<a href="https://kyzylorda-news.kz/">Kyzylorda-news.kz</a>. Қызылорда облысында судың жыл сайын азайып келе жатқандығына байланысты ауыл шаруашылығы саласы әртараптандыруды қолға алды.
Тіршілік нәрін аз қажет ететін және үнемдеу мақсатында соңғы технология мүмкіндіктері пайдалануда. Мәселен, тамшылатып суару әдісімен 3 мың гектарға қызанақ өсіру, жаңбырлатқыш жабдықтарды қолдану арқылы 10 мың гектарға жоңышқа және 87 гектарға жүгері өсірілуде.
«РЗА» шаруа қожалығы жаңбырлатқыш құрылғысымен 87 гектар жерге сүрлемдік жүгері егу жобасы қолға алды. Ол үшін алдымен шетелдік жаңбырлатып суару жүйесін орнатты. Спринкерлік жүйе бойынша 2 метр тереңдікке дренажды құбыр жүргізілген. Ол шайылған тұзды суды егістіктен шығарады және жерасты суларының көтерілуіне кедергі болады.
<blockquote>
 «Бір сағатта 1 шаршы метрге 8 литр су кетеді. Бір жағы суды үнемдеу, тұзды жуу үшін 24 сағат суардық. Тыңайтқыш, аммофос, гербицидін төгіп, 400 тоннадай малдың қиын төктік. Соқамен жыртып, тегістеп, тырмалап жүйеге келтіріп, дайындадық. Әр гектарынан 450 центнер өнім алсақ деп отырмыз. Таңертең және кешкілік суарылып, әбден бапталған мал азығы 1200 бас сиыр өсірілетін тауарлы сүт фермасына беріледі», – дейді шаруа қожалығының төрғасы Жеңіс Қарабалаев.
 «Судың тапшылығына байланысты аздап егіс көлемін қысқартып отырмыз. Аудан бойынша биыл 17685 га жалпы ауыл шаруашылығы дақылдарын өсіру жоспарланып отыр. Оның ішінде 6637 га күріш егіледі», – дейді аудандық ауыл шаруашылығы бөлімі басшысының орынбасары Сапарбек Қуатов.
</blockquote>
Тамыздың соңында жүгері орылып алынады. Орнына қара бидай дәні себіледі. Оның өнімі ерте көктемде жиналады. Осылайша, әртараптандыру бағыттары жүзеге асырылмақ.

Қазалыда жаңбырлатып суару әдісімен жүгері егілуде

<a href="https://kyzylorda-news.kz/">Kyzylorda-news.kz</a>. Ұлттық банк қазақстандықтарға қаражат жымқыру мақсатында дербес деректерді алу үшін банк қызметкері ретінде хабарласатын алаяқтар көбейгенін ескертті, деп хабарлайды&nbsp;<a href="https://kaz.tengrinews.kz/">Tengrinews.kz</a>.
Ұлттық банк жеке тұлғалар есепшоттарына қызмет көрсетпейтінін, ақшалай есеп айырысулар мен мәмілелер жасамайтынын айтты.
<blockquote>
 «Ұлттық банктегі есепшоттар тек Ұлттық банк, екінші деңгейдегі банктер және заңды тұлғалар үшін шектеулі операцияны есепке алу үшін ашылуы мүмкін», – делінген хабарламада.
</blockquote>
Банк ақша жіберуді сұрайтын электрон пошталар мен аноним телефон қоңырауларын елемеуге кеңес береді. Белгісіз банк есепшотынан ақша алу мүмкіндігі туралы хабарламалар немесе қоңыраулар көп жағдайда алаяқтық әрекеттерді көрсетеді.
<blockquote>
 «Күдікті хаттар немесе “Ұлттық банктен” ақша жіберу туралы өтінішпен қоңыраулар түскен жағдайда құқық қорғау органдарына жүгіну қажет», – деді банк.
</blockquote>

Ұлттық банк қазақстандықтарға үндеу жасады

<a href="https://kyzylorda-news.kz/">Kyzylorda-news.kz</a>.&nbsp;Жаңақорған ауданына қарасты Қожакент елді мекенінде газ баллоны жарылып, 2 адамды күйік шалды.
Оқыс оқиға 1 маусым күні сағат 20:30 шамасында болған. Үй алдындағы шағын баспананың кіреберісінде 27 литрлік газ баллоны жарылды.
Қызылорда облыстық Төтенше жағдайлар департаменті өрт сөндіру және авариялық құтқару жұмыстары қызметінің мәліметінше, оқыс оқиғадан 55 жастағы әйел адамның денесінің 80 процентін, 6 жасар қыз баланың денесінің 50 процентін күйік шалған. Олар Жаңақорған аудандық ауруханасына жеткізілді. Оқиғаның мән-жайы анықталуда.

Жаңақорғанда газ баллоны жарылып, 2 адамды күйік шалды

<a href="https://kyzylorda-news.kz/">Kyzylorda-news.kz</a>. Қасым-Жомарт Тоқаев мемлекеттік қызмет істері агенттігінің төрағасы Анар Жайылғанованы қабылдады, деп хабарлайды&nbsp;<a href="https://www.akorda.kz/kz/kasym-zhomart-tokaev-memlekettik-kyzmet-isteri-agenttiginin-toragasy-anar-zhayylganovany-kabyldady-155222">Ақорда</a>.
Президентке мемлекеттік қызметті одан әрі дамытуға бағытталған кешенді шаралардың жүзеге асырылуы жайында жан-жақты есеп берілді.
Мемлекет басшысына мемлекеттік қызметшілердің санын қысқартуға, факторлы-баллдық шкала енгізуге қатысты жұмыстардың барысы туралы баяндалды.
Агенттік төрағасының айтуынша, ФБШ-ға көшу жөніндегі пилоттық жобаға жасалған талдау мемлекеттік қызметке деген қызығушылықты арттырып, кадр тұрақтылығына оң динамика берген.
<blockquote>
 “Атап айтқанда, ФБШ енгізілгелі бері бір бос орынға үміткерлер саны орташа есеппен 2,6 есеге өскен. Мемлекет басшысы факторлы-баллдық шкала енгізуге функционалдық талдау жұмыстарын жалғастыру қажет екенін айтты”, – делінген ақпаратта.
</blockquote>
Сонымен қатар Қасым-Жомарт Тоқаевқа мемлекеттік қызмет көрсетудің сапасын бақылау, мемлекеттік қызметшілердің үздіксіз білім алу жүйесі мен келісім-шарт бойынша қызметке алу институтын енгізу жұмыстары туралы ақпарат берілді.
Кездесу барысында кадрлық процестерді цифрландыру мәселесіне ерекше назар аударылды. Осы ретте Анар Жайылғанова цифрлық шешімдерді жүзеге асыру қағаз құжат айналымынан толық арылуға, күнделікті өнбейтін жұмыстарды 53 пайызға азайтуға, құжаттар санын 83 пайызға төмендетуге мүмкіндік беретіні туралы айтылды.
Президент мемлекеттік қызмет жүйесін цифрландыруды одан әрі жалғастыра берудің маңыздылығына тоқталды.
Кездесу соңында мемлекет басшысы агенттік төрағасына бірқатар нақты тапсырма берді.

Президентке мемлекеттік қызметкерлер санын қысқарту мәселесі баяндалды

<a href="https://kyzylorda-news.kz/">Kyzylorda-news.kz</a>. Биылғы жылы Сырдария өзенінің бассейніндегі су тапшылығына байланысты күрделі су жағдайы қалыптасты.
Осыған орай ҚР Экология, геология және табиғи ресурстар министрі Мағзұм Мырзағалиев Душанбе қаласында Тәжікстанның Энергетика және су ресурстары министрі Д. Джумамен кездесіп, тәжік тарапымен «Бахри Точик» су қоймасынан биылғы жылғы маусым-тамыз аралығында 315 млн. м3 суды қосымша ағызу туралы уағдаластыққа қол жеткізді.
Бұл көлем Түркістан және Қызылорда облыстарында вегетациялық кезеңде суармалы су тапшылығын төмендетуге мүмкіндік береді.
<blockquote>
 «Түркістан және Қызылорда облыстарының қажеттіліктері үшін Сырдария өзені бассейніндегі су жағдайының қиындығын ескере отырып, тәжік тарапы Қырғызстан Республикасы Тоқтоғұл су қоймасынан ағызатын су көлемінен басқа, маусымнан тамызға дейін «Бахри Точик» су қоймасынан қосымша 315 млн.м3 су жеткізуге келісті. Қазақстан өз кезегінде Тәжікстанға «Бахри Точик» су қоймасының қосымша жұмыс істеуінің теріс салдары туындаған жағдайда материалдық-техникалық қолдау көрсетеді», – деді Мағзұм Мырзағалиев.
</blockquote>
<img src="https://kyzylorda-news.kz/wp-content/uploads/2021/06/193582971_1301212356940940_8414310789531202868_n.jpg" alt="" />

Тәжікстаннан қосымша 300 млн. м3 су келетін болады

<a href="https://kyzylorda-news.kz/">Kyzylorda-news.kz</a>. Қазақстанда өткен тәулікте 1 617 адам коронавирус індетінен емделіп шықты, деп хабарлайды <a href="https://www.coronavirus2020.kz/kz">coronavirus2020.kz</a>.
Аймақтар бойынша:
Нұр-Сұлтан қаласы – 255, 
Алматы қаласы – 224, 
Шымкент қаласы – 69, 
Ақмола облысы – 80, 
Ақтөбе облысы – 81, 
Алматы облысы – 48, 
Атырау облысы – 17, 
Шығыс Қазақстан облысы – 25, 
Жамбыл облысы – 32, 
Батыс Қазақстан облысы – 118, 
Қарағанды облысы – 441, 
Қостанай облысы – 35, 
Қызылорда облысы – 35, 
Маңғыстау облысы – 32, 
Павлодар облысы – 92, 
Солтүстік Қазақстан облысы – 28, 
Түркістан облысы – 5.
Қазақстан бойынша жазылғандар саны – 359 443.

COVID-19: 35 қызылордалық індеттен жазылып шықты

<a href="https://kyzylorda-news.kz/">Kyzylorda-news.kz</a>. Қазақстандағы коронавирусқа қатысты 1 маусым 23:59-дағы эпидемиологиялық жағдай бойынша ПТР арқылы 1 319 адамда коронавируспен ауырғаны расталды, деп хабарлайды &nbsp;<a href="https://www.coronavirus2020.kz/kz">coronavirus2020.kz</a>.
Аймақтар бойынша:
Нұр-Сұлтан қаласы – 218, 
Алматы қаласы – 208, 
Шымкент қаласы – 46, 
Ақмола облысы – 77, 
Ақтөбе облысы – 20, 
Алматы облысы – 54, 
Атырау облысы – 82, 
Шығыс Қазақстан облысы – 70, 
Жамбыл облысы – 23, 
Батыс Қазақстан облысы – 91, 
Қарағанды облысы – 220, 
Қостанай облысы – 39, 
Қызылорда облысы – 7, 
Маңғыстау облысы – 53, 
Павлодар облысы – 58, 
Солтүстік Қазақстан облысы – 37, 
Түркістан облысы – 16.
Жалпы ел бойынша ауырғандар саны 388 991.

Қызылордада 7 адамнан коронавирус анықталды

<a href="https://kyzylorda-news.kz/">Kyzylorda-news.kz</a>.&nbsp;«Қазгидромет» РМК-сы маусымның 2-сі күнгі ауа райы болжамын жариялады.
Кәсіпорынның болжамына қарағанда, 2 маусым күні Қазақстанның басым бөлігі циклонның ықпалында болады. Осыған қарай кей жерлерде найзағай ойнап, жаңбыр жауады, бұршақ жаууы да ықтимал.
Тек елдің солтүстігінде ғана антициклон жотасының әсерінен күн жауын шашынсыз болаы. Республиканың кей жерлерінде желдің күшеюі, дауыл, оңтүстікте шаңды дауыл күтіледі.
Күндіз Қызылорда облыстарының кей жерлерінде шаңды дауыл, желдің жылдамдығы секундына 15-20 метрге жетеді.

Сәрсенбіге арналған ауа райы болжамы

Kyzylorda-news.kz. Бүгін облыс әкімі Гүлшара Әбдіқалықова «Кальциленген сода шығару зауыты» жобасы бойынша жоба бастамашысы «Арал Сода» ЖШС және «Чайна Гонконг Лунцзи Интернэшнл Груп.Лтд» гонконгтық компаниясының өкілдерімен кездесу өткізді.
Кездесу барысында аймақ басшысы жобаның экономикалық, әлеуметтік және экологиялық мәселелеріне назар аударуды тапсырды. Жоба бастамашысының құрылтайшысы тұз нарығында 90 жылдам астам жұмыс тәжірибесі бар Қазақстандағы ірі кәсіпорындардың бірі – «Аралтұз» АҚ.
Бүгінгі күні елімізге жылына 420-450 мың тонна кальциленген сода өнімі Ресей және Өзбекстан елдерінен импортталады және 43,1 – 46,2 млрд.теңге сыртқа кетеді. Жиында облыс әкімі жобаның экономикалық тиімділігін бірнеше бағыттар бойынша тарқатып берді.
<blockquote>
 “Біріншіден, экономикалық жағынан алғанда зауыттың қуаттылығы жылына 300 мың тоннаны құрайды. Нәтижесінде, ішкі нарықтың 75% қажеттілігін өтейтін импорт алмастырушы және бәсекеге қабілетті ірі өндіріс орны құрылады. Сонымен қатар, 300 мың тонна кальциленген өнімнің қаржылай мәндегі құны 30 млрд теңге сыртқа кетпей, өзіміздің Арал ауданында қалатын болады. Жобаны іске асыру өз кезегінде 100 млрд теңгеден аса инвестиция тартылады. Екіншіден, әлеуметтік жағынан алғанда зауыт 700 жаңа жұмыс орнын және сервистік компанияларда 500-ден аса жұмыс орнын ашуға мүмкіндік береді. Арал өңірінде Аралтұз кәсіпорнынан басқа ірі өндіріс орындары болмауына байланысты жұмыс орындарын құру қажеттілігі Арал өңірі үшін аса маңызды”, – деді Гүлшара Әбдіқалықова.
</blockquote>
Кездесуде облыс әкімі жоба бастамашысына құрылыс кезінде пайдаланылатын материалдардың қазақстандық мазмұнда болуын, кадрлардың жергілікті жерден алынуын тапсырып, салық базасын кеңейтуді тапсырды.
Жиын соңында Гүлшара Әбдіқалықова қазіргі таңда шлам сақтау қоймасына экологиялық оң қорытынды алынғанымен жергілікті халық арасында сұрақтар туындап жатқанын атап өтті. Осыған орай, экологиялық бағытта туындаған сұрақты шешу үшін Өзбекстан Республикасында жұмыс жасап тұрған сода өндіретін зауытқа бастамашыларды апарып, оның қызметімен таныстыру жұмыстарын тездетіп ұйымдастыруды тапсырды.
<img src="https://kyzylorda-news.kz/wp-content/uploads/2021/06/fb_img_1622552526802.jpg" alt="" />
<img src="https://kyzylorda-news.kz/wp-content/uploads/2021/06/fb_img_1622552529252.jpg" alt="" />
<img src="https://kyzylorda-news.kz/wp-content/uploads/2021/06/fb_img_1622552531758.jpg" alt="" />

Гүлшара Әбдіқалықова жоба бастамашыларымен бірге кальциленген сода шығаратын зауыт салу мәселесін талқылады

<h5 id="kyzylordanewskzhttpskyzylordanewskznbspnbsp"><a href="https://kyzylorda-news.kz/">Kyzylorda-news.kz</a>.&nbsp;Үкімет отырысында Премьер-министр&nbsp;Асқар Мамин балалардың құқықтарын қорғау және қауіпсіздігін қамтамасыз етуге қатысты тапсырма берді.</h5>
<blockquote>
 «Өздеріңізге мәлім, бүгін Халықаралық балаларды қорғау күні. Әр баланың балалық шағы бақытты, қамқорлыққа толы болуы керек. Сондықтан 2022 жылы Балалар игілігінің қазақстандық индексін енгізуді қамтамасыз ету қажеттігін қолдаймын. Ол халықаралық талаптарды ескере отырып, барлық өмірлік маңызды салалар, яғни қауіпсіздік, денсаулық, білім, материалдық игілік,&nbsp;балаларды әлеуметтендіруді қамтуы тиіс», – деді ол.
</blockquote>
Үкімет басшысы осы индекстің көмегімен мемлекеттік органдардың балалардың жағдайын жақсарту жөніндегі жұмысының нәтижелілігі қадағалануы керегін айтты.
Сонымен қатар Мамин маңызды мәселелерге тоқталды.
<blockquote>
 «Бірінші – балалардың білім беру ұйымдарында, көшеде, демалыс кезінде қауіпсіздігіне ерекше назар аудару қажет. Мемлекет басшысы тиісті оқу-жаттығу мен түсіндіру жұмыстарын жүргізе отырып, төтенше жағдайларда мұғалімдер мен балалардың іс-әрекеті алгоритмін пысықтауды тапсырғанын білесіздер», – деп атап өтті Премьер-министр.
</blockquote>
Мамин Білім, Ішкі істер, Төтенше жағдайлар, Денсаулық сақтау министрліктеріне, өңірлердің әкімдіктеріне білім беру және мектептен тыс білім беру объектілерінде тиісті қауіпсіздік инфрақұрылымымен қамтамасыз ету бойынша жол картасын 2 апта ішінде әзірлеуді тапсырды.
<blockquote>
 «Бейнебақылау жүйелері мен олардың Полицияның жедел басқару орталықтарымен интеграциялануына, «дабыл түймесінің» болуына және жедел ден қоюға ерекше назар аудару керек. Барлық іс-шаралар оқу жылы басталғанға дейін аяқталуы тиіс. Екінші – балалар денсаулығы. Денсаулық сақтау министрлігіне, әкімдіктерге аурулардың алдын алу және ерте диагностикалау, оңалту, ауруды бала жастан бақылау бойынша шаралар қабылдауды тапсырамын», – деп тапсырма берді ол.
</blockquote>
Мамин тапсырғандай, мектеп медицинасын, ерте дамыту мен скрининг кабинеттерінің, балалар үйлерінің, балалар стационары мен емханалардың материалдық-техникалық базасын дамыту қажет.
<blockquote>
 «Үшінші мәселе – демалыспен және спортпен қамту. Ең алдымен әкімдіктерге спортпен айналысатын балалардың санын арттыру бойынша шаралар қабылдауды және тиісті қаржыландыруды қамтамасыз етуді тапсырамын. Өңірлердің әкімдеріне балалардың қауіпсіздігі, демалысы мен денсаулығы мәселелерін ерекше бақылауға алу қажеттігін тағы да атап өтемін», – деп түйіндеді Мамин Үкіметте.
</blockquote>
<a href="https://baq.kz/news/othernews/bala-kauipsizdigi-mamin-ministrlikter-men-akimderge-tapsyrma-berdi/">Baq.kz</a>

Бала қауіпсіздігі: Мамин министрліктер мен әкімдіктерге тапсырма берді

<a href="https://kyzylorda-news.kz/">Kyzylorda-news.kz</a>. Бүгіннен бастап 12 күн бойы «Бала еңбегін қанауға қарсы 12 күн» Ұлттық ақпараттық науқаны өткізіледі.
Қызылорда облысының полиция департаментінің Жергілікті полиция қызметі, еңбек саласындағы бақылау және білім басқармалары мен үкіметтік емес ұйымдармен бірге «Отбасында зорлық-зомбылық жоқ!», «Түнгі қаладағы балалар», «Жасөспірім», «Көше» атты кең ауқымды рейдтік шаралар өткізілмек. Рейд барысында орталық базар, көлік жуу орындары, қалалық демалыс паркі және компьютерлік клубтарды аралап, бала еңбегін заңсыз пайдалануды болдырмау мақсатында жеке кәсіпкерлерге және балалардың ата-аналарына ақпараттық – түсіндірме жұмыстары жүргізіледі.
<blockquote>
 «Балалар күніне арналған әрбір шара тақырыптық шаралармен айқындалып отыр. 1-12 маусым аралығында ақпараттық, тәрбиелік іс-шараларға ерекше мән беріп отырмыз. Мәселен, «Бақытты балдәурен», «Әлем балалардың көзімен», «Бала – заңмен қорғалған тұлға», «Еңбектен бос балалық шақ», «Балалар еңбегін пайдалануға жол жоқ!», «Біз бала еңбегіне қарсымыз» тақырыптарында облыстық музейде экскурсия, лекция, дөңгелек үстелдер ұйымдастырылады», – деді облыстық білім басқармасының басшысы Ақзира Қасымова.
 «Қазіргі кезде суға түсу маусымының басталғанына орай, жауапты сала мамандарымен суға шомылады деген жерлерде түсіндірме жұмыстары жүргізілуде. Сондай-ақ, жазғы лагерлерде балалардың қауіпсіздігін сақтау мақсатында қала, ауданда полиция қызметкерлері белгіленіп, қауіпсіздік шаралары жүргізіледі», – деді Қызылорда облысы Полиция департаменті ЖПҚБ Ювеналды полиция тобының аға инспекторы полиция майоры Раушан Әбдіразақова.
</blockquote>
Егер ата-ана тарапынан баланың өміріне, денсаулығына тиісті қамқорлық көрсетілмесе, ҚР-ның Қылмыстық кодексінің 141 бабына сәйкес шара көрсетіледі.Жазғы демалыс эпид ахуалға сәйкес жузеге асырылады. Облыста 1-10 сыныптардың жалпы контингенті 160 711 құрайды. Жазғы демалыспен 1-10 сыныптан 155 257 бала қамтылады деп жоспарланып отыр. Аймақта 8 лагерь жұмыс жасайды, онда 10556 мың бала демалады. Сонымен бірге облыста 275 мектеп жанында күндізгі лагерь жұмысына 90 263 бала қамтылады. Ал, ата-анасының қамқорлығынсыз қалған, көп балалы және аз қамтылған отбасылардан шыққан 30 мың баланы 100% сауықтыру демалысымен, саяхаттармен қамту бағытында қолдау шаралары көрсетіледі. 49 мың бала тынығудың басқа да түрлерімен, яғни, ата-аналарымен бірге (саяхаттау, санаторийлер, курорттар және т.б.) басқа өңірлердегі сауықтыру орындарында демалады.
<blockquote>
 «Біз өткен жылдан бері жақсы тәжірибені енгіздік. Пандемия лагерьлер жұмысын онлайн бағытта да іске асыруға мүмкіндік берді. Арнайы инстаграм желісі арқылы online_vacation_qzo парақшасын ашып, 22 мыңнан аса баланы бір плтаформаға біріктірдік. Балалар онлайн акциялар, жұлдыздармен тікелей эфирлер, түрлі марафондарға қатысып, уақыттарын қызықты өткізді. Биыл бұл жұмыстар жалғасып, жаңа форматтарда дамитын болады. Балалар мобилиография, видеомонтаж жасау, заманауи би технологияларын үйренеді. Сонымен бірге танымдық әрі интеллектуалдық ойындарға қатысып, көкжиегін кеңейте алады», – деді облыстық білім басқармасының басшысы Ақзира Қасымова.
</blockquote>

Қызылордада «Бала еңбегін қанауға қарсы 12 күн» ұлттық ақпараттық науқан басталды

<a href="https://kyzylorda-news.kz/">Kyzylorda-news.kz</a>. Маусым айына арналған ауа райы болжамы жарияланды.
Маусым – тәуліктің жарық болып тұратын ең ұзақ айы. Маусым айында республиканың барлық аумағында жазғы ауа райы болады.
Орташа тәуліктік ауа температурасының 20° тұрақты ауысуы республиканың басым бөлігінде маусым айында, шеткі оңтүстікте мамыр айында, шеткі солтүстікте шілде айының бірінші онкүндігінде орын алады.
Орташа тәуліктік ауа температурасының жоғары болуына қарамастан, жылдар бойғы мәліметтерге сәйкес, маусым айында 5°C-қа дейін үсік жүруі мүмкін. Ең соңғы үсік маусымның үшінші онкүндігінде солтүстік облыстарда және орта тау аймағында 10 жылда 1-2 рет байқалады.
Консультативтік болжамға сәйкес, 2021 жылғы маусымда Қазақстанның басым бөлігінде жоғары қысымның басым әсерімен және Иран аудандарынан жылы ауа массаларының шығарылуымен ауа температурасының жоғарылауы күтіледі. Осылайша, республиканың көп бөлігінде ауаның орташа айлық температурасы нормадан 1° жоғары, тек елдің батыс бөлігінде климаттық нормаға жақын болады деп болжануда.
Айдың басында республиканың басым бөлігінде циклонның әсерінен 15-25 м/с дейінгі қатты нөсер жаңбыр, найзағай, бұршақ және қатты жел, елдің оңтүстік өңірлерінде шаңды дауыл күтіледі. Температуралық аяға алдымен Қазақстан Республикасының батыс өңірлеріне, содан кейін шығыс бағытына бағдарланатын солтүстік циклон әсер етеді, республиканың басқа өңірлеріне де салқын әкеледі. Осыған байланысты елдің солтүстігінде, орталығында және шығысында ауа температурасының қысқа мерзімді төмендеуі болжанады, онда түнгі уақытта термометрлер +2+10°С дейін, күндіз +12+17°С дейін төмендейді.
Айдың бірінші онкүндігінде республиканың батысында ауа температурасының түнде +10+17°С-тан +15+21°С-қа дейін, күндіз +20+25°С-тан +25+32°С-қа дейін ауытқуы күтіледі.
Бір ай ішінде ҚР солтүстік, орталық және шығыс өңірлерінде жылу толқыны кезінде күндізгі ауа температурасы +30+38°С дейін, жекелеген аудандарда +42°С дейін; елдің оңтүстік-батысында, оңтүстігінде және оңтүстік-шығысында +35+43°С дейін, жекелеген аудандарда +45°С дейін көтеріледі.
Суық ауа массаларының әсерінен Солтүстік Атлантика аймақтарынан суық ауа массаларының қайтарылуы жоққа шығарылмайды.
Маусым айында негізінен қысқа мерзімді жауын-шашын, 15-20 м/с дейін екпінді жел, шаңды жел күтіледі, бұршақ жаууы ықтимал.
Жауын-шашын мөлшері ҚР аумағының басым бөлігінде нормаға жуық, республиканың оңтүстік-батысында және орталық бөлігінде нормадан аз болжанады.

Қазақстан және Қызылорда облысының жаңалықтары