<a href="https://kyzylorda-news.kz/">Kyzylorda-news.kz</a>.&nbsp; «Қазатомөнеркәсіп» ҰАК» АҚ «Байкен-U» ЖШС сатып алу департаментінің басшысы пара алу ісі бойынша ұсталды, деп хабарлайды сыбайлас жемқорлыққа қарсы іс-қимыл агенттігі.
<blockquote>
 «Қазақстан Республикасы сыбайлас жемқорлыққа қарсы іс-қимыл агенттігінің Қызылорда облысы бойынша департаменті мердігер ұйым өкілінен 2,2 миллион теңге көлемінде пара алғаны үшін «Қазатомөнеркәсіп» ҰАК» АҚ «Байкен-U» ЖШС сатып алу департаментінің басшысын ұстады», – делінген ақпаратта.
</blockquote>
Лауазымды тұлға орындалған жұмыстардың актілеріне кедергісіз қол қою және қызмет көрсету шарты бойынша аудару үшін ақша алған.
Өзге ақпарат жарияланбайды. Тергеу жалғасып жатыр.
«Қазатомөнеркәсіп» ҰАК” АҚ – дүниежүзіндегі ауқымды ресурстық базаның бірін игеру басымдығына ие әлемдегі ең ірі табиғи уран өндіруші.
Қазақстанның бес аймағында орналасқан компанияның 40 өндірістік нысанында 20 мыңға жуық қызметкер жұмыс істейді.

«Байкен-U» ЖШС сатып алу департаментінің басшысы пара алу ісі бойынша ұсталды

<a href="https://kyzylorda-news.kz/">Kyzylorda-news.kz</a>. Ақпарат құралдарында биылғы Құрбан айтта малды жөн-жосықсыз соймай, бар малды сақтап қалу және жиналған қаражатты қуаңшылық болып жатқан Маңғыстау мен Қызылорда облыстарына көмек ретінде беру туралы пікір айтылуда. Осыған байланысты біз де пікір білдіруді жөн көрдік.
Әуелі айтып кетер жайт, Құрбан айт намазынан кейін үш күн ішінде материалдық мүмкіндігі бар, жағдайы жақсы мұсылман адамға құрбандық шалу – міндет. Бұл – Алланың мұсылман баласына жіберген әмірі. Бұған қатысты қасиетті Құранда Алла Тағала:&nbsp;«Раббыңның разылығы үшін намаз оқы және құрбан шал»&nbsp;(«Кәусар» сүресі, 2-аят) деп бұйырған. Алланың бұйырған амалын өзгертуге, оны бұрмалауға әсте болмайды.
Ал Пайғамбарымыз Мұхаммедтің (оған Алланың салауаты мен сәлемі болсын) өміріне зер салсақ, Алла елшісі (оған Алланың салауаты мен сәлемі болсын) құрбандыққа екі ақ қошқарды сойған. Екі ақ қошқарды жатқызып, оны аяғымен тіреп, бисмилләні және тәкбірді айтып бауыздаған Пайғамбарымыз Мұхаммед (оған Алланың салауаты мен сәлемі болсын) өзінің өсиетті хадистерінің бірінде:&nbsp;«Адам баласы құрбан айт күні (құрбан шалып) қан ағызудан да сүйікті басқа іспен Алла Тағалаға жақындаған емес. Қаны ағызылған мал қиямет күні мүйіздері, тұяқтары және жүндерімен келеді. Ағызылған қан жерге тамбай жатып, Алла Тағаланың құзырында үлкен мақамға жетеді. Сондықтан құрбандарыңды көңіл ризашылығымен шалыңдар»&nbsp;деген.
Құрбандық шалу адам баласын тақуалыққа жетелейді. Өйткені, мұсылман адам құрбандығын шынайы ниетпен, Алла разылығы үшін шалады. Алла Тағала адамның амалына емес, ниетіне қарайды. Сондықтан Ислам дінінде орындалатын кез келген амалдың сыртқы формасына емес, ішкі мазмұнына, яғни ниетке мән беріледі. Ниетті түзетудің мәні осында. Шын мәнінде бүкіл әлемнің Жаратушысы болған Раббымыз адамның шалған құрбандығына мұқтаж емес. Алла тек шынайы ниетпен жасалған құлшылықты қабыл етеді. Сондықтан Құранда мынадай аяттар келтірілген:&nbsp;«Аллаға олардың еттері де, қандары да жетпейді. Алайда Оған сендердің тақуалықтарың ғана жетеді»&nbsp;(«Хаж» сүресі, 37-аят).
Құрбан айт күндері жабырқаған жандарды, қамкөңіл адамдарды, мүгедектер мен жетімдерді, жесір әйелдер мен қараусыз қалған қарттарды қуандырудың сауабы мол. Құрбандық етінің мұқтаж жандарға таратылуының мәні үлкен. Бай мұсылман құрбандық шалғаннан кейін оның етін көмекке зәру адамдарға тарату арқылы бойындағы қатыгездік, тәкаппарлық секілді жағымсыз сипаттардан арыла бастайды. Өйткені, садақа беру – мұсылмандардың арасына мейірімдік сынды сезімді ұялататын сауабы мол іс. Құрбан шалу – байға міндет, кедейге көмек болатыны сондықтан деп білеміз.
<img src="https://imgs.muftyat.kz/orig/1c7937f0-d548-4607-bb5a-b6b2574432ff.jpeg" alt="" />
Ақпарат құралдарында тарап жатқан пікір арасында құрбандық шалудың орнына садақа берген дұрыс деген көзқарастар айтылып жатыр. Бұған қатысты Қазақстан мұсылмандары діни басқармасының Шариғат және пәтуа бөлімі мынадай жауап жазды: «Құрбандық шалуға міндетті болған адам белгілі малды бауыздап, қан шығаруы тиіс. Біздің мәзһабта құрбан айт күндері құрбандықты бауыздамай, ақшасын садақа ете салу дұрыс емес. Өйткені, шариғат бойынша құрбандық малын бауыздап, қан ағызу – міндет. Алайда, сатып алған құрбандығын айт күндері шала алмаса, оны тірідей садақа етеді. Ал егер құрбандықты сойып қойған болса, оның барлық етін мұқтаждарға таратады, өзі одан ештеңе жемейді. Өйткені, уақыты өтумен құрбандық міндеті садақа міндетіне ауысады. Егер құрбандықты әлі сатып алмаған болса, құрбандық құны мөлшерінде садақа етеді».
Қазақстан мұсылмандары діни басқармасының төрағасы, Бас мүфти Наурызбай қажы Тағанұлы еліміздегі барша мұсылман жамағаты мен кәсіпкерлерге жолдаған Үндеуінде: «Сүйікті Пайғамбарымыз Мұхаммед (оған Алланың салауаты мен сәлемі болсын):&nbsp;«…Кімде-кім мұсылман бауырының қажетіне жараса, Алла Тағала да оның қажетін өтейді…»&nbsp;деген сүйінші хабар жеткізген. Қазақстан мұсылмандары діни басқармасы қуаңшылықтан зардап шеккен өңірлердегі шаруаларға қолдау көрсету мақсатында «Қиындықта ел бірге» атты қайырымдылық акциясын бастады. Акция аясында Қызылорда, Маңғыстау облыстарына жем-шөп жөнелтілетін болады. Осы игі іске үлес қосып, сынақты сәттерді бастан кешіп отырған отандастарымызға қол үшын созуға шақырамын» деді.
Адамға жақсылық жасау үшін Алланың әмірін «өзгерту» шарт емес. Алла Тағала адам баласы үшін қайыр-жақсылығы болғаны үшін белгілі амалдарды парыз етеді. Ал оны орындамау немесе адамдарды сол парызды орындамауға шақыру – өте өрескел қателік әрі сұрауы жоғары болатын іс. Мұндай амал-әрекетке барудың өзі қорқынышты.&nbsp;&nbsp;&nbsp;
Алла Тағала еліміз бен жерімізге жақсылығын жаудырып, шалған құрбандығымыз бен берген садақамызды қабыл етіп, мол сауаптан жазғай. Әмин!&nbsp;
<a href="https://www.muftyat.kz/kk/articles/kurban-ait/2021-07-13/36950-kurban-shalu-baiga-mindet-kedeige-komek/">Бақдәулет НҰРМАТҰЛЫ</a>

Құрбан шалу – байға міндет, кедейге көмек&#8230;

<a href="https://kyzylorda-news.kz/">Kyzylorda-news.kz</a>. 19 шілде күні таңғы сағат 7.20-да Қызылорда қаласындағы балаларға арналған «Пумба» ойын-сауық орталығында газ бен ауа қоспасының <a href="https://www.instagram.com/p/CRfjwmaAzEJ/?utm_medium=share_sheet">жарылысы болды</a>. Бұл туралы облыстық өрт сөндіру және авариялық құтқару жұмыстары қызметінің баспасөз қызметі хабарлады.
<blockquote>
 «Тілсіз жау ғимараттың бірінші қабатын түгел шарпыған. Өрт сағат 7-ден 44 минут өткенде оқшауланып, 8.15-те ауыздықталды. Жарылыс нәтижесінде ағаш ағаш сарай мен шатыры құлады. Сондай-ақ Жеңіс көшесі, 20-үйдің терезелеріне зақым келді. Қайтыс болғандар мен жарақат алғандар жоқ», – делінген хабарламада.
</blockquote>
Өрттің шығу себебі табиғи газдың кемуінен делініп отыр.
<img src="https://kyzylorda-news.kz/wp-content/uploads/2021/07/pwmba.jpg" alt="" />

Қызылордадағы «Пумба» ойын-сауық орталығында жарылыс болды

<a href="https://kyzylorda-news.kz/">Kyzylorda-news.kz</a>. Рухия Байдүкенова&nbsp;“Славян базары” байқауының бас жүлдесін ұтып алды. ХХХ халықаралық өнер фестивалінің жабылу салтанатында награданы қазылар алқасының төрағасы Анатолий Ярмоленко табыстады, деп жазады&nbsp;Sputnik Қазақстан.
Бірінші орын сербиялық әншіде, екінші орынға украиналық орындаушылар ие болды. Ал үшінші орынды Словакия мен Әзірбайжан бөлісті.
Байқауға отыздан астам елдің әншілері қатысты. 22 жастағы талдықорғандық Рухия Байдүкенова Қазақстан атынан өнер көрсетті. Оның диапазоны – бес октава. “Славянский базар” әнсүйер қауымды Адам, Айри, Әділхан Макин, Әмре сынды қазақстандық әртістердің шығармашылығымен таныстырды. 2015 жылы Димаш Құдайбергеннің жеңісін бөлек атап өткен жөн. Ол биыл қазылар алқасының құрамында болды. Көрерменді сахнаға шығып та қуантты.&nbsp;
Қазылар алқасы жеңімпаздарды анықтап жатқан сәтте көрермен концерт тамашалаған болатын. Беларусь, Қазақстан, Украина, Ресей және Грузиядан келген әртістер өнер көрсетті. Сахнаға Димаш Құдайберген шыққанда “Славян базары” көрермендері әртісті ерекше ықыласпен қарсы алды.
“Димаш Құдайбергенді зал қошеметпен қарсы алды, тіпті, жанкүйерлерінің даусы қарлықты. Қазылар алқасы мен жанкүйерлердің қолдауы керемет болды”, – деп жазды басылым.

Рухия Байдүкенова &#8220;Славян базары&#8221; байқауында гран-при ұтып алды

<a href="https://kyzylorda-news.kz/">Kyzylorda-news.kz</a>. Бүгін Президент Қасым-Жомарт Тоқаев еліміздегі санитарлық-эпидемиологиялық ахуал жөнінде жұмыс кеңесін өткізеді, деп хабарлайды ҚазАқпарат.
Жиынға Премьер-Министр, ведомстволардың басшылары, қалалар мен облыстардың әкімдері қатысады.
Мемлекет басшысы коронавирус індетіне қарсы күрес жөніндегі шаралар туралы Үкіметтің есебін тыңдайды. Кеңес барысында өңірлердегі жалпы жағдайды жақсартуға және Қазақстан азаматтарының денсаулығын сақтауға бағытталған үйлесімді іс-қимыл жоспары қабылданбақ.

Бүгін Мемлекет басшысы коронавирусқа қарсы күрес бойынша кеңес өткізеді

<a href="https://kyzylorda-news.kz/">Kyzylorda-news.kz</a>. Қазақстанда өткен тәулікте 5317 адамда коронавирус індеті ПТР арқылы расталып ауырғаны белгілі болды. Бұл туралы www.coronavirus2020.kz хабарлайды.
Аймақтар бойынша:
Нұр-Сұлтан қаласы – 1367,
Алматы қаласы – 798,
Шымкент қаласы – 470,
Ақмола облысы – 178,
Ақтөбе облысы – 159,
Алматы облысы – 126,
Атырау облысы – 293,
Шығыс Қазақстан облысы – 87,
Жамбыл облысы – 53,
Батыс Қазақстан облысы – 204,
Қарағанды облысы – 689,
Қостанай облысы – 126,
Қызылорда облысы – 127,
Маңғыстау облысы – 203,
Павлодар облысы – 170,
Солтүстік Қазақстан облысы – 91,
Түркістан облысы – 176.
Жалпы ел бойынша ауырғандар саны 494222.

COVID-19: Өткен тәуліктегі мәлімет жарияланды

<a href="https://kyzylorda-news.kz/">Kyzylorda-news.kz</a>. Дүйсенбіде еліміздің солтүстігі мен орталығында жел күшейіп, жаңбыр жауады, оңтүстігі мен батысында ыстық болады, деп хабарлайды Қазгидромет.
19 шілдеде циклонға әкелген атмосфералық ағынға байланысты Қазақстан аумағының басым бөлігінде құбылмалы ауа райы сақталады – жаңбыр жауып, найзағай ойнайды, кей жерлерде бұршақ жауады, тек елдің оңтүстігі мен батысында күн райы ашық болады. Кей жерлерде жел күшейеді, оңтүстікте шаңды дауыл соғады, солтүстікте және орталықта түнде және таңға жақын тұман түсуі мүмкін.
Қызылорда облысының кей жерлерінде күндіз жел 15-20 м/с күшейіп, шаңды дауыл соғады.

19 шілдеге арналған ауа райы болжамы

Kyzylorda-news.kz. Алла қаласа, ертең, 19 шілде&nbsp;– Арапа күні. Бұл күні орындалатын ең ізгі амал&nbsp;– ораза тұту. Әрбір мұсылман баласы шама келгенше осы күнді оразамен өткізгені абзал.&nbsp;
Қазақстан мұсылмандары діни басқармасы ірі қалалар мен облыс орталықтарының Арапа күнгі ораза және намаз кестесін ұсынып отыр. Алла Тағала ниеттеріңізді қабыл етсін!
<img src="https://kyzylorda-news.kz/wp-content/uploads/2021/07/whatsapp_image_2021-07-18_at_20.00.43.jpeg.jpg" alt="" />

Арапа күнінің ораза кестесі

<a href="https://kyzylorda-news.kz/">Kyzylorda-news.kz</a>. 19 шілдеде Президент Қасым-Жомарт Тоқаев еліміздегі санитарлық-эпидемиологиялық ахуал жөнінде жұмыс кеңесін өткізеді.
Бұл жөнінде Президенттің баспасөз хатшысы Берік Уәли ресми&nbsp;<a href="https://www.facebook.com/story.php?story_fbid=4008473732609362&id=100003403233694">мәлімет</a>&nbsp;таратты.
« Жиынға Премьер-Министр, ведомстволардың басшылары, қалалар мен облыстардың әкімдері қатысады.
Мемлекет басшысы коронавирус індетіне қарсы күрес жөніндегі шаралар туралы Үкіметтің есебін тыңдайды.
Кеңес барысында өңірлердегі жалпы жағдайды жақсартуға және Қазақстан азаматтарының денсаулығын сақтауға бағытталған үйлесімді іс-қимыл жоспары қабылданбақ» делінген хабарламада.

19 шілдеде Президент санитарлық-эпидемиологиялық ахуал жөнінде жұмыс кеңесін өткізеді

<a href="https://kyzylorda-news.kz/">Kyzylorda-news.kz</a>. ҚР ДСМ санитарлық-эпидемиологиялық бақылау комитетінің төрайымы Айжан Есмағамбетова “Медициналық қарсы көрсетілімі бар қызметкерлер ПТР тестінен өтуі керек пе?” деген сұраққа жауап берді, деп хабарлайды&nbsp;<a href="https://%D2%9A%D0%A0%20%D0%94%D0%A1%D0%9C%20%D1%81%D0%B0%D0%BD%D0%B8%D1%82%D0%B0%D1%80%D0%BB%D1%8B%D2%9B-%D1%8D%D0%BF%D0%B8%D0%B4%D0%B5%D0%BC%D0%B8%D0%BE%D0%BB%D0%BE%D0%B3%D0%B8%D1%8F%D0%BB%D1%8B%D2%9B%20%D0%B1%D0%B0%D2%9B%D1%8B%D0%BB%D0%B0%D1%83%20%D0%BA%D0%BE%D0%BC%D0%B8%D1%82%D0%B5%D1%82%D1%96%D0%BD%D1%96%D2%A3%20%D1%82%D3%A9%D1%80%D0%B0%D0%B9%D1%8B%D0%BC%D1%8B%20%D0%90%D0%B9%D0%B6%D0%B0%D0%BD%20%D0%95%D1%81%D0%BC%D0%B0%D2%93%D0%B0%D0%BC%D0%B1%D0%B5%D1%82%D0%BE%D0%B2%D0%B0%20%C2%AB%D0%9C%D0%B5%D0%B4%D0%B8%D1%86%D0%B8%D0%BD%D0%B0%D0%BB%D1%8B%D2%9B%20%D2%9B%D0%B0%D1%80%D1%81%D1%8B%20%D0%BA%D3%A9%D1%80%D1%81%D0%B5%D1%82%D1%96%D0%BB%D1%96%D0%BC%D1%96%20%D0%B1%D0%B0%D1%80%20%D2%9B%D1%8B%D0%B7%D0%BC%D0%B5%D1%82%D0%BA%D0%B5%D1%80%D0%BB%D0%B5%D1%80%20%D0%9F%D0%A2%D0%A0%20%D1%82%D0%B5%D1%81%D1%82%D1%96%D0%BD%D0%B5%D0%BD%20%D3%A9%D1%82%D1%83%D1%96%20%D0%BA%D0%B5%D1%80%D0%B5%D0%BA%20%D0%BF%D0%B5/?%C2%BB%20%D0%B4%D0%B5%D0%B3%D0%B5%D0%BD%20%D1%81%D2%B1%D1%80%D0%B0%D2%9B%D2%9B%D0%B0%20%D0%B6%D0%B0%D1%83%D0%B0%D0%BF%20%D0%B1%D0%B5%D1%80%D0%B4%D1%96,%20%D0%B4%D0%B5%D0%BF%20%D1%85%D0%B0%D0%B1%D0%B0%D1%80%D0%BB%D0%B0%D0%B9%D0%B4%D1%8B%20%20%D0%9E%D0%BD%D1%8B%D2%A3%20%D0%B0%D0%B9%D1%82%D1%83%D1%8B%D0%BD%D1%88%D0%B0,%20%D2%9A%D0%A0%20%D0%9A%D0%BE%D0%BD%D1%81%D1%82%D0%B8%D1%82%D1%83%D1%86%D0%B8%D1%8F%D1%81%D1%8B%D0%BD%D1%8B%D2%A3%2029-%D0%B1%D0%B0%D0%B1%D1%8B%D0%BD%D0%B0%20%D1%81%D3%99%D0%B9%D0%BA%D0%B5%D1%81,%20%D3%99%D1%80%20%D0%B0%D0%B4%D0%B0%D0%BC%D0%BD%D1%8B%D2%A3%20%D3%A9%D0%B7%D1%96%D0%BD%D1%96%D2%A3%20%D0%B4%D0%B5%D0%BD%D1%81%D0%B0%D1%83%D0%BB%D1%8B%D2%93%D1%8B%D0%BD%D0%B0%20%D2%9B%D0%B0%D1%82%D1%8B%D1%81%D1%82%D1%8B%20%D2%9B%D2%B1%D2%9B%D1%8B%D2%93%D1%8B%20%D0%B1%D0%B0%D1%80.%2012-%D0%B1%D0%B0%D0%BF%D2%9B%D0%B0%20%D1%81%D3%99%D0%B9%D0%BA%D0%B5%D1%81%20%D0%B0%D0%B7%D0%B0%D0%BC%D0%B0%D1%82%D1%82%D0%B0%D1%80%D0%B4%D1%8B%D2%A3%20%D2%9B%D2%B1%D2%9B%D1%8B%D2%9B%D1%82%D0%B0%D1%80%D1%8B%20%D0%BC%D0%B5%D0%BD%20%D0%B1%D0%BE%D1%81%D1%82%D0%B0%D0%BD%D0%B4%D1%8B%D2%9B%D1%82%D0%B0%D1%80%D1%8B%D0%BD%20%D0%B6%D2%AF%D0%B7%D0%B5%D0%B3%D0%B5%20%D0%B0%D1%81%D1%8B%D1%80%D1%83%20%D0%B1%D0%B0%D1%81%D2%9B%D0%B0%20%D0%B0%D0%B7%D0%B0%D0%BC%D0%B0%D1%82%D1%82%D0%B0%D1%80%D0%B4%D1%8B%D2%A3%20%D2%9B%D2%B1%D2%9B%D1%8B%D2%9B%D1%82%D0%B0%D1%80%D1%8B%20%D0%BC%D0%B5%D0%BD%20%D0%B1%D0%BE%D1%81%D1%82%D0%B0%D0%BD%D0%B4%D1%8B%D2%9B%D1%82%D0%B0%D1%80%D1%8B%D0%BD%20%D0%B1%D2%B1%D0%B7%D0%B1%D0%B0%D1%83%D2%93%D0%B0%20%D1%82%D0%B8%D1%96%D1%81.%20%C2%AB%D0%9E%D1%81%D1%8B%D0%BB%D0%B0%D0%B9%D1%88%D0%B0,%20%D0%B1%D1%96%D0%B7%20%D0%B4%D0%B5%D0%BD%D1%81%D0%B0%D1%83%D0%BB%D1%8B%D2%93%D1%8B%D0%BD%D0%B0%20%D0%B1%D0%B0%D0%B9%D0%BB%D0%B0%D0%BD%D1%8B%D1%81%D1%82%D1%8B%20%D0%BD%D0%B5%D0%BC%D0%B5%D1%81%D0%B5%20%D2%9B%D0%B0%D1%80%D1%81%D1%8B%20%D0%BA%D3%A9%D1%80%D1%81%D0%B5%D1%82%D1%96%D0%BB%D1%96%D0%BC%D0%B4%D0%B5%D1%80%D1%96%20%D0%B1%D0%B0%D1%80%20%D0%B2%D0%B0%D0%BA%D1%86%D0%B8%D0%BD%D0%B0%20%D0%B0%D0%BB%D0%BC%D0%B0%D2%93%D0%B0%D0%BD%D0%B4%D0%B0%D1%80%D0%B4%D1%8B%20%D0%B0%D0%B4%D0%B0%D0%BC%D0%B4%D0%B0%D1%80%D0%B4%D1%8B%20%D2%9B%D0%BE%D1%80%D2%93%D0%B0%D1%83%D1%8B%D0%BC%D1%8B%D0%B7%20%D0%BA%D0%B5%D1%80%D0%B5%D0%BA.%20%D0%9C%D0%B5%D0%BC%D0%BB%D0%B5%D0%BA%D0%B5%D1%82%D1%82%D1%96%D0%BA%20%D0%B1%D0%B0%D1%81%20%D0%B4%D3%99%D1%80%D1%96%D0%B3%D0%B5%D1%80%D0%B4%D1%96%D2%A3%20%D2%9B%D2%B1%D0%B7%D1%8B%D1%80%D0%B5%D1%82%D1%96%20%D1%82%D1%83%D1%80%D0%B0%D0%BB%D1%8B%20%D0%B4%D0%B0%20%D0%B6%D0%B8%D1%96%20%D1%81%D2%B1%D1%80%D0%B0%D2%9B%20%D2%9B%D0%BE%D0%B9%D1%8B%D0%BB%D0%B0%D0%B4%D1%8B.%20%C2%AB%D0%94%D0%B5%D0%BD%D1%81%D0%B0%D1%83%D0%BB%D1%8B%D2%9B%20%D1%82%D1%83%D1%80%D0%B0%D0%BB%D1%8B%C2%BB%20%D0%BA%D0%BE%D0%B4%D0%B5%D0%BA%D1%81%D1%82%D0%B5%20%D0%BE%D2%93%D0%B0%D0%BD%20%D1%88%D0%B5%D0%BA%D1%82%D0%B5%D1%83%20%D1%88%D0%B0%D1%80%D0%B0%D0%BB%D0%B0%D1%80%D1%8B%D0%BD%20%D0%B5%D0%BD%D0%B3%D1%96%D0%B7%D1%83%D0%B3%D0%B5%20%D3%A9%D0%BA%D1%96%D0%BB%D0%B5%D1%82%D1%82%D1%96%D0%BA%20%D0%B1%D0%B5%D1%80%D1%96%D0%BB%D0%B3%D0%B5%D0%BD.%20%D0%91%D2%B1%D0%BB%20%D1%80%D0%B5%D1%82%D1%82%D0%B5%20%D1%88%D0%B5%D0%BA%D1%82%D0%B5%D1%83%20%D1%88%D0%B0%D1%80%D0%B0%D0%BB%D0%B0%D1%80%D1%8B%20%D1%82%D1%96%D0%B7%D0%B1%D0%B5%D1%81%D1%96%D0%BD%D0%B4%D0%B5%20%D2%B1%D0%B6%D1%8B%D0%BC%D0%B4%D1%8B%D2%9B%20%D0%B6%D3%99%D0%BD%D0%B5%20%D0%B6%D0%B5%D0%BA%D0%B5%20%D0%BF%D1%80%D0%BE%D1%84%D0%B8%D0%BB%D0%B0%D0%BA%D1%82%D0%B8%D0%BA%D0%B0%D0%BD%D1%8B%20%D0%BC%D1%96%D0%BD%D0%B4%D0%B5%D1%82%D1%82%D1%96%20%D1%82%D2%AF%D1%80%D0%B4%D0%B5%20%D2%9B%D0%BE%D0%BB%D0%B4%D0%B0%D0%BD%D1%83%20%D0%BA%D3%A9%D0%B7%D0%B4%D0%B5%D0%BB%D0%B3%D0%B5%D0%BD.%20%D0%92%D0%B0%D0%BA%D1%86%D0%B8%D0%BD%D0%B0%D0%BB%D0%B0%D1%83%D0%B4%D1%8B%D2%A3%20%D0%BA%D0%BE%D1%80%D0%BE%D0%BD%D0%B0%D0%B2%D0%B8%D1%80%D1%83%D1%81%20%D0%B8%D0%BD%D1%84%D0%B5%D0%BA%D1%86%D0%B8%D1%8F%D1%81%D1%8B%D0%BD%D1%8B%D2%A3%20%D0%B6%D0%B5%D0%BA%D0%B5%20%D0%B6%D3%99%D0%BD%D0%B5%20%D2%B1%D0%B6%D1%8B%D0%BC%D0%B4%D1%8B%D2%9B%20%D0%B0%D0%BB%D0%B4%D1%8B%D0%BD-%D0%B0%D0%BB%D1%83%D0%B4%D1%8B%D2%A3%20%D0%B5%D2%A3%20%D1%82%D0%B8%D1%96%D0%BC%D0%B4%D1%96%20%D3%99%D0%B4%D1%96%D1%81%D1%96%20%D0%B5%D0%BA%D0%B5%D0%BD%D1%96%D0%BD%20%D0%B0%D0%B9%D1%82%D2%9B%D1%8B%D0%BC%20%D0%BA%D0%B5%D0%BB%D0%B5%D0%B4%D1%96%C2%BB,%20-%20%D0%B4%D0%B5%D0%B4%D1%96%20%D0%90.%20%D0%95%D1%81%D0%BC%D0%B0%D2%93%D0%B0%D0%BC%D0%B1%D0%B5%D1%82%D0%BE%D0%B2%D0%B0%20%D0%9E%D1%80%D1%82%D0%B0%D0%BB%D1%8B%D2%9B%20%D0%BA%D0%BE%D0%BC%D0%BC%D1%83%D0%BD%D0%B8%D0%BA%D0%B0%D1%86%D0%B8%D1%8F%D0%BB%D0%B0%D1%80%20%D2%9B%D1%8B%D0%B7%D0%BC%D0%B5%D1%82%D1%96%D0%BD%D0%B4%D0%B5%20%D3%A9%D1%82%D0%BA%D0%B5%D0%BD%20%D0%B1%D1%80%D0%B8%D1%84%D0%B8%D0%BD%D0%B3%D1%82%D0%B5.%20%D0%A1%D0%BF%D0%B8%D0%BA%D0%B5%D1%80%20%D2%9A%D0%A0%20%D0%95%D2%A3%D0%B1%D0%B5%D0%BA%20%D0%BA%D0%BE%D0%B4%D0%B5%D0%BA%D1%81%D1%96%D0%BD%D1%96%D2%A3%2048-%D0%B1%D0%B0%D0%B1%D1%8B%D0%BD%D0%B0%20%D1%81%D3%99%D0%B9%D0%BA%D0%B5%D1%81,%20%D2%9B%D1%8B%D0%B7%D0%BC%D0%B5%D1%82%D0%BA%D0%B5%D1%80%D0%B4%D1%96%D2%A3%20%D3%99%D1%80%D0%B5%D0%BA%D0%B5%D1%82%D1%96%20%D0%BD%D0%B5%D0%BC%D0%B5%D1%81%D0%B5%20%D3%99%D1%80%D0%B5%D0%BA%D0%B5%D1%82%D1%81%D1%96%D0%B7%D0%B4%D1%96%D0%B3%D1%96%20%D0%B0%D0%B9%D0%BD%D0%B0%D0%BB%D0%B0%D1%81%D1%8B%D0%BD%D0%B4%D0%B0%D2%93%D1%8B%20%D0%B0%D0%B4%D0%B0%D0%BC%D0%B4%D0%B0%D1%80%D0%B4%D1%8B%D2%A3%20%D0%BD%D0%B5%D0%BC%D0%B5%D1%81%D0%B5%20%D2%9B%D1%8B%D0%B7%D0%BC%D0%B5%D1%82%D0%BA%D0%B5%D1%80%D0%BB%D0%B5%D1%80%D0%B4%D1%96%D2%A3%20%D0%B4%D0%B5%D0%BD%D1%81%D0%B0%D1%83%D0%BB%D1%8B%D2%93%D1%8B%D0%BD%D0%B0%20%D3%99%D1%81%D0%B5%D1%80%20%D0%B5%D1%82%D1%81%D0%B5,%20%D0%B6%D2%B1%D0%BC%D1%8B%D1%81%20%D0%B1%D0%B5%D1%80%D1%83%D1%88%D1%96%D0%BD%D1%96%D2%A3%20%D0%B6%D2%B1%D0%BC%D1%8B%D1%81%D1%82%D0%B0%D0%BD%20%D1%88%D0%B5%D1%82%D1%82%D0%B5%D1%82%D1%83%D0%B3%D0%B5%20%D2%9B%D2%B1%D2%9B%D1%8B%D2%93%D1%8B%20%D0%B1%D0%B0%D1%80%20%D0%B5%D0%BA%D0%B5%D0%BD%D1%96%D0%BD%20%D0%B5%D1%81%D0%BA%D0%B5%20%D1%81%D0%B0%D0%BB%D0%B4%D1%8B.%20%C2%AB%D0%96%D2%B1%D0%BC%D1%8B%D1%81%D1%82%D0%B0%D0%BD%20%D1%88%D0%B5%D1%82%D1%82%D0%B5%D1%82%D1%83%20%D0%BA%D0%B5%D0%B4%D0%B5%D1%80%D0%B3%D1%96%20%D0%B6%D0%BE%D0%B9%D1%8B%D0%BB%D0%BC%D0%B0%D0%B9%D1%82%D1%8B%D0%BD%20%D1%81%D3%99%D1%82%D0%BA%D0%B5%20%D0%B4%D0%B5%D0%B9%D1%96%D0%BD%20%D0%B6%D2%AF%D0%B7%D0%B5%D0%B3%D0%B5%20%D0%B0%D1%81%D1%8B%D1%80%D1%8B%D0%BB%D0%B0%D0%B4%D1%8B.%20%D3%98%D1%80%D0%B8%D0%BD%D0%B5,%20%D0%B0%D0%B4%D0%B0%D0%BC%20%D0%B2%D0%B0%D0%BA%D1%86%D0%B8%D0%BD%D0%B0%20%D0%B0%D0%BB%D1%81%D0%B0,%20%D0%BE%D0%BB%20%D0%B6%D2%B1%D0%BC%D1%8B%D1%81%D2%9B%D0%B0%20%D0%BE%D1%80%D0%B0%D0%BB%D1%8B%D0%BF,%20%D0%BE%D1%84%D1%84%D0%BB%D0%B0%D0%B9%D0%BD%20%D1%84%D0%BE%D1%80%D0%BC%D0%B0%D1%82%D1%82%D0%B0%20%D0%B6%D2%B1%D0%BC%D1%8B%D1%81%D1%8B%D0%BD%20%D0%B6%D0%B0%D0%BB%D2%93%D0%B0%D1%81%D1%82%D1%8B%D1%80%D0%B0%20%D0%B0%D0%BB%D0%B0%D0%B4%D1%8B.%20%D0%91%D1%96%D0%B7%20%D2%9B%D0%B0%D0%B7%D1%96%D1%80%20%D1%82%D0%B0%D2%A3%D0%B4%D0%B0%D1%83%20%D2%9B%D2%B1%D2%9B%D1%8B%D2%93%D1%8B%D0%BD%20%D0%B1%D0%B5%D1%80%D1%96%D0%BF%20%D0%BE%D1%82%D1%8B%D1%80%D0%BC%D1%8B%D0%B7:%20%D0%B2%D0%B0%D0%BA%D1%86%D0%B8%D0%BD%D0%B0%20%D0%B0%D0%BB%D1%83%20%D0%BD%D0%B5%D0%BC%D0%B5%D1%81%D0%B5%20%D0%9F%D0%A2%D0%A0%20%D1%82%D0%B5%D1%81%D1%82%D1%96%D0%BB%D0%B5%D1%83%D0%B4%D0%B5%D0%BD%20%D3%A9%D1%82%D1%83.%20%D0%9C%D0%B5%D0%B4%D0%B8%D1%86%D0%B8%D0%BD%D0%B0%D0%BB%D1%8B%D2%9B%20%D2%9B%D0%B0%D1%80%D1%81%D1%8B%20%D0%BA%D3%A9%D1%80%D1%81%D0%B5%D1%82%D1%96%D0%BB%D1%96%D0%BC%D0%B4%D0%B5%D1%80%D1%96%20%D0%B1%D0%B0%D1%80%20%D2%9B%D1%8B%D0%B7%D0%BC%D0%B5%D1%82%D0%BA%D0%B5%D1%80%D0%BB%D0%B5%D1%80%20%D0%9F%D0%A2%D0%A0-%D1%82%D0%B5%D1%81%D1%82%D1%96%D0%BB%D0%B5%D1%83%D0%B4%D0%B5%D0%BD%20%D3%A9%D1%82%D0%BF%D0%B5%D0%B9%D0%B4%D1%96.%20%D0%90%D0%BB%20%D2%9B%D0%B0%D1%80%D1%81%D1%8B%20%D0%BA%D3%A9%D1%80%D1%81%D0%B5%D1%82%D1%96%D0%BB%D1%96%D0%BC%D1%96%20%D0%B6%D0%BE%D2%9B%20%D0%B6%D3%99%D0%BD%D0%B5%20%D0%B2%D0%B0%D0%BA%D1%86%D0%B8%D0%BD%D0%B0%20%D0%B0%D0%BB%D0%BC%D0%B0%D2%93%D0%B0%D0%BD%D0%B4%D0%B0%D1%80%20%D0%BC%D1%96%D0%BD%D0%B4%D0%B5%D1%82%D1%82%D1%96%20%D1%82%D2%AF%D1%80%D0%B4%D0%B5%207%20%D0%BA%D2%AF%D0%BD%20%D1%81%D0%B0%D0%B9%D1%8B%D0%BD%20%D0%9F%D0%A2%D0%A0-%D1%82%D0%B5%D1%81%D1%82%D1%82%D0%B5%D0%BD%20%D3%A9%D1%82%D1%83%D1%96%20%D1%82%D0%B8%D1%96%D1%81%C2%BB,%20-%20%D0%B4%D0%B5%D0%B4%D1%96%20%D0%90%D0%B9%D0%B6%D0%B0%D0%BD%20%D0%95%D1%81%D0%BC%D0%B0%D2%93%D0%B0%D0%BC%D0%B1%D0%B5%D1%82%D0%BE%D0%B2%D0%B0.">Stan.kz</a>&nbsp;ақпарат агенттігі.&nbsp;
Оның айтуынша, ҚР Конституциясының 29-бабына сәйкес, әр адамның өзінің денсаулығына қатысты құқығы бар. 12-бапқа сәйкес азаматтардың құқықтары мен бостандықтарын жүзеге асыру басқа азаматтардың құқықтары мен бостандықтарын бұзбауға тиіс.
<blockquote>
 “Осылайша, біз денсаулығына байланысты немесе қарсы көрсетілімдері бар вакцина алмаған&nbsp;адамдарды қорғауымыз керек. Мемлекеттік бас дәрігердің құзыреті туралы да жиі сұрақ қойылады. “Денсаулық туралы” кодексте оған шектеу шараларын енгізуге өкілеттік берілген. Бұл ретте шектеу шаралары тізбесінде ұжымдық және жеке профилактиканы міндетті түрде қолдану көзделген. Вакциналаудың коронавирус инфекциясының жеке және ұжымдық алдын-алудың ең тиімді әдісі екенін айтқым келеді”, – деді Есмағамбетова Орталық коммуникациялар қызметінде өткен брифингте.
</blockquote>
Спикер ҚР Еңбек кодексінің 48-бабына сәйкес, қызметкердің әрекеті немесе әрекетсіздігі айналасындағы адамдардың немесе қызметкерлердің денсаулығына әсер етсе, жұмыс берушінің жұмыстан шеттетуге құқығы бар екенін еске салды.
<blockquote>
 “Жұмыстан шеттету кедергі жойылмайтын сәтке дейін жүзеге асырылады. Әрине, адам вакцина алса, ол жұмысқа оралып, оффлайн форматта жұмысын жалғастыра алады. Біз қазір таңдау құқығын беріп отырмыз: вакцина алу немесе ПТР тестілеуден өту. Медициналық қарсы көрсетілімдері бар қызметкерлер ПТР тестілеуден өтпейді. Ал қарсы көрсетілімі жоқ және вакцина алмағандар міндетті түрде 7 күн сайын ПТР тесттен өтуі тиіс”, – деді Айжан Есмағамбетова.
</blockquote>

Медициналық қарсы көрсетілімі бар қызметкерлер ПТР тест тапсырмайды

<a href="https://kyzylorda-news.kz/">Kyzylorda-news.kz</a>. **Әрбір ата-ана аласын жөргектен бастап қадағалауда ұстап, «мінсіз адам» тәрбиелеуге тырысады. Түрлі жағдайларға тыйым салып, бала сарбаз секілді күн кешеді. Оған теледидар, телефонды ұзақ қарауға, ата-ана қауіпті деп санаған ойындарды ойнауға, өз бетінше іс-әркет жасауға тыйым салынады. Әрине, тәрбиеде қаталдыққата керек, дегенмен кейде баланың әрекеті бұзықтық секілді көрінсе де тыйып тастамай, керісінше қолдап жіберуге болатын сәттері де бар. 
** 
**Шашып-төгіп өз бетінше тамақтануына БОЛАДЫ 
** 
Кейбір аналар артық іс-қимылдан, яғни үй жинау, сүртіп алу, кір жуу секілді дүниелерді қосымша істеуден қашқақтап, 4-5 жасар болып қалған балаларын өздері тамақтандырып жатады. Мұндайда бір жағынан, бітпейтін үй тірлігінен жалығатын қыз-келіншектерді де түсінуге болады. Алайда ертең мектеп немесе балабақшаға барған бала өз бетінше дұрыстап қасық ұстап тамақтана алмаса, бұл өкінішті жағдай болмақ. Сондықтан ата-ананың балаға шашып-төгіп жатса да өз бетінше тамақтануына мүмкіндік бергені абзал. Тіпті мұны ерте жастан бастаған дұрыс. Біріншіден, мұндай жағдайда баланың іс-қимылы ширайды, екіншіден – бала ерте бастан тәуелсіз болуға ұмтылады.
**Өзге балаларға есесін қайтаруға БОЛАДЫ 
** 
Негізі дұрыс тәрбие берген әрбір ата-ана баласын «жұдырықтасу» дұрыс емес, ондайдан алыс жүр деп тәрбиелейді. Ал ақылды ата-аналар «сенің есе қайтаруға құқың бар» деп үйретеді. Әрине, бұл жерде мәселе баланы төбелеске жақындыққа үйрету емес, тек өз есесін жібермеу. 3-5 жастағы балалар мәселені мәмілемен шеше алмайтыны анық. Сондықтан бала өзіне өзге біреу тиіссе оған соған жауап қайтаруға толықтай негіз бар екенін білуі тиіс. Бірден “төбелесе кет” деп ешбір ата-ана айта қоймасы анық. Алғашқыда «ойыншығың өзіңе керек болса, “өзім ойнаймын” де, тартып алма» деген секілді сөздерді бала құлағына құйып отырған жөн. Ал егер өзі бірінші бастап ұрып, тиісіп жатса, қарап қалмауды да үйреткен дұрыс.
**Ойдан шығарылған достарымен ойнауға рұқсат етуге БОЛАДЫ 
** 
Негізі балалардың 40 пайызының ойдан шығарылған достары болады екен. Бірақ көптеген ата-аналар өз қиялындағы досымен ойнаған баласын көргенде психикасында ауытқушылық бар деп түсінеді. Алайда мектеп жасына дейінгі балалардың мұндай әрекеті қалыпты жағдай саналады. Сондықтан өз-өзімен сөйлесіп ойнап жүрген балаға ұрсып немесе «бұлай істеуге болмайды» деп түсіндіріп қажеті жоқ. Психолог мамандардың пайымынша ойынан шығарған достармен ойынға берілетін мұндай балалардың ойлау қабілеті өте жоғары болады екен. Келешекте ол бала әлем таныған ғалым болуы мүмкін.
**Киімін былғап кірлетуіне БОЛАДЫ 
** 
Негізі бала ойыннан тап-таза болып, үстін былғамай келсе, демек оның ойыны дұрыс болмаған, жақсы ойнай алмаған. Сондықтан ойнауға немесе ойын алаңына бара жатқан балаға әдемі киімдерін кигізіп алып шығудың қажеті жоқ. Себебі үстін шамалы бүлдірсе, ұрыса жөнелесіз немесе үстіңді кір етесің деп еркін ойнауға мүмкіндік бермейсіз. Бала деген ең бір шаршамайтын зерттеушілер. Олар барлық нәрсеге қызығып, айналасының бәрін танып білгісі келіп тұрады. Сондықтан оларға айналасын танып, сұрақтарына жауап табу үшін жаңа көйлек пен былғанған шалбарды уайымдамай барлық нәрсені ұстап көруге мүмкіндік берген дұрыс.
**Өз заттарын сындырып қоюына БОЛАДЫ 
** 
Егер балаға бір зат, ойыншық әперсеңіз, демек ол сол заттың толыққанды егесі. Яғни, ол заттың келешегі жас егесінің қолында. Ол оны мұқият, ұқыптап ұстаса да, қызықтап бөлшектеп шашып тастаса да өзі біледі. Сондықтан бала ойыншықтарын шашып, бөлшектеп тастаса ұрыспаған дұрыс. Балалар бәрін ашып көріп білгісі кеп тұрады. Қайта мүмкіндікті пайдалана отырып, пайдалы сабақ берген жөн. Яғни өз ісіне, өз заттарына өзі жауапты екенін айтып түсіндіре кету керек. Егер бала өз ойыншығын сындырып тастап басқасы керек деп қиғылық салатын болса, бірден дүкенге жүгіріп айтқанын орындаудың қажеті жоқ. Сонда ғана бала өз іс-әрекетінің салдарын түсінетін болады.
**Өзгенің ісімен айналысуға рұқсат беруге БОЛАДЫ 
** 
Баланың қызығушылығын еш уақытта басуға болмайды. Ғалымдардың зерттеуінше шектен тыс сыншыл ата-ана психологиялық тұрғыдан тұрақсыз балаларды тәрбиелейді екен. Үнемі ата-анасының «олай жасауға болмайды, ол балалардың ісі немесе қыздардың тірлігі қайшыны ұстама» деген секілді сөздерді естіп өскен бала келешекте өзін-өзі төмендетіп, қызығушылығынан бас тартып, өмірдегі жолынан жаңылып жатады екен. Сондықтан ұлыңыз қолына қайшы алып мата қырқып, қуыршақтарды киіндіріп ойнап жүрсе немесе қызыңыздың қолынан машина түспесе, абдырмаңыз, ол ұл-қыздан келешек дизайнер, машина құрастырушы т.б маман шығуы мүмкін.
Дереккөз:&nbsp;<a href="http://www.matritca.kz/engine/go.php?url=aHR0cDovL2VybnVyLmt6">ernur.kz</a>

Балаға кейде бұзықтық жасауға рұқсат берген дұрыс

<a href="https://kyzylorda-news.kz/">Kyzylorda-news.kz</a>. Қазалылық тұрғын Нұрлыбек Нұрқожаев тамшылатып суару арқылы 3,5 гектар жерге қарбыз егіп, өнімдерін аудан тұрғындарына қолжетімді бағада сатып отыр.
Қарбыздың алғашқы өнімдері 2 шілде күні піскен. Оның себебін бақша егуші азамат былайша түсіндірді.
<blockquote>
 «Біріншіден бұл қарбыздың 55 күнде пісетін «Бомбикс F1» дейтін сорты. Екіншіден тамшылатып суарудың көмегі. Судың тапшылығы кезінде бұл әдістің тиімдігі көп. Суды үнемдеп қана қоймай, тыңайтқышты да арнайы түтік бойымен жібереміз», – деді бақша еккен азамат.
</blockquote>
Нұрлыбек Нұрқожаевтың тамшылатып суаруға қажетті құрал-жабдықтарының жалпы құны 3,7 млн теңгені құрайды. Оның 2 млн теңгесін «Бизнезтің жол картасы 2020-2025» мемлекеттік бағдарламасы арқылы қол жеткізген. Бағдарлама аясында өзінің инновациялық идеясын қорғап, 2 млн теңге грант қаражатын ұтып алған. 
Ерте піскен қарбызды аудан тұрғындарымен қатар, көршілес Арал және Қармақшы аудандарынан да келіп сатып алуда.
Қарбыздың «Бомбикс F1» деп аталатын сорты бүгінгі таңда екінші рет өнім беріп жатыр. Одан бөлек, жақында «Продюсер» деп аталатын сорты піседі.
Нұрлыбек Нұрқожаев қарбыздан бөлек, 1 гектар жерге асқабақ пен қияр да еккен.
Бүгін аудан әкімі Мұхтар Оразбаев «Шақкөз» учаскесіндегі орналасқан бақшаға арнайы барып, еңбекқор азаматтың жұмысымен танысты.
Бақша басына арнайы келген аудан басшысына Нұрлыбек Нұрқожаев өзінің ұсыныс-пікірлерін айтып, ойларымен бөлісті. Ауданымыздағы топырақтың сор болуына байланысты бақша егетін шағын шаруаларға жер тегістейтін техниканың ауадай қажет екендігін жеткізді. Себебі бақшадан мол өнім алу үшін міндетті түрде жер тегіс болып, сумен бірнеше қайтара шайып алу маңызды.
Аудан әкімі Мұхтар Оразбаев қолынан іс келетін азаматтарды әрдайым қолдайтынын айтып, бұл мәселені алдымен зерттеп алу қажеттігін жеткізді.

Қазақстан және Қызылорда облысының жаңалықтары

«Байкен-U» ЖШС сатып алу департаментінің басшысы пара алу ісі бойынша ұсталды

Құрбан шалу – байға міндет, кедейге көмек…

Қызылордадағы «Пумба» ойын-сауық орталығында жарылыс болды

Рухия Байдүкенова “Славян базары” байқауында гран-при ұтып алды

Бүгін Мемлекет басшысы коронавирусқа қарсы күрес бойынша кеңес өткізеді

COVID-19: Өткен тәуліктегі мәлімет жарияланды

19 шілдеге арналған ауа райы болжамы

Арапа күнінің ораза кестесі

19 шілдеде Президент санитарлық-эпидемиологиялық ахуал жөнінде жұмыс кеңесін өткізеді

Медициналық қарсы көрсетілімі бар қызметкерлер ПТР тест тапсырмайды

Балаға кейде бұзықтық жасауға рұқсат берген дұрыс

Қазалылық дихан тамшылатып суару арқылы қарбыз екті

Қазақстан және Қызылорда облысының жаңалықтары

«Байкен-U» ЖШС сатып алу департаментінің басшысы пара алу ісі бойынша ұсталды

Құрбан шалу – байға міндет, кедейге көмек&#8230;

Қызылордадағы «Пумба» ойын-сауық орталығында жарылыс болды

Рухия Байдүкенова &#8220;Славян базары&#8221; байқауында гран-при ұтып алды

Бүгін Мемлекет басшысы коронавирусқа қарсы күрес бойынша кеңес өткізеді

COVID-19: Өткен тәуліктегі мәлімет жарияланды

19 шілдеге арналған ауа райы болжамы

Арапа күнінің ораза кестесі

19 шілдеде Президент санитарлық-эпидемиологиялық ахуал жөнінде жұмыс кеңесін өткізеді

Медициналық қарсы көрсетілімі бар қызметкерлер ПТР тест тапсырмайды

Балаға кейде бұзықтық жасауға рұқсат берген дұрыс

Қазалылық дихан тамшылатып суару арқылы қарбыз екті

Құрбан шалу – байға міндет, кедейге көмек…

Рухия Байдүкенова “Славян базары” байқауында гран-при ұтып алды