<a href="https://kyzylorda-news.kz/">Kyzylorda-news.kz</a>. Биыл Тәуелсіздігімізге 30 жыл толатындығын және тарихтың осы бір аса қысқа мерзімінде қандай тарихи жетістіктер мен табыстарға қол жеткізгендігіміз жайлы Қазақстан Республикасының Президенті Қасым-Жомарт Кемелұлы Тоқаев «Егемен Қазақстан» газетінде толық ашып көрсеткен екен. Президентіміз айтып отырғанындай расында да, біз үшін Тәуелсіздік бәрінен де қымбат екендігін әрбір қазақ жете сезіне білуге тиісті.
Тәуелсіздік жылдары кемшіліктеріміз де болды, бірақ қол жеткізген табысты да ешкім жоққа шығара алмайды деп ойлаймын.Біз ендігі арада Тәуелсіз Қазақстанның отыз жылда қол жеткізген табыстарын баянды ете отырып, ел егемендігін одан әрі нығайтуға міндеттіміз. Қазір әлем бойынша пандемия індетінің таралуына байланысты әлеуметтік және экономикалық салада күрделі жағдай қалыптасып отырғаны белгілі. Індеттің зардаптары біздің елімізді де айналып өтпегендігі анық.
Президентіміздің мақаласында қасиетті қазақ жері – ең басты байлығымыз деп атап көрсетілген. Ендігі арада жеріміздің тұтастығына күмән келтірудің қажеті жоқ және бұл орайда сыртқы арандатушылардың әрекеттеріне ермей, ежелгі көршілерімізбен ынтымағымызды, бірлігімізді жоғалтпау қажеттігі айтылады. Қазақстан біртұтас мемлекет екендігін әлемдік қауымдастықпен мойындағалы қашан. Жалпы Қазақстан сыртқы саясатта көп векторлы саясат жүргізіп келеді. Сондықтан да сыртқы қатынасымызда АҚШ, Европа, Түркия, Жапония сияқты елдер басымдықта болуы керек. Атом қару-жарағынан ерікті түрде бас тартқанымызда әлемнің ядролық державалары біздің қауіпсіздігіміз бен территориямыздың тұтастығына кепілдік берген. Мемлекет басшысы өзінің осы мақаласында ұлттық мүдденің тәуелсіздіктің алтын арқауы екендігіне баса назар аударып отыр. Бұл орайда, мемлекеттік тілдің еліміздің басты нышандарының бірі екендігі ретінде қарастырылуы әбден орынды болған. Сондықтан да, Қазақстанның мемлекеттік тілі – қазақ тілі екендігіне баса назар аударылып, бұл тілді бүкіл халқымызды біріктіруші күшке айналдыру қажеттігі өте жақсы айтылыпты. Мәселе, енді өзімізде! Әр қазақ баласы ең әуелі өзінің ана тіліне өзі қамқор болуға тиісті. Өсіп келе жатқан ұрпағымызды өз тілінде тәрбиелеу әр ата-ананың ұлт алдындағы парызы болса керек. Сонымен бірге, Президент Қазақстанның әрбір азаматының мемлекеттік тілді білуі парызбен бірге міндет екендігін атап көрсетіп, қазақ тілін меңгере алмай жүргендерге үндеу тастайды. «Ештен кеш жақсы» деген халық даналығы алға тартылып, мемлекеттік тілді үйренуге ең бастысы ынта керектігі айтылады.
Қазақ халқы қай заманда болмасын өзге ұлыстармен тату бірлікте өмір сүре білген. Ешкімді жатсынған жоқ. Бұл тарихи ақиқат. Мемлекет басшысы осы жайлы айта отырып, елдегі тұрақтылық пен береке, бірлік үшін бәріміздің жауапты екендігімізді дұрыс айтқан. Біз қашан болсын халқымызды біріктіретін ортақ құндылықтарды дәріптеп, соны ой санаға берік орнықтыру жөнінде айтылған ойды қостар едім.
Тәуелсіздігіміздің алтын арқауы және басты құндылығы ұлттық мүдде екендігіне Мемлекет басшысы өз мақаласында кеңінен тоқталады. Бізге ұлттық мүдде қымбат болса, Тәуелсіздік те сондай қымбат!
Халқымыздың бар жақсы қасиеттері, ұлттық мүддесі тек қана Тәуелсіз елдің жағдайында ғана дамып, өрісін кеңейте түсетіндігін ұмытпайық. Сондықтан да, Тәуелсіздігімізді баянды ете білейік!
Мұрат Бақтиярұлы,
Сенатор

Мұрат Бақтиярұлы: Тәуелсіздіктің алтын арқауы – ұлттық мүдде

<a href="https://kyzylorda-news.kz/">Kyzylorda-news.kz</a>. «Ақ жол» демократиялық партиясының Қызылорда облыстық филиалы Еуропадағы қауіпсіздік пен ынтымақтастық ұйымының (ОБСЕ) байқаушыларымен кездесті.
Халықаралық байқаушылар партияның сайлауалды бағдарламасының негізгі бағыттарымен және ҚР Парламенті Мәжілісі мен мәслихаттары сайлауына облыстық штабтың үгіт-насихат жұмыстарымен танысты.

«Ақ жол»: Қызылорда облыстық сайлауалды штабы халықаралық байқаушылармен кездесті

<a href="https://kyzylorda-news.kz/">Kyzylorda-news.kz</a>. Жоғарғы Сот жанындағы Соттардың қызметін қамтамасыз ету департаменті басшысының орынбасары Нұрсұлтан Байтілесов Қызылорда облыстық сотының ұжымына Соттар әкімшісінің жаңа басшысы Сағатбек Сүлейменді таныстырды.
Нұрсұлтан Байтілесов пен Қызылорда облыстық сотының төрағасы Қамбар Нұрышев Сағатбек Сүлейменнің сот жүйесіндегі кәсібилігін, жеке қасиеттерін, білімі мен жұмыс тәжірибесін атап өтті. Спикерлер өңір соттарының жұмыс сапасын арттыру үшін барлық күш-жігерін салатынына сенім білдірді.
Жұмыс сапары барысында Н. Байтілесов облыстық сот басшылығымен жаңа Әкімшілік рәсімдік-процестік кодекс шеңберінде құрылатын мамандандырылған сотты орналастыру жоспарын талқылады. Департамент басшысының орынбасары Қызылорда қаласының №2 сотына, қалалық, мамандандырылған әкімшілік, экономикалық, қылмыстық, тергеу соттарына барды. Ол сот мұражайымен, оқу орталығының, баспасөз орталығының және медиация кабинетінің жұмысымен танысты. Сот қызметкерлерімен кездесіп, Жоғарғы Соттың сот жүйесінің ашықтығын қамтамасыз ету, сот ісін жүргізуде цифрлық технологияларды кеңінен қолдану және жаңа әкімшілік соттарды құру бойынша жүргізіп жатқан жұмыстары туралы хабардар етті. Сонымен қатар, материалдық-техникалық жабдықтау, ұйымдастыру мәселелеріне және электрондық сот төрелігі сервистерінің жұмысына ерекше назар аударылды.
Сүлеймен Сағатбек Болатбекұлы 1962 жылы Қызылорда облысында дүниеге келген. 1987 жылы С.Киров атындағы Қазақ мемлекеттік университетін Құқықтану мамандығы бойынша бітірген.
2003 жылдан бастап Қызылорда қалалық сотының судьясы, Шиелі аудандық, Қызылорда қалалық №2 соттарының, Қызылорда облысының қылмыстық істер жөніндегі мамандандырылған ауданаралық сотының төрағасы, сондай-ақ Бас прокуратурада прокурордың аға көмекшісі, Департаменттің персоналды басқару бөлімі меңгерушісінің орынбасары және Жоғарғы Сот Төрағасының кеңесшісі қызметтерін атқарған.

Қызылорда облысы бойынша Соттар әкімшісінің басшысы  тағайындалды

<a href="https://kyzylorda-news.kz/">Kyzylorda-news.kz</a>. Ағымдағы жылдың 2 қаңтарында Қызылорда қалалық Полиция басқармасына қала тұрғынынан ұялы телефон ұрланғаны туралы арыз түсті. Жәбірленушіге келтірілген материалдық шығын 375 000 теңгені құрайды.
Жедел-іздестіру іс-шаралары барысында Қызылорда қалалық Полиция басқармасының қызметкерлері телефон ұрлығын жасаған күдіктіні ұстады. Ол 36 жастағы қала тұрғыны болып шықты. Тергеу барысында анықталғандай, күдікті ұрланған ұялы телефонның қабынан, «Каспий голд» банк картасын тауып алып, супермаркеттердің бірінен 15 000 теңгеге азық-түлік сатып алған.
Күдіктіге қатысты ешқайда кетпеу және тиісті мінез-құлық туралы қолхат түрінде бұлтартпау шарасы қолданылды.
Қазіргі уақытта аталған факті бойынша Қазақстан Республикасы Қылмыстық кодексінің 188-бабы 1-бөлігімен (ұрлық, яғни бөтеннің мүлкін жасырын ұрлау) сотқа дейінгі тергеп-тексеру басталды. Оқиғаның мән-жайы анықталуда.

Қызылордада ұялы телефон ұрлаған күдікті қолға түсті

<a href="https://kyzylorda-news.kz/">Kyzylorda-news.kz</a>. Бүгін Қызылорда облыстық мәслихатында Қазақстан Республикасы Парламенті Сенатының депутаты Мұрат Бақтиярұлымен кездесу өтті.
Кездесуге облыстық, қалалық, аудандық мәслихат депутаттарының өкілдері және облыстық мәслихат аппаратының қызметкерлері қатысты.
Кездесу барысында Мұрат Бақтиярұлы Сенатта өзі төрағалық ететін комитет отырысында білім, денсаулық сақтау, қоғамдық кеңестер, мәдениет және спорт саласына қатысты заң жобалары егжей-тегжейлі қаралып, талқылаудан өткендігін жеткізді. Әрбір талқылаудан өткен заң жобаларының заман талабына сай, түйткілді мәселелерді назарға ала отырып, қабылданғандығын айтты.
Сондай-ақ, көптеген жылдар бойы ел сенімін ақтап, қоғам үшін адал еңбек етіп, жергілікті өкілді органның қалыптасуы мен дамуына ерекше үлес қосқан бірқатар депутаттарды Қазақстан Республикасы Парламенті Сенатының Құрмет грамотасы және Алғыс хатымен марапаттады.
Сонымен бірге облыстық мәслихат хатшысы Қылышбай Бисенов Қазақстан Республикасы Парламенті Сенатының депутаты Мұрат Бақтиярұлына және мәслихат аппаратының бір топ қызметкерлеріне Қазақстан Республикасы мәслихаттарына 25 жыл» толуына орай мерекелік медалін табыстады.<a href="https://www.facebook.com/photo/?fbid=1116120398823321&set=pcb.1116124608822900&__cft__[0]=AZXpQkKoC1jZ3KVmzIz1_SshbeZBkIEPsglW64-WY7v3xhueIJR9nU-VpmBq1Cit9nN5C3NEPCS3tBLm9u_rKYUM_xqbPPlblgDo_v20Wxdavi36Uve1wTuKoMejJWGHPS2J5JPCpl3mQ8iC-iPVebYGHrxb4XySt3eIld7vboqE2Q&__tn__=*bH-R"></a><a href="https://www.facebook.com/photo/?fbid=1116120482156646&set=pcb.1116124608822900&__cft__[0]=AZXpQkKoC1jZ3KVmzIz1_SshbeZBkIEPsglW64-WY7v3xhueIJR9nU-VpmBq1Cit9nN5C3NEPCS3tBLm9u_rKYUM_xqbPPlblgDo_v20Wxdavi36Uve1wTuKoMejJWGHPS2J5JPCpl3mQ8iC-iPVebYGHrxb4XySt3eIld7vboqE2Q&__tn__=*bH-R"></a><a href="https://www.facebook.com/photo/?fbid=1116124388822922&set=pcb.1116124608822900&__cft__[0]=AZXpQkKoC1jZ3KVmzIz1_SshbeZBkIEPsglW64-WY7v3xhueIJR9nU-VpmBq1Cit9nN5C3NEPCS3tBLm9u_rKYUM_xqbPPlblgDo_v20Wxdavi36Uve1wTuKoMejJWGHPS2J5JPCpl3mQ8iC-iPVebYGHrxb4XySt3eIld7vboqE2Q&__tn__=*bH-R"></a><a href="https://www.facebook.com/photo/?fbid=1116124515489576&set=pcb.1116124608822900&__cft__[0]=AZXpQkKoC1jZ3KVmzIz1_SshbeZBkIEPsglW64-WY7v3xhueIJR9nU-VpmBq1Cit9nN5C3NEPCS3tBLm9u_rKYUM_xqbPPlblgDo_v20Wxdavi36Uve1wTuKoMejJWGHPS2J5JPCpl3mQ8iC-iPVebYGHrxb4XySt3eIld7vboqE2Q&__tn__=*bH-R"></a>

Мұрат Бақтиярұлы қызылордалық депутаттармен кездесті

<a href="https://kyzylorda-news.kz/">Kyzylorda-news.kz</a>. Президенттің ұстаз мәртебесін көтеруге арналған тапсырмасына сәйкес мұғалімдердің жалақысы тағы да артты. Яғни 1 қаңтардан бастап барлық ұстаздардың жалақысы 25 пайызға көбейді. Бұл жолы тек мектеп мұғалімдері ғана емес, балабақша педагогтерінің, қосымша білім беру, колледждер мен жоғары оқу орындары мамандарының да еңбекақылары көбейіп жатыр.
Сондай-ақ, біліктілік санатына қарай еңбекақының 30-дан 50 пайызға дейінгі көлемін қосымша ала алады. Ал, пәнді ағылшын тілінде жүргізгені үшін, дәптер тексергені үшін, сынып жетекшілігі үшін, тәлімгерлік жасағаны үшін қосымша ақы төленеді. Мұнан бөлек, өткен жылдан бастап магистрлік дәрежесі бар мұғалімдерге 27 мың теңге көлемінде қосымша төлем беріле бастады.
Қызылорда облысында өткен 2020 жылы барлық ұстаздардың 55 пайызының еңбекақысы артқан. Оның ішінде магистрлік дәрежесі үшін қосымша ақы алған ұстаздар да бар.
Айта кету керек, Сыр елінде 30 мыңнан аса педагог қызмет етеді. Балабақшада 5912 педагог, мектепте 22222 педагог, колледждерде 2176 педагог жұмыс істейді.

Қызылорда: Былтыр мұғалімдердің 55%-нің жалақысы артты

<a href="https://kyzylorda-news.kz/">Kyzylorda-news.kz</a>. Қазақстанның күнтізбесінде жаңа мереке пайда болды. Қазақстан Республикасы Үкіметінің 2020 жылғы 22 желтоқсандағы қаулысымен архившілер күні белгіленді.
Үкімет қаулысының толық мәтіні төмендегідей:
«Қазақстан Республикасындағы мерекелік күндердің тізбесін бекіту туралы» Қазақстан Республикасы Үкіметінің 2017 жылғы 31 қазандағы №689 қаулысына толықтыру енгізу туралы
«Қазақстан Республикасындағы мерекелер туралы» 2001 жылғы 13 желтоқсандағы Қазақстан Республикасы Заңының 4-бабына сәйкес Қазақстан Республикасының Үкіметі ҚАУЛЫ ЕТЕДІ:
1. «Қазақстан Республикасындағы мерекелік күндердің тізбесін бекіту туралы» Қазақстан Республикасы Үкіметінің 2017 жылғы 31 қазандағы № 689 қаулысына (Қазақстан Республикасының ПҮАЖ-ы, 2017 ж., №53, 343-құжат) мынадай толықтыру енгізілсін:
көрсетілген қаулымен бекітілген Қазақстан Республикасындағы мерекелік күндердің тізбесі: мынадай мазмұндағы 48-тармақпен толықтырылсын:
«48. Архивші күні – 22 желтоқсан».
2. Осы қаулы алғашқы ресми жарияланған күнінен кейін қолданысқа енгізіледі.
Қазақстан Республикасының Премьер-Министрі А. Мамин

Қазақстанда жаңа мереке пайда болды

<a href="https://kyzylorda-news.kz/">Kyzylorda-news.kz</a>. Қоңқабаевтар әулеті полицейлер династиясының нағыз ұрпақтар сабақтастығы деуге болады. Атасы, әкесі және екі ұлының құқық қорғау саласындағы жалпы еңбек өтілі 71 &nbsp;жылды құрайды.
Олардың ең үлкені, яғни полицейлер династиясының бастаушысы – Қоңқабаев Балықбай. Балықбай атамыз Ұлы Отан соғыс ардагері. Соғыс жылдарынан кейін, 1950 – 1980 жылдары аралығында – ішкі істер органына учаскелік инспекторы лауазымында қызмет атқарған. 30 жылдан аса табанды қызмет еткен Балықбай ата полковник шенінде зейнеткерлікке шыққан. Ұмсындық әжеміз екеуі 15 баланы тәрбиелеп өсіріп, жарты ширек ғасыр уақыт бір шаңырақ астында тұрған.
Кішкентайынан әкенің іс-әрекетіне қанық болып, үлгі етіп өскен баласы Бисенбай да құқық&nbsp; қорғау саласын таңдаған. Әрине, мұнда әке тәрбиесінің рөлі ерекше екенін аңғаруға болады. Балықбай атамыздың өз ізін жалғаған ұрпағы&nbsp; Қоңқабаев Бисенбай ағамыз құқық қорғау саласында&nbsp; мінсіз 20 жыл қызмет атқарған зейнеткер. Жауапты салада ҚІІБ жауапты кезекшісі қызметінде болып, майор шенінде елге адал қызмет ете жүріп, өзінің ұлдарын қоғамдық тәртіпті сақтауға, қылмыспен күресу, мемлекет пәрменін орындау, халық пен биліктің қауіпсіздігін қамтамасыз ету, полиция қызметкерлерінің ең басты міндеті екенін әрдайым айтып өсірді. Бір сөзбен айтқанда, жауапкершілік жүгі ауыр салада еңбек ететін құқық қорғау саласының қызметкерлері уақытпен санаспайтынын ескере отырып, өзінің екі ұлы Асқар мен Қамшыбекті осы салаға бейімдеді.
Үлкен ұлы Асқар Қоңқабаев 10 жастан бастап бокс спортымен айналысады. Ол мектептегі жасында бокстан 6 алтын медаль иегері болды. Қоңқабаев Асқар орта техникалық білім алғаннан кейін, Қазақстан Республикасы арнайы күштер жасағына борышын атқаруға шақырылады. Қазіргі таңда Асқар жылдам қимылдайтын арнайы жасақтың полицейі. Әрине әкесінің ізбасары қарапайым және тәрбиелі болғандықтан, өзін батыр деп санамайды. Біз өз жұмысымызды атқарамыз, – дейді Асқар. Асқардың тағы бір атап өтер жетістігі «Бокстан және жекпе-жектен спорт шебері» атағына ие. Қызметте сауатты, адал, мінезі салмақты Асқар қазіргі таңда өзінің тікелей міндеттерімен қатар, соңынан ерген жас қызметкерлерге жинаған тәжірибесімен бөлісуде. Асқардың жұбайы Маржан екеуі тату-тәтті отбасында бір ұл мен екі қыз тәрбиелеп отырған ата-ана. «Шапшаңдық&nbsp; пен жылдамдық, тез шешім қабылдап, жылдам әрекет ете білу қабілеті полицейге қажетті басты қасиеттердің қатарында. Ұстамды болуы, азаматтармен тіл табысу, сыпайы болуы да аса маңызды. Үйде ұл-қызыма, жұмыста әріптестеріме&nbsp; білген кеңесіммен әрдайым бөлісіп отырамын»-дейді Асқар. Полицейлер отбасының діттеген мақсат-міндеті де осы болмақ.
Сыр елінің мақтаныныша айналған Қамшыбек ағасы Асқардың артынан ерген інісі. Қамшыбекті алғаш рет спорт мектебінің бокс секциясына әкеліп, оның әлем чемпионы атағын алуына бірден-бір себепкер болған да осы Асқар еді. Жастайынан соңынан ерген інісіне қамқор болып, салауатты өмір салтын ұстанып, спортпен кәсіби деңгейде шұғылдануына ат салысты.
Қамшыбек Қонқабаев Қызылорда қалалық Полиция басқармасының аға лейтенанты, ҚР Еңбек сіңірген спорт шебері, Әлем чемпионатының күміс жүлдегері, Азия чемпионатының күміс жүлдегері, әскери қызметкерлер арасындағы әлем чемпионы, Болгарияда өткен халықаралық турнирдің жеңімпазы, ҚР Спартакиада чемпионы, &nbsp;Тайландтың Бангкок қаласында өткен Азия чемпионатының күміс жүлдегері атағына ие. Сонымен қатар, Қамшыбек бокстан Қазақстан ұлттық құрамасының капитаны.

Қоңқабаевтар полицейлер династиясы

<a href="https://kyzylorda-news.kz/">Kyzylorda-news.kz</a>. Қызылордалық полицейлер рейд барысында аудан тұрғынынан тіркелмеген мылтықты тәркіледі.
«Құқық тәртібі» жедел-алдын алу іс-шарасын өткізу барысында қызылордалық полицейлер Қызылорда облысы Арал ауданының тұрғынынан нөмірі өшірілген 16 калибрлі тіркеуде жоқ аңшы мылтығын тәркіледі.
5 қаңтарда Арал аудандық полиция бөлімінің қызметкерлері ауыл тұрғынының үй ауласындағы сарайынынан қару тапқан. Зауыттық тәсілмен дайындалған&nbsp;мылтық&nbsp;ішкі істер органдарында тіркелмеген.
Айғақ зат Қызылорда облысы Полиция департаментінің жедел-криминалистикалық бөліміне зерттеуге жіберілді.
Қазіргі уақытта бұл азаматқа қатысты ҚР ӘҚБтК-нің 482-бабының 1-бөлігі (жеке және заңды тұлғалардың қаруды заңсыз иеленуі, беруі, өткізуі, сақтауы, алып жүруі, тасымалдауы) бойынша әкімшілік хаттама толтырылып, жинақталған құжаттар&nbsp; сотқа жолданды.

Қызылордада аудан тұрғынынан мылтық тәркіленді

<a href="https://kyzylorda-news.kz/">Kyzylorda-news.kz</a>. Еліміздегі автожолдардың сапасы 2020 жылғы рейтинг бойынша 141 елдің ішінен 93-ші орынға орналысты. Тек 17 пайызы ғана халықаралық стандартқа сәйкес келмейді. Ал аймақта жолдардың 50 пайызы стандартқа сай емес. Салынған жолдардың сапасы сын көтермейді.
<blockquote>
 “Біз автомобиль жолдары мен елді мекендердегі, қала көшелеріндегі жүргізілген жұмыстарға және қолданылатын материалдардың сапасына сараптама жүргізудеміз. Мәселен өткен жылы 1282 сынама алынып, 621 жол құрылыс материалдары талапқа сай еместігі анықталды. Бүгінде орын алған олқылықтардың санын азайтып, сапаға жұмыс істеудеміз. Жол сапасын жақсарту арқылы алдыңғы қатарлы мемлекеттер санатына көтерілуге тиіспіз. Автомобиль жолдарының талапқа сай болуын назардан тыс қалдырмаймыз”, – деді «Жол активтерінің ұлттық сапа орталығы» РМК Қызылорда облыстық филиалының директоры Ерболат Көштаев.
</blockquote>

Қызылордада жолдың сапасы бақылауда

<a href="https://kyzylorda-news.kz/">Kyzylorda-news.kz</a>. Мемлекет басшысы Қасым-Жомарт Тоқаев «Тәуелсіздік бәрінен қымбат» атты мақаласын оқып шықтым. Мағыналы мақаладан ұғарымыз мол. Президент ынтымағы жарасқан жұрттың қашанда ұпайы түгел қағидатын ұстана отырып, барша қазақстандықтарды татулық, бірлікке шақырады. Осы орайда ұлты мен нәсіліне қарамай, бар халықты бір тудың астына жинай алған Елбасының сындарлы саясатын көпке үлгі етеді.
Егемен, тәуелсіз Қазақ елінде жалпы адамзаттық құндылықтарға қол жеткізіп, біртұтас мәдени жүйе қалыптастыру үшін өткен жолымызды, шыққан биігімізді бағалай білуіміз қажет дейді. Өйткені өткенін бағалай білмейтін ел келешегін де болжай алмайтынын алға тартады.
«Бірлік те ерлік сияқты сын сағатта сыналады» дейді дана халқымыз. Еліміз пандемия салдарынан көптеген қиыншылықтарға тап болды. Дегенмен қазақстандықтар бұл қиын сәттерде ауызбіршілік, жанашырлық танытып, бір-біріне қолдан келген көмектерін аямады. Расымен, бірлік пен ынтымақ рухани құндылықтарды сақтап, қоғамдағы тұрақтылықты қамтамасыз ету үшін аса қажет, сондықтан қазіргі заманда бұл әрбір қазақстандықтың парызы болуы тиіс деп ойлаймын.
Юсуп Саидов,
Қызылорда облыстық шешен этномәдени
бірлестігі жетекшісінің орынбасары

Юсуп Саидов: Өткен жолымызды, шыққан биігімізді бағалай білуіміз қажет

<a href="https://kyzylorda-news.kz/">Kyzylorda-news.kz</a>. Бүгін облыс әкімі Гүлшара Әбдіқалықова облыстық еңбек саласындағы бақылау басқармасының басшысы Төреахмет Жолымбетов пен облыстық жұмыспен қамтуды үйлестіру және әлеуметтік бағдарламалар басқармасының басшысы Гаухар Қалмақованы қабылдап, өткен жылы еңбек саласында атқарылған жұмыстарды саралады.
Кездесуде облыстық еңбек саласындағы бақылау басқармасының басшысы Төреахмет Жолымбетов өткен жылы аймақта мерзімде аймақта әлеуметтік-еңбек даулары орын алған жоқ дейді. Басқарма қызметкерлері кәсіпорындар мен мекемелерге 134 тексеру жүргізіп, 188 заңбұзушылықты анықтаған. Нәтижесінде заң бұзған жұмыс берушілерге 30 әкімшілік шара көріліп, 3 млн теңгеден астам айыппұл салынған.
Өткен жылы кәсіпорындар мен мекемелерде орын алатын жазатайым оқиғалар 38%-ға, осы жағдайлардан қаза болу дерегі 39%-ға азайған.
Жиында облыстық жұмыспен қамтуды үйлестіру және әлеуметтік бағдарламалар басқармасының басшысы Гаухар Қалмақова 2020 жылы жұмыстан қысқартылған азаматтарды қайта жұмыспен қамту мәселелері жайлы баяндады. Өткен жылы 38 кәсіпорында 309 адам қысқартылса, 89 адам өзге жұмысқа орналастырылған. Жұмысынан айрылуына байланыста 64 адамға төлемақы тағайындалып, 3 адам өз кәсіптерін ашу мақсатында несие алған.
Жұмыс орындарын сақтап қалу және әлеуметтік шиеленістердің алдын алу мақсатында облыстық жұмыспен қамтуды үйлестіру және әлеуметтік бағдарламалар басқармасы 3208 кәсіпорынмен ынтымақтастық турала меморандум жасасқан.
Жиын соңында аймақ басшысы Гүлшара Әбдіқалықова басқарма басшыларына жұмыскерлердің жағдайын жіті қадағалауды қажеттігін жеткізді. Кәсіпорындардағы әлеуметтік шиеленістердің алдын алу бағытында бірқатар тапсырмалар берді.
<blockquote>
 “Өңірдегі кей кәсіпорындардың, әсіресе, шетелдік компаниялардың жұмыскерлері өз басшыларымен жиі жүздеспейді. Нәтижесінде қызметкерлер өздерінің мәселелерін тікелей басшыларына жеткізе алмай, әлеуметтік шиеленістер орын алып жатады. Сондықтан сіздер кәсіпорын басшыларына түсіндіру жұмыстарын жүргізіп, олардың жұмысшылармен кездесіп тұруына ықпал етіңіздер”, – деді облыс әкімі Гүлшара Әбдіқалықова.
</blockquote>
<img src="https://kyzylorda-news.kz/wp-content/uploads/2021/01/136630445_3024871237615925_2340671200439523982_o.jpg" alt="" />
<img src="https://kyzylorda-news.kz/wp-content/uploads/2021/01/136384153_3024871240949258_2669788416354997691_o.jpg" alt="" />

Қазақстан және Қызылорда облысының жаңалықтары