Kyzylorda-news.kz. Қызылорда облыстық Қазақстан халқы ассамблеясының ұйымдастыруымен «Мың бала» республикалық мәдени-ағартушылық жобасы аясында «Мемлекеттік тіл – ұлт тірегі» атты зияткерлік ойыны өтті.
Аталған ойынға қалалық білім ошақтарынан 15 оқушы қатысты. Мемлекеттік тілді үйретудегі инновациялық идеяларды жинақтау және тарату мақсатында өткен ойынды «Қоғамдық келісім» КММ аға сарапшысы Гүлзира Сәрсенбек жүргізіп, қатысушы топтарға «Мың бала» республикалық мәдени-ағартушылық жобасы туралы ақпарат берді.
Оқушылар карантин режимін сақтай отырып, үш бағыт бойынша жарысты.
Kahoot.it – цифрлық smart сервисі арқылы қосылып, «Тіл – ұлы байлық», «Полиглот» және «Брэйнг ринг» кезеңдерінде өз білімдерін ортаға салды. Нәтижесінде бірінші орынды №10 «Білім-инновация» мектеп лицейі, екінші орынды Қалтай Мұхамеджанов атындағы №1 мектеп-гимназиясы, үшінші орынды Б.Шалғынбаев атындағы №217 IT мектеп-лицейі, төртінші орынды №198 Ж.Нұрманов атындағы орта мектебі, бесінші орынды Н. Ахмадеева атындағы №112 орта мектептің оқушылары иеленді.
Зияткерлік ойынға қатысып, белсенділік танытқан 5 топтың қатысушыларына «Қоғамдық келісім» КММ бөлім басшысы Қанат Ақылбеков диплом мен сыйлықтар табыстады.
<img src="https://kyzylorda-news.kz/wp-content/uploads/2020/08/118101017_2701207233531773_4579786474961612070_o.jpg" alt="" />
<img src="https://kyzylorda-news.kz/wp-content/uploads/2020/08/118074480_2701206650198498_250713967344682534_o.jpg" alt="" />
<img src="https://kyzylorda-news.kz/wp-content/uploads/2020/08/118085019_2701207330198430_7497015731349587970_o.jpg" alt="" />

Қызылордада &#8220;Мың бала&#8221; республикалық жобасы аясында зияткерлік ойын өтті

Kyzylorda-news.kz. Кейде жүргізуші мәжбүрлі не байқаусызда түрде жол жүру ережесін бұзып, айыппұл алуы мүмкін. Әрине, айыппұлды уақытылы төлеген абзал. Дегенмен әр түрлі жағдайға байланысты ұзақ уақыт төлей алмасаңыз айыппұлдың күшін заңды түрде жоюға болады.
Айыппұл – бұрыннан келе жатқан жаза түрі. Бұл көптеген мемлекеттердің азаматтық және қылмыстық құқығында қолданылады. Айыппұл дегеніміз – заңды бұзғаны үшін салынатын, әдетте мемлекет пайдасына өндіріп алынатын ақшалай қаражат.
Жол полициясы жүргізушіге ереже бұзғаны үшін айыппұл салса жеті тәуліктің ішінде&nbsp;50% төлеу арқылы оның мөлшерін азайтуға болады. Сондай-ақ арнайы камералар салған айыппұлды да жеңілдікпен төлеуге мүмкіндік бар.
Жол ережесін бұзған жүргізуші айыппұлды төлеуден жалтарып жүрсе әкімшілік жаза қолдану туралы шешімді мәжбүрлі түрде орындалуы бойынша үкім шығады. Бұл процесс екі кезеңге бөлінеді. Егер үкім күшіне еніп, алайда сот бір жылдың ішінде сот орындаушысына жібермесе ереже бұзған жүргізуші айыппұлды төлемеуге құқылы.
Сондай-ақ жүргізушіге істің мәжбүрлі орындалуға жіберілгені туралы ресми ескерту қажет. Әр айыппұлды Әділет министрлігінің ресми сайтында тексеруге болады. Егер арнайы қорда есіміңіз болмаса айыппұлды өшіруге болады. Ал кері жағдайда сот орындаушысынан хабар күтесіз.
Мерзімі 1 жыл 25 тәуліктен асқан айыппұлдың күшін жою үшін полиция бөлімшесіне жүгіну қажет. Есіңізде болсын, айыппұлды алған мекен-жай бойынша полиция басқармасына барасыз. Ол жерде жазбаша түрде не&nbsp;“Электронды үкімет” порталында арыз жазу арқылы айыппұлдың күшін жоясыз.
<a href="https://massaget.kz/layfstayl/tehno/auto/62992/">Massaget.kz</a>

Жол ережесін бұзғанда салынатын айыппұлдың күшін қалай жоюға болады?

Kyzylorda-news.kz. ДДҰ COVID-19 пандемиясы екі жыл ішінде аяқталатынын күтеді. Бұл туралы ұйымның бас директоры Тедрос Адханом Гебрейесус айтты, деп хабарлайды <a href="https://stan.kz/ddy-basshisi-koronavirus-pandemiyasinin-ayaktalu-merzim-336021/">Stan.kz.</a>
Ол атап өткендей, 1918 жылғы “испан тұмауы” індеті, 2 жылға созылған, ал ДДҰ-да індетке қарсы көптеген технологиялар бар.
<blockquote>
 “Үлкен байланыстар арқылы вирус тез таралады, бірақ бізде оны болдырмайтын технология бар. Сондықтан жаһандану және үлкен өзара байланыс түріндегі кемшілігіміз бар, бірақ технологияның да артықшылығы бар”, – деді ұйым басшысы.
</blockquote>
Бұған дейін ДДҰ денсаулық сақтау саласындағы төтенше жағдай бағдарламасының директоры Майкл Райан адамзат жақында коронавирусқа қарсы коллектитві иммунитет дамытпайды деген болжамды жариялаған болатын.

ДДҰ басшысы коронавирус пандемиясының аяқталу мерзімін атады

Kyzylorda-news.kz. Ағымдағы жылғы 21 тамызда облыс әкімінің орынбасары Серік Ахметтің төрағалығымен «Үкіметтік емес ұйымдармен өзара іс-қимыл және ынтымақтастық жөніндегі» облыстық кеңес отырысы өтті.
Күн тәртібінде 3 мәселе қаралды. Кеңес төрағасы Серік Ахмет азаматтық бастамаларды қолдау және оларға жан-жақты көмек көрсету – мемлекеттің басты міндеттерінің бірі екендігін баса айтты.
Расында, Үкіметтік емес ұйымдар – ел қуатын арттырып, мемлекеттің тұрақтылығын күшейтетін маңызды қоғамдық институт. Бүгінгі күні облыс көлемінде 996 үкіметтік емес ұйым тіркелген. Оның 454-і өңірдің рухани-мәдени, қоғамдық өміріне белсенді араласып, өз үлестерін қосып келеді.
Жылдан жылға мемлекеттік тапсырыс арқылы азаматтық қоғам құрылымдарына қаржылай қолдау көрсету көлемі де ұлғайып, үкіметтік емес ұйымдардың сан-салалы бағытта жұмыс істеуіне мүмкіндіктер жасалуда. Бұл туралы және ҮЕҰ-мен жүзеге асырылып жатқан әлеуметтік жобаларға жүргізілген мониторинг жұмыстары туралы облыстық ішкі саясат басқармасының басшысы Мира Қазбекова толық баяндап, алдағы міндеттерге тоқталды.
Сондай-ақ, «Қызылорда облысының Үкіметтік емес ұйымдарының Альянсы Ассоциациясы» заңды тұлғалар бірлестігінің жетекшісі Анар Ізден ұйымның жұмысы және алдағы міндеттер туралы баяндама жасаса, Қызылорда қаласындағы азаматтық қоғам институттарымен өзара іс-қимылы туралы Қызылорда қалалық ішкі саясат бөлімінің басшысы Алмасбек Есмаханов және Арал ауданы бойынша аудан әкімінің орынбасары Б.Жұмағұлов хабарлама жасады.
Кеңес отырысында пандемиядан кейінгі экономиканы қайта қалпына келтіруде азаматтық қоғам институттары мен жергілікті биліктің бірлесіп атқаратын нақты жұмыстары және қалалық, аудандық ресурстық орталықтар арқылы ауылдық жерде жұмыс жасайтын үкіметтік емес ұйымдарды қолдау шаралары пысықталды.
Кеңес қорытындысымен жауапты мемлекеттік мекемелерге әлеуметтік жобаларды ең алдымен Мемлекет Басшысының «Сындарлы қоғамдық диалог – Қазақстанның тұрақтылығы мен өркендеуінің негізі» атты Қазақстан халқына Жолдауында көтерілген өзекті мәселелерді шешуге бағыттау тапсырылды.
Жалпы, үкіметтік емес ұйымдардың әлеуметтік маңызды жобаларына облыстық, қалалық, аудандық бюджеттер арқылы бөлінетін қаржы соңғы 4 жылда 3 есеге артқан.Мемлекеттік әлеуметтік тапсырыс аясындағы бұл жобалар негізінен ұлтаралық қатынастарды реттеу және ұлттық саясатты жүзеге асыру, сыбайлас жемқорлық көріністерінің алдын-алу, жастар және отбасылық-демографиялық саясатты жүзеге асыру жұмыстарына, азаматтық бастамаларды қолдауға бағыттылған.
<img src="https://kyzylorda-news.kz/wp-content/uploads/2020/08/fb_img_1598073625006.jpg" alt="" />
<img src="https://kyzylorda-news.kz/wp-content/uploads/2020/08/fb_img_1598073626712.jpg" alt="" />
<img src="https://kyzylorda-news.kz/wp-content/uploads/2020/08/fb_img_1598073629058.jpg" alt="" />
<img src="https://kyzylorda-news.kz/wp-content/uploads/2020/08/fb_img_1598073631057.jpg" alt="" />
<img src="https://kyzylorda-news.kz/wp-content/uploads/2020/08/fb_img_1598073633270.jpg" alt="" />

Қызылордада 1000-ға жуық ҮЕҰ тіркелген

Kyzylorda-news.kz. Ағымдағы жылдың 10 маусымында «ҚР Азаматтық процестік кодексіне соттар жұмысының заманауи форматтарын ендіру, артық сот рәсімдері мен шығындарын қысқарту мәселелері бойынша өзгерістер мен толықтырулар енгізу туралы» Қазақстан Республикасының Заңы қабылданды. Бұл туралы Өңірлік коммуникациялар қызметінің ақпарат алаңында өткен брифингте Қызылорда облыстық сотының судьясы Шолпан Маликова.
<blockquote>
 “Аталған заң аясында Қазақстан Республикасының Азаматтық процестік кодексінде судьяның процестік рөлі нақтыланып, оған құқықтар мен заңды мүдделерді қорғау, процеске тиімді басшылық жасау, судьяға іс жүргізуде қосымша тараптардың істің мән-жайларын талқылау, олардың құқықтық ұстанымдары мен дәлелдерін нақтылау, іске қатысушы азаматтарға сұрақтар қою, іс материалдарын жинау және зерттеу бойынша шаралар қабылдау, оның ішінде өз бастамасымен сот тапсырмаларын беру, дәлелдемелерді талап ету және тағы да басқа өкілеттіліктер берілген. Заң бойынша бірқатар жағдайда судья өз қалауы бойынша сот отырысын өткізу қажеттігін айқындап, кейбір мәселелерді жеке сот актісін қабылдамай шешеді, ал оңайлатылған іс жүргізу ісін қарау тек электрондық форматта жүргізіледі. Сонымен бірге, жеке сот актісін қабылдамай шешілетін мәселелер, процеске қатысушылардың техникалық құралды пайдалану тәртібін реттейтін нормалар, татуластыру рәсімдері және тағы басқа заңнамаға елеулі жаңашылдықтар енгізілді”, – деді Шолпан Маратқызы.
</blockquote>
<img src="https://kyzylorda-news.kz/wp-content/uploads/2020/08/fb_img_1598069935067.jpg" alt="" />

Сот жүйесінде қандай өзгерістер бар?

Kyzylorda-news.kz. Қызылорда облысында тұрғындарға қажетті көмірдің 15% немесе 25 мың тонна көмір отыны жеткізілген. Қала және аудан тұрғындары үшін көмір бағасының өсуіне жол бермеу мақсатында көмір өндіретін кәсіпорындармен тікелей келісім-шарт жасау бойынша жұмыстар атқарылуда. Бұл туралы Өңірлік коммуникациялар қызметінің ақпарат алаңында өткен брифингте Облыстық энергетика және тұрғын үй-коммуналдық шаруашылық басқармасының басшысы Руслан Нұрмағанбетов.
<blockquote>
 «Нұрлы жер» және «Жұмыспен қамту жол картасы» бағдарламаларымен Қызылорда қаласында жүргізіліп жатқан 14 шақырым жылу жүйелерінің қайта жаңғырту жұмыстары 62%ға орындалды. Жалпы қысқа дайындық мәселелері облыстық штабтың тұрақты бақылауында. Бүгінгі күнге коммуналдық кәсіпорындардың жөндеу жұмыстары 66%-ға, әлеуметтік сала нысандары мен автономды қазандықтардың жөндеу жұмыстары 81 %-ға орындалды”,- деді Руслан Аймырзаұлы.
</blockquote>
Сонымен қатар орталықтандырылған жылу жүйесіне қосылған көпқабатты тұрғын үйлердің дайындығы 70% құрайды.
<img src="https://kyzylorda-news.kz/wp-content/uploads/2020/08/fb_img_1598067008746.jpg" alt="" />

Қызылордада жылу беру маусымына дайындық жұмыстары жүргізілуде

Kyzylorda-news.kz. Қазақстан аумағының басым бөлігінде құбылмалы ауа райы сақталады, деп хабарлайды Қазгидромет.
Еліміздің оңтүстігі мен оңтүстік-шығысында күн райы ашық болады. Республиканың кей жерлерінде жел күшейеді, дауыл соғуы мүмкін, солтүстік-батыста, солтүстікте тұман түседі, бұршақ жаууы ықтимал.
Қостанай облысының кей жерлерінде тұман түсіп, дауыл соғады, желдің жылдамдығы 15-20 м/с жетеді, бұршақ жаууы ықтимал.
Ақмола, Солтүстік Қазақстан облыстарынын кей жерлерінде тұман түсуі мүмкін. Күндіз Ақмола облысының кей жерлерінде жел 15-20 м/с жетеді.
Маңғыстау облысының кей жерлерінде дауыл соғады, жел 15-20 м/с күшейеді.
Күндіз Қызылорда, Батыс Қазақстан облыстарында жел 15-20 м/с күшейеді, күндіз Батыс Қазақстан облысында бұршақ жаууы ықтимал.
Қарағанды, Шығыс Қазақстан облыстарының кей жерлерінде жел 20 м/с күшейеді, Қарағанды ​​облысында екпіні 23 м/с жетеді.
Қызылорда, Түркістан, Жамбыл облыстарының, Алматы, Атырау облыстарының кей жерлерінде, Батыс Қазақстан оңтүстігінде, Қарағанды облысының оңтүстік-батысында төтенше өрт қаупі сақталады.

22 тамызға арналған ауа райы болжамы

<a href="https://kyzylorda-news.kz/date/2020/08/20/">Kyzylorda-news.kz.</a> «Халық денсаулығы және денсаулық сақтау жүйесі туралы» кодексіне сәйкес динамикалық байқылауға жататын әлеуметтік мәні бар және созылмалы ауруларға мамандандырылған медициналық көмек ТМККК және МӘМС пакеті (созылмалы аурулары бар науқастарға бейінді мамандардың динамикалық бақылауы) аясында көрсетіледі (туберкулезбен ауыратын науқастарды медициналық оңалту кезінде,&nbsp;амбулаториялық және стационарды алмастыратын жағдайларда).
Аурулардың тізімі инфографикадан көре аласыздар. Толық тізімді <a href="http://adilet.zan.kz/rus/docs/V1700015417">мына сілтемеден</a> табуға болады.
Егер аталған аурулардың бірімен ауыратын науқасқа тиісті медициналық көмек көрсетілмеген болса, әлеуметтік медициналық сақтандыру қорына Qoldau 24/7 мобильді қосымшасы арқылы хабарласыңыз.
<img src="https://kyzylorda-news.kz/wp-content/uploads/2020/08/hronich-zabolev-kaz.jpg" alt="" />
<img src="https://kyzylorda-news.kz/wp-content/uploads/2020/08/soc-znachim-zabolev-kaz.jpg" alt="" />

МӘМС: Қандай науқастарды тегін емдейді?

<a href="https://kyzylorda-news.kz/date/2020/08/21/">Kyzylorda-news.kz.</a> Қызылорда облыстық Экономикалық тергеу департаменті басшысының орынбасары жемқорлық қылмыс жасады деген күдікпен ұсталды.
Бұл туралы ҚР Сыбайлас жемқорлыққа қарсы іс-қимыл агентігінен мәлім етті, деп хабарлайды <a href="https://lenta.inform.kz/kz/kyzylorda-oblystyk-ekonomikalyk-tergeu-departamenti-basshysynyn-orynbasary-ustaldy_a3686033">ҚазАқпарат</a>.
<blockquote>
 «Алматы қалалық сыбайлас жемқорлыққа қарсы қызметі жемқорлық қылмысын жасады деген күдікпен Қызылорда облыстық экономикалық тергеу департаменті басшысының орынбасары мен оның сенімді өкілін ұстады. Олар топты адаммен алдын ала сөз байласып, алдау арқылы Алматы қаласы кәсіпкерінің 10 млн теңге сомасындағы ақшалай қаражатын банк шоттарын бұғаттан босатамын деген желеумен алып кеткен», – делінген хабарламада.
</blockquote>
Ведомство мәліметінше, күдіктілер кәсіпкерден 10 млн теңге сомасында ақшалай қаражат алған кезде ұсталды.

Қызылорда облыстық Экономикалық тергеу департаменті басшысының орынбасары ұсталды

<a href="https://kyzylorda-news.kz/">Kyzylorda-news.kz.</a> Әлеуметтік медициналық сақтандыру қоры Қызылорда облысы бойынша филиалы МӘМС жүйесінде сақтандыру мәртебеңізді онлайн режимінде қалай анықтауға болатынын түсіндірді.
№1 әдіс
<a href="http://www.fms.kz/">www.fms.kz</a>&nbsp;веб-сайтының төменгі оң жақ бұрышында «Мәртебені анықтау» жыпылықтайтын плагинді басыңыз. ЖСН енгізіңіз және сақтандырылған немесе сақтандырылмаған мәртебеңіз туралы мәлиметтерді берілуін күтіңіз.
№2 әдіс
Telegram-ға кіріп, іздеу батырмасы арқылы SaqtandyryBot деп жазып, тауып алыңыз. SaqtandyryBot терезесі ашылған соң алдымен Старт деген дайын тұрған тетікшені басу арқылы байланысты бастайсыз. Терезенің төменгі бөлімінде бірнеше қызмет бойынша мәзір ашылады. Соның ішінен «Сақтандыру мәртебесін анықтау» деп басасыз, 
ЖСН жазасыз. Міне осы жерде сіздің сақтандыру мәртебеңіз шығады.
№3 әдіс
МӘМС жүйесіне қатысу мәртебесін WhatsApp-тағы чат-бот (+7 700 103 1406) арқылы анықтауға болады. Тілді таңдаңыз — бұдан әрі нұсқаулық бойынша 4 саны (мәртебесін анықтау) — ЖСН енгізіңіз – дайын.
№4 әдіс
ЭЦҚ көмегімен egov.kz электрондық үкімет веб-сайтына кіреміз. «Денсаулық сақтау» қойындысын таңдаңыз. Әрі қарай ашылған терезесінде – «Медициналық көмек». «Қызметтер» бөлімінде – «Толық көрсету». Біз «<a href="https://egov.kz/cms/kk/services/health_care/pass171-2_mz">Міндетті әлеуметтік медициналық сақтандыру жүйесіне медициналық көрсетілетін қызметті тұтынушы ретінде қатысу туралы және аударымдардың және (немесе) жарналардың аударылған сомалары туралы ақпарат беру</a>» қызметін таңдаймыз. Содан кейін «Онлайн сұрау» батырмасын басу керек.
№5 әдіс
AppStore немесе Play Market көмегімен «Qoldau 24/7» мобильді қосымшасын жүктеп, орнатыңыз. Жүйеге тіркеліңіз. Мәзірден «Сақтандыру жағдайын тексеру» бөлімін таңдаңыз. ЖСН енгізіңіз және сақтандырылған немесе сақтандырылмаған мәртебеңіз туралы мәлиметтерді берілуін күтіңіз.

МӘМС жүйесінде сақтандыру мәртебеңізді онлайн режимінде қалай анықтауға болады?

<a href="https://kyzylorda-news.kz/date/2020/08/21/">Kyzylorda-news.kz.</a> Бүгін облыс әкімі Гүлшара Әбдіқалықова карантин шектеулерінің жеңілдетілуіне байланысты түрлі азаматтық қоғам өкілдерімен кездесті. Кездесуде азаматтар өңір басшысына толғандырып жүрген мәселелерін жеткізді.
Атап айтсақ, Шиелі ауданының тұрғыны, 1 топ мүгедегі Тамара Ақмағамбетова мүмкіндігі шектеулі жандардың мәселелерін көтеріп, оның ішінде аудандағы инватаксидің талапқа сай еместігі туралы шағымын білдірді. Аймақ басшысы Т.Ақмағамбетованың шағымын назарға алып, облыстық жұмыспен қамту және әлеуметтік бағдарламалар басқармасының басшысы Т.Дүйсебаевқа тиісті тапсырмалар берді және орындалу барысын баяндауды тапсырды.
<img src="https://kyzylorda-news.kz/wp-content/uploads/2020/08/118231155_2660399844063068_9090109251954253342_o.jpg" alt="" />
Сондай-ақ, Жаңақорған ауданының тұрғыны, көп балалы ана, «Ақжүніс» аналар қоғамының Қызылорда облысы бойынша өкілі Сандуғаш Тұрлыбекова аудандағы көпбалалы және жалғызбасты аналардың жағдайын қозғап, әлеуметтік көмектер көрсетуге байланысты өтінішін жеткізді. Аймақ басшысы Жаңақорған ауданының әкімдігіне көтерілген мәселелерді зерделеп, шешу жолдарын қарастыру бойынша бірқатар тапсырма берді.
<img src="https://kyzylorda-news.kz/wp-content/uploads/2020/08/118073669_2660399460729773_4871179606855106992_o.jpg" alt="" />
Кездесуде Жалағаш ауданының тұрғыны, көп балалы ана Эльмира Жанзақова денсаулық сақтау саласындағы мәселелерді айтты. Оның ішінде ауруханаларға жатып, жоспарлы ем алуда қиындықтар бар екеніне шағымын білдірді. Осыған орай, облыс әкімі Гүлшара Әбдіқалықова облыстық денсаулық сақтау басқармасының басшысы С.Пазиловке тұрғындардың ем алуында кедергілер болмауын және жақсы жағдай жасалу керек екенін ескертті.
Өз кезегінде «Ұмай» мектеп жасына дейінгі балаларға арналған суықтыру және тәрбиелеу қайырымдылық үйі» мекемесінің директоры, «Ұмай» балалар үйінің құрылтайшысы, БҰҰ ЮНИСЕФ балалар қорының Қызылорда облысындағы өкілі Анар Ізден «Қызылорда облысының Азаматтық Альянсы» Қауымдастығына қатысты ұсыныстарын жеткізді. Аймақ басшысы облыстық ішкі саясат басқармасына мәселені назарға алып, қолдау көрсетуді тапсырды.
<img src="https://kyzylorda-news.kz/wp-content/uploads/2020/08/118355914_2660399317396454_9186077059284418351_o.jpg" alt="" />
Ал, Қызылорда қаласының тұрғыны Нұргүл Махан жас мамандардың жұмыспен қамту мәселесін көтерсе, жас кәсіпкер Евгений Демиденко жаңашыл бизнес-жобаны жүзеге асыру үшін қолдау көрсетуді өтінді. Облыс әкімі тиісті сала басшыларына аталмыш мәселелерді назарда ұстау және шешу жолдарын қарастыру жөнінде тапсырма берді.

Облыс әкімі азаматтық қоғам өкілдерін қабылдады

<a href="https://kyzylorda-news.kz/date/2020/08/21/">Kyzylorda-news.kz.</a> Қызылордалық полицейлер аккумулятор ұрлады деген күдікпен екі облыс тұрғынын қолға түсірді.
Биыл наурыз-тамыз айлары аралығында Қызылорда қалалық Полиция басқармасының кезекші бөліміне облыс орталығының бірнеше тұрғындары көлік аккумуляторларының ұрланғандығы жөнінде арыз берген. Тұрғындардың айтуынша, түнгі уақытта қаскүнемдер жеке үйлердің аулаларына кіріп, автокөліктерден аккумулятор ұрлаған.
Мәселен, 12 тамызға қараған түні белгісіз біреу Белкөл кенті тұрғынының үй ауласында тұрған шетелдік автокөлік салонында жатқан әмиянын және аккумуляторын ұрлап кеткен. Қазіргі таңда жәбірленушілерге келтірілген материалдық шығыны есептелуде.
Полицейлермен жүргізілген жедел-іздестіру іс-шараларының нәтижесінде осы қылмыстарға қатысы бар екі күдікті ұсталды.
30 және 23 жастағы жұмыссыз облыс тұрғындары уақытша ұстау абақтысына қамаққа алынды. Айғақ заттар тәркіленді.
Полиция қызметкерлері күдіктілердің осындай бес ұрлық қылмысына қатысы бар екенін анықтап отыр. Қазіргі уақытта Қазақстан Республикасының Қылмыстық кодексінің 188-бабының 3-бөлігімен 3-тармағы (Ұрлық, қызметтiк немесе өндiрiстiк үй-жайға, қоймаға не көлік құралына заңсыз кiрумен жасалған ұрлық) сотқа дейінгі тергеп-тексеруді жүргізілуде.

Қазақстан және Қызылорда облысының жаңалықтары

Қызылордада “Мың бала” республикалық жобасы аясында зияткерлік ойын өтті

Жол ережесін бұзғанда салынатын айыппұлдың күшін қалай жоюға болады?

ДДҰ басшысы коронавирус пандемиясының аяқталу мерзімін атады

Қызылордада 1000-ға жуық ҮЕҰ тіркелген

Сот жүйесінде қандай өзгерістер бар?

Қызылордада жылу беру маусымына дайындық жұмыстары жүргізілуде

22 тамызға арналған ауа райы болжамы

МӘМС: Қандай науқастарды тегін емдейді?

Қызылорда облыстық Экономикалық тергеу департаменті басшысының орынбасары ұсталды

МӘМС жүйесінде сақтандыру мәртебеңізді онлайн режимінде қалай анықтауға болады?

Облыс әкімі азаматтық қоғам өкілдерін қабылдады

Бірнеше рет аккумулятор ұрлаған облыс тұрғындары ұсталды

Қазақстан және Қызылорда облысының жаңалықтары

Қызылордада &#8220;Мың бала&#8221; республикалық жобасы аясында зияткерлік ойын өтті

Жол ережесін бұзғанда салынатын айыппұлдың күшін қалай жоюға болады?

ДДҰ басшысы коронавирус пандемиясының аяқталу мерзімін атады

Қызылордада 1000-ға жуық ҮЕҰ тіркелген

Сот жүйесінде қандай өзгерістер бар?

Қызылордада жылу беру маусымына дайындық жұмыстары жүргізілуде

22 тамызға арналған ауа райы болжамы

МӘМС: Қандай науқастарды тегін емдейді?

Қызылорда облыстық Экономикалық тергеу департаменті басшысының орынбасары ұсталды

МӘМС жүйесінде сақтандыру мәртебеңізді онлайн режимінде қалай анықтауға болады?

Облыс әкімі азаматтық қоғам өкілдерін қабылдады

Бірнеше рет аккумулятор ұрлаған облыс тұрғындары ұсталды

Қызылордада “Мың бала” республикалық жобасы аясында зияткерлік ойын өтті