<a href="https://kyzylorda-news.kz/">Kyzylorda-news.kz</a>. «Кедергісіз келешек» партиялық жобасы аясында Қызылорда қаласындағы мүгедектігі бар жандар арасында кездесу ұйымдастырылды.
Жиынға қатысушы азаматтар қоғамдық жұмыстарға араласу, жеке кәсіппен айналысу және әлеуметтік көмек көрсетуге бағытталған ұсыныстарын айтып, тақырып аясындағы пікірлерін ортаға салды.
Кездесуде «Nur Otan» партиясы Қызылорда қалалық филиалы төрағасының бірінші орынбасары Шәріп Әбдірахманов қала көлеміндегі мүмкіндігі шектеулі жандарға көрсетілетін негізгі көмектерге тоқталып, оларға әрдайым қолдау барын тілге тиек етті.
<blockquote>
 Мүмкіндігі шектеулі жандардың қолайлы өмір сүрулері үшін ұсыныс-пікірлері әркез назарға алынуы тиіс. Бүгінгі кездесудің негізгі мақсаты да осы бағытта. «Мүгедектерді жеке оңалту бағдарламасына» және «Кедергісіз келешек» жобасына сәйкес жыл басынан бері қала және қалаға қарасты ауылдық округтерде тұратын жандарға тиесілі жан-жақты көмек көрсетілуде, – деді Шәріп Әбдірахманов.
</blockquote>
Сондай-ақ, атаулы күн қарсаңында өткен кездесуге қатысушылар мемлекет тарапынан көрсетіліп жатқан мүмкіндіктер мен қолдауларды, қоғам тарапынан көрсетілетін негізгі қамқорлық бағыттағы жұмыстарды жоғары деңгейде деп бағалады.
Жиында сөз алғандар мүмкіндігі шектеулі жандарға тиесілі мәселелерді назардан қалдырмай, қол ұшын созып жүргендерге алғысын жеткізді. Кездесуге келгендер атаулы күн қарсаңында қайсар жандарға көздеген мақсаттар мен аңсаған армандарына жету жолында күш-қуат берсін деп тілектестігін білдірді. &nbsp;
Біріккен ұлттар ұйымының ұйғарымымен «Халықаралық мүгедектер күні» 1992 жылдан бастап атап өтілуде. Қоғамда мүмкіндігі шектеулі азаматтардың құқықтарын сақтау, әлеуметтік жағдайын жақсартуға бағытталған жұмыстарға баса назар аударуды мақсат етеді.
Мәселен, Қызылорда қаласында мүгедектігі бар тұлғаларды оңалту шараларын жүзеге асыру бойынша қаланың ауылдық округтері мен кенттерінде аула клубтары, мүмкіндігі шектеулі азаматтардың ақпараттық-технологиялық сауаттылығын ашу мақсатында шағын компьютерлік орталықтар жұмыс жасауда.
Айта кетерлігі, Қызылорда қаласы бойынша жалпы мүгедектер саны 12645 адам, оның ішінде 1, 2 топ – 6202, 3 топ – 4167 және 2276-сі мүгедек балалар.

Шәріп Әбдірахманов: Мүмкіндігі шектеулі жандарға жан-жақты көмек көрсетілуде

<a href="https://kyzylorda-news.kz/">Kyzylorda-news.kz</a>. Бүгін Қызылорда облысының әкімі Гүлшара Әбдіқалықова «Қазақтелеком» АҚ Оңтүстік өңірлік телекоммуникация дирекциясының бас директоры Үсенхан Әубәкіровпен кездесті.
Кездесуде өңір басшысы Президент Қасым-Жомарт Кемелұлының биылғы Жолдауындағы цифрлық теңсіздікті жою, интернетке барынша қолжетімдікті және сапалы байланысты қамтамасыз ету жөніндегі тапсырмасына сәйкес аймақта атқарылып жатқан жұмыстарды атап өтті.
“Қазіргі таңда облыстағы 230 ауылдық елді мекеннің 170-і кең жолақты интернетпен қамтамасыз етілген. Мемлекеттік-жекешелік әріптестік аясында өңірде 73 елді мекеннің мемлекеттік органдары талшықты-оптикалық байланыс желісімен қамтамасыз етіліп, оның 14-не «Қазақтелеком» акционерлік қоғамы талшықты-оптикалық байланыс желісін жүргізді. Бүгінде жоғары жылдамдықты интернет желісімен қамтамасыз ету мәселесі бойынша шешімін таппаған 39 елді мекенді және шалғай орналасқан 14 елді мекенді жоғары жылдамдықты интернетпен қамтамасыз ету мүмкіндігін қарастыруыңызды ұсынамыз – деді облыс әкімі Гүлшара Әбдіқалықова.
Өткен жылдың наурыз айында Қызылорда облысының цифрлық технологиялар басқармасы мен “Қазақтелеком” АҚ Оңтүстік өңірлік телекоммуникациялар дирекциясы арасында “Қызылорда облысының мемлекеттік органдарына талшықты-оптикалық байланыс желісін жүргізу” туралы мемлекеттік-жекешелік әріптестік шарты жасалған. Бүгінде шарта көрсетілген құрылыс жұмыстары толығымен аяқталып, 69,7 км талшықты-оптикалық кабельдер жүргізіліп, аймақтағы мемлекеттік органдардың 77 объектісі интернет желісіне қосылды.
Облыс бойынша білім беру және денсаулық сақтау нысандары толығымен 100% интернетке қосылған. Қазіргі уақытта бюджеттік ұйымдарды емес, халықты (мектеп жасындағы балалар, студенттер және т.б.) сапалы интернетпен қамтамасыз ету мәселесі өткір тұр. Сондай-ақ, білім беру саласында “Қауіпсіз мектеп” жобасы бойынша орта білім беру мекемелерін бейнебақылау жүйесімен қамтамасыз ету жобасы кезең-кезеңімен іске асырылуда. Ағымдағы жылы облыстық бюджеттен 70 мектепке бейнебақылау камераларын орнатуға 250 млн.теңге бөлінді. Бүгінгі таңда мемлекеттік сатып алудың ашық конкурстары өткізіліп, камераларды орнату жұмыстары жүргізілуде.
«Қазақтелеком» АҚ Оңтүстік өңірлік телекоммуникация дирекциясының бас директоры Үсенхан Әубәкіров Smart City жобасы аясында атқарылатын жұмыстарды баяндады. Замануи LoRaWAN технологиясын қолдану, интерактивті есептеу аспаптарын орнату, ақылды жарықтандыру, ақылды тұрақтар сынды коммерциялық ұсыныстар зерделеніп жатқандығын жеткізді.
<img src="https://kyzylorda-news.kz/wp-content/uploads/2020/12/22d1ce130d0bc7329292a3a394078915_original.293522.jpg" alt="" />

Гүлшара Әбдіқалықова: Шалғай елді-мекендерді интернет байланысымен қамтуды жеделдету қажет

<a href="https://kyzylorda-news.kz/">Kyzylorda-news.kz.</a>&nbsp;Қызылорда гарнизоны әскери бөлімінде 1 желтоқсан – Қазақстан Республикасының Тұңғыш Президенті күніне арналған әскери қызметшілердің ұл-қыздары арасында қашықтықтан сурет салу сайысы өтті.
&nbsp;«Тұңғыш Президентім» атты сурет салу сайысы бөлімнің тәрбие және идеологиялық жұмыстары жөніндегі қызметкерлерімен ұйымдастырылды. Әскери қызметшілердің ұл-қыздарының үйлерінде салған туындылары бөлімдегі Қазақстан Республикасының Тұңғыш Президенті күніне арналған тақтаға салынып, ұйымдастырушылар тарапынан бағаланды. Сайыстың мақсаты жас ұрпақтың бойында Отанға деген сүйіспеншілік сезімін қалыптастырып және Қазақстан тарихы мен мәдениетіне деген қызығушылықтарын арттыру.
Сонымен қатар жылдағы үрдіске сай әскери бөлімде Қазақстан Республикасының Тұңғыш Президенті – Елбасы Н.Ә.Назарбаевтың өмірінен сыр шертетін «Президент бұрышы» жасалынды. Мұнда Н.Ә.Назарбаевтың жазған кітаптары, шығармалары, озық идеялары орын тапты. Әлем көшбасшыларының Қазақстан Республикасының Тұңғыш Президенті жайлы айтқан пікірлері мен&nbsp; Елбасымыздың өмірбаяны, қызмет барысы мен өмірдегі бірқатар суреттері ілінді.
<blockquote>
 «Қазақстан Республикасының Тұңғыш Президенті күніне арналған іс-шара жыл сайын кең ауқымда өткізіліп келетін. Қазіргі карантиндік ахуалға байланысты қашықтықтан ұйымдастыруға тура келді. Бір қуанатын жағдай әскери қызметшілеріміздің ұл-қыздары бұл мереке мен сайысты асыға күтумен қатар жақсы нәтижелер көрсетті», – дейді бөлім командирінің тәрбие және идеологиялық жұмыстары жөніндегі орынбасары, подполковник Арслан Абиев.
</blockquote>
Сайысқа қатысушы балалар көркем шығармашылықты дамыту мен насихаттауға қосқан үлестері үшін бөлім басшылығы тарапынан алғыс хаттармен марапатталды.
<img src="https://kyzylorda-news.kz/wp-content/uploads/2020/12/b507ff31-8a52-48a9-bb05-a67699d33309.jpg" alt="" />
<img src="https://kyzylorda-news.kz/wp-content/uploads/2020/12/d5712f15-d62f-4373-b7d0-67373a246ab3.jpg" alt="" />

Тұңғыш Президент күніне орай шығармашылық байқау өтті

<a href="https://kyzylorda-news.kz/">Kyzylorda-news.kz</a>. Қазақстанда еріктілікпен айналысатын 224 ұйым болса, оның 12-сі Қызылорда облысында орналасқан.
Бүгінде Сыр еріктілері түрлі бағыттағы жобаларға атсалысуда. Олар қысылтаяң уақытта тұрғындарға қол ұшын созып, пандемия кезінде де игі істер атқаруда. Бұл туралы Өңірлік коммуникациялар қызметінің ақпарат алаңында өткен брифингте «Волонтеры Кызылорда» қайырымдылық қорының төрайымы Ольга Чебакова мәлімдеді.
<blockquote>
 “Жалпы волонтерлік бертін келе шыққан ұғым болғанымен, бұрын аталарымызда еріктілікпен айналысты. Сол себепті бізге бұл жат емес. Бүгінде «Жылы жүрек» жастар қоғамдық қорында 30-ға жуық ерікті бар. Пандемия кезінде қордың жастары 15-ке жуық отбасыға көмектесті. Тек пандемия кезінде ғана емес, алдағы уақытта да жастарымыз өздерінің қолынан келген көмегін аямайды және міндетсінбейді”, – деді «Жылы жүрек» қоғамдық қорының төрағасы Сағатбек Сиюов.
 “Бүгінде фронт-офис 7 бағыт бойынша жұмыс істеуде. Жыл басынан бері 455 шара өткізіліп, 3 мың жуық ерікті тартылды. Биыл еріктілердің қалай жұмыс істегенін өз көзімізбен көрдік. Оған сіздерде куәсіздер. Сондай-ақ, індет белең алғанда дәріханаларда дәрі тапшы болды. Бұл кезде орталық жанындағы әлеуметтік дүкен бағытын өзгертіп, тұрғындардан мерзімі өтпеген, керекті дәрілерді қабылдай бастадық. Халық қолында барын беріп, өзгеге көмектесті. Яғни, ерікті болу – белгілі жоспар, нақты қызмет емес, жүректің қалауы”, – деді «Волонтерлар фронт офисінің» жетекшісі Болатбек Айтбенбетов.
</blockquote>
<img src="https://kyzylorda-news.kz/wp-content/uploads/2020/12/129316280_1181840418878135_2588397442718860614_o.jpg" alt="" />

Қызылордада 12 еріктілер ұйымы бар

<a href="https://kyzylorda-news.kz/">Kyzylorda-news.kz</a>. «Қызылорда-Павлодар» тас жолы 12-шақырымында&nbsp; &nbsp;жол ережесін бұзған жеңіл шетел автокөлігін&nbsp; патрульдік полиция қызметкерлері тоқтатты.
Тексеру барысында автокөліктің жүк салғышынан жолаушыға тиесілі ерекше иісі бар шөп салынған полиэтилен пакеті алынды. Сараптама қорытындысы бойынша ерекше иісі бар зат 9 келіге жуық&nbsp; «кептірілген марихуана» екендігі анықталған.
Оқиға орнында күдікті ұсталып, ол 30 жастағы Қызылорда қаласының тұрғыны болып шықты.&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp; &nbsp;
<blockquote>
 «Бүгінгі күні күдікті Қалалық Полиция Басқармасының уақытша ұстау абақтысына қамаққа алынып, Қазақстан Республикасы Қылмыстық кодексінің&nbsp;296-бабы 4-бөлігімен&nbsp;(аса ірі мөлшерде есірткі, психотроптық заттарды, сол тектестерді өткізу мақсатында заңсыз дайындау, қайта өңдеу, иемдену, сақтау, тасымалдау, жөнелту не өткізу)&nbsp;сотқа дейінгі тергеп-тексеру амалдары жүргізілуде», – делінген полиция департаментінің хабарламасында. &nbsp;&nbsp;
</blockquote>
<img src="https://kyzylorda-news.kz/wp-content/uploads/2020/12/whatsapp-image-2020-12-03-at-11.11.52.jpeg" alt="" />

Қызылордада аса ірі мөлшерде есірткі тасымалдаған қала тұрғыны ұсталды

<a href="https://kyzylorda-news.kz/">Kyzylorda-news.kz</a>. 2020 жылдың 10 айында Қазақстан халқына 20,9 млрд теңге сомасына медициналық сақтандыру бойынша 6 715 жоғары технологиялық медициналық қызмет (ЖТМҚ) көрсетілді. Олардың басым бөлігін жүрек-қантамыр жүйесінің ауыр аурулары, нейрохирургиялық және гинекологиялық аурулары бар науқастар алды.
Емделген жағдайдың орташа құны-3,1 млн теңге.
<blockquote>
 «Айта кету керек, ЖТМҚ-ның 78 түріне қала тұрғындары да, шалғай ауылдар да бірдей қол жеткізе алады. Егер адам ауырып қалса, оған инновациялық технологияларды қолдана отырып диагностика мен емдеу қажет, онда тұратын жеріне қарамастан, ол жоспарлы медициналық көмекке сене алады, басты шарт – МӘМС сақтандырылу мәртебесі. Егер пациентке қажетті рәсім жергілікті деңгейде қол жетімді болмаса, оны облыстық немесе республикалық клиникаға жібереді»,-деп түсіндірді әлеуметтік медициналық сақтандыру қорының баспасөз қызметі.
</blockquote>
Жоғары технологиялық медициналық көмекті қалай алуға болатыны туралы Нұр-Сұлтан қаласының №9 қалалық емхананың пациенттерді қолдау және ішкі бақылау қызметінің басшысы Айгүл Әбікеева айтып берді.
<blockquote>
 Сарапшы «Егер адам өзін жайсыз сезінсе, ол учаскелік терапевтке жүгінуі керек, ол оған диагноз қойып, одан әрі тексерулерге және мамандандырылған мамандармен кеңесуге жібереді. Хирургия қажет пе, жоқ па деген қорытындыны ЖТМҚ осы түрін жүргізетін клиниканың дәрігері шығарады. Егер хирургиялық араласу қажеттілігі расталса, онда пациентті жоспарлы ем алуға дайындайды. Бұл үшін қажетті талдауларды жинауды және «Емдеуге жатқызу бюросы» порталына қоюды емхана жүргізеді», – деп атап өтті.
</blockquote>
Бұл алгоритм қала тұрғындарына да, ауыл тұрғындарына да қатысты. Айта кету керек, әрбір пациент ЖИМҚ алғысы келетін ұйымды таңдауға құқылы.
Әлеуметтік медициналық сақтандыру қаражаты есебінен операциядан өткен пациенттер оңалтудан да өте алады. 2020 жылы ӘМСҚ осы қызметтердің 559 жеткізушісімен шарттар жасасты.
Егер пациентке медициналық көмек көрсетуден бас тартылса немесе оның оңалту қағидаларына қатысты сұрақтар туындаса, онда ол 1406 байланыс орталығына жүгіне алады немесе Qoldau24\7 мобильдік қосымшасында өтініш қалдыра алады.

МӘМС: 6 715 жоғары технологиялық медициналық қызмет  көрсетілді

<a href="https://kyzylorda-news.kz/">Kyzylorda-news.kz</a>. Қызылорда гарнизонына қарасты әскери бөлімде жаңа оқу жылы қарсаңында санитарлық-эпидемиологиялық талаптар мен нормаларды сақтай отырып, алғашқы мемлекеттік және құқықтық дайындық сабақтары өтті.
Дәстүр бойынша әскери қызметшілер үшін жаңа оқу жылы мемлекеттік және құқықтық дайындық сабағынан басталады. Аталған сабақты бөлімнің командирлері өткізеді. «Ел Президенті – Қазақстан Республикасы Қарулы Күштерінің Жоғарғы Бас Қолбасшысы елдің әскери қауіпсіздігін қамтамасыз ету және жоғары жауынгерлік әзірлікті қолдау туралы Қарулы Күштердің 2020-2021 оқу жылына арналған міндеттері» тақырыбындағы алғашқы сабақты бөлім командирі подполковник Ербол Әбдірайым өзі жүргізді. Ол 2020 жылды қорытындылап, жеке құрамға алдағы 2021 жаңа оқу жылына бірқатар міндеттер қойды.
<blockquote>
 «Қарулы Күштерде «Ұлы дала әскері – Тәуелсіздік тірегі» ұранымен өтетін алдағы жаңа оқу жылына жоспарланған жауынгерлік дайындық жаттығулары көп. Бірқатар түрлі жедел-тактикалық оқу-жаттығулар, әскердегі дәстүрлі Халықаралық ойындар сияқты іс-шараларға тең дәрежеде қатысуымыз керек. Өткен оқу жылында жеткен жетістіктерді сақтап қалуымыз да басты назарда болғаны жөн», – деп әскери бөлім командирі, подполковник Ербол Әбдірайым бөлім басшылығына тапсырмалар берді.
</blockquote>
Қызылорда гарнизоны әскери бөлімінің әскери қызметшілері келесі жылы әскери қызметтердің сапалы жауынгерлік дайындығын және әскери тәртіпті сақтауға дайын.

Қызылорда гарнизонына алғашқы мемлекеттік және құқықтық дайындық сабағы өтті

<a href="https://kyzylorda-news.kz/">Kyzylorda-news.kz</a> Әлеуметтік желіде Amazon компаниясы жүргізіп отыр делінген онлайн ойын туралы ақпарат таралып жатыр. &nbsp;
“Ойын” ережесіне сәйкес, қатысушылар қымбат гаджеттер, ұялы телефондар мен компьютерлік техника ұтып алуы мүмкін. Алайда қолданушылар таратып жатқан “ойынның” сілтемесі фишингтік сайтқа алып барады.
<blockquote>
 “Бағалы сыйлықтар ұтысы туралы жаңалықтың астында жағымды пікірлер көп жазылған. Оның бәрі фейк деп болжауға болады. Бұл туралы ойын сайтында да жазылған – сайтқа кірмек болғанда автоматты түрде фишинг туралы ескерту шығады, ал сервермен байланыс қорғалмаған”, – делінген хабарламада.
</blockquote>
Сарапшылардың мәліметінше, алаяқтар осындай интернет-платформалар арқылы сайтқа кірушілердің жеке деректерін –аккаунттардың логиндері мен парольдерін, төлем карталары мен банктік шоттар туралы ақпаратты ұрлайды, тіпті жәбірленушінің компьютеріне немесе мобильді құрылғысына толық қолжеткізе алады.
Бұл соңғы уақытта Қазақстанда тіркелген алғашқы фишингтік сайт емес. Бүгінде алаяқтар белсенді әрекет етіп жатыр, адамдарды&nbsp;банктердің, танымал тұлғалардың, ірі&nbsp;брендтердің&nbsp;атынан алдауға тырысады.
Фишинг – интернет алаяқтығының бір түрі, оның мақсаты – қолданушының құпия деректеріне, атап айтқанда, логиндер мен парольдерге қол жеткізу.
<a href="https://sputnik.kz/society/20201202/15638056/qupiya-derekterge-qauip-tonip-tur.html">Sputnik Қазақстан</a>

Құпия деректерге қауіп төніп тұр: Жалған онлайн ойынның сілтемесі таралып жатыр

<a href="https://kyzylorda-news.kz/">Kyzylorda-news.kz</a> «Абзал и К» серіктестігіне «Nur Otan» партиясының жанындағы «Аграрлық сектор» бағытындағы аймақтық комиссия мүшелері жұмыс бабымен барды. Онда еңбек ұжымымен кездесіп, ауыл шаруашылығы бағыттағы жұмыстарды жетілдірудің жәй-жапсарын талқылады.
Өңірімізде мемлекеттік қолдаудың арқасында ауыл шаруашылығы өндірісінің дамуында оң нәтижелер жетерлік. Сыр диқандары су тапшылығының туындауына қарамастан, биыл күріштің әр гектарынан орташа 61,8 центнерден өнім алып, 551 мың тоннадан астам ел қамбасына астық құйып, кезекті рекордтық көрсеткішті жаңартып отыр. Аграрлық салада өндірілген өнім көлемі 94,4 млрд. теңгеге жетіп, өткен жылдың осы кезеңімен салыстырғанда 3,2 пайызға артқан.
Бұл тұста «Абзал және К» серіктестіктің ауылшаруашылық саласында, оның ішінде еліміздің күріш индустриясы саласында көрсеткіші жоғары. Компания республика бойынша күріш өндірісі үздіктерінің үштігіне кіреді. Сонымен қоса компания күрішті өндіру және өңдеу қызметімен айналысуда және ауыл шаруашылық саласына инвестиция құюда.
Бүгінде аталмыш серіктестік «Янтарь», «Лидер», «Анаит», «Фаворит» ақ күріштерін, «Камолино» күріш жармасын түр-түрімен, күріш ұсағы, күріш жемі, туралған және туралмаған күріш қауызын өндіреді. «Абзал және К» қарқынды жұмысының арқасында Елбасының қолынан республикалық «Алтын сапа» сыйлығының «Азық-түлік ауылшаруашылық өнімін шығаратын үздік кәсіпорын» номинациясын иеленген болатын.
Айта кетейік, кездесу барысында еліміздегі Жер Кодексіне енгізілетін өзгертулер мен толықтыруларға байланысты шаруа қожалықтарының ұсыныс пікірлерін тыңдалып, ауылшаруашылық бағыты бойынша айналысу жолдары, бос жұмыс орындарының мамандарын қайта оқыту, жер-су мәселесі бойынша сұрақтар көтерілді. Кездесуде тиісінше әрбір сұраққа тұшымды жауаптар қайтарылды.

Ауыл шарушылығы &#8211; тұрақты экономиканың көзі

<a href="https://kyzylorda-news.kz/">Kyzylorda-news.kz</a> Қазақстанда өткен тәулікте 769 адамда коронавирус індеті ПТР арқылы расталды.
Шығыс Қазақстан, Павлодар, Солтүстік Қазақстан және Ақмола облыстарында індетке шалдыққандар көрсеткіші жоғары, деп хабарлайды денсаулық сақтау министрлігінің баспасөз қызметі.
Аймақтар бойынша:
<ul>
<li>Нұр-Сұлтан қаласы – 41</li>
<li>Алматы қаласы – 72</li>
<li>Шымкент қаласы – 5</li>
<li>Ақмола облысы – 89</li>
<li>Ақтөбе облысы – 5</li>
<li>Алматы облысы – 24</li>
<li>Атырау облысы – 31</li>
<li>Шығыс Қазақстан облысы – 140</li>
<li>Жамбыл облысы – 15</li>
<li>Батыс Қазақстан облысы – 34</li>
<li>Қарағанды облысы – 21</li>
<li>Қостанай облысы – 82</li>
<li>Қызылорда облысы – 2</li>
<li>Маңғыстау облысы – 5</li>
<li>Павлодар облысы – 99</li>
<li>Солтүстік Қазақстан облысы – 97</li>
<li>Түркістан облысы – 7</li>
</ul>
Жалпы ел бойынша ауырғандар саны 133 887.

Қызылордада 2 адамнан коронавирус індеті анықталды

<a href="https://kyzylorda-news.kz/">Kyzylorda-news.kz</a>. Заңсыз ойын ұйымдастыруға қатысты кезекті қылмыстық іс бойынша сот үкім кесті. Бұл заңсыз әрекет Қызылорда облысы бойынша экономикалық тергеу департаменті қызметкерлерімен үстіміздегі жылдың тамызында анықталған болатын.
Қызылорда қаласының тұрғыны балаларға арналған компьютерлік ойын клубы түрінде өз жеке кәсібін ашқан. Қаланың орталық көшелерінің бірінен жалға ғимарат алып, оған 14 компьютер қойған соң кәсібінің астарын Қазақстан Республикасының «Ойын бизнесі туралы» заңына қайшы әрекеттерге бұрған. Экономикалық тергеу департаментінің криминалист&nbsp; мамандары жүргізген зерттеулер нәтижесінде бұл компьютерлерге ұтыс тігілетін құмар ойындар жүктелгені және онлайн ойындар жасалғаны дәлелденді.
№2 Қызылорда қалалық сотының үкімімен&nbsp; Қазақстан Республикасы Қылмыстық кодексінің 307 бабы 1 бөлігінде қарастырылған қылмыстық әрекеттері үшін (ойын мекемесiн заңсыз ашу немесе заңсыз ұйымдастыру, құмар ойындарын ұйымдастыру және өткізу) заңсыз ойын ұйымдастырған азаматтың 1 жылға бас бостандығы шектелді. Сонымен қатар сотпен пробациялық бақылау және 100 сағаттық мәжбүрлі еңбекке тарту тағайындалды.&nbsp;&nbsp;
Ойын орнынан алынған 14 компьютер құрылғыларымен, 4 ұялы телефон және модем, кассадан алынған 177700 теңге ақша мемлекет пайдасына тәркіленді.
Айта кетейік, 2020 жылдың 9 айында қоғамға елеулі залал келтіретін заңсыз ойын бизнесін ұйымдастыру дерегімен 6 қылмыстық іс тіркелген.

Балаларға заңсыз ойын ұйымдастырған қызылордалыққа үкім шықты

<a href="https://kyzylorda-news.kz/">Kyzylorda-news.kz</a> Арал ауданының әкімі Мұхтар Оразбаев Америка Құрама Штаттарының Қазақстан Республикасындағы бас консулы Эрик Майермен кездесті. Кездесуге бас консулдың экономикалық мәселелері жөніндегі кеңесшісі Брант Байнер мен көмекшісі Елена Перехода қатысты.
<blockquote>
 «Біз «ғасыр жобасы» – Сырдария өзенінің арнасын реттеу және Арал теңізінің солтүстік бөлігін сақтау жобасына Америка Құрама Штаттары қаржылық қолдау көрсеткен Дүниежүзілік Банктің ірі инвесторы екендігін жақсы білеміз. САРАТС жобасының алғашқы кезеңінің сәтті жүзеге асуының арқасында теңізді өлкенің тұрғындары ата кәсібі – балық шаруашылығымен қайта қауышып, балық шаруашылығы дамып келеді. Қазіргі таңда теңіз айдынынан 22 түрлі балық ауланып, заман талабына сай жылдық қуаттылығы 19 мың тоннадан астам 8 балық зауыттары жұмыс жасауда. Статистикалық мәліметтерге сүйенсек 1990 жылдары ауданда жылына 2000 тоннаға жуық балық ауланса, қазіргі таңда 8000 тоннадан астам балық ауланып, 3000 тоннаға жуық балық өңделіп отыр. Екі ел арасындағы ұзақ жылғы дипломатиялық қатынастардың тұрақты сақталуы мен дамуын қуана қолдай отырып, алдағы уақытта жемісті жұмыстарды жүзеге асыра береміз деп сенемін», – деді аудан әкімі.
</blockquote>
Кездесу барысында өңірді дамыту және Арал теңізінің солтүстік бөлігін қалпына келтіру жобасының жүзеге асырылуы, инвестиция тарту, экономикалық ынтымақтастық, шағын және орта бизнеске қолдау көрсету және экологиялық мәселелер сөз болды.
Өз кезегінде бас консул Эрик Майер жергілікті жердегі түйіткілді мәселелерді шешуге тиісті қолдаулар жасалатындығын жеткізді. Осы орайда аудан басшысы экономикалық тиімді бастамаларды қарастыруға дайын екенін айтты. Эрик Майер көрсетілген құрмет пен қонақжайлық үшін өз ризашылығын жеткізді.
Айта кету керек, аудан қонақтары күні ертең Арал ауданын кеңінен танып-білу мақсатында Көкарал бөгетіне барып, «ЭкоАрал» ғылыми-туристік орталығымен танысуды жоспарлап отыр.
<img src="https://kyzylorda-news.kz/wp-content/uploads/2020/12/129001706_2849700468691654_6149323605664517915_o.jpg" alt="" />
<img src="https://kyzylorda-news.kz/wp-content/uploads/2020/12/129246773_2849700482024986_3304540537491232782_o.jpg" alt="" />

Қазақстан және Қызылорда облысының жаңалықтары

Шәріп Әбдірахманов: Мүмкіндігі шектеулі жандарға жан-жақты көмек көрсетілуде

Гүлшара Әбдіқалықова: Шалғай елді-мекендерді интернет байланысымен қамтуды жеделдету қажет

Тұңғыш Президент күніне орай шығармашылық байқау өтті

Қызылордада 12 еріктілер ұйымы бар

Қызылордада аса ірі мөлшерде есірткі тасымалдаған қала тұрғыны ұсталды

МӘМС: 6 715 жоғары технологиялық медициналық қызмет көрсетілді

Қызылорда гарнизонына алғашқы мемлекеттік және құқықтық дайындық сабағы өтті

Құпия деректерге қауіп төніп тұр: Жалған онлайн ойынның сілтемесі таралып жатыр

Ауыл шарушылығы – тұрақты экономиканың көзі

Қызылордада 2 адамнан коронавирус індеті анықталды

Балаларға заңсыз ойын ұйымдастырған қызылордалыққа үкім шықты

АҚШ-тың Қазақстан Республикасындағы бас консулы Арал ауданында болды

Қазақстан және Қызылорда облысының жаңалықтары

Шәріп Әбдірахманов: Мүмкіндігі шектеулі жандарға жан-жақты көмек көрсетілуде

Гүлшара Әбдіқалықова: Шалғай елді-мекендерді интернет байланысымен қамтуды жеделдету қажет

Тұңғыш Президент күніне орай шығармашылық байқау өтті

Қызылордада 12 еріктілер ұйымы бар

Қызылордада аса ірі мөлшерде есірткі тасымалдаған қала тұрғыны ұсталды

МӘМС: 6 715 жоғары технологиялық медициналық қызмет көрсетілді

Қызылорда гарнизонына алғашқы мемлекеттік және құқықтық дайындық сабағы өтті

Құпия деректерге қауіп төніп тұр: Жалған онлайн ойынның сілтемесі таралып жатыр

Ауыл шарушылығы &#8211; тұрақты экономиканың көзі

Қызылордада 2 адамнан коронавирус індеті анықталды

Балаларға заңсыз ойын ұйымдастырған қызылордалыққа үкім шықты

АҚШ-тың Қазақстан Республикасындағы бас консулы Арал ауданында болды

Ауыл шарушылығы – тұрақты экономиканың көзі