<a href="https://kyzylorda-news.kz/">Kyzylorda-news.kz.</a> Сенаттың алтыншы сессиядағы алғашқы отырысы жаңа құраммен өтті, деп хабарлайды <a href="https://lenta.inform.kz/kz/senat-komitetterinin-zhana-toragalary-saylandy_a3689499">ҚазАқпарат</a>.
Сенат Төрағасы Мәулен Әшімбаев Парламент палаталарының бірлескен отырысында жарияланған Мемлекет басшысының Қазақстан халқына Жолдауында еліміздің экономикалық және әлеуметтік дамуының басым бағыттары нақты белгіленгенін атап өтті.
<blockquote>
 «Мемлекет басшысы экономика, әлеуметтік, саяси салаларға қатысты алдағы басымдықтарды айқындап берді. Президентіміз экономикалық өсімді қалпына келтіру, халықтың әл-ауқатын арттыру, құқық қорғау жүйесін әрі қарай жаңғырту, саяси реформаларды жалғастыру мәселелеріне тоқталып, Парламент пен Үкіметтің алдына нақты мақсаттар қойды. Жолдауда айтылған тапсырмаларды заңнамалық тұрғыдан уақтылы әрі сапалы қамтамасыз ету – біздің негізгі міндетіміз», –&nbsp;деді Сенат Төрағасы.
</blockquote>
Мәулен Әшімбаев сенаторлар өңірлердегі жағдайға мониторинг жүргізіп, халықты алаңдатқан өзекті мәселелерді шешуге атсалысқанына назар аударды.
Жаз бойы еліміздегі және әлемдегі эпидемиологиялық ахуал күрделі болғаны белгілі. Президенттің тапсырмасы бойынша қажетті қаражат бөлініп, тиісті заңнамалық актілер қабылданды.
<blockquote>
 «Қазір жағдайдың тұрақталып келе жатқанын көріп отырмыз. Бірақ Президентіміз айтып өткендей, санитарлық, эпидемиологиялық режимге, сақтық шараларына баса мән беруіміз керек. Осы жолда депутаттар Мемлекет басшысының тапсырмалары аясында қажетті заңдар қабылдау жұмысын жалғастыратын болады», – деді Мәулен Әшімбаев.
</blockquote>
Сенат алдағы уақытта жаңа депутаттық құраммен жұмыс істейді. Нақты айтқанда, 2020 жылдың 12 тамызында Сенат депутаттарының сайлауы өтіп, оның қорытындысы бойынша Ольга Перепечина, Әли Бектаев, Сергей Ершов және Айгүл Қапбарова жаңа мерзімге қайта сайланды. Сондай-ақ, сенаторлар қатарына жаңадан 13 депутат қосылды. Палатаның бүгінгі отырысы кезінде олар ант қабылдады.
Өз кезегенде Сенат Төрағасы жаңадан сайланған депутаттардың қызметіне табыс тілеп, кәсіби біліктіліктері мен мол тәжірибелерін заң шығару қызметінде кеңінен пайдаланатынына және Сенат жұмысына тың серпін беретіндеріне сенім білдірді.
Сонымен қатар отырыс барысында Сенат Төрағасының орынбасары болып Нұрлан Әбдіров сайланды. Одан бөлек, Жоғарғы Палата комитеттерінің құрамы белгіленіп, олардың төрағалары сайланды. Атап айтқанда, Конституциялық заңнама, сот жүйесі және құқық қорғау органдары комитетінің төрағасы болып Владимир Волков; Қаржы және бюджет комитетінің төрағасы болып Ольга Перепечина; Халықаралық қатынастар, қорғаныс және қауіпсіздік комитетінің төрағасы болып Мұхтар Құл-Мұхаммед; Экономикалық саясат, инновациялық даму және кәсіпкерлік комитетінің төрағасы болып Дәурен Әділбеков; Әлеуметтік-мәдени даму және ғылым комитетінің төрағасы болып Мұрат Бақтиярұлы; Аграрлық мәселелер, табиғатты пайдалану және ауылдық аумақтарды дамыту комитетінің төрағасы болып Әли Бектаев сайланды.

Сенат комитеттерінің жаңа төрағалары сайланды

ҚР Президентінің Қазақстан халқына Жолдауының толық мәтіні

<a href="https://kyzylorda-news.kz/">Kyzylorda-news.kz.</a> Сыбалас жемқорлық қылмысын жасағандарға шартты түрде мерзімінен бұрын босату шарасы қолданылмайды. Бұл туралы бүгін Қазақстан халқына Жолдауын жария еткен ҚР Президенті Қасым-Жомарт Тоқаев айтты.
<blockquote>
 «Сыбайлас жемқорлыққа қатысты қылмыс жасағандарға шартты түрде мерзімінен бұрын босату шарасы қолданылмайды. Жемқорлықпен ұсталғандардың мемлекеттік қызметте және квазмемлекеттік секторда жұмыс істеуіне өмір бойына тыйым салатын қағида қатаң сақталуы керек. Біз сыбайлас жемқорлық деректері туралы хабарлаған адамдарды заң жүзінде қорғайтын жүйе қалыптастыруымыз қажет» деді Мемлекет басшысы.
</blockquote>

Жемқорлар шартты түрде мерзімінен бұрын босатылмайды – Мемлекет басшысы

<a href="https://kyzylorda-news.kz/">Kyzylorda-news.kz.</a> Қызылордада үстіміздегі жылдың 17-29 тамыз аралығында праймеризге қатысушыларды ұсыну мен тіркеу жүргізілді. Жалпы І кезеңнің қорытындысы бойынша 508 үміткер ұсынылып, оның 502-і кандидат ретінде тіркелді. Ал 6 адамның өтініші кері қайтарылды.
Бұл туралы Өңірлік коммуникациялар қызметінің ақпарат алаңында өткен брифингте Nur Оtan» партиясы Қызылорда облыстық филиалы төрағасының бірінші орынбасары Ләйлә Төрешова мәлімдеді.
<blockquote>
 “Облыс&nbsp;бойынша 502 азамат кандидат ретінде тіркеліп, ал 6 адамның өтініші тіркелмей, кері қайтарылды. Себебі, 5 адам ” Праймериз” ақпараттық жүйесіне партия мүшесі ретінде тіркелеміз деп, кандидат ретінде ұсынылып кеткен. Ал 1 азамат кандидат ретінде тіркелуге 2 рет өтініш берген. Өңірде кандидат ретінде тіркелген 502 азаматтың 164-і әйел,оның ішінде, 22-і көпбалалы ана. Сондай-ақ, үстіміздегі жылдың 
31 тамызында праймериздің ІІ кезеңі басталды. Яғни кандидаттар 1 апта бойы үгіт материалдары мен кездесу кестелерін дайындайды. Ал 7 қыркүйекте праймериздің ІІІ кезеңіне көшіп , өздерінің үгіт жұмыстарын бастайды. Канидаттар бұл кезеңде негізінен онлайн форматта кезудеслер өткізіп, өздерінің үгіт материалдарын тарата алады. Бірақ, үгіт материалдарын жапсыруға және баннерлер орнатуға болмайды”, – деді Ләйлә Бегалықызы.
</blockquote>
<img src="https://kyzylorda-news.kz/wp-content/uploads/2020/09/118655062_1103809443347900_7945293167387874365_o.jpg" alt="" />

Қызылордада 502 азамат праймеризге тіркелді

<a href="https://kyzylorda-news.kz/date/2020/09/01/">Kyzylorda-news.kz.</a> Диплом таратумен айналысатын оқу орындарын жабу мәселесін шешу керек. Бұл туралы Мемлекет басшысы Қасым-Жомарт Тоқаев Парламент палаталарының бірлескен отырысында Қазақстан халқына жыл сайынғы дәстүрлі Жолдауында мәлім етті, деп хабарлайды <a href="https://lenta.inform.kz/kz/prezident-diplom-taratumen-aynalysatyn-oku-oryndaryn-zhabudy-tapsyrdy_a3689337">ҚазАқпарат</a>.
<blockquote>
 «Өткен жылы дипломды басып шығарумен айналысатын оқу орындарын жабуды тапсырдым. Табысты білім беру бизнесіне жұмылдырған ықпалды адамдардың қарсылығының салдарынан жұмыс қиын жүріп жатыр. Бірақ, проблеманы шешу керек. Премьер-Министр осы мәселені ерекше бақылауға алуы тиіс», – деді Президент.
</blockquote>

Президент диплом таратумен айналысатын оқу орындарын жабуды тапсырды

<a href="https://kyzylorda-news.kz/">Kyzylorda-news.kz.</a> Кезекті Жолдауында Мемлекет басшысы Қасым-Жомарт Тоқаев ғылым саласын дамыту бойынша Үкіметке бірқатар тапсырмалар беріп, бизнес өкілдерін осы салаға атсалысуға шақырды.
<blockquote>
 «Ғылым саласын дамыту туралы да айтқым келеді. Бұл мәселеде бізге тың көзқарас пен жаңа тәсілдер керек. Сондай-ақ халықаралық тәжірибеге арқа сүйеуіміз қажет. Үкіметке жыл сайын әлемнің жетекші ғылыми орталықтарында 500 ғалымның тағылымдамадан өтуді қамтамасыз етуді, сондай-ақ «Жас ғалым» жобасы аясында зерттеу жүргізу үшін 1000 грант бөлуді тапсырамын», деді Президент.
</blockquote>
Аталған саланы алға жылжытуда кәсіпорын иелерінің де үлесі болуы керектігін атаған Қ.Тоқаев ұлттық деңгейдегі нақты мәселелерді шешуде де ғылымның әлеуетін пайдалану керектігін атап өтті.
<blockquote>
 &nbsp;«Ғылымды қаржыландырудың және қолдаудың маңызды көзі – ірі кәсіпорындардың, әсіресе, шикізат саласындағы компаниялардың тапқан қаражаты. Тапқан табыстың 1%-ын ғылым мен технологияны дамытуға беру туралы қолданыстағы норма талаптары сақталмай отыр. Көп жағдайда бұл қаражат компаниялардың ішінде бөлініске түсіп кетеді. Үкіметке осы қаражатты жинақтау ісін орталықтандыруды және оны бюджет арқылы жалпыұлттық ғылыми басымдыққа сай бөлінуін қамтамасыз етуді тапсырамын. Ірі бизнес өкілдері өңірлік университеттердің ғылыми қызметін қамқорлыққа алса нұр үстіне нұр болар еді. Бізге елімізді ғылымды дамыту жөніндегі арнаулы бағдарламалық құжат қажет. Оның басты міндеті – ұлттық деңгейдегі нақты мәселелерді шешуде ғылымның әлеуетін пайдалану болмақ», деді Мемлекет басшысы.
</blockquote>

Жолдау: Жыл сайын 500 ғалым шетелден тағылымдамадан өтеді

<a href="https://kyzylorda-news.kz/">Kyzylorda-news.kz.</a> Бұл туралы Мемлекет басшысы Қасым-Жомарт Тоқаев мәлімдеді.
<blockquote>
 «ІІМ құрылымын бейінді емес функциялардан босатып, қайта қарастыру қажет. Бұл осы маңызды ведомство жұмысының тиімділігін арттырады. Табиғи және техногендік апаттар дәуіріне енгенімізді ескере отырып, Төтенше жағдайлар министрлігін қайта құру қажет деп санаймын», – деді Президент.
</blockquote>

Елімізде Төтенше жағдайлар министрлігі құрылады

<a href="https://kyzylorda-news.kz/">Kyzylorda-news.kz.</a> Мемлекет басшысы сыбайлас жемқорлықты шешуге қатысты бірқатар ұсыныс айтты.
<blockquote>
 “Мемлекеттік қызметші мен квазимемлекеттік мекеме басшысының қосазаматтығы анықталған жағдайда, қызметінен босатылады. Құқық қорғау органдары қызметкерлері, сот өкілдері, пара берушілердің, парақорлыққа делдал болғандар сыбайлас жемқорлық үшін жазаны қатайту тұрғысынан Қылмыстық кодекске өзгеріс енгізу қажет. Жемқорлық үшін сотталғандардың шартты түрде мерзімінен босау шарасы қолданылмайды. Жемқорлықпен ұсталғандар мен мемлекеттік, квазимемлекеттік секторда қызметке келуіне өмір бойы тыйым&nbsp; салатын қағида орнату керек”, деді Президент.
</blockquote>

Мемлекет басшысы: Басшылардың қосазаматтығы анықталса, қызметінен босатылады

<a href="https://kyzylorda-news.kz/">Kyzylorda-news.kz</a>. 2021 жылы Бірыңғай жинақтаушы зейнетақы қорының 700 мың салымшысы өз жинағының бөлігін үй алу, емделу үшін пайдалана алады немесе қаржы ұйымдарының басқаруына бере алады. Бұл туралы Мемлекет басшысы Қасым-Жомарт Тоқаев Парламент палаталарының бірлескен отырысындағы Қазақстан халқына жолдауында айтты.
<blockquote>
 “Менің тапсырмамның аясында тұрғындар зейнетақы жинақтарының бөлігін пайдалану мәселесі қарастырылды. Бұл – қазір өте өзекті. 2021 жылы Бірыңғай жинақтаушы зейнетақы қорының 700 мың салымшысы өз жинағының бөлігін үй алу, емделу үшін пайдалана алады немесе қаржы ұйымдарының басқаруына бере алады. Үкіметке Ұлттық банкпен бірлесе жыл соңына дейін тиісті нормативтік-құқықтық актілерді қабылдауды және дайындық жұмыстарын жүргізуді тапсырамын. Бұл реформа тұрғындарға зейнетақы жинағына ақша салуға стимул болады. Тұрғын үй мәселелерін өздігінен шешуге табысы жетпейтін азаматтарға әлеуметтік қолдау көрсетіледі”, деді Президент жолдауында.
</blockquote>

Қазақстандықтарға зейнетақысының бір бөлігін алуға болады

<a href="https://kyzylorda-news.kz/date/2020/09/01/">Kyzylorda-news.kz.</a> Мемлекет басшысы Қазақстан халқына Жолдауында халықтың әлеуметтік деңгейі мемлекет саясатының басым бағытының бірі екенін айта келе, 2021 жылдан бастап 700 мың салымшы зейнетақы қорындағы қаржысының жартысын үй алуға, ем шараларына жұмсауға, қаржы компанияларының пайдалануына бере алатынын мәлімдеді.
<blockquote>
 “Бұл мәселені шешу үшін Үкіметке Ұлттық банкпен бірге жыл соңына дейін барлық құқықтық нормативтік актіні қабылдап, дайындық жұмысын жүргізуді тапсырамын. Аталған реформа азаматтарды зейнетақы жүйесіне атсалысуға ынталандыруға үлес қоспақ. Биылдан бастап “5-10-20” бағдарламасы іске қосылды. Оған 390 млрд теңге бөлінді.
 Баспана алу үшін кезекте тұрған азаматтардың мәселесі де назардан тыс қалмауы керек. Бүгінде әкімдіктер бұл мәселені өздері шешіп жатыр. Оның уақытты талап етері сөзсіз. Жүйеге өзгеріс керек. Бөлінген қаржы тек құрылысқа емес, жалға алу төлемін субсидиялауға да бағытталуы керек. Реформа нәтижесінде, алғашқы жылы 100 мың отбасы көмек алады. Бұл «Тұрғын үй құрылыс жинақ банкі” негізінде құрылатын “Отбасы” банкіне міндеттелді. Банк басшылығы тапсырманың орындалуына жауапты”, деді Қ.Тоқаев.
</blockquote>

Қазақстанда &#8220;Отбасы&#8221; банкі құрылады

<a href="https://kyzylorda-news.kz/">Kyzylorda-news.kz.</a> Мемлекет басшысы Қасым-Жомарт Тоқаев медициналық инфрақұрылымды дамыту жұмысы жайлы баяндады.
<blockquote>
 «Тағы бір мәселе – медициналық инфрақұрылымды дамыту. Жыл соңына дейін ел аумағында 13 жаңа жұқпалы аурулар ауруханасы салынады. Ал 2025 жылға қарай денсаулық сақтау саласына арналған 20 заманауи көпсалалы нысан пайдалануға беріледі. Бұл осы мақсатқа орай 1,5 трлн теңгеге жуық инвестиция тартылады деген сөз» деп атап өтті Мемлекет басшысы Жолдау барысында.
</blockquote>
Оның айтуынша, Елбасының бастамасымен Нұр-Сұлтан және Алматы қалаларында екі көпсалалы медициналық орталық салынады.
<blockquote>
 «Бұл орталықтар еліміздің беткеұстар мекемелеріне айналып, инновациялық өсімге және қолданбалы медицинаның дамуына тың серпін береді», – деді Қ. Тоқаев.
</blockquote>

Жолдау: Жыл соңына дейін 13 жаңа жұқпалы аурулар ауруханасы салынады

<a href="https://kyzylorda-news.kz/">Kyzylorda-news.kz.</a> Мемлекет басшысы Қасым-Жомарт Тоқаев отандық фармацевтика саласын аяғына тік тұрғызуды тапсырды.
<blockquote>
 «Отандық фармацевтика саласын аяғынан тік тұрғызу керек. Барлық дәрі-дәрмек пен медициналық бұйымдар Қазақстанда өндірілуі тиіс. Бұл – ұлттық қауіпсіздік мәселесі. Келесі жылдан бастап осы бағытта нақты нәтиже күтемін», – деді Президент.
</blockquote>

Қазақстан және Қызылорда облысының жаңалықтары

Сенат комитеттерінің жаңа төрағалары сайланды

ҚР Президентінің Қазақстан халқына Жолдауының толық мәтіні

Жемқорлар шартты түрде мерзімінен бұрын босатылмайды – Мемлекет басшысы

Қызылордада 502 азамат праймеризге тіркелді

Президент диплом таратумен айналысатын оқу орындарын жабуды тапсырды

Жолдау: Жыл сайын 500 ғалым шетелден тағылымдамадан өтеді

Елімізде Төтенше жағдайлар министрлігі құрылады

Мемлекет басшысы: Басшылардың қосазаматтығы анықталса, қызметінен босатылады

Қазақстандықтарға зейнетақысының бір бөлігін алуға болады

Қазақстанда “Отбасы” банкі құрылады

Жолдау: Жыл соңына дейін 13 жаңа жұқпалы аурулар ауруханасы салынады

Президент: Барлық дәрі-дәрмек пен медициналық бұйымдар Қазақстанда өндірілуі тиіс

Қазақстан және Қызылорда облысының жаңалықтары

Сенат комитеттерінің жаңа төрағалары сайланды

ҚР Президентінің Қазақстан халқына Жолдауының толық мәтіні

Жемқорлар шартты түрде мерзімінен бұрын босатылмайды – Мемлекет басшысы

Қызылордада 502 азамат праймеризге тіркелді

Президент диплом таратумен айналысатын оқу орындарын жабуды тапсырды

Жолдау: Жыл сайын 500 ғалым шетелден тағылымдамадан өтеді

Елімізде Төтенше жағдайлар министрлігі құрылады

Мемлекет басшысы: Басшылардың қосазаматтығы анықталса, қызметінен босатылады

Қазақстандықтарға зейнетақысының бір бөлігін алуға болады

Қазақстанда &#8220;Отбасы&#8221; банкі құрылады

Жолдау: Жыл соңына дейін 13 жаңа жұқпалы аурулар ауруханасы салынады

Президент: Барлық дәрі-дәрмек пен медициналық бұйымдар Қазақстанда өндірілуі тиіс

Қазақстанда “Отбасы” банкі құрылады