ғылым докторы, 168 ғылым кандидаты, 30 РhD доктор, 179&nbsp; магистр бар. Биылғы оқу жылында жас ғалымдар арасынан 6&nbsp;PhD, 3 қауымдастырылған профессор, 2 ғылым кандидаты, «ЖОО үздік оқытушысы» атағының иегері шықты. Халықаралық және республикалық ғылыми-зерттеу және шығармашылық конкурстарда 40-тан астам студент жүлдегер атанды. 
ҚР БҒМ ҒК&nbsp; гранттық қаржыландыруы негізінде 2020 жылдың қыркүйек айынан бүгінгі күнге дейін, яғни 9 айдың ішінде 11 жоба ұтып алынды. Бұл&nbsp; өткен жылғымен салыстырғанда 20%-ға&nbsp; артық. Жалпы гранттық қаржыландыру сомасы 250 млн теңгені құрайды.
Одан бөлек облыстық бюджеттен бөлінген қаражат негізінде (28,1 млн теңге) 3 жоба бойынша археологиялық қазба жұмыстары жүргізілді.
2020-2021 оқу жылында&nbsp; университеттің 260 білім алушысына жеңілдіктер тағайындадық. Атап айтқанда, көп балалы отбасылардан шыққан 122 студентке оқу ақысына 25%, анасының алтын немесе күміс медалі бар көп балалы отбасылардан шыққан 35 студентке 50%,6 «Алтын белгі» иегеріне 100 пайыз жеңілдік берілді. 
Қазіргі уақытта университеттің материалдық-техникалық базасына 10 оқу ғимараты, ғалымдар үйі мен 4 студенттік жатақхана, Студенттер сарайы, 7 студенттік асхана, жүзу бассейні мен жаттығу залы орналасқан «Сейхун» спорттық-сауықтыру кешені, әскери кафедраның оқу-тақтикалық полигоны, агробиологиялық участок, 6 кітапхана мен оқу залдарынан тұрады.
Құны 11 миллион теңгеден астам сомаға сатып алынған спорттық құрал-жабдықтар университет қызметкерлері мен студенттері, сондай-ақ қызығушылық танытқан&nbsp; сырттан келушілер үшін Фитнес орталығы ашылды. 
“Сейхун” спорттық-сауықтыру кешенінде қызметкерлер, студенттер және жүзуді үйренгісі келетіндерге спорттық секция ашылды.

Бейбіткүл Кәрімова: Биылғы оқу жылын үлкен жетістікпен аяқтап отырмыз

<a href="https://kyzylorda-news.kz/">Kyzylorda-news.kz</a>.&nbsp;Білім және ғылым министрі Асхат Аймағамбетов 1 қыркүйекте балалардың мектепке баруы туралы сұраққа жауап берді, деп хабарлайды&nbsp;<a href="https://stan.kz/">Stan.kz</a>.
<blockquote>
 «Бұл өте өзекті сауал. Мұның барлығы санитарлық-эпидемиологиялық жағдайға, біздің жүріс-тұрысымызға байланысты. Егер халықтың басым бөлігін вакцинациялай алсақ, барлық санитарлық-эпидемиологиялық талаптар мен шектеулерді сақтасақ, онда келесі оқу жылында, қыркүйекте білім беру ұйымдарымыз, ең алдымен әрине мектептер ашылады», – деп жауап берді Аймағамбетов.
</blockquote>
Министр балалар мектепті, достарын, мұғалімдерін қатты сағынғанын атап өтті.
<blockquote>
 «Мұғалімдер де дәстүрлі форматқа тезірек оралғысы келеді. Бірақ бәрі өзімізге, қоғамға байланысты. Мен вакцинация қарқыны келесі жылы мектептердің ашылып, дәстүрлі форматқа оралуымызға әсер етеді деп үміттенемін», – деп түйіндеді БҒМ басшысы.
</blockquote>

Қазақстандық оқушылар 1 қыркүйекте мектепке бара ма?

<a href="https://kyzylorda-news.kz/">Kyzylorda-news.kz</a>. Биыл Қазалы ауданы Жанқожа батыр, Майдакөл елді мекенде сервистік су желісі, Қармақшы ауданы Төретам кентіне су жүйесінің құрылысы, Байқоңыр қаласының кәріз жүйесін жаңарту, Жаңақорғандағы Төменарық, Сунақ ата, Екпінді ауылдарының су жүйесін жаңарту және кеңейту жұмыстары басталады. Бұл туралы Өңірлік коммуникациялар қызметінің ақпарат алаңында облыстық энергетика және тұрғын үй-коммуналдық шаруашылық баскармасы басшысының орынбасары Ерлан Жоламанов мәлімдеді.
<blockquote>
 «Арал ауданындағы Абай, Тоқабай және Ақбасты ауылдарын «Арал-Сарыбұлақ» топтық су құбырына қосу жұмыстарын бастауға республикалық бюджеттен қаржы бөлінді. Жобалардың қаражаты ауқымды болғандықтан құрылысы кезең-кезеңмен іске асады. Жаңақорған ауданының 27 ауылын ауыз сумен толық қамтамасыз ету үшін 2019 жылдың соңында Сырдария топтық су құбыры іске қосылды. Ал Талап топтық су құбырының құрылысы ағымдағы жылы аяқталады деп жоспарлануда», – деді Ерлан Ералыұлы.
</blockquote>
Жалпы облыс халқының 98,9 пайызы орталықтандырылған су жүйесіне қосылған. Негізі аймақта 234 елді мекен бар. Олардың 85 пайызы Арал-Сарыбұлақ, Октябрь, Жиделі топтық су құбырлары және ішкі су тарату жүйесі бар скважиналар арқылы орталықтандырылған су жүйесіне қосылған. Ал 35 ауылдың 10 мыңға жуық тұрғыны скважиналардан, құдықтардан су ішіп отыр.
Қызылорда қаласында 77 ұңғымадан тәулігіне 86 мың текше метр ауыз су өндіріліп, тұтынушыларға таратылуда. Тұрғындарға су Қызылжарма және Қызылорда жер асты су кені арқылы берілуде.
<blockquote>
 «Судың қысымы орталықтағы жүйеде 2,1 атмосфера болса, қаланың шет аймақтарында 1,6 атмосферамен қамтамасыз етілуде. Көп қабатты тұрғын үйлердің жоғарғы қабаттарында ауыз судың қысымы қазіргі таңда бір қалыпты. Ал сапасына күнделікті кәсіпорынның базалық зертхана мамандарымен сараптама жасалынып, қадағаланады. Ауыз су сапасы Қазақстан Республикасында бекітілген стандарттарға, яғни 2874-82 ГОСТ-қа сай келеді», – деді «Қызылорда су жүйесі» МКК басшысы Марат Жамиев.
</blockquote>

Қызылорда: Ауылдарда су жүйелері жаңартылуда

<a href="https://kyzylorda-news.kz/">Kyzylorda-news.kz</a>. Бүгін Түркітілдес мемлекеттер ынтымақтастық кеңесінің Саммиті аясында Түркістан облысы әкімінің қолдауымен, «Түрксой» халықаралық ұйымының ұйытқы болуымен ҚР Тәуелсіздігінің 30 жылдығына орай «Түркістаным-Тұраным» атты симпозиумына қатысушы суретшілердің әлемдік деңгейде жазылған шығармаларынан жасақталған көрменің ашылуы өтті.
Басты мақсат – Түркітілдес халықтар арасындағы ынтымақтастық пен достықты, мәдени байланысты нығайту, түркілік мәдениет пен өнерді ұрпақтан-ұрпаққа жеткізу, түркітілдес мемлекеттердің белгілі суретшілерінің туындыларын насихаттау және бір-бірімен іс-тәжірибе, пікір алмасу. Түркітілдес елдердің рухани астанасы Түркістанды өнер тілімен насихаттау.
Симпозиумге Халықаралық дәрежедегі суретшілер Татарстан республикасы Еңбек сіңірген суретшісі Ильнур Сиразиев, Түрік республикасынан суретші Замира Шахин, Әзірбайжан республикасынан Жалал Агаев, Ресей федерациясынан Геймран Баймуханов, Өзбекстан республикасынан Дилором Мамедова, Бішкектен Қырғызстанның халық суретшісі академик Юристанбек Шигаев, Қазақстан Көркем академиясының толық мүшелері, Қазақстанның Еңбегі сіңген қайраткерлер, академик Ерлан Айтуаров, Өсербай Шоранов, Сейсенхан Маханбетов, Алпысбай Қазығұлов, Мұрат Қалқабаев, Жанұзақ Мүсәпір, Айнабек Оспанов және Қазақстан көркем академиясының академиктері Бақытнұр Бүрдесбеков, Қайыр Оразғалиев, Халықаралық Тұран сыйлығының лауреаты Әділғали Баяндин, Қазақстанның халықаралық дәрежедегі суретшілері өнертанушы – Жеңіс Кәкенұлы, Камила Жапалова, Толқын Табысбек, Динара Нүгер, Құдаш Нұрсадықов, Ерзат Болатхан, Жантөре Байдаулетов, профессор – суретші Жанарбек Берістен, ҚР Мәдениет қайраткерлері Нұрлан Шилібаев, Марат Ғабдрахманов, Аманат Назарқұл, Түркістандық суретшілер Жантөре Байдаулетов, Мұрат Шаханбаев қатысты.
Симпозиумда «Түрксой» Халықаралық ұйымының Бас хатшысы&nbsp;Дүйсен Қасейінов сөз сөйлеп, суретшілерге сертификат тапсырып, мәртебелі дипломдармен марапаттады.
Шарада шетел суретшілері атынан Қырғызстан республикасының Халық суретшісі Юристанбек Шығаев пен Қазақстан суретшілері атынан ҚР Көркем академиясының академигі және вице-президенті Ерлан Айтуаров сөз сөйлеп, көрменің маңыздылығын тілге тиек етті.
Айта кетейік, симпозиумда суретшілер 5 күн аралығында 120-дан астам жоғары дәрежедегі туындыларды жазды.
<img src="https://kyzylorda-news.kz/wp-content/uploads/2021/05/beac8c17-3ddc-4a3f-8030-b4569b65ae1a.jpg" alt="" />

«Түркістаным-Тұраным»: Халықаралық суретшілер көрмесі өтті

<a href="https://kyzylorda-news.kz/">Kyzylorda-news.kz</a>. Бір жылдың ішінде елімізде 1 600 мектепте жылы дәретхана салынды. Бұл туралы халыққа есеп беру кездесуінде ҚР Білім және ғылым министрі Асхат Аймағамбетов айтты, деп хабарлайды <a href="https://www.inform.kz/kz/1-kyrkuyekte-darethanasy-dalada-ornalaskan-mektep-bolmauy-tiis-aymagambetov_a3793752">ҚазАқпарат</a>.
<blockquote>
 «Әрине, жылы дәретханаларға қатысты көп мәселе болды, әлі де қалып отыр. Президент тапсырмасы бар екендігін білесіздер. Осыдан 1 жыл бұрын ған елімізде далада орналасқан 1 700 дәретхана болған еді. Бір жылдың ішінде 1 600 жылы дәретхана салынды. Жергілікті атқарушы органдар үлкен жұмыс жүргізді», – деді Асхат Аймағамбетов.
</blockquote>
Дегенмен, ол әлі де болса 100 мектептің дәретханасына қатысты проблема қалып отырғандығын айтты.
<blockquote>
 «Қазір құрылыс жұмыстары жүргізіліп жатыр. Біз таяу уақытта, ары кеткенде 1 қыркүйекте бұл тапсырман толық шешу тапсырмасын шештік. Таяуда ғана бұл мәселені ҚР Үкімет жанында жұмыс істейтін Балалар құқықтарын қорғау жөніндегі комиссияда қарадық», – деді министр.
</blockquote>

Асхат Аймағамбетов: 1 қыркүйекте дәретханасы далада орналасқан мектеп болмауы тиіс

<a href="https://kyzylorda-news.kz/">Kyzylorda-news.kz</a>. 1 маусым-Балаларды қорғау күніне орай, Қызылорда облысы бойынша ҚАЖ департаментінің бастығы әділет подполковнигі Шаймерден Есенкелдиев облыстық мамандандырылған сәбилер үйіне барды. &nbsp;
Департамент ұжымы қызметтік міндеттерінің қиындығы мен қауырттығына қарамастан,&nbsp;мереке сайын сәбилерге қуаныш сыйлап, түрлі сыйлықтар тарту етіп, осындай&nbsp; ізгі амал жасауды дәстүрге айналдырған.
<blockquote>
 &nbsp;«Жерде бір бала қуанса, көкте мың періште шаттанады»&nbsp; дейді&nbsp; дана халқымыз.&nbsp; Балалар- біздің болашағымыз, сондықтан оларды қолдауымыз керек. Бүгінгі бүлдіршіндер- еліміздің ертеңі мен болашағы. Келер күннің айнасы. Оларды қуанышқа бөлеу – біздің парызымыз. Қызылорда облысы бойынша ҚАЖ департаменті ұжымы дәстүрлі түрде мереке сайын &nbsp;балаларға қуаныш сыйлаймыз. Бүгін де сәбилерімізге ең қажетті ойыншықтар тарту еттік», – деді департамент бастығы Шаймерден Есенкелдиев. &nbsp;
</blockquote>
Бүгінде 100 жылдық тарихы бар облыстық мамандандырылған сәбилер үйінде жетім, ата-анасының қамқорлығынсыз қалған және ақыл-ойының дамуында ақаулықтар кездесетін 1-4 жас аралығындағы&nbsp;60-қа жуық балалар тәрбиеленуде.
Облыстық мамандандырылған сәбилер үйінің қызметкерлері департамент бастығы Шаймерден Тәжіқұлұлына және ұжым қызметкерлеріне алғыстарын білдірді.

Қызылордада ҚАЖ департаменті бастығы сәбилер үйіне барды

<a href="https://kyzylorda-news.kz/">Kyzylorda-news.kz</a>.&nbsp;Екінші деңгейлі тұрғын үй нарығында да баға 12,2%-ке қымбаттаған.
Бұған зейнетақы қорының қаржысын баспана алуға жұмсау мүмкіндігі түрткі болды. Бәсекелестікті қорғау және дамыту агенттігінің төрағасы Серік Жұманғарин келтіргендей, жоғары сұраныс пен тұрғын үй нарығындағы шектеулі ұсыныс осындай жағдайды туындатты. Дегенмен бағаны негізсіз өсіру жағдайлары жіті тексеріліп отыр. Мәселен, жыл басынан бері агенттік құрылысшыларға он бір ескерту жіберген.
Нәтижесінде Шымкент, Қостанай, Өскемен және Қарағандыда жаңадан тұрғызылып жатқан баспананың бағасы төмендетілді. Сонымен бірге тұрғын үйдің шаршы метріне бағаның қалай құрылатыны жайлы ақпар бергісі келмеген 21 компанияның үстінен әкімшілік іс қозғалды.&nbsp;
<blockquote>
 «АрселлорМиттал» компаниясы сияқты бірқатар құрылыс кәсіпорны бізге ақпар беруден бас тартты. Тіпті біздің заңды құқығымызға қарсы шығып, шағымданады. Олар: Алматыдағы BI group, Нұр-Сұлтандағы BI холдинг, «ОрдаИнвест», «НовоСити» және Ақмола облысындағы бірнеше компаниялар. Оларға мәлімет бермегені үшін 10 млн теңгенің айыппұлы салынды. Бұдан былай бұл компаниялар біздің жіті назарымызда болады», – ҚР Бәсекелестікті қорғау және дамыту агенттігінің төрағасы Серік Жұманғарин.
</blockquote>
<a href="https://24.kz/kz/zha-aly-tar/o-am/item/476680-t-r-yn-jdi-sharshy-metrine-ba-a-alaj-rylady">Хабар 24</a>

Тұрғын үйдің шаршы метріне баға қалай құрылады?

<a href="https://kyzylorda-news.kz/">Kyzylorda-news.kz</a>. Қызылорда қаласында түн ішінде жоғалып кеткен 12 жасар бала ауылдағы ата-әжесінің үйінен аман-есен табылды.
Бектураз Сазаков 26 мамырда үйінен белгісіз бағытқа шығып кетіп, қайта оралмаған. Баланың жоғалғаны жөнінде 27 мамыр түнгі 02.00 шамасында полицияға арыз түскен.
<blockquote>
 «Іздестіру жұмыстарына облыстық полиция департаментінің, Қызылорда қалалық Полиция басқармасының жеке құрамы, еріктілер және жергілікті тұрғындар жұмылдырылды. Бұл жөнінде әлеуметтік желілер және бұқаралық ақпарат құралдары арқылы тұрғындар ақпараттандырылды. Полиция қызметкерлері қаланың көп қабатты шатырлары, өжірелері және ауладағы люктары,саяжайлардағы тастанды үйлер, құрылысы бітпеген ғимараттар, жертөлелерді қарап шықты. Сондай-ақ, қаланың барлық аумағында жоғалған баланың фотосуреті көрсетіліп, сұрастыру жұмыстары жүргізілді. Осындай жұмыстардың нәтижесінде жоғалған кәмелетке толмаған бала Жалағаш ауданынан табылды», – деп мәлім етті Қызылорда облыстық полиция басқармасынан.
</blockquote>
Ведомство мәліметінше, ол ауылда тұратын ата-әжесінің үйіне кетіп қалған.
Қазіргі таңда ювеналды полиция қызметкерлері жасөспірімнің үйден кетіп қалу себебін анықтап жатыр.

Қызылордада жоғалған бала Жалағаштан табылды

<a href="https://kyzylorda-news.kz/">Kyzylorda-news.kz</a>. Қазақстан Республикасы Энергетика министрінің 2017 жылғы 23 қазандағы №356 “Электрмен жабдықтаудың үлгілік шарттарын бекіту туралы” бұйрығының 12-тармағына сәйкес сатушы тұтынушыға хабарлама жіберу фактісін растауға мүмкіндік беретін тәсілмен электрэнергиясы үшін төлемегені немесе толық төлемегені үшін электрэнергиясын беруді тоқтата тұрғанға дейін кемінде 30 (отыз) күнтізбелік күн бұрын тұтынушыны хабардар етуге міндетті.
<blockquote>
 «Егер тұтынушының келісім-шартында СМС арқылы хабарлама алу мүмкіндігі болса, онда осы арқылы хабарлама жіберуге міндетті, ал егер келісім-шартта мұндай жағдай көзделмесе, электр жабдықтаушы ұйым ажырату туралы хабарламаны қағаз жеткізгіш арқылы хабардар етуге міндетті. Жарық ескертусіз өшірілген жағдайда, облыс тұрғыны электрмен жабдықтаушы мекемеге қатысты біздің мекемеге арыздана алады. Жыл басынан бері бізге тұрғындардан 4 арыз келіп түсті, бұл дегеніміз тұрғындардың кейбірі бұндай жағдайда не істеу керектігін білмейтіндігін білдіреді, осы себепті біз түсіндіру жұмыстарын жүргізіп жатырмыз», – деп өз сөзінде Атомдық және энергетикалық қадағалау мен бақылау комитетінің Қызылорда облысы бойынша аумақтық департаментінің бас маманы Тілеужан Асқар.
</blockquote>
Тілеужан Асқардың айтуынша, электр қуатынан заңсыз ажырату тұтынушылардың құқығын бұзу болып табылады және 172-баптың 5-бөлігіне сәйкес лауазымды адамдарға, шағын кәсіпкерлік субъектілеріне – 25 мөлшерінде, орта бизнес үшін – 50 мөлшерінде, ірі бизнес үшін – 75 АЕК мөлшерінде айыппұл салынады.
Сондай-ақ, Қазақстан Республикасының«Электр энергетикасы туралы» &nbsp;2004 жылғы 9 шілдедегі № 588 Заңының 19-бабы, 1-бөліміне сәйкес, тұтынушы жасалған шарттардың талаптарына сәйкес энергия өндiрушi, энергия берушi және энергиямен жабдықтаушы ұйымнан электр және жылу энергиясын жеткiзбеуден немесе сапасыз жеткiзуден келтiрiлген нақты нұқсанның орнын толтыруды талап етуге құқылы.
Электр энергетикасы туралы заңнамасына сәйкес мемлекеттік энергетикалық қадағалау және бақылау жөніндегі орган электр энергетикасы саласындағы заңнама талаптарының сақталуын бақылауды жүзеге асырады. Осыған байланысты, құқық бұзушылық фактілері болған жағдайда, ҚР ЭМ Атомдық және энергетикалық қадағалау мен бақылау комитетінің Қызылорда облысы бойынша аумақтық департаментіне мына мекен-жай бойынша Қызылорда қаласы, Қызылжар тұйығы 3, 18 құрылыс, <a href="mailto:kyzylorda.kaenk@energo.gov.kz">kyzylorda.kaenk@energo.gov.kz</a> электрондық поштасына немесе тел. 8(7242) 701484 хабарласуыңызға және кеңес алу бойынша&nbsp; жүгінуіңізге болады.

Электр энергиясы заңсыз ажыратылса қайда хабарласуға болады?

<a href="https://kyzylorda-news.kz/">Kyzylorda-news.kz</a>. Қызылордада облысының аумағында 19 ірі канал, 220 шағын канал, 207 көл орналасқан. Жалпы өңірде 64 жабдықталмаған учаскелер қауіпті болып саналады. Бұл туралы Өңірілік коммуникациялар қызметінің ақпарат алаңында облыстық жұмылдыру дайындығы басқармасының басшысы Медет Усаин мәлімдеді.
<blockquote>
 «Бүгінде 65 ескерту тақтайша орнатылды. Бұл жұмыстар жалғасуда. Қайғылы жағдайдың орын алуының негізгі себебі-қауіпсіздік шараларын сақтамағандықтан. Сонымен қатар, ата-аналардың балаларды қараусыз қалдыруы болып отыр. Біздің тарапымыздан азаматтардың судағы қауіпсіздігін қамтамасыз ету үшін жұмыстар жүргізілуде», – деді Медет Усаин.
</blockquote>
Төтеншеліктер қайғылы жағдайдан құтқаратын 54 сүңгуір маман және техникалық құралдар тексеруден өткізді. Мамандар су айдындарында 144 рейд ұйымдастырып, түсіндірме жұмыстарын жүргізуде. Жалпы облыста суға түсуге рұқсат етілген 2 жағажай бар. Олар «Сыр Самалы» және «Абай» жағажайы.
<blockquote>
 «Жыл басынан бері 14 адам суға кетіп, қайтыс болды. Оның 9-ы кәмелетке толмаған. Сондай-ақ, Қарауылтөбе ауылындағы Байқадам каналында бір бала суға құлап кетіп, қазіргі таңда іздестіру жұмыстары жүргізілуде. Сондықтан, құрметті жерлестер! Қауіпсіздік шараларын сақтап, бір-бірімізге жанашыр болайық», – деді Қызылорда облысы ТЖД бастығының орынбасары Бауыржан Избасаров.
</blockquote>
Облыс әкімі биыл тиісті салаларға бірқатар тапсырма берді. Атап айтсақ, суға шомылатын жерлерді анықтап, комуналдық жағажайлар ашу.
<blockquote>
 «Бүгінде учаскелік және ювеналды полиция қызметкерлері өздеріне бекітілген аймақтарда орналасқан өзен, көл жағаларында адамдардың жаппай суға түсетін, ойнайтын жерлерінде үнемі бақылау жұмыстарын атқаруда. Жазғы демалыс кезінде оқушыларға және ата-аналарға қатаң сақтық шараларын сақтау керектігін жөнінде түсіндірме жұмыстары жүргізілуде. Облыс тұрғындарынан белгіленбеген жерлерде суға түсуге, су жағалауларында ішімдік ішпеуге және балаларыңызды қараусыз қалдырмауларыңызды сұраймыз», – деді Қызылорда облыстық полиция департаменті бастығының бірінші орынбасары Шамшидин Амитов.
</blockquote>

Қызылордада 65 ескерту тақтайша орнатылды

<a href="https://kyzylorda-news.kz/">Kyzylorda-news.kz</a>. Қазақстанда өткен тәулікте 2444 адам коронавирус инфекциясынан жазылып шықты, деп хабарлайды coronavirus2020.kz.
Аймақтар бойынша: 
Нұр-Сұлтан қаласы – 110, 
Алматы қаласы – 532, 
Шымкент қаласы – 174, 
Ақмола облысы – 168, 
Ақтөбе облысы – 71, 
Алматы облысы – 465, 
Атырау облысы – 73, 
Шығыс Қазақстан облысы – 30, 
Жамбыл облысы – 36, 
Батыс Қазақстан облысы – 126, 
Қарағанды облысы – 364, 
Қостанай облысы – 64, 
Қызылорда облысы – 28, 
Маңғыстау облысы – 23, 
Павлодар облысы – 109, 
Солтүстік Қазақстан облысы – 29, 
Түркістан облысы – 42.
Қазақстан бойынша жазылғандар саны – 348428.

28 қызылордалық коронавирустан емделіп шықты

<a href="https://kyzylorda-news.kz/">Kyzylorda-news.kz</a>.&nbsp;Қызылорда облысының әкімі Гүлшара Әбдіқалықова осы сапарында Сырдария ауданындағы «Әйтек» су торабының қайта жаңғырту жұмыстарымен танысты.
Сырдария өзеніндегі «Әйтек» су торабы 2004 жылы «Сырдария өзенінің арнасын реттеу және Арал теңізінің солтүстік бөлігін сақтау» жобасы аясында салынған. Сырдария мен Жалағаш аудандарының аумағында орналасқан жалпы алаңы 16 мың гектар Әйтек, Соркөл және Елтай арналары арқылы күріш егістіктерін сумен қамтамасыз етуге арналған. 2019 жылғы 23 қыркүйекте су торабының төменгі бьеф арнасының 6,23 м тереңдікке шайылу және ұзындығы 16,6 м шпунтты қабырғаның 52 см тереңдікке шөгуі орын алды. Орын алған жағдай бойынша жедел шаралар қабылданып, нысандық төтенше жағдай жарияланды. 2019 жылы төтенше жағдайларды болдырмау және жою үшін облыстық бюджеттен 38 млн теңге және Қазақстан Республикасы Үкіметінің резервінен 50,0 млн теңге қаражат бөлінді.
2020 жылы жобаның жобалау-сметалық құжаттаманы әзірлеуге республикалық бюджеттен 48,0 млн. теңге және 2020-2021 жылдарға арналған Жұмыспен қамтудың жол картасы шеңберінде «Әйтек су торабын қайта жаңғырту» жобасына 700 млн теңге бөлініп, оның ішінде 308,1 млн теңгесі игерілді. Жобаның жалпы құны 826,3 млн теңге.
Қазіргі кезде бетон құю, армосеткалар және армокаркастар құрылыстарын орнату, насос қондырғыларымен суды сорып алу, шпунт свайларын орнату жұмыстары жүргізілуде. Нысанда 41 инженер-техник қызметкерлер және жұмысшылар, 8 дана техника тартылды. Жобаны іске асыруды аяқтау үшін 2021 жылы республикалық бюджетті нақтылау барысында 472,9 млн теңге бөлінді. Бүгінгі күні, жөндеу жұмыстарының 40 пайызы аяқталып, тиісті жұмыстар жалғасуда.
Аймақ басшысы Гүлшара Әбдіқалықова қазіргі су тапшылығы жағдайында су торабын жаңғыртудың аса маңызды екенін айта келе, уақытында сапалы аяқтауды қатаң тапсырды.
<blockquote>
 «Сырдария өзеніндегі судың тапшылығын ескере келе, өңірімізде су арналарын тазарту және үнемдеу шаралары біз үшін аса маңызды. «Әйтек» су торабын жаңғырту жұмысы уақытында әрі сапалы орындалу қажет. Өйткені Сырдария мен Жалағаш аудандарында күріш алқаптары осы нысанға тікелей тәуелді», – деді облыс әкімі Гүлшара Әбдіқалықова.
</blockquote>
Аймақ басшысы осы көтерілген мәселелерге жете мән беріп, күнделікті өз бақылауында ұстайтынын атап өтті.
<img src="https://kyzylorda-news.kz/wp-content/uploads/2021/05/191047578_1297954050600104_345322720851910586_n.jpg" alt="" />
<img src="https://kyzylorda-news.kz/wp-content/uploads/2021/05/191483976_1297954040600105_8916442816797430754_n.jpg" alt="" />

Қазақстан және Қызылорда облысының жаңалықтары