<a href="https://kyzylorda-news.kz/">Kyzylorda-news.kz</a>. Қызылордадағы мүмкіндігі шектеулі жандар бұдан былай оңалту құрылғыларын портал арқылы онлайн ала алады. Яғни бұрынғыдай әлеуметтік орталықтарға барып, өтініш қалдырып, уақыт шығындап, жүйке жұқартпайды. Бұл үшін әлеуметтік қызметтер порталы іске қосылған.
Осы жылдың қаңтар айынан бастап мүгедектер үшін оңалту құралдарының 55 техникалық түрі мен қызметтері қолжетімді. Атап айтқанда, санаторий-курорттық емдеу, протез-ортопедиялық көмек, жеке көмекшінің және ымдау тілі маманының әлеуметтік қызметтері онлайн портал арқылы іске асады.
Өңірде мүмкіндігі шектеулі жандарға қажетті оңалту құрылғыларын алуға бөлінген қаржы да көбейген. Яғни оңалтудың техникалық құралдары мен қызметтерді қамтамасыз етуге республикалық және облыстық бюджеттен 1,4 млрд теңге бөлінген. Бұл өткен жылмен салыстырғанда 1,5 есеге көп.
Мәселен, пилоттық негізде әлеуметтік қызметтер порталы арқылы 11 мүгедек ымдау тілі қызметін, 10 адам жеке көмекшінің әлеуметтік қызметін, 11 адам санаторлы-курорттық емдеу қызметін алған. Бұл қызметтердің енгіде 55 түрі қолжетімді.
Айта кету керек, Қызылорда аймағында 30 мыңнан астам мүмкіндігі шектеулі жан болса, оның 5 мыңы – балалар.

Қызылордада әлеуметтік қызметтер порталы іске қосылған

<a href="https://kyzylorda-news.kz/">Kyzylorda-news.kz.</a> Бүгін Қызылорда өңірінде мектеп оқушылары ІІІ оқу тоқсанын бастады. Бұл оқу тоқсанында 80636 бала дәстүрлі форматта білім алатын болады. Ал, 89258 бала қашықтан оқу форматында білімін жалғастырады.
Алгоритмге сәйкес, жаңа оқу тоқсанында 1-5 сыныптар үшін кезекші топтар жұмыс істейді. Ал, бала саны 300-ден аспай мектептерде оқу дәстүрлі форматта ұйымдастырылады. Ал, 6, 7, 8, 10 сыныптардағы балалар қашықтан оқиды.
Қаңтар айында басталған ІІІ оқу тоқсанындағы басты ерекшелік 9,11-сынып оқушылары мектепке барып оқиды. Бүгінгі күні 9-сыныпта 13242 оқушы білім алса, 11-сыныпта 7002 оқушы оқиды. Бұл сыныптарда балалар негізгі пәндерді, яғни қорытынды емтихан мен ұлттық бірыңғай тестілеу кезіндегі міндетті компонентті пәндер бойынша білім алады. Яғни, пәндердің 70 пайызы – дәстүрлі форматта, 30 пайызы қашықтан оқытылатын болады.
Айта кетейік, Қызылорда облысында 301 мектеп бар. Онда 169894 бала білім алады.

Қызылорда өңірінде оқушылардың ІІІ оқу тоқсаны басталды

<a href="https://kyzylorda-news.kz/">Kyzylorda-news.kz.</a> Бұрын Қылмыстық кодекстің 367-бабының 2-бөлігінде көзделген «айтарлықтай мөлшерде пара беру» қылмысы үшін ең жоғары санкция 5 жылға дейін бас бостандығынан айыруды құраса, қазіргі жаңа редакцияға сәйкес, жазаның жоғары шегі 7 жылға дейін ұзартылды. Бұл туралы «Antikor ortalygy» алаңында өткен брифингте Нұр-Сұлтан қаласы бойынша сыбайлас жемқорлыққа қарсы іс-қимыл департаментінің басшысы Шыңғыс Қабдула айтты, деп хабарлайды <a href="https://lenta.inform.kz/kz/aytarlyktay-molsherde-para-bergeni-ushin-bas-bostandygynan-ayyru-merzimi-uzartyldy_a3739739">ҚазАқпарат</a>.
<blockquote>
 «Жыл соңында ҚР ДСМ бұрынғы вице-министріне қатысты қылмыстық іс сотта қаралды. Сонымен қатар бюджет қаражатын жымқыру фактілері бойынша «Горький атындағы орыс театры» РМК, Астана аймақтық электр желілік компаниясы, Нұр-Сұлтан қаласының Полиция департаменті, «Сергек», «Астана халықаралық әуежайы» АҚ лауазымды тұлғаларына қатысты көп эпизодты істер аяқталды, сондай-ақ Экономикалық тергеу департаментінің тергеушісін кінәсіз адамды қылмыстық жауапкершілікке заңсыз тарту фактісі бойынша және басқа да бірқатар істер», – деді Нұр-Сұлтан қаласы бойынша сыбайлас жемқорлыққа қарсы іс-қимыл департаментінің басшысы.
</blockquote>
Оның айтуынша, Сотқа жіберілген және ақталмайтын негіздер бойынша қысқартылған қылмыстық істер бойынша тиісті ұйымдарға ҚР ҚІЖК 200-бабы тәртібінде 100% ұсыныс енгізу қамтамасыз етілді.
<blockquote>
 «Олар бойынша 47 тұлға әкімшілік және тәртіптік жауапкершілікке тартылды, оның ішінде 23 басшы. Өткен жылдың 1 қыркүйегіндегі Мемлекет басшысының Қазақстан халқына Жолдауында пара берушілер мен делдалдардың жауапкершілігін күшейтуді тапсырды. Бұл тәсіл халықаралық озық тәжірибеге толық сәйкес келетінін атап өткен жөн. Лауазымды адамдарды параға сатып алумен әдейі айналысатын, не заңсыз сыйақы беру кезінде делдал болған адамдар, елеулі қылмыстық жауаптылықта болуға тиіс», – дейді ол.
</blockquote>
Шыңғыс Қабдула бүгінгі таңда Мемлекет басшысының тапсырмасы орындалғанын айтты.
<blockquote>
 «Қылмыстық кодекске тиісті түзетулер енгізілді. Мысалы, егер бұрын Қылмыстық кодекстің 367-бабының 2-бөлігінде көзделген «айтарлықтай мөлшерде пара беру» қылмысы үшін ең жоғары санкция 5 жылға дейін бас бостандығынан айыруды құраса, тиісінше бұл әрекет орташа ауыр қылмыс деп танылды. Ал қазіргі жаңа редакцияға сәйкес, жазаның жоғары шегі 7 жылға дейін ұлғайтылды, бұл автоматты түрде ауыр құқықтық салдары бар санатқа – яғни шартты түрде мерзімінен бұрын босатуға тыйым салу және қауіпсіздігі төмен қоныс-колониясында жазаны бірден өтеудің мүмкін еместігі көзделген», – дейді ол.
</blockquote>

Айтарлықтай мөлшерде пара бергені үшін бас бостандығынан айыру мерзімі  ұзартылды

<a href="https://kyzylorda-news.kz/">Kyzylorda-news.kz.</a> ҚР Орталық сайлау комиссиясы 10 қаңтар күні өткен ҚР Парламенті Мәжілісі депутаттарын сайлауда саяси партиялар жинаған дауыстардың алдын ала қорытындысын жария етті.
ҚР Орталық сайлау комиссиясының хатшысы Сәбила Мұстафинаның дерегінше, «Ауыл» халықтық-демократиялық патриоттық партиясы 5,29, «Nur Otan» партиясы 71,09%, «ADAL» саяси партиясы 3,57, Қазақстанның «Ақ жол» демократиялық партиясы 10,95 және «Қазақстанның Халық партиясы» 9,10 пайыз дауыс жинады.

ҚР ОСК сайлаудың алдын ала қорытындысын жариялады

<a href="https://kyzylorda-news.kz/">Kyzylorda-news.kz.</a> Қызылордада 5 азаматты алдап кеткен алаяқ ұсталды.
Өткен жылдың 20 желтоқсанында Қызылорда қалалық Полиция басқармасына облыс орталығының 5 тұрғыны оларға қатысты жасалған алаяқтық деректері бойынша арыз жазып, өз қаражаттарын қайтаруға көмек сұраған.
Арызданушылардың әрқайсысы өзін облыс орталығында орналасқан медициналық мекемелердің бірінің кадр бөлімінің қызметкері ретінде таныстырып, оларды жұмысқа орналастыруға уәде берген азаматшаға 200 000 теңгеден ақша берген. Өткізілген жедел-іздестіру шараларының нәтижесінде осы қылмысты жасауға күдікті ретінде бұрын сотты болған 1974 жылы туған азаматша анықталып, ұсталды.
Алаяқ өз ісін мойындады. Қазақстан Республикасы Қылмыстық кодексінің 190-бабының 3-бөлігінің 3,4-тармақтары (Екі немесе одан да көп адамға қатысты бірнеше рет жасалған алаяқтық) бойынша сотқа дейінгі тергеу амалдары жүргізіліп, қазіргі таңда материалдар тиісті шешім қабылдау үшін сотқа жолданды.

Қызылордада алаяқ 5 адамды алдап кетті

<a href="https://kyzylorda-news.kz/">Kyzylorda-news.kz.</a> Облыста «Нұрсәт» орталығында қосымша 4 жабық теннис кортының құрылыс салынуда. Бұл туралы Өңірлік коммуникациялар қызметінің ақпараттық алаңында облыстық дене шынықтыру және спорт басқармасының басшысы Жақсылық Оспанов баяндады.
Қазіргі таңда Қызылорда қаласындағы байдарка және каноэ есу базасының құрылыс монтаж жұмыстары жүргізілуде.
Өткен жылы аймақта 4 Қазақстан Республикасының чемпионаты, 2-і халықаралық және 5 республикалық турнирлер, балалар мен жасөспірімдер спорт мектептері арасында 11 облыстық біріншілік ұйымастырылды. Облыс спортшылары ҚР чемпионаттары мен кубоктарында 353 медальді жеңіп алса, Азия чемпионаттарында 25 медальға қол жеткізді. Олимпиадасын жолдамасын жеңіп алған Дәулет Ниязбеков пен Қамшыбек Қоңқабаев жаттығу жұмыстарын жүргізіп жатыр.

Қызылордада жабық теннис корты салынуда

<a href="https://kyzylorda-news.kz/">Kyzylorda-news.kz.</a> Қызылорда облысында террористік тұрғыдан осал 9 нысанның&nbsp;басшыларына әкімшілік айыппұл салынды.
Қызылорда облысының Полиция департаментімен террористік тұрғыдан осал объектілердің терроризмге қарсы қорғалуын бақылауды ұйымдастыру бойынша жұмыстар ұдайы жүргізіліп, олардың басшылары мен меншік иелеріне түсіндіру жұмыстары да тұрақты негізде жүзеге асырылуда.
Қызылорда облысында 2020 жылы террористік тұрғыдан осал 9 объектінің жарақталуы Қазақстан Республикасы Үкіметінің 2015 жылғы №191 қаулысының және «Терроризмге қарсы іс-қимыл туралы» ҚР Заңының талаптарына сәйкес келмегені үшін басшыларына жалпы сомасы 2 млн 611 мың 320 теңге көлемінде әкімшілік айыппұл салынды.
«Қазақстан Республикасында тексерулерге және профилактикалық бақылау мен қадағалауды барып жүргізуге мораторий енгізу туралы» Қазақстан Республикасы Президентінің 2019 жылғы 26 желтоқсандағы №229 Жарлығының негізінде 2020 жылғы 1 қаңтардан бастап 2023 жылғы 1 қаңтарға дейін шағын және микрокәсіпкерлік субектілеріне тексеру тоқтатылды.
Террористік тұрғыдан осал объектілердің терроризмге қарсы қорғалуының бұзылуына жол бермеу мақсатында күзет ұйымдарының басшылары, меншік иелері және өкілдері мынадай құжаттарды зерделеу бойынша персоналмен сабақтар өткізуді қамтамасыз ету қажет:
1. «Терроризмге қарсы іс-қимыл туралы» Қазақстан Республикасының Заңы;
2. «Террористік тұрғыдан осал объектілердің терроризмге қарсы қорғалу жүйесіне қойылатын талаптарды бекіту туралы» Қазақстан Республикасы Үкіметінің 03.04.2015 жылғы № 191 Қаулысы.
3. «Қазақстан Республикасының кейбір заңнамалық актілеріне қылмыстық жолмен алынған кірістерді заңдастыруға (жылыстатуға) және терроризмді қаржыландыруға қарсы іс-қимыл мәселелері бойынша өзгерістер мен толықтырулар енгізу туралы» Қазақстан Республикасының 2020 жылғы 13 мамырдағы №325-VI Заңы;
4. «Террористік актісі туындаған кезде террористік тұрғыдан осал объектілерінің басшылары мен персоналдарының іс әрекеті бойынша» жаднама.

Қызылордада террористік тұрғыдан осал 9 объектінің    басшыларына әкімшілік айыппұл салынды

<a href="https://kyzylorda-news.kz/">Kyzylorda-news.kz.</a> Қазақстан халқы ассамблеясынан Мәжіліс депутаттығына үміткерлерге дауыс беру аяқталды, – деп хабарлайды&nbsp;<a href="https://kaz.tengrinews.kz/">Tengrinews.kz</a>.
ҚХА атынан тоғыз адам Мәжіліске үміткерлер:
Сауытбек Әбдірахманов – Қазақстан Парламенті Мәжілісі VI шақырылымының депутаты; 
Аветик Амирханян – БҚО армян этномәдеми “Масис” қоғамдық бірлестігінің өкілі; 
Ілияс Буларов – Жамбыл облысы Қордай ауданы Сарытөбе ауылдық округінің әкімі; 
Наталья Деменьтева – Көкшетау білім басқармасының “Технический лицей” КММ директоры; 
Юрий Ли – “Қазақстан ұлттық коллекторлар палатасы” ЗТБ төрағасы; 
Вакиль Набиев -күрттердің “Барбанг” қауымдастығының” вице-президенті; 
Шамиль Осин – “Шығыс” фермерлік шаруашылығының басшысы; 
Владимир Тохтасунов -“ЖетісуОблГаз” ЖШС бас директоры; 
Абилфас Хамедов – “Әзербайжандар қауымдастығы” РҚБ төрағасы.
Нұр-Сұлтан қалалық сайлау комиссиясының өкілдері ҚХА-ның 351 мүшесі дауыс бергенін атап өтті.
Сауытбек Әбдірахманов үшін 298 бюллетень, Аветик Амирханянға – 270, Ілияс Буларовқа – 274, Наталья Деменьтевке – 292, Вакиль Набиевке – 285, Юрий Лиге – 282, Шамиль Осинге – 271, Владимир Тохтасуновқа – 277, Абилфас Хамедовке – 290 бюллетень берілген.

Қазақстан халқы ассамблеясынан Мәжіліске 9 депутат сайланды

<a href="https://kyzylorda-news.kz/">Kyzylorda-news.kz.</a> Қазақстанның тұңғыш президенті, Қазақстан халқы Ассамблеясының төрағасы Нұрсұлтан Назарбаев бірлік пен &nbsp;сенімнің арқасында елде тұрақтылық пен тыныштық сақталып отырғанын мәлімдеді, деп хабарлайды&nbsp;<a href="https://sputnik.kz/">Sputnik Қазақстан.</a>
<blockquote>
 “Қазақстан халқы Ассамблеясына 25 жыл толып отыр. Осы жылдар бойы Ассамблея этностарды, діни конфессияларды біріктірудің бірегей органы ретінде барлық адамды бірлікке, төзімділікке, сенімге, еліміздің болашағы үшін бірігуге шақырып келеді. Осындай бірлік пен сенімнің арқасында біз елдегі тұрақтылық пен тыныштықты сақтап отырмыз”, – деді Назарбаев ҚХА сайлайтын мәжіліс депутаттығына кандидаттарға дауыс бергеннен кейін.
</blockquote>
Коронавирус пандемиясы Қазақстан бастан өткеріп отырған алғашқы дағдарыс емес, деп жалғастырды сөзін Елбасы.
<blockquote>
 “Біз сізбен бірге мұны да еңсеріп шығамыз деген ойдамын. Біз бүгін дауыс берген тоғыз депутат – Қазақстанда өмір сүретін түрлі ұлт пен этностардың өкілдері. Олар әр адамның құқығы мен бостандығына кепілдік беретін заңнаманы қамтамасыз етеді, тарих пен мәдениетімізді сақтайды, барлық этнос пен діни бірлестіктер арасында жақсы қарым-қатынас орнатуға сеп болады”, – деді Назарбаев.
</blockquote>
Ол ҚХА посткеңестік мемлекеттердің барлығына үлгі болғанын атап өтті.
<blockquote>
 “Өздеріңіз білесіздер, Ресей де біздің тәжірибемізге сүйеніп Ассамблея құрғалы жатыр. Басқалары бұған дейін құрып қойған. Яғни, біз Ассамблеяны сақтап, оның институттарын дамытуымыз керек”, – деді Елбасы.
</blockquote>
Дүйсенбі, 11 қаңтарда, Бейбітшілік және келісім сарайында Ассамблея сайлайтын мәжіліс депутаттарын сайлау бойынша ҚХА-ның XXVIII сессиясы ашылды.
Қазақстанның тұңғыш президенті, ҚХА төрағасы Нұрсұлтан Назарбаев ҚХА-дан мәжіліске ұсынылған кандидаттарға дауыс берді.

Назарбаев тағы да үндеу жасады

<a href="https://kyzylorda-news.kz/">Kyzylorda-news.kz.</a>&nbsp; Шығыс Қазақстан облысының бас санитар дәрігерінің міндетін атқарушы Хамит Елубаев сайлау комиссияларының мүшелерін үш күн мерзімге карантинге жіберуге өкім етті.
Сайлау комиссияларының мүшелері Қазақстан Республикасы парламенті мәжілісі және мәслихаттар сайлауының қорытындысы шыққан сәттен бастап 72 сағат мерзімге үйде оқшаулануға (үй карантині) міндетті.
72 сағаттан кейін олар ПТР әдісі арқылы COVID-19-ға қарсы бақылау тестінен өтуі қажет.
<blockquote>
 “Егер нәтиже оң болса, жұмыстан шеттетіледі; егер COVID-19 инфекциясының белгілері болса, емделеді; егер нәтиже теріс болса, өз қызметтік міндетін орындауды жалғастырады”, – делінген санитар дәрігердің қаулысында.
</blockquote>
Шығыс Қазақстан облысының денсаулық сақтау басқармасына медициналық бақылау жасау және ПТР әдісін қолдана отырып, COVID-19-ға қарсы тестілеу тапсырылды.
Еске сала кетейік, сайлау алдында сайлау комиссияларының мүшелері COVID-19-ға қарсы тестілеуден тегін өткен болатын. &nbsp;&nbsp;
<a href="https://sputnik.kz/regions/20210111/15992775/kimder-ush-kun-karantinde-bolady.html">Sputnik Қазақстан</a>

Сайлаудан кейін кімдер үш күн карантинде болады?

<a href="https://kyzylorda-news.kz/">Kyzylorda-news.kz.</a>&nbsp; «Қазгидромет» РМК 12-14 қаңтар аралығындағы ауа райы болжамын ұсынды.
«Аталған кезеңнің басында Атлантикалық циклон елдің басым бөлігіне жауын-шашын әкеледі: солтүстікте – жаяу бұрқасын, қар; батыс пен оңтүстікте – жаңбыр, қар болады.
Одан кейін елдің басым бөлігіне Салехард аудандарынан антициклон ығысады. Осыған байланысты, аталған кезеңнің соңына қарай күн ашылып, температура төмендейді деп күтілуде.
Алайда, республиканың кей жерлерінде тұман, екпінді жел, жаяу бұрқасын күтіледі. Оңтүстікте, оңтүстік-шығыста және батыста – көктайғақ, оңтүстік-батыста шаңды дауыл болжанады», – делінген синоптиктер ақпаратында.

Алдағы үш күнге ауа райы болжамы

<a href="https://kyzylorda-news.kz/">Kyzylorda-news.kz.</a>&nbsp;Жалпыға бірдей декларацияға көшудің алғашқы кезеңін жүзеге асыру аясында қызылордалық 17 мыңдай мемлекеттік қызметкер жеке табысын жария етуі тиіс.
Лауазымды тұлғалардың жұбайлары да дүние-мүлкін жасырмай көрсетуге міндетті. Егер олардың шетелде қаржылай шоты бар болса, жарты жыл ішінде жауып үлгергендері дұрыс. Талап орындалмаса, айыппұл салынады. Өңірде кәсіпкерлер үшін бөлшек салық мөлшері төмендетілді. Сондай-ақ салықтық рақымшылық мүмкіндігін пайдаланған 15 мыңдай жеке тұлғаның 50 миллион теңгеден астам өсімпұлы кешірілді.
Биылдан бастап мүлік және жер салығын төлеу жүйесі біріктірілді. Яғни есептелуі бөлек жүргізілгенімен төлем тәсілі ортақ болмақ. Бұл тұрғындардың қазіргі таңда қордаланған 500 миллион теңгедей қарызын тезірек жинауға септігін тигізбек. Пандемиядан зардап шеккен шағын және орта бизнес нысандары үшін бөлшек салық төлеу түрінде ерікті арнаулы салық режимі енгізілді. Яғни табыстан алынатын бөлшек салық мөлшері азайтылды.&nbsp;
<blockquote>
 “Бұрын-соңды олар бухгалтерлік есеп жүргізіп, кіріс-шығысын анықтап таза табысының 10% салық төлейтін болса, оларға тоқсан сайын жалпы бөлшек саудадан түскен табысының 3% мөлшерінде салығын төлеп пандемиядан ертерек аяққа тұрып кетуіне мүмкіндік беріп отыр”, – дейді облыс бойынша мемлекеттік кірістер департаментінің басшысы Ғалымжан Орынов.
</blockquote>
Жартылай дайындалған өнімдер шығарумен айналысатын кәсіпкер Әлия Ахметжанова салықтық жеңілдіктер арқасында карантинде өндірісті тоқтатпады. Бір айда 15 тоннадай ет өңдеп, 20 түрлі жартылай фабрикат әзірлейтін цехтың 40 жұмысшысы жалақыдан да қысылған емес.
<blockquote>
 “Салық комитетіне жылда төлейтін 1 млн теңгені қазір біз өндірісті дамытуға жұмсап отырмыз. Ол үлкен бізге көмек болды. Үлкен мақсаттарымызды қойып жатырмыз. Бүкіл қаражатты өндірісті дамытуға жұмсауға үміттеніп отырмыз”, – кәсіпкер Әлия Ахметжанова.&nbsp;
 “Кәсіпкердің саны мен жалдамалы жұмысшылар саны көбейіп, кіші бизнестен әрі қарай орта, ірі кәсіпкерге өтуіне үлкен септігін тигізіп жатыр. 23 мың кәсіпкердің қазіргі таңда бюджетке 2 млрд теңгеден астам кезінде салық төленсе 2020 жылы сол 2 млрд теңгеге өз кәсібін дөңгелетуге мүмкіндіктер тиісті мораторий арқасында жұмыс жасалды”, – дейді қала әкімінің орынбасары Бектас Нұридинов.&nbsp; Қамбар Бекенов, тілші: –
</blockquote>
2018-2019 жылдары банктен қаржы шешу бойынша сырбойылықтар республикада алдыңғы орында болған. Бұл қызылордалықтардың қаражатты қолма-қол жұмсағанды жөн санайтындығын көрсетеді. Былтыр ол 56% төмендеп, электрондық ақша айналымы арта түсіпті. Салық мамандары енді осы жүйені жетілдіруді жоспарлап отыр. Жалпы өткен жылы өңірде салық түсімдері 107% орындалып, қазынаға 9 миллиард теңге артық жиналған.

Қазақстан және Қызылорда облысының жаңалықтары