<a href="https://kyzylorda-news.kz/">Kyzylorda-news.kz.</a> Депутаттар Білім және ғылым министрлігін екі бөлімге бөлуді ұсынады – білім министрлігі және жоғары білім және ғылым министрлігі. &nbsp;
Сенатор Мұрат Бақтиярұлының айтуынша, қазір мемлекеттік орган мұндай жүктемені жеңе алмайды. Өйткені, балабақшалардан бастап университеттерге дейінгі оқушылардың мәселелерін шешу керек. Штаттың&nbsp;санын өзгертпей, жұмыс істеп тұрған министрліктер базасында жаңа министрліктер құру қажет.
Сондай-ақ, депутат ЖОО ректорларын жиі ауыстыру керек деп санайды.
“Елімізде ондаған жылдар бойы ректорлар болып жұмыс істеп келе жатқан адамдар бар. Менің ойымша, бұл нарық дәуірінде дұрыс емес. Бізге ЖОО-ға ректорларды кемінде төрт жылға тағайындайтын, олар екі мерзімнен артық ректор лауазымын атқара алмайтындай қағидатты енгізу қажет”, – деді парламент&nbsp;сенатының депутаты Мұрат Бақтиярұлы.
Еске салыйық, сенатта білім туралы заңға&nbsp;<a href="https://stan.kz/kazakstanda-kashiktan-oku-zan-zhuzinde-bekitildi-341371/">бірнеше түзетулер қабылданды</a>. Қашықтан оқыту ұғымы және оны жүзеге асыру тәртібі пайда болды. Оқулықтарды тексеру күшейтілді. Бизнесті тексеруге қолданыстағы мораторийге қарамастан, енді барлық білім беру мекемелері, оның ішінде даму орталықтары бес жылда бір рет мемлекеттік аттестаттаудан өтуі тиіс.
Сонымен қатар келесі жылдан бастап студенттердің оқу кезіндегі практика мерзімі олардың өндірістік өтіліне қосылатын болады.
<a href="https://stan.kz/kazakstandik-deputattar-bilim-ministrligin-eki-vedomstv-341407/">Stan.kz</a>

Депутаттар Білім және ғылым министрлігін екі бөлімге бөлуді ұсынады

<a href="https://kyzylorda-news.kz/">Kyzylorda-news.kz.</a> «Бақытты отбасы» және «Шаңырақ» тұрғын үй бағдарламаларында табыс шегі ұлғайтылды. «Нұрлы жер» бағдарламасы бойынша ай сайынғы кіріс шегі өзгертілді, деп хабарлады <a href="https://24.kz/kz/zha-aly-tar/bylu-manyzdy/item/445703-ba-ytty-otbasy-zh-ne-sha-yra-ba-darlamalaryna-zgerister-engizildi">“Хабар 24”</a>.
Енді «Бақытты отбасы» бағдарламасы бойынша әрбір отбасы мүшесінің ай сайынғы табысы соңғы алты айда 3,1 ең төменгі күнкөріс деңгейінен аспауы керек (106 336 теңге, 2021 жылы 1 күнкөріс минимумы – 34 302 теңге). Бұрын 2 күнкөріс деңгейінен аспайтын.
«Шаңырақ» және «Әлеуметтік кредиттік тұрғын үйді сату» бағыттары бойынша айына&nbsp;3,7 ең төменгі күнкөріс деңгейінен аспауы қажет&nbsp;немесе 126 917,4 теңге (бұрын 3,1 ең төменгі күнкөріс деңгейінен аспайтын).
Сонымен қатар «Шаңырақ» бағдарламасы бойынша Нұр-Сұлтандағы «Елорда құрылыс компаниясы» және Алматыдағы «Күрделі құрылыс кәсіпорны» уәкілетті ұйымдары салған тұрғын үй немесе проблемалық тұрғын үй кешендеріндегі үлесті сатып алуға болады.

«Бақытты отбасы» және «Шаңырақ» бағдарламаларына өзгерістер енгізілді

<a href="https://kyzylorda-news.kz/">Kyzylorda-news.kz.</a> Елімізде қолынан іс келетін азаматтарға кәсіп ашып, өз жұмысын бастауға арналған түрлі бағдарламалар бар. Соның ішінде нәтижелі жұмыспен қамтуды және жаппай кәсіпкерлікті дамытудың 2017-2021 жылдарға арналған «Еңбек» мемлекеттік бағдарламасының тиімділігі өте жоғары.
Бағдарламаның екінші бағыты «Жаппай кәсіпкерлікті дамыту» бойынша 2020 жылы жаңа бизнес-идеяларды іске асыруға арналған мемлекеттік грант (стартап) алуға 513 млн.теңге қаржы қаралды.
Бұл қаржы Қазалы ауданындағы 925 тұрғынға беріліп, кәсіптерін ашуға септігін тигізді. Өз кезегінде олар берілген қаржыға қажетті еңбек құралдарын, технологиялық жабдықтар мен төрт түлікті сатып алды.
Қайтарымсыз грантқа қол жеткізгендердің бірі Шәкен ауылында тұратын ІІІ топ мүгедегі Жарқынай Әлімбетова. Ол 555&nbsp;600 теңгеге тігін шеберханасына қажетті құрал-жабдықтарды сатып алған.
Айта кетейік, грант алған азаматтардың 248-і жастар, 490-ы көп балалы отбасы мүшелері, 9-ы мүмкіндігі шектеулі жандар болса, 178-і басқа санаттағы жұмыссыздар.
<img src="https://kyzylorda-news.kz/wp-content/uploads/2020/12/5541d5dd-5235-481c-822e-1d996fbbc91d.jpg" alt="" />
<img src="https://kyzylorda-news.kz/wp-content/uploads/2020/12/def7fa9c-afc3-465f-a52f-c2a7026d5a93.jpg" alt="" />

Қазалыда 925 тұрғын қайтарымсыз грантқа қол жеткізді

<a href="https://kyzylorda-news.kz/">Kyzylorda-news.kz.</a> Келесі жылы Қазақстанда бірқатар маңызды шара өтеді. Олардың кейбірін коронавирус пандемиясына байланысты кейінге шегеруге тура келген, деп жазады <a href="https://sputnik.kz/announcement/20201229/15890884/2021-zhyly-otetin-manyzdy-oqigalar.html">Sputnik Қазақстан</a>.
<h3 id="">Саяси науқан</h3>
Сөз жоқ, жаңа жылдағы басты саяси оқиғалардың бірі – мәжіліс пен мәслихат депутаттарының сайлауы. Осы екі науқанды бір уақытта өткізуге шешім қабылданды. Себебі екеуінің сайлау жүйесі ұқсас және заңға қайшы келмейді. Бұл бюджет қаржысын үнемдеуге мүмкіндік береді.
Мәжіліс сайлауы соңғы он алты жылда алғаш рет конституцияда бекітілген мерзімде – депутаттардың құзіреті аяқталатын уақыттан екі ай бұрын өткізіледі. &nbsp;
Мәжіліске бес партияның үміткерлері сайланады. Олар:
<ul>
<li>Nur Otan;</li>
<li>“Ақ жол” демократиялық партиясы;</li>
<li>Қазақстанның халық партиясы;</li>
<li>“Ауыл” халықтық-демократиялық партиясы;</li>
<li>Adal партиясы.</li>
</ul>
Әрбір партия өз үміткерлерінің тізімін тіркеді. Заңға сәйкес, онда әйелдер мен жастардың 30 проценттік квотасы ескерілуі шарт, яғни, партиялық тізімде әйелдер мен жастардың нақты үлесі сақталуы қажет. &nbsp;
Мәжіліске 107 депутат өтеді. Оның тоғызы – Қазақстан халқы ассамблеясының өкілдері. 10 қаңтарда мәжіліс пен мәслихат депутаттары партиялық тізіммен сайланса, 11 қаңтарда Ассамблея мүшелері өз кандидаттарына дауыс береді. Ал облыстық, қалалық және аудандық мәслихаттарға барлығы 3 276 депутат сайланады. Олар да&nbsp; партиялық тізіммен өтеді.
Орталық сайлау комиссиясының мәліметіне сәйкес, сайлау кезінде республикалық маңызы бар қалаларда және астанада сайлаушыларға бірден екі бюллетень беріледі. Біреуі мәжіліске депутат таңдауға арналса, екіншісі мәслихатқа өтетін нақты бір партияға дауыс беруге арналған. Басқа қалалар мен аудандарда дауыс беретін азаматтарға үш бюллетень беріледі.&nbsp; Біреуі – мәжіліс, екіншісі – облыстық мәслихат, ал үшінші бюллетень қалалық немесе аудандық мәслихат депутаттарына дауыс беруді көздейді.
<h3 id="-1">Халық санағы</h3>
2021 жылы өтетін тағы бір маңызды шара – ұлттық халық санағы. Биыл оны коронавирус пандемиясына байланысты келесі жылға қалдыруға тура келді. Халық санағы 1-30 қазан аралығында өтеді.
Осы науқанға бюджеттен 8,2 миллиард теңге жұмсалады деген ақпарат болды. Оған санақ жүргізетіндердің жалақысы, планшеттер және тағы басқа шығындар кіреді.
Айта кеткен жөн, Қазақстанда ұлттық халық санағы он жылда бір рет өткізіледі. Соңғы рет 2009 жылы ұйымдастырылған. Сол кезде елімізде 16 миллион адам болды. Ол 1999 жылғы санақпен салыстырғанда 1 миллионға артық.
2019 жылы ұйымдастырушылық мәселелерге байланысты халық санағын 2020 жылдың ақпан-наурыз айларында ауыстырған болатын. Сосын коронавирус пандемиясына байланысты тағы қазан айына шегерді. Ақыры 2021 жылы өткізуге шешім қабылданды.
<h3 id="-2">Өңіраралық форум</h3>
Биыл қараша айында Көкшетау қаласында Қазақстан мен Ресей президенттерінің қатысуымен XVII өңіраралық ынтымақтастық форумын өткізу жоспарланды. Бірақ коронавирус оны да кейінге шегерді. Қазіргі жоспарға сәйкес, форум келесі жылы шілде айына дейін ұйымдастырылады. Әзірге нақты күні белгісіз.
Бұған дейінгі форумдар шекараға жақын жерде өткен. Осы жолы алғаш рет шекарадан шалғай қалада ұйымдастырылады. Тақырыбы да белгілі – экология және жасыл экономика. Оны Қазақстан президенті ұсынды. Форумда трансшекаралық өзен-сулар, Каспий теңізінің өсімдік пен жануарлар әлемі, климаттың өзгеруі және тағы басқа мәселелер талқыланады. Сондай-ақ, бірқатар маңызды құжат рәсімделеді.
2003 жылы өңіраралық ынтымақтастық форумы алғаш рет Омбы қаласында ұйымдастырылған болатын. Оған Қазақстанның тұңғыш президенті Нұрсұлтан Назарбаев пен Ресей басшысы Владимир Путин қатысты. Содан бері аймақаралық форумы дәстүрлі шараға айналды. Осы жолы дайындық жұмыстары Көкшетауда, сондай-ақ, Бурабай мен Зерендіде жүргізілді.
<h3 id="-3">ЕАЭО-дағы төрағалық</h3>
Келесі жылы Еуразиялық экономикалық одақтың төрағалығы Қазақстанға табысталады.
ЕАЭО-ны құру туралы келісім 2015 жылы 1 қаңтарда күшіне енген болатын. Ұйым Қазақстанның тұңғыш президенті Нұрсұлтан Назарбаевтың бастамасымен құрылды.
Бүгінде одаққа Қазақстан, Беларусь, Ресей, Армения және Қырғызстан кіреді. Ал Молдова, Өзбекстан мен Куба бақылаушы мемлекеттер дәрежесін алды. Ал Вьетнам, Иран, Сингапур, Сербия сияқты елдермен еркін сауда-саттық туралы келісімдер рәсімделген. Мәселен, 2016 жылы ЕАЭО мен Вьетнам арасында еркін сауда-саттық келісіміне қол қойылған болатын. Ол кезде одақтың төрағалығын Қазақстан атқарды.
<h3 id="-4">Рақымшылық жарияланады</h3>
2021 жылы Қазақстан Тәуелсіздігінің 30 жылдығы аталып өтеді. Осыған орай, кезекті рет сотталғандарға рақымшылық жарияланады. Заңға сәйкес, азаматтар мен тұтастай мемлекеттің қауіпсіздігіне елеулі қатер төндірмейтін қылмыстар үшін жауапқа тартылғандар ғана рақымшылыққа ілінеді.
Айта кетейік, осы уақытқа дейін Қазақстанда тоғыз рет рақымшылық жарияланған болатын. 2016 жылы Қазақстан Тәуелсіздігінің 25 жылдығына орай жарияланған рақымшылық кезінде түрмелерден 1,5 мыңға жуық адам босатылды. Бұдан бөлек, сотталған 20 мыңнан астам адамның жазасы жеңілдетілді.
<h3 id="-5">Әлемдегі оқиғалар</h3>
Келесі жылы көптен күткен жазғы Олимпиада ойындарын өткізу жоспарланып отыр. Биыл оны коронавирус пандемиясына байланысты кейінге шегерген. Қазіргі жоспарға сәйкес, Токио Олимпиадасы 24 тамыз бен 5 қыркүйек аралығында ұйымдастырылады. Оған дейін футболдан Еуропа чемпионаты (11 маусым-11шілде) өтеді. Дубайдағы ЭКСПО көрмесі 1 қазанда басталады.
Қазақстанмен шекаралас елдерде сайлау болады. Мәселен, 10 қазанда Қырғызстан жерінде кезектен тыс президент сайлауы өтеді. Өзбекстан да мемлекет басшысын таңдайды. Ал Ресей халқы Мемлекеттік дума депутаттарын сайлайды.

2021 жылы Қазақстанда өтетін маңызды шаралар

<a href="https://kyzylorda-news.kz/">Kyzylorda-news.kz.</a>&nbsp; Қазақстанда өткен тәулікте 726 адамда коронавирус індеті ПТР арқылы анықталды, деп хабарлайды coronavirus2020.kz.
_Аймақтар бойынша: 
_Нұр-Сұлтан қаласы – 107 
Алматы қаласы – 81 
Шымкент қаласы – 6 
Ақмола облысы – 54 
Ақтөбе облысы – 5 
Алматы облысы – 61 
Атырау облысы – 60 
Шығыс Қазақстан облысы – 48 
Жамбыл облысы – 15 
Батыс Қазақстан облысы – 43 
Қарағанды облысы – 40 
Қостанай облысы – 60 
Қызылорда облысы – 3 
Маңғыстау облысы – 11 
Павлодар облысы – 65 
Солтүстік Қазақстан облысы – 58 
Түркістан облысы – 9 
Жалпы ел бойынша ауырғандар саны 153925.

Қызылордада 3 адамнан коронавирус анықталды

<a href="https://kyzylorda-news.kz/">Kyzylorda-news.kz.</a> Қазгидромет 30 желтоқсанға арналған ауа райы болжамын ұсынады.
Атмосфералық ауа ағындардың өтуіне байланысты республиканың солтүстік-батысында, солтүстігінде, орталығында, шығысында және оңтүстік-шығысында қар жауады.
Қазақстанның қалған аумақтарында Солтүстік антициклон ықпал етеді, сондықтан жауын-шашынсыз ауа райы сақталады. Республиканың кей жерлерінде тұман, жаяу бұрқасын, желдің күшеюі күтіледі.

Қазақстанның басым бөлігінде қар жауады

Kyzylorda-news.kz. «Nur Otan» партиясы халықтың әл-ауқатын жақсартуды көздейді. Бұл мақсатта партия ауыл тұрғындарының табысын көбейтіп, өңдеу және сауда кәсіпорындарын дамытуды жоспарлап отыр.
Мемлекеттік бағдарламалар мен жеке инвесторлар есебінен шағын және орта бизнес салаларында жалпы саны 12 жобаны жүзеге асыруға ниетті. Атап айтқанда, алдағы уақытта партия «ІІІ-Интернационал», Жаңажол, Дауылкөл, Иіркөл ауылдық округтерінде 4 жем шығару цехын, «ІІІ Интернационал» ауылында шұжық цехын іске қосып, елді мекендегі жылыжай қондырғысын қайта құрмақ. Ал Тұрмағамбет ауылында ет өнімдерін консервілеу цехын, Жаңажол ауылындағы сүт өндірісін, Жосалы кентіндегі темір бұйымдар және пластикалық терезе цехы мен жиһаз жасау шеберханасын ашуға ықпал етеді.
Жуық жылдарда жүзеге асатын жұмыстар туралы Қызылорда облыстық мәслихат депутаттығына үміткерлер Орынбасар Төлепов, Нұрлан Бисембаев, Дильфура Байрақтарова, Индира Әбдібекова «III Интернационал» бастауыш партия ұйымы мүшелерімен кездесу барысында мәлім етті. Келелі кездесуде үгіт тобы «Nur Otan» партиясының «Өзгерістер жолы: Әр азаматқа лайықты өмір!» атты сайлауалды бағдарламасын таныстырса, ұйым мүшелері жеке ой-пікірлерін ортаға салды. Сондай-ақ, өздерін толғандырған сауалдарды қойып, көкейтесті мәселелеріне жауап алды. Әсіресе, ауыл шаруашылығын дамыту, сапалы білім беру, медицина саласына қолжетімділікті арттыру секілді мәселелердің түйінін тарқатты.
<blockquote>
 “Бастауыш партия ұйымдары – халықпен арадағы алтын көпір. Жергілікті жұрттың қалауымен жіті таныс. Ұйымның мақсаты мен жауапкершілігі де жоғары. Себебі, партия жобаларын халыққа жеткізуші бірден бір ұйым боп саналады. Сондықтан саяси ұйым жұмысын жаңғыртып, халықтың талап-тілегін орындау біз үшін маңызды”, – деді үміткер Орынбасар Төлепов.
</blockquote>
Айта кетейік, алдағы уақытта «Nur Otan» партиясы жаңа биіктер мен жетістіктерге бастайтын баянды бастамаларды жалғастырады. Мәселен, Қармақшы ауданында жұмыспен қамту бағытындағы шаралар нәтижесінде 5,2 мың жұмыс орнын құрып, жұмыссыздық деңгейін 5,2 %-дан 4,8 %-ға төмендетуді көздеп отыр.
Жыл сайын «Бизнестің жол картасы 2025» бағдарламасымен 15 кәсіпкерге пайыздық мөлшерлемесін субсидиялау шеңберінде несиелер және бизнесін жаңадан бастаушы азаматтарға гранттар ұсынуды, «Бастау-Бизнес», «Бизнес Кеңесші» мемлекеттік бағдарламалар шеңберінде жыл сайын 350-ден аса азаматтарды кәсіпкерлік негіздеріне оқытуды қолға алады. Сондай-ақ, шағын және орта кәсіпкерлік субъектілерінің үлесін 96,0 пайызға жеткізуді межелеп отыр.
Үміткерлер шара соңында сала қызметкерлері тарапынан айтылған сауалдардың барлығы да партия тарапынан жіті бақылауда болатынын айтып, алдағы сайлауда «Nur Otan» партиясын қолдауға шақырды.
<img src="https://kyzylorda-news.kz/wp-content/uploads/2020/12/img-20201229-wa0368.jpg" alt="" />
<img src="https://kyzylorda-news.kz/wp-content/uploads/2020/12/img-20201229-wa0370.jpg" alt="" />
«Nur Otan» партиясы Қызылорда облысының сайлау қоры қаражаты есебінен төленді

«ІІІ Интернационал» ауылында шұжық цехы іске қосылады

Kyzylorda-news.kz. «Nur Otan» партиясынан облыстық мәслихатының депутаттығына үміткерлер Өтеев Мінажадин, Әділбек Сарабеков пен Гүлнар Есқалиева Қазалы ауданы Жаңқожа ауылында «Есіктен Есікке» акциясын өткізді.
Үміткерлер ауыл тұрғыны Думан Төкеш, Әли Шайқұлдың шаңырағында болып, үгіт жүргізді. Үміткерлер тұрғындарға партия бағдарламасының басым бағыттарын таныстырып, тұрғындар тарапынан түскен талап-тілектерді де назарға алды.
<blockquote>
 «Nur Otan» партиясы 2021 жылы Әйтеке би кентінде балық өнімдерінен жем шығаратын, декорлық кірпіш құрайтын, 3Д панель құрайтын, колонна құрылыс бұйымдарын шығаратын цехтардың ашылуына мұрындық болады. Қазалы қаласында кәмпит цехын, қапшық шығаратын, көкөніс өнімдерін өңдейтін, Әйтеке би кентінде ауыз су өндіру цехын, 2024 жылы нан шығаратын наубайхананы, 2025 жылы Бірлік ауылында попкорн өндіру цехын кеңейту жобаларын іске асырмақ», – деді үміткер Мінажадин Өтеев.
</blockquote>
Кездесуде ауыл тұрғыны Әли Шайқұл жастарды жұмыспен қамту мәселесін сөз етті. Бұл бағыттағы партия жоспарымен Гүлнар Есқалиева таныстырды.
<img src="https://kyzylorda-news.kz/wp-content/uploads/2020/12/img-20201229-wa0367.jpg" alt="" />
<blockquote>
 «Қазалы қаласы, Әйтеке би кенті және 19 ауылдық округтерде волонтерлік клуб құру арқылы волонтерлік қозғалысты дамытуды көтермелейді. «Жасыл ел» еңбек жасағымен жыл сайын 100 жасты уақытша жұмыспен қамтиды «Дипломмен ауылға» бағдарламасы бойынша 375 жас маманды ауылға тұрақтандыру үшін тұрғын үй беру, көтерме жәрдемақы беріп жағдай жасайды. Аудандағы 2500 жұмыссыз жастардың жыл сайын 500-і тұрақты жұмыспен қамтылуына жәрдемдеседі», – деді үміткер Гүлнар Есқалиева.
</blockquote>
Барлық ұсыныстары мен талап-тілектерін жеткізген тұрғындар, жасалып жатырған іске сәттілік тілеп, қариялар батасын берді. Үміткерлер үгіт парақшаларын таратып, «Nur Otan» партиясына дауыс беруге шақырды.
«Nur Otan» партиясы Қызылорда облысының Сайлау қорының қаражатынан төленді

Қызылорда: 375 жас маманға көтерме жәрдемақы беріледі

Kyzylorda-news.kz. «Nur Otan» партиясы өңірдің әрбір тұрғынының табысын арттырып, әл-ауқатын жақсартуға мүмкіндік беретін экономиканы құруға ниетті. Осы мақсатта 2025 жылға қарай 1175 жаңа жұмыс орнының құрылуына негіз болатан 7 ірі инвестициялық жобаны іске асыруға үлес қосады. Алдағы бес жылда жаңа 28,2 мың жұмыс орындарын құрып, жұмыссыздық деңгейін 4,6%-ға төмендетуді жоспарлар отыр.
Бұл туралы «Қызылорда тазалығы» ЖШС жұмысшыларымен экспромт кездескен облыстық және қалалық мәслихат депутаттығына үміткерлер Наурызбай Байқадамов, Нұрболат Ибраев пен Айнұр Тобаева айтты.
Ашық аспан астында өткен кездесуде кандидаттар қала тазалығы жолында еңбек етіп жүрген жұмысшылармен жұмыс барысы, еңбек мәселелері туралы әңгіме өрбітіп, ұсыныс-тілектерін тыңдады.
Жұмысшылар тарапынан дала жұмыстарында жүрген жандардың мәртебесін арттыру, еңбек адамдарын баспанамен қамту, жалақы көлемін арттыру, еңбек демалысы кезінде арнайы сауықтыру орындарына жолдама беру мәселесі турасында үміткерлерге сауалдарын қойды. Өз кезегінде үміткер жыл бойы қала тазалығын қамтамасыз ететін қыжырлы жандарға ризашылықтарын білдіре отырып, қойылған сауалдарға тұшымды жауап берді. Әрі «Nur Otan» партиясының бес жылдық сайлауалды бағдарламасының басым бағыттарымен таныстырды.
<blockquote>
 “Қазіргі таңда партия елімізде тұрғын үй құрылысының секторын дамытуға басымдық беріп, халықты тұрғын үймен қамтамасыз етуге мүмкіндік жасайтын кешенді шараларды қолға алып отыр. Сол арқылы 2025 жылға дейін 4 140 пәтерлі 92 көпқабатты тұрғын үй, оның ішінде әлеуметтік осал топтарға, жас отбасыларға, бюджет саласының қызметкерлеріне 1 840 пәтердің құрылысын жүргізеді. Сонымен қатар, 5 870 жеке тұрғын үйлердің құрылысы салынбақ. Нәтижесінде партия алдағы уақытта 5 мыңға жуық отбасын баспанамен қамтуды көздеп отыр”, – деді Наурызбай Байқадамов.
</blockquote>
Кездесу барысында үміткерлер серіктестік ұжымына партияның үгіт парақтарын таратып, сайлау науқанында белсенді түрде «Nur Otan» партиясын қолдауға үндеді.
«Nur Otan» партиясы Қызылорда облысының сайлау қоры қаражаты есебінен төленді
<img src="https://kyzylorda-news.kz/wp-content/uploads/2020/12/img-20201229-wa0019.jpg" alt="" />

7 ірі инвестициялық жоба іске аспақ

<a href="https://kyzylorda-news.kz/">Kyzylorda-news.kz.</a>&nbsp;Қазақстанда келесі жылы “Әлем ханымы” байқауы өтуі мүмкін. Бұл туралы конкурстың Қазақстандағы ресми өкілі Арай Әлімхан мәлімдеді, деп хабарлайды&nbsp;<a href="https://sputnik.kz/">Sputnik Қазақстан</a>.
<blockquote>
 “Негізі, байқау өткізу құқығы жеңімпаз елге беріле бермейді. Бірақ биыл конкурс онлайн өткендіктен, келесі жылы сіздерде өткізуге керемет мүмкіндік бар деді. Егер мемлекет қолдап, демеушілер табылып жатса, Қазақстан келесі жылы күзде немесе қыста ұйымдастыруы мүмкін”, – деді Әлімхан астанада “Әлем ханымының” қатысуымен өткен баспасөз мәслихатында. &nbsp;
</blockquote>
Айтуынша, ұйымдастырушылар екі аптадай ойланып, Қазақстанда өткізуге рұқсат берген.
<blockquote>
 “Олар бұған дейін байқауды Қытайда, Болгарияда, Еуропада, Оңтүстік Африкада және тағы басқа мемлекеттерде өткізді. Қазақстанды ешқашан қарастырмапты. Егер мемлекет тарапынан қолдап жатса, онда өткізесіздер дегенге келтірді”, – деді ол.
</blockquote>
Айта кетейік, 29 желтоқсанда астанада “Әлем ханымы 2020” атанған Жұлдыз Әбдікәрімова тәжін киді. Байқау жеңімпазының тәжі мен лентасы Болгариядан жеткізілген.
1-24 желтоқсан аралығында өткен дауыс беру нәтижесі бойынша Жұлдыз Әбдікәрімова 81 902 дауыс жинап, жеңімпаз атанды. Ал 1-орынды Орталық Еуропа атынан қатысқан Виктория Люб (Victoria Liub) алды. Ол 58 349 дауыс жинаған. 2-орын австриялық Юлия Игнатченкоға бұйырды. Оны байқауда 55 789 адам қолдады. 3-орынды Сібір өкілі Янина Ремезова иеленді. Ол 54 705 дауыс жинады.

Қазақстанда &#8220;Әлем ханымы &#8211; 2021&#8221; байқауы өтуі мүмкін

<a href="https://kyzylorda-news.kz/">Kyzylorda-news.kz.</a>&nbsp;Шиелі ауданының әкімі Қамбарбек Мүбараков мүмкіндігі шектеулі балаларды Жаңа жыл мерекесімен құттықтады.
Аудан әкімі «Шын ниетпен» қайырымдылық акциясының аясында, аудан орталығында орналасқан №3 «Мейірім» облыстық балаларды оңалту орталығына барып, бүлдіршіндерді Жаңа жыл мерекесімен құттықтап, сый-сыяпаттар табыстады.
Балалармен бірге олардың тәрбиешілері, арнайы мамандар мен бала күтушілер де қуанып, мерекелік көңіл-күйге бөленді.
Аудан әкімі 50-ге жуық балаға әлеуметтік, психологиялық-педагогикалық, медициналық қызмет көрсетіп отырған орталықтың мамандарымен пікірлесіп, балалардың бүгінгі хал-жағдайын біліп, оларға ерекше мән беруді тапсырды.

Шиелі ауданының әкімі оңалту орталығындағы балаларды құттықтады

<a href="https://kyzylorda-news.kz/">Kyzylorda-news.kz.</a> «Атамекен» ұлттық кәсіпкерлер палатасының адами капиталды дамыту департаментінің директоры Азамат Бейсенбенов Қазақстандағы ЖОО-лардың рейтингі қалай жасалғанын айтып берді, деп хабарлайды <a href="https://www.inform.kz/kz/kazakstanda-zhoo-lardyn-reytingi-kalay-zhasalady_a3735497">ҚазАқпарат</a>.
<blockquote>
 «Рейтинг аясында 2 мың білім бағдарламасы зерттелді. Жоғары оқу орнын бітірген 68 мың түлектің жұмысқа орналасу көрсеткішін талдадық. Қазақстанның барлық өңірінен салалық сарапшыны тарттық. Осының нәтижесінде 108 ЖОО бойынша 6 мың сараптамалық қорытынды жасалды. Рейтинг негізі 17 критерий бойынша жүргізілді. Оның ішінде жұмысқа орналасқан түлектердің пайызы, олардың орташа жалақысы, жұмыс іздеу құжаттары мен бағдарламаның өзектілігі бағаланды», – деді Азамат Бейсенбенов Білім және ғылым министрлігінің онлайн отырысында.
</blockquote>
Рейтинг қорытындысы бойынша түлектердің жұмысқа орналасуы 71 пайызды құраған. Оның 58 пайызында тұрақты зейнетақы аударымдары бар.
<blockquote>
 «Түлектердің орташа жалақысы – 118 мың теңге. Карантин шараларын енгізу бағытында ақпараттық қауіпсіздік түлектерін жұмысқа орналастыру 24 пайызға өсті. Сондай-ақ кеден ісі және қоғамдық байланыс мамандығын бітірген түлектердің жұмысқа орналасу көрсеткіші 20 пайызға артқанын атап өткен жөн», – деді ол.
</blockquote>

Қазақстан және Қызылорда облысының жаңалықтары

Депутаттар Білім және ғылым министрлігін екі бөлімге бөлуді ұсынады

«Бақытты отбасы» және «Шаңырақ» бағдарламаларына өзгерістер енгізілді

Қазалыда 925 тұрғын қайтарымсыз грантқа қол жеткізді

2021 жылы Қазақстанда өтетін маңызды шаралар

Қызылордада 3 адамнан коронавирус анықталды

Қазақстанның басым бөлігінде қар жауады

«ІІІ Интернационал» ауылында шұжық цехы іске қосылады

Қызылорда: 375 жас маманға көтерме жәрдемақы беріледі

7 ірі инвестициялық жоба іске аспақ

Қазақстанда “Әлем ханымы – 2021” байқауы өтуі мүмкін

Шиелі ауданының әкімі оңалту орталығындағы балаларды құттықтады

Қазақстанда ЖОО-лардың рейтингі қалай жасалады?

Қазақстан және Қызылорда облысының жаңалықтары

Депутаттар Білім және ғылым министрлігін екі бөлімге бөлуді ұсынады

«Бақытты отбасы» және «Шаңырақ» бағдарламаларына өзгерістер енгізілді

Қазалыда 925 тұрғын қайтарымсыз грантқа қол жеткізді

2021 жылы Қазақстанда өтетін маңызды шаралар

Қызылордада 3 адамнан коронавирус анықталды

Қазақстанның басым бөлігінде қар жауады

«ІІІ Интернационал» ауылында шұжық цехы іске қосылады

Қызылорда: 375 жас маманға көтерме жәрдемақы беріледі

7 ірі инвестициялық жоба іске аспақ

Қазақстанда &#8220;Әлем ханымы &#8211; 2021&#8221; байқауы өтуі мүмкін

Шиелі ауданының әкімі оңалту орталығындағы балаларды құттықтады

Қазақстанда ЖОО-лардың рейтингі қалай жасалады?

Қазақстанда “Әлем ханымы – 2021” байқауы өтуі мүмкін