<a href="https://kyzylorda-news.kz/">Kyzylorda-news.kz</a>.&nbsp; «Ақжол»ҚДП Қызылорда облысы бойынша&nbsp; үгіт насихат жұмыстары облыс аудандарында да өтіп жатыр. Кандидаттар аудан орталығынан бөлек, ауылдарды&nbsp; аралап, кәсіпорын ұжымдарымен де кездесіп жатыр.
Облысқа қарасты аудандарда көпкөлемде күріш, бидай, жоңышқа және басқа егіс түрлерін егумен қатар, асыл тұқымды қаракөл қойларын бағатын бірнеше серіктестік ұжымымен және басқа да бизнес өкілдерімен&nbsp; кездесу ұйымдастырылуда.
Аудан орталықтарындағы орталық базарларда және ірі сауда үйлерінде еңбек етіп жатқан жеке кәсіпкерлермен де &nbsp;кездесулер жалғасын табуда. Аудандар бойынша барлық ауылдарда үгіт-насихат жұмыстары жүріп жатыр.Тұрғындармен «Есіктен-есікке» акциясы бойынша кездесулер болып,&nbsp; оларға сайлау алды үгіт насихат парақшалары таратылып, партияның сайлауалды бағдарламасы түсіндірілуде.
Кандидаттар&nbsp; Жаңақорған ауданында асыл тұқымды қой бағатын&nbsp; «АгроСервис-Жанакорган» ЖШС ұжымымен және бірқатар сауда орындарының ұжымымен кездесулер өтсе, Шиелі ауданында&nbsp; Бәйгеқұм, Ақтоған ауылдарының&nbsp; тұрғындармен және Сырдария ауданының Шіркейлі ауылының тұрғындарымен кездесті. &nbsp;Қармақшы ауданы бойынша да үгіт-насихат жұмыстары өз деңгейінде жүріп жатыр. Осы секілді үгіт-насихат жұмыстары мен ұжымдық кездесулер басқа да аудандарда өтіп жатыр.
<img src="https://kyzylorda-news.kz/wp-content/uploads/2021/01/fb_img_1609923960192.jpg" alt="" />
<img src="https://kyzylorda-news.kz/wp-content/uploads/2021/01/fb_img_1609934011937.jpg" alt="" />

«Ақ жол» партиясының өкілдері шаруа қожалықтарының жұмысымен танысты

<a href="https://kyzylorda-news.kz/">Kyzylorda-news.kz</a>. Қызылорда облысында салықтық рақымшылық мүмкіндігін пайдаланған 14455 жеке тұлғаның 52,7 млн теңгеден астам өсімпұлы кешірілді.
Сондай-ақ, биылдан бастап мүлік және жер салығы біріктірілген бюджеттік жіктеу коды арқылы төленеді. Яғни, салықтың 2 түрі үшін бір төлем жасалады, ал есептелуі бөлек жүргізіледі.
Жеке тұлғалардың көлік құралдары салығының төлеу мерзімі 1 сәуірге дейін ұзартылды. Бұған қоса, 2023 жылдың 1 қаңтарына дейін пандемиядан зардап шеккен шағын және орта бизнес субьектілері үшін бөлшек салық төлеу түрінде ерікті арнаулы салық режимі енгізілді. Яғни 3 пайыз мөлшерінде бөлшек салығы салынады.

Қызылордада 14 мыңнан астам азаматтың өсімпұлы кешірілді

<a href="https://kyzylorda-news.kz/">Kyzylorda-news.kz</a>. Кездесулерде, жалпы халықпен байланыс жасау барысында партияға электронды қолтаңба, яғни ЭЦҚ-сыз (ЭЦП) кіру мүмкіндігі туралы көптеген ұсыныстар түскен.
Азаматтардың басым бөлігінде электрондық цифрлық қолтаңбасы немесе жеке тұлғаны тексеру үшін NCALayer бағдарламасын қолтаңбасыз жүктеу мүмкіндігі жоқ, кейбірі үшін техникалық мүмкіндіктер болмай отыр. Қалыптасқан жағдайды ескере келе «ADAL» партияға кіру процесін жеңілдету туралы шешім қабылдады. Ол үшін:
1. «Партияға қосылу» қосымша бетіне өткен соң, қысқаша сауалнамада өзіңіз туралы қысқаша мәліметті толтыруыңыз керек.
2. Сауалнаманы толтырғаннан кейін азаматтың ұялы телефон нөміріне верификацияны орындау үшін, яғни, өтінім берген адамның жеке басын растау үшін смс-код жіберіледі.
3. Толтырылған өтініш партияның қарауына жіберіледі, содан кейін адамға қайта тексеру үшін партияның call-орталығынан қоңырау түседі.
4. Өтініш беруші азаматтың жеке басын растағаннан кейін жергілікті филиалдан кеңесшілер партияға қосылған адамның қолын алу үшін сауалнамада көрсетілген мекенжай бойынша келеді. Қолтаңбаны алғаннан кейін партияға кіру процесі аяқталған болып саналады.

«ADAL»: Сайт арқылы партияға қалай кіруге болады?

<a href="https://kyzylorda-news.kz/">Kyzylorda-news.kz</a>. Қызылорда облысының тұрғындары Әлеуметтік медициналық сақтандыру қорына 14,7 млрд теңге аударды.
<blockquote>
 “Жүйе іске қосылған 2017 жылдың 1 шілдесінен 2021 жылдың 1 қантарына дейінгі аралықта Қызылорда облысының тұрғындары әлеуметтік медициналық сақтандыру қорына 14,7 млрд. теңге аударды, оның 11,2 млрд. теңгесі (80,3%) жұмыс берушілердің аударымдары болса, қалған 2,9 млрд. теңге (19,7%) – жеке кәсіпкерлер мен азаматтық-құқықтық келісімшарт негізінде еңбек ететін тұлғаларға тиесілі”, – деп хабарлады «Әлеуметтік медициналық сақтандыру қоры» КЕАҚ Қызылорда облысы бойынша филиалының директоры Бақыт Исмаханбетов.
</blockquote>
Жарна төлеу жағынан Қызылорда қаласы, Шиелі мен Жанақорған аудандар көш бастап тұр.
Жинақталған қаржы сенімгерлік басқару туралы келісім бекітілген Ұлттық банкте сақталады және МӘМС пакеті шеңберіндегі қызметтер ақысын төлеуге жұмсалуда.

ӘМСҚ: Қызылордалықтар қорға 14,7 млрд теңге аударды

<a href="https://kyzylorda-news.kz/">Kyzylorda-news.kz</a>. Алдағы күндері жауын-шашынсыз аязды ауа райы күтіледі, деп хабарлайды Қазгидромет.&nbsp;
<blockquote>
 “Қазақстан аумағының басым бөлігінде бұрынғыдай антициклон сілемі өз әсерін сақтайды, осыған байланысты жауын-шашынсыз аязды ауа райы сақталады. Тек батыста, кезеңнің соңында, елдің солтүстік-батысында фронтальды бөлімдердің әсерінен жаяу бұрқасынмен қар жауады. Республика бойынша кей жерлерде тұман, батыста желдің күшеюі күтіледі”, – делінген ауа райы болжамында.
</blockquote>

Алдағы күндері жауын-шашынсыз ауа райы күтіледі

<a href="https://kyzylorda-news.kz/">Kyzylorda-news.kz</a>. 2020 жылы Қызылорда өңірінде 61 сыбайлас жемқорлық қылмысы анықталған. Бұл туралы ҚР Сыбайлас жемқорлыққа қарсы іс-қимыл агенттігінің Қызылорда облысы бойынша департаментінің басшысы Ардақ Ерсейітов айтты, деп хабарлайды <a href="https://www.inform.kz/kz/kyzylorda-oblysynda-zhemkorlyk-zhasagan-11-kylmysker-sottalgan_a3737691">ҚазАқпарат</a>.
<blockquote>
 «Алдын алу іс-шараларымен қатар біз жедел іздестіру және жедел тергеу қызметін жүргізудеміз. 2020 жылы департамент 61 сыбайлас жемқорлық қылмысын анықтады. Оның негізгі бөлігі – парақорлық, сондай-ақ, жымқыру және алаяқтық фактілері», – дейді ҚР Сыбайлас жемқорлыққа қарсы іс-қимыл агенттігінің Қызылорда облысы бойынша департаментінің басшысы Ардақ Ерсейітов.
</blockquote>
Оның айтуынша, 71 сыбайлас жемқорлық қылмыстық ісі өндірісте болса, оның 36-сы сотқа жолданған.
<blockquote>
 «Аяқталған қылмыстық істер бойынша залал сомасы 1 млрд теңгеден астам. 1 млрд теңге залалдың 94% өндірілді. Сыбайлас жемқорлық қылмыс жасағаны үшін 11 адам сот үкімімен әртүрлі қылмыстық жауапкершілікке тартылды. Есептік кезеңде азаматтардың конституциялық құқықтарын бұзуға, қылмыстық істерді қосымша тергеуге, қайтаруға жол берілген жоқ. ҚР Қылмыстық-процестік кодексінің 200-бабына сәйкес 61 ұсыныс енгізілді. Оның ішінде 55 ұсыныс қаралды. Нәтижесі бойынша 236 мемлекеттік қызметкер тәртіптік жауапкершілікке тартылды. Оның ішінде біреуі қызметінен босатылып, 7 адам жұмыстан шығарылды», – дейді ол.
</blockquote>

Қызылорда облысында жемқорлық жасаған 11 қылмыскер сотталған

<a href="https://kyzylorda-news.kz/">Kyzylorda-news.kz</a>. Қазақстан Республикасы Парламенті Сенатының депутаттары, Әлеуметтік-мәдени даму және ғылым комитетінің төрағасы Мұрат Бақтиярұлы мен Конституциялық заңнама, сот жүйесі және құқық қорғау органдары комитетінің мүшесі Ляззат Сүлеймен Шиелі ауданына іс-сапармен барды.
Депутаттар алдымен “Аруана” шұбат өңдеу цехында болды. Аталған зауыт күніне 1 тонна сүт өнімдерін өндіреді. Қазіргі таңда сиыр, түйе сүтінен шұбат, құрт, ірімшік, балмұздақ тағамдарын өндіріп, ауданнан бөлек көршілес облысқа өз өнімдерін сатуда. Өндіріс орнының бас технологі Баян Сабырқызы депутаттарға өндіріс жайлы толық мәлімет берді.
Халық қалаулылары осыдан кейін құны 64 млрд теңгені құрайтын “Гежуба-Шиелі» цемент зауытына ат басын бұрды. Мұнда меймандарды зауыт директорының орынбасары Фу Минг күтіп алып, өндіріс орындарының мүмкіндігімен толық таныстырды.
“Гежуба” цемент зауыты іске қосылған күннен бастап 500 мың тоннадан астам цемент өнімін өндірген. Соның 30 процентін Өзбекстан республикасына экспорттаған. Мұнда 95 пайыз жергілікті азаматтар жұмыс істейді.
Парламент депутаттары жаңа аудандық аурухананың да жұмысымен танысып, ондағы дәрігерлермен сұхбаттасып, соңғы үлгідегі технологиялардың жұмысын көрді. Өз кезегінде аудандық аурухана басшысы, аудандық мәслихат депутаты Нұрлан Әмір күн тәртібінде тұрған бірқатар мәселелерді көтерді.
Сенат депутаттары мұнан соң Шиелі индустриалды-аграрлы колледжіне барды.
Шиелі индустриалды-аграрлық колледжі болашақ мамандарды жоғарғы деңгейдегі білім сапасымен қамтамасыз етуде. Сондай-ақ, техникалық және кәсіптік білім беру кадрларының бәсекеге қабілеттілігін көтеру басты мақсаттарының бірі. Жастарды еңбекке құрметпен қарауға тәрбиелеп, білім нәрімен сусындатуда. Сондықтан болар, бұл оқу орны қоғам сұранысын өтеп, өндіріс орындарына 10 түрлі мамандық, 42 біліктілік бойынша мамандар дайындауда.
<img src="https://kyzylorda-news.kz/wp-content/uploads/2021/01/d.jpg" alt="" />
<img src="https://kyzylorda-news.kz/wp-content/uploads/2021/01/d1.jpg" alt="" />
<img src="https://kyzylorda-news.kz/wp-content/uploads/2021/01/d2.jpg" alt="" />
<img src="https://kyzylorda-news.kz/wp-content/uploads/2021/01/d4.jpg" alt="" />
<a href="https://www.facebook.com/photo/?fbid=998812887315837&set=pcb.998819680648491&__cft__[0]=AZWZfUl3L6zavEjQ-yT13WgmUnCwtXlq7VIQBf2Gip0dcE-Z2PkKcOI5qmn32fRMLMgQB5fFurRKnntg0YEw-Sj3yOgOWB-n2ljDIJh_TYowLXXg4BJ7V9m-fVSV3s8Tuj-FXDyiigpMp1DFxWFdXbDsPZxj_miMLY9y7FTM9FvBYLVfvvqZEJdrM3FD9G-P0c0&__tn__=*bH-R"></a><a href="https://www.facebook.com/photo/?fbid=998812903982502&set=pcb.998819680648491&__cft__[0]=AZWZfUl3L6zavEjQ-yT13WgmUnCwtXlq7VIQBf2Gip0dcE-Z2PkKcOI5qmn32fRMLMgQB5fFurRKnntg0YEw-Sj3yOgOWB-n2ljDIJh_TYowLXXg4BJ7V9m-fVSV3s8Tuj-FXDyiigpMp1DFxWFdXbDsPZxj_miMLY9y7FTM9FvBYLVfvvqZEJdrM3FD9G-P0c0&__tn__=*bH-R"></a><a href="https://www.facebook.com/photo/?fbid=998812893982503&set=pcb.998819680648491&__cft__[0]=AZWZfUl3L6zavEjQ-yT13WgmUnCwtXlq7VIQBf2Gip0dcE-Z2PkKcOI5qmn32fRMLMgQB5fFurRKnntg0YEw-Sj3yOgOWB-n2ljDIJh_TYowLXXg4BJ7V9m-fVSV3s8Tuj-FXDyiigpMp1DFxWFdXbDsPZxj_miMLY9y7FTM9FvBYLVfvvqZEJdrM3FD9G-P0c0&__tn__=*bH-R"></a><a href="https://www.facebook.com/photo/?fbid=998812960649163&set=pcb.998819680648491&__cft__[0]=AZWZfUl3L6zavEjQ-yT13WgmUnCwtXlq7VIQBf2Gip0dcE-Z2PkKcOI5qmn32fRMLMgQB5fFurRKnntg0YEw-Sj3yOgOWB-n2ljDIJh_TYowLXXg4BJ7V9m-fVSV3s8Tuj-FXDyiigpMp1DFxWFdXbDsPZxj_miMLY9y7FTM9FvBYLVfvvqZEJdrM3FD9G-P0c0&__tn__=*bH-R"></a><a href="https://www.facebook.com/photo/?fbid=998812977315828&set=pcb.998819680648491&__cft__[0]=AZWZfUl3L6zavEjQ-yT13WgmUnCwtXlq7VIQBf2Gip0dcE-Z2PkKcOI5qmn32fRMLMgQB5fFurRKnntg0YEw-Sj3yOgOWB-n2ljDIJh_TYowLXXg4BJ7V9m-fVSV3s8Tuj-FXDyiigpMp1DFxWFdXbDsPZxj_miMLY9y7FTM9FvBYLVfvvqZEJdrM3FD9G-P0c0&__tn__=*bH-R"></a>

Сенат депутаттары Шиелі ауданына барды

<a href="https://kyzylorda-news.kz/">Kyzylorda-news.kz</a>. Биылғы жылы мемлекеттік әлеуметтік медициналық сақтандыру үшін кімге және қанша төлеу қажет? Бұл сұраққа «Әлеуметтік медициналық сақтандыру қоры» КЕАҚ Қызылорда облысы бойынша филиалының баспасөз қызметі жауап берді.
Сақтандыру мәртебеңізді ыңғайлы түрде тексеріңіз:
Әлеуметтік медициналық сақтандыру қорының fms.kz сайты (оң жақ төменгі бұрыштағы қалқымалы терезе)
Электрондық үкіметтің egov.kz веб-сайты (жеке кабинетте және «денсаулық сақтау» бөлімінде)
Telegram-дағы SaqtandyryBot («Сақтандыру мәртебесін анықтау» басты мәзірінде)
Qoldau 24/7 мобильді қосымшасы («Сақтандыру мәртебесін анықтау» басты мәзірінде).
Міндетті медициналық сақтандыру үшін қанша төлеу керек?
Егер сіз сақтандырылмаған болсаңыз, төлеуші санатына қарай МӘМС-ға ай сайынғы төлем мөлшерін анықтаңыз:
Азаматтардың 15 жеңілдікті санаты-жарналарды мемлекет төлейді
Жалдамалы жұмыскер – төлемді жұмыс берушінің бухгалтерия бөлімі жарналарды есептеу объектісінің 2% – ы (салыстыру үшін, 2020 жылы-1%) және еңбекақы төлеу қорының 2% – ы мөлшерінде жүргізеді
Жеке кәсіпкерлер, шаруа қожалықтарының иелері, жеке практикамен айналысатын жеке тұлғалар – 1,4 ең төменгі жалақының 5% -ы (ең төменгі жалақы 2021 ж. 42 500 теңгені құрайды, сондықтан төлем мөлшері өзгеріссіз қалады – 2 975 теңге)
Өзін – өзі жұмыспен қамтығандар (жалдамалы қызметкерлерсіз және ЖК тіркеусіз қызмет көрсететін тұлғалар)/ Бірыңғай жиынтық төлемді төлеушілер – республикалық және облыстық маңызы бар қалалар үшін 1 АЕК (01.01.2021 ж.- 2917 теңге), басқа елді мекендер үшін – 0,5 АЕК (01.01.2021 ж. – 1458,5 теңге)
Дербес төлеуші – 1 ең төменгі жалақыдан 5% (2021 жылы ЕТЖ мөлшері өзгермегендіктен 2125 теңге).
АҚС шарты бойынша жұмыс істейтін жеке тұлғалар – табыстан 2% (2020 жылы 1% ұсталды), бұл ретте ең жоғары мүмкін төлем 8500 теңге яғни 10 ең төменгі жалақыдан 2%, 425000 x 2% = 8500).
МӘМС үшін қайда төлеу керек?
&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp; Сіз жарналарды төлеп, сақтандырыла аласыз:
&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp; – Екінші деңгейдегі банктер және олардың интернет-сервистері;
&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp; – Kaspi.kz мобильді қосымшасы;
&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp; – «Қазпочта» АҚ филиалдары;
&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp; – төлем терминалдары (Qiwi, Kassa24 және т.б.)
&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp; – медициналық ұйымдарда жедел төлем үшін терминалдар.

2021 жылы МӘМС үшін кімге және қанша төлеу керек?

<a href="https://kyzylorda-news.kz/">Kyzylorda-news.kz</a>. Борышкерлерді, алимент төлеуден жалтарғандарды және туыстық қатынасын жоғалтқандарды анықтау бағытында Қызылорда облысы Полиция департаментінің көші-қон қызметі бөліністерімен бірқатар жұмыстар атқарылып келеді.
Статистикалық мәліметтерге сәйкес, 2020 жылдың&nbsp;12 айында Қызылорда қалалық Полиция басқармасы және аудандық полиция бөлімдерімен алимент төлеуден жалтарған 126 тұлғаға іздеу жарияланып, оның 106-сы анықталды.
Сонымен қатар мемлекетке борышкер 33 адамға іздеу жарияланып, оның 30-ның тұрғылықты мекен-жайы анықталды.
2017 жылдан бері алимент төлеуден жалтарғаны үшін Қызылорда ҚПБ көші-қон қызметі бөлімімен іздеуде жүрген бір азамат Алматы қаласынан, бір азамат Нұр-Сұлтан қаласынан табылды.

Қызылордада алимент төлеуден жалтарған 106 адам анықталды

<a href="https://kyzylorda-news.kz/">Kyzylorda-news.kz</a>. «Жерге байланысты бәріміз айқын білетін және бұлжымайтын ақиқат – қазақтың жері ешбір шетелдіктің меншігіне берілмейді, ешқашан сатылмайды. Осыны әр азаматымыз санасына берік сіңіруі қажет». Бұл – Қазақстан Республикасының Президенті Қасым-Жомарт Тоқаевтың сөзі. Мемлекет Басшысы осылай айтқан соң, талай адамның көкейінде жүрген түйткіл өздігінен шешілген шығар.
«Егемен Қазақстан» газетіне Мемлекет Басшысы Қасым-Жомарт Тоқаевтың «Тәуелсіздік бәрінен қымбат» атты мақаласы шықты. Мақала «Бағдар мен белес», «Таным мен тағылым», «Қоғам мен құндылық», «Ұлағат пен ұстаным» атты төрт бөлімнен тұрады.
«Алдағы төртінші онжылдықтың бізге жүктейтін міндеті – қуатты елдің иесі және кемел халық болу. Бұл жолда саяси-экономикалық реформаларды және сананы жаңғырту үдерісін жалғастырып, заман талабына бейімделген ұлттың жаңа болмысын қалыптастыруымыз қажет.
Біз әділетті қоғам мен тиімді мемлекет құруды көздеп отырмыз. Кез-келген істе әділдік қағидатын басшылыққа алсақ, бұған анық қол жеткіземіз. Мысалы, тұрғындардың тұрмысын жақсарта түспесек, еліміздің жетістіктері мен халықаралық табыстарын мақтан ету артық. Азаматтарымыз экономикалық өсімнің игілігін сезіне алмаса, одан еш қайыр жоқ. Мен әрбір шешімді қабылдар сәтте осы ұстанымды басшылыққа аламын».
Президент мақаласының бастауында осындай ойлар бар. «Мәдени мұра» бағдарламасының ұлт шежіресін түгендеудегі орны, отандық телеарналарда міндетті түрде тарихи тақырыптардың қамтылуы, ел тарихындағы ақтаңдақтар, оны мұқият зерделеу, ұлттық мүддемізге сай келетін көп томдық жаңа тарихымыздың жазылуы жақсы көтерілген. Сондай-ақ жерге, тілге, шекараға қатысты көптің ойында жүрген өзекті мәселелер айтылған. Тәуелсіздігімізді нығайтып, егемендігімізді еңселі ету мақсатында осы кезге дейін не істелді, қандай шаралар атқарылды, міне, осы сұрақтардың жауабы айтылған. Мақаланы толыққанды оқыған адам қазақ баласына ары қарай да не істеу қажеттігі жазылғанын аңғара алады. Бір сөзбен айтқанда, «Nur Otan» партиясы көтеріп жүрген көп түйткілдің түйіні тарқатылған.
Қазір жасыратыны жоқ, көрші елдегі саясаткерлер Қазақстан жеріне қатысты «Қазақстан территориясы – Ресей мен Кеңес Одағының үлкен сыйлығы» деген сыңайдағы пікір айтуда. Қасым-Жомарт Тоқаев «Бабалардан мұра болған қасиетті жеріміз – ең басты байлығымыз. Қазаққа осынау ұлан-ғайыр аумақты сырттан ешкім сыйға тартқан жоқ. Бүгінгі тарихымыз 1991 жылмен немесе 1936 жылмен өлшенбейді. Халқымыз Қазақ хандығы кезінде де, одан арғы Алтын Орда, Түрік қағанаты, Ғұн, Сақ дәуірінде де осы жерде өмір сүрген, өсіп-өнген. Қысқаша айтқанда, ұлттық тарихымыздың терең тамырлары көне заманның өзегінде жатыр. Жалпы, тарихпен саясаткерлер емес, тарихшылар айналысуы керек»,-деп тұжырым жасайды. Шала ойлыларға дәлелді әрі нақты жауап, қазақтың жері ешкімнің сыйы не мұрасы емес.
Қазір мемлекеттік тіл мәселесі де жұрт назарында тұр. Президент бұл мәселені де назардан тыс қалдырмаған. «Мемлекеттік тілді білу – Қазақстанның әрбір азаматының парызы. Міндеті деп те айтуға болады. Осы орайда мен барша қазақстандықтарға, оның ішінде қазақ тілін әлі жете меңгермеген отандастарыма үндеу тастағым келеді. Жастар ағылшын тілін немесе басқа да тілдерді аз ғана уақытта меңгере алатынын көріп отырмыз. Тұтас буын алмасқан осы жылдарда қазақ тілін үйренгісі келген адам оны әлдеқашан біліп шығар еді. Халқымызда «Ештен кеш жақсы» деген сөз бар. Ең бастысы, ынта болуы керек» – деп туған тілдің шын жанашыры екенін көрсетеді.
«Қазақстанның саяси жүйесі заман талабына сай дамып келеді. Мәжіліс депутаттарының биылғы сайлауы – көппартиялы Парламентті орнықтыру жолындағы маңызды қадам. Бізде саяси көзқарастары әртүрлі партиялар бар. Олардың ұстанымдары консервативті, либералды, ұлтшыл, социалист және тағы басқа болуы мүмкін. Бұл – табиғи үдеріс. Саяси плюрализм мемлекетті эволюциялық жолмен дамытуға және нығайтуға мүмкіндік береді. Саяси күштер осындай әралуан болса да, баршасын біріктіретін және бәріне ортақ құндылық бар. Ол – қастерлі Тәуелсіздік.
Біздің мақсатымыз – келер ұрпаққа Қазақстанды тұғыры мығым, экономикасы қуатты, рухы асқақ мемлекет ретінде табыстау және елдік істерді шашау шығармай лайықты жалғастыратын жасампаз ұрпақ тәрбиелеу».
Бұл Президент мақаласының түйіні ғана емес, «Nur Otan» партиясының сайлауалды бағдарламасына орайлас көп сұраққа жауап іздеген ел азаматтарының да тоқтамы болса, қанеки.
Аманжол ОҢҒАРБАЕВ,
«Сыр медиа» ЖШС бас директоры.

Аманжол Оңғарбаев: Қазақ жері ешқашан сатылмайды

<a href="https://kyzylorda-news.kz/">Kyzylorda-news.kz</a>. Қазақстанда өткен тәулікте 785 адам коронавирус індетінен емделіп шықты, деп хабарлайды&nbsp;<a href="https://www.coronavirus2020.kz/kz">coronavirus2020.kz</a>.
Аймақтар бойынша
Нұр-Сұлтан қаласы – 57 
Алматы қаласы – 104 
Шымкент қаласы – 4 
Ақмола облысы – 116 
Ақтөбе облысы – 23 
Алматы облысы – 25 
Атырау облысы – 32 
Шығыс Қазақстан облысы – 100 
Жамбыл облысы – 86 
Батыс Қазақстан облысы – 13 
Қарағанды облысы – 27 
Қызылорда облысы – 8 
Маңғыстау облысы – 4 
Павлодар облысы – 139 
Солтүстік Қазақстан облысы – 45 
Түркістан облысы – 2
Қазақстан бойынша жазылғандар саны – 145 979.

Қызылордада 8 адам коронавирустан жазылды

<a href="https://kyzylorda-news.kz/">Kyzylorda-news.kz</a>. Мемлекет басшысы Қасым-Жомарт Тоқаев «Тәуелсіздік бәрінен қымбат» атты мақаласында «Тәуелсіздік – бұл біздің халқымыздың ең басты құндылығы және ең маңызды байлығы» деп атап өтті. &nbsp;
Тәуелсіз еліміздің ертеңі – қазақ тілінде екенін назарға салып, «Мемлекеттік тілді білу – Қазақстанның әрбір азаматының парызы. Міндеті деп айтуға болады» дей келе, әрбір азаматтың қазақ тілін меңгеремін деген ниеті болса, ол өз мақсатына жететіндігін алға тартты.
Сондай-ақ, қазақ қаламгерлерінің үздік шығармаларын, шетел жазушыларының таңдаулы туындыларын аударып, таратуды тапсырды.
Бүгінгі Президентіміздің мақаласында айтылған осындай мағыналы ойлар жастарды ғылым-білім, тіл үйренуге шақырып, көкжиегін кеңейтіп, көкірек көзін оятуға жетелейді.
Өз басым білімге, қазақ тілін білуге деген құштарлығымның арқасында &nbsp;ұлан-ғайыр даланың тереңнен тартқан тарихына бойлап, қаншама толымды туынды, жыр маржанымен сусындап өстім. Дархан даланың данасы Абай өлеңдеріне деген қызығушылығым мектеп қабырғасында жүргенде оянды. Ойшыл ақын Абай Құнанбаевтың берер өнегесін бойыма сіңіріп келемін.&nbsp; Қазіргі күні Ұлы ақынның тәрбиелік арнаның қайнар көзі жатқан 200-ге жуық өлеңі мен бір поэмасын жатқа білемін. Бүгінгі таңда тіл білімінің қыр-сырына қаныға түсуге ынта жасап, болашақта қазақ тілін жас ұрпаққа үйретсем деген ниетім бар.
Елена Пак,
Қорқыт ата атындағы Қызылорда Университеті
«Филология» факультетінің 3 курс студенті,
«Абай қазынасына саяхат» клубының үйлестірушісі.

Қазақстан және Қызылорда облысының жаңалықтары