<a href="https://kyzylorda-news.kz/">Kyzylorda-news.kz</a>. Қазақстанда өткен тәулікте 7512 адам коронавирус індетінен емделіп шықты, деп хабарлайды <a href="https://www.coronavirus2020.kz/kz">coronavirus2020.kz.</a>
Өңірлер бойынша:
Нұр-Сұлтан қаласы – 2285,
Алматы қаласы – 1186,
Шымкент қаласы – 479,
Ақмола облысы – 238,
Ақтөбе облысы – 212,
Алматы облысы – 330,
Атырау облысы – 293,
Шығыс Қазақстан облысы – 103,
Батыс Қазақстан облысы – 138,
Қарағанды облысы – 835,
Қостанай облысы – 319,
Қызылорда облысы – 164,
Маңғыстау облысы – 234,
Павлодар облысы – 413,
Солтүстік Қазақстан облысы – 140,
Түркістан облысы – 143.
Жалпы пандемия басталғалы Қазақстанда коронавирус 664 524 адамнан анықталса, соның ішінде 548 362 науқас жазылып шықты.

Covid-19: 164 қызылордалық жазылды

<a href="https://kyzylorda-news.kz/">Kyzylorda-news.kz</a>. Қазақстанда өткен тәулікте 7747 адамда коронавирус індеті ПТР-сынама арқылы расталды, деп хабарлайды <a href="https://www.coronavirus2020.kz/kz">coronavirus2020.kz</a>.
Өңірлер&nbsp;бойынша:
Нұр-Сұлтан қаласы – 1384,
Алматы қаласы – 1510,
Шымкент қаласы – 515,
Ақмола облысы – 276,
Ақтөбе облысы – 364,
Алматы облысы – 300,
Атырау облысы – 460,
Шығыс Қазақстан облысы – 244,
Жамбыл облысы – 135,
Батыс Қазақстан облысы – 169,
Қарағанды облысы – 1127,
Қостанай облысы – 264,
Қызылорда облысы – 204,
Маңғыстау облысы – 218,
Павлодар облысы – 297,
Солтүстік Қазақстан облысы – 159,
Түркістан облысы – 121.
Жалпы пандемия басталғалы Қазақстанда коронавирус 664 524 адамнан анықталды.

Қызылордада 204 адамнан коронавирус анықталды

<a href="https://kyzylorda-news.kz/">Kyzylorda-news.kz</a>. Бейсенбіде елімізде жаңбыр жауып, тұман түседі, жел күшеюі ықтимал, деп хабарлайды Қазгидрометке.
12 тамызда циклонға байланысты еліміздің басым бөлігінде жаңбыр жауады, солтүстік-шығыста нөсер жаууы ықтимал, найзағай жарқылдайды. Республиканың батысында, оңтүстік-батысында және оңтүстігінде күн райы ашық болады. Сондай-ақ еліміздің кей жерлерінде бұршақ жауып, жел күшейеді, оңтүстікте шаңды дауыл соғады, солтүстік өңірлерде тұман түсуі ықтимал.
Солтүстік Қазақстан облысының кей жерлерінде найзағай ойнап, бұршақ жауады, дауыл соғуы мүмкін, тұман түседі, түнде кей жерлерде, күндіз басым бөлігінде жел 15-20 м/с күшейеді.
Ақмола, Павлодар облыстарының кей жерлерінде найзағай ойнап, бұршақ жауады, тұман түсуі мүмкін, жел 15-20 м/с күшейеді.
Шығыс Қазақстан облысының кей жерлерінде найзағай ойнап, бұршақ жаууы мүмкін, жел 15-20 м/с күшейеді.
Қостанай облысының кей жерлерінде найзағай ойнап, тұман түсуі мүмкін, күндіз жел 15-20 м/с күшейеді.
Күндіз Алматы облысының кей жерлерінде найзағай ойнайды, жаңбыр кезінде жел 18-23 м/с күшейеді.
Күндіз Қарағанды облысының кей жерлерінде найзағай ойнап, жел 15-20 м/с күшейеді.
Күндіз Жамбыл облысының таулы аудандарында найзағай ойнап, бұршақ жаууы ықтимал, кей жерлерде жел 15-20 м/с күшейеді.
Түркістан, Қызылорда, Батыс Қазақстан облыстарының кей жерлерінде күндіз жел 15-20 м/с күшейеді, Қызылорда облысының кей жерлерінде шаңды дауыл соғады. Ақтөбе облысының кей жерлерінде жел 18 м/с күшейеді.
Күндіз Атырау облысында өте қатты ыстық, Маңғыстау облысының басым бөлігінде ыстық болады, облыстың оңтүстігінде, Батыс Қазақстан облысының оңтүстігінде қатты ыстық болады.
Қызылорда, Түркістан, Маңғыстау, Атырау, Жамбыл, Ақтөбе, Батыс Қазақстан, Алматы облыстарының басым бөлігінде, Қарағанды облысының кей жерлерінде, Қостанай, Шығыс Қазақстан облыстарының оңтүстігінде, Ақмола облысының жекелеген аудандарында төтенше өрт қаупі сақталады.

12 тамызға арналған ауа райы болжамы

**<a href="https://kyzylorda-news.kz/">Kyzylorda-news.kz</a>.&nbsp;ҚР Премьер-Министрі Асқар Маминнің төрағалығымен өткен Үкімет отырысында елдегі COVID-19-бен ауруға қатысты санитарлық-эпидемиологиялық ахуал қаралды. Жиында Қызылорда облысының әкімі Гүлшара Әбдіқалықова осы бағытта өңірде атқарылып жатқан жұмыстарды баяндады. 
**Бүгінгі күні Қызылорда облысында індет жұқтырған 12 580 адам тіркелсе, оның 77 пайызы жазылды. Пневмониямен ауырған 1867 науқастың 1580-і емделіп шықты. Осы жылдың маусым-шілде айларында инфекциялық төсек-орын саны 585-тен 2340-қа дейін, ал реанимациялық төсек орын-саны 90-нан 172-ге дейін көбейтіліп, қазіргі таңда жүктеме 55 пайызды құрап отыр. Резервтік төсек-орын санын қосқанда 3200 төсек-орны әзірленіп, оның 518 орны орталықтандырылған оттегімен жабдықталған.
<blockquote>
 «Құрылысы 2020 жылы басталған модульдік стационар жұмысы іске қосылып, ковидтік науқастарды қабылдау басталды. Режимді түрде 6 оттегі шығару станциясы жұмыс жасауда. Дәрі-дәрмек қоры қалыптасқан. Коронавирус инфекциясына қарсы күрес жұмыстарына қажетті медициналық кадрлар мен құрал жабдықтар жеткілікті», – деді әкім.
</blockquote>
11 ПТР аппараты іске қосылған. Тәулігіне 1300-1500 аралығында сынама алынуда. Облыста ұжымдық иммунитетті қалыптастыру мақсатында екпе алуға қабілетті 401 мың тұрғынның 61,4%-ы вакциналанды. Қыркүйек айында көрсеткіш 85%-ға орындалады деп жоспарлануда. Вакцинациялау жұмыстары облыс бойынша 106 егу кабинетінде жүргізілуде, оған 133 мейірбике мен 89 дублер тартылған. Облыста «Ashyq» жобасы арқылы 2749 нысан жұмыс жасауда.
<blockquote>
 «Қазіргі таңда мониторингтік топ жұмыстары күшейтілді. Бүгінге дейін 167 мониторингтік топпен 12 441 нысанға рейдтік тексеріс жүргізілді. Нәтижесінде 459 карантин талаптарын бұзу жағдайлары анықталып, 33,4 млн теңге айыппұл салынды», – деді әкім.
</blockquote>
Тамыз айында 398 нысанға тексеріс жүргізіліп, нәтижесінде 56 карантин талаптарын бұзу жағдайлары анықталып, 3,1 млн теңге айыппұл салынды. Барлық мектептер оқу жылына дайындалып жатыр. Мұғалімдердің вакцина алуы 96,6 пайызды құрайды.
Жыл басынан бері коронавирус инфекциясының таралуына жол бермеу бағытында бұқаралық ақпарат құралдары және әлеуметтік желілер арқылы 19 816 мақала жарық көріп, жергілікті телеарналарда 63 бейнеролик көрсетілді. Тұрғындар арасында 24 161 үнпарақ таратылып, өңірлік коммуникациялар қызметі арқылы 89 брифинг өткізілді. Жалпы аймақтағы эпидемиологиялық ахуал қатаң бақылауда.

Гүлшара Әбдіқалықова: Модульдік стационар жұмысы іске қосылып, науқастарды қабылдау басталды

<a href="https://kyzylorda-news.kz/">Kyzylorda-news.kz</a>.&nbsp;Бір оқушыдан коронавирус шықса бүкіл сынып қашықтан оқыту форматына көшіріледі. Бұл туралы ҚР Білім және ғылым министрі Асхат Аймағамбетов айтты, деп хабарлайды&nbsp;<a href="https://stan.kz/">Stan.kz</a>.
<blockquote>
 «Егер бір сыныпта әлде бір топта коронавируспен ауырған бала шықса, онда дәл сол топ немесе сынып қашықтан оқыту форматына жіберіледі. Денсаулық сақтау министрлігімен келісілген қағидада дәл осындай мәселе қарастырылған», – деді Асхат Аймағамбетов.
</blockquote>
Министрдің айтуынша, оқушының, студенттің ата-анасы немесе білім алушының өзі ауырып қалса, онда одан аурудың клиникалық белгілері мен симптомдары байқалмаса да білім ордасына кіргізілмейді.

Аймағамбетов: Бір оқушыдан вирус табылса, бүкіл сынып қашықтан оқуға жіберіледі

<a href="https://kyzylorda-news.kz/">Kyzylorda-news.kz</a>.&nbsp;Қызылорда қаласында өтіп жатқан облыстық VІІ «Ақ бидай» спартакиадасында қазалылық үстел теннисшілері топ жарып, жеңістің биік тұғырынан көрінді.
Жарыс жолына шыққан Қазалы ауданының ерлер мен қыздар командасы қарсыластарының барлығынан басым түсіп, алтын медальға ие болды.
Айта кетейік, үстел теннисінен ауданымыздың намысын ерлер командасында Ернар Ибрай, Медетбек Ермаханов, Рамазан Оразалы, қыздар командасында Гүлбақыт Қапаш, Тоқжан Мұхтар, Фариза Манбетжанова қорғады.
Спартакиада ойындарына ерлер командасын Ернар Ибрай, қыздар командасын Майрагүл Ерлан дайындады.
<img src="https://kyzylorda-news.kz/wp-content/uploads/2021/08/235079086_3127469054140687_5465378251965448470_n.jpg" alt="" />

Қазалылық үстел теннисшілері жеңіске жетті

<a href="https://kyzylorda-news.kz/">Kyzylorda-news.kz</a>. Жалағаш ауданының әкімі Асылбек Шәменов «Қызылорда-Жалағаш» автожолының жөндеу жұмыстарымен танысты.
Қазіргі таңда 91 шақырым автожолды жөндеу жұмыстары басталып, Жалағаш кенті мен «Батыс Еуропа – Батыс Қытай» халықаралық автодəлізі аралығындағы 15 шақырым автожолды жөндеу жұмыстары жүргізілуде.
Аудан әкіміжол жөндеу жұмыстарын жүргізіп жатқан мердігер мекеме «Қызылорда жолдары» ЖШС-не атқарылатын жұмыстардың сапалы болуын қадағалап, жауапкершілікпен жұмыс жасау қажеттігін айтты.
Биыл республикалық бюджеттен 1,05 млрд. теңге қаржы бөлініп, бірінші кезекте автожолдың нашар учаскелері 30 шақырым жол жөнделеді. Ал 2022 жылы автожолды жөндеу жұмыстары толық аяқталады.
<img src="https://kyzylorda-news.kz/wp-content/uploads/2021/08/235678035_1271375819981160_3755486386312781818_n.jpg" alt="" />

«Қызылорда-Жалағаш»: 91 шақырым жолды жөндеу басталды

<a href="https://kyzylorda-news.kz/">Kyzylorda-news.kz</a>. Қызылорда қаласында жол-көлік оқиғасынан екі адам көз жұмды.
Оқыс оқиға 10 тамыз күні кешкі уақытта қала орталығындағы Астана даңғылында болған. «Мерседес» автокөлігінің жүргізушісі мен жолаушысы оқиға орнында қайтыс болды.
Ал «Лексус 470» көлігінің жүргізушісі ауруханаға жеткізілді. Қазіргі таңда ол ауруханада жатыр.
Құтқарушылар автокөлікті кесіп, қысылып қалған адамдардың денесін алып шыққан. Аталған дерек бойынша сотқа дейінгі тергеу басталды.

Қызылордада жол апатынан 2 адам көз жұмды

<a href="https://kyzylorda-news.kz/">Kyzylorda-news.kz</a>. Өткен жылдың 1 қаңтарынан бастап Міндетті әлеуметтік медициналық сақтандыру жүйесі енгізіле отырып, мемлекет азаматтардың 15 жеңілдікті санаты үшін ай сайын жарналар төлейді. Қызылорда облысында олардың қатарына 470 мыңға жуық тұрғын кіреді.
Егер сіз әлеуметтік қорғалмаған азаматтар қатарында болсаңыз және сіздің мәртебеңіз «сақтандырылмаған» болса, емханада (тіркелген жері бойынша) немесе өз бетіңізше, Qoldau – 24/7 мобильді қосымшасы арқылы уақытша мәртебені (1 айға) алуға болады. Бұл қосымшаны ұялы телефонға AppStore-дан жүктеуге болады.
МӘМС жүйесіндегі өз мәртебеңізді Әлеуметтік медициналық сақтандыру қорының <a href="https://fms.kz/kz/">ресми сайтынан</a> анықтауға болады.
<img src="https://kyzylorda-news.kz/wp-content/uploads/2021/08/lgotnye-kategorii-kaz.jpg" alt="" />

МӘМС: Азаматтардың жеңілдікті санаттарына уақытша сақтандыру мәртебесін қалай алуға болады?

<a href="https://kyzylorda-news.kz/">Kyzylorda-news.kz</a>. Қызылорда облыстық Кәсіпкерлер палатасы кәсіпкерлікті жеңілдікпен несиелендіруге арналған мемлекеттік бағдарламаларда жұмыс орнын ашу міндеттемесін қайта қарауды ұсынуда. Бұл туралы Палата директоры Ғалымбек Жақсылықов айтты.
Палата басшысы ауыл шаруашылығы саласындағы мәселелердің бірі еңбек өнімділігінің төмендігі екендігіне тоқтала келе, статистикалық деректерді де келтіріп өтті. Мәселен, аталмыш салада еліміз бойынша 1,1 млн. адам жұмыс жасайды екен. Бұл жұмыспен қамтылған азаматтардың 13 %-ын құрайды. Сөйте тұра жалпы ішкі өнімдегі ауыл шаруашылығының үлесі 5,3 %-ы құрайды.
Бүгінде Қазақстанда агроөнеркәсіптік кешендегі еңбек өнімділігі бір адамға 5 мың долларды құрап отыр. Бұл көрсеткіш Беларуссияда 33,5 мың доллар, Ресейде 18,4 мың доллар, ал дамыған елдерде 90 мың долларға дейін жетеді екен.
Ғалымбек Жақсылықов өнімділікке қатысты тапсырманы Мемлекет басшысы да өткен жылғы халыққа арнаған Жолдауында көтеріп, ауыл шаруашылығы министрлігіне жергілікті әкімдіктермен бірге ауыл шаруашылығындағы еңбек өнімділігін 2,5 есеге арттыру бойынша нақты шаралар қабылдау жөнінде тапсырма бергенін де айта келе саладағы мәселелерге тоқталды.
<blockquote>
 «Еңбек өнімділігін арттыру бойынша қабылданатын шаралар аясында қазіргі заманғы технологияларды енгізу мен дамытуды ынталандырудан өзге мемлекеттік бағдарламалардың негізгі міндеттерін қайта қарау қажет. Іс жүзінде жеңілдікпен несиелендірудің бірқатар мемлекеттік бағдарламалар, әсіресе ауылдық жерлерде жүзеге асырылатындары еңбек өнімділігін арттыруға емес, жұмыспен қамтылушылардың санын өсіруге бағытталған», – дейді Палата директоры.
</blockquote>
Ғалымбек Жақсылықов бұл мәселені көтеруге «Ауыл шаруашылығын қаржылай қолдау қоры» АҚ арқылы жеңілдетілген несие алған жас азаматтың кездескен проблемасы түрткі болғанын жеткізді.
Жас кәсіпкер мал өсірумен айналысу үшін аталмыш қаржы ұйымынан 2 млн.теңге несие алып, 8 ірі қара мал сатып алған. Келісім шарт бойынша кәсіпкер тұрақты 2 жұмыс орнын ашуға міндеттеледі.
<blockquote>
 «Сонда 8 бас малды бағу үшін 3 адам, яғни кәсіпкерімізден өзге жаңадан алған 2 адамы жұмыс жасау керек екен. Осы жерде заңды сұрақ туындайды. Қаржы институтының қызметкерлері жобаның қаржылық-экономикалық тиімділігін қалай бағалады? Мұндай талаппен несиені жабу және 2 жұмысшыға жалақы төлеу үшін ет бағасы қанша болуы керек? Мұндай талаптармен ауыл шаруашылығында еңбек өнімділігін арттыру мүмкін емес қой», – дейді Кәсіпкерлер палатасының басшысы Ғалымбек Жақсылықов.
</blockquote>
Қаржы ұйымы бүгінде кәсіпкерге келісім-шарт талабын орындамағаны үшін айыппұл салатындығы туралы ескертпе хат жолдаған. Мәселе айыппұлмен де шешілмейді екен. Кәсіпкер айыппұлды да төлеу керек және келісім шарт бойынша 2 тұрақты жұмыс орнын ашу жөніндегі міндетемесін де орындау қажет.
<blockquote>
 «Біздің кейіпкеріміз бұл талапты орындай алмайтындықтан мерзімінен бұрын барлық несиені толық төлеп тастаған. Алайда мұндай талаптардан кейін көптеген басқа кәсіпкерлер амалсыздан мәселені шешудің түрлі жолдарын іздей бастайды. Жұмыссыздарды отбасы мүшелері, туыстары мен таныстарының арасынан іздейді. Осылайша жалған жұмыс орындары да құрылып, ауылдық жерлердегі жұмыссыздардың статистикалық жұмыспен қамтылуын арттыруы мүмкін. Бұл жағдай ісін жаңадан бастаған кәсіпкерлерді заңды бұзуға мәжбүрлері анық», – дейді Ғалымбек Жақсылықов.
</blockquote>
Директор мәселенің шешімі ретінде Палатаның ұсынысын да атап өтті.
<blockquote>
 «Мемлекеттік бағдарламалар мен кәсіпкерлікті дамытудың ұлттық жоспарларын әзірлеу барысында жұмыспен қамтылғандар санын көбейтуге емес, еңбек өнімділігін арттыруға назар аудару керек. Ал біздің кәсіпкеріміздегі жағдайға қатысты, бұл бір кәсіпкердің ғана мәселесі емес қой. Мемлекеттік бағдарлама аясында жеңілдетілген несие алғандардың басында бар жағдай. Сондықтан да қолданыстағы келісім-шарттағы талаптарды қайта қарау керек. Ол үшін жобаның қаржылық-экономикалық тиімділігін бағалау арқылы жұмыс орны санын анықтауды ұсынамыз», – деді Палата басшысы.
</blockquote>
Кәсіпкерлер палатасының директоры жұмыспен қамтуға қатысты мәселені шешу үшін &nbsp;заңсыз жұмыспен қамтылғандарды «көлеңкеден»&nbsp;шығару бойынша шаралар қабылдау қажет деп санайды. Ол үшін жалақы қорына жоғары жүктемені азайту керек.
Кәсіпкерлер палатасының бұл ұсынысын Орталық аппарат құп көріп, жан-жақты зерттеп жатыр екен. Мұнан өзге, жүйелі шешуді қажет ететін кәсіпкерлер проблемасының республикалық ресстріне де енгізіліпті.

Ғалымбек Жақсылықов: Жалған жұмыс орындары ашылуы мүмкін

<a href="https://kyzylorda-news.kz/">Kyzylorda-news.kz</a>.&nbsp;Дәрігерлер халықты вакцина алуға шақырып жатыр. Олар әр адам екпе алуға жауапкершілікпен қарау қажет деп санайды. Осы орайда Өңірлік коммуникациялар қызметінің баспасөз алаңында №6 қалалық емхананың эндокринолог дәрігері Гүлжан Абсатова да «әр азамат екпе егу жұмыстарына жауапкершілікпен қарап, вакцина қабылдауы тиіс» деген пікір пікір білдірді.
<blockquote>
 «Әлем елдерінің індетпен алысып жатқанына бір жылдан асты. «COVID – 19» вирустық инфекция қатарына жатады. Яғни, ауру ауа арқылы тарап, азаматтарға ауа арқылы жұғады. Бұл дертпен күресу оңай емес, бүгінде әлем бойынша қалыптасқан эпидемиологиялық ахуал сөзімізге дәлел. Өткен жылдан бері шетелдік және отандық ғалымдар бұл дертпен күресу үшін вакцина жасау жолында көп тер төкті. Нәтиже – қуанарлық. Мамандар азаматтарға коронавирус індетінің алдын-алуға мүмкіндік беретін препараттар ұсынып отыр. Үстіміздегі жылдың ақпан айынан бастап, елімізде жаппай вакцинация шаралары басталды. Ендігі кезекте, әр азамат екпе егу жұмыстарына жауапкершілікпен қарап, вакцина қабылдауы тиіс. Ұжымдық иммунитет қалыптастыруға асығайық. Сонымен қатар, қарапайым сақтық шараларын ұстанайық», – дейді ол.
</blockquote>
<img src="https://kyzylorda-news.kz/wp-content/uploads/2021/08/234837122_1348374942224681_1824475213365058647_n.jpg" alt="" />

Дәрігер екпе алуға шақырды

<a href="https://kyzylorda-news.kz/">Kyzylorda-news.kz</a>.&nbsp;Қызылорда облысында имамдар кезекпен екпе алуда. Бүгінде басым бөлігі вакцина салдырып үлгерді.
Дін қызметкерлері өз кезегінде Қазақстан мұсылмандары діни басқармасының вакцина туралы пәтуасына сүйеніп, тұрғындарды індеттен қорғануға шақыруда. Бүгін Өңірлік коммуникациялар қызметінің ақпарат алаңында өткен брифингте қалалық «Төлен ата» мешітінің бас имамы Ғалымжан Бейсембаев вакцина туралы пікірімен бөлісті.
<blockquote>
 «Ислам дінінде адам денсаулығы бірінші орында тұрады. Яғни аурудың алдын алып, вакцина салдыру дінімізде құпталатын іс. Өйткені екпе арқылы өзіңізді және жақындарыңызды қорғайсыз. ҚМДБ екпеге қатысты арнайы пәтуа шығарған болатын. Демек, ислам дінінде екпеге байланысты ешқандай қарсылық жоқ. Вакцина дінге қайшы келмейді. Өзім де «Төлен ата» мешітінің қызметкерлері де алғашқы болып вирусқа қарсы вакцина алдық. «Білмесендер білім иелерінен сұрандар», -дейді. Яғни, әрбір істің өз маманы болады. Сол секілді біздің медицина саласының мамандары осы вакцинаны шығарып отыр. Әрбір аурудың емі бар. Сондықтан да ауырып ем іздегенше ауырмайтын жол іздейік» ,- деді «Төлен ата» мешітінің бас имамы.
</blockquote>
<img src="https://kyzylorda-news.kz/wp-content/uploads/2021/08/236096904_1348369585558550_8074163484373907888_n.jpg" alt="" />

Қазақстан және Қызылорда облысының жаңалықтары