<a href="https://kyzylorda-news.kz/">Kyzylorda-news.kz</a>.&nbsp;Қорқыт ата атындағы Қызылорда университеті 1 маусым – Халықаралық балаларды қорғау күніне орай «Атамекен» отбасы үлгісіндегі&nbsp; балалар ауылына барып,&nbsp;мерекемен құттықтады.
Биыл бұл шаңырақта 9 талапкер жоғары оқу орнына түсуге дайындық жүргізуде.
Шара барысында университет Ректоры&nbsp;БейбіткүлКәрімова Бейбіткүл Сәрсемханқызы мектеп бітіруші түлектерді құттықтап, алдағы қадамдарына сәттілік тіледі. Сонымен қатар университет ректоры балаларды Қорқыт Ата атындағы Қызылорда университетінде білім алуға шақырып, өздері таңдаған мамандық бойынша 4 жыл тегін оқу сертификаттары мен оқу орны туралы кітаптарды табыс етті.
<blockquote>
 «Университетте білім алушыларды әлеуметтік қолдау жүйелі түрде жүзеге асып келеді. Мәселен 2020-2021 оқу жылында&nbsp; университеттің 260 білім алушысына жеңілдіктер тағайындалды. Соның ішінде жетім балалар мен ата-ана қамқорлығынсыз қалған балаларға арналған ұйымдар және «Атамекен» отбасы үлгісіндегі балалар ауылының түлектеріне&nbsp; – 10 білім алушыға 100%&nbsp; жеңілдікпен университет гранты берілді» – деді университет ректоры.
</blockquote>
Айта кетейік, Қорқыт Ата атындағы Қызылорда университеті жыл сайын «Атамекендік» балаларға тегін грант үйлестіруді дәстүрге айналдырып келеді. Сонымен қатар, «Ақжайық» үйін университет өз қамқорлығына алған. Яғни балалармен достық қарым-қатынас орнатып, түрлі шараларды бірге өткізеді.
<blockquote>
 «Бүгін бізде қос қуаныш! Бірі балаларды қорғау күні мерекесі болса, екіншісі Қорқыт Ата атындағы Қызылорда университетінің тегін білім беру грантына ие болдық. Қуанышымызда шек жоқ. Университет ұжымына алғысымыз шексіз.&nbsp; Енді біз еш уайымсыз оқуға дайындаламыз. Өзім спортқа жақынмын. Түрлі спорттық үйірмелерге қатысқанды жақсы көремін. Болашақта денешынықтыру пәнінен сабақ берсем, тренер болсам деген ойым бар», – дейді грант иегері Роман Ступновский.
 «Өзім армандаған &nbsp;Қорқыт Ата атындағы Қызылорда&nbsp; университетінің табалдырын аттағалы тұрмын. Себебі бүгін дәл осы университеттің грант иегері атандым. Маған дизайнер Ая Бапанидың стилі, жұмыстары қатты ұнайды.&nbsp; Ару Наз есімді дизайнердің киімдерін сызсам деген арманым бар», – дейді грант иегері Мариям Әуезханова.
</blockquote>

Қызылордада 9 талапкер Қорқыт ата университетінде тегін оқиды

<a href="https://kyzylorda-news.kz/">Kyzylorda-news.kz</a>.&nbsp;1 маусым – Балаларды қорғау мерекесіне орай Қызылорда&nbsp;қалалық демалыс паркінде «Бақытты балалық шақ» атты концерттік бағдарлама өтті.
Қалалық білім беру ұйымдарының ұйымдастыруымен өткен мерекелік шараны облыстық білім басқармасының басшысы Ақзира Қасымова ашып беріп, Қызылорда облысының&nbsp;білім саласындағы сапаны қамтамасыз ету департаментінің басшысы Ғалия Дәулетова мен қала әкімінің орынбасары Асқарбек Есжанов сөз сөйлеп, балаларды мерекемен құттықтады.
Шара қонақтары «Инстаграм», «Робототехника» және «Тик-ток» бекеттерінде қонақта болып, балалардың жұмыстарымен танысып, әр бекеттегі балғындармен &nbsp;бірге естелік суретке түсті.
Шарада бүлдіршіндерге тәттілер табысталып, арнайы дайындалған мерекелік концертті тамашалады.
<img src="https://kyzylorda-news.kz/wp-content/uploads/2021/06/img-20210601-wa0093-1.jpg" alt="" />
<img src="https://kyzylorda-news.kz/wp-content/uploads/2021/06/20210601_124514.jpg" alt="" />
<img src="https://kyzylorda-news.kz/wp-content/uploads/2021/06/img-20210601-wa0081.jpg" alt="" />
<img src="https://kyzylorda-news.kz/wp-content/uploads/2021/06/img-20210601-wa0083.jpg" alt="" />

Қызылорда: «Бақытты балалық шақ» шарасы өтті

<a href="https://kyzylorda-news.kz/">Kyzylorda-news.kz</a>. 1 маусым Халықаралық балаларды қорғау күніне орай қызылордалық полицейлер қайырымдылық шарасын ұйымдастырды.
Қызылорда облысының полиция департаменті бастығының орынбасары полиция полковнигі Дәурен Ибраев бастаған қызметкерлер тобы облыс орталығындағы «Қамқорлық» дағдарыс үйіне барды. Бұл үйде қиын өмірлік жағдайға тап болған 10 әйел &nbsp;мен 15 бала тұрады.&nbsp;&nbsp; &nbsp;
Жыл сайын 1 маусым күні Сыр елінің тәртіп сақшылары «Қамқорлық» дағдарыс үйінің тәрбиеленушілерін мерекемен құттықтап, сыйлықтар үйлестіреді.&nbsp; Биыл да сол дәстүр жалғасын тапты. &nbsp;Ұйымдастырылған бүгінгі шара барысында &nbsp;полиция қызметкерлері балаларға ойыншықтар, тәттілер және басқа да көптеген сыйлықтар &nbsp;үлестірді. &nbsp;&nbsp;&nbsp;
<blockquote>
 «1 маусым балаларды қорғау күні құтты болсын! Әр уақытта аспандарың ашық, дендерің сау болып, Отанымыздың мақтанышы болуларыңа тілектеспін!» – деген &nbsp;жылы лебізін білдірді Дәурен Алпысбайұлы.&nbsp;&nbsp; &nbsp;&nbsp;&nbsp;
</blockquote>
Өз кезегінде «Қамқорлық» дағдарыс үйінің басшылығы мерекелік көңіл күй сыйлаған полицейлерге &nbsp;көңілдері мен қамқорлықтары үшін үлкен ризашылықтарын білдірді.
<img src="https://kyzylorda-news.kz/wp-content/uploads/2021/06/whatsapp-image-2021-06-01-at-12.20.11.jpeg" alt="" />

Қызылордалық полицейлер  «Қамқорлық» дағдарыс үйінің бүлдіршіндерін құттықтады

<a href="https://kyzylorda-news.kz/">Kyzylorda-news.kz</a>.&nbsp; Еңбек және халықты әлеуметтік қорғау министрлігі 2019 жылы жүргізілген кредиттік амнистияны ұзартуды ұсынды. Себебі әлеуметтік жағынан осал топтардың ішінде 300 мың теңгені кешіру шарасын пайдаланып үлгермеген азаматтар бар, деп хабарлайды Sputnik Қазақстан. &nbsp;
“Қазақстан Республикасы азаматтарының борыш жүктемесін азайтуға бөлінген қаражатты пайдаланудың кейбір мәселелері туралы” үкіметтің 2019 жылғы 15 шілдедегі № 520 қаулысына өзгерістер енгізуге арналған құжаттың жобасы “Ашық НҚА” порталында жарияланды.
Әлеуметтік жағынан осал азаматтар түрлі себептермен өмірлік қиын жағдайға тап болып, өз атына алған кредиттік міндеттемелерін орындай алмай отыр.
<blockquote>
 “Қолданыстағы қаулыда көзделген мерзімдер аяқталғаннан кейін мемлекеттік органдардың ақпараттық жүйелерінде деректердің болмауына байланысты берешегі өтелмей қалған адамдар анықталды”, – делінген түсініктемеде. &nbsp;
</blockquote>
Осыған орай “Қазақстан Республикасы азаматтарының борыш жүктемесін азайту туралы” Қазақстан Республикасы президентінің 2019 жылғы 26 маусымдағы № 34 жарлығының күшіне ілігетін адамдарды толықтай қамту мақсатында жарлықты іске асыру мерзімдерін ұзарту ұсынылып отыр.
Кредиттік амнистияның мерзімін ұзарту оған ілінбей қалған азаматтарды қамтып, олардың қаржылық жағдайын жақсартуға мүмкіндік береді.
Құжаттың жобасы 14 маусымға дейін талқылауға шығарылып отыр.
Айта кетейік, кредиттік рақымшылық кезінде әлеуметтік жағынан осал топтардың тұтынушылық кредиттері бойынша негізгі қарыздың 300 мың теңгесі өтелді. Бірақ кредиттің жалпы сомасы 3 миллионнан аспауы шарт.

300 мың теңге кешіріледі – үкімет кредиттік амнистияны ұзартуды ұсынды

<a href="https://kyzylorda-news.kz/">Kyzylorda-news.kz</a>. 1 маусым – Балаларды қорғау күніне орай, Қызылорда облысы бойынша ҚАЖ департаментіне қарасты ЗК-169/4 мекемесінде&nbsp; сотталған азаматтар&nbsp; балаларын бейнебайланыс арқылы&nbsp; мерекемен құттықтады.&nbsp; Мекеменің тәрбие жұмысы бөлімінің ұйымдастыруымен өткізілген шараға 10-нан астам сотталған өтініш білдірген. Олардың бірінің баласы 11 сыныпты аяқтап, үлкен өмірге қадам басып жатса, бірінің інісі мектепті үздік бітіріп жатыр.
<blockquote>
 «Балаларым – менің бақытым, болашағым. Бала&nbsp;көңілдің гүлі, көздің нұры» – деген жақсы сөз бар қазақта.&nbsp;Аман-есен жазамды өтеп шықсам, балаларыма жақсы тәрбие беремін»- деді сотталған азамат.
</blockquote>
Балаларымен&nbsp; байланысқа шыққан&nbsp; сотталған азаматтың 5 баласы бар екен. Оның отбасы Түркістан қаласында тұрады.&nbsp;&nbsp; Үлкені биыл&nbsp; мектеп бітіріп жатыр. Кезек-кезек балаларымен сөйлескен әке көзіне жас алып, балаларына денсаулық тілеп, қуанышты күнде жандарында бола алмағына іштей өкінішін білдіріп жатты. Ол жол-көлік оқиғасын жасап, 2020 жылдан бері осы мекемеде жазасын өтеуде.&nbsp;
<blockquote>
 «Сотталған азаматтардың отбасыларымен байланыстарын үзбеу мақсатында өз өтініштері бойынша бейнебайланыс арқылы жиі балаларымен, ата-аналарымен сөйлеседі. Адамның түзелу жолына түсуі, қоғамға толыққанды адам ретінде қайтарылуы олармен жүргізілген тәрбие жұмыстарынынң пәнменділігінде. Сондықтан да жазасын өтеушілермен жүргізілетін тәрбие жұмыстарына айрықша назар аударамыз»,-деді мекеме бастығының тәрбие жұмыстары жөніндегі орынбасары Қ.Дайрабаев.
</blockquote>

Қызылордада жазасын өтеушілер балаларын мерекемен құттықтады

<a href="https://kyzylorda-news.kz/">Kyzylorda-news.kz</a>. 1 маусым – Балаларды қорғау күні. Бұл балғын бүлдіршіндеріміз үшін ең қуанышты және жыл сайын күтетін басты мерекелерінің бірі.
Балаларға қамқорлық көрсету, олардың құқықтарын қорғау тек белгіленген бір күн емес, әрқашан да үлкендердің назарында.
Бүкіл әлемде 1 – ші маусым Балаларды қорғау күні ретінде аталып өтіп, ескі халықаралық мейрамдардың бірінен саналады. Бұл мейрам бүкіл әлемнің назарын балалар мәселесіне аударуды көздейді. Балаларды қорғау күні әртүрлі іс-шаралар өткізуімен атап өтіледі. Оны өткізу жөнінде шешім 1949 жылдың қараша айында Халықаралық демократиялық әйелдер федерациясының арнайы сессиясында қабылданды.
Алғашқы халықаралық балаларды қорғау күні 1950 жылы өткізілді БҰҰ аталған бастаманы дер кезінде қолдап, балалардың өмірін, құқығын, денсаулығын қорғауды өз қызметінің басты бағыттарының біріне айналдырды. Халықаралық балалар күні мерекесінің туы да бар. Әлемде өмірі қатерге толы балалар да баршылық. Аш-жалаңаштық, соғыс өрті, терактілер балалар ғана емес, үлкендердің де психикасына кері әсерін тигізеді. Бұл- қорғансыз балалардың басына түскен үлкен ауыртпалық екендігі шындық. Жасөспірімдер арасында нашақорлар саны өсуде, олардың жартысынан астамы ішімдік ішуден де кет әрі емес.
Осылайша, Балаларды қорғау күні мереке ғана емес, сонымен қатар, болашаққа бағдар жасайтын маңызды шараның бірі. Адамзаттың алдында тұрған зор міндет – болашақ ұрпақтың бақытты өмірін қалыптастыру.

Қазақстандықтар Халықаралық балаларды қорғау күнін атап өтуде

<a href="https://kyzylorda-news.kz/">Kyzylorda-news.kz</a>.&nbsp;Қызылорда облысының кәсіпкерлері өңірдегі 700 оқушыға дәріс өтті. Бұл туралы Қызылорда облысы кәсіпкерлер палатасы Адами капиталды дамыту бөлімінің бастығы Гүлмира Әлназарова айтты.
Палата маманы облыс мектептеріне 2019 жылдан бері «Кәсіпкерлік және бизнес негіздері» пәні енгізіліп, аталмыш пән аясында оқушылардың іскерлік қабілетін дамыту көзделіп отырғандығын жеткізді.
Ол үшін пән мұғалімдерінің біліктілігін арттыру мақсатында аймақтың 108 ұстазы арнайы курстан өткізіліп, қажетті бағыт-бағдар берілген.
Биылғы оқу жылының І, ІІ тоқсанында «Кәсіпкерлік және бизнес негіздері» пәнінде теориялық білім алған оқушылардың білімін бекіту, тәжірибемен ұштастыру мақсатында Кәсіпкерлер палатасы ІV оқу тоқсатында өңірдің барлық ауданы мен Қызылорда қаласы оқушылары үшін «қонақ дәрісі» шарасын ұйымдастырды.
Аталмыш шара аясында өз саласында жетістікке жеткен кәсіпкерлер мен бизнес-тренерлер оқушыларға кәсіп ашудың қыр-сырымен, өз тәжірибелерімен бөліскен.
<blockquote>
 «Қонақ дәрісін» облыстық оқу орталығымен бірге онлайн ұйымдастырдық. Қызылорда қаласы мен аудандардан 6 дәріске 700 оқушы қатысты. Оқушыларға қазір қолданыста бар мемлекеттік бағдарламалар, сұранысқа ие бизнес-идеялар мен аталмыш идеяларды қаржыландыру тетіктеріне қатысты ақпараттар берілді. Ал өңір кәсіпкерлері жеке бизнес құрудың тиімділіктері, кездескен қиындықтары мен алған сабақтары туралы тәжірибелерімен бөлісті», – дейді Гүлмира Әлназарова.
</blockquote>
Кәсіпкерлер палатасы бұл бастаманы алдағы уақытта жаңа оқу жылында да жалғастыруды көздеуде.
Айта кету керек, «Кәсіпкерлік негіздері» пәні Қызылорда облысы кәсіпкерлер палатасының бастамасымен 2014 жылы пилоттық негізде Қызылорда қаласындағы №9 мектеп-гимназиясында енгізілген болатын. Жобаның тиімділігі ескеріле келе «Атамекен» мен Білім және ғылым министрлігінің бірлескен жобасы ретінде республиканың барлық мектептері мен оқу орындарында енгізілді.
<img src="https://kyzylorda-news.kz/wp-content/uploads/2021/06/gost-lekc.jpg" alt="" />

Қызылордалық кәсіпкерлер 700 оқушыға дәріс өтті

<a href="https://kyzylorda-news.kz/">Kyzylorda-news.kz</a>.&nbsp; Қазақстан президенті Қасым-Жомарт Тоқаев қазақстандықтарды балаларды қорғаудың халықаралық күнімен құттықтады.
<blockquote>
 «1 маусым – Халықаралық балаларды қорғау күні. Еліміздің жас буын өкілдерінің балалық шағы бақытты өтіп, дені сау, жан-жақты азамат болып өсуіне жағдай жасау – стратегиялық маңызы бар міндет. Бұл – Қазақстанның жарқын болашағының кепілі», – жазды мемлекет басшысы&nbsp;Твиттер&nbsp;парақшасында.&nbsp;
</blockquote>
Қазақстан жыл сайын&nbsp;1 маусымда&nbsp;халықаралық балаларды қорғау күнін атап өтеді.
Мерекені 1 маусымда атап өту туралы шешім Парижде 1949 жылдың қарашасында өткен Халықаралық демократиялық әйелдер федерациясы конгресінде қабылданды.

Қасым-Жомарт Тоқаев балаларды құттықтады

<a href="https://kyzylorda-news.kz/">Kyzylorda-news.kz</a>. Қызылорда облысының әкімі Гүлшара Әбдіқалықова қызылордалықтарды халықаралық балаларды қорғау күнімен құттықтады.
<blockquote>
 «Сіздерді 1 маусым – Халықаралық балаларды қорғау күнімен құттықтаймын!
 Бұл күн – балғын балалықтың, көңіліндегі адалдық пен әділеттілікке деген риясыз сенімнің, балаға ғана тән пәк көңіл мен шексіз қиялдың мерекесі. 
 Біз баламыз – болашағымыз деп үміт артып, жақсы тәрбие беруді басты борышымыз деп санайтын халықпыз. 
 Сондықтан, бар жақсылығын балаға арнап, олардың жан-жақты, тәрбиелі, саналы азамат болып ержетуіне қамқорлығын аямайтын мемлекеттің болашағы да жарқын. 
 Өткен жылдан бергі коронавирус індеті өмірімізге өзгеріс әкелді. Оқушылар қашықтан оқуға мәжбүр болса, жазғы демалыстарында бұрынғыдай лагерлерге, демалыс орындарына бара алмай қалды. Көптеген пәндік жарыстар, түрлі байқаулар онлайн өтті. Соған қарамастан балаларымыз халықаралық, республикалық сайыстарда жүлделі орындарды иеленіп, ата-анасының, мектебінің ғана емес, облыстың да мақтанышына айналды. 
 Балалар, сіздер жаз мезгілінің алғашқы күнінде келетін осы бір тамаша мерекені асыға күтетіндеріңізді білемін. Өйткені, көптен күткен жазғы демалыс басталады. Біріңіз ауылдағы ата-әжелеріңізге баратын болсаңыздар, енді біріңіздің өз армандарыңыз бар. 
 Сіздерге айтарым, жаздай жақсылап тынығыңыздар, жаңа оқу жылына күш жинап, келесі белесті бағындырам деген керемет сезіммен келіңіздер. Өздеріңіз ұнатып оқитын кітапты оқуды да ұмытпаңыздар. Болашақ мамандық таңдау, таным көкжиегін кеңейту осы кітаптан басталады. 
 Ал, ата-аналар балаларының бос уақытын тиімді пайдалануына үлкен мән беріп, жауапкершілікпен қарай білсе деймін.
 Қадірлі жас достарым! 
 Туған жерімізді түлетер, тәуелсіздігіне 30 жыл толған сүйікті елімізді көркейтіп, нығайтар өздеріңіздей жас ұрпақтың келешегі кемел, жолы ашық болсын деп тілеймін! 
 Дендеріңіз сау, өмірлеріңіз ұзақ болсын! 
 Сабақтарыңызды жақсы оқып, тәртіпті болып, ата-аналарыңызды, ұстаздарыңызды қуантып жүріңіздер. 
 Жазғы демалыстарыңыз жақсы өтсін!», – делінген әлеуметтік желідегі парақшасында.
</blockquote>

Гүлшара Әбдіқалықова: Балаға жақсы тәрбие беру басты борышымыз

<a href="https://kyzylorda-news.kz/">Kyzylorda-news.kz</a>.&nbsp; Қазақстандық боксшы Василий Левит Дубайда (БАӘ) өткен Азия чемпионатының марапаттау рәсімінде күміс медальды мойнына <a href="https://www.instagram.com/p/CPjCmGpjm5w/?utm_source=ig_embed&utm_campaign=embed_video_watch_again">таққан жоқ</a>, деп хабарлады&nbsp;<a href="https://www.sports.kz/news/vasiliy-levit-otkazalsya-nadevat-medal-posle-sudeyskogo-bespredela-v-finale-cha-2021-video">Sports.kz.</a>
91 килограмға дейінгі салмақ дәрежесінде жұдырықтасқан Левит төрешілердің даулы шешімімен финалда үнді боксшысы Санжитке есе жіберді. Бір қызығы, тіпті AIBA комментаторларының өзі қазақстандықтан жеңісті тартып алғанын атап өтті.
Айта кетейік, 2021 жылғы бокстан Азия чемпионатында Қазақстанның ерлер құрамасы бірде-бір алтын алмады. Василий Левиттен бөлек, Даниял Сәбит, Абылайхан Жүсіпов, Әбілхан Аманқұл және Қамшыбек Қоңқабаев турнирдің күміс жүлдегері атанды, ал Сәкен Бибосынов “қоланы” жеңіп алды.
<a href="https://sputnik.kz/sport/20210601/17211180/Levit-Aziya-chempionaty-video.html">Sputnik Қазақстан</a>

Василий Левит Азия чемпионатының күміс медалін тағудан бас тартты – видео

<a href="https://kyzylorda-news.kz/">Kyzylorda-news.kz</a>.&nbsp; Қазақстанда өткен тәулікте 1123 адамда коронавирус індеті ПТР арқылы расталды.
Аймақтар бойынша: 
Нұр-Сұлтан қаласы – 142, 
Алматы қаласы – 195, 
Шымкент қаласы – 20, 
Ақмола облысы – 79, 
Ақтөбе облысы – 11, 
Алматы облысы – 60, 
Атырау облысы – 30, 
Шығыс Қазақстан облысы – 71, 
Жамбыл облысы – 29, 
Батыс Қазақстан облысы – 56, 
Қарағанды облысы – 259, 
Қостанай облысы – 40, 
Қызылорда облысы – 9, 
Маңғыстау облысы – 8, 
Павлодар облысы – 60, 
Солтүстік Қазақстан облысы – 41, 
Түркістан облысы – 13.
Жалпы ел бойынша ауырғандар саны – 387 672.

Қызылордада 9 адамнан коронавирус анықталды

<a href="https://kyzylorda-news.kz/">Kyzylorda-news.kz</a>. Өзбекстанның Ташкент қаласында ауыр атлетикадан 20 жасқа дейінгі жастар арасында өткен Әлем чемпионатында жерлесіміз Айсамал Сансызбаева алтын медаль жеңіп алды.
Ол 87 келіден жоғары салмақ дәрежесінде жеңіс тұғырына көтерілді. Айсамал қоссайыс қорытындысы бойынша 258 (113+145) келіні бағындырды.Айта кетейік, кеше ғана Сыр спортшысы Рахат Бекболат (175+202=377) Әлем чемпионы атанған болатын.Айсамал былтырғы жылы Ташкентте өткен Азия чемпионатында 2 мəрте алтын медаль алса, Перудің Лима қаласында жасөспірімдер арасындағы Әлем кубогының жеңімпазы атанған.
Айсамал Сансызбаева – Шиелі ауданының тумасы, қазіргі таңда Ж.Баһадүр атындағы олимпиадалық резервтің облыстық мамандандырылған мектеп-интернат-колледжде оқиды. Жаттықтырушылары – Арман Абдраев, Нұрсұлтан Бахрадин, Мұхаммед Тұрысбеков.

Қазақстан және Қызылорда облысының жаңалықтары