<a href="https://kyzylorda-news.kz/">Kyzylorda-news.kz</a>. Қазақстанда ішкі нарықтағы тауарлық газды көтерме саудада өткізудің жаңа шекті бағалары бекітілді. Бұл туралы Энергетика министрлігі хабарлады.
<blockquote>
 “Қазақстан Республикасының ішкі нарығында тауарлық газды көтерме саудада өткізудің 2021 жылғы 1 шілдеден бастап 2022 жылғы 30 маусымды қоса алған кезеңге арналған шекті бағалары бекітілді. Осы бұйрыққа сәйкес тауарлық газды көтерме саудада өткізудің шекті бағалары өңірге байланысты орта есеппен 11 пайызға көтерілді”, – делінген ҚР ЭМ баспасөз қызметі хабарламасында.
</blockquote>
Министрлік газ бағасын реттеуге қатысты толыққанды ақпарат берді.
<blockquote>
 “ҚР заңнамасына сәйкес тауарлық газдың көтерме сауда бағасын мемлекеттік реттеуді Энергетика министрлігі, ал бөлшек сауда бағасын мемлекеттік реттеуді Ұлттық экономика министрлігі жүзеге асырады. Ішкі нарықта газдың соңғы бағасын ұстап тұру үшін “ҚазТрансГаз” АҚ жыл сайын елдің ішкі нарығын экспорт есебінен субсидиялайды. 2015-2020 жылдар аралығында Ұлттық оператордың ішкі нарықты субсидиялаудан шеккен шығындар сомасы шамамен 425 миллиард теңге болды”, – деді Энергетика министрлігі баспасөз қызметі өкілі.
</blockquote>
Оған қоса газды көтерме саудада өткізу жолдарына тоқталды.
<blockquote>
 “Осыған байланысты, тауарлық газды көтерме саудада өткізудің шекті бағаларын қазіргі деңгейде бекіткен жағдайда Ұлттық оператордың шығындары ұлғаяр еді, ал инвестициялық бағдарламалардың орындалмауы ақыр соңында газ құбырларының шектік ақаулар санының артуына әкеп соғады, бұл елімізге орны толмас нұқсан келтірері сөзсіз”, – деді Энергетика министрлігі баспасөз қызметі өкілі.
</blockquote>

Шілдеден бастап газ бағасы қымбаттайды

<a href="https://kyzylorda-news.kz/">Kyzylorda-news.kz</a>.&nbsp; 2021 жылғы маусымға арналған егжей-тегжейлі жұлдызнаманы назарларыңызға ұсынамыз.
Жалпы кеңестер
Атақты астрологтардың айтуынша, жаздың басталуы көптеген белгілер үшін тұрақты болады. Бірақ кейбіреулер тағдырдың күтпеген өзгерістерінен әлі алыстай қоймайды. Астрологтар 2021 жылдың маусым айының қолайлы күндері мен қолайсыз күндерін есте сақтау керектігін айтады:
Сәтті күндер – 1, 16, 17, 23 және 30 маусым. Бұл күндер&nbsp;өзін-өзі дамытуға және маңызды шешімдер қабылдауға өте қолайлы.
Абай болатын күндер – 5 және 6 маусым. Осы уақытта&nbsp;маңызды жоспарлар жасамай, мүмкіндігінше тыныш өткізген дұрыс.
Көптеген белгілер үшін ай жаңалық әкелмейді. Бойдақтар жаңа қарым-қатынасты бастау үшін қолайлы уақытты күтуге мәжбүр болады.
Біреуді сүйіп қалуыңыз мүмкін, бірақ бұл елеулі қарым-қатынас болмауы мүмкін. Егер сіз ерлі-зайыпты болсаңыз, жауапты шешімдер қабылдау сіздер үшін&nbsp; сәтті болады. Отбасы мен міндеттер бірінші кезекте тұруы керек, содан кейін ғана романтика керек.
Қаржылық жұлдызнама
2021 жылғы маусымға арналған жұлдызнамасына сенсек,&nbsp;жұмыс ты беріле істейтіндер&nbsp;күш-жігері үшін лайықты сыйақы алады. Ал осы уақыт ішінде жалқаулық танытқандар, әрине,&nbsp;өзіне лайықты бағасын алады. Биылғы жылдың символы – Металл өгіз. Ол еңбекқорларды қолдайды және лайықты сыйын береді.
Көп жағдайда шытырман оқиғалардан аулақ болуға тырысу керек. Кез келген маңызды шешімді байыпты түрде қарастырып, өлшеуді ұмытпаңыз. Өз ісіне байыпты қарайтындар ғана қаржымен жетістікке жетеді.
Денсаулық
Өгіз жануар ретінде табандылығымен және үлкен күшімен ерекшеленеді, бірақ ол бәріне осы қасиеттерді сыйлауға қабілетті емес. Маусымдағы жұлдыз жорамалда көптеген адамдардың жүйке жүйесіне қауіп төнетіні, физикалық жағдайы сәл жақсаратыны айтылған.
Үміт үзбеңіз, көп ұзамай бәрі өз орнына келеді. Өз ақыл-ойыңызды басқарып, дұрыс демала білу маңызды.
Тоқты
Тоқтылар әлемге байыпты көзқараспен қарауға мәжбүр болады және бөгде адамдардың жалған уәделеріне сенбейді. Бұл уақыт көптеген жаңа таныстық әкеледі. Бойдақ Тоқты үшін бұл кезең жеке өмірін жақсартудың тамаша мүмкіндігі. Атап айтқанда, кәсіби салада жұмыс істейтін адамдарға назар аударған жөн.
Маусым айына арналған жұлдыз-жорамалда айдың басында романтикалық сапар болатындығы айтылған.
Торпақ
Жаздың бірінші айы бірнеше қиыншылықтарға ұласады: жоспарларыңыз кәсіби қажеттіліктен бұзылуы мүмкін. Мансап пен жеке өмірдің бірін таңдау керек. Ерлі-зайыпты болған Торпақтар өздерінің жан жары туралы бейтарап өсек-аяңдарды естуі мүмкін.
Егіздер
Жалғызбасты Егіздер ыстық маусымда әртүрлі таныстықтарға жолығады, сондықтан сіз гардероб пен сыртқы түріңізді міндетті түрде ретке келтіргеніңіз жөн. Үшінші аптада жаңа кездесулердің ықтималдығы өте жоғары. Кейін құмарлықтан көңіл қалмас үшін мұқият жағдайды бақылау керек.
Белгінің отбасы өкілдері жан серігімен жанжалдан сақтануы керек.
Шаян
Маусымға арналған астрологиялық болжам бұл белгінің айы барлық жағынан перспективалы болады деп сендіреді. Маусым көптеген жаңа кәсіби және романтикалық қарым-қатынастарды уәде етеді.
Жалғызбасты Шаяндар жеке өмірін өзгерте алады. Жұмысында қиындықтарға тап болған белгінің өкілдері жаңа ұсыныстар күтуі мүмкін.
Арыстан
Осы айда сәттілікке жету үшін Арыстандар үнемі назарда,&nbsp;оқиғалардың ортасында болуға тырысуы керек. Бұл отбасылық салаға да, кәсіби салаға да қатысты.
Мұндай көріністер белгінің жалғыз өкілдеріне сүйіктілерін табуға көмектеседі. Өмірлік серігін тапқандар үшін үйлесімділік пен тұрақтылық күтілуде.
Бикеш
Жазды жақсы күндермен бастау үшін ыстық мезгілде шкафты жаңарту артық болмайды. Жұбайын тауып үлгергендер серігінің ашуын туғызуы ықтимал. Сондықтан жұмаыстан гөрі оған көңіл бөлгеніңіз жөн. Екі жақты балансты сақтап, өзіңіздің хоббиіңіз ұмытпай, жарыңызға&nbsp;қысым жасамаңыз. Әйтпесе, жанжалға кезігуіңіз ғажап емес.
Таразы
Таразылар бір көргеннен біреуге ғашық болып қалуы мүмкін. Мұндай кездесудің&nbsp;маңызды қарым-қатынасқа әкелу ықтималдылығы жоғары.
Отбасылы Таразылар жүрегінің екінші жартысына ғана емес, туыстарына да көңіл бөлуі қажет. Отбасындағы қақтығыстарды мүлдем болдырмау мүмкін емес. Бірақ мейлінше болдырмауға тырысуымыз керек. Ұсақ-түйек нәрселерге ашуланбаңыз. Айдың басында айналаңызға мұқият болыңыз.
Сарышаян
Жалғызбасты Сарышаяндар маусымда өзге жанның&nbsp;назарын аударуы мүмкін немесе бірден бірнеше адамды ынтықтыруыңыз да ғажап емес. Достық немесе жұмыс бабы бойынша&nbsp;қоңыраулардың астарында романтикалық ұсыныстар болуы мүмкін.&nbsp;
Егер сіз бұрыннан отбасылы болсаңыз, артық адамдармен араласуды тоқтатқан жөн. Сондай-ақ, айдың басында сіз орындалмайтын уәделер бермеуіңіз керек:&nbsp; оның арты жақсылыққа алып келмейді.&nbsp;
Мерген
Мергендерді осы айда көптеген кездесулер күтуде. Тіпті, олардың&nbsp;кейбірінің арты&nbsp;қарым-қатынасқа ұласады..
Отбасы бар адамдар үшін жұбайына көбірек көңіл бөлген жөн. Себебі жарыңызға жеткілікті көңіл бөлмеу – түсінбеушілікке, жанжалға&nbsp;және асығыс шешімдерге әкелуі мүмкін.
Тауешкі
Айдың басында басы бос Тауешкілер бірқатар таныстықтарға жолығады.&nbsp;
Белгі өкілдерінің отбасылары көптеген туыстарымен жиі кездесу үшін шыдамды болуы керек. Айдың соңына қарай жұмысқа көп көңіл бөлу керек.
Суқұйғыш
Егер жалғызбасты Суқұйғыш жаңа қарым-қатынасты қаласа, ол бастамашылық танытып, серігін&nbsp;бос уақытын қызықты етіп ұсынуы керек.
Суқұйғыштардың отбасы үшін жаздың бірінші айы туыстарының&nbsp;жиі келгеніне қарамастан, жайлы болады. Бұл ай ерлерге қолайлы болмақ.&nbsp;
Балықтар
Шығармашылық Балықтар үшін маусым нағыз өркендеу кезеңі болады. Барлық батыл идеяларды өмірге әкелетін уақыт келді.
Сүйіктіңізбен жанжал&nbsp;туындауы мүмкін. Сондықтан өзгелерге қырыңдауды қойыңыз.&nbsp;Сіз өзіңізге деген үлкен құрметті талап етуіңіз керек. Егер үйлену тойы жоспарланған болса, маусым – ең жақсы кезең.
<a href="https://stan.kz/2021-zhildin-mausim-ayina-arnalgan-zhyldiz-zhoramal-kan-347534/?fbclid=IwAR0_a2Ceh05LTwlUXRjXAQJ9gm8dUubfctawOun4F3DGN4xiseDbFUYKhHw">Stan.kz</a>

Маусым айына арналған жұлдыз-жорамал

<a href="https://kyzylorda-news.kz/">Kyzylorda-news.kz</a>. 4 маусым – Қазақстан Республикасының Мемлекеттік Рәміздер күніне орай бүгін Рәміздер алаңында «Рухымның айнасы – Рәміздерім» атты салтанатты жиын өтті.
Қазақстан Республикасының мемлекеттік Гимнін орындаудан басталған салтанатты жиын «Арай» халықтық мәдени-үгіт тобының Мемлекеттік Рәміздер күніне арналған қойылымымен жалғасты.
Салтанатты жиында аудан әкімі Асылбек Шаменов жалағаштықтарды атаулы мерекемен құттықтады.
<blockquote>
 «Аспан түстес Көк Байрағымыз халқымыздың арманын асқақтатып, беделімізді асырды. Тұлпар тұрпатты Елтаңбамыз ел тарихының тереңінен тамыр тартып, ұлттық құндылықтарымыз бен берекелі бірлігіміздің айбынына айналды. «Менің Қазақстаным» Гимні туған елге деген патриоттық сезімімізді арттырып, әлем алдында рухымызды асқақтатты. Елтаңба мен Көк Туға, Гимнге тағзым – тарихқа тағзым, оларға құрмет – елге құрмет. Өйткені, мемлекеттік белгілеріміз – елдің құты, ырыс-қасиеті»,- деді аудан басшысы өз сөзінде.
</blockquote>
Шара барысында аудан көркемөнерпаздары патриоттық әндер шырқады. Айта кету керек, биылғы жылы Тәуелсіздіктің 30 жылдығына тарту ретінде Жалағаш кентіндегі Дәуімбай елді мекенінде аудандық бюджеттен 69 млн. 510 мың теңге қаржы бөлініп, Рәміздер аллеясын салу жоспарлануда. Рәміздер аллеясы 30 тамыз – Конституция күніне орай ел игілігіне пайдалануға беріледі.
<img src="https://kyzylorda-news.kz/wp-content/uploads/2021/06/zhalagash.jpg" alt="" />
<img src="https://kyzylorda-news.kz/wp-content/uploads/2021/06/zhalagashshsh.jpg" alt="" />

Жалағашта мемлекеттік рәміздер күні аталып өтті

<a href="https://kyzylorda-news.kz/">Kyzylorda-news.kz</a>. Халықтың көптеген өтініші негізінде, сондай-ақ халықаралық тәжірибені ескере отырып, Ұлттық банк 2006 жылдан бастап және одан кейін шыққан банкноттарды айырбастау үшін шексіз мерзім енгізу туралы шешім қабылдады. Бұл туралы Қазақстан Ұлттық банкі Қолма-қол ақша айналысы департаментінің директоры Жомарт Қажымұратов мәлімдеді.
<blockquote>
 «Жаңа банкнот шыққан жағдайда, 12 ай ішінде ескі банкнот қатар қолданыста жүреді. Басқаша айтсақ, ескі банкнот та, жаңа банкнот та заңды төлем құралы болады және оларды бір жыл бойы барлық төлем түрі бойынша қабылдауға міндетті. Қандай да бір банкнот айналымнан шыққаннан кейін оны 3 жыл мерзім ішінде Ұлттық банктің филиалдарынан да, екінші деңгейлі банктердің (ЕДБ) бөлімшелерінен де, «Қазпошта» АҚ кеңселерінен де айырбастап алуға болады», – деді Ж.Қажымұратов.
</blockquote>
Егер сіз белгілі бір себептерге байланысты айналымнан шыққан банкноттарды&nbsp;үш жыл ішінде ЕДБ пен «Қазпошта» АҚ кеңселерінде айырбастай алмай қалсаңыз, онда Ұлттық банктің филиалдары оларды мерзім бойынша шектеусіз қабылдайды.
<a href="https://24.kz/kz/zha-aly-tar/ekonomika/item/478101-2006-zhyl-y-lgidegi-banknottardy-merzimsiz-ajyrbastau-a-bolady">Хабар 24</a>

2006 жылғы үлгідегі банкноттарды мерзімсіз айырбастауға болады

<a href="https://kyzylorda-news.kz/">Kyzylorda-news.kz</a>. Қазақстанда өткен тәулікте 1 586 адам коронавирус індетінен емделіп шықты, деп хабарлайды <a href="https://www.coronavirus2020.kz/kz">coronavirus2020.kz</a>.
Аймақтар бойынша:
Нұр-Сұлтан қаласы – 250, 
Алматы қаласы – 161, 
Шымкент қаласы – 101, 
Ақмола облысы – 35, 
Ақтөбе облысы – 48, 
Алматы облысы – 169, 
Атырау облысы – 95, 
Шығыс Қазақстан облысы – 34, 
Жамбыл облысы – 21, 
Батыс Қазақстан облысы – 96, 
Қарағанды облысы – 332, 
Қостанай облысы – 30, 
Қызылорда облысы – 32, 
Маңғыстау облысы – 52, 
Павлодар облысы – 72, 
Солтүстік Қазақстан облысы – 27, 
Түркістан облысы – 31.
Қазақстан бойынша жазылғандар саны – 363 604.

Қызылордада 32 адам коронавирустан жазылды

<a href="https://kyzylorda-news.kz/">Kyzylorda-news.kz</a>. Қызылорда облысының әкімі Гүлшара Әбдіқалықова аймақ тұрғындарын 4 маусым – Мемлекеттік рәміздер күнімен құттықтады.
Қадірлі жерлестер! Сіздерді елдің елдігін, мемлекеттің мәртебесін айқындайтын бірегей белгісі – Мемлекеттік рәміздер күнімен шын жүректен құттықтаймын!
Рәміздеріміз – ТУ , Елтаңба және ГИМН тәуелсіз еліміздің дербестігін әлемге танытып қана қоймай, өткені мен бүгінін жалғастырып, болашағымен сабақтастырады.
Елбасымыз Нұрсұлтан Әбішұлы Назарбаевтың сөзімен айтсақ, “Мемлекеттік рәміздер – халқымыздың рухын, ұлттық санасы, қаһармандығы мен даналығын, болашаққа деген үмітін, арман-тілегін жеткізетін ерекше құнды белгілер”.
Рәміздер халықтың рухы мен елдің егемендігін ғана емес, сол мемлекеттің өркениет көшінен алар орны мен деңгейін де белгілейді.
Бүгінгі күні Тәуелсіздігіне 30 жыл болған Қазақстанның мемлекеттік Туы өзімен экономикалық және достық қарым-қатынас орнатқан көптеген мемлекеттерде желбіреп тұр. Жеңімпаз спортшыларымыз Туымызды көкке көтеріп, Гимнімізді асқақтатуда.
Бұл әрбіріміз үшін зор мақтаныш, бақыт екені даусыз!Осы ретте, жас ұрпақтың Мемлекеттік рәміздерге деген құрметін қалыптастырып, санасына сіңіру баршамыздың азаматтық борышымыз ғана емес, басты жауапкершілігіміз екенін естен шығармасақ деймін.
Ел Президенті Қасым-Жомарт Кемелұлы Тоқаев: «Елтаңба, Ту, Әнұран – Тәуелсіздігіміздің басты құндылықтарының көрінісі, бейбітшіліктің, бірлік пен келісімнің, өсіп-өркендеудің белгісі», – деп айтқанындай, аспан түстес Көк Байрағымыз асқақтап, тұлпар тұрпатты Елтаңбамыз жарқырап, Гимніміз шарықтап, Тәуелсіздігіміз нығая берсін!
Мемлекеттік тіліміздің мәртебесі үстем болсын! Шекарамызға ешкім сына қақпасын! Тәуелсіз Қазақстанымыз жасасын!

Гүлшара Әбдіқалықова: Рәміздер мемлекеттің өркениет көшінен алар орны мен деңгейін белгілейді

<a href="https://kyzylorda-news.kz/">Kyzylorda-news.kz</a>. Қазақстан территориясының басым бөлігінде атмосфералық фронталды бөліктердің ықпалында болғандықтан, құбылмалы ауа райы сақталады, деп хабарлайды Қазгидромет.
Кей жерлерде найзағаймен жаңбыр күтіледі, бұршақ жаууы ықтимал, Республиканың орталығында қатты жаңбыр жауады. Республиканың кей жерлерінде жел күшейіп, шаңды дауыл күтіледі.
Солтүстік Қазақстан, Қостанай, Ақмола облыстарында, Палодар, Қарағанды, Шығыс Қазақстан облыстарының кей жерлерінде желдің 15-20, екпіні 25 м/с күшеюі күтіледі, шаңды дауыл болды, бұршақ жаууы ықтимал.
Түркістан, Қызылорда облыстарының кей жерлерінде желдің 15-20, екпіні 25 м/с күшеюі күтіледі, шаңды дауыл болды, Түркістан облысында дауыл болады. Батыс Қазақстан облысының кей жерлерінде дауыл күтіледі, күндіз жел 15-20 м/с күшейеді, шаңды дауыл болды, бұршақ жаууы ықтимал. Ақтөбе, түнде Маңғыстау, Атырау облыстарының кей жерлерінде жел 15-20 м/с күшейеді.
Күндіз Қызылорда, Жамбыл облыстарының басым бөлігінде, Алматы, Түркістан облыстарының кей жерлерінде қатты ыстық сақталады.
Қызылорда, Жамбыл, Ақтөбе, Қарағанды, Алматы облыстарында, Атырау, Шығыс Қазақстан, Түркістан, Қостанай, Павлодар облыстарының кей жерлерінде, Ақмола облысының жекелеген ауданында өте жоғары өрт қаупі сақталады.

Қызылордада жел күшейеді

<a href="https://kyzylorda-news.kz/">Kyzylorda-news.kz</a>. Қазақстандағы коронавирусқа қатысты 3 маусым 23:59-дағы эпидемиологиялық жағдай бойынша ПТР арқылы 1 319 адамда коронавирус індеті расталды, деп хабарлайды&nbsp;<a href="https://www.coronavirus2020.kz/kz">coronavirus2020.kz</a>.
Аймақтар бойынша:
Нұр-Сұлтан қаласы – 222, 
Алматы қаласы – 184, 
Шымкент қаласы – 46, 
Ақмола облысы – 75, 
Ақтөбе облысы – 27, 
Алматы облысы – 53, 
Атырау облысы – 64, 
Шығыс Қазақстан облысы – 90, 
Жамбыл облысы – 23, 
Батыс Қазақстан облысы – 89, 
Қарағанды облысы – 254, 
Қостанай облысы – 38, 
Қызылорда облысы – 9, 
Маңғыстау облысы – 44, 
Павлодар облысы – 61, 
Солтүстік Қазақстан облысы – 20, 
Түркістан облысы – 20.
Жалпы ел бойынша ауырғандар саны 391 695.

Қызылордада өткен тәулікте коронавирус жұқтырғандар бар

<a href="https://kyzylorda-news.kz/">Kyzylorda-news.kz</a>. Бүгін Тәуелсіз Қазақстанның мемлекеттік рәміздері – Мемлекеттік ту, Мемлекеттік елтаңба және Мемлекеттік гимн күні.
Осыдан тура 29 жыл бұрын, нақты айтқанда 1992 жылдың 4 маусымында ҚР Тұңғыш Президенті – Елбасы Нұрсұлтан Назарбаев «Қазақстан Республикасының Мемлекеттік туы туралы», «Қазақстан Республикасының Мемлекеттік елтаңбасы туралы» және «Қазақстан Республикасы Мемлекеттік әнұранының музыкалық редакциясы туралы» Заңдарға қол қойған еді. Ал «Қазақстан Республикасының Мемлекеттік рәміздері туралы» Конституциялық Заң 2007 жылы 4 маусымда қабылданды.
Осы Заңға сәйкес жыл сайын 4 маусым Қазақстан Республикасында Мемлекеттік рәміздер күні ретінде мерекеленеді. Мемлекеттік рәміздер – бұл кез келген мемлекеттің егемендігі мен біртұтастығын бейнелейтін, оның ажырағысыз атрибуттарының бірі.
Қазақстан Республикасында Мемлекеттік ту, Мемлекеттік елтаңба және Мемлекеттік гимн мемлекеттік рәміздер болып саналады. Осынау мемлекеттік үш нышанды таңдау үшін 1992 жылдың басында Жоғарғы Кеңес президиумы жұмыс тобын құрып, арнайы шығармашылық комиссия тағайындады. Оның құрамына Салық Зиманов, Ербол Шәймерденов, Серікболсын Әбділдин, Серік Әбдрахманов сынды қайраткерлер кірді. Осыдан кейін бүкіл Қазақстан көлемінде Елтаңба, Ту, Әнұран нұсқаларына конкурс жарияланды. Бір ғана тудың өзіне 600 адамнан 1 200 нұсқа түссе, Елтаңбаның 245 жобасы, әнұранның 750 үлгісі байқауға қатысты. Эстетикалық сипатымен де, тарихи, саяси, экономикалық символизмге сәйкес келуі бойынша да үздік туынды ұсынған байқау жеңімпаздарын қазір халық мемлекеттік нышан авторлары ретінде таниды.
Атап айтқанда, Қазақстан Республикасының Мемлекеттік туы. Тудың авторы – Қазақстанның еңбек сіңірген өнер қайраткері Шәкен Ниязбеков.
Еліміздің мемлекеттік туы – ортасында шұғылалы күн, оның астында қалықтап ұшқан қыран бейнеленген тік бұрышты көгілдір түсті мата. Тудың сабының тұсында ұлттық өрнек тік жолақ түрінде нақышталған. Күн, оның шұғыласы, қыран және ұлттық өрнек бейнесі алтын түстес. Тудың ені мен ұзындығының арақатынасы – 1:2.
Қазақстан Республикасы Мемлекеттік елтаңбасының авторлары – белгілі сәулетшілер Жандарбек Мәлібеков пен Шот-Аман Уәлиханов. Қазақстан Республикасының Мемлекеттік елтаңбасы – дөңгелек нысанды және көгілдір түс аясындағы шаңырақ түрінде бейнеленген, шаңырақты айнала күн сәулесіндей тарап уықтар шаншылған. Шаңырақтың оң жағы мен сол жағында аңыздардағы қанатты пырақтар бейнесі орналастырылған.
Жоғарғы бөлігінде – бес бұрышты көлемді жұлдыз, ал төменгі бөлігінде «QAZAQSTAN» деген жазу бар. Жұлдыздың, шаңырақтың, уықтардың, аңыздардағы қанатты пырақтардың бейнесі, сондай-ақ «QAZAQSTAN» деген жазу – алтын түстес. Қазақстан Республикасының Мемлекеттік Туы мен Мемлекеттік Елтаңбасының эталондары Қазақстан Республикасы Президентінің Резиденциясында сақталады. Тәуелсіз Қазақстанның тұңғыш Әнұранның авторлары ретінде – әуенін жазған Мұқан Төлебаев, Евгений Брусиловский мен Латиф Хамидидің есімі тарихта қалды.
Үздік мәтінге жарияланған байқауды Мұзафар Әлімбаев, Қадыр Мырзалиев, Тұманбай Молдағалиев және Жадыра Дәрібаева жеңіп шықты. 2006 жылы «Менің Қазақстаным» әні ретінде танымал болған Қазақстанның гимні Президент Нұрсұлтан Назарбаевтың бастамасымен 2006 жылы 6 қаңтарда еліміздің Парламентінде бекітілді.
Бірінші рет ол 2006 жылы 11 қаңтарда Тұңғыш Президент, Елбасының салтанатты ұлықтау рәсімінде орындалды. Әннің авторы Шәмші Қалдаяқов, сөзін жазғандар: Жұмекен Нәжімеденов, Нұрсұлтан Назарбаев.
<a href="https://lenta.inform.kz/kz/bugin-memlekettik-ramizder-kuni_a3796604">ҚазАқпарат</a>

Бүгін &#8211; мемлекеттік рәміздер күні

Kyzylorda-news.kz. Қызылорда қаласында 3 жылдан бері қазақтың ұлттық аспаптарын жасайтын шеберхана жұмыс жасайды.
Қызылорда қаласында мемлекеттік бағдарламалар аясында несие алып жұмыс жасап жатқан кәсіпкерлік нысандарға баспасөз туры ұйымдастырылды. Алғашқы бағыт «Жетіген Саз аспаптары» ЖШС болды. Серіктестік директоры Біржан Ділманов 2019 жылы «Нәтижелі жұмыспен қамту жаппай кәсіпкерлікті дамытудың 2017-2021 жылдарға арналған «Еңбек» мемлекеттік бағдарламасы аясында «Қызылорда» өңірлік инвестициялық орталығы» арқылы 6 пайызбен 14 млн теңге несие алған.
<img src="https://kyzylorda-news.kz/wp-content/uploads/2021/06/img-20210603-wa0052.jpg" alt="" />
Кәсіпкердің айтуынша, ол алғашқыда Алматы қаласындағы ұлттық аспаптар шығару шеберханаларында жұмыс жасаған. Біраз уақыттан кейін Қызылорда облысына оралып, Шиелі ауданындағы әкесінің шеберханасында өз ісін жалғастырған.
<blockquote>
 «Бұл кәсіпті ең алғаш әкемнің ағасы бастаған. Сонан соң бауырлары бірінен соң бірі кәсіпті дөңгелетіп әкетті. Мен де әке жолын қуып, қазақтың ұлттық аспаптарын шығаруды қолға алдым. Шиелі ауданында өткен көрмеде облыстың бұрынғы әкімі Қырымбек Көшербаев «мұндай кәсіптің облыс орталығында орналасқаны жөн» деген соң, кәсібіміздің көкжиегін кеңейту мақсатында қалаға көшіп келдік. Қазіргі таңда мемлекеттік сатып алу арқылы түрлі мекемелерден тапсырыс қабылдаймыз. Сонымен қатар өзге өңірлерден де сұраныс түседі. Домбыраның ең арзаны 45 мың теңгеден басталып, ең қымбаты 450 мың теңгеге дейін барады», – дейді кәсіпкер.
</blockquote>
Ұстаның айтуынша, бір домбыраны жасауға бір апта уақыт кетеді. Ал қымбат домбыраларға жарты жылға жуық уақыт жұмсалады. Бүгінде шеберханада 30-дан астам ұлттық аспап жасалады.
Кәсіпкер мемлекет тарапынан алған несиеге сурет, ою-өрнек оятын лазерлік құрылғы, ағашты кесіп-өңдейтін құрал-жабдықтар сатып алған. Қазіргі таңда шеберханада 5 адам жұмыспен қамтылған. Баспасөз-турының келесі бағыты қаладағы «Брусчатка KZO» нысаны болды. Тас төсеніштерді өндіретін цех 2019 жылы жұмысын бастаған. Бұл кәсіпкерлік нысан да аталған мемлекеттік бағдарламасы аясында 10 млн теңге несие алған. мемлекет тарапынан алынған қаражатқа кәсіпкер Назым Анарбекқызы «Камаз» жүк көлігін, өнім шығаруға арналған құрылғылар алып, цех құрылысын жүргізген.
<img src="https://kyzylorda-news.kz/wp-content/uploads/2021/06/img-20210603-wa0056.jpg" alt="" />
Кәсіпкердің әкесі Анарбек Күнтуаров 7 жыл бұрын қалада брусчатка өнімін шығарумен айналысқан. Алайда кәсіпкер қаражаттың жоқтығынан өз ісін жабады. Қазіргі таңда Анарбек Күнтуаров қызының кәсібін дөңгелетуге атсалысып келеді.
<blockquote>
 «Цехта күніне 60-100 шаршы метр брусчатка шығарылады. Өнімге қажетті шикізаттар Шиелі, Жаңақорған аудандарынан әкелінеді. Ал өнімнің бағасы түріне қарай шаршы метріне 2500-3000 теңгеден сатылады. Қазіргі таңда өнімге сұраныс көп. Бұған дейін қаладағы мектептерге өз өнімімізді сатып үлгердік», – дейді Анарбек Күнтуаров.
</blockquote>
<img src="https://kyzylorda-news.kz/wp-content/uploads/2021/06/img-20210603-wa0058.jpg" alt="" />
Кәсіпкердің айтуынша, түрлі-түсті тас төсеніштер шаршы метріне 3000 теңгеден сатылса, түссізі 2500 теңгеден сатылуда.
Қаладағы ірі кәсіпкерлік нысандардың бірі «Қыстаубаев» ЖК. Мұнда жиһаз жасалып, сатылымға шығарылады. Бұл кәсіпкерлік нысан да жоғарыда аталған бағдарлама негізінде 15 млн теңге несие алған. Қазіргі таңда мұндағы өнімдерге алыс-жақын шетелдерден де сұраныс бар. Кәсіпкерлік нысанда 6 адам жұмыспен қамтылған.
<img src="https://kyzylorda-news.kz/wp-content/uploads/2021/06/img-20210603-wa0044.jpg" alt="" />
«Нәтижелі жұмыспен қамту жаппай кәсіпкерлікті дамытудың 2017-2021 жылдарға арналған «Еңбек» мемлекеттік бағдарламасының игілігін көрген «Орда Инвест» кәсіпкерлік нысаны да 2019 жылы 8,3 млн теңге несие алып, қала орталығында өз кәсіпкерін жөңгелетіп келеді. Бұл кәсіпкерлік нысан құрылысқа қажетті әк және пескоблок өнімдерін шығаруда.
<img src="https://kyzylorda-news.kz/wp-content/uploads/2021/06/img-20210603-wa0041.jpg" alt="" />
«Орда Инвест» ЖК басшысының орынбасары Азамат Жанақұловтың айтуынша, цехта күніне 4 тонна әк, 1000-1100 дана пескоблок өндіріледі. Кәсіпкерлік нысан бүгінде 13 адамды жұмыспен қамтып отыр.
<blockquote>
 «Пескоблок өніміне шикізат Шиелі ауданында әкелінеді. Алдағы уақытта әк өнімін көбейтуді жоспарлап отырмыз. Сонымен қатар пескоблок өнімін шығаратын тағы 2 құрылғы сатып алу жоспарда бар», – дейді Азамат Жанақұлов.
</blockquote>
<img src="https://kyzylorda-news.kz/wp-content/uploads/2021/06/img-20210603-wa0047.jpg" alt="" />
Баспасөз туры барысында көрген кәсіпкерлік нысандардың барлығы мемлекет тарапынан қолдауға ие болған. Олар алдағы уақытта да мемлекеттік бағдарламалар аясында кәсіптерін кеңейтуді көздейді.
<blockquote>
 Қызылорда қаласы мен қалаға қарасты кент және ауылдық округтер бойынша биыл жоба құны 207 млн 540 мың теңгені құрайтын 23 жоба қолдау алды. Бөлім тарапынан мемлекеттік бағдарламалар аясында жүзеге асырлатын жобаларды сүйемелдеу, қолдау көрсету, түсіндіру, насихаттау жұмыстары тұрақты түрде жүргізілуде», – дейді Қызылорда қалалық кәсіпкерлік, өнеркәсіп және туризм бөлімінің басшысы Бағлан Амангелдиев.
</blockquote>
Айта кетейік, биылғы жылдың мамыр айына дейін облыс орталығында 26 358 шағын кәсіпкерлік нысан тіркелген. Оның ішінде нақты жұмыс жасап тұрғаны 22 518 нысанды құрайды. Бұл көрсеткіш өткен жылдың осы кезеңімен салыстырғанда 3,6% пайызға өсті. Аймақта жұмыс істеп тұрған шағын және орта кәсіпкерлік субъектілерінің 45,5%-ы Қызылорда қаласының үлесінде.

Қызылорда қаласында 26 мыңнан астам кәсіпкерлік нысан бар

<a href="https://kyzylorda-news.kz/">Kyzylorda-news.kz</a>. Қызылорда облысы бойынша ҚАЖ мекемелеріндегі жазасын өтеушілер жұмыспен қамтылған.
Бүгінгі таңда ЗК-169/5 мекемесіне кәсіпкерлерді тарту мақсатында атқарылған іс аз емес. Нәтижесінде,&nbsp; мекеменің өндірістік&nbsp; аймағында 13 кәсіпкер жұмыс жасап, 232 сотталғанды жұмыспен қамтып отыр. Онда сотталған азаматтар әк өндіру, нан цехы,&nbsp; газоблок, кірпіш, құм блоктарын өндіру, колөнер мен аяқ киім тігумен айналысады.
Мекеменің сотталғандардың еңбегін ұйымдастыру бөлімінің инспекторы әділет аға лейтенанты Т.Тлеубекованың айтуынша, мекеменің өндірістік&nbsp; аймағында сотталғандарды келісім шарт негізінде жұмыспен қамтып отырған &nbsp;ЖШС «Ержас-2013»&nbsp; күніне 300 дана газоблок өнімдерін шығарып жатыр.
<blockquote>
 «Өндіріс орнында жұмыс жасап жүрген 12 сотталған жұмыс істеп, мемлекет алдындағы, жеке тұлға алдындағы берешектерін өтеп, туған-туыстарына көмектесіп жатқандар да бар. Олар арнайы киіммен толық қамтамасыз етіліп, техникалық қауіпсіздік шаралары қатаң сақталған», – дейді әділет аға лейтенанты Т.Тлеубекова.
</blockquote>
Осы өндіріс орында 2014 жылдан бері жұмыс істеп келе жатқан жазасын өтеуші Бауыржанды сөзге тарттық. Газоблок шығаруда да төзімділік пен табандылық керек дейді ол. Оның айтуынша&nbsp; газоблок өнімін шығаруға көп шикізат та қажет емес екен. Цемент пен кәдімгі құм, каучук содасы және алюминий ұнтағы.
<blockquote>
 «Қазандыққа цемент, құм, каучук содасы мен алюминий ұнтағын қосып араластырамыз. Арнайы қалыпқа дайын өнімді құйып 1 тәулікке қоямыз. Каучук содасы мен алюминий ұнтағының көмегімен өнім 35 см дейін өтеріледі. Цехтың температурасы 36-40градус болуы қажет. Бір тәулікте қалыпқа құйылған газоблок қатып қалады. Газоблоктың биіктігі 30 см, ені 20 см, ұзындығы 60 см болады. Тұрғындар арасында кең қолданысқа ие бұл өнім жылуды жақсы ұстап тұрады&nbsp; және берік, мұны көпшілік тұрғын үйге пайдалануда. Жалақымыз уақытылы төленеді. Осы жұмысты жасай жүріп, мемлекетке келтірген шығынды толық өтедім. Отбасылымен 2 балам бар, жалақымның бір бөлігін отбасыма жіберіп отырамын», – дейді Бауыржан. &nbsp;
</blockquote>
Есірткі бабымен&nbsp; істі болып, 13 жылға сотталған Бауыржан тезірек бостандыққа шықсам дейді. Газоблок өнімін шығарудың қыр-сырын меңгерген ол бостандыққа шыққан соң, жеке кәсіп ашсам деген арманын айтты.
Сотталғандар бос уақытын тиімді өткізіп, істеген еңбектерінің жемісін жесе, мекеме тәрбиелеудің тиімді жолын еңбекпен ұштастырып отыр.

Қызылордада жазасын өтеушілер күніне 300 дана газоблок шығарады

<a href="https://kyzylorda-news.kz/">Kyzylorda-news.kz</a>.&nbsp; Қызылордада «Қару» жедел-профилактикалық іс-шарасы басталғалы 4899 қару иелері тексеріліп, 117 құқық&nbsp; бұзушылық&nbsp; анықталған.
Заңсыз айналымнан 26 дана қару тәркіленсе, олардың 7-і Қазақстан Республикасы Қылмыстық кодексінің 287-бабы (Қару-жарақтарды сақтау, тасымалдау немесе алып жүру) бойынша, 19-ы Қазақстан Республикасы Әкімшілік құқық бұзушылық кодексінің 482-бабына (қаруды заңсыз иемдену) сәйкес тәркіленген.
Сонымен қатар, &nbsp;шара барысында қару сақтау&nbsp; ережесін бұзған 75 азаматқа, қару тасымалдау және тіркеу ережелерін бұзған 98 азаматқа әкімшілік шаралар &nbsp;көріліп, нәтижесінде ҚР ӘҚБтК-нің 53-1 бабына сәйкес&nbsp; қару иелері&nbsp; қайта емтихан тапсыруға жіберілді.

Қазақстан және Қызылорда облысының жаңалықтары

Шілдеден бастап газ бағасы қымбаттайды

Маусым айына арналған жұлдыз-жорамал

Жалағашта мемлекеттік рәміздер күні аталып өтті

2006 жылғы үлгідегі банкноттарды мерзімсіз айырбастауға болады

Қызылордада 32 адам коронавирустан жазылды

Гүлшара Әбдіқалықова: Рәміздер мемлекеттің өркениет көшінен алар орны мен деңгейін белгілейді

Қызылордада жел күшейеді

Қызылордада өткен тәулікте коронавирус жұқтырғандар бар

Бүгін – мемлекеттік рәміздер күні

Қызылорда қаласында 26 мыңнан астам кәсіпкерлік нысан бар

Қызылордада жазасын өтеушілер күніне 300 дана газоблок шығарады

Қызылордада қару иелері қайта емтихан тапсыратын болады

Қазақстан және Қызылорда облысының жаңалықтары

Шілдеден бастап газ бағасы қымбаттайды

Маусым айына арналған жұлдыз-жорамал

Жалағашта мемлекеттік рәміздер күні аталып өтті

2006 жылғы үлгідегі банкноттарды мерзімсіз айырбастауға болады

Қызылордада 32 адам коронавирустан жазылды

Гүлшара Әбдіқалықова: Рәміздер мемлекеттің өркениет көшінен алар орны мен деңгейін белгілейді

Қызылордада жел күшейеді

Қызылордада өткен тәулікте коронавирус жұқтырғандар бар

Бүгін &#8211; мемлекеттік рәміздер күні

Қызылорда қаласында 26 мыңнан астам кәсіпкерлік нысан бар

Қызылордада жазасын өтеушілер күніне 300 дана газоблок шығарады

Қызылордада қару иелері қайта емтихан тапсыратын болады

Бүгін – мемлекеттік рәміздер күні