<a href="https://kyzylorda-news.kz/">Kyzylorda-news.kz</a>. Қараша айының қорытындысы бойынша COVID-19 және вирустық пневмониямен күреспен айналысатын аймақтың 825 медицина қызметкеріне жалпы сомасы 138 734,4 мың теңге үстемеақы бөлінді.
Наурыз айынан қазан айына дейін үстемақы алғандар:
Наурыз айында 520 медицина қызметкеріне қосымша 66&nbsp;779,4 мың теңге төленді.
Сәуірде – 1 921 медицина қызметкері, 315&nbsp;817,7 мың теңге
Мамырда – 1 874 медицина қызметкері, 317&nbsp;273,2 мың теңге
Маусымда – 2 392 медицина қызметкері, 417&nbsp;499,1 мың теңге
Шілдеде – 3 452 медицина қызметкері, 948&nbsp;280,4 мың теңге
Тамызда – 2 453 медицина қызметкері, 409&nbsp;641,6 мың теңге&nbsp;
Қыркуйекте – 839 медицина қызметкері, 99&nbsp;593,9 мың теңге
Қазан айында – 896 медицина қызметкері, 124 207,2 мың теңге
Наурыз-қараша айларында COVID-19 коронавирусының және (немесе) коронавирусымен науқастарды емдеудің алдын-алу шараларын жүзеге асырудағы ерекше еңбек жағдайлары үшін қосымша төлемдер сомасы 15&nbsp;082 қызметкерге 2 834&nbsp;643,3 теңге көлемінде төленді.
Жалпы, өңірдің медициналық қызметкерлерге үстемеақыларға Әлеуметтік медициналық сақтандыру қорынан 2 млрд.теңгеден астам қаражат бөлінді.
Коронавирустық инфекцияның таралу жағдайында жұмыс істейтін қызметкерлердің саны елдегі эпидемиологиялық жағдайға байланысты өзгеріп отырады. Тиісінше, аймақтық комиссиялар құратын үстемақы алушылардың тізімдері де әр түрлі. Комиссияларды әкім орынбасарлары басқарады. Комиссия құрамына медициналық сақтандыру Қоры филиалдарының қызметкерлері, облыстың бас мемлекеттік санитарлық дәрігері, денсаулық сақтау басқармаларының және үкіметтік емес ұйымдардың өкілдері кіреді.

Қызылордада 825 медицина қызметкеріне үстемақы бөлінді

<a href="https://kyzylorda-news.kz/">Kyzylorda-news.kz</a>. Келесі жылы Қазақстан Тәуелсіздіктің 30 жылдығын даурықпа шаралармен емес, нақты істермен атап өтеді. Бұл туралы президент Қасым-Жомарт Тоқаев мемлекеттік наградалар мен сыйлықтарды тапсыруға арналған салтанатты рәсімде мәлімдеді, деп хабарлайды&nbsp;<a href="http://www.akorda.kz/kz">Ақорда.</a>
Мемлекет басшысы жиынға қатысушыларды Тәуелсіздік күнімен құттықтады. Ол Тәуелсіздіктің 29-шы жылы күрделі, қиын әрі ерекше болғанын атап өтті.
<blockquote>
 “Алдағы жыл – межелі кезең. Бұл жыл ел Тәуелсіздігінің 30 жылдығы аясында өтеді. Бұл өткенге көз жүгіртіп, қорытынды жасайтын уақыт. Халқымыз үшін осы маңызды датаны нақты істермен және жаңа жобалармен қарсы аламыз. Даңғаза ақциялар мен даурықпа шаралардан бас тартып, бүкіл іс нақтылыққа құрылатын болады”, – деді президент. &nbsp;
</blockquote>
Экономика, әлеуметтік сала, экологиядағы жүйелі шаралардың көлемді кешенін іске асыру жалғасады. Халықтың барлық тобының, әсіресе жастар, әйелдер, мүмкіндігі шектеулі жандардың қажеттіліктеріне баса мән беріледі.
“Біз еліміздегі саяси жаңғырту үдерісін жалғастыра береміз”, -деді Тоқаев.
Президент пандемия салдарынан еліміздің басты ұлттық мерекесін кең көлемде атап өту мүмкін болмағанын айтты. Азаматтардың денсаулығы, өмірі және әл-ауқаты бәрінен жоғары тұрады. Сондықтан барлық іс-шара шектеулі форматта және онлайн режимде өтеді. Бірақ бұл жағдай Тәуелсіздік күнінің құны мен маңызын еш төмендетпейді.&nbsp;
<blockquote>
 “Президент лауазымындағы менің басты міндетім – әлеуметтік әділдік және халықтың әл-ауқатын арттыру. Сондықтан мемлекеттің күнделікті іс-әрекеті азаматтарымыздың тұрмыс сапасын жақсартуға бағытталады”, – деп мәлімдеді мемлекет басшысы.
</blockquote>
Ол биыл 4 миллионға жуық қазақстандықтың зейнетақысы мен әлеуметтік төлемақыларының мөлшері өсірілгенін еске салды. Әлеуметтік сақтандыру төлемақысы 5%-ке көбейтілді. Тұрмысы төмен отбасылардың 500 мыңнан астам баласы үшін кепілдендірілген әлеуметтік топтама енгізілді. Пандемия кезінде қиын жағдайға тап болған адамдарға 42500 теңге төленді. Мемлекеттен 4,5 миллионнан астам адам қаржылай көмек алды. Несиелердің шегерілуі 1 миллион 900 мыңға жуық қазақстандықтың дефолтқа түсуіне жол бермеді, деп толықтырды Тоқаев.

Тоқаев Тәуелсіздіктің 30 жылдығы жайлы: даңғаза акциялардан бас тартамыз

<a href="https://kyzylorda-news.kz/">Kyzylorda-news.kz</a>. Қызылорда облысында техникалық регламенттер талабына сай келмеген 665,90 келі құс еті сатылымнан алынды, деп хабарлайды <a href="https://lenta.inform.kz/kz/kyzylordada-talapka-say-kelmegen-665-keli-kus-eti-zhoyyldy_a3730282">ҚазАқпарат</a>.
Қызылорда облысының санитариялық-эпидемиологиялық бақылау департаменті мамандары биылғы жылдың 11 айында азық-түлік және азық-түлік емес өнімдері бойынша 1851 сынаманы сараптамаға алған болатын. Олардың 73,6 пайызын тағам өнімдері құрайды. Оның ішінде отандық өнімдер 25,7, Еуразиялық экономикалық одаққа мүше елдерде өндірілген өнімдер 64,7, өзге елдерде өндірілгендері 9,5 пайызды шамалайды.
Сараптама нәтижесі бойынша 111 сынамадан сәйкессіздік анықталды. Атап айтқанда, сәйкессіздіктердің 24-і микробиологиялық, 13-і физикалық-химиялық, 2-і қауіпсіздік, 77-і таңбалану бойынша тіркелді.
<blockquote>
 «Ал тамақ өнімдеріне қатысты 98 сәйкессіздік анықталды. Оның басым бөлігі құс еті, ет өнімдері мен алкогольсіз сусындар, кондитерлік өнімдердің үлесіне тиеді. Кеден Одағы техникалық регламенттер талаптарына сай келмеген өнімдер бойынша 32 сауда нысанына халықтың санитарлық-эпидемиологиялық салауаттылығы саласындағы заңнама талаптарын бұзуды жою жөніндегі нұсқамалар берілді. Бұдан бөлек, сәйкессіздіктер анықталған 665,90 келі құс еті өнімдері сатылымнан алынып тасталды», – деп мәлім етті Қызылорда облысының санитариялық-эпидемиологиялық бақылау департаменті.
</blockquote>
Ведомство өкілдері Ресейде өндірілген құрамында патогенді микроорганизмдер табылған балапан-бройлердің жіліншігі мен төс еті жартылай фабрикаттары сауда сөрелерінен алынып, олар толығымен жойылғаны жөнінде де хабарлады.

Қызылордада талапқа сай келмеген 665 келі құс еті жойылды

<a href="https://kyzylorda-news.kz/">Kyzylorda-news.kz</a>. Қазақстанда өткен тәулікте 661 адамда коронавирус індеті ПТР арқылы расталып ауырғаны белгілі болды.
Аймақтар бойынша: 
Нұр-Сұлтан қаласы – 47 
Алматы қаласы – 74 
Шымкент қаласы – 3 
Ақмола облысы – 68 
Ақтөбе облысы – 2 
Алматы облысы – 37 
Атырау облысы – 39 
Шығыс Қазақстан облысы – 60 
Жамбыл облысы – 30 
Батыс Қазақстан облысы – 43 
Қарағанды облысы – 32 
Қостанай облысы – 72 
Қызылорда облысы – 4 
Маңғыстау облысы – 5 
Павлодар облысы – 71 
Солтүстік Қазақстан облысы – 70 
Түркістан облысы – 4
Жалпы ел бойынша ауырғандар саны – 142 986.

Қызылордада өткен тәулікте 4 адам коронавирус індетін жұқтырды

Kyzylorda-news.kz. Қызылорда облыстық мәслихатының депутаттығына үміткер ретінде «Nur Otan» партиясының атынан тіркелген Расул Есенов, Сейткамал Сұлтанов, Самат Ақпамбетов сауда орындарын және аудан тұрғындарына үлгі бола алатын тұлғалардың үйін аралап, партияның сайлауалды бағдарламасы жөнінде ақпарат берді. Іс-шара карантин талаптары сақтала отырып, еркін форматта ұйымдастырылды.
<blockquote>
 «Nur Otan» партиясы өзінің сайлауалды бағдарламасында Сырдария ауданын дамытудың негізгі 7 басым бағытын айқындады. Оның басты мақсаты – халықтың өмір сүру сапасы мен әл-ауқатын үздіксіз жақсарту үшін жағдай жасау, – деді сауда нысандарында өткен кездесуде Расул Есенов.
</blockquote>
Партия белсендісінің сөзін қуаттай түскен Сейткамал Сұлтанов «Nur Otan» партиясының бастамалары тұрақты экономикалық даму және халықтың өмір сүру деңгейін арттыруға бағытталғанын атап өтті. Өз кезегінде Самат Ақпамбетов халықтың өмір сүру деңгейін арттыру, қайта өңдеу және сауда цехтарын дамыту, сапалы азық-түлікпен қамтамасыз ету үшін ауданның артықшылықтарын пайдалану қажеттігіне тоқталды және бұл сайлауалды бағдарламада көрініс тапқанын жеткізді.
<blockquote>
 “Ауыл тұрғындарын жұмыспен қамтуда және әл-ауқатын арттыруда шағын және орта бизнес маңызды рөл атқарады. Біздің мақсатымыз –кәсіпкерлікті дамыту үшін қолайлы жағдай жасау. Бұл үшін «Nur Otan» партиясы жыл сайын «Бизнестің жол картасы 2025» бағдарламасымен 15 кәсіпкерге пайыздық мөлшерлемесін субсидиялау шеңберінде несиелер және бизнесін жаңадан бастаушы азаматтарға гранттар ұсынуға ықпал ететін болады. Мұнан бөлек мемлекеттік бағдарламалар шеңберінде «Бастау-Бизнес», «Бизнес Кеңесші» жобаларымен жыл сайын 200-ден аса азаматтарды кәсіпкерлік негіздеріне оқытуға атсалысады”, – деді Расул Есенов.
</blockquote>
«Nur Otan» партиясы Қызылорда облысының Сайлау қорының қаражатынан төленді

Қызылордада сайлауалды бағдарламаның басым бағытары түсіндірілді

<a href="https://kyzylorda-news.kz/">Kyzylorda-news.kz.</a> Арал қаласындағы Зейнолла Шүкіров атындағы мәдениет үйінде аудан тұрғындарымен кездесу өтті. «Nur Otan» партиясы атынан облыстық мәслихат депутаттығына үміткер Мейрамбек Жұмашев, Лаура Ибраимова қатысып, партияның сайлауалды бағдарламасымен таныстырды.
Үміткерлер «Nur Otan» партиясының аз уақыт ішінде еліміздің жетекші саяси күші ретінде халқымыздың бірлігіне, еліміздің гүлденуіне қосқан үлесі жайлы айтып, алдағы уақытта да қазақстандықтың игілігіне жұмыс жасауды жалғастыратынын айтты.
Бірінші кезекте әлеуметтік жобаларын жүзеге асыруды жалғастырады. Сумен жабдықтау және газ мәселелерін шешу үшін 2023 жылы Сырдария топтық сутартқышына Арал ауданының Абай, Тоқабай, Ақбасты ауылдарын қосу жоспарланған. 18 ауылда сумен жабдықтау жүйесін жақсарады оның ішінде, Арал ауданының Көктем, Аққұлақ, Күршек, Құланды елді мекендері бар. Облыстың 19 елді мекенін Арал ауданының Сексеуіл кенті, Шижаға, Қамыстыбас кентін газбен қамтамасыз ету жоспарланған. Арал ауданының Қамыстыбас көлінің жағалауында жағажай туризмін дамытуға 100 демалыс үйін салуды мақсат етіп отыр. Аудандағы 10 көпқабатты тұрғын үйге күрделі жөндеу жүргізіледі, деді «Nur Otan» партиясы атынан облыстық мәслихат депутаттығына үміткер Мейрамбек Жұмашев. 
Ал, Лаура Ибраимова «Nur Otan» партиясы өңірдің ең өзекті проблемаларының бірі Арал теңізінің солтүстік бөлігін сақтап қалу жобасының екінші кезеңі жүзеге асырылатындығын айтып әлеуметті қуанытты. 
Үміткерлер тұрғындардың пікірін тыңдап, сұрақтарына жауап берді. Еліміздің жетекші партиясын қолдап, 10 қаңтар күні өтетін сайлауда «Nur Otan» партиясына дауыс беруге шақырды.
«Nur Otan» партиясы Қызылорда облысының Сайлау қорының қаражатынан төленді
<img src="https://kyzylorda-news.kz/wp-content/uploads/2020/12/img-20201214-wa0003.jpg" alt="" />
<img src="https://kyzylorda-news.kz/wp-content/uploads/2020/12/img-20201214-wa0004.jpg" alt="" />

Арал: Әлеуметтік жобалар жалғасады

<a href="https://kyzylorda-news.kz/">Kyzylorda-news.kz</a>. Бүгін облыс әкімі Гүлшара Әбдіқалықова Тәуелсіздік мерекесі қарсаңында ҚР Тұңғыш Президенті қорының ұйымдастыруымен өткен «Ел үміті» және «Мың бала» жобаларының жеңімпаздарын қабылдады. Жиында аймақ басшысы терең білім алу қай кезеңде де өзекті екенін айтып, зияткер, көшбасшы балаларға сәттілік тілеп, айрықша сенім білдірді.
<blockquote>
 “Біз үшін жастармен жүздесіп, пікір алмасатын әрбір кездесудің маңызы ерекше. Ал бүгінгі кездесудің мәні тіптен бөлек деуге болады. Біз әлемнің жаңа талаптары мен сұраныстарына лайықты жауап беруіміз керек. Ол үшін Сіздер, Тәуелсіз еліміздің жаңа буын жастары, білімді әрі талапты болуларыңыз керек. Ата-бабаларымыз ғылым-білімнің тек оқу арқылы табылатынын өсиет етті. Сондықтан, егемен еліміздің жаңа, азат ойлы буыны ретінде Сіздердің алдарыңызда Тәуелсіздікті көздің қарашығындай сақтап, Отанымыз үшін пайдалы білім алу міндеті тұр”,-деді облыс әкімі.
</blockquote>
«Ел үміті» жобасына облыстан 430 талапкер қатысқан. Нәтижесінде 62 қатысушы қола медальге болды. Ал, «Мың бала» Ұлттық зияткерлік олимпиадасында ауыл мектептерінен барлығы 18 мыңнан астам оқушы бақ сынады. Оның 75-і жеңімпаз атанды. Үздік жастардың 23-і дарынды балаларға арналған мектептерге конкурстан тыс қабылданып, Елбасы Академиясы жанындағы «Бірге оқу» онлайн мектебінде пәндік дайындықтан өтуде.
Жиында «Ел үміті» және «Қамқорлық» бастамаларына арналған бейнеролик көрсетіліп, дарынды жастардың пікірі тыңдалды. Байқау жеңімпазы Санжар Асфендияров атындағы медицина университетінің 3-курс студенті Нұрай Әбжан аймақ басшысына арнайы алғысын білдіріп, «Елбасы медалі» сыйлығын иелену бақыты бұйырғанын мақтанышпен жеткізді.
Қабылдау соңында облыс әкімі Гүлшара Әбдіқалықова білім бәйгесінде оза шауып, үздіктердің қатарынан көрінген 10 оқушыға Елбасы медалін табыс етті. Сондай-ақ, «Мың бала» олимпидасының жүлдегерлеріне ноутбук беріп, ілтипат танытты. Ерекше айту керек, үздіктердің қатарынан көрінген қызылордалық №101 мектеп оқушысы Елдос Төлепберген Елбасы қолынан медаль иеленді.
<img src="https://kyzylorda-news.kz/wp-content/uploads/2020/12/131398242_2972200666216316_7016850079266603382_o.jpg" alt="" />
<img src="https://kyzylorda-news.kz/wp-content/uploads/2020/12/131442571_2972201342882915_8399201306137061287_o.jpg" alt="" />

Облыс әкімі «Ел үміті» және «Мың бала» жобаларының жеңімпаздарын марапаттады

<a href="https://kyzylorda-news.kz/">Kyzylorda-news.kz</a>. Қызылорда қалалық полиция басқармасының бастығы, полковник Ермек Искаков бастаған 100-ден астам полиция&nbsp; қызметкері қызылордалықтардың өмірі мен денсаулығын құтқаруға өз үлесін қосқан ерікті донор болды.
Бұл құқық қорғау органдары қызметкерлерінің қатысуымен ұйымдастырылған қайырымдылық акциясы. Бұл іс-шараны дәстүрге айналдырып жыл сайын өткізу жоспарда бар. Полицияда көптеген тұрақты донорлар бар, олар мұқтаж науқастарға үнемі қан тапсыру міндеті деп санайды. 7 жыл бойы қан тапсыратын тұрақты донорлардың бірі жергілікті полиция бөлімінің аға инспекторы, капитан Даулетов Азат болып табылады.
<blockquote>
 «Мен,7 жылдан бері донор болып, қан тапсырып келемін. Бір тамшы қан бір адамға өмір сыйлайды. Ендеше қайырымдылық акциясына барша қызылордалықтарды қатысуға шақырамын!» – деді ол.
 «Полиция жұмысы күн сайын қауіп-қатермен байланысты, сондықтан да құқық қорғау органдарының қызметкерлері дертке тап болған адамдарға уақытында көмек көрсетудің қаншалықты маңызды екенін басқалардан жақсы біледі. Өз елінің адал азаматтары ретінде, полиция қызметкерлері ауруханалық төсекте қайғыға душар болған адамдарға тек қана денсаулық тілейді. Полиция қызметкерлері арасында ерікті донорлар саны жыл сайын артып келеді», – деді Ермек Бердалыұлы.
</blockquote>
Акцияға қатысып, «Қан тапсырған – біреудің өмірін құтқарады» – деген ойға келген полицейлер жұмыс орындарына қоғамдық тәртіп пен қаланың жол қауіпсіздігін сақтауға аттанды.

Қызылордада  полицейлер қайырымдылық донорлық акцияға қатысты

<a href="https://kyzylorda-news.kz/">Kyzylorda-news.kz</a>. Бүгін облыс әкімі Гүлшара Әбдіқалықованың қатысуымен 16 желтоқсан – ҚР Тәуелсіздігі күніне орай салтанатты шара өтті. Шараға мемлекеттік мекеме, құқық қорғау органдарының өкілдері мен түрлі салада еңбек етіп, Сыр өңірінің дамуына үлес қосып жүрген азаматтар қатысты.
<blockquote>
 «Еліміздің ең басты ұлық мерекесі – Қазақстан Республикасының Тәуелсіздігі күнімен шын жүректен құттықтаймын! Тәуелсіздік – бұл біздің ең қастерлі де қасиетті, баға жетпес құндылығымыз. Қазақстан – шекарасы нақтыланған, Әнұраны көкте қалқып, Көк Туы желбіреген, Елтаңбасы қалыптасқан, Тілі, Төл Теңгесі, Әскери Күші бар іргелі мемлекетке айналды. Тәуелсіздіктің алғашқы күндерінен экономикамызды қалыптастыруға барынша күш салудамыз. Осы ретте, Алаштың анасы атанған Сыр елі де – Тәуелсіз Қазақстанның дамуына зор үлесін қосып келеді», – деді облыс әкімі Гүлшара Әбдіқалықова.
</blockquote>
<img src="https://kyzylorda-news.kz/wp-content/uploads/2020/12/131291685_2972139266222456_7948592939145489945_o.jpg" alt="" />
Сонымен қатар салтанатты шарада облыс әкімі Гүлшара Әбдіқалықова бірқатар азаматтарға Қазақстан Республикасының Президенті Қасым-Жомарт Кемелұлы Тоқаевтың 2020 жылғы 3 желтоқсандағы № 461 Жарлығына сәйкес мемлекеттік және қоғамдық қызметте сіңірген еңбегі, елдің әлеуметтік-экономикалық сондай-ақ мәдени дамуына, халықтар арасындағы достық пен ынтымақтастықты нығайтуға қосқан елеулі үлесі үшін берілген мемлекеттік наградаларын табыстады. Олардың қатарында мәдениет және ғылым қайраткерлері, денсаулық сақтау, білім беру, ауыл шаруашылығы, өндіріс және бизнес салаларының өкілдері бар.
ІІ дәрежелі «Барыс» орденімен Қызылорда «Болашақ» университетінің ғылыми жетекшісі, экономика ғылымдарының докторы, профессор, Қазақстан Республикасы Ұлттық ғылым академиясының академигі Бақберген Досманбетов марапатталса, «Құрмет» ордені Қызылорда облыстық жұқпалы аурулар ауруханасының бас дәрігері Айна Мұхамбетова, Қармақшы ауданындағы«Жаңа жол» ЖШС директоры Орынбасар Төлепов және басқа да азаматтарға табысталды.ІІІ дәрежелі «Еңбек даңқы» орденімен марапатталғандардың қатарында Сырдария ауданындағы «Қызылдихан» шаруа қожалығының механизаторы Қанат Байкенжеев, Қызылорда қаласындағы «ҚазГерМұнай» біріккен кәсіпорны» ЖШС операторы Қайрат Бисенбаев, Қызылорда жылу электр орталығының слесарі Әділбек Боханов, Шиелі ауданындағы «Байкен U» ЖШС дәнекерлеушісі Жолдасбек Мырзалиев және т.б бар.
Ерекше атап өту кету керек, биыл Мемлекет Басшысының арнайы марапатымен Қазақстан Республикасы Президентінің Құрмет грамотасымен өңірімізде алғашқы болып еңбек ардагері, мемлекет және қоғам қайраткері Биғали Қаюпов наградталған, ал, Нартай Бекежанов атындағы Қызылорда облыстық қазақ музыкалық драма театрының әртісі Бақытбек Темірбековке «Қазақстанның еңбек сіңірген қайраткері» құрметті атағы табысталды.
Сондай-ақ, Тәуелсіздік мерекесіне орай жазушы, эколог-публицист, Қазақстан Жазушылар одағының мүшесі,әдебиет саласы бойынша мемлекеттік стипендия иегері Сайлаубай Жұбатырұлы мен мемлекет және қоғам қайраткері Сейітсұлтан Айымбетовке «Қызылорда облысының құрметті азаматы» атағы берілді.Салтанатты шара мерекелік концертпен жалғасты.
<img src="https://kyzylorda-news.kz/wp-content/uploads/2020/12/131321503_2972139729555743_2359812634010768133_o.jpg" alt="" />
<img src="https://kyzylorda-news.kz/wp-content/uploads/2020/12/131395270_2972139412889108_235597330655269367_o.jpg" alt="" />
<img src="https://kyzylorda-news.kz/wp-content/uploads/2020/12/131239304_2972140309555685_366596921838015362_o.jpg" alt="" />

Қызылорда: Тәуелсіздік күніне орай бірқатар азамат мемлекеттік наградалармен марапатталды

<a href="https://kyzylorda-news.kz/">Kyzylorda-news.kz</a>. Қызылорда облысының оңтүстік аудандарының бірінің тұрғындары міндетті әлеуметтік медициналық сақтандыру аясында медициналық қызметтерді белсенді пайдаланады. Жыл басынан бері 227 тұрғын Шиелі ауданаралық ауруханасында оңалту қызметтерін тегін алды.
Алты жыл бұрын Гүлсара Есетова апатқа ұшырады. Мүгедектер арбасы, қалпына келтірудің қиын кезеңдері артта қалды. Сол жылдары әртүрлі қымбат медициналық қызметтерге көп қаражат жұмсалды, деп еске алады Гүлсара. МӘМС жүйесін енгізумен сақтандырылған азаматтар үшін, оның ішінде жеңілдікті санаттар үшін медициналық қызмет түрлері айтарлықтай кеңейді.
<blockquote>
 «Мен жұмыссызмын, III топтағы мүгедекпін, сақтандырылғанмын. Мемлекеттің өз азаматтарына қамқорлық жасайтыны қуантады. Бұрын қажетті оңалтудан өту үшін Нұр-сұлтан, Алматы қалаларына баруға тура келетін. Енді бұл медициналық қызметтер өз аумағында қол жетімді. Қазір маған едәуір жақсардым, таяққа сүйеніп жүремін», – дейді Гүлсара Есетова.
</blockquote>
Бестам ауылының тұрғыны Күлбибі Нұржанованың аяғынаң жарақат алды. МӘМС жүйесінің арқасында Алматыда тегін ем алды. Енді Шиелі ауданаралық ауруханасында оңалту емінен өтіп жатыр.
<blockquote>
 «Мен тайып, аяғыма ауыр жарақат алдым. Травматолог, учаскелік дәрігер емделуге, содан кейін оңалтуға жіберілді. Маған зертханалық қызметтер, рентген, КТ, емдік дене шыныктыру, электрофорез, массаж тегін беріледі. Мен МӘМС жүйесінде сақтандырылғанмын, өйткені ай сайын 2 125 теңге мөлшерінде жарна төлеймін. МӘМС жүйесіне ризамын, өйткені бұрын бұл медициналық қызметтердің бәріне бірдей қол жетімді болған жоқ», – деп атап өтті Күлбибі Нұржанова.
</blockquote>
Жыл басынан Шиелі ауданаралық ауруханасының 227 пациентін қалпына келтіру еміне Әлеуметтік медициналық сақтандыру қорынан 48&nbsp;320,7 мың.теңге бөлінді.
<img src="https://kyzylorda-news.kz/wp-content/uploads/2020/12/onaltw-shieli--scaled.jpg" alt="" />
<img src="https://kyzylorda-news.kz/wp-content/uploads/2020/12/onaltw-shieli-1-1-scaled.jpg" alt="" />

Шиелі ауданында МӘМС аясында 227 тұрғын оңалтудан өтті

<a href="https://kyzylorda-news.kz/">Kyzylorda-news.kz</a>. Тәуелсіздік күні қарсаңында бірқатар азамат мемлекеттік наградалармен марапатталды, деп хабарлайды&nbsp;<a href="https://www.akorda.kz/kz/events/akorda_news/akorda_other_events/tauelsizdik-kuni-karsanynda-birkatar-azamat-memlekettik-nagradalarmen-marapattaldy-1">Ақорда.</a>
Тәуелсіздік күні мерекесі қарсаңында Қазақстан Республикасы Президентінің Жарлығымен мемлекетіміздің әлеуметтік-экономикалық және мәдени дамуына, халықтар арасындағы достық пен ынтымақтастықты нығайтуға қосқан елеулі үлесі, белсенді қоғамдық қызметі үшін ел азаматтарының үлкен бір тобы мемлекеттік наградалармен марапатталды. Олардың қатарында өндіріс, бизнес, білім беру, денсаулық сақтау салаларының көрнекті өкілдері, әскери қызметшілер, құқық қорғау органдарының қызметкерлері, спортшылар, соғыс және еңбек ардагерлері, мәдениет және ғылым қайраткерлері бар.
«Қазақстанның Еңбек Ері» атағы Қазақстан Республикасының экономикасын дамытудағы және өндірістік қызметтегі ерекше еңбегі үшін Павлодар облысы «Еуроазия энергетикалық корпорациясы» АҚ «Восточный» кенішінің машинисі Мұрат Қайыргелдинге және Теміртау металлургия комбинатының атқарушы директоры Вадим Басинге берілді.
«Отан» орденімен «Астана Опера» мемлекеттік опера және балет театрының жетекші солисі Майра Мұхамедқызы марапатталды. «Қазақстан Республикасының Тұңғыш Президенті – Елбасы Нұрсұлтан Назарбаев» орденімен Қазақстан Республикасының Премьер-Министрі Асқар Мамин, Алматы облысының әкімі Амандық Баталов, «Kazakhmys Holding» ЖШС президенті Владимир Ким, «BSB» Қаржы-өнеркәсіп корпорациясы» ЖШС президенті Рашит Сарсенов; І дәрежелі «Барыс» орденімен Жәния Әубәкірова авторлық мектебінің директоры Жәния Әубәкірова, ақын Шөмішбай Сариев, Алматы облысы «Хильниченко и К» коммандиттік серіктестігінің төрағасы Виктор Хильниченко; ІІ дәрежелі «Барыс» орденімен жазушы, «Тіл-қазына» ұлттық ғылыми-практикалық орталығының бас директоры Әлібек Асқар, Абай атындағы Қазақ ұлттық педагогикалық университеті жанындағы орталықтың жетекшісі Әлия Бейсенова, Конституциялық Кеңес мүшесі Асхат Дауылбаев, Қызылорда қаласындағы «Болашақ» университетінің ғылыми басшысы Бақберген Досманбетов, Парламент Сенатының депутаты Мұхтар Құл-Мұхаммед; ІІІ дәрежелі «Барыс» орденімен Парламент Мәжілісінің депутаты Омархан Өксікбаев марапатталды.
Белгілі ғалымдар, мәдениет қайраткерлері, өндірістік сала өкілдерінің еңбектері «Парасат» орденіне лайық деп танылды. Олардың арасында Ұлттық ғылым академиясының академигі М.Баймаханов, «Бүркіт» мемлекеттік авиакомпаниясы» РМК директоры А.Дзюба, «Ақмола-Тіршілік» ЖШС директоры Ж.Ерғалиев, «Бибі-Ана» қайырымдылық қорының президенті Б.Иманғазина, Қазақстан Республикасының Ұлттық музейінің антропологы О.Ысмағұлов, «Ауыл шаруашылығы жұмыскерлерінің салалық кәсіби одағы» АҚ төрағасы Е.Каппель, Қ.Қуанышбаев атындағы Мемлекеттік академиялық қазақ музыкалық драма театрының әртісі Т.Мейрамов, Қазақстанның тұңғыш Президенті – Елбасының көмекшісі Д.Ақышев, Премьер-Министрдің орынбасары А.Смайылов, Сыртқы істер министрі М.Тілеуберді, ақын Р.Ниязбек, Абай атындағы Қазақ ұлттық педагогикалық университеті жанындағы ғылыми-практикалық орталықтың директоры Ф.Оразбаева, Қостанай облысы «Фрунзенское» ЖШС директоры Н.Шерер бар.
І дәрежелі «Достық» орденімен «Мабетекс групп» компаниясының негізін қалаушы Б.Паколли марапатталды. ІІ дәрежелі «Достық» орденіне Сыртқы істер министрлігінің ерекше тапсырмалар жөніндегі елшісі З.Аманжолова, Түркістан облысы «YDA Group» директорлар кеңесінің төрағасы А.Хусейн, Қызылорда облысы әкімі аппаратының жанындағы «Қоғамдық келісім» РММ сарапшысы С.Крюгер, дипломатиялық қызмет ардагері Б.Нұрғалиев, Н.Сац атындағы Мемлекеттік балалар және жасөспірімдер академиялық орыс театрының әртісі Т.Тарская, Жамбыл облысы бойынша Махмұд Қашғари атындағы Ұйғыр этномәдени бірлестігінің төрағасы М.Турдыева, Шығыс Қазақстан облысы «Семена масличных» ШҚ басшысы Л.Цыбенко және басқалар ие болды.
«Қазақстанның еңбек сіңірген қайраткері» құрметті атағы ғылым және мәдениет саласының 21 көрнекті өкіліне берілді, олардың ішінде белгілі әншілер Ж.Айжан мен Т.Серіков, ғалым Р.Жансараева, ақын И.Сапарбай, актер С.Матвеев, өнертанушы К.Ли, театр және кино әртістері З.Карина, Б.Тушаев және басқалар бар.
Белгілі ғалымдар, мәдениет қайраткерлері, өндірістік сала өкілдерінің еңбектері «Құрмет» орденімен бағаланды. Олардың қатарында Нұр-Сұлтан қаласының әкімдігі жанындағы Мемлекеттік академиялық филармонияның әншісі С.Айтбаева, Қазақстан Республикасының Моңғолиядағы Төтенше және өкілетті елшісі Ж.Әділбаев, жазушылар С.Дәуітов және А.Кемелбаева, «Дизайнерлердің еуразиялық одағы» акционерлік қоғамының төрағасы Е.Асылханов, Маңғыстау облысы Жаңаөзен политехникалық колледжінің директоры Т.Болатбаева, Түркістан облысы Арыс қаласы В.Комаров атындағы №8 жалпы білім беретін орта мектебінің мұғалімі Т.Бородина, Алматы қаласы «Қазақконцерт» мемлекеттік концерт ұйымының әртісі М.Жүнісова, «ҚазАқпарат» халықаралық ақпарат агенттігі Басқарма төрағасының кеңесшісі Қ.Әбуова, Солтүстік Қазақстан облысы «Раисовское» ЖШС директоры В.Коваленко, «Қазақ әдебиеті» газетінің бас редакторы Д.Қуатов, Ақтау қаласы «Ақ Бидай-Терминал» АҚ басқарма төрағасы С.Көбейсінов, қоғам қайраткері Қ.Жолдыбайұлы, ақын С.Дүйсенғазы, М.Әуезов атындағы Мемлекеттік қазақ академиялық драма театрының әртісі Ш.Меңдиярова, Павлодар қаласындағы №3 қалалық ауруханасының бөлім меңгерушісі В.Павлов, «Атырауинжстрой» жауапкершілігі шектеулі серіктестігі Директорлар кеңесінің төрағасы В.Пак, Ұлттық қоғамдық сенім кеңесінің мүшесі А.Омарова, айтыскер ақын А.Тұрсынбаева, актер Ә.Райынбеков, «Ақтөбе облысы Чернобыль мүгедектері» АҚ төрағасы Б.Сатов, Ғ.Құрманғалиев атындағы Батыс Қазақстан облыстық филармониясының солисі С.Таудаева, еңбек ардагері К.Әлпейісова, Л.Гумилев атындағы Еуразия Ұлттық университетінің кафедра меңгерушісі Т.Қайыркен, ғалым О.Сәбден және басқа да тұлғалар бар.
Өнеркәсіп, көлік, құрылыс, ауыл шаруашылығы, білім беру, денсаулық сақтау, әлеуметтік қамтамасыз ету және және басқа да салалардың 94 еңбеккері ІІІ дәрежелі «Еңбек Даңқы» орденінің иегерлері атанды.
Әскери және қызметтік борышын үлгілі атқарғаны, заңдылық пен құқықтық тәртіпті қамтамасыз етуде көрсеткен ерлігі мен жанқиярлығы, елдің ұлттық қауіпсіздігі мен қорғаныс қабілетін нығайтуға қосқан үлесі үшін әскери қызметшілер мен құқық қорғау органдары өкілдерінің бір тобы І және ІІ дәрежелі «Даңқ», сондай-ақ, І, ІІ, ІІІ дәрежелі «Айбын» ордендерімен, «Ерлігі үшін» және «Жауынгерлік ерлігі үшін» медальдарымен марапатталды.
Наградталғандардың тізімі баспасөзде жарияланады.
<img src="https://kyzylorda-news.kz/wp-content/uploads/2020/12/2012141519439518g.jpg" alt="" />
<img src="https://kyzylorda-news.kz/wp-content/uploads/2020/12/2012141519410617g.jpg" alt="" />

Тәуелсіздік күні қарсаңында бірқатар азамат мемлекеттік наградалармен марапатталды

<a href="https://kyzylorda-news.kz/">Kyzylorda-news.kz</a>. Қазақстанда автокөлік жолдарының жаңа учаскелері ақылы болады. Жыл соңына дейін осындай жолдардың 5,8 мың шақырымын ашу жоспарланып отыр. Бұл туралы БАҚ-пен кездесу кезінде “ҚазАвтоЖол” ҰК” АҚ басқарма төрағасы Ұлан Әліпов мәлімдеді.
Ұлттық компания басшысы өткен жылы “ҚазАвтоЖол” ақылы жүйені енгізу үшін инвестициялық конкурс өткізгенін айтты. Оны Computer Vision Technologies жеңіп алған.
<blockquote>
 “Бірлескен консорциум болды. Тайвань компаниясы кеңесші болды және олар 11 мың шақырым жолды ақылы етуді жоспарлап отыр. Жыл соңына дейін 13 учаскені немесе 5,8 мың шақырымды іске қосу жоспарланып отыр”, – деді Ұлан Әліпов.
</blockquote>
Қазір құрылыс-монтаждау жұмыстары аяқталды, кейбір учаскелер пилоттық режимде іске қосылды.
“Қалған учаскелерді толық жабдықтау жұмыстары жүріп жатыр. 2021 жылдың наурыз-сәуір айында өндірістік пайдалануға беруді жоспарлап отырмыз. Яғни, ақша алу наурыз-сәуір айында басталады”, – деді Ұлан Әліпов.
Оның айтуынша, басты міндет – қауіпсіздікті қамтамасыз ету және жолдарды күтіп ұстау шығындарын өтеу. Әліпов мұның әлемдік тәжірибе екенін атап өтті.
<h3 id="">Қай жолдар ақылы болады:</h3>
<ul>
<li>Шымкент – Ташкент;</li>
<li>Қапшағай – Талдықорған;</li>
<li>Павлодар – Нұр-Сұлтан;</li>
<li>Павлодар – Омбы – Ресей шекарасы.</li>
</ul>
<h3 id="-1">Республиканың батысында мына жолдар ақылы болады:</h3>
<ul>
<li>Атырау – Ақтау;</li>
<li>Бейнеу – Ақжігіт;</li>
<li>Ақтөбе – Орал;</li>
<li>Орал – Тасқала;</li>
<li>Орал – Самара учаскесі.</li>
</ul>
Бұған дейін “ҚазАвтоЖол” ҰК” АҚ басқарма төрағасы 2021 жылдың басында Қазақстанда республикалық автожолдарда тәртіп бұзушыларды анықтайтын “Сергек” камералары орнатылатынын хабарлаған болатын.
<a href="https://sputnik.kz/economy/20201214/15734049/zholdar-aqyly-bolady.html">Sputnik Қазақстан</a>

Қазақстан және Қызылорда облысының жаңалықтары