<a href="https://kyzylorda-news.kz/">Kyzylorda-news.kz</a>. Бүгін облыс әкімі Гүлшара Әбдіқалықова орынбасары, ҚР Президентінің «Байқоңыр» кешеніндегі арнаулы өкілі Серік Сүлейменовті және ҚР Президентінің «Байқоңыр» кешеніндегі арнаулы өкілінің қызметін қамтамасыз ету басқармасының басшысы Жасұлан Абатовтың есебін тыңдады.
Кездесуде Серік Сүлейменов Байқоңыр қаласындағы жыл көлемінде атқарылған жұмыстарды тізбеледі.
Биыл Байқоңыр қаласын дамытудың ұзақ мерзімді бірлескен бағдарламасы қабылданып, Байқоңыр қаласын әлеуметтік-экономикалық дамытудың 2020 жылға арналған Жол картасы бекітілген.
Кездесу барысында Жасұлан Абатов міндетті әлеуметтік медициналық сақтандыру жүйесі, әлеуметтік төлемдер мәселесі мен халықтың әлеуметтік осал топтарын қолдау бағытындағы қарқынды шараларды баяндады. Сондай-ақ, Байқоңыр қаласындағы коммуналдық қызметтерге жоғары тарифтерді ескере отырып, келесі жылы коммуналдық қызметтерге ақы төлеу кезінде қала тұрғындарының шығындарын өтеуді ұлғайтуды жоспарланғанын тілге тиек етті.
Жасұлан Абатов өз есебінде қазақстандық балабақшалардың санын арттыру мақсатында балабақша ғимаратын Ресей тарапына жалға берілген мүліктер тізбесінен шығарып, Қармақшы ауданы әкімдігінің коммуналдық меншігіне беру бойынша атқарылған жұмыстарды атап өтті. Сонымен бірге қаланың ойын-сауық және туристік әлеуетін арттыру және қонақ үй ашу үшін әкімшілік ғимаратты жалдан шығару мәселесі бойынша нақты жұмыстарды тізбеледі.
Бүгінгі күні Байқоңыр қаласында медициналық мәселелер кезең-кезеңімен шешілуде. Медициналық мекеме 13 өкпені жасанды желдету аппараты мен 56 оттегі концентраторымен жабдықталған. Көпбейінді ауруханада 185 төсек-орынға провизорлық стационар ашу мүмкіндігі қарастырылған. Сонымен қатар, Төретам ауылдық ауруханасы аумағында 25 орындық провизорлық төсек орнын ашу мақсатында Байқоңыр қаласы кәсіпкерлерінің қолдауымен бос тұрған ғимараттардың бірінде жөндеу жұмыстары жүргізілді.
Келер жылы Байқоңыр қаласындағы сумен жабдықтау және су бұру жүйелерін реконструкциялау және жаңғырту жөніндегі жобалар іске асады. Сондай-ақ бес 50 пәтерлі тұрғын үй салу үшін республикалық бюджет комиссиясының шешіміне сәйкес қаражат бөлу алдын ала қолдау тапқан. Бұл жұмыстар нәтижесінде жаңа жұмыс орындары ашылып, қаланың әлеуметтік мәселесінің оң шешім табуына ықпал етеді.
Жылдық қорытынды есебінде Жасұлан Абатов «Бақытты отбасы» орталығын Байқоңыр қаласынан ашу жөніндегі жұмысты іске асырудың нақты жоспарын атап өтіп, Жаңа орталық Байқоңыр қаласындағы әлеуметтік осал топтағы отбасылар мен зейнеткерлер, мүмкіндігі шектеулі азаматтарға қызмет көрсетудің қолжетімділігін арттырады.
Кездесу соңында облыс әкімі Гүлшара Әбдіқалықова Жасұлан Абатовқа «Жол картасы» аясындағы жобаларды жалғастырып, негізгі басым бағыттардағы жұмысты жалғастыруды тапсырды.
<img src="https://kyzylorda-news.kz/wp-content/uploads/2020/12/fb_img_1609231823981.jpg" alt="" />

Гүлшара Әбдіқалықова Байқоңыр қаласының әлеуметтік-экономикалық даму көрсеткіштерін саралады

<a href="https://kyzylorda-news.kz/">Kyzylorda-news.kz.</a>&nbsp;&nbsp;&nbsp; Есірткі қылмысына қарсы іс-қимыл басқармасымен жүргізіліп жатқан рейд барысында «Шымкент-Самара» тас жолының 1550/716 шақырымында жылдамдықты асырып&nbsp; жол ережесін бұзған «ВАЗ&nbsp; 2115» автокөлігі&nbsp; тоқтатылды.
Тексеру барысында автокөліктің жүк салғышынан үлкен қораптан және 2 дана жол сөмкеден ірі мөлшерде ерекше иісі бар шөп алынды. Сараптама қорытындысы бойынша ерекше иісі бар зат 15 келіден аса «кептірілген марихуана» екендігі анықталған.
Оқиға орнында күдікті 37 жастағы Атырау қаласының тұрғыны ұсталды.&nbsp;&nbsp;
<blockquote>
 “Бүгінгі күні ол Қармақшы ауданы Полиция бөлімінің уақытша ұстау изоляторына қамаққа алынып, Қазақстан Республикасы Қылмыстық кодексінің 296-бабының 4-бөлігімен (Аса ірі мөлшердегі есiрткi, психотроптық заттарды, сол тектестерді өткізу мақсатынсыз заңсыз дайындау, қайта өңдеу, иемдену, сақтау, тасымалдау)&nbsp; сотқа дейінгі тергеп-тексеру амалдары жүргізілуде. Оқиғаның мән-жайы анықталуда”, – делінген полиция департаментінің хабарламасында.&nbsp;
</blockquote>
<img src="https://kyzylorda-news.kz/wp-content/uploads/2020/12/whatsapp-image-2020-12-29-at-10.03.02.jpeg" alt="" />

Қызылордада  аса ірі мөлшерде есірткі затын тасымалдаған күдікті ұсталды

2020: Қызылорда облысындағы елеулі оқиғалар

<a href="https://kyzylorda-news.kz/">Kyzylorda-news.kz.</a> Әлеуметтік медициналық сақтандыру қорының Қызылорда облысы бойынша филиалының ұжымы «Балаларға қуаныш сыйла» акциясы аясында тұрмысы төмен көп балалы отбасыларға жаңа жылдық дастарханға қажетті өнімдерді сыйға тартты.
Азық-түлік жиынтығына күріш, ұн, өсімдік майы, шай, макарон және тағы басқалар кірді. Балаларға қысқы киімдер таратылды. Әрине, мереке қарсаңында балалар үлкен қуаныш пен ризашылықпен қабылдаған жаңа жылдық сыйлықтарсыз болған жоқ.
Қайырымдылық акциясын өткізуге Әлеуметтік медициналық сақтандыру қорының орталық аппараты бастамашылық етті. Карантиндік шараларға байланысты корпоративті іс-шараларға тыйым салынғандықтан, қызметкерлер үнемделген ақшаны мұқтаж жандарға көмек ретінде пайдалануға шешім қабылдады.
Қамқорлықтағы отбасылар қала шетіндегі уақытша үйлерде тұрады, өз баспаналары жоқ. Осылайша, Тасбөгет кентің тұрғыны, жалғызбасты ана 4 жастан 16 жасқа дейінгі төрт баланы тәрбиелеп отыр. Оның тұрақты жұмысы жоқ. Отбасындағы қаржылық жағдай өте қиын. Әйел Қор қызметкерлеріне шын жүректен алғысын білдірді.
Қаланың шет аймақта тұратын тағы бір отбасы да қолдауды қажет етеді. Ерлі-зайыптылардың үш кәмелетке толмаған баласы бар, олардың көру қабілеті нашар.
Айта кетсек, медсақтандыру Қорының акциясының арқасында бұл мұқтаж жанұялар туралы басқа да жанашыр жандар біліп, оларға әр түрлі көмек көрсетуде. Себебі, мейрам – ол барлық адамдарға ортақ. Биылғы жыл барлық адамзатына өте ауыр болғанына қарамастан, мұқтаж жандарға жүректің жылулығын сыйлау өте орынды. Сол кезде жаңа жыл барлығына сәттілікпен келеді деп үміттенеміз!&nbsp;&nbsp;&nbsp;&nbsp;&nbsp;
Әлеуметтік медициналық сақтандыру қорының Қызылорда облысы бойынша филиалы игі істер қоржынын толықтыруды жалғастыруда. «Балаларға қуаныш сыйла» акциясы жыл сайын өткізіледі.
<img src="https://kyzylorda-news.kz/wp-content/uploads/2020/12/semja.jpeg" alt="" />

МӘМС қорының Қызылорда облысы бойынша филиалы қайырымдылыққа үн қосты

<a href="https://kyzylorda-news.kz/">Kyzylorda-news.kz.</a>&nbsp; Қала және аудан әкімдері ротациялауға жататын мемлекеттік қызметшілер қатарына енгізілді.
Енді саяси қызметшілер мен «А» корпусының мемлекеттік әкімшілік қызметшілері ротацияланатын болады.
Бұл туралы Мемлекет басшысының 2020 жылғы 13 қарашадағы №447 Жарлығымен «Мемлекеттік қызмет өткерудің кейбір мәселелері туралы» Жарлыққа өзгерістер мен толықтырулар енгізілді.
Ротацияның негізгі мақсаттары мемлекеттік органдар қызметінің тиімділігін арттыру, сыбайлас жемқорлық құқық бұзушылықтардың алдын алу, сондай-ақ қызметшілердің кәсіби әлеуеті мен басқарушылық тәжірибесін дамыту және тиімді пайдалану болып табылады.
Сондай-ақ, аталған Жарлықпен «Б» корпусының қызметшілерін ротациялау тәртібіне енгізілген толықтыруларға сәйкес, әкімдік басқармаларының басшыларын өңіраралық ротациялау мүмкіндігі енгізілді. Бұрын оларды ротациялау тек бір өңір шегінде ғана мүмкін болатын.
Бұл ретте, «Б» корпусының қызметшісі өз лауазымына тағайындалған күннен бастап үш жылдан кейін ротацияланады.
Осы лауазымда болу мерзімі уәкілетті адамның актісімен тағы үш жылға ұзартылуы мүмкін не «Б» корпусының қызметшісі атқаратын лауазымынан босатылуы не ол келіскен жағдайда лауазымынан төмендетілуі мүмкін.
Одан әрі, қызметшінің лауазымында болу мерзімін Ұлттық комиссияның шешімімен одан әрі екі жылға ұзартуға жол беріледі.
«Б» корпусының қызметшілері де саяси және «А» корпусының лауазымдары тәріздес, лауазымында болуының мерзімі сегіз жылдан аспайды.
Бұдан бөлек, «Б» корпусының С-2, С-3, С-О-2, С-О-3, C-R-1, C-R-2, C-R-3, D-O-2, D-1, D-2, D-3, Е-1, E-R-1 санаттары, яғни мемлекеттік органның бірінші басшысының орынбасары мен құрылымдық бөлімше басшылары бойынша соңғы үш жыл бойы атқарып келген, әр түрлі әкімшілік-аумақтық бірліктерде жұмыс істейтін қызметшілерге де ротациялау мүмкіндігі берілді. Бұрын оларды ротациялау қарастырылмаған болатын.
Бұл ретте, ротациялау әртүрлі мемлекеттік органдарда жұмыс істейтін қызметшілер арасында, осы қызметшілердің өзара келісімі болғанда уәкілетті адамдардың актілерімен ротация жүргізуге жол беріледі.
Сонымен қатар, жоғарыда аталған Жарлықпен «Б» корпусының лауазымдарына конкурс өткізілместен ауысу тәртібімен орналасу қағидалары жаңа редакцияда жазылып, алдағы уақытта мемлекеттік органдардың ішінде «Б» корпусының қызметшілерін ауысу тәртібімен тағайындау мүмкіндігі енгізілді.
Қағидаларға сәйкес «Б» корпусының қызметшісіне мемлекеттік органның ішіндегі өзге тең дәрежелі лауазымға және соңғы екі жыл бойы мемлекеттік органда келесі төмен тұрған лауазымды қызмет атқарған жағдайда сол мемлекеттік органның ішінде жоғары тұрған лауазымға ауысу мүмкіндігі берілді.
Мұндай жағдайда, қызметшіні ауыстыру үшін оның өтініші қажет, ал уәкілетті органның келісімі қажет емес.
Жоғарыда аталған ротация қағидалары 2021 жылғы 1 қаңтардан бастап қолданысқа енгізіледі.
Аталған өзгерістер мемлекеттік органдардың тиімділігін арттыруға, сыбайлас жемқорлықтың алдын алуға бағытталған.
Бақытжан НҰРАЛЫ,
ҚР Мемлекеттік қызмет істері агенттігінің Қызылорда облысы бойынша департаментінің бас маманы

Бақытжан Нұралы: Ротацияланатын қызметшілердің шеңбері кеңейтілді

<a href="https://kyzylorda-news.kz/">Kyzylorda-news.kz.</a> Қызылорда қаласындағы Назарбаев Зияткерлік мектебі жанындағы&nbsp; «TED-Ed Students Talks» клубы бірінші жартыжылдықты&nbsp; қорытындылады.
Оқу жылының басынан бастап NIS тобы Грузия, Оңтүстік Корея, БАӘ, Вьетнам, Ливан және Үндістан мектептерін біріктірген 5 ауқымды іс-шараға қатысып, өзара тәжірибе алмасты.
«Amygdala» жобасы негізінде Үндістандағы Choithram School мектебі ұйымдастырған “Believing in yourself!” халықаралық вебинарында зияткерлік мектеп оқушылары&nbsp; «Өзіңе деген сенім – денсаулық кепілі» тақырыбында таныстырылым жасады. Балалар жасөспірімдер арасындағы өзіне деген сенімсіздікті жою мәселесін шешуге байланысты идеяларын ұсынып,&nbsp; Оңтүстік Корея, Вьетнам, Ливан және Үндістандағы достарымен ой бөлісті.
Сондай-ақ&nbsp; клуб мүшелері&nbsp; білім беру мен оқытуды аккредиттеу жөніндегі ұлттық кеңесінің психологы және тренері Yogita Chablani баяндамасын тыңдауға мүмкіндік алды. Тыңдаушылар&nbsp; емтихан кезіндегі қорқыныш пен стресті жеңу жолдары туралы ақпараттар алды.
Қазан айында клуб мүшелері 9 «F» сынып оқушыларымен бірге&nbsp; Choithram School мектебінің жоғары сынып оқушыларымен болған онлайн-сабаққа қатысты. Шетелдік достардың жаһандық&nbsp; жылыну проблемаларының себептері, салдары мен шешу жолдары туралы қызықты ақпараттарын тыңдай отырып, Қазақстандағы климат өзгеруінің салдары&nbsp; және әлем бойынша&nbsp; температураның көтерілуі елімізге, әсіресе&nbsp; Қызылорда облысына&nbsp; тигізетін&nbsp; әсері&nbsp; жайында әңгімеледі. Қызылордалық спикерлер Арал&nbsp; теңізі проблемасын қозғап, оны құтқару үшін қандай шаралар жасалып жатқандығы туралы мазмұнды ақпарат берді.
Тбилисидің Ted-Ed Students Club&nbsp; қатысушыларымен&nbsp; өткен телекөпір пандемиядан туындаған ғаламдық проблемалар мен қиындықтар, сонымен қатар&nbsp; әртүрлі елдердегі мектептердің қашықтықтан білім беру форматына көшуі туралы талқылауға арналды.
Ал БАӘ-нің Brightriders school оқушыларымен болған бейнебайланыс кезінде NIS білім алушылары өз елінің тарихы, мәдениеті мен салт-дәстүрлері жайында пікір алысты. Сондай-ақ, онлайн-оқытудың қиындықтарымен күресу жолдары туралы тәжірибе алмасты.
TED-Ed Students Talks Club – әлемнің 100-ден астам еліндегі он мыңдаған жастардың басын қосқан оқушылар сұхбаттасуының&nbsp; халықаралық жобасы. Қатысушылар өз идеяларымен бөлісіп, бірге талқылайды. Қызылордалық NIS бұл жаһандық желіге 2018 жылы ресми түрде қосылды. Бүгінгі таңда клубқа 7 мен 9 және 10-сыныптардың 20-дан астам оқушысы мүшелік етеді. Клубтың аймақтық үйлестірушісі және жетекшісі – ағылшын тілі пәні мұғалімі Камилла Қылышбекова.&nbsp;
Іс-шараларда халықаралық қоғамдастық қатысушылары&nbsp;жаһандық мәселелерді зерттеуге, сыни ойлауға үйренеді. Сонымен қатар презентациялық&nbsp;сауаттылық пен&nbsp;әлеуметтік эмоционалды оқыту дағдыларын дамытып, ағылшын тілін білу деңгейін арттыруға үлкен мүмкіндік алады.
<img src="https://kyzylorda-news.kz/wp-content/uploads/2020/12/01.png" alt="" />
<img src="https://kyzylorda-news.kz/wp-content/uploads/2020/12/3.png" alt="" />

Қызылорда: NIS шетелдік мектептермен серіктестікті кеңейтті

<a href="https://kyzylorda-news.kz/">Kyzylorda-news.kz.</a>&nbsp; Денсаулық сақтау министрлігі зейнетақы жинағын ем-дом үшін пайдалану тәртібін түсіндірді, деп хабарлайды&nbsp;<a href="https://sputnik.kz/">Sputnik Қазақстан</a>. &nbsp;
Медициналық көмекті ұйымдастыру департаменті директорының орынбасары Гүлнәр Сәрсенбаеваның айтуынша, зейнетақы жинағын алдымен орфандық ауруларды емдеу үшін қолдануға болады. &nbsp;
<blockquote>
 “Бұл – өте сирек кездесетін аурулар. Мысалы, буллезді эпидермолизбен ауыратын балалар бар. Сосын “көбелек балалар” болады. Осы іспетті сирек аурулар кіреді”, – деді Сәрсенбаева орталық коммуникациялар қызметінде өткен онлайн брифингте.
</blockquote>
Оның сөзіне қарағанда, Қазақстанда қажетті дәрі-дәрмек болмаса, оны шетелден сатып алу үшін зейнетақы жинағын пайдалануға мүмкіндік бар. Бірақ оны өз жерімізде пайдалануға рұқсат болуы шарт.
<blockquote>
 “Сосын Қазақстанда қажетті диагностикалық шаралар болмаса, шетелге жолдама алуға болады. Оған да зейнетақы жинағы беріледі”, – деп атап өтті Сәрсенбаева.
</blockquote>
Тізімге стоматология қызметтері де кіреді. Соның ішінде протездеу және тағы басқа шаралар бар. Бірақ шетелге жолдама берілмейді. Сондай-ақ, медициналық оңалту қызметтерін де отандық мекемелерде ғана алуға болады.
<blockquote>
 “Тағы бір медициналық қызмет – реконструктивтік-қалпыну келтіру шарасы, яғни, пластикалық операциялар. Мысалы, белгілі бір отадан кейін тыртықтар қалып қояды, туа біткен кемістіктер болады, я болмаса, адам күйіп қалған жағдайда пластикалық ота қажет. Соның бәрін зейнетақы жинағының есебінен жасауға рұқсат болады”, – дейді Сәрсенбаева.
</blockquote>
Бұдан бөлек, радиотерапия, радио-нуклидтік және радио-хирургиялық емдеу, гамма-пышақ пен киберпышақ сияқты медициналық қызметтер қамтылған. Бұның бәрін көбінесе онкологиялық аурулар кезінде қолданады.
<blockquote>
 “Бізде ондай емдеу шараларының барлығы жоқ. Протонды терапия жұмыс істейді. Бірақ барлығына бірдей қолжетімді емес. Сондықтан осы іспетті емдеу шараларына жолдама алуға болады. Офталмологиялық қызметтер де бар. Ия, қазіргі кезде осы қызметті аламын деушілер көп. Егер адам кезекте тұрғысы келмесе, зейнетақы жинағын алып, өзі таңдаған медициналық мекемеде емделе алады”, –&nbsp;&nbsp; деп атап өтті Сәрсенбаева.
</blockquote>

Зейнетақы жинағын нақты қандай ауруды емдеу үшін қолдануға болады?

<a href="https://kyzylorda-news.kz/">Kyzylorda-news.kz.</a> Қызылорда облысында 2018 жылдан бері мемлекеттік қызметшілер мектебі жұмыс жасап келеді.
Биыл мемлекеттік қызмет мектебінің жұмысын жандандыру мақсатында қараша айында ҚР Мемлекеттік қызмет істері агенттігінің облыстық департаменті мен Қорқыт ата атындағы Қызылорда университеті арасында әріптестік меморандумына қол қойылды. Қазіргі таңда, меморандумда көзделген негізгі 3 бағытта жұмыстар жүргізілуде.
Аталған мектептің осы кезге дейін атауы мен эмблемасы бекітілмеген болатын. Осы ретте, меморандум аясында мектептің атауы мен эмблемасына Қорқыт ата атындағы университет студенттері арасында конкурс жарияланды. Конкурс барысында үздік деген 16 жоба таңдалып алынды. Жобалардың ішінен конкурстық комиссия шешімімен ГМУ-19-3 және СР-20-3 оқу топтарының жұмыстары үздіктер қатарына таңдалынып, Мемлекеттік қызмет мектебінің эмблемасы құрастырылды. Жеңімпаздар І дәрежелі диплом марапатталса, барлық қатысушыларға алғыс хаттар табысталды.
Конкурс нәтижесімен мемлекеттік қызметшілер мектебіне «Абырой» атауы таңдалды.
Айта кету керек, «Абырой» мемлекеттік қызметшілер мектебінің мақсаты – оқу бағдарламаларына оқытудың инновациялық әдістерін енгізе отырып, мемлекеттік қызметке кіруге ниет білдірген жастарды даярлау және мемлекеттік қызметке кадрларды дайындау сапасын көтеру болып табылады.

Мемлекеттік қызметшілер мектебіне «Абырой» атауы берілді

<a href="https://kyzylorda-news.kz/">Kyzylorda-news.kz.</a> Қала әкімі Нұрлыбек Нәлібаев тұрғындарды онлайн қабылдады. Кезекті қабылдауда тұрғындар жеке мәселелерін айтып, қала басшысына сауалдарын жолдады. Онлайн форматтағы кездесуге тұрғындар әлеуметтік көмек, жол, тұрғын үй, жер және т.б мәселелер бойынша қабылдауға жүгінді. Әр тұрғынның мәселесін жеке тыңдаған қала басшысы мәселенің жедел шешілуін назарға алды.
Мәселен жеке қабылдауға Белкөл кентіндегі жол және темір жолдан өтетін аспалы көпірдің жайын сұрай келген тұрғынға «Аспалы көпір мәселесін шешуге яғни көпірдің құрылыс жұмыстарын жүргізуге бюджеттік өтінім берілді. Сәтін салса құрылыс жұмыстары жылдың басында басталып, жыл аяғына дейін көпір көптің игілігіне берілетін болады» – деген шаһар басшысы жол жөндеу жұмыстарының да көп күттірмей шешілетінін айтты. Сондай-ақ, қала әкімі қабылдауда Гагарин қыстағындағы А.Ақаев көшесінің мұңын айтқан тұрғындарға көктемде көше жөнделіп, жарық мәселесі де жайластырылатындығын жеткізді.
Сонымен қатар &nbsp;қабылдау барысында қала әкімі тыңдалған әр мәселенің түйінін тарқатып, көтерілген мәселеге байланысты жауапты сала басшыларына тиісті шараларды&nbsp; дер кезінде қабылдауды тапсырды.
Айта кетейік жыл басынан бері қала әкімі 1500-ға жуық қызылордалықты жеке&nbsp; мәселесімен қабылдады. Әкімдікке мәселесін айтып, мұқтаждығы бойынша жүгінгісі келетін азаматтарды карантиндік талаптарды сақтай отырып онлайн қабылдау жүргізіп, тұрғындар тарапынан көтерілген әр мәселенің заң аясында шешілуін ұдайы назарда ұстап келеді.

Қызылорда: Қала әкімі тұрғындарды қабылдады

<a href="https://kyzylorda-news.kz/">Kyzylorda-news.kz.</a>&nbsp;Қазақстанда бір тәулікте 841 адам коронавирустан жазылды, деп хабарлайды &nbsp;<a href="https://www.coronavirus2020.kz/kz/kazakstanda-otken-taulikte-841-adam-koronavirus-indetinen-emdelip-shykty_a3735179">coronavirus2020.kz</a>&nbsp;.
Аймақтар бойынша
Нұр-Сұлтан қаласы – 88 
Алматы қаласы – 66 
Шымкент қаласы – 8 
Ақмола облысы – 59 
Ақтөбе облысы – 23 
Алматы облысы – 39 
Атырау облысы – 103 
Шығыс Қазақстан облысы – 206 
Батыс Қазақстан облысы – 13 
Қарағанды облысы – 39 
Қостанай облысы – 2 
Қызылорда облысы – 14 
Маңғыстау облысы – 2 
Павлодар облысы – 91 
Солтүстік Қазақстан облысы – 74 
Түркістан облысы – 14
Қазақстан бойынша жазылғандар саны – 140684.

Қызылордада бір тәулікте 14 адам коронавирустан жазылды

<a href="https://kyzylorda-news.kz/">Kyzylorda-news.kz.</a>&nbsp;Қазақстанда өткен тәулікте 739 адамнан коронавирус анықталды, деп хабарлайды&nbsp;<a href="https://www.coronavirus2020.kz/kz/kazakstandagy-koronavirus-boyynsha-28-zheltoksan-23-59-dagy-epidemiologiyalyk-zhagday_a3735177">coronavirus2020.kz</a>.
Аймақтар бойынша: 
Нұр-Сұлтан қаласы – 70 
Алматы қаласы – 80 
Шымкент қаласы – 2 
Ақмола облысы – 55 
Ақтөбе облысы – 2 
Алматы облысы – 66 
Атырау облысы – 124 
Шығыс Қазақстан облысы – 51 
Жамбыл облысы – 18 
Батыс Қазақстан облысы – 45 
Қарағанды облысы – 39 
Қостанай облысы – 61 
Қызылорда облысы – 1 
Маңғыстау облысы – 4 
Павлодар облысы – 58 
Солтүстік Қазақстан облысы – 60 
Түркістан облысы – 3
Жалпы ел бойынша ауырғандар саны 153199.

Қызылордада коронавирус анықталды

&nbsp;<a href="https://kyzylorda-news.kz/">Kyzylorda-news.kz.</a> Қазгидромет 29 желтоқсанға арналған ауа райы болжамын жариялайды.
Атлантикалық циклонның әсерінен республиканың солтүстік-батысында, солтүстігінде, орталығы мен шығысында қар жауады. Қалған аумағында антициклонның әсерінен жауын-шашынсыз ауа райы сақталады.
Республиканың кей жерлерінде тұман, желдің күшеюі және жаяу бұрқасын күтіледі.
&nbsp;Қызылорда облысының кей жерлерде тұман күтіледі.

Қазақстан және Қызылорда облысының жаңалықтары