<a href="http://Kyzylorda-news.kz.">Kyzylorda-news.kz.</a> «Қазгидромет» РМК-сы мамырдың 30-ы күнгі ауа райы болжамын жариялады.
Қазақстан территориясының басым бөлігінде атмосфералық фронталды бөліктерді өтіп, кей жерлерде найзағай ойнап, жаңбыр жауады, оңтүстік-шығыста бұршақ жаууы ықтимал.
Республиканың кей жерлерінде желдің күшейіп, солтүстікте және оңтүстік-батыста тұман түседі. .

Жексенбіге арналған ауа райы болжамы

<a href="https://kyzylorda-news.kz/">Kyzylorda-news.kz</a>. Ресейлік диетолог Ольга Кораблева кейбір адамдар үшін құлпынайдың зиян екенін айтты.
Оның айтуынша, құлпынай тамақ аллергиясын тудыруы мүмкін, әсіресе егер адамда асқазан-ішек жолдары проблемасы болса.
“Ауыр жағдайларда анафилактикалық шок алуы да ықтимал”, — деді Кораблева.
Маман балада аллергия болмауы үшін емізетін аналар мен жүкті әйелдерге құлпынай жемеуге кеңес берді. Балаларға да бұл жидекті бермеген дұрыс.
Ольга Кораблева құлпынайдан ауыр гастрит пен асқазан жарасы да пайда болатынын атап өтті. Өйткені, оның құрамында оксал қышқылы бар, деп түсіндіреді Кораблева.
Құлпынайды аш қарынға жеу де зиянды. Себебі, ол өте қышқыл жидек.
Диетолог құлпынайды&nbsp;негізгі тамақтан кейін десерт ретінде жеуді ұсынды.
Stan.kz

Диетолог құлпынайдың зиян екенін айтты

<a href="https://kyzylorda-news.kz/">Kyzylorda-news.kz</a>. Бокстан Біріккен Араб әмірлігінің Дубай қаласында өтіп жатқан Азия чемпионатында ерлер арасында жартылай финал ойындары өтті, деп хабарлайды ҚазАқпарат.
Жарыстың аталған сатысында еліміз атынан 6 былғары қолғап шебері сынға түсетінін&nbsp;<a href="https://lenta.inform.kz/kz/bokstan-aziya-chempionaty-bugin-erler-arasynda-6-kazakstandyk-karsylastarymen-kezdesedi_a3793905">жазған едік.</a>
Жартылай финалда рингке алғашқы болып шыққан&nbsp;Даниял Сәбит&nbsp;(49 келі) филиппиндік Марк Лестер Дюренстің осал тұсын таба алды.
Ал&nbsp;Абылайхан Жүсіпов&nbsp;(69 келі) моңғолиялық Баттөмөр Мишеелттен мықты екенін көрсетті.
Тағы бір қазақстандық боксшы&nbsp;Әбілхан Аманқұл&nbsp;75 келіде ирандық Сейедшахин Мусавиді тізе бүктірді.
91 келіде&nbsp;Василий Левит&nbsp;қырғызстандық Рустам Ырысбек уулмен шаршы алаңда бәсеке көрігін қыздырып, жеңісті жолын жалғастырды.
Ұлттық құрама капитаны&nbsp;Қамшыбек Қоңқабаев&nbsp;(91 келі) ирандық Пуриа Амириден басым түсті.
Ал 52 келіде&nbsp;Сәкен Бибосынов&nbsp;Амит Пангалдан жеңіліп қалды.
Осылайша қазақстандық 5 боксшы финалға жолдама алды.
Еске салсақ, кеше қыздар арасында жартылай финал&nbsp;<a href="https://www.inform.kz/kz/aziya-chempionaty-kyzdardan-7-boksshymyz-finalga-shykty_a3793596">жекпе-жектері өтті.</a>&nbsp;5 боксшы – финалда.
Азия чемпионаты 24 мамырда басталды. Ақтық кездесулер 31 мамырда болады.

Азия чемпионаты: Қамшыбек Қоңқабаев  финалға шықты

Kyzylorda-news.kz. ҚР Қарулы Күштерінің материалдық-техникалық қамтамасыз ету және қаруландыру бөлімінің бастығы полковник Асылбек Сатвалдинов ұсталды, деп хабарлайды ҚазАқпарат.
<blockquote>
 «2021 жылдың 28 мамырында құқық қорғау органдары Қазақстан Қарулы Күштерінің материалдық-техникалық қамтамасыз ету және қаруландыру бөлімінің бастығы полковник Асылбек Сатвалдиновты ұстады. Тергеу мүдделеріне қатысты қалған ақпарат жария етуге жатпайды», – деп жазылған Қорғаныс министрлігінің баспасөз қызметі растаған мәліметте.
</blockquote>

Қорғаныс министрлігінің офицері ұсталды

Kyzylorda-news.kz. Арал ауданының әкімі Серік Сермағамбетов аудан орталығындағы теміржол өткелінің жағдайымен және вакциналау жұмысының барысымен танысты.
Ең алдымен өңірдегі өзекті деген мәселеге назар аударған аудан басшысы көлік кептелісін және басқа да кедергілерді болдырмау үшін тиімді деп табылған аспалы көпір салуға таңдалған орындарға арнайы барды. Көпір құрылысын салуға ыңғайлы деп танылған үш орынмен жекелей танысып өткен аудан әкімі маңызды деген мәселелерге назар аудару керек екендігін жеткізді.
Айта кету керек, қазіргі таңда Арал қаласынан салынатын темір жол арқылы автомобиль көпірі құрылысының техникалық-экономикалық негіздемесі әзірленіп, мемлекеттік сараптамадан өткізілді. Көпір құрылысының жоба сметалық құжаттамасын әзірлеу үшін облыстық бюджеттен қаржы қаралып, бүгінгі күні мемлекеттік сатып алу жұмыстары жүргізілуде.
Одан әрі аудан әкімі А.Байтұрсынов емханасына ат басын бұрып, қауіпті індетке қарсы вакциналау жұмыстарының жай-күйімен танысты. Вакциналау жұмыстарының барысын баяндап өткен Арал ауданаралық ауруханасы бас дәрігерінің орынбасары Лаура Жанысқызы аудандағы денсаулық сақтау мекемелері, ондағы қажетті деген құрал-жабдықтардың қоры мен сала мамандары жайлы толыққанды ақпар беріп өтті.
Атап өтейік, ауданда жыл басынан бері коронавирус инфекциясына шалдыққандар саны 130-ды құрады. Қазіргі таңда провизорлық стационарда 15 адам ем қабылдап жатса, үй карантиніне алынғандар саны 13. Жалпы бүгінге дейін індетке қарсы 5938 тұрғын екпе қабылдаған.
<img src="https://kyzylorda-news.kz/wp-content/uploads/2021/05/fb_img_1622258572999.jpg" alt="" />
<img src="https://kyzylorda-news.kz/wp-content/uploads/2021/05/fb_img_1622258568997.jpg" alt="" />
<img src="https://kyzylorda-news.kz/wp-content/uploads/2021/05/fb_img_1622258583336.jpg" alt="" />
<img src="https://kyzylorda-news.kz/wp-content/uploads/2021/05/fb_img_1622258586507.jpg" alt="" />

Аралдың жаңа әкімі жұмысты неден бастады?

Kyzylorda-news.kz. Несиесі жоқ, қарызы жоқ, уайымы жоқ адамды кездестіру қиындап бара жатқандай. Әсіресе алдыңғы қарызын жабу үшін тағы қарыз алып, бірнеше миллион қарызға бат жан болса, тіпті өмірден түңіліп, адаммен араласудан қалуы мүмкін. Мұның түбі өзіне қол жұмсауға апаруы да ықтимал. Сондықтан адам алдымен миын «қарызымды қалай жабамын» деген мазасыз ойдан арылтып, өз-өзіне келіп алғаны абзал.
Алдымен кімге қанша берешегіңіз бар, сізге кім қанша сома қарыз, барлығын есіңізге түсіріп, қағазға жазып алыңыз. Барлық қарызды қосып, мойныңызда қанша қарыз барын есептеп шығарыңыз. Осылай қағазға түсірген кезде ғана оның қаншалықты көп екеніне немесе сіз ойлағандай адам шошырлық сома емес екеніне көзіңіз жетеді. Осылай бәрін қағазға түсіріп, миды ойша есептеп, шегіне жете алмай жүрген бір міндетінен арылтыңыз.
Ең аз, қазір шамаңыз келетін сомадан бастап қайтаруға кірісіңіз. Бәлкім, біреуден 3 мың, біреуден 5 мың алған шығарсыз. Осындай азын-аулық қарыздан құтылған кезде миға аз ба, көп пе, бәрібір, қолымнан келеді екен, қарыздан құтылуға болады екен деген сигнал барады. Қағаздағы әр қарызды төлеген сайын сызып тастап не белгі қойып отырған кезде жаныңыз жай таба бастайды.
Танысыңыздан қарыз алып, оны біраз уақыт қайтармай, қоңырауына жауап бермей, қашқақтап жүрсеңіз, бұл үш жасар баланың әрекетіне тең екенін еске саламыз. Күндердің күнінде ол адам алдыңыздан шығады. Сонда қашып құтыла алмай қипақтағанша, мәселеге бетпе-бет қарап, қазірден басын ашып алыңыз. Адам сияқты хабарласып, жағдайыңызды түсіндіріп, шамамен қанша ай, қанша жылдан соң қайтара алатыныңызды айтып, келісімге келіңіз. Егер ол кезде де қайтара алмайтын жағдай болса, тағы келісіп мерзімін созуға болады. Бәлкім, сіз қарызын қайтара алмадым деп қиналып жүрген жан әлдеқашан сізден үмітін үзген шығар. Ондайда «кештім, қайтармай-ақ қой» деген жауап алсаңыз да таңданбаңыз. Бір қарыздан құтылдым деп есептеңіз, арқаңыздан бір ауыр жүк түскендей болады. Әрине, орайы келгенде қайтара жатасыз.
Несие алған болсаңыз, банкке өз аяғыңызбен барыңыз. Ол жерде де форма кигені болмаса, қарапайым сіз бен біз сияқты адам отырады. Жағдайыңызды айтып түсіндіріңіз. Бәлкім, төлейтін мерзімін созып, ай сайынғы ақысын азайтуға болатын шығар. Барлық жағдайды қарастырып көріңіз. Әйтеуір жауапкершіліктен қашып, бас сауғалап жүрмегеніңізге көзі жетсін. Бар екеніңізді, несиені қайтарудан бас тартпайтыныңызды білдіріңіз.
Ай сайынғы кіріс пен шығысты ұсақ-түйекке дейін қағазға жазып, саралап көріңіз. Сол нәрсені алмасаңыз болмайтындай не сізді еш бақытқа бөлемейтіндей шығындардан бас тартыңыз. Тізім жазған кезде, тапқан ақшаңыз қайда кетіп жатқаны, не нәрсеге бос ақша құртып жүргеніңіз көз алдыңызда айқын бейне боп шыға келеді. Осыдан қорытынды шығарып, ақшаны мейлінше үнемдеп, алдымен қарыздан құтылуға күш салыңыз. Ай сайын ақша артылатындай жағдай жасауға талпыныңыз, бір бөлігін аз болса да жинауға дағдыланыңыз.
Бұйырған бір күні барлық қарыздан құтылып аламын деп ғажайыпты күтіп жүруді тоқтаңыз. Мәселені тереңінен ойланып, саналы әрекетке көшіңіз. Өзіңізді ешкімнің алдында кінәлі сезінбеңіз. Үнемі қарызды қалай қайтарамын деген ойдың шырмауында жүре беруге болмайды. Барлығын толықтай қағазға түсіріп, миды босатыңыз. Сонда ғана ойыңызға ақшаның көзін табуға болатын жаңа идеялар келе бастайды.
Барлығымен келісіп, банктермен қайта келісімшарт жасасқан соң бойыңыз жеңілдеп қалары сөзсіз. Ары қарай ешқандай қарызы жоқ адам секілді өмір сүріңіз. Әлбетте, енді ешкімнен қарыз алмаймын деп өзіңізге сөз беріңіз.
<a href="https://massaget.kz/jigitterge/syin_sagatta/65231/">Massaget.kz</a>

Қарыздан құтылғыңыз келе ме?

Kyzylorda-news.kz. Қазақстанда өткен тәулікте 2658 адам коронавирус инфекциясынан жазылып шықты, деп хабарлайды coronavirus2020.kz.
Аймақтар бойынша:
Нұр-Сұлтан қаласы – 199,
Алматы қаласы – 521,
Шымкент қаласы – 168,
Ақмола облысы – 174,
Ақтөбе облысы – 104,
Алматы облысы – 464,
Атырау облысы – 25,
Шығыс Қазақстан облысы – 166,
Жамбыл облысы – 27,
Батыс Қазақстан облысы – 39,
Қарағанды облысы – 436,
Қостанай облысы – 72,
Қызылорда облысы – 29,
Маңғыстау облысы – 51,
Павлодар облысы – 132,
Солтүстік Қазақстан облысы – 24,
Түркістан облысы – 27.
Қазақстан бойынша жазылғандар саны – 351086.

Қызылордада коронавирустан жазылғандар бар

Kyzylorda-news.kz. Қазақстанда өткен тәулікте 1688 адамнан коронавирус инфекциясы ПТР арқылы анықталды, деп хабарлайды coronavirus2020.kz.
Аймақтар бойынша:
Нұр-Сұлтан қаласы – 290
Алматы қаласы – 252
Шымкент қаласы – 52
Ақмола облысы – 126
Ақтөбе облысы – 41
Алматы облысы – 102
Атырау облысы – 85
Шығыс Қазақстан облысы – 92
Жамбыл облысы – 28
Батыс Қазақстан облысы – 99
Қарағанды облысы – 260
Қостанай облысы – 43
Қызылорда облысы – 19
Маңғыстау облысы – 36
Павлодар облысы – 96
Солтүстік Қазақстан облысы – 35
Түркістан облысы – 32
Жалпы ел бойынша ауырғандар саны 383595.

Қызылордада бір тәулікте қанша адам коронавирус жұқтырды?

Kyzylorda-news.kz. 29 мамыр күні Қазақстан территориясының басым бөлігінде антициклон әсерінен жауын-шашынсыз ауа райы күтіледі, деп хабарлайды Қазгидромет.
Тек батыста циклонның ықпалымен, ал оңтүстікте атмосфералық фронталды бөліктердің өтуімен кей жерлерде найзағай ойнап, жаңбыр, бұршақ жаууы ықтимал. Республиканың кей жерлерінде жел көтеріледі, оңтүстікте және батыста желмен бірге шаңды дауыл тұрады, батыста және қиыр солтүстікте тұман болжанады.
Маңғыстау облысының кей жерлерінде тұман, шаңды дауыл, күндіз 15-20 м/с екпінде жел күтіледі.
Қызылорда облысының кей жерлерінде шаңды дауыл, 15-20 м/с жылдамдықта жел болжанады.
Жамбыл, Батыс Қазақстан облыстарының кей жерлерінде жел 15-20 м/с күшейеді, бұршақ жаууы ықтимал.
Қарағанды, Шығыс Қазақстан, күндіз Атырау, Қостанай, Ақтөбе облыстарының кей жерлерінде желдің күші 15-20 м/с артады. Солтүстік Қазақстан облысында түнде және таңертең кей жерлерде тұман күтіледі.
Сондай-ақ күндіз Маңғыстау, Қызылорда, Жамбыл, Атырау облыстарының басым бөлігінде, Ақтөбе, Алматы облыстарының кей жерлерінде қатты ыстық болады. Қызылорда, Ақтөбе облыстарының басым бөлігінде, Қарағанды, Павлодар, Шығыс Қазақстан, Алматы, Жамбыл, Атырау, Батыс Қазақстан, Қостанай облыстарының кей жерлерінде өте жоғары өрт қаупі күтіледі.

Ауа райы: Қызылордада қатты ыстық болады

<a href="https://kyzylorda-news.kz/">Kyzylorda-news.kz</a>. Қызылорда облысының әкімі Гүлшара Әбдіқалықова облыстық жиын пункітіне барып, мерзімді әскери қызметке шақырылған азаматтарды салтанатты түрде шығарып салу рәсіміне қатысты.
Биыл ҚР Қорғаныс министрлігінің тапсырысына сәйкес Қызылорда облысынан ҚР Қарулы Күштері және басқа да әскери құрылымдарға 644 азамат жолдануы қажет болатын болса, қазіргі таңда оның 438 әскерге аттанған. Ал, бүгін Қазақстан Республикасының Ұлттық Ұлан Қызметінің Нұр-Сұлтан қаласында орналасқан № 5573 әскери бөліміне Сыр елінен 27 азамат Отан алдындағы борышын өтеуге аттануда.
Салтанатты шара Қазақстан Республикасының Мемлекеттік Гимнімен басталып, одан соң аймақ басшысы Отан қорғаушыларға әскери борышын өтеу қастерлі іс екенін айтты.
<blockquote>
 “Қазіргі уақытта біздің облысымыз азаматтарды әскерге шақыру жұмысын жоғарғы деңгейде ұйымдастырып келеді. Жыл сайын біздің өңірден әскерге мыңға жуық азамат аттанады. Олар өздерін жақсы қырынан көрсетіп, өз міндеттерін жоғары жауапкершілікпен абыройлы өткеруде. Біз тарихта қайсар мінезімізбен, табанды ерлігімізбен танылған халықпыз. Ғасырлар бойы бабаларымыз «Ақ білектің күшімен, ақ найзаның ұшымен» Ұлы Даламызды қорғап, сырттан төнген жауға бір қадам жерді бермей, туған атамекенімізді бүгінгі ұрпаққа аманат етіп қалдырды. Сіздер де батыр аталарымыз секілді бейбіт заманға лайық ерлік көрсетіп, міндеттеріңді абыроймен атқарады деп сенемін, -деді Гүлшара Әбдіқалықова.
</blockquote>
Мұнан соң мерзімді әскери қызметке шақырылған азамат Қуаныш Жалғасұлының анасы Қарлыға Байменова жас сарбаздарға ақ жол тілеп, олардың ата-аналарын ұлдарының Отан қорғаушы атануымен құттықтады.
<blockquote>
 “Мен бүгін ұлымның азамат болып, Отан алдындағы борышын өтеуге бара жатқанына өте қуаныштымын. Өйткені әскерге дені сау, мықты азаматтар аттанады. Әрбір ата-ана өз балаларының қабілетті, еліне адал қызмет еткенін қалайды. Біз бүгін бұл мақсатымызға жеттік деп есептеймін. Аттанғалы тұрған барлық жастарға өз міндеттерін абыроймен орындап, туған жеріне аман-есен оралуына аналық тілеулестігімді білдіремін, – деді Қарлыға Байменова.
</blockquote>
Шарадан соң аймақ басшысы Гүлшара Әбдіқалықова облыстық жиын пунктінің жұмысымен танысты.
<img src="https://kyzylorda-news.kz/wp-content/uploads/2021/05/fb_img_1622201978843.jpg" alt="" />
<img src="https://kyzylorda-news.kz/wp-content/uploads/2021/05/fb_img_1622203099507.jpg" alt="" />
<img src="https://kyzylorda-news.kz/wp-content/uploads/2021/05/fb_img_1622203103276.jpg" alt="" />
<img src="https://kyzylorda-news.kz/wp-content/uploads/2021/05/fb_img_1622203107870.jpg" alt="" />
<img src="https://kyzylorda-news.kz/wp-content/uploads/2021/05/fb_img_1622203110733.jpg" alt="" />
<img src="https://kyzylorda-news.kz/wp-content/uploads/2021/05/fb_img_1622203113089.jpg" alt="" />
<img src="https://kyzylorda-news.kz/wp-content/uploads/2021/05/fb_img_1622203115435.jpg" alt="" />

Қызылордадан 27 азамат Ұлттық Ұланға аттанды

<a href="https://kyzylorda-news.kz/">Kyzylorda-news.kz</a>.&nbsp;Дүниежүзілік денсаулық сақтау ұйымының бас директоры Тедрос Адханом Гебрейесус Қазақстандағы вакциналау қарқынына жоғары баға берді. Бұл туралы ол мемлекет басшысы Қасым-Жомарт Тоқаевпен видео конференция режимінде өткен кездесу барысында мәлімдеді, деп хабарлайды&nbsp;Ақорданың баспасөз қызметі.
Тоқаев Гебрейесустің Дүниежүзілік денсаулық сақтау ассамблеясының ашылуында COVID-19 індетіне қарсы вакциналау жөніндегі жаһандық күш-жігерді күшейтуге шақырған сөзін қолдады.
ДДСҰ басшысының айтуынша, қыркүйекке қарай Жер шарындағы халықтың 10 пайызына екпе егіліп, жыл соңына дейін бұл көрсеткіш 30%-ке жетуі керек.
Президент елімізге пандемия кезінде көрсеткен қолдауы үшін ризашылық білдіріп, Қазақстанда коронавируспен күресу үшін қабылданып жатқан шаралар жөнінде мәлімет берді.
Атап айтқанда, Тоқаев QazVac вакцинасының клиникалық сынақтарының алдын ала нәтижелері туралы айтты. Отандық вакцинаның тиімділік деңгейі 96 пайыз. Қазіргі уақытта салалық органдар отандық вакцинаға келісім алу үшін ДДСҰ-мен жұмыс жүргізіп жатыр.
Тедрос Адханом Гебрейесус Тоқаевтың пандемияға қарсы күрестегі еңбегіне жоғары баға берді.
<blockquote>
 “Бүгінге дейін 2 миллион адамға вакцина салынған екен. Бұл өте жақсы көрсеткіш. Көптеген ел мұндай деңгейге жеткен жоқ. Халықтың 55 пайызына екпе саламыз деген мақсаттарыңыз қолдауға тұрарлық”, – деді ДДСҰ басшысы.
</blockquote>
Сонымен қатар ол QazVac екпесінің әзірлемесін қолдайтынын және Дүниежүзілік денсаулық сақтау ұйымы төтенше жағдай кезінде пайдалануға болатын дәрі-дәрмектердің тізіміне қосу мүмкіндігін қарастыруға дайын екенін айтты.
Тараптар алғашқы медициналық-санитарлық көмек қызметінің даму перспективаларын, атап айтқанда, 2018 жылы қабылданған Астана декларациясын ілгерілету мәселесін қозғады. Осы орайда мемлекет басшысы Қазақстанның бастамасымен әзірленетін Алғашқы медициналық-санитарлық көмек туралы саяси резолюцияны қолдауға шақырды. Құжат 2022 жылы өтетін БҰҰ Бас ассамблеясының кезекті сессиясында қабылдануы мүмкін.
Бұған қоса, Тоқаев Гебрейесусқа “One Health” бағдарламасы аясында дайындалған Орталық Азияның әлеуетін арттыру жөніндегі Қазақстанның пилоттық жобасын ұсынды. Бұл жоба ауру мен биоқауіпсіздікті бақылаудың өңірлік орталығын құруды мақсат етеді.
Тараптар пандемияның сын-қатерлерін еңсеру мақсатында тығыз ынтымақтаса жұмыс істеуді жалғастыруға уағдаласты. Президент Қазақстан ДДСҰ құндылықтары мен мақсаттарын одан әрі ілгерілетуге әзір екенін нақтылады.

ДДСҰ басшысы қазақстандық вакцина туралы мәлімдеме жасады

Қазақстан және Қызылорда облысының жаңалықтары