<a href="https://kyzylorda-news.kz/?doing_wp_cron=1608783104.5910580158233642578125">Kyzylorda-news.kz.</a>&nbsp;Мемлекеттік органдарға Жаңа жыл мерекесін ұжымдық тойлаудан бас тарту ұсынылды. Бұл туралы Өңірлік коммуникациялар қызметінің ақпарат алаңында өткен брифингте облыс бойынша мемлекеттік қызмет істері департаменті басшысының орынбасары Берікбол Байхожаев мәлімдеді.
Бұл карантин талабын сақтау үшін қабылданған шешім. Берікбол Байхожаев карантин талаптарын сақтамаған мемлекеттік қызметшілерге шара көрілетіндігін ескертті.Сондай-ақ, өзгеріс енгізілген заңнамаға сәйкес, енді мемлекеттік қызметшілердің отбасы мүшелеріне де сыйлық алуға болмайды. Мемлекеттік қызметшіге және оның отбасы мүшелеріне келіп түскен барлық сыйлықтар, тіпті олар білмей келіп түскен сыйлықтарды қоса алғанда, 7 күн ішінде Мемлекеттік мүлік және жекешелендіру комитетіне және оның аумақтық органдарына тапсырылады. Ал отбасы мүшелері бір-біріне сыйлық жасауға тыйым салынбаған.

Қызылорда: Корпоративтік кештерден бас тарту ұсынылды

<a href="https://kyzylorda-news.kz/?doing_wp_cron=1608783104.5910580158233642578125">Kyzylorda-news.kz.</a>&nbsp; Жұма күні Қазақстанның басым бөлігінде қар жауады, жел күшейеді.
25 желтоқсанда солтүстік және оңтүстік циклондар жыраларының және соған байланысты атмосфералық ағындардың әсерінен республиканың басым бөлігінде қар жауады. Кей жерлерде тұман түсіп, жел күшейеді, солтүстікте және шығыста жаяу бұрқасын соғады, оңтүстікте көктайғақ болуы ықтимал. Тек еліміздің батысы мен оңтүстік-шығысында антициклон жотасының ықпалынан күн райы ашық болады.

Бүгін Қазақстанның басым бөлігінде қар жауады

Kyzylorda-news.kz. “Nur Otan” партиясы – еліміздің гүлденуіне және әрбір қазақстандықтың игілігі жолында жұмыс істейтін ұйым. Партия бағдары айқын, мақсаты нық екенін дәлелдеп, елдегі іргелі істерге ұйытқы болуымен ерекшеленеді. Саяси науқан алдында жарияланған партияның сайлауалды бағдарламасы – әлеуметтің әлеуетін арттырып, қоғамдағы маңызды мәселелерді шешуге, бақуатты қоғам құруға бағытталып отыр.
Атап айтар болсақ, бағдарламада облыс дамуын бағамдайтын 7 негізгі басымдық айқындалған. Әлеуметтік-экономикалық жағдайды жақсарта түсу, қауіпсіздікті сақтау, жастарды дамыту, тарихымыз бен мәдениетімізді мәйекті ету, жергілікті органдар мен қоғам байланысын нығайту – саяси партия алдындағы нақты міндеттер. Көшбасшы партия өзгеріс жолын таңдады. Демек, әр азаматқа лайықты өмір сүруге жағдай жасау – партияның 2025 жылға дейінгі жоспарын айқындаған бағдарламаның басты алғышарты.
Сайлауалды тұғырнамада көшбасшы партия халықтың әл-ауқатының негізі – азаматтарды жұмыспен және тұрақты табыспен қамтамасыз ету екенін атап көрсеткен. Биыл аймақ тұрғындарын жұмыспен қамтуды қолдау аясында кешенді жоспар бекітіліп, ауқымды істер атқарылған болатын. Байырқалы бастама алдағы уақытта да партия қолдауымен іске асырылмақ. 
Бұл шара жұмыссыздық деңгейін төмендетуге ықпал ететін болады.
Мәселен, алдағы бес жылдықта облыста жалпы жұмыссыздық деңгейін 4,7%-ға дейін төмендету міндеті қойылып отыр. Ол міндетті іске асыру үшін өңірде 9-дан астам инвестициялық экспортқа бағдарланған жобаларды жүзеге асырып, 4 мыңнан астам жұмыс орнын құруға, оның ішінде ірі жобаларды ашуға бетбұрыс жасалмақ. Сонымен қатар бәсекеге қабілетті өнім түрлерін шығару үшін жұмыс істеп тұрған кәсіпорындарды жаңғырту, инновациялық өндірістер мен жаңа технологияларды енгізу қолға алынады. Сырттан тасымалданатын өнімдер санын қысқартып, жергілікті өнім өндіруді көбейту де – үлкен мақсаттардың бірі.
Сондықтан өңдеу өнеркәсібімен айналысатын жергілікті кәсіпкерлерге мемлекеттік бағдарламалар игілігімен қолдау көрсету жалғасатын болады. Нәтижесінде жұмыссыздар қатары азайып, аймақ әлеуеті артады. 
«Nur Otan» партиясы алдында тұрған межелер – електен өтіп, айқын бағдарланған міндеттер. Уақытпен сыналған, тәжірибеден жинақталған жоспарлар жиынтығы. Сондықтан қиындықты еңсеріп, жеңіске бірге жету – көшбасшы партияның ұлықты ұстанымы.
Бақдәулет Махашов 
YI шақырылған облыстық мәслихат депутаты, 
«Nur Otan» партиясы депутаттық фракциясының 
мүшесі
«Nur Otan» партиясы Қызылорда облысының Сайлау қорының қаражатынан төленді

Бақдәулет Махашов: «Nur Otan» &#8211; кемел келешектің кепілі

Kyzylorda-news.kz. «Nur Otan» партиясының Қызылорда облыстық штабының сайлауалды үгіт-насихат жұмыстары қарқын алды. Арал қаласында “Есіктен есікке” акциясы бойынша облыстық және аудандық мәслихат депутаттығына үміткерлер Еркебұлан Аяғанов пен Саягүл Мақашева бірнеше тұрғынның үйіне барды.
Үміткерлер кент тұрғындары “Аралтұз” АҚ кәсіподақ ұйымының төрағасы Төлеген Жанназаров, кәсіпкер Жомарт Көшеков, зейнеткер Бекет Ерғазиевтің шаңырағында болып, жағдайларын сұрады. Сондай-ақ, «Nur Otan» партиясының сайлауалды бағдарламасымен таныстырды. 
Партияның басты бағыты − ауданда тұрақты экономикалық даму және халықтың өмір сүру деңгейін арттыру. Ауылшаруашылық құрылымдарына қолдау көрсету, еңбек өнімділігін арттыру жөніндегі жұмыстар жалғастырылады.
<blockquote>
 «Арал ауданында мемлекеттік бағдарламалар және жеке инвесторлар есебінен, «Түйе сүтінен құрғақ ұнтақ дайындау», кальцилендірілген сода өндіру зауыты, ас тұзын өндіру жаңа Испан цехының құрылысы жобасының жүзеге асуына ықпал етеді. Нәтижесінде бұл шаралар 2025 жылға қарай 6,1 мың жұмыс орнын құруға және жұмыссыздық деңгейін 5,1 %-дан 4,7 пайызға төмендетуге мүмкіндік береді», – деді үміткер Еркебұлан Аяғанов.
</blockquote>
Ал, Саягүл Мақашева әлеуемттік қолдау бағытындағы партия көздеген басым бағыттарды жан –жақты таныстырып, «Nur Otan» партиясына дауыс беруге шақырды.
“Nur Otan” партиясы Қызылорда облысының Сайлау қорының қаражатынан төленді
<img src="https://kyzylorda-news.kz/wp-content/uploads/2020/12/img-20201224-wa0022.jpg" alt="" />

Аралда ас тұзын өндіру зауыты салынады

<a href="https://kyzylorda-news.kz/?doing_wp_cron=1608783104.5910580158233642578125">Kyzylorda-news.kz.</a> Бүгін облыс әкімі Гүлшара Әбдіқалықова қала әкімі Нұрлыбек Нәлібаевты қабылдап, облыс орталығында атқарылған жұмыстар туралы есебін тыңдады.
Ағымдағы жылы қалада өнеркәсіп өнімдерінің өндіріс көлемі 440,2млрд. теңгеге жетіп, негізгі капиталға салынған инвестиция көлемі 110,9 пайызға артығымен орындалып, 128,4 млрд. теңгені құрады. Облысқа салынған инвестицияның 53,6 пайыз Қызылорда қаласының үлесіне тиген.
<blockquote>
 «Индустриалық-инновациялық дамытудың 2020-2025 жылдарға» арналған мемлекеттік бағдарламасына сай қалада өңірлік кәсіпкерлікті қолдау картасына енгізілген жалпы құны 67,5 млрд. теңгені құрайтын 9 жоба жүзеге асырылуда. Жобалар толық іске қосылғанда 1000-нан аса қызылордалық жұмыспен қамтылатын болады»- деді қала әкімі Нұрлыбек Нәлібаев.
</blockquote>
«Бизнестің жол картасы 2025» бизнесті қолдау мен дамытудың бірыңғай бағдарламасы негізінде бүгінгі таңда жалпы құны 5,2 млрд. теңгені құрайтын 139 жоба қаржыландырылса, мемлекеттік қайтарымсыз гранттар беру бағыты бойынша комиссия шешімімен құны 56,5 млн. теңге болатын 30 адамның жобасы қолдау тапқан. 
«Қарапайым заттар экономикасын дамыту» жеңілдікпен несиелеу арқылы ағымдағы жылы құны 968,3 млн. теңгені құрайтын 13 жоба қаржыландырылған.
Жұмыспен қамтудың 2020-2021 жылдарға арналған «Жол картасы» аясында қала бюджетіне 10 млрд. 889,7 млн. теңге бөлініп, 55 жоба жүзеге асқан. Нәтижесінде бірнеше мәдениет, білім нысандары күрделі жөндеуден өткізіліп, «Тағзым» мемориалы, “Сыр Ана” монументі, «Темір жол» паркі, Назарбаев даңғылы абаттандырылды. Көппәтерлі тұрғын үй аулаларына 30 спорттық және 3 стритбол алаңдары, 70 дана аялдама орнатылды. 2 млрд. теңгеге 68 көшеге тротуарлар салынған. Аталған жобалар аясында барлығы 5379 жұмыс орындары құрылды.
«Ауыл – ел бесігі» арнайы жобасы аясында Ақсуат ауылдық округіндегі №143 мектеп күрделі жөндеуден өткізіліп, 16 көшеге жол жөндеу жұмыстары жүргізілген.
Кездесу соңында өңір басшысы Гүлшара Әбдіқалықова қала әкімі Нұрлыбек Нәлібаевқа облыс орталығының экономикалық даму деңгейін арттыру бағытында тапсырмалар жүктеді.

Гүлшара Әбдіқалықова Нұрлыбек Нәлібаевқа экономикалық даму деңгейін арттыру бағытында тапсырмалар берді

<a href="https://kyzylorda-news.kz/?doing_wp_cron=1608783104.5910580158233642578125">Kyzylorda-news.kz.</a>&nbsp; Бүгін аймақ басшысы Гүлшара Әбдіқалықова Қармақшы ауданының әкімі Мұса Қалдарбековты қабылдады. Кездесуде Қармақшы ауданының әлеуметтік-экономикалық дамуының негізгі көрсеткіштері туралы есеп берілді.
Аудан аумағына 2 кент, 12 ауылдық округ кіреді. Ауданның өнеркәсіп саласының кәсіпорындары ағымдағы жылдың 11 айында 3234,0 млн.теңге өнім өндіріп, өткен жылдың есепті мерзімінен салыстырғанда нақты көлем индексі 112,2 пайызды құрады.
Ауыл шаруашылығы өнімдерінің жалпы көлемі 2020 жылдың 1 желтоқсанына 14644,9 млн.теңге болып, өткен жылдың тиісті кезеңімен салыстырғанда 100,2 пайызды құрады.
Есепті кезеңде 24100 шаршы метр тұрғын үй пайдалануға берілді, өсім 10,5% құрайды. Бөлшек сауда көлемі өткен жылмен салыстырғанда 82,3 пайызға орындалып отыр.
Мал шаруашылығын дамыту бағытында қарқынды жұмыс атқарылуда. Мәселен, өткен жылдың қаңтар-қараша айларымен салыстырғанда мүйізді ірі қара басы 4,8 %, қой басы 3,4 %, жылқы басы 2,9 %, түйе басы 3,9 %, құстар 4,8 % өскен.
Аудан бойынша негізгі капиталға салынған инвестиция көлемі 8465,0 млн.теңге құрайды. Ал, шағын кәсіпкерлікті дамыту мақсатында жыл басынан аудан бойынша 67 өндірістік шағын жобалар іске асырылған.
Аймақ басшысы аудан әкіміне мемлекеттік бағдарламалардың орындалуы, шағын және орта бизнесті дамыту, жұмыссыздық мәселесі бойынша бірқатар нақты тапсырмалар берді.

Қармақшыда 24100 шаршы метр тұрғын үй пайдалануға берілді

<a href="https://kyzylorda-news.kz/?doing_wp_cron=1608783104.5910580158233642578125">Kyzylorda-news.kz.</a>&nbsp; Алдағы 5 жылда Қызылорда қаласында 6 бірдей мектеп бой көтеретін болады.
Атап айтар болсақ, Саяхат шағын ауданында 300 орындық, Бәйтеректе 600 орындық, СПМК-да 300 орындық, Арай 3 мөлтек ауданында 600 орындық, Сырдария өзенінің сол жағалауында 900 орындық, Қызылжарма ауылында 900 орындық мектептер.
<img src="https://kyzylorda-news.kz/wp-content/uploads/2020/12/img-20201224-wa0409-edited-1.jpg" alt="" />
Бұдан бөлек, Қызылорда қаласында 3 жеке меншік мектеп ашылады. Сонымен қатар кезең-кезеңімен 54 білім беру объектісінде күрделі жөндеу жұмыстарын жүргізілетін болады. Бұл жайлы үгіт-насихат жұмыстарымен Қызылорда қаласында болған ҚР Парламенті Сенатының депутаты Дана Нұржігіт «Болашақ» университетінің профессор –оқытушылар құрамымен болған кездесуде айтты.
Кезедсуге «Nur Otan» партиясы атынан Қызылорда облыстық мәслихат дептаттығына үмткерлер Наурызбай Байқадамов пен Қылышбай Алдабергенов, Мемлекет және қоғам қайраткері Бақберген Досманбетов қатысты.
<blockquote>
 «Білімі дамыған, азаматы білікті ел ғана дамудың даңғыл жолына түсе алады. Бұл үшін біз бастапқы мектеп, колледж, университеттегі жағдайларды жақсартуымыз қажет. Бұл бағытта партиямыздың сайлауалды бағдарламасында басымдықтар көрсетілген. Нәтижесінде 2025 жылға қарай ҰБТ-да 100 және одан да көп балл жинаған мектеп түлектерінің үлесі 23%-ға дейін артады деп жоспарлануда. Мұғалімдер біліктілігін арттыру да маңызды мәселелердің бірі. Бұл бағытта сіздердің де еңбектеріңіз маңызды. Сол себепті де болашақ педагогтарды дайындап шығарушы Сіздердің алдарыңызға келіп отырмыз»,- деді Қылышбай Алдабергенов.
</blockquote>
Жиында сайлауалды бағдарламаның білім бағытында байыпты бастамалары ұстаздар қауымына насихаталып, үгіт парақшалары таратылды.
Өз кезегінде сайлаушылар сауалдарын жолдап, партияға сәттілік тіледі.
«Nur Otan» партиясы Қызылорда облысының
Сайлау қорының қаражатынан төленді

Қызылордада 54 білім беру нысаны күрделі жөндеуден өтеді

<a href="https://kyzylorda-news.kz/?doing_wp_cron=1608783104.5910580158233642578125">Kyzylorda-news.kz.</a> Бүгін облыс әкімі Гүлшара Әбдіқалықова Қазалы ауданының әкімі Мұрат Ергешбаевты қабылдады.
Аймақ басшысы ауданның әлеуметтік-экономикалық дамуындағы басты индикаторларды саралап, басым бағыттарды бойынша атқарылған жұмыстармен танысты. Өз кезегінде аудан әкімі Мұрат Нәлқожаұлы облыс әкіміне ауданның 11 ай ішіндегі қорытындысын баяндап, алдағы 2021 жылға арналған жұмыс жоспарымен бөлісті.
Қазалы ауданында жыл ішіндегі макро-экономикалық көрсеткіштері бойынша жалпы өсім қалыптасқан. Өнеркәсіп өнімдерін өндіру 2,9 пайызға өсіп, 14,0 млрд теңгенің өнімдері өндірілген. Негізгі қорға тартылған инвестицияның бағалау көлемі 11 млрд 541 млн теңгені құрап, өткен жылдың осы кезеңімен алғанда 35,4 пайызға, құрылыс жұмыстарының көлемі 4 млрд 616 млн теңгені құрап, 34,6 пайызға орындалды.
Ауданда есепті мерзімге 14 млрд 528,8 млн теңгенің ауыл шаруашылығы өнімдері өндіріліп, 21 951 тонна күріш жиналған. Сондай-ақ, «Жұмыспен қамтудың 2020-2021 жылдарға арналған жол картасы» мемлекеттік бағдарламасының аясында құны 3 млрд 11 млн 89 мың теңге болатын 42 жоба іске асырылды. Осының нәтижесінде жүздеген тұрғынға жұмыс табылып, әлеуметтік нысандар жаңғыртылудан өткізілді. Бағдарлама шеңберінде Ғ.Мұратбаев ауылына табиғи газ жетіп, Ақсуат ауылынан 150 орындық клуб салынды. Сондай-ақ, «Ауыл – ел бесігі» арнайы жобасы арқылы Бекарыстан би ауылында 930 млн теңгенің жұмысы атқарылды. 
Қабылдау барысында аудан әкімі Мұрат Ергешбаев Қазалы ауданындағы эпедимиологиялық ахуал тұрақты екенін жеткізіп, жыл соңына дейін оттегі баллондарын толтыратын цех іске қосылатынын да тілге тиек етті. Бұл цех іске қосылған уақытта аудан тұрғындарымен қатар, көршілес Қармақшы және Арал ауданы мен Байқоңыр қаласын да оттегімен қамтамасыз етуге мүмкіндік бар.
Қабылдау соңында облыс әкімі Гүлшара Әбдіқалықова аудан халқының әлеуетін арттыруға бағытталған маңызды жобаларды жалғастыруды және экономикаға түсім алып келетін жұмыстар бойынша бірқатар нақты тапсырмалар берді.

Қазалыда мемлекеттік бағдарлама аясында 42 жоба жүзеге асты

<a href="https://kyzylorda-news.kz/?doing_wp_cron=1608783104.5910580158233642578125">Kyzylorda-news.kz.</a>&nbsp; Облыстық білім басқармасының ұйымдастыруымен Президенттің балаларға арналған жаңажылдық сыйлықтары табысталды.
Пандемия жағдайына сәйкес бір мезетте 200 баланың үйіне Аяз ата мен Ақшақар жаңажылдық тосынсый апарып, балаларға қуаныш сыйлады.Жаңа жылдық мерекеде білім басқармасының басшысы Ақзира Қасымова ата-анасының қамқорлығынсыз қалған №101 мектеп-лицейінің оқушысының үйіне барып, жаңа жылмен құттықтап, жылы лебізін білдірді.
Балаларға қуаныш сыйлайтын ерекше мерекеде басқарма қызметкерлері, аудандық білім бөлімдерінің басшылары оқушыларға ілтипат білдіріп, мерекені сезіндірді.
Президент атынан ұсынылған сыйлықта bilim book кешені, 6 айға тегін интернет роутер мен тәтті сыйлық бар.
<img src="https://kyzylorda-news.kz/wp-content/uploads/2020/12/132885369_1197134514015392_4892164731007243498_n.jpg" alt="" />
<img src="https://kyzylorda-news.kz/wp-content/uploads/2020/12/132944549_1197134454015398_2473078628269257064_n.jpg" alt="" />
<img src="https://kyzylorda-news.kz/wp-content/uploads/2020/12/132904661_1197134520682058_5733010157509071437_n.jpg" alt="" />
<img src="https://kyzylorda-news.kz/wp-content/uploads/2020/12/133358494_1197134457348731_8790343704431181280_n.jpg" alt="" />

Қызылорда: Президенттің балаларға арналған жаңажылдық сыйлықтары табысталды

<a href="https://kyzylorda-news.kz/?doing_wp_cron=1608783104.5910580158233642578125">Kyzylorda-news.kz.</a> Бүгін облыс әкімі Гүлшара Әбдіқалықова Арал ауданының әкімі Мұхтар Оразбаевты қабылдап, аудандағы жыл бойғы атқарылған жұмыстарды саралады.
Арал ауданда жыл басынан бері өнеркәсіп орындары 14,4 млрд теңгеден артық өнім өндіріп, салыстырмалы көлем индексі 110,6 пайызды көрсетуде.
Жыл ішінде аудан бойынша барлығы 783,6 мың тонна тұз қазылып, 219,1 мың тонна йодталған тұз, 5,4 мың тонна балық, 240 тонна ет, 788 тонна нан және нан өнімдері, 92,4 мың текше метр кварц топырағы өндірілген.
Бүгінде аудандағы шағын және орта бизнес субъектілерінің саны 4 150 бірлікті құраған. Мал шаруашылығын дамыту мақсатында жалпы 564,2 млн. теңге болатын 119 жоба қаржыландырылған. Бұдан бөлек, «Бизнестің жол картасы 2025» мемлекеттік бағдарламасы аясында екінші деңгейлі банктер арқылы жалпы құны 173,0 млн. теңге болатын 7 жоба субсидияланған.
Агроөнеркәсіп кешеніндегі жалпы өнім көлемі 8,9 млрд. теңгені құрап, 2019 жылмен салыстырғанда 102,0 пайызға артқан. 
2019 жылдың сәйкес кезеңімен салыстырғанда мүйізді ірі қара 0,1 пайызға, жылқы 2,8 пайызға, түйе 5,7 пайызға, қой мен ешкі 1,3 пайызға өскен.
Ауданда ауыл шаруашылығы саласы бойынша 26 заңды тұлға мен 856 шаруа қожалығы тіркелсе, оның ішіндегі 7 ауыл шаруашылығы құрылымы асыл тұқымды мал өсірумен айналысады.
Жалпы негізгі капиталға салынған инвестиция ауыл шаруашылығы саласы бойынша 11 айда 156,3 млн. теңге болып, 299,4 пайызға орындалса, тамақ өнімдеріне салынған инвестиция 304,4 млн. теңге болған.
Егін шаруашылығы бойынша аудан көлемінде барлығы 193,0 гектар жерге егін егілген.
Сонымен қатар, ауданнан ағымдағы жыл ішінде «Қамышорда» ЖШС арқылы Германия, Голландия мемлекеттеріне 594 тонна қамыс және Өзбекстан Республикасына «КZ-MBK» ЖШС-гі арқылы 136 тонна I-ші сұрыпты «Аралым ұны» экспортқа жөнелтілген.
Балық шаруашылығы бойынша ағымдағы жылы 6 214 тонна балық ауланса, оның 5 388 тоннанысы өңделген. Оның ішінде 2 159 тоннасы Ресей, Қытай, Германия, Польша, Грузия мемлекеттеріне экспортқа шығарылды.
Кездесу соңында өңір басшысы Гүлшара Әбдіқалықова Арал ауданы әкімі Мұхтар Оразбаевқа эпидемиологиялық ахуалды төмендетпеуге және ауданның экономикалық көрсеткішкетерін арттыру мақсатында бірқатар тапсырмалар жүктеді.

Арал ауданында мал шаруашылығын дамыту мақсатында 119 жоба қаржыландырылған

<a href="https://kyzylorda-news.kz/?doing_wp_cron=1608783104.5910580158233642578125">Kyzylorda-news.kz.</a>&nbsp;Бүгін Қызылордада «Рухани жаңғыру орталығы» облыс және қала әкімдігінің қолдауымен ақындар айтысын ұйымдастырды.
«Тәуелсіздік – мәңгілік елдің тұғыры» деп жырлаған сегіз ақын додаға түсті. Жас ақындардың өнерін айтыскер ақын, ҚР Мәдениет саласының үздігі Серік Ыдырысов бастаған әділқазылар алқасы бағалады.
Жыр бәйгесі елдегі карантин жағдайына байланысты әлеуметтік желіде тікелей көрсетілді. Елдік мәселелерді арқау еткен жас дарындар көрерменсіз залда өнер көрсеткенімен еш аянып қалмады.
Нәтижесінде, бас жүлде Қармақшы ауданынан келген Сырым Әділбековке бұйырды. Бірінші орынға Бекжан Ержігіт лайық деп танылса, екінші орын Мұхамеджан Мансұровтың қанжығасына байланды. Бексұлтан Орынбасаров пен Бақдәулет Әбілдаев үшінші орынды өзара бөлісті.
Айтысқа қатысқан өзге де қатысушылар орталықтың арнайы алғыс хатымен және ынталандыру сыйлықтарымен марапатталды.
<img src="https://kyzylorda-news.kz/wp-content/uploads/2020/12/ajtys-5-scaled.jpg" alt="" />
<img src="https://kyzylorda-news.kz/wp-content/uploads/2020/12/ajtys-2-scaled.jpg" alt="" />
<img src="https://kyzylorda-news.kz/wp-content/uploads/2020/12/ajtys-3-scaled.jpg" alt="" />
<img src="https://kyzylorda-news.kz/wp-content/uploads/2020/12/ajtys-4-scaled.jpg" alt="" />

Қызылордада жас ақындар айтысы өтті

<a href="https://kyzylorda-news.kz/?doing_wp_cron=1608783104.5910580158233642578125">Kyzylorda-news.kz.</a> Бүгін облыс әкімі Гүлшара Әбдіқалықова орынбасары Бақыт Жахановты қабылдап, жыл бойғы атқарылған жұмыстарды саралады.
Жалпы 2012-2020 жылдар нәтижесімен 670,1 мың гектар ауылшаруашылығы жері сауда-саттық жолымен және мемлекеттік бағдарламалар арқылы айналымға енгізілді. 2020 жылға облыс бойынша 60 мың га жерлерді қосымша ауыл шаруашылығы айналымына алу жоспарланған. Аталған жұмыстарға жергілікті бюджеттен 36,2 млн. теңге қаржы қаралып, тиісті жұмыстар жүргізілді. Нәтижесін ағымдағы жылы 66,3 мың га жер табысталған.
Жеке тұрғын үй құрылысын жүргізу мақсатында бүгінгі күні облыста 99 678 азамат кезекте тұр, оның ішінде 60 661 адам Қызылорда қаласының еншісінде. 2014-2019 жылдары барлығы 10 741 учаске берілсе, ағымдағы жылы 1 469 жер учаскесі тұрғындарға табысталған. 
Ағымдағы жылы мақсаты бойынша пайдаланылмаған не заңнаманы бұза отырып пайдаланылған ауыл шаруашылығы мақсатындағы көлемі 11193,5 гектарды құрайтын 48 жер учаскесі мемлекет меншігіне қайтарылған.
Облыс әкімінің орынбасары Бақыт Жаханов агроөнеркәсіптік кешенінің негізгі индикаторларының орындалу барысын да сөз етті. Есепті кезеңде 136,0 млрд. теңгенің өнімі өндіріліп, өткен жылдың сәйкес кезеңімен салыстырғанда өсім 1,4%-ға артқан. Ауыл шаруашылығының негізгі қорына салынған инвестиция көлемі 10,7 млрд. теңгені құрап, өткен жылмен салыстырғанда 1,6 есеге өскен. Сондай-ақ, тамақ өнімдерін өндірудегі негізгі капиталға 1,2 млрд. теңге инвестиция салынып, былтырғы жылмен салыстырғанда 1,6 есеге ұлғайса, ағымдағы жылдың 10 айында облыстан 29,1 млн. долларды құрайтын 87,4 мың тонна ауыл шаруашылығы өнімдері экспортталып, өткен жылдың сәйкесті кезеңімен салыстырғанда 114,0 пайызға өсім алған.
Биылғы жылы 551 мың тоннадан астам күріш өнімі жиналды. Сонымен қатар, есепті кезеңде 33,8 мың тонна ет 81,3 мың тонна сүт және 6,9 млн. дана жұмыртқа өндіріліп, 2019 жылдың сәйкесті кезеңімен салыстырғанда ет өндірісі 2,6 пайызға, сүт өндірісі 2,6 пайызға артты. Ағымдағы жылдың қаңтар-қараша айларында ауыл шаруашылығының негізгі қорына салынған инвестиция көлемі 10,8 млрд. теңгені құрап, өткен жылдың осы кезеңімен салыстырғанда 1,6 есеге ұлғайған.
Аймақтың табиғи ресурстар және табиғатты пайдалануды реттеу басқармасы бойынша аумақтарды дамыту бағдарламасына сәйкес қалдықтарды басқару бағытында негізгі 2 нысаналы индикатор белгіленген. Қалдықтардың өңдеу үлесін арттыру бағытындағы алғашқы индикатор бойынша жоспар 18% орындалған. 2020 жылы жинақталған 117 мың тонна қатты тұрмыстық қалдықтардың 21 мың тоннасы өңделген.
Екінші индикатор негізінде экологиялық және санитариялық талапқа сай, келетін полигондарның үлесін 4,82 % жеткізілген.
Қызылорда облысының ормандарды молықтыру және орман өсіру көлемін ұлғайтудың 2021-2025 жылдарға арналған кешенді жоспары бойынша алдағы 5 жыл ішінде 213,1 мың га жерге 177,5 млн дана ағаш егілмек.
Кездесуде облыстық мемлекеттік сатып алу басқармасының ағымдағы жылы атқарған жұмыстары да талқыланды. Ағымдағы жылы 77,5 млрд. теңгенің 1517 сатып алу конкурсы өткізіліп, нәтижесімен 4,6 млрд. теңге үнемделген.
Кездесуде ветеринария саласында атқарылған жұмыстар да сараланды. Облыс көлемінде ауру ошақтарын болдырмау, алдын алу, эпизоотиялық тұрақтылықты сақтау мақсатында 2020 жылы аса қауіпті 15 түрлі жұқпалы ауруларға қарсы республикалық бюджет есебінен бөлінген 5641,1 мың доза ветеринариялық препараттар уақытылы тасымалданып жеткізілді. Эпизоотиялық іс-шараларды орындауға 984,6 млн. теңге қаржы бөлінді. Бекітілген жоспарға сәйкес, алдын ала вакцина егу және диагностикалық зерттеу іс-шаралары жүргізіліп, бөлінген қаржы толық игерілді.
Кездесу соңында облыс әкімі Гүлшара Әбдіқалықова аталған салалардағы жұмыстарды одан әрі жандандыру мақсатында Бақыт Жахановқа тапсырмалар жүктеді.

Қазақстан және Қызылорда облысының жаңалықтары

Қызылорда: Корпоративтік кештерден бас тарту ұсынылды

Бүгін Қазақстанның басым бөлігінде қар жауады

Бақдәулет Махашов: «Nur Otan» – кемел келешектің кепілі

Аралда ас тұзын өндіру зауыты салынады

Гүлшара Әбдіқалықова Нұрлыбек Нәлібаевқа экономикалық даму деңгейін арттыру бағытында тапсырмалар берді

Қармақшыда 24100 шаршы метр тұрғын үй пайдалануға берілді

Қызылордада 54 білім беру нысаны күрделі жөндеуден өтеді

Қазалыда мемлекеттік бағдарлама аясында 42 жоба жүзеге асты

Қызылорда: Президенттің балаларға арналған жаңажылдық сыйлықтары табысталды

Арал ауданында мал шаруашылығын дамыту мақсатында 119 жоба қаржыландырылған

Қызылордада жас ақындар айтысы өтті

Гүлшара Әбдіқалықова орынбасары Бақыт Жахановты қабылдады

Қазақстан және Қызылорда облысының жаңалықтары

Қызылорда: Корпоративтік кештерден бас тарту ұсынылды

Бүгін Қазақстанның басым бөлігінде қар жауады

Бақдәулет Махашов: «Nur Otan» &#8211; кемел келешектің кепілі

Аралда ас тұзын өндіру зауыты салынады

Гүлшара Әбдіқалықова Нұрлыбек Нәлібаевқа экономикалық даму деңгейін арттыру бағытында тапсырмалар берді

Қармақшыда 24100 шаршы метр тұрғын үй пайдалануға берілді

Қызылордада 54 білім беру нысаны күрделі жөндеуден өтеді

Қазалыда мемлекеттік бағдарлама аясында 42 жоба жүзеге асты

Қызылорда: Президенттің балаларға арналған жаңажылдық сыйлықтары табысталды

Арал ауданында мал шаруашылығын дамыту мақсатында 119 жоба қаржыландырылған

Қызылордада жас ақындар айтысы өтті

Гүлшара Әбдіқалықова орынбасары Бақыт Жахановты қабылдады

Бақдәулет Махашов: «Nur Otan» – кемел келешектің кепілі