<a href="https://kyzylorda-news.kz/">Kyzylorda-news.kz.</a>&nbsp; «Қазгидромет» РМК 12-14 қаңтар аралығындағы ауа райы болжамын ұсынды.
«Аталған кезеңнің басында Атлантикалық циклон елдің басым бөлігіне жауын-шашын әкеледі: солтүстікте – жаяу бұрқасын, қар; батыс пен оңтүстікте – жаңбыр, қар болады.
Одан кейін елдің басым бөлігіне Салехард аудандарынан антициклон ығысады. Осыған байланысты, аталған кезеңнің соңына қарай күн ашылып, температура төмендейді деп күтілуде.
Алайда, республиканың кей жерлерінде тұман, екпінді жел, жаяу бұрқасын күтіледі. Оңтүстікте, оңтүстік-шығыста және батыста – көктайғақ, оңтүстік-батыста шаңды дауыл болжанады», – делінген синоптиктер ақпаратында.

Алдағы үш күнге ауа райы болжамы

<a href="https://kyzylorda-news.kz/">Kyzylorda-news.kz.</a>&nbsp;Жалпыға бірдей декларацияға көшудің алғашқы кезеңін жүзеге асыру аясында қызылордалық 17 мыңдай мемлекеттік қызметкер жеке табысын жария етуі тиіс.
Лауазымды тұлғалардың жұбайлары да дүние-мүлкін жасырмай көрсетуге міндетті. Егер олардың шетелде қаржылай шоты бар болса, жарты жыл ішінде жауып үлгергендері дұрыс. Талап орындалмаса, айыппұл салынады. Өңірде кәсіпкерлер үшін бөлшек салық мөлшері төмендетілді. Сондай-ақ салықтық рақымшылық мүмкіндігін пайдаланған 15 мыңдай жеке тұлғаның 50 миллион теңгеден астам өсімпұлы кешірілді.
Биылдан бастап мүлік және жер салығын төлеу жүйесі біріктірілді. Яғни есептелуі бөлек жүргізілгенімен төлем тәсілі ортақ болмақ. Бұл тұрғындардың қазіргі таңда қордаланған 500 миллион теңгедей қарызын тезірек жинауға септігін тигізбек. Пандемиядан зардап шеккен шағын және орта бизнес нысандары үшін бөлшек салық төлеу түрінде ерікті арнаулы салық режимі енгізілді. Яғни табыстан алынатын бөлшек салық мөлшері азайтылды.&nbsp;
<blockquote>
 “Бұрын-соңды олар бухгалтерлік есеп жүргізіп, кіріс-шығысын анықтап таза табысының 10% салық төлейтін болса, оларға тоқсан сайын жалпы бөлшек саудадан түскен табысының 3% мөлшерінде салығын төлеп пандемиядан ертерек аяққа тұрып кетуіне мүмкіндік беріп отыр”, – дейді облыс бойынша мемлекеттік кірістер департаментінің басшысы Ғалымжан Орынов.
</blockquote>
Жартылай дайындалған өнімдер шығарумен айналысатын кәсіпкер Әлия Ахметжанова салықтық жеңілдіктер арқасында карантинде өндірісті тоқтатпады. Бір айда 15 тоннадай ет өңдеп, 20 түрлі жартылай фабрикат әзірлейтін цехтың 40 жұмысшысы жалақыдан да қысылған емес.
<blockquote>
 “Салық комитетіне жылда төлейтін 1 млн теңгені қазір біз өндірісті дамытуға жұмсап отырмыз. Ол үлкен бізге көмек болды. Үлкен мақсаттарымызды қойып жатырмыз. Бүкіл қаражатты өндірісті дамытуға жұмсауға үміттеніп отырмыз”, – кәсіпкер Әлия Ахметжанова.&nbsp;
 “Кәсіпкердің саны мен жалдамалы жұмысшылар саны көбейіп, кіші бизнестен әрі қарай орта, ірі кәсіпкерге өтуіне үлкен септігін тигізіп жатыр. 23 мың кәсіпкердің қазіргі таңда бюджетке 2 млрд теңгеден астам кезінде салық төленсе 2020 жылы сол 2 млрд теңгеге өз кәсібін дөңгелетуге мүмкіндіктер тиісті мораторий арқасында жұмыс жасалды”, – дейді қала әкімінің орынбасары Бектас Нұридинов.&nbsp; Қамбар Бекенов, тілші: –
</blockquote>
2018-2019 жылдары банктен қаржы шешу бойынша сырбойылықтар республикада алдыңғы орында болған. Бұл қызылордалықтардың қаражатты қолма-қол жұмсағанды жөн санайтындығын көрсетеді. Былтыр ол 56% төмендеп, электрондық ақша айналымы арта түсіпті. Салық мамандары енді осы жүйені жетілдіруді жоспарлап отыр. Жалпы өткен жылы өңірде салық түсімдері 107% орындалып, қазынаға 9 миллиард теңге артық жиналған.

Қызылордада 15 мыңға жуық тұрғынның салықтық өсімпұлы кешірілді

<a href="https://kyzylorda-news.kz/">Kyzylorda-news.kz.</a> Қызылорда облысы Қазалы аудандық полиция бөліміне жергілікті тұрғыннан Пірімов ауылының тұсында өрісте жайылып жүрген 1 бас түйесін ұрланғандығы туралы шағым түсті. Мал иесіне 1 миллион 300 мың теңге көлемінде залал келтірілген.
Жедел-іздестіру шаралары барысында полиция қызметкерлері күдікті 51 жастағы Арал ауданының тұрғынын ұстады. Күдіктінің басқа да мал ұрлығының дерегіне қатыстылығы тексерілуде.
Тәртіп сақшылары күдіктіге ешқайда кетпеу және тиісті мінез-құлық туралы қолхат түрінде бұлтартпау шарасы қолданылды.
Осы фактіге қатысты Қазақстан Республикасы Қылмыстық кодексінің 188/1 бабы 1 бөлігіне (мал ұрлығы) сәйкес сотқа дейінгі тергеп-тексеру жүргізілуде. Оқиғаның мән-жайы анықталуда.

Қазалыда түйе ұрлаған Арал ауданының тұрғыны ұсталды

<a href="https://kyzylorda-news.kz/">Kyzylorda-news.kz.</a> Елбасы Нұрсұлтан Назарбаев «Nur Otan» партиясының республикалық сайлауалды штабына барды, деп хабарлайды&nbsp;<a href="https://elbasy.kz/kk/news/2021-01/elbasy-nursultan-nazarbaev-nur-otan-partiyasynyn-respublikalyk-saylaualdy-shtabyna">Еlbasy.kz</a>
Сағат 00:00-де&nbsp;экзит-пол нәтижелері&nbsp;баяндалған жаңалықтар шығарылымы қаралды. Экзит-пол қорытындысына сәйкес «Nur Otan» партиясы сайлаушылардың 71,97 пайыз дауысын жинады.
<blockquote>
 «Баршаңызды «Nur Otan» партиясының айқын жеңісімен құттықтаймын. Экзит-полдың алдын ала нәтижелері қазақстандықтар еліміздің әрі қарай дамуын біздің партиямызбен байланыстыратынын көрсетті. Сайлаудың ел тәуелсіздігінің отыз жылдығымен тұспа-тұс келуінің символдық мәні бар. Осы уақытта орасан зор жұмыс атқарылды. Ең бастысы ­– жаңа ауқымды мақсаттарға қол жеткізу үшін берік негіз қаланды», ­– деді Елбасы.
</blockquote>
«Nur Otan» партиясының Төрағасы сайлауалды үгіт-насихат науқаны мен сайлау пандемия және соның салдарынан туындаған экономикалық дағдарыс жағдайында өткенін айтты.
<blockquote>
 «Әлемде коронавирус індетіне шалдыққандар саны артуда. Дүниежүзілік банк әлемдік экономиканың құлдырауы мен жұмыссыздық өседі деп болжап отыр. Бұл жағдайда біртұтас саяси күштің айналасына топтасқан қоғам ғана жеңіске жетеді», ­– деді Қазақстанның Тұңғыш Президенті.
</blockquote>
Нұрсұлтан Назарбаев бүгінгі жетістік жұмыла атқарылған жұмыс пен партияның әрбір мүшесінің еселі еңбегінің нәтижесі екенін атап өтті.
<blockquote>
 «Баршаңызға атқарылған жұмыс үшін ризашылығымды білдіремін және тек жақсылық тілеймін. Науқан тиімді әрі нәтижелі өтті. Партия қатары жаңарды. Халық арасында беделі биік жаңа көшбасшыларымыз бар. Әр ауданның, қаланың, облыстың дамуы үшін халықтық бағдарламалар әзірленді», – деді партия Төрағасы.
</blockquote>
Елбасы «Nur Otan» партиясының сайлауалды бағдарламасы Бес институционалдық реформаның, соның ішінде Мемлекет басшысының халыққа жолдауында берген тапсырмаларының жалғасы екенін айтты.
<blockquote>
 «Nur Otan» партиясының басты мақсаты – халықтың тұрмысын жақсарту және елдігімізді нығайта беру. Ел болып біріге білсек, алынбайтын асу жоқ. Басымызға түскен қиындықтарды біз әрдайым бірге еңсеріп, жетістіктерге бірлесе жетеміз. Баршаңызды партиямыздың бүгінгі жеңісімен құттықтаймын», – деді Елбасы.
</blockquote>

Нұрсұлтан Назарбаев «Nur Otan» партиясын айқын жеңісімен құттықтады

<a href="https://kyzylorda-news.kz/">Kyzylorda-news.kz.</a> Қазақстанда өткен тәулікте, 10 қаңтарда 746 адамнан коронавирус инфекциясы табылды.
<h3 id="">Өңірлер бойынша:</h3>
<ul>
<li>Алматы қаласы – 120,</li>
<li>Атырау облысы – 73,</li>
<li>Павлодар облысы – 65,</li>
<li>Алматы облысы – 63,</li>
<li>Қостанай облысы – 63,</li>
<li>Ақмола облысы – 59,</li>
<li>Нұр-Сұлтан қаласы – 55,</li>
<li>Солтүстік Қазақстан облысы – 52,</li>
<li>Батыс Қазақстан облысы – 46,</li>
<li>Қарағанды ​​облысы – 40,</li>
<li>Шығыс Қазақстан облысы – 38,</li>
<li>Шымкент қаласы – 20,</li>
<li>Ақтөбе облысы – 10,</li>
<li>Жамбыл облысы – 16,</li>
<li>Маңғыстау облысы – 10,</li>
<li>Қызылорда облысы – 8,</li>
<li>Түркістан облысы – 8.</li>
</ul>
Республика бойынша науқастардың жалпы саны – 163 019.

Қызылордада 8 адамнан коронавирус анықталды

<a href="https://kyzylorda-news.kz/">Kyzylorda-news.kz.</a>&nbsp;Дүйсенбі ауа температурасы жылынады, алайда тұман түсіп, жел күшейеді, көктайғақ болып, боран соғуы ықтимал, деп хабарлайды Қазгидромет.
11 қаңтарда жылы және ылғалды Атлант циклонына байланысты ауа температурасы жоғарылайды, сонымен қатар республиканың солтүстігінде басым бөлігінде, орталығында кей жерлерде қар жауады, батыс пен солтүстік- батысында жаңбыр мен қар түрінде жауын-шашын болады. Республиканың кей жерлерінде тұман түседі, жел күшейіп, боран соғады, көктайғақ болуы ықтимал.

11 қаңтарға арналған ауа райы болжамы

Kyzylorda-news.kz. ҚР Парламенті мен мәслихаттар депутаттарын сайлауда «Nur Otan» партиясы сайлаушылардың 71,97 пайыз дауысын иеленді, деп хабарлайды <a href="https://www.inform.kz/kz/exit-poll-nur-otan-partiyasy-saylaushylardyn-71-97-dauysyn-ielendi_a3739430">ҚазАқпарат</a>.
<blockquote>
 «Қоғамдық пікір институты 10 қаңтар күні сайлау учаскелерінен шыға берісте азаматтарға сауалнама – Еxit poll жүргізді. Институттың интерверлері 600 сайлау учаскесінде сауалнама өткізді. Оның ішінде – 316-сы қалада, 284-і ауылда. Сауалнама Нұр-Сұлтан, Алматы, Шымкент қалаларын, барлық облыс орталықтарын, аудандық маңызы бар қалаларды, шағын қалаларды және ауылдық елді мекендерді қамтыды. Күні бойы сауалнаманының 4 толқыны өткізілді. Нәтижесінде 24 мың сайлаушыға сауалнама жүргізілді. Сауалнама қателігі 2 пайыз шамасында. Сауалнама жүргізу жұмысына 600-ден астам интервер атсалысты», – деді «Қоғамдық пікір» зерттеу институтының директоры Айнұр Мәжитова Орталық коммуникациялар қызметіндегі брифинг барысында.
</blockquote>
Сонымен оның дерегінше, респонденттердің 5,75 пайызы «Ауыл» халықтық-демократиялық патриоттық партиясына, 71,97 пайызы «Nur Otan» партиясына, 3,07 пайызы «ADAL» саяси партиясына, 10,18 пайызы Қазақстанның «Ақ жол» демократиялық партиясына, 9,03 пайызы «Қазақстанның Халық партиясына» дауыс берген.

Еxit poll: «Nur Otan» партиясы сайлаушылардың 71,97 пайыз дауысын иеленді

Kyzylorda-news.kz. ҚР Президенті Қасым-Жомарт Тоқаев саяси реформалардың жаңа топтамасы жайында айтты, деп хабарлайды ҚазАқпарат.
<blockquote>
 «Реформалар дайындалып жатыр. Реформалар тоқтап қалмауы тиіс. 15 қаңтарда Парламентте сөз сөйлеп, оның ішінде Мәжілістің жаңа құрамына да үндеу жасаймын. Одан кейін Ұлттық қоғамдық сенім кеңесінің отырысы өтіп, онда реформалар мәселесіне қатысты өте байыпты әңгіме болады», – деді бүгін Қасым-Жомарт Тоқаев елордадағы Оқушылар сарайында орналасқан №58 сайлау учаскесінде дауыс бергеннен кейін БАҚ өкілдеріне берген сұхбатында.
</blockquote>

Қасым-Жомарт Тоқаев 15 қаңтарда үндеу жасайды

Kyzylorda-news.kz. Орталық сайлау комиссиясы дауыс беруге қатысқан сайлаушылардың саны бойынша алдын ала қорытындыны жария етті, деп хабарлайды&nbsp;<a href="https://sputnik.kz/">Sputnik Қазақстан</a>.&nbsp;
Облыстардың, республикалық маңызы бар қалалардың, астананың сайлау комиссиялары ұсынған жедел деректерге сәйкес, 22.00-дегі жағдай бойынша сайлаушылардың 63,3 проценті дауыс берді.&nbsp;
Өңірлер арасында:&nbsp;
<ul>
<li>Ақмола облысы – 72,8 %,</li>
<li>Ақтөбе облысы – 58,8%,</li>
<li>Алматы облысы – 73,5%,</li>
<li>Атырау облысы –&nbsp; 56,4%,</li>
<li>Батыс Қазақстан облысы – 62,4 %,</li>
<li>Жамбыл облысы – 72,2%,</li>
<li>Қарағанды облысы – 70,7%,</li>
<li>Қостанай облысы –&nbsp; 71,8%,</li>
<li>Қызылорда облысы – 73,9%,</li>
<li>Маңғыстау облысы – 55%,</li>
<li>Павлодар облысы – 71,3 %,</li>
<li>Солтүстік Қазақстан облысы – 75,5%,</li>
<li>Түркістан облысы – 65,8 %,</li>
<li>Шығыс Қазақстан облысы – 72,4%,</li>
<li>Алматы қаласы – 30,3%,</li>
<li>Шымкент қаласы – 56,5 %,</li>
<li>Нұр-Сұлтан қаласы – 45,1%.</li>
</ul>
Сайлау комиссиялары дауыстарды санауға кірісті.
Республика бойынша сайлау учаскелерінде дауыс беру сағат 20.00-де аяқталды. Уақыт белдеулеріндегі айырмашылықтарға байланысты тек бес өңірде (Ақтөбе, Атырау, Батыс Қазақстан, Қызылорда және Маңғыстау облыстары) учаскелер астана уақытымен сағат 21.00-де жабылды.

ОСК сайлаушылар саны бойынша алдын ала қорытындыны жария етті

Kyzylorda-news.kz. ҚР Парламенті Мәжілісінің және барлық деңгейдегі мәслихат депутаттарының сайлауы аяқталды. Қызылордалық сайлаушылардың 73,9 пайызы өз таңдауын жасады. Бұл туралы облыстық сайлау комиссиясының төрағасы Ғалым Баймырзаев мәлімдеді.
Облыста 492 мыңнан астам сайлаушы тіркелген. Бұл жалпы халықтың 60,7 пайызы. Саяси науқанға 363 754 мың сайлаушы қатысып, дауыс берді. Сайлау комиссиясының 2821 мүшесі қызмет көрсетті. Оның 1128-і арнайы оқу курстарынан өткен болатын.
Аймақта 13 мыңға жуық мүмкіндігі шектеулі сайлаушы бар. Олардың учаскеге келіп, өз таңдауын жасауы үшін 30-ға жуық инватакси қызмет етті. Ал жылжымалы жәшік арқылы дауыс беруге 2061 адам өтініш білдірген.

Қызылордалық сайлаушылардың 73,9 пайызы саяси науқанға қатысты

Kyzylorda-news.kz. Бүгінгі саяси науқан мемлекет болашағы үшін маңызды. Сондықтан біз мұнан шет қалмай өз таңдауымызды жасауда белсенді болуымыз керек деп есептеймін. Сондықтан әрбір азаматта “Менің бір ғана дауысыммен не шешіле қояды” деген түсінік болмауы керек. Мен мұндайларға теңіздің тамшыдан құралатынын қаперге салғым келеді.
Таң атысымен аудан іргесіндегі Ақсу ауылында орналасқан №139 сайлау учаскесіне барып өз таңдауымды жасадым. Бұл мемлекет келешегі үшін маңызды деп есептеймін және әрбір қазақстандықта осындай түсінік қалыптасуы керек.
Мен дауыс беруге барғанда сайлау учаскесіне жиылған жұрттың қатары қалың екен. Осыдан-ақ ел болашағына ақсулықтардың бей-жай қарамайтынын аңғардым. Отыз жылда алған асулар мен өткен белестер аз емес. Бұған дейінгі мемлекеттің дамуы тұраламай, оң өзгерістерге әлі де көз жеткіземіз десек, саяси науқаннан шет қалмайық.
Кенжеғара Сүлейменов, 
Жалағаш аудандық Қоғамдық кеңестің төрағасы

Кенжеғара Сүлейменов: Саяси науқаннан шет қалмайық

Kyzylorda-news.kz. Мектеп оқушылары үшін 3-тоқсан 6 өңірде – 11 қаңтардан, ал 11 өңірде – 12 қаңтарда басталады. Мұндай ақпаратты ҚР ДСМ Санитарлық-эпидемиологиялық бақылау комитеті ұсынды, деп хабарлайды <a href="https://www.inform.kz/kz/okushylar-ushinshi-toksandy-kay-kunnen-bastap-okidy_a3739314">ҚазАқпарат</a>.
Ведомство мәліметінше, ҚР Бас мемлекеттік санитар дәрігерінің 29 желтоқсандағы қаулысына сәйкес, сайлау учаскелері ретінде жұмылдырылған білім нысандары сайлау аяқталғаннан кейін зарарсыздандырылады.
Яғни, 10 және 11 қаңтар күндері дауыс беру жүргізілген аталған нысандарда тазалық жұмысы жүргізіледі.
<blockquote>
 «Осыған орай 10 қаңтарда зарарсыздандыру іс-шаралары жүргізілгеннен кейін еліміздің 6 өңірінде, атап айтқанда Солтүстік Қазақстан, Павлодар, Жамбыл, Қостанай, Қызылорда облыстарында және Шымкент қаласында 2020-2021 оқу жылының 3-тоқсанында офлайн-режимде белгіленген оқу процесі 11 қаңтарда басталады. Республиканың 11 өңірінде – Түркістан, Ақтөбе, Ақмола, Атырау, Батыс Қазақстан, Алматы, Шығыс Қазақстан, Қарағанды, Маңғыстау облыстарында және Алматы мен Нұр-Сұлтан қалаларында оқу 12 қаңтарда басталады» деп атап өтеді комитеттен.
</blockquote>
Таратылған мәліметке қарағанда, республика аумағында 7 090 мектептің 5 522-сінің, 6 651 балабақшаның 143-інің, 644 орта білім беру мекемесінің 215-інің, 125 жоғары оқу орнының 53-інің, 114 мектеп-интернат, спорт мектебі ЖОО жатақханаларының 22-сінің базасында сайлау учаскесі құрылды.
Сонымен қатар өзге де білім нысандарында (оқушылар сарайы, шығармашалық, үй, музыка мектебі) 12 сайлау учаскесі ұйымдастырылды.

Қазақстан және Қызылорда облысының жаңалықтары