<a href="https://kyzylorda-news.kz/">Kyzylorda-news.kz.</a>Коронавирустың екінші толқыны біршама жеңіл өтеді. Бұл туралы Ұлттық қоғамдық денсаулық сақтау орталығы директорының бірінші орынбасары, эпидемиолог Бауыржан Жүсіпов айтты, деп хабарлайды <a href="https://www.inform.kz/kz/koronavirustyn-ekinshi-tolkyny-birshama-zhenil-otedi-epidemiolog_a3687573">Қазақпарат</a>.
«Коронавирус індетінің негізгі толқынын өткіздік» деген пікірдегі адамдармен келісемін. Бізде негізгі толқын осы жылдың маусым-шілде айларында болды. Мұны бізге қолжетімді статистикаға, ауруханаға жатқызу деректеріне қарап айта аламыз. Дегенмен, тіркелген статистикалық мәліметтер шынайы жағдайды көрсете алмайды. Меніңше, мұндай жайт бүкіл әлемде бірдей. Көктемде науқастарды тіркеген кезде жеңіл және симптомсыз формасына, орташа ауыр және ауыр формасына қатысты мүлде басқа ара қатынасты байқаған едік. Бұған қоса, орташа және ауыр формамен ауырғандардың саны басым болды. Коронавирусқа шалдығудың шырқау шегінен өткенімізді білдіретін тағы бір жайт – өкпе қабынуының өте көп болуы. Оның үстіне қазір Денсаулық сақтау министрлігі бұл өкпе қабынуларын ковид деп санап, тіркеуге қосып отыр. Яғни, өкпе қабынуылары ПТР-диагностикалау көмегімен анықталған еді», – деді ол коронавирустың екінші толқының жүру мүмкіндігін талқылауға арналған онлайн жиында.
Оның атап өтуінше, коронавирус індетінің шырқау шегінен өтіп кетуіміз алдағы уақыттағы жағдайға оң әсерін тигізеді.
<blockquote>
 «Өйткені, енді иммунитеттің бар екендігін білеміз. Коронавирусты қайталап жұқтырып алу деректері бірен-саран ғана. Оның өзі де ағзаның ерекшелігіне, иммунитеттің қалыптасуына байланысты. Жалпы, иммунитет бар. Осыны ескерер болсақ, коронавирустың екінші толқыны біршама жайдақ өтеді. Яғни, маусым-шілдедегідей күрт өршімейді. Біз де, Денсаулық сақтау министрлігі де, жалпы қоғам да дайын болады. Желтоқсанға қарай ол күрделене түседі. Қыркүйек пен қазан айлары біршама тыныш өтеді», – деді Бауыржан Жүсіпов.
</blockquote>

Коронавирустың екінші толқыны біршама жеңіл өтеді &#8211; эпидемиолог

<a href="https://kyzylorda-news.kz/">Kyzylorda-news.kz.</a> Қызылордада облыс тұрғыны ауладан велосипед ұрлап кетті.
Қиналғанға медеу, жабыққанға демеу, әлсіздерге қорған болған сақшылардың еңбегі еленіп жатыр. Полиция қызметкерлерінің қырағы қызметіне көңілдері толған өңір тұрғындары олардың тиянақты жұмыстарына алғыстарын айтуда.
Мәселен, Махамбет ауылының тұрғыны Нұрлан Оспанқұлов жедел әрекет еткен Қызылорда облысы Полиция департаментінің учаскелік полиция инспекторы Тұрсын Құрманғазыұлына және Ғабит Балхожаев шын ниетпен алғысын білдірді. Учаскелік полиция инспекторлары тұрғынның ауласынан таңертеңгі уақытта ұрланған қос дөңгелекті көлігін тауып берген.
Оқиға желісі төмендегідей өрбіген. 24 тамыз күні ауыл тұрғыны Нұрлан Оспанқұлов Қызылорда қалалық Полиция басқармасының кезекші бөліміне ауласынан “PHOENIX” маркалы велосипедін және балық аулау құралдарын ұрлап кеткендігі жөнінде арызданған.
Хабарлама түскен сәттен жедел әрекеттерге кіріскен полицейлер “ізін суытпай” 30 жастағы жұмыссыз облыс тұрғынын ұстады. Күдікті азаматтан айғақ зат ретінде ұрланған велосипед тәркіленіп, иесіне қайтарылды.
Тексеру барысында күдікті азаматтың екі тонау және ұялы телефон ұрлықтарына қатысы бар екендігі анықталды.
Бұл дерек бойынша ҚР ҚК-нің 188-бабының 3-бөлігі 3-тармағы бойынша (Тұрғын, қызметтiк немесе өндiрiстiк үй-жайға, қоймаға не көлік құралына заңсыз кiрумен жасалған ұрлық) және 191-бабының 3-бөлігі 2-тармағы бойынша (Тонау, бірнеше рет) сотқа дейінгі тергеп-тексеру басталды.
Қазіргі уақытта күдікті уақытша ұстау абақтысына қамаққа алынды.

30 жастағы қызылордалық велосипед ұрлығына күдікті ретінде ұсталды

<a href="https://kyzylorda-news.kz/">Kyzylorda-news.kz.</a> Жиделі су қоймасы қауіпті жағдайда тұр. Жыл басында Сыр өңіріне ат басын тіреген «Nur Otan» партиясы төрағасының бірінші орынбасары Бауыржан Бәйбекке ауыл тұрғындары осылай шағым айтқан болатын.
Нысанның жағдайымен толық танысқан партия басшылығы сол кезде мәселені шешуді жергілікті әкімдік пен тиісті сала мамандарына тапсырып, тікелей бақылауға алған болатын.
<blockquote>
 “Жақында «Nur Otan» партиясының араласуымен тұрғындар өтініші оң шешімін тапты. Республикалық бюджеттен 450 млн теңге қаржы бөлініп, су қоймасына күрделі жөндеу жұмыстары басталды. «Жиделі» су қоймасы Жаңақорған ауданы, Жайылма ауылдық округінде орналасқан. Қыстай «Түлкілі» өзені мен таудан аққан қар суынан мұнда 10,5 млн текше метр су жиналады. Дәл қазір су көлемі соншалықты көп емес, бірақ апаттың айтып келмейтіні белгілі. 40 жылға жуық күрделі жөндеу көрмеген қоймадағы су, бөгетті бұзып кетуі әбден мүмкін”, – дейді Жаңақорған аудандық «Сушар» өндірістік учаскесінің басшысы Әбдімәжит Ахметов.
</blockquote>
«Жиделі» су қоймасы 1983 жылы салынған. Жайылма, Сүттіқұдық ауылдық округтері тұрғындары ауыл шаруашылық мақсатта яғни, егіс пен мал суатына пайдаланып отыр. Су қоймасының бөгеті, 4,5 шақырым су құбыры (лоток) апатты жағдайда. Егер су бөгетті бұзса 1,5 мыңнан астам тұрғыны бар 2 елді мекенді су басып қалатын еді. Қазіргі таңда қауіп сейілді. Осы орайда ауыл тұрғындары «Nur Otan» партиясының басшылығына алығысын білдіреді.
Стратегиялық нысанның жалпы ұзындығы 830 метрді құрайды. Қазіргі таңда ұзындығы 520, ені 25 метр бөлігіне мердігер «Г.С.Г Высотник» ЖШС күрделі жөндеу жұмыстарын жүргізіп жатыр.
<blockquote>
 “Біз қазір бірінші бөгетті нығайту жұмыстарын жасап жатырмыз. Ыза су мен су толқыны бөгетті шайып кетпес үшін, мұнда арнайы ылғал ұстағыш материал мен габионды сетка пайдалынылып жатыр. Олар қиыршық тастармен толтырылатын болады. Тас жергілікті жерден алынып отыр. Онан бөлек 4,5 шақырым су құбыры ауыстырылады. Арнайы су мамандары үшін басына тұрғын үй де салдық. Бұл жұмыстарға 5 техника 15 адам жұмылдырылып отыр. Алда қосымша “Жұмыспен қамтудың Жол картасы” аясында 27 жергілікті азаматты жұмысқа тартпақпыз. Жалпы жөндеу жұмыстарын жоспарда көрсетілген 2 ай мерзімде 1 қарашаға дейін аяқтаймыз”, – дейді учаске бастығы Рахматулла Ерназаров.
 “Қаржы бөлінді, жұмыс басталды. Құрылыстың сапасы мен мемлекет қаржысының тиімді жұмсалуы да «Nur Otan» партияcының жіті бақылауында. Мұны жұмыс барысына арнайы мониторинг жүргізіп келген Қызылорда облыстық партия филиалы төрағасының орынбасары Алтынбек Жарылқасыновта мердігер мекеме басшыларына нықтап айтты. Бұл халықтың игілігі үшін жасалып жатқан жұмыстар. Сондықтан мерзімі мен құрылыс сапасы да стандартқа сай болуы қажет.Сіздердің жұмыстарыңыз партияның ғана емес, жергілікті тұрғындардың да бақылауында болады”, – деді Алтынбек Жарылқасынов.
</blockquote>
<img src="https://kyzylorda-news.kz/wp-content/uploads/2020/08/img-20200827-wa0002.jpg" alt="" />
<img src="https://kyzylorda-news.kz/wp-content/uploads/2020/08/img-20200827-wa0003.jpg" alt="" />

Жиделі су қоймасына күрделі жөндеу жұмыстары жүргізілуде

<a href="https://kyzylorda-news.kz/">Kyzylorda-news.kz.</a> Қазақстан аумағының оңтүстігінде, оңтүстік-шығысында, шығысында және солтүстік-шығысында құбылмалы ауа райы сақталады, деп хабарлайды Қазгидромет.
Алматы облысының кей жерлерінде желдің екпіні 25 м/с күшейеді, кей жерлерде бұршақ жаууы ықтимал.
Жамбыл облысында найзағай ойнап, жел 15-20 м/с артады. Кей жерлерде тұман, бұршақ күтіледі.
Түркістан облысының кей жерлерінде дауыл, 15-20 м/с екпіндегі жел, бұршақ болжанады.
Түнде және таңертең Қостанай, Солтүстік Қазақстан, Шығыс Қазақстан облыстарының кей жерлерінде тұман күтіледі. Күндіз Шығыс Қазақстан облысында желдің күші 15-20 м/с күшейеді.
Павлодар, күндіз Қарағанды ​​облыстарының кей жерлерінде жел 15-20 м/с күшейеді. Қарағанды ​​облысында бұршақ жаууы ықтимал.
Қызылорда облысында, Түркістан, Атырау облыстарының кей жерлерінде, Жамбыл облысының батысында, Батыс Қазақстанның оңтүстігінде, Қарағанды ​​облысының оңтүстік-батысында төтенше өрт қаупі күтіледі.

27 тамызға арналған ауа райы болжамы

<a href="https://kyzylorda-news.kz/date/2020/08/26/">Kyzylorda-news.kz.</a> Бүгін аймақ басшысы Гүлшара Әбдіқалықованың төрағалығымен облыс әкімдігі жанындағы құқық бұзушылық профилактикасы жөніндегі ведомствоаралық комиссияның кезекті отырысы өтті.
Отырыстың күн тәртібінде 2 мәселе қаралды. Атап айтқанда, 2020 жылдың 7 айының қорытындысы бойынша жол жүрісі қауіпсіздігін қамтамасыз етудің жағдайы және бұрын сотты болғандарды, оның ішінде пробациялық бақылау есебінде тұратын азаматтарды жұмыспен қамту және оларға әлеуметтік көмек көрсету бойынша 2019 жылы және 2020 жылдың 7 айында бірлесіп атқарылған шаралар туралы айтылды.
Статистикалық ақпараттарға сәйкес ағымдағы жылдың 7 айдың қорытындысымен көлікті масаң күйде басқарған тұлғалармен 18 жол көлік оқиғасы орын алып, өткен жылдың осы кезеңімен салыстырғанда 10% өскен. Сонымен қатар, көлікті масаң күйде басқарғаны үшін 946 әкімшілік құқық бұзушылық тіркелген. 
Облыстық әкімдіктің қолдауымен, 2020 жылдың маусым айында, Қызылорда қаласында 13 «Арқан» стационарлы жылдамдық өлшегіш құрылғылары іске қосылды.
Өңір басшысы полиция қызметінің жұмысын күшейтуді тапсырды.
<blockquote>
 «Жол-көлік оқиғаларын алдын алу бағытында тиімді профилактикалық іс-шаралар ұйымдастырылу керек. Сонымен қатар, полиция органдарының имиджін көтеруге бағытталған жол карталарының талаптарын орындау мақсатында жеке құрам арасында қызметтік әдеп, халықпен байланыс сапасын арттыру бойынша біліктілігін артыру бойынша оқулар өткізіңіздер. Аудандар мен Қызылорда қаласы әкімдіктерімен бірлесіп, автомобиль жолдарындағы авариялық қауіпті учаскелерді мониторинг пен талдау арқылы анықтап, стандартқа сай келмейтін кемшіліктерді жою және ол учаскелерді тиісті жөндеу, жетілдіру бойынша шаралар қабылдау қажет. Жол жүрісі қауіпсіздігіне қатысты, оның ішінде көлік оқиғаларының салдарын түсіндіре отырып, кең ауқымды түсіндірме жұмыстарын жүргізуді қамтамасыз етіңіздер», – деді облыс әкімі Гүлшара Әбдіқалықова.
</blockquote>
<img src="https://kyzylorda-news.kz/wp-content/uploads/2020/08/118391736_2674414635994922_4797875447614992208_o.jpg" alt="" />
Ағымдағы жылдың 7 айының қорытындысымен, өңірімізде бұрын сотты болғандармен қылмыстық құқық бұзушылықтар 30%, оның ішінде бұрынғы соттылығы өтелмегендермен жасалған қылмыстар да 21% төмендеді.
Дегенмен, ағымдағы жылы профилактикалық есепте тұрған адамдармен бірнеше қылмыс жасау деректері орын алған. 
Аймақ басшысы пробация қызметіндегі тұлғалардың қоғамға бейімделуіне жұмыс жасауды тапсырды.
<blockquote>
 «Қайта қылмыс жасауға бейімді сотталғандарды анықтап, оларды еңбекке және тұрмыстық орналасу, әлеуметтiк және өзге де көмектiң басқа түрлерiн ұйымдастыру шараларын тиімді түрде жүзеге асыру керек. Пробация қызметіндегі тұлғалардың қоғамға бейімделуіне, заңдардың талаптарын сақтауға, еңбекке және өзге де қоғамға пайдалы қызметпен айналысуға бағытталған шаралар қабылдансын. Қызылорда қаласы мен аудан әкімдері пробация қызметінің есебінде тұрған және бас бостандығынан айыру орындарынан босатылған адамдар үшін 2021 жылға арналған бос жұмыс орындарының квоталарын қолданыстағы қағидаларға сәйкес 2020 жылдың 1 желтоқсанға дейін бекіту керек», – деді облыс әкімі Гүлшара Әбдіқалықова.
</blockquote>
<img src="https://kyzylorda-news.kz/wp-content/uploads/2020/08/118653109_2674414472661605_4530845141992723200_o.jpg" alt="" />

Қызылордада құқық бұзушылық профилактикасы жөніндегі комиссияның отырысы өтті

<a href="https://kyzylorda-news.kz/date/2020/08/26/">Kyzylorda-news.kz.</a> Қызылордада жылу беру маусымы алдында көпбалалы және аз қамтылған, тұрмыс жағдайы төмен 2 592 отбасының үйіне көмірқышқыл газын анықтайтын датчик орнатылады. Бұл өз кезегінде төтенше жағдайдың алдын алу, қайғылы жағдайларды болдырмауға мүмкіндік береді. Бұл туралы Өңірлік коммуникациялар қызметінің ақпарат алаңында өткен брифингте Қызылорда облысының Төтенше жағдайлар департаменті бастығының орынбасары Саид Молдақараев мәлімдеді.
<blockquote>
 “Өткен жылы&nbsp;жылу беру маусымында облыс бойынша 201 өрт тіркелді. Төтенше жағдайдың басым бөлігі тұрғын үй секторынан шықты.Осыған орай үстіміздегі жылдың 15 тамызынан бастап департамент қызметкерлері жылу беру маусымы кезеңінде өрттің пайда болуын, адамдардың қаза болуын және жарақат алу қауіп-қатерін азайту мақсатында халық арасында тұрмыстағы электр және жылыту қондырғыларын, жылыту пештерін қолдану, мұржаларын тазарту жөнінде үнпарақтар таратып, үгіттеу-түсіндіру жұмыстары жүргізілуде. Адам өмірін оттан сақтау, бақытсыздық жағдайды болдырмау басты мақсат. Сол үшін де департамент тарапынан тиісті шаралар жалғасын табады”,-деді Саид Шазындаұлы.
</blockquote>
<img src="https://kyzylorda-news.kz/wp-content/uploads/2020/08/118417073_1099026323826212_6532395421924335676_o.jpg" alt="" />

Қызылордада тұрмысы төмен отбасыларына көмірқышқыл газын анықтайтын құрылғы орнатылады

&nbsp;<a href="http://kyzylorda-news.kz">Kyzylorda-news.kz.</a> Сырдария ауданындағы «Ақжарма және К» шаруа қожалығы диқандары егінге орақ салып, Сыр салысын шашпай-төкпей жинап алудың қамына кірісті. Егінге орақ салу рәсіміне аудан әкімі Руслан Рүстемов, аудандық мәслихаттың хатшысы Ержан Әжікенов, ауыл ақсақалдары, шаруашылық төрағалары мен еңбеккерлер қатысты.
Алғашқы орақ салу шарасында аудан басшысы сөз сөйлеп, науқандық жұмысты бастаған ақжармалықтарға құттықтау лебізін жеткізді.
<blockquote>
 “Сыр күріші дегенде алдымен даңғайыр диқан Ыбырай Жақаевты айтамыз. Егін егуде рекордтық көрсеткішке жеткен дала кемеңгері «Егіншілік – ежелгі кәсіп, еңбекшіге – нәсіп» деген екен. Сол айтқандай, егінжай ерлері ала жаздай Сыр дақылының бап-күтімін жасады. Қазақстанның Еңбек Ері Абзал Ералиевтей жерлестерін мақтан тұтатын сырдариялық диқандар ырзық-несібесін жерден іздеп, алтын күзге ерекше мереймен жетіп отыр. Негізі әлемде күріш дақылы ғана судың ішінде тұрып өседі екен. Біз оны «Күміс күріш», «Сыр дақылы» деп ерекше атаймыз. Ауданда Сыр күрішін егетін ірі шаруашылықтар жұмысы жолға қойылып, шаруасы шираған. Солардың қатарындағы «Ақжарма және К» фермер қожалығы жыл сайын қамбаны астыққа толтырып, аудан мерейінің үстем болуына үлес қосуда. Биылғы жылы да шаруашылық диқандары мерей тұғынынан көрінеді деген сенімдеміз. Астықты шашпай-төкпей, ысырапсыз жинап алуға тілекшіміз. Қамба дәнге толсын”, – деді аудан әкімі.
</blockquote>
Құттықтаудан кейін кұрметті меймандар алғашқы егін орағының лентасын қиып, астықтың мол болуына тілектестік білдірді.
Биылғы жылы «Ақжарма және К» 1550 гектар жерге Сыр дақылын орналастырған. Егінді күтіп-баптауға шаруашылық диқандары ала жаздай еңбектеніп, маңдай терлерін төкті. Олар күріштікті уақытылы суарып, тыңайтқыштарын беріп, күндіз-түні егінжайды қадағалады. Жаз бойы күннің аптап ыстықтарына қарамай, бас көтерген күріштің түрлі ауруға ұшырамауына да жауаптылық танытты. Енді күріш піскен шақта бұйырған несібесіне қарай мол өнім алуға ниет етіп, оны ысырапсыз жинап алуға қамданған. Осы жылы шаруашылық құрылымы 99,7 млн теңгеге 13 дана ауыл шаруашылығы техникаларын сатып алған. Нәтижесінде, техникалар жаңаланып, науқанға сақадай сай дайындықпен кірісіп отыр.
<blockquote>
 “Биылғы жылы су тапшылығы болады деген соң егістік көлемін қысқартқан жайымыз бар. Егінге су жетіспеушілігін болдырмау мақсатында арнайы насостарды алдырдық. Диқандардың тынымсыз еңбегінің нәтижесінде егініміз бітік шығып, науқанды бастағалы тұрмыз. Бүгін №6 өндірістік бригаданың күріш өсірушісі Ермек Иманбаевтың егістік алқабына орақ түсті. Бұл жерге Ресейден жеткізілген «Партнер» күріш сорты егіліп, биыл тәжірибеден өткіздік. Негізі, шаруашылық егін егумен қатар мал шаруашылығымен де айналысады. Қазіргі таңда мемлекеттік бағдарламалар негізінде жылқы басын көбейтіп, қымыз өндірісін дамытуды көздеп отырмыз”, – деді шаруашылық төрағасы Қайрат Нұрсейітов.
</blockquote>
Төрағаның айтуынша, фермер қожалығының жұмысы ілгерілеген сайын ауылдың әлеуетін жақсартуға жұмыстар жасалуда. Атап айтқанда, әлеуметтік аз қамтылған отбасыларға көмек көрсетілуде, сондай-ақ шаруашылықта жұмыс істейтін жас мамандарға үй салынып берілуде. Жастарды қолдау шаралары іске асырылуда. Карантан кезеңінде дәрі-дәрмекпен қамтамасыз ету жұмыстары да шаруашылық есебінен ұйымдастырылған.
Өз кезегінде шаруашылықтың агрономы Ғалымбек Ізтілеуов тәжірибеден өткізілген күріш сортының өнімділігін атап көрсетті.
<blockquote>
 “Биыл шаруашылықтан 20 гектар жерге «Партнер» тұқымы егілді. Күріш тұқымы 2-3 жыл зерттеліп, Ресейдің Краснодар өлкесінен жеткізілді. Мұның өнімділігі мол көрінеді және суды аз қажет ететін тұқым саналады. Сонымен қатар күріш сабағы өте ұзын болмайды. Жаңа тұқым болған соң аурушаңдыққа төтеп бере алады. Биыл өңірде су тапшылығы сезілген соң осыны тәжірибеден өткізіп, егіп көрдік. Нәтижесі жаман емес. Осыдан жиналған астықты келер жылғы тұқымдыққа сақтап, егістік көлемін ұлғайтуды жоспарлап отырмыз”, – деді шаруашылық агрономы.
</blockquote>
Айта кетейік, биылғы жылы аудан бойынша ауыл шаруашылығы тауар өндірушілері 33110 гектар жерге ауыл шаруашылығы дақылдарын орналастырды. Оның ішінде, 21126 гектар жерге негізгі дақыл – күріш егілді.
<img src="https://kyzylorda-news.kz/wp-content/uploads/2020/08/118579375_739791693250392_7120320585987504711_o.jpg" alt="" />
<img src="https://kyzylorda-news.kz/wp-content/uploads/2020/08/118359108_739791573250404_3704306911952954885_n.jpg" alt="" />

Сырдарияда 21 мың гектар жерге күріш егілген

<a href="https://kyzylorda-news.kz/date/2020/08/26/">Kyzylorda-news.kz.</a> Бүгін Қызылорда қаласының әкімі Нұрлыбек Нәлібаевтың төрағалығымен аппараттық мәжіліс өтті.
Мәжіліс, шаһар басшысы қала әкімдігіндегі бірқатар кадрлық өзгерістермен таныстырып өтті.
Атап айтқанда, Қызылорда қаласы әкімінің өкімімен Шамұратов Пакуатдин Сыражадинұлы қалалық құрылыс бөлімінің басшысы, қалалықсайлау комиссиясының қорытындысымен Ибраимов Ардақ Әбдіғаппарұлы Белкөл кентінің әкімі, қала әкімінің өкімімен Сәдуақас Нұрсұлтан Шәкизадаұлы қала әкімі аппаратының электронды әкімдікті дамыту және мемлекеттік қызметтердің мониторингі бөлімінің басшысы қызметін тағайындалды.
Қалалық кәсіпкерлік, өнеркәсіп және туризм бөлімінің басшысы&nbsp;&nbsp;Бағлан Аманкелдиевтің баяндамасына сәйкес қазіргі таңда, Қызылорда қаласында 2020 жылдың 1 тамызына 25 мың 681 шағын кәсіпкерлік субъектілері тіркелген. Оның ішінде нақты жұмыс жасап тұрғаны 21&nbsp;526 нысанды құрауда. Бұл көрсеткіш өткен&nbsp; жылдың осы кезеңімен салыстырғанда 100,5% пайызды құрайды. Тіркелген кәсіпкерлік субъектілер ішінде белсенді кәсіпкерлік нысандар саны 83,8% көрсетуде. Облыс көлемінде жұмыс істеп тұрған шағын және орта кәсіпкерлік субъектілерінің 46,6%-ы Қызылорда қаласының үлесінде. Шағын және орта бизнес субъектілері тарапынан 51,8 млрд. теңгенің өнімі шығарылып, өткен жылдың тиісті кезеңімен салыстырғанда 5,7 пайызға өсті. Жұмыс жасап тұрған кәсіпкерлік субъектілерде 49 771 адам жұмыспен қамтылған.
Жыл басынан бері 1244 кәсіпкерлік субъекті тіркеліп, 1278 жаңа жұмыс орны ашылды. Экономикалық қызмет түрлері бойынша жұмыс істеп тұрған шағын және орта бизнес субъектілерінің ішінен айналымы 2 млн. теңгеден асатын субъектілер саны 2020 жылдың 1 тамызына 18975 бірлікке жетіп, өткен жылдың тиісті кезеңімен салыстырғанда &nbsp;11&nbsp; пайызға өсіп отыр.
<blockquote>
 «Бизнестің жол картасы 2025» бизнесті қолдау мен дамытудың бірыңғай бағдарламасы аясында бүгінгі таңда жалпы 54 жоба қолдау алса, оның ішінде 33 жоба қаржыландырылды. Сондай-ақ, екінші деңгейлі банктермен жоба құны 5 млрд. 188 млн. теңгені құрайтын 55 жобаның құжаттары қаралуда, – деді бөлім басшысы.
</blockquote>
«Қарапайым заттар экономикасын дамыту» бойынша басымдық берілген жобаларды жеңілдікпен несиелеу бағдарламасы жүзеге асырылған уақыттан бері қала бойынша жалпы құны 2 млрд. 549 млн. теңгені құрайтын 32 жоба қолдау алса, оның ішінде ағымдағы жылы жоба құны 411 млн.теңгені құрайтын 11 жоба қаржыландырылды. Өткен жылдың тиісті кезеңімен салыстырғанда 40 пайызға жоғарлаған.
Екінші деңгейлі банктермен қаржы ұйымдарында жоба құны 
1 млрд. 400 млн.теңгені құрайтын 3 жобаның құжаттары қаралуда.
Бұдан бөлек, жоба құны 235 млн. теңгені құрайтын 5 жобаның құжаттары жинақталуда.
Аппараттық мәжілісте көтерілген екінші мәселе бойынша атқарылған жұмыстар туралы қалалық жұмыспен қамту, әлеуметтік бағдарламалар және азаматтық хал актілерін тіркеу бөлімінің басшысы Индира Ақжігітова баяндама жасады.
Индира Сансызбайқызының баяндауынша ағымдағы жылдың 20-шы мамырдан бастап өңірімізде «Жұмыспен қамтудың 2020-2021 жылдарға арналған жол картасы» жүзеге асырылуда.
Қызылорда қаласы бойынша аталған жол картасы шеңберінде 97 жоба жүзеге асырылып және оған 18 млрд. теңге бөлінген. Аталған жол картасы бойынша Қызылорда қаласында&nbsp; 4 373 жаңа жұмыс орнының құрылуы және оның 50%, яғни 2187-сіне жұмыспен қамту орталығы, ал қалғаны мердігер құрылыс компаниясы тарапынан жұмыссыз азаматтар тартылуы қажет. Бүгінгі күні 3981 жұмыссыз азаматтар еңбекпен қамтылып, &nbsp;&nbsp;91 %-ға жоспар орындалды. Жалпы бұл көрсеткіш 2628 жұмыспен қамту орталығы арқылы жұмыссыз азаматтар еңбекке тартылып 120,3% орындалып отыр. Ал 100 мердігер құрылыс мекемелерімен 63,2% жұмыспен қамтамасыз етілген.
«Нәтижелі жұмыспен қамтуды және жаппай кәсіпкерлікті дамытудың 2017-2021 жылдарға арналған «Еңбек» мемлекеттік бағдарламасының» жүзеге асырылу барысының техникалық және кәсіптік біліммен және қысқа мерзімді кәсіптік оқумен қамтамасыз ету, жаппай кәсіпкерлікті дамыту, халықты жұмыспен қамтуға жәрдемдесу және еңбек ресурстарының ұтқырлығы арқылы еңбек нарығын дамыту бағыттары бойынша да біршама жұмыстар атқарылды.
Қоғамдық жұмыстар бойынша ағымдағы жылы 3685 адамға&nbsp; қаңтардан бастап 299 мекемемен келісімшарт жасалып, 2317 адам жұмысқа тартылды. Бұл бағыт бойынша уақытша жұмыс жасап, олардың тұрақты жұмысқа орналасқандары – 45 (4%) құрап отыр.&nbsp;&nbsp;
Әлеуметтік жұмыс орындарына 160 адамға республикалық және жергілікті бюджеттен 10 адамға, жалпы барлығы 170 адамға 84,2 млн. теңге жоспарланған. Жыл басынан бастап 105 мекемемен келісімшарт жасалып, 363 адам уақытша жолданды. Әлеуметтік жұмыс орындарынан тұрақты жұмысқа орналасқандары – 48 (36,4%).
Жастар практикасы бойынша республикалық бюджеттен 1 050 адамға және жергілікті бюджеттен 110 адамға бөлініп, барлығы 1160 адамға 461,1 млн. теңге бөлінген. Бағдарлама аясында уақытша жұмыспен қамтылғаны 1317 жас маман. Өңірдегі 595 мекемемен келісімшарт жасалды. Жастар практикасы бойынша тұрақты жұмысқа орналасқандары – 50 (21,5%).
Алдағы уақытта жоспарлы тапсырманың орындалуына қатысты шаралар толығынан қамтамасыз етілетін болады.
Мәжіліс соңында қала әкімі Нұрлыбек Машбекұлы жиында берілген тапсырмалардың орындалуын тиісті сала басшыларына тапсырды.
<img src="https://kyzylorda-news.kz/wp-content/uploads/2020/08/01-3-scaled.jpg" alt="" />
<img src="https://kyzylorda-news.kz/wp-content/uploads/2020/08/02-4-scaled.jpg" alt="" />

Қызылордада кәсіпкерлік субъектілерінің саны артқан

<a href="https://kyzylorda-news.kz/date/2020/08/26/">Kyzylorda-news.kz</a>. Үкімет басшысының орынбасары Ералы Тоғжановтың төрағалығымен өткен ведомствоаралық комиссия отырысында нысандардың қызметін жеңілдетудің екінші кезеңі мақұлданды, деп жазды премьер-министрдің&nbsp;<a href="https://primeminister.kz/kz/news/vedomstvoaralyk-komissiya-shekteulerdi-zhenildetudin-ekinshi-kezeninmakuldady-267150">ресми сайты</a>.
Денсаулық сақтау министрлігі шектеу шаралары COVID-19 инфекциясын 10 есеге, жедел жәрдемді шақыру&nbsp;санын 4,2 есеге, ауруханада жатқандардың санын 80%-ке төмендетуге мүмкіндік бергенін, ал мобильді бригадалар саны 7,6 есеге артқанын хабарлады.
Ведомствоаралық комиссия қазіргі жағдайды ескере отырып, биыл 31 тамыздан бастап келесі нысандардың қызметін қайта бастау туралы шешім қабылдады:
<ul>
<li>діни объектілер (жеке, ұжымдық іс-шаралар өткізілмейді);</li>
<li>бассейндер (жеке форматта, 1 келушіге 5 шаршы метр су беті&nbsp;есебінен, алдын ала жазылу арқылы);</li>
<li>жаттығу залдары (1 келушіге 5 шаршы метрге дейін, алдын ала жазылу арқылы);</li>
<li>спорт&nbsp;кешендері (1 келушіге 5 шаршы метрге дейін жеке және топтық жаттығулар үшін);</li>
<li>мәдениет нысандары (1 келушіге 5 шаршы метрге дейін, толымдылығы 50%-тен аспайды, оның ішінде кемінде 2 метр әлеуметтік қашықтықты сақтай отырып, 30 адамға дейін ұжымдық дайындықтар, үзілістерде бөлмелерді желдету, бетперде тағу);</li>
<li>ерекше қорғалатын табиғи аумақтар: мемлекеттік ұлттық табиғи парктер, қорықтар, резерваттар және т. б.&nbsp;(жеке және ұйымдасқан топтар үшін 15 адамнан аспайтын, әлеуметтік арақашықтықты сақтай отырып, кемінде 2 метр, бетперде тағу);</li>
<li>қала маңындағы жолаушылар пойыздарының/электр пойыздарының, қалааралық, облысішілік автобустардың/шағын автобустардың қозғалысына рұқсат беріледі.</li>
</ul>
<blockquote>
 “Барлық нысанға тиісті дайындық актілерін алғаннан кейін ғана жұмысқа кірісуге рұқсат беріледі. Өңір әкімдіктері денсаулық сақтау министрлігі, “Атамекен” ҰКП-мен бірлесіп, қоғам белсенділерін тарта отырып, енгізілетін нысандардың барлық санитарлық талапты қатаң сақтауын қамтамасыз етуі қажет”, — деп атап өтті Тоғжанов.
</blockquote>
Кеңес қорытындысы бойынша премьер-министрдің орынбасары бірқатар нақты тапсырма берді.

Комиссия шешім қабылдады: Қазақстанда тағы қандай нысандар ашылады

<a href="https://kyzylorda-news.kz/date/2020/08/26/">Kyzylorda-news.kz.</a> Қазақстанда қалааралық автобустар, қала маңындағы жолаушылар пойыздарының қозғалысы қайта жанданады, деп хабарлайды <a href="https://lenta.inform.kz/kz/kalaaralyk-avtobustardyn-kozgalysy-kayta-zhandanady_a3687582">ҚазАқпарат</a>.
Ведомствоаралық комиссия биыл 31 тамыздан бастап бірқатар нысанның қызметін қайта бастау туралы&nbsp;<a href="https://www.inform.kz/kz/kazakstanda-shekteu-sharalaryn-zhenildetudin-ekinshi-kezeni-makuldandy_a3687571">шешім</a>&nbsp;қабылдады.
Соның ішінде қала маңындағы жолаушылар пойыздарының/электр пойыздардың, қалааралық, облысішілік автобустардың/шағын автобустардың қозғалысына рұқсат берілді.
Еске сала кетсек, Қазақстанда шектеу шараларын жеңілдетудің&nbsp;екінші кезеңі&nbsp;мақұлданды.

Қалааралық автобустардың қозғалысы қайта жанданады

<a href="https://kyzylorda-news.kz/date/2020/08/26/">Kyzylorda-news.kz.</a> Қызылорда облысындағы түзету мекемелерінде індеттің алдын алуда қандай жұмыстар атқарылып жатыр? Жалпы карантин кезіндегі ҚАЖ мекемелерінің жедел-қызметтік жұмысы жөнінде Қызылорда облысы бойынша Қылмыстық-атқару департаменті бастығының орынбасары, әділет полковнигі Мұрат Нәкенов баяндады. 
Бүгінде Қызылорда облысы бойынша ҚАЖ департаментіне қарасты 3 мекеме бар. Олар тергеу изоляторы, қоныс- қолониясы, қауіпсіздігі барынша аралас мекеме. Осы мекемелерде мыңға жуық айыпталушылар, күдіктілер және сотталғандар жазасын өтеп жатыр. Мекемелерде ұсталатын сотталғандарға қауіпті індеттің белгілері, таралуы, жеке гигиена ережелерін сақтау бойынша ақпараттық- түсіндіру жұмыстары жүргізілген.
<blockquote>
 «Қазақстан Республикасы Бас мемлекеттік санитарлық дәрігерінің 2020 жылғы 25 маусымдағы №43 қаулысына сәйкес барлық эпидемияға қарсы шаралар жүргізіледі. Күн сайын қапастарға 0,015% дезинфекция ертіндісі таратылады. Арнайы контигенттер таңертеңгілік серуенге шыққанда, әр қапасқа ұзақтығы 30 минуттан бактериоцидтік сәулелендіру жүргізіледі. Сотталушылар мен айыпталушылар бетпердемен қамтамасыз етілген. Тергеу қамағында отырғандар мен сотталғандардың денсаулық жағдайын қамтамасыз ету мақсатында, мекемелерде барынша іс-амалдар жасап келеді. Жазасын өтеушілердің тазалығымен қатар, дене қызуын күн сайын өлшеніп, денсаулығына қатты мән берілуде. Сотталғандарға жеке қорғану құралдарын пайдалануды, адамдармен ара қашықтықты сақтауға, жеке гигиена ережесін сақтауға шақырады. Нақтырақ айтар болсақ, ағымымдағы жыл басында жабық мекемедегі жазаланушылардың денсаулығын жақсарту есебіне, қаражат бөлінген.Соның негізінде, бөлінген ақша игеріліп,қажетті препараттар сатып алынды», – дейді мекеме басшысының орынбасары.
</blockquote>
<img src="https://kyzylorda-news.kz/wp-content/uploads/2020/08/159-scaled.jpg" alt="" />
Қызылорда облысы бойынша Қылмыстық-атқару департаменті бастығының орынбасары, әділет полковнигі Мұрат Нәкенов
Мұрат Нәкенов сотталғандардың туған-туыстары, таныстары түзету мекемелеріне тыйым салынған заттарды өткізбекші болатын жағдайларға қатысты сұрақтарға да жауап берді.
<blockquote>
 «Түзеу мекемелерінің бақылап өткізу пунктінде жұмыс жасайтын бақылаушы қызметкерлер мекеме ішіне алып өтуге тыйым салынған заттың ішке өтіп кетуінің алдын алады. Бақылап өткізу бекетінде орналастырылған қол жүгін тексеріп өткізетін ренген құрылғысы сәлем- сауқаттағы тыйым салынған затты бірден анықтайды. Дер кезінде тиісті қызмет салалары шақырылып, тыйым салынға зат тәркіленіп алынып, сот- химиялық сараптамасына жіберіледі. Түзеу мекемесінде жазасын өтеп жүрген сотталғандардың туған- туыстары, таныстары тыйым салынған заттарды әр түрлі әрекеттермен өткізбекші болады. Олар әкімшілік, қылмыстық жауапкершілікке тартылатындықтарын біле тұра осылай жасайды.Түрлі әрекеттерге барады. Әр қылмыстың жазасы бар екенін жіті түсіндіріп, ақпараттық тақтайшалар іліп, кездесуге келген туыстарына ауызша барлық заң талаптарын түсіндіріп, жазбаша қолхат алса да кейде қателікке бой алдырып жататындар бар. Қитұрқы әрекетпен біреуі тағамның ішіне есірткі жасырса, енді бірі айранның ішіне, келесі бірі мекеме қоршауынан мекеме ішіне лақтырады. Жуырда мекеменің тыйым салынған аймақ аумағынан бір азамат тыйым салынған затты қоршаудан лақтыру барысында ұсталды. Мекеме қызметкерлері мекеме аумағына тексеру жұмыстарын жүргізіп, нәтижесінде, 20 грамдық щприцке тығыздалып, скотчпен оралған жасыл түсті өткір иісті кептірілген шөп табылып, Қызылорда ҚПБ-ның жедел тергеу тобы шақыртылып, тыйым салынған зат тәркіленді.Сот-химиялық сараптамасының қорытындысымен 15.16 гр «кептірілген марихуана екені анықталып, қазіргі уақытта сотқа дейінгі тергеп- тексеру амалдары жүргізілуде»- дейді Мұрат Нәкенов.
</blockquote>
Жыл басынан ҚР Әкімшілік құқық бұзушылық туралы кодексінің 481 бабымен екі азаматқа айыппұл салынып, үш азаматқа «ескерту» берілсе, бес азамат қылмыстық жауапкершілікке тартылған. 
Сырттан келушілерді тінту,тексеру барысындағы психологиялық жай-күйін бақылап, күдікті іс-әрекетін байқап, ішке алып өткізуге тыйым салынған заттардың өтіп кетпеуіне жол бермеу мақсатында жұмыла жұмыс істеу, бұл әр қызметкердің ісіне жауапкершілік пен қатаң тәртіпті сақтауды қажет етеді.
Қазіргі уақытта коронавирус инфекциясын таратпау мақсатында сотталғандарға туған-туыстарымен байланысу үшін ұзақ және қысқа мерзімді кездесулер тоқтатылды. Мекеме басшысының орынбасары олар туған-туыстарымен қалай байланысқа шығып жүргенін тілге тиек етті.
<blockquote>
 «ҚАЖ мекемелерінде сотталғандар мен тергеу қамауындағылар үшін жаппай мәдени іс-шаралар ұйымдастыруға тыйым салынған, олармен тәрбие жұмысын жүргізу тек жеке нысанда ғана ұйымдастырылатын болады. Індеттің таралуын болдырмау үшін, өңірдегі қылмыстық-атқару жүйесінің мекемелерінде қысқа және ұзақ мерзімді кездесулер тоқтатылды. Себеп қарапайым, коронавирус инфекциясына байланысты. Оның орнына жазасын өтеушілерге апта сайын туған-туыстарымен видеобайланысқа шығуға мүмкіндік жасалды. Карантин режимі енгізгелі жазасын өтеушілерді психологиялық және моральдік тұрғыда қолдау мақсатында Skype желісі арқылы сотталғандар туыстарымен хабардар болып отырады. Мұндай онлайн жүздесулердің артықшылығы бұрынғы бетпе-бет кездесуде тек ең жақынымен ғана кездессе, Skype желісі арқылы бала-шағасын, ағайындарын да көріп, жүздесіп жатады. Жазасын өтеп жатқан туғанын көру үшін жүздеген, кейде мыңдаған шақырымды артқа тастаудың, шығынданудың да қажеті жоқ. Еліміздің шалғай аймақтарында тұратындар осындай бейнекездесулер арқылы жақындарына қолдау көрсете алады. Жергілікті аудан, ауылдардан келе алмай жатқан жазасын өтеуші азаматтардың отбасылары ешқандай қиындықсыз үйде отырып, бейнебайланыс арқылы сөйлескендеріне ризашылығын білдіруде», – дейді ол .
</blockquote>
Мұрат Сабырұлының айтуынша өңірдегі түзеу мекемелерінде 40-қа жуық шетел азаматы жазасын өтеп жатыр. Бұл азаматтар да індет орын алғалы туған- туыстарымен ғаламтор арқылы, яғни, скайп арқылы тілдесіп тұрады. Анасын, балаларын, жұбайын скайп жүйесі арқылы көрген сотталғандар қуаныштарымен бөлісіп жатады. Қазіргі таңда мекемелерде күніне 15 минуттық 10-нан астам онлайн кездесу өтеді. Мұндай жүздесулердің сотталғандар үшін оңтайлы жағдай екені анық. 
Еліміздегі жағдайға байланысты сотталғандардың туыстарымен қысқа және ұзақ мерзімді кездесулері тоқтап қалғанымен, сәлемдеме өткізу тоқтаған жоқ. Бір сәлемдеменің салмағы 20 кг аспауы қажет. Сәлемдеме қол жүгін тексеруге арналған рентген құрылғысы арқылы өткізіліп, сотталғандарға жеткізіледі. 
Карантин уақытында департамент басшылығы сотталғандарды жеке сұрақтармен қабылдап жатыр.
<blockquote>
 «Сотталғанды жеке сұрақтармен қабылдау жұмыстарын жүргіземіз. Жеке сұрақтармен өзім де Департамент бастығы әділет подполковнигі Шаймерден Тәжіқұлұлы сотталғандарды қабылдадық. Қабылдау барысында жазасын өтеуші азаматтар көбінесе сот үкімдеріне қатысты және жаза өтеу жағдайы тұрғысында жолығады. Ал , шетел азаматтары негізінен, мерзімімнен бұрын шартты түрде босатылған жағдайда, карантин уақытында еліне жету жолын сұрайды. Сонымен қатар онлайн арқылы Ұлтық алдын алу тетігінің өкілдері де жазасын өтеушілердің мәселелерін тыңдап, сұрақтарына жауап берді», – дейді Мұрат Сабырұлы.
</blockquote>
Мекемедегі жазасын өтеушілер – ауыр, аса ауыр қылмыс жасап, жазасын өтеп жатқандармен тікелей жұмыс жасайтын мекеме қызметкерлерінің қауіпсіздігі камера арқылы бақыланады.
<blockquote>
 «Түзеу мекемелерінде жұмыс жасайтын қызметкерлер толық бейнетіркегішпен қамтамасыз етілген. Таңертең ауысымға түскен қызметкерлер жұмыс соңына дейін бейнетіркегіш тағып жүреді. Бұл дегеніміз, сотталғандар тарапынан әрекеттер орын алған жағдайда қызметкердің кінәсінен бе, әлде сотталғанның тарапынан орын алды ма, соның анық-қанығын дәлелдейтін бірден- бір құжат десек те болады. Бейнетіркегіштегі жазбаларды жұмыс соңында арнайы терминалға тапсырылады. Бейнежазбаларды сонда сақталады. Қазіргі уақытта мекеменің ішкі –сыртқы аумағында, сотталғандар ұсталатын камераларда 400-ге тарта камера орнатылған. Әлі де мекемелерді камералармен толықтыру жұмыстары жүргізіліп жатыр», – дейді Мұрат Накенов.
</blockquote>

Қызылордадағы түзету мекемелерінде карантин талаптары орындалып жатыр ма?

<a href="https://kyzylorda-news.kz/date/2020/08/26/">Kyzylorda-news.kz.</a> Бүгін аудан әкімі Асылбек Шаменов Таң ауылындағы «Таң ЛТД» ЖШС-ның егіс алқабында бірқатар ірі шаруашылық құрылымдарымен кездесіп, егінге алғашқы орақ салу рәсіміне қатысты.
Шара барысында Асылбек Өмірбекұлына ауданның ауыл шаруашылығы саласындағы даму көрсеткіштері таныстырылды.
<img src="https://kyzylorda-news.kz/wp-content/uploads/2020/08/118625354_1027972530988158_5410455522284677584_o.jpg" alt="" />
Жалпы биыл аймақта барлығы 36 731 гектар жерге ауыл шаруашылығы дақылдары орналастырылды. Негізгі дақыл күрiштің көлемі 21 600 гектар.
<blockquote>
 «Күріш біздің елдің, Сыр бойының негізгі байлығы. Ендігі мәселе осы байлықты шашпай-төкпей ысырапсыз жинап алып, халықтың игілігіне жарату. Бұл үшін барлық жағдай бар. Егін жинауда техника қашанда шешуші рөл атқаратыны белгілі. Биылғы егін жинау науқанына барлығы 994 дана техника қатысады»,-деді аудан әкімі Асылбек Шаменов.
</blockquote>
Сонымен қатар, аудан басшысы сала еңбеккерлерімен кездесіп, ауыл шаруашылық саласындағы жетістіктері үшін алғыс білдірді.
<img src="https://kyzylorda-news.kz/wp-content/uploads/2020/08/118397050_1027972870988124_3358698052045329168_o.jpg" alt="" />
Айта кету керек, «Таң ЛТД» жауапкершілігі шектеулі серіктестігі ағымдағы жылы 1912 гектар жерге ауыл шаруашылығы дақылдарын орналастырды. Былтыр серіктестіктің диқандары күріштің әр гектарынан 76 центнерден өнім алған.
Шаруашылық тек күріш егіп қана қоймай мал азығындық дақыл – жоңышқа да өндіріп келеді. Құрылымда 115 адам тұрақты жұмыс істейді.
<img src="https://kyzylorda-news.kz/wp-content/uploads/2020/08/118580629_1027972487654829_685166459202351141_o.jpg" alt="" />

Қазақстан және Қызылорда облысының жаңалықтары

Коронавирустың екінші толқыны біршама жеңіл өтеді – эпидемиолог

30 жастағы қызылордалық велосипед ұрлығына күдікті ретінде ұсталды

Жиделі су қоймасына күрделі жөндеу жұмыстары жүргізілуде

27 тамызға арналған ауа райы болжамы

Қызылордада құқық бұзушылық профилактикасы жөніндегі комиссияның отырысы өтті

Қызылордада тұрмысы төмен отбасыларына көмірқышқыл газын анықтайтын құрылғы орнатылады

Сырдарияда 21 мың гектар жерге күріш егілген

Қызылордада кәсіпкерлік субъектілерінің саны артқан

Комиссия шешім қабылдады: Қазақстанда тағы қандай нысандар ашылады

Қалааралық автобустардың қозғалысы қайта жанданады

Қызылордадағы түзету мекемелерінде карантин талаптары орындалып жатыр ма?

Жалағаш ауданында егінге орақ түсті

Қазақстан және Қызылорда облысының жаңалықтары

Коронавирустың екінші толқыны біршама жеңіл өтеді &#8211; эпидемиолог

30 жастағы қызылордалық велосипед ұрлығына күдікті ретінде ұсталды

Жиделі су қоймасына күрделі жөндеу жұмыстары жүргізілуде

27 тамызға арналған ауа райы болжамы

Қызылордада құқық бұзушылық профилактикасы жөніндегі комиссияның отырысы өтті

Қызылордада тұрмысы төмен отбасыларына көмірқышқыл газын анықтайтын құрылғы орнатылады

Сырдарияда 21 мың гектар жерге күріш егілген

Қызылордада кәсіпкерлік субъектілерінің саны артқан

Комиссия шешім қабылдады: Қазақстанда тағы қандай нысандар ашылады

Қалааралық автобустардың қозғалысы қайта жанданады

Қызылордадағы түзету мекемелерінде карантин талаптары орындалып жатыр ма?

Жалағаш ауданында егінге орақ түсті

Коронавирустың екінші толқыны біршама жеңіл өтеді – эпидемиолог