<a href="https://kyzylorda-news.kz/">Kyzylorda-news.kz</a>. Қызылорда өңірінде халыққа базар нарығынан төмен бағада өнім ұсынатын әлеуметтік дүкендердің желісі көбейеді. Екі жыл ішінде аймақта 36 әлеуметтік дүкендер ашылады. Яғни облыс орталығында 20, әр аудан орталықтарында 2 және Байқоңыр қаласында 2 дүкен салынады. Бұл сауда дүкендеріндегі өнімдер тұрақтандыру қоры арқылы ұсынылады.
Өңірде тұрақтандыру қорына 2020 жылы 6,4 мың тонна өнім қоры сатып алынып, оның 5,2 мың тоннасы сатылған. Бүгінгі күні қорда 2 мың тоннадан астам өнім сақталып, саудалануда.
Қазіргі таңда жергілікті билік әлеуметтік дүкендерде өнімдердің өтімділігі артуы мен көлемі азаюына байланысты қосымша 23 тонна өсімдік майы мен 300 тонна картоп сатып алу жұмыстарын іске асыруда. Әлеуметтік дүкендерде халыққа 19 түрлі тауар ұсынылады. Әсіресе, халыққа аса қажет І сортты ұн, нан, күріш, қарақұмық жармасы,күнбағыс майы,сары май, макарон, картоп, пияз, қырыққабат, сәбіз, сиыр еті, тауық еті, сүт, айран, сүзбе, қант, тұз, жұмыртқа сияқты өнімдер саудалануда.
Осы кезге дейін Қызылорда аймағында 29 әлеуметтік дүкен халыққа базар бағамынан 15-20 пайыз төмен бағада өнім ұсынады. Әрбір тұтынушыға өнімдерді алудың шекті мәні белгіленген. Яғни әр тұрғын өнімдерді 5 кг-нан артық мөлшерде ала алмайды.
Өткен жылы облыста ауыл шаруашылығы тапшылығын болдырмау үшін тұрақтандыру қорын әлеуметтік маңызы бар өнімдермен толықтырып, 4,1 мың тонна өнім сатып алу үшін және айналым схемасы арқылы кәсіпкерлерге қарыз беру үшін жергілікті бюджеттен қосымша 1234,4 млн. теңге қаржы бөлінген.
Әлеуметтік дүкендерден бөлек, өңірде 1 әлеуметтік маркет пен 4 ірі супермаркет аса қажетті азық-түлік өнімдерін ұсынады. Соңғы жылдары шеткері аймақтың тұрғындары үшін де әлеуметтік дүкендер ашылған. Мәселен, Байтеректе «Баламекен», Наурыз, Белкөл, Ақжарма (МИС), Қараөзек, Комсомол, Эдельвейс саяжайында жұмыс жасайды.
Айта кету керек, өңірде сауда орындарындағы азық-түлік тауарларының қоры тұрақты.

Қызылорда өңірінде 36 әлеуметтік дүкен ашылады

<a href="https://kyzylorda-news.kz/">Kyzylorda-news.kz</a>. Қазақ фильмінің алтын қорынан елеулі орын алған “Тақиялы періште” фильмінде Тайлақтың рөлін сомадаған Әлімғазы Райымбеков дүниеден өтті, деп хабарлайды&nbsp;<a href="https://sputnik.kz/">Sputnik Қазақстан</a>.
Қаралы хабарды “Қазақфильм” киностудиясы растады.
Әлімғазы Райымбеков 85 жасында дүниеден өтті. Ол&nbsp;1936 жылы 1 желтоқсанда Алматы облысында дүниеге келген.
Совхозда көлік жүргізушісі болып қызмет еткен. Содан кейін 1965 жылы алғашқы “Ән қанатында” фильміне шақырту алды.
1966 жылы “Қилы кезең” фильміне түсті.
1968 жылы “Тақиялы періште” кинофильміндегі Тайлақтың рөлін сомдады. Осы кезден бастап жұртшылыққа кеңінен таныла бастады. Фильмнің режиссері – Шәкен Айманов.
1978 жылы “Қан мен тер” фильмінде эпизоттағы рөлді сомдаған.
Саналы ғұмырында барлығы 12 кинофильмге түскен.
Әлімғазы Райымбеков Алматы облысының құрметті азаматы, 2016 жылы мәдениет және спорт министрлігінің құрмет грамотасымен марапатталды.

Қазақтың Тайлағы дүниеден өтті

<a href="https://kyzylorda-news.kz/">Kyzylorda-news.kz</a>. Өткен жылы жол қозғалысы ережелерін автоматты түрде анықтайтын құрылғыларымен 32 мыңға жуық құқық бұзушылық тіркелкен. &nbsp;
ҚР ӘҚБтК-нің 893-бабына сәйкес, әкімшілік жауаптылыққа тартылған тұлға айыппұлды қаулы заңды күшіне енген күннен бастап отыз тәуліктен кешіктірмей төлеуге тиіс. Төленбеген жағдайда, осы Кодекстің 894-бабына сәйкес, айыппұл салу туралы қаулыны мәжбүрлі түрде орындату мақсатында сот орындаушыларына жолданады.
Айыппұлды заңда қарастырылған мерзім жеті тәулікте 50 пайыз жеңілдікпен төлеуге мүмкіндік бар. Жалпы бір ай мерзімнен кешіктермей төленуі тиіс.
Айыппұл бойынша қосымша мәліметтерді Қызылорда ОПД ӘПБ Әкімшілік практика бөлімінен білуге болады. Мекен-жайы: Қызылорда қаласы, Назарбаев даңғылы №22 ғимараты.

Қызылордада былтыр 32 мыңға жуық құқық бұзушылық анықталған

<a href="https://kyzylorda-news.kz/">Kyzylorda-news.kz</a>. «Nur Otan» партиясы облыстық филиалы қоғамдық қабылдау бөлмесінде халық үніне құлақ асатын мемлекет қағидасын жүзеге асыру аясында жасақталған қабылдау кестесіне сәйкес, облыстық ішкі саясат басқармасы басшысының міндетін атқарушы Руслан Каюпов тұрғындардың арыз шағымдары мен талап тілектерін тыңдады.
Қабылдауға келген қала тұрғыны Жұмакүл Келжанова есігінің алдындағы өзіне тиесілі 10 соттық жердің 7 сотығы қазылып үңгір болып қалғанын айтып, құм толтырып беруге көмек сұрады. Ал, Кулшара Айымбетова Алматы қаласында 1 курс оқитын студент қызын Қорқыт ата университетіне қашықтықтан оқытуға ауыстыру жолдарын іздейді. Ал көп балалы ана Мөлдір Ахметова медициналық колледж бітірген білімі бар екенін тілге тиек етіп, мамандығына сай жұмыспен қамтуға ықпал етсеңіздер дейді.
Қабылдауда болған әрбір азаматтың өтінішін жеке-жеке тыңдаған басқарма басшысының міндетін атқарушы Руслан Каюпов келушілерге заң аясында кеңес беріп, шешілу жолдарын зерттеп реттеуге уәде етті.

Тұрғындар өтініші  қараусыз қалмайды

<a href="https://kyzylorda-news.kz/">Kyzylorda-news.kz</a>. Денсаулық сақтау министрі Алексей Цой Қазақстанда коронавирусқа қарсы вакцина ең алдымен кімдерге егілетінін айтты, деп хабарлайды <a href="https://lenta.inform.kz/kz/kazakstanda-koronaviruska-karsy-vakcina-en-aldymen-kimderge-egiledi_a3742625">ҚазАқпарат.</a>
Министрдің айтуынша халыққа екпе жұмыстары вакцинаның жеткізілу мөлшеріне қарай салынады.
<blockquote>
 «Контингент келесі тәртіпте белгіленген: бірінші кезеңде инфекциялық ауруханалардың медицина қызметкерлеріне, жедел жәрдем қызметінің мамандарына, жан сақтау бөлімінің, алғашқы медициналық-санитарлық көмек қызметінің, ауруханалардың қабылдау бөлімінің, санитарлық-эпидемиологиялық қызметтің мамандарына, нақтырақ айтқанда 100 мыңға тарта азаматқа вакцина салынады», – деді Алексей Цой Үкімет отырысында.
</blockquote>
Оның айтуынша, екінші кезеңде жалпы білім беретін мектептердің мұғалімдеріне, ЖОО оқытушыларына, ведомстволық медицина қызметінің мамандарына, нақтырақ айтқанда наурыз айынан бастап шамамен 150 мың адамға екпе егіледі. Үшінші кезеңде мектеп-интернаттарының педагогтеріне, балалар мен мектепке дейінгі мекемелердің қызметкерлеріне, студенттерге, созылмалы аурулары бар азаматтарға (сәуірден бастап шамамен 600 мың адам) вакцинациялау жүргізіледі.

Қазақстанда коронавирусқа қарсы вакцина ең алдымен кімдерге егіледі?

<a href="https://kyzylorda-news.kz/">Kyzylorda-news.kz</a>. Қазақстанда өткен тәулікте 999 адамнан коронавирус анықталды.
Аймақтар бойынша:
Нұр-Сұлтан қаласы – 124,
Алматы қаласы – 79,
Шымкент қаласы – 7,
Ақмола облысы – 109,
Ақтөбе облысы – 4,
Алматы облысы – 93,
Атырау облысы – 78,
Шығыс Қазақстан облысы – 47,
Жамбыл облысы – 25,
Батыс Қазақстан облысы – 50,
Қарағанды облысы – 66,
Қостанай облысы – 72,
Қызылорда облысы – 5,
Маңғыстау облысы – 2,
Павлодар облысы – 150,
Солтүстік Қазақстан облысы – 71,
Түркістан облысы – 17.
Жалпы ел бойынша ауырғандар саны 170098.

Қызылордада өткен тәулікте 5 адам коронавирус жұқтырды

<a href="https://kyzylorda-news.kz/">Kyzylorda-news.kz</a>. Қазгидромет 19 қаңтарға арналған ауа райы болжамын ұсынады.
Оңтүстік Каспий циклонының әсерінен еліміздің басым бөлігінде қар, оңтүстік, оңтүстік-батысында жауын-шашын (жаңбыр, қар) жауады. Республиканың кей жерлерінде тұман, жаяу бұрқасын, оңтүстік, оңтүстік-батысында көктайғақ, желдің күшеюі, оңтүстік-шығысында өте қатты жел күтіледі.
Қызылорда облысының кей жерлерінде тұман түседі.

Сейсенбіге арналған ауа райы

<a href="https://kyzylorda-news.kz/">Kyzylorda-news.kz</a>. Қызылорда облысының ішкі саясат басқармасының бұйрығымен «Қоғамдық келісім» КММ-нің директоры қызметіне Мастеков Бауыржан Қайырбекұлы тағайындалды.
Бауыржан Мастеков 1989 жылы 8 желтоқсанда дүниеге келген. 2005-2012 жж. «Болашақ» колледжін және университетін «Құқықтану» мамандығы бойынша оқып, бітірген. Қызылорда қалалық мәслихатының V және VII шақырылымының депутаты.
Еңбек жолын 2008 – 2019 жж. «Жас Отан» Жастар қанатының Қызылорда қалалық филиалының төрағасынан бастап, «Болашақ жастары» жастар қоғамдық бірлестігінің, «Қызылорда жастары» Заңды тұлғалар қауымдастығының төрағасы, «Байқоңыр» ӘКК ұлттық компаниясы акционерлік қоғамында бөлім басшысы;
2020 жылдан бүгінгі күнге дейін «Жастар ресурстық орталығы» КММ-нің директоры қызметін атқарды. 
Отбасылы.
<img src="https://kyzylorda-news.kz/wp-content/uploads/2021/01/139719798_1213373409058169_5886788042570224363_o-1.jpg" alt="" />

Қызылорда: «Қоғамдық келісім» мекемесіне жаңа басшы тағайындалды

<a href="https://kyzylorda-news.kz/">Kyzylorda-news.kz</a>. Жолаушылар тасымалы компаниясы бағаның өсуін қызмет көрсету сапасын жақсартуға ден қоюмен түсіндіреді.
Қазір жылжымалы құрам паркі жаңартылып жатыр. Соңғы екі жылда компания 160-қа жуық жаңа вагон сатып алған. Биыл тағы 50-ін алу жоспарланды. Олар Алматы-Маңғыстау, Қызылорда–Семей, Алматы-Өскемен және Нұр-Сұлтан-Семей бағыттары бойынша жолаушы тасымалдайтын болады. Сондай-ақ вагон ішін тазалау да жаңа талаппен жүзеге асырылады.&nbsp;
<blockquote>
 “Тасымалдаушының шығыстарын ұзақмерзімді субсидиялауға арналған шарттар шеңберінде ағымдағы жылдың бірінші наурызынан бастап, әлеуметтік маңызы бар қатынастар бойынша жол жүру құнын 7 пайызға арттыру жоспарлануда. ҚР жолаушылар тасымалының жол жүру құны көрші мемлекеттермен қарағанда, салыстырмалы түрде төмен болып табылады”, – «Жолаушылар тасымалы» АҚ ресми өкілі Мәди Мұхамедқали.
</blockquote>
Айта кетейік, бұған дейін <a href="https://kyzylorda-news.kz/kogam/qazaqstanda-temirzhol-biletteri-qymbattajdy-95967/">теміржол билеттерінің бағасы</a> өсетіндігі жөнінде хабарлаған болатынбыз.

Теміржол билетінің бағасы не үшін қымбаттайды?

<a href="https://kyzylorda-news.kz/">Kyzylorda-news.kz</a>. Қызылорда облысының ішкі саясат басқармасының бұйрығымен «Жастар ресурстық орталығы» КММ-нің директоры қызметіне Мукеев Азамат Рысдәулетұлы тағайындалды.
Мукеев Азамат 1989 жылы 14 тамызда дүниеге келген.
2007 – 2014 жылдары Қорқыт ата атындағы Қызылорда университетін «Информатика» мамандығы бойынша білім алған.
Еңбек жолын 2011 – 2015 жылдары түрлі қоғамдық ұйымдарда жастармен жұмыс жасау, қоғаммен байланыс саласында;
2016 жылдан 2019 жылға дейін «Қоғамдық келісім» КММ-де әлеуметтік жобалармен жұмыс бөлімінің басшысы;
2019 жылдың қыркүйегінен 2020 жылдың қарашасына дейін директордың орынбасары;
2020 жылдың қарашасынан бүгінгі күнге дейін директор қызметтерін абыроймен атқарып келді.
<img src="https://kyzylorda-news.kz/wp-content/uploads/2021/01/azamat-mwkeev.jpg" alt="" />

Қызылорда: «Жастар ресурстық орталығына» жаңа директор тағайындалды

<a href="https://kyzylorda-news.kz/">Kyzylorda-news.kz</a>. Шоқыну мерекесі кезінде суға шомылуды жоспарлап отырған адамдар мына қағидаларды сақтауға тиіс.
– тек арнайы жабдықталған орындарда ғана суға түсу қажет;
– ойыққа кірер алдында денені жылытып, жаттығу жасап, жүгіру керек;
– қауіпсіздік үшін ойыққа кірер алдында резеңке аяқ киім немесе шұлық кию керек;
– суға сүңгу алдында терең дем алып, деміңізді ұстап тұрып суға кіру;
– суға секіру және баспен суға кіруге болмайды, адам ағзасы суықтан шок алуы мүмкін;
– ағзаңыз тоңбау үшін мұз ойығында 1 минуттан артық болмаңыз.
– баламен келген жағдайда, бала шомылу кезінде оны қадағалау қажет.
– судан шыққан сәтте сізді орамал мен жамылғышпен біреу қарсы алғаны дұрыс.
– судан шыққан кезде өзіңіздің және баланың денесін орамалмен ысқылап сүрткен жөн, құрғақ киім кию қажет.
– суға түскеннен кейін профилактика үшін дәрілік шөптен, жидектен немесе жемістен жасалған ыстық шай ішу қажет.
Бұдан басқа, ел азаматтары қыс кезінде су айдынында мынадай қауіпсіздік қағидаларын сақтауы керек:
– түнгі уақытта және көрінуі нашар болған кезде мұз үстіне шығуға болмайды;
– мұздың жұқа және бекімеген учаскелеріне шығуға болмайды;
– мұздың жекелеген учаскелерінде топпен жиналуға болмайды;
– мұздағы жырмаларға, жарықтарға, ойықтарға жақындауға болмайды; автомобильдермен өткелдерден тыс жерлерге шығуға болмайдыі.
Балық аулаушыларға жеке құтқару құралдары болғанда мұз астынан балық аулауға рұқсат етіледі.

Шоқыну мерекесінде суға шомылатындар қандай қағидаларды сақтау керек?

<a href="https://kyzylorda-news.kz/">Kyzylorda-news.kz</a>.&nbsp; 1 наурыздан бастап Қазақстанда теміржол билеттері қымбаттайды. Бұл туралы «<a href="https://railways.kz/">Жолаушылар тасымалы</a>» АҚ-ның баспасөз қызметі хабарлады.
<blockquote>
 «Әлеуметтік маңызы бар қатынастар бойынша жолаушылар тасымалын жүзеге асырумен байланысты тасымалдаушының шығыстарын ұзақ мерзімді субсидиялауға арналған шарттарға сәйкес, 2021 жылдың 1 наурызынан бастап облысаралық және қала маңындағы қатынастардағы барлық әлеуметтік маңызы бар бағыттарға теміржол билетінің құны 7%-ға артады», – делінген хабарламада.
</blockquote>

Қазақстан және Қызылорда облысының жаңалықтары