<a href="https://kyzylorda-news.kz/">Kyzylorda-news.kz</a>. Облыс әкімінің өкімімен және Қазақстан Республикасы Президенті Әкімшілігі мен Қазалы аудандық мәслихатының келісімдері бойынша Қазалы ауданының әкімі лауазымына (ротациялық тәртіппен) Оразбаев Мұхтар Әуесұлы тағайындалды.
Аймақ басшысы Гүлшара Әбдіқалықова жаңа аудан әкімін Қазалы ауданында өткен жиында таныстырды. 
Мұхтар Оразбаев 1971 жылы Арал қаласында туған. Батыс Қазақстан ауыл шаруашылығы институтын «инженер-механик» мамандығы бойынша бітірген.
Еңбек жолын 1997 жылы «Аралбалық» акционерлік қоғамы автопаркінің механигі ретінде бастаған. 2000-2016 жылдары Арал ауданы әкімі аппаратының жетекші маманы, бас маманы, құжаттамалық қамтамасыз ету бөлімінің меңгерушісі, аудан әкімі аппаратының басшысы, ауданы әкімінің орынбасары қызметтерін атқарған. 
2016 жылғы қараша айынан бастап Арал ауданының әкімі қызметін атқарып келді.
<img src="https://kyzylorda-news.kz/wp-content/uploads/2021/05/191778530_3401315469971498_3312628754317730051_n.jpg" alt="" />

Қазалы ауданына жаңа әкім келді

<a href="https://kyzylorda-news.kz/">Kyzylorda-news.kz</a>. Міндетті медициналық сақтандыру шеңберінде скринингтік тексерулер мен кәсіби тексерулер сақтандырылған азаматтар үшін тегін, деп хабарлады Әлеуметтік медициналық сақтандыру қорының Қызылорда облысы бойынша филиалының директоры Бақыт Исмаханбетов.
Қор филиалы басшысының айтуынша, тегін онко скринингтің үш түрі қарастырылған: сүт безі қатерлі ісігі (40 жастан 70 жасқа дейінгі әйелдер үшін), колоректальды қатерлі ісік (50 жастан 70 жасқа дейінгі ерлер мен әйелдер үшін), жатыр мойны обыры (30 жастан 70 жасқа дейінгі әйелдер үшін). Скрининг тұрғылықты немесе тіркелген жері бойынша емханада тегін жүргізіледі.
Алайда, ерте сатысында анықталған&nbsp; көптеген ісіктерді емдеуге болады. Сонымен қатар, бүгінгі таңда қатерлі ісік ауруының ерте диагностикасы жақсарғаны қуантады.
2020 жылдың қорытындысы бойынша 4 617 онкологиялық науқастарды емдеуге әлеуметтік медициналық сақтандыру қорынан 1&nbsp;575,8 млн теңге бөлінді. 2021 жылы онкоскринингтерді жүргізуге 1 648,5 млн.теңге жоспарланған.
<img src="https://kyzylorda-news.kz/wp-content/uploads/2021/05/celevye-grwppy-skrining_kaz.png" alt="" />

МӘМС бойынша онкосрининг қызметі тегін өткізіледі

<a href="https://kyzylorda-news.kz/">Kyzylorda-news.kz</a>. Бүгінде мемлекет тарапынан қаржылай қолдау тауып, шаруасын дөңгелетіп отырған пробация есебіндегі азаматтардың қатары артып келеді.
Жуырда Қызылорда қалалық пробация есебінде тұратын азаматша «Атамекен» ҚР ҰКП-ның «Бизнес Бастау» жобасы шеңберінде, мемлекеттен қайтарымсыз грант ұтып алды. Олар қайтарымсыз грантқа қол жеткізу үшін «Кәсіпкерлік негіздері» курсын тәмамдап, бизнес жоспар құрып, нәтижесінде, комиссия шешімімен бизнес жоспары мақұлданып, мамыр айында 583 400 теңге көлеміндегі қаражатқа қол жеткізді. Қазіргі таңда азаматша қаражатқа ағылшын тілін дамыту орталығын ашып, балаларды қабылдау жұмыстарын жүргізуде.
Қызылорда қалалық пробация қызметі бастығының орынбасары әділет капитаны Г.Жылкаманованың айтуынша, «Атамекен» ҚР ҰКП-ның «Бизнес Бастау» жобасы бойынша жыл басынан бастап, пробация есебінде тұрған 14 сотталған азаматты кәсіпкерлік негіздерінде білімін жетілдіруге арналған тегін оқу курстарына жолдаған. Оның ішінде 2 азамат курсты толық аяқтап, біреуі ағылшын тілін оқыту орталығын ашса, екінші азамат «Сурет шығару орталығын» ашсам деп, бизнес жоспарын дайындауда. Пробация қызметкерлерімен сотталған азаматтарға көрсетілетін осындай іс-шаралар олардың кәсібін дамытып, қоғамға тез бейімделіп, түзелу жолына түсулеріне ықпалын тигізетіні анық.
<blockquote>
 «2019 жылдан бері пробация есебінің бақылауындамын. Пробация қызметкерлері тарапынан әлеуметтік-психологиялық көмек түрлері көрсетіледі. Жұмыс жасап, тұрмысын түзеймін деген жандарға мемлекет тарапынан көптеген мүмкіндіктер берілуде жеке кәсібімді ашсам деген ұсынысымды пробация қызметкерлеріне жеткізгенмін, пробация қызметкерлерінің қолдауымен мемлекеттен қайтарымсыз грант ұтып алдым. Ойлана келе, ағылшын тілін оқыту орталығын аштым. Өйткені, мамандығыма сай келеді. Қазіргі уақытты балаларды қабылдау жұмыстарын жүргізіп жатырмын. Пробация қызметкерлеріне алғысым шексіз деді»,- есептегі азаматша.
</blockquote>
<img src="https://kyzylorda-news.kz/wp-content/uploads/2021/05/484ddad1-27aa-4029-a7e9-68c2bfa96cbf.jpg" alt="" />

Қызылордада пробация есебіндегі азаматша ағылшын тілін дамыту орталығын ашты

<a href="https://kyzylorda-news.kz/">Kyzylorda-news.kz</a>.&nbsp; Бұл туралы «Nur Otan» партиясы Қызылорда қалалық филиалының төрағасы, қала әкімі Ғанибек Қазантаев тұрғындарды жеке мәселелері бойынша қабылдау барысында айтты.
«Nur Otan» партиясының қалалық филиал ғимаратында өткен қабылдауда тұрғындар үй, жер, және т.б коммуналдық, әлеуметтік &nbsp;мәселелерін көтерді.
Өздерінің өзекті мәселелерін қала әкіміне баяндаған тұрғындардың өтініш-тілегін шаһар басшысы мұқият тыңдап,&nbsp;әр азаматқа&nbsp; жеке уақыт бөлді. Сондай-ақ, қабылдауда көтерілген түйіткілді мәселелердің түйінін тарқатуға ерекше назар аударып, кез-келген сауалдың заң аясында жедел шешілуіне басымдық берді. Тиісінше жауапты сала басшыларына бірқатар тапсырмалар беріп, &nbsp;мәселенің шешілуі мен тапсырманың орындалу барысы өз бақылауында болатындығын жеткізді.
Кездесудегі көп сұрауының бірі баспана жайы. Бұл мәселеде қала әкімі тұрғын үй беру тек қолданыстағы заң аясында реттеліп, кезек ретімен табысталатындығын түсіндіріп, күз айларында сол жағалаудан 680 пәтер мұқтаж азаматтарға кезек ретімен берілетіндігін атап өтті.
<img src="https://kyzylorda-news.kz/wp-content/uploads/2021/05/01-scaled.jpg" alt="" />
<img src="https://kyzylorda-news.kz/wp-content/uploads/2021/05/02-scaled.jpg" alt="" />

Ғ.Қазантаев: Күз айларында 680 пәтер пайдалануға беріледі

<a href="https://kyzylorda-news.kz/">Kyzylorda-news.kz</a>. Қазақстанда өткен тәулікте 2 196 адам коронавирус инфекциясынан жазылып кетті, деп хабарлайды Қазақстанда коронавирустың таралуына жол бермеу жөніндегі ведомствоаралық комиссиясы.
Нұр-Сұлтан қаласында – 200,
Алматы қаласында – 582,
Шымкент қаласында – 170,
Ақмола облысында – 152,
Ақтөбе облысында – 81,
Алматы облысында – 102,
Атырау облысында – 59,
Шығыс Қазақстан облысында – 87,
Жамбыл облысында – 42,
Батыс Қазақстан облысында – 104,
Қарағанды облысында – 401,
Қостанай облысында – 31,
Қызылорда облысында – 26,
Маңғыстау облысында – 40,
Павлодар облысында – 56,
Солтүстік Қазақстан облысында – 18,
Түркістан облысында – 45.
Елімізде барлығы 345 984 адам COVID-19-дан емделіп, сауығып шықты.

COVID-19: Қызылордада 26 адам жазылып шықты

<a href="https://kyzylorda-news.kz/">Kyzylorda-news.kz</a>. Бокстан Азия чемпионатында қазақстандық тағы төрт спортшы жарысты жалғастырады, деп хабарлайды ҚазАқпарат.
Бүгін шаршы алаңға ел құрамасы сапынан бес боксшы шыққан болатын. Олардың арасынан төртеуі жартылай финалға жолдама алды.
Алдымен Сәкен Бибосынов (52 келі) Шри-Ланка елінен келген Ласинду Эранданың осал тұсын тапты. Ал Абылайхан Жүсіпов (69 келі) Біріккен Араб Әмірлігінің өкілі Хусейн Аль-Кандариді Қазақстандық тағы бір боксшы Әбілхан Аманқұл (75 келі) үндістандық Ашиш Кумардан басым түссе, Қамшыбек Қоңқабаев (91 келіден жоғары) үндістандық Нарендерден мықты екенін көрсетті.
Құрлықтық додада 81 келіде сынға түскен Бекзат Нұрдәулетов ирандық Мейсам Гешлагиге есе жіберіп қойды.

Азия чемпионаты: Қамшыбек Қоңқабаев жартылай финалға өтті

<a href="https://kyzylorda-news.kz/">Kyzylorda-news.kz</a>. Қызылорда полиция бөлімі 27.05.2021 жылы түнгі сағат 02:00 шамасында үйінен белгісіз бағытқа кетіп, оралмаған Бектураз Сазаковты іздеуде.
Ерекше белгілері: бойы: 110-115 см, дене бітімі жұқа, өңі қара, қара шашты, бетінде меңі бар. Ол киінген: жасыл түсті футболка, ақ-қара түсті шорт, ақ кроссовка киген.
Егер сізде ол туралы немесе оның орналасқан жері туралы ақпаратыңыз болса, полиция сізден көрсетілген нөмірге хабарласуыңызды сұрайды: 8 (7242) -29-75-20 немесе 102 пультіне.
<img src="https://kyzylorda-news.kz/wp-content/uploads/2021/05/img_20210527_094916_515.jpg" alt="" />

Қызылордада тағы бала жоғалды

<a href="https://kyzylorda-news.kz/">Kyzylorda-news.kz</a>. Өңір басшысы Қармақшы аудандағы Жаңажол елді мекеніндегі орналасқан «Жаңажол» ЖШС-де бірнеше шаруашылық басшыларымен кездесті.
Жалпы Қармақшы ауданында ағымдағы жылы жалпы көлемі 25215 гектар алаңға егіс орналастыру жоспарлан. Су тапшылығына байланысты орналастырылатын күріш егісінің көлемін өткен жылмен салыстырғанда 500 гектарға азайтып, әртараптандыру дақылдарының, көкөніс және бақша дақылдарының көлемін арттырған. Атап айтқанда өткен 2020 жылы егістегі күріштің үлесі 59,6% құраса, биылғы жылы 52,1%-ға төмендетілген.
Күріш егісі бойынша бүгінгі таңда 11310 гектар дән себіліп, 9038 га суға бастырылды. Биылғы су тапшылығына байланысты күріш бастыру жұмыстары кестеге сай жүргізілмей келеді дейді шаруашылық басшылары.
Аймақ басшысы бұл мәселелер бойынша тиісті шаралардың атқарылып жатқанын айтты.
<img src="https://kyzylorda-news.kz/wp-content/uploads/2021/05/190900928_3401776063258772_8738323370481400533_n.jpg" alt="" />

Гүлшара Әбдіқалықова Қармақшы ауданындағы шаруашылық басшыларымен жүздесті

*<a href="https://kyzylorda-news.kz/">Kyzylorda-news.kz</a>.&nbsp;&nbsp;Клиенттердің өтініші бойынша Halyk Bank тағы да Алматыдағы “Хан-Тәңірі” тұрғын үй кешеніндегі жаңа пәтерлерді ұтысқа қосты. Банк клиенттері, яғни ұтыс ойынына қатысушылар атаулы тұрғын үй кешеніндегі жеті жаңа пәтердің бірін ұтып алу мүмкіндігіне ие болды. Ұтыс ойыны 2021 жылғы 11 мамырдан бастап 20 желтоқсанға дейін өткізіледі.*
Былтыр ұйымдастырған науқан клиенттердің көңілінен шықты. Ұтыс ойынды бір уақытта миллиондаған көрермен көріп, мыңдаған жылы пікір қалдырды. Ал ұтыс ойынның жеңімпаздары, яғни “Хан-Тәңірі” тұрғын үй кешенінде орналасқан пәтерді ұтып алған банк клиенттері өз өңірінде танымал адамға айналды. Осыған орай, көпшіліктің сұрауымен Halyk Bank тағы Алматыда орналасқан 7 пәтерді ұтысқа қосты.
Сонымен, кредит алу, бөліп төлеуге зат сатып алу жоспарыңызда болса, онда Halyk Bank ұсынған тиімді ұсынысты қолданыңыз. Қандай тиімді ұсыныс десеңіз: ең аз пайыздық мөлшерлеме, 24 айға дейін артық төлемсіз бөліп төлеу және жаңа пәтер иесі атану мүмкіндігі бар.
Ұтысқа қатысу үшін қарапайым екі шартты орындау жеткілікті. Бірінші – Halyk Bank-тен кредит немесе бөліп төлеу ресімдеу, екінші – Halyk Homebank қосымшасында әр ай сайын қызметтер үшін төлем жасау. Алғашқы пәтердің иесі маусым айында анықталады.
&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp; Сонымен, №1 шарт. Кредиттің қандай түрлері қатысады?
Бөліп төлеу:
<ul>
<li>Halyk Homebank қосымшасында 24 айға дейін пайызсыз және банк серіктестерінің желісінде артық төлемсіз онлайн бөліп төлеу ресімдеу</li>
<li>Halyk Market арқылы 200 000 ₸ бастап 0-0-24 мерзімге бөліп төлеуді ресімдеу</li>
</ul>
Кепілсіз кредиттер:
<ul>
<li>Halyk Homebank қосымшасындағы 200 000 ₸ басталатын онлайн кредит</li>
<li>Бөлімшеде 500 000 ₸ басталатын кепілсіз кредит</li>
<li>1 000 000 ₸ басталатын шұғыл қажеттіліктерге берілетін кредит қатысады</li>
</ul>
Кепілді кредиттер
<ul>
<li>Ипотекалық қарыз 1 000 000 ₸ бастап (оның ішінде “7-20-25”, “Баспана Хит” мемлекеттік бағдарламалар да қатысады)</li>
<li>Автокредит. Серіктестердің автосалонында. Жеңілдікпен берілген кредиттеуді қоспағанда</li>
</ul>
&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp; Кредитті немесе бөліп төлеуді бір рет алыңыз және барлық 7 ұтыс ойынына да қатысыңыз. Бұл қалай? Ол үшін екінші шартты орындау қажет – Halyk Homebank қосымшасында төлемдер жасау. Ескеріңіз, кредитті неғұрлым ерте ресімдесеңіз және екінші шартты орындасаңыз пәтерді ұтып алу мүмкіндігі соғұрлым жоғары болады.
&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp; № 2 шарт. Halyk Homebank қосымшасында қандай төлемдер жасау керек?
Науқанның екінші шартын орындау үшін 2021 жылғы мамырдан бастап желтоқсанға дейін (әр айдың 20-күніне дейін) Halyk Homebank қосымшасында 1000 теңгеден басталатын сомаға кемінде бір төлем жасау қажет. Осылайша, Halyk Homebank қосымшасында комиссиясыз төлем жасап, 7 пәтердің бірін ұтып алудың мүмкіндігіне ие боласыз. Ал егер сіз жеңіске жету мүмкіндігіңізді арттырғыңыз келсе, онда айына бірнеше рет және әртүрлі санаттағы төлемдерді жасаңыз. Мысалы, егер сіз ұялы байланыс үшін 1, интернет үшін 1, коммуналдық қызмет үшін 1 төлем жасасаңыз, онда сіз ұтыс тізіміне 3 рет қосыласыз.
Тек бұл ғана емес! Halyk Homebank арқылы қызметтерді төлей отырып, сіз сондай-ақ қосымша жүлделі ұтыс ойынына қатыса аласыз. Әр апта сайын iPhone 12 ұтып алу және коммуналдық қызмет үшін жұмсалған соманы 100% бонус ретінде кері қайтара аласыз. Ол үшін Halyk Homebank қосымшасында әр апта сайын төлем жасау керек.
Арманыңызды орындау мақсатында ұтысқа қатысып оңтүстік астанада орналасқан жайлы пәтерді ұтып алу мүмкіндігін пайдаланыңыз. “Halyk Bank-тен ай сайын пәтерлер ұтысы” науқаны бойынша кредит алыңыз, Halyk Homebank-те қызметтерге ақы төлеңіз және Алматының беделді ауданы “Хан-Тәңірі” тұрғын үй кешеніндегі жаңа пәтерді ұтып алыңыз! Кредитті неғұрлым ерте ресімдесеңіз, пәтерді ұтып алу мүмкіндігі соғұрлым жоғары болады.
Науқан туралы барлық соңғы жаңалықтарды Halyk Bank-тің желідегі, яғни Instagram <a href="https://instagram.com/halykbank.kz?igshid=t8wthxnzcpn3">(@halykbank.kz</a>), Facebook парақшасында біле аласыз.
* Ұтыс ойынына ең көбі 10 төлем қатысады
** Ұтыс ойынына қатыспайды:
<ul>
<li>Halyk Bank қызметкерлері</li>
<li>Банкпен айрықша қарым-қатынастағы тұлғалар</li>
<li>Атаулы ұтыс аясында пәтер ұтып алған клиенттер</li>
<li>Ұтыс өткізу үшін тізімді қалыптастыру күнінде:
<ul>
<li>Ұтысқа қатысатын кредиті бойынша толық немесе ішінара мерзімінен бұрын өтеу</li>
<li>Ұтысқа қатысатын кредиттері бойынша ай сайынғы өтеу сомасы кешіккен клиенттер</li>
<li>Банктегі кез келген кредиті бойынша өтеу сомасы кешіккен клиенттер</li></ul></li>
</ul>
/ҚР Ұлттық Банктен 03.02.2020 ж. берілген №1.2.47/230/38/1 лицензиясы/

Әр ай сайын пәтер ұтысы: Halyk Bank 7 пәтерді ұтыс ойынына қосты

<a href="https://kyzylorda-news.kz/">Kyzylorda-news.kz</a>. Облыс әкімінің 2021 жылғы 27 мамырдағы өкімімен және Қазақстан Республикасы Президенті Әкімшілігі мен Арал аудандық мәслихатының келісімдері бойынша Арал ауданының әкімі лауазымына Сермағамбетов Серік Сағитжанұлы тағайындалды.
Аймақ басшысы Гүлшара Әбдіқалықова жаңа аудан әкімін Арал ауданында өткен жиында таныстырды.Серік Сермағамбетов 1965 жылы туған. Алматы халық шаруашылық институты экономист, Гумилев атындағы Евразия университетін заңгер мамандықтары бойынша бітірген.
Еңбек жолын 1988 жылы Балық шаруашылығы министрлігінің материалдық-техникалық жабдықтау орталық базасының аға экономисті болып бастаған.1991-2018 жылдары Қызылорда облысы әкімі аппаратында аға инспектор, Қызылорда қаласы әкімінің қаржы шаруашылық басқармасының бастығы, Қызылорда қаласы әкімі аппаратының жетекшісі, Шиелі ауданы әкімінің орынбасары, облыстық кәсіпкерлік және өнеркәсіп басқармасының бастығы, Жалағаш ауданының әкімі. Қызылорда облысының жұмылдыру дайындығы басқармасының басшысы лауазымдарын атқарған.
2018 жылдан бастап осы кезге дейін «Қызылорда облыстық кәсіподақтар орталығы» аумақтық кәсіподақтар бірлестігінің төрағасы қызметін атқарып келді.
<img src="https://kyzylorda-news.kz/wp-content/uploads/2021/05/190883154_3400966506673061_5039909018691815992_n.jpg" alt="" />

Арал ауданының әкімі тағайындалды

<a href="https://kyzylorda-news.kz/">Kyzylorda-news.kz</a>. Қазақстанда өткен тәулікте 1849&nbsp;адамнан коронавирус табылды, деп хабарлады COVID-19 таралуына жол бермеу жөніндегі ведомствоаралық комиссия.
Айта кетейік, бір күн бұрын 1739 науқас тіркелген болатын.
Өңірлер бойынша мәлімет:
<ul>
<li>Нұр-Сұлтан қаласы – 297,</li>
<li>Алматы қаласы – 290,</li>
<li>Шымкент қаласы – 91,</li>
<li>Ақмола облысы – 129,</li>
<li>Ақтөбе облысы – 64,</li>
<li>Алматы облысы – 90,</li>
<li>Атырау облысы – 75,</li>
<li>Шығыс Қазақстан облысы – 80,</li>
<li>Жамбыл облысы – 32,</li>
<li>Батыс Қазақстан облысы – 98,</li>
<li>Қарағанды облысы – 320,</li>
<li>Қостанай облысы – 41,</li>
<li>Қызылорда облысы – 21,</li>
<li>Маңғыстау облысы – 47,</li>
<li>Павлодар облысы – 97,</li>
<li>Солтүстік Қазақстан облысы – 38,</li>
<li>Түркістан облысы – 39.</li>
</ul>
Жалпы ел бойынша ауырғандар саны – 380 160.

Қызылордада 21 адам коронавирус жұқтырғаны анықталды

<a href="https://kyzylorda-news.kz/">Kyzylorda-news.kz</a>.&nbsp;Қазгидромет 27 мамырға арналған ауа райы болжамын жариялады.
Қазақстан территориясының басым бөлігінде атмосфералық ауа ағындардың өтуіне байланысты құбылмалы ауа райы күтіледі. Кей жерлерде найзағаймен өткінші жаңбыр жауады.
Республиканың кей жерлерінде дауыл, желдің күшеюі күтіледі, бұршақ жаууы ықтимал, оңтүстікте шаңды дауыл болады.
Қызылорда облысында қатты ыстық болып, жекелеген аудандарында өте жоғары өрт қаупі күтіледі.

Қазақстан және Қызылорда облысының жаңалықтары