<a href="https://kyzylorda-news.kz/date/2020/08/24/">Kyzylorda-news.kz.</a> Алматыда MTK Kazakhstan промоутерлік компаниясының ұйымдастыруымен өткен бокс кешінде Тұрсынбай Құлахмет жеңіске жетті. Бұл туралы prosports.kz хабарлады.
Бокс кешінің негізгі карды аясында кәссіпқой бокста тәжірибелі Сағадат Рахманқұлов (6-1-0) пен әуесқой бокста атой салған Тұрсынбай Құлахмет кездесті.&nbsp;
Жекпе-жек төртінші раундтан кейін тоқтатылды. Жарақат алған Сағадат кездесуді жалғастыра алмады. Сөйтіп, Тұрсынбай кәсіпқой бокстағы мансабын сәтті бастады.&nbsp;
Айта кетейік, әуесқой бокста 75 келіге дейінгі салмақ дәрежесінде өнер көрсеткен Тұрсынбай Құлахмет кәсіпқой боксқа биыл жыл басында ауысқан.&nbsp;
Ол 2019 жылы Азия чемпионатында, кейін ҚР Президенті кубогында жеңіске жетті. Екатеринбургте өтен әлем чемпионатында филипиндік Эумир Марсьяльдан жартылай финалда жеңілді.

Тұрсынбай Құлахмет кәсіпқой боксты жеңіспен бастады

<a href="https://kyzylorda-news.kz/">Kyzylorda-news.kz.</a> Жаңа оқу жылында мектепке барып оқитын балалар сабақта маска тағып отырады, ал қолғап кию міндетті емес. Бұл туралы денсаулық сақтау министрлігінің ресми өкілі Бағдат Қожахметов мәлімдеді, деп хабарлайды&nbsp;<a href="https://sputniknews.kz/">Sputnik Қазақстан</a>&nbsp;.
<blockquote>
 “Балаларға қолғап кию міндетті емес. Әлеуметтік желілерде тарап жатқан ақпарат шындыққа жанаспайды. Ал сабақ кезінде балалар маска тағуы тиіс. Статистика бойынша олар вирусты сирек жұқтырса да, ауру тасып, өзінен үлкен адамдарға жұқтыруы мүмкін”, – деді Қожахметов онлайн баспасөз мәслихатында.
</blockquote>
Ол республика бюджетінде балаларды маскамен қамтамасыз етуге ақша қаралмағанын айтты. Бірақ, бұл ұсынысты денсаулық сақтау министрлігінің басшылығына жеткізуге уәде етті.
Коронавирусқа байланысты 2020-2021 оқу жылы қашықтан білім беру форматында басталады. Ата-аналардың қалауы бойынша мектептерде 1-4 сынып оқушылары үшін кезекші сыныптар жұмыс істейді. Бір сыныпта білім алушылар саны 15-тен аспайды.

Мектепке баратын оқушыларға маска мен қолғап кию міндетті ме – министрлік жауабы

<a href="https://kyzylorda-news.kz/date/2020/08/24/">Kyzylorda-news.kz.</a> Жалағаш ауданының тұрғындары Шыңғыс және Әзиз Ғаппаровтар «Жас кәсіпкер» жобасының түлектері. Олар 2019 жылы аталмыш жоба бойынша кәсіпкерлік білімдерін жетілдіреді. Өздерінің бизнес-жоспарларын Шыңғыс «Техника жөндеу орталығын ашу», ал Әзиз «Автокөліктердің дөңгелектерін желімдеу» қызметі бойынша қорғап шығады.
Олар автокөліктерге қызмет көрсету үшін ғимаратты өз күштерімен салып, алдын ала дайындап қойған еді. Ендігі жерде шеберханаға қажетті құрал-жабдықтарға қаражат қажет болады. «Жас кәсіпкер» жобасы аясында біліктіліктерін жетілдірген ағайынды жігіттер «Еңбек» мемлекеттік бағдарламасы аясында өткен жылы 505 мың теңгеден қайтарымсыз қаржы – грантты жеңіп алып, ойлаған мақсаттарын жүзеге асыруда.
<blockquote>
 «Гранттан ұтып алған қаржыға заманауи құрал-жабдықтарды сатып алып, жұмысымызды кедергісіз бастап кеттік. Техника жөндеу орталығымызда автокөлікке қызметтің барлық қажетті түрлерін көрсетеміз. Жалағаш ауданында 3000-нан астам автокөлік бар. Халық біздің қызметімізді пайдалануға үйренді. Мұндай қызмет көрсету орталығын тағы да екі жерден ашуды жоспарлап отырмыз», – дейді жас кәсіпкер Әзиз Ғаппаров.
</blockquote>
<img src="https://kyzylorda-news.kz/wp-content/uploads/2020/08/aziz-zhalagash.jpg" alt="" />
Жастайынан техникадан хабары бар Шыңғыс пен Әзиз көліктің кез келген түрінің тілін меңгеріп алған. Бұл орталықта қызметін пайдаланушылар толастаған емес. Ағайындылар ашқан шеберханада автокөліктердің дөңгелектерін жөндеу, желімдеу, көлік жуу және өзге де қызмет түрлері сұранысқа ие.
Айта кету керек, өткен жылы Кәсіпкерлер палатасының бизнес-тренерлері «Жас кәсіпкер» жобасы аясында Қызылорда облысы бойынша 1100 азаматты оқытқан. Олардың ішінен 578 жастың жобасы жалпы сомасы 301,9 млн.теңгеге қаржыландырылған.

Жалағашта ағайындылар «Жас кәсіпкер» жобасы аясында кәсібін ашты

Kyzylorda-news.kz. «Қазгидромет» РМК-сы 2020 жылғы 25-27 тамызға арналған ауа райы болжамын жария етті.
<blockquote>
 «Қазақстан аумағының басым бөлігі әлі де биік циклонның ықпалында болып, жаңбыр жауады, кей жерлерде нөсерлетеді. Тек республиканың батысында ғана күн жауын-шашынсыз. Қазақстан бойынша кей жерлерде найзағай ойнап, тұман тұман түсіп, дауыл тұрады, жел тұрып, жылдамдығы секундына 15-25 метрге жетеді, бұршақ жаууы да мүмкін. Еліміздің оңтүстік және оңтүстік-шығыс өңірлерін қоспағанда, көптеген өңірлерде ауа температурасы көтеріледі. Күндізгі температураның 20-25-ке дейін, кей жерлерде 28-ге дейін көтеріледі»,-делінген хабарламада.
</blockquote>

Алдағы үш күнге арналған ауа райы болжамы

<a href="https://kyzylorda-news.kz/">Kyzylorda-news.kz.</a> Қызылордалық тәртіп сақшылары автокөлікті заңсыз иемденген күдіктіні қолға түсірді.
20 тамыз күні сағат 02:50 шамасында Қызылорда облысы ПД-ң Қазалы аудандық полиция бөлімінің кезекші бөліміне үй ауласына қойылған “ВАЗ-2105” маркалы автокөлігін белгісіз азаматтардың заңсыз айдап кеткендігі туралы хабарлама түсті. Полиция қызметкерлерімен жүргізілген жедел-іздестіру жұмыстарының нәтижесінде күдікті ретінде 28 жастағы, Қазалы ауданының тұрғыны ұсталды. 
Орын алған дерек бойынша Қазақстан Республикасы Қылмыстық кодексінің 200-бабының 1-бөлігімен (Автомобильдi немесе өзге де көлiк құралын жымқыру мақсатынсыз құқыққа сыйымсыз иеленіп алу (айдап кету) сотқа дейінгі тергеп-тексеру амалдары жүргізілуде. 
Оқиғаның мән-жайлары анықталуда.

Қызылордада автокөлікті заңсыз иемденген күдікті қолға түсті

<a href="https://kyzylorda-news.kz/">Kyzylorda-news.kz.</a> Қызылорда гарнизонындағы әскери бөлімге ағымдағы жылдың көктемгі шақырылымында келген жас сарбаздар санитарлық-эпидемиологиялық талаптарды қатаң сақтай отырып әскери ант қабылдады. 
Биылғы салтанатты шараның бір ерекшелігі карантиндік шектеулерге байланысты ант қабылдаушылардың туған-туыстарының қатысуынсыз өтті. Ант қабылдау рәсіміне Қызылорда гарнизоны бастығы подполковник Ербол Әбдірайым және Қазақстан Республикасы Қарулы Күштерінің ардагерлері қатысты. 
Әскер қатарына шақырылғандар бір ай бойы дайындық курсы мен әскери қызметке бейімделу кезеңінен өтті. Аз уақыт ішіндегі дайындыққа қарамастан жас сарбаздар қарумен саптық қозғалыстар және қоян-қолтық ұрыстың элементтерін жоғары дәрежеде көрсете білді. 
Салтанатты іс-шара барысында әскери ант қабылдау күнімен әскери бөлімнің командирі подполковник Ербол Әбдірайым құттықтап, Отан алдындағы борыштарын жоғарғы деңгейде атқарып, еліне, отбасына мақтанышпен оралуларына тілек білдірді. Сонымен қатар жас сарбаздардың ант қабылдау рәсіміне келген Ауған соғысының ардагері Қайраддин Баймаханов та жас сарбаздарға жігер беріп, еліміздің болашағы, Отанды қорғау жолында аянбай тер төгуге шақырды. 
Әскери ант қабылдаған жас сарбаздар әскери өмірдің қыр-сырын үйреніп, машықтануда. Алдағы уақытта оларды жоғары жауынгерлік дайындық сабақтары мен оқу-жаттығулар, кәсіби дейгейлерін шыңдайтын кезеңдер күтіп тұр.
<img src="https://kyzylorda-news.kz/wp-content/uploads/2020/08/img-20200824-wa0012.jpg" alt="" />
<img src="https://kyzylorda-news.kz/wp-content/uploads/2020/08/img-20200824-wa0013.jpg" alt="" />

Қызылордада жас сарбаздар әскери ант қабылдады

<a href="https://kyzylorda-news.kz/">Kyzylorda-news.kz.</a> Жыл басынан бері Қарулы күштер саласындағы жемқорлық қылмыс саны 76 пайызға артқан. Бұл туралы Қорғаныс министрлігінің баспасөз қызметі хабарлады.
Бірақ іс жүзінде бұл сыбайлас жемқорлық қылмысының артуы емес, оның айқындалуының артуы. Қорғаныс министрлігі қолданып жатқан түбегейлі жаңа тәсілдерді ескерсек, бұл әбден болуы мүмкін нәрсе. Қорғаныс ведомствосы ештеңені жасырмайды, керісінше барлық ақпаратты тиісті органдарға бере отырып, ашық жұмыс істейді. Ақпан айында Сыбайлас жемқорлыққа қарсы іс-қимыл агенттігімен әскери ортада сыбайлас жемқорлықты жоюға бағытталған өзара ынтымақтастық туралы меморандум жасалды. Нөлдік төзімділік қағидасына сүйене отырып, Қарулы Күштер оларды жасырмайды және бірлескен жұмысқа бағытталған, – деді қорғаныс министрінің орынбасары генерал-лейтенант Тимур Дәндібаев.
Қабылданған алдын-алу шаралары бюджет қаражатын жымқыру саласындағы қылмыстың азайғаны және 2019 бен ағымдағы жылы аталған қылмыстардың тіркелмеген. Негізінен, жеке әскери қызметшілердің өздерінің жеке тәртіпсіздіктері мен ашкөздіктерінің арқасында тұрмыстық эпизодтағы жемқорлық фактілеріне ғана жол берілген.
Біз өз қатарымызды жемқорлықтан тазартуға мүдделіміз. Бұл істе ешкімге аяушылық жоқ, – деп атап өтті министрдің орынбасары.

Қарулы күштер саласында жемқорлық көрсеткіші артқан

<a href="https://kyzylorda-news.kz/">Kyzylorda-news.kz.</a> Қызылорда қаласы әкімінің өкімімен Шамұратов Пакуатдин Сыражадинұлы қалалық құрылыс бөлімінің басшысы қызметіне тағайындалды. 
Пакуатдин Сыражадинұлы, 1983 жылы Қызылорда облысы, Қазалы ауданында дүниеге келген. 
Білімі жоғары. 2006 жылы Қазақ ұлттық аграрлық университетінің «Жер ресурстарын басқару және жерді үйлестіру инженері», 2013 жылы Қазтұтынуодағы Қарағанды Экономикалық университетінің «Экономика саласын құқықтық реттеу», 2016 жылы Қорқыт Ата атындағы Қызылорда мемлекеттік университетінің «Құрылыс» мамандығы бойынша білім алған. 
Еңбек жолын 2006 жылы «Қазалы-Құрылыс» ЖШС геодозист болып бастаған. 
2007-2008 жж. «Жер KZ» маманы; 
2008-2010 жж. Қызылорда облысының сәулет және қала құрылысы басқармасының бас маманы; 
2010-2012 жж. Қалалық жер қатынастары бөлім бастығының орынбасары, бөлім бастығы; 
2012-2017 жж. Қалалық сәулет және қала құрылысы бөлімінің басшысы; 
2017 қыркүйек айынан бастап осы кезге дейін Тасбөгет кентінің әкімі қызметін атқарып келді.
<img src="https://kyzylorda-news.kz/wp-content/uploads/2020/08/fb_img_1598246373933.jpg" alt="" />

Қызылорда қалалық құрылыс бөліміне жаңа басшы тағайындалды

<a href="https://kyzylorda-news.kz/">Kyzylorda-news.kz.</a> Қызылордалық журналистер Талдыарал елді мекеніндегі №215 орта мектебінің оқушыларына құрал-жабдықтар толы 25 сөмке табыстады. 
Шара барысында “Егемен Қазақстан” газетінің меншікті тілшісі Мұрат Жетпісбаев бүлдіршіндерге жаңа оқу жылына сәттілік тілеп, оқуда озат, елін түлетер ұрпақ болыңыздар деген тілегін білдірді. 
Ақжарма ауылдық округының әкімі Жұмабек Әлиев елге қол ұшын берген қаламгерлерге алғысын айтты. 
Мектеп директоры Өркен Орынбекұлы ата-аналар мен оқушыларға игі бастама өз жалғасын табатындығын жеткізді. Өз кезегінде БАҚ өкілдері мен мектеп директорына ризашылықтарын білдірген ата-аналар абырой тіледі. Айта кету керек, биыл Қызылорда қаласы бойынша 4 мектеп дәстүрлі оқытылады. Соның бірі Талдыарал елді мекеніндегі №215 орта мектебі.

Сыр  журналистері &#8220;Мектепке жол&#8221; акциясына атсалысты

<a href="https://kyzylorda-news.kz/">Kyzylorda-news.kz.</a> COVID-19-бен күресуге тартылған 776 медицина қызметкері коронавирустық инфекцияны немесе вирустық пневмонияны жұқтырған жағдайда мемлекеттік әлеуметтік сақтандыру қорынан (МӘСҚ) берілетін біржолғы әлеуметтік төлемді алды, деп хабарлайды <a href="https://www.inform.kz/kz/770-medicina-kyzmetkeri-mask-tan-tolem-aldy_a3686549">ҚазАқпарат</a>.
Сондай-ақ, МӘСҚ аурудың салдарынан қайтыс болған 3 медицина қызметкерінің туыстарына төлемдер аударды. 
Жоғарыда аталған төлем төленетін медицина қызметкерлерін өңірлердің және республикалық маңызы бар қалалардың денсаулық сақтау басқармалары жанындағы арнайы комиссиялар ауырған медицина қызметкерлерін тексеру нәтижелері негізінде анықтайды. Өтінімдердің жинақтауды ҚР Денсаулық сақтау министрлігі жүзеге асырады, одан кейін өтінімдер электрондық іс макеттерін қалыптастыру үшін «Азаматтарға арналған үкімет» мемлекеттік корпорациясы» КЕАҚ-қа беріледі, кейін төлем тағайындау үшін МӘСҚ-ға жіберіледі. 
24 тамыз сағат 9.00-дегі жағдай бойынша МӘСҚ COVID-19 немесе вирустық пневмония жұқтырған 776 медицина қызметкерінің өтініші бойынша және аурудың салдарынан қайтыс болған 3 медицина қызметкерінің өтініш бойынша ақшалай қаражатты тағайындау мен төлеуді жүзеге асырды. 
Өңірлер бөлінісінде медицина қызметкерлеріне COVID-19 немесе вирустық пневмонияны жұқтыру жағдайына төлемдердің ең көп саны Алматы (79), Ақмола (79) облыстарынан, Алматы (74) және Нұр-Сұлтан (69) қалаларынан, сондай-ақ Батыс Қазақстан облысынан (67) жүргізілді. 
Естеріңізге сала кетейік, ҚР Еңбек және халықты әлеуметтік қорғау министрі мен ҚР Денсаулық сақтау министрінің 9 сәуірдегі «Денсаулық сақтау ұйымдарының COVID-19 коронавирустық инфекциясына қарсы күрес жөніндегі эпидемияға қарсы іс-шараларға тартылған қызметкерлері аталған инфекцияны жұқтырған немесе одан қайтыс болған жағдайда оларға біржолғы әлеуметтік төлемді жүзеге асыру қағидаларын бекіту туралы» бірлескен бұйрығына ағымдағы жылдың 22 шілдесінде енгізілген өзгерістерге сәйкес жоғарыда көрсетілген төлем: коронавирустық инфекция немесе вирустық пневмония жұқтырған медицина қызметкерлеріне – 2 млн теңге; COVID-19 коронавирустық инфекциясын жұқтырғаннан, вирустық пневмониямен ауырып қайтыс болған жағдайда олардың отбасына – 10 млн теңге көлемінде төленеді.

770 медицина қызметкері МӘСҚ-тан төлем алды

Kyzylorda-news.kz. Елімізде ата-аналар баласы баратын балабақшаны өздері таңдай алады. Бұл туралы білім және ғылым министрі Асхат Аймағамбетов мәлім етті, деп хабарлайды <a href="https://stan.kz/kazakstanda-endi-ata-analar-balabakshani-ozderi-tanday-336074/">Stan.kz</a>.
Білім және ғылым министрі мектепке дейінгі білім беру жүйесін өзгеріс күтіп тұрғанын айтады. Жаңа модель енгізіліп, енді балабақшаны ата-аналар өздері таңдай алады. Балабақшада білім берудің мазмұны мен әдіс-тәсілдері де қайта қаралады. Ерте жастан тіл үйрету бастамалары өзгереді. Бағдарламаның құрылымы балалардың жасы, психологиялық ерекшелігіне сәйкес жаңарады. Ата-аналар қалаған балабақшасын таңдап, мемлекеттік тапсырыс негізінде бара алады.
Айта кетейік, қазіргі таңда елімізде карантин жеңілдетілгеннен кейін балабақшалар қайта ашылған болатын. Бас мемлекеттік санитар дәрігердің қаулысына орай мектепке дейінгі білім беру орындарында 15 балаға дейін кезекші сыныптар жұмысына рұқсат берілген.

Қазақстанда енді ата-аналар балабақшаны өздері таңдай алады

<a href="https://kyzylorda-news.kz/">Kyzylorda-news.kz.</a> Қазақстанда өткен тәулікте 175 адам коронавирус індетімен ауырғаны белгілі болды, деп хабарлайды coronavirus2020.kz.
Оның ішінде 68 адам клиникалық белгілері жоқ тасымалдаушы ретінде тіркелді.
Аймақтар бойынша (жалпы/симптомсыз):
Нұр-Сұлтан қаласы – 8 / 4
Алматы қаласы – 12 / 3
Шымкент қаласы – 1 / 0
Ақмола облысы – 14 / 8
Ақтөбе облысы – 5 / 2
Алматы облысы – 7 / 3
Атырау облысы – 15 / 13
Шығыс Қазақстан облысы – 28 / 3
Жамбыл облысы – 6 / 3
Батыс Қазақстан облысы – 13 / 7
Қарағанды облысы – 20 / 6
Қостанай облысы – 10 / 5
Қызылорда облысы – 1 / 1
Павлодар облысы – 13 / 3
Солтүстік Қазақстан облысы – 12 / 3
Түркістан облысы – 10 / 4
Жалпы ел бойынша ауырғандар саны 104718.

Қазақстан және Қызылорда облысының жаңалықтары

Тұрсынбай Құлахмет кәсіпқой боксты жеңіспен бастады

Мектепке баратын оқушыларға маска мен қолғап кию міндетті ме – министрлік жауабы

Жалағашта ағайындылар «Жас кәсіпкер» жобасы аясында кәсібін ашты

Алдағы үш күнге арналған ауа райы болжамы

Қызылордада автокөлікті заңсыз иемденген күдікті қолға түсті

Қызылордада жас сарбаздар әскери ант қабылдады

Қарулы күштер саласында жемқорлық көрсеткіші артқан

Қызылорда қалалық құрылыс бөліміне жаңа басшы тағайындалды

Сыр журналистері “Мектепке жол” акциясына атсалысты

770 медицина қызметкері МӘСҚ-тан төлем алды

Қазақстанда енді ата-аналар балабақшаны өздері таңдай алады

Қазақстанда өткен тәулікте 175 адамнан коронавирус анықталды

Қазақстан және Қызылорда облысының жаңалықтары

Тұрсынбай Құлахмет кәсіпқой боксты жеңіспен бастады

Мектепке баратын оқушыларға маска мен қолғап кию міндетті ме – министрлік жауабы

Жалағашта ағайындылар «Жас кәсіпкер» жобасы аясында кәсібін ашты

Алдағы үш күнге арналған ауа райы болжамы

Қызылордада автокөлікті заңсыз иемденген күдікті қолға түсті

Қызылордада жас сарбаздар әскери ант қабылдады

Қарулы күштер саласында жемқорлық көрсеткіші артқан

Қызылорда қалалық құрылыс бөліміне жаңа басшы тағайындалды

Сыр журналистері &#8220;Мектепке жол&#8221; акциясына атсалысты

770 медицина қызметкері МӘСҚ-тан төлем алды

Қазақстанда енді ата-аналар балабақшаны өздері таңдай алады

Қазақстанда өткен тәулікте 175 адамнан коронавирус анықталды

Сыр журналистері “Мектепке жол” акциясына атсалысты