<a href="https://kyzylorda-news.kz/">Kyzylorda-news.kz.</a> Заңмен жылжымайтын мүлікке құқықтарды тіркеу мерзімін бұзғаны үшін әкімшілік жауапкершілік алынып тасталды.
2021 жылғы 26 қаңтарда қабылданған «Қазақстан Республикасының кейбір заңнамалық актілеріне жылжымайтын мүлікке құқықтарды және заңды тұлғаларды мемлекеттік тіркеу мәселелері бойынша өзгерістер мен толықтырулар енгізу туралы» заңға сәйкес жылжымайтын мүлікке құқықтарды тіркеу мерзімін бұзғаны үшін әкімшілік жауапкершілікке тартылмайды.
Бұл норманың қабылдануы өзгерген жылжымайтын мүлік иесі туралы құқықтық кадастрға уақтылы ақпарат енгізуге мүмкіндік беретін электрондық тіркеуді сәтті қолдану болды.
Осыған байланысты жылжымайтын мүлікті тіркеу саласындағы әкімшілік жауапкершілік туралы норма өзектілігін жоғалты. 
Жалпы, заң жылжымайтын мүлікке және заңды тұлғаларға құқықтарды мемелкеттік тіркеу тәртібін оңайлатуға бағытталған.

Жылжымайтын мүлікті тіркемегені үшін жаза қолданылмайды

<a href="https://kyzylorda-news.kz/">Kyzylorda-news.kz.</a> Қымбатты облыс тұрғындары! Байқоңыр қаласында болған оқиғаға байланысты Байқоңыр қаласында болдым. Із-түзсіз кеткен кішкентай екі бала Анас Ерхан мен Оразбаев Нұрәліні іздестіруге РФ ІІМБ,ҚР ІІМП жеке құрамы жұмылдырылды және 400 волонтер тартылды.
Қызылорда облысы Төтенше жағдайлар департаментінің іздестіру тобы жұмылдырылып, оның құрамындағы 1 бірлік техника (қайық) және жеке құрамның7 адамы (сүңгуірлер, кинолог, психолог) іздеу жұмыстарына кірісті. Қанша үміттенсек те, өкінішке қарай, Сырдария өзенінің тікұшақпен ұшу барысында қалалық мәдениет және демалыс саябағы ауданында сүңгуірлер Анас Ерханның денесін тапты (жүргізілген сот-медициналық сараптамаға сәйкес зорлық-зомбылық өлімінің белгілері жоқ).
Амал қанша, Байқоңыр қаласындағы №275 орта мектебінің 2″А” сынып оқушысы Анас Ерханның ата-анасымен кездесіп, көңіл айттым. Ерханның әкесі Ниязбаев Амандық Анасұлы (15.02.1988 жылғы) “Байқоңырэнерго” ӨЭБ ЖБТ электригі, анасы Әбдіқадырова Қазына Әбдіваханқызы (26.03.1988 жылғы) №272 орта мектептің медбикесі.
Толық отбасында 3 бала тәрбиеленген. Ерхан үйінің үлкені екен. Іздестіру іс-шараларын өткізу барысын бақылау шеңберіндеҚР Президентінің “Байқоңыр” кешеніндегі арнаулы өкіліС. Сүлейменовпен бірге қала әкімшілігінің басшысы К.Д. Бусыгинмен кездестім. Балаларды іздеу бойынша өткізілген және жоспарланған іс-шаралармен танысып, қажетті тапсырмалар бердім.
Сондай-ақ, Байқоңыр қаласының құқық қорғау органдары басшыларының (Қызылорда облысы және Байқоңыр қаласы бойынша ҚР ҰҚКД Байқоңыр қаласы басқармасы, Байқоңыр қаласының прокуратурасы, ҚР Байқоңыр қаласындағы ІІМП, Қармақшы ауданының төтенше жағдайлар бөлімі), Қармақшы ауданы әкімінің орынбасары және мектеп директорларының қатысуымен кеңес өткізіп, осындай ауыр фактілердің алдын алу және оған жол бермеу мақсатында оқушылардың ата-аналары мен оқытушылар құрамы арасында түсіндіру жұмыстарын жүргізуді тапсырдым.
Қазіргі уақытта жоғалған Байқоңыр қаласындағы №277 мектеп-лицейінің 2 “в” сынып оқушысы Нұрәлі Нұрсұлтанұлы Оразбаевты іздестіру шаралары жалғасуда.
Қадірлі жерлестерім! Парақшама жазған пікірлеріңізді оқимын. Сіздердің жазбаларыңызға, пікірлеріңізге қатысты орынбасарларыма, басқарма басшыларына, қала, аудан әкімдеріне тапсырып отырамын. Осы орайда, сіздерден кішкентай балаларыңызды жеке өздерін ешқайда жібермеңіздер, үйде қалдырмаңыздар, мұқият болыңыздар деп тағы да сұраймын.
Балаларымыз аман, жұртымыз тыныш, еліміз бейбіт болсын!

Гүлшара Әбдіқалықова: Балаларыңызға мұқият болуды сұраймын

<a href="https://kyzylorda-news.kz/">Kyzylorda-news.kz.</a> Биыл күзде Қазақстанда үшінші халық санағы өтеді. Бастапқыда ұлттық санақ 2020 жылға жоспарланған еді, кейін пандемияға байланысты бір жылға шегерілді, деп хабарлайды <a href="https://sputnik.kz/?_ga=2.3267376.1831616750.1613893808-1164657187.1602390407">Sputnik Қазақстан</a>. Осы жылы кезекті халық санағы қалай өткізіледі? Халық санағы кезінде кімдер есепке алынады және алынбайды?&nbsp; Ұлттық санаққа бюджеттен қанша теңге жұмсалады?
<h3 id="">Халық санағы екі әдіспен жүргізіледі</h3>
Стратегиялық жоспарлау және реформалар агенттігі Ұлттық статистика бюросының ақпаратынша, халық санағы шартты екі кезеңнен тұрады.
Бірінші кезең 1 мен 30 маусым аралығында өткізіледі. Интервьюерлер тұрғын үйлер және онда тұратын тұрғындардың санын нақтылау мақсатында әрбір елді мекенді аралайды. Яғни, бұл кезеңде аудандастыруға дайындық болады.
Санақты аудандастыру – бұл өңірдегі әрбір елді мекеннің аумағын санақтың 2-кезеңін өткізу үшін нұсқаушылық және есептік учаскелерге бөлу.
Екінші кезеңде ұлттық санақ басталады. Ол 1 қыркүйектен 30 қазанға дейін созылады.
Биыл халық санағы екі әдіспен жүргізіледі: онлайн-санақ және дәстүрлі үй-үйді аралау.
1 қыркүйек пен 15 қазан аралығында қазақстандықтар sanaq.gov.kz сайты арқылы онлайн-санақтан өте алады. Әрбір адам сайтқа жеке сәйкестендіру нөмірін (ЖСН), ұялы телефон нөмірін, құпия сөзді енгізу арқылы тіркеледі. Ұялы телефон нөмірін енгізгеннен кейін сол нөмірге растау коды, сондай-ақ, санақтан өткеннен кейін оның санақтан өткендігі туралы SMS келеді. Үйге санақ жүргізетін интервьюерлер келген жағдайда, респонденттер осы хабарламаны көрсетіп, санақтан өткенін растауы қажет. Сондықтан интернет арқылы тіркелген респонденттерді интервьюерлер екінші рет сауалнамадан өткізбейді.
Ал 1-30 қазан аралығында интервьюерлер үй-үйді аралайды. Тұрғындардың мәліметтері планшеттерге енгізіледі.
Онлайн және планшет арқылы сауалнама жүргізу үшін электронды санақ парақтары әзірленді. Онда әр азамат баспана жағдайын сипаттайды, бұдан бөлек, этномәдени сипаттамалар, білім және сауаттылық, көші-қон, неке жағдайы, туу, жұмыспен қамтылуы, күнкөріс көзі және тыныс-тіршілігінің шектелуі туралы жаңа сұрақтар енгізілген.
<h3 id="-1">Халық санағы кезінде кімдер есепке алынады</h3>
Ұлттық санақ кезінде келесі азаматтар есепке алынады:
<ul>
<li>халықты есепке алу сәтінде елдегі тұрғылықты жерінде жүрген Қазақстан азаматтары, шетелдіктер және азаматтығы жоқ адамдар;</li>
<li>шетелде жүрген қазақстандық дипломаттар, ұзақ мерзімді қызметтік іссапарға байланысты 12 ай және одан көп уақыт шетелде жүрген Қазақстан азаматтары (олармен бірге жүрген отбасы мүшелерін қоса алғанда);</li>
<li>Қазақстанда тұрақты тұратын, бірақ 12 айдан аз мерзімге қызметтік іссапарға, келісімшарт бойынша жұмысқа, оқуға шетелге уақытша кеткен адамдар (“Болашақ” бағдарламасы және студенттермен алмасу бағдарламалары бойынша оқитындарды қоса алғанда);</li>
<li>Қазақстанда тұрақты тұратын және шетелге уақытша демалуға, емделуге, туыстарына немесе таныстарына қонаққа кеткен адамдар;</li>
<li>Қазақстанда тұрақты тұратын, халықты есепке алу сәтінде теңізде жүрген отандық балық аулау және сауда кемелеріндегі теңізшілер;</li>
<li>тіркеу құжаттарын рәсімдеп үлгермегендер немесе тұрғылықты тұруға ықтиярхат алмағандарды қоса, шетелден Қазақстанға тұрғылықты тұруға немесе пана іздеп келген Қазақстан азаматтары, шетелдіктер және азаматтығы жоқ адамдар;</li>
<li>12 айдан көп мерзімге шетелден Қазақстанға жұмысқа немесе оқуға келген қазақстандықтар, шетелдіктер және азаматтығы жоқ адамдар;</li>
<li>тұрақты тұратын жері басқа елде, бірақ халықты есепке алу сәтінде Қазақстан аумағында уақытша (12 айдан аз) жүрген шетелдіктер, азаматтығы жоқ адамдар және Қазақстан азаматтары.</li>
</ul>
<h3 id="-2">Есепке алынбайтындар</h3>
<ul>
<li>шетелде тұрақты тұратын Қазақстан азаматтары;</li>
<li>“Болашақ” бағдарламасы және студенттермен алмасу бағдарламалары бойынша оқитын студенттерді (магистранттарды) қоспағанда, 12 ай және одан көп уақытқа шетелге жұмысқа немесе оқуға кеткен Қазақстан азаматтары;</li>
<li>өз мемлекетінің дипломатиялық және басқа өкілдіктерінде жұмыс істейтін шетел азаматтары, шетелдік әскери қызметшілер және олардың отбасы мүшелері;</li>
<li>Қазақстан аумағындағы халықаралық ұйымдардың өкілдіктерінде жұмыс істейтін шетел азаматтары;</li>
<li>өз мемлекетінің үкіметтік немесе өзге де делегацияларының және заңды органдарының мүшелері болып табылатын шетел азаматтары.</li>
</ul>
<h3 id="-3">Биылғы санаққа қанша теңге жұмсалады</h3>
2018-2023 жылдарға арналған ұлттық халық санағын қаржыландырудың қажетті көлемі 8,2 миллиард теңгені құрайды.
Қазір оның 3,6 миллиард теңгесі (44%) игерілді. 4,2 миллиард теңгесі халық санағы мерзімінің ауыстырылуына байланысты республикалық бюджетке қайтарылды.
<blockquote>
 “Осы жылы наурызда бұл қаражат халық санағының мақсаттарына (еңбекақы төлеу қоры, іссапар шығыстары, деректерді өңдеуге және таратуға арналған шығыстар) бағытталады деп күтілуде. Бірақ қазіргі уақытта пандемияға байланысты Ұлттық халық санағының 2020 жылдан 2021 жылға шегерілуіне &nbsp;байланысты көзделген қаражат көзі қайтадан қарастырылуы мүмкін”, – делінген статистика бюросының&nbsp; жауабында.
</blockquote>
Халық санағы кезінде бір адамға 430 теңге немесе 1,02 доллар жұмсалады. Мысалы, 2009 жылғы санақ кезінде бұл сома 2,9 долларды құрады.
Ұлттық бюро халық санағына жұмсалатын шығындардың төмендеуін цифрлық технологиялардың енгізілуімен және санақ процесінің автоматтандырылуымен байланыстырып отыр.
<h3 id="-4">Қанша планшет сатып алынды</h3>
Халық санағына қытай өндірісінен шыққан KOUZONE MTK6592 маркалы 27 412 планшеттік компьютер сатып алынды. Біреуі 39 000 теңге шамасында, жалпы 1 миллиард 085,6 миллион теңге жұмсалған.
Олардың стилусы, қорғайтын қабы, қауіпсіздік әйнегі, Powerbank қосымша гарнитурасы бар.
Санақ аяқталғаннан кейін барлық техника мектептерге жіберіледі.
<h3 id="-5">Уақытша қызметкерлердің жалақысы</h3>
Ұлттық санақты өткізу үшін 32 509 адам уақытша жұмысқа тартылмақ.
Бірінші кезеңде тіркеуші ретінде 4 562 адам, ал екінші кезеңде санақ жүргізетін интервьюер қызметіне 23 033 адам қабылданады.
1-кезең интервьюеріне (тіркеушіге) отыз күн үшін 75 743 теңге төлеу жоспарланған.
2-кезең интервьюеріне (санақтан өткізушіге) 94 679 теңге төленеді.
45 күнге толық көлемде қызмет көрсетілген кезде 1-ші және 2-ші нұсқаушы-бақылаушы 113 614 теңге жалақы алады.
Үй-үйді аралауға жіберілетін адамдар мына талаптарға сәйкес іріктеледі:
<ul>
<li>18 жастан асқан Қазақстан азаматтары;</li>
<li>бастамашыл, жауапты, тіл табысқыш;</li>
<li>дербес компьютерде жұмыс істеу дағдысы бар;</li>
<li>жұмыс өтілі мен кәсіби біліміне талаптар қойылмайды.</li>
</ul>
Жұмысқа алынған санақ персоналы арнайы дайындықтан өтеді. Уақытша қызметкерлермен өтеулі қызмет көрсету шарты жасалады.
Санақ жүргізу кезінде интервьюерлерде көк түсті сөмке, шарф және куәлік болады.
<h3 id="-6">Ұлттық санақ қорытындысы</h3>
2021 жылдың желтоқсанында халықтың жалпы саны бойынша жедел деректер дайындалады. 2022 жылы алдын ала қорытындылар жарияланса, 2023 жылы халық санағының соңғы қорытындысы шығады.

Күзде халық санағы басталады

<a href="https://kyzylorda-news.kz/">Kyzylorda-news.kz.</a> Қазақстандық автобизнес қауымдастығы зейнетақы жинақтарын автокөлік сатып алуға пайдалану туралы&nbsp;ұсыныс жасады. Олардың ойынша, қаражатты тек жаңа көліктерге, оның ішінде қазақстандық өндіріске жұмсауға болады, деп хабарлайды&nbsp;<a href="https://stan.kz/">Stan.kz</a>.
Қазақстандық автобизнес қауымдастығы мемлекетке осы альянсқа мүше компаниялар құрастырған автокөлікті сатып алу үшін зейнетақы жинақтарының бір бөлігін пайдалануға мүмкіндік беруді ұсынды.
<blockquote>
 «Біз өз тарапымыздан тек оң әсерлерді көріп отырмыз. Біріншіден, егер бүгінгі автомобильдер туралы статистикалық мәліметтерге қарасақ, бұл автомобиль паркін жаңартуға жақсы әсер етеді. Бүгінгі таңда Қазақстанда 3,5 млн автокөлік бар. Оның 60 пайызы – 10 жылдан көп. Сондай-ақ, бұл отандық автоөндіріс ауқымына жақсы әсер етеді, яғни бұл&nbsp;мультипликативті әсерді – жаңа жұмыс орындарын құруды, аралас салаларды дамытуды көрсетеді»,- деді&nbsp;«Қазақстандық автобизнес қауымдастығы» ЗТБ Техникалық реттеу жөніндегі директоры&nbsp;Ербол Сейпілов.
</blockquote>
Зейнетақы жинақтарын алу жүйесін әзірлеушілер жинақтарды автокөлікті сатып алуға жұмсауға болмайды деп есептейді. Бұл жүйе адамдарға ең өткір мәселелерді шешуге көмектесу үшін ойластырылған.
<blockquote>
 «Автокөліктер идеясы бірден екі параметрге сәйкес келмейді – біріншісі – өте қажеттілік емес, көбінесе ыңғайлылық, жайлылық және т.б. Екіншіден, ол құрылыс емес. Ешбір елде&nbsp;зейнетақы жүйесін автомобильдер үшін қолданбайды. Зейнетақы қаражатын мұндай мақсаттарға пайдалануға болмайды. Егер рұқсат етілсе, онда баға өседі», – деді&nbsp;экономист&nbsp;Олжас Құдайбергенов.
</blockquote>
Осыған орай, «Хабар 24» телеарнасы қазақстандықтар арасында автокөлік сатып алу үшін зейнетақысын алғысы келетін-келмейтіні жөнінде сауалнама жүргізді. Бес мыңнан астам респондент дауыс берді, олардың көпшілігі механизмді қолдайтынын мәлімдеді.&nbsp;
Қалай болғанда да, бұл жай ғана ұсыныс, оны өндірушілер тек Ұлттық экономика министрлігіне жіберді.

Қазақстанда зейнетақы жинағын автокөлік сатып алуға пайдалануды ұсынды

<a href="https://kyzylorda-news.kz/">Kyzylorda-news.kz.</a>&nbsp;Синоптиктер 23-25 ақпанға аралған ауа райы болжамын жариялады, деп хабарлайды Қазгидромет.
<blockquote>
 «Қазақстанның солтүстік жартысына Исландияның суық ауа массаларын сіңірген белсенді циклон қарлы боран әкеледі. Оның артында келе жатқан Арктикалық антициклон ауа температурасының одан әрі төмендеуіне себеп болады», – делінген хабарламада.
</blockquote>

Алдағы тәуліктерде боран, аяз болады

<a href="https://kyzylorda-news.kz/">Kyzylorda-news.kz.</a>&nbsp;Байқоңырда&nbsp;8 жастағы Нұрали Оразбаевты іздеу жұмыстары үш тәулік бойы жалғасуда. Әзірге нәтиже жоқ, деп хабарлайды қалалық тергеу бөлімі.
<blockquote>
 «Қазіргі уақытта тергеу әрекеттерін, жедел-іздестіру жұмыстары&nbsp;екінші баланы табуға бағытталып отыр.&nbsp;Іздеу жұмыстары Байқоңыр қаласы тұрғындарын,&nbsp;авиациялық техниканы, сүңгуірлерді, еріктілерді тарта отырып жалғасуда», – делінген хабарламада.
</blockquote>

Байқоңырда жоғалып кеткен екінші баланы іздеу әлі жалғасуда

<a href="https://kyzylorda-news.kz/">Kyzylorda-news.kz.</a> Қазақстанда өткен тәулікте 642 адам коронавирус індетінен емделіп шықты. Бұл туралы &nbsp;<a href="http://www.coronavirus2020.kz/">www.coronavirus2020.kz</a>&nbsp; хабарлайды.
Аймақтар бойынша
Нұр-Сұлтан қаласы – 118,
Алматы қаласы – 163,
Шымкент қаласы – 6,
Ақмола облысы – 47,
Алматы облысы – 52,
Атырау облысы – 29,
Батыс Қазақстан облысы – 43,
Қарағанды облысы – 31,
Қостанай облысы – 32,
Қызылорда облысы – 5,
Маңғыстау облысы – 7,
Павлодар облысы – 69,
Солтүстік Қазақстан облысы – 36,
Түркістан облысы – 4.
Қазақстан бойынша жазылғандар саны – 191739.

Қызылордада 5 науқас коронавирустан емделді

<a href="https://kyzylorda-news.kz/">Kyzylorda-news.kz.</a> Бір күн бұрын Байқоңырда жоғалып, артынан мәйіті табылған баланың неден қайтыс болғаны анықталды. Бала суға тұншығып қалған, деп хабарлайды&nbsp;<a href="https://sputnik.kz/">Sputnik Қазақстан</a>.
Ресей Федерациясы тергеу комитетінің хабарлауынша, баланың мәйіті Сырдария өзенінің жоғары ағысындағы Байқоңыр понтон өткелінен 500 метр қашықтан табылды.
Сот-медициналық сараптама өлімнің себебі суға батқан кезде тыныс алу жолдарының жабылуы салдарынан пайда болған механикалық асфиксия екенін көрсетті.
<blockquote>
 “Мәйітте басқа дене жарақаты жоқ. Ерхан Анасқа қатысты зорлық әрекеті жасалғанын куәландыратын дерек жоқ”, – делінген ақпаратта.
</blockquote>
Қазір екінші баланы іздеу жұмыстарына авиациялық техника, сүңгуірлер мен жергілікті тұрғындар арасынан шыққан еріктілер жұмылдырылды.

Байқоңырда мәйіті табылған баланың неден қайтыс болғаны хабарланды

<a href="https://kyzylorda-news.kz/">Kyzylorda-news.kz.</a> Денсаулық сақтау вице-министрі – Бас мемлекеттік санитарлық дәрігер Ерлан Қиясов және аталмыш ведомствоның тағы бір вице-министрі Ажар Ғиният «Спутник V» вакцинасының екінші дозасын салдырды, деп хабарлайды <a href="https://lenta.inform.kz/kz/densaulyk-saktau-vice-ministrlerine-sputnik-v-vakcinasynyn-2-dozasy-egildi_a3755942">ҚазАқпарат</a>.
Екпе денсаулық сақтау саласының жауапты басшыларына №6 қалалық емханада жүргізілді. Пациенттер вакцинаның алғашқы дозасынан кейін еш шағымы жоқтығын айтты. Вакцинация процесі «24 kz» телеарнасынан тікелей эфирден көрсетілді.
<img src="https://www.inform.kz/radmin/fotofiles/2021/02/22/2102220933425731g.jpg" alt="" />
<img src="https://www.inform.kz/radmin/fotofiles/2021/02/22/2102220930205134g.jpg" alt="" />
Еске сала кетсек, Ерлан Қиясов пен Ажар Ғиният коронавирусқа қарсы вакцинаның алғашқы дозасын 1 ақпанда салдырған болатын. Вице-министрлерге ресейлік «Sputnik V» вакцинасы&nbsp;<a href="https://www.inform.kz/kz/infonew/densaulyk-saktau-vice-ministrleri-koronaviruska-karsy-vakcina-saldyrdy_a3747583">егілді.</a>&nbsp;Егуден бұрын олар тексеруден өтіп, вакцина салдыруға қарсы көрсетілімі жоқ екені анықталған. Бұл жолы да препаратты алдымен Ерлан Қиясов, одан кейін Ажар Ғиният алды.
Бұған дейін ҚР ДСМ Санитариялық-эпидемиологиялық бақылау комитеті Вакцинамен басқарылатын инфекцияларды бақылау басқармасының басшысы Нұршай Әзімбаева «Коронавирус вакцинасын салдырғанға дейін және одан кейін оқшаулану керек пе?» деген сұраққа&nbsp;<a href="https://www.inform.kz/kz/koronavirus-vakcinasyn-saldyrganga-deyin-zhane-odan-keyin-okshaulanu-kerek-pe_a3746903">жауап берген болатын.</a>
<blockquote>
 «Шын мәнінде оқшаулану – адамдардың басқа біреулерге вирус жұқтыруының алдын алу үшін керек. Мұндай жағдайда коронавирус вакцинасын салдырғанға дейін және одан кейін оқшауланудың қажеті жоқ. Бірақ адамдар ең алдымен, өзінің қауіпсіздігін ойлауға тиіс. Сол себепті вакцина алатын адам үшін толығымен карантин режимін сақтаған дұрыс. Вакцина салдыратын кез келген адамның ең біріншіден, дені сау болуы керек. Екпе алған адам қоршаған ортаға қауіпсіз. Вакциналанған адамға коронавирус жұқпайды. Яғни, вакцина құрамында инфекциялық негіз жоқ», – деді Нұршай Әзімбаева.
</blockquote>

Денсаулық сақтау вице-министрлеріне «Спутник V» вакцинасының 2-дозасы егілді

<a href="https://kyzylorda-news.kz/">Kyzylorda-news.kz.</a>&nbsp;Қазақстанда өткен тәулікте 699 адамда коронавирус індеті ПТР арқылы расталып ауырғаны белгілі болды. Бұл туралы &nbsp;<a href="http://www.coronavirus2020.kz/">www.coronavirus2020.kz</a>&nbsp;сайты хабарлайды.
Аймақтар бойынша:
Нұр-Сұлтан қаласы – 72,
Алматы қаласы – 101,
Шымкент қаласы – 13,
Ақмола облысы – 73,
Ақтөбе облысы – 13,
Алматы облысы – 37,
Атырау облысы – 24,
Шығыс Қазақстан облысы – 52,
Жамбыл облысы – 16,
Батыс Қазақстан облысы – 39,
Қарағанды облысы – 40,
Қостанай облысы – 67,
Қызылорда облысы – 12,
Маңғыстау облысы – 3,
Павлодар облысы – 96,
Солтүстік Қазақстан облысы – 38,
Түркістан облысы – 3.
Жалпы ел бойынша ауырғандар саны 208117.

Қызылорда: 12 адамнан коронавирус анықталды

<a href="https://kyzylorda-news.kz/">Kyzylorda-news.kz</a><a href="https://kyzylorda-news.kz/">.</a> Дүйсенбі еліміздің басым бөлігінде құбылмалы ауа райы сақталады, деп хабарлайды Қазгидромет.
22 ақпанда фaронтальды құрылымдардың өтуіне байланысты еліміздің басым бөлігінде құбылмалы ауа райы сақталады. Кей жерлерде қар жауады, еліміздің оңтүстік-батысында, оңтүстік-шығысында қар аралас жаңбыр жауады. Тек еліміздің оңтүстігі мен солтүстігі жауын-шашынсыз. Республиканың кей жерлерінде тұман түсіп, көктайғақ болады, жаяу боран соғады, жел күшеюі мүмкін.

22 ақпанға арналған ауа райы болжамы

Kyzylorda-news.kz. COVID-19 пандемиясы мен коронавирус төңірегіндегі дау саябырсыды. Адамзаттың вирус туралы, одан аулақ жүрудің, сақтанудың жолдары жайлы білімі біршама өсті. Вирустың не екенін түсінді. Енді одан қорғанудың амал-тәсілін өмірде үнемі қолданып жүреді деп ойлаймыз.
Ендеше сабынның қолға жұққан вирусты шаюға, жууға қаншалықты қуатты екенін тағы бір қарастыра кетсек.
Ең алдымен, вирустың құрылымына мән берген жөн. Вирус деген – ақуыз қабықшасы – капсидпен оралған жұқпалы геном. Ал каспидтің ішінде одан да ұсақ бөлшектер – РНК&nbsp; мен ДНК молекулаларынан тұратын капсомер болады. Вирусты ауру қоздыруға әкелетін дәл осы бөлшектер.
Ал капсидтің сыртын май немесе липидті қабықша қаптап жатады. Сабынның осы майлы қабықты бұза алатын қасиеті бар. Липид қабығы бұзылған кезде, вирустың өзі де жуылып кетеді.
Капсидтің құрылысы бұзылмады дегеннің өзінде вирус сабынмен бірге еріп, жуылып барып басқа бір жерге түседі.
Сабын гидрофильді және липофильді молекулалардан тұрады. Бұлар вирустың майлы қабығына “жабысып” сумен бірген жуғанда, өзімен бірге алып кетеді. Ал вирусты шайып жіберу үшін қолды 20 секундтай жуған жөн.
<a href="https://massaget.kz/arnayyi_jobalar/zdorove/64541/">Massaget</a>

Қазақстан және Қызылорда облысының жаңалықтары