<a href="https://kyzylorda-news.kz/date/2020/08/14/">Kyzylorda-news.kz.</a> Сырдария өзенінің Қызылорда қаласы тұсындағы 8,9 шақырым бөлігінің арнасын тазарту үшін республикалық бюджеттен қаржы бөлінді, алдағы уақытта мердігер мекеме анықталып тиісті жұмыстар басталады. Бұл туралы Өңірлік коммуникациялар қызметінің ақпарат алаңында өткен брифингте облыстық жұмылдыру дайындығы басқармасының басшысы Медет Усаин мәлімдеді.
<blockquote>
 “Қармақшы ауданы бойынша Сырдария өзенінің «Белтақыр» учаскесінде ұзындығы 2 300 метр және «Сарыөзек» учаскесінде ұзындығы 1 500 метр болатын қорғаныс бөгеттерін жөндеу және нығайту жұмыстары. Сонымен қатар, Қызылорда қаласы, Сырдария өзенінің «Бумажник» учаскесінде ұзындығы 600 метр қорғаныс бөгетін ағымдағы жөндеу және нығайту жұмысы және Жаңақорған ауданы, Бірлік елді мекеніндегі ұзындығы 3 513 метрді құрайтын «Бірлік» тау каналын түзету, күшейту, аршу жүруде”,- деді сала басшысы.
</blockquote>
Бұған қоса, 5 учаскені жөндеу және қалпына келтіру жұмыстары жүргізілуде. 
Олар: 
1) Арал ауданы, Құмбазар елді мекені тұсындағы «Кеңесарық» каналының ұзындығы 4 340 метр ұлтанын тазалау; 
2) Арал ауданы, Қызылжар елді мекені тұсындағы Сырдария өзенінің «Жүсіпәлі иіні» учаскесіндегі ұзындығы 500 метрлік қорғаныс бөгетін қайта қалпына келтіру; 
3) Қазалы ауданына қарасты Сарыбұлақ учаскесіндегі су тоспасын қайта қалпына келтіру. 1 гидротехникалық құрылыстарын салу; 
4) Жаңақорған ауданы, Жайылма елді мекеніндегі ұзындығы 21 073 метрлік «Жігерлім» тау каналын аршу, тазалау және қазу жұмыстары; 
5) Жаңақорған ауданы, Құттықожа тау каналының ұзындығы 35 362 метр бөлігін аршу және тазалау жұмыстары. 
<a href="https://www.facebook.com/hashtag/%D2%9B%D1%8B%D0%B7%D1%8B%D0%BB%D0%BE%D1%80%D0%B4%D0%B0%D0%BE%D0%B1%D0%BB%D1%8B%D1%81%D1%8B?source=feed_text&epa=HASHTAG">#</a>

Сырдария өзенінің арнасын тазарту жұмыстары жүріп жатыр

<a href="https://kyzylorda-news.kz/date/2020/08/14/">Kyzylorda-news.kz.</a> «Nur Otan» партиясы мүшелерінің құрамын еліміздің болашағын шынайы ойлайтын және Қазақстанның өркендеуіне өз үлесін қосуға дайын, жүрегі отансүйгіштік сезімге толы азаматтардан құру жұмысы жақын арада басталмақ.
Праймериз- алдын ала партияішілік, яғни мыңнан бірін, жүзден жүйрігін іріктеп, дауысқа салып анықтайтын іріктеу.
Праймериз ережелері әйелдер мен жастарға арналған квоталарды есепке ала отырып бекітілді. Соған сәйкес жас буынның көпшілік алдында өзін-өзі көрсетуіне, білімінің деңгейін арттыруға, халыққа көмек көрсетуде өзінің елеулі үлесін қосуына үлкен мүмкіндіктер жасалды.
Сондықтан елімізді дамыту, гүлдендіру мақсатында алдағы праймеризге бей-жай қарамайтын және креативті қазақстандықтардың белсенді қатысуы өте маңызды.
Сол мақсатқа жету жолында Праймериздің өткізілуі ел игілігін еселеуге септігін тигізері сөзсіз.
Абайбек ЖҮНІСОВ
«Nur Otan» партиясы «Тұран» филиалы Саяси Кеңесінің мүшесі, Қорқыт Ата атындағы Қызылорда мемлекеттік университеті оқу-әдістемелік жұмыстар жөніндегі проректоры, техника ғылымдарының кандидаты, профессор.

Абайбек Жүнісов: Праймериз &#8211; пайым мен парасат

Kyzylorda-news.kz. Бүгін Қызылорда қаласының әкімі Нұрлыбек Нәлібаев Сыр спортының үздіктерін қабылдап, кәсіби мерекелерімен құттықтады.
Кездесу барысында Сыр спортында салмағы бар сала ардагерлерін, саңлақтарды шыңдап, ел спортына еңбегі сіңген жаттықтырушылар мен байрақты бәсекеден олжалы оралған оғландарымызға алғысын білдірді.
Шаһар басшысы биылғы жылы қала спортшыларының халықаралық, республикалық додаларда жеткен жетістіктеріне тоқталып, &nbsp;қаламыздағы спорт саласының әлеуетін арттыруға бағытталған жарқын жобалардың жүзеге асырылып жатқанын айтты.
Мәселен, бүгінгі күні «Жұмыспен қамту жол картасы» бағдарламасы аясында қала аумағында спорт саласына байланысты 10 жоба жүзеге асырылуда.
Оның ішінде, 4 облыстық спорт мектептеріне ағымдағы жөндеу, «Локомотив» стадионының футбол алаңына қайта жаңғырту жұмыстары және Байдарка мен каноэ есу базасының, 33 ойын-спорттық алаңының құрылыс жұмыстары жүргізілуде.
Елбасымыз Нұрсұлтан Әбішұлы Назарбаев пен мемлекет басшысы Қасым-Жомарт Кемелұлы Тоқаевтың бұқаралық спортты дамыту және онымен шұғылданушыларды 2020 жылға қарай 30%-ға жеткізу жөніндегі тапсырмалары Қызылорда қаласы бойынша өз деңгейінде орындалып, жүргізілген жүйелі жұмыстардың нәтижесінде бұл көрсеткіш отыз пайыздан асты.
Бұл бағытта биылғы жылы Бірқазан елді мекені, Ақсуат, Ақжарма, Қосшыңырау ауылдық округтерінде дене шынықтыру алаңдарын салуға қалалық бюджеттен қаржы бөлініп, құрылыс жұмыстары жүргізілуде.
Алдағы уақытта Тасбөгет кентінен салынатын дене шынықтыру-сауықтыру кешенінің жоба-сметалық құжаттарын әзірлеу мен мемлекеттік сараптамадан өткізуге&nbsp; қаржы қаралған.
Басқосуда сөз алған ҚР Еңбегі сіңген жаттықтырушысы Вячеслав Ким мен сала ардагері Алтынбек Жаңабеков Сыр спортына&nbsp; көрсетілген қолдаудың айрықша екенін айтып, қала басшысына алғысын білдірсе, жас спортшы &nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;Айбар Қажымұқан қазақтың бас ақыны&nbsp; Абай өлеңінен үзінді оқыды.
Кездесу соңында &nbsp;сала ардагері Алтынбек Жаңабековке ҚР Мәдениет және спорт министрлігінің «Дене шынықтыру мен спортты дамытуға сіңірген еңбегі үшін» төсбелгісі табысталып,&nbsp; еңбегі сіңген жаттықтырушысы Вячеслав Ким, ҚР&nbsp; халықаралық дәрежедегі спорт шеберлері Кабира Асқарова, Ислам Салимов, әйелдер арасында дзюдон қазақтан шыққан тұңғыш &nbsp;Азия чемпионы Жамал Бозова, қазақ елінің тарихында алғаш рет байдарка және каноэ есуден жасөспірімдер Олимпиадасының жеңімпазы Диас Бахраддин, каратэ-додан халықаралық турнирлердің жүлдегері, жас спортшы &nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;Айбар Ғалымжан қала әкімінің арнайы алғыс хатымен марапатталды.

Нұрлыбек Нәлібаев спортшылармен кездесті

<a href="https://kyzylorda-news.kz/date/2020/08/14/">Kyzylorda-news-kz.</a> Қазақстанның бас мемлекеттік санитар дәрігері Айжан Есмағамбетова демалыстағы катаң карантин неге сақталатынын айтты, деп хабарлайды&nbsp;<a href="https://sputniknews.kz/?_ga=2.103587654.797903569.1597378330-843135108.1596186988">Sputnik Қазақстан</a>.
<blockquote>
 “Біріншіден, біз қатаң карантиннің нәтижесін сақтап қалуымыз қажет. Ал вирус қалай таралады? Адамдар жақын араласқанда инфекцияның таралу қаупі күшейеді. Демалыста ондай қарым-қатынас көбейеді. Халық сауда орталықтары мен базарларға барады. Сол себепті демалыстағы қатаң карантинді сақтай тұруға шешім қабылданды”, – деді Есмағамбетова орталық коммуникациялар қызметінде өткен онлайн брифингте.
</blockquote>
Оның сөзіне қарағанда, сенбі-жексенбі күндері ірі сауда орталықтары жабылады. Себебі ондай жерде халық көп жиналады.
<blockquote>
 “Біздің негізгі мақсатымыз – халықтың бір жерде шоғырлануына жол бермеу және қарым-қатынасты азайту. Соның арқасында инфекцияның таралу тізбегін үзе аламыз. Демалыстағы локдаунның негізгі мақсаты осы”, – деп атап көрсетті Есмағамбетова.&nbsp;
</blockquote>
Әзірге демалыстағы қатаң карантин екі аптадай сақталады. Одан кейін “Атамекен” ұлттық кәсіпкерлер палатасы локдаунды алып тастау мәселесін көтермек.
“Кеше денсаулық министрі Алексей Цой демалыстағы локдаун екі аптадай болады деді. Біз өз кезегімізде табыстың 40 проценті демалыста түсетінін жеткіздік. Дегенмен, келістік. Осы уақыттың ішінде кәсіпкерлік нысандар өз жұмысын ретке келтіріп, барлық санитарлық талапқа сай жүргізуі керек”, – деді “Атамекен” ҰКП басқарма төрағасының бірінші орынбасары Жұмағазиев.
<blockquote>
 “Егер екі аптадан кейін бәрі ойдағыдай болса, біз демалыстағы локдаунды алып тастауды сұрайтын боламыз. Бұл – кезең-кезеңімен шешілетін нәрсе. Себебі адамдардың өмірі мен денсаулығы маңызды. Кәсіпкерлер де оны жақсы түсінеді”, – деп атап көрсетті ол.
</blockquote>
Әрі қарай оқу:

Демалыстағы қатаң карантин қанша уақытқа дейін созылады?

<a href="https://kyzylorda-news.kz/date/2020/08/14/">Kyzylorda-news-kz.</a> Қызылорда қаласында тамыз айы мен қараша айы аралығында мүмкіндігі шектеулі балаларға және олардың отбасыларына психологиялық көмек көрсету бағытындағы кеңес беру орталығы жұмысын бастады.
Шараны ҚР Ақпарат және қоғамдық даму министрлігінің қолдауымен «Ассоциация Қазақстан әйелдері» ҚБ және «Азаматтық бастамаларды қолдау орталығы» КЕАҚ ұйымдастырып жатыр.
Айта кетейік, орталық Қызылордадан басқа Нұр-Сұлтан, Алматы, Ақтөбе, Ақтау, Павлодар қалаларында жұмыс жүргізіп жатыр.
Орталықтың басты міндеттері:
<ul>
<li>Ата-анарға арналған психологиялық көмек көрсету.</li>
<li>Баланың бейімделуіне орай психологиялық диагностика.</li>
<li>Стресс және депрессияға байланысты тренингтер.</li>
<li>Отбасындағы кекілжіңге байланысты психологиялық кеңестер тегін көрсетіледі. 
Орталықтың мекен жайы:</li>
<li>Нұр-Сұлтан қ., Тауелсіздік даңғылы, 11/1, каб.609 (6 қабат) орналасқан.</li>
<li>Қызылорда қаласы Назарбаев даңғылы 40А.</li>
<li>Павлодар қ., Сатпаев к, 99 (корпус 2)</li>
<li>Ақтөбе қаласы, Тургенев көшесі 86.</li>
<li>Ақтау қ., 14 мкр 26 үй , офис 1</li>
<li>Алматы қ., Сәтбаев к.37а</li>
</ul>
Семинарға тіркелу: 87015594222 
Психологиялық кеңес алу бойынша: 87025290927

Қызылордада ата-аналарға арналған кеңес беру орталығы жұмысын бастады

<a href="https://kyzylorda-news.kz/date/2020/08/14/">Kyzylorda-news.kz.</a> Елімізде “COVID-19” індетімен күресу бағытында бірқатар шаралар қабылданып, оның ішінде эпидемиологиялық ахуалдың күрделенуіне сәйкес, жоспарлы емдеу жұмыстары уақытша тоқтатылған болатын.
Қызылорда облысында ахуалдың тұрақталуына байланысты 3 тамыздан бастап емдеу ұйымдарындағы жоспарлы жұмыстар өз жұмысын бастады.&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;
Сонымен қатар бастапқы медициналық-санитариялық көмек көрсету ұйымдары, яғни емханалар 3 тамыздан бастап жоспарлы жұмыстарын бастады.
Яғни бастапқы медициналық-санитариялық көмек көрсету деңгейінде уақытша тоқтатылған
<ul>
<li>Скринингтік тексерулер (скринингтік тексерулердің барлық түрі);</li>
<li>Профилактикалық тексерулер науқастардың профилактикалық мақсатта емханаға келуі (жұмысқа және оқуға баратындардан басқалары);</li>
<li>Жоспарлы стоматологиялық қызмет (жоспарлы стоматологиялық қызметтердің барлық түрі);</li>
<li>Оқушылардың денсаулығын қорғау қызметтері (мектеп медицинасы), медициналық оңалту ІІІ сатысы (амбулаторлы жағдайда көрсетілетін реабилитация);</li>
<li>Салауатты өмір салтын ұстану бойынша шаралар (СӨСҚ кабинеттерінің жұмысы;</li>
</ul>
Денсаулық мектептерінің жұмысы) және психологиялық көмек көрсету қызметтері өз жұмыстарын жалғастыратын болады.&nbsp;
Атқарылып жатқан жұмыстардың барлық көрсеткіштері бойынша оң шешімдер, жақсы жағдайлар жеткілікті. Дегенмен бұл жағдайлар бізді босаңсытпау керек. Әлі де болса сақтық шараларын&nbsp; қатаң сақтау қажет, дейді мамандар.

Қызылордада емдеу мекемелірінің жоспарлы жұмысы қайта жалғасты

<a href="https://kyzylorda-news.kz/">Kyzyzlorda-news.kz.</a> Әрбір адам өмірге келгеннен бастап мемлекеттік көрсетілетін қызметтермен тығыз байланыста болады. Сол себепті мемлекеттік қызметтерді көрсету – бұл мемлекет пен қоғамның өзара іс-қимылының негізгі құрамдас бөліктерінің бірі болып табылады.
Жалпы қазіргі кезде қызмет алушылардың уақытын үнемдеу, қағазбастылықты жою мақсатында электронды көрсетілетін қызметтерді көбейтіп, кейбір мемлекеттік қызметтерді біріктіру немесе мүлдем алып тастау арқылы олардың санын азайту бағытында жұмыстар жасалуда.
Мәселен, өткен жылы мемлекеттік көрсетілетін қызметтердің тізіліміне енгізілген 740 қызметтің 538-і немесе 72 пайыздан астамы цифрландырылған болса, Қазақстан Республикасының Цифрлық даму, инновациялар және аэроғарыш өнеркәсібі министрінің 2020 жылғы 31 қаңтардағы бұйрығымен мемлекеттік көрсетілетін қызметтердің тізілімі жаңадан бекітіліп, онда 694 қызмет түрі көзделген. Оның 608 немесе 87,6% қызметі электрондық түрде көрсетіледі.
Тізілімдегі мемлекеттік көрсетілетін қызмет түрлері жалпы 31 саланы қамтиды. Олардың қатарында жеке және заңды тұлғаларды тіркеу, отбасы және балалар, денсаулық сақтау, білім, құрылыс, жер, еңбек және халықты әлеуметтік қорғау және т. б. салалар бар.
Қызылорда облысының мемлекеттік органдарымен және ұйымдарымен 366 мемлекеттік қызмет көрсетіледі. Жалпы облыстағы қызмет беруші мекемелер тарапынан 2020 жылдың 6 айында 1608263 қызмет көрсетілген. Оның ішінде, баламасыз тек қағаз түрінде 349128 қызмет, баламалы қызмет түрлері бойынша қағаз түрінде көрсетілген қызметтер 28041 рет, электронды түрде 1108106 қызмет, «Азаматтарға арналған үкімет» мемлекеттік корпорациясының облыстық филиалымен 122988 қызмет берілген.
Есепті кезеңде электронды түрде қызметтер алу үлесі 2019 жылдың осы кезеңімен салыстырғанда 15,8 пайызға артып, нәтижесінде 88 пайызды құрап отыр.
Мемлекеттік қызметтерді көрсететін органдар қызметінің сапасын арттыруға басты назар аударып, қызметтерді көрсету кезінде жеке және заңды тұлғалардың құқықтарының сақталуы басты қағида болуы тиіс. Дегенмен, кейбір мемлекеттік мекемелер тарапынан мемлекеттік көрсетілетін қызметтер саласындағы заңнаманың бұзылуына жол беретіндігі жасырын емес.
Қазақстан Республикасының Мемлекеттік қызмет істері агенттігінің Қызылорда облысы бойынша департаментімен мемлекеттік қызмет көрсету сапасын бақылау функциясы аясында ағымдағы жылы 18 бақылау шаралары жүргізіліп, 53 заңбұзушылық анықталды.
Заңбұзушылықтар ішінде: 16 дерек құжаттар толық болмаса да қызмет көрсету, 14 дерек стандартта көзделмеген құжаттарды сұрату, 9 дерек қызмет көрсету тәртібін бұзу, 6 дерек қызмет көрсету мерзімін бұзу, 6 дерек қызмет көрсетуден негізсіз бас тарту және т.б. деректер бар.
Заңбұзушылықтардың басым бөлігі сәулет және қала құрылысы – 21 (39,6%), сондай-ақ көші-қон – 18 (33,9%) салаларында орын алған.
Жалпы, тексеріс нәтижелері бойынша 3 тұлға әртүрлі тәртіптік жауапкершілікке тартылды. Тәртіптік жазамен қатар, мемлекеттік қызмет стандарттарын бұзу әкімшілік жауапкершілікке тартуға алып келеді. Осылайша, рұқсат мерзімдерін, беру тәртібін бұзғаны, сондай-ақ оларды беруден негізсіз бас тартқаны үшін лауазымды тұлғаларға 9 әкімшілік хаттама толтырылып, мемлекет кірісіне айыппұл түрінде 301135 теңге өндірілді.
Жыл басынан мемлекеттік қызметтердің сапасына қатысты Департаментке 12 шағым түсті. Шағымдардың басым бөлігі, яғни 41 пайызы жер қатынастары саласындағы көрсетілетін мемлекеттік қызметтерге қатысты жазылды.&nbsp;&nbsp;&nbsp; 8 шағым бойынша жоспардан тыс тексерулер жүргізілді. Тексеру нәтижесінде 2 арыз иесінің уәждері өз дәлелін тауып, құқықтары қалпына келтірілді.
Департамент мемлекеттік қызметті көрсету барысында артық құжат талап ету, қызмет көрсету тәртібі мен мерзімін бұзу, қызмет көрсетуден негізсіз бас тарту секілді көрсетілетін қызметтер заңнамасы бұзушылықтарын қарайды.
Ал, жер қатынастары, тұрғын үй, құрылыс, денсаулық, білім, әлеуметтік қамсыздандыру және т.б. салалардың кәсіби заңнама талаптары бұзылса, оған сол салаға қатысты тиісті уәкілетті органдар баға беретіндігін атап өткен дұрыс.
Қазіргі таңда қызметтерді электрондық түрде алу уақыт талабы болып отыр. Қызметтерді электрондық форматта алудың артықшылықтары жетерлік. Адамдар қызметтерді онлайн алу арқылы әкімшілік кедергілерді азайтып, сыбайлас жемқорлық тәуекелдерінің, адами факторлардың алдын алады және өздерінің уақытын, қала берді қаржыларын үнемдейді.
Берікбол БАЙХОЖАЕВ
Қазақстан Республикасының Мемлекеттік қызмет істері агенттігінің Қызылорда облысы бойынша департаменті басшысының орынбасары
<img src="https://kyzylorda-news.kz/wp-content/uploads/2020/08/foto-bajhozhaev-scaled.jpg" alt="" />

Берікбол Байхожаев: Көрсетілетін қызметтердің сапасын арттыру басты міндет

<a href="https://kyzylorda-news.kz/">Kyzylorda-news.kz.</a> Бүгін облыс әкімі Гүлшара Әбдіқалықова өңірдегі бизнес өкілдерімен кездесті. Жиында отандық өнім өндіру және жергілікті тауарөндірушілерді қолдау шаралары мен өндеу салаларының дамуы туралы мәселелер жан-жақты талқыланды.
Карантин кезінде кәсіпкерлерді қолдау бағытында бірқатар шаралар атқарылды. Атап айтқанда, салық жүктемесін азайту, кәсіпкерлік нысандарды тексеруді шектеу, бизнесті қаржыландырудың қолжетімділігін арттыру, басым бағыттарды қолдау тетігін күшейту және несие мөлшерлемесін төмендетуде бизнес иелеріне жәрдем берілді.
Өңірде 51 мыңнан аса кәсіпкер салық жеңілдігін алса, 9 мыңға жуық бизнес иелері міндетті әлеуметтік медициналық сақтандыру төлемінен босатылды. Сонымен бірге шағын орта кәсіп субъектілеріне мемлекеттік мүлікті жалға беруде 365 қосымша келісімдер жасалды.
Мұнан бөлек, аймақта 8 мыңға жуық шағын кәсіп иелері несиені кейінге шегеру мүмкіндігіне ие болды. Бұл қолдауды 15 қыркүйекке дейін ұзарту жұмыстары жүруде.
Карантин жағдайына қарамастан, мемлекеттік бағдарламалар аясында несие портфелінен 9,6 млрд.теңге қаралып, 600 жобаға қолдау көрсетілген. Жыл аяғына дейін тағы 700-ге жуық жоба қолдау табады.
Кездесу барысында облыс әкімі екінші деңгейлі банктермен келісім жасауда несиелік лимиттерді ұзарту мәселесін қозғады.
<blockquote>
 “Бүгінгі күні карантин жағдайын ескере отырып, екінші деңгейлі банктердің басшыларымен кепіл саясатына қойылатын талаптарды жеңілдету туралы келіссөздер жүргізудеміз. Сонымен бірге банктердің филиалын ашу мәселелерін қарап жатырмыз”,-деді облыс әкімі.
</blockquote>
<img src="https://kyzylorda-news.kz/wp-content/uploads/2020/08/fb_img_1597395586338.jpg" alt="" />
Карантин уақытында бизнесті қолдау бағытына арналған бағдарламаларға қаржы бөлу тоқтаған емес. Мәселен, “Қарапайым заттар экономикасы” бағдарламасына бөлінетін қаржы 1,5 есеге, “Бизнестің жол картасы 2025” бағдарламасына қаралған қаржы 2 есеге артқан.
Жиын барысында өңір басшысы бизнес иелеріне өндеу өнеркәсібін дамытуға шақырып, белсенді инвестиция тартып, аймақтың экономикалық даму көрсеткішін жақсарту арқылы аймақ халқының әлеуметтік ахуалын жақсарту қажеттігін атап өтті.
<blockquote>
 “Қазір біздің өңірде 6 ірі жоба іске асып жатыр. Осы жобалар аясында өндіріс орындарын ашып алуға болады. Мәселен, цемент зауыты арқылы қапшықтар шығаруға болады, сонымен бірге доломит ұндарын шығаратын кәсіпорын құруға мүмкіндігіміз ашылады”,-деді аймақ басшысы.
</blockquote>
Кездесу соңында облыс әкімі сала басшыларына бірқатар нақты тапсырмалар жүктеп, мемлекет пен бизнестің әріптестігін дамытуға үлес қосып жүрген кәсіпкерлерге алғысын айтты.
<img src="https://kyzylorda-news.kz/wp-content/uploads/2020/08/fb_img_1597395600915.jpg" alt="" />

Гүлшара Әбдіқалықова өңірдегі бизнес өкілдерімен кездесті

Kyzylorda-news.kz. 15-17 тамызға арналған ауа райы болжамы жарияланды, деп хабарлайды Қазгидромет.
Биіктіктегі циклон Қазақстанның батысынан солтүстік аймақтарына ығысып, соның салдарынан кей жерлерде найзағай және дауылды жел мен қатты жаңбыр күтіледі, бұршақтың түсуі ықтимал. Солтүстік, орталық және шығыс өңірлерде кей жерлерде түнгі және таңғы уақыттарда тұман күтіледі. Батыста ауа температурасының төмендеуі, ал солтүстікте ауа температурасының жоғарылауы күтіледі.

Алдағы үш күнде ауа райы қандай болады?

Kyzylorda-news.kz. Бүгін облыс әкімі Гүлшара Әбдіқалықова «Спорт күні» мерекесіне орай Сыр өңірінің спорт саңлақтарын қабылдады. Оларды кәсіби мерекесімен құттықтап, сала үздіктеріне еселі еңбектері үшін алғысын білдірді. 
Кездесуде алдымен аймақ басшысы Сыр өңірінің спорт саласында жеткен жетістіктері жайлы тоқталды. Бүгінде облыста дене шынықтыру және спортпен жүйелі түрде шұғылданушылардың саны 243 мың 78 адамға жеткен.
Жыл басынан бері облыс спортшылары ҚР чемпионаттары мен кубоктарында 254 медаль жеңіп алса, Азия чемпионаттарында 19 медальға қол жеткізді. Облыстың 670 спортшысы ҚР Ұлттық құрама сапына енді. 
2021 жылы Токио қаласында (Жапония) өтетін Олимпиада Ойындарына ҚР еңбек сіңірген спорт шеберлері, балуан Дәулет Ниязбеков пен боксшы Қамшыбек Қоңқабаев жолдама алды.
<blockquote>
 «Аймақтың жетістіктері мұнымен тоқтап қалмақ емес. Сыр спортына қолдау білдіру мақсатында «Жұмыспен қамту жол картасы» бағдарламасы аясында осы сала бойынша 22 жоба жүзеге асуда. Қазіргі таңда Қызылорда қаласындағы байдарка және каноэ есу базасы, қала және аудандарда 8 жаттығу және стритбол алаңдарының құрылыстары жүргізілуде. Мемлекеттік-жекешелік әріптестік аясында 5 дене шынықтыру кешені пайдалануға беріледі. Бұқаралық спортты дамытудың алғы шарттарының бірі спорттық ғимараттарға қолжетімділік екені белгілі. Жалпы облыс бойынша 2241 спорт нысандары жұмыс істейді», – деді облыс әкімі Гүлшара Әбдіқалықова.
</blockquote>
Кездесуде сөз алған ауыр атлетикадан ҚР Еңбек сіңірген жаттықтырушысы Велорик Пак пен еркін күрестен ҚР еңбек сіңірген жаттықтырушысы Әбутәліп Аманов еңбегін елеп, бүгінгі мерекеде құрмет көрсеткен аймақ басшысына алғыс білдірді. Сыр спортына жасалып жатқан қолдауларға ризашылығын айтып, сәттілік тіледі. 
Жиын соңында спорт саласын дамытуда өлшеусіз еңбек еткен ҚР Еңбек сіңірген жаттықтырушылары Велорик Пак, Әбутәліп Аманов, Жамиль Джусупов, ауыр атлетикадан ҚР еңбек сіңірген спорт шебері Илья Ильин, тоғызқұмалақтан 3 дүркін Әлем чемпионы Хәкімжан Елеусінов, каратэ-додан 3 дүркін Әлем чемпионы Мөлдір Жаңбырбай, қазақ күресінен Әлем чемпионы Нұрым Сәлімгереев пен қазақ күресінен «Әлем барысы» турнирінің күміс жүлдегері Мақсат Исағабылов облыс әкімінің Алғыс хатымен марапаттады.
<img src="https://kyzylorda-news.kz/wp-content/uploads/2020/08/fb_img_1597385512722.jpg" alt="" />
<img src="https://kyzylorda-news.kz/wp-content/uploads/2020/08/fb_img_1597385525187-1.jpg" alt="" />
<img src="https://kyzylorda-news.kz/wp-content/uploads/2020/08/fb_img_1597385527004.jpg" alt="" />
<img src="https://kyzylorda-news.kz/wp-content/uploads/2020/08/fb_img_1597385529522-1.jpg" alt="" />
<img src="https://kyzylorda-news.kz/wp-content/uploads/2020/08/fb_img_1597385533694.jpg" alt="" />

Қызылорда облысының әкімі Сыр спортшыларын марапаттады

Kyzylorda-news.kz. Денсаулық сақтау министрі Алексей Цой Қазақстанның қатаң карантиннен қалай шығатыны туралы айтып, демалыс күндері қандай қатаң ережелер енгізілетінін айтты, деп хабарлайды <a href="https://stan.kz/22-23-tamizda-kazakstan-katan-karantin-rezhimine-kayta-335637/">Stan.kz.</a>
Цой «пандемия аяқталды» деді және біз біртіндеп қалыпты өмірге оралатынымызды айтты.
<blockquote>
 “Азаматтарға бетперде кию және әлеуметтік қашықтықты сақтау міндетті. Біз бұқаралық, мерекелік және еске алу іс-шараларын өткізуден бас тартуға мәжбүрміз. Бұл қауіпсіздік үшін қажетті шаралар. Карантин біткеннен кейін алғашқы қателікті қайталаудың қажеті жоқ. Барынша сақ болғанымыз жөн”, – деді денсаулық сақтау министрлігінің басшысы.
</blockquote>
Министр мемлекеттік комиссия осы уақытқа дейінгі шектеулерді тек жұмыс күндері жеңілдету туралы шешім қабылдағанын еске салды.
<blockquote>
 “Келесі демалыс күндері ел тағы екі күнге карантинге оралады. 22 және 23 тамызда 65 жастан асқан адамдардың қозғалысына шектеу қойылады, қоғамдық көліктер тоқтайды, ал бизнес қайтадан жұмысын тоқтатуға мәжбүр болады. Ерекшелік тек азық-түлік дүкендері мен дәріханаларға ғана қатысты” – деп түсіндірді Алексей Цой.
</blockquote>
Денсаулық сақтау министрлігінің басшысы азаматтардан қабылданған шараларды түсіністікпен қарауды сұрады.
Денсаулық сақтау жүйесіндегі жүктеменің негізгі көрсеткіштерінің жақсаруына байланысты және карантиндік шараларды күшейту немесе жеңілдету критерийіне қол жеткізгенімізді ескере отырып, мемлекеттік комиссияның отырысында денсаулық сақтау министрі Алексей Цойдың карантиндік шараларды кезең-кезеңімен жеңілдету туралы ұсынысы қаралды.

Алексей Цой: 22-23 тамызда Қазақстан қатаң карантин режиміне қайта оралады

Kyzylorda-news.kz. Қазалы ауданының әкімі Мұрат Ергешбаев аудандағы елді мекендерді аралап, халықтың мәселелерін тыңдады.
Таңертең Бекарыстан би ауылынан басталған сапар кешкілік Жанкенттен аяқталды. Аудан басшысы жолай Майдакөл, Ү.Түктібаев, Бозкөл, Қожабақы, Бірлік елді мекендеріне соғып, осындағы «Жұмыспен қамтудың жол картасы» және «Ауыл – ел бесігі» бағдарламалары аясында атқарылып жатқан жұмыстармен танысты. Ауыл тұрғындарымен кездесіп, әр сала бойынша қойылған сауалдарға жауап берді.
<blockquote>
 “Биылғы жылдың ерекшелігіне қарамастан ауданда ауқымды жұмыстар атқарылып жатыр. Биыл мемлекет үшін де, халық үшін де қиын уақыт болды. Алайда халықты еңбекпен қамтып, жұмыссыздықтың алдын алу үшін 2020-2021 жылдарға арналған жұмыспен қамтудың Жол картасы қабылданды. Соның нәтижесінде өзекті мәселелердің түйіні тарқатылып, бірқатар шаруаның шешімі табылды”, – деді аудан әкімі Мұрат Нәлхожаұлы тұрғындармен кездесуде.
</blockquote>
Кездесуге жиналған тұрғындар елді мекендердегі кейбір мәселелерді ортаға салды. Ауыл көшелерін жөндеу, кәсіпкерлікпен айналысушыларға қолдау көрсету, интернет желісінің жылдамдығын арттыру бағытында ұсыныстар айтылды. Ал, Бекарыстан би мен Майдакөл ауылдарының тұрғындары медицина мекемелеріндегі дәрігерлер санын көбейтуді сұраса, түктібаевтықтар ауылға банкомат орнату жөнінде ұсыныс айтты. Өркендеу ауылдық округінің халқы Жанкент пен Бірлік ауылдарына жаңа жедел жәрдем көлігін алып, «Қарлаң» өткеліне темір-бетон көпір салу жайын қозғады.
Өз кезегінде аудан басшысы Мұрат Ергешбаев ел үшін маңызды мәселелерді шешу жолында бірлесе жұмыс атқаратындығын тілге тиек етті. Тұрғындар тарапынан көтерілген ұсыныс-пікірлердің әрбірі мұқият зерттеліп, кейбірін оңтайлы шешу үшін Сенат депутаттарының назарына жетікізілетін болады.
Айта кетейік, Қазалы ауданында «Жұмыспен қамтудың 2020-2021 жылдарға арналған жол картасы» мемлекеттік бағдарламасының аясында құны 3 млрд 11 млн 89 мың теңге болатын 42 жоба іске асырылып жатыр. Ал, «Ауыл – ел бесігі» бағдарламасы арқылы бөлінген 930,4 млн теңгеге Бекарыстан би ауылында ауқымды жұмыстар атқарылуда.
<img src="https://kyzylorda-news.kz/wp-content/uploads/2020/08/fb_img_1597378644707.jpg" alt="" />
<img src="https://kyzylorda-news.kz/wp-content/uploads/2020/08/fb_img_1597378637288-1.jpg" alt="" />
<img src="https://kyzylorda-news.kz/wp-content/uploads/2020/08/fb_img_1597378642460.jpg" alt="" />

Қазақстан және Қызылорда облысының жаңалықтары

Сырдария өзенінің арнасын тазарту жұмыстары жүріп жатыр

Абайбек Жүнісов: Праймериз – пайым мен парасат

Нұрлыбек Нәлібаев спортшылармен кездесті

Демалыстағы қатаң карантин қанша уақытқа дейін созылады?

Қызылордада ата-аналарға арналған кеңес беру орталығы жұмысын бастады

Қызылордада емдеу мекемелірінің жоспарлы жұмысы қайта жалғасты

Берікбол Байхожаев: Көрсетілетін қызметтердің сапасын арттыру басты міндет

Гүлшара Әбдіқалықова өңірдегі бизнес өкілдерімен кездесті

Алдағы үш күнде ауа райы қандай болады?

Қызылорда облысының әкімі Сыр спортшыларын марапаттады

Алексей Цой: 22-23 тамызда Қазақстан қатаң карантин режиміне қайта оралады

Қазалыда ауыл тұрғындары көтерген мәселелер басты назарда

Қазақстан және Қызылорда облысының жаңалықтары

Сырдария өзенінің арнасын тазарту жұмыстары жүріп жатыр

Абайбек Жүнісов: Праймериз &#8211; пайым мен парасат

Нұрлыбек Нәлібаев спортшылармен кездесті

Демалыстағы қатаң карантин қанша уақытқа дейін созылады?

Қызылордада ата-аналарға арналған кеңес беру орталығы жұмысын бастады

Қызылордада емдеу мекемелірінің жоспарлы жұмысы қайта жалғасты

Берікбол Байхожаев: Көрсетілетін қызметтердің сапасын арттыру басты міндет

Гүлшара Әбдіқалықова өңірдегі бизнес өкілдерімен кездесті

Алдағы үш күнде ауа райы қандай болады?

Қызылорда облысының әкімі Сыр спортшыларын марапаттады

Алексей Цой: 22-23 тамызда Қазақстан қатаң карантин режиміне қайта оралады

Қазалыда ауыл тұрғындары көтерген мәселелер басты назарда

Абайбек Жүнісов: Праймериз – пайым мен парасат